ஶ்ரீமத்வால்மீகீய ராமாயணே அயோத்யாகாண்டம் ।
அத ஏகோநநவதிதமஸ்ஸர்கஃ ।
உஷ்ய ராத்ரிம் து தத்ரைவ கங்காகூலே ஸ ராகவஃ ।
பரதஃ கால்யமுத்தாய ஶத்ருக்நமிதமப்ரவீத் ॥ 1 ॥
ஶத்ருக்நோத்திஷ்ட கிம் ஶேஷே நிஷாதாதிபதிம் குஹம் ।
ஶீக்ரமாநய பத்ரம் தே தாரயிஷ்யதி வாஹிநீம் ॥ 2 ॥
ஜாகர்மி நாஹம் ஸ்வபிமி தமேவாऽர்யம் விசிந்தயந் ।
இத்யேவமப்ரவீத்ப்ராத்தா ஶத்ருக்நோऽபி ப்ரசோதிதஃ ॥ 3 ॥
இதி ஸம்வததோரேவமந்யோந்யம் நரஸிம்ஹயோஃ ।
ஆகம்ய ப்ராஞ்ஜலிஃ காலே குஹோ பரதமப்ரவீத் ॥ 4 ॥
கச்சித்ஸுகம் நதீதீரேऽவாத்ஸீஃ காகுத்ஸ்த ஶர்வரீம் ।
கச்சித்தே ஸஹ ஸைந்யஸ்ய தாவத்ஸர்வமநாமயம் ॥ 5 ॥
குஹஸ்ய வசநம் ஶ்ருத்வா தத்து ஸ்நேஹாதுதீரிதம் ।
ராமஸ்யாநுவஶோ வாக்யம் பரதோऽபீதமப்ரவீத் ॥ 6 ॥
ஸுகா ந ஶ்ஶர்வரீ ராஜந் பூஜிதாஶ்சாபி தே வயம் ।
கங்காம் து நௌபிர்பஹ்வீபிர்தாஶாஸ்ஸந்தாரயந்து நஃ ॥ 7 ॥
ததோ குஹ ஸ்ஸந்த்வரிதம் ஶ்ருத்வா பரதஶாஸநம் ।
ப்ரதி ப்ரவிஶ்ய நகரம் தம் ஜ்ஞாதிஜநமப்ரவீத் ॥ 8 ॥
உத்திஷ்டத ப்ரபுத்யத்வம் பத்ரமஸ்து ச வஸ்ஸதா ।
நாவ ஸ்ஸமநுகர்ஷத்வம் தாரயிஷ்யாம வாஹிநீம் ॥ 9 ॥
தே ததோக்தா ஸ்ஸமுத்தாய த்வரிதா ராஜஶாஸநாத் ।
பஞ்சநாவாம் ஶதாந்யாஶு ஸமாநிந்யுஸ்ஸமந்ததஃ ॥ 10 ॥
அந்யா ஸ்ஸ்வஸ்திகவிஜ்ஞேயா மஹாகண்டாதரா வராஃ ।
ஶோபமாநாஃ பதாகாபிர்யுக்தவாதாஸ்ஸுஸம்ஹதாஃ ॥ 11 ॥
தத ஸ்ஸ்வஸ்திகவிஜ்ஞேயாம் பாண்டுகம்பலஸம்வ்ரு'தாம் ।
ஸநந்திகோஷாம் கல்யாணீம் குஹோ நாவமுபாஹரத் ॥ 12 ॥
தாமாருரோஹ பரதஶ்ஶத்ருக்நஶ்ச மஹாபலஃ ।
கௌஸல்யா ச ஸுமித்ரா ச யாஶ்சாந்யா ராஜயோஷிதஃ ॥ 13 ॥
புரோஹிதஶ்ச தத்பூர்வம் குரவோ ப்ராஹ்மணாஶ்ச யே ।
அநந்தரம் ராஜதாராஸ்ததைவ ஶகடாபணாஃ ॥ 14 ॥
ஆவாஸமாதீபயதாம் தீர்தம் சாப்யவகாஹதாம் ।
பாண்டாநி சாததாநாநாம் கோஷஸ்த்ரிதிவமஸ்ப்ரு'ஶத் ॥ 15 ॥
பதாகிந்யஸ்து தா நாவஸ்ஸ்வயம் தாஶைரதிஷ்டிதாஃ ।
வஹந்த்யோ ஜநமாரூடம் ததா ஸம்பேதுராஶுகாஃ ॥ 16 ॥
நாரீணாமபிபூர்ணா ஸ்து காஶ்சித் காஶ்சிச்ச வாஜிநாம் ।
காஶ்சிதத்ர வஹந்தி ஸ்ம யாநயுக்யம் மஹாதநம் ॥ 17 ॥
தா ஸ்ஸ்ம கத்வா பரம் தீரமவரோப்ய ச தம் ஜநம் ।
நிவ்ரு'த்தாஃ காண்டசித்ராணி க்ரியந்தே தாஶபந்துபிஃ ॥ 18 ॥
ஸவைஜயந்தாஸ்து கஜா கஜாரோஹப்ரசோதிதாஃ ।
தரந்த ஸ்ஸ்ம ப்ரகாஶந்தே ஸத்வஜா இவ பர்வதாஃ ॥ 19 ॥
நாவஸ்த்வாருருஹுஶ்சாந்யே ப்லவைஸ்தேரு ஸ்ததாபரே ।
அந்யே கும்பகடைஸ்தேருரந்யேதேருஶ்ச பாஹுபிஃ ॥ 20 ॥
ஸா புண்யா த்வஜிநீ கங்காம் தாஶைஸ்ஸந்தாரிதா ஸ்வயம் ।
மைத்ரே முஹூர்தே ப்ரயயௌ ப்ரயாகவநமுத்தமம் ॥ 21 ॥
ஆஶ்வாஸயித்வா ச சமூம் மஹாத்மா நிவேஶயித்வா ச யதோபஜோஷம் ।
த்ரஷ்டும் பரத்வாஜம்ரு'ஷிப்ரவர்ய ம்ரு'த்விக்வ்ரு'தஸ்ஸந்பரதஃ ப்ரதஸ்தே ॥ 22 ॥
ஸ ப்ராஹ்மணஸ்யாऽஶ்ரமமப்யுபேத்ய மஹாத்மநோ தேவபுரோஹிதஸ்ய ।
ததர்ஶ ரம்யோடஜவ்ரு'க்ஷஷண்டம் மஹத்வநம் விப்ரவரஸ்ய ரம்யம் ॥ 23 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே ஏகோநநவதிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha ekonanavatitamassargaḥ |
uṣya rātriṃ tu tatraiva gaṅgākūle sa rāghavaḥ |
bharataḥ kālyamutthāya śatrughnamidamabravīt || 1 ||
śatrughnottiṣṭha kiṃ śeṣe niṣādādhipatiṃ guham |
śīghramānaya bhadraṃ te tārayiṣyati vāhinīm || 2 ||
jāgarmi nāhaṃ svapimi tamevā'ryaṃ vicintayan |
ityevamabravīdbhrāttā śatrughno'pi pracoditaḥ || 3 ||
iti saṃvadatorevamanyonyaṃ narasiṃhayoḥ |
āgamya prāñjaliḥ kāle guho bharatamabravīt || 4 ||
kaccitsukhaṃ nadītīre'vātsīḥ kākutstha śarvarīm |
kaccitte saha sainyasya tāvatsarvamanāmayam || 5 ||
guhasya vacanaṃ śrutvā tattu snehādudīritam |
rāmasyānuvaśo vākyaṃ bharato'pīdamabravīt || 6 ||
sukhā na śśarvarī rājan pūjitāścāpi te vayam |
gaṅgāṃ tu naubhirbahvībhirdāśāssantārayantu naḥ || 7 ||
tato guha ssantvaritaṃ śrutvā bharataśāsanam |
prati praviśya nagaraṃ taṃ jñātijanamabravīt || 8 ||
uttiṣṭhata prabudhyadhvaṃ bhadramastu ca vassadā |
nāva ssamanukarṣadhvaṃ tārayiṣyāma vāhinīm || 9 ||
te tathoktā ssamutthāya tvaritā rājaśāsanāt |
pañcanāvāṃ śatānyāśu samāninyussamantataḥ || 10 ||
anyā ssvastikavijñeyā mahāghaṇṭādharā varāḥ |
śobhamānāḥ patākābhiryuktavātāssusaṃhatāḥ || 11 ||
tata ssvastikavijñeyāṃ pāṇḍukambalasaṃvṛtām |
sanandighoṣāṃ kalyāṇīṃ guho nāvamupāharat || 12 ||
tāmāruroha bharataśśatrughnaśca mahābalaḥ |
kausalyā ca sumitrā ca yāścānyā rājayoṣitaḥ || 13 ||
purohitaśca tatpūrvaṃ guravo brāhmaṇāśca ye |
anantaraṃ rājadārāstadaiva śakaṭāpaṇāḥ || 14 ||
āvāsamādīpayatāṃ tīrthaṃ cāpyavagāhatām |
bhāṇḍāni cādadānānāṃ ghoṣastridivamaspṛśat || 15 ||
patākinyastu tā nāvassvayaṃ dāśairadhiṣṭhitāḥ |
vahantyo janamārūḍhaṃ tadā sampeturāśugāḥ || 16 ||
nārīṇāmabhipūrṇā stu kāścit kāścicca vājinām |
kāścidatra vahanti sma yānayugyaṃ mahādhanam || 17 ||
tā ssma gatvā paraṃ tīramavaropya ca taṃ janam |
nivṛttāḥ kāṇḍacitrāṇi kriyante dāśabandhubhiḥ || 18 ||
savaijayantāstu gajā gajārohapracoditāḥ |
taranta ssma prakāśante sadhvajā iva parvatāḥ || 19 ||
nāvastvāruruhuścānye plavaisteru stathāpare |
anye kumbhaghaṭaisteruranyeteruśca bāhubhiḥ || 20 ||
sā puṇyā dhvajinī gaṅgāṃ dāśaissantāritā svayam |
maitre muhūrte prayayau prayāgavanamuttamam || 21 ||
āśvāsayitvā ca camūṃ mahātmā niveśayitvā ca yathopajoṣam |
draṣṭuṃ bharadvājamṛṣipravarya mṛtvigvṛtassanbharataḥ pratasthe || 22 ||
sa brāhmaṇasyā'śramamabhyupetya mahātmano devapurohitasya |
dadarśa ramyoṭajavṛkṣaṣaṇḍaṃ mahadvanaṃ vipravarasya ramyam || 23 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ekonanavatitamassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ एकोननवतितमस्सर्गः ।
उष्य रात्रिं तु तत्रैव गङ्गाकूले स राघवः ।
भरतः काल्यमुत्थाय शत्रुघ्नमिदमब्रवीत् ॥ 1 ॥
शत्रुघ्नोत्तिष्ठ किं शेषे निषादाधिपतिं गुहम् ।
शीघ्रमानय भद्रं ते तारयिष्यति वाहिनीम् ॥ 2 ॥
जागर्मि नाहं स्वपिमि तमेवाऽर्यं विचिन्तयन् ।
इत्येवमब्रवीद्भ्रात्ता शत्रुघ्नोऽपि प्रचोदितः ॥ 3 ॥
इति संवदतोरेवमन्योन्यं नरसिंहयोः ।
आगम्य प्राञ्जलिः काले गुहो भरतमब्रवीत् ॥ 4 ॥
कच्चित्सुखं नदीतीरेऽवात्सीः काकुत्स्थ शर्वरीम् ।
कच्चित्ते सह सैन्यस्य तावत्सर्वमनामयम् ॥ 5 ॥
गुहस्य वचनं श्रुत्वा तत्तु स्नेहादुदीरितम् ।
रामस्यानुवशो वाक्यं भरतोऽपीदमब्रवीत् ॥ 6 ॥
सुखा न श्शर्वरी राजन् पूजिताश्चापि ते वयम् ।
गङ्गां तु नौभिर्बह्वीभिर्दाशास्सन्तारयन्तु नः ॥ 7 ॥
ततो गुह स्सन्त्वरितं श्रुत्वा भरतशासनम् ।
प्रति प्रविश्य नगरं तं ज्ञातिजनमब्रवीत् ॥ 8 ॥
उत्तिष्ठत प्रबुध्यध्वं भद्रमस्तु च वस्सदा ।
नाव स्समनुकर्षध्वं तारयिष्याम वाहिनीम् ॥ 9 ॥
ते तथोक्ता स्समुत्थाय त्वरिता राजशासनात् ।
पञ्चनावां शतान्याशु समानिन्युस्समन्ततः ॥ 10 ॥
अन्या स्स्वस्तिकविज्ञेया महाघण्टाधरा वराः ।
शोभमानाः पताकाभिर्युक्तवातास्सुसंहताः ॥ 11 ॥
तत स्स्वस्तिकविज्ञेयां पाण्डुकम्बलसंवृताम् ।
सनन्दिघोषां कल्याणीं गुहो नावमुपाहरत् ॥ 12 ॥
तामारुरोह भरतश्शत्रुघ्नश्च महाबलः ।
कौसल्या च सुमित्रा च याश्चान्या राजयोषितः ॥ 13 ॥
पुरोहितश्च तत्पूर्वं गुरवो ब्राह्मणाश्च ये ।
अनन्तरं राजदारास्तदैव शकटापणाः ॥ 14 ॥
आवासमादीपयतां तीर्थं चाप्यवगाहताम् ।
भाण्डानि चाददानानां घोषस्त्रिदिवमस्पृशत् ॥ 15 ॥
पताकिन्यस्तु ता नावस्स्वयं दाशैरधिष्ठिताः ।
वहन्त्यो जनमारूढं तदा सम्पेतुराशुगाः ॥ 16 ॥
नारीणामभिपूर्णा स्तु काश्चित् काश्चिच्च वाजिनाम् ।
काश्चिदत्र वहन्ति स्म यानयुग्यं महाधनम् ॥ 17 ॥
ता स्स्म गत्वा परं तीरमवरोप्य च तं जनम् ।
निवृत्ताः काण्डचित्राणि क्रियन्ते दाशबन्धुभिः ॥ 18 ॥
सवैजयन्तास्तु गजा गजारोहप्रचोदिताः ।
तरन्त स्स्म प्रकाशन्ते सध्वजा इव पर्वताः ॥ 19 ॥
नावस्त्वारुरुहुश्चान्ये प्लवैस्तेरु स्तथापरे ।
अन्ये कुम्भघटैस्तेरुरन्येतेरुश्च बाहुभिः ॥ 20 ॥
सा पुण्या ध्वजिनी गङ्गां दाशैस्सन्तारिता स्वयम् ।
मैत्रे मुहूर्ते प्रययौ प्रयागवनमुत्तमम् ॥ 21 ॥
आश्वासयित्वा च चमूं महात्मा निवेशयित्वा च यथोपजोषम् ।
द्रष्टुं भरद्वाजमृषिप्रवर्य मृत्विग्वृतस्सन्भरतः प्रतस्थे ॥ 22 ॥
स ब्राह्मणस्याऽश्रममभ्युपेत्य महात्मनो देवपुरोहितस्य ।
ददर्श रम्योटजवृक्षषण्डं महद्वनं विप्रवरस्य रम्यम् ॥ 23 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे एकोननवतितमस्सर्गः ॥
śrīmadvālmīkīya rāmāyaṇe ayodhyākāṇḍam |
atha ekonanavatitamassargaḥ |
uṣya rātriṃ tu tatraiva gaṅgākūle sa rāghavaḥ |
bharataḥ kālyamutthāya śatrughnamidamabravīt || 1 ||
śatrughnottiṣṭha kiṃ śeṣe niṣādādhipatiṃ guham |
śīghramānaya bhadraṃ te tārayiṣyati vāhinīm || 2 ||
jāgarmi nāhaṃ svapimi tamevā'ryaṃ vicintayan |
ityevamabravīdbhrāttā śatrughno'pi pracoditaḥ || 3 ||
iti saṃvadatorevamanyonyaṃ narasiṃhayoḥ |
āgamya prāñjaliḥ kāle guho bharatamabravīt || 4 ||
kaccitsukhaṃ nadītīre'vātsīḥ kākutstha śarvarīm |
kaccitte saha sainyasya tāvatsarvamanāmayam || 5 ||
guhasya vacanaṃ śrutvā tattu snehādudīritam |
rāmasyānuvaśo vākyaṃ bharato'pīdamabravīt || 6 ||
sukhā na śśarvarī rājan pūjitāścāpi te vayam |
gaṅgāṃ tu naubhirbahvībhirdāśāssantārayantu naḥ || 7 ||
tato guha ssantvaritaṃ śrutvā bharataśāsanam |
prati praviśya nagaraṃ taṃ jñātijanamabravīt || 8 ||
uttiṣṭhata prabudhyadhvaṃ bhadramastu ca vassadā |
nāva ssamanukarṣadhvaṃ tārayiṣyāma vāhinīm || 9 ||
te tathoktā ssamutthāya tvaritā rājaśāsanāt |
pañcanāvāṃ śatānyāśu samāninyussamantataḥ || 10 ||
anyā ssvastikavijñeyā mahāghaṇṭādharā varāḥ |
śobhamānāḥ patākābhiryuktavātāssusaṃhatāḥ || 11 ||
tata ssvastikavijñeyāṃ pāṇḍukambalasaṃvṛtām |
sanandighoṣāṃ kalyāṇīṃ guho nāvamupāharat || 12 ||
tāmāruroha bharataśśatrughnaśca mahābalaḥ |
kausalyā ca sumitrā ca yāścānyā rājayoṣitaḥ || 13 ||
purohitaśca tatpūrvaṃ guravo brāhmaṇāśca ye |
anantaraṃ rājadārāstadaiva śakaṭāpaṇāḥ || 14 ||
āvāsamādīpayatāṃ tīrthaṃ cāpyavagāhatām |
bhāṇḍāni cādadānānāṃ ghoṣastridivamaspṛśat || 15 ||
patākinyastu tā nāvassvayaṃ dāśairadhiṣṭhitāḥ |
vahantyo janamārūḍhaṃ tadā sampeturāśugāḥ || 16 ||
nārīṇāmabhipūrṇā stu kāścit kāścicca vājinām |
kāścidatra vahanti sma yānayugyaṃ mahādhanam || 17 ||
tā ssma gatvā paraṃ tīramavaropya ca taṃ janam |
nivṛttāḥ kāṇḍacitrāṇi kriyante dāśabandhubhiḥ || 18 ||
savaijayantāstu gajā gajārohapracoditāḥ |
taranta ssma prakāśante sadhvajā iva parvatāḥ || 19 ||
nāvastvāruruhuścānye plavaisteru stathāpare |
anye kumbhaghaṭaisteruranyeteruśca bāhubhiḥ || 20 ||
sā puṇyā dhvajinī gaṅgāṃ dāśaissantāritā svayam |
maitre muhūrte prayayau prayāgavanamuttamam || 21 ||
āśvāsayitvā ca camūṃ mahātmā niveśayitvā ca yathopajoṣam |
draṣṭuṃ bharadvājamṛṣipravarya mṛtvigvṛtassanbharataḥ pratasthe || 22 ||
sa brāhmaṇasyā'śramamabhyupetya mahātmano devapurohitasya |
dadarśa ramyoṭajavṛkṣaṣaṇḍaṃ mahadvanaṃ vipravarasya ramyam || 23 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ekonanavatitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.