ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਕਿष੍ਕਿਨ੍ਧਾਕਾਣ੍ਡਮ੍ ।
ਅਥ ਦ੍ਵਿਪਞ੍ਚਾਸ਼ਸ੍ਸਰ੍ਗਃ ।
ਅਥ ਤਾਨਬ੍ਰਵੀਤ੍ਸਰ੍ਵਾਨ੍ਵਿਸ਼੍ਰਾਨ੍ਤਾਨ੍ਹਰਿਯੂਥਪਾਨ੍ ।
ਇਦਂ ਵਚਨਮੇਕਾਗ੍ਰਾ ਤਾਪਸੀ ਧਰ੍ਮਚਾਰਿਣੀ ॥ 1 ॥
ਵਾਨਰਾ ਯਦਿ ਵਃ ਖੇਦਃ ਪ੍ਰਨष੍ਟਃ ਫਲਭਕ੍षਣਾਤ੍ ।
ਯਦਿ ਚੈਤਨ੍ਮਯਾ ਸ਼੍ਰਾਵ੍ਯਂ ਸ਼੍ਰੋਤੁਮਿਚ੍ਛਾਮਿ ਕਥ੍ਯਤਾਮ੍ ॥ 2 ॥
ਤਸ੍ਯਾਸ੍ਤਦ੍ਵਚਨਂ ਸ਼੍ਰੁਤ੍ਵਾ ਹਨੂਮਾਨ੍ਮਾਰੁਤਾਤ੍ਮਜਃ ।
ਆਰ੍ਜਵੇਨ ਯਥਾਤਤ੍ਤ੍ਵਮਾਖ੍ਯਾਤੁਮੁਪਚਕ੍ਰਮੇ ॥ 3 ॥
ਰਾਜਾ ਸਰ੍ਵਸ੍ਯ ਲੋਕਸ੍ਯ ਮਹੇਨ੍ਦ੍ਰਵਰੁਣੋਪਮਃ ।
ਰਾਮੋ ਦਾਸ਼ਰਥਿਸ਼੍ਸ਼ੀਮਾਨ੍ਪ੍ਰਵਿष੍ਟੋ ਦਣ੍ਡਕਾਵਨਮ੍ ॥ 4 ॥
ਲਕ੍ष੍ਮਣੇਨ ਸਹ ਭ੍ਰਾਤ੍ਰਾ ਵੈਦੇਹ੍ਯਾ ਚਾਪਿ ਭਾਰ੍ਯਯਾ ।
ਤਸ੍ਯ ਭਾਰ੍ਯਾ ਜਨਸ੍ਥਾਨਾਦ੍ਰਾਵਣੇਨ ਹृਤਾ ਬਲਾਤ੍ ॥ 5 ॥
ਵੀਰਸ੍ਤਸ੍ਯ ਸਖਾ ਰਾਜ੍ਞਸ੍ਸੁਗ੍ਰੀਵੋ ਨਾਮ ਵਾਨਰਃ ।
ਰਾਜਾ ਵਾਨਰਮੁਖ੍ਯਾਨਾਂ ਯੇਨ ਪ੍ਰਸ੍ਥਾਪਿਤਾ ਵਯਮ੍ ॥ 6 ॥
ਅਗਸ੍ਤ੍ਯਚਰਿਤਾਮਾਸ਼ਾਂ ਦਕ੍षਿਣਾਂ ਯਮਰਕ੍षਿਤਾਮ੍ ।
ਸਹੈਭਿਰ੍ਵਾਨਰੈਰ੍ਘੋਰੈਰਙ੍ਗਦਪ੍ਰਮੁਖੈਰ੍ਵਯਮ੍ ॥ 7 ॥
ਰਾਵਣਂ ਸਹਿਤਾਸ੍ਸਰ੍ਵੇ ਰਾਕ੍षਸਂ ਕਾਮਰੂਪਿਣਮ੍ ।
ਸੀਤਯਾ ਸਹ ਵੈਦੇਹ੍ਯਾ ਮਾਰ੍ਗਧ੍ਵਮਿਤਿ ਚੋਦਿਤਾਃ ॥ 8 ॥
ਵਿਚਿਤ੍ਯ ਤੁ ਵਯਂ ਸਰ੍ਵੇ ਸਮਗ੍ਰਾਂ ਦਕ੍षਿਣਾਂ ਦਿਸ਼ਮ੍ ।
ਪਰਿਤ੍ਰਾਨ੍ਤਾ ਬੁਭੁਕ੍षਿਤਾ ਵृਕ੍षਮੂਲਮੁਪਾਸ਼੍ਰਿਤਾਃ ॥ 9 ॥
ਵਿਵਰ੍ਣਵਦਨਾਸ੍ਸਰ੍ਵੇ ਸਰ੍ਵੇ ਧ੍ਯਾਨਪਰਾਯਣਾਃ ।
ਨਾਧਿਗਚ੍ਛਾਮਹੇ ਪਾਰਂ ਮਗ੍ਨਾਸ਼੍ਚਿਨ੍ਤਾਮਹਾਰ੍ਣਵੇ ॥ 10 ॥
ਚਾਰਯਨ੍ਤਸ੍ਤਤਸ਼੍ਚਕ੍षੁਰ੍ਦृष੍ਟਵਨ੍ਤੋ ਵਯਂ ਬਿਲਮ੍ ।
ਲਤਾਪਾਦਪਸਞ੍ਚ੍ਛਨ੍ਨਂ ਤਿਮਿਰੇਣ ਸਮਾਵृਤਮ੍ ॥ 11 ॥
ਅਸ੍ਮਾਦ੍ਧਂਸਾ ਜਲਕ੍ਲਿਨ੍ਨਾਃ ਪਕ੍षੈਸ੍ਸਲਿਲਵਿਸ੍ਰਵੈਃ ।
ਕੁਰਰਾਸ੍ਸਾਰਸਾਸ਼੍ਚੈਵ ਨਿष੍ਪਤਨ੍ਤਿ ਪਤਤ੍ਰਿਣਃ ॥ 12 ॥
ਸਾਧ੍ਵਤ੍ਰ ਪ੍ਰਵਿਸ਼ਾਮੇਤਿ ਮਯਾ ਤੂਕ੍ਤਾਃ ਪ੍ਲਵਙ੍ਗਮਾਃ ।
ਤੇषਾਮਪਿ ਹਿ ਸਰ੍ਵੇषਾਮਨੁਮਾਨਮੁਪਾਗਤਮ੍ ॥ 13 ॥
ਗਚ੍ਛਾਮ ਪ੍ਰਵਿਸ਼ਾਮੇਤਿ ਭਰ੍ਤृਕਾਰ੍ਯਤ੍ਵਰਾਨ੍ਵਿਤਾਃ ।
ਤਤੋ ਗਾਢਂ ਨਿਪਤਿਤਾ ਗृਹ੍ਯ ਹਸ੍ਤੌ ਪਰਸ੍ਪਰਮ੍ ॥ 14 ॥
ਇਦਂ ਪ੍ਰਵਿष੍ਟਾਸ੍ਸਹਸਾ ਬਿਲਂ ਤਿਮਿਰਸਂਵृਤਮ੍ ।
ਏਤਨ੍ਨਃ ਕਾਰ੍ਯਮੇਤੇਨ ਕृਤ੍ਯੇਨ ਵਯਮਾਗਤਾਃ ॥ 15 ॥
ਤ੍ਵਾਂ ਚੈਵੋਪਗਤਾਸ੍ਸਰ੍ਵੇ ਪਰਿਦ੍ਯੂਨਾ ਬੁਭੁਕ੍षਿਤਾਃ ।
ਆਤਿਥ੍ਯਧਰ੍ਮਦਤ੍ਤਾਨਿ ਮੂਲਾਨਿ ਚ ਫਲਾਨਿ ਚ ॥ 16 ॥
ਅਸ੍ਮਾਭਿਰੁਪਭੁਕ੍ਤਾਨਿ ਬੁਭੁਕ੍षਾਪਰਿਪੀਡਿਤੈਃ ।
ਯਤ੍ਤ੍ਵਯਾ ਰਕ੍षਿਤਾਸ੍ਸਰ੍ਵੇ ਮ੍ਰਿਯਮਾਣਾ ਬੁਭੁਕ੍षਯਾ ॥ 17 ॥
ਬ੍ਰੂਹਿ ਪ੍ਰਤ੍ਯੁਪਕਾਰਾਰ੍ਥਂ ਕਿਂ ਤੇ ਕੁਰ੍ਵਨ੍ਤੁ ਵਾਨਰਾਃ ।
ਏਵਮੁਕ੍ਤਾ ਤੁ ਧਰ੍ਮਜ੍ਞੈਰ੍ਵਾਨਰੈਸ੍ਤੈਸ੍ਸ੍ਵਯਮ੍ਪ੍ਰਭਾ ॥ 18 ॥
ਪ੍ਰਤ੍ਯੁਵਾਚ ਤਤਸ੍ਸਰ੍ਵਾਨਿਦਂ ਵਾਨਰਪੁਙ੍ਗਵਾਨ੍ ।
ਸਰ੍ਵੇषਾਂ ਪਰਿਤੁष੍ਟਾऽਸ੍ਮਿ ਵਾਨਰਾਣਾਂ ਤਰਸ੍ਵਿਨਾਮ੍ ॥ 19 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਕਿष੍ਕਿਨ੍ਧਾਕਾਣ੍ਡੇ ਦ੍ਵਿਪਞ੍ਚਾਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe kiṣkindhākāṇḍam |
atha dvipañcāśassargaḥ |
atha tānabravītsarvānviśrāntānhariyūthapān |
idaṃ vacanamekāgrā tāpasī dharmacāriṇī || 1 ||
vānarā yadi vaḥ khedaḥ pranaṣṭaḥ phalabhakṣaṇāt |
yadi caitanmayā śrāvyaṃ śrotumicchāmi kathyatām || 2 ||
tasyāstadvacanaṃ śrutvā hanūmānmārutātmajaḥ |
ārjavena yathātattvamākhyātumupacakrame || 3 ||
rājā sarvasya lokasya mahendravaruṇopamaḥ |
rāmo dāśarathiśśīmānpraviṣṭo daṇḍakāvanam || 4 ||
lakṣmaṇena saha bhrātrā vaidehyā cāpi bhāryayā |
tasya bhāryā janasthānādrāvaṇena hṛtā balāt || 5 ||
vīrastasya sakhā rājñassugrīvo nāma vānaraḥ |
rājā vānaramukhyānāṃ yena prasthāpitā vayam || 6 ||
agastyacaritāmāśāṃ dakṣiṇāṃ yamarakṣitām |
sahaibhirvānarairghorairaṅgadapramukhairvayam || 7 ||
rāvaṇaṃ sahitāssarve rākṣasaṃ kāmarūpiṇam |
sītayā saha vaidehyā mārgadhvamiti coditāḥ || 8 ||
vicitya tu vayaṃ sarve samagrāṃ dakṣiṇāṃ diśam |
paritrāntā bubhukṣitā vṛkṣamūlamupāśritāḥ || 9 ||
vivarṇavadanāssarve sarve dhyānaparāyaṇāḥ |
nādhigacchāmahe pāraṃ magnāścintāmahārṇave || 10 ||
cārayantastataścakṣurdṛṣṭavanto vayaṃ bilam |
latāpādapasañcchannaṃ timireṇa samāvṛtam || 11 ||
asmāddhaṃsā jalaklinnāḥ pakṣaissalilavisravaiḥ |
kurarāssārasāścaiva niṣpatanti patatriṇaḥ || 12 ||
sādhvatra praviśāmeti mayā tūktāḥ plavaṅgamāḥ |
teṣāmapi hi sarveṣāmanumānamupāgatam || 13 ||
gacchāma praviśāmeti bhartṛkāryatvarānvitāḥ |
tato gāḍhaṃ nipatitā gṛhya hastau parasparam || 14 ||
idaṃ praviṣṭāssahasā bilaṃ timirasaṃvṛtam |
etannaḥ kāryametena kṛtyena vayamāgatāḥ || 15 ||
tvāṃ caivopagatāssarve paridyūnā bubhukṣitāḥ |
ātithyadharmadattāni mūlāni ca phalāni ca || 16 ||
asmābhirupabhuktāni bubhukṣāparipīḍitaiḥ |
yattvayā rakṣitāssarve mriyamāṇā bubhukṣayā || 17 ||
brūhi pratyupakārārthaṃ kiṃ te kurvantu vānarāḥ |
evamuktā tu dharmajñairvānaraistaissvayamprabhā || 18 ||
pratyuvāca tatassarvānidaṃ vānarapuṅgavān |
sarveṣāṃ parituṣṭā'smi vānarāṇāṃ tarasvinām || 19 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe dvipañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे किष्किन्धाकाण्डम् ।
अथ द्विपञ्चाशस्सर्गः ।
अथ तानब्रवीत्सर्वान्विश्रान्तान्हरियूथपान् ।
इदं वचनमेकाग्रा तापसी धर्मचारिणी ॥ 1 ॥
वानरा यदि वः खेदः प्रनष्टः फलभक्षणात् ।
यदि चैतन्मया श्राव्यं श्रोतुमिच्छामि कथ्यताम् ॥ 2 ॥
तस्यास्तद्वचनं श्रुत्वा हनूमान्मारुतात्मजः ।
आर्जवेन यथातत्त्वमाख्यातुमुपचक्रमे ॥ 3 ॥
राजा सर्वस्य लोकस्य महेन्द्रवरुणोपमः ।
रामो दाशरथिश्शीमान्प्रविष्टो दण्डकावनम् ॥ 4 ॥
लक्ष्मणेन सह भ्रात्रा वैदेह्या चापि भार्यया ।
तस्य भार्या जनस्थानाद्रावणेन हृता बलात् ॥ 5 ॥
वीरस्तस्य सखा राज्ञस्सुग्रीवो नाम वानरः ।
राजा वानरमुख्यानां येन प्रस्थापिता वयम् ॥ 6 ॥
अगस्त्यचरितामाशां दक्षिणां यमरक्षिताम् ।
सहैभिर्वानरैर्घोरैरङ्गदप्रमुखैर्वयम् ॥ 7 ॥
रावणं सहितास्सर्वे राक्षसं कामरूपिणम् ।
सीतया सह वैदेह्या मार्गध्वमिति चोदिताः ॥ 8 ॥
विचित्य तु वयं सर्वे समग्रां दक्षिणां दिशम् ।
परित्रान्ता बुभुक्षिता वृक्षमूलमुपाश्रिताः ॥ 9 ॥
विवर्णवदनास्सर्वे सर्वे ध्यानपरायणाः ।
नाधिगच्छामहे पारं मग्नाश्चिन्तामहार्णवे ॥ 10 ॥
चारयन्तस्ततश्चक्षुर्दृष्टवन्तो वयं बिलम् ।
लतापादपसञ्च्छन्नं तिमिरेण समावृतम् ॥ 11 ॥
अस्माद्धंसा जलक्लिन्नाः पक्षैस्सलिलविस्रवैः ।
कुररास्सारसाश्चैव निष्पतन्ति पतत्रिणः ॥ 12 ॥
साध्वत्र प्रविशामेति मया तूक्ताः प्लवङ्गमाः ।
तेषामपि हि सर्वेषामनुमानमुपागतम् ॥ 13 ॥
गच्छाम प्रविशामेति भर्तृकार्यत्वरान्विताः ।
ततो गाढं निपतिता गृह्य हस्तौ परस्परम् ॥ 14 ॥
इदं प्रविष्टास्सहसा बिलं तिमिरसंवृतम् ।
एतन्नः कार्यमेतेन कृत्येन वयमागताः ॥ 15 ॥
त्वां चैवोपगतास्सर्वे परिद्यूना बुभुक्षिताः ।
आतिथ्यधर्मदत्तानि मूलानि च फलानि च ॥ 16 ॥
अस्माभिरुपभुक्तानि बुभुक्षापरिपीडितैः ।
यत्त्वया रक्षितास्सर्वे म्रियमाणा बुभुक्षया ॥ 17 ॥
ब्रूहि प्रत्युपकारार्थं किं ते कुर्वन्तु वानराः ।
एवमुक्ता तु धर्मज्ञैर्वानरैस्तैस्स्वयम्प्रभा ॥ 18 ॥
प्रत्युवाच ततस्सर्वानिदं वानरपुङ्गवान् ।
सर्वेषां परितुष्टाऽस्मि वानराणां तरस्विनाम् ॥ 19 ॥
इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे द्विपञ्चाशस्सर्गः ॥
śrīmadvālmīkīya rāmāyaṇe kiṣkindhākāṇḍam |
atha dvipañcāśassargaḥ |
atha tānabravītsarvānviśrāntānhariyūthapān |
idaṃ vacanamekāgrā tāpasī dharmacāriṇī || 1 ||
vānarā yadi vaḥ khedaḥ pranaṣṭaḥ phalabhakṣaṇāt |
yadi caitanmayā śrāvyaṃ śrotumicchāmi kathyatām || 2 ||
tasyāstadvacanaṃ śrutvā hanūmānmārutātmajaḥ |
ārjavena yathātattvamākhyātumupacakrame || 3 ||
rājā sarvasya lokasya mahendravaruṇopamaḥ |
rāmo dāśarathiśśīmānpraviṣṭo daṇḍakāvanam || 4 ||
lakṣmaṇena saha bhrātrā vaidehyā cāpi bhāryayā |
tasya bhāryā janasthānādrāvaṇena hṛtā balāt || 5 ||
vīrastasya sakhā rājñassugrīvo nāma vānaraḥ |
rājā vānaramukhyānāṃ yena prasthāpitā vayam || 6 ||
agastyacaritāmāśāṃ dakṣiṇāṃ yamarakṣitām |
sahaibhirvānarairghorairaṅgadapramukhairvayam || 7 ||
rāvaṇaṃ sahitāssarve rākṣasaṃ kāmarūpiṇam |
sītayā saha vaidehyā mārgadhvamiti coditāḥ || 8 ||
vicitya tu vayaṃ sarve samagrāṃ dakṣiṇāṃ diśam |
paritrāntā bubhukṣitā vṛkṣamūlamupāśritāḥ || 9 ||
vivarṇavadanāssarve sarve dhyānaparāyaṇāḥ |
nādhigacchāmahe pāraṃ magnāścintāmahārṇave || 10 ||
cārayantastataścakṣurdṛṣṭavanto vayaṃ bilam |
latāpādapasañcchannaṃ timireṇa samāvṛtam || 11 ||
asmāddhaṃsā jalaklinnāḥ pakṣaissalilavisravaiḥ |
kurarāssārasāścaiva niṣpatanti patatriṇaḥ || 12 ||
sādhvatra praviśāmeti mayā tūktāḥ plavaṅgamāḥ |
teṣāmapi hi sarveṣāmanumānamupāgatam || 13 ||
gacchāma praviśāmeti bhartṛkāryatvarānvitāḥ |
tato gāḍhaṃ nipatitā gṛhya hastau parasparam || 14 ||
idaṃ praviṣṭāssahasā bilaṃ timirasaṃvṛtam |
etannaḥ kāryametena kṛtyena vayamāgatāḥ || 15 ||
tvāṃ caivopagatāssarve paridyūnā bubhukṣitāḥ |
ātithyadharmadattāni mūlāni ca phalāni ca || 16 ||
asmābhirupabhuktāni bubhukṣāparipīḍitaiḥ |
yattvayā rakṣitāssarve mriyamāṇā bubhukṣayā || 17 ||
brūhi pratyupakārārthaṃ kiṃ te kurvantu vānarāḥ |
evamuktā tu dharmajñairvānaraistaissvayamprabhā || 18 ||
pratyuvāca tatassarvānidaṃ vānarapuṅgavān |
sarveṣāṃ parituṣṭā'smi vānarāṇāṃ tarasvinām || 19 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe dvipañcāśassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.