ஶ்ரீமத்வால்மீகீய ராமாயணே அயோத்யாகாண்டம் ।
அத பஞ்சமஸ்ஸர்கஃ ।
ஸந்திஶ்ய ராமம் ந்ரு'பதி ஶ்ஶ்வோபாவிந்யபிஷேசநே ।
புரோஹிதம் ஸமாஹூய வஶிஷ்டமிதமப்ரவீத் ॥ 1 ॥
கச்சோபவாஸம் காகுத்ஸ்தம் காரயாத்ய தபோதந ।
ஶ்ரீயஶோராஜ்யலாபாய வத்வா ஸஹ யதவ்ரதம் ॥ 2 ॥
ததேதி ச ஸ ராஜாநமுக்த்வா வேதவிதாம் வரஃ ।
ஸ்வயம் வஸிஷ்டோ பகவாந்யயௌ ராமநிவேஶநம் ॥ 3 ॥
உபவாஸயிதும் ராமம் மந்த்ரவந்மந்த்ரகோவிதஃ ।
ப்ராஹ்மம் ரதவரம் யுக்தமாஸ்தாய ஸுத்ரு'டவ்ரதஃ ॥ 4 ॥
ஸ ராமபவநம் ப்ராப்ய பாண்டுராப்ரகநப்ரபம் ।
திஸ்ரஃ கக்ஷ்யா ரதேநைவ விவேஶமுநிஸத்தமஃ ॥ 5 ॥
தமாகதம்ரு'ஷிம் ராமஸ்த்வரந்நிவ ஸஸம்ப்ரமஃ ।
மாநயிஷ்யந்ஸமாநார்ஹம் நிஶ்சக்ராம நிவேஶநாத் ॥ 6 ॥
அப்யேத்ய த்வரமாணஶ்ச ரதாப்யாஶம் மநீஷிணஃ ।
ததோऽவதாரயாமாஸ பரிக்ரு'ஹ்ய ரதாத்ஸ்வயம் ॥ 7 ॥
ஸ சைநம் ப்ரஶ்ரிதம் த்ரு'ஷ்ட்வா ஸம்பாஷ்யாபிப்ரஸாத்ய ச ।
ப்ரியார்ஹம் ஹர்ஷயந்ராமமித்யுவாச புரோஹிதஃ ॥ 8 ॥
ப்ரஸந்நஸ்தே பிதா ராம யௌவராஜ்யமவாப்ஸ்யஸி ।
உபவாஸம் பவாநத்ய கரோது ஸஹ ஸீதயா ॥ 9 ॥
ப்ராதஸ்த்வாமபிஷேக்தா ஹி யௌவராஜ்யே நராதிபஃ ।
பிதா தஶரதஃ ப்ரீத்யா யயாதிம் நஹுஷோ யதா ॥ 10 ॥
இத்யுக்த்வா ஸ ததா ராமமுபவாஸம் யதவ்ரதம் ।
மந்த்ரவத்காரயாமாஸ வைதேஹ்யா ஸஹிதம் முநிஃ ॥ 11 ॥
ததோ யதாவத்ராமேண ஸ ராஜ்ஞோ குருரர்சிதஃ ।
அப்யநுஜ்ஞாப்ய காகுத்ஸ்தம் யயௌ ராமநிவேஶநாத் ॥ 12 ॥
ஸுஹ்ரு'த்பிஸ்தத்ர ராமோऽபி ஸஹாஸீநஃ ப்ரியம்வதைஃ ।
ஸபாஜிதோ விவேஶாऽத தாநநுஜ்ஞாப்ய ஸர்வஶஃ ॥ 13 ॥
ஹ்ரு'ஷ்டநாரீநரயுதம் ராமவேஶ்ம ததா பபௌ ।
யதா மத்தத்விஜகணம் ப்ரபுல்லநலிநம் ஸரஃ ॥ 14 ॥
ஸ ராஜபவநப்ரக்யாத்தஸ்மாத்ராமநிவேஶாநாத் ।
நிர்கத்ய தத்ரு'ஶே மார்கம் வஸிஷ்டோ ஜநஸம்வ்ரு'தம் ॥ 15 ॥
ப்ரு'ந்தப்ரு'ந்தைரயோத்யாயாம் ராஜமார்காஸ்ஸமந்ததஃ ।
பபூவுரபிஸம்பாதாஃ குதூஹலஜநைர்வ்ரு'தாஃ ॥ 16 ॥
ஜநப்ரு'ந்தோர்மிஸங்கர்ஷஹர்ஷஸ்வநவதஸ்ததா ।
பபூவ ராஜமார்கஸ்ய ஸாகரஸ்யேவ நிஸ்வநஃ ॥ 17 ॥
ஸிக்தஸம்ம்ரு'ஷ்டரத்யா ஹி ததஹர்வநமாலிநீ ।
ஆஸீதயோத்யாநகரீ ஸமுச்ச்ரிதக்ரு'ஹத்வஜா ॥ 18 ॥
ததா ஹ்யயோத்யாநிலயஃ ஸஸ்த்ரீபாலாபலோ ஜநஃ ।
ராமாபிஷேகமாகாங்க்ஷந்நாகாங்க்ஷதுதயம் ரவேஃ ॥ 19 ॥
ப்ரஜாலங்காரபூதம் ச ஜநஸ்யாநந்தவர்தநம் ।
உத்ஸுகோऽபூஜ்ஜநோ த்ரஷ்டும் தமயோத்யாமஹோத்ஸவம் ॥ 20 ॥
ஏவம் தஜ்ஜநஸம்பாதம் ராஜமார்கம் புரோஹிதஃ ।
வ்யூஹந்நிவ ஜநௌகம் தம் ஶநை ராஜகுலம் யயௌ ॥ 21 ॥
ஸிதாப்ரஶிகரப்ரக்யம் ப்ராஸாதமதிருஹ்ய ஸஃ ।
ஸமீயாய நரேந்த்ரேண ஶக்ரேணேவ ப்ரு'ஹஸ்பதிஃ ॥ 22 ॥
தமாகதமபிப்ரேக்ஷ்ய ஹித்வா ராஜாஸநம் ந்ரு'பஃ ।
பப்ரச்ச ஸ ச தஸ்மை தத்க்ரு'தமித்யப்யவேதயத் ॥ 23 ॥
சைவ ததா துல்யம் ஸஹாஸீநாஸ்ஸபாஸதஃ ।
ஆஸநேப்யஸ்ஸமுத்தஸ்துஃ பூஜயந்தஃ புரோஹிதம் ॥ 24 ॥
குருணா த்வப்யநுஜ்ஞாதோ மநுஜௌகம் விஸ்ரு'ஜ்ய தம் ।
விவேஶாந்தஃ புரம் ராஜா ஸிம்ஹோ கிரிகுஹாமிவ ॥ 25 ॥
ததக்ய்ரவேஷப்ரமதாஜநாகுலம் மஹேந்த்ரவேஶ்மப்ரதிமம் நிவேஶநம் ।
விதீபயம்ஶ்சாரு விவேஶ பார்திவ ஶ்ஶஶீவ தாராகணஸங்குலம் நபஃ ॥ 26 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அயோத்யாகாண்டே பஞ்சமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe ayodhyākāṇḍam |
atha pañcamassargaḥ |
sandiśya rāmaṃ nṛpati śśvobhāvinyabhiṣecane |
purohitaṃ samāhūya vaśiṣṭhamidamabravīt || 1 ||
gacchopavāsaṃ kākutsthaṃ kārayādya tapodhana |
śrīyaśorājyalābhāya vadhvā saha yatavratam || 2 ||
tatheti ca sa rājānamuktvā vedavidāṃ varaḥ |
svayaṃ vasiṣṭho bhagavānyayau rāmaniveśanam || 3 ||
upavāsayituṃ rāmaṃ mantravanmantrakovidaḥ |
brāhmaṃ rathavaraṃ yuktamāsthāya sudṛḍhavrataḥ || 4 ||
sa rāmabhavanaṃ prāpya pāṇḍurābhraghanaprabham |
tisraḥ kakṣyā rathenaiva viveśamunisattamaḥ || 5 ||
tamāgatamṛṣiṃ rāmastvaranniva sasambhramaḥ |
mānayiṣyansamānārhaṃ niścakrāma niveśanāt || 6 ||
abhyetya tvaramāṇaśca rathābhyāśaṃ manīṣiṇaḥ |
tato'vatārayāmāsa parigṛhya rathātsvayam || 7 ||
sa cainaṃ praśritaṃ dṛṣṭvā sambhāṣyābhiprasādya ca |
priyārhaṃ harṣayanrāmamityuvāca purohitaḥ || 8 ||
prasannaste pitā rāma yauvarājyamavāpsyasi |
upavāsaṃ bhavānadya karotu saha sītayā || 9 ||
prātastvāmabhiṣektā hi yauvarājye narādhipaḥ |
pitā daśarathaḥ prītyā yayātiṃ nahuṣo yathā || 10 ||
ityuktvā sa tadā rāmamupavāsaṃ yatavratam |
mantravatkārayāmāsa vaidehyā sahitaṃ muniḥ || 11 ||
tato yathāvadrāmeṇa sa rājño gururarcitaḥ |
abhyanujñāpya kākutsthaṃ yayau rāmaniveśanāt || 12 ||
suhṛdbhistatra rāmo'pi sahāsīnaḥ priyaṃvadaiḥ |
sabhājito viveśā'tha tānanujñāpya sarvaśaḥ || 13 ||
hṛṣṭanārīnarayutaṃ rāmaveśma tadā babhau |
yathā mattadvijagaṇaṃ praphullanalinaṃ saraḥ || 14 ||
sa rājabhavanaprakhyāttasmādrāmaniveśānāt |
nirgatya dadṛśe mārgaṃ vasiṣṭho janasaṃvṛtam || 15 ||
bṛndabṛndairayodhyāyāṃ rājamārgāssamantataḥ |
babhūvurabhisambādhāḥ kutūhalajanairvṛtāḥ || 16 ||
janabṛndormisaṅgharṣaharṣasvanavatastadā |
babhūva rājamārgasya sāgarasyeva nisvanaḥ || 17 ||
siktasammṛṣṭarathyā hi tadaharvanamālinī |
āsīdayodhyānagarī samucchritagṛhadhvajā || 18 ||
tadā hyayodhyānilayaḥ sastrībālābalo janaḥ |
rāmābhiṣekamākāṅkṣannākāṅkṣadudayaṃ raveḥ || 19 ||
prajālaṅkārabhūtaṃ ca janasyānandavardhanam |
utsuko'bhūjjano draṣṭuṃ tamayodhyāmahotsavam || 20 ||
evaṃ tajjanasambādhaṃ rājamārgaṃ purohitaḥ |
vyūhanniva janaughaṃ taṃ śanai rājakulaṃ yayau || 21 ||
sitābhraśikharaprakhyaṃ prāsādamadhiruhya saḥ |
samīyāya narendreṇa śakreṇeva bṛhaspatiḥ || 22 ||
tamāgatamabhiprekṣya hitvā rājāsanaṃ nṛpaḥ |
papraccha sa ca tasmai tatkṛtamityabhyavedayat || 23 ||
caiva tadā tulyaṃ sahāsīnāssabhāsadaḥ |
āsanebhyassamuttasthuḥ pūjayantaḥ purohitam || 24 ||
guruṇā tvabhyanujñāto manujaughaṃ visṛjya tam |
viveśāntaḥ puraṃ rājā siṃho giriguhāmiva || 25 ||
tadagyraveṣapramadājanākulaṃ mahendraveśmapratimaṃ niveśanam |
vidīpayaṃścāru viveśa pārthiva śśaśīva tārāgaṇasaṅkulaṃ nabhaḥ || 26 ||
ityārṣe śrīmadrāmāyaṇe vālmīkīya ādikāvye ayodhyākāṇḍe pañcamassargaḥ ||
Sanskrit — Devanagari (original)
श्रीमद्वाल्मीकीय रामायणे अयोध्याकाण्डम् ।
अथ पञ्चमस्सर्गः ।
सन्दिश्य रामं नृपति श्श्वोभाविन्यभिषेचने ।
पुरोहितं समाहूय वशिष्ठमिदमब्रवीत् ॥ 1 ॥
गच्छोपवासं काकुत्स्थं कारयाद्य तपोधन ।
श्रीयशोराज्यलाभाय वध्वा सह यतव्रतम् ॥ 2 ॥
तथेति च स राजानमुक्त्वा वेदविदां वरः ।
स्वयं वसिष्ठो भगवान्ययौ रामनिवेशनम् ॥ 3 ॥
उपवासयितुं रामं मन्त्रवन्मन्त्रकोविदः ।
ब्राह्मं रथवरं युक्तमास्थाय सुदृढव्रतः ॥ 4 ॥
स रामभवनं प्राप्य पाण्डुराभ्रघनप्रभम् ।
तिस्रः कक्ष्या रथेनैव विवेशमुनिसत्तमः ॥ 5 ॥
तमागतमृषिं रामस्त्वरन्निव ससम्भ्रमः ।
मानयिष्यन्समानार्हं निश्चक्राम निवेशनात् ॥ 6 ॥
अभ्येत्य त्वरमाणश्च रथाभ्याशं मनीषिणः ।
ततोऽवतारयामास परिगृह्य रथात्स्वयम् ॥ 7 ॥
स चैनं प्रश्रितं दृष्ट्वा सम्भाष्याभिप्रसाद्य च ।
प्रियार्हं हर्षयन्राममित्युवाच पुरोहितः ॥ 8 ॥
प्रसन्नस्ते पिता राम यौवराज्यमवाप्स्यसि ।
उपवासं भवानद्य करोतु सह सीतया ॥ 9 ॥
प्रातस्त्वामभिषेक्ता हि यौवराज्ये नराधिपः ।
पिता दशरथः प्रीत्या ययातिं नहुषो यथा ॥ 10 ॥
इत्युक्त्वा स तदा राममुपवासं यतव्रतम् ।
मन्त्रवत्कारयामास वैदेह्या सहितं मुनिः ॥ 11 ॥
ततो यथावद्रामेण स राज्ञो गुरुरर्चितः ।
अभ्यनुज्ञाप्य काकुत्स्थं ययौ रामनिवेशनात् ॥ 12 ॥
सुहृद्भिस्तत्र रामोऽपि सहासीनः प्रियंवदैः ।
सभाजितो विवेशाऽथ ताननुज्ञाप्य सर्वशः ॥ 13 ॥
हृष्टनारीनरयुतं रामवेश्म तदा बभौ ।
यथा मत्तद्विजगणं प्रफुल्लनलिनं सरः ॥ 14 ॥
स राजभवनप्रख्यात्तस्माद्रामनिवेशानात् ।
निर्गत्य ददृशे मार्गं वसिष्ठो जनसंवृतम् ॥ 15 ॥
बृन्दबृन्दैरयोध्यायां राजमार्गास्समन्ततः ।
बभूवुरभिसम्बाधाः कुतूहलजनैर्वृताः ॥ 16 ॥
जनबृन्दोर्मिसङ्घर्षहर्षस्वनवतस्तदा ।
बभूव राजमार्गस्य सागरस्येव निस्वनः ॥ 17 ॥
सिक्तसम्मृष्टरथ्या हि तदहर्वनमालिनी ।
आसीदयोध्यानगरी समुच्छ्रितगृहध्वजा ॥ 18 ॥
तदा ह्ययोध्यानिलयः सस्त्रीबालाबलो जनः ।
रामाभिषेकमाकाङ्क्षन्नाकाङ्क्षदुदयं रवेः ॥ 19 ॥
प्रजालङ्कारभूतं च जनस्यानन्दवर्धनम् ।
उत्सुकोऽभूज्जनो द्रष्टुं तमयोध्यामहोत्सवम् ॥ 20 ॥
एवं तज्जनसम्बाधं राजमार्गं पुरोहितः ।
व्यूहन्निव जनौघं तं शनै राजकुलं ययौ ॥ 21 ॥
सिताभ्रशिखरप्रख्यं प्रासादमधिरुह्य सः ।
समीयाय नरेन्द्रेण शक्रेणेव बृहस्पतिः ॥ 22 ॥
तमागतमभिप्रेक्ष्य हित्वा राजासनं नृपः ।
पप्रच्छ स च तस्मै तत्कृतमित्यभ्यवेदयत् ॥ 23 ॥
चैव तदा तुल्यं सहासीनास्सभासदः ।
आसनेभ्यस्समुत्तस्थुः पूजयन्तः पुरोहितम् ॥ 24 ॥
गुरुणा त्वभ्यनुज्ञातो मनुजौघं विसृज्य तम् ।
विवेशान्तः पुरं राजा सिंहो गिरिगुहामिव ॥ 25 ॥
तदग्य्रवेषप्रमदाजनाकुलं महेन्द्रवेश्मप्रतिमं निवेशनम् ।
विदीपयंश्चारु विवेश पार्थिव श्शशीव तारागणसङ्कुलं नभः ॥ 26 ॥
इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे पञ्चमस्सर्गः ॥
śrīmadvālmīkīya rāmāyaṇe ayodhyākāṇḍam |
atha pañcamassargaḥ |
sandiśya rāmaṃ nṛpati śśvobhāvinyabhiṣecane |
purohitaṃ samāhūya vaśiṣṭhamidamabravīt || 1 ||
gacchopavāsaṃ kākutsthaṃ kārayādya tapodhana |
śrīyaśorājyalābhāya vadhvā saha yatavratam || 2 ||
tatheti ca sa rājānamuktvā vedavidāṃ varaḥ |
svayaṃ vasiṣṭho bhagavānyayau rāmaniveśanam || 3 ||
upavāsayituṃ rāmaṃ mantravanmantrakovidaḥ |
brāhmaṃ rathavaraṃ yuktamāsthāya sudṛḍhavrataḥ || 4 ||
sa rāmabhavanaṃ prāpya pāṇḍurābhraghanaprabham |
tisraḥ kakṣyā rathenaiva viveśamunisattamaḥ || 5 ||
tamāgatamṛṣiṃ rāmastvaranniva sasambhramaḥ |
mānayiṣyansamānārhaṃ niścakrāma niveśanāt || 6 ||
abhyetya tvaramāṇaśca rathābhyāśaṃ manīṣiṇaḥ |
tato'vatārayāmāsa parigṛhya rathātsvayam || 7 ||
sa cainaṃ praśritaṃ dṛṣṭvā sambhāṣyābhiprasādya ca |
priyārhaṃ harṣayanrāmamityuvāca purohitaḥ || 8 ||
prasannaste pitā rāma yauvarājyamavāpsyasi |
upavāsaṃ bhavānadya karotu saha sītayā || 9 ||
prātastvāmabhiṣektā hi yauvarājye narādhipaḥ |
pitā daśarathaḥ prītyā yayātiṃ nahuṣo yathā || 10 ||
ityuktvā sa tadā rāmamupavāsaṃ yatavratam |
mantravatkārayāmāsa vaidehyā sahitaṃ muniḥ || 11 ||
tato yathāvadrāmeṇa sa rājño gururarcitaḥ |
abhyanujñāpya kākutsthaṃ yayau rāmaniveśanāt || 12 ||
suhṛdbhistatra rāmo'pi sahāsīnaḥ priyaṃvadaiḥ |
sabhājito viveśā'tha tānanujñāpya sarvaśaḥ || 13 ||
hṛṣṭanārīnarayutaṃ rāmaveśma tadā babhau |
yathā mattadvijagaṇaṃ praphullanalinaṃ saraḥ || 14 ||
sa rājabhavanaprakhyāttasmādrāmaniveśānāt |
nirgatya dadṛśe mārgaṃ vasiṣṭho janasaṃvṛtam || 15 ||
bṛndabṛndairayodhyāyāṃ rājamārgāssamantataḥ |
babhūvurabhisambādhāḥ kutūhalajanairvṛtāḥ || 16 ||
janabṛndormisaṅgharṣaharṣasvanavatastadā |
babhūva rājamārgasya sāgarasyeva nisvanaḥ || 17 ||
siktasammṛṣṭarathyā hi tadaharvanamālinī |
āsīdayodhyānagarī samucchritagṛhadhvajā || 18 ||
tadā hyayodhyānilayaḥ sastrībālābalo janaḥ |
rāmābhiṣekamākāṅkṣannākāṅkṣadudayaṃ raveḥ || 19 ||
prajālaṅkārabhūtaṃ ca janasyānandavardhanam |
utsuko'bhūjjano draṣṭuṃ tamayodhyāmahotsavam || 20 ||
evaṃ tajjanasambādhaṃ rājamārgaṃ purohitaḥ |
vyūhanniva janaughaṃ taṃ śanai rājakulaṃ yayau || 21 ||
sitābhraśikharaprakhyaṃ prāsādamadhiruhya saḥ |
samīyāya narendreṇa śakreṇeva bṛhaspatiḥ || 22 ||
tamāgatamabhiprekṣya hitvā rājāsanaṃ nṛpaḥ |
papraccha sa ca tasmai tatkṛtamityabhyavedayat || 23 ||
caiva tadā tulyaṃ sahāsīnāssabhāsadaḥ |
āsanebhyassamuttasthuḥ pūjayantaḥ purohitam || 24 ||
guruṇā tvabhyanujñāto manujaughaṃ visṛjya tam |
viveśāntaḥ puraṃ rājā siṃho giriguhāmiva || 25 ||
tadagyraveṣapramadājanākulaṃ mahendraveśmapratimaṃ niveśanam |
vidīpayaṃścāru viveśa pārthiva śśaśīva tārāgaṇasaṅkulaṃ nabhaḥ || 26 ||
ityārṣe śrīmadrāmāyaṇe vālmīkīya ādikāvye ayodhyākāṇḍe pañcamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.