ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਸੁਨ੍ਦਰਕਾਣ੍ਡਮ੍ ।
ਅਥ ਅष੍ਟषष੍ਟਿਤਮਸ੍ਸਰ੍ਗਃ ।
ਅਥਾਹਮੁਤ੍ਤਰਂ ਦੇਵ੍ਯਾ ਪੁਨਰੁਕ੍ਤ ਸ੍ਸਸਮ੍ਭ੍ਰਮਮ੍ ।
ਤਵ ਸ੍ਨੇਹਾਨ੍ਨਰਵ੍ਯਾਘ੍ਰ ਸੌਹਾਰ੍ਦਾਦਨੁਮਾਨ੍ਯ ਵੈ ॥ 1 ॥
ਏਵਂ ਬਹੁਵਿਧਂ ਵਾਚ੍ਯੋ ਰਾਮੋ ਦਾਸ਼ਰਥਿਸ੍ਤ੍ਵਯਾ ।
ਯਥਾ ਮਾਮਾਪ੍ਨੁਯਾਚ੍ਛੀਘ੍ਰਂ ਹਤ੍ਵਾ ਰਾਵਣਮਾਹਵੇ ॥ 2 ॥
ਯਦਿ ਵਾ ਮਨ੍ਯਸੇ ਵੀਰ ਵਸੈਕਾਹਮਰਿਨ੍ਦਮ ।
ਕਸ੍ਮਿਂਸ਼੍ਚਿਤ੍ਸਂਵृਤੇ ਦੇਸ਼ੇ ਵਿਕ੍ਰਾਨ੍ਤਸ਼੍ਸ਼੍ਵੋ ਗਮਿष੍ਯਸਿ ॥ 3 ॥
ਮਮ ਚਾਪ੍ਯਲ੍ਪਭਾਗ੍ਯਾਯਾਸ੍ਸਾਨ੍ਨਿਧ੍ਯਾਤ੍ਤਵ ਵੀਰ੍ਯਵਨ੍ ।
ਅਸ੍ਯ ਸ਼ੋਕਵਿਪਾਕਸ੍ਯ ਮੁਹੂਰ੍ਤਂ ਸ੍ਯਾਦ੍ਵਿਮੋਕ੍षਣਮ੍ ॥ 4 ॥
ਗਤੇ ਹਿ ਤ੍ਵਯਿ ਵਿਕ੍ਰਾਨ੍ਤੇ ਪੁਨਰਾਗਮਨਾਯ ਵੈ ।
ਪ੍ਰਾਣਾਨਾਮਪਿ ਸਨ੍ਦੇਹੋ ਮਮ ਸ੍ਯਾਨ੍ਨਾਤ੍ਰ ਸਂਸ਼ਯਃ ॥ 5 ॥
ਤਵਾਦਰ੍ਸ਼ਨਜਸ਼੍ਸ਼ੋਕੋ ਭੂਯੋ ਮਾਂ ਪਰਿਤਾਪਯੇਤ੍ ।
ਦੁਃਖਾਦ੍ਦੁਃਖਪਰਾਭੂਤਾਂ ਦੁਰ੍ਗਤਾਂ ਦੁਃਖਭਾਗਿਨੀਮ੍ ॥ 6 ॥
ਅਯਂ ਚ ਵੀਰ ਸਨ੍ਦੇਹਸ੍ਤਿष੍ਠਤੀਵ ਮਮਾਗ੍ਰਤਃ ।
ਸੁਮਹਾਂਸ੍ਤ੍ਵਤ੍ਸਹਾਯੇषੁ ਹਰ੍ਯृਕ੍षੇषੁ ਹਰੀਸ਼੍ਵਰ ॥ 7 ॥
ਕਥਂ ਨੁ ਖਲੁ ਦੁष੍ਪਾਰਂ ਤਰਿष੍ਯਨ੍ਤਿ ਮਹੋਦਧਿਮ੍ ।
ਤਾਨਿ ਹਰ੍ਯृਕ੍षਸੈਨ੍ਯਾਨਿ ਤੌ ਵਾ ਨਰਵਰਾਤ੍ਮਜੌ ॥ 8 ॥
ਤ੍ਰਯਾਣਾਮੇਵ ਭੂਤਾਨਾਂ ਸਾਗਰਸ੍ਯਾਸ੍ਯ ਲਙ੍ਘਨੇ ।
ਸ਼ਕ੍ਤਿਸ੍ਸ੍ਯਾਦ੍ਵੈਨਤੇਯਸ੍ਯ ਤਵ ਵਾ ਮਾਰੁਤਸ੍ਯ ਵਾ ॥ 9 ॥
ਤਦਸ੍ਮਿਨ੍ ਕਾਰ੍ਯਨਿਰ੍ਯੋਗੇ ਵੀਰੈਵਂ ਦੁਰਤਿਕ੍ਰਮੇ ।
ਕਿਂ ਪਸ਼੍ਯਸਿ ਸਮਾਧਾਨਂ ਬ੍ਰੂਹਿ ਕਾਰ੍ਯਵਿਦਾਂ ਵਰਃ ॥ 10 ॥
ਕਾਮਮਸ੍ਯ ਤ੍ਵਮੇਵੈਕਃ ਕਾਰ੍ਯਸ੍ਯ ਪਰਿਸਾਧਨੇ ।
ਪਰ੍ਯਾਪ੍ਤਃ ਪਰਵੀਰਘ੍ਨ ਯਸ਼ਸ੍ਯਸ੍ਤੇ ਬਲੋਦਯਃ ॥ 11 ॥
ਬਲੈ ਸ੍ਸਮਗ੍ਰੈਰ੍ਯਦਿ ਮਾਂ ਹਤ੍ਵਾ ਰਾਵਣਮਾਹਵੇ ।
ਵਿਜਯੀ ਸ੍ਵਾਂ ਪੁਰੀਂ ਰਾਮੋ ਨਯੇਤ੍ਤਤ੍ਸ੍ਯਾਦ੍ਯਸ਼ਸ੍ਕਰਮ੍ ॥ 12 ॥
ਯਥਾऽਹਂ ਤਸ੍ਯ ਵੀਰਸ੍ਯ ਵਨਾਦੁਪਧਿਨਾ ਹृਤਾ ।
ਰਕ੍षਸਾ ਤਦ੍ਭਯਾਦੇਵ ਤਥਾ ਨਾਰ੍ਹਤਿ ਰਾਘਵਃ ॥ 13 ॥
ਬਲੈਸ੍ਤੁ ਸਙ੍ਕੁਲਾਂ ਕृਤ੍ਵਾ ਲਙ੍ਕਾਂ ਪਰਬਲਾਰ੍ਦਨਃ ।
ਮਾਂ ਨਯੇਦ੍ਯਦਿ ਕਾਕੁਤ੍ਸ੍ਥਸ੍ਤਤ੍ਤਸ੍ਯ ਸਦृਸ਼ਂ ਭਵੇਤ੍ ॥ 14 ॥
ਤਦ੍ਯਥਾ ਤਸ੍ਯ ਵਿਕ੍ਰਾਨ੍ਤਮਨੁਰੂਪਂ ਮਹਾਤ੍ਮਨਃ ।
ਭਵੇਦਾਹਵਸ਼ੂਰਸ੍ਯ ਤਥਾ ਤ੍ਵਮੁਪਪਾਦਯ ॥ 15 ॥
ਤਦਰ੍ਥੋਪਹਿਤਂ ਵਾਕ੍ਯਂ ਪ੍ਰਸ਼੍ਰਿਤਂ ਹੇਤੁਸਂਹਿਤਮ੍ ।
ਨਿਸ਼ਮ੍ਯਾਹਂ ਤਤ ਸ਼੍ਸ਼ੇषਂ ਵਾਕ੍ਯਮੁਤ੍ਤਰਮਬ੍ਰੁਵਮ੍ ॥ 16 ॥
ਦੇਵਿ ਹਰ੍ਯृਕ੍षਸੈਨ੍ਯਾਨਾਮੀਸ਼੍ਵਰਃ ਪ੍ਲਵਤਾਂ ਵਰਃ ।
ਸੁਗ੍ਰੀਵਸ੍ਸਤ੍ਤ੍ਵਸਮ੍ਪਨ੍ਨਸ੍ਤਵਾਰ੍ਥੇ ਕृਤਨਿਸ਼੍ਚਯਃ ॥ 17 ॥
ਤਸ੍ਯ ਵਿਕ੍ਰਮਸਮ੍ਪਨ੍ਨਾਸ੍ਸਤ੍ਤ੍ਵਵਨ੍ਤੋ ਮਹਾਬਲਾਃ ।
ਮਨ ਸ੍ਸਙ੍ਕਲ੍ਪਸਮ੍ਪਾਤਾ ਨਿਦੇਸ਼ੇ ਹਰਯਃ ਸ੍ਥਿਤਾਃ ॥ 18 ॥
ਯੇषਾਂ ਨੋਪਰਿ ਨਾਧਸ੍ਤਾਨ੍ਨ ਤਿਰ੍ਯਕ੍ਸਜ੍ਜਤੇ ਗਤਿਃ ।
ਨ ਚ ਕਰ੍ਮਸੁ ਸੀਦਨ੍ਤਿ ਮਹਤ੍ਸ੍ਵਮਿਤਤੇਜਸਃ ॥ 19 ॥
ਅਸਕृਤ੍ਤੈਰ੍ਮਹਾਭਾਗੈਰ੍ਵਾਨਰੈਰ੍ਬਲਦਰ੍ਪਿਤੈਃ ।
ਪ੍ਰਦਕ੍षਿਣੀਕृਤਾ ਭੂਮਿਰ੍ਵਾਯੁਮਾਰ੍ਗਾਨੁਸਾਰਿਭਿਃ ॥ 20 ॥
ਮਦ੍ਵਿਸ਼ਿष੍ਟਾਸ਼੍ਚ ਤੁਲ੍ਯਾਸ਼੍ਚ ਸਨ੍ਤਿ ਤਤ੍ਰ ਵਨੌਕਸਃ ।
ਮਤ੍ਤਃ ਪ੍ਰਤ੍ਯਵਰਃ ਕਸ਼੍ਚਿਨ੍ਨਾਸ੍ਤਿ ਸੁਗ੍ਰੀਵਸਨ੍ਨਿਧੌ ॥ 21 ॥
ਅਹਂ ਤਾਵਦਿਹ ਪ੍ਰਾਪ੍ਤਃ ਕਿਂ ਪੁਨਸ੍ਤੇ ਮਹਾਬਲਾਃ ।
ਨ ਹਿ ਪ੍ਰਕृष੍ਟਾਃ ਪ੍ਰੇਤ੍ਯਨ੍ਤੇ ਪ੍ਰੇष੍ਯਨ੍ਤੇ ਹੀਤਰੇ ਜਨਾਃ ॥ 22 ॥
ਤਦਲਂ ਪਰਿਤਾਪੇਨ ਦੇਵਿ ਮਨ੍ਯੁਰ੍ਵ੍ਯਪੈਤੁ ਤੇ ।
ਏਕੋਤ੍ਪਾਤੇਨ ਤੇ ਲਙ੍ਕਾਮੇष੍ਯਨ੍ਤਿ ਹਰਿਯੂਥਪਾਃ ॥ 23 ॥
ਮਮ ਪृष੍ਠਗਤੌ ਤੌ ਚ ਚਨ੍ਦ੍ਰਸੂਰ੍ਯਾਵਿਵੋਦਿਤੌ ।
ਤ੍ਵਤ੍ਸਕਾਸ਼ਂ ਮਹਾਭਾਗੇ ਨृਸਿਂਹਾਵਾਗਮਿष੍ਯਤਃ ॥ 24 ॥
ਅਰਿਘ੍ਨਂ ਸਿਂਹਸਙ੍ਕਾਸ਼ਂ ਕ੍षਿਪ੍ਰਂ ਦ੍ਰਕ੍ष੍ਯਸਿ ਰਾਘਵਮ੍ ।
ਲਕ੍ष੍ਮਣਂ ਚ ਧਨੁष੍ਪਾਣਿਂ ਲਙ੍ਕਾਦ੍ਵਾਰਮੁਪਸ੍ਥਿਤਮ੍ ॥ 25 ॥
ਨਖਦਂष੍ਟ੍ਰਾਯੁਧਾਨ੍ ਵੀਰਾਨ੍ ਸਿਂਹਸ਼ਾਰ੍ਦੂਲਵਿਕ੍ਰਮਾਨ੍ ।
ਵਾਨਰਾਨ੍ਵਾਰਣੋਨ੍ਦ੍ਰਾਭਾਨ੍ ਕ੍षਿਪ੍ਰਂ ਦ੍ਰਕ੍षਸਿ ਸਙ੍ਗਤਾਨ੍ ॥ 26 ॥
ਸ਼ੈਲਾਮ੍ਬੁਦਨਿਕਾਸ਼ਾਨਾਂ ਲਙ੍ਕਾਮਲਯਸਾਨੁषੁ ।
ਨਰ੍ਦਤਾਂ ਕਪਿਮੁਖ੍ਯਾਨਾਮਚਿਰਾਚ੍ਛ੍ਰੋष੍ਯਸਿ ਸ੍ਵਨਮ੍ ॥ 27 ॥
ਨਿਵृਤ੍ਤਵਨਵਾਸਂ ਚ ਤ੍ਵਯਾ ਸਾਰ੍ਧਮਰਿਨ੍ਦਮਮ੍ ।
ਅਭਿषਿਕ੍ਤਮਯੋਧ੍ਯਾਯਾਂ ਕ੍षਿਪ੍ਰਂ ਦ੍ਰਕ੍ष੍ਯਸਿ ਰਾਘਵਮ੍ ॥ 28 ॥
ਤਤੋ ਮਯਾ ਵਾਗ੍ਭਿਰਦੀਨਭਾषਿਣਾ ਸ਼ਿਵਾਭਿਰਿष੍ਟਾਭਿਰਭਿਪ੍ਰਸਾਦਿਤਾ ।
ਜਗਾਮ ਸ਼ਾਨ੍ਤਿਂ ਮਮ ਮੈਥਿਲਾਤ੍ਮਜਾ ਤਵਾਪਿ ਸ਼ੋਕੇਨ ਤਦਾਭਿਪੀਡਿਤਾ ॥ 29 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਸੁਨ੍ਦਰਕਾਣ੍ਡੇ ਅष੍ਟषष੍ਟਿਤਮਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe sundarakāṇḍam |
atha aṣṭaṣaṣṭitamassargaḥ |
athāhamuttaraṃ devyā punarukta ssasambhramam |
tava snehānnaravyāghra sauhārdādanumānya vai || 1 ||
evaṃ bahuvidhaṃ vācyo rāmo dāśarathistvayā |
yathā māmāpnuyācchīghraṃ hatvā rāvaṇamāhave || 2 ||
yadi vā manyase vīra vasaikāhamarindama |
kasmiṃścitsaṃvṛte deśe vikrāntaśśvo gamiṣyasi || 3 ||
mama cāpyalpabhāgyāyāssānnidhyāttava vīryavan |
asya śokavipākasya muhūrtaṃ syādvimokṣaṇam || 4 ||
gate hi tvayi vikrānte punarāgamanāya vai |
prāṇānāmapi sandeho mama syānnātra saṃśayaḥ || 5 ||
tavādarśanajaśśoko bhūyo māṃ paritāpayet |
duḥkhādduḥkhaparābhūtāṃ durgatāṃ duḥkhabhāginīm || 6 ||
ayaṃ ca vīra sandehastiṣṭhatīva mamāgrataḥ |
sumahāṃstvatsahāyeṣu haryṛkṣeṣu harīśvara || 7 ||
kathaṃ nu khalu duṣpāraṃ tariṣyanti mahodadhim |
tāni haryṛkṣasainyāni tau vā naravarātmajau || 8 ||
trayāṇāmeva bhūtānāṃ sāgarasyāsya laṅghane |
śaktissyādvainateyasya tava vā mārutasya vā || 9 ||
tadasmin kāryaniryoge vīraivaṃ duratikrame |
kiṃ paśyasi samādhānaṃ brūhi kāryavidāṃ varaḥ || 10 ||
kāmamasya tvamevaikaḥ kāryasya parisādhane |
paryāptaḥ paravīraghna yaśasyaste balodayaḥ || 11 ||
balai ssamagrairyadi māṃ hatvā rāvaṇamāhave |
vijayī svāṃ purīṃ rāmo nayettatsyādyaśaskaram || 12 ||
yathā'haṃ tasya vīrasya vanādupadhinā hṛtā |
rakṣasā tadbhayādeva tathā nārhati rāghavaḥ || 13 ||
balaistu saṅkulāṃ kṛtvā laṅkāṃ parabalārdanaḥ |
māṃ nayedyadi kākutsthastattasya sadṛśaṃ bhavet || 14 ||
tadyathā tasya vikrāntamanurūpaṃ mahātmanaḥ |
bhavedāhavaśūrasya tathā tvamupapādaya || 15 ||
tadarthopahitaṃ vākyaṃ praśritaṃ hetusaṃhitam |
niśamyāhaṃ tata śśeṣaṃ vākyamuttaramabruvam || 16 ||
devi haryṛkṣasainyānāmīśvaraḥ plavatāṃ varaḥ |
sugrīvassattvasampannastavārthe kṛtaniścayaḥ || 17 ||
tasya vikramasampannāssattvavanto mahābalāḥ |
mana ssaṅkalpasampātā nideśe harayaḥ sthitāḥ || 18 ||
yeṣāṃ nopari nādhastānna tiryaksajjate gatiḥ |
na ca karmasu sīdanti mahatsvamitatejasaḥ || 19 ||
asakṛttairmahābhāgairvānarairbaladarpitaiḥ |
pradakṣiṇīkṛtā bhūmirvāyumārgānusāribhiḥ || 20 ||
madviśiṣṭāśca tulyāśca santi tatra vanaukasaḥ |
mattaḥ pratyavaraḥ kaścinnāsti sugrīvasannidhau || 21 ||
ahaṃ tāvadiha prāptaḥ kiṃ punaste mahābalāḥ |
na hi prakṛṣṭāḥ pretyante preṣyante hītare janāḥ || 22 ||
tadalaṃ paritāpena devi manyurvyapaitu te |
ekotpātena te laṅkāmeṣyanti hariyūthapāḥ || 23 ||
mama pṛṣṭhagatau tau ca candrasūryāvivoditau |
tvatsakāśaṃ mahābhāge nṛsiṃhāvāgamiṣyataḥ || 24 ||
arighnaṃ siṃhasaṅkāśaṃ kṣipraṃ drakṣyasi rāghavam |
lakṣmaṇaṃ ca dhanuṣpāṇiṃ laṅkādvāramupasthitam || 25 ||
nakhadaṃṣṭrāyudhān vīrān siṃhaśārdūlavikramān |
vānarānvāraṇondrābhān kṣipraṃ drakṣasi saṅgatān || 26 ||
śailāmbudanikāśānāṃ laṅkāmalayasānuṣu |
nardatāṃ kapimukhyānāmacirācchroṣyasi svanam || 27 ||
nivṛttavanavāsaṃ ca tvayā sārdhamarindamam |
abhiṣiktamayodhyāyāṃ kṣipraṃ drakṣyasi rāghavam || 28 ||
tato mayā vāgbhiradīnabhāṣiṇā śivābhiriṣṭābhirabhiprasāditā |
jagāma śāntiṃ mama maithilātmajā tavāpi śokena tadābhipīḍitā || 29 ||
ityārṣe śrīmadrāmāyaṇe vālmīkīya ādikāvye sundarakāṇḍe aṣṭaṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे सुन्दरकाण्डम् ।
अथ अष्टषष्टितमस्सर्गः ।
अथाहमुत्तरं देव्या पुनरुक्त स्ससम्भ्रमम् ।
तव स्नेहान्नरव्याघ्र सौहार्दादनुमान्य वै ॥ 1 ॥
एवं बहुविधं वाच्यो रामो दाशरथिस्त्वया ।
यथा मामाप्नुयाच्छीघ्रं हत्वा रावणमाहवे ॥ 2 ॥
यदि वा मन्यसे वीर वसैकाहमरिन्दम ।
कस्मिंश्चित्संवृते देशे विक्रान्तश्श्वो गमिष्यसि ॥ 3 ॥
मम चाप्यल्पभाग्यायास्सान्निध्यात्तव वीर्यवन् ।
अस्य शोकविपाकस्य मुहूर्तं स्याद्विमोक्षणम् ॥ 4 ॥
गते हि त्वयि विक्रान्ते पुनरागमनाय वै ।
प्राणानामपि सन्देहो मम स्यान्नात्र संशयः ॥ 5 ॥
तवादर्शनजश्शोको भूयो मां परितापयेत् ।
दुःखाद्दुःखपराभूतां दुर्गतां दुःखभागिनीम् ॥ 6 ॥
अयं च वीर सन्देहस्तिष्ठतीव ममाग्रतः ।
सुमहांस्त्वत्सहायेषु हर्यृक्षेषु हरीश्वर ॥ 7 ॥
कथं नु खलु दुष्पारं तरिष्यन्ति महोदधिम् ।
तानि हर्यृक्षसैन्यानि तौ वा नरवरात्मजौ ॥ 8 ॥
त्रयाणामेव भूतानां सागरस्यास्य लङ्घने ।
शक्तिस्स्याद्वैनतेयस्य तव वा मारुतस्य वा ॥ 9 ॥
तदस्मिन् कार्यनिर्योगे वीरैवं दुरतिक्रमे ।
किं पश्यसि समाधानं ब्रूहि कार्यविदां वरः ॥ 10 ॥
काममस्य त्वमेवैकः कार्यस्य परिसाधने ।
पर्याप्तः परवीरघ्न यशस्यस्ते बलोदयः ॥ 11 ॥
बलै स्समग्रैर्यदि मां हत्वा रावणमाहवे ।
विजयी स्वां पुरीं रामो नयेत्तत्स्याद्यशस्करम् ॥ 12 ॥
यथाऽहं तस्य वीरस्य वनादुपधिना हृता ।
रक्षसा तद्भयादेव तथा नार्हति राघवः ॥ 13 ॥
बलैस्तु सङ्कुलां कृत्वा लङ्कां परबलार्दनः ।
मां नयेद्यदि काकुत्स्थस्तत्तस्य सदृशं भवेत् ॥ 14 ॥
तद्यथा तस्य विक्रान्तमनुरूपं महात्मनः ।
भवेदाहवशूरस्य तथा त्वमुपपादय ॥ 15 ॥
तदर्थोपहितं वाक्यं प्रश्रितं हेतुसंहितम् ।
निशम्याहं तत श्शेषं वाक्यमुत्तरमब्रुवम् ॥ 16 ॥
देवि हर्यृक्षसैन्यानामीश्वरः प्लवतां वरः ।
सुग्रीवस्सत्त्वसम्पन्नस्तवार्थे कृतनिश्चयः ॥ 17 ॥
तस्य विक्रमसम्पन्नास्सत्त्ववन्तो महाबलाः ।
मन स्सङ्कल्पसम्पाता निदेशे हरयः स्थिताः ॥ 18 ॥
येषां नोपरि नाधस्तान्न तिर्यक्सज्जते गतिः ।
न च कर्मसु सीदन्ति महत्स्वमिततेजसः ॥ 19 ॥
असकृत्तैर्महाभागैर्वानरैर्बलदर्पितैः ।
प्रदक्षिणीकृता भूमिर्वायुमार्गानुसारिभिः ॥ 20 ॥
मद्विशिष्टाश्च तुल्याश्च सन्ति तत्र वनौकसः ।
मत्तः प्रत्यवरः कश्चिन्नास्ति सुग्रीवसन्निधौ ॥ 21 ॥
अहं तावदिह प्राप्तः किं पुनस्ते महाबलाः ।
न हि प्रकृष्टाः प्रेत्यन्ते प्रेष्यन्ते हीतरे जनाः ॥ 22 ॥
तदलं परितापेन देवि मन्युर्व्यपैतु ते ।
एकोत्पातेन ते लङ्कामेष्यन्ति हरियूथपाः ॥ 23 ॥
मम पृष्ठगतौ तौ च चन्द्रसूर्याविवोदितौ ।
त्वत्सकाशं महाभागे नृसिंहावागमिष्यतः ॥ 24 ॥
अरिघ्नं सिंहसङ्काशं क्षिप्रं द्रक्ष्यसि राघवम् ।
लक्ष्मणं च धनुष्पाणिं लङ्काद्वारमुपस्थितम् ॥ 25 ॥
नखदंष्ट्रायुधान् वीरान् सिंहशार्दूलविक्रमान् ।
वानरान्वारणोन्द्राभान् क्षिप्रं द्रक्षसि सङ्गतान् ॥ 26 ॥
शैलाम्बुदनिकाशानां लङ्कामलयसानुषु ।
नर्दतां कपिमुख्यानामचिराच्छ्रोष्यसि स्वनम् ॥ 27 ॥
निवृत्तवनवासं च त्वया सार्धमरिन्दमम् ।
अभिषिक्तमयोध्यायां क्षिप्रं द्रक्ष्यसि राघवम् ॥ 28 ॥
ततो मया वाग्भिरदीनभाषिणा शिवाभिरिष्टाभिरभिप्रसादिता ।
जगाम शान्तिं मम मैथिलात्मजा तवापि शोकेन तदाभिपीडिता ॥ 29 ॥
इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे अष्टषष्टितमस्सर्गः ॥
śrīmadvālmīkīya rāmāyaṇe sundarakāṇḍam |
atha aṣṭaṣaṣṭitamassargaḥ |
athāhamuttaraṃ devyā punarukta ssasambhramam |
tava snehānnaravyāghra sauhārdādanumānya vai || 1 ||
evaṃ bahuvidhaṃ vācyo rāmo dāśarathistvayā |
yathā māmāpnuyācchīghraṃ hatvā rāvaṇamāhave || 2 ||
yadi vā manyase vīra vasaikāhamarindama |
kasmiṃścitsaṃvṛte deśe vikrāntaśśvo gamiṣyasi || 3 ||
mama cāpyalpabhāgyāyāssānnidhyāttava vīryavan |
asya śokavipākasya muhūrtaṃ syādvimokṣaṇam || 4 ||
gate hi tvayi vikrānte punarāgamanāya vai |
prāṇānāmapi sandeho mama syānnātra saṃśayaḥ || 5 ||
tavādarśanajaśśoko bhūyo māṃ paritāpayet |
duḥkhādduḥkhaparābhūtāṃ durgatāṃ duḥkhabhāginīm || 6 ||
ayaṃ ca vīra sandehastiṣṭhatīva mamāgrataḥ |
sumahāṃstvatsahāyeṣu haryṛkṣeṣu harīśvara || 7 ||
kathaṃ nu khalu duṣpāraṃ tariṣyanti mahodadhim |
tāni haryṛkṣasainyāni tau vā naravarātmajau || 8 ||
trayāṇāmeva bhūtānāṃ sāgarasyāsya laṅghane |
śaktissyādvainateyasya tava vā mārutasya vā || 9 ||
tadasmin kāryaniryoge vīraivaṃ duratikrame |
kiṃ paśyasi samādhānaṃ brūhi kāryavidāṃ varaḥ || 10 ||
kāmamasya tvamevaikaḥ kāryasya parisādhane |
paryāptaḥ paravīraghna yaśasyaste balodayaḥ || 11 ||
balai ssamagrairyadi māṃ hatvā rāvaṇamāhave |
vijayī svāṃ purīṃ rāmo nayettatsyādyaśaskaram || 12 ||
yathā'haṃ tasya vīrasya vanādupadhinā hṛtā |
rakṣasā tadbhayādeva tathā nārhati rāghavaḥ || 13 ||
balaistu saṅkulāṃ kṛtvā laṅkāṃ parabalārdanaḥ |
māṃ nayedyadi kākutsthastattasya sadṛśaṃ bhavet || 14 ||
tadyathā tasya vikrāntamanurūpaṃ mahātmanaḥ |
bhavedāhavaśūrasya tathā tvamupapādaya || 15 ||
tadarthopahitaṃ vākyaṃ praśritaṃ hetusaṃhitam |
niśamyāhaṃ tata śśeṣaṃ vākyamuttaramabruvam || 16 ||
devi haryṛkṣasainyānāmīśvaraḥ plavatāṃ varaḥ |
sugrīvassattvasampannastavārthe kṛtaniścayaḥ || 17 ||
tasya vikramasampannāssattvavanto mahābalāḥ |
mana ssaṅkalpasampātā nideśe harayaḥ sthitāḥ || 18 ||
yeṣāṃ nopari nādhastānna tiryaksajjate gatiḥ |
na ca karmasu sīdanti mahatsvamitatejasaḥ || 19 ||
asakṛttairmahābhāgairvānarairbaladarpitaiḥ |
pradakṣiṇīkṛtā bhūmirvāyumārgānusāribhiḥ || 20 ||
madviśiṣṭāśca tulyāśca santi tatra vanaukasaḥ |
mattaḥ pratyavaraḥ kaścinnāsti sugrīvasannidhau || 21 ||
ahaṃ tāvadiha prāptaḥ kiṃ punaste mahābalāḥ |
na hi prakṛṣṭāḥ pretyante preṣyante hītare janāḥ || 22 ||
tadalaṃ paritāpena devi manyurvyapaitu te |
ekotpātena te laṅkāmeṣyanti hariyūthapāḥ || 23 ||
mama pṛṣṭhagatau tau ca candrasūryāvivoditau |
tvatsakāśaṃ mahābhāge nṛsiṃhāvāgamiṣyataḥ || 24 ||
arighnaṃ siṃhasaṅkāśaṃ kṣipraṃ drakṣyasi rāghavam |
lakṣmaṇaṃ ca dhanuṣpāṇiṃ laṅkādvāramupasthitam || 25 ||
nakhadaṃṣṭrāyudhān vīrān siṃhaśārdūlavikramān |
vānarānvāraṇondrābhān kṣipraṃ drakṣasi saṅgatān || 26 ||
śailāmbudanikāśānāṃ laṅkāmalayasānuṣu |
nardatāṃ kapimukhyānāmacirācchroṣyasi svanam || 27 ||
nivṛttavanavāsaṃ ca tvayā sārdhamarindamam |
abhiṣiktamayodhyāyāṃ kṣipraṃ drakṣyasi rāghavam || 28 ||
tato mayā vāgbhiradīnabhāṣiṇā śivābhiriṣṭābhirabhiprasāditā |
jagāma śāntiṃ mama maithilātmajā tavāpi śokena tadābhipīḍitā || 29 ||
ityārṣe śrīmadrāmāyaṇe vālmīkīya ādikāvye sundarakāṇḍe aṣṭaṣaṣṭitamassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.