Katha Upanishad Adhyaya 1 Valli 3 — Tamil Script

Meaning —

அத்யாய 1

வல்லீ 3

ரு'த-ம்பிபந்தௌ ஸுக்ரு'தஸ்ய லோகே குஹா-ம்ப்ரவிஷ்டௌ பரமே பரார்தே।
சாயாதபௌ ப்ரஹ்மவிதோ வதந்தி பஞ்சாக்நயோ யே ச த்ரிணாசிகேதாஃ ॥1॥

ṛta-mpibantau sukṛtasya loke guhā-mpraviṣṭau parame parārdhe|
chāyātapau brahmavido vadanti pañcāgnayo ye ca triṇāciketāḥ ||1||

Verse 2

ய-ஸ்ஸேதுரீஜாநாநாமக்ஷர-ம்ப்ரஹ்ம யத்பரம்‌।
அபய-ந்திதீர்ஷதா-ம்பார-ந்நாசிகேதம் ஶகேமஹி ॥2॥

ya-sseturījānānāmakṣara-mbrahma yatparam‌|
abhaya-ntitīrṣatā-mpāra-nnāciketaṃ śakemahi ||2||

Verse 3

ஆத்மாநம் ரதிநம்-விँத்தி ஶரீரம் ரதமேவ து।
புத்தி-ந்து ஸாரதிம்-விँத்தி மநஃ ப்ரக்ரஹமேவ ச ॥3॥

ātmānaṃ rathinaṃ-vi~ddhi śarīraṃ rathameva tu|
buddhi-ntu sārathiṃ-vi~ddhi manaḥ pragrahameva ca ||3||

Verse 4

இந்த்ரியாணி ஹயாநாஹுர்விஷயாம்ஸ்தேஷு கோசராந்‌।
ஆத்மேந்த்ரியமநோயுக்த-ம்போக்தேத்யாஹுர்மநீஷிணஃ ॥4॥

indriyāṇi hayānāhurviṣayāṃsteṣu gocarān‌|
ātmendriyamanoyukta-mbhoktetyāhurmanīṣiṇaḥ ||4||

Verse 5

யஸ்த்வவிஜ்ஞாநவாந்பவத்யயுக்தேந மநஸா ஸதா।
தஸ்யேந்த்ரியாண்யவஶ்யாநி துஷ்டாஶ்வா இவ ஸாரதேஃ ॥5॥

yastvavijñānavānbhavatyayuktena manasā sadā|
tasyendriyāṇyavaśyāni duṣṭāśvā iva sāratheḥ ||5||

Verse 6

யஸ்து விஜ்ஞாநவாந்பவதி யுக்தேந மநஸா ஸதா।
தஸ்யேந்த்ரியாணி வஶ்யாநி ஸதஶ்வா இவ ஸாரதேஃ ॥6॥

yastu vijñānavānbhavati yuktena manasā sadā|
tasyendriyāṇi vaśyāni sadaśvā iva sāratheḥ ||6||

Verse 7

யஸ்த்வவிஜ்ஞாநவாந்பவத்யமநஸ்க-ஸ்ஸதா-ऽஶுசிஃ।
ந ஸ தத்பதமாப்நோதி ஸம்ஸார-ஞ்சாதிகச்சதி ॥7॥

yastvavijñānavānbhavatyamanaska-ssadā-'śuciḥ|
na sa tatpadamāpnoti saṃsāra-ñcādhigacchati ||7||

Verse 8

யஸ்து விஜ்ஞாநவாந்பவதி ஸமநஸ்க-ஸ்ஸதா ஶுசிஃ।
ஸ து தத்பதமாப்நோதி யஸ்மாத் பூயோ ந ஜாயதே ॥8॥

yastu vijñānavānbhavati samanaska-ssadā śuciḥ|
sa tu tatpadamāpnoti yasmād bhūyo na jāyate ||8||

Verse 9

விஜ்ஞாநஸாரதிர்யஸ்து மநஃ ப்ரக்ரஹவாந்நரஃ।
ஸோ-ऽத்வநஃ பாரமாப்நோதி தத்விஷ்ணோஃ பரம-ம்பதம்‌ ॥9॥

vijñānasārathiryastu manaḥ pragrahavānnaraḥ|
so-'dhvanaḥ pāramāpnoti tadviṣṇoḥ parama-mpadam‌ ||9||

Verse 10

இந்த்ரியேப்யஃ பரா ஹ்யர்தா அர்தேப்யஶ்ச பர-ம்மநஃ।
மநஸஸ்து பரா புத்திர்புத்தேராத்மா மஹாந்பரஃ ॥10॥

indriyebhyaḥ parā hyarthā arthebhyaśca para-mmanaḥ|
manasastu parā buddhirbuddherātmā mahānparaḥ ||10||

Verse 11

மஹதஃ பரமவ்யக்தமவ்யக்தாத்புருஷஃ பரஃ।
புருஷாந்ந பர-ங்கிஞ்சித்ஸா காஷ்டா ஸா பரா கதிஃ ॥11॥

mahataḥ paramavyaktamavyaktātpuruṣaḥ paraḥ|
puruṣānna para-ṅkiñcitsā kāṣṭhā sā parā gatiḥ ||11||

Verse 12

ஏஷ ஸர்வேஷு பூதேஷு கூடோ-ऽऽத்மா ந ப்ரகாஶதே।
த்ரு'ஶ்யதே த்வக்ர்யயா புத்த்யா ஸூக்ஷ்மயா ஸூக்ஷ்மதர்ஶிபிஃ ॥12॥

eṣa sarveṣu bhūteṣu gūḍho-''tmā na prakāśate|
dṛśyate tvagryayā buddhyā sūkṣmayā sūkṣmadarśibhiḥ ||12||

Verse 13

யச்சேத்வாங்மநஸீ ப்ராஜ்ஞஸ்தத்யச்சேஜ்ஜ்ஞாந ஆத்மநி।
ஜ்ஞாநமாத்மநி மஹதி நியச்சேத்தத்யச்சேச்சாந்த ஆத்மநி ॥13॥

yacchedvāṅmanasī prājñastadyacchejjñāna ātmani|
jñānamātmani mahati niyacchettadyacchecchānta ātmani ||13||

Verse 14

உத்திஷ்டத ஜாக்ரத ப்ராப்ய வராந்நிபோதத।
க்ஷுரஸ்ய தாரா நிஶிதா துரத்யயா துர்க-ம்பதஸ்தத்கவயோ வதந்தி ॥14॥

uttiṣṭhata jāgrata prāpya varānnibodhata|
kṣurasya dhārā niśitā duratyayā durga-mpathastatkavayo vadanti ||14||

Verse 15

அஶப்தமஸ்பர்ஶமரூபமவ்யய-ந்ததா-ऽரஸ-ந்நித்யமகந்தவச்ச யத்‌।
அநாத்யநந்த-ம்மஹதஃ பர-ந்த்ருவ-ந்நிசாய்ய தந்ம்ரு'த்யுமுகாத்‌ ப்ரமுச்யதே ॥15॥

aśabdamasparśamarūpamavyaya-ntathā-'rasa-nnityamagandhavacca yat‌|
anādyananta-mmahataḥ para-ndhruva-nnicāyya tanmṛtyumukhāt‌ pramucyate ||15||

Verse 16

நாசிகேதமுபாக்யாந-ம்ம்ரு'த்யுப்ரோக்தம் ஸநாதநம்‌।
உக்த்வா ஶ்ருத்வா ச மேதாவீ ப்ரஹ்மலோகே மஹீயதே ॥16॥

nāciketamupākhyāna-mmṛtyuproktaṃ sanātanam‌|
uktvā śrutvā ca medhāvī brahmaloke mahīyate ||16||

Verse 17

ய இம-ம்பரம-ங்குஹ்யம் ஶ்ராவயேத்‌ ப்ரஹ்மஸம்ஸதி।
ப்ரயத-ஶ்ஶ்ராத்தகாலே வா ததாநந்த்யாய கல்பதே।
ததாநந்த்யாய கல்பத இதி ॥17॥

ya ima-mparama-ṅguhyaṃ śrāvayed‌ brahmasaṃsadi|
prayata-śśrāddhakāle vā tadānantyāya kalpate|
tadānantyāya kalpata iti ||17||

Sanskrit — Devanagari (original)

अध्याय 1

वल्ली 3

ऋत-म्पिबन्तौ सुकृतस्य लोके गुहा-म्प्रविष्टौ परमे परार्धे।

छायातपौ ब्रह्मविदो वदन्ति पञ्चाग्नयो ये च त्रिणाचिकेताः ॥1॥

य-स्सेतुरीजानानामक्षर-म्ब्रह्म यत्परम्‌।

अभय-न्तितीर्षता-म्पार-न्नाचिकेतं शकेमहि ॥2॥

आत्मानं रथिनं-विँद्धि शरीरं रथमेव तु।

बुद्धि-न्तु सारथिं-विँद्धि मनः प्रग्रहमेव च ॥3॥

इन्द्रियाणि हयानाहुर्विषयांस्तेषु गोचरान्‌।

आत्मेन्द्रियमनोयुक्त-म्भोक्तेत्याहुर्मनीषिणः ॥4॥

यस्त्वविज्ञानवान्भवत्ययुक्तेन मनसा सदा।

तस्येन्द्रियाण्यवश्यानि दुष्टाश्वा इव सारथेः ॥5॥

यस्तु विज्ञानवान्भवति युक्तेन मनसा सदा।

तस्येन्द्रियाणि वश्यानि सदश्वा इव सारथेः ॥6॥

यस्त्वविज्ञानवान्भवत्यमनस्क-स्सदा-ऽशुचिः।

न स तत्पदमाप्नोति संसार-ञ्चाधिगच्छति ॥7॥

यस्तु विज्ञानवान्भवति समनस्क-स्सदा शुचिः।

स तु तत्पदमाप्नोति यस्माद् भूयो न जायते ॥8॥

विज्ञानसारथिर्यस्तु मनः प्रग्रहवान्नरः।

सो-ऽध्वनः पारमाप्नोति तद्विष्णोः परम-म्पदम्‌ ॥9॥

इन्द्रियेभ्यः परा ह्यर्था अर्थेभ्यश्च पर-म्मनः।

मनसस्तु परा बुद्धिर्बुद्धेरात्मा महान्परः ॥10॥

महतः परमव्यक्तमव्यक्तात्पुरुषः परः।

पुरुषान्न पर-ङ्किञ्चित्सा काष्ठा सा परा गतिः ॥11॥

एष सर्वेषु भूतेषु गूढो-ऽऽत्मा न प्रकाशते।

दृश्यते त्वग्र्यया बुद्ध्या सूक्ष्मया सूक्ष्मदर्शिभिः ॥12॥

यच्छेद्वाङ्मनसी प्राज्ञस्तद्यच्छेज्ज्ञान आत्मनि।

ज्ञानमात्मनि महति नियच्छेत्तद्यच्छेच्छान्त आत्मनि ॥13॥

उत्तिष्ठत जाग्रत प्राप्य वरान्निबोधत।

क्षुरस्य धारा निशिता दुरत्यया दुर्ग-म्पथस्तत्कवयो वदन्ति ॥14॥

अशब्दमस्पर्शमरूपमव्यय-न्तथा-ऽरस-न्नित्यमगन्धवच्च यत्‌।

अनाद्यनन्त-म्महतः पर-न्ध्रुव-न्निचाय्य तन्मृत्युमुखात्‌ प्रमुच्यते ॥15॥

नाचिकेतमुपाख्यान-म्मृत्युप्रोक्तं सनातनम्‌।

उक्त्वा श्रुत्वा च मेधावी ब्रह्मलोके महीयते ॥16॥

य इम-म्परम-ङ्गुह्यं श्रावयेद्‌ ब्रह्मसंसदि।

प्रयत-श्श्राद्धकाले वा तदानन्त्याय कल्पते।

तदानन्त्याय कल्पत इति ॥17॥

🕉️ This is the original Sanskrit rendered in Tamil script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

கடோபநிஷத் - அத்யாய 1, வல்லீ 3