Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
ௐ ஸ॒ஹ நா॑வவது । ஸ॒ஹ நௌ॑ புநக்து । ஸ॒ஹ வீ॒ர்ய॑-ங்கரவாவஹை ।
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |
தே॒ஜ॒ஸ்விநா॒வதீ॑தமஸ்து॒ மா வி॑த்விஷா॒வஹை᳚ ॥
te॒ja॒svinā॒vadhī̭tamastu॒ mā vi̭dviṣā॒vahai᳚ ||
ௐ ஶாந்தி॒-ஶ்ஶாந்தி॒-ஶ்ஶாந்திஃ॑ ॥
oṃ śānti॒-śśānti॒-śśāntiḥ̭ ||
ௐ அத புருஷோ ஹ வை நாராயணோ-ऽகாமயத ப்ரஜா-ஸ்ஸ்ரு'॑ஜேயே॒தி ।
oṃ atha puruṣo ha vai nārāyaṇo-'kāmayata prajā-ssṛ̭jeye॒ti |
நா॒ரா॒ய॒ணாத்ப்ரா॑ணோ ஜா॒யதே । மந-ஸ்ஸர்வேந்த்ரி॑யாணி॒ ச ।
nā॒rā॒ya॒ṇātprā̭ṇo jā॒yate | mana-ssarvendri̭yāṇi॒ ca |
கம்-வாँயுர்ஜ்யோதிராபஃ ப்ரு'திவீ விஶ்வ॑ஸ்ய தா॒ரிணீ ।
khaṃ-vā~yurjyotirāpaḥ pṛthivī viśva̭sya dhā॒riṇī |
நா॒ரா॒ய॒ணாத்ப்ர॑ஹ்மா ஜா॒யதே ।
nā॒rā॒ya॒ṇādbra̭hmā jā॒yate |
நா॒ரா॒ய॒ணாத்ரு॑த்ரோ ஜா॒யதே ।
nā॒rā॒ya॒ṇādrṷdro jā॒yate |
நா॒ரா॒ய॒ணாதி॑ந்த்ரோ ஜா॒யதே ।
nā॒rā॒ya॒ṇādi̭ndro jā॒yate |
நா॒ரா॒ய॒ணாத்ப்ரஜாபதயஃ ப்ர॑ஜாய॒ந்தே ।
nā॒rā॒ya॒ṇātprajāpatayaḥ pra̭jāya॒nte |
நா॒ரா॒ய॒ணாத்த்வாதஶாதித்யா ருத்ரா வஸவஸ்ஸர்வாணி ச ச॑ந்தாக்ம்॒ஸி ।
nā॒rā॒ya॒ṇāddvādaśādityā rudrā vasavassarvāṇi ca cha̭ndāgṃ॒si |
நா॒ரா॒ய॒ணாதேவ ஸமு॑த்பத்ய॒ந்தே ।
nā॒rā॒ya॒ṇādeva samṷtpadya॒nte |
நா॒ரா॒ய॒ணே ப்ர॑வர்த॒ந்தே ।
nā॒rā॒ya॒ṇe pra̭varta॒nte |
நா॒ரா॒ய॒ணே ப்ர॑லீய॒ந்தே ॥
nā॒rā॒ya॒ṇe pra̭līya॒nte ||
ஓம் । அத நித்யோ நா॑ராய॒ணஃ । ப்ர॒ஹ்மா நா॑ராய॒ணஃ ।
om | atha nityo nā̭rāya॒ṇaḥ | bra॒hmā nā̭rāya॒ṇaḥ |
ஶி॒வஶ்ச॑ நாராய॒ணஃ । ஶ॒க்ரஶ்ச॑ நாராய॒ணஃ ।
śi॒vaśca̭ nārāya॒ṇaḥ | śa॒kraśca̭ nārāya॒ṇaḥ |
த்யா॒வா॒ப்ரு'॒தி॒வ்யௌ ச॑ நாராய॒ணஃ । கா॒லஶ்ச॑ நாராய॒ணஃ ।
dyā॒vā॒pṛ॒thi॒vyau ca̭ nārāya॒ṇaḥ | kā॒laśca̭ nārāya॒ṇaḥ |
தி॒ஶஶ்ச॑ நாராய॒ணஃ । ஊ॒ர்த்வஶ்ச॑ நாராய॒ணஃ ।
di॒śaśca̭ nārāya॒ṇaḥ | ū॒rdhvaśca̭ nārāya॒ṇaḥ |
அ॒தஶ்ச॑ நாராய॒ணஃ । அ॒ந்த॒ர்ப॒ஹிஶ்ச॑ நாராய॒ணஃ ।
a॒dhaśca̭ nārāya॒ṇaḥ | a॒nta॒rba॒hiśca̭ nārāya॒ṇaḥ |
நாராயண ஏவே॑தக்ம் ஸ॒ர்வம் ।
nārāyaṇa evḙdagṃ sa॒rvam |
யத்பூ॒தம்-யँச்ச॒ பவ்யம்᳚ ।
yadbhū॒taṃ-ya~cca॒ bhavyam᳚ |
நிஷ்கலோ நிரஞ்ஜநோ நிர்விகல்போ நிராக்யாத-ஶ்ஶுத்தோ தேவ
niṣkalo nirañjano nirvikalpo nirākhyāta-śśuddho deva
ஏகோ॑ நாராய॒ணஃ । ந த்வி॒தீயோ᳚ஸ்தி॒ கஶ்சி॑த் ।
eko̭ nārāya॒ṇaḥ | na dvi॒tīyo᳚sti॒ kaści̭t |
ய ஏ॑வம்-வேँ॒த ।
ya ḙvaṃ-ve~॒da |
ஸ விஷ்ணுரேவ பவதி ஸ விஷ்ணுரே॑வ ப॒வதி ॥
sa viṣṇureva bhavati sa viṣṇurḙva bha॒vati ||
ஓமித்ய॑க்ரே வ்யா॒ஹரேத் । நம இ॑தி ப॒ஶ்சாத் ।
omitya̭gre vyā॒haret | nama i̭ti pa॒ścāt |
நா॒ரா॒ய॒ணாயேத்யு॑பரி॒ஷ்டாத் ।
nā॒rā॒ya॒ṇāyetyṷpari॒ṣṭāt |
ஓமி॑த்யேகா॒க்ஷரம் । நம இதி॑ த்வே அ॒க்ஷரே ।
omi̭tyekā॒kṣaram | nama iti̭ dve a॒kṣare |
நா॒ரா॒ய॒ணாயேதி பஞ்சா᳚க்ஷரா॒ணி ।
nā॒rā॒ya॒ṇāyeti pañcā᳚kṣarā॒ṇi |
ஏதத்வை நாராயணஸ்யாஷ்டாக்ஷ॑ர-ம்ப॒தம் ।
etadvai nārāyaṇasyāṣṭākṣa̭ra-mpa॒dam |
யோ ஹ வை நாராயணஸ்யாஷ்டாக்ஷர-ம்பத॑மத்யே॒தி ।
yo ha vai nārāyaṇasyāṣṭākṣara-mpada̭madhye॒ti |
அநபப்ரவஸ்ஸர்வமா॑யுரே॒தி ।
anapabravassarvamā̭yure॒ti |
விந்ததே ப்ரா॑ஜாப॒த்யக்ம் ராயஸ்போஷ॑-ங்கௌப॒த்யம் ।
vindate prā̭jāpa॒tyagṃ rāyaspoṣa̭-ṅgaupa॒tyam |
ததோ-ऽம்ரு'தத்வமஶ்நுதே ததோ-ऽம்ரு'தத்வமஶ்நு॑த இ॒தி ।
tato-'mṛtatvamaśnute tato-'mṛtatvamaśnṷta i॒ti |
ய ஏ॑வம்-வேँ॒த ॥
ya ḙvaṃ-ve~॒da ||
ப்ரத்யகாநந்த-ம்ப்ரஹ்ம புருஷ-ம்ப்ரணவ॑ஸ்வரூ॒பம் ।
pratyagānanda-mbrahma puruṣa-mpraṇava̭svarū॒pam |
அகார உகார மகா॑ர இ॒தி ।
akāra ukāra makā̭ra i॒ti |
தாநேகதா ஸமபரத்ததேத॑தோமி॒தி ।
tānekadhā samabharattadeta̭domi॒ti |
யமுக்த்வா॑ முச்ய॑தே யோ॒கீ॒ ஜ॒ந்ம॒ஸம்ஸா॑ரப॒ந்தநாத் ।
yamuktvā̭ mucya̭te yo॒gī॒ ja॒nma॒saṃsā̭raba॒ndhanāt |
ஓ-ந்நமோ நாராயணாயேதி ம॑ந்த்ரோபா॒ஸகஃ ।
o-nnamo nārāyaṇāyeti ma̭ntropā॒sakaḥ |
வைகுண்டபுவநலோக॑-ங்கமி॒ஷ்யதி ।
vaikuṇṭhabhuvanaloka̭-ṅgami॒ṣyati |
ததித-ம்பர-ம்புண்டரீகம்-விँ॑ஜ்ஞாந॒கநம் ।
tadida-mpara-mpuṇḍarīkaṃ-vi~̭jñāna॒ghanam |
தஸ்மாத்ததிதா॑வந்மா॒த்ரம் ।
tasmāttadidā̭vanmā॒tram |
ப்ரஹ்மண்யோ தேவ॑கீபு॒த்ரோ॒ ப்ரஹ்மண்யோ ம॑துஸூ॒தநோம் ।
brahmaṇyo deva̭kīpu॒tro॒ brahmaṇyo ma̭dhusū॒danom |
ஸர்வபூதஸ்தமேக॑-ந்நாரா॒யணம் ।
sarvabhūtasthameka̭-nnārā॒yaṇam |
காரணரூபமகார ப॑ரப்ர॒ஹ்மோம் ।
kāraṇarūpamakāra pa̭rabra॒hmom |
ஏதததர்வ ஶிரோ॑யோ-ऽதீ॒தே ப்ரா॒தர॑தீயா॒நோ॒ ராத்ரிக்ரு'த-ம்பாப॑-ந்நாஶ॒யதி ।
etadatharva śiro̭yo-'dhī॒te prā॒tara̭dhīyā॒no॒ rātrikṛta-mpāpa̭-nnāśa॒yati |
ஸா॒யம॑தீயா॒நோ॒ திவஸக்ரு'த-ம்பாப॑-ந்நாஶ॒யதி ।
sā॒yama̭dhīyā॒no॒ divasakṛta-mpāpa̭-nnāśa॒yati |
மாத்யந்திநமாதித்யாபிமுகோ॑-ऽதீயா॒நஃ॒ பஞ்சபாதகோபபாதகா᳚த்ப்ரமு॒ச்யதே ।
mādhyandinamādityābhimukho̭-'dhīyā॒naḥ॒ pañcapātakopapātakā᳚tpramu॒cyate |
ஸர்வ வேத பாராயண பு॑ண்யம்-லँ॒பதே ।
sarva veda pārāyaṇa pṷṇyaṃ-la~॒bhate |
நாராயணஸாயுஜ்யம॑வாப்நோ॒தி॒ நாராயண ஸாயுஜ்யம॑வாப்நோ॒தி ।
nārāyaṇasāyujyama̭vāpno॒ti॒ nārāyaṇa sāyujyama̭vāpno॒ti |
ய ஏ॑வம்-வேँ॒த । இத்யு॑ப॒நிஷ॑த் ॥
ya ḙvaṃ-ve~॒da | ityṷpa॒niṣa̭t ||
ௐ ஸ॒ஹ நா॑வவது । ஸ॒ஹ நௌ॑ புநக்து । ஸ॒ஹ வீ॒ர்ய॑-ங்கரவாவஹை ।
oṃ sa॒ha nā̭vavatu | sa॒ha naṷ bhunaktu | sa॒ha vī॒rya̭-ṅkaravāvahai |
தே॒ஜ॒ஸ்விநா॒வதீ॑தமஸ்து॒ மா வி॑த்விஷா॒வஹை᳚ ॥
te॒ja॒svinā॒vadhī̭tamastu॒ mā vi̭dviṣā॒vahai᳚ ||
ௐ ஶாந்தி॒-ஶ்ஶாந்தி॒-ஶ்ஶாந்திஃ॑ ॥
oṃ śānti॒-śśānti॒-śśāntiḥ̭ ||
Sanskrit — Devanagari (original)
ॐ स॒ह ना॑ववतु । स॒ह नौ॑ भुनक्तु । स॒ह वी॒र्य॑-ङ्करवावहै ।
ते॒ज॒स्विना॒वधी॑तमस्तु॒ मा वि॑द्विषा॒वहै᳚ ॥
ॐ शान्ति॒-श्शान्ति॒-श्शान्तिः॑ ॥
ॐ अथ पुरुषो ह वै नारायणो-ऽकामयत प्रजा-स्सृ॑जेये॒ति ।
ना॒रा॒य॒णात्प्रा॑णो जा॒यते । मन-स्सर्वेन्द्रि॑याणि॒ च ।
खं-वाँयुर्ज्योतिरापः पृथिवी विश्व॑स्य धा॒रिणी ।
ना॒रा॒य॒णाद्ब्र॑ह्मा जा॒यते ।
ना॒रा॒य॒णाद्रु॑द्रो जा॒यते ।
ना॒रा॒य॒णादि॑न्द्रो जा॒यते ।
ना॒रा॒य॒णात्प्रजापतयः प्र॑जाय॒न्ते ।
ना॒रा॒य॒णाद्द्वादशादित्या रुद्रा वसवस्सर्वाणि च छ॑न्दाग्ं॒सि ।
ना॒रा॒य॒णादेव समु॑त्पद्य॒न्ते ।
ना॒रा॒य॒णे प्र॑वर्त॒न्ते ।
ना॒रा॒य॒णे प्र॑लीय॒न्ते ॥
ओम् । अथ नित्यो ना॑राय॒णः । ब्र॒ह्मा ना॑राय॒णः ।
शि॒वश्च॑ नाराय॒णः । श॒क्रश्च॑ नाराय॒णः ।
द्या॒वा॒पृ॒थि॒व्यौ च॑ नाराय॒णः । का॒लश्च॑ नाराय॒णः ।
दि॒शश्च॑ नाराय॒णः । ऊ॒र्ध्वश्च॑ नाराय॒णः ।
अ॒धश्च॑ नाराय॒णः । अ॒न्त॒र्ब॒हिश्च॑ नाराय॒णः ।
नारायण एवे॑दग्ं स॒र्वम् ।
यद्भू॒तं-यँच्च॒ भव्यम्᳚ ।
निष्कलो निरञ्जनो निर्विकल्पो निराख्यात-श्शुद्धो देव
एको॑ नाराय॒णः । न द्वि॒तीयो᳚स्ति॒ कश्चि॑त् ।
य ए॑वं-वेँ॒द ।
स विष्णुरेव भवति स विष्णुरे॑व भ॒वति ॥
ओमित्य॑ग्रे व्या॒हरेत् । नम इ॑ति प॒श्चात् ।
ना॒रा॒य॒णायेत्यु॑परि॒ष्टात् ।
ओमि॑त्येका॒क्षरम् । नम इति॑ द्वे अ॒क्षरे ।
ना॒रा॒य॒णायेति पञ्चा᳚क्षरा॒णि ।
एतद्वै नारायणस्याष्टाक्ष॑र-म्प॒दम् ।
यो ह वै नारायणस्याष्टाक्षर-म्पद॑मध्ये॒ति ।
अनपब्रवस्सर्वमा॑युरे॒ति ।
विन्दते प्रा॑जाप॒त्यग्ं रायस्पोष॑-ङ्गौप॒त्यम् ।
ततो-ऽमृतत्वमश्नुते ततो-ऽमृतत्वमश्नु॑त इ॒ति ।
य ए॑वं-वेँ॒द ॥
प्रत्यगानन्द-म्ब्रह्म पुरुष-म्प्रणव॑स्वरू॒पम् ।
अकार उकार मका॑र इ॒ति ।
तानेकधा समभरत्तदेत॑दोमि॒ति ।
यमुक्त्वा॑ मुच्य॑ते यो॒गी॒ ज॒न्म॒संसा॑रब॒न्धनात् ।
ओ-न्नमो नारायणायेति म॑न्त्रोपा॒सकः ।
वैकुण्ठभुवनलोक॑-ङ्गमि॒ष्यति ।
तदिद-म्पर-म्पुण्डरीकं-विँ॑ज्ञान॒घनम् ।
तस्मात्तदिदा॑वन्मा॒त्रम् ।
ब्रह्मण्यो देव॑कीपु॒त्रो॒ ब्रह्मण्यो म॑धुसू॒दनोम् ।
सर्वभूतस्थमेक॑-न्नारा॒यणम् ।
कारणरूपमकार प॑रब्र॒ह्मोम् ।
एतदथर्व शिरो॑यो-ऽधी॒ते प्रा॒तर॑धीया॒नो॒ रात्रिकृत-म्पाप॑-न्नाश॒यति ।
सा॒यम॑धीया॒नो॒ दिवसकृत-म्पाप॑-न्नाश॒यति ।
माध्यन्दिनमादित्याभिमुखो॑-ऽधीया॒नः॒ पञ्चपातकोपपातका᳚त्प्रमु॒च्यते ।
सर्व वेद पारायण पु॑ण्यं-लँ॒भते ।
नारायणसायुज्यम॑वाप्नो॒ति॒ नारायण सायुज्यम॑वाप्नो॒ति ।
य ए॑वं-वेँ॒द । इत्यु॑प॒निष॑त् ॥
ॐ स॒ह ना॑ववतु । स॒ह नौ॑ भुनक्तु । स॒ह वी॒र्य॑-ङ्करवावहै ।
ते॒ज॒स्विना॒वधी॑तमस्तु॒ मा वि॑द्विषा॒वहै᳚ ॥
ॐ शान्ति॒-श्शान्ति॒-श्शान्तिः॑ ॥
🕉️ This is the original Sanskrit rendered in Tamil script. Pronunciation is identical to the Sanskrit Devanagari version.
It is a transliteration, not a translation — see “Meaning” for translations where available.