Shri Hayagriva Stotram — Sinhala Script

Meaning —

ජ්ඤානානන්දමයං දේවං නිර්මලස්ඵටිකාකෘතිං
ආධාරං සර්වවිද්යානාං හයග්රීවමුපාස්මහේ ..1..

jñānānandamayaṃ devaṃ nirmalasphaṭikākṛtiṃ
ādhāraṃ sarvavidyānāṃ hayagrīvamupāsmahe ||1||

ස්වතස්සිද්ධං ශුද්ධස්ඵටිකමණිභූ භෘත්ප්රතිභටං
සුධාසධ්රීචීභිර්ද්යුතිභිරවදාතත්රිභුවනං
අනන්තෛස්ත්රය්යන්තෛරනුවිහිත හේෂාහලහලං
හතාශේෂාවද්යං හයවදනමීඩේමහිමහඃ ..2..

svatassiddhaṃ śuddhasphaṭikamaṇibhū bhṛtpratibhaṭaṃ
sudhāsadhrīcībhirdyutibhiravadātatribhuvanaṃ
anantaistrayyantairanuvihita heṣāhalahalaṃ
hatāśeṣāvadyaṃ hayavadanamīḍemahimahaḥ ||2||

Verse 3

සමාහාරස්සාම්නාං ප්රතිපදමෘචාං ධාම යජුෂාං
ලයඃ ප්රත්යූහානාං ලහරිවිතතිර්බෝධජලධේඃ
කථාදර්පක්ෂුභ්යත්කථකකුලකෝලාහලභවං
හරත්වන්තර්ධ්වාන්තං හයවදනහේෂාහලහලඃ ..3..

samāhārassāmnāṃ pratipadamṛcāṃ dhāma yajuṣāṃ
layaḥ pratyūhānāṃ laharivitatirbodhajaladheḥ
kathādarpakṣubhyatkathakakulakolāhalabhavaṃ
haratvantardhvāntaṃ hayavadanaheṣāhalahalaḥ ||3||

Verse 4

ප්රාචී සන්ධ්යා කාචිදන්තර්නිශායාඃ
ප්රජ්ඤාදෘෂ්ටේ රඤ්ජනශ්රීරපූර්වා
වක්ත්රී වේදාන් භාතු මේ වාජිවක්ත්රා
වාගීශාඛ්යා වාසුදේවස්ය මූර්තිඃ ..4..

prācī sandhyā kācidantarniśāyāḥ
prajñādṛṣṭe rañjanaśrīrapūrvā
vaktrī vedān bhātu me vājivaktrā
vāgīśākhyā vāsudevasya mūrtiḥ ||4||

Verse 5

විශුද්ධවිජ්ඤානඝනස්වරූපං
විජ්ඤානවිශ්රාණනබද්ධදීක්ෂං
දයානිධිං දේහභෘතාං ශරණ්යං
දේවං හයග්රීවමහං ප්රපද්යේ ..5..

viśuddhavijñānaghanasvarūpaṃ
vijñānaviśrāṇanabaddhadīkṣaṃ
dayānidhiṃ dehabhṛtāṃ śaraṇyaṃ
devaṃ hayagrīvamahaṃ prapadye ||5||

Verse 6

අපෞරුෂේයෛරපි වාක්ප්රපඤ්චෛඃ
අද්යාපි තේ භූතිමදෘෂ්ටපාරාං
ස්තුවන්නහං මුග්ධ ඉති ත්වයෛව
කාරුණ්යතෝ නාථ කටාක්ෂණීයඃ ..6..

apauruṣeyairapi vākprapañcaiḥ
adyāpi te bhūtimadṛṣṭapārāṃ
stuvannahaṃ mugdha iti tvayaiva
kāruṇyato nātha kaṭākṣaṇīyaḥ ||6||

Verse 7

දාක්ෂිණ්යරම්යා ගිරිශස්ය මූර්තිඃ-
දේවී සරෝජාසනධර්මපත්නී
ව්යාසාදයෝ(අ)පි ව්යපදේශ්යවාචඃ
ස්ඵුරන්ති සර්වේ තව ශක්තිලේශෛඃ ..7..

dākṣiṇyaramyā giriśasya mūrtiḥ-
devī sarojāsanadharmapatnī
vyāsādayo'pi vyapadeśyavācaḥ
sphuranti sarve tava śaktileśaiḥ ||7||

Verse 8

මන්දෝ(අ)භවිෂ්යන්නියතං විරිඤ්චඃ
වාචාං නිධේර්වාඤ්ඡිතභාගධේයඃ
දෛත්යාපනීතාන් දයයෛන භූයෝ(අ)පි
අධ්යාපයිෂ්යෝ නිගමාන්නචේත්ත්වම් ..8..

mando'bhaviṣyanniyataṃ viriñcaḥ
vācāṃ nidhervāñchitabhāgadheyaḥ
daityāpanītān dayayaina bhūyo'pi
adhyāpayiṣyo nigamānnacettvam ||8||

Verse 9

විතර්කඩෝලාං ව්යවධූය සත්ත්වේ
බෘහස්පතිං වර්තයසේ යතස්ත්වං
තේනෛව දේව ත්රිදේශේශ්වරාණා
අස්පෘෂ්ටඩෝලායිතමාධිරාජ්යම් ..9..

vitarkaḍolāṃ vyavadhūya sattve
bṛhaspatiṃ vartayase yatastvaṃ
tenaiva deva trideśeśvarāṇā
aspṛṣṭaḍolāyitamādhirājyam ||9||

Verse 10

අග්නෞ සමිද්ධාර්චිෂි සප්තතන්තෝඃ
ආතස්ථිවාන්මන්ත්රමයං ශරීරං
අඛණ්ඩසාරෛර්හවිෂාං ප්රදානෛඃ
ආප්යායනං ව්යෝමසදාං විධත්සේ ..10..

agnau samiddhārciṣi saptatantoḥ
ātasthivānmantramayaṃ śarīraṃ
akhaṇḍasārairhaviṣāṃ pradānaiḥ
āpyāyanaṃ vyomasadāṃ vidhatse ||10||

Verse 11

යන්මූල මීදෘක්ප්රතිභාතත්ත්වං
යා මූලමාම්නායමහාද්රුමාණාං
තත්ත්වේන ජානන්ති විශුද්ධසත්ත්වාඃ
ත්වාමක්ෂරාමක්ෂරමාතෘකාං ත්වාම් ..11..

yanmūla mīdṛkpratibhātattvaṃ
yā mūlamāmnāyamahādrumāṇāṃ
tattvena jānanti viśuddhasattvāḥ
tvāmakṣarāmakṣaramātṛkāṃ tvām ||11||

Verse 12

අව්යාකෘතාද්ව්යාකෘතවානසි ත්වං
නාමානි රූපාණි ච යානි පූර්වං
ශංසන්ති තේෂාං චරමාං ප්රතිෂ්ඨාං
වාගීශ්වර ත්වාං ත්වදුපජ්ඤවාචඃ ..12..

avyākṛtādvyākṛtavānasi tvaṃ
nāmāni rūpāṇi ca yāni pūrvaṃ
śaṃsanti teṣāṃ caramāṃ pratiṣṭhāṃ
vāgīśvara tvāṃ tvadupajñavācaḥ ||12||

Verse 13

මුග්ධේන්දුනිෂ්යන්දවිලෝභනීයාං
මූර්තිං තවානන්දසුධාප්රසූතිං
විපශ්චිතශ්චේතසි භාවයන්තේ
වේලාමුදාරාමිව දුග්ධ සින්ධෝඃ ..13..

mugdhenduniṣyandavilobhanīyāṃ
mūrtiṃ tavānandasudhāprasūtiṃ
vipaścitaścetasi bhāvayante
velāmudārāmiva dugdha sindhoḥ ||13||

Verse 14

මනෝගතං පශ්යති යස්සදා ත්වාං
මනීෂිණාං මානසරාජහංසං
ස්වයම්පුරෝභාවවිවාදභාජඃ
කිඞ්කුර්වතේ තස්ය ගිරෝ යථාර්හම් ..14..

manogataṃ paśyati yassadā tvāṃ
manīṣiṇāṃ mānasarājahaṃsaṃ
svayampurobhāvavivādabhājaḥ
kiṅkurvate tasya giro yathārham ||14||

Verse 15

අපි ක්ෂණාර්ධං කලයන්ති යේ ත්වාං
ආප්ලාවයන්තං විශදෛර්මයූඛෛඃ
වාචාං ප්රවාහෛරනිවාරිතෛස්තේ
මන්දාකිනීං මන්දයිතුං ක්ෂමන්තේ ..15..

api kṣaṇārdhaṃ kalayanti ye tvāṃ
āplāvayantaṃ viśadairmayūkhaiḥ
vācāṃ pravāhairanivāritaiste
mandākinīṃ mandayituṃ kṣamante ||15||

Verse 16

ස්වාමින්භවද්ද්යානසුධාභිෂේකාත්
වහන්ති ධන්යාඃ පුලකානුබන්දං
අලක්ෂිතේ ක්වාපි නිරූඪ මූලං
අඞ්ග්වේෂ්වි වානන්දථුමඞ්කුරන්තම් ..16..

svāminbhavaddyānasudhābhiṣekāt
vahanti dhanyāḥ pulakānubandaṃ
alakṣite kvāpi nirūḍha mūlaṃ
aṅgveṣvi vānandathumaṅkurantam ||16||

Verse 17

ස්වාමින්ප්රතීචා හෘදයේන ධන්යාඃ
ත්වද්ධ්යානචන්ද්රෝදයවර්ධමානං
අමාන්තමානන්දපයෝධිමන්තඃ
පයෝභි රක්ෂ්ණාං පරිවාහයන්ති ..17..

svāminpratīcā hṛdayena dhanyāḥ
tvaddhyānacandrodayavardhamānaṃ
amāntamānandapayodhimantaḥ
payobhi rakṣṇāṃ parivāhayanti ||17||

Verse 18

ස්වෛරානුභාවාස් ත්වදධීනභාවාඃ
සමෘද්ධවීර්යාස්ත්වදනුග්රහේණ
විපශ්චිතෝනාථ තරන්ති මායාං
වෛහාරිකීං මෝහනපිඤ්ඡිකාං තේ ..18..

svairānubhāvās tvadadhīnabhāvāḥ
samṛddhavīryāstvadanugraheṇa
vipaścitonātha taranti māyāṃ
vaihārikīṃ mohanapiñchikāṃ te ||18||

Verse 19

ප්රාඞ්නිර්මිතානාං තපසාං විපාකාඃ
ප්රත්යග්රනිශ්ශ්රේයසසම්පදෝ මේ
සමේධිෂීරං ස්තව පාදපද්මේ
සඞ්කල්පචින්තාමණයඃ ප්රණාමාඃ ..19..

prāṅnirmitānāṃ tapasāṃ vipākāḥ
pratyagraniśśreyasasampado me
samedhiṣīraṃ stava pādapadme
saṅkalpacintāmaṇayaḥ praṇāmāḥ ||19||

Verse 20

විලුප්තමූර්ධන්යලිපික්රමාණා
සුරේන්ද්රචූඩාපදලාලිතානාං
ත්වදඞ්ඝ්රි රාජීවරජඃකණානාං
භූයාන්ප්රසාදෝ මයි නාථ භූයාත් ..20..

viluptamūrdhanyalipikramāṇā
surendracūḍāpadalālitānāṃ
tvadaṅghri rājīvarajaḥkaṇānāṃ
bhūyānprasādo mayi nātha bhūyāt ||20||

Verse 21

පරිස්ඵුරන්නූපුරචිත්රභානු –
ප්රකාශනිර්ධූතතමෝනුෂඞ්ගා
පදද්වයීං තේ පරිචින්මහේ(අ)න්තඃ
ප්රබෝධරාජීවවිභාතසන්ධ්යාම් ..21..

parisphurannūpuracitrabhānu –
prakāśanirdhūtatamonuṣaṅgā
padadvayīṃ te paricinmahe'ntaḥ
prabodharājīvavibhātasandhyām ||21||

Verse 22

ත්වත්කිඞ්කරාලඞ්කරණෝචිතානාං
ත්වයෛව කල්පාන්තරපාලිතානාං
මඤ්ජුප්රණාදං මණිනූපුරං තේ
මඤ්ජූෂිකාං වේදගිරාං ප්රතීමඃ ..22..

tvatkiṅkarālaṅkaraṇocitānāṃ
tvayaiva kalpāntarapālitānāṃ
mañjupraṇādaṃ maṇinūpuraṃ te
mañjūṣikāṃ vedagirāṃ pratīmaḥ ||22||

Verse 23

සඤ්චින්තයාමි ප්රතිභාදශාස්ථාන්
සන්ධුක්ෂයන්තං සමයප්රදීපාන්
විජ්ඤානකල්පද්රුමපල්ලවාභං
ව්යාඛ්යානමුද්රාමධුරං කරං තේ ..23..

sañcintayāmi pratibhādaśāsthān
sandhukṣayantaṃ samayapradīpān
vijñānakalpadrumapallavābhaṃ
vyākhyānamudrāmadhuraṃ karaṃ te ||23||

Verse 24

චිත්තේ කරෝමි ස්ඵුරිතාක්ෂමාලං
සව්යේතරං නාථ කරං ත්වදීයං
ජ්ඤානාමෘතෝදඤ්චනලම්පටානාං
ලීලාඝටීයන්ත්රමිවා(අ)(අ)ශ්රිතානාම් ..24..

citte karomi sphuritākṣamālaṃ
savyetaraṃ nātha karaṃ tvadīyaṃ
jñānāmṛtodañcanalampaṭānāṃ
līlāghaṭīyantramivā''śritānām ||24||

Verse 25

ප්රබෝධසින්ධෝරරුණෛඃ ප්රකාශෛඃ
ප්රවාලසඞ්ඝාතමිවෝද්වහන්තං
විභාවයේ දේව ස පුස්තකං තේ
වාමං කරං දක්ෂිණමාශ්රිතානාම් ..25..

prabodhasindhoraruṇaiḥ prakāśaiḥ
pravālasaṅghātamivodvahantaṃ
vibhāvaye deva sa pustakaṃ te
vāmaṃ karaṃ dakṣiṇamāśritānām ||25||

Verse 26

තමාං සිභිත්ත්වාවිශදෛර්මයූඛෛඃ
සම්ප්රීණයන්තං විදුෂශ්චකෝරාන්
නිශාමයේ ත්වාං නවපුණ්ඩරීකේ
ශරද්ඝනේචන්ද්රමිව ස්ඵුරන්තම් ..26..

tamāṃ sibhittvāviśadairmayūkhaiḥ
samprīṇayantaṃ viduṣaścakorān
niśāmaye tvāṃ navapuṇḍarīke
śaradghanecandramiva sphurantam ||26||

Verse 27

දිශන්තු මේ දේව සදා ත්වදීයාඃ
දයාතරඞ්ගානුචරාඃ කටාක්ෂාඃ
ශ්රෝත්රේෂු පුංසාමමෘතඞ්ක්ෂරන්තීං
සරස්වතීං සංශ්රිතකාමධේනුම් ..27..

diśantu me deva sadā tvadīyāḥ
dayātaraṅgānucarāḥ kaṭākṣāḥ
śrotreṣu puṃsāmamṛtaṅkṣarantīṃ
sarasvatīṃ saṃśritakāmadhenum ||27||

Verse 28

විශේෂවිත්පාරිෂදේෂු නාථ
විදග්ධගෝෂ්ඨී සමරාඞ්ගණේෂු
ජිගීෂතෝ මේ කවිතාර්කිකේන්ද්රාන්
ජිහ්වාග්රසිංහාසනමභ්යුපේයාඃ ..28..

viśeṣavitpāriṣadeṣu nātha
vidagdhagoṣṭhī samarāṅgaṇeṣu
jigīṣato me kavitārkikendrān
jihvāgrasiṃhāsanamabhyupeyāḥ ||28||

Verse 29

ත්වාං චින්තයන් ත්වන්මයතාං ප්රපන්නඃ
ත්වාමුද්ගෘණන් ශබ්දමයේන ධාම්නා
ස්වාමින්සමාජේෂු සමේධිෂීය
ස්වච්ඡන්දවාදාහවබද්ධශූරඃ ..29..

tvāṃ cintayan tvanmayatāṃ prapannaḥ
tvāmudgṛṇan śabdamayena dhāmnā
svāminsamājeṣu samedhiṣīya
svacchandavādāhavabaddhaśūraḥ ||29||

Verse 30

නානාවිධානාමගතිඃ කලානාං
න චාපි තීර්ථේෂු කෘතාවතාරඃ
ධ්රුවං තවා(අ)නාධ පරිග්රහායාඃ
නව නවං පාත්රමහං දයායාඃ ..30..

nānāvidhānāmagatiḥ kalānāṃ
na cāpi tīrtheṣu kṛtāvatāraḥ
dhruvaṃ tavā'nādha parigrahāyāḥ
nava navaṃ pātramahaṃ dayāyāḥ ||30||

Verse 31

අකම්පනීයාන්යපනීතිභේදෛඃ
අලඞ්කෘෂීරන් හෘදයං මදීයම්
ශඞ්කා කලඞ්කා පගමෝජ්ජ්වලානි
තත්ත්වානි සම්යඤ්චි තව ප්රසාදාත් ..31..

akampanīyānyapanītibhedaiḥ
alaṅkṛṣīran hṛdayaṃ madīyam
śaṅkā kalaṅkā pagamojjvalāni
tattvāni samyañci tava prasādāt ||31||

Verse 32

ව්යාඛ්යාමුද්රාං කරසරසිජෛඃ පුස්තකං ශඞ්ඛචක්රේ
භිභ්රද්භින්න ස්ඵටිකරුචිරේ පුණ්ඩරීකේ නිෂණ්ණඃ .
අම්ලානශ්රීරමෘතවිශදෛරංශුභිඃ ප්ලාවයන්මාං
ආවිර්භූයාදනඝමහිමාමානසේ වාගධීශඃ ..32..

vyākhyāmudrāṃ karasarasijaiḥ pustakaṃ śaṅkhacakre
bhibhradbhinna sphaṭikarucire puṇḍarīke niṣaṇṇaḥ |
amlānaśrīramṛtaviśadairaṃśubhiḥ plāvayanmāṃ
āvirbhūyādanaghamahimāmānase vāgadhīśaḥ ||32||

Verse 33

වාගර්ථසිද්ධිහේතෝඃපඨත හයග්රීවසංස්තුතිං භක්ත්යා
කවිතාර්කිකකේසරිණා වේඞ්කටනාථේන විරචිතාමේතාම් ..33..

vāgarthasiddhihetoḥpaṭhata hayagrīvasaṃstutiṃ bhaktyā
kavitārkikakesariṇā veṅkaṭanāthena viracitāmetām ||33||

Sanskrit — Devanagari (original)

ज्ञानानन्दमयं देवं निर्मलस्फटिकाकृतिं

आधारं सर्वविद्यानां हयग्रीवमुपास्महे ॥1॥

स्वतस्सिद्धं शुद्धस्फटिकमणिभू भृत्प्रतिभटं

सुधासध्रीचीभिर्द्युतिभिरवदातत्रिभुवनं

अनन्तैस्त्रय्यन्तैरनुविहित हेषाहलहलं

हताशेषावद्यं हयवदनमीडेमहिमहः ॥2॥

समाहारस्साम्नां प्रतिपदमृचां धाम यजुषां

लयः प्रत्यूहानां लहरिविततिर्बोधजलधेः

कथादर्पक्षुभ्यत्कथककुलकोलाहलभवं

हरत्वन्तर्ध्वान्तं हयवदनहेषाहलहलः ॥3॥

प्राची सन्ध्या काचिदन्तर्निशायाः

प्रज्ञादृष्टे रञ्जनश्रीरपूर्वा

वक्त्री वेदान् भातु मे वाजिवक्त्रा

वागीशाख्या वासुदेवस्य मूर्तिः ॥4॥

विशुद्धविज्ञानघनस्वरूपं

विज्ञानविश्राणनबद्धदीक्षं

दयानिधिं देहभृतां शरण्यं

देवं हयग्रीवमहं प्रपद्ये ॥5॥

अपौरुषेयैरपि वाक्प्रपञ्चैः

अद्यापि ते भूतिमदृष्टपारां

स्तुवन्नहं मुग्ध इति त्वयैव

कारुण्यतो नाथ कटाक्षणीयः ॥6॥

दाक्षिण्यरम्या गिरिशस्य मूर्तिः-

देवी सरोजासनधर्मपत्नी

व्यासादयोऽपि व्यपदेश्यवाचः

स्फुरन्ति सर्वे तव शक्तिलेशैः ॥7॥

मन्दोऽभविष्यन्नियतं विरिञ्चः

वाचां निधेर्वाञ्छितभागधेयः

दैत्यापनीतान् दययैन भूयोऽपि

अध्यापयिष्यो निगमान्नचेत्त्वम् ॥8॥

वितर्कडोलां व्यवधूय सत्त्वे

बृहस्पतिं वर्तयसे यतस्त्वं

तेनैव देव त्रिदेशेश्वराणा

अस्पृष्टडोलायितमाधिराज्यम् ॥9॥

अग्नौ समिद्धार्चिषि सप्ततन्तोः

आतस्थिवान्मन्त्रमयं शरीरं

अखण्डसारैर्हविषां प्रदानैः

आप्यायनं व्योमसदां विधत्से ॥10॥

यन्मूल मीदृक्प्रतिभातत्त्वं

या मूलमाम्नायमहाद्रुमाणां

तत्त्वेन जानन्ति विशुद्धसत्त्वाः

त्वामक्षरामक्षरमातृकां त्वाम् ॥11॥

अव्याकृताद्व्याकृतवानसि त्वं

नामानि रूपाणि च यानि पूर्वं

शंसन्ति तेषां चरमां प्रतिष्ठां

वागीश्वर त्वां त्वदुपज्ञवाचः ॥12॥

मुग्धेन्दुनिष्यन्दविलोभनीयां

मूर्तिं तवानन्दसुधाप्रसूतिं

विपश्चितश्चेतसि भावयन्ते

वेलामुदारामिव दुग्ध सिन्धोः ॥13॥

मनोगतं पश्यति यस्सदा त्वां

मनीषिणां मानसराजहंसं

स्वयम्पुरोभावविवादभाजः

किङ्कुर्वते तस्य गिरो यथार्हम् ॥14॥

अपि क्षणार्धं कलयन्ति ये त्वां

आप्लावयन्तं विशदैर्मयूखैः

वाचां प्रवाहैरनिवारितैस्ते

मन्दाकिनीं मन्दयितुं क्षमन्ते ॥15॥

स्वामिन्भवद्द्यानसुधाभिषेकात्

वहन्ति धन्याः पुलकानुबन्दं

अलक्षिते क्वापि निरूढ मूलं

अङ्ग्वेष्वि वानन्दथुमङ्कुरन्तम् ॥16॥

स्वामिन्प्रतीचा हृदयेन धन्याः

त्वद्ध्यानचन्द्रोदयवर्धमानं

अमान्तमानन्दपयोधिमन्तः

पयोभि रक्ष्णां परिवाहयन्ति ॥17॥

स्वैरानुभावास् त्वदधीनभावाः

समृद्धवीर्यास्त्वदनुग्रहेण

विपश्चितोनाथ तरन्ति मायां

वैहारिकीं मोहनपिञ्छिकां ते ॥18॥

प्राङ्निर्मितानां तपसां विपाकाः

प्रत्यग्रनिश्श्रेयससम्पदो मे

समेधिषीरं स्तव पादपद्मे

सङ्कल्पचिन्तामणयः प्रणामाः ॥19॥

विलुप्तमूर्धन्यलिपिक्रमाणा

सुरेन्द्रचूडापदलालितानां

त्वदङ्घ्रि राजीवरजःकणानां

भूयान्प्रसादो मयि नाथ भूयात् ॥20॥

परिस्फुरन्नूपुरचित्रभानु –

प्रकाशनिर्धूततमोनुषङ्गा

पदद्वयीं ते परिचिन्महेऽन्तः

प्रबोधराजीवविभातसन्ध्याम् ॥21॥

त्वत्किङ्करालङ्करणोचितानां

त्वयैव कल्पान्तरपालितानां

मञ्जुप्रणादं मणिनूपुरं ते

मञ्जूषिकां वेदगिरां प्रतीमः ॥22॥

सञ्चिन्तयामि प्रतिभादशास्थान्

सन्धुक्षयन्तं समयप्रदीपान्

विज्ञानकल्पद्रुमपल्लवाभं

व्याख्यानमुद्रामधुरं करं ते ॥23॥

चित्ते करोमि स्फुरिताक्षमालं

सव्येतरं नाथ करं त्वदीयं

ज्ञानामृतोदञ्चनलम्पटानां

लीलाघटीयन्त्रमिवाऽऽश्रितानाम् ॥24॥

प्रबोधसिन्धोररुणैः प्रकाशैः

प्रवालसङ्घातमिवोद्वहन्तं

विभावये देव स पुस्तकं ते

वामं करं दक्षिणमाश्रितानाम् ॥25॥

तमां सिभित्त्वाविशदैर्मयूखैः

सम्प्रीणयन्तं विदुषश्चकोरान्

निशामये त्वां नवपुण्डरीके

शरद्घनेचन्द्रमिव स्फुरन्तम् ॥26॥

दिशन्तु मे देव सदा त्वदीयाः

दयातरङ्गानुचराः कटाक्षाः

श्रोत्रेषु पुंसाममृतङ्क्षरन्तीं

सरस्वतीं संश्रितकामधेनुम् ॥27॥

विशेषवित्पारिषदेषु नाथ

विदग्धगोष्ठी समराङ्गणेषु

जिगीषतो मे कवितार्किकेन्द्रान्

जिह्वाग्रसिंहासनमभ्युपेयाः ॥28॥

त्वां चिन्तयन् त्वन्मयतां प्रपन्नः

त्वामुद्गृणन् शब्दमयेन धाम्ना

स्वामिन्समाजेषु समेधिषीय

स्वच्छन्दवादाहवबद्धशूरः ॥29॥

नानाविधानामगतिः कलानां

न चापि तीर्थेषु कृतावतारः

ध्रुवं तवाऽनाध परिग्रहायाः

नव नवं पात्रमहं दयायाः ॥30॥

अकम्पनीयान्यपनीतिभेदैः

अलङ्कृषीरन् हृदयं मदीयम्

शङ्का कलङ्का पगमोज्ज्वलानि

तत्त्वानि सम्यञ्चि तव प्रसादात् ॥31॥

व्याख्यामुद्रां करसरसिजैः पुस्तकं शङ्खचक्रे

भिभ्रद्भिन्न स्फटिकरुचिरे पुण्डरीके निषण्णः ।

अम्लानश्रीरमृतविशदैरंशुभिः प्लावयन्मां

आविर्भूयादनघमहिमामानसे वागधीशः ॥32॥

वागर्थसिद्धिहेतोःपठत हयग्रीवसंस्तुतिं भक्त्या

कवितार्किककेसरिणा वेङ्कटनाथेन विरचितामेताम् ॥33॥

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ශ්රී හයග්රීව ස්තෝත්රම්