ஶ்ரீமத்வால்மீகீய ராமாயணே பாலகாண்டம் ।
அத ஷட்த்ரிம்ஶஸ்ஸர்கஃ ।
உக்தவாக்யே முநௌ தஸ்மிந்நுபௌ ராகவலக்ஷ்மணௌ ।
ப்ரதிநந்த்ய கதாம் வீராவூசதுர்முநிபுங்கவம் ॥ 1 ॥
தர்மயுக்தமிதம் ப்ரஹ்மந் கதிதம் பரமம் த்வயா ।
துஹிதுஶ்ஶைலராஜஸ்ய ஜ்யேஷ்டாயா வக்துமர்ஹஸி ॥ 2 ॥
விஸ்தரம் விஸ்தரஜ்ஞோऽஸி திவ்யமாநுஷஸம்பவம் ।
த்ரீந் பதோ ஹேதுநா கேந ப்லாவயேல்லோகபாவநீ ॥ 3 ॥
கதம் கங்கா த்ரிபதகா விஶ்ருதா ஸரிதுத்தமா ।
த்ரிஷு லோகேஷு தர்மஜ்ஞ கர்மபிஃ கைஸ்ஸமந்விதா ॥ 4 ॥
ததா ப்ருவதி காகுத்ஸ்தே விஶ்வாமித்ரஸ்தபோதநஃ ।
நிகிலேந கதாம் ஸர்வாம்ரு'ஷிமத்யே ந்யவேதயத் ॥ 5 ॥
புரா ராம க்ரு'தோத்வாஹோ நீலகண்டோ மஹாதபாஃ ।
த்ரு'ஷ்ட்வா ச ஸ்ப்ரு'ஹயா தேவீம் மைதுநாயோபசக்ரமே ॥ 6 ॥
ஶிதிகண்டஸ்ய தேவஸ்ய திவ்யம் வர்ஷஶதம் கதம் ।
ந சாபி தநயோ ராம தஸ்யாமாஸீத் பரந்தப ॥ 7 ॥
ததோ தேவாஸ்ஸமுத்விக்நாஃ பிதாமஹபுரோகமாஃ ।
யதிஹோத்பத்யதே பூதம் கஸ்தத்ப்ரதிஸஹிஷ்யதே ॥ 8 ॥
அபிகம்ய ஸுராஸ்ஸர்வே ப்ரணிபத்யேதமப்ருவந் ।
தேவ தேவ மஹாதேவ லோகஸ்யாஸ்ய ஹிதே ரத ॥ 9 ॥
ஸுராணாம் ப்ரணிபாதேந ப்ரஸாதம் கர்துமர்ஹஸி ।
ந லோகா தாரயிஷ்யந்தி தவ தேஜஸ்ஸுரோத்தம ॥ 10 ॥
ப்ராஹ்மேண தபஸா யுக்தோ தேவ்யா ஸஹ தபஶ்சர ।
த்ரைலோக்யஹிதகாமார்தம் தேஜஸ்தேஜஸி தாரய ॥ 11 ॥
தேவதாநாம் வசஶ்ஶ்ருத்வா ஸர்வலோகமஹேஶ்வரஃ ।
பாடமித்யப்ரவீத்ஸர்வாந்புநஶ்சைவமுவாச ஹ ॥ 12 ॥
தாரயிஷ்யாம்யஹம் தேஜஸ்தேஜஸ்யேவ ஸஹோமயா ।
த்ரிதஶாஃ ப்ரு'திவீ சைவ நிர்வாணமதிகச்சது ॥ 13 ॥
யதிதம் க்ஷுபிதம் ஸ்தாநாந்மம தேஜோ ஹ்யநுத்தமம் ।
தாரயிஷ்யதி கஸ்தந்மே ப்ருவந்து ஸுரஸத்தமாஃ ॥ 14 ॥
ஏவமுக்தாஸ்ஸுராஸ்ஸர்வே ப்ரத்யூசுர்வ்ரு'ஷபத்வஜம் ।
யத்தேஜஃ க்ஷுபிதம் ஹ்யேதத்தத்தரா தாரயிஷ்யதி ॥ 15 ॥
ஏவமுக்தஸ்ஸுரபதிஃ ப்ரமுமோச மஹீதலே ।
தேஜஸா ப்ரு'திவீ யேந வ்யாப்தா ஸகிரிகாநநா ॥ 16 ॥
ததோ தேவாஃ புநரிதமூசுஶ்சாத ஹுதாஶநம் ।
ப்ரவிஶ த்வம் மஹாதேஜோ ரௌத்ரம் வாயுஸமந்விதஃ ॥ 17 ॥
ததக்நிநா புநர்வ்யாப்தம் ஸஞ்ஜாதஶ்ஶ்வேதபர்வதஃ ।
திவ்யம் ஶரவணம் சைவ பாவகாதித்யஸந்நிபம் ॥ 18 ॥
யத்ர ஜாதோ மஹாதேஜாஃ கார்திகேயோऽக்நிஸம்பவஃ ।
அதோமாம் ச ஶிவம் சைவ தேவாஸ்ஸர்ஷிகணாஸ்ததா ।
பூஜயாமாஸுரத்யர்தம் ஸுப்ரீதமநஸஸ்ததஃ ॥ 19 ॥
அத ஶைலஸுதா ராம த்ரிதஶாநிதமப்ரவீத் ।
ஸமந்யுரஶபத்ஸர்வாந் க்ரோதஸம்ரக்தலோசநா ॥ 20 ॥
யஸ்மாந்நிவாரிதா சைவ ஸங்கதிஃ புத்ரகாம்யயா ।
அபத்யம் ஸ்வேஷு தாரேஷு தஸ்மாந்நோத்பாதயிஷ்யத ॥ 21 ॥
அத்யப்ரப்ரு'தி யுஷ்மாகமப்ரஜாஸ்ஸந்து பத்நயஃ ॥ 22 ॥
ஏவமுக்த்வாஸுராந் ஸர்வாந் ஶஶாப ப்ரு'திவீமபி ।
அவநே நைகரூபா த்வம் பஹுபார்யா பவிஷ்யஸி ॥ 23 ॥
ந ச புத்ரக்ரு'தாம் ப்ரீதிம் மத்க்ரோதகலுஷீக்ரு'தா ।
ப்ராப்ஸ்யஸி த்வம் ஸுதுர்மேதே மம புத்ரமநிச்சதீ ॥ 24 ॥
தாந் ஸர்வாந் வ்ரீடிதாந் த்ரு'ஷ்ட்வா ஸுராந்ஸுரபதிஸ்ததா ।
கமநாயோபசக்ராம திஶம் வருணபாலிதாம் ॥ 25 ॥
ஸ கத்வா தப ஆதிஷ்டத்பார்ஶ்வே தஸ்யோத்தரே கிரௌ ।
ஹிமவத்ப்ரபவே ஶ்ரு'ங்கே ஸஹ தேவ்யா மஹேஶ்வரஃ ॥ 26 ॥
ஏஷ தே விஸ்தரோ ராம ஶைலபுத்ர்யா நிவேதிதஃ ।
கங்காயாஃ ப்ரபவம் சைவ ஶ்ரு'ணு மே ஸஹலக்ஷ்மணஃ ॥ 27 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே பாலகாண்டே ஷட்த்ரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ṣaṭtriṃśassargaḥ |
uktavākye munau tasminnubhau rāghavalakṣmaṇau |
pratinandya kathāṃ vīrāvūcaturmunipuṅgavam || 1 ||
dharmayuktamidaṃ brahman kathitaṃ paramaṃ tvayā |
duhituśśailarājasya jyeṣṭhāyā vaktumarhasi || 2 ||
vistaraṃ vistarajño'si divyamānuṣasambhavam |
trīn patho hetunā kena plāvayellokapāvanī || 3 ||
kathaṃ gaṅgā tripathagā viśrutā sariduttamā |
triṣu lokeṣu dharmajña karmabhiḥ kaissamanvitā || 4 ||
tathā bruvati kākutsthe viśvāmitrastapodhanaḥ |
nikhilena kathāṃ sarvāmṛṣimadhye nyavedayat || 5 ||
purā rāma kṛtodvāho nīlakaṇṭho mahātapāḥ |
dṛṣṭvā ca spṛhayā devīṃ maithunāyopacakrame || 6 ||
śitikaṇṭhasya devasya divyaṃ varṣaśataṃ gatam |
na cāpi tanayo rāma tasyāmāsīt parantapa || 7 ||
tato devāssamudvignāḥ pitāmahapurogamāḥ |
yadihotpadyate bhūtaṃ kastatpratisahiṣyate || 8 ||
abhigamya surāssarve praṇipatyedamabruvan |
deva deva mahādeva lokasyāsya hite rata || 9 ||
surāṇāṃ praṇipātena prasādaṃ kartumarhasi |
na lokā dhārayiṣyanti tava tejassurottama || 10 ||
brāhmeṇa tapasā yukto devyā saha tapaścara |
trailokyahitakāmārthaṃ tejastejasi dhāraya || 11 ||
devatānāṃ vacaśśrutvā sarvalokamaheśvaraḥ |
bāḍhamityabravītsarvānpunaścaivamuvāca ha || 12 ||
dhārayiṣyāmyahaṃ tejastejasyeva sahomayā |
tridaśāḥ pṛthivī caiva nirvāṇamadhigacchatu || 13 ||
yadidaṃ kṣubhitaṃ sthānānmama tejo hyanuttamam |
dhārayiṣyati kastanme bruvantu surasattamāḥ || 14 ||
evamuktāssurāssarve pratyūcurvṛṣabhadhvajam |
yattejaḥ kṣubhitaṃ hyetattaddharā dhārayiṣyati || 15 ||
evamuktassurapatiḥ pramumoca mahītale |
tejasā pṛthivī yena vyāptā sagirikānanā || 16 ||
tato devāḥ punaridamūcuścātha hutāśanam |
praviśa tvaṃ mahātejo raudraṃ vāyusamanvitaḥ || 17 ||
tadagninā punarvyāptaṃ sañjātaśśvetaparvataḥ |
divyaṃ śaravaṇaṃ caiva pāvakādityasannibham || 18 ||
yatra jāto mahātejāḥ kārtikeyo'gnisambhavaḥ |
athomāṃ ca śivaṃ caiva devāssarṣigaṇāstadā |
pūjayāmāsuratyarthaṃ suprītamanasastataḥ || 19 ||
atha śailasutā rāma tridaśānidamabravīt |
samanyuraśapatsarvān krodhasaṃraktalocanā || 20 ||
yasmānnivāritā caiva saṅgatiḥ putrakāmyayā |
apatyaṃ sveṣu dāreṣu tasmānnotpādayiṣyatha || 21 ||
adyaprabhṛti yuṣmākamaprajāssantu patnayaḥ || 22 ||
evamuktvāsurān sarvān śaśāpa pṛthivīmapi |
avane naikarūpā tvaṃ bahubhāryā bhaviṣyasi || 23 ||
na ca putrakṛtāṃ prītiṃ matkrodhakaluṣīkṛtā |
prāpsyasi tvaṃ sudurmedhe mama putramanicchatī || 24 ||
tān sarvān vrīḍitān dṛṣṭvā surānsurapatistadā |
gamanāyopacakrāma diśaṃ varuṇapālitām || 25 ||
sa gatvā tapa ātiṣṭhatpārśve tasyottare girau |
himavatprabhave śṛṅge saha devyā maheśvaraḥ || 26 ||
eṣa te vistaro rāma śailaputryā niveditaḥ |
gaṅgāyāḥ prabhavaṃ caiva śṛṇu me sahalakṣmaṇaḥ || 27 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṭtriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ षट्त्रिंशस्सर्गः ।
उक्तवाक्ये मुनौ तस्मिन्नुभौ राघवलक्ष्मणौ ।
प्रतिनन्द्य कथां वीरावूचतुर्मुनिपुङ्गवम् ॥ 1 ॥
धर्मयुक्तमिदं ब्रह्मन् कथितं परमं त्वया ।
दुहितुश्शैलराजस्य ज्येष्ठाया वक्तुमर्हसि ॥ 2 ॥
विस्तरं विस्तरज्ञोऽसि दिव्यमानुषसम्भवम् ।
त्रीन् पथो हेतुना केन प्लावयेल्लोकपावनी ॥ 3 ॥
कथं गङ्गा त्रिपथगा विश्रुता सरिदुत्तमा ।
त्रिषु लोकेषु धर्मज्ञ कर्मभिः कैस्समन्विता ॥ 4 ॥
तथा ब्रुवति काकुत्स्थे विश्वामित्रस्तपोधनः ।
निखिलेन कथां सर्वामृषिमध्ये न्यवेदयत् ॥ 5 ॥
पुरा राम कृतोद्वाहो नीलकण्ठो महातपाः ।
दृष्ट्वा च स्पृहया देवीं मैथुनायोपचक्रमे ॥ 6 ॥
शितिकण्ठस्य देवस्य दिव्यं वर्षशतं गतम् ।
न चापि तनयो राम तस्यामासीत् परन्तप ॥ 7 ॥
ततो देवास्समुद्विग्नाः पितामहपुरोगमाः ।
यदिहोत्पद्यते भूतं कस्तत्प्रतिसहिष्यते ॥ 8 ॥
अभिगम्य सुरास्सर्वे प्रणिपत्येदमब्रुवन् ।
देव देव महादेव लोकस्यास्य हिते रत ॥ 9 ॥
सुराणां प्रणिपातेन प्रसादं कर्तुमर्हसि ।
न लोका धारयिष्यन्ति तव तेजस्सुरोत्तम ॥ 10 ॥
ब्राह्मेण तपसा युक्तो देव्या सह तपश्चर ।
त्रैलोक्यहितकामार्थं तेजस्तेजसि धारय ॥ 11 ॥
देवतानां वचश्श्रुत्वा सर्वलोकमहेश्वरः ।
बाढमित्यब्रवीत्सर्वान्पुनश्चैवमुवाच ह ॥ 12 ॥
धारयिष्याम्यहं तेजस्तेजस्येव सहोमया ।
त्रिदशाः पृथिवी चैव निर्वाणमधिगच्छतु ॥ 13 ॥
यदिदं क्षुभितं स्थानान्मम तेजो ह्यनुत्तमम् ।
धारयिष्यति कस्तन्मे ब्रुवन्तु सुरसत्तमाः ॥ 14 ॥
एवमुक्तास्सुरास्सर्वे प्रत्यूचुर्वृषभध्वजम् ।
यत्तेजः क्षुभितं ह्येतत्तद्धरा धारयिष्यति ॥ 15 ॥
एवमुक्तस्सुरपतिः प्रमुमोच महीतले ।
तेजसा पृथिवी येन व्याप्ता सगिरिकानना ॥ 16 ॥
ततो देवाः पुनरिदमूचुश्चाथ हुताशनम् ।
प्रविश त्वं महातेजो रौद्रं वायुसमन्वितः ॥ 17 ॥
तदग्निना पुनर्व्याप्तं सञ्जातश्श्वेतपर्वतः ।
दिव्यं शरवणं चैव पावकादित्यसन्निभम् ॥ 18 ॥
यत्र जातो महातेजाः कार्तिकेयोऽग्निसम्भवः ।
अथोमां च शिवं चैव देवास्सर्षिगणास्तदा ।
पूजयामासुरत्यर्थं सुप्रीतमनसस्ततः ॥ 19 ॥
अथ शैलसुता राम त्रिदशानिदमब्रवीत् ।
समन्युरशपत्सर्वान् क्रोधसंरक्तलोचना ॥ 20 ॥
यस्मान्निवारिता चैव सङ्गतिः पुत्रकाम्यया ।
अपत्यं स्वेषु दारेषु तस्मान्नोत्पादयिष्यथ ॥ 21 ॥
अद्यप्रभृति युष्माकमप्रजास्सन्तु पत्नयः ॥ 22 ॥
एवमुक्त्वासुरान् सर्वान् शशाप पृथिवीमपि ।
अवने नैकरूपा त्वं बहुभार्या भविष्यसि ॥ 23 ॥
न च पुत्रकृतां प्रीतिं मत्क्रोधकलुषीकृता ।
प्राप्स्यसि त्वं सुदुर्मेधे मम पुत्रमनिच्छती ॥ 24 ॥
तान् सर्वान् व्रीडितान् दृष्ट्वा सुरान्सुरपतिस्तदा ।
गमनायोपचक्राम दिशं वरुणपालिताम् ॥ 25 ॥
स गत्वा तप आतिष्ठत्पार्श्वे तस्योत्तरे गिरौ ।
हिमवत्प्रभवे शृङ्गे सह देव्या महेश्वरः ॥ 26 ॥
एष ते विस्तरो राम शैलपुत्र्या निवेदितः ।
गङ्गायाः प्रभवं चैव शृणु मे सहलक्ष्मणः ॥ 27 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे षट्त्रिंशस्सर्गः ॥
śrīmadvālmīkīya rāmāyaṇe bālakāṇḍam |
atha ṣaṭtriṃśassargaḥ |
uktavākye munau tasminnubhau rāghavalakṣmaṇau |
pratinandya kathāṃ vīrāvūcaturmunipuṅgavam || 1 ||
dharmayuktamidaṃ brahman kathitaṃ paramaṃ tvayā |
duhituśśailarājasya jyeṣṭhāyā vaktumarhasi || 2 ||
vistaraṃ vistarajño'si divyamānuṣasambhavam |
trīn patho hetunā kena plāvayellokapāvanī || 3 ||
kathaṃ gaṅgā tripathagā viśrutā sariduttamā |
triṣu lokeṣu dharmajña karmabhiḥ kaissamanvitā || 4 ||
tathā bruvati kākutsthe viśvāmitrastapodhanaḥ |
nikhilena kathāṃ sarvāmṛṣimadhye nyavedayat || 5 ||
purā rāma kṛtodvāho nīlakaṇṭho mahātapāḥ |
dṛṣṭvā ca spṛhayā devīṃ maithunāyopacakrame || 6 ||
śitikaṇṭhasya devasya divyaṃ varṣaśataṃ gatam |
na cāpi tanayo rāma tasyāmāsīt parantapa || 7 ||
tato devāssamudvignāḥ pitāmahapurogamāḥ |
yadihotpadyate bhūtaṃ kastatpratisahiṣyate || 8 ||
abhigamya surāssarve praṇipatyedamabruvan |
deva deva mahādeva lokasyāsya hite rata || 9 ||
surāṇāṃ praṇipātena prasādaṃ kartumarhasi |
na lokā dhārayiṣyanti tava tejassurottama || 10 ||
brāhmeṇa tapasā yukto devyā saha tapaścara |
trailokyahitakāmārthaṃ tejastejasi dhāraya || 11 ||
devatānāṃ vacaśśrutvā sarvalokamaheśvaraḥ |
bāḍhamityabravītsarvānpunaścaivamuvāca ha || 12 ||
dhārayiṣyāmyahaṃ tejastejasyeva sahomayā |
tridaśāḥ pṛthivī caiva nirvāṇamadhigacchatu || 13 ||
yadidaṃ kṣubhitaṃ sthānānmama tejo hyanuttamam |
dhārayiṣyati kastanme bruvantu surasattamāḥ || 14 ||
evamuktāssurāssarve pratyūcurvṛṣabhadhvajam |
yattejaḥ kṣubhitaṃ hyetattaddharā dhārayiṣyati || 15 ||
evamuktassurapatiḥ pramumoca mahītale |
tejasā pṛthivī yena vyāptā sagirikānanā || 16 ||
tato devāḥ punaridamūcuścātha hutāśanam |
praviśa tvaṃ mahātejo raudraṃ vāyusamanvitaḥ || 17 ||
tadagninā punarvyāptaṃ sañjātaśśvetaparvataḥ |
divyaṃ śaravaṇaṃ caiva pāvakādityasannibham || 18 ||
yatra jāto mahātejāḥ kārtikeyo'gnisambhavaḥ |
athomāṃ ca śivaṃ caiva devāssarṣigaṇāstadā |
pūjayāmāsuratyarthaṃ suprītamanasastataḥ || 19 ||
atha śailasutā rāma tridaśānidamabravīt |
samanyuraśapatsarvān krodhasaṃraktalocanā || 20 ||
yasmānnivāritā caiva saṅgatiḥ putrakāmyayā |
apatyaṃ sveṣu dāreṣu tasmānnotpādayiṣyatha || 21 ||
adyaprabhṛti yuṣmākamaprajāssantu patnayaḥ || 22 ||
evamuktvāsurān sarvān śaśāpa pṛthivīmapi |
avane naikarūpā tvaṃ bahubhāryā bhaviṣyasi || 23 ||
na ca putrakṛtāṃ prītiṃ matkrodhakaluṣīkṛtā |
prāpsyasi tvaṃ sudurmedhe mama putramanicchatī || 24 ||
tān sarvān vrīḍitān dṛṣṭvā surānsurapatistadā |
gamanāyopacakrāma diśaṃ varuṇapālitām || 25 ||
sa gatvā tapa ātiṣṭhatpārśve tasyottare girau |
himavatprabhave śṛṅge saha devyā maheśvaraḥ || 26 ||
eṣa te vistaro rāma śailaputryā niveditaḥ |
gaṅgāyāḥ prabhavaṃ caiva śṛṇu me sahalakṣmaṇaḥ || 27 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṭtriṃśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.