ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਯੋਧ੍ਯਾਕਾਣ੍ਡਮ੍ ।
ਅਥ ਏਕੋਨਨਵਤਿਤਮਸ੍ਸਰ੍ਗਃ ।
ਉष੍ਯ ਰਾਤ੍ਰਿਂ ਤੁ ਤਤ੍ਰੈਵ ਗਙ੍ਗਾਕੂਲੇ ਸ ਰਾਘਵਃ ।
ਭਰਤਃ ਕਾਲ੍ਯਮੁਤ੍ਥਾਯ ਸ਼ਤ੍ਰੁਘ੍ਨਮਿਦਮਬ੍ਰਵੀਤ੍ ॥ 1 ॥
ਸ਼ਤ੍ਰੁਘ੍ਨੋਤ੍ਤਿष੍ਠ ਕਿਂ ਸ਼ੇषੇ ਨਿषਾਦਾਧਿਪਤਿਂ ਗੁਹਮ੍ ।
ਸ਼ੀਘ੍ਰਮਾਨਯ ਭਦ੍ਰਂ ਤੇ ਤਾਰਯਿष੍ਯਤਿ ਵਾਹਿਨੀਮ੍ ॥ 2 ॥
ਜਾਗਰ੍ਮਿ ਨਾਹਂ ਸ੍ਵਪਿਮਿ ਤਮੇਵਾऽਰ੍ਯਂ ਵਿਚਿਨ੍ਤਯਨ੍ ।
ਇਤ੍ਯੇਵਮਬ੍ਰਵੀਦ੍ਭ੍ਰਾਤ੍ਤਾ ਸ਼ਤ੍ਰੁਘ੍ਨੋऽਪਿ ਪ੍ਰਚੋਦਿਤਃ ॥ 3 ॥
ਇਤਿ ਸਂਵਦਤੋਰੇਵਮਨ੍ਯੋਨ੍ਯਂ ਨਰਸਿਂਹਯੋਃ ।
ਆਗਮ੍ਯ ਪ੍ਰਾਞ੍ਜਲਿਃ ਕਾਲੇ ਗੁਹੋ ਭਰਤਮਬ੍ਰਵੀਤ੍ ॥ 4 ॥
ਕਚ੍ਚਿਤ੍ਸੁਖਂ ਨਦੀਤੀਰੇऽਵਾਤ੍ਸੀਃ ਕਾਕੁਤ੍ਸ੍ਥ ਸ਼ਰ੍ਵਰੀਮ੍ ।
ਕਚ੍ਚਿਤ੍ਤੇ ਸਹ ਸੈਨ੍ਯਸ੍ਯ ਤਾਵਤ੍ਸਰ੍ਵਮਨਾਮਯਮ੍ ॥ 5 ॥
ਗੁਹਸ੍ਯ ਵਚਨਂ ਸ਼੍ਰੁਤ੍ਵਾ ਤਤ੍ਤੁ ਸ੍ਨੇਹਾਦੁਦੀਰਿਤਮ੍ ।
ਰਾਮਸ੍ਯਾਨੁਵਸ਼ੋ ਵਾਕ੍ਯਂ ਭਰਤੋऽਪੀਦਮਬ੍ਰਵੀਤ੍ ॥ 6 ॥
ਸੁਖਾ ਨ ਸ਼੍ਸ਼ਰ੍ਵਰੀ ਰਾਜਨ੍ ਪੂਜਿਤਾਸ਼੍ਚਾਪਿ ਤੇ ਵਯਮ੍ ।
ਗਙ੍ਗਾਂ ਤੁ ਨੌਭਿਰ੍ਬਹ੍ਵੀਭਿਰ੍ਦਾਸ਼ਾਸ੍ਸਨ੍ਤਾਰਯਨ੍ਤੁ ਨਃ ॥ 7 ॥
ਤਤੋ ਗੁਹ ਸ੍ਸਨ੍ਤ੍ਵਰਿਤਂ ਸ਼੍ਰੁਤ੍ਵਾ ਭਰਤਸ਼ਾਸਨਮ੍ ।
ਪ੍ਰਤਿ ਪ੍ਰਵਿਸ਼੍ਯ ਨਗਰਂ ਤਂ ਜ੍ਞਾਤਿਜਨਮਬ੍ਰਵੀਤ੍ ॥ 8 ॥
ਉਤ੍ਤਿष੍ਠਤ ਪ੍ਰਬੁਧ੍ਯਧ੍ਵਂ ਭਦ੍ਰਮਸ੍ਤੁ ਚ ਵਸ੍ਸਦਾ ।
ਨਾਵ ਸ੍ਸਮਨੁਕਰ੍षਧ੍ਵਂ ਤਾਰਯਿष੍ਯਾਮ ਵਾਹਿਨੀਮ੍ ॥ 9 ॥
ਤੇ ਤਥੋਕ੍ਤਾ ਸ੍ਸਮੁਤ੍ਥਾਯ ਤ੍ਵਰਿਤਾ ਰਾਜਸ਼ਾਸਨਾਤ੍ ।
ਪਞ੍ਚਨਾਵਾਂ ਸ਼ਤਾਨ੍ਯਾਸ਼ੁ ਸਮਾਨਿਨ੍ਯੁਸ੍ਸਮਨ੍ਤਤਃ ॥ 10 ॥
ਅਨ੍ਯਾ ਸ੍ਸ੍ਵਸ੍ਤਿਕਵਿਜ੍ਞੇਯਾ ਮਹਾਘਣ੍ਟਾਧਰਾ ਵਰਾਃ ।
ਸ਼ੋਭਮਾਨਾਃ ਪਤਾਕਾਭਿਰ੍ਯੁਕ੍ਤਵਾਤਾਸ੍ਸੁਸਂਹਤਾਃ ॥ 11 ॥
ਤਤ ਸ੍ਸ੍ਵਸ੍ਤਿਕਵਿਜ੍ਞੇਯਾਂ ਪਾਣ੍ਡੁਕਮ੍ਬਲਸਂਵृਤਾਮ੍ ।
ਸਨਨ੍ਦਿਘੋषਾਂ ਕਲ੍ਯਾਣੀਂ ਗੁਹੋ ਨਾਵਮੁਪਾਹਰਤ੍ ॥ 12 ॥
ਤਾਮਾਰੁਰੋਹ ਭਰਤਸ਼੍ਸ਼ਤ੍ਰੁਘ੍ਨਸ਼੍ਚ ਮਹਾਬਲਃ ।
ਕੌਸਲ੍ਯਾ ਚ ਸੁਮਿਤ੍ਰਾ ਚ ਯਾਸ਼੍ਚਾਨ੍ਯਾ ਰਾਜਯੋषਿਤਃ ॥ 13 ॥
ਪੁਰੋਹਿਤਸ਼੍ਚ ਤਤ੍ਪੂਰ੍ਵਂ ਗੁਰਵੋ ਬ੍ਰਾਹ੍ਮਣਾਸ਼੍ਚ ਯੇ ।
ਅਨਨ੍ਤਰਂ ਰਾਜਦਾਰਾਸ੍ਤਦੈਵ ਸ਼ਕਟਾਪਣਾਃ ॥ 14 ॥
ਆਵਾਸਮਾਦੀਪਯਤਾਂ ਤੀਰ੍ਥਂ ਚਾਪ੍ਯਵਗਾਹਤਾਮ੍ ।
ਭਾਣ੍ਡਾਨਿ ਚਾਦਦਾਨਾਨਾਂ ਘੋषਸ੍ਤ੍ਰਿਦਿਵਮਸ੍ਪृਸ਼ਤ੍ ॥ 15 ॥
ਪਤਾਕਿਨ੍ਯਸ੍ਤੁ ਤਾ ਨਾਵਸ੍ਸ੍ਵਯਂ ਦਾਸ਼ੈਰਧਿष੍ਠਿਤਾਃ ।
ਵਹਨ੍ਤ੍ਯੋ ਜਨਮਾਰੂਢਂ ਤਦਾ ਸਮ੍ਪੇਤੁਰਾਸ਼ੁਗਾਃ ॥ 16 ॥
ਨਾਰੀਣਾਮਭਿਪੂਰ੍ਣਾ ਸ੍ਤੁ ਕਾਸ਼੍ਚਿਤ੍ ਕਾਸ਼੍ਚਿਚ੍ਚ ਵਾਜਿਨਾਮ੍ ।
ਕਾਸ਼੍ਚਿਦਤ੍ਰ ਵਹਨ੍ਤਿ ਸ੍ਮ ਯਾਨਯੁਗ੍ਯਂ ਮਹਾਧਨਮ੍ ॥ 17 ॥
ਤਾ ਸ੍ਸ੍ਮ ਗਤ੍ਵਾ ਪਰਂ ਤੀਰਮਵਰੋਪ੍ਯ ਚ ਤਂ ਜਨਮ੍ ।
ਨਿਵृਤ੍ਤਾਃ ਕਾਣ੍ਡਚਿਤ੍ਰਾਣਿ ਕ੍ਰਿਯਨ੍ਤੇ ਦਾਸ਼ਬਨ੍ਧੁਭਿਃ ॥ 18 ॥
ਸਵੈਜਯਨ੍ਤਾਸ੍ਤੁ ਗਜਾ ਗਜਾਰੋਹਪ੍ਰਚੋਦਿਤਾਃ ।
ਤਰਨ੍ਤ ਸ੍ਸ੍ਮ ਪ੍ਰਕਾਸ਼ਨ੍ਤੇ ਸਧ੍ਵਜਾ ਇਵ ਪਰ੍ਵਤਾਃ ॥ 19 ॥
ਨਾਵਸ੍ਤ੍ਵਾਰੁਰੁਹੁਸ਼੍ਚਾਨ੍ਯੇ ਪ੍ਲਵੈਸ੍ਤੇਰੁ ਸ੍ਤਥਾਪਰੇ ।
ਅਨ੍ਯੇ ਕੁਮ੍ਭਘਟੈਸ੍ਤੇਰੁਰਨ੍ਯੇਤੇਰੁਸ਼੍ਚ ਬਾਹੁਭਿਃ ॥ 20 ॥
ਸਾ ਪੁਣ੍ਯਾ ਧ੍ਵਜਿਨੀ ਗਙ੍ਗਾਂ ਦਾਸ਼ੈਸ੍ਸਨ੍ਤਾਰਿਤਾ ਸ੍ਵਯਮ੍ ।
ਮੈਤ੍ਰੇ ਮੁਹੂਰ੍ਤੇ ਪ੍ਰਯਯੌ ਪ੍ਰਯਾਗਵਨਮੁਤ੍ਤਮਮ੍ ॥ 21 ॥
ਆਸ਼੍ਵਾਸਯਿਤ੍ਵਾ ਚ ਚਮੂਂ ਮਹਾਤ੍ਮਾ ਨਿਵੇਸ਼ਯਿਤ੍ਵਾ ਚ ਯਥੋਪਜੋषਮ੍ ।
ਦ੍ਰष੍ਟੁਂ ਭਰਦ੍ਵਾਜਮृषਿਪ੍ਰਵਰ੍ਯ ਮृਤ੍ਵਿਗ੍ਵृਤਸ੍ਸਨ੍ਭਰਤਃ ਪ੍ਰਤਸ੍ਥੇ ॥ 22 ॥
ਸ ਬ੍ਰਾਹ੍ਮਣਸ੍ਯਾऽਸ਼੍ਰਮਮਭ੍ਯੁਪੇਤ੍ਯ ਮਹਾਤ੍ਮਨੋ ਦੇਵਪੁਰੋਹਿਤਸ੍ਯ ।
ਦਦਰ੍ਸ਼ ਰਮ੍ਯੋਟਜਵृਕ੍षषਣ੍ਡਂ ਮਹਦ੍ਵਨਂ ਵਿਪ੍ਰਵਰਸ੍ਯ ਰਮ੍ਯਮ੍ ॥ 23 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਯੋਧ੍ਯਾਕਾਣ੍ਡੇ ਏਕੋਨਨਵਤਿਤਮਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha ekonanavatitamassargaḥ |
uṣya rātriṃ tu tatraiva gaṅgākūle sa rāghavaḥ |
bharataḥ kālyamutthāya śatrughnamidamabravīt || 1 ||
śatrughnottiṣṭha kiṃ śeṣe niṣādādhipatiṃ guham |
śīghramānaya bhadraṃ te tārayiṣyati vāhinīm || 2 ||
jāgarmi nāhaṃ svapimi tamevā'ryaṃ vicintayan |
ityevamabravīdbhrāttā śatrughno'pi pracoditaḥ || 3 ||
iti saṃvadatorevamanyonyaṃ narasiṃhayoḥ |
āgamya prāñjaliḥ kāle guho bharatamabravīt || 4 ||
kaccitsukhaṃ nadītīre'vātsīḥ kākutstha śarvarīm |
kaccitte saha sainyasya tāvatsarvamanāmayam || 5 ||
guhasya vacanaṃ śrutvā tattu snehādudīritam |
rāmasyānuvaśo vākyaṃ bharato'pīdamabravīt || 6 ||
sukhā na śśarvarī rājan pūjitāścāpi te vayam |
gaṅgāṃ tu naubhirbahvībhirdāśāssantārayantu naḥ || 7 ||
tato guha ssantvaritaṃ śrutvā bharataśāsanam |
prati praviśya nagaraṃ taṃ jñātijanamabravīt || 8 ||
uttiṣṭhata prabudhyadhvaṃ bhadramastu ca vassadā |
nāva ssamanukarṣadhvaṃ tārayiṣyāma vāhinīm || 9 ||
te tathoktā ssamutthāya tvaritā rājaśāsanāt |
pañcanāvāṃ śatānyāśu samāninyussamantataḥ || 10 ||
anyā ssvastikavijñeyā mahāghaṇṭādharā varāḥ |
śobhamānāḥ patākābhiryuktavātāssusaṃhatāḥ || 11 ||
tata ssvastikavijñeyāṃ pāṇḍukambalasaṃvṛtām |
sanandighoṣāṃ kalyāṇīṃ guho nāvamupāharat || 12 ||
tāmāruroha bharataśśatrughnaśca mahābalaḥ |
kausalyā ca sumitrā ca yāścānyā rājayoṣitaḥ || 13 ||
purohitaśca tatpūrvaṃ guravo brāhmaṇāśca ye |
anantaraṃ rājadārāstadaiva śakaṭāpaṇāḥ || 14 ||
āvāsamādīpayatāṃ tīrthaṃ cāpyavagāhatām |
bhāṇḍāni cādadānānāṃ ghoṣastridivamaspṛśat || 15 ||
patākinyastu tā nāvassvayaṃ dāśairadhiṣṭhitāḥ |
vahantyo janamārūḍhaṃ tadā sampeturāśugāḥ || 16 ||
nārīṇāmabhipūrṇā stu kāścit kāścicca vājinām |
kāścidatra vahanti sma yānayugyaṃ mahādhanam || 17 ||
tā ssma gatvā paraṃ tīramavaropya ca taṃ janam |
nivṛttāḥ kāṇḍacitrāṇi kriyante dāśabandhubhiḥ || 18 ||
savaijayantāstu gajā gajārohapracoditāḥ |
taranta ssma prakāśante sadhvajā iva parvatāḥ || 19 ||
nāvastvāruruhuścānye plavaisteru stathāpare |
anye kumbhaghaṭaisteruranyeteruśca bāhubhiḥ || 20 ||
sā puṇyā dhvajinī gaṅgāṃ dāśaissantāritā svayam |
maitre muhūrte prayayau prayāgavanamuttamam || 21 ||
āśvāsayitvā ca camūṃ mahātmā niveśayitvā ca yathopajoṣam |
draṣṭuṃ bharadvājamṛṣipravarya mṛtvigvṛtassanbharataḥ pratasthe || 22 ||
sa brāhmaṇasyā'śramamabhyupetya mahātmano devapurohitasya |
dadarśa ramyoṭajavṛkṣaṣaṇḍaṃ mahadvanaṃ vipravarasya ramyam || 23 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ekonanavatitamassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ एकोननवतितमस्सर्गः ।
उष्य रात्रिं तु तत्रैव गङ्गाकूले स राघवः ।
भरतः काल्यमुत्थाय शत्रुघ्नमिदमब्रवीत् ॥ 1 ॥
शत्रुघ्नोत्तिष्ठ किं शेषे निषादाधिपतिं गुहम् ।
शीघ्रमानय भद्रं ते तारयिष्यति वाहिनीम् ॥ 2 ॥
जागर्मि नाहं स्वपिमि तमेवाऽर्यं विचिन्तयन् ।
इत्येवमब्रवीद्भ्रात्ता शत्रुघ्नोऽपि प्रचोदितः ॥ 3 ॥
इति संवदतोरेवमन्योन्यं नरसिंहयोः ।
आगम्य प्राञ्जलिः काले गुहो भरतमब्रवीत् ॥ 4 ॥
कच्चित्सुखं नदीतीरेऽवात्सीः काकुत्स्थ शर्वरीम् ।
कच्चित्ते सह सैन्यस्य तावत्सर्वमनामयम् ॥ 5 ॥
गुहस्य वचनं श्रुत्वा तत्तु स्नेहादुदीरितम् ।
रामस्यानुवशो वाक्यं भरतोऽपीदमब्रवीत् ॥ 6 ॥
सुखा न श्शर्वरी राजन् पूजिताश्चापि ते वयम् ।
गङ्गां तु नौभिर्बह्वीभिर्दाशास्सन्तारयन्तु नः ॥ 7 ॥
ततो गुह स्सन्त्वरितं श्रुत्वा भरतशासनम् ।
प्रति प्रविश्य नगरं तं ज्ञातिजनमब्रवीत् ॥ 8 ॥
उत्तिष्ठत प्रबुध्यध्वं भद्रमस्तु च वस्सदा ।
नाव स्समनुकर्षध्वं तारयिष्याम वाहिनीम् ॥ 9 ॥
ते तथोक्ता स्समुत्थाय त्वरिता राजशासनात् ।
पञ्चनावां शतान्याशु समानिन्युस्समन्ततः ॥ 10 ॥
अन्या स्स्वस्तिकविज्ञेया महाघण्टाधरा वराः ।
शोभमानाः पताकाभिर्युक्तवातास्सुसंहताः ॥ 11 ॥
तत स्स्वस्तिकविज्ञेयां पाण्डुकम्बलसंवृताम् ।
सनन्दिघोषां कल्याणीं गुहो नावमुपाहरत् ॥ 12 ॥
तामारुरोह भरतश्शत्रुघ्नश्च महाबलः ।
कौसल्या च सुमित्रा च याश्चान्या राजयोषितः ॥ 13 ॥
पुरोहितश्च तत्पूर्वं गुरवो ब्राह्मणाश्च ये ।
अनन्तरं राजदारास्तदैव शकटापणाः ॥ 14 ॥
आवासमादीपयतां तीर्थं चाप्यवगाहताम् ।
भाण्डानि चाददानानां घोषस्त्रिदिवमस्पृशत् ॥ 15 ॥
पताकिन्यस्तु ता नावस्स्वयं दाशैरधिष्ठिताः ।
वहन्त्यो जनमारूढं तदा सम्पेतुराशुगाः ॥ 16 ॥
नारीणामभिपूर्णा स्तु काश्चित् काश्चिच्च वाजिनाम् ।
काश्चिदत्र वहन्ति स्म यानयुग्यं महाधनम् ॥ 17 ॥
ता स्स्म गत्वा परं तीरमवरोप्य च तं जनम् ।
निवृत्ताः काण्डचित्राणि क्रियन्ते दाशबन्धुभिः ॥ 18 ॥
सवैजयन्तास्तु गजा गजारोहप्रचोदिताः ।
तरन्त स्स्म प्रकाशन्ते सध्वजा इव पर्वताः ॥ 19 ॥
नावस्त्वारुरुहुश्चान्ये प्लवैस्तेरु स्तथापरे ।
अन्ये कुम्भघटैस्तेरुरन्येतेरुश्च बाहुभिः ॥ 20 ॥
सा पुण्या ध्वजिनी गङ्गां दाशैस्सन्तारिता स्वयम् ।
मैत्रे मुहूर्ते प्रययौ प्रयागवनमुत्तमम् ॥ 21 ॥
आश्वासयित्वा च चमूं महात्मा निवेशयित्वा च यथोपजोषम् ।
द्रष्टुं भरद्वाजमृषिप्रवर्य मृत्विग्वृतस्सन्भरतः प्रतस्थे ॥ 22 ॥
स ब्राह्मणस्याऽश्रममभ्युपेत्य महात्मनो देवपुरोहितस्य ।
ददर्श रम्योटजवृक्षषण्डं महद्वनं विप्रवरस्य रम्यम् ॥ 23 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे एकोननवतितमस्सर्गः ॥
śrīmadvālmīkīya rāmāyaṇe ayodhyākāṇḍam |
atha ekonanavatitamassargaḥ |
uṣya rātriṃ tu tatraiva gaṅgākūle sa rāghavaḥ |
bharataḥ kālyamutthāya śatrughnamidamabravīt || 1 ||
śatrughnottiṣṭha kiṃ śeṣe niṣādādhipatiṃ guham |
śīghramānaya bhadraṃ te tārayiṣyati vāhinīm || 2 ||
jāgarmi nāhaṃ svapimi tamevā'ryaṃ vicintayan |
ityevamabravīdbhrāttā śatrughno'pi pracoditaḥ || 3 ||
iti saṃvadatorevamanyonyaṃ narasiṃhayoḥ |
āgamya prāñjaliḥ kāle guho bharatamabravīt || 4 ||
kaccitsukhaṃ nadītīre'vātsīḥ kākutstha śarvarīm |
kaccitte saha sainyasya tāvatsarvamanāmayam || 5 ||
guhasya vacanaṃ śrutvā tattu snehādudīritam |
rāmasyānuvaśo vākyaṃ bharato'pīdamabravīt || 6 ||
sukhā na śśarvarī rājan pūjitāścāpi te vayam |
gaṅgāṃ tu naubhirbahvībhirdāśāssantārayantu naḥ || 7 ||
tato guha ssantvaritaṃ śrutvā bharataśāsanam |
prati praviśya nagaraṃ taṃ jñātijanamabravīt || 8 ||
uttiṣṭhata prabudhyadhvaṃ bhadramastu ca vassadā |
nāva ssamanukarṣadhvaṃ tārayiṣyāma vāhinīm || 9 ||
te tathoktā ssamutthāya tvaritā rājaśāsanāt |
pañcanāvāṃ śatānyāśu samāninyussamantataḥ || 10 ||
anyā ssvastikavijñeyā mahāghaṇṭādharā varāḥ |
śobhamānāḥ patākābhiryuktavātāssusaṃhatāḥ || 11 ||
tata ssvastikavijñeyāṃ pāṇḍukambalasaṃvṛtām |
sanandighoṣāṃ kalyāṇīṃ guho nāvamupāharat || 12 ||
tāmāruroha bharataśśatrughnaśca mahābalaḥ |
kausalyā ca sumitrā ca yāścānyā rājayoṣitaḥ || 13 ||
purohitaśca tatpūrvaṃ guravo brāhmaṇāśca ye |
anantaraṃ rājadārāstadaiva śakaṭāpaṇāḥ || 14 ||
āvāsamādīpayatāṃ tīrthaṃ cāpyavagāhatām |
bhāṇḍāni cādadānānāṃ ghoṣastridivamaspṛśat || 15 ||
patākinyastu tā nāvassvayaṃ dāśairadhiṣṭhitāḥ |
vahantyo janamārūḍhaṃ tadā sampeturāśugāḥ || 16 ||
nārīṇāmabhipūrṇā stu kāścit kāścicca vājinām |
kāścidatra vahanti sma yānayugyaṃ mahādhanam || 17 ||
tā ssma gatvā paraṃ tīramavaropya ca taṃ janam |
nivṛttāḥ kāṇḍacitrāṇi kriyante dāśabandhubhiḥ || 18 ||
savaijayantāstu gajā gajārohapracoditāḥ |
taranta ssma prakāśante sadhvajā iva parvatāḥ || 19 ||
nāvastvāruruhuścānye plavaisteru stathāpare |
anye kumbhaghaṭaisteruranyeteruśca bāhubhiḥ || 20 ||
sā puṇyā dhvajinī gaṅgāṃ dāśaissantāritā svayam |
maitre muhūrte prayayau prayāgavanamuttamam || 21 ||
āśvāsayitvā ca camūṃ mahātmā niveśayitvā ca yathopajoṣam |
draṣṭuṃ bharadvājamṛṣipravarya mṛtvigvṛtassanbharataḥ pratasthe || 22 ||
sa brāhmaṇasyā'śramamabhyupetya mahātmano devapurohitasya |
dadarśa ramyoṭajavṛkṣaṣaṇḍaṃ mahadvanaṃ vipravarasya ramyam || 23 ||
ityārṣe śrīmadrāmāyaṇe vālmīkīya ādikāvye ayodhyākāṇḍe ekonanavatitamassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.