ஶ்ரீமத்வால்மீகீய ராமாயணே பாலகாண்டம் ।
அத ஏகபஞ்சாஶஸ்ஸர்கஃ ।
தஸ்ய தத்வசநம் ஶ்ருத்வா விஶ்வாமித்ரஸ்ய தீமதஃ ।
ஹ்ரு'ஷ்டரோமா மஹாதேஜாஶ்ஶதாநந்தோ மஹாதபாஃ ॥ 1 ॥
கௌதமஸ்ய ஸுதோ ஜ்யேஷ்டஸ்தபஸா த்யோதிதப்ரபஃ ।
ராமஸந்தர்ஶநாதேவ பரம் விஸ்மயமாகதஃ ॥ 2 ॥
ஸ தௌ நிஷண்ணௌ ஸம்ப்ரேக்ஷ்ய ஸுகாஸீநௌ ந்ரு'பாத்மஜௌ ।
ஶதாநந்தோ முநிஶ்ரேஷ்டம் விஶ்வாமித்ரமதாமப்ரவீத் ॥ 3 ॥
அபி தே முநிஶார்தூல மம மாதா யஶஸ்விநீ ।
தர்ஶிதா ராஜபுத்ராய தபோ தீர்கமுபாகதா ॥ 4 ॥
அபி ராமே மஹாதேஜா மம மாதா யஶஸ்விநீ ।
வந்யைருபாஹரத்பூஜாம் பூஜார்ஹே ஸர்வதேஹிநாம் ॥ 5 ॥
அபி ராமாய கதிதம் யதாவ்ரு'த்தம் புராதநம் ।
மம மாதுர்மஹாதேஜோ தைவேந துரநுஷ்டிதம் ॥ 6 ॥
அபி கௌஶிக பத்ரம் தே குருணா மம ஸங்கதா ।
மம மாதா முநிஶ்ரேஷ்ட ராமஸந்தர்ஶநாதிதஃ ॥ 7 ॥
அபி மே குருணா ராமஃ பூஜிதஃ குஶிகாத்மஜ ।
இஹாகதோ மஹாதேஜாஃ பூஜாம் ப்ராப்தோ மஹாத்மநஃ ॥ 8 ॥
அபி ஶாந்தேந மநஸா குருர்மே குஶிகாத்மஜ ।
இஹாऽகதேந ராமேண ப்ரயதேநாபிவாதிதஃ ॥ 9 ॥
தச்ச்ருத்வா வசநம் தஸ்ய விஶ்வாமித்ரோ மஹாமுநிஃ ।
ப்ரத்யுவாச ஶதாநந்தம் வாக்யஜ்ஞோ வாக்யகோவிதம் ॥ 10 ॥
நாதிக்ராந்தம் முநிஶ்ரேஷ்ட யத்கர்தவ்யம் க்ரு'தம் மயா ।
ஸங்கதா முநிநா பத்நீ பார்கவேணேவ ரேணுகா ॥ 11 ॥
தச்ச்ருத்வா வசநம் தஸ்ய விஶ்வாமித்ரஸ்ய பாஷிதம் ।
ஶதாநந்தோ மஹாதேஜா ராமம் வசநமப்ரவீத் ॥ 12 ॥
ஸ்வாகதம் தே நரஶ்ரேஷ்ட திஷ்ட்யா ப்ராப்தோऽஸி ராகவ ।
விஶ்வாமித்ரம் புரஸ்க்ரு'த்ய மஹர்ஷிமபராஜிதம் ॥ 13 ॥
அசிந்த்யகர்மா தபஸா ப்ரஹ்மர்ஷிரதுலப்ரபஃ ।
விஶ்வாமித்ரோ மஹாதேஜா வேத்ஸ்யேநம் பரமாம் கதிம் ॥ 14 ॥
நாஸ்தி தந்யதரோ ராம த்வத்தோऽந்யோ புவி கஶ்சந ।
கோப்தா குஶிகபுத்ரஸ்தே யேந தப்தம் மஹத்தபஃ ॥ 15 ॥
ஶ்ரூயதாம் சாபிதாஸ்யாமி கௌஶிகஸ்ய மஹாத்மநஃ ।
யதா பலம் யதா வ்ரு'த்தம் தந்மே நிகததஃ ஶ்ருணு ॥ 16 ॥
ராஜாऽபூதேஷ தர்மாத்மா தீர்ககாலமரிந்தமஃ ।
தர்மஜ்ஞஃ க்ரு'தவித்யஶ்ச ப்ரஜாநாம் ச ஹிதே ரதஃ ॥ 17 ॥
ப்ரஜாபதிஸுதஶ்சாஸீத்குஶோ நாம மஹீபதிஃ ।
குஶஸ்ய புத்ரோ பலவாந் குஶநாபஸ்ஸுதார்மிகஃ ॥ 18 ॥
குஶநாபஸுதஸ்த்வாஸீத்காதிரித்யேவ விஶ்ர்ரு'தஃ ।
காதேஃ புத்ரோ மஹாதேஜா விஶ்வாமித்ரோ மஹாமுநிஃ ॥ 19 ॥
விஶ்வாமித்ரோ மஹாதேஜாஃ பாலயாமாஸ மேதிநீம் ।
பஹுவர்ஷஸஹஸ்ராணி ராஜா ராஜ்யமகாரயத் ॥ 20 ॥
கதாசித்து மஹாதேஜா யோஜயித்வா வரூதிநீம் ।
அக்ஷௌஹீணீபரிவ்ரு'தஃ பரிசக்ராம மேதிநீம் ॥ 21 ॥
நகராணி ஸராஷ்ட்ராணி ஸரிதஶ்ச ததா கிரீந் ।
ஆஶ்ரமாந்க்ரமஶோ ராம விசரந்நாஜகாம ஹ ॥ 22 ॥
வஸிஷ்டஸ்யாஶ்ரமபதம் நாநாவ்ரு'க்ஷஸமாகுலம் ।
நாநாம்ரு'ககணாகீர்ணம் ஸித்தசாரணஸேவிதம் ॥ 23 ॥
தேவதாநவகந்தர்வைஃ கிந்நரைருபஶோபிதம் ।
ப்ரஶாந்தஹரிணாகீர்ணம் த்விஜஸங்கநிஷேவிதம் ॥ 24 ॥
ப்ரஹ்மர்ஷிகணஸங்கீர்ணம் தேவர்ஷிகணஸேவிதம் ।
தபஶ்சரணஸம்ஸித்தைரக்நிகல்பைர்மஹாத்மபிஃ ॥ 25 ॥
அப்பக்ஷைர்வாயுபக்ஷைஶ்ச ஶீர்ணபர்ணாஶநைஸ்ததா ।
பலமூலாஶநைர்தாந்தைர்ஜிதரோஷைர்ஜிதேந்த்ரியைஃ ॥ 26 ॥
ரு'ஷிபிர்வாலகில்யைஶ்ச ஜபஹோமபராயணைஃ ।
அந்யைர்வைகாநஸைஶ்சைவ ஸமந்தாதுபஶோபிதம் ॥ 27 ॥
வஸிஷ்டஸ்யாஶ்ரமபதம் ப்ரஹ்மலோகமிவாபரம் ।
ததர்ஶ ஜயதாம் ஶ்ரேஷ்டோ விஶ்வாமித்ரோ மஹாபலஃ ॥ 28 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ekapañcāśassargaḥ |
tasya tadvacanaṃ śrutvā viśvāmitrasya dhīmataḥ |
hṛṣṭaromā mahātejāśśatānando mahātapāḥ || 1 ||
gautamasya suto jyeṣṭhastapasā dyotitaprabhaḥ |
rāmasandarśanādeva paraṃ vismayamāgataḥ || 2 ||
sa tau niṣaṇṇau samprekṣya sukhāsīnau nṛpātmajau |
śatānando muniśreṣṭhaṃ viśvāmitramathāmabravīt || 3 ||
api te muniśārdūla mama mātā yaśasvinī |
darśitā rājaputrāya tapo dīrghamupāgatā || 4 ||
api rāme mahātejā mama mātā yaśasvinī |
vanyairupāharatpūjāṃ pūjārhe sarvadehinām || 5 ||
api rāmāya kathitaṃ yathāvṛttaṃ purātanam |
mama māturmahātejo daivena duranuṣṭhitam || 6 ||
api kauśika bhadraṃ te guruṇā mama saṅgatā |
mama mātā muniśreṣṭha rāmasandarśanāditaḥ || 7 ||
api me guruṇā rāmaḥ pūjitaḥ kuśikātmaja |
ihāgato mahātejāḥ pūjāṃ prāpto mahātmanaḥ || 8 ||
api śāntena manasā gururme kuśikātmaja |
ihā'gatena rāmeṇa prayatenābhivāditaḥ || 9 ||
tacchrutvā vacanaṃ tasya viśvāmitro mahāmuniḥ |
pratyuvāca śatānandaṃ vākyajño vākyakovidam || 10 ||
nātikrāntaṃ muniśreṣṭha yatkartavyaṃ kṛtaṃ mayā |
saṅgatā muninā patnī bhārgaveṇeva reṇukā || 11 ||
tacchrutvā vacanaṃ tasya viśvāmitrasya bhāṣitam |
śatānando mahātejā rāmaṃ vacanamabravīt || 12 ||
svāgataṃ te naraśreṣṭha diṣṭyā prāpto'si rāghava |
viśvāmitraṃ puraskṛtya maharṣimaparājitam || 13 ||
acintyakarmā tapasā brahmarṣiratulaprabhaḥ |
viśvāmitro mahātejā vetsyenaṃ paramāṃ gatim || 14 ||
nāsti dhanyataro rāma tvatto'nyo bhuvi kaścana |
goptā kuśikaputraste yena taptaṃ mahattapaḥ || 15 ||
śrūyatāṃ cābhidhāsyāmi kauśikasya mahātmanaḥ |
yathā balaṃ yathā vṛttaṃ tanme nigadataḥ śruṇu || 16 ||
rājā'bhūdeṣa dharmātmā dīrghakālamarindamaḥ |
dharmajñaḥ kṛtavidyaśca prajānāṃ ca hite rataḥ || 17 ||
prajāpatisutaścāsītkuśo nāma mahīpatiḥ |
kuśasya putro balavān kuśanābhassudhārmikaḥ || 18 ||
kuśanābhasutastvāsīdgādhirityeva viśrṛtaḥ |
gādheḥ putro mahātejā viśvāmitro mahāmuniḥ || 19 ||
viśvāmitro mahātejāḥ pālayāmāsa medinīm |
bahuvarṣasahasrāṇi rājā rājyamakārayat || 20 ||
kadācittu mahātejā yojayitvā varūthinīm |
akṣauhīṇīparivṛtaḥ paricakrāma medinīm || 21 ||
nagarāṇi sarāṣṭrāṇi saritaśca tathā girīn |
āśramānkramaśo rāma vicarannājagāma ha || 22 ||
vasiṣṭhasyāśramapadaṃ nānāvṛkṣasamākulam |
nānāmṛgagaṇākīrṇaṃ siddhacāraṇasevitam || 23 ||
devadānavagandharvaiḥ kinnarairupaśobhitam |
praśāntahariṇākīrṇaṃ dvijasaṅghaniṣevitam || 24 ||
brahmarṣigaṇasaṅkīrṇaṃ devarṣigaṇasevitam |
tapaścaraṇasaṃsiddhairagnikalpairmahātmabhiḥ || 25 ||
abbhakṣairvāyubhakṣaiśca śīrṇaparṇāśanaistathā |
phalamūlāśanairdāntairjitaroṣairjitendriyaiḥ || 26 ||
ṛṣibhirvālakhilyaiśca japahomaparāyaṇaiḥ |
anyairvaikhānasaiścaiva samantādupaśobhitam || 27 ||
vasiṣṭhasyāśramapadaṃ brahmalokamivāparam |
dadarśa jayatāṃ śreṣṭho viśvāmitro mahābalaḥ || 28 ||
ityārṣe śrīmadrāmāyaṇe vālmīkīya ādikāvye bālakāṇḍe ekapañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ एकपञ्चाशस्सर्गः ।
तस्य तद्वचनं श्रुत्वा विश्वामित्रस्य धीमतः ।
हृष्टरोमा महातेजाश्शतानन्दो महातपाः ॥ 1 ॥
गौतमस्य सुतो ज्येष्ठस्तपसा द्योतितप्रभः ।
रामसन्दर्शनादेव परं विस्मयमागतः ॥ 2 ॥
स तौ निषण्णौ सम्प्रेक्ष्य सुखासीनौ नृपात्मजौ ।
शतानन्दो मुनिश्रेष्ठं विश्वामित्रमथामब्रवीत् ॥ 3 ॥
अपि ते मुनिशार्दूल मम माता यशस्विनी ।
दर्शिता राजपुत्राय तपो दीर्घमुपागता ॥ 4 ॥
अपि रामे महातेजा मम माता यशस्विनी ।
वन्यैरुपाहरत्पूजां पूजार्हे सर्वदेहिनाम् ॥ 5 ॥
अपि रामाय कथितं यथावृत्तं पुरातनम् ।
मम मातुर्महातेजो दैवेन दुरनुष्ठितम् ॥ 6 ॥
अपि कौशिक भद्रं ते गुरुणा मम सङ्गता ।
मम माता मुनिश्रेष्ठ रामसन्दर्शनादितः ॥ 7 ॥
अपि मे गुरुणा रामः पूजितः कुशिकात्मज ।
इहागतो महातेजाः पूजां प्राप्तो महात्मनः ॥ 8 ॥
अपि शान्तेन मनसा गुरुर्मे कुशिकात्मज ।
इहाऽगतेन रामेण प्रयतेनाभिवादितः ॥ 9 ॥
तच्छ्रुत्वा वचनं तस्य विश्वामित्रो महामुनिः ।
प्रत्युवाच शतानन्दं वाक्यज्ञो वाक्यकोविदम् ॥ 10 ॥
नातिक्रान्तं मुनिश्रेष्ठ यत्कर्तव्यं कृतं मया ।
सङ्गता मुनिना पत्नी भार्गवेणेव रेणुका ॥ 11 ॥
तच्छ्रुत्वा वचनं तस्य विश्वामित्रस्य भाषितम् ।
शतानन्दो महातेजा रामं वचनमब्रवीत् ॥ 12 ॥
स्वागतं ते नरश्रेष्ठ दिष्ट्या प्राप्तोऽसि राघव ।
विश्वामित्रं पुरस्कृत्य महर्षिमपराजितम् ॥ 13 ॥
अचिन्त्यकर्मा तपसा ब्रह्मर्षिरतुलप्रभः ।
विश्वामित्रो महातेजा वेत्स्येनं परमां गतिम् ॥ 14 ॥
नास्ति धन्यतरो राम त्वत्तोऽन्यो भुवि कश्चन ।
गोप्ता कुशिकपुत्रस्ते येन तप्तं महत्तपः ॥ 15 ॥
श्रूयतां चाभिधास्यामि कौशिकस्य महात्मनः ।
यथा बलं यथा वृत्तं तन्मे निगदतः श्रुणु ॥ 16 ॥
राजाऽभूदेष धर्मात्मा दीर्घकालमरिन्दमः ।
धर्मज्ञः कृतविद्यश्च प्रजानां च हिते रतः ॥ 17 ॥
प्रजापतिसुतश्चासीत्कुशो नाम महीपतिः ।
कुशस्य पुत्रो बलवान् कुशनाभस्सुधार्मिकः ॥ 18 ॥
कुशनाभसुतस्त्वासीद्गाधिरित्येव विश्रृतः ।
गाधेः पुत्रो महातेजा विश्वामित्रो महामुनिः ॥ 19 ॥
विश्वामित्रो महातेजाः पालयामास मेदिनीम् ।
बहुवर्षसहस्राणि राजा राज्यमकारयत् ॥ 20 ॥
कदाचित्तु महातेजा योजयित्वा वरूथिनीम् ।
अक्षौहीणीपरिवृतः परिचक्राम मेदिनीम् ॥ 21 ॥
नगराणि सराष्ट्राणि सरितश्च तथा गिरीन् ।
आश्रमान्क्रमशो राम विचरन्नाजगाम ह ॥ 22 ॥
वसिष्ठस्याश्रमपदं नानावृक्षसमाकुलम् ।
नानामृगगणाकीर्णं सिद्धचारणसेवितम् ॥ 23 ॥
देवदानवगन्धर्वैः किन्नरैरुपशोभितम् ।
प्रशान्तहरिणाकीर्णं द्विजसङ्घनिषेवितम् ॥ 24 ॥
ब्रह्मर्षिगणसङ्कीर्णं देवर्षिगणसेवितम् ।
तपश्चरणसंसिद्धैरग्निकल्पैर्महात्मभिः ॥ 25 ॥
अब्भक्षैर्वायुभक्षैश्च शीर्णपर्णाशनैस्तथा ।
फलमूलाशनैर्दान्तैर्जितरोषैर्जितेन्द्रियैः ॥ 26 ॥
ऋषिभिर्वालखिल्यैश्च जपहोमपरायणैः ।
अन्यैर्वैखानसैश्चैव समन्तादुपशोभितम् ॥ 27 ॥
वसिष्ठस्याश्रमपदं ब्रह्मलोकमिवापरम् ।
ददर्श जयतां श्रेष्ठो विश्वामित्रो महाबलः ॥ 28 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे एकपञ्चाशस्सर्गः ॥
śrīmadvālmīkīya rāmāyaṇe bālakāṇḍam |
atha ekapañcāśassargaḥ |
tasya tadvacanaṃ śrutvā viśvāmitrasya dhīmataḥ |
hṛṣṭaromā mahātejāśśatānando mahātapāḥ || 1 ||
gautamasya suto jyeṣṭhastapasā dyotitaprabhaḥ |
rāmasandarśanādeva paraṃ vismayamāgataḥ || 2 ||
sa tau niṣaṇṇau samprekṣya sukhāsīnau nṛpātmajau |
śatānando muniśreṣṭhaṃ viśvāmitramathāmabravīt || 3 ||
api te muniśārdūla mama mātā yaśasvinī |
darśitā rājaputrāya tapo dīrghamupāgatā || 4 ||
api rāme mahātejā mama mātā yaśasvinī |
vanyairupāharatpūjāṃ pūjārhe sarvadehinām || 5 ||
api rāmāya kathitaṃ yathāvṛttaṃ purātanam |
mama māturmahātejo daivena duranuṣṭhitam || 6 ||
api kauśika bhadraṃ te guruṇā mama saṅgatā |
mama mātā muniśreṣṭha rāmasandarśanāditaḥ || 7 ||
api me guruṇā rāmaḥ pūjitaḥ kuśikātmaja |
ihāgato mahātejāḥ pūjāṃ prāpto mahātmanaḥ || 8 ||
api śāntena manasā gururme kuśikātmaja |
ihā'gatena rāmeṇa prayatenābhivāditaḥ || 9 ||
tacchrutvā vacanaṃ tasya viśvāmitro mahāmuniḥ |
pratyuvāca śatānandaṃ vākyajño vākyakovidam || 10 ||
nātikrāntaṃ muniśreṣṭha yatkartavyaṃ kṛtaṃ mayā |
saṅgatā muninā patnī bhārgaveṇeva reṇukā || 11 ||
tacchrutvā vacanaṃ tasya viśvāmitrasya bhāṣitam |
śatānando mahātejā rāmaṃ vacanamabravīt || 12 ||
svāgataṃ te naraśreṣṭha diṣṭyā prāpto'si rāghava |
viśvāmitraṃ puraskṛtya maharṣimaparājitam || 13 ||
acintyakarmā tapasā brahmarṣiratulaprabhaḥ |
viśvāmitro mahātejā vetsyenaṃ paramāṃ gatim || 14 ||
nāsti dhanyataro rāma tvatto'nyo bhuvi kaścana |
goptā kuśikaputraste yena taptaṃ mahattapaḥ || 15 ||
śrūyatāṃ cābhidhāsyāmi kauśikasya mahātmanaḥ |
yathā balaṃ yathā vṛttaṃ tanme nigadataḥ śruṇu || 16 ||
rājā'bhūdeṣa dharmātmā dīrghakālamarindamaḥ |
dharmajñaḥ kṛtavidyaśca prajānāṃ ca hite rataḥ || 17 ||
prajāpatisutaścāsītkuśo nāma mahīpatiḥ |
kuśasya putro balavān kuśanābhassudhārmikaḥ || 18 ||
kuśanābhasutastvāsīdgādhirityeva viśrṛtaḥ |
gādheḥ putro mahātejā viśvāmitro mahāmuniḥ || 19 ||
viśvāmitro mahātejāḥ pālayāmāsa medinīm |
bahuvarṣasahasrāṇi rājā rājyamakārayat || 20 ||
kadācittu mahātejā yojayitvā varūthinīm |
akṣauhīṇīparivṛtaḥ paricakrāma medinīm || 21 ||
nagarāṇi sarāṣṭrāṇi saritaśca tathā girīn |
āśramānkramaśo rāma vicarannājagāma ha || 22 ||
vasiṣṭhasyāśramapadaṃ nānāvṛkṣasamākulam |
nānāmṛgagaṇākīrṇaṃ siddhacāraṇasevitam || 23 ||
devadānavagandharvaiḥ kinnarairupaśobhitam |
praśāntahariṇākīrṇaṃ dvijasaṅghaniṣevitam || 24 ||
brahmarṣigaṇasaṅkīrṇaṃ devarṣigaṇasevitam |
tapaścaraṇasaṃsiddhairagnikalpairmahātmabhiḥ || 25 ||
abbhakṣairvāyubhakṣaiśca śīrṇaparṇāśanaistathā |
phalamūlāśanairdāntairjitaroṣairjitendriyaiḥ || 26 ||
ṛṣibhirvālakhilyaiśca japahomaparāyaṇaiḥ |
anyairvaikhānasaiścaiva samantādupaśobhitam || 27 ||
vasiṣṭhasyāśramapadaṃ brahmalokamivāparam |
dadarśa jayatāṃ śreṣṭho viśvāmitro mahābalaḥ || 28 ||
ityārṣe śrīmadrāmāyaṇe vālmīkīya ādikāvye bālakāṇḍe ekapañcāśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.