ஶ்ரீமத்வால்மீகீய ராமாயணே கிஷ்கிந்தாகாண்டம் ।
அத பஞ்சதஶஸ்ஸர்கஃ ।
அத தஸ்ய நிநாதம் தம் ஸுக்ரீவஸ்ய மஹாத்மநஃ ।
ஶுஶ்ராவாந்தஃ புர கதோ வாலீ ப்ராதுரமர்ஷணஃ ॥ 1 ॥
ஶ்ருத்வா து தஸ்ய நிநதம் ஸர்வபூதப்ரகம்பநம் ।
மதஶ்சைகபதே நஷ்டஃ க்ரோதஶ்சாபதிதோ மஹாந் ॥ 2 ॥
ஸ து ரோஷபரீதாங்கோ வாலீ ஸந்த்யாகநகப்ரபஃ ।
உபரக்த இவாதித்யஸ்ஸத்யோ நிஷ்ப்ரபதாம் கதஃ ॥ 3 ॥
வாலீ தம்ஷ்ட்ரா கராலஃ து க்ரோதாத் தீப்த அக்நி லோசநஃ ।
பாதி உத்பதித பத்மாபஃ ஸம்ரு'ணால இவ ஹ்ரதஃ ॥ 4 ॥
ஶப்தம் துர்மர்ஷணம் ஶ்ருத்வா நிஷ்பபாத ததோ ஹரிஃ ।
வேகேந சரணந்யாஸைர்தாரயந்நிவ மேதிநீம் ॥ 5 ॥
தம் து தாரா பரிஷ்வஜ்ய ஸ்நேஹாத்தர்ஶிதஸௌஹ்ரு'தாஃ ।
உவாச த்ரஸ்தஸம்ப்ராந்தா ஹிதோதர்கமிதம் வசஃ ॥ 6 ॥
ஸாது க்ரோதமிமம் வீர நதீவேகமிவாகதம் ।
ஶயநாதுத்திதஃ கால்யம் த்யஜ புக்தாமிவ ஸ்ரஜம் ॥ 7 ॥
கால்யமேதேந ஸங்க்ராமம் கரிஷ்யஸி ச வாநர ।
வீர தே ஶத்ருபாஹுல்யம் பல்குதா வா ந வித்யதே ॥ 8 ॥
ஸஹஸா தவ நிஷ்க்ராமோ மம தாவந்ந ரோசதே ।
ஶ்ரூயதாம் சாபிதாஸ்யாமி யந்நிமித்தம் நிவார்யஸே ॥ 9 ॥
பூர்வமாபதிதஃ க்ரோதாத்ஸ த்வாமாஹ்வயதே யுதி ।
நிஷ்பத்ய ச நிரஸ்தஸ்தே ஹந்யமாநோ திஶோ கதஃ ॥ 10 ॥
த்வயா தஸ்ய நிரஸ்தஸ்ய பீடிதஸ்ய விஶேஷதஃ ।
இஹைத்ய புநராஹ்வாநம் ஶங்காம் ஜநயதீவ மே ॥ 11 ॥
தர்பஶ்ச வ்யவஸாயஶ்ச யாத்ரு'ஶஸ்தஸ்ய நர்ததஃ ।
நிநாதஶ்சாபி ஸம்ரம்போ நைததல்பம் ஹி காரணம் ॥ 12 ॥
நாஸஹாயமஹம் மந்யே ஸுக்ரீவம் தமிஹாகதம் ।
அவஷ்டப்தஸஹாயஶ்ச யமாஶ்ரித்யைஷ கர்ஜதி ॥ 13 ॥
ப்ரக்ரு'த்யா நிபுணஶ்சைவ புத்திமாம்ஶ்சைவ வாநரஃ ।
அபரீக்ஷிதவீர்யேண ஸுக்ரீவஸ்ஸஹநைஷ்யதி ॥ 14 ॥
பூர்வமேவ மயா வீர ஶ்ருதம் கதயதோ வசஃ ।
அங்கதஸ்ய குமாரஸ்ய வக்ஷ்யாமித்வா ஹிதம் வசஃ ॥ 15 ॥
அங்கதஸ்து குமாரோऽயம் வநாந்தமுபநிர்கதஃ ।
ப்ரவ்ரு'த்திஸ்தேந கதிதா சாரை ராப்தைர்நிவேதிதா ॥ 16 ॥
அயோத்யாதிபதேஃ புத்ரௌ ஶூரௌ ஸமரதுர்ஜயௌ ।
இக்ஷ்வாகூணாம் குலே ஜாதௌ ப்ரதிதௌ ராமலக்ஷ்மணௌ ॥ 17 ॥
ஸுக்ரீவப்ரியகாமார்தம் ப்ராப்தௌ தத்ர துராஸதௌ ।
தவ ப்ராதுர்ஹி விக்யாதஸ்ஸஹாயோ ரணகர்கஶஃ ।
ராமஃ பரபலாமர்தீ யுகாந்தாக்நிரிவோத்திதஃ ॥ 18 ॥
நிவாஸவ்ரு'க்ஷஃ ஸாதூநாமாபந்நாநாம் பரா கதிஃ ।
ஆர்தாநாம் ஸம்ஶ்ரயஶ்சைவ யஶஸஶ்சைகபாஜநம் ॥ 19 ॥
ஜ்ஞாநவிஜ்ஞாநஸம்பந்நோ நிதேஶே நிரதஃ பிதுஃ ।
தாதூநாமிவ ஶைலேந்த்ரோ குணாநாமாகரோ மஹாந் ॥ 20 ॥
தத்க்ஷமம் ந விரோதஸ்தே ஸஹ தேந மஹாத்மநா ।
துர்ஜயேநாப்ரமேயேந ராமேண ரணகர்மஸு ॥ 21 ॥
ஶூர வக்ஷ்யாமி தே கிஞ்சிந்ந சேச்சாம்யப்யஸூயிதும் ।
ஶ்ரூயதாம் க்ரியதாம் சைவ தவ வக்ஷ்யாமி யத்திதம் ॥ 22 ॥
யௌவராஜ்யேந ஸுக்ரீவம் தூர்ணம் ஸாத்வபிஷேசய ।
விக்ரஹம் மா க்ரு'தா வீர ப்ராத்ரா ராஜந்பலீயஸா ॥ 23 ॥
அஹம் ஹி தே க்ஷமம் மந்யே தேந ராமேண ஸௌஹ்ரு'தம் ।
ஸுக்ரீவேண ச ஸம்ப்ரீதிம் வைரமுத்ஸ்ரு'ஜ்ய தூரதஃ ॥ 24 ॥
லாலநீயோ ஹி தே ப்ராதா யவீயாநேஷ வாநரஃ ।
தத்ர வா ஸந்நிஹஸ்தோ வா ஸர்வதா பந்துரேவ தே ॥ 25 ॥
ந ஹி தேந ஸமம் பந்தும் புவி பஶ்யாமி கஞ்சந ॥ 26 ॥
தாநமாநாதிஸத்காரைஃ குருஷ்வ ப்ரத்யநந்தரம் ।
வைரமேதத்ஸமுத்ஸ்ரு'ஜ்ய தவ பார்ஶ்வே ஸ திஷ்டது ॥ 27 ॥
ஸுக்ரீவோ விபுலக்ரீவஸ்தவபந்துஸ்ஸதா மதஃ ।
ப்ராத்ரு'ஸ்ஸௌஹ்ரு'தமாலம்ப நாந்யா கதிரிஹாஸ்தி தே ॥ 28 ॥
யதி தே மத்ப்ரியம் கார்யம் யதி சாவைஷி மாம் ஹிதாம் ।
யாச்யமாநஃ ப்ரயத்நேந ஸாது வாக்யம் குருஷ்வ மே ॥ 29 ॥
ப்ரஸீத பத்யம் ஶ்ரு'ணு ஜல்பிதம் ஹி மே ந ரோஷ மேவாநுவிதாதுமர்ஹஸி ।
க்ஷமோ ஹி தே கோஸலராஜஸூநுநா ந விக்ரஹஶ்ஶக்ரஸமாநதேஜஸா ॥ 30 ॥
ததா ஹி தாரா ஹிதமேவ வாக்யம் தம் வாலிநம் பத்யமிதம் பபாஷே ।
ந ரோசதே தத்வசநம் ஹி தஸ்ய காலாபிபந்நஸ்ய விநாஶகாலே ॥ 31 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே கிஷ்கிந்தாகாண்டே பஞ்சதஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe kiṣkindhākāṇḍam |
atha pañcadaśassargaḥ |
atha tasya ninādaṃ taṃ sugrīvasya mahātmanaḥ |
śuśrāvāntaḥ pura gato vālī bhrāturamarṣaṇaḥ || 1 ||
śrutvā tu tasya ninadaṃ sarvabhūtaprakampanam |
madaścaikapade naṣṭaḥ krodhaścāpatito mahān || 2 ||
sa tu roṣaparītāṅgo vālī sandhyākanakaprabhaḥ |
uparakta ivādityassadyo niṣprabhatāṃ gataḥ || 3 ||
vālī daṃṣṭrā karālaḥ tu krodhād dīpta agni locanaḥ |
bhāti utpatita padmābhaḥ samṛṇāla iva hradaḥ || 4 ||
śabdaṃ durmarṣaṇaṃ śrutvā niṣpapāta tato hariḥ |
vegena caraṇanyāsairdārayanniva medinīm || 5 ||
taṃ tu tārā pariṣvajya snehāddarśitasauhṛdāḥ |
uvāca trastasambhrāntā hitodarkamidaṃ vacaḥ || 6 ||
sādhu krodhamimaṃ vīra nadīvegamivāgatam |
śayanādutthitaḥ kālyaṃ tyaja bhuktāmiva srajam || 7 ||
kālyametena saṅgrāmaṃ kariṣyasi ca vānara |
vīra te śatrubāhulyaṃ phalgutā vā na vidyate || 8 ||
sahasā tava niṣkrāmo mama tāvanna rocate |
śrūyatāṃ cābhidhāsyāmi yannimittaṃ nivāryase || 9 ||
pūrvamāpatitaḥ krodhātsa tvāmāhvayate yudhi |
niṣpatya ca nirastaste hanyamāno diśo gataḥ || 10 ||
tvayā tasya nirastasya pīḍitasya viśeṣataḥ |
ihaitya punarāhvānaṃ śaṅkāṃ janayatīva me || 11 ||
darpaśca vyavasāyaśca yādṛśastasya nardataḥ |
ninādaścāpi saṃrambho naitadalpaṃ hi kāraṇam || 12 ||
nāsahāyamahaṃ manye sugrīvaṃ tamihāgatam |
avaṣṭabdhasahāyaśca yamāśrityaiṣa garjati || 13 ||
prakṛtyā nipuṇaścaiva buddhimāṃścaiva vānaraḥ |
aparīkṣitavīryeṇa sugrīvassahanaiṣyati || 14 ||
pūrvameva mayā vīra śrutaṃ kathayato vacaḥ |
aṅgadasya kumārasya vakṣyāmitvā hitaṃ vacaḥ || 15 ||
aṅgadastu kumāro'yaṃ vanāntamupanirgataḥ |
pravṛttistena kathitā cārai rāptairniveditā || 16 ||
ayodhyādhipateḥ putrau śūrau samaradurjayau |
ikṣvākūṇāṃ kule jātau prathitau rāmalakṣmaṇau || 17 ||
sugrīvapriyakāmārthaṃ prāptau tatra durāsadau |
tava bhrāturhi vikhyātassahāyo raṇakarkaśaḥ |
rāmaḥ parabalāmardī yugāntāgnirivotthitaḥ || 18 ||
nivāsavṛkṣaḥ sādhūnāmāpannānāṃ parā gatiḥ |
ārtānāṃ saṃśrayaścaiva yaśasaścaikabhājanam || 19 ||
jñānavijñānasampanno nideśe nirataḥ pituḥ |
dhātūnāmiva śailendro guṇānāmākaro mahān || 20 ||
tatkṣamaṃ na virodhaste saha tena mahātmanā |
durjayenāprameyena rāmeṇa raṇakarmasu || 21 ||
śūra vakṣyāmi te kiñcinna cecchāmyabhyasūyitum |
śrūyatāṃ kriyatāṃ caiva tava vakṣyāmi yaddhitam || 22 ||
yauvarājyena sugrīvaṃ tūrṇaṃ sādhvabhiṣecaya |
vigrahaṃ mā kṛthā vīra bhrātrā rājanbalīyasā || 23 ||
ahaṃ hi te kṣamaṃ manye tena rāmeṇa sauhṛdam |
sugrīveṇa ca samprītiṃ vairamutsṛjya dūrataḥ || 24 ||
lālanīyo hi te bhrātā yavīyāneṣa vānaraḥ |
tatra vā sannihastho vā sarvathā bandhureva te || 25 ||
na hi tena samaṃ bandhuṃ bhuvi paśyāmi kañcana || 26 ||
dānamānādisatkāraiḥ kuruṣva pratyanantaram |
vairametatsamutsṛjya tava pārśve sa tiṣṭhatu || 27 ||
sugrīvo vipulagrīvastavabandhussadā mataḥ |
bhrātṛssauhṛdamālamba nānyā gatirihāsti te || 28 ||
yadi te matpriyaṃ kāryaṃ yadi cāvaiṣi māṃ hitām |
yācyamānaḥ prayatnena sādhu vākyaṃ kuruṣva me || 29 ||
prasīda pathyaṃ śṛṇu jalpitaṃ hi me na roṣa mevānuvidhātumarhasi |
kṣamo hi te kosalarājasūnunā na vigrahaśśakrasamānatejasā || 30 ||
tadā hi tārā hitameva vākyaṃ taṃ vālinaṃ pathyamidaṃ babhāṣe |
na rocate tadvacanaṃ hi tasya kālābhipannasya vināśakāle || 31 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe pañcadaśassargaḥ ||
Sanskrit — Devanagari (original)
श्रीमद्वाल्मीकीय रामायणे किष्किन्धाकाण्डम् ।
अथ पञ्चदशस्सर्गः ।
अथ तस्य निनादं तं सुग्रीवस्य महात्मनः ।
शुश्रावान्तः पुर गतो वाली भ्रातुरमर्षणः ॥ 1 ॥
श्रुत्वा तु तस्य निनदं सर्वभूतप्रकम्पनम् ।
मदश्चैकपदे नष्टः क्रोधश्चापतितो महान् ॥ 2 ॥
स तु रोषपरीताङ्गो वाली सन्ध्याकनकप्रभः ।
उपरक्त इवादित्यस्सद्यो निष्प्रभतां गतः ॥ 3 ॥
वाली दंष्ट्रा करालः तु क्रोधाद् दीप्त अग्नि लोचनः ।
भाति उत्पतित पद्माभः समृणाल इव ह्रदः ॥ 4 ॥
शब्दं दुर्मर्षणं श्रुत्वा निष्पपात ततो हरिः ।
वेगेन चरणन्यासैर्दारयन्निव मेदिनीम् ॥ 5 ॥
तं तु तारा परिष्वज्य स्नेहाद्दर्शितसौहृदाः ।
उवाच त्रस्तसम्भ्रान्ता हितोदर्कमिदं वचः ॥ 6 ॥
साधु क्रोधमिमं वीर नदीवेगमिवागतम् ।
शयनादुत्थितः काल्यं त्यज भुक्तामिव स्रजम् ॥ 7 ॥
काल्यमेतेन सङ्ग्रामं करिष्यसि च वानर ।
वीर ते शत्रुबाहुल्यं फल्गुता वा न विद्यते ॥ 8 ॥
सहसा तव निष्क्रामो मम तावन्न रोचते ।
श्रूयतां चाभिधास्यामि यन्निमित्तं निवार्यसे ॥ 9 ॥
पूर्वमापतितः क्रोधात्स त्वामाह्वयते युधि ।
निष्पत्य च निरस्तस्ते हन्यमानो दिशो गतः ॥ 10 ॥
त्वया तस्य निरस्तस्य पीडितस्य विशेषतः ।
इहैत्य पुनराह्वानं शङ्कां जनयतीव मे ॥ 11 ॥
दर्पश्च व्यवसायश्च यादृशस्तस्य नर्दतः ।
निनादश्चापि संरम्भो नैतदल्पं हि कारणम् ॥ 12 ॥
नासहायमहं मन्ये सुग्रीवं तमिहागतम् ।
अवष्टब्धसहायश्च यमाश्रित्यैष गर्जति ॥ 13 ॥
प्रकृत्या निपुणश्चैव बुद्धिमांश्चैव वानरः ।
अपरीक्षितवीर्येण सुग्रीवस्सहनैष्यति ॥ 14 ॥
पूर्वमेव मया वीर श्रुतं कथयतो वचः ।
अङ्गदस्य कुमारस्य वक्ष्यामित्वा हितं वचः ॥ 15 ॥
अङ्गदस्तु कुमारोऽयं वनान्तमुपनिर्गतः ।
प्रवृत्तिस्तेन कथिता चारै राप्तैर्निवेदिता ॥ 16 ॥
अयोध्याधिपतेः पुत्रौ शूरौ समरदुर्जयौ ।
इक्ष्वाकूणां कुले जातौ प्रथितौ रामलक्ष्मणौ ॥ 17 ॥
सुग्रीवप्रियकामार्थं प्राप्तौ तत्र दुरासदौ ।
तव भ्रातुर्हि विख्यातस्सहायो रणकर्कशः ।
रामः परबलामर्दी युगान्ताग्निरिवोत्थितः ॥ 18 ॥
निवासवृक्षः साधूनामापन्नानां परा गतिः ।
आर्तानां संश्रयश्चैव यशसश्चैकभाजनम् ॥ 19 ॥
ज्ञानविज्ञानसम्पन्नो निदेशे निरतः पितुः ।
धातूनामिव शैलेन्द्रो गुणानामाकरो महान् ॥ 20 ॥
तत्क्षमं न विरोधस्ते सह तेन महात्मना ।
दुर्जयेनाप्रमेयेन रामेण रणकर्मसु ॥ 21 ॥
शूर वक्ष्यामि ते किञ्चिन्न चेच्छाम्यभ्यसूयितुम् ।
श्रूयतां क्रियतां चैव तव वक्ष्यामि यद्धितम् ॥ 22 ॥
यौवराज्येन सुग्रीवं तूर्णं साध्वभिषेचय ।
विग्रहं मा कृथा वीर भ्रात्रा राजन्बलीयसा ॥ 23 ॥
अहं हि ते क्षमं मन्ये तेन रामेण सौहृदम् ।
सुग्रीवेण च सम्प्रीतिं वैरमुत्सृज्य दूरतः ॥ 24 ॥
लालनीयो हि ते भ्राता यवीयानेष वानरः ।
तत्र वा सन्निहस्थो वा सर्वथा बन्धुरेव ते ॥ 25 ॥
न हि तेन समं बन्धुं भुवि पश्यामि कञ्चन ॥ 26 ॥
दानमानादिसत्कारैः कुरुष्व प्रत्यनन्तरम् ।
वैरमेतत्समुत्सृज्य तव पार्श्वे स तिष्ठतु ॥ 27 ॥
सुग्रीवो विपुलग्रीवस्तवबन्धुस्सदा मतः ।
भ्रातृस्सौहृदमालम्ब नान्या गतिरिहास्ति ते ॥ 28 ॥
यदि ते मत्प्रियं कार्यं यदि चावैषि मां हिताम् ।
याच्यमानः प्रयत्नेन साधु वाक्यं कुरुष्व मे ॥ 29 ॥
प्रसीद पथ्यं शृणु जल्पितं हि मे न रोष मेवानुविधातुमर्हसि ।
क्षमो हि ते कोसलराजसूनुना न विग्रहश्शक्रसमानतेजसा ॥ 30 ॥
तदा हि तारा हितमेव वाक्यं तं वालिनं पथ्यमिदं बभाषे ।
न रोचते तद्वचनं हि तस्य कालाभिपन्नस्य विनाशकाले ॥ 31 ॥
इत्यार्षे श्रीमद्रामायणे वाल्मीकीय आदिकाव्ये किष्किन्धाकाण्डे पञ्चदशस्सर्गः ॥
śrīmadvālmīkīya rāmāyaṇe kiṣkindhākāṇḍam |
atha pañcadaśassargaḥ |
atha tasya ninādaṃ taṃ sugrīvasya mahātmanaḥ |
śuśrāvāntaḥ pura gato vālī bhrāturamarṣaṇaḥ || 1 ||
śrutvā tu tasya ninadaṃ sarvabhūtaprakampanam |
madaścaikapade naṣṭaḥ krodhaścāpatito mahān || 2 ||
sa tu roṣaparītāṅgo vālī sandhyākanakaprabhaḥ |
uparakta ivādityassadyo niṣprabhatāṃ gataḥ || 3 ||
vālī daṃṣṭrā karālaḥ tu krodhād dīpta agni locanaḥ |
bhāti utpatita padmābhaḥ samṛṇāla iva hradaḥ || 4 ||
śabdaṃ durmarṣaṇaṃ śrutvā niṣpapāta tato hariḥ |
vegena caraṇanyāsairdārayanniva medinīm || 5 ||
taṃ tu tārā pariṣvajya snehāddarśitasauhṛdāḥ |
uvāca trastasambhrāntā hitodarkamidaṃ vacaḥ || 6 ||
sādhu krodhamimaṃ vīra nadīvegamivāgatam |
śayanādutthitaḥ kālyaṃ tyaja bhuktāmiva srajam || 7 ||
kālyametena saṅgrāmaṃ kariṣyasi ca vānara |
vīra te śatrubāhulyaṃ phalgutā vā na vidyate || 8 ||
sahasā tava niṣkrāmo mama tāvanna rocate |
śrūyatāṃ cābhidhāsyāmi yannimittaṃ nivāryase || 9 ||
pūrvamāpatitaḥ krodhātsa tvāmāhvayate yudhi |
niṣpatya ca nirastaste hanyamāno diśo gataḥ || 10 ||
tvayā tasya nirastasya pīḍitasya viśeṣataḥ |
ihaitya punarāhvānaṃ śaṅkāṃ janayatīva me || 11 ||
darpaśca vyavasāyaśca yādṛśastasya nardataḥ |
ninādaścāpi saṃrambho naitadalpaṃ hi kāraṇam || 12 ||
nāsahāyamahaṃ manye sugrīvaṃ tamihāgatam |
avaṣṭabdhasahāyaśca yamāśrityaiṣa garjati || 13 ||
prakṛtyā nipuṇaścaiva buddhimāṃścaiva vānaraḥ |
aparīkṣitavīryeṇa sugrīvassahanaiṣyati || 14 ||
pūrvameva mayā vīra śrutaṃ kathayato vacaḥ |
aṅgadasya kumārasya vakṣyāmitvā hitaṃ vacaḥ || 15 ||
aṅgadastu kumāro'yaṃ vanāntamupanirgataḥ |
pravṛttistena kathitā cārai rāptairniveditā || 16 ||
ayodhyādhipateḥ putrau śūrau samaradurjayau |
ikṣvākūṇāṃ kule jātau prathitau rāmalakṣmaṇau || 17 ||
sugrīvapriyakāmārthaṃ prāptau tatra durāsadau |
tava bhrāturhi vikhyātassahāyo raṇakarkaśaḥ |
rāmaḥ parabalāmardī yugāntāgnirivotthitaḥ || 18 ||
nivāsavṛkṣaḥ sādhūnāmāpannānāṃ parā gatiḥ |
ārtānāṃ saṃśrayaścaiva yaśasaścaikabhājanam || 19 ||
jñānavijñānasampanno nideśe nirataḥ pituḥ |
dhātūnāmiva śailendro guṇānāmākaro mahān || 20 ||
tatkṣamaṃ na virodhaste saha tena mahātmanā |
durjayenāprameyena rāmeṇa raṇakarmasu || 21 ||
śūra vakṣyāmi te kiñcinna cecchāmyabhyasūyitum |
śrūyatāṃ kriyatāṃ caiva tava vakṣyāmi yaddhitam || 22 ||
yauvarājyena sugrīvaṃ tūrṇaṃ sādhvabhiṣecaya |
vigrahaṃ mā kṛthā vīra bhrātrā rājanbalīyasā || 23 ||
ahaṃ hi te kṣamaṃ manye tena rāmeṇa sauhṛdam |
sugrīveṇa ca samprītiṃ vairamutsṛjya dūrataḥ || 24 ||
lālanīyo hi te bhrātā yavīyāneṣa vānaraḥ |
tatra vā sannihastho vā sarvathā bandhureva te || 25 ||
na hi tena samaṃ bandhuṃ bhuvi paśyāmi kañcana || 26 ||
dānamānādisatkāraiḥ kuruṣva pratyanantaram |
vairametatsamutsṛjya tava pārśve sa tiṣṭhatu || 27 ||
sugrīvo vipulagrīvastavabandhussadā mataḥ |
bhrātṛssauhṛdamālamba nānyā gatirihāsti te || 28 ||
yadi te matpriyaṃ kāryaṃ yadi cāvaiṣi māṃ hitām |
yācyamānaḥ prayatnena sādhu vākyaṃ kuruṣva me || 29 ||
prasīda pathyaṃ śṛṇu jalpitaṃ hi me na roṣa mevānuvidhātumarhasi |
kṣamo hi te kosalarājasūnunā na vigrahaśśakrasamānatejasā || 30 ||
tadā hi tārā hitameva vākyaṃ taṃ vālinaṃ pathyamidaṃ babhāṣe |
na rocate tadvacanaṃ hi tasya kālābhipannasya vināśakāle || 31 ||
ityārṣe śrīmadrāmāyaṇe vālmīkīya ādikāvye kiṣkindhākāṇḍe pañcadaśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.