ਸ਼੍ਰੀਮਦ੍ਵਾਲ੍ਮੀਕੀਯ ਰਾਮਾਯਣੇ ਬਾਲਕਾਣ੍ਡਮ੍ ।
ਅਥ षਟ੍ਤ੍ਰਿਂਸ਼ਸ੍ਸਰ੍ਗਃ ।
ਉਕ੍ਤਵਾਕ੍ਯੇ ਮੁਨੌ ਤਸ੍ਮਿਨ੍ਨੁਭੌ ਰਾਘਵਲਕ੍ष੍ਮਣੌ ।
ਪ੍ਰਤਿਨਨ੍ਦ੍ਯ ਕਥਾਂ ਵੀਰਾਵੂਚਤੁਰ੍ਮੁਨਿਪੁਙ੍ਗਵਮ੍ ॥ 1 ॥
ਧਰ੍ਮਯੁਕ੍ਤਮਿਦਂ ਬ੍ਰਹ੍ਮਨ੍ ਕਥਿਤਂ ਪਰਮਂ ਤ੍ਵਯਾ ।
ਦੁਹਿਤੁਸ਼੍ਸ਼ੈਲਰਾਜਸ੍ਯ ਜ੍ਯੇष੍ਠਾਯਾ ਵਕ੍ਤੁਮਰ੍ਹਸਿ ॥ 2 ॥
ਵਿਸ੍ਤਰਂ ਵਿਸ੍ਤਰਜ੍ਞੋऽਸਿ ਦਿਵ੍ਯਮਾਨੁषਸਮ੍ਭਵਮ੍ ।
ਤ੍ਰੀਨ੍ ਪਥੋ ਹੇਤੁਨਾ ਕੇਨ ਪ੍ਲਾਵਯੇਲ੍ਲੋਕਪਾਵਨੀ ॥ 3 ॥
ਕਥਂ ਗਙ੍ਗਾ ਤ੍ਰਿਪਥਗਾ ਵਿਸ਼੍ਰੁਤਾ ਸਰਿਦੁਤ੍ਤਮਾ ।
ਤ੍ਰਿषੁ ਲੋਕੇषੁ ਧਰ੍ਮਜ੍ਞ ਕਰ੍ਮਭਿਃ ਕੈਸ੍ਸਮਨ੍ਵਿਤਾ ॥ 4 ॥
ਤਥਾ ਬ੍ਰੁਵਤਿ ਕਾਕੁਤ੍ਸ੍ਥੇ ਵਿਸ਼੍ਵਾਮਿਤ੍ਰਸ੍ਤਪੋਧਨਃ ।
ਨਿਖਿਲੇਨ ਕਥਾਂ ਸਰ੍ਵਾਮृषਿਮਧ੍ਯੇ ਨ੍ਯਵੇਦਯਤ੍ ॥ 5 ॥
ਪੁਰਾ ਰਾਮ ਕृਤੋਦ੍ਵਾਹੋ ਨੀਲਕਣ੍ਠੋ ਮਹਾਤਪਾਃ ।
ਦृष੍ਟ੍ਵਾ ਚ ਸ੍ਪृਹਯਾ ਦੇਵੀਂ ਮੈਥੁਨਾਯੋਪਚਕ੍ਰਮੇ ॥ 6 ॥
ਸ਼ਿਤਿਕਣ੍ਠਸ੍ਯ ਦੇਵਸ੍ਯ ਦਿਵ੍ਯਂ ਵਰ੍षਸ਼ਤਂ ਗਤਮ੍ ।
ਨ ਚਾਪਿ ਤਨਯੋ ਰਾਮ ਤਸ੍ਯਾਮਾਸੀਤ੍ ਪਰਨ੍ਤਪ ॥ 7 ॥
ਤਤੋ ਦੇਵਾਸ੍ਸਮੁਦ੍ਵਿਗ੍ਨਾਃ ਪਿਤਾਮਹਪੁਰੋਗਮਾਃ ।
ਯਦਿਹੋਤ੍ਪਦ੍ਯਤੇ ਭੂਤਂ ਕਸ੍ਤਤ੍ਪ੍ਰਤਿਸਹਿष੍ਯਤੇ ॥ 8 ॥
ਅਭਿਗਮ੍ਯ ਸੁਰਾਸ੍ਸਰ੍ਵੇ ਪ੍ਰਣਿਪਤ੍ਯੇਦਮਬ੍ਰੁਵਨ੍ ।
ਦੇਵ ਦੇਵ ਮਹਾਦੇਵ ਲੋਕਸ੍ਯਾਸ੍ਯ ਹਿਤੇ ਰਤ ॥ 9 ॥
ਸੁਰਾਣਾਂ ਪ੍ਰਣਿਪਾਤੇਨ ਪ੍ਰਸਾਦਂ ਕਰ੍ਤੁਮਰ੍ਹਸਿ ।
ਨ ਲੋਕਾ ਧਾਰਯਿष੍ਯਨ੍ਤਿ ਤਵ ਤੇਜਸ੍ਸੁਰੋਤ੍ਤਮ ॥ 10 ॥
ਬ੍ਰਾਹ੍ਮੇਣ ਤਪਸਾ ਯੁਕ੍ਤੋ ਦੇਵ੍ਯਾ ਸਹ ਤਪਸ਼੍ਚਰ ।
ਤ੍ਰੈਲੋਕ੍ਯਹਿਤਕਾਮਾਰ੍ਥਂ ਤੇਜਸ੍ਤੇਜਸਿ ਧਾਰਯ ॥ 11 ॥
ਦੇਵਤਾਨਾਂ ਵਚਸ਼੍ਸ਼੍ਰੁਤ੍ਵਾ ਸਰ੍ਵਲੋਕਮਹੇਸ਼੍ਵਰਃ ।
ਬਾਢਮਿਤ੍ਯਬ੍ਰਵੀਤ੍ਸਰ੍ਵਾਨ੍ਪੁਨਸ਼੍ਚੈਵਮੁਵਾਚ ਹ ॥ 12 ॥
ਧਾਰਯਿष੍ਯਾਮ੍ਯਹਂ ਤੇਜਸ੍ਤੇਜਸ੍ਯੇਵ ਸਹੋਮਯਾ ।
ਤ੍ਰਿਦਸ਼ਾਃ ਪृਥਿਵੀ ਚੈਵ ਨਿਰ੍ਵਾਣਮਧਿਗਚ੍ਛਤੁ ॥ 13 ॥
ਯਦਿਦਂ ਕ੍षੁਭਿਤਂ ਸ੍ਥਾਨਾਨ੍ਮਮ ਤੇਜੋ ਹ੍ਯਨੁਤ੍ਤਮਮ੍ ।
ਧਾਰਯਿष੍ਯਤਿ ਕਸ੍ਤਨ੍ਮੇ ਬ੍ਰੁਵਨ੍ਤੁ ਸੁਰਸਤ੍ਤਮਾਃ ॥ 14 ॥
ਏਵਮੁਕ੍ਤਾਸ੍ਸੁਰਾਸ੍ਸਰ੍ਵੇ ਪ੍ਰਤ੍ਯੂਚੁਰ੍ਵृषਭਧ੍ਵਜਮ੍ ।
ਯਤ੍ਤੇਜਃ ਕ੍षੁਭਿਤਂ ਹ੍ਯੇਤਤ੍ਤਦ੍ਧਰਾ ਧਾਰਯਿष੍ਯਤਿ ॥ 15 ॥
ਏਵਮੁਕ੍ਤਸ੍ਸੁਰਪਤਿਃ ਪ੍ਰਮੁਮੋਚ ਮਹੀਤਲੇ ।
ਤੇਜਸਾ ਪृਥਿਵੀ ਯੇਨ ਵ੍ਯਾਪ੍ਤਾ ਸਗਿਰਿਕਾਨਨਾ ॥ 16 ॥
ਤਤੋ ਦੇਵਾਃ ਪੁਨਰਿਦਮੂਚੁਸ਼੍ਚਾਥ ਹੁਤਾਸ਼ਨਮ੍ ।
ਪ੍ਰਵਿਸ਼ ਤ੍ਵਂ ਮਹਾਤੇਜੋ ਰੌਦ੍ਰਂ ਵਾਯੁਸਮਨ੍ਵਿਤਃ ॥ 17 ॥
ਤਦਗ੍ਨਿਨਾ ਪੁਨਰ੍ਵ੍ਯਾਪ੍ਤਂ ਸਞ੍ਜਾਤਸ਼੍ਸ਼੍ਵੇਤਪਰ੍ਵਤਃ ।
ਦਿਵ੍ਯਂ ਸ਼ਰਵਣਂ ਚੈਵ ਪਾਵਕਾਦਿਤ੍ਯਸਨ੍ਨਿਭਮ੍ ॥ 18 ॥
ਯਤ੍ਰ ਜਾਤੋ ਮਹਾਤੇਜਾਃ ਕਾਰ੍ਤਿਕੇਯੋऽਗ੍ਨਿਸਮ੍ਭਵਃ ।
ਅਥੋਮਾਂ ਚ ਸ਼ਿਵਂ ਚੈਵ ਦੇਵਾਸ੍ਸਰ੍षਿਗਣਾਸ੍ਤਦਾ ।
ਪੂਜਯਾਮਾਸੁਰਤ੍ਯਰ੍ਥਂ ਸੁਪ੍ਰੀਤਮਨਸਸ੍ਤਤਃ ॥ 19 ॥
ਅਥ ਸ਼ੈਲਸੁਤਾ ਰਾਮ ਤ੍ਰਿਦਸ਼ਾਨਿਦਮਬ੍ਰਵੀਤ੍ ।
ਸਮਨ੍ਯੁਰਸ਼ਪਤ੍ਸਰ੍ਵਾਨ੍ ਕ੍ਰੋਧਸਂਰਕ੍ਤਲੋਚਨਾ ॥ 20 ॥
ਯਸ੍ਮਾਨ੍ਨਿਵਾਰਿਤਾ ਚੈਵ ਸਙ੍ਗਤਿਃ ਪੁਤ੍ਰਕਾਮ੍ਯਯਾ ।
ਅਪਤ੍ਯਂ ਸ੍ਵੇषੁ ਦਾਰੇषੁ ਤਸ੍ਮਾਨ੍ਨੋਤ੍ਪਾਦਯਿष੍ਯਥ ॥ 21 ॥
ਅਦ੍ਯਪ੍ਰਭृਤਿ ਯੁष੍ਮਾਕਮਪ੍ਰਜਾਸ੍ਸਨ੍ਤੁ ਪਤ੍ਨਯਃ ॥ 22 ॥
ਏਵਮੁਕ੍ਤ੍ਵਾਸੁਰਾਨ੍ ਸਰ੍ਵਾਨ੍ ਸ਼ਸ਼ਾਪ ਪृਥਿਵੀਮਪਿ ।
ਅਵਨੇ ਨੈਕਰੂਪਾ ਤ੍ਵਂ ਬਹੁਭਾਰ੍ਯਾ ਭਵਿष੍ਯਸਿ ॥ 23 ॥
ਨ ਚ ਪੁਤ੍ਰਕृਤਾਂ ਪ੍ਰੀਤਿਂ ਮਤ੍ਕ੍ਰੋਧਕਲੁषੀਕृਤਾ ।
ਪ੍ਰਾਪ੍ਸ੍ਯਸਿ ਤ੍ਵਂ ਸੁਦੁਰ੍ਮੇਧੇ ਮਮ ਪੁਤ੍ਰਮਨਿਚ੍ਛਤੀ ॥ 24 ॥
ਤਾਨ੍ ਸਰ੍ਵਾਨ੍ ਵ੍ਰੀਡਿਤਾਨ੍ ਦृष੍ਟ੍ਵਾ ਸੁਰਾਨ੍ਸੁਰਪਤਿਸ੍ਤਦਾ ।
ਗਮਨਾਯੋਪਚਕ੍ਰਾਮ ਦਿਸ਼ਂ ਵਰੁਣਪਾਲਿਤਾਮ੍ ॥ 25 ॥
ਸ ਗਤ੍ਵਾ ਤਪ ਆਤਿष੍ਠਤ੍ਪਾਰ੍ਸ਼੍ਵੇ ਤਸ੍ਯੋਤ੍ਤਰੇ ਗਿਰੌ ।
ਹਿਮਵਤ੍ਪ੍ਰਭਵੇ ਸ਼ृਙ੍ਗੇ ਸਹ ਦੇਵ੍ਯਾ ਮਹੇਸ਼੍ਵਰਃ ॥ 26 ॥
ਏष ਤੇ ਵਿਸ੍ਤਰੋ ਰਾਮ ਸ਼ੈਲਪੁਤ੍ਰ੍ਯਾ ਨਿਵੇਦਿਤਃ ।
ਗਙ੍ਗਾਯਾਃ ਪ੍ਰਭਵਂ ਚੈਵ ਸ਼ृਣੁ ਮੇ ਸਹਲਕ੍ष੍ਮਣਃ ॥ 27 ॥
ਇਤ੍ਯਾਰ੍षੇ ਸ਼੍ਰੀਮਦ੍ਰਾਮਾਯਣੇ ਵਾਲ੍ਮੀਕੀਯ ਆਦਿਕਾਵ੍ਯੇ ਬਾਲਕਾਣ੍ਡੇ षਟ੍ਤ੍ਰਿਂਸ਼ਸ੍ਸਰ੍ਗਃ ॥
Roman (IAST) Transliteration
śrīmadvālmīkīya rāmāyaṇe bālakāṇḍam |
atha ṣaṭtriṃśassargaḥ |
uktavākye munau tasminnubhau rāghavalakṣmaṇau |
pratinandya kathāṃ vīrāvūcaturmunipuṅgavam || 1 ||
dharmayuktamidaṃ brahman kathitaṃ paramaṃ tvayā |
duhituśśailarājasya jyeṣṭhāyā vaktumarhasi || 2 ||
vistaraṃ vistarajño'si divyamānuṣasambhavam |
trīn patho hetunā kena plāvayellokapāvanī || 3 ||
kathaṃ gaṅgā tripathagā viśrutā sariduttamā |
triṣu lokeṣu dharmajña karmabhiḥ kaissamanvitā || 4 ||
tathā bruvati kākutsthe viśvāmitrastapodhanaḥ |
nikhilena kathāṃ sarvāmṛṣimadhye nyavedayat || 5 ||
purā rāma kṛtodvāho nīlakaṇṭho mahātapāḥ |
dṛṣṭvā ca spṛhayā devīṃ maithunāyopacakrame || 6 ||
śitikaṇṭhasya devasya divyaṃ varṣaśataṃ gatam |
na cāpi tanayo rāma tasyāmāsīt parantapa || 7 ||
tato devāssamudvignāḥ pitāmahapurogamāḥ |
yadihotpadyate bhūtaṃ kastatpratisahiṣyate || 8 ||
abhigamya surāssarve praṇipatyedamabruvan |
deva deva mahādeva lokasyāsya hite rata || 9 ||
surāṇāṃ praṇipātena prasādaṃ kartumarhasi |
na lokā dhārayiṣyanti tava tejassurottama || 10 ||
brāhmeṇa tapasā yukto devyā saha tapaścara |
trailokyahitakāmārthaṃ tejastejasi dhāraya || 11 ||
devatānāṃ vacaśśrutvā sarvalokamaheśvaraḥ |
bāḍhamityabravītsarvānpunaścaivamuvāca ha || 12 ||
dhārayiṣyāmyahaṃ tejastejasyeva sahomayā |
tridaśāḥ pṛthivī caiva nirvāṇamadhigacchatu || 13 ||
yadidaṃ kṣubhitaṃ sthānānmama tejo hyanuttamam |
dhārayiṣyati kastanme bruvantu surasattamāḥ || 14 ||
evamuktāssurāssarve pratyūcurvṛṣabhadhvajam |
yattejaḥ kṣubhitaṃ hyetattaddharā dhārayiṣyati || 15 ||
evamuktassurapatiḥ pramumoca mahītale |
tejasā pṛthivī yena vyāptā sagirikānanā || 16 ||
tato devāḥ punaridamūcuścātha hutāśanam |
praviśa tvaṃ mahātejo raudraṃ vāyusamanvitaḥ || 17 ||
tadagninā punarvyāptaṃ sañjātaśśvetaparvataḥ |
divyaṃ śaravaṇaṃ caiva pāvakādityasannibham || 18 ||
yatra jāto mahātejāḥ kārtikeyo'gnisambhavaḥ |
athomāṃ ca śivaṃ caiva devāssarṣigaṇāstadā |
pūjayāmāsuratyarthaṃ suprītamanasastataḥ || 19 ||
atha śailasutā rāma tridaśānidamabravīt |
samanyuraśapatsarvān krodhasaṃraktalocanā || 20 ||
yasmānnivāritā caiva saṅgatiḥ putrakāmyayā |
apatyaṃ sveṣu dāreṣu tasmānnotpādayiṣyatha || 21 ||
adyaprabhṛti yuṣmākamaprajāssantu patnayaḥ || 22 ||
evamuktvāsurān sarvān śaśāpa pṛthivīmapi |
avane naikarūpā tvaṃ bahubhāryā bhaviṣyasi || 23 ||
na ca putrakṛtāṃ prītiṃ matkrodhakaluṣīkṛtā |
prāpsyasi tvaṃ sudurmedhe mama putramanicchatī || 24 ||
tān sarvān vrīḍitān dṛṣṭvā surānsurapatistadā |
gamanāyopacakrāma diśaṃ varuṇapālitām || 25 ||
sa gatvā tapa ātiṣṭhatpārśve tasyottare girau |
himavatprabhave śṛṅge saha devyā maheśvaraḥ || 26 ||
eṣa te vistaro rāma śailaputryā niveditaḥ |
gaṅgāyāḥ prabhavaṃ caiva śṛṇu me sahalakṣmaṇaḥ || 27 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṭtriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ षट्त्रिंशस्सर्गः ।
उक्तवाक्ये मुनौ तस्मिन्नुभौ राघवलक्ष्मणौ ।
प्रतिनन्द्य कथां वीरावूचतुर्मुनिपुङ्गवम् ॥ 1 ॥
धर्मयुक्तमिदं ब्रह्मन् कथितं परमं त्वया ।
दुहितुश्शैलराजस्य ज्येष्ठाया वक्तुमर्हसि ॥ 2 ॥
विस्तरं विस्तरज्ञोऽसि दिव्यमानुषसम्भवम् ।
त्रीन् पथो हेतुना केन प्लावयेल्लोकपावनी ॥ 3 ॥
कथं गङ्गा त्रिपथगा विश्रुता सरिदुत्तमा ।
त्रिषु लोकेषु धर्मज्ञ कर्मभिः कैस्समन्विता ॥ 4 ॥
तथा ब्रुवति काकुत्स्थे विश्वामित्रस्तपोधनः ।
निखिलेन कथां सर्वामृषिमध्ये न्यवेदयत् ॥ 5 ॥
पुरा राम कृतोद्वाहो नीलकण्ठो महातपाः ।
दृष्ट्वा च स्पृहया देवीं मैथुनायोपचक्रमे ॥ 6 ॥
शितिकण्ठस्य देवस्य दिव्यं वर्षशतं गतम् ।
न चापि तनयो राम तस्यामासीत् परन्तप ॥ 7 ॥
ततो देवास्समुद्विग्नाः पितामहपुरोगमाः ।
यदिहोत्पद्यते भूतं कस्तत्प्रतिसहिष्यते ॥ 8 ॥
अभिगम्य सुरास्सर्वे प्रणिपत्येदमब्रुवन् ।
देव देव महादेव लोकस्यास्य हिते रत ॥ 9 ॥
सुराणां प्रणिपातेन प्रसादं कर्तुमर्हसि ।
न लोका धारयिष्यन्ति तव तेजस्सुरोत्तम ॥ 10 ॥
ब्राह्मेण तपसा युक्तो देव्या सह तपश्चर ।
त्रैलोक्यहितकामार्थं तेजस्तेजसि धारय ॥ 11 ॥
देवतानां वचश्श्रुत्वा सर्वलोकमहेश्वरः ।
बाढमित्यब्रवीत्सर्वान्पुनश्चैवमुवाच ह ॥ 12 ॥
धारयिष्याम्यहं तेजस्तेजस्येव सहोमया ।
त्रिदशाः पृथिवी चैव निर्वाणमधिगच्छतु ॥ 13 ॥
यदिदं क्षुभितं स्थानान्मम तेजो ह्यनुत्तमम् ।
धारयिष्यति कस्तन्मे ब्रुवन्तु सुरसत्तमाः ॥ 14 ॥
एवमुक्तास्सुरास्सर्वे प्रत्यूचुर्वृषभध्वजम् ।
यत्तेजः क्षुभितं ह्येतत्तद्धरा धारयिष्यति ॥ 15 ॥
एवमुक्तस्सुरपतिः प्रमुमोच महीतले ।
तेजसा पृथिवी येन व्याप्ता सगिरिकानना ॥ 16 ॥
ततो देवाः पुनरिदमूचुश्चाथ हुताशनम् ।
प्रविश त्वं महातेजो रौद्रं वायुसमन्वितः ॥ 17 ॥
तदग्निना पुनर्व्याप्तं सञ्जातश्श्वेतपर्वतः ।
दिव्यं शरवणं चैव पावकादित्यसन्निभम् ॥ 18 ॥
यत्र जातो महातेजाः कार्तिकेयोऽग्निसम्भवः ।
अथोमां च शिवं चैव देवास्सर्षिगणास्तदा ।
पूजयामासुरत्यर्थं सुप्रीतमनसस्ततः ॥ 19 ॥
अथ शैलसुता राम त्रिदशानिदमब्रवीत् ।
समन्युरशपत्सर्वान् क्रोधसंरक्तलोचना ॥ 20 ॥
यस्मान्निवारिता चैव सङ्गतिः पुत्रकाम्यया ।
अपत्यं स्वेषु दारेषु तस्मान्नोत्पादयिष्यथ ॥ 21 ॥
अद्यप्रभृति युष्माकमप्रजास्सन्तु पत्नयः ॥ 22 ॥
एवमुक्त्वासुरान् सर्वान् शशाप पृथिवीमपि ।
अवने नैकरूपा त्वं बहुभार्या भविष्यसि ॥ 23 ॥
न च पुत्रकृतां प्रीतिं मत्क्रोधकलुषीकृता ।
प्राप्स्यसि त्वं सुदुर्मेधे मम पुत्रमनिच्छती ॥ 24 ॥
तान् सर्वान् व्रीडितान् दृष्ट्वा सुरान्सुरपतिस्तदा ।
गमनायोपचक्राम दिशं वरुणपालिताम् ॥ 25 ॥
स गत्वा तप आतिष्ठत्पार्श्वे तस्योत्तरे गिरौ ।
हिमवत्प्रभवे शृङ्गे सह देव्या महेश्वरः ॥ 26 ॥
एष ते विस्तरो राम शैलपुत्र्या निवेदितः ।
गङ्गायाः प्रभवं चैव शृणु मे सहलक्ष्मणः ॥ 27 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे षट्त्रिंशस्सर्गः ॥
śrīmadvālmīkīya rāmāyaṇe bālakāṇḍam |
atha ṣaṭtriṃśassargaḥ |
uktavākye munau tasminnubhau rāghavalakṣmaṇau |
pratinandya kathāṃ vīrāvūcaturmunipuṅgavam || 1 ||
dharmayuktamidaṃ brahman kathitaṃ paramaṃ tvayā |
duhituśśailarājasya jyeṣṭhāyā vaktumarhasi || 2 ||
vistaraṃ vistarajño'si divyamānuṣasambhavam |
trīn patho hetunā kena plāvayellokapāvanī || 3 ||
kathaṃ gaṅgā tripathagā viśrutā sariduttamā |
triṣu lokeṣu dharmajña karmabhiḥ kaissamanvitā || 4 ||
tathā bruvati kākutsthe viśvāmitrastapodhanaḥ |
nikhilena kathāṃ sarvāmṛṣimadhye nyavedayat || 5 ||
purā rāma kṛtodvāho nīlakaṇṭho mahātapāḥ |
dṛṣṭvā ca spṛhayā devīṃ maithunāyopacakrame || 6 ||
śitikaṇṭhasya devasya divyaṃ varṣaśataṃ gatam |
na cāpi tanayo rāma tasyāmāsīt parantapa || 7 ||
tato devāssamudvignāḥ pitāmahapurogamāḥ |
yadihotpadyate bhūtaṃ kastatpratisahiṣyate || 8 ||
abhigamya surāssarve praṇipatyedamabruvan |
deva deva mahādeva lokasyāsya hite rata || 9 ||
surāṇāṃ praṇipātena prasādaṃ kartumarhasi |
na lokā dhārayiṣyanti tava tejassurottama || 10 ||
brāhmeṇa tapasā yukto devyā saha tapaścara |
trailokyahitakāmārthaṃ tejastejasi dhāraya || 11 ||
devatānāṃ vacaśśrutvā sarvalokamaheśvaraḥ |
bāḍhamityabravītsarvānpunaścaivamuvāca ha || 12 ||
dhārayiṣyāmyahaṃ tejastejasyeva sahomayā |
tridaśāḥ pṛthivī caiva nirvāṇamadhigacchatu || 13 ||
yadidaṃ kṣubhitaṃ sthānānmama tejo hyanuttamam |
dhārayiṣyati kastanme bruvantu surasattamāḥ || 14 ||
evamuktāssurāssarve pratyūcurvṛṣabhadhvajam |
yattejaḥ kṣubhitaṃ hyetattaddharā dhārayiṣyati || 15 ||
evamuktassurapatiḥ pramumoca mahītale |
tejasā pṛthivī yena vyāptā sagirikānanā || 16 ||
tato devāḥ punaridamūcuścātha hutāśanam |
praviśa tvaṃ mahātejo raudraṃ vāyusamanvitaḥ || 17 ||
tadagninā punarvyāptaṃ sañjātaśśvetaparvataḥ |
divyaṃ śaravaṇaṃ caiva pāvakādityasannibham || 18 ||
yatra jāto mahātejāḥ kārtikeyo'gnisambhavaḥ |
athomāṃ ca śivaṃ caiva devāssarṣigaṇāstadā |
pūjayāmāsuratyarthaṃ suprītamanasastataḥ || 19 ||
atha śailasutā rāma tridaśānidamabravīt |
samanyuraśapatsarvān krodhasaṃraktalocanā || 20 ||
yasmānnivāritā caiva saṅgatiḥ putrakāmyayā |
apatyaṃ sveṣu dāreṣu tasmānnotpādayiṣyatha || 21 ||
adyaprabhṛti yuṣmākamaprajāssantu patnayaḥ || 22 ||
evamuktvāsurān sarvān śaśāpa pṛthivīmapi |
avane naikarūpā tvaṃ bahubhāryā bhaviṣyasi || 23 ||
na ca putrakṛtāṃ prītiṃ matkrodhakaluṣīkṛtā |
prāpsyasi tvaṃ sudurmedhe mama putramanicchatī || 24 ||
tān sarvān vrīḍitān dṛṣṭvā surānsurapatistadā |
gamanāyopacakrāma diśaṃ varuṇapālitām || 25 ||
sa gatvā tapa ātiṣṭhatpārśve tasyottare girau |
himavatprabhave śṛṅge saha devyā maheśvaraḥ || 26 ||
eṣa te vistaro rāma śailaputryā niveditaḥ |
gaṅgāyāḥ prabhavaṃ caiva śṛṇu me sahalakṣmaṇaḥ || 27 ||
ityārṣe śrīmadrāmāyaṇe vālmīkīya ādikāvye bālakāṇḍe ṣaṭtriṃśassargaḥ ||
🕉️ This is the original Sanskrit rendered in Gurmukhi script.
Pronunciation is identical to the Sanskrit Devanagari version.