Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
మనోజవం మారుతతుల్యవేగం
manojavaṃ mārutatulyavegaṃ
జితేన్ద్రియం బుద్ధిమతాం వరిష్ఠమ్ ।
jitendriyaṃ buddhimatāṃ variṣṭham |
వాతాత్మజం వానరయూథముఖ్యం
vātātmajaṃ vānarayūthamukhyaṃ
శ్రీరామదూతం శిరసా నమామి ॥
śrīrāmadūtaṃ śirasā namāmi ||
అఞ్జనానన్దనం వీరం జానకీశోకనాశనమ్ ।
añjanānandanaṃ vīraṃ jānakīśokanāśanam |
కపీశమక్షహన్తారం వన్దే లఙ్కాభయఙ్కరమ్ ॥
kapīśamakṣahantāraṃ vande laṅkābhayaṅkaram ||
గోష్పదీకృతవారాశిం మశకీకృతరాక్షసమ్ ।
goṣpadīkṛtavārāśiṃ maśakīkṛtarākṣasam |
రామాయణమహామాలారత్నం వన్దేఽనిలాత్మజమ్ ॥
rāmāyaṇamahāmālāratnaṃ vande'nilātmajam ||
యత్ర యత్ర రఘునాథకీర్తనం తత్ర తత్ర కృతమస్తకాఞ్జలిమ్ ।
yatra yatra raghunāthakīrtanaṃ tatra tatra kṛtamastakāñjalim |
బాష్పవారిపరిపూర్ణలోచనం మారుతిం నమత రాక్షసాన్తకమ్ ॥
bāṣpavāriparipūrṇalocanaṃ mārutiṃ namata rākṣasāntakam ||
వన్దే వానర-నారసింహ-ఖగరాట్-క్రోడాశ్వవక్త్రాఞ్చితం
vande vānara-nārasiṃha-khagarāṭ-kroḍāśvavaktrāñcitaṃ
నానాలఙ్కరణం త్రిపఞ్చనయనం దేదీప్యమానం రుచామ్ ।
nānālaṅkaraṇaṃ tripañcanayanaṃ dedīpyamānaṃ rucām |
హస్తాభైరసిఖేటపుస్తకసుధాభాణ్డం కుశాద్రీన్ హలం
hastābhairasikheṭapustakasudhābhāṇḍaṃ kuśādrīn halaṃ
ఖట్వాఙ్గం ఫణివృక్షధృద్దశభుజం సర్వారిగర్వాపహమ్ ॥
khaṭvāṅgaṃ phaṇivṛkṣadhṛddaśabhujaṃ sarvārigarvāpaham ||
సర్వారిష్టనివారకం శుభకరం పిఙ్గాక్షమక్షాపహం
sarvāriṣṭanivārakaṃ śubhakaraṃ piṅgākṣamakṣāpahaṃ
సీతాన్వేషణతత్పరం కపివరం కోటీన్దుసూర్యప్రభమ్ ।
sītānveṣaṇatatparaṃ kapivaraṃ koṭīndusūryaprabham |
లఙ్కాద్వీపభయఙ్కరం సకలదం సుగ్రీవసమ్మానితం
laṅkādvīpabhayaṅkaraṃ sakaladaṃ sugrīvasammānitaṃ
దేవేన్ద్రాది సమక్తదేవవినుతం కాకుత్థదూతం భజే ॥
devendrādi samaktadevavinutaṃ kākutthadūtaṃ bhaje ||
బుద్ధిర్బలం యశో ధైర్యం నిర్భయత్వమరోగతా ।
buddhirbalaṃ yaśo dhairyaṃ nirbhayatvamarogatā |
అజాడ్యం వాక్పటుత్వం చ హనుమచ్ఛరణాద్భవేత్ ॥
ajāḍyaṃ vākpaṭutvaṃ ca hanumaccharaṇādbhavet ||
నమోఽస్తురామాయ సలక్ష్మణాయ దేవ్యై చ తస్యై జనకాత్మజాయై ।
namo'sturāmāya salakṣmaṇāya devyai ca tasyai janakātmajāyai |
నమోఽస్తు రుద్రేన్ద్రయమానిలేభ్యో నమోఽస్తు చన్ద్రార్కమరుద్గణేభ్యః ॥
namo'stu rudrendrayamānilebhyo namo'stu candrārkamarudgaṇebhyaḥ ||
జయత్యతిబలో రామో లక్ష్మణశ్చ మహాబలః ।
jayatyatibalo rāmo lakṣmaṇaśca mahābalaḥ |
రాజా జయతి సుగ్రీవో రాఘవేణాభిపాలితః ॥
rājā jayati sugrīvo rāghaveṇābhipālitaḥ ||
దాసోఽహం కోసలేన్ద్రస్య రామస్యాక్లిష్టకర్మణః ।
dāso'haṃ kosalendrasya rāmasyākliṣṭakarmaṇaḥ |
హనుమాన్ శత్రుసైన్యానాం నిహన్తా మారుతాత్మజః ॥
hanumān śatrusainyānāṃ nihantā mārutātmajaḥ ||
న రావణసహస్రం మే యుద్ధే ప్రతిబలం భవేత్ ।
na rāvaṇasahasraṃ me yuddhe pratibalaṃ bhavet |
శిలాభిస్తు ప్రహరతః పాదపైశ్చ సహస్రశః ॥
śilābhistu praharataḥ pādapaiśca sahasraśaḥ ||
అర్దయిత్వా పురీం లఙ్కాం అభివాద్య చ మైథిలీమ్ ।
ardayitvā purīṃ laṅkāṃ abhivādya ca maithilīm |
సమృద్ధార్థో గమిష్యామి మిషతాం సర్వరక్షసామ్ ॥
samṛddhārtho gamiṣyāmi miṣatāṃ sarvarakṣasām ||
ధర్మాత్మా సత్యసన్ధశ్చ రామో దాశరథిర్యది ।
dharmātmā satyasandhaśca rāmo dāśarathiryadi |
పౌరుషే చాప్రతిద్వన్ద్వః శరైనం జహి రావణిమ్ ॥
pauruṣe cāpratidvandvaḥ śarainaṃ jahi rāvaṇim ||
సకృదేవ ప్రపన్నాయ తవాస్మీతి చ యాచతే ।
sakṛdeva prapannāya tavāsmīti ca yācate |
అభయం సర్వభూతేభ్యః దదామ్యేతద్వ్రతం మమ ॥
abhayaṃ sarvabhūtebhyaḥ dadāmyetadvrataṃ mama ||
ఇతి సున్దరకాణ్డ ప్రార్థనా శ్లోకాః సమాప్తా ।
Sanskrit — Devanagari (original)
मनोजवं मारुततुल्यवेगं
जितेन्द्रियं बुद्धिमतां वरिष्ठम् ।
वातात्मजं वानरयूथमुख्यं
श्रीरामदूतं शिरसा नमामि ॥
अञ्जनानन्दनं वीरं जानकीशोकनाशनम् ।
कपीशमक्षहन्तारं वन्दे लङ्काभयङ्करम् ॥
गोष्पदीकृतवाराशिं मशकीकृतराक्षसम् ।
रामायणमहामालारत्नं वन्देऽनिलात्मजम् ॥
यत्र यत्र रघुनाथकीर्तनं तत्र तत्र कृतमस्तकाञ्जलिम् ।
बाष्पवारिपरिपूर्णलोचनं मारुतिं नमत राक्षसान्तकम् ॥
वन्दे वानर-नारसिंह-खगराट्-क्रोडाश्ववक्त्राञ्चितं
नानालङ्करणं त्रिपञ्चनयनं देदीप्यमानं रुचाम् ।
हस्ताभैरसिखेटपुस्तकसुधाभाण्डं कुशाद्रीन् हलं
खट्वाङ्गं फणिवृक्षधृद्दशभुजं सर्वारिगर्वापहम् ॥
सर्वारिष्टनिवारकं शुभकरं पिङ्गाक्षमक्षापहं
सीतान्वेषणतत्परं कपिवरं कोटीन्दुसूर्यप्रभम् ।
लङ्काद्वीपभयङ्करं सकलदं सुग्रीवसम्मानितं
देवेन्द्रादि समक्तदेवविनुतं काकुत्थदूतं भजे ॥
बुद्धिर्बलं यशो धैर्यं निर्भयत्वमरोगता ।
अजाड्यं वाक्पटुत्वं च हनुमच्छरणाद्भवेत् ॥
नमोऽस्तुरामाय सलक्ष्मणाय देव्यै च तस्यै जनकात्मजायै ।
नमोऽस्तु रुद्रेन्द्रयमानिलेभ्यो नमोऽस्तु चन्द्रार्कमरुद्गणेभ्यः ॥
जयत्यतिबलो रामो लक्ष्मणश्च महाबलः ।
राजा जयति सुग्रीवो राघवेणाभिपालितः ॥
दासोऽहं कोसलेन्द्रस्य रामस्याक्लिष्टकर्मणः ।
हनुमान् शत्रुसैन्यानां निहन्ता मारुतात्मजः ॥
न रावणसहस्रं मे युद्धे प्रतिबलं भवेत् ।
शिलाभिस्तु प्रहरतः पादपैश्च सहस्रशः ॥
अर्दयित्वा पुरीं लङ्कां अभिवाद्य च मैथिलीम् ।
समृद्धार्थो गमिष्यामि मिषतां सर्वरक्षसाम् ॥
धर्मात्मा सत्यसन्धश्च रामो दाशरथिर्यदि ।
पौरुषे चाप्रतिद्वन्द्वः शरैनं जहि रावणिम् ॥
सकृदेव प्रपन्नाय तवास्मीति च याचते ।
अभयं सर्वभूतेभ्यः ददाम्येतद्व्रतं मम ॥
इति सुन्दरकाण्ड प्रार्थना श्लोकाः समाप्ता ।
🕉️ This is the original Sanskrit rendered in Telugu script. Pronunciation is identical to the Sanskrit Devanagari version.
It is a transliteration, not a translation — see “Meaning” for translations where available.