Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
मनोजवं मारुततुल्यवेगं
manojavaṃ mārutatulyavegaṃ
जितेन्द्रियं बुद्धिमतां वरिष्ठम् ।
jitendriyaṃ buddhimatāṃ variṣṭham |
वातात्मजं वानरयूथमुख्यं
vātātmajaṃ vānarayūthamukhyaṃ
श्रीरामदूतं शिरसा नमामि ॥
śrīrāmadūtaṃ śirasā namāmi ||
अञ्जनानन्दनं वीरं जानकीशोकनाशनम् ।
añjanānandanaṃ vīraṃ jānakīśokanāśanam |
कपीशमक्षहन्तारं वन्दे लङ्काभयङ्करम् ॥
kapīśamakṣahantāraṃ vande laṅkābhayaṅkaram ||
गोष्पदीकृतवाराशिं मशकीकृतराक्षसम् ।
goṣpadīkṛtavārāśiṃ maśakīkṛtarākṣasam |
रामायणमहामालारत्नं वन्देऽनिलात्मजम् ॥
rāmāyaṇamahāmālāratnaṃ vande'nilātmajam ||
यत्र यत्र रघुनाथकीर्तनं तत्र तत्र कृतमस्तकाञ्जलिम् ।
yatra yatra raghunāthakīrtanaṃ tatra tatra kṛtamastakāñjalim |
बाष्पवारिपरिपूर्णलोचनं मारुतिं नमत राक्षसान्तकम् ॥
bāṣpavāriparipūrṇalocanaṃ mārutiṃ namata rākṣasāntakam ||
वन्दे वानर-नारसिंह-खगराट्-क्रोडाश्ववक्त्राञ्चितं
vande vānara-nārasiṃha-khagarāṭ-kroḍāśvavaktrāñcitaṃ
नानालङ्करणं त्रिपञ्चनयनं देदीप्यमानं रुचाम् ।
nānālaṅkaraṇaṃ tripañcanayanaṃ dedīpyamānaṃ rucām |
हस्ताभैरसिखेटपुस्तकसुधाभाण्डं कुशाद्रीन् हलं
hastābhairasikheṭapustakasudhābhāṇḍaṃ kuśādrīn halaṃ
खट्वाङ्गं फणिवृक्षधृद्दशभुजं सर्वारिगर्वापहम् ॥
khaṭvāṅgaṃ phaṇivṛkṣadhṛddaśabhujaṃ sarvārigarvāpaham ||
सर्वारिष्टनिवारकं शुभकरं पिङ्गाक्षमक्षापहं
sarvāriṣṭanivārakaṃ śubhakaraṃ piṅgākṣamakṣāpahaṃ
सीतान्वेषणतत्परं कपिवरं कोटीन्दुसूर्यप्रभम् ।
sītānveṣaṇatatparaṃ kapivaraṃ koṭīndusūryaprabham |
लङ्काद्वीपभयङ्करं सकलदं सुग्रीवसम्मानितं
laṅkādvīpabhayaṅkaraṃ sakaladaṃ sugrīvasammānitaṃ
देवेन्द्रादि समक्तदेवविनुतं काकुत्थदूतं भजे ॥
devendrādi samaktadevavinutaṃ kākutthadūtaṃ bhaje ||
बुद्धिर्बलं यशो धैर्यं निर्भयत्वमरोगता ।
buddhirbalaṃ yaśo dhairyaṃ nirbhayatvamarogatā |
अजाड्यं वाक्पटुत्वं च हनुमच्छरणाद्भवेत् ॥
ajāḍyaṃ vākpaṭutvaṃ ca hanumaccharaṇādbhavet ||
नमोऽस्तुरामाय सलक्ष्मणाय देव्यै च तस्यै जनकात्मजायै ।
namo'sturāmāya salakṣmaṇāya devyai ca tasyai janakātmajāyai |
नमोऽस्तु रुद्रेन्द्रयमानिलेभ्यो नमोऽस्तु चन्द्रार्कमरुद्गणेभ्यः ॥
namo'stu rudrendrayamānilebhyo namo'stu candrārkamarudgaṇebhyaḥ ||
जयत्यतिबलो रामो लक्ष्मणश्च महाबलः ।
jayatyatibalo rāmo lakṣmaṇaśca mahābalaḥ |
राजा जयति सुग्रीवो राघवेणाभिपालितः ॥
rājā jayati sugrīvo rāghaveṇābhipālitaḥ ||
दासोऽहं कोसलेन्द्रस्य रामस्याक्लिष्टकर्मणः ।
dāso'haṃ kosalendrasya rāmasyākliṣṭakarmaṇaḥ |
हनुमान् शत्रुसैन्यानां निहन्ता मारुतात्मजः ॥
hanumān śatrusainyānāṃ nihantā mārutātmajaḥ ||
न रावणसहस्रं मे युद्धे प्रतिबलं भवेत् ।
na rāvaṇasahasraṃ me yuddhe pratibalaṃ bhavet |
शिलाभिस्तु प्रहरतः पादपैश्च सहस्रशः ॥
śilābhistu praharataḥ pādapaiśca sahasraśaḥ ||
अर्दयित्वा पुरीं लङ्कां अभिवाद्य च मैथिलीम् ।
ardayitvā purīṃ laṅkāṃ abhivādya ca maithilīm |
समृद्धार्थो गमिष्यामि मिषतां सर्वरक्षसाम् ॥
samṛddhārtho gamiṣyāmi miṣatāṃ sarvarakṣasām ||
धर्मात्मा सत्यसन्धश्च रामो दाशरथिर्यदि ।
dharmātmā satyasandhaśca rāmo dāśarathiryadi |
पौरुषे चाप्रतिद्वन्द्वः शरैनं जहि रावणिम् ॥
pauruṣe cāpratidvandvaḥ śarainaṃ jahi rāvaṇim ||
सकृदेव प्रपन्नाय तवास्मीति च याचते ।
sakṛdeva prapannāya tavāsmīti ca yācate |
अभयं सर्वभूतेभ्यः ददाम्येतद्व्रतं मम ॥
abhayaṃ sarvabhūtebhyaḥ dadāmyetadvrataṃ mama ||
इति सुन्दरकाण्ड प्रार्थना श्लोकाः समाप्ता ।