ஶ்ரீமத்வால்மீகீய ராமாயணே பாலகாண்டம் ।
அத ஏகஸப்ததிதமஸ்ஸர்கஃ ।
ஏவம் ப்ருவாணம் ஜநகஃ ப்ரத்யுவாச க்ரு'தாஞ்ஜலிஃ ।
ஶ்ரோதுமர்ஹஸி பத்ரம் தே குலம் நஃ பரிகீர்திதம் ॥ 1 ॥
ப்ரதாநே ஹி முநிஶ்ரேஷ்ட குலம் நிரவஶேஷதஃ ।
வக்தவ்யம் குலஜாதேந தந்நிபோத மஹாமுநே ॥ 2 ॥
ராஜாऽபூத் த்ரிஷு லோகேஷு விஶ்ருத ஸ்ஸ்வேந கர்மணா ।
நிமிஃ பரமதர்மாத்மா ஸர்வஸத்த்வவதாம் வரஃ ॥ 3 ॥
தஸ்ய புத்ரோமிதிர்நாம மிதிலா யேந நிர்மிதா ।
ப்ரதமோ ஜநகோ நாம ஜநகாதப்யுதாவஸுஃ ॥ 4 ॥
உதாவஸோஸ்து தர்மாத்மா ஜாதோ வை நந்திவர்தநஃ ।
நந்திவர்தநபுத்ரஸ்து ஸுகேதுர்நாம நாமதஃ ॥ 5 ॥
ஸுகேதோரபி தர்மாத்மா தேவராதோ மஹாபலஃ ।
தேவராதஸ்ய ராஜர்ஷேர்ப்ரு'ஹத்ரத இதி ஸ்ம்ரு'தஃ ॥ 6 ॥
ப்ரு'ஹத்ரதஸ்ய ஶூரோऽபூந்மஹாவீரஃ ப்ரதாபவாந் ।
மஹாவீரஸ்ய த்ரு'திமாந் ஸுத்ரு'திஸ்ஸத்யவிக்ரமஃ ॥ 7 ॥
ஸுத்ரு'தேரபி தர்மாத்மா த்ரு'ஷ்டகேதுஸ்ஸுதார்மிகஃ ।
த்ரு'ஷ்டகேதோஸ்து ராஜர்ஷேர்ஹர்யஶ்வ இதி விஶ்ருதஃ ॥ 8 ॥
ஹர்யஶ்வஸ்ய மருஃ புத்ரோ மரோஃ புத்ரஃ ப்ரதிந்தகஃ ।
ப்ரதிந்தகஸ்ய தர்மாத்மா ராஜா கீர்திரதஸ்ஸுதஃ ॥ 9 ॥
புத்ரஃ கீர்திரதஸ்யாபி தேவமீட இதி ஸ்ம்ரு'தஃ ।
தேவமீடஸ்ய விபுதோ விபுதஸ்ய மஹீத்ரகஃ ॥ 10 ॥
மஹீத்ரகஸுதோ ராஜா கீர்திராதோ மஹாபலஃ ।
கீர்திராதஸ்ய ராஜர்ஷேர்மஹாரோமா வ்யஜாயத ॥ 11 ॥
மஹாரோம்ணஸ்து தர்மாத்மா ஸ்வர்ணரோமா வ்யஜாயத ।
ஸ்வர்ணரோம்ணஸ்து ராஜர்ஷேர்ஹ்ரஸ்வரோமா வ்யஜாயத ॥ 12 ॥
தஸ்ய புத்ரத்வயம் ஜஜ்ஞே தர்மஜ்ஞஸ்ய மஹாத்மநஃ ।
ஜ்யேஷ்டோऽஹமநுஜோ ப்ராதா மம வீரஃ குஶத்வஜஃ ॥ 13 ॥
மாம் து ஜ்யேஷ்டம் பிதா ராஜ்யே ஸோऽபிஷிச்ய நராதிபஃ ।
குஶத்வஜம் ஸமாவேஶ்ய பாரம் மயி வநம் கதஃ ॥ 14 ॥
வ்ரு'த்தே பிதரி ஸ்வர்யாதே தர்மேண துரமாவஹம் ।
ப்ராதரம் தேவஸங்காஶம் ஸ்நேஹாத்பஶ்யந் குஶத்வஜம் ॥ 15 ॥
கஸ்ய சித்த்வதகாலஸ்ய ஸாங்காஶ்யாதகமத்புராத் ।
ஸுதந்வா வீர்யவாந்ராஜா மிதிலாமவரோதகஃ ॥ 16 ॥
ஸ ச மே ப்ரேஷயாமாஸ ஶைவம் தநுரநுத்தமம் ।
ஸீதா கந்யா ச பத்மாக்ஷீ மஹ்யம் வை தீயதாமிதி ॥ 17 ॥
தஸ்யாப்ரதாநாத்ப்ரஹ்மர்ஷே யுத்தமாஸீந்மயா ஸஹ ।
ஸ ஹதோऽபிமுகோ ராஜா ஸுதந்வா து மயா ரணே ॥ 18 ॥
நிஹத்ய தம் முநிஶ்ரேஷ்ட ஸுதந்வாநம் நராதிபம் ।
ஸாங்காஶ்யே ப்ராதரம் வீரமப்யஷிஞ்சம் குஶத்வஜம் ॥ 19 ॥
கநீயாநேஷ மே ப்ராதா அஹம் ஜ்யேஷ்டோ மஹாமுநே ।
ததாமி பரமப்ரீதோ வத்வௌ தே முநிபுங்கவ ॥ 20 ॥
ஸீதாம் ராமாய பத்ரம் தே ஊர்மிலா லக்ஷ்மணாய ச ।
வீர்யஶுல்காம் மம ஸுதாம் ஸீதாம் ஸுரஸுதோபமாம் ॥ 21 ॥
த்விதீயாமூர்மிலாம் சைவ த்ரிர்ததாமி ந ஸம்ஶயஃ ।
ததாமி பரமப்ரீதோ வத்வௌ தே ரகுநந்தந ॥ 22 ॥
ராமலக்ஷ்மணயோ ராஜந் கோதாநம் காரயஸ்வ ஹ ।
பித்ரு'கார்யம் ச பத்ரம் தே ததோ வைவாஹிகம் குரு ॥ 23 ॥
மகா ஹ்யத்ய மஹாபாஹோ த்ரு'தீயே திவஸே ப்ரபோ ।
பல்குந்யாமுத்தரே ராஜம்ஸ்தஸ்மிந்வைவாஹிகம் குரு ॥ 24 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஏகஸப்ததிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ekasaptatitamassargaḥ |
evaṃ bruvāṇaṃ janakaḥ pratyuvāca kṛtāñjaliḥ |
śrotumarhasi bhadraṃ te kulaṃ naḥ parikīrtitam || 1 ||
pradāne hi muniśreṣṭha kulaṃ niravaśeṣataḥ |
vaktavyaṃ kulajātena tannibodha mahāmune || 2 ||
rājā'bhūt triṣu lokeṣu viśruta ssvena karmaṇā |
nimiḥ paramadharmātmā sarvasattvavatāṃ varaḥ || 3 ||
tasya putromithirnāma mithilā yena nirmitā |
prathamo janako nāma janakādapyudāvasuḥ || 4 ||
udāvasostu dharmātmā jāto vai nandivardhanaḥ |
nandivardhanaputrastu suketurnāma nāmataḥ || 5 ||
suketorapi dharmātmā devarāto mahābalaḥ |
devarātasya rājarṣerbṛhadratha iti smṛtaḥ || 6 ||
bṛhadrathasya śūro'bhūnmahāvīraḥ pratāpavān |
mahāvīrasya dhṛtimān sudhṛtissatyavikramaḥ || 7 ||
sudhṛterapi dharmātmā dṛṣṭaketussudhārmikaḥ |
dṛṣṭaketostu rājarṣerharyaśva iti viśrutaḥ || 8 ||
haryaśvasya maruḥ putro maroḥ putraḥ pratindhakaḥ |
pratindhakasya dharmātmā rājā kīrtirathassutaḥ || 9 ||
putraḥ kīrtirathasyāpi devamīḍha iti smṛtaḥ |
devamīḍhasya vibudho vibudhasya mahīdhrakaḥ || 10 ||
mahīdhrakasuto rājā kīrtirāto mahābalaḥ |
kīrtirātasya rājarṣermahāromā vyajāyata || 11 ||
mahāromṇastu dharmātmā svarṇaromā vyajāyata |
svarṇaromṇastu rājarṣerhrasvaromā vyajāyata || 12 ||
tasya putradvayaṃ jajñe dharmajñasya mahātmanaḥ |
jyeṣṭho'hamanujo bhrātā mama vīraḥ kuśadhvajaḥ || 13 ||
māṃ tu jyeṣṭhaṃ pitā rājye so'bhiṣicya narādhipaḥ |
kuśadhvajaṃ samāveśya bhāraṃ mayi vanaṃ gataḥ || 14 ||
vṛddhe pitari svaryāte dharmeṇa dhuramāvaham |
bhrātaraṃ devasaṅkāśaṃ snehātpaśyan kuśadhvajam || 15 ||
kasya cittvathakālasya sāṅkāśyādagamatpurāt |
sudhanvā vīryavānrājā mithilāmavarodhakaḥ || 16 ||
sa ca me preṣayāmāsa śaivaṃ dhanuranuttamam |
sītā kanyā ca padmākṣī mahyaṃ vai dīyatāmiti || 17 ||
tasyāpradānādbrahmarṣe yuddhamāsīnmayā saha |
sa hato'bhimukho rājā sudhanvā tu mayā raṇe || 18 ||
nihatya taṃ muniśreṣṭha sudhanvānaṃ narādhipam |
sāṅkāśye bhrātaraṃ vīramabhyaṣiñcaṃ kuśadhvajam || 19 ||
kanīyāneṣa me bhrātā ahaṃ jyeṣṭho mahāmune |
dadāmi paramaprīto vadhvau te munipuṅgava || 20 ||
sītāṃ rāmāya bhadraṃ te ūrmilā lakṣmaṇāya ca |
vīryaśulkāṃ mama sutāṃ sītāṃ surasutopamām || 21 ||
dvitīyāmūrmilāṃ caiva trirdadāmi na saṃśayaḥ |
dadāmi paramaprīto vadhvau te raghunandana || 22 ||
rāmalakṣmaṇayo rājan godānaṃ kārayasva ha |
pitṛkāryaṃ ca bhadraṃ te tato vaivāhikaṃ kuru || 23 ||
makhā hyadya mahābāho tṛtīye divase prabho |
phalgunyāmuttare rājaṃstasminvaivāhikaṃ kuru || 24 ||
ityārṣe śrīmadrāmāyaṇe vālmīkīya ādikāvye bālakāṇḍe ekasaptatitamassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ एकसप्ततितमस्सर्गः ।
एवं ब्रुवाणं जनकः प्रत्युवाच कृताञ्जलिः ।
श्रोतुमर्हसि भद्रं ते कुलं नः परिकीर्तितम् ॥ 1 ॥
प्रदाने हि मुनिश्रेष्ठ कुलं निरवशेषतः ।
वक्तव्यं कुलजातेन तन्निबोध महामुने ॥ 2 ॥
राजाऽभूत् त्रिषु लोकेषु विश्रुत स्स्वेन कर्मणा ।
निमिः परमधर्मात्मा सर्वसत्त्ववतां वरः ॥ 3 ॥
तस्य पुत्रोमिथिर्नाम मिथिला येन निर्मिता ।
प्रथमो जनको नाम जनकादप्युदावसुः ॥ 4 ॥
उदावसोस्तु धर्मात्मा जातो वै नन्दिवर्धनः ।
नन्दिवर्धनपुत्रस्तु सुकेतुर्नाम नामतः ॥ 5 ॥
सुकेतोरपि धर्मात्मा देवरातो महाबलः ।
देवरातस्य राजर्षेर्बृहद्रथ इति स्मृतः ॥ 6 ॥
बृहद्रथस्य शूरोऽभून्महावीरः प्रतापवान् ।
महावीरस्य धृतिमान् सुधृतिस्सत्यविक्रमः ॥ 7 ॥
सुधृतेरपि धर्मात्मा दृष्टकेतुस्सुधार्मिकः ।
दृष्टकेतोस्तु राजर्षेर्हर्यश्व इति विश्रुतः ॥ 8 ॥
हर्यश्वस्य मरुः पुत्रो मरोः पुत्रः प्रतिन्धकः ।
प्रतिन्धकस्य धर्मात्मा राजा कीर्तिरथस्सुतः ॥ 9 ॥
पुत्रः कीर्तिरथस्यापि देवमीढ इति स्मृतः ।
देवमीढस्य विबुधो विबुधस्य महीध्रकः ॥ 10 ॥
महीध्रकसुतो राजा कीर्तिरातो महाबलः ।
कीर्तिरातस्य राजर्षेर्महारोमा व्यजायत ॥ 11 ॥
महारोम्णस्तु धर्मात्मा स्वर्णरोमा व्यजायत ।
स्वर्णरोम्णस्तु राजर्षेर्ह्रस्वरोमा व्यजायत ॥ 12 ॥
तस्य पुत्रद्वयं जज्ञे धर्मज्ञस्य महात्मनः ।
ज्येष्ठोऽहमनुजो भ्राता मम वीरः कुशध्वजः ॥ 13 ॥
मां तु ज्येष्ठं पिता राज्ये सोऽभिषिच्य नराधिपः ।
कुशध्वजं समावेश्य भारं मयि वनं गतः ॥ 14 ॥
वृद्धे पितरि स्वर्याते धर्मेण धुरमावहम् ।
भ्रातरं देवसङ्काशं स्नेहात्पश्यन् कुशध्वजम् ॥ 15 ॥
कस्य चित्त्वथकालस्य साङ्काश्यादगमत्पुरात् ।
सुधन्वा वीर्यवान्राजा मिथिलामवरोधकः ॥ 16 ॥
स च मे प्रेषयामास शैवं धनुरनुत्तमम् ।
सीता कन्या च पद्माक्षी मह्यं वै दीयतामिति ॥ 17 ॥
तस्याप्रदानाद्ब्रह्मर्षे युद्धमासीन्मया सह ।
स हतोऽभिमुखो राजा सुधन्वा तु मया रणे ॥ 18 ॥
निहत्य तं मुनिश्रेष्ठ सुधन्वानं नराधिपम् ।
साङ्काश्ये भ्रातरं वीरमभ्यषिञ्चं कुशध्वजम् ॥ 19 ॥
कनीयानेष मे भ्राता अहं ज्येष्ठो महामुने ।
ददामि परमप्रीतो वध्वौ ते मुनिपुङ्गव ॥ 20 ॥
सीतां रामाय भद्रं ते ऊर्मिला लक्ष्मणाय च ।
वीर्यशुल्कां मम सुतां सीतां सुरसुतोपमाम् ॥ 21 ॥
द्वितीयामूर्मिलां चैव त्रिर्ददामि न संशयः ।
ददामि परमप्रीतो वध्वौ ते रघुनन्दन ॥ 22 ॥
रामलक्ष्मणयो राजन् गोदानं कारयस्व ह ।
पितृकार्यं च भद्रं ते ततो वैवाहिकं कुरु ॥ 23 ॥
मखा ह्यद्य महाबाहो तृतीये दिवसे प्रभो ।
फल्गुन्यामुत्तरे राजंस्तस्मिन्वैवाहिकं कुरु ॥ 24 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे एकसप्ततितमस्सर्गः ॥
śrīmadvālmīkīya rāmāyaṇe bālakāṇḍam |
atha ekasaptatitamassargaḥ |
evaṃ bruvāṇaṃ janakaḥ pratyuvāca kṛtāñjaliḥ |
śrotumarhasi bhadraṃ te kulaṃ naḥ parikīrtitam || 1 ||
pradāne hi muniśreṣṭha kulaṃ niravaśeṣataḥ |
vaktavyaṃ kulajātena tannibodha mahāmune || 2 ||
rājā'bhūt triṣu lokeṣu viśruta ssvena karmaṇā |
nimiḥ paramadharmātmā sarvasattvavatāṃ varaḥ || 3 ||
tasya putromithirnāma mithilā yena nirmitā |
prathamo janako nāma janakādapyudāvasuḥ || 4 ||
udāvasostu dharmātmā jāto vai nandivardhanaḥ |
nandivardhanaputrastu suketurnāma nāmataḥ || 5 ||
suketorapi dharmātmā devarāto mahābalaḥ |
devarātasya rājarṣerbṛhadratha iti smṛtaḥ || 6 ||
bṛhadrathasya śūro'bhūnmahāvīraḥ pratāpavān |
mahāvīrasya dhṛtimān sudhṛtissatyavikramaḥ || 7 ||
sudhṛterapi dharmātmā dṛṣṭaketussudhārmikaḥ |
dṛṣṭaketostu rājarṣerharyaśva iti viśrutaḥ || 8 ||
haryaśvasya maruḥ putro maroḥ putraḥ pratindhakaḥ |
pratindhakasya dharmātmā rājā kīrtirathassutaḥ || 9 ||
putraḥ kīrtirathasyāpi devamīḍha iti smṛtaḥ |
devamīḍhasya vibudho vibudhasya mahīdhrakaḥ || 10 ||
mahīdhrakasuto rājā kīrtirāto mahābalaḥ |
kīrtirātasya rājarṣermahāromā vyajāyata || 11 ||
mahāromṇastu dharmātmā svarṇaromā vyajāyata |
svarṇaromṇastu rājarṣerhrasvaromā vyajāyata || 12 ||
tasya putradvayaṃ jajñe dharmajñasya mahātmanaḥ |
jyeṣṭho'hamanujo bhrātā mama vīraḥ kuśadhvajaḥ || 13 ||
māṃ tu jyeṣṭhaṃ pitā rājye so'bhiṣicya narādhipaḥ |
kuśadhvajaṃ samāveśya bhāraṃ mayi vanaṃ gataḥ || 14 ||
vṛddhe pitari svaryāte dharmeṇa dhuramāvaham |
bhrātaraṃ devasaṅkāśaṃ snehātpaśyan kuśadhvajam || 15 ||
kasya cittvathakālasya sāṅkāśyādagamatpurāt |
sudhanvā vīryavānrājā mithilāmavarodhakaḥ || 16 ||
sa ca me preṣayāmāsa śaivaṃ dhanuranuttamam |
sītā kanyā ca padmākṣī mahyaṃ vai dīyatāmiti || 17 ||
tasyāpradānādbrahmarṣe yuddhamāsīnmayā saha |
sa hato'bhimukho rājā sudhanvā tu mayā raṇe || 18 ||
nihatya taṃ muniśreṣṭha sudhanvānaṃ narādhipam |
sāṅkāśye bhrātaraṃ vīramabhyaṣiñcaṃ kuśadhvajam || 19 ||
kanīyāneṣa me bhrātā ahaṃ jyeṣṭho mahāmune |
dadāmi paramaprīto vadhvau te munipuṅgava || 20 ||
sītāṃ rāmāya bhadraṃ te ūrmilā lakṣmaṇāya ca |
vīryaśulkāṃ mama sutāṃ sītāṃ surasutopamām || 21 ||
dvitīyāmūrmilāṃ caiva trirdadāmi na saṃśayaḥ |
dadāmi paramaprīto vadhvau te raghunandana || 22 ||
rāmalakṣmaṇayo rājan godānaṃ kārayasva ha |
pitṛkāryaṃ ca bhadraṃ te tato vaivāhikaṃ kuru || 23 ||
makhā hyadya mahābāho tṛtīye divase prabho |
phalgunyāmuttare rājaṃstasminvaivāhikaṃ kuru || 24 ||
ityārṣe śrīmadrāmāyaṇe vālmīkīya ādikāvye bālakāṇḍe ekasaptatitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.