யேநேதம் பூதம் புவநம் பவிஷ்யத் பரிக்ரு'ஹீதமம்ரு'தேந ஸர்வம் ।
யேந யஜ்ஞஸ்தாயதே ஸப்தஹோதா தந்மே மநஃ ஶிவஸங்கல்பமஸ்து ॥ 1॥
யேந கர்மாணி ப்ரசரந்தி தீரா யதோ வாசா மநஸா சாரு யந்தி ।
யத்ஸம்மிதமநு ஸம்யந்தி ப்ராணிநஸ்தந்மே மநஃ ஶிவஸங்கல்பமஸ்து ॥ 2॥
யேந கர்மாண்யபஸோ மநீஷிணோ யஜ்ஞே க்ரு'ண்வந்தி விததேஷு தீராஃ ।
யதபூர்வம் யக்ஷமந்தஃ ப்ரஜாநாம் தந்மே மநஃ ஶிவஸங்கல்பமஸ்து ॥ 3॥
யத்ப்ரஜ்ஞாநமுத சேதோ த்ரு'திஶ்ச யஜ்ஜ்யோதிரந்தரம்ரு'தம் ப்ரஜாஸு ।
யஸ்மாந்ந ரு'தே கிஞ்சந கர்ம க்ரியதே தந்மே மநஃ ஶிவஸங்கல்பமஸ்து ॥ 4॥
ஸுஷாரதிரஶ்வாநிவ யந்மநுஷ்யாந்நேநீயதேऽபீஶுபிர்வாஜிந இவ ।
ஹ்ரு'த்ப்ரதிஷ்டம் யதஜிரம் ஜவிஷ்டம் தந்மே மநஃ ஶிவஸங்கல்பமஸ்து ॥ 5॥
யஸ்மிந்ந்ரு'சஃ ஸாம யஜூஷி யஸ்மிந் ப்ரதிஷ்டிதா ரதநாபாவிவாராஃ ।
யஸ்மிம்ஶ்சித்தம் ஸர்வமோதம் ப்ரஜாநாம் தந்மே மநஃ ஶிவஸங்கல்பமஸ்து ॥ 6॥
யதத்ர ஷஷ்டம் த்ரிஶதம் ஸுவீரம் யஜ்ஞஸ்ய குஹ்யம் நவநாவமாய்யம் (?) ।
தஶ பஞ்ச த்ரிம்ஶதம் யத்பரம் ச தந்மே மநஃ ஶிவஸங்கல்பமஸ்து ॥ 7॥
யஜ்ஜாக்ரதோ தூரமுதைதி தைவம் தது ஸுப்தஸ்ய ததைவைதி ।
தூரங்கமம் ஜ்யோதிஷாம் ஜ்யோதிரேகம் தந்மே மநஃ ஶிவஸங்கல்பமஸ்து ॥ 8॥
யேந த்யௌஃ ப்ரு'திவீ சாந்தரிக்ஷம் ச யே பர்வதாஃ ப்ரதிஶோ திஶஶ்ச ।
யேநேதம் ஜகத்வ்யாப்தம் ப்ரஜாநாம் தந்மே மநஃ ஶிவஸங்கல்பமஸ்து ॥ 9॥
யேநேதம் விஶ்வம் ஜகதோ பபூவ யே தேவா அபி மஹதோ ஜாதவேதாஃ ।
ததேவாக்நிஸ்தமஸோ ஜ்யோதிரேகம் தந்மே மநஃ ஶிவஸங்கல்பமஸ்து ॥ 10॥
யே மநோ ஹ்ரு'தயம் யே ச தேவா யே திவ்யா ஆபோ யே ஸூர்யரஶ்மிஃ ।
தே ஶ்ரோத்ரே சக்ஷுஷீ ஸஞ்சரந்தம் தந்மே மநஃ ஶிவஸங்கல்பமஸ்து ॥ 11॥
அசிந்த்யம் சாப்ரமேயம் ச வ்யக்தாவ்யக்தபரம் ச யத ।
ஸூக்ஷ்மாத்ஸூக்ஷ்மதரம் ஜ்ஞேயம் தந்மே மநஃ ஶிவஸங்கல்பமஸ்து ॥ 12॥
ஏகா ச தஶ ஶதம் ச ஸஹஸ்ரம் சாயுதம் ச
நியுதம் ச ப்ரயுதம் சார்புதம் ச ந்யர்புதம் ச ।
ஸமுத்ரஶ்ச மத்யம் சாந்தஶ்ச பரார்தஶ்ச
தந்மே மநஃ ஶிவஸங்கல்பமஸ்து ॥ 13॥
யே பஞ்ச பஞ்சதஶ ஶதம் ஸஹஸ்ரமயுதம் ந்யர்புதம் ச ।
தேऽக்நிசித்யேஷ்டகாஸ்தம் ஶரீரம் தந்மே மநஃ ஶிவஸங்கல்பமஸ்து ॥ 14॥
வேதாஹமேதம் புருஷம் மஹாந்தமாதித்யவர்ணம் தமஸஃ பரஸ்தாத் ।
யஸ்ய யோநிம் பரிபஶ்யந்தி தீராஸ்தந்மே மநஃ ஶிவஸங்கல்பமஸ்து ॥
யஸ்யேதம் தீராஃ புநந்தி கவயோ ப்ரஹ்மாணமேதம் த்வா வ்ரு'ணுத இந்தும் ।
ஸ்தாவரம் ஜங்கமம் த்யௌராகாஶம் தந்மே மநஃ ஶிவஸங்கல்பமஸ்து ॥ 16॥
பராத் பரதரம் சைவ யத்பராச்சைவ யத்பரம் ।
யத்பராத் பரதோ ஜ்ஞேயம் தந்மே மநஃ ஶிவஸங்கல்பமஸ்து ॥ 17॥
பராத் பரதரோ ப்ரஹ்மா தத்பராத் பரதோ ஹரிஃ ।
தத்பராத் பரதோऽதீஶஸ்தந்மே மநஃ ஶிவஸங்கல்பமஸ்து ॥ 18॥
யா வேதாதிஷு காயத்ரீ ஸர்வவ்யாபீ மஹேஶ்வரீ ।
ரு'க்யஜுஸ்ஸாமாதர்வைஶ்ச தந்மே மநஃ ஶிவஸங்கல்பமஸ்து ॥ 19॥
யோ வை தேவம் மஹாதேவம் ப்ரணவம் புருஷோத்தமம் ।
யஃ ஸர்வே ஸர்வவேதைஶ்ச தந்மே மநஃ ஶிவஸங்கல்பமஸ்து ॥ 20॥
ப்ரயதஃ ப்ரணவோங்காரம் ப்ரணவம் புருஷோத்தமம் ।
ஓங்காரம் ப்ரணவாத்மாநம் தந்மே மநஃ ஶிவஸங்கல்பமஸ்து ॥ 21॥
யோऽஸௌ ஸர்வேஷு வேதேஷு பட்யதே ஹ்யஜ இஶ்வரஃ ।
அகாயோ நிர்குணோ ஹ்யாத்மா தந்மே மநஃ ஶிவஸங்கல்பமஸ்து ॥ 22॥
கோபிர்ஜுஷ்டம் தநேந ஹ்யாயுஷா ச பலேந ச ।
ப்ரஜயா பஶுபிஃ புஷ்கராக்ஷம் தந்மே மநஃ ஶிவஸங்கல்பமஸ்து ॥ 23॥
த்ரியம்பகம் யஜாமஹே ஸுகந்திம் புஷ்டிவர்தநம் ।
உர்வாருகமிவ பந்தநாந்ம்ரு'த்யோர்முக்ஷீய
மாऽம்ரு'தாத்தந்மே மநஃ ஶிவஸங்கல்பமஸ்து ॥ 24॥
கைலாஸஶிகரே ரம்யே ஶங்கரஸ்ய ஶிவாலயே ।
தேவதாஸ்தத்ர மோதந்தே தந்மே மநஃ ஶிவஸங்கல்பமஸ்து ॥ 25॥
விஶ்வதஶ்சக்ஷுருத விஶ்வதோமுகோ விஶ்வதோஹஸ்த உத விஶ்வதஸ்பாத் ।
ஸம்பாஹுப்யாம் நமதி ஸம்பதத்ரைர்த்யாவாப்ரு'திவீ
ஜநயந் தேவ ஏகஸ்தந்மே மநஃ ஶிவஸங்கல்பமஸ்து ॥ 26॥
சதுரோ வேதாநதீயீத ஸர்வஶாஸ்யமயம் விதுஃ ।
இதிஹாஸபுராணாநாம் தந்மே மந ஶிவஸங்கந்ல்பமஸ்து ॥ 27॥
மா நோ மஹாந்தமுத மா நோ அர்பகம் மா ந உக்ஷந்தமுத மா ந உக்ஷிதம் ।
மா நோ வதீஃ பிதரம் மோத மாதரம் ப்ரியா மா நஃ
தநுவோ ருத்ர ரீரிஷஸ்தந்மே மநஃ ஶிவஸங்கல்பமஸ்து ॥ 28॥
மா நஸ்தோகே தநயே மா ந ஆயுஷி மா நோ கோஷு மா நோ அஶ்வேஷு ரீரிஷஃ ।
வீராந்மா நோ ருத்ர பாமிதோ வதீர்ஹவிஷ்மந்தஃ
நமஸா விதேம தே தந்மே மநஃ ஶிவஸங்கல்பமஸ்து ॥ 29॥
ரு'தம் ஸத்யம் பரம் ப்ரஹ்ம புருஷம் க்ரு'ஷ்ணபிங்கலம் ।
ஊர்த்வரேதம் விரூபாக்ஷம் விஶ்வரூபாய வை நமோ நமஃ
தந்மே மநஃ ஶிவஸங்கல்பமஸ்து ॥ 30॥
கத்ருத்ராய ப்ரசேதஸே மீடுஷ்டமாய தவ்யஸே ।
வோசேம ஶந்தமம் ஹ்ரு'தே । ஸர்வோ ஹ்யேஷ ருத்ரஸ்தஸ்மை ருத்ராய
நமோ அஸ்து தந்மே மநஃ ஶிவஸங்கல்பமஸ்து ॥ 31॥
ப்ரஹ்ம ஜஜ்ஞாநம் ப்ரதமம் புரஸ்தாத் வி ஸீமதஃ ஸுருசோ வேந ஆவஃ ।
ஸ புத்நியா உபமா அஸ்ய விஷ்டாஃ ஸதஶ்ச யோநிம்
அஸதஶ்ச விவஸ்தந்மே மநஃ ஶிவஸங்கல்பமஸ்து ॥ 32॥
யஃ ப்ராணதோ நிமிஷதோ மஹித்வைக இத்ராஜா ஜகதோ பபூவ ।
ய ஈஶே அஸ்ய த்விபதஶ்சதுஷ்பதஃ கஸ்மை தேவாய
ஹவிஷா விதேம தந்மே மநஃ ஶிவஸங்கல்பமஸ்து ॥ 33॥
ய ஆத்மதா பலதா யஸ்ய விஶ்வே உபாஸதே ப்ரஶிஷம் யஸ்ய தேவாஃ ।
யஸ்ய சாயாऽம்ரு'தம் யஸ்ய ம்ரு'த்யுஃ கஸ்மை தேவாய
ஹவிஷா விதேம தந்மே மநஃ ஶிவஸங்கல்பமஸ்து ॥ 34॥
யோ ருத்ரோ அக்நௌ யோ அப்ஸு ய ஓஷதீஷு யோ ருத்ரோ விஶ்வா புவநாऽऽவிவேஶ ।
தஸ்மை ருத்ராய நமோ அஸ்து தந்மே மநஃ ஶிவஸங்கல்பமஸ்து ॥ 35॥
கந்தத்வாராம் துராதர்ஷாம் நித்யபுஷ்டாம் கரீஷிணீம் ।
ஈஶ்வரீம் ஸர்வபூதாநாம் தாமிஹோபஹ்வயே ஶ்ரியம்
தந்மே மநஃ ஶிவஸங்கல்பமஸ்து ॥ 36॥
ய இதம் ஶிவஸங்கல்பம் ஸதா த்யாயந்தி ப்ராஹ்மணாஃ ।
தே பரம் மோக்ஷம் கமிஷ்யந்தி தந்மே மநஃ ஶிவஸங்கல்பமஸ்து ॥ 37॥
இதி ஶிவஸங்கல்பமந்த்ராஃ ஸமாப்தாஃ ।
(ஶைவ-உபநிஷதஃ)
இதி ஶிவஸங்கல்போபநிஷத் ஸமாப்த ।
Roman (IAST) Transliteration
yenedaṃ bhūtaṃ bhuvanaṃ bhaviṣyat parigṛhītamamṛtena sarvam |
yena yajñastāyate saptahotā tanme manaḥ śivasaṅkalpamastu || 1||
yena karmāṇi pracaranti dhīrā yato vācā manasā cāru yanti |
yatsammitamanu saṃyanti prāṇinastanme manaḥ śivasaṅkalpamastu || 2||
yena karmāṇyapaso manīṣiṇo yajñe kṛṇvanti vidatheṣu dhīrāḥ |
yadapūrvaṃ yakṣamantaḥ prajānāṃ tanme manaḥ śivasaṅkalpamastu || 3||
yatprajñānamuta ceto dhṛtiśca yajjyotirantaramṛtaṃ prajāsu |
yasmānna ṛte kiñcana karma kriyate tanme manaḥ śivasaṅkalpamastu || 4||
suṣārathiraśvāniva yanmanuṣyānnenīyate'bhīśubhirvājina iva |
hṛtpratiṣṭhaṃ yadajiraṃ javiṣṭhaṃ tanme manaḥ śivasaṅkalpamastu || 5||
yasminnṛcaḥ sāma yajūṣi yasmin pratiṣṭhitā rathanābhāvivārāḥ |
yasmiṃścittaṃ sarvamotaṃ prajānāṃ tanme manaḥ śivasaṅkalpamastu || 6||
yadatra ṣaṣṭhaṃ triśataṃ suvīraṃ yajñasya guhyaṃ navanāvamāyyaṃ (?) |
daśa pañca triṃśataṃ yatparaṃ ca tanme manaḥ śivasaṅkalpamastu || 7||
yajjāgrato dūramudaiti daivaṃ tadu suptasya tathaivaiti |
dūraṅgamaṃ jyotiṣāṃ jyotirekaṃ tanme manaḥ śivasaṅkalpamastu || 8||
yena dyauḥ pṛthivī cāntarikṣaṃ ca ye parvatāḥ pradiśo diśaśca |
yenedaṃ jagadvyāptaṃ prajānāṃ tanme manaḥ śivasaṅkalpamastu || 9||
yenedaṃ viśvaṃ jagato babhūva ye devā api mahato jātavedāḥ |
tadevāgnistamaso jyotirekaṃ tanme manaḥ śivasaṅkalpamastu || 10||
ye mano hṛdayaṃ ye ca devā ye divyā āpo ye sūryaraśmiḥ |
te śrotre cakṣuṣī sañcarantaṃ tanme manaḥ śivasaṅkalpamastu || 11||
acintyaṃ cāprameyaṃ ca vyaktāvyaktaparaṃ ca yata |
sūkṣmātsūkṣmataraṃ jñeyaṃ tanme manaḥ śivasaṅkalpamastu || 12||
ekā ca daśa śataṃ ca sahasraṃ cāyutaṃ ca
niyutaṃ ca prayutaṃ cārbudaṃ ca nyarbudaṃ ca |
samudraśca madhyaṃ cāntaśca parārdhaśca
tanme manaḥ śivasaṅkalpamastu || 13||
ye pañca pañcadaśa śataṃ sahasramayutaṃ nyarbudaṃ ca |
te'gnicityeṣṭakāstaṃ śarīraṃ tanme manaḥ śivasaṅkalpamastu || 14||
vedāhametaṃ puruṣaṃ mahāntamādityavarṇaṃ tamasaḥ parastāt |
yasya yoniṃ paripaśyanti dhīrāstanme manaḥ śivasaṅkalpamastu ||
yasyedaṃ dhīrāḥ punanti kavayo brahmāṇametaṃ tvā vṛṇuta indum |
sthāvaraṃ jaṅgamaṃ dyaurākāśaṃ tanme manaḥ śivasaṅkalpamastu || 16||
parāt parataraṃ caiva yatparāccaiva yatparam |
yatparāt parato jñeyaṃ tanme manaḥ śivasaṅkalpamastu || 17||
parāt parataro brahmā tatparāt parato hariḥ |
tatparāt parato'dhīśastanme manaḥ śivasaṅkalpamastu || 18||
yā vedādiṣu gāyatrī sarvavyāpī maheśvarī |
ṛgyajussāmātharvaiśca tanme manaḥ śivasaṅkalpamastu || 19||
yo vai devaṃ mahādevaṃ praṇavaṃ puruṣottamam |
yaḥ sarve sarvavedaiśca tanme manaḥ śivasaṅkalpamastu || 20||
prayataḥ praṇavoṅkāraṃ praṇavaṃ puruṣottamam |
oṅkāraṃ praṇavātmānaṃ tanme manaḥ śivasaṅkalpamastu || 21||
yo'sau sarveṣu vedeṣu paṭhyate hyaja iśvaraḥ |
akāyo nirguṇo hyātmā tanme manaḥ śivasaṅkalpamastu || 22||
gobhirjuṣṭaṃ dhanena hyāyuṣā ca balena ca |
prajayā paśubhiḥ puṣkarākṣaṃ tanme manaḥ śivasaṅkalpamastu || 23||
triyambakaṃ yajāmahe sugandhiṃ puṣṭivardhanam |
urvārukamiva bandhanānmṛtyormukṣīya
mā'mṛtāttanme manaḥ śivasaṅkalpamastu || 24||
kailāsaśikhare ramye śaṅkarasya śivālaye |
devatāstatra modante tanme manaḥ śivasaṅkalpamastu || 25||
viśvataścakṣuruta viśvatomukho viśvatohasta uta viśvataspāt |
sambāhubhyāṃ namati sampatatrairdyāvāpṛthivī
janayan deva ekastanme manaḥ śivasaṅkalpamastu || 26||
caturo vedānadhīyīta sarvaśāsyamayaṃ viduḥ |
itihāsapurāṇānāṃ tanme mana śivasaṅkanlpamastu || 27||
mā no mahāntamuta mā no arbhakaṃ mā na ukṣantamuta mā na ukṣitam |
mā no vadhīḥ pitaraṃ mota mātaraṃ priyā mā naḥ
tanuvo rudra rīriṣastanme manaḥ śivasaṅkalpamastu || 28||
mā nastoke tanaye mā na āyuṣi mā no goṣu mā no aśveṣu rīriṣaḥ |
vīrānmā no rudra bhāmito vadhīrhaviṣmantaḥ
namasā vidhema te tanme manaḥ śivasaṅkalpamastu || 29||
ṛtaṃ satyaṃ paraṃ brahma puruṣaṃ kṛṣṇapiṅgalam |
ūrdhvaretaṃ virūpākṣaṃ viśvarūpāya vai namo namaḥ
tanme manaḥ śivasaṅkalpamastu || 30||
kadrudrāya pracetase mīḍhuṣṭamāya tavyase |
vocema śantamaṃ hṛde | sarvo hyeṣa rudrastasmai rudrāya
namo astu tanme manaḥ śivasaṅkalpamastu || 31||
brahma jajñānaṃ prathamaṃ purastāt vi sīmataḥ suruco vena āvaḥ |
sa budhniyā upamā asya viṣṭhāḥ sataśca yoniṃ
asataśca vivastanme manaḥ śivasaṅkalpamastu || 32||
yaḥ prāṇato nimiṣato mahitvaika idrājā jagato babhūva |
ya īśe asya dvipadaścatuṣpadaḥ kasmai devāya
haviṣā vidhema tanme manaḥ śivasaṅkalpamastu || 33||
ya ātmadā baladā yasya viśve upāsate praśiṣaṃ yasya devāḥ |
yasya chāyā'mṛtaṃ yasya mṛtyuḥ kasmai devāya
haviṣā vidhema tanme manaḥ śivasaṅkalpamastu || 34||
yo rudro agnau yo apsu ya oṣadhīṣu yo rudro viśvā bhuvanā''viveśa |
tasmai rudrāya namo astu tanme manaḥ śivasaṅkalpamastu || 35||
gandhadvārāṃ durādharṣāṃ nityapuṣṭāṃ karīṣiṇīm |
īśvarīṃ sarvabhūtānāṃ tāmihopahvaye śriyaṃ
tanme manaḥ śivasaṅkalpamastu || 36||
ya idaṃ śivasaṅkalpaṃ sadā dhyāyanti brāhmaṇāḥ |
te paraṃ mokṣaṃ gamiṣyanti tanme manaḥ śivasaṅkalpamastu || 37||
iti śivasaṅkalpamantrāḥ samāptāḥ |
(śaiva-upaniṣadaḥ)
iti śivasaṅkalpopaniṣat samāpta |
Sanskrit — Devanagari (original)
येनेदं भूतं भुवनं भविष्यत् परिगृहीतममृतेन सर्वम् ।
येन यज्ञस्तायते सप्तहोता तन्मे मनः शिवसङ्कल्पमस्तु ॥ 1॥
येन कर्माणि प्रचरन्ति धीरा यतो वाचा मनसा चारु यन्ति ।
यत्सम्मितमनु संयन्ति प्राणिनस्तन्मे मनः शिवसङ्कल्पमस्तु ॥ 2॥
येन कर्माण्यपसो मनीषिणो यज्ञे कृण्वन्ति विदथेषु धीराः ।
यदपूर्वं यक्षमन्तः प्रजानां तन्मे मनः शिवसङ्कल्पमस्तु ॥ 3॥
यत्प्रज्ञानमुत चेतो धृतिश्च यज्ज्योतिरन्तरमृतं प्रजासु ।
यस्मान्न ऋते किञ्चन कर्म क्रियते तन्मे मनः शिवसङ्कल्पमस्तु ॥ 4॥
सुषारथिरश्वानिव यन्मनुष्यान्नेनीयतेऽभीशुभिर्वाजिन इव ।
हृत्प्रतिष्ठं यदजिरं जविष्ठं तन्मे मनः शिवसङ्कल्पमस्तु ॥ 5॥
यस्मिन्नृचः साम यजूषि यस्मिन् प्रतिष्ठिता रथनाभाविवाराः ।
यस्मिंश्चित्तं सर्वमोतं प्रजानां तन्मे मनः शिवसङ्कल्पमस्तु ॥ 6॥
यदत्र षष्ठं त्रिशतं सुवीरं यज्ञस्य गुह्यं नवनावमाय्यं (?) ।
दश पञ्च त्रिंशतं यत्परं च तन्मे मनः शिवसङ्कल्पमस्तु ॥ 7॥
यज्जाग्रतो दूरमुदैति दैवं तदु सुप्तस्य तथैवैति ।
दूरङ्गमं ज्योतिषां ज्योतिरेकं तन्मे मनः शिवसङ्कल्पमस्तु ॥ 8॥
येन द्यौः पृथिवी चान्तरिक्षं च ये पर्वताः प्रदिशो दिशश्च ।
येनेदं जगद्व्याप्तं प्रजानां तन्मे मनः शिवसङ्कल्पमस्तु ॥ 9॥
येनेदं विश्वं जगतो बभूव ये देवा अपि महतो जातवेदाः ।
तदेवाग्निस्तमसो ज्योतिरेकं तन्मे मनः शिवसङ्कल्पमस्तु ॥ 10॥
ये मनो हृदयं ये च देवा ये दिव्या आपो ये सूर्यरश्मिः ।
ते श्रोत्रे चक्षुषी सञ्चरन्तं तन्मे मनः शिवसङ्कल्पमस्तु ॥ 11॥
अचिन्त्यं चाप्रमेयं च व्यक्ताव्यक्तपरं च यत ।
सूक्ष्मात्सूक्ष्मतरं ज्ञेयं तन्मे मनः शिवसङ्कल्पमस्तु ॥ 12॥
एका च दश शतं च सहस्रं चायुतं च
नियुतं च प्रयुतं चार्बुदं च न्यर्बुदं च ।
समुद्रश्च मध्यं चान्तश्च परार्धश्च
तन्मे मनः शिवसङ्कल्पमस्तु ॥ 13॥
ये पञ्च पञ्चदश शतं सहस्रमयुतं न्यर्बुदं च ।
तेऽग्निचित्येष्टकास्तं शरीरं तन्मे मनः शिवसङ्कल्पमस्तु ॥ 14॥
वेदाहमेतं पुरुषं महान्तमादित्यवर्णं तमसः परस्तात् ।
यस्य योनिं परिपश्यन्ति धीरास्तन्मे मनः शिवसङ्कल्पमस्तु ॥
यस्येदं धीराः पुनन्ति कवयो ब्रह्माणमेतं त्वा वृणुत इन्दुम् ।
स्थावरं जङ्गमं द्यौराकाशं तन्मे मनः शिवसङ्कल्पमस्तु ॥ 16॥
परात् परतरं चैव यत्पराच्चैव यत्परम् ।
यत्परात् परतो ज्ञेयं तन्मे मनः शिवसङ्कल्पमस्तु ॥ 17॥
परात् परतरो ब्रह्मा तत्परात् परतो हरिः ।
तत्परात् परतोऽधीशस्तन्मे मनः शिवसङ्कल्पमस्तु ॥ 18॥
या वेदादिषु गायत्री सर्वव्यापी महेश्वरी ।
ऋग्यजुस्सामाथर्वैश्च तन्मे मनः शिवसङ्कल्पमस्तु ॥ 19॥
यो वै देवं महादेवं प्रणवं पुरुषोत्तमम् ।
यः सर्वे सर्ववेदैश्च तन्मे मनः शिवसङ्कल्पमस्तु ॥ 20॥
प्रयतः प्रणवोङ्कारं प्रणवं पुरुषोत्तमम् ।
ओङ्कारं प्रणवात्मानं तन्मे मनः शिवसङ्कल्पमस्तु ॥ 21॥
योऽसौ सर्वेषु वेदेषु पठ्यते ह्यज इश्वरः ।
अकायो निर्गुणो ह्यात्मा तन्मे मनः शिवसङ्कल्पमस्तु ॥ 22॥
गोभिर्जुष्टं धनेन ह्यायुषा च बलेन च ।
प्रजया पशुभिः पुष्कराक्षं तन्मे मनः शिवसङ्कल्पमस्तु ॥ 23॥
त्रियम्बकं यजामहे सुगन्धिं पुष्टिवर्धनम् ।
उर्वारुकमिव बन्धनान्मृत्योर्मुक्षीय
माऽमृतात्तन्मे मनः शिवसङ्कल्पमस्तु ॥ 24॥
कैलासशिखरे रम्ये शङ्करस्य शिवालये ।
देवतास्तत्र मोदन्ते तन्मे मनः शिवसङ्कल्पमस्तु ॥ 25॥
विश्वतश्चक्षुरुत विश्वतोमुखो विश्वतोहस्त उत विश्वतस्पात् ।
सम्बाहुभ्यां नमति सम्पतत्रैर्द्यावापृथिवी
जनयन् देव एकस्तन्मे मनः शिवसङ्कल्पमस्तु ॥ 26॥
चतुरो वेदानधीयीत सर्वशास्यमयं विदुः ।
इतिहासपुराणानां तन्मे मन शिवसङ्कन्ल्पमस्तु ॥ 27॥
मा नो महान्तमुत मा नो अर्भकं मा न उक्षन्तमुत मा न उक्षितम् ।
मा नो वधीः पितरं मोत मातरं प्रिया मा नः
तनुवो रुद्र रीरिषस्तन्मे मनः शिवसङ्कल्पमस्तु ॥ 28॥
मा नस्तोके तनये मा न आयुषि मा नो गोषु मा नो अश्वेषु रीरिषः ।
वीरान्मा नो रुद्र भामितो वधीर्हविष्मन्तः
नमसा विधेम ते तन्मे मनः शिवसङ्कल्पमस्तु ॥ 29॥
ऋतं सत्यं परं ब्रह्म पुरुषं कृष्णपिङ्गलम् ।
ऊर्ध्वरेतं विरूपाक्षं विश्वरूपाय वै नमो नमः
तन्मे मनः शिवसङ्कल्पमस्तु ॥ 30॥
कद्रुद्राय प्रचेतसे मीढुष्टमाय तव्यसे ।
वोचेम शन्तमं हृदे । सर्वो ह्येष रुद्रस्तस्मै रुद्राय
नमो अस्तु तन्मे मनः शिवसङ्कल्पमस्तु ॥ 31॥
ब्रह्म जज्ञानं प्रथमं पुरस्तात् वि सीमतः सुरुचो वेन आवः ।
स बुध्निया उपमा अस्य विष्ठाः सतश्च योनिं
असतश्च विवस्तन्मे मनः शिवसङ्कल्पमस्तु ॥ 32॥
यः प्राणतो निमिषतो महित्वैक इद्राजा जगतो बभूव ।
य ईशे अस्य द्विपदश्चतुष्पदः कस्मै देवाय
हविषा विधेम तन्मे मनः शिवसङ्कल्पमस्तु ॥ 33॥
य आत्मदा बलदा यस्य विश्वे उपासते प्रशिषं यस्य देवाः ।
यस्य छायाऽमृतं यस्य मृत्युः कस्मै देवाय
हविषा विधेम तन्मे मनः शिवसङ्कल्पमस्तु ॥ 34॥
यो रुद्रो अग्नौ यो अप्सु य ओषधीषु यो रुद्रो विश्वा भुवनाऽऽविवेश ।
तस्मै रुद्राय नमो अस्तु तन्मे मनः शिवसङ्कल्पमस्तु ॥ 35॥
गन्धद्वारां दुराधर्षां नित्यपुष्टां करीषिणीम् ।
ईश्वरीं सर्वभूतानां तामिहोपह्वये श्रियं
तन्मे मनः शिवसङ्कल्पमस्तु ॥ 36॥
य इदं शिवसङ्कल्पं सदा ध्यायन्ति ब्राह्मणाः ।
ते परं मोक्षं गमिष्यन्ति तन्मे मनः शिवसङ्कल्पमस्तु ॥ 37॥
इति शिवसङ्कल्पमन्त्राः समाप्ताः ।
(शैव-उपनिषदः)
इति शिवसङ्कल्पोपनिषत् समाप्त ।
yenedaṃ bhūtaṃ bhuvanaṃ bhaviṣyat parigṛhītamamṛtena sarvam |
yena yajñastāyate saptahotā tanme manaḥ śivasaṅkalpamastu || 1||
yena karmāṇi pracaranti dhīrā yato vācā manasā cāru yanti |
yatsammitamanu saṃyanti prāṇinastanme manaḥ śivasaṅkalpamastu || 2||
yena karmāṇyapaso manīṣiṇo yajñe kṛṇvanti vidatheṣu dhīrāḥ |
yadapūrvaṃ yakṣamantaḥ prajānāṃ tanme manaḥ śivasaṅkalpamastu || 3||
yatprajñānamuta ceto dhṛtiśca yajjyotirantaramṛtaṃ prajāsu |
yasmānna ṛte kiñcana karma kriyate tanme manaḥ śivasaṅkalpamastu || 4||
suṣārathiraśvāniva yanmanuṣyānnenīyate'bhīśubhirvājina iva |
hṛtpratiṣṭhaṃ yadajiraṃ javiṣṭhaṃ tanme manaḥ śivasaṅkalpamastu || 5||
yasminnṛcaḥ sāma yajūṣi yasmin pratiṣṭhitā rathanābhāvivārāḥ |
yasmiṃścittaṃ sarvamotaṃ prajānāṃ tanme manaḥ śivasaṅkalpamastu || 6||
yadatra ṣaṣṭhaṃ triśataṃ suvīraṃ yajñasya guhyaṃ navanāvamāyyaṃ (?) |
daśa pañca triṃśataṃ yatparaṃ ca tanme manaḥ śivasaṅkalpamastu || 7||
yajjāgrato dūramudaiti daivaṃ tadu suptasya tathaivaiti |
dūraṅgamaṃ jyotiṣāṃ jyotirekaṃ tanme manaḥ śivasaṅkalpamastu || 8||
yena dyauḥ pṛthivī cāntarikṣaṃ ca ye parvatāḥ pradiśo diśaśca |
yenedaṃ jagadvyāptaṃ prajānāṃ tanme manaḥ śivasaṅkalpamastu || 9||
yenedaṃ viśvaṃ jagato babhūva ye devā api mahato jātavedāḥ |
tadevāgnistamaso jyotirekaṃ tanme manaḥ śivasaṅkalpamastu || 10||
ye mano hṛdayaṃ ye ca devā ye divyā āpo ye sūryaraśmiḥ |
te śrotre cakṣuṣī sañcarantaṃ tanme manaḥ śivasaṅkalpamastu || 11||
acintyaṃ cāprameyaṃ ca vyaktāvyaktaparaṃ ca yata |
sūkṣmātsūkṣmataraṃ jñeyaṃ tanme manaḥ śivasaṅkalpamastu || 12||
ekā ca daśa śataṃ ca sahasraṃ cāyutaṃ ca
niyutaṃ ca prayutaṃ cārbudaṃ ca nyarbudaṃ ca |
samudraśca madhyaṃ cāntaśca parārdhaśca
tanme manaḥ śivasaṅkalpamastu || 13||
ye pañca pañcadaśa śataṃ sahasramayutaṃ nyarbudaṃ ca |
te'gnicityeṣṭakāstaṃ śarīraṃ tanme manaḥ śivasaṅkalpamastu || 14||
vedāhametaṃ puruṣaṃ mahāntamādityavarṇaṃ tamasaḥ parastāt |
yasya yoniṃ paripaśyanti dhīrāstanme manaḥ śivasaṅkalpamastu ||
yasyedaṃ dhīrāḥ punanti kavayo brahmāṇametaṃ tvā vṛṇuta indum |
sthāvaraṃ jaṅgamaṃ dyaurākāśaṃ tanme manaḥ śivasaṅkalpamastu || 16||
parāt parataraṃ caiva yatparāccaiva yatparam |
yatparāt parato jñeyaṃ tanme manaḥ śivasaṅkalpamastu || 17||
parāt parataro brahmā tatparāt parato hariḥ |
tatparāt parato'dhīśastanme manaḥ śivasaṅkalpamastu || 18||
yā vedādiṣu gāyatrī sarvavyāpī maheśvarī |
ṛgyajussāmātharvaiśca tanme manaḥ śivasaṅkalpamastu || 19||
yo vai devaṃ mahādevaṃ praṇavaṃ puruṣottamam |
yaḥ sarve sarvavedaiśca tanme manaḥ śivasaṅkalpamastu || 20||
prayataḥ praṇavoṅkāraṃ praṇavaṃ puruṣottamam |
oṅkāraṃ praṇavātmānaṃ tanme manaḥ śivasaṅkalpamastu || 21||
yo'sau sarveṣu vedeṣu paṭhyate hyaja iśvaraḥ |
akāyo nirguṇo hyātmā tanme manaḥ śivasaṅkalpamastu || 22||
gobhirjuṣṭaṃ dhanena hyāyuṣā ca balena ca |
prajayā paśubhiḥ puṣkarākṣaṃ tanme manaḥ śivasaṅkalpamastu || 23||
triyambakaṃ yajāmahe sugandhiṃ puṣṭivardhanam |
urvārukamiva bandhanānmṛtyormukṣīya
mā'mṛtāttanme manaḥ śivasaṅkalpamastu || 24||
kailāsaśikhare ramye śaṅkarasya śivālaye |
devatāstatra modante tanme manaḥ śivasaṅkalpamastu || 25||
viśvataścakṣuruta viśvatomukho viśvatohasta uta viśvataspāt |
sambāhubhyāṃ namati sampatatrairdyāvāpṛthivī
janayan deva ekastanme manaḥ śivasaṅkalpamastu || 26||
caturo vedānadhīyīta sarvaśāsyamayaṃ viduḥ |
itihāsapurāṇānāṃ tanme mana śivasaṅkanlpamastu || 27||
mā no mahāntamuta mā no arbhakaṃ mā na ukṣantamuta mā na ukṣitam |
mā no vadhīḥ pitaraṃ mota mātaraṃ priyā mā naḥ
tanuvo rudra rīriṣastanme manaḥ śivasaṅkalpamastu || 28||
mā nastoke tanaye mā na āyuṣi mā no goṣu mā no aśveṣu rīriṣaḥ |
vīrānmā no rudra bhāmito vadhīrhaviṣmantaḥ
namasā vidhema te tanme manaḥ śivasaṅkalpamastu || 29||
ṛtaṃ satyaṃ paraṃ brahma puruṣaṃ kṛṣṇapiṅgalam |
ūrdhvaretaṃ virūpākṣaṃ viśvarūpāya vai namo namaḥ
tanme manaḥ śivasaṅkalpamastu || 30||
kadrudrāya pracetase mīḍhuṣṭamāya tavyase |
vocema śantamaṃ hṛde | sarvo hyeṣa rudrastasmai rudrāya
namo astu tanme manaḥ śivasaṅkalpamastu || 31||
brahma jajñānaṃ prathamaṃ purastāt vi sīmataḥ suruco vena āvaḥ |
sa budhniyā upamā asya viṣṭhāḥ sataśca yoniṃ
asataśca vivastanme manaḥ śivasaṅkalpamastu || 32||
yaḥ prāṇato nimiṣato mahitvaika idrājā jagato babhūva |
ya īśe asya dvipadaścatuṣpadaḥ kasmai devāya
haviṣā vidhema tanme manaḥ śivasaṅkalpamastu || 33||
ya ātmadā baladā yasya viśve upāsate praśiṣaṃ yasya devāḥ |
yasya chāyā'mṛtaṃ yasya mṛtyuḥ kasmai devāya
haviṣā vidhema tanme manaḥ śivasaṅkalpamastu || 34||
yo rudro agnau yo apsu ya oṣadhīṣu yo rudro viśvā bhuvanā''viveśa |
tasmai rudrāya namo astu tanme manaḥ śivasaṅkalpamastu || 35||
gandhadvārāṃ durādharṣāṃ nityapuṣṭāṃ karīṣiṇīm |
īśvarīṃ sarvabhūtānāṃ tāmihopahvaye śriyaṃ
tanme manaḥ śivasaṅkalpamastu || 36||
ya idaṃ śivasaṅkalpaṃ sadā dhyāyanti brāhmaṇāḥ |
te paraṃ mokṣaṃ gamiṣyanti tanme manaḥ śivasaṅkalpamastu || 37||
iti śivasaṅkalpamantrāḥ samāptāḥ |
(śaiva-upaniṣadaḥ)
iti śivasaṅkalpopaniṣat samāpta |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.