ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਅਰਣ੍ਯਕਾਣ੍ਡਮ੍ ।
ਅਥ ਸਪ੍ਤਵਿਂਸ਼ਸ੍ਸਰ੍ਗਃ ।
ਖਰਂ ਤੁ ਰਾਮਾਭਿਮੁਖਂ ਪ੍ਰਯਾਨ੍ਤਂ ਵਾਹਿਨੀਪਤਿਃ ।
ਰਾਕ੍षਸਸ੍ਤ੍ਰਿਸ਼ਿਰਾ ਨਾਮ ਸਨ੍ਨਿਪਤ੍ਯੇਦਮਬ੍ਰਵੀਤ੍ ॥ 1 ॥
ਮਾਂ ਨਿਯੋਜਯ ਵਿਕ੍ਰਾਨ੍ਤ ਸਨ੍ਨਿਵਰ੍ਤਸ੍ਵ ਸਾਹਸਾਤ੍ ।
ਪਸ਼੍ਯ ਰਾਮਂ ਮਹਾਬਾਹੁਂ ਸਂਯੁਗੇ ਵਿਨਿਪਾਤਿਤਮ੍ ॥ 2 ॥
ਪ੍ਰਤਿਜਾਨਾਮਿ ਤੇ ਸਤ੍ਯਮਾਯੁਧਂ ਚਾਹਮਾਲਭੇ ।
ਯਥਾ ਰਾਮਂ ਵਧਿष੍ਯਾਮਿ ਵਧਾਰ੍ਹਂ ਸਰ੍ਵਰਕ੍षਸਾਮ੍ ॥ 3 ॥
ਅਹਂ ਵਾਸ੍ਯ ਰਣੇ ਮृਤ੍ਯੁਰੇष ਵਾ ਸਮਰੇ ਮਮ ।
ਵਿਨਿਵृਤ੍ਯ ਰਣੋਤ੍ਸਾਹਾਨ੍ਮੁਹੂਰ੍ਤਂ ਪ੍ਰਾਸ਼੍ਨਿਕੋ ਭਵ ॥ 4 ॥
ਪ੍ਰਹृष੍ਟੋ ਵਾ ਹਤੇ ਰਾਮੇ ਜਨਸ੍ਥਾਨਂ ਪ੍ਰਯਾਸ੍ਯਸਿ ।
ਮਯਿ ਵਾ ਨਿਹਤੇ ਰਾਮਂ ਸਂਯੁਗਾਯੋਪਯਾਸ੍ਯਸਿ ॥ 5 ॥
ਖਰਸ੍ਤ੍ਰਿਸ਼ਿਰਸਾ ਤੇਨ ਮृਤ੍ਯੁਲੋਭਾਤ੍ਪ੍ਰਸਾਦਿਤਃ ।
ਗਚ੍ਛ ਯੁਧ੍ਯੇਤ੍ਯਨੁਜ੍ਞਾਤੋ ਰਾਘਵਾਭਿਮੁਖੋ ਯਯੌ ॥ 6 ॥
ਤ੍ਰਿਸ਼ਿਰਾਸ਼੍ਚ ਰਥੇਨੈਵ ਵਾਜਿਯੁਕ੍ਤੇਨ ਭਾਸ੍ਵਤਾ ।
ਅਭ੍ਯਦ੍ਰਵਦ੍ਰਣੇ ਰਾਮਂ ਤ੍ਰਿਸ਼ृਙ੍ਗ ਇਵ ਪਰ੍ਵਤਃ ॥ 7 ॥
ਸ਼ਰਧਾਰਾਸਮੂਹਾਨ੍ਸ ਮਹਾਮੇਘ ਇਵੋਤ੍ਸृਜਨ੍ ।
ਵ੍ਯਸृਜਤ੍ਸਦृਸ਼ਂ ਨਾਦਂ ਜਲਾਰ੍ਦ੍ਰਸ੍ਯ ਤੁ ਦੁਨ੍ਦੁਭੇਃ ॥ 8 ॥
ਆਗਚ੍ਛਨ੍ਤਂ ਤ੍ਰਿਸ਼ਿਰਸਂ ਰਾਕ੍षਸਂ ਪ੍ਰੇਕ੍ष੍ਯ ਰਾਘਵਃ ।
ਧਨੁषਾ ਪ੍ਰਤਿਜਗ੍ਰਾਹ ਵਿਧੁਨ੍ਵਨ੍ਸਾਯਕਾਨ੍ ਸ਼ਿਤਾਨ੍ ॥ 9 ॥
ਸ ਸਮ੍ਪ੍ਰਹਾਰਸ੍ਤੁਮੁਲੋ ਰਾਮਤ੍ਰਿਸ਼ਿਰਸੋਰ੍ਮਹਾਨ੍ ।
ਬਭੂਵਾਤੀਵ ਬਲਿਨੋਸ੍ਸਿਂਹਕੁਞ੍ਜਰਯੋਰਿਵ ॥ 10 ॥
ਤਤਸ੍ਤ੍ਰਿਸ਼ਿਰਸਾ ਬਾਣੈਰ੍ਲਲਾਟੇ ਤਾਡਿਤਸ੍ਤ੍ਰਿਭਿਃ ।
ਅਮਰ੍षੀ ਕੁਪਿਤੋਰਾਮਸ੍ਸਂਰਬ੍ਧਮਿਦਮਬ੍ਰਵੀਤ੍ ॥ 11 ॥
ਅਹੋ ਵਿਕ੍ਰਮਸ਼ੂਰਸ੍ਯ ਰਾਕ੍षਸਸ੍ਯੇਦृਸ਼ਂ ਬਲਮ੍ ।
ਪੁष੍ਪੈਰਿਵ ਸ਼ਰੈਰ੍ਯਸ੍ਯ ਲਲਾਟੇऽਸ੍ਮਿਨ੍ਪਰਿਕ੍षਤਃ ॥ 12 ॥
ਮਮਾਪਿ ਪ੍ਰਤਿਗृਹ੍ਣੀष੍ਵ ਸ਼ਰਾਂਸ਼੍ਚਾਪਗੁਣਾਚ੍ਚ੍ਯੁਤਾਨ੍ ।
ਏਵਮੁਕ੍ਤ੍ਵਾ ਤੁ ਸਂਰਬ੍ਧਸ਼੍ਸ਼ਰਾਨਾਸ਼ੀਵਿषੋਪਮਾਨ੍ ॥ 13 ॥
ਤ੍ਰਿਸ਼ਿਰੋਵਕ੍षਸਿ ਕ੍ਰੁਦ੍ਧੋ ਨਿਜਘਾਨ ਚਤੁਰ੍ਦਸ਼ ।
ਚਤੁਰ੍ਭਿਸ੍ਤੁਰਗਾਨਸ੍ਯ ਸ਼ਰੈਃ ਸਨ੍ਨਤਪਰ੍ਵਭਿਃ ॥ 14 ॥
ਨ੍ਯਪਾਤਯਤ ਤੇਜਸ੍ਵੀ ਚਤੁਰਸ੍ਤਸ੍ਯ ਵਾਜਿਨਃ ।
ਅष੍ਟਭਿਸ੍ਸਾਯਕੈਸ੍ਸੂਤਂ ਰਥੋਪਸ੍ਥਾਨ੍ਨ੍ਯਪਾਤਯਤ੍ ॥ 15 ॥
ਰਾਮਸ਼੍ਚਿਚ੍ਛੇਦ ਬਾਣੇਨ ਧ੍ਵਜਂ ਚਾਸ੍ਯ ਸਮੁਚ੍ਛ੍ਰਿਤਮ੍ ।
ਤਤੋ ਹਤਰਥਾਤ੍ਤਸ੍ਮਾਦੁਤ੍ਪਤਨ੍ਤਂ ਨਿਸ਼ਾਚਰਮ੍ ॥ 16 ॥
ਬਿਭੇਦ ਰਾਮਸ੍ਤਂ ਬਾਣੈਰ੍ਹृਦਯੇ ਸੋऽਭਵਜ੍ਜਡਃ ।
ਸਾਯਕੈਸ਼੍ਚਾਪ੍ਰਮੇਯਾਤ੍ਮਾ ਸਾਮਰ੍षਸ੍ਤਸ੍ਯ ਰਕ੍षਸਃ ॥ 17 ॥
ਸ਼ਿਰਾਂਸ੍ਯਪਾਤਯਦ੍ਰਾਮੋ ਵੇਗਵਦ੍ਭਿਸ੍ਤ੍ਰਿਭਿਸ਼੍ਸ਼ਿਤੈਃ ।
ਸ ਭੂਮੌ ਰੁਧਿਰੋਦ੍ਗਾਰੀ ਰਾਮਬਾਣਾਭਿਪੀਡਿਤਃ ॥ 18 ॥
ਨ੍ਯਪਤਤ੍ਪਤਿਤੈਃ ਪੂਰ੍ਵਂ ਸ੍ਵਸ਼ਿਰੋਭਿਰ੍ਨਿਸ਼ਾਚਰਃ ।
ਹਤਸ਼ੇषਾਸ੍ਤਤੋ ਭਗ੍ਨਾ ਰਾਕ੍षਸਾਃ ਖਰਸਂਸ਼੍ਰਯਾ ॥ 19 ॥
ਦ੍ਰਵਨ੍ਤਿ ਸ੍ਮ ਨ ਤਿष੍ਠਨ੍ਤਿ ਵ੍ਯਾਘ੍ਰਤ੍ਰਸ੍ਤਾ ਮृਗਾ ਇਵ ।
ਤਾਨ੍ਖਰੋ ਦ੍ਰਵਤੋ ਦृष੍ਟ੍ਵਾ ਨਿਵਰ੍ਤ੍ਯ ਰੁषਿਤਸ੍ਸ੍ਵਯਮ੍ ॥ 20 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਅਰਣ੍ਯਕਾਣ੍ਡੇ ਸਪ੍ਤਵਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha saptaviṃśassargaḥ |
kharaṃ tu rāmābhimukhaṃ prayāntaṃ vāhinīpatiḥ |
rākṣasastriśirā nāma sannipatyedamabravīt || 1 ||
māṃ niyojaya vikrānta sannivartasva sāhasāt |
paśya rāmaṃ mahābāhuṃ saṃyuge vinipātitam || 2 ||
pratijānāmi te satyamāyudhaṃ cāhamālabhe |
yathā rāmaṃ vadhiṣyāmi vadhārhaṃ sarvarakṣasām || 3 ||
ahaṃ vāsya raṇe mṛtyureṣa vā samare mama |
vinivṛtya raṇotsāhānmuhūrtaṃ prāśniko bhava || 4 ||
prahṛṣṭo vā hate rāme janasthānaṃ prayāsyasi |
mayi vā nihate rāmaṃ saṃyugāyopayāsyasi || 5 ||
kharastriśirasā tena mṛtyulobhātprasāditaḥ |
gaccha yudhyetyanujñāto rāghavābhimukho yayau || 6 ||
triśirāśca rathenaiva vājiyuktena bhāsvatā |
abhyadravadraṇe rāmaṃ triśṛṅga iva parvataḥ || 7 ||
śaradhārāsamūhānsa mahāmegha ivotsṛjan |
vyasṛjatsadṛśaṃ nādaṃ jalārdrasya tu dundubheḥ || 8 ||
āgacchantaṃ triśirasaṃ rākṣasaṃ prekṣya rāghavaḥ |
dhanuṣā pratijagrāha vidhunvansāyakān śitān || 9 ||
sa samprahārastumulo rāmatriśirasormahān |
babhūvātīva balinossiṃhakuñjarayoriva || 10 ||
tatastriśirasā bāṇairlalāṭe tāḍitastribhiḥ |
amarṣī kupitorāmassaṃrabdhamidamabravīt || 11 ||
aho vikramaśūrasya rākṣasasyedṛśaṃ balam |
puṣpairiva śarairyasya lalāṭe'sminparikṣataḥ || 12 ||
mamāpi pratigṛhṇīṣva śarāṃścāpaguṇāccyutān |
evamuktvā tu saṃrabdhaśśarānāśīviṣopamān || 13 ||
triśirovakṣasi kruddho nijaghāna caturdaśa |
caturbhisturagānasya śaraiḥ sannataparvabhiḥ || 14 ||
nyapātayata tejasvī caturastasya vājinaḥ |
aṣṭabhissāyakaissūtaṃ rathopasthānnyapātayat || 15 ||
rāmaściccheda bāṇena dhvajaṃ cāsya samucchritam |
tato hatarathāttasmādutpatantaṃ niśācaram || 16 ||
bibheda rāmastaṃ bāṇairhṛdaye so'bhavajjaḍaḥ |
sāyakaiścāprameyātmā sāmarṣastasya rakṣasaḥ || 17 ||
śirāṃsyapātayadrāmo vegavadbhistribhiśśitaiḥ |
sa bhūmau rudhirodgārī rāmabāṇābhipīḍitaḥ || 18 ||
nyapatatpatitaiḥ pūrvaṃ svaśirobhirniśācaraḥ |
hataśeṣāstato bhagnā rākṣasāḥ kharasaṃśrayā || 19 ||
dravanti sma na tiṣṭhanti vyāghratrastā mṛgā iva |
tānkharo dravato dṛṣṭvā nivartya ruṣitassvayam || 20 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptaviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ सप्तविंशस्सर्गः ।
खरं तु रामाभिमुखं प्रयान्तं वाहिनीपतिः ।
राक्षसस्त्रिशिरा नाम सन्निपत्येदमब्रवीत् ॥ 1 ॥
मां नियोजय विक्रान्त सन्निवर्तस्व साहसात् ।
पश्य रामं महाबाहुं संयुगे विनिपातितम् ॥ 2 ॥
प्रतिजानामि ते सत्यमायुधं चाहमालभे ।
यथा रामं वधिष्यामि वधार्हं सर्वरक्षसाम् ॥ 3 ॥
अहं वास्य रणे मृत्युरेष वा समरे मम ।
विनिवृत्य रणोत्साहान्मुहूर्तं प्राश्निको भव ॥ 4 ॥
प्रहृष्टो वा हते रामे जनस्थानं प्रयास्यसि ।
मयि वा निहते रामं संयुगायोपयास्यसि ॥ 5 ॥
खरस्त्रिशिरसा तेन मृत्युलोभात्प्रसादितः ।
गच्छ युध्येत्यनुज्ञातो राघवाभिमुखो ययौ ॥ 6 ॥
त्रिशिराश्च रथेनैव वाजियुक्तेन भास्वता ।
अभ्यद्रवद्रणे रामं त्रिशृङ्ग इव पर्वतः ॥ 7 ॥
शरधारासमूहान्स महामेघ इवोत्सृजन् ।
व्यसृजत्सदृशं नादं जलार्द्रस्य तु दुन्दुभेः ॥ 8 ॥
आगच्छन्तं त्रिशिरसं राक्षसं प्रेक्ष्य राघवः ।
धनुषा प्रतिजग्राह विधुन्वन्सायकान् शितान् ॥ 9 ॥
स सम्प्रहारस्तुमुलो रामत्रिशिरसोर्महान् ।
बभूवातीव बलिनोस्सिंहकुञ्जरयोरिव ॥ 10 ॥
ततस्त्रिशिरसा बाणैर्ललाटे ताडितस्त्रिभिः ।
अमर्षी कुपितोरामस्संरब्धमिदमब्रवीत् ॥ 11 ॥
अहो विक्रमशूरस्य राक्षसस्येदृशं बलम् ।
पुष्पैरिव शरैर्यस्य ललाटेऽस्मिन्परिक्षतः ॥ 12 ॥
ममापि प्रतिगृह्णीष्व शरांश्चापगुणाच्च्युतान् ।
एवमुक्त्वा तु संरब्धश्शरानाशीविषोपमान् ॥ 13 ॥
त्रिशिरोवक्षसि क्रुद्धो निजघान चतुर्दश ।
चतुर्भिस्तुरगानस्य शरैः सन्नतपर्वभिः ॥ 14 ॥
न्यपातयत तेजस्वी चतुरस्तस्य वाजिनः ।
अष्टभिस्सायकैस्सूतं रथोपस्थान्न्यपातयत् ॥ 15 ॥
रामश्चिच्छेद बाणेन ध्वजं चास्य समुच्छ्रितम् ।
ततो हतरथात्तस्मादुत्पतन्तं निशाचरम् ॥ 16 ॥
बिभेद रामस्तं बाणैर्हृदये सोऽभवज्जडः ।
सायकैश्चाप्रमेयात्मा सामर्षस्तस्य रक्षसः ॥ 17 ॥
शिरांस्यपातयद्रामो वेगवद्भिस्त्रिभिश्शितैः ।
स भूमौ रुधिरोद्गारी रामबाणाभिपीडितः ॥ 18 ॥
न्यपतत्पतितैः पूर्वं स्वशिरोभिर्निशाचरः ।
हतशेषास्ततो भग्ना राक्षसाः खरसंश्रया ॥ 19 ॥
द्रवन्ति स्म न तिष्ठन्ति व्याघ्रत्रस्ता मृगा इव ।
तान्खरो द्रवतो दृष्ट्वा निवर्त्य रुषितस्स्वयम् ॥ 20 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे सप्तविंशस्सर्गः ॥
śrīmadvālmīkīya rāmāyaṇe araṇyakāṇḍam |
atha saptaviṃśassargaḥ |
kharaṃ tu rāmābhimukhaṃ prayāntaṃ vāhinīpatiḥ |
rākṣasastriśirā nāma sannipatyedamabravīt || 1 ||
māṃ niyojaya vikrānta sannivartasva sāhasāt |
paśya rāmaṃ mahābāhuṃ saṃyuge vinipātitam || 2 ||
pratijānāmi te satyamāyudhaṃ cāhamālabhe |
yathā rāmaṃ vadhiṣyāmi vadhārhaṃ sarvarakṣasām || 3 ||
ahaṃ vāsya raṇe mṛtyureṣa vā samare mama |
vinivṛtya raṇotsāhānmuhūrtaṃ prāśniko bhava || 4 ||
prahṛṣṭo vā hate rāme janasthānaṃ prayāsyasi |
mayi vā nihate rāmaṃ saṃyugāyopayāsyasi || 5 ||
kharastriśirasā tena mṛtyulobhātprasāditaḥ |
gaccha yudhyetyanujñāto rāghavābhimukho yayau || 6 ||
triśirāśca rathenaiva vājiyuktena bhāsvatā |
abhyadravadraṇe rāmaṃ triśṛṅga iva parvataḥ || 7 ||
śaradhārāsamūhānsa mahāmegha ivotsṛjan |
vyasṛjatsadṛśaṃ nādaṃ jalārdrasya tu dundubheḥ || 8 ||
āgacchantaṃ triśirasaṃ rākṣasaṃ prekṣya rāghavaḥ |
dhanuṣā pratijagrāha vidhunvansāyakān śitān || 9 ||
sa samprahārastumulo rāmatriśirasormahān |
babhūvātīva balinossiṃhakuñjarayoriva || 10 ||
tatastriśirasā bāṇairlalāṭe tāḍitastribhiḥ |
amarṣī kupitorāmassaṃrabdhamidamabravīt || 11 ||
aho vikramaśūrasya rākṣasasyedṛśaṃ balam |
puṣpairiva śarairyasya lalāṭe'sminparikṣataḥ || 12 ||
mamāpi pratigṛhṇīṣva śarāṃścāpaguṇāccyutān |
evamuktvā tu saṃrabdhaśśarānāśīviṣopamān || 13 ||
triśirovakṣasi kruddho nijaghāna caturdaśa |
caturbhisturagānasya śaraiḥ sannataparvabhiḥ || 14 ||
nyapātayata tejasvī caturastasya vājinaḥ |
aṣṭabhissāyakaissūtaṃ rathopasthānnyapātayat || 15 ||
rāmaściccheda bāṇena dhvajaṃ cāsya samucchritam |
tato hatarathāttasmādutpatantaṃ niśācaram || 16 ||
bibheda rāmastaṃ bāṇairhṛdaye so'bhavajjaḍaḥ |
sāyakaiścāprameyātmā sāmarṣastasya rakṣasaḥ || 17 ||
śirāṃsyapātayadrāmo vegavadbhistribhiśśitaiḥ |
sa bhūmau rudhirodgārī rāmabāṇābhipīḍitaḥ || 18 ||
nyapatatpatitaiḥ pūrvaṃ svaśirobhirniśācaraḥ |
hataśeṣāstato bhagnā rākṣasāḥ kharasaṃśrayā || 19 ||
dravanti sma na tiṣṭhanti vyāghratrastā mṛgā iva |
tānkharo dravato dṛṣṭvā nivartya ruṣitassvayam || 20 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptaviṃśassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.