ஶ்ரீமத்வால்மீகீய ராமாயணே அரண்யகாண்டம் ।
அத ஸப்தமஸ்ஸர்கஃ ।
ராமஸ்து ஸஹிதோ ப்ராத்ரா ஸீதயா ச பரந்தபஃ ।
ஸுதீக்ஷ்ணஸ்யாஶ்ரமபதம் ஜகாம ஸஹ தைர்த்விஜைஃ ॥ 1 ॥
ஸ கத்வா தீர்கமத்வாநம் நதீஸ்தீர்த்வா பஹூதகாஃ ।
ததர்ஶ விமலம் ஶைலம் மஹாமேகமிவோந்நதம் ॥ 2 ॥
தத ஸ்ததிக்ஷ்வாகுவரௌ ஸந்ததம் விவிதைர்த்ருமைஃ ।
காநநம் தௌ விவிஶதுஸ்ஸீதயா ஸஹ ராகவௌ ॥ 3 ॥
ப்ரவிஷ்டஸ்து வநம் கோரம் பஹுபுஷ்பபலத்ருமம் ।
ததர்ஶாஶ்ரமமேகாந்தே சீரமாலாபரிஷ்க்ரு'தம் ॥ 4 ॥
தத்ர தாபஸமாஸீநம் மலபங்கஜடாதரம் ।
ராமஸ்ஸுதீக்ஷ்ணம் விதிவத்தபோவ்ரு'த்தமபாஷத ॥ 5 ॥
ராமோऽஹமஸ்மி பகவந்பவந்தம் த்ரஷ்டுமாகதஃ ।
த்வம் மாபிவத தர்மஜ்ஞ மஹர்ஷே ஸத்யவிக்ரம ॥ 6 ॥
ஸ நிரீக்ஷ்ய ததோ தீரோ ராமம் தர்மப்ரு'தாம் வரம் ।
ஸமாஶ்லிஷ்ய ச பாஹுப்யாமிதம் வசநமப்ரவீத் ॥ 7 ॥
ஸ்வாகதம் தே ரகுஶ்ரேஷ்ட ராம ஸத்யப்ரு'தாம் வர ।
ஆஶ்ரமோऽயம் த்வயாக்ராந்தஸ்ஸநாத இவ ஸாம்ப்ரதம் ॥ 8 ॥
ப்ரதீக்ஷமாணஸ்த்வாமேவ நாரோஹேऽஹம் மஹாயஶஃ ।
தேவலோகமிதோ வீர தேஹம் த்யக்த்வா மஹீதலே ।
சித்ரகூடமுபாதாய ராஜ்யப்ரஷ்டோऽஸி மே ஶ்ருதஃ ॥ 9 ॥
இஹோபயாதஃ காகுத்த்ஸ தேவராஜஶ்ஶதக்ரதுஃ ॥ 10 ॥
உபாகம்ய ச மே தேவோ மஹாதேவஸ்ஸுரேஶ்வரஃ ।
ஸர்வாந் லோகாஞ்ஜிதாநாஹ மம புண்யேந கர்மணா ॥ 11 ॥
தேஷு தேவர்ஷிஜுஷ்டேஷு ஜிதேஷு தபஸா மயா ।
மத்ப்ரஸாதாத்ஸபார்யஸ்த்வம் விஹரஸ்வ ஸலக்ஷ்மணஃ ॥ 12 ॥
தமுக்ரதபஸாயுக்தம் மஹர்ஷிம் ஸத்யவாதிநம் ।
ப்ரத்யுவாசாத்மவாந்ராமோ ப்ரஹ்மாணமிவ காஶ்யபஃ ॥ 13 ॥
அஹமேவாஹரிஷ்யாமி ஸர்வாந் லோகாந்மஹாமுநே ।
ஆவாஸம் த்வஹமிச்சாமி ப்ரதிஷ்டமிஹ காநநே ॥ 14 ॥
பவாந்ஸர்வத்ர குஶலஸ்ஸர்வபூதஹிதே ரதஃ ।
ஆக்யாதஶ்ஶரபங்கேண கௌதமேந மஹாத்மநா ॥ 15 ॥
ஏவமுக்தஸ்து ராமேண மஹர்ஷிர்லோகவிஶ்ருதஃ ।
அப்ரவீந்மதுரம் வாக்யம் ஹர்ஷேண மஹதாऽப்லுதஃ ॥ 16 ॥
அயமேவாஶ்ரமோ ராம குணவாந்ரம்யதாமிஹ ।
ரு'ஷிஸங்காநுசரிதஸ்ஸதா மூலபலைர்யுதஃ ॥ 17 ॥
இமமாஶ்ரமமாகம்ய ம்ரு'கஸங்கா மஹாயஶஃ ।
அஹத்வா ப்ரதிகச்சந்தி லோபயித்வாऽகுதோபயாஃ ॥ 18 ॥
நாந்யத்தோஷம் பவேதத்ர ம்ரு'கேப்யோऽந்யத்ர வித்தி வை ।
தச்ச்ரு'த்வா வசநம் தஸ்ய மஹர்ஷேர்லக்ஷ்மணாக்ரஜஃ ॥ 19 ॥
உவாச வசநம் தீரோ விக்ரு'ஷ்ய ஸஶரம் தநுஃ ।
தாநஹம் ஸுமஹாபாக ம்ரு'கஸங்காந்ஸமாகதாந் ॥ 20 ॥
ஹந்யாம் நிஶிததாரேண ஶரேணாஶநிவர்சஸா ।
பவாம்ஸ்தத்ராபிஷஜ்யேத கிம்ஸ்யாத்க்ரு'ச்ச்ரதரம் ததஃ ॥ 21 ॥
ஏதஸ்மிந்நாஶ்ரமே வாஸம் சிரம் து ந ஸமர்தயே ।
தமேவமுக்த்வோபரமம் ராமஸ்ஸந்த்யாமுபாகமத் ॥ 22 ॥
அந்வாஸ்ய பஶ்சிமாம் ஸ்நத்யாம் தத்ர வாஸமகல்பயத் ।
ஸுதீக்ஷ்ணஸ்யாऽஶ்ரமே ரம்யே ஸீதயா லக்ஷ்மணேந ச ॥ 23 ॥
தமேவமுக்த்வோபரமம் ராமஸ்ஸந்த்யாமுபாகமத் ॥ 24 ॥
அந்வாஸ்ய பஶ்சிமாம் ஸந்ந்த்யாம் தத்ர வாஸமகல்பயத் ।
ஸுதீக்ஷ்ணஸ்யாஶ்ரமே ரம்யே ஸீதயா லக்ஷ்மணேந ச ॥ 25 ॥
ததஶ்ஶுபம் தாபஸபோஜ்யமந்நம் ஸ்வயம் ஸுதீக்ஷ்ணஃ புருஷர்ஷபாப்யாம் ।
தாப்யாம் ஸுஸத்க்ரு'த்ய ததௌ மஹாத்மா ஸந்த்யாநிவ்ரு'த்தௌ ரஜநீம் மவேக்ஷ்ய ॥ 26 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே அரண்யகாண்டே ஸப்தமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha saptamassargaḥ |
rāmastu sahito bhrātrā sītayā ca parantapaḥ |
sutīkṣṇasyāśramapadaṃ jagāma saha tairdvijaiḥ || 1 ||
sa gatvā dīrghamadhvānaṃ nadīstīrtvā bahūdakāḥ |
dadarśa vimalaṃ śailaṃ mahāmeghamivonnatam || 2 ||
tata stadikṣvākuvarau santataṃ vividhairdrumaiḥ |
kānanaṃ tau viviśatussītayā saha rāghavau || 3 ||
praviṣṭastu vanaṃ ghoraṃ bahupuṣpaphaladrumam |
dadarśāśramamekānte cīramālāpariṣkṛtam || 4 ||
tatra tāpasamāsīnaṃ malapaṅkajaṭādharam |
rāmassutīkṣṇaṃ vidhivattapovṛddhamabhāṣata || 5 ||
rāmo'hamasmi bhagavanbhavantaṃ draṣṭumāgataḥ |
tvaṃ mābhivada dharmajña maharṣe satyavikrama || 6 ||
sa nirīkṣya tato dhīro rāmaṃ dharmabhṛtāṃ varam |
samāśliṣya ca bāhubhyāmidaṃ vacanamabravīt || 7 ||
svāgataṃ te raghuśreṣṭha rāma satyabhṛtāṃ vara |
āśramo'yaṃ tvayākrāntassanātha iva sāmpratam || 8 ||
pratīkṣamāṇastvāmeva nārohe'haṃ mahāyaśaḥ |
devalokamito vīra dehaṃ tyaktvā mahītale |
citrakūṭamupādāya rājyabhraṣṭo'si me śrutaḥ || 9 ||
ihopayātaḥ kākutthsa devarājaśśatakratuḥ || 10 ||
upāgamya ca me devo mahādevassureśvaraḥ |
sarvān lokāñjitānāha mama puṇyena karmaṇā || 11 ||
teṣu devarṣijuṣṭeṣu jiteṣu tapasā mayā |
matprasādātsabhāryastvaṃ viharasva salakṣmaṇaḥ || 12 ||
tamugratapasāyuktaṃ maharṣiṃ satyavādinam |
pratyuvācātmavānrāmo brahmāṇamiva kāśyapaḥ || 13 ||
ahamevāhariṣyāmi sarvān lokānmahāmune |
āvāsaṃ tvahamicchāmi pradiṣṭamiha kānane || 14 ||
bhavānsarvatra kuśalassarvabhūtahite rataḥ |
ākhyātaśśarabhaṅgeṇa gautamena mahātmanā || 15 ||
evamuktastu rāmeṇa maharṣirlokaviśrutaḥ |
abravīnmadhuraṃ vākyaṃ harṣeṇa mahatā'plutaḥ || 16 ||
ayamevāśramo rāma guṇavānramyatāmiha |
ṛṣisaṅghānucaritassadā mūlaphalairyutaḥ || 17 ||
imamāśramamāgamya mṛgasaṅghā mahāyaśaḥ |
ahatvā pratigacchanti lobhayitvā'kutobhayāḥ || 18 ||
nānyaddhoṣaṃ bhavedatra mṛgebhyo'nyatra viddhi vai |
tacchṛtvā vacanaṃ tasya maharṣerlakṣmaṇāgrajaḥ || 19 ||
uvāca vacanaṃ dhīro vikṛṣya saśaraṃ dhanuḥ |
tānahaṃ sumahābhāga mṛgasaṅghānsamāgatān || 20 ||
hanyāṃ niśitadhāreṇa śareṇāśanivarcasā |
bhavāṃstatrābhiṣajyeta kiṃsyātkṛcchrataraṃ tataḥ || 21 ||
etasminnāśrame vāsaṃ ciraṃ tu na samarthaye |
tamevamuktvoparamaṃ rāmassandhyāmupāgamat || 22 ||
anvāsya paścimāṃ snadhyāṃ tatra vāsamakalpayat |
sutīkṣṇasyā'śrame ramye sītayā lakṣmaṇena ca || 23 ||
tamevamuktvoparamaṃ rāmassandhyāmupāgamat || 24 ||
anvāsya paścimāṃ sanndhyāṃ tatra vāsamakalpayat |
sutīkṣṇasyāśrame ramye sītayā lakṣmaṇena ca || 25 ||
tataśśubhaṃ tāpasabhojyamannaṃ svayaṃ sutīkṣṇaḥ puruṣarṣabhābhyām |
tābhyāṃ susatkṛtya dadau mahātmā sandhyānivṛttau rajanīṃ mavekṣya || 26 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptamassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ सप्तमस्सर्गः ।
रामस्तु सहितो भ्रात्रा सीतया च परन्तपः ।
सुतीक्ष्णस्याश्रमपदं जगाम सह तैर्द्विजैः ॥ 1 ॥
स गत्वा दीर्घमध्वानं नदीस्तीर्त्वा बहूदकाः ।
ददर्श विमलं शैलं महामेघमिवोन्नतम् ॥ 2 ॥
तत स्तदिक्ष्वाकुवरौ सन्ततं विविधैर्द्रुमैः ।
काननं तौ विविशतुस्सीतया सह राघवौ ॥ 3 ॥
प्रविष्टस्तु वनं घोरं बहुपुष्पफलद्रुमम् ।
ददर्शाश्रममेकान्ते चीरमालापरिष्कृतम् ॥ 4 ॥
तत्र तापसमासीनं मलपङ्कजटाधरम् ।
रामस्सुतीक्ष्णं विधिवत्तपोवृद्धमभाषत ॥ 5 ॥
रामोऽहमस्मि भगवन्भवन्तं द्रष्टुमागतः ।
त्वं माभिवद धर्मज्ञ महर्षे सत्यविक्रम ॥ 6 ॥
स निरीक्ष्य ततो धीरो रामं धर्मभृतां वरम् ।
समाश्लिष्य च बाहुभ्यामिदं वचनमब्रवीत् ॥ 7 ॥
स्वागतं ते रघुश्रेष्ठ राम सत्यभृतां वर ।
आश्रमोऽयं त्वयाक्रान्तस्सनाथ इव साम्प्रतम् ॥ 8 ॥
प्रतीक्षमाणस्त्वामेव नारोहेऽहं महायशः ।
देवलोकमितो वीर देहं त्यक्त्वा महीतले ।
चित्रकूटमुपादाय राज्यभ्रष्टोऽसि मे श्रुतः ॥ 9 ॥
इहोपयातः काकुत्थ्स देवराजश्शतक्रतुः ॥ 10 ॥
उपागम्य च मे देवो महादेवस्सुरेश्वरः ।
सर्वान् लोकाञ्जितानाह मम पुण्येन कर्मणा ॥ 11 ॥
तेषु देवर्षिजुष्टेषु जितेषु तपसा मया ।
मत्प्रसादात्सभार्यस्त्वं विहरस्व सलक्ष्मणः ॥ 12 ॥
तमुग्रतपसायुक्तं महर्षिं सत्यवादिनम् ।
प्रत्युवाचात्मवान्रामो ब्रह्माणमिव काश्यपः ॥ 13 ॥
अहमेवाहरिष्यामि सर्वान् लोकान्महामुने ।
आवासं त्वहमिच्छामि प्रदिष्टमिह कानने ॥ 14 ॥
भवान्सर्वत्र कुशलस्सर्वभूतहिते रतः ।
आख्यातश्शरभङ्गेण गौतमेन महात्मना ॥ 15 ॥
एवमुक्तस्तु रामेण महर्षिर्लोकविश्रुतः ।
अब्रवीन्मधुरं वाक्यं हर्षेण महताऽप्लुतः ॥ 16 ॥
अयमेवाश्रमो राम गुणवान्रम्यतामिह ।
ऋषिसङ्घानुचरितस्सदा मूलफलैर्युतः ॥ 17 ॥
इममाश्रममागम्य मृगसङ्घा महायशः ।
अहत्वा प्रतिगच्छन्ति लोभयित्वाऽकुतोभयाः ॥ 18 ॥
नान्यद्धोषं भवेदत्र मृगेभ्योऽन्यत्र विद्धि वै ।
तच्छृत्वा वचनं तस्य महर्षेर्लक्ष्मणाग्रजः ॥ 19 ॥
उवाच वचनं धीरो विकृष्य सशरं धनुः ।
तानहं सुमहाभाग मृगसङ्घान्समागतान् ॥ 20 ॥
हन्यां निशितधारेण शरेणाशनिवर्चसा ।
भवांस्तत्राभिषज्येत किंस्यात्कृच्छ्रतरं ततः ॥ 21 ॥
एतस्मिन्नाश्रमे वासं चिरं तु न समर्थये ।
तमेवमुक्त्वोपरमं रामस्सन्ध्यामुपागमत् ॥ 22 ॥
अन्वास्य पश्चिमां स्नध्यां तत्र वासमकल्पयत् ।
सुतीक्ष्णस्याऽश्रमे रम्ये सीतया लक्ष्मणेन च ॥ 23 ॥
तमेवमुक्त्वोपरमं रामस्सन्ध्यामुपागमत् ॥ 24 ॥
अन्वास्य पश्चिमां सन्न्ध्यां तत्र वासमकल्पयत् ।
सुतीक्ष्णस्याश्रमे रम्ये सीतया लक्ष्मणेन च ॥ 25 ॥
ततश्शुभं तापसभोज्यमन्नं स्वयं सुतीक्ष्णः पुरुषर्षभाभ्याम् ।
ताभ्यां सुसत्कृत्य ददौ महात्मा सन्ध्यानिवृत्तौ रजनीं मवेक्ष्य ॥ 26 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे सप्तमस्सर्गः ॥
śrīmadvālmīkīya rāmāyaṇe araṇyakāṇḍam |
atha saptamassargaḥ |
rāmastu sahito bhrātrā sītayā ca parantapaḥ |
sutīkṣṇasyāśramapadaṃ jagāma saha tairdvijaiḥ || 1 ||
sa gatvā dīrghamadhvānaṃ nadīstīrtvā bahūdakāḥ |
dadarśa vimalaṃ śailaṃ mahāmeghamivonnatam || 2 ||
tata stadikṣvākuvarau santataṃ vividhairdrumaiḥ |
kānanaṃ tau viviśatussītayā saha rāghavau || 3 ||
praviṣṭastu vanaṃ ghoraṃ bahupuṣpaphaladrumam |
dadarśāśramamekānte cīramālāpariṣkṛtam || 4 ||
tatra tāpasamāsīnaṃ malapaṅkajaṭādharam |
rāmassutīkṣṇaṃ vidhivattapovṛddhamabhāṣata || 5 ||
rāmo'hamasmi bhagavanbhavantaṃ draṣṭumāgataḥ |
tvaṃ mābhivada dharmajña maharṣe satyavikrama || 6 ||
sa nirīkṣya tato dhīro rāmaṃ dharmabhṛtāṃ varam |
samāśliṣya ca bāhubhyāmidaṃ vacanamabravīt || 7 ||
svāgataṃ te raghuśreṣṭha rāma satyabhṛtāṃ vara |
āśramo'yaṃ tvayākrāntassanātha iva sāmpratam || 8 ||
pratīkṣamāṇastvāmeva nārohe'haṃ mahāyaśaḥ |
devalokamito vīra dehaṃ tyaktvā mahītale |
citrakūṭamupādāya rājyabhraṣṭo'si me śrutaḥ || 9 ||
ihopayātaḥ kākutthsa devarājaśśatakratuḥ || 10 ||
upāgamya ca me devo mahādevassureśvaraḥ |
sarvān lokāñjitānāha mama puṇyena karmaṇā || 11 ||
teṣu devarṣijuṣṭeṣu jiteṣu tapasā mayā |
matprasādātsabhāryastvaṃ viharasva salakṣmaṇaḥ || 12 ||
tamugratapasāyuktaṃ maharṣiṃ satyavādinam |
pratyuvācātmavānrāmo brahmāṇamiva kāśyapaḥ || 13 ||
ahamevāhariṣyāmi sarvān lokānmahāmune |
āvāsaṃ tvahamicchāmi pradiṣṭamiha kānane || 14 ||
bhavānsarvatra kuśalassarvabhūtahite rataḥ |
ākhyātaśśarabhaṅgeṇa gautamena mahātmanā || 15 ||
evamuktastu rāmeṇa maharṣirlokaviśrutaḥ |
abravīnmadhuraṃ vākyaṃ harṣeṇa mahatā'plutaḥ || 16 ||
ayamevāśramo rāma guṇavānramyatāmiha |
ṛṣisaṅghānucaritassadā mūlaphalairyutaḥ || 17 ||
imamāśramamāgamya mṛgasaṅghā mahāyaśaḥ |
ahatvā pratigacchanti lobhayitvā'kutobhayāḥ || 18 ||
nānyaddhoṣaṃ bhavedatra mṛgebhyo'nyatra viddhi vai |
tacchṛtvā vacanaṃ tasya maharṣerlakṣmaṇāgrajaḥ || 19 ||
uvāca vacanaṃ dhīro vikṛṣya saśaraṃ dhanuḥ |
tānahaṃ sumahābhāga mṛgasaṅghānsamāgatān || 20 ||
hanyāṃ niśitadhāreṇa śareṇāśanivarcasā |
bhavāṃstatrābhiṣajyeta kiṃsyātkṛcchrataraṃ tataḥ || 21 ||
etasminnāśrame vāsaṃ ciraṃ tu na samarthaye |
tamevamuktvoparamaṃ rāmassandhyāmupāgamat || 22 ||
anvāsya paścimāṃ snadhyāṃ tatra vāsamakalpayat |
sutīkṣṇasyā'śrame ramye sītayā lakṣmaṇena ca || 23 ||
tamevamuktvoparamaṃ rāmassandhyāmupāgamat || 24 ||
anvāsya paścimāṃ sanndhyāṃ tatra vāsamakalpayat |
sutīkṣṇasyāśrame ramye sītayā lakṣmaṇena ca || 25 ||
tataśśubhaṃ tāpasabhojyamannaṃ svayaṃ sutīkṣṇaḥ puruṣarṣabhābhyām |
tābhyāṃ susatkṛtya dadau mahātmā sandhyānivṛttau rajanīṃ mavekṣya || 26 ||
ityārṣe śrīmadrāmāyaṇe vālmīkīya ādikāvye araṇyakāṇḍe saptamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.