ஶ்ரீமத்வால்மீகீய ராமாயணே பாலகாண்டம் ।
அத பஞ்சபஞ்சாஶஸ்ஸர்கஃ ।
ததஸ்தாநாகுலாந் த்ரு'ஷ்ட்வா விஶ்வாமித்ராஸ்த்ரமோஹிதாந் ।
வஸிஷ்டஶ்சோதயாமாஸ காமதுக் ஸ்ரு'ஜ யோகதஃ ॥ 1 ॥
தஸ்யாஹும்பாரவாஜ்ஜாதாஃ காம்போஜா ரவிஸந்நிபாஃ ।
ஊதஸஸ்த்வத ஸஞ்ஜாதாஃ பப்லவாஶ்ஶஸ்த்ரபாணயஃ ॥ 2 ॥
யோநிதேஶாச்ச யவநாஶ்ஶக்ரு'த்தேஶாச்சகா ஸ்ததா ।
ரோமகூபேஷு ச ம்லேச்சா ஹாரீதாஸ்ஸகிராதகாஃ ॥ 3 ॥
தைஸ்தைர்நிஷூதிதம் ஸர்வம் விஶ்வாமித்ரஸ்ய தத்க்ஷணாத் ।
ஸபதாதிகஜம் ஸாஶ்வம் ஸரதம் ரகுநந்தந ॥ 4 ॥
த்ரு'ஷ்ட்வா நிஷூதிதம் ஸைந்யம் வஸிஷ்டேந மஹாத்மநா ।
விஶ்வாமித்ரஸுதாநாம் ச ஶதம் நாநாவிதாயுதம் ॥ 5 ॥
அப்யதாவத்ஸுஸங்க்ரு'த்தம் வஸிஷ்டம் ஜபதாம் வரம் ।
ஹுங்காரேணைவ தாந் ஸர்வாந் ததாஹ பகவாந் ரு'ஷிஃ ॥ 6 ॥
தே ஸாஶ்வரதபாதாதா வஸிஷ்டேந மஹாத்மநா ।
பஸ்மீக்ரு'தா முஹூர்தேந விஶ்வாமித்ரஸுதா ஸ்ததா ॥ 7 ॥
த்ரு'ஷ்ட்வா விநாஶிதாந் புத்ராந் பலம் ச ஸுமஹாயஶாஃ ।
ஸவ்ரீடஶ்சிந்தயாऽவிஷ்டோ விஶ்வாமித்ரோऽபவத்ததா ॥ 8 ॥
ஸமுத்ர இவ நிர்வேகோ பக்நதம்ஷ்ட்ர இவோரகஃ ।
உபரக்த இவாதித்யஸ்ஸத்யோ நிஷ்ப்ரபதாம் கதஃ ॥ 9 ॥
ஹதபுத்ரபலோ தீநோ லூநபக்ஷ இவ த்விஜஃ ।
ஹததர்போ ஹதோத்ஸாஹோ நிர்வேதம் ஸமபத்யத ॥ 10 ॥
ஸ புத்ரமேகம் ராஜ்யாய பாலயேதி நியுஜ்ய ச ।
ப்ரு'திவீம் க்ஷத்ரதர்மேண வநமேவாந்வபத்யத ॥ 11 ॥
ஸ கத்வா ஹிமவத்பார்ஶ்வம் கிந்நரோரகஸேவிதம் ।
மஹாதேவப்ரஸாதார்தம் தபஸ்தேபே மஹாதபாஃ ॥ 12 ॥
கேநசித்த்வத காலேந தேவேஶோ வ்ரு'ஷபத்வஜஃ ।
தர்ஶயாமாஸ வரதோ விஶ்வாமித்ரம் மஹாபலம் ॥ 13 ॥
கிமர்தம் தப்யஸே ராஜந் ப்ரூஹி யத்தே விவக்ஷிதம் ।
வரதோऽஸ்மி வரோ யஸ்தே காங்க்ஷிதஸ்ஸோऽபிதீயதாம் ॥ 14 ॥
ஏவமுக்தஸ்து தேவேந விஶ்வாமித்ரோ மஹாதபாஃ ।
ப்ரணிபத்ய மஹாதேவமிதம் வசநமப்ரவீத் ॥ 15 ॥
யதி துஷ்டோ மஹாதேவ தநுர்வேதோ மமாநக ।
ஸாங்கோபாங்கோபநிஷதஸ்ஸரஹஸ்யஃ ப்ரதீயதாம் ॥ 16 ॥
யாநி தேவேஷு சாஸ்த்ராணி தாநவேஷு மஹர்ஷிஷு ।
கந்தர்வயக்ஷரக்ஷஸ்ஸு ப்ரதிபாந்து மமாநக ॥ 17 ॥
தவ ப்ரஸாதாத்பவது தேவதேவமமேப்ஸிதம் ।
ஏவமஸ்த்விதி தேவேஶோ வாக்யமுக்த்வா கதஸ்ததா ॥ 18 ॥
ப்ராப்ய சாஸ்த்ராணி ராஜர்ஷிர்விஶ்வாமித்ரோ மஹாபலஃ ।
தர்பேண மஹதா யுக்தோ தர்பபூர்ணோऽபவத்ததா ॥ 19 ॥
விவர்தமாநோ வீர்யேண ஸமுத்ர இவ பர்வணி ।
ஹதமேவ ததா மேநே வஸிஷ்டம்ரு'ஷிஸத்தமம் ॥ 20 ॥
ததோ கத்வாऽऽஶ்ரமபதம் முமோசாஸ்த்ராணி பார்திவஃ ।
யைஸ்தத்தபோவநம் ஸர்வம் நிர்தக்தம் சாஸ்த்ரதேஜஸா ॥ 21 ॥
உதீர்யமாணமஸ்த்ரம் தத்விஶ்வாமித்ரஸ்ய தீமதஃ ।
த்ரு'ஷ்ட்வா விப்ரத்ருதாஸ்ஸர்வே முநயஶ்ஶதஶோ திஶஃ ॥ 22 ॥
வஸிஷ்டஸ்ய ச யே ஶிஷ்யாஸ்ததைவ ம்ரு'கபக்ஷிணஃ ।
வித்ரவந்தி பயாத்பீதா நாநாதிக்ப்யஸ்ஸஹஸ்ரஶஃ ॥ 23 ॥
வஸிஷ்டஸ்யாஶ்ரமபதம் ஶூந்யமாஸீந்மஹாத்மநஃ ।
முஹூர்தமிவ நிஶ்ஶப்தமாஸீதிரிணஸந்நிபம் ॥ 24 ॥
வததோ வை வஸிஷ்டஸ்ய மா பைரிதி முஹுர்முஹுஃ ।
நாஶயாம்யத்ய காதேயம் நீஹாரமிவ பாஸ்கரஃ ॥ 25 ॥
ஏவமுக்த்வா மஹாதேஜா வஸிஷ்டோ ஜபதாம் வரஃ ।
விஶ்வாமித்ரம் ததா வாக்யம் ஸரோஷமிதமப்ரவீத் ॥ 26 ॥
ஆஶ்ரமம் சிரஸம்வ்ரு'த்தம் யத்விநாஶிதவாநஸி ।
துராசாரோऽஸி தந்மூட தஸ்மாத்த்வம் ந பவிஷ்யஸி ॥ 27 ॥
இத்யுக்த்வா பரமக்ருத்தோ தண்டமுத்யம்ய ஸத்வரஃ ।
விதூமமிவ காலாக்நிம் யமதண்டமிவாபரம் ॥ 28 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே பஞ்சபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha pañcapañcāśassargaḥ |
tatastānākulān dṛṣṭvā viśvāmitrāstramohitān |
vasiṣṭhaścodayāmāsa kāmadhuk sṛja yogataḥ || 1 ||
tasyāhumbhāravājjātāḥ kāmbhojā ravisannibhāḥ |
ūdhasastvatha sañjātāḥ paplavāśśastrapāṇayaḥ || 2 ||
yonideśācca yavanāśśakṛddeśācchakā stathā |
romakūpeṣu ca mlecchā hārītāssakirātakāḥ || 3 ||
taistairniṣūditaṃ sarvaṃ viśvāmitrasya tatkṣaṇāt |
sapadātigajaṃ sāśvaṃ sarathaṃ raghunandana || 4 ||
dṛṣṭvā niṣūditaṃ sainyaṃ vasiṣṭhena mahātmanā |
viśvāmitrasutānāṃ ca śataṃ nānāvidhāyudham || 5 ||
abhyadhāvatsusaṅkṛddhaṃ vasiṣṭhaṃ japatāṃ varam |
huṅkāreṇaiva tān sarvān dadāha bhagavān ṛṣiḥ || 6 ||
te sāśvarathapādātā vasiṣṭhena mahātmanā |
bhasmīkṛtā muhūrtena viśvāmitrasutā stadā || 7 ||
dṛṣṭvā vināśitān putrān balaṃ ca sumahāyaśāḥ |
savrīḍaścintayā'viṣṭo viśvāmitro'bhavattadā || 8 ||
samudra iva nirvego bhagnadaṃṣṭra ivoragaḥ |
uparakta ivādityassadyo niṣprabhatāṃ gataḥ || 9 ||
hataputrabalo dīno lūnapakṣa iva dvijaḥ |
hatadarpo hatotsāho nirvedaṃ samapadyata || 10 ||
sa putramekaṃ rājyāya pālayeti niyujya ca |
pṛthivīṃ kṣatradharmeṇa vanamevānvapadyata || 11 ||
sa gatvā himavatpārśvaṃ kinnaroragasevitam |
mahādevaprasādārthaṃ tapastepe mahātapāḥ || 12 ||
kenacittvatha kālena deveśo vṛṣabhadhvajaḥ |
darśayāmāsa varado viśvāmitraṃ mahābalam || 13 ||
kimarthaṃ tapyase rājan brūhi yatte vivakṣitam |
varado'smi varo yaste kāṅkṣitasso'bhidhīyatām || 14 ||
evamuktastu devena viśvāmitro mahātapāḥ |
praṇipatya mahādevamidaṃ vacanamabravīt || 15 ||
yadi tuṣṭo mahādeva dhanurvedo mamānagha |
sāṅgopāṅgopaniṣadassarahasyaḥ pradīyatām || 16 ||
yāni deveṣu cāstrāṇi dānaveṣu maharṣiṣu |
gandharvayakṣarakṣassu pratibhāntu mamānagha || 17 ||
tava prasādādbhavatu devadevamamepsitam |
evamastviti deveśo vākyamuktvā gatastadā || 18 ||
prāpya cāstrāṇi rājarṣirviśvāmitro mahābalaḥ |
darpeṇa mahatā yukto darpapūrṇo'bhavattadā || 19 ||
vivardhamāno vīryeṇa samudra iva parvaṇi |
hatameva tadā mene vasiṣṭhamṛṣisattamam || 20 ||
tato gatvā''śramapadaṃ mumocāstrāṇi pārthivaḥ |
yaistattapovanaṃ sarvaṃ nirdagdhaṃ cāstratejasā || 21 ||
udīryamāṇamastraṃ tadviśvāmitrasya dhīmataḥ |
dṛṣṭvā vipradrutāssarve munayaśśataśo diśaḥ || 22 ||
vasiṣṭhasya ca ye śiṣyāstathaiva mṛgapakṣiṇaḥ |
vidravanti bhayādbhītā nānādigbhyassahasraśaḥ || 23 ||
vasiṣṭhasyāśramapadaṃ śūnyamāsīnmahātmanaḥ |
muhūrtamiva niśśabdamāsīdiriṇasannibham || 24 ||
vadato vai vasiṣṭhasya mā bhairiti muhurmuhuḥ |
nāśayāmyadya gādheyaṃ nīhāramiva bhāskaraḥ || 25 ||
evamuktvā mahātejā vasiṣṭho japatāṃ varaḥ |
viśvāmitraṃ tadā vākyaṃ saroṣamidamabravīt || 26 ||
āśramaṃ cirasamvṛddhaṃ yadvināśitavānasi |
durācāro'si tanmūḍha tasmāttvaṃ na bhaviṣyasi || 27 ||
ityuktvā paramakruddho daṇḍamudyamya satvaraḥ |
vidhūmamiva kālāgniṃ yamadaṇḍamivāparam || 28 ||
ityārṣe śrīmadrāmāyaṇe vālmīkīya ādikāvye bālakāṇḍe pañcapañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ पञ्चपञ्चाशस्सर्गः ।
ततस्तानाकुलान् दृष्ट्वा विश्वामित्रास्त्रमोहितान् ।
वसिष्ठश्चोदयामास कामधुक् सृज योगतः ॥ 1 ॥
तस्याहुम्भारवाज्जाताः काम्भोजा रविसन्निभाः ।
ऊधसस्त्वथ सञ्जाताः पप्लवाश्शस्त्रपाणयः ॥ 2 ॥
योनिदेशाच्च यवनाश्शकृद्देशाच्छका स्तथा ।
रोमकूपेषु च म्लेच्छा हारीतास्सकिरातकाः ॥ 3 ॥
तैस्तैर्निषूदितं सर्वं विश्वामित्रस्य तत्क्षणात् ।
सपदातिगजं साश्वं सरथं रघुनन्दन ॥ 4 ॥
दृष्ट्वा निषूदितं सैन्यं वसिष्ठेन महात्मना ।
विश्वामित्रसुतानां च शतं नानाविधायुधम् ॥ 5 ॥
अभ्यधावत्सुसङ्कृद्धं वसिष्ठं जपतां वरम् ।
हुङ्कारेणैव तान् सर्वान् ददाह भगवान् ऋषिः ॥ 6 ॥
ते साश्वरथपादाता वसिष्ठेन महात्मना ।
भस्मीकृता मुहूर्तेन विश्वामित्रसुता स्तदा ॥ 7 ॥
दृष्ट्वा विनाशितान् पुत्रान् बलं च सुमहायशाः ।
सव्रीडश्चिन्तयाऽविष्टो विश्वामित्रोऽभवत्तदा ॥ 8 ॥
समुद्र इव निर्वेगो भग्नदंष्ट्र इवोरगः ।
उपरक्त इवादित्यस्सद्यो निष्प्रभतां गतः ॥ 9 ॥
हतपुत्रबलो दीनो लूनपक्ष इव द्विजः ।
हतदर्पो हतोत्साहो निर्वेदं समपद्यत ॥ 10 ॥
स पुत्रमेकं राज्याय पालयेति नियुज्य च ।
पृथिवीं क्षत्रधर्मेण वनमेवान्वपद्यत ॥ 11 ॥
स गत्वा हिमवत्पार्श्वं किन्नरोरगसेवितम् ।
महादेवप्रसादार्थं तपस्तेपे महातपाः ॥ 12 ॥
केनचित्त्वथ कालेन देवेशो वृषभध्वजः ।
दर्शयामास वरदो विश्वामित्रं महाबलम् ॥ 13 ॥
किमर्थं तप्यसे राजन् ब्रूहि यत्ते विवक्षितम् ।
वरदोऽस्मि वरो यस्ते काङ्क्षितस्सोऽभिधीयताम् ॥ 14 ॥
एवमुक्तस्तु देवेन विश्वामित्रो महातपाः ।
प्रणिपत्य महादेवमिदं वचनमब्रवीत् ॥ 15 ॥
यदि तुष्टो महादेव धनुर्वेदो ममानघ ।
साङ्गोपाङ्गोपनिषदस्सरहस्यः प्रदीयताम् ॥ 16 ॥
यानि देवेषु चास्त्राणि दानवेषु महर्षिषु ।
गन्धर्वयक्षरक्षस्सु प्रतिभान्तु ममानघ ॥ 17 ॥
तव प्रसादाद्भवतु देवदेवममेप्सितम् ।
एवमस्त्विति देवेशो वाक्यमुक्त्वा गतस्तदा ॥ 18 ॥
प्राप्य चास्त्राणि राजर्षिर्विश्वामित्रो महाबलः ।
दर्पेण महता युक्तो दर्पपूर्णोऽभवत्तदा ॥ 19 ॥
विवर्धमानो वीर्येण समुद्र इव पर्वणि ।
हतमेव तदा मेने वसिष्ठमृषिसत्तमम् ॥ 20 ॥
ततो गत्वाऽऽश्रमपदं मुमोचास्त्राणि पार्थिवः ।
यैस्तत्तपोवनं सर्वं निर्दग्धं चास्त्रतेजसा ॥ 21 ॥
उदीर्यमाणमस्त्रं तद्विश्वामित्रस्य धीमतः ।
दृष्ट्वा विप्रद्रुतास्सर्वे मुनयश्शतशो दिशः ॥ 22 ॥
वसिष्ठस्य च ये शिष्यास्तथैव मृगपक्षिणः ।
विद्रवन्ति भयाद्भीता नानादिग्भ्यस्सहस्रशः ॥ 23 ॥
वसिष्ठस्याश्रमपदं शून्यमासीन्महात्मनः ।
मुहूर्तमिव निश्शब्दमासीदिरिणसन्निभम् ॥ 24 ॥
वदतो वै वसिष्ठस्य मा भैरिति मुहुर्मुहुः ।
नाशयाम्यद्य गाधेयं नीहारमिव भास्करः ॥ 25 ॥
एवमुक्त्वा महातेजा वसिष्ठो जपतां वरः ।
विश्वामित्रं तदा वाक्यं सरोषमिदमब्रवीत् ॥ 26 ॥
आश्रमं चिरसम्वृद्धं यद्विनाशितवानसि ।
दुराचारोऽसि तन्मूढ तस्मात्त्वं न भविष्यसि ॥ 27 ॥
इत्युक्त्वा परमक्रुद्धो दण्डमुद्यम्य सत्वरः ।
विधूममिव कालाग्निं यमदण्डमिवापरम् ॥ 28 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे पञ्चपञ्चाशस्सर्गः ॥
śrīmadvālmīkīya rāmāyaṇe bālakāṇḍam |
atha pañcapañcāśassargaḥ |
tatastānākulān dṛṣṭvā viśvāmitrāstramohitān |
vasiṣṭhaścodayāmāsa kāmadhuk sṛja yogataḥ || 1 ||
tasyāhumbhāravājjātāḥ kāmbhojā ravisannibhāḥ |
ūdhasastvatha sañjātāḥ paplavāśśastrapāṇayaḥ || 2 ||
yonideśācca yavanāśśakṛddeśācchakā stathā |
romakūpeṣu ca mlecchā hārītāssakirātakāḥ || 3 ||
taistairniṣūditaṃ sarvaṃ viśvāmitrasya tatkṣaṇāt |
sapadātigajaṃ sāśvaṃ sarathaṃ raghunandana || 4 ||
dṛṣṭvā niṣūditaṃ sainyaṃ vasiṣṭhena mahātmanā |
viśvāmitrasutānāṃ ca śataṃ nānāvidhāyudham || 5 ||
abhyadhāvatsusaṅkṛddhaṃ vasiṣṭhaṃ japatāṃ varam |
huṅkāreṇaiva tān sarvān dadāha bhagavān ṛṣiḥ || 6 ||
te sāśvarathapādātā vasiṣṭhena mahātmanā |
bhasmīkṛtā muhūrtena viśvāmitrasutā stadā || 7 ||
dṛṣṭvā vināśitān putrān balaṃ ca sumahāyaśāḥ |
savrīḍaścintayā'viṣṭo viśvāmitro'bhavattadā || 8 ||
samudra iva nirvego bhagnadaṃṣṭra ivoragaḥ |
uparakta ivādityassadyo niṣprabhatāṃ gataḥ || 9 ||
hataputrabalo dīno lūnapakṣa iva dvijaḥ |
hatadarpo hatotsāho nirvedaṃ samapadyata || 10 ||
sa putramekaṃ rājyāya pālayeti niyujya ca |
pṛthivīṃ kṣatradharmeṇa vanamevānvapadyata || 11 ||
sa gatvā himavatpārśvaṃ kinnaroragasevitam |
mahādevaprasādārthaṃ tapastepe mahātapāḥ || 12 ||
kenacittvatha kālena deveśo vṛṣabhadhvajaḥ |
darśayāmāsa varado viśvāmitraṃ mahābalam || 13 ||
kimarthaṃ tapyase rājan brūhi yatte vivakṣitam |
varado'smi varo yaste kāṅkṣitasso'bhidhīyatām || 14 ||
evamuktastu devena viśvāmitro mahātapāḥ |
praṇipatya mahādevamidaṃ vacanamabravīt || 15 ||
yadi tuṣṭo mahādeva dhanurvedo mamānagha |
sāṅgopāṅgopaniṣadassarahasyaḥ pradīyatām || 16 ||
yāni deveṣu cāstrāṇi dānaveṣu maharṣiṣu |
gandharvayakṣarakṣassu pratibhāntu mamānagha || 17 ||
tava prasādādbhavatu devadevamamepsitam |
evamastviti deveśo vākyamuktvā gatastadā || 18 ||
prāpya cāstrāṇi rājarṣirviśvāmitro mahābalaḥ |
darpeṇa mahatā yukto darpapūrṇo'bhavattadā || 19 ||
vivardhamāno vīryeṇa samudra iva parvaṇi |
hatameva tadā mene vasiṣṭhamṛṣisattamam || 20 ||
tato gatvā''śramapadaṃ mumocāstrāṇi pārthivaḥ |
yaistattapovanaṃ sarvaṃ nirdagdhaṃ cāstratejasā || 21 ||
udīryamāṇamastraṃ tadviśvāmitrasya dhīmataḥ |
dṛṣṭvā vipradrutāssarve munayaśśataśo diśaḥ || 22 ||
vasiṣṭhasya ca ye śiṣyāstathaiva mṛgapakṣiṇaḥ |
vidravanti bhayādbhītā nānādigbhyassahasraśaḥ || 23 ||
vasiṣṭhasyāśramapadaṃ śūnyamāsīnmahātmanaḥ |
muhūrtamiva niśśabdamāsīdiriṇasannibham || 24 ||
vadato vai vasiṣṭhasya mā bhairiti muhurmuhuḥ |
nāśayāmyadya gādheyaṃ nīhāramiva bhāskaraḥ || 25 ||
evamuktvā mahātejā vasiṣṭho japatāṃ varaḥ |
viśvāmitraṃ tadā vākyaṃ saroṣamidamabravīt || 26 ||
āśramaṃ cirasamvṛddhaṃ yadvināśitavānasi |
durācāro'si tanmūḍha tasmāttvaṃ na bhaviṣyasi || 27 ||
ityuktvā paramakruddho daṇḍamudyamya satvaraḥ |
vidhūmamiva kālāgniṃ yamadaṇḍamivāparam || 28 ||
ityārṣe śrīmadrāmāyaṇe vālmīkīya ādikāvye bālakāṇḍe pañcapañcāśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.