ஶ்ரீமத்வால்மீகீய ராமாயணே யுத்தகாண்டம் ।
அத த்ரயஸ்த்ரிம்ஶஸ்ஸர்கஃ ।
ஸீதாந்துமோஹிதாந்த்ரு'ஷ்டவாஸரமாநாமராக்ஷஸீ ।
ஆஸஸாதாதவைதேஹீம்ப்ரியாம்ப்ரணயிநீம்ஸகீ ॥ 1 ॥
மோஹிதாம்ராக்ஷஸேந்த்ரேணஸீதாம்பரமதுஃகிதாம் ।
ஆஶ்வாஸயாமாஸததாஸரமாம்ரு'துபாஷிணீ ॥ 2 ॥
ஸாஹிதத்ரக்ரு'தாமித்ரம்ஸீதயாரக்ஷ்யமாணயா ।
ரக்ஷந்தீராவணாதிஷ்டாஸாநுக்ரோஶாத்ரு'டவ்ரதா ॥ 3 ॥
ஸாததர்ஶஸகீஸீதாம்ஸரமாநஷ்டசேதநாம் ।
உபாவ்ரு'த்த்யோத்திதாந்த்வஸ்தாம்படபாமிவபாம்ஸுலாம் ॥ 4 ॥
தாம்ஸமாஶ்வாஸயாமாஸஸகீஸ்நேஹேநஸுவ்ரதா ।
ஸமாஶ்வஸிஹிவைதேஹீ மாபூத்தேமவஸோவ்யதா ॥ 5 ॥
உக்தாயத்ராவணேநத்வம்ப்ரத்யுக்தஶ்சஸ்வயந்த்வயா ।
ஸகீஸ்நேஹேநதபதீருமயாஸர்வம்ப்ரதிஶ்ருதம் ॥ 6 ॥
லீநயாகஹநேஶூந்யேபயமுத்ஸ்ரு'ஜ்யராவணாத் ।
தவஹேதோர்விஶாலாக்ஷீ நஹிமேஜீவிதம்ப்ரியம் ॥ 7 ॥
ஸஸம்ப்ராந்தஶ்சநிஷ்க்ராந்தோயத்க்ரு'தேராக்ஷஸாதிபஃ ।
தச்சமேவிதிதம்ஸர்வமபிநிஷ்க்ரம்யமைதிலிஃ ॥ 8 ॥
நஶக்யம்ஸௌப்திகங்கர்தும்ராமஸ்யவிதிதாத்மநஃ ।
வதஶ்சபுருஷவ்யாக்ரேதஸ்மிந்நைவோபபத்யதே ॥ 9 ॥
நத்வேவவாநராஹந்தும்ஶக்யாஃபாதபயோதிபஃ ।
ஸுராதேவர்ஷபேணேவராமேணஹிஸுரக்ஷிதாஃ ॥ 10 ॥
தீர்கவ்ரு'த்தபுஜ்ஶீமாந்மஹோரஸ்கஃப்ரதாபவாந் ।
தந்வீஸம்ஹநநோபேதோதர்மாத்மாபுவிவிஶ்ருதஃ ॥ 11 ॥
விக்ராந்தோரக்ஷிதாநித்யமாத்மநஶ்சபரஸ்யச ।
லக்ஷ்மணேநஸஹப்ராத்ராகுஶலீநயஶாஸ்த்ரவித் ॥ 12 ॥
ஹந்தாபரபலௌகநாமசிந்த்யபலபௌருஷஃ ।
நஹதோராகவஶ்ரஶீமாந்ஸீதேஃ ஶத்ருநிபர்ஹணஃ ॥ 13 ॥
அயுக்தபுத்திக்ரு'த்யேநஸர்வபூதவிரோதிநா ।
இஹப்ரமுக்தாரௌத்ரேணமாயாமாயாவிதாத்வயி ॥ 14 ॥
ஶோகஸ்தேவிகதஸ்ஸர்வஃகல்யாணந்த்வாமுபஸ்திதம் ।
த்ருவந்த்வாம்பஜதேலக்ஷ்மீஃப்ரியந்தேப்ரீதிகரம்ஶ்ரு'ணுஃ ॥ 15 ॥
உத்தீர்யஸாகரம்ராமஸ்ஸஹவாநரஸேநயா ।
ஸந்நிவிஷ்டஃஸமுத்ரஸ்யதீரமாஸாத்யதக்ஷிணம் ॥ 16 ॥
த்ரு'ஷ்டோமேபரிபூர்ணார்தஃகாகுத்ஸ்தஸ்ஸஹலக்ஷ்மணஃ ।
ஸஹிதைஸ்ஸாகராந்தஸ்தைர்பலைஸ்திஷ்டதிரக்ஷிதஃ ॥ 17 ॥
ஸ தாம் ஶ்ருத்வா விஶால அக்ஷி ப்ரவ்ரு'த்திம் ராக்ஷஸ அதிபஃ ।
ஏஷ மந்த்ரயதே ஸர்வைஃ ஸசிவைஃ ஸஹ ராவணஃ ॥ 18 ॥
ஸதாம்ஶ்ருத்வாவிஶாலாக்ஷீஃ ப்ரவ்ரு'த்திம்ராக்ஷஸாதிபஃ ।
ஏஷமந்த்ரயதேஸர்வைஸ்ஸசிவைஸ்ஸஹராவணஃ ॥ 19 ॥
இதிப்ருவாணாஸரமாராக்ஷஸீஸீதயாஸஹ ।
ஸர்வோத்யோகேநஸைந்யாநாம்ஶப்தம்ஶுஶ்ராவபைரவம் ॥ 20 ॥
தண்டநிர்காதவாதிந்யாஶ்ருத்வாபேர்யாமஹாஸ்வநம் ।
உவாசஸரமாஸீதாமிதம்மதுரபாஷிணீ ॥ 21 ॥
ஸந்நாஹஜநநீஹ்யேஷாபைரவாபீருஃ பேரிகா ।
பேரீநாதஞ்சகம்பீரம்ஶ்ரு'ணுதோயதநிஃஸ்வநம் ॥ 22 ॥
கல்ப்யந்தேமத்தமாதங்காயுஜ்யந்தேரதவாஜிந ।
ஹ்ரு'ஷ்யந்தேதுரகாரூடாஃப்ராஸஹஸ்தஸ்ஸஹஸ்ரஶஃ ॥ 23 ॥
தத்ரதத்ரசஸந்நத்தாஸ்ஸபததநிபதாதயஃ ।
அபூர்யந்தேராஜமார்காஸ்ஸைந்யைரத்புததர்ஶநைஃ ॥ 24 ॥
வேகவபதிந்நதபதிஶ்சதோயௌகைரிவஸாகரஃ ।
ஶஸ்த்ராணாஞ்சப்ரஸந்நாநாஞ்சர்மணாம்வர்மணாந்ததா ॥ 25 ॥
ரதவாஜிகஜாநாஞ்சபூஷிதாநாஞ்சராக்ஷஸாம் ।
ஸம்ப்ரமோராக்ஷஸாமேஷஹ்ரு'ஷிதாநாந்தரஸ்விநாம் ॥ 26 ॥
ப்ரபாம்விஸ்ரு'ஜதாம்பஶ்யநாநாவர்ணாம்ஸமுத்திதாம் ।
வநந்நிர்தஹதோகர்மேயதாரூபம்விபாவஸோஃ ॥ 27 ॥
கண்டாநாம்ஶ்ரு'ணுநிர்கோஷம்ரதாநாம்ஶ்ரு'ணுநிஃஸ்வநம் ।
ஹயாநாம்ஹேஷமாணாநாம்ஶ்ரு'ணுதூர்யத்வநிம்யதா ॥ 28 ॥
உத்யதாயுதஹஸ்தாநாம்ராக்ஷஸேந்த்ராநுயாயிநாம் ।
ஸம்ப்ரமோரக்ஷஸாமேஷதுமுலோரோமஹர்ஷணஃ ॥ 29 ॥
ஶ்ரீஸ்த்வாம்பஜதிஶோகக்நீரக்ஷஸாம்பயமாகதம் ।
ராமஃகமலபத்ராக்ஷோதைத்யாநாமிவவாஸவஃ ॥ 30 ॥
நிர்ஜித்யஜிதக்ரோதஸ்த்வாமசிந்தபராக்ரமஃ ।
ராவணம்ஸமரேஹத்வாபர்தாத்வாऽதிகமிஷ்யதி ॥ 31 ॥
விக்ரமிஷ்யதிரக்ஷஸ்ஸுபர்தாதேஸஹலக்ஷ்மணஃ ।
யதாஶத்ருஷுஶத்ருக்நோவிஷ்ணுநாஸஹவாஸவஃ ॥ 32 ॥
ஹிராமஸ்யக்ஷிப்ரமங்காகதாம்ஸதீம் ।
அஹந்த்ரக்ஷ்யாமிஸித்தார்தாந்த்வாம்ஶத்ரௌவிநிபாதிதே ॥ 33 ॥
அஶ்ரூண்யாநந்தஜாநித்வம்வர்தயிஷ்யஸிஶோபநே ।
ஸமாகம்யபரிஷ்வஜ்யதஸ்யோரஸிமஹோரஸஃ ॥ 34 ॥
அசிராந்மோக்ஷ்யதேஸீதே தேவிதேஜகநங்கதாம் ।
த்ரு'தாமேதாம்பஹூந்மாஸாந்வேணீம்ராமோமஹாபலஃ ॥ 35 ॥
தஸ்யத்ரு'ஷ்டவாமுகந்தேவீ பூர்ணசந்த்ரமிவோதிதம் ।
மோக்ஷ்யஸேஶோகஜம்வாரிநிர்மோகமிவபந்நகீ ॥ 36 ॥
ராவணம்ஸமரேஹத்வாநசிராத்தேவீஃ மைதிலீஃ ।
த்வயாஸமக்ரஃப்ரியயாஸுகார்ஹோலப்ஸ்யதேஸுகம் ॥ 37 ॥
ஸமாகதாத்வம்வீர்யேணமோதிஷ்யஸிமஹாத்மநா ।
ஸுவர்ஷேணஸமாயுக்தாயதாஸஸ்யேநமேதிநீ ॥ 38 ॥
கிரிவரமபிதோऽநுவர்தமாநோஹயைவமண்டலமாஶுயஃகரோதி ।
தமிஹஶரணமப்யுபைஹிதேவந்திவஸகரம்ப்ரபவோஹ்யயம்ப்ரஜாநாம் ॥ 39 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே த்ரயஸ்த்ரிம்ஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe yuddhakāṇḍam |
atha trayastriṃśassargaḥ |
sītāntumohitāndṛṣṭavāsaramānāmarākṣasī |
āsasādāthavaidehīmpriyāmpraṇayinīṃsakhī || 1 ||
mohitāṃrākṣasendreṇasītāmparamaduḥkhitām |
āśvāsayāmāsatadāsaramāmṛdubhāṣiṇī || 2 ||
sāhitatrakṛtāmitraṃsītayārakṣyamāṇayā |
rakṣantīrāvaṇādiṣṭāsānukrośādṛḍhavratā || 3 ||
sādadarśasakhīsītāṃsaramānaṣṭacetanām |
upāvṛttyotthitāndhvastāmbaḍabāmivapāṃsulām || 4 ||
tāṃsamāśvāsayāmāsasakhīsnehenasuvratā |
samāśvasihivaidehī mābhūttemavasovyathā || 5 ||
uktāyadrāvaṇenatvampratyuktaścasvayantvayā |
sakhīsnehenatabhadīrumayāsarvampratiśrutam || 6 ||
līnayāgahaneśūnyebhayamutsṛjyarāvaṇāt |
tavahetorviśālākṣī nahimejīvitampriyam || 7 ||
sasambhrāntaścaniṣkrāntoyatkṛterākṣasādhipaḥ |
taccameviditaṃsarvamabhiniṣkramyamaithiliḥ || 8 ||
naśakyaṃsauptikaṅkartuṃrāmasyaviditātmanaḥ |
vadhaścapuruṣavyāghretasminnaivopapadyate || 9 ||
natvevavānarāhantuṃśakyāḥpādapayodhipaḥ |
surādevarṣabheṇevarāmeṇahisurakṣitāḥ || 10 ||
dīrghavṛttabhujśīmānmahoraskaḥpratāpavān |
dhanvīsaṃhananopetodharmātmābhuviviśrutaḥ || 11 ||
vikrāntorakṣitānityamātmanaścaparasyaca |
lakṣmaṇenasahabhrātrākuśalīnayaśāstravit || 12 ||
hantāparabalaughanāmacintyabalapauruṣaḥ |
nahatorāghavaśraśīmānsīteḥ śatrunibarhaṇaḥ || 13 ||
ayuktabuddhikṛtyenasarvabhūtavirodhinā |
ihapramuktāraudreṇamāyāmāyāvidātvayi || 14 ||
śokastevigatassarvaḥkalyāṇantvāmupasthitam |
dhruvantvāmbhajatelakṣmīḥpriyanteprītikaraṃśṛṇuḥ || 15 ||
uttīryasāgaraṃrāmassahavānarasenayā |
sanniviṣṭaḥsamudrasyatīramāsādyadakṣiṇam || 16 ||
dṛṣṭomeparipūrṇārthaḥkākutsthassahalakṣmaṇaḥ |
sahitaissāgarāntasthairbalaistiṣṭhatirakṣitaḥ || 17 ||
sa tāṃ śrutvā viśāla akṣi pravṛttiṃ rākṣasa adhipaḥ |
eṣa mantrayate sarvaiḥ sacivaiḥ saha rāvaṇaḥ || 18 ||
satāṃśrutvāviśālākṣīḥ pravṛttiṃrākṣasādhipaḥ |
eṣamantrayatesarvaissacivaissaharāvaṇaḥ || 19 ||
itibruvāṇāsaramārākṣasīsītayāsaha |
sarvodyogenasainyānāṃśabdaṃśuśrāvabhairavam || 20 ||
daṇḍanirghātavādinyāśrutvābheryāmahāsvanam |
uvācasaramāsītāmidammadhurabhāṣiṇī || 21 ||
sannāhajananīhyeṣābhairavābhīruḥ bherikā |
bherīnādañcagambhīraṃśṛṇutoyadaniḥsvanam || 22 ||
kalpyantemattamātaṅgāyujyanterathavājina |
hṛṣyanteturagārūḍhāḥprāsahastassahasraśaḥ || 23 ||
tatratatracasannaddhāssapatatanipadātayaḥ |
apūryanterājamārgāssainyairadbhutadarśanaiḥ || 24 ||
vegavabhadinnadabhadiścatoyaughairivasāgaraḥ |
śastrāṇāñcaprasannānāñcarmaṇāṃvarmaṇāntathā || 25 ||
rathavājigajānāñcabhūṣitānāñcarākṣasām |
sambhramorākṣasāmeṣahṛṣitānāntarasvinām || 26 ||
prabhāṃvisṛjatāmpaśyanānāvarṇāṃsamutthitām |
vanannirdhahatogharmeyathārūpaṃvibhāvasoḥ || 27 ||
ghaṇṭānāṃśṛṇunirghoṣaṃrathānāṃśṛṇuniḥsvanam |
hayānāṃheṣamāṇānāṃśṛṇutūryadhvaniṃyathā || 28 ||
udyatāyudhahastānāṃrākṣasendrānuyāyinām |
sambhramorakṣasāmeṣatumuloromaharṣaṇaḥ || 29 ||
śrīstvāmbhajatiśokaghnīrakṣasāmbhayamāgatam |
rāmaḥkamalapatrākṣodaityānāmivavāsavaḥ || 30 ||
nirjityajitakrodhastvāmacintaparākramaḥ |
rāvaṇaṃsamarehatvābhartātvā'dhigamiṣyati || 31 ||
vikramiṣyatirakṣassubhartātesahalakṣmaṇaḥ |
yathāśatruṣuśatrughnoviṣṇunāsahavāsavaḥ || 32 ||
hirāmasyakṣipramaṅkāgatāṃsatīm |
ahandrakṣyāmisiddhārdhāntvāṃśatrauvinipātite || 33 ||
aśrūṇyānandajānitvaṃvartayiṣyasiśobhane |
samāgamyapariṣvajyatasyorasimahorasaḥ || 34 ||
acirānmokṣyatesīte devitejaghanaṅgatām |
dhṛtāmetāmbahūnmāsānveṇīṃrāmomahābalaḥ || 35 ||
tasyadṛṣṭavāmukhandevī pūrṇacandramivoditam |
mokṣyaseśokajaṃvārinirmokamivapannagī || 36 ||
rāvaṇaṃsamarehatvānacirāddhevīḥ maithilīḥ |
tvayāsamagraḥpriyayāsukhārholapsyatesukham || 37 ||
samāgatātvaṃvīryeṇamodiṣyasimahātmanā |
suvarṣeṇasamāyuktāyathāsasyenamedinī || 38 ||
girivaramabhito'nuvartamānohayaivamaṇḍalamāśuyaḥkaroti |
tamihaśaraṇamabhyupaihidevandivasakaramprabhavohyayamprajānām || 39 ||
ityārṣe śrīmadrāmāyaṇe vālmīkīya ādikāvye yuddhakāṇḍe trayastriṃśassargaḥ ||
Sanskrit — Devanagari (original)
श्रीमद्वाल्मीकीय रामायणे युद्धकाण्डम् ।
अथ त्रयस्त्रिंशस्सर्गः ।
सीतान्तुमोहितान्दृष्टवासरमानामराक्षसी ।
आससादाथवैदेहीम्प्रियाम्प्रणयिनींसखी ॥ 1 ॥
मोहितांराक्षसेन्द्रेणसीताम्परमदुःखिताम् ।
आश्वासयामासतदासरमामृदुभाषिणी ॥ 2 ॥
साहितत्रकृतामित्रंसीतयारक्ष्यमाणया ।
रक्षन्तीरावणादिष्टासानुक्रोशादृढव्रता ॥ 3 ॥
साददर्शसखीसीतांसरमानष्टचेतनाम् ।
उपावृत्त्योत्थितान्ध्वस्ताम्बडबामिवपांसुलाम् ॥ 4 ॥
तांसमाश्वासयामाससखीस्नेहेनसुव्रता ।
समाश्वसिहिवैदेही माभूत्तेमवसोव्यथा ॥ 5 ॥
उक्तायद्रावणेनत्वम्प्रत्युक्तश्चस्वयन्त्वया ।
सखीस्नेहेनतभदीरुमयासर्वम्प्रतिश्रुतम् ॥ 6 ॥
लीनयागहनेशून्येभयमुत्सृज्यरावणात् ।
तवहेतोर्विशालाक्षी नहिमेजीवितम्प्रियम् ॥ 7 ॥
ससम्भ्रान्तश्चनिष्क्रान्तोयत्कृतेराक्षसाधिपः ।
तच्चमेविदितंसर्वमभिनिष्क्रम्यमैथिलिः ॥ 8 ॥
नशक्यंसौप्तिकङ्कर्तुंरामस्यविदितात्मनः ।
वधश्चपुरुषव्याघ्रेतस्मिन्नैवोपपद्यते ॥ 9 ॥
नत्वेववानराहन्तुंशक्याःपादपयोधिपः ।
सुरादेवर्षभेणेवरामेणहिसुरक्षिताः ॥ 10 ॥
दीर्घवृत्तभुज्शीमान्महोरस्कःप्रतापवान् ।
धन्वीसंहननोपेतोधर्मात्माभुविविश्रुतः ॥ 11 ॥
विक्रान्तोरक्षितानित्यमात्मनश्चपरस्यच ।
लक्ष्मणेनसहभ्रात्राकुशलीनयशास्त्रवित् ॥ 12 ॥
हन्तापरबलौघनामचिन्त्यबलपौरुषः ।
नहतोराघवश्रशीमान्सीतेः शत्रुनिबर्हणः ॥ 13 ॥
अयुक्तबुद्धिकृत्येनसर्वभूतविरोधिना ।
इहप्रमुक्तारौद्रेणमायामायाविदात्वयि ॥ 14 ॥
शोकस्तेविगतस्सर्वःकल्याणन्त्वामुपस्थितम् ।
ध्रुवन्त्वाम्भजतेलक्ष्मीःप्रियन्तेप्रीतिकरंशृणुः ॥ 15 ॥
उत्तीर्यसागरंरामस्सहवानरसेनया ।
सन्निविष्टःसमुद्रस्यतीरमासाद्यदक्षिणम् ॥ 16 ॥
दृष्टोमेपरिपूर्णार्थःकाकुत्स्थस्सहलक्ष्मणः ।
सहितैस्सागरान्तस्थैर्बलैस्तिष्ठतिरक्षितः ॥ 17 ॥
स तां श्रुत्वा विशाल अक्षि प्रवृत्तिं राक्षस अधिपः ।
एष मन्त्रयते सर्वैः सचिवैः सह रावणः ॥ 18 ॥
सतांश्रुत्वाविशालाक्षीः प्रवृत्तिंराक्षसाधिपः ।
एषमन्त्रयतेसर्वैस्सचिवैस्सहरावणः ॥ 19 ॥
इतिब्रुवाणासरमाराक्षसीसीतयासह ।
सर्वोद्योगेनसैन्यानांशब्दंशुश्रावभैरवम् ॥ 20 ॥
दण्डनिर्घातवादिन्याश्रुत्वाभेर्यामहास्वनम् ।
उवाचसरमासीतामिदम्मधुरभाषिणी ॥ 21 ॥
सन्नाहजननीह्येषाभैरवाभीरुः भेरिका ।
भेरीनादञ्चगम्भीरंशृणुतोयदनिःस्वनम् ॥ 22 ॥
कल्प्यन्तेमत्तमातङ्गायुज्यन्तेरथवाजिन ।
हृष्यन्तेतुरगारूढाःप्रासहस्तस्सहस्रशः ॥ 23 ॥
तत्रतत्रचसन्नद्धास्सपततनिपदातयः ।
अपूर्यन्तेराजमार्गास्सैन्यैरद्भुतदर्शनैः ॥ 24 ॥
वेगवभदिन्नदभदिश्चतोयौघैरिवसागरः ।
शस्त्राणाञ्चप्रसन्नानाञ्चर्मणांवर्मणान्तथा ॥ 25 ॥
रथवाजिगजानाञ्चभूषितानाञ्चराक्षसाम् ।
सम्भ्रमोराक्षसामेषहृषितानान्तरस्विनाम् ॥ 26 ॥
प्रभांविसृजताम्पश्यनानावर्णांसमुत्थिताम् ।
वनन्निर्धहतोघर्मेयथारूपंविभावसोः ॥ 27 ॥
घण्टानांशृणुनिर्घोषंरथानांशृणुनिःस्वनम् ।
हयानांहेषमाणानांशृणुतूर्यध्वनिंयथा ॥ 28 ॥
उद्यतायुधहस्तानांराक्षसेन्द्रानुयायिनाम् ।
सम्भ्रमोरक्षसामेषतुमुलोरोमहर्षणः ॥ 29 ॥
श्रीस्त्वाम्भजतिशोकघ्नीरक्षसाम्भयमागतम् ।
रामःकमलपत्राक्षोदैत्यानामिववासवः ॥ 30 ॥
निर्जित्यजितक्रोधस्त्वामचिन्तपराक्रमः ।
रावणंसमरेहत्वाभर्तात्वाऽधिगमिष्यति ॥ 31 ॥
विक्रमिष्यतिरक्षस्सुभर्तातेसहलक्ष्मणः ।
यथाशत्रुषुशत्रुघ्नोविष्णुनासहवासवः ॥ 32 ॥
हिरामस्यक्षिप्रमङ्कागतांसतीम् ।
अहन्द्रक्ष्यामिसिद्धार्धान्त्वांशत्रौविनिपातिते ॥ 33 ॥
अश्रूण्यानन्दजानित्वंवर्तयिष्यसिशोभने ।
समागम्यपरिष्वज्यतस्योरसिमहोरसः ॥ 34 ॥
अचिरान्मोक्ष्यतेसीते देवितेजघनङ्गताम् ।
धृतामेताम्बहून्मासान्वेणींरामोमहाबलः ॥ 35 ॥
तस्यदृष्टवामुखन्देवी पूर्णचन्द्रमिवोदितम् ।
मोक्ष्यसेशोकजंवारिनिर्मोकमिवपन्नगी ॥ 36 ॥
रावणंसमरेहत्वानचिराद्धेवीः मैथिलीः ।
त्वयासमग्रःप्रिययासुखार्होलप्स्यतेसुखम् ॥ 37 ॥
समागतात्वंवीर्येणमोदिष्यसिमहात्मना ।
सुवर्षेणसमायुक्तायथासस्येनमेदिनी ॥ 38 ॥
गिरिवरमभितोऽनुवर्तमानोहयैवमण्डलमाशुयःकरोति ।
तमिहशरणमभ्युपैहिदेवन्दिवसकरम्प्रभवोह्ययम्प्रजानाम् ॥ 39 ॥
इत्यार्षे श्रीमद्रामायणे वाल्मीकीय आदिकाव्ये युद्धकाण्डे त्रयस्त्रिंशस्सर्गः ॥
śrīmadvālmīkīya rāmāyaṇe yuddhakāṇḍam |
atha trayastriṃśassargaḥ |
sītāntumohitāndṛṣṭavāsaramānāmarākṣasī |
āsasādāthavaidehīmpriyāmpraṇayinīṃsakhī || 1 ||
mohitāṃrākṣasendreṇasītāmparamaduḥkhitām |
āśvāsayāmāsatadāsaramāmṛdubhāṣiṇī || 2 ||
sāhitatrakṛtāmitraṃsītayārakṣyamāṇayā |
rakṣantīrāvaṇādiṣṭāsānukrośādṛḍhavratā || 3 ||
sādadarśasakhīsītāṃsaramānaṣṭacetanām |
upāvṛttyotthitāndhvastāmbaḍabāmivapāṃsulām || 4 ||
tāṃsamāśvāsayāmāsasakhīsnehenasuvratā |
samāśvasihivaidehī mābhūttemavasovyathā || 5 ||
uktāyadrāvaṇenatvampratyuktaścasvayantvayā |
sakhīsnehenatabhadīrumayāsarvampratiśrutam || 6 ||
līnayāgahaneśūnyebhayamutsṛjyarāvaṇāt |
tavahetorviśālākṣī nahimejīvitampriyam || 7 ||
sasambhrāntaścaniṣkrāntoyatkṛterākṣasādhipaḥ |
taccameviditaṃsarvamabhiniṣkramyamaithiliḥ || 8 ||
naśakyaṃsauptikaṅkartuṃrāmasyaviditātmanaḥ |
vadhaścapuruṣavyāghretasminnaivopapadyate || 9 ||
natvevavānarāhantuṃśakyāḥpādapayodhipaḥ |
surādevarṣabheṇevarāmeṇahisurakṣitāḥ || 10 ||
dīrghavṛttabhujśīmānmahoraskaḥpratāpavān |
dhanvīsaṃhananopetodharmātmābhuviviśrutaḥ || 11 ||
vikrāntorakṣitānityamātmanaścaparasyaca |
lakṣmaṇenasahabhrātrākuśalīnayaśāstravit || 12 ||
hantāparabalaughanāmacintyabalapauruṣaḥ |
nahatorāghavaśraśīmānsīteḥ śatrunibarhaṇaḥ || 13 ||
ayuktabuddhikṛtyenasarvabhūtavirodhinā |
ihapramuktāraudreṇamāyāmāyāvidātvayi || 14 ||
śokastevigatassarvaḥkalyāṇantvāmupasthitam |
dhruvantvāmbhajatelakṣmīḥpriyanteprītikaraṃśṛṇuḥ || 15 ||
uttīryasāgaraṃrāmassahavānarasenayā |
sanniviṣṭaḥsamudrasyatīramāsādyadakṣiṇam || 16 ||
dṛṣṭomeparipūrṇārthaḥkākutsthassahalakṣmaṇaḥ |
sahitaissāgarāntasthairbalaistiṣṭhatirakṣitaḥ || 17 ||
sa tāṃ śrutvā viśāla akṣi pravṛttiṃ rākṣasa adhipaḥ |
eṣa mantrayate sarvaiḥ sacivaiḥ saha rāvaṇaḥ || 18 ||
satāṃśrutvāviśālākṣīḥ pravṛttiṃrākṣasādhipaḥ |
eṣamantrayatesarvaissacivaissaharāvaṇaḥ || 19 ||
itibruvāṇāsaramārākṣasīsītayāsaha |
sarvodyogenasainyānāṃśabdaṃśuśrāvabhairavam || 20 ||
daṇḍanirghātavādinyāśrutvābheryāmahāsvanam |
uvācasaramāsītāmidammadhurabhāṣiṇī || 21 ||
sannāhajananīhyeṣābhairavābhīruḥ bherikā |
bherīnādañcagambhīraṃśṛṇutoyadaniḥsvanam || 22 ||
kalpyantemattamātaṅgāyujyanterathavājina |
hṛṣyanteturagārūḍhāḥprāsahastassahasraśaḥ || 23 ||
tatratatracasannaddhāssapatatanipadātayaḥ |
apūryanterājamārgāssainyairadbhutadarśanaiḥ || 24 ||
vegavabhadinnadabhadiścatoyaughairivasāgaraḥ |
śastrāṇāñcaprasannānāñcarmaṇāṃvarmaṇāntathā || 25 ||
rathavājigajānāñcabhūṣitānāñcarākṣasām |
sambhramorākṣasāmeṣahṛṣitānāntarasvinām || 26 ||
prabhāṃvisṛjatāmpaśyanānāvarṇāṃsamutthitām |
vanannirdhahatogharmeyathārūpaṃvibhāvasoḥ || 27 ||
ghaṇṭānāṃśṛṇunirghoṣaṃrathānāṃśṛṇuniḥsvanam |
hayānāṃheṣamāṇānāṃśṛṇutūryadhvaniṃyathā || 28 ||
udyatāyudhahastānāṃrākṣasendrānuyāyinām |
sambhramorakṣasāmeṣatumuloromaharṣaṇaḥ || 29 ||
śrīstvāmbhajatiśokaghnīrakṣasāmbhayamāgatam |
rāmaḥkamalapatrākṣodaityānāmivavāsavaḥ || 30 ||
nirjityajitakrodhastvāmacintaparākramaḥ |
rāvaṇaṃsamarehatvābhartātvā'dhigamiṣyati || 31 ||
vikramiṣyatirakṣassubhartātesahalakṣmaṇaḥ |
yathāśatruṣuśatrughnoviṣṇunāsahavāsavaḥ || 32 ||
hirāmasyakṣipramaṅkāgatāṃsatīm |
ahandrakṣyāmisiddhārdhāntvāṃśatrauvinipātite || 33 ||
aśrūṇyānandajānitvaṃvartayiṣyasiśobhane |
samāgamyapariṣvajyatasyorasimahorasaḥ || 34 ||
acirānmokṣyatesīte devitejaghanaṅgatām |
dhṛtāmetāmbahūnmāsānveṇīṃrāmomahābalaḥ || 35 ||
tasyadṛṣṭavāmukhandevī pūrṇacandramivoditam |
mokṣyaseśokajaṃvārinirmokamivapannagī || 36 ||
rāvaṇaṃsamarehatvānacirāddhevīḥ maithilīḥ |
tvayāsamagraḥpriyayāsukhārholapsyatesukham || 37 ||
samāgatātvaṃvīryeṇamodiṣyasimahātmanā |
suvarṣeṇasamāyuktāyathāsasyenamedinī || 38 ||
girivaramabhito'nuvartamānohayaivamaṇḍalamāśuyaḥkaroti |
tamihaśaraṇamabhyupaihidevandivasakaramprabhavohyayamprajānām || 39 ||
ityārṣe śrīmadrāmāyaṇe vālmīkīya ādikāvye yuddhakāṇḍe trayastriṃśassargaḥ ||
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.