ஶ்ரீமத்வால்மீகீய ராமாயணே பாலகாண்டம் ।
அத ஷஷ்டிதமஸ்ஸர்கஃ ।
தபோபலஹதாந் க்ரு'த்வா வாஸிஷ்டாந் ஸமஹோதயாந் ।
ரு'ஷிமத்யே மஹாதேஜா விஶ்வாமித்ரோऽப்யபாஷத ॥ 1 ॥
அயமிக்ஷ்வாகுதாயாதஸ்த்ரிஶங்குரிதி விஶ்ருதஃ ।
தர்மிஷ்டஶ்ச வதாந்யஶ்ச மாம் சைவ ஶரணம் கதஃ ॥ 2 ॥
தேநாநேந ஶரீரேண தேவலோகஜிகீஷயா ।
யதாऽயம் ஸ்வஶரீரேண ஸ்வர்கலோகம் கமிஷ்யதி ॥ 3 ॥
ததா ப்ரவர்த்யதாம் யஜ்ஞே பவத்பிஶ்ச மயா ஸஹ ।
விஶ்வாமித்ரவச ஶ்ஶ்ருத்வா ஸர்வ ஏவ மஹர்ஷயஃ ॥ 4 ॥
ஊசுஸ்ஸமேத்ய ஸஹிதா தர்மஜ்ஞா தர்மஸம்ஹிதம் ।
அயம் குஶிகதாயாதோ முநிஃ பரமகோபநஃ ॥ 5 ॥
யதாஹ வசநம் ஸம்யகேதத்கார்யம் ந ஸம்ஶயஃ ।
அக்நிகல்போ ஹி பகவாந் ஶாபம் தாஸ்யதி ரோஷிதஃ ॥ 6 ॥
தஸ்மாத்ப்ரவர்த்யதாம் யஜ்ஞ ஸ்ஸஶரீரோ யதா திவம் ।
கச்சேதிக்ஷ்வாகுதாயாதோ விஶ்வாமித்ரஸ்ய தேஜஸா ॥ 7 ॥
ததா ப்ரவர்த்யதாம் யஜ்ஞ ஸ்ஸர்வே ஸமதிதிஷ்டத ।
ஏவமுக்த்வா மஹர்ஷயஃ சக்ருஸ்தாஸ்தாஃக்ரியாஸ்ததா ॥ 8 ॥
யாஜகஶ்ச மஹாதேஜா விஶ்வாமித்ரோऽபவத்க்ரதௌ ।
ரு'த்விஜஶ்சாநுபூர்வ்யேண மந்த்ரவந்மந்த்ரகோவிதாஃ ॥ 9 ॥
சக்ருஃ கர்மாணி ஸர்வாணி யதாகல்பம் யதாவிதி ।
ததஃ காலேந மஹதா விஶ்வாமித்ரோ மஹாதபாஃ ॥ 10 ॥
சகாராவாஹநம் தத்ர பாகார்தம் ஸர்வதேவதாஃ ।
நாப்யாகமம்ஸ்ததாஹூதா பாகார்தம் ஸர்வதேவதாஃ ॥ 11 ॥
ததஃ க்ரோதஸமாவிஷ்டோ விஶ்வாமித்ரோ மஹாமுநிஃ ।
ஸ்ருவமுத்யம்ய ஸக்ரோதஸ்த்ரிஶங்குமிதமப்ரவீத் ॥ 12 ॥
பஶ்ய மே தபஸோ வீர்யம் ஸ்வார்ஜிதஸ்ய நரேஶ்வர ।
ஏஷ த்வாம் ஸஶரீரேண நயாமி ஸ்வர்கமோஜஸா ॥ 13 ॥
துஷ்ப்ராபம் ஸஶரீரேண திவம் கச்ச நராதிப ।
ஸ்வார்ஜிதம் கிஞ்சிதப்யஸ்தி மயா ஹி தபஸஃபலம் ॥ 14 ॥
ராஜந் ஸ்வதேஜஸா தஸ்ய ஸஶரீரோ திவம் வ்ரஜ ।
உக்தவாக்யே முநௌ தஸ்மிந் ஸஶரீரோ நரேஶ்வரஃ ॥ 15 ॥
திவம் ஜகாம காகுத்ஸ்த முநீநாம் பஶ்யதாம் ததா ।
தேவலோககதம் த்ரு'ஷ்ட்வா த்ரிஶங்கும் பாகஶாஸநஃ ॥ 16 ॥
ஸஹ ஸர்வைஸ்ஸுரகணைரிதம் வசநமப்ரவீத் ।
த்ரிஶங்கோ கச்ச பூயஸ்த்வம் நாஸி ஸ்வர்கக்ரு'தாலயஃ ॥ 17 ॥
குருஶாபஹதோ மூட பத பூமிமவாக்சிராஃ ।
ஏவமுக்தோ மஹேந்த்ரேண த்ரிஶங்குரபதத்புநஃ ॥ 18 ॥
விக்ரோஶமாநஸ்த்ராஹீதி விஶ்வாமித்ரம் தபோதநம் ।
தச்ச்ருத்வா வசநம் தஸ்ய க்ரோஶமாநஸ்ய கௌஶிகஃ ॥ 19 ॥
ரோஷமாஹாரயத்தீவ்ரம் திஷ்ட திஷ்டேதி சாப்ரவீத் ।
ரு'ஷிமத்யே ஸ தேஜஸ்ஸ்வீ ப்ரஜாபதிரிவாபரஃ ॥ 20 ॥
ஸ்ரு'ஜந் தக்ஷிணமார்கஸ்தாந் ஸப்தர்ஷீநபராந் புநஃ ।
நக்ஷத்ரமாலாமபராமஸ்ரு'ஜத்க்ரோதமூர்ச்சிதஃ ॥ 21 ॥
தக்ஷிணாம் திஶமாஸ்தாய முநிமத்யே மஹாயஶாஃ ।
ஸ்ரு'ஷ்ட்வா நக்ஷத்ரவம்ஶம் ச க்ரோதேந கலுஷீக்ரு'தஃ ॥ 22 ॥
அந்யமிந்த்ரம் கரிஷ்யாமி லோகோ வா ஸ்யாதநிந்த்ரகஃ ।
தைவதாந்யபி ஸ க்ரோதா த்ஸ்ரஷ்டும் ஸமுபசக்ரமே ॥ 23 ॥
ததஃ பரமஸம்ப்ராந்தாஸ்ஸர்ஷிஸங்காஸ்ஸுராஸுராஃ ।
விஶ்வாமித்ரம் மஹாத்மாநமூசுஃ ஸாநுநயம் வசஃ ॥ 24 ॥
அயம் ராஜா மஹாபாக குருஶாபபரிக்ஷதஃ ।
ஸஶரீரோ திவம் யாதும் நார்ஹத்யேவ தபோதந ॥ 25 ॥
தேஷாம் தத்வசநம் ஶ்ருத்வா தேவாநாம் முநிபுங்கவஃ ।
அப்ரவீத்ஸுமஹத்வாக்யம் கௌஶிகஃ ஸர்வதேவதாஃ ॥ 26 ॥
ஸஶரீரஸ்ய பத்ரம் வஸ்த்ரிஶங்கோரஸ்ய பூபதேஃ ।
ஆரோஹணம் ப்ரதிஜ்ஞாய நாந்ரு'தம் கர்துமுத்ஸஹே ॥ 27 ॥
ஸ்வர்கோऽஸ்து ஸஶரீரஸ்ய த்ரிஶங்கோரஸ்ய ஶாஶ்வதஃ ।
நக்ஷத்ராணி ச ஸர்வாணி மாமகாநி த்ருவாண்யத ॥ 28 ॥
யாவல்லோகா தரிஷ்யந்தி திஷ்டந்த்வேதாநி ஸர்வஶஃ ।
மத்க்ரு'தாநி ஸுரா ஸ்ஸர்வே ததநுஜ்ஞாதுமர்ஹத ॥ 29 ॥
ஏவமுக்தாஃ ஸுராஸ்ஸர்வே ப்ரத்யூசுர்முநிபுங்கவம் ।
ஏவம் பவது பத்ரம் தே திஷ்டந்த்வேதாநி ஸர்வஶஃ ॥ 30 ॥
ககநே தாந்யநேகாநி வைஶ்வாநரபதாத்பஹிஃ ।
நக்ஷத்ராணி முநிஶ்ரேஷ்ட தேஷு ஜ்யோதிஷ்ஷு ஜாஜ்வலந் ॥ 31 ॥
அவாக்சிராஸ்த்ரிஶங்குஶ்ச திஷ்டத்வமரஸந்நிபஃ ।
அநுயாஸ்யந்தி சைதாநி ஜ்யோதீம்ஷி ந்ரு'பஸத்தமம் ॥ 32 ॥
க்ரு'தார்தம் கீர்திமந்தம் ச ஸ்வர்கலோககதம் யதா ।
விஶ்வாமித்ரஸ்து தர்மாத்மா ஸர்வதேவைரபிஷ்டுதஃ ॥ 33 ॥
ரு'ஷிபிஶ்ச மஹாதேஜா பாடமித்யாஹ தேவதாஃ ।
ததோ தேவா மஹாத்மாநோ முநயஶ்ச தபோதநாஃ ।
ஜக்முர்யதாऽऽகதம் ஸர்வே யஜ்ஞஸ்யாந்தே நரோத்தம ॥ 34 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஷஷ்டிதமஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ṣaṣṭitamassargaḥ |
tapobalahatān kṛtvā vāsiṣṭhān samahodayān |
ṛṣimadhye mahātejā viśvāmitro'bhyabhāṣata || 1 ||
ayamikṣvākudāyādastriśaṅkuriti viśrutaḥ |
dharmiṣṭhaśca vadānyaśca māṃ caiva śaraṇaṃ gataḥ || 2 ||
tenānena śarīreṇa devalokajigīṣayā |
yathā'yaṃ svaśarīreṇa svargalokaṃ gamiṣyati || 3 ||
tathā pravartyatāṃ yajñe bhavadbhiśca mayā saha |
viśvāmitravaca śśrutvā sarva eva maharṣayaḥ || 4 ||
ūcussametya sahitā dharmajñā dharmasaṃhitam |
ayaṃ kuśikadāyādo muniḥ paramakopanaḥ || 5 ||
yadāha vacanaṃ samyagetatkāryaṃ na saṃśayaḥ |
agnikalpo hi bhagavān śāpaṃ dāsyati roṣitaḥ || 6 ||
tasmātpravartyatāṃ yajña ssaśarīro yathā divam |
gacchedikṣvākudāyādo viśvāmitrasya tejasā || 7 ||
tathā pravartyatāṃ yajña ssarve samadhitiṣṭhata |
evamuktvā maharṣayaḥ cakrustāstāḥkriyāstadā || 8 ||
yājakaśca mahātejā viśvāmitro'bhavatkratau |
ṛtvijaścānupūrvyeṇa mantravanmantrakovidāḥ || 9 ||
cakruḥ karmāṇi sarvāṇi yathākalpaṃ yathāvidhi |
tataḥ kālena mahatā viśvāmitro mahātapāḥ || 10 ||
cakārāvāhanaṃ tatra bhāgārthaṃ sarvadevatāḥ |
nābhyāgamaṃstadāhūtā bhāgārthaṃ sarvadevatāḥ || 11 ||
tataḥ krodhasamāviṣṭo viśvāmitro mahāmuniḥ |
sruvamudyamya sakrodhastriśaṅkumidamabravīt || 12 ||
paśya me tapaso vīryaṃ svārjitasya nareśvara |
eṣa tvāṃ saśarīreṇa nayāmi svargamojasā || 13 ||
duṣprāpaṃ saśarīreṇa divaṃ gaccha narādhipa |
svārjitaṃ kiñcidapyasti mayā hi tapasaḥphalam || 14 ||
rājan svatejasā tasya saśarīro divaṃ vraja |
uktavākye munau tasmin saśarīro nareśvaraḥ || 15 ||
divaṃ jagāma kākutstha munīnāṃ paśyatāṃ tadā |
devalokagataṃ dṛṣṭvā triśaṅkuṃ pākaśāsanaḥ || 16 ||
saha sarvaissuragaṇairidaṃ vacanamabravīt |
triśaṅko gaccha bhūyastvaṃ nāsi svargakṛtālayaḥ || 17 ||
guruśāpahato mūḍha pata bhūmimavākchirāḥ |
evamukto mahendreṇa triśaṅkurapatatpunaḥ || 18 ||
vikrośamānastrāhīti viśvāmitraṃ tapodhanam |
tacchrutvā vacanaṃ tasya krośamānasya kauśikaḥ || 19 ||
roṣamāhārayattīvraṃ tiṣṭha tiṣṭheti cābravīt |
ṛṣimadhye sa tejassvī prajāpatirivāparaḥ || 20 ||
sṛjan dakṣiṇamārgasthān saptarṣīnaparān punaḥ |
nakṣatramālāmaparāmasṛjatkrodhamūrcchitaḥ || 21 ||
dakṣiṇāṃ diśamāsthāya munimadhye mahāyaśāḥ |
sṛṣṭvā nakṣatravaṃśaṃ ca krodhena kaluṣīkṛtaḥ || 22 ||
anyamindraṃ kariṣyāmi loko vā syādanindrakaḥ |
daivatānyapi sa krodhā tsraṣṭuṃ samupacakrame || 23 ||
tataḥ paramasambhrāntāssarṣisaṅghāssurāsurāḥ |
viśvāmitraṃ mahātmānamūcuḥ sānunayaṃ vacaḥ || 24 ||
ayaṃ rājā mahābhāga guruśāpaparikṣataḥ |
saśarīro divaṃ yātuṃ nārhatyeva tapodhana || 25 ||
teṣāṃ tadvacanaṃ śrutvā devānāṃ munipuṅgavaḥ |
abravītsumahadvākyaṃ kauśikaḥ sarvadevatāḥ || 26 ||
saśarīrasya bhadraṃ vastriśaṅkorasya bhūpateḥ |
ārohaṇaṃ pratijñāya nānṛtaṃ kartumutsahe || 27 ||
svargo'stu saśarīrasya triśaṅkorasya śāśvataḥ |
nakṣatrāṇi ca sarvāṇi māmakāni dhruvāṇyatha || 28 ||
yāvallokā dhariṣyanti tiṣṭhantvetāni sarvaśaḥ |
matkṛtāni surā ssarve tadanujñātumarhatha || 29 ||
evamuktāḥ surāssarve pratyūcurmunipuṅgavam |
evaṃ bhavatu bhadraṃ te tiṣṭhantvetāni sarvaśaḥ || 30 ||
gagane tānyanekāni vaiśvānarapathādbahiḥ |
nakṣatrāṇi muniśreṣṭha teṣu jyotiṣṣu jājvalan || 31 ||
avākchirāstriśaṅkuśca tiṣṭhatvamarasannibhaḥ |
anuyāsyanti caitāni jyotīṃṣi nṛpasattamam || 32 ||
kṛtārthaṃ kīrtimantaṃ ca svargalokagataṃ yathā |
viśvāmitrastu dharmātmā sarvadevairabhiṣṭutaḥ || 33 ||
ṛṣibhiśca mahātejā bāḍhamityāha devatāḥ |
tato devā mahātmāno munayaśca tapodhanāḥ |
jagmuryathā''gataṃ sarve yajñasyānte narottama || 34 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ षष्टितमस्सर्गः ।
तपोबलहतान् कृत्वा वासिष्ठान् समहोदयान् ।
ऋषिमध्ये महातेजा विश्वामित्रोऽभ्यभाषत ॥ 1 ॥
अयमिक्ष्वाकुदायादस्त्रिशङ्कुरिति विश्रुतः ।
धर्मिष्ठश्च वदान्यश्च मां चैव शरणं गतः ॥ 2 ॥
तेनानेन शरीरेण देवलोकजिगीषया ।
यथाऽयं स्वशरीरेण स्वर्गलोकं गमिष्यति ॥ 3 ॥
तथा प्रवर्त्यतां यज्ञे भवद्भिश्च मया सह ।
विश्वामित्रवच श्श्रुत्वा सर्व एव महर्षयः ॥ 4 ॥
ऊचुस्समेत्य सहिता धर्मज्ञा धर्मसंहितम् ।
अयं कुशिकदायादो मुनिः परमकोपनः ॥ 5 ॥
यदाह वचनं सम्यगेतत्कार्यं न संशयः ।
अग्निकल्पो हि भगवान् शापं दास्यति रोषितः ॥ 6 ॥
तस्मात्प्रवर्त्यतां यज्ञ स्सशरीरो यथा दिवम् ।
गच्छेदिक्ष्वाकुदायादो विश्वामित्रस्य तेजसा ॥ 7 ॥
तथा प्रवर्त्यतां यज्ञ स्सर्वे समधितिष्ठत ।
एवमुक्त्वा महर्षयः चक्रुस्तास्ताःक्रियास्तदा ॥ 8 ॥
याजकश्च महातेजा विश्वामित्रोऽभवत्क्रतौ ।
ऋत्विजश्चानुपूर्व्येण मन्त्रवन्मन्त्रकोविदाः ॥ 9 ॥
चक्रुः कर्माणि सर्वाणि यथाकल्पं यथाविधि ।
ततः कालेन महता विश्वामित्रो महातपाः ॥ 10 ॥
चकारावाहनं तत्र भागार्थं सर्वदेवताः ।
नाभ्यागमंस्तदाहूता भागार्थं सर्वदेवताः ॥ 11 ॥
ततः क्रोधसमाविष्टो विश्वामित्रो महामुनिः ।
स्रुवमुद्यम्य सक्रोधस्त्रिशङ्कुमिदमब्रवीत् ॥ 12 ॥
पश्य मे तपसो वीर्यं स्वार्जितस्य नरेश्वर ।
एष त्वां सशरीरेण नयामि स्वर्गमोजसा ॥ 13 ॥
दुष्प्रापं सशरीरेण दिवं गच्छ नराधिप ।
स्वार्जितं किञ्चिदप्यस्ति मया हि तपसःफलम् ॥ 14 ॥
राजन् स्वतेजसा तस्य सशरीरो दिवं व्रज ।
उक्तवाक्ये मुनौ तस्मिन् सशरीरो नरेश्वरः ॥ 15 ॥
दिवं जगाम काकुत्स्थ मुनीनां पश्यतां तदा ।
देवलोकगतं दृष्ट्वा त्रिशङ्कुं पाकशासनः ॥ 16 ॥
सह सर्वैस्सुरगणैरिदं वचनमब्रवीत् ।
त्रिशङ्को गच्छ भूयस्त्वं नासि स्वर्गकृतालयः ॥ 17 ॥
गुरुशापहतो मूढ पत भूमिमवाक्छिराः ।
एवमुक्तो महेन्द्रेण त्रिशङ्कुरपतत्पुनः ॥ 18 ॥
विक्रोशमानस्त्राहीति विश्वामित्रं तपोधनम् ।
तच्छ्रुत्वा वचनं तस्य क्रोशमानस्य कौशिकः ॥ 19 ॥
रोषमाहारयत्तीव्रं तिष्ठ तिष्ठेति चाब्रवीत् ।
ऋषिमध्ये स तेजस्स्वी प्रजापतिरिवापरः ॥ 20 ॥
सृजन् दक्षिणमार्गस्थान् सप्तर्षीनपरान् पुनः ।
नक्षत्रमालामपरामसृजत्क्रोधमूर्च्छितः ॥ 21 ॥
दक्षिणां दिशमास्थाय मुनिमध्ये महायशाः ।
सृष्ट्वा नक्षत्रवंशं च क्रोधेन कलुषीकृतः ॥ 22 ॥
अन्यमिन्द्रं करिष्यामि लोको वा स्यादनिन्द्रकः ।
दैवतान्यपि स क्रोधा त्स्रष्टुं समुपचक्रमे ॥ 23 ॥
ततः परमसम्भ्रान्तास्सर्षिसङ्घास्सुरासुराः ।
विश्वामित्रं महात्मानमूचुः सानुनयं वचः ॥ 24 ॥
अयं राजा महाभाग गुरुशापपरिक्षतः ।
सशरीरो दिवं यातुं नार्हत्येव तपोधन ॥ 25 ॥
तेषां तद्वचनं श्रुत्वा देवानां मुनिपुङ्गवः ।
अब्रवीत्सुमहद्वाक्यं कौशिकः सर्वदेवताः ॥ 26 ॥
सशरीरस्य भद्रं वस्त्रिशङ्कोरस्य भूपतेः ।
आरोहणं प्रतिज्ञाय नानृतं कर्तुमुत्सहे ॥ 27 ॥
स्वर्गोऽस्तु सशरीरस्य त्रिशङ्कोरस्य शाश्वतः ।
नक्षत्राणि च सर्वाणि मामकानि ध्रुवाण्यथ ॥ 28 ॥
यावल्लोका धरिष्यन्ति तिष्ठन्त्वेतानि सर्वशः ।
मत्कृतानि सुरा स्सर्वे तदनुज्ञातुमर्हथ ॥ 29 ॥
एवमुक्ताः सुरास्सर्वे प्रत्यूचुर्मुनिपुङ्गवम् ।
एवं भवतु भद्रं ते तिष्ठन्त्वेतानि सर्वशः ॥ 30 ॥
गगने तान्यनेकानि वैश्वानरपथाद्बहिः ।
नक्षत्राणि मुनिश्रेष्ठ तेषु ज्योतिष्षु जाज्वलन् ॥ 31 ॥
अवाक्छिरास्त्रिशङ्कुश्च तिष्ठत्वमरसन्निभः ।
अनुयास्यन्ति चैतानि ज्योतींषि नृपसत्तमम् ॥ 32 ॥
कृतार्थं कीर्तिमन्तं च स्वर्गलोकगतं यथा ।
विश्वामित्रस्तु धर्मात्मा सर्वदेवैरभिष्टुतः ॥ 33 ॥
ऋषिभिश्च महातेजा बाढमित्याह देवताः ।
ततो देवा महात्मानो मुनयश्च तपोधनाः ।
जग्मुर्यथाऽऽगतं सर्वे यज्ञस्यान्ते नरोत्तम ॥ 34 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे षष्टितमस्सर्गः ॥
śrīmadvālmīkīya rāmāyaṇe bālakāṇḍam |
atha ṣaṣṭitamassargaḥ |
tapobalahatān kṛtvā vāsiṣṭhān samahodayān |
ṛṣimadhye mahātejā viśvāmitro'bhyabhāṣata || 1 ||
ayamikṣvākudāyādastriśaṅkuriti viśrutaḥ |
dharmiṣṭhaśca vadānyaśca māṃ caiva śaraṇaṃ gataḥ || 2 ||
tenānena śarīreṇa devalokajigīṣayā |
yathā'yaṃ svaśarīreṇa svargalokaṃ gamiṣyati || 3 ||
tathā pravartyatāṃ yajñe bhavadbhiśca mayā saha |
viśvāmitravaca śśrutvā sarva eva maharṣayaḥ || 4 ||
ūcussametya sahitā dharmajñā dharmasaṃhitam |
ayaṃ kuśikadāyādo muniḥ paramakopanaḥ || 5 ||
yadāha vacanaṃ samyagetatkāryaṃ na saṃśayaḥ |
agnikalpo hi bhagavān śāpaṃ dāsyati roṣitaḥ || 6 ||
tasmātpravartyatāṃ yajña ssaśarīro yathā divam |
gacchedikṣvākudāyādo viśvāmitrasya tejasā || 7 ||
tathā pravartyatāṃ yajña ssarve samadhitiṣṭhata |
evamuktvā maharṣayaḥ cakrustāstāḥkriyāstadā || 8 ||
yājakaśca mahātejā viśvāmitro'bhavatkratau |
ṛtvijaścānupūrvyeṇa mantravanmantrakovidāḥ || 9 ||
cakruḥ karmāṇi sarvāṇi yathākalpaṃ yathāvidhi |
tataḥ kālena mahatā viśvāmitro mahātapāḥ || 10 ||
cakārāvāhanaṃ tatra bhāgārthaṃ sarvadevatāḥ |
nābhyāgamaṃstadāhūtā bhāgārthaṃ sarvadevatāḥ || 11 ||
tataḥ krodhasamāviṣṭo viśvāmitro mahāmuniḥ |
sruvamudyamya sakrodhastriśaṅkumidamabravīt || 12 ||
paśya me tapaso vīryaṃ svārjitasya nareśvara |
eṣa tvāṃ saśarīreṇa nayāmi svargamojasā || 13 ||
duṣprāpaṃ saśarīreṇa divaṃ gaccha narādhipa |
svārjitaṃ kiñcidapyasti mayā hi tapasaḥphalam || 14 ||
rājan svatejasā tasya saśarīro divaṃ vraja |
uktavākye munau tasmin saśarīro nareśvaraḥ || 15 ||
divaṃ jagāma kākutstha munīnāṃ paśyatāṃ tadā |
devalokagataṃ dṛṣṭvā triśaṅkuṃ pākaśāsanaḥ || 16 ||
saha sarvaissuragaṇairidaṃ vacanamabravīt |
triśaṅko gaccha bhūyastvaṃ nāsi svargakṛtālayaḥ || 17 ||
guruśāpahato mūḍha pata bhūmimavākchirāḥ |
evamukto mahendreṇa triśaṅkurapatatpunaḥ || 18 ||
vikrośamānastrāhīti viśvāmitraṃ tapodhanam |
tacchrutvā vacanaṃ tasya krośamānasya kauśikaḥ || 19 ||
roṣamāhārayattīvraṃ tiṣṭha tiṣṭheti cābravīt |
ṛṣimadhye sa tejassvī prajāpatirivāparaḥ || 20 ||
sṛjan dakṣiṇamārgasthān saptarṣīnaparān punaḥ |
nakṣatramālāmaparāmasṛjatkrodhamūrcchitaḥ || 21 ||
dakṣiṇāṃ diśamāsthāya munimadhye mahāyaśāḥ |
sṛṣṭvā nakṣatravaṃśaṃ ca krodhena kaluṣīkṛtaḥ || 22 ||
anyamindraṃ kariṣyāmi loko vā syādanindrakaḥ |
daivatānyapi sa krodhā tsraṣṭuṃ samupacakrame || 23 ||
tataḥ paramasambhrāntāssarṣisaṅghāssurāsurāḥ |
viśvāmitraṃ mahātmānamūcuḥ sānunayaṃ vacaḥ || 24 ||
ayaṃ rājā mahābhāga guruśāpaparikṣataḥ |
saśarīro divaṃ yātuṃ nārhatyeva tapodhana || 25 ||
teṣāṃ tadvacanaṃ śrutvā devānāṃ munipuṅgavaḥ |
abravītsumahadvākyaṃ kauśikaḥ sarvadevatāḥ || 26 ||
saśarīrasya bhadraṃ vastriśaṅkorasya bhūpateḥ |
ārohaṇaṃ pratijñāya nānṛtaṃ kartumutsahe || 27 ||
svargo'stu saśarīrasya triśaṅkorasya śāśvataḥ |
nakṣatrāṇi ca sarvāṇi māmakāni dhruvāṇyatha || 28 ||
yāvallokā dhariṣyanti tiṣṭhantvetāni sarvaśaḥ |
matkṛtāni surā ssarve tadanujñātumarhatha || 29 ||
evamuktāḥ surāssarve pratyūcurmunipuṅgavam |
evaṃ bhavatu bhadraṃ te tiṣṭhantvetāni sarvaśaḥ || 30 ||
gagane tānyanekāni vaiśvānarapathādbahiḥ |
nakṣatrāṇi muniśreṣṭha teṣu jyotiṣṣu jājvalan || 31 ||
avākchirāstriśaṅkuśca tiṣṭhatvamarasannibhaḥ |
anuyāsyanti caitāni jyotīṃṣi nṛpasattamam || 32 ||
kṛtārthaṃ kīrtimantaṃ ca svargalokagataṃ yathā |
viśvāmitrastu dharmātmā sarvadevairabhiṣṭutaḥ || 33 ||
ṛṣibhiśca mahātejā bāḍhamityāha devatāḥ |
tato devā mahātmāno munayaśca tapodhanāḥ |
jagmuryathā''gataṃ sarve yajñasyānte narottama || 34 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṣṭitamassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.