ஶ்ரீமத்வால்மீகீய ராமாயணே பாலகாண்டம் ।
அத சத்வாரிம்ஶஸ்ஸர்கஃ ।
. தேவதாநாம் வசஶ்ஶ்ருத்வா பகவாந்வை பிதாமஹஃ ।
ப்ரத்யுவாச ஸுஸந்த்ரஸ்தாந்க்ரு'தாந்தபலமோஹிதாந் ॥ 1 ॥
யஸ்யேயம் வஸுதா க்ரு'த்ஸ்நா வாஸுதேவஸ்ய தீமதஃ ।
காபிலம் ரூபமாஸ்தாய தாரயத்யநிஶம் தராம் ॥ 2 ॥
தஸ்ய கோபாக்நிநா தக்தா பவிஷ்யந்தி ந்ரு'பாத்மஜாஃ ।
ப்ரு'திவ்யாஶ்சாபி நிர்பேதோऽத்ரு'ஷ்ட ஏவ ஸநாதநஃ ॥ 3 ॥
ஸகரஸ்ய ச புத்ராணாம் விநாஶோऽதீர்கஜீவிநாம் ।
பிதாமஹவசஶ்ஶ்ருத்வா த்ரயஸ்த்ரிம்ஶதரிந்தம ॥ 4 ॥
தேவாஃ பரமஸம்ஹ்ரு'ஷ்டாஃ புநர்ஜக்முர்யதாகதம் ।
ஸகரஸ்ய ச புத்ராணாம் ப்ராதுராஸீந்மஹாத்மநாம் ॥ 5 ॥
ப்ரு'திவ்யாம் பித்யமாநாயாம் நிர்காதஸமநிஸ்வநஃ ।
ததோ பித்வா மஹீம் ஸர்வே க்ரு'த்வா சாபிப்ரதக்ஷிணம் ॥ 6 ॥
ஸஹிதா ஸ்ஸகராஸ்ஸர்வே பிதரம் வாக்யமப்ருவந் ।
0 பரிக்ராந்தா மஹீ ஸர்வா ஸத்த்வவந்தஶ்ச ஸூதிதாஃ ॥ 7 ॥
தேவதாநவரக்ஷாம்ஸி பிஶாசோரககிந்நராஃ ।
ந ச பஶ்யாமஹேऽஶ்வம் தமஶ்வஹர்தாரமேவ ச ॥ 8 ॥
கிம் கரிஷ்யாம பத்ரம் தே புத்திரத்ர விசார்யதாம் ।
தேஷாம் தத்வசநம் ஶ்ருத்வா புத்ராணாம் ராஜஸத்தமஃ ॥ 9 ॥
ஸமந்யுரப்ரவீத்வாக்யம் ஸகரோ ரகுநந்தந ।
பூயஃ கநத பத்ரம் வோ நிர்பித்ய வஸுதாதலம் ॥ 10 ॥
அஶ்வஹர்தாரமாஸாத்ய க்ரு'தார்தாஶ்ச நிவர்தத ।
பிதுர்வசநமாஸாத்ய ஸகரஸ்ய மஹாத்மநஃ ॥ 11 ॥
ஷஷ்டிஃ புத்ரஸஹஸ்ராணி ரஸாதலமபித்ரவந் ।
கந்யமாநே ததஸ்தஸ்மிந் தத்ரு'ஶுஃ பர்வதோபமம் ॥ 12 ॥
திஶாகஜம் விரூபாக்ஷம் தாரயந்தம் மஹீதலம் ।
ஸபர்வதவநாம் க்ரு'த்ஸ்நாம் ப்ரு'திவீம் ரகுநந்தந ॥ 13 ॥
ஶிரஸா தாரயாமாஸ விரூபாக்ஷோ மஹாகஜஃ ।
யதா பர்வணி காகுத்ஸ்த விஶ்ரமார்தம் மஹாகஜஃ ॥ 14 ॥
கேதாச்சாலயதே ஶீர்ஷம் பூமிகம்பஸ்ததாபவேத் ।
தம் தே ப்ரதக்ஷிணம் க்ரு'த்வா திஶாபாலம் மஹாகஜம் ॥ 15 ॥
மாநயந்தோ ஹி தே ராம ஜக்முர்பித்த்வா ரஸாதலம் ।
ததஃ பூர்வாம் திஶம் பித்த்வா தக்ஷிணாம் பிபிதுஃ புநஃ ॥ 16 ॥
தக்ஷிணஸ்யாமபி திஶி தத்ரு'ஶுஸ்தே மஹாகஜம் ।
மஹாபத்மம் மஹாத்மாநம் ஸுமஹத்பர்வதோபமம் ॥ 17 ॥
ஶிரஸா தாரயந்தம் தே விஸ்மயம் ஜக்முருத்தமம் ।
ததஃ ப்ரதக்ஷிணம் க்ரு'த்வா ஸகரஸ்ய மஹாத்மநஃ ॥ 18 ॥
ஷஷ்டிஃ புத்ரஸஹஸ்ராணி பஶ்சிமாம் பிபிதுர்திஶம் ।
பஶ்சிமாயாமபி திஶி மஹாந்தமசலோபமம் ॥ 19 ॥
திஶாகஜம் ஸௌமநஸம் தத்ரு'ஶுஸ்தே மஹாபலாஃ ।
தம் தே ப்ரதக்ஷிணம் க்ரு'த்வா ப்ரு'ஷ்ட்வா சாபி நிராமயம் ।
கநந்த ஸ்ஸமுபக்ராந்தா திஶம் ஹைமவதீம் ததஃ ॥ 20 ॥
உத்தரஸ்யாம் ரகுஶ்ரேஷ்ட தத்ரு'ஶுர்ஹிமபாண்டுரம் ॥ 21 ॥
பத்ரம் பத்ரேண வபுஷா தாரயந்தம் மஹீமிமாம் ।
ஸமாலப்ய தத ஸ்ஸர்வே க்ரு'த்வா சைநம் ப்ரதக்ஷிணம் ॥ 22 ॥
ஷஷ்டிஃ புத்ரஸஹஸ்ராணி பிபிதுர்வஸுதாதலம் ।
ததஃ ப்ராகுத்தராம் கத்வா ஸாகராஃ ப்ரதிதாம் திஶம் ॥ 23 ॥
ரோஷாதப்யகநந் ஸர்வே ப்ரு'திவீம் ஸகராத்மஜாஃ ।
தே து ஸர்வே மஹாத்மாநோ பீமவேகா மஹாபலாஃ ॥ 24 ॥
தத்ரு'ஶுஃ கபிலம் தத்ர வாஸுதேவம் ஸநாதநம் ।
ஹயம் ச தஸ்ய தேவஸ்ய சரந்தமவிதூரதஃ ॥ 25 ॥
ப்ரஹர்ஷமதுலம் ப்ராப்தாஸ்ஸர்வே தே ரகுநந்தந ।
தே தம் ஹயவரம் ஜ்ஞாத்வா க்ரோதபர்யாகுலேக்ஷணாஃ ॥ 26 ॥
கநித்ரலாங்கலதரா நாநாவ்ரு'க்ஷஶிலாதராஃ ।
அப்யதாவந்த ஸங்க்ருத்தாஸ்திஷ்ட திஷ்டேதி சாப்ருவந் ॥ 27 ॥
அஸ்மாகம் த்வம் ஹி துரகம் யஜ்ஞீயம் ஹ்ரு'தவாநஸி ।
துர்மேதஸ்த்வம் ஹி ஸம்ப்ராப்தாந் வித்தி நஸ்ஸகராத்மஜாந் ॥ 28 ॥
ஶ்ருத்வா து வசநம் தேஷாம் கபிலோ ரகுநந்தந ।
ரோஷேண மஹதாऽऽவிஷ்டோ ஹுங்காரமகரோத்ததா ॥ 29 ॥
ததஸ்தேநாப்ரமேயேந கபிலேந மஹாத்மநா ।
பஸ்மராஶீக்ரு'தாஸ்ஸர்வே காகுத்ஸ்த ஸகராத்மஜாஃ ॥ 30 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே சத்வாரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha catvāriṃśassargaḥ |
. devatānāṃ vacaśśrutvā bhagavānvai pitāmahaḥ |
pratyuvāca susantrastānkṛtāntabalamohitān || 1 ||
yasyeyaṃ vasudhā kṛtsnā vāsudevasya dhīmataḥ |
kāpilaṃ rūpamāsthāya dhārayatyaniśaṃ dharām || 2 ||
tasya kopāgninā dagdhā bhaviṣyanti nṛpātmajāḥ |
pṛthivyāścāpi nirbhedo'dṛṣṭa eva sanātanaḥ || 3 ||
sagarasya ca putrāṇāṃ vināśo'dīrghajīvinām |
pitāmahavacaśśrutvā trayastriṃśadarindama || 4 ||
devāḥ paramasaṃhṛṣṭāḥ punarjagmuryathāgatam |
sagarasya ca putrāṇāṃ prādurāsīnmahātmanām || 5 ||
pṛthivyāṃ bhidyamānāyāṃ nirghātasamanisvanaḥ |
tato bhitvā mahīṃ sarve kṛtvā cābhipradakṣiṇam || 6 ||
sahitā ssagarāssarve pitaraṃ vākyamabruvan |
0 parikrāntā mahī sarvā sattvavantaśca sūditāḥ || 7 ||
devadānavarakṣāṃsi piśācoragakinnarāḥ |
na ca paśyāmahe'śvaṃ tamaśvahartārameva ca || 8 ||
kiṃ kariṣyāma bhadraṃ te buddhiratra vicāryatām |
teṣāṃ tadvacanaṃ śrutvā putrāṇāṃ rājasattamaḥ || 9 ||
samanyurabravīdvākyaṃ sagaro raghunandana |
bhūyaḥ khanata bhadraṃ vo nirbhidya vasudhātalam || 10 ||
aśvahartāramāsādya kṛtārthāśca nivartatha |
piturvacanamāsādya sagarasya mahātmanaḥ || 11 ||
ṣaṣṭiḥ putrasahasrāṇi rasātalamabhidravan |
khanyamāne tatastasmin dadṛśuḥ parvatopamam || 12 ||
diśāgajaṃ virūpākṣaṃ dhārayantaṃ mahītalam |
saparvatavanāṃ kṛtsnāṃ pṛthivīṃ raghunandana || 13 ||
śirasā dhārayāmāsa virūpākṣo mahāgajaḥ |
yadā parvaṇi kākutstha viśramārthaṃ mahāgajaḥ || 14 ||
khedāccālayate śīrṣaṃ bhūmikampastadābhavet |
taṃ te pradakṣiṇaṃ kṛtvā diśāpālaṃ mahāgajam || 15 ||
mānayanto hi te rāma jagmurbhittvā rasātalam |
tataḥ pūrvāṃ diśaṃ bhittvā dakṣiṇāṃ bibhiduḥ punaḥ || 16 ||
dakṣiṇasyāmapi diśi dadṛśuste mahāgajam |
mahāpadmaṃ mahātmānaṃ sumahatparvatopamam || 17 ||
śirasā dhārayantaṃ te vismayaṃ jagmuruttamam |
tataḥ pradakṣiṇaṃ kṛtvā sagarasya mahātmanaḥ || 18 ||
ṣaṣṭiḥ putrasahasrāṇi paścimāṃ bibhidurdiśam |
paścimāyāmapi diśi mahāntamacalopamam || 19 ||
diśāgajaṃ saumanasaṃ dadṛśuste mahābalāḥ |
taṃ te pradakṣiṇaṃ kṛtvā pṛṣṭvā cāpi nirāmayam |
khananta ssamupakrāntā diśaṃ haimavatīṃ tataḥ || 20 ||
uttarasyāṃ raghuśreṣṭha dadṛśurhimapāṇḍuram || 21 ||
bhadraṃ bhadreṇa vapuṣā dhārayantaṃ mahīmimām |
samālabhya tata ssarve kṛtvā cainaṃ pradakṣiṇam || 22 ||
ṣaṣṭiḥ putrasahasrāṇi bibhidurvasudhātalam |
tataḥ prāguttarāṃ gatvā sāgarāḥ prathitāṃ diśam || 23 ||
roṣādabhyakhanan sarve pṛthivīṃ sagarātmajāḥ |
te tu sarve mahātmāno bhīmavegā mahābalāḥ || 24 ||
dadṛśuḥ kapilaṃ tatra vāsudevaṃ sanātanam |
hayaṃ ca tasya devasya carantamavidūrataḥ || 25 ||
praharṣamatulaṃ prāptāssarve te raghunandana |
te taṃ hayavaraṃ jñātvā krodhaparyākulekṣaṇāḥ || 26 ||
khanitralāṅgaladharā nānāvṛkṣaśilādharāḥ |
abhyadhāvanta saṅkruddhāstiṣṭha tiṣṭheti cābruvan || 27 ||
asmākaṃ tvaṃ hi turagaṃ yajñīyaṃ hṛtavānasi |
durmedhastvaṃ hi samprāptān viddhi nassagarātmajān || 28 ||
śrutvā tu vacanaṃ teṣāṃ kapilo raghunandana |
roṣeṇa mahatā''viṣṭo huṅkāramakarottadā || 29 ||
tatastenāprameyena kapilena mahātmanā |
bhasmarāśīkṛtāssarve kākutstha sagarātmajāḥ || 30 ||
ityārṣe śrīmadrāmāyaṇe vālmīkīya ādikāvye bālakāṇḍe catvāriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ चत्वारिंशस्सर्गः ।
. देवतानां वचश्श्रुत्वा भगवान्वै पितामहः ।
प्रत्युवाच सुसन्त्रस्तान्कृतान्तबलमोहितान् ॥ 1 ॥
यस्येयं वसुधा कृत्स्ना वासुदेवस्य धीमतः ।
कापिलं रूपमास्थाय धारयत्यनिशं धराम् ॥ 2 ॥
तस्य कोपाग्निना दग्धा भविष्यन्ति नृपात्मजाः ।
पृथिव्याश्चापि निर्भेदोऽदृष्ट एव सनातनः ॥ 3 ॥
सगरस्य च पुत्राणां विनाशोऽदीर्घजीविनाम् ।
पितामहवचश्श्रुत्वा त्रयस्त्रिंशदरिन्दम ॥ 4 ॥
देवाः परमसंहृष्टाः पुनर्जग्मुर्यथागतम् ।
सगरस्य च पुत्राणां प्रादुरासीन्महात्मनाम् ॥ 5 ॥
पृथिव्यां भिद्यमानायां निर्घातसमनिस्वनः ।
ततो भित्वा महीं सर्वे कृत्वा चाभिप्रदक्षिणम् ॥ 6 ॥
सहिता स्सगरास्सर्वे पितरं वाक्यमब्रुवन् ।
0 परिक्रान्ता मही सर्वा सत्त्ववन्तश्च सूदिताः ॥ 7 ॥
देवदानवरक्षांसि पिशाचोरगकिन्नराः ।
न च पश्यामहेऽश्वं तमश्वहर्तारमेव च ॥ 8 ॥
किं करिष्याम भद्रं ते बुद्धिरत्र विचार्यताम् ।
तेषां तद्वचनं श्रुत्वा पुत्राणां राजसत्तमः ॥ 9 ॥
समन्युरब्रवीद्वाक्यं सगरो रघुनन्दन ।
भूयः खनत भद्रं वो निर्भिद्य वसुधातलम् ॥ 10 ॥
अश्वहर्तारमासाद्य कृतार्थाश्च निवर्तथ ।
पितुर्वचनमासाद्य सगरस्य महात्मनः ॥ 11 ॥
षष्टिः पुत्रसहस्राणि रसातलमभिद्रवन् ।
खन्यमाने ततस्तस्मिन् ददृशुः पर्वतोपमम् ॥ 12 ॥
दिशागजं विरूपाक्षं धारयन्तं महीतलम् ।
सपर्वतवनां कृत्स्नां पृथिवीं रघुनन्दन ॥ 13 ॥
शिरसा धारयामास विरूपाक्षो महागजः ।
यदा पर्वणि काकुत्स्थ विश्रमार्थं महागजः ॥ 14 ॥
खेदाच्चालयते शीर्षं भूमिकम्पस्तदाभवेत् ।
तं ते प्रदक्षिणं कृत्वा दिशापालं महागजम् ॥ 15 ॥
मानयन्तो हि ते राम जग्मुर्भित्त्वा रसातलम् ।
ततः पूर्वां दिशं भित्त्वा दक्षिणां बिभिदुः पुनः ॥ 16 ॥
दक्षिणस्यामपि दिशि ददृशुस्ते महागजम् ।
महापद्मं महात्मानं सुमहत्पर्वतोपमम् ॥ 17 ॥
शिरसा धारयन्तं ते विस्मयं जग्मुरुत्तमम् ।
ततः प्रदक्षिणं कृत्वा सगरस्य महात्मनः ॥ 18 ॥
षष्टिः पुत्रसहस्राणि पश्चिमां बिभिदुर्दिशम् ।
पश्चिमायामपि दिशि महान्तमचलोपमम् ॥ 19 ॥
दिशागजं सौमनसं ददृशुस्ते महाबलाः ।
तं ते प्रदक्षिणं कृत्वा पृष्ट्वा चापि निरामयम् ।
खनन्त स्समुपक्रान्ता दिशं हैमवतीं ततः ॥ 20 ॥
उत्तरस्यां रघुश्रेष्ठ ददृशुर्हिमपाण्डुरम् ॥ 21 ॥
भद्रं भद्रेण वपुषा धारयन्तं महीमिमाम् ।
समालभ्य तत स्सर्वे कृत्वा चैनं प्रदक्षिणम् ॥ 22 ॥
षष्टिः पुत्रसहस्राणि बिभिदुर्वसुधातलम् ।
ततः प्रागुत्तरां गत्वा सागराः प्रथितां दिशम् ॥ 23 ॥
रोषादभ्यखनन् सर्वे पृथिवीं सगरात्मजाः ।
ते तु सर्वे महात्मानो भीमवेगा महाबलाः ॥ 24 ॥
ददृशुः कपिलं तत्र वासुदेवं सनातनम् ।
हयं च तस्य देवस्य चरन्तमविदूरतः ॥ 25 ॥
प्रहर्षमतुलं प्राप्तास्सर्वे ते रघुनन्दन ।
ते तं हयवरं ज्ञात्वा क्रोधपर्याकुलेक्षणाः ॥ 26 ॥
खनित्रलाङ्गलधरा नानावृक्षशिलाधराः ।
अभ्यधावन्त सङ्क्रुद्धास्तिष्ठ तिष्ठेति चाब्रुवन् ॥ 27 ॥
अस्माकं त्वं हि तुरगं यज्ञीयं हृतवानसि ।
दुर्मेधस्त्वं हि सम्प्राप्तान् विद्धि नस्सगरात्मजान् ॥ 28 ॥
श्रुत्वा तु वचनं तेषां कपिलो रघुनन्दन ।
रोषेण महताऽऽविष्टो हुङ्कारमकरोत्तदा ॥ 29 ॥
ततस्तेनाप्रमेयेन कपिलेन महात्मना ।
भस्मराशीकृतास्सर्वे काकुत्स्थ सगरात्मजाः ॥ 30 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे चत्वारिंशस्सर्गः ॥
śrīmadvālmīkīya rāmāyaṇe bālakāṇḍam |
atha catvāriṃśassargaḥ |
. devatānāṃ vacaśśrutvā bhagavānvai pitāmahaḥ |
pratyuvāca susantrastānkṛtāntabalamohitān || 1 ||
yasyeyaṃ vasudhā kṛtsnā vāsudevasya dhīmataḥ |
kāpilaṃ rūpamāsthāya dhārayatyaniśaṃ dharām || 2 ||
tasya kopāgninā dagdhā bhaviṣyanti nṛpātmajāḥ |
pṛthivyāścāpi nirbhedo'dṛṣṭa eva sanātanaḥ || 3 ||
sagarasya ca putrāṇāṃ vināśo'dīrghajīvinām |
pitāmahavacaśśrutvā trayastriṃśadarindama || 4 ||
devāḥ paramasaṃhṛṣṭāḥ punarjagmuryathāgatam |
sagarasya ca putrāṇāṃ prādurāsīnmahātmanām || 5 ||
pṛthivyāṃ bhidyamānāyāṃ nirghātasamanisvanaḥ |
tato bhitvā mahīṃ sarve kṛtvā cābhipradakṣiṇam || 6 ||
sahitā ssagarāssarve pitaraṃ vākyamabruvan |
0 parikrāntā mahī sarvā sattvavantaśca sūditāḥ || 7 ||
devadānavarakṣāṃsi piśācoragakinnarāḥ |
na ca paśyāmahe'śvaṃ tamaśvahartārameva ca || 8 ||
kiṃ kariṣyāma bhadraṃ te buddhiratra vicāryatām |
teṣāṃ tadvacanaṃ śrutvā putrāṇāṃ rājasattamaḥ || 9 ||
samanyurabravīdvākyaṃ sagaro raghunandana |
bhūyaḥ khanata bhadraṃ vo nirbhidya vasudhātalam || 10 ||
aśvahartāramāsādya kṛtārthāśca nivartatha |
piturvacanamāsādya sagarasya mahātmanaḥ || 11 ||
ṣaṣṭiḥ putrasahasrāṇi rasātalamabhidravan |
khanyamāne tatastasmin dadṛśuḥ parvatopamam || 12 ||
diśāgajaṃ virūpākṣaṃ dhārayantaṃ mahītalam |
saparvatavanāṃ kṛtsnāṃ pṛthivīṃ raghunandana || 13 ||
śirasā dhārayāmāsa virūpākṣo mahāgajaḥ |
yadā parvaṇi kākutstha viśramārthaṃ mahāgajaḥ || 14 ||
khedāccālayate śīrṣaṃ bhūmikampastadābhavet |
taṃ te pradakṣiṇaṃ kṛtvā diśāpālaṃ mahāgajam || 15 ||
mānayanto hi te rāma jagmurbhittvā rasātalam |
tataḥ pūrvāṃ diśaṃ bhittvā dakṣiṇāṃ bibhiduḥ punaḥ || 16 ||
dakṣiṇasyāmapi diśi dadṛśuste mahāgajam |
mahāpadmaṃ mahātmānaṃ sumahatparvatopamam || 17 ||
śirasā dhārayantaṃ te vismayaṃ jagmuruttamam |
tataḥ pradakṣiṇaṃ kṛtvā sagarasya mahātmanaḥ || 18 ||
ṣaṣṭiḥ putrasahasrāṇi paścimāṃ bibhidurdiśam |
paścimāyāmapi diśi mahāntamacalopamam || 19 ||
diśāgajaṃ saumanasaṃ dadṛśuste mahābalāḥ |
taṃ te pradakṣiṇaṃ kṛtvā pṛṣṭvā cāpi nirāmayam |
khananta ssamupakrāntā diśaṃ haimavatīṃ tataḥ || 20 ||
uttarasyāṃ raghuśreṣṭha dadṛśurhimapāṇḍuram || 21 ||
bhadraṃ bhadreṇa vapuṣā dhārayantaṃ mahīmimām |
samālabhya tata ssarve kṛtvā cainaṃ pradakṣiṇam || 22 ||
ṣaṣṭiḥ putrasahasrāṇi bibhidurvasudhātalam |
tataḥ prāguttarāṃ gatvā sāgarāḥ prathitāṃ diśam || 23 ||
roṣādabhyakhanan sarve pṛthivīṃ sagarātmajāḥ |
te tu sarve mahātmāno bhīmavegā mahābalāḥ || 24 ||
dadṛśuḥ kapilaṃ tatra vāsudevaṃ sanātanam |
hayaṃ ca tasya devasya carantamavidūrataḥ || 25 ||
praharṣamatulaṃ prāptāssarve te raghunandana |
te taṃ hayavaraṃ jñātvā krodhaparyākulekṣaṇāḥ || 26 ||
khanitralāṅgaladharā nānāvṛkṣaśilādharāḥ |
abhyadhāvanta saṅkruddhāstiṣṭha tiṣṭheti cābruvan || 27 ||
asmākaṃ tvaṃ hi turagaṃ yajñīyaṃ hṛtavānasi |
durmedhastvaṃ hi samprāptān viddhi nassagarātmajān || 28 ||
śrutvā tu vacanaṃ teṣāṃ kapilo raghunandana |
roṣeṇa mahatā''viṣṭo huṅkāramakarottadā || 29 ||
tatastenāprameyena kapilena mahātmanā |
bhasmarāśīkṛtāssarve kākutstha sagarātmajāḥ || 30 ||
ityārṣe śrīmadrāmāyaṇe vālmīkīya ādikāvye bālakāṇḍe catvāriṃśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.