ଶ୍ରୀମଦ୍ଵାଲ୍ମୀକୀଯ ରାମାଯଣେ ଅରଣ୍ଯକାଣ୍ଡମ୍ ।
ଅଥ ଵିଂଶସ୍ସର୍ଗଃ ।
ତତଶ୍ଶୂର୍ପଣଖା ଘୋରା ରାଘଵାଶ୍ରମମାଗତା ।
ରାକ୍ଷସାନାଚଚକ୍ଷେ ତୌ ଭ୍ରାତରୌ ସହ ସୀତଯା ॥ 1 ॥
ତେ ରାମଂ ପର୍ଣଶାଲାଯାମୁପଵିଷ୍ଟଂ ମହାବଲମ୍ ।
ଦଦୃଶୁସ୍ସୀତଯା ସାର୍ଧଂ ଵୈଦେହ୍ଯା ଲକ୍ଷ୍ମଣେନ ଚ ॥ 2 ॥
ତାନ୍ଦୃଷ୍ଟ୍ଵା ରାଘଵଶ୍ଶ୍ରୀମାନାଗତାଂସ୍ତାଂ ଚ ରାକ୍ଷସୀମ୍ ।
ଅବ୍ରଵୀଦ୍ଭ୍ରାତରଂ ରାମୋ ଲକ୍ଷ୍ମଣଂ ଦୀପ୍ତତେଜସମ୍ ॥ 3 ॥
ମୁହୂର୍ତଂ ଭଵ ସୌମିତ୍ରେ ସୀତାଯାଃ ପ୍ରତ୍ଯନନ୍ତରଃ ।
ଇମାନସ୍ଯା ଵଧିଷ୍ଯାମି ପଦଵୀମାଗତାନିହ ॥ 4 ॥
ଵାକ୍ଯମେତତ୍ତତଶ୍ଶ୍ରୁତ୍ଵା ରାମସ୍ଯ ଵିଦିତାତ୍ମନଃ ।
ତଥେତି ଲକ୍ଷ୍ମଣୋ ଵାକ୍ଯଂ ରାମସ୍ଯ ପ୍ରତ୍ଯପୂଜଯତ୍ ॥ 5 ॥
ରାଘଵୋଽପି ମହଚ୍ଚାପଂ ଚାମୀକରଵିଭୂଷିତମ୍ ।
ଚକାର ସଜ୍ଯଂ ଧର୍ମାତ୍ମା ତାନି ରକ୍ଷାଂସି ଚାବ୍ରଵୀତ୍ ॥ 6 ॥
ପୁତ୍ରୌ ଦଶରଥସ୍ଯାଵାଂ ଭ୍ରାତରୌ ରାମଲକ୍ଷ୍ମଣୌ ।
ପ୍ରଵିଷ୍ଟୌ ସୀତଯା ସାର୍ଧଂ ଦୁଶ୍ଚରଂ ଦଣ୍ଡକାଵନମ୍ ॥ 7 ॥
ଫଲମୂଲାଶନୌ ଦାନ୍ତୌ ତାପସୌ ଧର୍ମଚାରିଣୌ ।
ଵସନ୍ତୌ ଦଣ୍ଡକାରଣ୍ଯେ କିମର୍ଥମୁପହିଂସଥ ॥ 8 ॥
ଯୁଷ୍ମାନ୍ପାପାତ୍ମକାନ୍ହନ୍ତୁଂ ଵିପ୍ରକାରାନ୍ମହାହଵେ ।
ଋଷୀଣାଂ ତୁ ନିଯୋଗେନ ପ୍ରାପ୍ତୋଽହଂ ସଶରାଯୁଧଃ ॥ 9 ॥
ତିଷ୍ଠତୈଵାତ୍ର ସନ୍ତୁଷ୍ଟା ନୋପାଵର୍ତିତୁମର୍ହଥ ।
ଯଦି ପ୍ରାଣୈରିହାର୍ଥୋ ଵା ନିଵର୍ତଧ୍ଵଂ ନିଶାଚରାଃ ॥ 10 ॥
ତସ୍ଯ ତଦ୍ଵଚନଂ ଶ୍ରୁତ୍ଵା ରାକ୍ଷସାସ୍ତେ ଚତୁର୍ଦଶ ।
ଊଚୁର୍ଵାଚଂ ସୁସଙ୍କ୍ରୁଦ୍ଧା ବ୍ରହ୍ମଘ୍ନାଶ୍ଶୂଲପାଣଯଃ ॥ 11 ॥
କ୍ରୋଧମୁତ୍ପାଦ୍ଯ ନୋ ଭର୍ତୁଃ ଖରସ୍ଯ ସୁମହାତ୍ମନଃ ।
ତ୍ଵମେଵ ହାସ୍ଯସେ ପ୍ରାଣାନଦ୍ଯାସ୍ମାଭିର୍ହତୋ ଯୁଧି ॥ 12 ॥
କା ହି ତେ ଶକ୍ତିରେକସ୍ଯ ବହୂନାଂ ରଣମୂର୍ଧନୀ ।
ଅସ୍ମାକମଗ୍ରତଃ ସ୍ଥାତୁଂ କିଂ ପୁନର୍ଯୋଦ୍ଦୁମାହଵେ ॥ 13 ॥
ଏହି ବାହୁପ୍ରଯୁକ୍ତୈର୍ନଃ ପରିଘୈଶ୍ଶୂଲପଟ୍ଟିସୈଃ ।
ପ୍ରାଣାଂସ୍ତ୍ଯକ୍ଷସି ଵୀର୍ଯଂ ଚ ଧନୁଶ୍ଚ କରପୀଡିତମ୍ ॥ 14 ॥
ଇତ୍ଯେଵମୁକ୍ତ୍ଵା ସଙ୍କୃଦ୍ଧା ରାକ୍ଷସାସ୍ତେ ଚତୁର୍ଦଶ ।
ଚିକ୍ଷିପୁସ୍ତାନି ଶୂଲାନି ରାଘଵଂ ପ୍ରତି ଦୁର୍ଜଯମ୍ ॥ 15 ॥
ତାନି ଶୂଲାନି କାକୁତ୍ସ୍ଥସ୍ସମସ୍ତାନି ଚତୁର୍ଦଶ ।
ତାଵଦ୍ଭିରେଵ ଚିଚ୍ଛେଦ ଶରୈଃ କାଞ୍ଚନଭୂଷଣୈଃ ॥ 16 ॥
ତତଃ ପଶ୍ଚାନ୍ମହାତେଜା ନାରାଚାନ୍ସୂର୍ଯସନ୍ନିଭାନ୍ ।
ଜଗ୍ରାହ ପରମକ୍ରୁଦ୍ଧଶ୍ଚତୁର୍ଦଶ ଶିଲାଶିତାନ୍ ॥ 17 ॥
ଗୃହୀତ୍ଵା ଧନୁରାଯମ୍ଯ ଲକ୍ଷ୍ଯାନୁଦ୍ଦିଶ୍ଯ ରାକ୍ଷସାନ୍ ।
ମୁମୋଚ ରାଘଵୋ ବାଣାନ୍ଵଜ୍ରାନିଵ ଶତକ୍ରତୁଃ ॥ 18 ॥
ରୁକ୍ମପୁଙ୍ଖାଶ୍ଚ ଵିଶିଖା ଦୀପ୍ତା ହେମଵିଭୂଷିତାଃ ।
ତେ ଭିତ୍ତ୍ଵା ରକ୍ଷସାଂ ଵେଗାଦ୍ଵକ୍ଷାଂସି ରୁଧିରାପ୍ଲୁତାଃ ॥ 19 ॥
ଵିନିଷ୍ପେତୁସ୍ତଦା ଭୂମୌ ନ୍ଯମଜ୍ଜନ୍ତାଶନିସ୍ଵନାଃ ।
ତେ ଭିନ୍ନହୃଦଯା ଭୂମୌ ଛିନ୍ନମୂଲା ଇଵ ଦ୍ରୁମାଃ ॥ 20 ॥
ନିପେତୁଶ୍ଶୋଣିତାର୍ଦ୍ରାଙ୍ଗା ଵିକୃତା ଵିଗତାସଵଃ ।
ତାନ୍ ଦୃଷ୍ଟ୍ଵା ପତିତାନ୍ଭୂମୌ ରାକ୍ଷସୀ କ୍ରୋଧମୂର୍ଛିତା ॥ 21 ॥
ପରିତ୍ରସ୍ତା ପୁନସ୍ତତ୍ର ଵ୍ଯସୃଜଦ୍ଭୈରଵସ୍ଵନାନ୍ ।
ଉପଗମ୍ଯ ଖରଂ ସା ତୁ କିଞ୍ଚିତ୍ସଂଶୁଷ୍କଶୋଣିତା ॥ 22 ॥
ପପାତ ପୁନରେଵାର୍ତା ସନିର୍ଯାସେଵ ସଲ୍ଲକୀ ।
ପପାତ ପୁନରେଵାର୍ତା ସନିର୍ଯାସେଵ ସଲ୍ଲକୀ ॥ 23 ॥
ଭ୍ରାତୁସ୍ସମୀପେ ଶୋକାର୍ତା ସସର୍ଜ ନିନଦଂ ମୁହୁଃ ॥ 24 ॥
ସସ୍ଵରଂ ମୁମୁଚେ ବାଷ୍ପଂ ଵିଷଣ୍ଣଵଦନା ତଦା ।
ନିପାତିତାନ୍ ଦୃଶ୍ଯ ରଣେ ତୁ ରାକ୍ଷସାନ୍ ପ୍ରଧାଵିତା ଶୂର୍ପଣଖା ପୁନସ୍ତତଃ ।
ଵଧଂ ଚ ତେଷାଂ ନିଖିଲେନ ରକ୍ଷସାଂ ଶଶଂସ ସର୍ଵଂ ଭଗିନୀ ଖରସ୍ଯ ସା ॥ 25 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ ଅରଣ୍ଯକାଣ୍ଡେ ଵିଂଶସ୍ସର୍ଗଃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha viṃśassargaḥ |
tataśśūrpaṇakhā ghorā rāghavāśramamāgatā |
rākṣasānācacakṣe tau bhrātarau saha sītayā || 1 ||
te rāmaṃ parṇaśālāyāmupaviṣṭaṃ mahābalam |
dadṛśussītayā sārdhaṃ vaidehyā lakṣmaṇena ca || 2 ||
tāndṛṣṭvā rāghavaśśrīmānāgatāṃstāṃ ca rākṣasīm |
abravīdbhrātaraṃ rāmo lakṣmaṇaṃ dīptatejasam || 3 ||
muhūrtaṃ bhava saumitre sītāyāḥ pratyanantaraḥ |
imānasyā vadhiṣyāmi padavīmāgatāniha || 4 ||
vākyametattataśśrutvā rāmasya viditātmanaḥ |
tatheti lakṣmaṇo vākyaṃ rāmasya pratyapūjayat || 5 ||
rāghavo'pi mahaccāpaṃ cāmīkaravibhūṣitam |
cakāra sajyaṃ dharmātmā tāni rakṣāṃsi cābravīt || 6 ||
putrau daśarathasyāvāṃ bhrātarau rāmalakṣmaṇau |
praviṣṭau sītayā sārdhaṃ duścaraṃ daṇḍakāvanam || 7 ||
phalamūlāśanau dāntau tāpasau dharmacāriṇau |
vasantau daṇḍakāraṇye kimarthamupahiṃsatha || 8 ||
yuṣmānpāpātmakānhantuṃ viprakārānmahāhave |
ṛṣīṇāṃ tu niyogena prāpto'haṃ saśarāyudhaḥ || 9 ||
tiṣṭhataivātra santuṣṭā nopāvartitumarhatha |
yadi prāṇairihārtho vā nivartadhvaṃ niśācarāḥ || 10 ||
tasya tadvacanaṃ śrutvā rākṣasāste caturdaśa |
ūcurvācaṃ susaṅkruddhā brahmaghnāśśūlapāṇayaḥ || 11 ||
krodhamutpādya no bhartuḥ kharasya sumahātmanaḥ |
tvameva hāsyase prāṇānadyāsmābhirhato yudhi || 12 ||
kā hi te śaktirekasya bahūnāṃ raṇamūrdhanī |
asmākamagrataḥ sthātuṃ kiṃ punaryoddumāhave || 13 ||
ehi bāhuprayuktairnaḥ parighaiśśūlapaṭṭisaiḥ |
prāṇāṃstyakṣasi vīryaṃ ca dhanuśca karapīḍitam || 14 ||
ityevamuktvā saṅkṛddhā rākṣasāste caturdaśa |
cikṣipustāni śūlāni rāghavaṃ prati durjayam || 15 ||
tāni śūlāni kākutsthassamastāni caturdaśa |
tāvadbhireva ciccheda śaraiḥ kāñcanabhūṣaṇaiḥ || 16 ||
tataḥ paścānmahātejā nārācānsūryasannibhān |
jagrāha paramakruddhaścaturdaśa śilāśitān || 17 ||
gṛhītvā dhanurāyamya lakṣyānuddiśya rākṣasān |
mumoca rāghavo bāṇānvajrāniva śatakratuḥ || 18 ||
rukmapuṅkhāśca viśikhā dīptā hemavibhūṣitāḥ |
te bhittvā rakṣasāṃ vegādvakṣāṃsi rudhirāplutāḥ || 19 ||
viniṣpetustadā bhūmau nyamajjantāśanisvanāḥ |
te bhinnahṛdayā bhūmau chinnamūlā iva drumāḥ || 20 ||
nipetuśśoṇitārdrāṅgā vikṛtā vigatāsavaḥ |
tān dṛṣṭvā patitānbhūmau rākṣasī krodhamūrchitā || 21 ||
paritrastā punastatra vyasṛjadbhairavasvanān |
upagamya kharaṃ sā tu kiñcitsaṃśuṣkaśoṇitā || 22 ||
papāta punarevārtā saniryāseva sallakī |
papāta punarevārtā saniryāseva sallakī || 23 ||
bhrātussamīpe śokārtā sasarja ninadaṃ muhuḥ || 24 ||
sasvaraṃ mumuce bāṣpaṃ viṣaṇṇavadanā tadā |
nipātitān dṛśya raṇe tu rākṣasān pradhāvitā śūrpaṇakhā punastataḥ |
vadhaṃ ca teṣāṃ nikhilena rakṣasāṃ śaśaṃsa sarvaṃ bhaginī kharasya sā || 25 ||
ityārṣe śrīmadrāmāyaṇe vālmīkīya ādikāvye araṇyakāṇḍe viṃśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ विंशस्सर्गः ।
ततश्शूर्पणखा घोरा राघवाश्रममागता ।
राक्षसानाचचक्षे तौ भ्रातरौ सह सीतया ॥ 1 ॥
ते रामं पर्णशालायामुपविष्टं महाबलम् ।
ददृशुस्सीतया सार्धं वैदेह्या लक्ष्मणेन च ॥ 2 ॥
तान्दृष्ट्वा राघवश्श्रीमानागतांस्तां च राक्षसीम् ।
अब्रवीद्भ्रातरं रामो लक्ष्मणं दीप्ततेजसम् ॥ 3 ॥
मुहूर्तं भव सौमित्रे सीतायाः प्रत्यनन्तरः ।
इमानस्या वधिष्यामि पदवीमागतानिह ॥ 4 ॥
वाक्यमेतत्ततश्श्रुत्वा रामस्य विदितात्मनः ।
तथेति लक्ष्मणो वाक्यं रामस्य प्रत्यपूजयत् ॥ 5 ॥
राघवोऽपि महच्चापं चामीकरविभूषितम् ।
चकार सज्यं धर्मात्मा तानि रक्षांसि चाब्रवीत् ॥ 6 ॥
पुत्रौ दशरथस्यावां भ्रातरौ रामलक्ष्मणौ ।
प्रविष्टौ सीतया सार्धं दुश्चरं दण्डकावनम् ॥ 7 ॥
फलमूलाशनौ दान्तौ तापसौ धर्मचारिणौ ।
वसन्तौ दण्डकारण्ये किमर्थमुपहिंसथ ॥ 8 ॥
युष्मान्पापात्मकान्हन्तुं विप्रकारान्महाहवे ।
ऋषीणां तु नियोगेन प्राप्तोऽहं सशरायुधः ॥ 9 ॥
तिष्ठतैवात्र सन्तुष्टा नोपावर्तितुमर्हथ ।
यदि प्राणैरिहार्थो वा निवर्तध्वं निशाचराः ॥ 10 ॥
तस्य तद्वचनं श्रुत्वा राक्षसास्ते चतुर्दश ।
ऊचुर्वाचं सुसङ्क्रुद्धा ब्रह्मघ्नाश्शूलपाणयः ॥ 11 ॥
क्रोधमुत्पाद्य नो भर्तुः खरस्य सुमहात्मनः ।
त्वमेव हास्यसे प्राणानद्यास्माभिर्हतो युधि ॥ 12 ॥
का हि ते शक्तिरेकस्य बहूनां रणमूर्धनी ।
अस्माकमग्रतः स्थातुं किं पुनर्योद्दुमाहवे ॥ 13 ॥
एहि बाहुप्रयुक्तैर्नः परिघैश्शूलपट्टिसैः ।
प्राणांस्त्यक्षसि वीर्यं च धनुश्च करपीडितम् ॥ 14 ॥
इत्येवमुक्त्वा सङ्कृद्धा राक्षसास्ते चतुर्दश ।
चिक्षिपुस्तानि शूलानि राघवं प्रति दुर्जयम् ॥ 15 ॥
तानि शूलानि काकुत्स्थस्समस्तानि चतुर्दश ।
तावद्भिरेव चिच्छेद शरैः काञ्चनभूषणैः ॥ 16 ॥
ततः पश्चान्महातेजा नाराचान्सूर्यसन्निभान् ।
जग्राह परमक्रुद्धश्चतुर्दश शिलाशितान् ॥ 17 ॥
गृहीत्वा धनुरायम्य लक्ष्यानुद्दिश्य राक्षसान् ।
मुमोच राघवो बाणान्वज्रानिव शतक्रतुः ॥ 18 ॥
रुक्मपुङ्खाश्च विशिखा दीप्ता हेमविभूषिताः ।
ते भित्त्वा रक्षसां वेगाद्वक्षांसि रुधिराप्लुताः ॥ 19 ॥
विनिष्पेतुस्तदा भूमौ न्यमज्जन्ताशनिस्वनाः ।
ते भिन्नहृदया भूमौ छिन्नमूला इव द्रुमाः ॥ 20 ॥
निपेतुश्शोणितार्द्राङ्गा विकृता विगतासवः ।
तान् दृष्ट्वा पतितान्भूमौ राक्षसी क्रोधमूर्छिता ॥ 21 ॥
परित्रस्ता पुनस्तत्र व्यसृजद्भैरवस्वनान् ।
उपगम्य खरं सा तु किञ्चित्संशुष्कशोणिता ॥ 22 ॥
पपात पुनरेवार्ता सनिर्यासेव सल्लकी ।
पपात पुनरेवार्ता सनिर्यासेव सल्लकी ॥ 23 ॥
भ्रातुस्समीपे शोकार्ता ससर्ज निनदं मुहुः ॥ 24 ॥
सस्वरं मुमुचे बाष्पं विषण्णवदना तदा ।
निपातितान् दृश्य रणे तु राक्षसान् प्रधाविता शूर्पणखा पुनस्ततः ।
वधं च तेषां निखिलेन रक्षसां शशंस सर्वं भगिनी खरस्य सा ॥ 25 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे विंशस्सर्गः ॥
śrīmadvālmīkīya rāmāyaṇe araṇyakāṇḍam |
atha viṃśassargaḥ |
tataśśūrpaṇakhā ghorā rāghavāśramamāgatā |
rākṣasānācacakṣe tau bhrātarau saha sītayā || 1 ||
te rāmaṃ parṇaśālāyāmupaviṣṭaṃ mahābalam |
dadṛśussītayā sārdhaṃ vaidehyā lakṣmaṇena ca || 2 ||
tāndṛṣṭvā rāghavaśśrīmānāgatāṃstāṃ ca rākṣasīm |
abravīdbhrātaraṃ rāmo lakṣmaṇaṃ dīptatejasam || 3 ||
muhūrtaṃ bhava saumitre sītāyāḥ pratyanantaraḥ |
imānasyā vadhiṣyāmi padavīmāgatāniha || 4 ||
vākyametattataśśrutvā rāmasya viditātmanaḥ |
tatheti lakṣmaṇo vākyaṃ rāmasya pratyapūjayat || 5 ||
rāghavo'pi mahaccāpaṃ cāmīkaravibhūṣitam |
cakāra sajyaṃ dharmātmā tāni rakṣāṃsi cābravīt || 6 ||
putrau daśarathasyāvāṃ bhrātarau rāmalakṣmaṇau |
praviṣṭau sītayā sārdhaṃ duścaraṃ daṇḍakāvanam || 7 ||
phalamūlāśanau dāntau tāpasau dharmacāriṇau |
vasantau daṇḍakāraṇye kimarthamupahiṃsatha || 8 ||
yuṣmānpāpātmakānhantuṃ viprakārānmahāhave |
ṛṣīṇāṃ tu niyogena prāpto'haṃ saśarāyudhaḥ || 9 ||
tiṣṭhataivātra santuṣṭā nopāvartitumarhatha |
yadi prāṇairihārtho vā nivartadhvaṃ niśācarāḥ || 10 ||
tasya tadvacanaṃ śrutvā rākṣasāste caturdaśa |
ūcurvācaṃ susaṅkruddhā brahmaghnāśśūlapāṇayaḥ || 11 ||
krodhamutpādya no bhartuḥ kharasya sumahātmanaḥ |
tvameva hāsyase prāṇānadyāsmābhirhato yudhi || 12 ||
kā hi te śaktirekasya bahūnāṃ raṇamūrdhanī |
asmākamagrataḥ sthātuṃ kiṃ punaryoddumāhave || 13 ||
ehi bāhuprayuktairnaḥ parighaiśśūlapaṭṭisaiḥ |
prāṇāṃstyakṣasi vīryaṃ ca dhanuśca karapīḍitam || 14 ||
ityevamuktvā saṅkṛddhā rākṣasāste caturdaśa |
cikṣipustāni śūlāni rāghavaṃ prati durjayam || 15 ||
tāni śūlāni kākutsthassamastāni caturdaśa |
tāvadbhireva ciccheda śaraiḥ kāñcanabhūṣaṇaiḥ || 16 ||
tataḥ paścānmahātejā nārācānsūryasannibhān |
jagrāha paramakruddhaścaturdaśa śilāśitān || 17 ||
gṛhītvā dhanurāyamya lakṣyānuddiśya rākṣasān |
mumoca rāghavo bāṇānvajrāniva śatakratuḥ || 18 ||
rukmapuṅkhāśca viśikhā dīptā hemavibhūṣitāḥ |
te bhittvā rakṣasāṃ vegādvakṣāṃsi rudhirāplutāḥ || 19 ||
viniṣpetustadā bhūmau nyamajjantāśanisvanāḥ |
te bhinnahṛdayā bhūmau chinnamūlā iva drumāḥ || 20 ||
nipetuśśoṇitārdrāṅgā vikṛtā vigatāsavaḥ |
tān dṛṣṭvā patitānbhūmau rākṣasī krodhamūrchitā || 21 ||
paritrastā punastatra vyasṛjadbhairavasvanān |
upagamya kharaṃ sā tu kiñcitsaṃśuṣkaśoṇitā || 22 ||
papāta punarevārtā saniryāseva sallakī |
papāta punarevārtā saniryāseva sallakī || 23 ||
bhrātussamīpe śokārtā sasarja ninadaṃ muhuḥ || 24 ||
sasvaraṃ mumuce bāṣpaṃ viṣaṇṇavadanā tadā |
nipātitān dṛśya raṇe tu rākṣasān pradhāvitā śūrpaṇakhā punastataḥ |
vadhaṃ ca teṣāṃ nikhilena rakṣasāṃ śaśaṃsa sarvaṃ bhaginī kharasya sā || 25 ||
ityārṣe śrīmadrāmāyaṇe vālmīkīya ādikāvye araṇyakāṇḍe viṃśassargaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.