ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਸੁਨ੍ਦਰਕਾਣ੍ਡਮ੍ ।
ਅਥ ਏਕੋਨਵਿਂਸ਼ਸ੍ਸਰ੍ਗਃ ।
ਤਸ੍ਮਿਨ੍ਨੇਵ ਤਤਃ ਕਾਲੇ ਰਾਜਪੁਤ੍ਰੀ ਤ੍ਵਨਿਨ੍ਦਿਤਾ ।
ਰੂਪਯੌਵਨਸਮ੍ਪਨ੍ਨਂ ਭੂषਣੋਤ੍ਤਮਭੂषਿਤਮ੍ ॥ 1 ॥
ਤਤੋ ਦृष੍ਟ੍ਵੈਵ ਵੈਦੇਹੀ ਰਾਵਣਂ ਰਾਕ੍षਸਾਧਿਪਮ੍ ।
ਪ੍ਰਾਵੇਪਤ ਵਰਾਰੋਹਾ ਪ੍ਰਵਾਤੇ ਕਦਲੀ ਯਥਾ ॥ 2 ॥
ਆਚ੍ਛਾਦ੍ਯੋਦਰਮੂਰੁਭ੍ਯਾਂ ਬਾਹੁਭ੍ਯਾਂ ਚ ਪਯੋਧਰੌ ।
ਉਪਵਿष੍ਟਾ ਵਿਸ਼ਾਲਾਕ੍षੀ ਰੁਦਨ੍ਤੀ ਵਰਵਰ੍ਣਿਨੀ ॥ 3 ॥
ਦਸ਼ਗ੍ਰੀਵਸ੍ਤੁ ਵੈਦੇਹੀਂ ਰਕ੍षਿਤਾਂ ਰਾਕ੍षਸੀਗਣੈਃ ।
ਦਦਰ੍ਸ਼ ਸੀਤਾਂ ਦੁਃਖਾਰ੍ਤਾਂ ਨਾਵਂ ਸਨ੍ਨਾਮਿਵਾਰ੍ਣਵੇ ॥ 4 ॥
ਅਸਂਵृਤਾਯਾਮਾਸੀਨਾਂ ਧਰਣ੍ਯਾਂ ਸਂਸ਼ਿਤਵ੍ਰਤਾਮ੍ ।
ਛਿਨ੍ਨਾਂ ਪ੍ਰਪਤਿਤਾਂ ਭੂਮੌ ਸ਼ਾਖਾਮਿਵ ਵਨਸ੍ਪਤੇਃ ॥ 5 ॥
ਮਲਮਣ੍ਡਨਚਿਤ੍ਰਾਙ੍ਗੀਂ ਮਣ੍ਡਨਾਰ੍ਹਾਮਮਣ੍ਡਿਤਾਮ੍ ।
ਮृਣਾਲੀ ਪਙ੍ਕਦਿਗ੍ਧੇਵ ਵਿਭਾਤਿ ਨ ਵਿਭਾਤਿ ਚ ॥ 6 ॥
ਸਮੀਪਂ ਰਾਜਸਿਂਹਸ੍ਯ ਰਾਮਸ੍ਯ ਵਿਦਿਤਾਤ੍ਮਨਃ ।
ਸਙ੍ਕਲ੍ਪਹਯਸਂਯੁਕ੍ਸੈਰ੍ਯਾਨ੍ਤੀਮਿਵ ਮਨੋਰਥੈਃ ॥ 7 ॥
ਸ਼ੁष੍ਯਨ੍ਤੀਂ ਰੁਦਤੀਮੇਕਾਂ ਧ੍ਯਾਨਸ਼ੋਕਪਰਾਯਣਾਮ੍ ।
ਦੁਃਖਸ੍ਯਾਨ੍ਤਮਪਸ਼੍ਯਨ੍ਤੀਂ ਰਾਮਾਂ ਰਾਮਮਨੁਵ੍ਰਤਾਮ੍ ॥ 8 ॥
ਵੇष੍ਟਮਾਨਾਂ ਤਥਾऽਵਿष੍ਟਾਂ ਪਨ੍ਨਗੇਨ੍ਦ੍ਰਵਧੂਮਿਵ ।
ਧੂਪ੍ਯਮਾਨਾਂ ਗ੍ਰਹੇਣੇਵ ਰੋਹਿਣੀਂ ਧੂਮਕੇਤੁਨਾ ॥ 9 ॥
ਵृਤ੍ਤਸ਼ੀਲਕੁਲੇ ਜਾਤਾਮਾਚਾਰਵਤਿ ਧਾਰ੍ਮਿਕੇ ।
ਪੁਨਃਸਂਸ੍ਕਾਰਮਾਪਨ੍ਨਾਂ ਜਾਤਾਮਿਵ ਚ ਦੁष੍ਕੁਲੇ ॥ 10 ॥
ਅਭੂਤੇਨਾਪਵਾਦੇਨ ਕੀਰ੍ਤਿਂ ਨਿਪਤਿਤਾਮਿਵ ।
ਆਮ੍ਨਾਯਾਨਾਮਯੋਗੇਨ ਵਿਦ੍ਯਾਂ ਪ੍ਰਸ਼ਿਥਿਲਾਮਿਵ ॥ 11 ॥
ਸਨ੍ਨਾਮਿਵ ਮਹਾਕੀਰ੍ਤਿਂ ਸ਼੍ਰਦ੍ਧਾਮਿਵ ਵਿਮਾਨਿਤਾਮ੍ ।
ਪੂਜਾਮਿਵ ਪਰਿਕ੍षੀਣਾਮਾਸ਼ਾਂ ਪ੍ਰਤਿਹਤਾਮਿਵ ॥ 12 ॥
ਆਯਤੀਮਿਵ ਵਿਧ੍ਵਸ੍ਤਾਮਾਜ੍ਞਾਂ ਪ੍ਰਤਿਹਤਾਮਿਵ ।
ਦੀਪ੍ਤਾਮਿਵ ਦਿਸ਼ਂ ਕਾਲੇ ਪੂਜਾਮਪਹृਤਾਮਿਵ ॥ 13 ॥
ਪਦ੍ਮਿਨੀਮਿਵ ਵਿਧ੍ਵਸ੍ਤਾਂ ਹਤਸ਼ੂਰਾਂ ਚਮੂਮਿਵ ।
ਪ੍ਰਭਾਮਿਵ ਤਮੋਧ੍ਵਸ੍ਤਾਮੁਪਕ੍षੀਣਾਮਿਵਾਪਗਾਮ੍ ॥ 14 ॥
ਵੇਦੀਮਿਵ ਪਰਾਮृष੍ਟਾਂ ਸ਼ਾਨ੍ਤਾਮਗ੍ਨਿਸ਼ਿਖਾਮਿਵ ।
ਪੌਰ੍ਣਮਾਸੀਮਿਵ ਨਿਸ਼ਾਂ ਰਾਹੁਗ੍ਰਸ੍ਤੇਨ੍ਦੁਮਣ੍ਡਲਾਮ੍ ॥ 15 ॥
ਉਤ੍ਕृष੍ਟਪਰ੍ਣਕਮਲਾਂ ਵਿਤ੍ਰਾਸਿਤਵਿਹਙ੍ਗਮਾਮ੍ ।
ਹਸ੍ਤਿਹਸ੍ਤਪਰਾਮृष੍ਟਾਮਾਕੁਲਾਂ ਪਦ੍ਮਿਨੀਮਿਵ ॥ 16 ॥
ਪਤਿਸ਼ੋਕਾਤੁਰਾਂ ਸ਼ੁष੍ਕਾਂ ਨਦੀਂ ਵਿਸ੍ਰਾਵਿਤਾਮਿਵ ।
ਪਰਯਾ ਮृਜਯਾ ਹੀਨਾਂ ਕृष੍ਣਪਕ੍षਨਿਸ਼ਾਮਿਵ ॥ 17 ॥
ਸੁਕੁਮਾਰੀਂ ਸੁਜਾਤਾਙ੍ਗੀਂ ਰਤ੍ਨਗਰ੍ਭਗृਹੋਚਿਤਾਮ੍ ।
ਤਪ੍ਯਮਾਨਾਮਿਵੋष੍ਣੇਨ ਮृਣਾਲੀਮਚਿਰੋਦ੍ਧृਤਾਮ੍ ॥ 18 ॥
ਗृਹੀਤਾਮਾਲਿਤਾਂ ਸ੍ਤਮ੍ਭੇ ਯੂਥਪੇਨ ਵਿਨਾਕृਤਾਮ੍ ।
ਨਿਃਸ਼੍ਵਸਨ੍ਤੀਂ ਸੁਦੁਃਖਾਰ੍ਤਾਂ ਗਜਰਾਜਵਧੂਮਿਵ ॥ 19 ॥
ਏਕਯਾ ਦੀਰ੍ਘਯਾ ਵੇਣ੍ਯਾ ਸ਼ੋਭਮਾਨਾਮਯਤ੍ਨਤਃ ।
ਨੀਲਯਾ ਨੀਰਦਾਪਾਯੇ ਵਨਰਾਜ੍ਯਾ ਮਹੀਮਿਵ ॥ 20 ॥
ਉਪਵਾਸੇਨ ਸ਼ੋਕੇਨ ਧ੍ਯਾਨੇਨ ਚ ਭਯੇਨ ਚ ।
ਪਰਿਕ੍षੀਣਾਂ ਕृਸ਼ਾਂ ਦੀਨਾਮਲ੍ਪਾਹਾਰਾਂ ਤਪੋਧਨਾਮ੍ ॥ 21 ॥
ਆਯਾਚਮਾਨਾਂ ਦੁਃਖਾਰ੍ਤਾਂ ਪ੍ਰਾਞ੍ਜਲਿਂ ਦੇਵਤਾਮਿਵ ।
ਭਾਵੇਨ ਰਘੁਮੁਖ੍ਯਸ੍ਯ ਦਸ਼ਗ੍ਰੀਵਪਰਾਭਵਮ੍ ॥ 22 ॥
ਸਮੀਕ੍षਮਾਣਾਂ ਰੁਦਤੀਮਨਿਨ੍ਦਿਤਾਂ ਸੁਪਕ੍ष੍ਮਤਾਮ੍ਰਾਯਤਸ਼ੁਕ੍ਲਲੋਚਨਾਮ੍ ।
ਅਨੁਵ੍ਰਤਾਂ ਰਾਮਮਤੀਵ ਮੈਥਿਲੀਂ ਪ੍ਰਲੋਭਯਾਮਾਸ ਵਧਾਯ ਰਾਵਣਃ ॥ 23 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਸੁਨ੍ਦਰਕਾਣ੍ਡੇ ਏਕੋਨਵਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe sundarakāṇḍam |
atha ekonaviṃśassargaḥ |
tasminneva tataḥ kāle rājaputrī tvaninditā |
rūpayauvanasampannaṃ bhūṣaṇottamabhūṣitam || 1 ||
tato dṛṣṭvaiva vaidehī rāvaṇaṃ rākṣasādhipam |
prāvepata varārohā pravāte kadalī yathā || 2 ||
ācchādyodaramūrubhyāṃ bāhubhyāṃ ca payodharau |
upaviṣṭā viśālākṣī rudantī varavarṇinī || 3 ||
daśagrīvastu vaidehīṃ rakṣitāṃ rākṣasīgaṇaiḥ |
dadarśa sītāṃ duḥkhārtāṃ nāvaṃ sannāmivārṇave || 4 ||
asaṃvṛtāyāmāsīnāṃ dharaṇyāṃ saṃśitavratām |
chinnāṃ prapatitāṃ bhūmau śākhāmiva vanaspateḥ || 5 ||
malamaṇḍanacitrāṅgīṃ maṇḍanārhāmamaṇḍitām |
mṛṇālī paṅkadigdheva vibhāti na vibhāti ca || 6 ||
samīpaṃ rājasiṃhasya rāmasya viditātmanaḥ |
saṅkalpahayasaṃyuksairyāntīmiva manorathaiḥ || 7 ||
śuṣyantīṃ rudatīmekāṃ dhyānaśokaparāyaṇām |
duḥkhasyāntamapaśyantīṃ rāmāṃ rāmamanuvratām || 8 ||
veṣṭamānāṃ tathā'viṣṭāṃ pannagendravadhūmiva |
dhūpyamānāṃ graheṇeva rohiṇīṃ dhūmaketunā || 9 ||
vṛttaśīlakule jātāmācāravati dhārmike |
punaḥsaṃskāramāpannāṃ jātāmiva ca duṣkule || 10 ||
abhūtenāpavādena kīrtiṃ nipatitāmiva |
āmnāyānāmayogena vidyāṃ praśithilāmiva || 11 ||
sannāmiva mahākīrtiṃ śraddhāmiva vimānitām |
pūjāmiva parikṣīṇāmāśāṃ pratihatāmiva || 12 ||
āyatīmiva vidhvastāmājñāṃ pratihatāmiva |
dīptāmiva diśaṃ kāle pūjāmapahṛtāmiva || 13 ||
padminīmiva vidhvastāṃ hataśūrāṃ camūmiva |
prabhāmiva tamodhvastāmupakṣīṇāmivāpagām || 14 ||
vedīmiva parāmṛṣṭāṃ śāntāmagniśikhāmiva |
paurṇamāsīmiva niśāṃ rāhugrastendumaṇḍalām || 15 ||
utkṛṣṭaparṇakamalāṃ vitrāsitavihaṅgamām |
hastihastaparāmṛṣṭāmākulāṃ padminīmiva || 16 ||
patiśokāturāṃ śuṣkāṃ nadīṃ visrāvitāmiva |
parayā mṛjayā hīnāṃ kṛṣṇapakṣaniśāmiva || 17 ||
sukumārīṃ sujātāṅgīṃ ratnagarbhagṛhocitām |
tapyamānāmivoṣṇena mṛṇālīmaciroddhṛtām || 18 ||
gṛhītāmālitāṃ stambhe yūthapena vinākṛtām |
niḥśvasantīṃ suduḥkhārtāṃ gajarājavadhūmiva || 19 ||
ekayā dīrghayā veṇyā śobhamānāmayatnataḥ |
nīlayā nīradāpāye vanarājyā mahīmiva || 20 ||
upavāsena śokena dhyānena ca bhayena ca |
parikṣīṇāṃ kṛśāṃ dīnāmalpāhārāṃ tapodhanām || 21 ||
āyācamānāṃ duḥkhārtāṃ prāñjaliṃ devatāmiva |
bhāvena raghumukhyasya daśagrīvaparābhavam || 22 ||
samīkṣamāṇāṃ rudatīmaninditāṃ supakṣmatāmrāyataśuklalocanām |
anuvratāṃ rāmamatīva maithilīṃ pralobhayāmāsa vadhāya rāvaṇaḥ || 23 ||
ityārṣe śrīmadrāmāyaṇe vālmīkīya ādikāvye sundarakāṇḍe ekonaviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे सुन्दरकाण्डम् ।
अथ एकोनविंशस्सर्गः ।
तस्मिन्नेव ततः काले राजपुत्री त्वनिन्दिता ।
रूपयौवनसम्पन्नं भूषणोत्तमभूषितम् ॥ 1 ॥
ततो दृष्ट्वैव वैदेही रावणं राक्षसाधिपम् ।
प्रावेपत वरारोहा प्रवाते कदली यथा ॥ 2 ॥
आच्छाद्योदरमूरुभ्यां बाहुभ्यां च पयोधरौ ।
उपविष्टा विशालाक्षी रुदन्ती वरवर्णिनी ॥ 3 ॥
दशग्रीवस्तु वैदेहीं रक्षितां राक्षसीगणैः ।
ददर्श सीतां दुःखार्तां नावं सन्नामिवार्णवे ॥ 4 ॥
असंवृतायामासीनां धरण्यां संशितव्रताम् ।
छिन्नां प्रपतितां भूमौ शाखामिव वनस्पतेः ॥ 5 ॥
मलमण्डनचित्राङ्गीं मण्डनार्हाममण्डिताम् ।
मृणाली पङ्कदिग्धेव विभाति न विभाति च ॥ 6 ॥
समीपं राजसिंहस्य रामस्य विदितात्मनः ।
सङ्कल्पहयसंयुक्सैर्यान्तीमिव मनोरथैः ॥ 7 ॥
शुष्यन्तीं रुदतीमेकां ध्यानशोकपरायणाम् ।
दुःखस्यान्तमपश्यन्तीं रामां राममनुव्रताम् ॥ 8 ॥
वेष्टमानां तथाऽविष्टां पन्नगेन्द्रवधूमिव ।
धूप्यमानां ग्रहेणेव रोहिणीं धूमकेतुना ॥ 9 ॥
वृत्तशीलकुले जातामाचारवति धार्मिके ।
पुनःसंस्कारमापन्नां जातामिव च दुष्कुले ॥ 10 ॥
अभूतेनापवादेन कीर्तिं निपतितामिव ।
आम्नायानामयोगेन विद्यां प्रशिथिलामिव ॥ 11 ॥
सन्नामिव महाकीर्तिं श्रद्धामिव विमानिताम् ।
पूजामिव परिक्षीणामाशां प्रतिहतामिव ॥ 12 ॥
आयतीमिव विध्वस्तामाज्ञां प्रतिहतामिव ।
दीप्तामिव दिशं काले पूजामपहृतामिव ॥ 13 ॥
पद्मिनीमिव विध्वस्तां हतशूरां चमूमिव ।
प्रभामिव तमोध्वस्तामुपक्षीणामिवापगाम् ॥ 14 ॥
वेदीमिव परामृष्टां शान्तामग्निशिखामिव ।
पौर्णमासीमिव निशां राहुग्रस्तेन्दुमण्डलाम् ॥ 15 ॥
उत्कृष्टपर्णकमलां वित्रासितविहङ्गमाम् ।
हस्तिहस्तपरामृष्टामाकुलां पद्मिनीमिव ॥ 16 ॥
पतिशोकातुरां शुष्कां नदीं विस्रावितामिव ।
परया मृजया हीनां कृष्णपक्षनिशामिव ॥ 17 ॥
सुकुमारीं सुजाताङ्गीं रत्नगर्भगृहोचिताम् ।
तप्यमानामिवोष्णेन मृणालीमचिरोद्धृताम् ॥ 18 ॥
गृहीतामालितां स्तम्भे यूथपेन विनाकृताम् ।
निःश्वसन्तीं सुदुःखार्तां गजराजवधूमिव ॥ 19 ॥
एकया दीर्घया वेण्या शोभमानामयत्नतः ।
नीलया नीरदापाये वनराज्या महीमिव ॥ 20 ॥
उपवासेन शोकेन ध्यानेन च भयेन च ।
परिक्षीणां कृशां दीनामल्पाहारां तपोधनाम् ॥ 21 ॥
आयाचमानां दुःखार्तां प्राञ्जलिं देवतामिव ।
भावेन रघुमुख्यस्य दशग्रीवपराभवम् ॥ 22 ॥
समीक्षमाणां रुदतीमनिन्दितां सुपक्ष्मताम्रायतशुक्ललोचनाम् ।
अनुव्रतां राममतीव मैथिलीं प्रलोभयामास वधाय रावणः ॥ 23 ॥
इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे एकोनविंशस्सर्गः ॥
śrīmadvālmīkīya rāmāyaṇe sundarakāṇḍam |
atha ekonaviṃśassargaḥ |
tasminneva tataḥ kāle rājaputrī tvaninditā |
rūpayauvanasampannaṃ bhūṣaṇottamabhūṣitam || 1 ||
tato dṛṣṭvaiva vaidehī rāvaṇaṃ rākṣasādhipam |
prāvepata varārohā pravāte kadalī yathā || 2 ||
ācchādyodaramūrubhyāṃ bāhubhyāṃ ca payodharau |
upaviṣṭā viśālākṣī rudantī varavarṇinī || 3 ||
daśagrīvastu vaidehīṃ rakṣitāṃ rākṣasīgaṇaiḥ |
dadarśa sītāṃ duḥkhārtāṃ nāvaṃ sannāmivārṇave || 4 ||
asaṃvṛtāyāmāsīnāṃ dharaṇyāṃ saṃśitavratām |
chinnāṃ prapatitāṃ bhūmau śākhāmiva vanaspateḥ || 5 ||
malamaṇḍanacitrāṅgīṃ maṇḍanārhāmamaṇḍitām |
mṛṇālī paṅkadigdheva vibhāti na vibhāti ca || 6 ||
samīpaṃ rājasiṃhasya rāmasya viditātmanaḥ |
saṅkalpahayasaṃyuksairyāntīmiva manorathaiḥ || 7 ||
śuṣyantīṃ rudatīmekāṃ dhyānaśokaparāyaṇām |
duḥkhasyāntamapaśyantīṃ rāmāṃ rāmamanuvratām || 8 ||
veṣṭamānāṃ tathā'viṣṭāṃ pannagendravadhūmiva |
dhūpyamānāṃ graheṇeva rohiṇīṃ dhūmaketunā || 9 ||
vṛttaśīlakule jātāmācāravati dhārmike |
punaḥsaṃskāramāpannāṃ jātāmiva ca duṣkule || 10 ||
abhūtenāpavādena kīrtiṃ nipatitāmiva |
āmnāyānāmayogena vidyāṃ praśithilāmiva || 11 ||
sannāmiva mahākīrtiṃ śraddhāmiva vimānitām |
pūjāmiva parikṣīṇāmāśāṃ pratihatāmiva || 12 ||
āyatīmiva vidhvastāmājñāṃ pratihatāmiva |
dīptāmiva diśaṃ kāle pūjāmapahṛtāmiva || 13 ||
padminīmiva vidhvastāṃ hataśūrāṃ camūmiva |
prabhāmiva tamodhvastāmupakṣīṇāmivāpagām || 14 ||
vedīmiva parāmṛṣṭāṃ śāntāmagniśikhāmiva |
paurṇamāsīmiva niśāṃ rāhugrastendumaṇḍalām || 15 ||
utkṛṣṭaparṇakamalāṃ vitrāsitavihaṅgamām |
hastihastaparāmṛṣṭāmākulāṃ padminīmiva || 16 ||
patiśokāturāṃ śuṣkāṃ nadīṃ visrāvitāmiva |
parayā mṛjayā hīnāṃ kṛṣṇapakṣaniśāmiva || 17 ||
sukumārīṃ sujātāṅgīṃ ratnagarbhagṛhocitām |
tapyamānāmivoṣṇena mṛṇālīmaciroddhṛtām || 18 ||
gṛhītāmālitāṃ stambhe yūthapena vinākṛtām |
niḥśvasantīṃ suduḥkhārtāṃ gajarājavadhūmiva || 19 ||
ekayā dīrghayā veṇyā śobhamānāmayatnataḥ |
nīlayā nīradāpāye vanarājyā mahīmiva || 20 ||
upavāsena śokena dhyānena ca bhayena ca |
parikṣīṇāṃ kṛśāṃ dīnāmalpāhārāṃ tapodhanām || 21 ||
āyācamānāṃ duḥkhārtāṃ prāñjaliṃ devatāmiva |
bhāvena raghumukhyasya daśagrīvaparābhavam || 22 ||
samīkṣamāṇāṃ rudatīmaninditāṃ supakṣmatāmrāyataśuklalocanām |
anuvratāṃ rāmamatīva maithilīṃ pralobhayāmāsa vadhāya rāvaṇaḥ || 23 ||
ityārṣe śrīmadrāmāyaṇe vālmīkīya ādikāvye sundarakāṇḍe ekonaviṃśassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.