Valmiki Ramayana Ayodhya Kanda Sarga 56 — Telugu Script

Meaning —

శ్రీమద్వాల్మీకీయ రామాయణే అయోధ్యాకాణ్డమ్ ।

అథ షట్పఞ్చాశస్సర్గః ।

Shloka 1

అథ రాత్ర్యాం వ్యతీతాయామవసుప్తమనన్తరమ్ ।
ప్రబోధయామాస శనైర్లక్ష్మణం రఘునన్దనః ॥ 1 ॥

atha rātryāṃ vyatītāyāmavasuptamanantaram |
prabodhayāmāsa śanairlakṣmaṇaṃ raghunandanaḥ || 1 ||

Shloka 2

సౌమిత్రే శ్రుణు వన్యానాం వల్గు వ్యాహరతాం స్వనమ్ ।
సమ్ప్రతిష్ఠామహే కాల ప్రస్థానస్య పరన్తప ॥ 2 ॥

saumitre śruṇu vanyānāṃ valgu vyāharatāṃ svanam |
sampratiṣṭhāmahe kāla prasthānasya parantapa || 2 ||

Shloka 3

స సుప్తస్సమయే భ్రాత్రా లక్ష్మణః ప్రతిబోధితః ।
జహౌ నిద్రాం చ తన్ద్రీం చ ప్రసక్తం చ పథి శ్రమమ్ ॥ 3 ॥

sa suptassamaye bhrātrā lakṣmaṇaḥ pratibodhitaḥ |
jahau nidrāṃ ca tandrīṃ ca prasaktaṃ ca pathi śramam || 3 ||

Shloka 4

తత ఉత్థాయ తే సర్వే స్పృష్ట్వా నద్యా శ్శివం జలమ్ ।
పన్థానమృషిణాఽదిష్టం చిత్రకూటస్య తం యయుః ॥ 4 ॥

tata utthāya te sarve spṛṣṭvā nadyā śśivaṃ jalam |
panthānamṛṣiṇā'diṣṭaṃ citrakūṭasya taṃ yayuḥ || 4 ||

Shloka 5

తతస్సమ్ప్రస్థితః కాలే రామస్సౌమిత్రిణా సహ ।
సీతాం కమలపత్రాక్షీమిదం వచనమబ్రవీత్ ॥ 5 ॥

tatassamprasthitaḥ kāle rāmassaumitriṇā saha |
sītāṃ kamalapatrākṣīmidaṃ vacanamabravīt || 5 ||

Shloka 6

ఆదిప్తానివ వైదేహి సర్వతః పుష్పితాన్నగాన్ ।
స్వైః పుష్పైః కింశుకాన్ పశ్య మాలినశిశిరాత్యయే ॥ 6 ॥

ādiptāniva vaidehi sarvataḥ puṣpitānnagān |
svaiḥ puṣpaiḥ kiṃśukān paśya mālinaśiśirātyaye || 6 ||

Shloka 7

పశ్య భల్లాతకాన్ ఫుల్లాన్నరై రనుపసేవితాన్ ।
ఫలపత్రైరవనతా న్నూనం శక్ష్యామ జీవితుమ్ ॥ 7 ॥

paśya bhallātakān phullānnarai ranupasevitān |
phalapatrairavanatā nnūnaṃ śakṣyāma jīvitum || 7 ||

Shloka 8

పశ్య ద్రోణప్రమాణాని లమ్బమానాని లక్ష్మణ ।
మధూని మధుకారీభి స్సమ్భృతాని నగే నగే ॥ 8 ॥

paśya droṇapramāṇāni lambamānāni lakṣmaṇa |
madhūni madhukārībhi ssambhṛtāni nage nage || 8 ||

Shloka 9

ఏష క్రోశతి నత్యూహస్తం శిఖీ ప్రతికూజతి ।
రమణీయే వనోద్దేశే పుష్పసంస్తరసఙ్కటే ॥ 9 ॥

eṣa krośati natyūhastaṃ śikhī pratikūjati |
ramaṇīye vanoddeśe puṣpasaṃstarasaṅkaṭe || 9 ||

Shloka 10

మాతఙ్గయూథానుసృతం పక్షిసంఙ్ఘానునాదితమ్ ।
చిత్రకూటమిమం పశ్య ప్రవృద్ధశిఖరం గిరిమ్ ॥ 10 ॥

mātaṅgayūthānusṛtaṃ pakṣisaṃṅghānunāditam |
citrakūṭamimaṃ paśya pravṛddhaśikharaṃ girim || 10 ||

Shloka 11

సమభూమితలే రమ్యే ద్రుమైర్బహుభిరావృతే ।
పుణ్యే రంస్యామహే తాత చిత్రకూటస్య కాననే ॥ 11 ॥

samabhūmitale ramye drumairbahubhirāvṛte |
puṇye raṃsyāmahe tāta citrakūṭasya kānane || 11 ||

Shloka 12

తతస్తౌ పాదచారేణ గచ్ఛన్తౌ సహ సీతయా ।
రమ్యమాసేదతుశ్శైలం చిత్రకూటం మనోరమమ్ ॥ 12 ॥

tatastau pādacāreṇa gacchantau saha sītayā |
ramyamāsedatuśśailaṃ citrakūṭaṃ manoramam || 12 ||

Shloka 13

తన్తు పర్వతమాసాద్య నానాపక్షిగణాయుతమ్ ।
బహుమూలఫలం రమ్యం సమ్పన్నం సరసోదకమ్ ॥ 13 ॥

tantu parvatamāsādya nānāpakṣigaṇāyutam |
bahumūlaphalaṃ ramyaṃ sampannaṃ sarasodakam || 13 ||

Shloka 14

మనోజ్ఞోఽయం గిరిస్సౌమ్య నానాద్రుమలతాయుతః ।
బహుమూలఫలో రమ్య స్స్వాజీవః ప్రతిభాతి మే ॥ 14 ॥

manojño'yaṃ girissaumya nānādrumalatāyutaḥ |
bahumūlaphalo ramya ssvājīvaḥ pratibhāti me || 14 ||

Shloka 15

మునయశ్చ మహాత్మానో వసన్త్యస్మి శిలోచ్చయే ।
అయం వాసో భవేత్తావదత్ర సౌమ్య రమేమహి ॥ 15 ॥

munayaśca mahātmāno vasantyasmi śiloccaye |
ayaṃ vāso bhavettāvadatra saumya ramemahi || 15 ||

ఇతి సీతా చ రామశ్చ లక్ష్మణశ్చ కృతాఞ్జలిః ।
అభిగమ్యాఽశ్రమం సర్వే వాల్మీకి మభివాదయన్ ॥ 16 ॥

Shloka 17

తాన్మహర్షి ప్రముదితః పూజయామాస ధర్మవిత్ ।
అస్యతామితి చోవాచ స్వాగన్తు నివేద్య చ ॥ 17 ॥

tānmaharṣi pramuditaḥ pūjayāmāsa dharmavit |
asyatāmiti covāca svāgantu nivedya ca || 17 ||

Shloka 18

తతోఽబ్రవీన్మహాబాహుర్లక్ష్మణం లక్ష్మణాగ్రజః ।
సన్నివేద్య యథాన్యాయ మాత్మానమృషయే ప్రభుః ॥ 18 ॥

tato'bravīnmahābāhurlakṣmaṇaṃ lakṣmaṇāgrajaḥ |
sannivedya yathānyāya mātmānamṛṣaye prabhuḥ || 18 ||

Shloka 19

లక్ష్మణాఽఽనయ దారూణి దృఢాని చ వరాణి చ ।
కురుష్వాఽవసథం సౌమ్య వాసే మేఽభిరతం మనః ॥ 19 ॥

lakṣmaṇā''naya dārūṇi dṛḍhāni ca varāṇi ca |
kuruṣvā'vasathaṃ saumya vāse me'bhirataṃ manaḥ || 19 ||

Shloka 20

తస్య తద్వచనం శ్రుత్వా సౌమిత్రిర్వివిధాన్ ద్రుమాన్ ।
ఆజహార తత శ్చక్రే పర్ణశాలామరిన్దమః ॥ 20 ॥

tasya tadvacanaṃ śrutvā saumitrirvividhān drumān |
ājahāra tata ścakre parṇaśālāmarindamaḥ || 20 ||

Shloka 21

తాం నిష్ఠితాం బద్ధకటాం దృష్ట్వా రామస్సుదర్శనామ్ ।
శుశ్రూషమాణమేకాగ్రమిదం వచనమబ్రవీత్ ॥ 21 ॥

tāṃ niṣṭhitāṃ baddhakaṭāṃ dṛṣṭvā rāmassudarśanām |
śuśrūṣamāṇamekāgramidaṃ vacanamabravīt || 21 ||

Shloka 22

ఐణేయం మాంసమాహృత్య శాలాం యక్ష్యామహే వయమ్ ।
కర్తవ్యం వాస్తుశమనం సౌమిత్రే చిరజీవిభిః ॥ 22 ॥

aiṇeyaṃ māṃsamāhṛtya śālāṃ yakṣyāmahe vayam |
kartavyaṃ vāstuśamanaṃ saumitre cirajīvibhiḥ || 22 ||

Shloka 23

మృగం హత్వాఽఽనయ క్షిప్రం లక్ష్మణేహ శుభేక్షణ ।
కర్తవ్య శ్శాస్త్రదృష్టో హి విధిర్ధర్మమనుస్మర ॥ 23 ॥

mṛgaṃ hatvā''naya kṣipraṃ lakṣmaṇeha śubhekṣaṇa |
kartavya śśāstradṛṣṭo hi vidhirdharmamanusmara || 23 ||

Shloka 24

భ్రాతుర్వచనమాజ్ఞాయ లక్ష్మణః పరవీరహా ।
చకార స యథోక్తం చ తం రామ పునరబ్రవీత్ ॥ 24 ॥

bhrāturvacanamājñāya lakṣmaṇaḥ paravīrahā |
cakāra sa yathoktaṃ ca taṃ rāma punarabravīt || 24 ||

Shloka 25

ఐణేయం శ్రపయస్వైతచ్ఛాలాం యక్ష్యామహే వయమ్ ।
త్వర సౌమ్య ముహూర్తోఽయం ధ్రువశ్చ దివసోఽప్యయమ్ ॥ 25 ॥

aiṇeyaṃ śrapayasvaitacchālāṃ yakṣyāmahe vayam |
tvara saumya muhūrto'yaṃ dhruvaśca divaso'pyayam || 25 ||

Shloka 26

స లక్ష్మణః కృష్ణమృగం మేధ్యం హత్వా ప్రతాపవాన్ ।
అథ చిక్షేప సౌమిత్రిస్సమిద్ధే జాతవేదసి ॥ 26 ॥

sa lakṣmaṇaḥ kṛṣṇamṛgaṃ medhyaṃ hatvā pratāpavān |
atha cikṣepa saumitrissamiddhe jātavedasi || 26 ||

Shloka 27

తన్తు పక్వం పరిజ్ఞాయ నిష్టప్తం ఛిన్నశోణితమ్ ।
లక్ష్మణః పురుషవ్యాఘ్రమథ రాఘవమబ్రవీత్ ॥ 27 ॥

tantu pakvaṃ parijñāya niṣṭaptaṃ chinnaśoṇitam |
lakṣmaṇaḥ puruṣavyāghramatha rāghavamabravīt || 27 ||

Shloka 28

అయం సర్వః సమస్తాగ్ఙః శ్రృతః కృష్ణమృగో మయా ।
దేవతాం దేవసఙ్కాశ యజస్వ కుశలో హ్యసి ॥ 28 ॥

ayaṃ sarvaḥ samastāgṅaḥ śrṛtaḥ kṛṣṇamṛgo mayā |
devatāṃ devasaṅkāśa yajasva kuśalo hyasi || 28 ||

Shloka 29

రామః స్నాత్వా తు నియతో గుణవాన్ జప్యకోవిదః ।
సఙ్గ్రహేణాకరోత్ స్రవార్న మన్త్రాన్ సత్రావసానికాన్ ॥ 29 ॥

rāmaḥ snātvā tu niyato guṇavān japyakovidaḥ |
saṅgraheṇākarot sravārna mantrān satrāvasānikān || 29 ||

Shloka 30

ఇష్ట్వా దేవగణాన్సర్వాన్వివేశాఽవసథం శుచిః ।
బభూవ చ మనోహ్లాదో రామస్యామితతేజసః ॥ 30 ॥

iṣṭvā devagaṇānsarvānviveśā'vasathaṃ śuciḥ |
babhūva ca manohlādo rāmasyāmitatejasaḥ || 30 ||

Shloka 31

వైశ్వదేవబలిం కృత్వా రౌద్రం వైష్ణవ మేవ చ ।
వాస్తుసంశమనీయాని మఙ్గలాని ప్రవర్తయన్ ॥ 31 ॥

vaiśvadevabaliṃ kṛtvā raudraṃ vaiṣṇava meva ca |
vāstusaṃśamanīyāni maṅgalāni pravartayan || 31 ||

Shloka 32

జపం చ న్యాయత కృత్వా స్నాత్వా నద్యాం యథావిధి ।
పాపసంశమనం రామ శ్చకార బలిముత్తమమ్ ॥ 32 ॥

japaṃ ca nyāyata kṛtvā snātvā nadyāṃ yathāvidhi |
pāpasaṃśamanaṃ rāma ścakāra balimuttamam || 32 ||

Shloka 33

వేదిస్థలవిధానాని చైత్యాన్యాయతనాని చ ।
ఆశ్రమస్యానురూపాణి స్థాపయామాస రాఘవః ॥ 33 ॥

vedisthalavidhānāni caityānyāyatanāni ca |
āśramasyānurūpāṇi sthāpayāmāsa rāghavaḥ || 33 ||

Shloka 34

వన్యైర్మాల్యైః ఫలైర్మూలైః పక్వైర్మాంసైర్యథావిధి ।
అద్భిర్జపైశ్చ వేదోక్తైర్దర్భైశ్చ ససమిత్కుశైః ॥ 34 ॥

vanyairmālyaiḥ phalairmūlaiḥ pakvairmāṃsairyathāvidhi |
adbhirjapaiśca vedoktairdarbhaiśca sasamitkuśaiḥ || 34 ||

Shloka 35

తౌ తర్పయిత్వా భూతాని రాఘవౌ సహ సీతయా ।
తదా వివిశతు శ్శాలాం సుశుభాం శుభలక్షణౌ ॥ 35 ॥

tau tarpayitvā bhūtāni rāghavau saha sītayā |
tadā viviśatu śśālāṃ suśubhāṃ śubhalakṣaṇau || 35 ||

Shloka 36

తాం వృక్షపర్ణచ్ఛదనాం మనోజ్ఞాం యథాప్రదేశం సుకృతాం నివాతామ్ ।
వాసాయ సర్వే వివిశుస్సమేతాస్సభాం యథా దేవగణాస్సుధర్మామ్ ॥ 36 ॥

tāṃ vṛkṣaparṇacchadanāṃ manojñāṃ yathāpradeśaṃ sukṛtāṃ nivātām |
vāsāya sarve viviśussametāssabhāṃ yathā devagaṇāssudharmām || 36 ||

Shloka 37

అనేకనానామృగపక్షిసఙ్కులే విచిత్రపత్రస్తబకైర్ద్రుమైర్యుతే ।
వనోత్తమే వ్యాలమృగానునాదితే తదా విజహ్రు స్సుసుఖం జితేన్ద్రియాః ॥ 37 ॥

anekanānāmṛgapakṣisaṅkule vicitrapatrastabakairdrumairyute |
vanottame vyālamṛgānunādite tadā vijahru ssusukhaṃ jitendriyāḥ || 37 ||

ఇత్యార్షే శ్రీమద్రామాయణే వాల్మీకీయ ఆదికావ్యే అయోధ్యాకాణ్డే షట్పఞ్చాశస్సర్గః ॥

Sanskrit — Devanagari (original)

श्रीमद्वाल्मीकीय रामायणे अयोध्याकाण्डम् ।

अथ षट्पञ्चाशस्सर्गः ।

अथ रात्र्यां व्यतीतायामवसुप्तमनन्तरम् ।

प्रबोधयामास शनैर्लक्ष्मणं रघुनन्दनः ॥ 1 ॥

सौमित्रे श्रुणु वन्यानां वल्गु व्याहरतां स्वनम् ।

सम्प्रतिष्ठामहे काल प्रस्थानस्य परन्तप ॥ 2 ॥

स सुप्तस्समये भ्रात्रा लक्ष्मणः प्रतिबोधितः ।

जहौ निद्रां च तन्द्रीं च प्रसक्तं च पथि श्रमम् ॥ 3 ॥

तत उत्थाय ते सर्वे स्पृष्ट्वा नद्या श्शिवं जलम् ।

पन्थानमृषिणाऽदिष्टं चित्रकूटस्य तं ययुः ॥ 4 ॥

ततस्सम्प्रस्थितः काले रामस्सौमित्रिणा सह ।

सीतां कमलपत्राक्षीमिदं वचनमब्रवीत् ॥ 5 ॥

आदिप्तानिव वैदेहि सर्वतः पुष्पितान्नगान् ।

स्वैः पुष्पैः किंशुकान् पश्य मालिनशिशिरात्यये ॥ 6 ॥

पश्य भल्लातकान् फुल्लान्नरै रनुपसेवितान् ।

फलपत्रैरवनता न्नूनं शक्ष्याम जीवितुम् ॥ 7 ॥

पश्य द्रोणप्रमाणानि लम्बमानानि लक्ष्मण ।

मधूनि मधुकारीभि स्सम्भृतानि नगे नगे ॥ 8 ॥

एष क्रोशति नत्यूहस्तं शिखी प्रतिकूजति ।

रमणीये वनोद्देशे पुष्पसंस्तरसङ्कटे ॥ 9 ॥

मातङ्गयूथानुसृतं पक्षिसंङ्घानुनादितम् ।

चित्रकूटमिमं पश्य प्रवृद्धशिखरं गिरिम् ॥ 10 ॥

समभूमितले रम्ये द्रुमैर्बहुभिरावृते ।

पुण्ये रंस्यामहे तात चित्रकूटस्य कानने ॥ 11 ॥

ततस्तौ पादचारेण गच्छन्तौ सह सीतया ।

रम्यमासेदतुश्शैलं चित्रकूटं मनोरमम् ॥ 12 ॥

तन्तु पर्वतमासाद्य नानापक्षिगणायुतम् ।

बहुमूलफलं रम्यं सम्पन्नं सरसोदकम् ॥ 13 ॥

मनोज्ञोऽयं गिरिस्सौम्य नानाद्रुमलतायुतः ।

बहुमूलफलो रम्य स्स्वाजीवः प्रतिभाति मे ॥ 14 ॥

मुनयश्च महात्मानो वसन्त्यस्मि शिलोच्चये ।

अयं वासो भवेत्तावदत्र सौम्य रमेमहि ॥ 15 ॥

इति सीता च रामश्च लक्ष्मणश्च कृताञ्जलिः ।

अभिगम्याऽश्रमं सर्वे वाल्मीकि मभिवादयन् ॥ 16 ॥

तान्महर्षि प्रमुदितः पूजयामास धर्मवित् ।

अस्यतामिति चोवाच स्वागन्तु निवेद्य च ॥ 17 ॥

ततोऽब्रवीन्महाबाहुर्लक्ष्मणं लक्ष्मणाग्रजः ।

सन्निवेद्य यथान्याय मात्मानमृषये प्रभुः ॥ 18 ॥

लक्ष्मणाऽऽनय दारूणि दृढानि च वराणि च ।

कुरुष्वाऽवसथं सौम्य वासे मेऽभिरतं मनः ॥ 19 ॥

तस्य तद्वचनं श्रुत्वा सौमित्रिर्विविधान् द्रुमान् ।

आजहार तत श्चक्रे पर्णशालामरिन्दमः ॥ 20 ॥

तां निष्ठितां बद्धकटां दृष्ट्वा रामस्सुदर्शनाम् ।

शुश्रूषमाणमेकाग्रमिदं वचनमब्रवीत् ॥ 21 ॥

ऐणेयं मांसमाहृत्य शालां यक्ष्यामहे वयम् ।

कर्तव्यं वास्तुशमनं सौमित्रे चिरजीविभिः ॥ 22 ॥

मृगं हत्वाऽऽनय क्षिप्रं लक्ष्मणेह शुभेक्षण ।

कर्तव्य श्शास्त्रदृष्टो हि विधिर्धर्ममनुस्मर ॥ 23 ॥

भ्रातुर्वचनमाज्ञाय लक्ष्मणः परवीरहा ।

चकार स यथोक्तं च तं राम पुनरब्रवीत् ॥ 24 ॥

ऐणेयं श्रपयस्वैतच्छालां यक्ष्यामहे वयम् ।

त्वर सौम्य मुहूर्तोऽयं ध्रुवश्च दिवसोऽप्ययम् ॥ 25 ॥

स लक्ष्मणः कृष्णमृगं मेध्यं हत्वा प्रतापवान् ।

अथ चिक्षेप सौमित्रिस्समिद्धे जातवेदसि ॥ 26 ॥

तन्तु पक्वं परिज्ञाय निष्टप्तं छिन्नशोणितम् ।

लक्ष्मणः पुरुषव्याघ्रमथ राघवमब्रवीत् ॥ 27 ॥

अयं सर्वः समस्ताग्ङः श्रृतः कृष्णमृगो मया ।

देवतां देवसङ्काश यजस्व कुशलो ह्यसि ॥ 28 ॥

रामः स्नात्वा तु नियतो गुणवान् जप्यकोविदः ।

सङ्ग्रहेणाकरोत् स्रवार्न मन्त्रान् सत्रावसानिकान् ॥ 29 ॥

इष्ट्वा देवगणान्सर्वान्विवेशाऽवसथं शुचिः ।

बभूव च मनोह्लादो रामस्यामिततेजसः ॥ 30 ॥

वैश्वदेवबलिं कृत्वा रौद्रं वैष्णव मेव च ।

वास्तुसंशमनीयानि मङ्गलानि प्रवर्तयन् ॥ 31 ॥

जपं च न्यायत कृत्वा स्नात्वा नद्यां यथाविधि ।

पापसंशमनं राम श्चकार बलिमुत्तमम् ॥ 32 ॥

वेदिस्थलविधानानि चैत्यान्यायतनानि च ।

आश्रमस्यानुरूपाणि स्थापयामास राघवः ॥ 33 ॥

वन्यैर्माल्यैः फलैर्मूलैः पक्वैर्मांसैर्यथाविधि ।

अद्भिर्जपैश्च वेदोक्तैर्दर्भैश्च ससमित्कुशैः ॥ 34 ॥

तौ तर्पयित्वा भूतानि राघवौ सह सीतया ।

तदा विविशतु श्शालां सुशुभां शुभलक्षणौ ॥ 35 ॥

तां वृक्षपर्णच्छदनां मनोज्ञां यथाप्रदेशं सुकृतां निवाताम् ।

वासाय सर्वे विविशुस्समेतास्सभां यथा देवगणास्सुधर्माम् ॥ 36 ॥

अनेकनानामृगपक्षिसङ्कुले विचित्रपत्रस्तबकैर्द्रुमैर्युते ।

वनोत्तमे व्यालमृगानुनादिते तदा विजह्रु स्सुसुखं जितेन्द्रियाः ॥ 37 ॥

इत्यार्षे श्रीमद्रामायणे वाल्मीकीय आदिकाव्ये अयोध्याकाण्डे षट्पञ्चाशस्सर्गः ॥

🕉️ This is the original Sanskrit rendered in Telugu script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

2.56 అయోధ్యాకాణ్డ - షట్పఞ్చాశ సర్గః