Valmiki Ramayana Sundara Kanda Sarga 7 — Sinhala Script

Meaning —

ශ්රීමද්වාල්මීකීය රාමායණේ සුන්දරකාණ්ඩම් .

අථ සප්තමස්සර්ගඃ .

ස වේශ්මජාලං බලවාන් දදර්ශ ව්යාසක්තවෛඩූර්යසුවර්ණජාලම් .
යථා මහත් ප්රාවෘෂි මේඝජාලං විද්යුත්පිනද්ධං සවිහඞ්ගජාලම් .. 1 ..

sa veśmajālaṃ balavān dadarśa vyāsaktavaiḍūryasuvarṇajālam |
yathā mahat prāvṛṣi meghajālaṃ vidyutpinaddhaṃ savihaṅgajālam || 1 ||

Shloka 2

නිවේශනානාං විවිධාශ්ච ශාලාඃ ප්රධානශඞ්ඛායුධචාපශාලාඃ .
මනෝහරාශ්චාපි පුනර්විශාලාඃ දදර්ශ වේශ්මාද්රිෂු චන්ද්රශාලාඃ .. 2 ..

niveśanānāṃ vividhāśca śālāḥ pradhānaśaṅkhāyudhacāpaśālāḥ |
manoharāścāpi punarviśālāḥ dadarśa veśmādriṣu candraśālāḥ || 2 ||

Shloka 3

ගෘහාණි නානාවසුරාජිතානි දේවාසුරෛශ්චාපි සුපූජිතානි .
සර්වෛශ්ච දෝෂෛඃ පරිවර්ජිතානි කපිර්දදර්ශ ස්වබලාර්ජිතානි .. 3 ..

gṛhāṇi nānāvasurājitāni devāsuraiścāpi supūjitāni |
sarvaiśca doṣaiḥ parivarjitāni kapirdadarśa svabalārjitāni || 3 ||

Shloka 4

තානි ප්රයත්නාභිසමාහිතානි මයේන සාක්ෂාදිව නිර්මිතානි .
මහීතලේ සර්වගුණෝත්තරාණි දදර්ශ ලඞ්කාධිපතේර්ගෘහාණි .. 4 ..

tāni prayatnābhisamāhitāni mayena sākṣādiva nirmitāni |
mahītale sarvaguṇottarāṇi dadarśa laṅkādhipatergṛhāṇi || 4 ||

Shloka 5

තතෝ දදර්ශෝඡ්රචිතමේඝරූපං මනෝහරං කාඤ්චනචාරුරූපම් .
රක්ෂෝ(අ)ධිපස්යාත්මබලානුරූපං ගෘහෝත්තමං හ්යප්රතිරූපරූපම් .. 5 ..

tato dadarśochracitamegharūpaṃ manoharaṃ kāñcanacārurūpam |
rakṣo'dhipasyātmabalānurūpaṃ gṛhottamaṃ hyapratirūparūpam || 5 ||

Shloka 6

මහීතලේ ස්වර්ගමිව ප්රකීර්ණං ශ්රියා ජ්වලන්තං බහුරත්නකීර්ණම් .
නානාතරූණාං කුසුමාවකීර්ණං ගිරේරිවාග්රං රජසාවකීර්ණම් .. 6 ..

mahītale svargamiva prakīrṇaṃ śriyā jvalantaṃ bahuratnakīrṇam |
nānātarūṇāṃ kusumāvakīrṇaṃ girerivāgraṃ rajasāvakīrṇam || 6 ||

Shloka 7

නාරීප්රවේකෛරිව දීප්යමානං තටිද්භිරම්භෝදවදර්ච්යමානම් .
හංසප්රවේකෛරිව වාහ්යමානං ශ්රියා යුතං ඛේ සුකෘතාං විමානම් .. 7 ..

nārīpravekairiva dīpyamānaṃ taṭidbhirambhodavadarcyamānam |
haṃsapravekairiva vāhyamānaṃ śriyā yutaṃ khe sukṛtāṃ vimānam || 7 ||

Shloka 8

යථා නගාග්රං බහුධාතුචිත්රං යථා නභශ්ච ග්රහචන්ද්රචිත්රම් .
දදර්ශයුක්තීකෘතමේඝචිත්රං විමානරත්නං බහුරත්නචිත්රම් .. 8 ..

yathā nagāgraṃ bahudhātucitraṃ yathā nabhaśca grahacandracitram |
dadarśayuktīkṛtameghacitraṃ vimānaratnaṃ bahuratnacitram || 8 ||

Shloka 9

මහී කෘතා පර්වතරාජිපූර්ණා ශෛලාඃ කෘතා වෘක්ෂවිතානපූර්ණාඃ .
වෘක්ෂාඃ කෘතාඃ පුෂ්පවිතානපූර්ණාඃ පුෂ්පං කෘතං කේසරපත්රපූර්ණම් .. 9 ..

mahī kṛtā parvatarājipūrṇā śailāḥ kṛtā vṛkṣavitānapūrṇāḥ |
vṛkṣāḥ kṛtāḥ puṣpavitānapūrṇāḥ puṣpaṃ kṛtaṃ kesarapatrapūrṇam || 9 ||

Shloka 10

කෘතානි වේශ්මානි ච පාණ්ඩුරාණි තථා සුපුෂ්පාණ්යපි පුෂ්කරාණි .
පුනශ්ච පද්මානි සකේසරාණි ධන්යානි චිත්රාණි තථා වනානි .. 10 ..

kṛtāni veśmāni ca pāṇḍurāṇi tathā supuṣpāṇyapi puṣkarāṇi |
punaśca padmāni sakesarāṇi dhanyāni citrāṇi tathā vanāni || 10 ||

Shloka 11

පුෂ්පාහ්වයං නාමවිරාජමානං රත්නප්රභාභිශ්ච විවර්ධමානම් .
වේශ්මෝත්තමානාමපි චෝච්යමානං මහාකපිස්තත්ර මහාවිමානම් .. 11 ..

puṣpāhvayaṃ nāmavirājamānaṃ ratnaprabhābhiśca vivardhamānam |
veśmottamānāmapi cocyamānaṃ mahākapistatra mahāvimānam || 11 ||

Shloka 12

කෘතාශ්ච වෛඩූර්යමයා විහඞ්ගාඃ රූප්යප්රවාලෛශ්ච තථා විහඞ්ගාඃ .
චිත්රාශ්ච නානාවසුභිර්භුජඞ්ගාඃ ජාත්යානුරූපාස්තුරගාඃ ශුභාඞ්ගාඃ .. 12 ..

kṛtāśca vaiḍūryamayā vihaṅgāḥ rūpyapravālaiśca tathā vihaṅgāḥ |
citrāśca nānāvasubhirbhujaṅgāḥ jātyānurūpāsturagāḥ śubhāṅgāḥ || 12 ||

Shloka 13

ප්රවාලජාම්බූනදපුෂ්පපක්ෂාඃ සලීලමාවර්ජිතජිහ්මපක්ෂාඃ .
කාමස්ය සාක්ෂාදිව භාන්ති පක්ෂාඃ කෘතා විහඞ්ගාඃ සුමුඛාඃ සුපක්ෂාඃ .. 13 ..

pravālajāmbūnadapuṣpapakṣāḥ salīlamāvarjitajihmapakṣāḥ |
kāmasya sākṣādiva bhānti pakṣāḥ kṛtā vihaṅgāḥ sumukhāḥ supakṣāḥ || 13 ||

Shloka 14

නියුජ්යමානාස්තු ගජාඃ සුහස්තාඃ සකේසරාශ්චෝත්පලපත්රහස්තාඃ .
බභූවදේවී ච කෘතා සුහස්තා ලක්ෂ්මී ස්තථා පද්මිනි පද්මහස්තා .. 14 ..

niyujyamānāstu gajāḥ suhastāḥ sakesarāścotpalapatrahastāḥ |
babhūvadevī ca kṛtā suhastā lakṣmī stathā padmini padmahastā || 14 ||

Shloka 15

ඉතීව තද්ගෘහමභිගම්ය ශෝභනං සවිස්මයෝ නගමිව චාරුශෝභනම් .
පුනශ්ච තත්පරමසුගන්ධි සුන්දරං හිමාත්යයේ නගමිව චාරුකන්දරම් .. 15 ..

itīva tadgṛhamabhigamya śobhanaṃ savismayo nagamiva cāruśobhanam |
punaśca tatparamasugandhi sundaraṃ himātyaye nagamiva cārukandaram || 15 ||

Shloka 16

තතඃ ස තාං කපිරභිපත්ය පූජිතාං චරන් පුරීං දශමුඛබාහුපාලිතාම් .
අදෘශ්ය තාං ජනකසුතාං සුපූජිතාං සුදුඃඛිතඃ පතිගුණවේගවර්ජිතාම් .. 16 ..

tataḥ sa tāṃ kapirabhipatya pūjitāṃ caran purīṃ daśamukhabāhupālitām |
adṛśya tāṃ janakasutāṃ supūjitāṃ suduḥkhitaḥ patiguṇavegavarjitām || 16 ||

Shloka 17

තතස්තදා බහුවිධභාවිතාත්මනඃ කෘතාත්මනෝ ජනකසුතාං සුවර්ත්මනඃ .
අපශ්යතෝ(අ)භවදතිදුඃඛිතං මනඃ සුචක්ෂුෂඃ ප්රවිචරතෝ මහාත්මනඃ .. 17 ..

tatastadā bahuvidhabhāvitātmanaḥ kṛtātmano janakasutāṃ suvartmanaḥ |
apaśyato'bhavadatiduḥkhitaṃ manaḥ sucakṣuṣaḥ pravicarato mahātmanaḥ || 17 ||

ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ සුන්දරකාණ්ඩේ සප්තමස්සර්ගඃ ..

Sanskrit — Devanagari (original)

श्रीमद्वाल्मीकीय रामायणे सुन्दरकाण्डम् ।

अथ सप्तमस्सर्गः ।

स वेश्मजालं बलवान् ददर्श व्यासक्तवैडूर्यसुवर्णजालम् ।

यथा महत् प्रावृषि मेघजालं विद्युत्पिनद्धं सविहङ्गजालम् ॥ 1 ॥

निवेशनानां विविधाश्च शालाः प्रधानशङ्खायुधचापशालाः ।

मनोहराश्चापि पुनर्विशालाः ददर्श वेश्माद्रिषु चन्द्रशालाः ॥ 2 ॥

गृहाणि नानावसुराजितानि देवासुरैश्चापि सुपूजितानि ।

सर्वैश्च दोषैः परिवर्जितानि कपिर्ददर्श स्वबलार्जितानि ॥ 3 ॥

तानि प्रयत्नाभिसमाहितानि मयेन साक्षादिव निर्मितानि ।

महीतले सर्वगुणोत्तराणि ददर्श लङ्काधिपतेर्गृहाणि ॥ 4 ॥

ततो ददर्शोछ्रचितमेघरूपं मनोहरं काञ्चनचारुरूपम् ।

रक्षोऽधिपस्यात्मबलानुरूपं गृहोत्तमं ह्यप्रतिरूपरूपम् ॥ 5 ॥

महीतले स्वर्गमिव प्रकीर्णं श्रिया ज्वलन्तं बहुरत्नकीर्णम् ।

नानातरूणां कुसुमावकीर्णं गिरेरिवाग्रं रजसावकीर्णम् ॥ 6 ॥

नारीप्रवेकैरिव दीप्यमानं तटिद्भिरम्भोदवदर्च्यमानम् ।

हंसप्रवेकैरिव वाह्यमानं श्रिया युतं खे सुकृतां विमानम् ॥ 7 ॥

यथा नगाग्रं बहुधातुचित्रं यथा नभश्च ग्रहचन्द्रचित्रम् ।

ददर्शयुक्तीकृतमेघचित्रं विमानरत्नं बहुरत्नचित्रम् ॥ 8 ॥

मही कृता पर्वतराजिपूर्णा शैलाः कृता वृक्षवितानपूर्णाः ।

वृक्षाः कृताः पुष्पवितानपूर्णाः पुष्पं कृतं केसरपत्रपूर्णम् ॥ 9 ॥

कृतानि वेश्मानि च पाण्डुराणि तथा सुपुष्पाण्यपि पुष्कराणि ।

पुनश्च पद्मानि सकेसराणि धन्यानि चित्राणि तथा वनानि ॥ 10 ॥

पुष्पाह्वयं नामविराजमानं रत्नप्रभाभिश्च विवर्धमानम् ।

वेश्मोत्तमानामपि चोच्यमानं महाकपिस्तत्र महाविमानम् ॥ 11 ॥

कृताश्च वैडूर्यमया विहङ्गाः रूप्यप्रवालैश्च तथा विहङ्गाः ।

चित्राश्च नानावसुभिर्भुजङ्गाः जात्यानुरूपास्तुरगाः शुभाङ्गाः ॥ 12 ॥

प्रवालजाम्बूनदपुष्पपक्षाः सलीलमावर्जितजिह्मपक्षाः ।

कामस्य साक्षादिव भान्ति पक्षाः कृता विहङ्गाः सुमुखाः सुपक्षाः ॥ 13 ॥

नियुज्यमानास्तु गजाः सुहस्ताः सकेसराश्चोत्पलपत्रहस्ताः ।

बभूवदेवी च कृता सुहस्ता लक्ष्मी स्तथा पद्मिनि पद्महस्ता ॥ 14 ॥

इतीव तद्गृहमभिगम्य शोभनं सविस्मयो नगमिव चारुशोभनम् ।

पुनश्च तत्परमसुगन्धि सुन्दरं हिमात्यये नगमिव चारुकन्दरम् ॥ 15 ॥

ततः स तां कपिरभिपत्य पूजितां चरन् पुरीं दशमुखबाहुपालिताम् ।

अदृश्य तां जनकसुतां सुपूजितां सुदुःखितः पतिगुणवेगवर्जिताम् ॥ 16 ॥

ततस्तदा बहुविधभावितात्मनः कृतात्मनो जनकसुतां सुवर्त्मनः ।

अपश्यतोऽभवदतिदुःखितं मनः सुचक्षुषः प्रविचरतो महात्मनः ॥ 17 ॥

इत्यार्षे श्रीमद्रामायणे वाल्मीकीय आदिकाव्ये सुन्दरकाण्डे सप्तमस्सर्गः ॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

5.7 සුන්දරකාණ්ඩ - සප්තම සර්ගඃ