ଶ୍ରୀମଦ୍ଵାଲ୍ମୀକୀଯ ରାମାଯଣେ ଅରଣ୍ଯକାଣ୍ଡମ୍ ।
ଅଥ ସପ୍ତଵିଂଶସ୍ସର୍ଗଃ ।
ଖରଂ ତୁ ରାମାଭିମୁଖଂ ପ୍ରଯାନ୍ତଂ ଵାହିନୀପତିଃ ।
ରାକ୍ଷସସ୍ତ୍ରିଶିରା ନାମ ସନ୍ନିପତ୍ଯେଦମବ୍ରଵୀତ୍ ॥ 1 ॥
ମାଂ ନିଯୋଜଯ ଵିକ୍ରାନ୍ତ ସନ୍ନିଵର୍ତସ୍ଵ ସାହସାତ୍ ।
ପଶ୍ଯ ରାମଂ ମହାବାହୁଂ ସଂଯୁଗେ ଵିନିପାତିତମ୍ ॥ 2 ॥
ପ୍ରତିଜାନାମି ତେ ସତ୍ଯମାଯୁଧଂ ଚାହମାଲଭେ ।
ଯଥା ରାମଂ ଵଧିଷ୍ଯାମି ଵଧାର୍ହଂ ସର୍ଵରକ୍ଷସାମ୍ ॥ 3 ॥
ଅହଂ ଵାସ୍ଯ ରଣେ ମୃତ୍ଯୁରେଷ ଵା ସମରେ ମମ ।
ଵିନିଵୃତ୍ଯ ରଣୋତ୍ସାହାନ୍ମୁହୂର୍ତଂ ପ୍ରାଶ୍ନିକୋ ଭଵ ॥ 4 ॥
ପ୍ରହୃଷ୍ଟୋ ଵା ହତେ ରାମେ ଜନସ୍ଥାନଂ ପ୍ରଯାସ୍ଯସି ।
ମଯି ଵା ନିହତେ ରାମଂ ସଂଯୁଗାଯୋପଯାସ୍ଯସି ॥ 5 ॥
ଖରସ୍ତ୍ରିଶିରସା ତେନ ମୃତ୍ଯୁଲୋଭାତ୍ପ୍ରସାଦିତଃ ।
ଗଚ୍ଛ ଯୁଧ୍ଯେତ୍ଯନୁଜ୍ଞାତୋ ରାଘଵାଭିମୁଖୋ ଯଯୌ ॥ 6 ॥
ତ୍ରିଶିରାଶ୍ଚ ରଥେନୈଵ ଵାଜିଯୁକ୍ତେନ ଭାସ୍ଵତା ।
ଅଭ୍ଯଦ୍ରଵଦ୍ରଣେ ରାମଂ ତ୍ରିଶୃଙ୍ଗ ଇଵ ପର୍ଵତଃ ॥ 7 ॥
ଶରଧାରାସମୂହାନ୍ସ ମହାମେଘ ଇଵୋତ୍ସୃଜନ୍ ।
ଵ୍ଯସୃଜତ୍ସଦୃଶଂ ନାଦଂ ଜଲାର୍ଦ୍ରସ୍ଯ ତୁ ଦୁନ୍ଦୁଭେଃ ॥ 8 ॥
ଆଗଚ୍ଛନ୍ତଂ ତ୍ରିଶିରସଂ ରାକ୍ଷସଂ ପ୍ରେକ୍ଷ୍ଯ ରାଘଵଃ ।
ଧନୁଷା ପ୍ରତିଜଗ୍ରାହ ଵିଧୁନ୍ଵନ୍ସାଯକାନ୍ ଶିତାନ୍ ॥ 9 ॥
ସ ସମ୍ପ୍ରହାରସ୍ତୁମୁଲୋ ରାମତ୍ରିଶିରସୋର୍ମହାନ୍ ।
ବଭୂଵାତୀଵ ବଲିନୋସ୍ସିଂହକୁଞ୍ଜରଯୋରିଵ ॥ 10 ॥
ତତସ୍ତ୍ରିଶିରସା ବାଣୈର୍ଲଲାଟେ ତାଡିତସ୍ତ୍ରିଭିଃ ।
ଅମର୍ଷୀ କୁପିତୋରାମସ୍ସଂରବ୍ଧମିଦମବ୍ରଵୀତ୍ ॥ 11 ॥
ଅହୋ ଵିକ୍ରମଶୂରସ୍ଯ ରାକ୍ଷସସ୍ଯେଦୃଶଂ ବଲମ୍ ।
ପୁଷ୍ପୈରିଵ ଶରୈର୍ଯସ୍ଯ ଲଲାଟେଽସ୍ମିନ୍ପରିକ୍ଷତଃ ॥ 12 ॥
ମମାପି ପ୍ରତିଗୃହ୍ଣୀଷ୍ଵ ଶରାଂଶ୍ଚାପଗୁଣାଚ୍ଚ୍ଯୁତାନ୍ ।
ଏଵମୁକ୍ତ୍ଵା ତୁ ସଂରବ୍ଧଶ୍ଶରାନାଶୀଵିଷୋପମାନ୍ ॥ 13 ॥
ତ୍ରିଶିରୋଵକ୍ଷସି କ୍ରୁଦ୍ଧୋ ନିଜଘାନ ଚତୁର୍ଦଶ ।
ଚତୁର୍ଭିସ୍ତୁରଗାନସ୍ଯ ଶରୈଃ ସନ୍ନତପର୍ଵଭିଃ ॥ 14 ॥
ନ୍ଯପାତଯତ ତେଜସ୍ଵୀ ଚତୁରସ୍ତସ୍ଯ ଵାଜିନଃ ।
ଅଷ୍ଟଭିସ୍ସାଯକୈସ୍ସୂତଂ ରଥୋପସ୍ଥାନ୍ନ୍ଯପାତଯତ୍ ॥ 15 ॥
ରାମଶ୍ଚିଚ୍ଛେଦ ବାଣେନ ଧ୍ଵଜଂ ଚାସ୍ଯ ସମୁଚ୍ଛ୍ରିତମ୍ ।
ତତୋ ହତରଥାତ୍ତସ୍ମାଦୁତ୍ପତନ୍ତଂ ନିଶାଚରମ୍ ॥ 16 ॥
ବିଭେଦ ରାମସ୍ତଂ ବାଣୈର୍ହୃଦଯେ ସୋଽଭଵଜ୍ଜଡଃ ।
ସାଯକୈଶ୍ଚାପ୍ରମେଯାତ୍ମା ସାମର୍ଷସ୍ତସ୍ଯ ରକ୍ଷସଃ ॥ 17 ॥
ଶିରାଂସ୍ଯପାତଯଦ୍ରାମୋ ଵେଗଵଦ୍ଭିସ୍ତ୍ରିଭିଶ୍ଶିତୈଃ ।
ସ ଭୂମୌ ରୁଧିରୋଦ୍ଗାରୀ ରାମବାଣାଭିପୀଡିତଃ ॥ 18 ॥
ନ୍ଯପତତ୍ପତିତୈଃ ପୂର୍ଵଂ ସ୍ଵଶିରୋଭିର୍ନିଶାଚରଃ ।
ହତଶେଷାସ୍ତତୋ ଭଗ୍ନା ରାକ୍ଷସାଃ ଖରସଂଶ୍ରଯା ॥ 19 ॥
ଦ୍ରଵନ୍ତି ସ୍ମ ନ ତିଷ୍ଠନ୍ତି ଵ୍ଯାଘ୍ରତ୍ରସ୍ତା ମୃଗା ଇଵ ।
ତାନ୍ଖରୋ ଦ୍ରଵତୋ ଦୃଷ୍ଟ୍ଵା ନିଵର୍ତ୍ଯ ରୁଷିତସ୍ସ୍ଵଯମ୍ ॥ 20 ॥
ଇତ୍ଯାର୍ଷେ ଶ୍ରୀମଦ୍ରାମାଯଣେ ଵାଲ୍ମୀକୀଯ ଆଦିକାଵ୍ଯେ ଅରଣ୍ଯକାଣ୍ଡେ ସପ୍ତଵିଂଶସ୍ସର୍ଗଃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha saptaviṃśassargaḥ |
kharaṃ tu rāmābhimukhaṃ prayāntaṃ vāhinīpatiḥ |
rākṣasastriśirā nāma sannipatyedamabravīt || 1 ||
māṃ niyojaya vikrānta sannivartasva sāhasāt |
paśya rāmaṃ mahābāhuṃ saṃyuge vinipātitam || 2 ||
pratijānāmi te satyamāyudhaṃ cāhamālabhe |
yathā rāmaṃ vadhiṣyāmi vadhārhaṃ sarvarakṣasām || 3 ||
ahaṃ vāsya raṇe mṛtyureṣa vā samare mama |
vinivṛtya raṇotsāhānmuhūrtaṃ prāśniko bhava || 4 ||
prahṛṣṭo vā hate rāme janasthānaṃ prayāsyasi |
mayi vā nihate rāmaṃ saṃyugāyopayāsyasi || 5 ||
kharastriśirasā tena mṛtyulobhātprasāditaḥ |
gaccha yudhyetyanujñāto rāghavābhimukho yayau || 6 ||
triśirāśca rathenaiva vājiyuktena bhāsvatā |
abhyadravadraṇe rāmaṃ triśṛṅga iva parvataḥ || 7 ||
śaradhārāsamūhānsa mahāmegha ivotsṛjan |
vyasṛjatsadṛśaṃ nādaṃ jalārdrasya tu dundubheḥ || 8 ||
āgacchantaṃ triśirasaṃ rākṣasaṃ prekṣya rāghavaḥ |
dhanuṣā pratijagrāha vidhunvansāyakān śitān || 9 ||
sa samprahārastumulo rāmatriśirasormahān |
babhūvātīva balinossiṃhakuñjarayoriva || 10 ||
tatastriśirasā bāṇairlalāṭe tāḍitastribhiḥ |
amarṣī kupitorāmassaṃrabdhamidamabravīt || 11 ||
aho vikramaśūrasya rākṣasasyedṛśaṃ balam |
puṣpairiva śarairyasya lalāṭe'sminparikṣataḥ || 12 ||
mamāpi pratigṛhṇīṣva śarāṃścāpaguṇāccyutān |
evamuktvā tu saṃrabdhaśśarānāśīviṣopamān || 13 ||
triśirovakṣasi kruddho nijaghāna caturdaśa |
caturbhisturagānasya śaraiḥ sannataparvabhiḥ || 14 ||
nyapātayata tejasvī caturastasya vājinaḥ |
aṣṭabhissāyakaissūtaṃ rathopasthānnyapātayat || 15 ||
rāmaściccheda bāṇena dhvajaṃ cāsya samucchritam |
tato hatarathāttasmādutpatantaṃ niśācaram || 16 ||
bibheda rāmastaṃ bāṇairhṛdaye so'bhavajjaḍaḥ |
sāyakaiścāprameyātmā sāmarṣastasya rakṣasaḥ || 17 ||
śirāṃsyapātayadrāmo vegavadbhistribhiśśitaiḥ |
sa bhūmau rudhirodgārī rāmabāṇābhipīḍitaḥ || 18 ||
nyapatatpatitaiḥ pūrvaṃ svaśirobhirniśācaraḥ |
hataśeṣāstato bhagnā rākṣasāḥ kharasaṃśrayā || 19 ||
dravanti sma na tiṣṭhanti vyāghratrastā mṛgā iva |
tānkharo dravato dṛṣṭvā nivartya ruṣitassvayam || 20 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptaviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ सप्तविंशस्सर्गः ।
खरं तु रामाभिमुखं प्रयान्तं वाहिनीपतिः ।
राक्षसस्त्रिशिरा नाम सन्निपत्येदमब्रवीत् ॥ 1 ॥
मां नियोजय विक्रान्त सन्निवर्तस्व साहसात् ।
पश्य रामं महाबाहुं संयुगे विनिपातितम् ॥ 2 ॥
प्रतिजानामि ते सत्यमायुधं चाहमालभे ।
यथा रामं वधिष्यामि वधार्हं सर्वरक्षसाम् ॥ 3 ॥
अहं वास्य रणे मृत्युरेष वा समरे मम ।
विनिवृत्य रणोत्साहान्मुहूर्तं प्राश्निको भव ॥ 4 ॥
प्रहृष्टो वा हते रामे जनस्थानं प्रयास्यसि ।
मयि वा निहते रामं संयुगायोपयास्यसि ॥ 5 ॥
खरस्त्रिशिरसा तेन मृत्युलोभात्प्रसादितः ।
गच्छ युध्येत्यनुज्ञातो राघवाभिमुखो ययौ ॥ 6 ॥
त्रिशिराश्च रथेनैव वाजियुक्तेन भास्वता ।
अभ्यद्रवद्रणे रामं त्रिशृङ्ग इव पर्वतः ॥ 7 ॥
शरधारासमूहान्स महामेघ इवोत्सृजन् ।
व्यसृजत्सदृशं नादं जलार्द्रस्य तु दुन्दुभेः ॥ 8 ॥
आगच्छन्तं त्रिशिरसं राक्षसं प्रेक्ष्य राघवः ।
धनुषा प्रतिजग्राह विधुन्वन्सायकान् शितान् ॥ 9 ॥
स सम्प्रहारस्तुमुलो रामत्रिशिरसोर्महान् ।
बभूवातीव बलिनोस्सिंहकुञ्जरयोरिव ॥ 10 ॥
ततस्त्रिशिरसा बाणैर्ललाटे ताडितस्त्रिभिः ।
अमर्षी कुपितोरामस्संरब्धमिदमब्रवीत् ॥ 11 ॥
अहो विक्रमशूरस्य राक्षसस्येदृशं बलम् ।
पुष्पैरिव शरैर्यस्य ललाटेऽस्मिन्परिक्षतः ॥ 12 ॥
ममापि प्रतिगृह्णीष्व शरांश्चापगुणाच्च्युतान् ।
एवमुक्त्वा तु संरब्धश्शरानाशीविषोपमान् ॥ 13 ॥
त्रिशिरोवक्षसि क्रुद्धो निजघान चतुर्दश ।
चतुर्भिस्तुरगानस्य शरैः सन्नतपर्वभिः ॥ 14 ॥
न्यपातयत तेजस्वी चतुरस्तस्य वाजिनः ।
अष्टभिस्सायकैस्सूतं रथोपस्थान्न्यपातयत् ॥ 15 ॥
रामश्चिच्छेद बाणेन ध्वजं चास्य समुच्छ्रितम् ।
ततो हतरथात्तस्मादुत्पतन्तं निशाचरम् ॥ 16 ॥
बिभेद रामस्तं बाणैर्हृदये सोऽभवज्जडः ।
सायकैश्चाप्रमेयात्मा सामर्षस्तस्य रक्षसः ॥ 17 ॥
शिरांस्यपातयद्रामो वेगवद्भिस्त्रिभिश्शितैः ।
स भूमौ रुधिरोद्गारी रामबाणाभिपीडितः ॥ 18 ॥
न्यपतत्पतितैः पूर्वं स्वशिरोभिर्निशाचरः ।
हतशेषास्ततो भग्ना राक्षसाः खरसंश्रया ॥ 19 ॥
द्रवन्ति स्म न तिष्ठन्ति व्याघ्रत्रस्ता मृगा इव ।
तान्खरो द्रवतो दृष्ट्वा निवर्त्य रुषितस्स्वयम् ॥ 20 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे सप्तविंशस्सर्गः ॥
śrīmadvālmīkīya rāmāyaṇe araṇyakāṇḍam |
atha saptaviṃśassargaḥ |
kharaṃ tu rāmābhimukhaṃ prayāntaṃ vāhinīpatiḥ |
rākṣasastriśirā nāma sannipatyedamabravīt || 1 ||
māṃ niyojaya vikrānta sannivartasva sāhasāt |
paśya rāmaṃ mahābāhuṃ saṃyuge vinipātitam || 2 ||
pratijānāmi te satyamāyudhaṃ cāhamālabhe |
yathā rāmaṃ vadhiṣyāmi vadhārhaṃ sarvarakṣasām || 3 ||
ahaṃ vāsya raṇe mṛtyureṣa vā samare mama |
vinivṛtya raṇotsāhānmuhūrtaṃ prāśniko bhava || 4 ||
prahṛṣṭo vā hate rāme janasthānaṃ prayāsyasi |
mayi vā nihate rāmaṃ saṃyugāyopayāsyasi || 5 ||
kharastriśirasā tena mṛtyulobhātprasāditaḥ |
gaccha yudhyetyanujñāto rāghavābhimukho yayau || 6 ||
triśirāśca rathenaiva vājiyuktena bhāsvatā |
abhyadravadraṇe rāmaṃ triśṛṅga iva parvataḥ || 7 ||
śaradhārāsamūhānsa mahāmegha ivotsṛjan |
vyasṛjatsadṛśaṃ nādaṃ jalārdrasya tu dundubheḥ || 8 ||
āgacchantaṃ triśirasaṃ rākṣasaṃ prekṣya rāghavaḥ |
dhanuṣā pratijagrāha vidhunvansāyakān śitān || 9 ||
sa samprahārastumulo rāmatriśirasormahān |
babhūvātīva balinossiṃhakuñjarayoriva || 10 ||
tatastriśirasā bāṇairlalāṭe tāḍitastribhiḥ |
amarṣī kupitorāmassaṃrabdhamidamabravīt || 11 ||
aho vikramaśūrasya rākṣasasyedṛśaṃ balam |
puṣpairiva śarairyasya lalāṭe'sminparikṣataḥ || 12 ||
mamāpi pratigṛhṇīṣva śarāṃścāpaguṇāccyutān |
evamuktvā tu saṃrabdhaśśarānāśīviṣopamān || 13 ||
triśirovakṣasi kruddho nijaghāna caturdaśa |
caturbhisturagānasya śaraiḥ sannataparvabhiḥ || 14 ||
nyapātayata tejasvī caturastasya vājinaḥ |
aṣṭabhissāyakaissūtaṃ rathopasthānnyapātayat || 15 ||
rāmaściccheda bāṇena dhvajaṃ cāsya samucchritam |
tato hatarathāttasmādutpatantaṃ niśācaram || 16 ||
bibheda rāmastaṃ bāṇairhṛdaye so'bhavajjaḍaḥ |
sāyakaiścāprameyātmā sāmarṣastasya rakṣasaḥ || 17 ||
śirāṃsyapātayadrāmo vegavadbhistribhiśśitaiḥ |
sa bhūmau rudhirodgārī rāmabāṇābhipīḍitaḥ || 18 ||
nyapatatpatitaiḥ pūrvaṃ svaśirobhirniśācaraḥ |
hataśeṣāstato bhagnā rākṣasāḥ kharasaṃśrayā || 19 ||
dravanti sma na tiṣṭhanti vyāghratrastā mṛgā iva |
tānkharo dravato dṛṣṭvā nivartya ruṣitassvayam || 20 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptaviṃśassargaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.