ஶ்ரீமத்வால்மீகீய ராமாயணே பாலகாண்டம் ।
அத பஞ்சாஶஸ்ஸர்கஃ ।
ததஃ ப்ராகுத்தராம் கத்வா ராமஸ்ஸௌமித்ரிணா ஸஹ ।
விஶ்வாமித்ரம் புரஸ்க்ரு'த்ய யஜ்ஞவாடமுபாகமத் ॥ 1 ॥
ராமஸ்து முநிஶார்தூலமுவாச ஸஹலக்ஷ்மணஃ ।
ஸாத்வீ யஜ்ஞஸம்ரு'த்திர்ஹி ஜநகஸ்ய மஹாத்மநஃ ॥ 2 ॥
பஹூநீஹ ஸஹஸ்ராணி நாநாதேஶநிவாஸிநாம் ।
ப்ராஹ்மணாநாம் மஹாபாக வேதாத்யயநஶாலிநாம் ॥ 3 ॥
ரு'ஷிவாடாஶ்ச த்ரு'ஶ்யந்தே ஶகடீஶதஸங்குலாஃ ।
தேஶோ விதீயதாம் ப்ரஹ்மந் யத்ர வத்ஸ்யாமஹே வயம் ॥ 4 ॥
ராமஸ்ய வசநம் ஶ்ருத்வா விஶ்வாமித்ரோ மஹாமுநிஃ ।
நிவேஶமகரோத்தேஶே விவிக்தே ஸலிலாயுதே ॥ 5 ॥
விஶ்வாமித்ரமநுப்ராப்தம் ஶ்ருத்வா ஸ ந்ரு'பதிஸ்ததா ।
ஶதாநந்தம் புரஸ்க்ரு'த்ய புரோஹிதமநிந்திதம் ॥ 6 ॥
ப்ரத்யுஜ்ஜகாம ஸஹஸா விநயேந ஸமந்விதஃ ।
ரு'த்விஜோऽபி மஹாத்மாநஸ்த்வர்க்யமாதாய ஸத்வரம் ॥ 7 ॥
விஶ்வாமித்ராய தர்மேண ததுர்மந்ந்த்ரபுரஸ்க்ரு'தம் ।
ப்ரதிக்ரு'ஹ்ய ச தாம் பூஜாம் ஜநகஸ்ய மஹாத்மநஃ ॥ 8 ॥
பப்ரச்ச குஶலம் ராஜ்ஞோ யஜ்ஞஸ்ய ச நிராமயம் ।
ஸ தாம்ஶ்சாபி முநீந் ப்ரு'ஷ்ட்வா ஸோபாத்யாயபுரோதஸஃ ॥ 9 ॥
யதாந்யாயம் ததஸ்ஸர்வைஸ்ஸமாகச்சத்ப்ரஹ்ரு'ஷ்டவத் ।
அத ராஜா முநிஶ்ரேஷ்டம் க்ரு'தாஞ்ஜலிரபாஷத ॥ 10 ॥
ஆஸநே பகவாநாஸ்தாம் ஸஹைபிர்முநிபுங்கவைஃ ।
ஜநகஸ்ய வசஶ்ஶ்ருத்வா நிஷஸாத மஹாமுநிஃ ॥ 11 ॥
புரோதா ரு'த்விஜஶ்சைவ ராஜா ச ஸஹ மந்த்ரிபிஃ ।
ஆஸநேஷு யதாந்யாயமுபவிஷ்டாந் ஸமந்ததஃ ॥ 12 ॥
த்ரு'ஷ்ட்வா ஸ ந்ரு'பதிஸ்தத்ர விஶ்வாமித்ரமதாப்ரவீத் ।
அத்ய யஜ்ஞஸம்ரு'த்திர்மே ஸபலா தைவதைஃ க்ரு'தா ॥ 13 ॥
அத்ய யஜ்ஞபலம் ப்ராப்தம் பகவத்தர்ஶநாந்மயா ।
தந்யோऽஸ்ம்யநுக்ரு'ஹீதோऽஸ்மி யஸ்ய மே முநிபுங்கவ ॥ 14 ॥
யஜ்ஞோபஸதநம் ப்ரஹ்மந் ப்ராப்தோऽஸி முநிபிஃ ஸஹ ।
த்வாதஶாஹம் து ப்ரஹ்மர்ஷே ஶேஷமாஹுர்மநீஷிணஃ ॥ 15 ॥
ததோ பாகார்திநோ தேவாந் த்ரஷ்டுமர்ஹஸி கௌஶிக ।
இத்யுக்த்வா முநிஶார்தூலம் ப்ரஹ்ரு'ஷ்டவதநஸ்ததா ॥ 16 ॥
புநஸ்தம் பரிபப்ரச்ச ப்ராஞ்ஜலிஃ ப்ரணதோ ந்ரு'பஃ ।
இமௌ குமாரௌ பத்ரம் தே தேவதுல்யபராக்ரமௌ ॥ 17 ॥
கஜஸிம்ஹகதீ வீரௌ ஶார்தூலவ்ரு'ஷபோபமௌ ।
பத்மபத்ரவிஶாலாக்ஷௌ கட்கதூணீதநுர்தரௌ ॥ 18 ॥
அஶ்விநாவிவ ரூபேண ஸமுபஸ்திதயௌவநௌ ।
யத்ரு'ச்சயைவ காம் ப்ராப்தௌ தேவலோகாதிவாமரௌ ॥ 19 ॥
கதம் பத்ப்யாமிஹ ப்ராப்தௌ கிமர்தம் கஸ்ய வா முநே ।
வராயுததரௌ வீரௌ கஸ்ய புத்ரௌ மஹாமுநே ॥ 20 ॥
பூஷயந்தாவிமம் தேஶம் சந்த்ரஸூர்யாவிவாம்பரம் ।
பரஸ்பரஸ்ய ஸத்ரு'ஶௌ ப்ரமாணேங்கிதசேஷ்டிதைஃ ॥ 21 ॥
காகபக்ஷதரௌ வீரௌ ஶ்ரோதுமிச்சாமி தத்த்வதஃ ।
தஸ்ய தத்வசநம் ஶ்ருத்வா ஜநகஸ்ய மஹாத்மநஃ ॥ 22 ॥
ந்யவேதயந்மஹாத்மாநௌ புத்ரௌ தஶரதஸ்ய தௌ ।
ஸித்தாஶ்ரமநிவாஸம் ச ராக்ஷஸாநாம் வதம் ததா ॥ 23 ॥
தச்சாகமநமவ்யக்ரம் விஶாலாயாஶ்ச தர்ஶநம் ।
அஹல்யாதர்ஶநம் சைவ கௌதமேந ஸமாகமம் ॥ 24 ॥
மஹாதநுஷி ஜிஜ்ஞாஸாம் கர்துமாகமநம் ததா ।
ஏதத்ஸர்வம் மஹாதேஜா ஜநகாய மஹாத்மநே ॥ 25 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே பஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha pañcāśassargaḥ |
tataḥ prāguttarāṃ gatvā rāmassaumitriṇā saha |
viśvāmitraṃ puraskṛtya yajñavāṭamupāgamat || 1 ||
rāmastu muniśārdūlamuvāca sahalakṣmaṇaḥ |
sādhvī yajñasamṛddhirhi janakasya mahātmanaḥ || 2 ||
bahūnīha sahasrāṇi nānādeśanivāsinām |
brāhmaṇānāṃ mahābhāga vedādhyayanaśālinām || 3 ||
ṛṣivāṭāśca dṛśyante śakaṭīśatasaṅkulāḥ |
deśo vidhīyatāṃ brahman yatra vatsyāmahe vayam || 4 ||
rāmasya vacanaṃ śrutvā viśvāmitro mahāmuniḥ |
niveśamakaroddeśe vivikte salilāyute || 5 ||
viśvāmitramanuprāptaṃ śrutvā sa nṛpatistadā |
śatānandaṃ puraskṛtya purohitamaninditam || 6 ||
pratyujjagāma sahasā vinayena samanvitaḥ |
ṛtvijo'pi mahātmānastvarghyamādāya satvaram || 7 ||
viśvāmitrāya dharmeṇa dadurmanntrapuraskṛtam |
pratigṛhya ca tāṃ pūjāṃ janakasya mahātmanaḥ || 8 ||
papraccha kuśalaṃ rājño yajñasya ca nirāmayam |
sa tāṃścāpi munīn pṛṣṭvā sopādhyāyapurodhasaḥ || 9 ||
yathānyāyaṃ tatassarvaissamāgacchatprahṛṣṭavat |
atha rājā muniśreṣṭhaṃ kṛtāñjalirabhāṣata || 10 ||
āsane bhagavānāstāṃ sahaibhirmunipuṅgavaiḥ |
janakasya vacaśśrutvā niṣasāda mahāmuniḥ || 11 ||
purodhā ṛtvijaścaiva rājā ca saha mantribhiḥ |
āsaneṣu yathānyāyamupaviṣṭān samantataḥ || 12 ||
dṛṣṭvā sa nṛpatistatra viśvāmitramathābravīt |
adya yajñasamṛdhdirme saphalā daivataiḥ kṛtā || 13 ||
adya yajñaphalaṃ prāptaṃ bhagavaddarśanānmayā |
dhanyo'smyanugṛhīto'smi yasya me munipuṅgava || 14 ||
yajñopasadanaṃ brahman prāpto'si munibhiḥ saha |
dvādaśāhaṃ tu brahmarṣe śeṣamāhurmanīṣiṇaḥ || 15 ||
tato bhāgārthino devān draṣṭumarhasi kauśika |
ityuktvā muniśārdūlaṃ prahṛṣṭavadanastadā || 16 ||
punastaṃ paripapraccha prāñjaliḥ praṇato nṛpaḥ |
imau kumārau bhadraṃ te devatulyaparākramau || 17 ||
gajasiṃhagatī vīrau śārdūlavṛṣabhopamau |
padmapatraviśālākṣau khaḍgatūṇīdhanurdharau || 18 ||
aśvināviva rūpeṇa samupasthitayauvanau |
yadṛcchayaiva gāṃ prāptau devalokādivāmarau || 19 ||
kathaṃ padbhyāmiha prāptau kimarthaṃ kasya vā mune |
varāyudhadharau vīrau kasya putrau mahāmune || 20 ||
bhūṣayantāvimaṃ deśaṃ candrasūryāvivāmbaram |
parasparasya sadṛśau pramāṇeṅgitaceṣṭitaiḥ || 21 ||
kākapakṣadharau vīrau śrotumicchāmi tattvataḥ |
tasya tadvacanaṃ śrutvā janakasya mahātmanaḥ || 22 ||
nyavedayanmahātmānau putrau daśarathasya tau |
siddhāśramanivāsaṃ ca rākṣasānāṃ vadhaṃ tathā || 23 ||
taccāgamanamavyagraṃ viśālāyāśca darśanam |
ahalyādarśanaṃ caiva gautamena samāgamam || 24 ||
mahādhanuṣi jijñāsāṃ kartumāgamanaṃ tathā |
etatsarvaṃ mahātejā janakāya mahātmane || 25 ||
ityārṣe śrīmadrāmāyaṇe vālmīkīya ādikāvye bālakāṇḍe pañcāśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ पञ्चाशस्सर्गः ।
ततः प्रागुत्तरां गत्वा रामस्सौमित्रिणा सह ।
विश्वामित्रं पुरस्कृत्य यज्ञवाटमुपागमत् ॥ 1 ॥
रामस्तु मुनिशार्दूलमुवाच सहलक्ष्मणः ।
साध्वी यज्ञसमृद्धिर्हि जनकस्य महात्मनः ॥ 2 ॥
बहूनीह सहस्राणि नानादेशनिवासिनाम् ।
ब्राह्मणानां महाभाग वेदाध्ययनशालिनाम् ॥ 3 ॥
ऋषिवाटाश्च दृश्यन्ते शकटीशतसङ्कुलाः ।
देशो विधीयतां ब्रह्मन् यत्र वत्स्यामहे वयम् ॥ 4 ॥
रामस्य वचनं श्रुत्वा विश्वामित्रो महामुनिः ।
निवेशमकरोद्देशे विविक्ते सलिलायुते ॥ 5 ॥
विश्वामित्रमनुप्राप्तं श्रुत्वा स नृपतिस्तदा ।
शतानन्दं पुरस्कृत्य पुरोहितमनिन्दितम् ॥ 6 ॥
प्रत्युज्जगाम सहसा विनयेन समन्वितः ।
ऋत्विजोऽपि महात्मानस्त्वर्घ्यमादाय सत्वरम् ॥ 7 ॥
विश्वामित्राय धर्मेण ददुर्मन्न्त्रपुरस्कृतम् ।
प्रतिगृह्य च तां पूजां जनकस्य महात्मनः ॥ 8 ॥
पप्रच्छ कुशलं राज्ञो यज्ञस्य च निरामयम् ।
स तांश्चापि मुनीन् पृष्ट्वा सोपाध्यायपुरोधसः ॥ 9 ॥
यथान्यायं ततस्सर्वैस्समागच्छत्प्रहृष्टवत् ।
अथ राजा मुनिश्रेष्ठं कृताञ्जलिरभाषत ॥ 10 ॥
आसने भगवानास्तां सहैभिर्मुनिपुङ्गवैः ।
जनकस्य वचश्श्रुत्वा निषसाद महामुनिः ॥ 11 ॥
पुरोधा ऋत्विजश्चैव राजा च सह मन्त्रिभिः ।
आसनेषु यथान्यायमुपविष्टान् समन्ततः ॥ 12 ॥
दृष्ट्वा स नृपतिस्तत्र विश्वामित्रमथाब्रवीत् ।
अद्य यज्ञसमृध्दिर्मे सफला दैवतैः कृता ॥ 13 ॥
अद्य यज्ञफलं प्राप्तं भगवद्दर्शनान्मया ।
धन्योऽस्म्यनुगृहीतोऽस्मि यस्य मे मुनिपुङ्गव ॥ 14 ॥
यज्ञोपसदनं ब्रह्मन् प्राप्तोऽसि मुनिभिः सह ।
द्वादशाहं तु ब्रह्मर्षे शेषमाहुर्मनीषिणः ॥ 15 ॥
ततो भागार्थिनो देवान् द्रष्टुमर्हसि कौशिक ।
इत्युक्त्वा मुनिशार्दूलं प्रहृष्टवदनस्तदा ॥ 16 ॥
पुनस्तं परिपप्रच्छ प्राञ्जलिः प्रणतो नृपः ।
इमौ कुमारौ भद्रं ते देवतुल्यपराक्रमौ ॥ 17 ॥
गजसिंहगती वीरौ शार्दूलवृषभोपमौ ।
पद्मपत्रविशालाक्षौ खड्गतूणीधनुर्धरौ ॥ 18 ॥
अश्विनाविव रूपेण समुपस्थितयौवनौ ।
यदृच्छयैव गां प्राप्तौ देवलोकादिवामरौ ॥ 19 ॥
कथं पद्भ्यामिह प्राप्तौ किमर्थं कस्य वा मुने ।
वरायुधधरौ वीरौ कस्य पुत्रौ महामुने ॥ 20 ॥
भूषयन्ताविमं देशं चन्द्रसूर्याविवाम्बरम् ।
परस्परस्य सदृशौ प्रमाणेङ्गितचेष्टितैः ॥ 21 ॥
काकपक्षधरौ वीरौ श्रोतुमिच्छामि तत्त्वतः ।
तस्य तद्वचनं श्रुत्वा जनकस्य महात्मनः ॥ 22 ॥
न्यवेदयन्महात्मानौ पुत्रौ दशरथस्य तौ ।
सिद्धाश्रमनिवासं च राक्षसानां वधं तथा ॥ 23 ॥
तच्चागमनमव्यग्रं विशालायाश्च दर्शनम् ।
अहल्यादर्शनं चैव गौतमेन समागमम् ॥ 24 ॥
महाधनुषि जिज्ञासां कर्तुमागमनं तथा ।
एतत्सर्वं महातेजा जनकाय महात्मने ॥ 25 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे पञ्चाशस्सर्गः ॥
śrīmadvālmīkīya rāmāyaṇe bālakāṇḍam |
atha pañcāśassargaḥ |
tataḥ prāguttarāṃ gatvā rāmassaumitriṇā saha |
viśvāmitraṃ puraskṛtya yajñavāṭamupāgamat || 1 ||
rāmastu muniśārdūlamuvāca sahalakṣmaṇaḥ |
sādhvī yajñasamṛddhirhi janakasya mahātmanaḥ || 2 ||
bahūnīha sahasrāṇi nānādeśanivāsinām |
brāhmaṇānāṃ mahābhāga vedādhyayanaśālinām || 3 ||
ṛṣivāṭāśca dṛśyante śakaṭīśatasaṅkulāḥ |
deśo vidhīyatāṃ brahman yatra vatsyāmahe vayam || 4 ||
rāmasya vacanaṃ śrutvā viśvāmitro mahāmuniḥ |
niveśamakaroddeśe vivikte salilāyute || 5 ||
viśvāmitramanuprāptaṃ śrutvā sa nṛpatistadā |
śatānandaṃ puraskṛtya purohitamaninditam || 6 ||
pratyujjagāma sahasā vinayena samanvitaḥ |
ṛtvijo'pi mahātmānastvarghyamādāya satvaram || 7 ||
viśvāmitrāya dharmeṇa dadurmanntrapuraskṛtam |
pratigṛhya ca tāṃ pūjāṃ janakasya mahātmanaḥ || 8 ||
papraccha kuśalaṃ rājño yajñasya ca nirāmayam |
sa tāṃścāpi munīn pṛṣṭvā sopādhyāyapurodhasaḥ || 9 ||
yathānyāyaṃ tatassarvaissamāgacchatprahṛṣṭavat |
atha rājā muniśreṣṭhaṃ kṛtāñjalirabhāṣata || 10 ||
āsane bhagavānāstāṃ sahaibhirmunipuṅgavaiḥ |
janakasya vacaśśrutvā niṣasāda mahāmuniḥ || 11 ||
purodhā ṛtvijaścaiva rājā ca saha mantribhiḥ |
āsaneṣu yathānyāyamupaviṣṭān samantataḥ || 12 ||
dṛṣṭvā sa nṛpatistatra viśvāmitramathābravīt |
adya yajñasamṛdhdirme saphalā daivataiḥ kṛtā || 13 ||
adya yajñaphalaṃ prāptaṃ bhagavaddarśanānmayā |
dhanyo'smyanugṛhīto'smi yasya me munipuṅgava || 14 ||
yajñopasadanaṃ brahman prāpto'si munibhiḥ saha |
dvādaśāhaṃ tu brahmarṣe śeṣamāhurmanīṣiṇaḥ || 15 ||
tato bhāgārthino devān draṣṭumarhasi kauśika |
ityuktvā muniśārdūlaṃ prahṛṣṭavadanastadā || 16 ||
punastaṃ paripapraccha prāñjaliḥ praṇato nṛpaḥ |
imau kumārau bhadraṃ te devatulyaparākramau || 17 ||
gajasiṃhagatī vīrau śārdūlavṛṣabhopamau |
padmapatraviśālākṣau khaḍgatūṇīdhanurdharau || 18 ||
aśvināviva rūpeṇa samupasthitayauvanau |
yadṛcchayaiva gāṃ prāptau devalokādivāmarau || 19 ||
kathaṃ padbhyāmiha prāptau kimarthaṃ kasya vā mune |
varāyudhadharau vīrau kasya putrau mahāmune || 20 ||
bhūṣayantāvimaṃ deśaṃ candrasūryāvivāmbaram |
parasparasya sadṛśau pramāṇeṅgitaceṣṭitaiḥ || 21 ||
kākapakṣadharau vīrau śrotumicchāmi tattvataḥ |
tasya tadvacanaṃ śrutvā janakasya mahātmanaḥ || 22 ||
nyavedayanmahātmānau putrau daśarathasya tau |
siddhāśramanivāsaṃ ca rākṣasānāṃ vadhaṃ tathā || 23 ||
taccāgamanamavyagraṃ viśālāyāśca darśanam |
ahalyādarśanaṃ caiva gautamena samāgamam || 24 ||
mahādhanuṣi jijñāsāṃ kartumāgamanaṃ tathā |
etatsarvaṃ mahātejā janakāya mahātmane || 25 ||
ityārṣe śrīmadrāmāyaṇe vālmīkīya ādikāvye bālakāṇḍe pañcāśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.