𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌣𑍍𑌡𑌮𑍍 ।
𑌅𑌥 𑌚𑌤𑍁𑌃𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।
𑌸 𑌦𑍀𑌨𑍋 𑌦𑍀𑌨𑌯𑌾 𑌵𑌾𑌚𑌾 𑌲𑌕𑍍𑌷𑍍𑌮𑌣𑌂 𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌶𑍀𑌘𑍍𑌰𑌂 𑌲𑌕𑍍𑌷𑍍𑌮𑌣 𑌜𑌾𑌨𑍀𑌹𑌿 𑌗𑌤𑍍𑌵𑌾 𑌗𑍋𑌦𑌾𑌵𑌰𑍀𑌂 𑌨𑌦𑍀𑌮𑍍 ॥ 1 ॥
𑌅𑌪𑌿 𑌗𑍋𑌦𑌾𑌵𑌰𑍀𑌂 𑌸𑍀𑌤𑌾 𑌪𑌦𑍍𑌮𑌾𑌨𑍍𑌯𑌾𑌨𑌯𑌿𑌤𑍁𑌂 𑌗𑌤𑌾 ।
𑌏𑌵𑌮𑍁𑌕𑍍𑌤𑌸𑍍𑌤𑍁 𑌰𑌾𑌮𑍇𑌣 𑌲𑌕𑍍𑌷𑍍𑌮𑌣𑌃 𑌪𑌰𑌵𑍀𑌰𑌹𑌾 ॥ 2 ॥
𑌨𑌦𑍀𑌂 𑌗𑍋𑌦𑌾𑌵𑌰𑍀𑌂 𑌰𑌮𑍍𑌯𑌾𑌂 𑌜𑌗𑌾𑌮 𑌲𑌘𑍁𑌵𑌿𑌕𑍍𑌰𑌮𑌃 ।
𑌤𑌾𑌂 𑌲𑌕𑍍𑌷𑍍𑌮𑌣𑌸𑍍𑌤𑍀𑌰𑍍𑌥𑌵𑌤𑍀 𑌵𑌿𑌚𑌿𑌤𑍍𑌵𑌾 𑌰𑌾𑌮𑌮𑌬𑍍𑌰𑌵𑍀𑌤𑍍 ॥ 3 ॥
𑌨𑍈𑌨𑌾𑌂 𑌪𑌶𑍍𑌯𑌾𑌮𑌿 𑌤𑍀𑌰𑍍𑌥𑍇𑌷𑍁 𑌕𑍍𑌰𑍋𑌶𑌤𑍋 𑌨 𑌶𑍃𑌣𑍋𑌤𑌿 𑌮𑍇 ।
𑌕𑌂 𑌨𑍁 𑌵𑌾 𑌦𑍇𑌶𑌮𑌾𑌪𑌨𑍍𑌨𑌾 𑌵𑍈𑌦𑍇𑌹𑍀 𑌕𑍍𑌲𑍇𑌶𑌨𑌾𑌶𑌿𑌨𑍀 ॥ 4 ॥
𑌨 𑌹𑍍𑌯𑌹𑌂 𑌵𑍇𑌦 𑌤𑌂 𑌦𑍇𑌶𑌂 𑌯𑌤𑍍𑌰 𑌸𑌾 𑌜𑌨𑌕𑌾𑌤𑍍𑌮𑌜𑌾 ।
𑌲𑌕𑍍𑌷𑍍𑌮𑌣𑌸𑍍𑌯 𑌵𑌚𑌶𑍍𑌶𑍍𑌰𑍁𑌤𑍍𑌵𑌾 𑌦𑍀𑌨𑌸𑍍𑌸𑌨𑍍𑌤𑌾𑌪𑌮𑍋𑌹𑌿𑌤𑌃 ॥ 5 ॥
𑌰𑌾𑌮𑌸𑍍𑌸𑌮𑌭𑌿𑌚𑌕𑍍𑌰𑌾𑌮 𑌸𑍍𑌵𑌯𑌂 𑌗𑍋𑌦𑌾𑌵𑌰𑍀𑌂 𑌨𑌦𑍀𑌮𑍍 ।
𑌸 𑌤𑌾𑌮𑍁𑌪𑌸𑍍𑌥𑌿𑌤𑍋 𑌰𑌾𑌮𑌃 𑌕𑍍𑌵 𑌸𑍀𑌤𑍇𑌤𑍍𑌯𑍇𑌵𑌮𑌬𑍍𑌰𑌵𑍀𑌤𑍍 ॥ 6 ॥
𑌭𑍂𑌤𑌾𑌨𑌿 𑌰𑌾𑌕𑍍𑌷𑌸𑍇𑌨𑍍𑌦𑍍𑌰𑍇𑌣 𑌵𑌧𑌾𑌰𑍍𑌹𑍇𑌣 𑌹𑍃𑌤𑌾𑌮𑌿𑌤𑌿 ।
𑌨 𑌤𑌾𑌂 𑌶𑌶𑌂𑌸𑍂 𑌰𑌾𑌮𑌾𑌯 𑌤𑌥𑌾 𑌗𑍋𑌦𑌾𑌵𑌰𑍀 𑌨𑌦𑌿 ॥ 7 ॥
𑌤𑌤𑌃 𑌪𑍍𑌰𑌚𑍋𑌦𑌿𑌤𑌾 𑌭𑍂𑌤𑍈𑌶𑍍𑌶𑌂𑌸𑌾𑌸𑍍𑌮𑍈𑌤𑌾𑌂 𑌪𑍍𑌰𑌿𑌯𑌾𑌮𑌿𑌤𑌿 ।
𑌨 𑌤𑍁 𑌸𑌾𑌭𑍍𑌯𑌵𑌦𑌤𑌸𑌿𑌤𑌾𑌂 𑌪𑍃𑌷𑍍𑌟𑌾 𑌰𑌾𑌮𑍇𑌣 𑌶𑍋𑌚𑌤𑌾 ॥ 8 ॥
𑌰𑌾𑌵𑌣𑌸𑍍𑌯 𑌤𑍁 𑌤𑌦𑍍𑌰𑍂𑌪𑌂 𑌕𑌰𑍍𑌮𑌾𑌣𑌿 𑌚 𑌦𑍁𑌰𑌾𑌤𑍍𑌮𑌨𑌃 ।
𑌧𑍍𑌯𑌾𑌤𑍍𑌵𑌾 𑌭𑌯𑌾𑌤𑍍𑌤𑍁 𑌵𑍈𑌦𑍇𑌹𑍀𑌂 𑌸𑌾 𑌨𑌦𑍀 𑌨 𑌶𑌶𑌂𑌸 𑌤𑌾𑌮𑍍 ॥ 9 ॥
𑌨𑌿𑌰𑌾𑌶𑌸𑍍𑌤𑍁 𑌤𑌯𑌾 𑌨𑌦𑍍𑌯𑌾 𑌸𑍀𑌤𑌾𑌯𑌾 𑌦𑌰𑍍𑌶𑌨𑍇 𑌕𑍃𑌤𑌃 ।
𑌉𑌵𑌾𑌚 𑌰𑌾𑌮𑌸𑍍𑌸𑍗𑌮𑌿𑌤𑍍𑌰𑌿𑌂 𑌸𑍀𑌤𑌾𑌦𑌰𑍍𑌶𑌨𑌕𑌰𑍍𑌶𑌿𑌤𑌃 ॥ 10 ॥
𑌏𑌷𑌾 𑌗𑍋𑌦𑌾𑌵𑌰𑍀 𑌸𑍗𑌮𑍍𑌯 𑌕𑌿𑌞𑍍𑌚𑌿𑌨𑍍𑌨 𑌪𑍍𑌰𑌤𑌿 𑌭𑌾𑌷𑌤𑍇 ।
𑌕𑌿𑌂 𑌨𑍁 𑌲𑌕𑍍𑌷𑍍𑌮𑌣 𑌵𑌕𑍍𑌷𑍍𑌯𑌾𑌮𑌿 𑌸𑌮𑍇𑌤𑍍𑌯 𑌜𑌨𑌕𑌂 𑌵𑌚𑌃 ॥ 11 ॥
𑌮𑌾𑌤𑌰𑌂 𑌚𑍈𑌵 𑌵𑍈𑌦𑍇𑌹𑍍𑌯𑌾 𑌵𑌿𑌨𑌾 𑌤𑌾𑌮𑌹𑌮𑌪𑍍𑌰𑌿𑌯𑌮𑍍 ।
𑌯𑌾 𑌮𑍇 𑌰𑌾𑌜𑍍𑌯𑌵𑌿𑌹𑍀𑌨𑌸𑍍𑌯 𑌵𑌨𑍇 𑌵𑌨𑍍𑌯𑍇𑌨 𑌜𑍀𑌵𑌤𑌃 ॥ 12 ॥
𑌸𑌰𑍍𑌵𑌂 𑌵𑍍𑌯𑌪𑌨𑌯𑍇𑌚𑍍𑌛𑍋𑌕𑌂 𑌵𑍈𑌦𑍇𑌹𑍀 𑌕𑍍𑌵 𑌨𑍁 𑌸𑌾 𑌗𑌤𑌾 ।
𑌜𑍍𑌞𑌾𑌤𑌿𑌪𑌕𑍍𑌷𑌵𑌿𑌹𑍀𑌨𑌸𑍍𑌯 𑌰𑌾𑌜𑌪𑍁𑌤𑍍𑌰𑍀𑌮𑌪𑌶𑍍𑌯𑌤𑌃 ॥ 13 ॥
𑌮𑌨𑍍𑌯𑍇 𑌦𑍀𑌰𑍍𑌘𑌾 𑌭𑌵𑌿𑌷𑍍𑌯𑌨𑍍𑌤𑌿 𑌰𑌾𑌤𑍍𑌰𑌯𑍋 𑌮𑌮 𑌜𑌾𑌗𑍍𑌰𑌤𑌃 ।
𑌗𑍋𑌦𑌾𑌵𑌰𑍀𑌂 𑌜𑌨𑌸𑍍𑌥𑌾𑌨𑌮𑌿𑌮𑌂 𑌪𑍍𑌰𑌸𑍍𑌰𑌵𑌣𑌂 𑌗𑌿𑌰𑌿𑌮𑍍 ॥ 14 ॥
𑌸𑌰𑍍𑌵𑌾𑌣𑍍𑌯𑌨𑍁𑌗𑌮𑌿𑌷𑍍𑌯𑌾𑌮𑌿 𑌯𑌦𑌿 𑌸𑍀𑌤𑌾 𑌹𑌿 𑌦𑍃𑌶𑍍𑌯𑌤𑍇 ।
𑌏𑌤𑍇 𑌮𑍃𑌗𑌾 𑌮𑌹𑌾𑌵𑍀𑌰𑍍𑌯 𑌮𑌾𑌮𑍀𑌕𑍍𑌷𑌨𑍍𑌤𑍇 𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 15 ॥
𑌵𑌕𑍍𑌤𑍁𑌕𑌾𑌮𑌾 𑌇𑌵 𑌹𑌿 𑌮𑍇 𑌇𑌙𑍍𑌗𑌿𑌤𑌾𑌨𑍍𑌯𑍁𑌪𑌲𑌕𑍍𑌷𑌯𑍇 ।
𑌤𑌾𑌂𑌸𑍍𑌤𑍁 𑌦𑍃𑌷𑍍𑌟𑍍𑌵𑌾 𑌨𑌰𑌵𑍍𑌯𑌾𑌘𑍍𑌰𑍋 𑌰𑌾𑌘𑌵𑌃 𑌪𑍍𑌰𑌤𑍍𑌯𑍁𑌵𑌾𑌚 𑌹 ॥ 16 ॥
𑌕𑍍𑌵 𑌸𑍀𑌤𑍇𑌤𑌿 𑌨𑌿𑌰𑍀𑌕𑍍𑌷𑌨𑍍𑌵𑍈 𑌬𑌾𑌷𑍍𑌪𑌸𑌂𑌰𑍁𑌦𑍍𑌧𑌯𑌾 𑌦𑍃𑌶𑌾 ।
𑌏𑌵𑌮𑍁𑌕𑍍𑌤𑌾 𑌨𑌰𑍇𑌨𑍍𑌦𑍍𑌰𑍇𑌣 𑌤𑍇 𑌮𑍃𑌗𑌾𑌸𑍍𑌸𑌹𑌸𑍋𑌤𑍍𑌥𑌿𑌤𑌾𑌃 ॥ 17 ॥
𑌦𑌕𑍍𑌷𑌿𑌣𑌾𑌭𑌿𑌮𑍁𑌖𑌾𑌸𑍍𑌸𑌰𑍍𑌵𑍇 𑌦𑌰𑍍𑌶𑌯𑌨𑍍𑌤𑍋 𑌨𑌭𑌸𑍍𑌥𑌲𑌮𑍍 ।
𑌮𑍈𑌥𑌿𑌲𑍀 𑌹𑍍𑌰𑌿𑌯𑌮𑌾𑌣𑌾 𑌸𑌾 𑌦𑌿𑌶𑌂 𑌯𑌾𑌮𑌨𑍍𑌵𑌪𑌦𑍍𑌯𑌤 ॥ 18 ॥
𑌤𑍇𑌨 𑌮𑌾𑌰𑍍𑌗𑍇𑌣 𑌧𑌾𑌵𑌨𑍍𑌤𑍋 𑌨𑌿𑌰𑍀𑌕𑍍𑌷𑌨𑍍𑌤𑍇 𑌨𑌰𑌾𑌧𑌿𑌪𑌮𑍍 ।
𑌯𑍇𑌨 𑌮𑌾𑌰𑍍𑌗𑌂 𑌚 𑌭𑍂𑌮𑌿𑌂 𑌚 𑌨𑌿𑌰𑍀𑌕𑍍𑌷𑌨𑍍𑌤𑍇 𑌸𑍍𑌮 𑌤𑍇 𑌮𑍃𑌗𑌾𑌃 ॥ 19 ॥
𑌪𑍁𑌨𑌶𑍍𑌚 𑌮𑌾𑌰𑍍𑌗𑌮𑌿𑌚𑍍𑌛𑌨𑍍𑌤𑌿 𑌲𑌕𑍍𑌷𑍍𑌮𑌣𑍇𑌨𑍋𑌪𑌲𑌕𑍍𑌷𑌿𑌤𑌾𑌃 ।
𑌤𑍇𑌷𑌾𑌂 𑌵𑌚𑌨𑌸𑌰𑍍𑌵𑌸𑍍𑌵𑌂 𑌲𑌕𑍍𑌷𑌯𑌾𑌮𑌾𑌸 𑌚𑍇𑌙𑍍𑌗𑌿𑌤𑌮𑍍 ॥ 20 ॥
𑌉𑌵𑌾𑌚 𑌲𑌕𑍍𑌷𑍍𑌮𑌣𑍋 𑌜𑍍𑌯𑍇𑌷𑍍𑌠𑌂 𑌧𑍀𑌮𑌾𑌨𑍍𑌭𑍍𑌰𑌾𑌤𑌰𑌮𑌾𑌰𑍍𑌤𑌵𑌤𑍍 ।
𑌕𑍍𑌵 𑌸𑌿𑌤𑍇𑌤𑌿 𑌤𑍍𑌵𑌯𑌾 𑌪𑍃𑌷𑍍𑌟𑌾 𑌯𑌥𑍇𑌮𑍇 𑌸𑌹𑌸𑍋𑌤𑍍𑌥𑌿𑌤𑌾𑌃 ॥ 21 ॥
𑌦𑌰𑍍𑌶𑌯𑌨𑍍𑌤𑌿 𑌕𑍍𑌷𑌿𑌤𑌿𑌂 𑌚𑍈𑌵 𑌦𑌕𑍍𑌷𑌿𑌣𑌾𑌂 𑌚 𑌦𑌿𑌶𑌂 𑌮𑍃𑌗𑌾𑌃 ।
𑌸𑌾𑌧𑍁 𑌗𑌚𑍍𑌛𑌾𑌵𑌹𑍇 𑌦𑍇𑌵 𑌦𑌿𑌶𑌮𑍇𑌤𑌾𑌂 𑌹𑌿 𑌨𑍈𑌋𑌤𑌿𑌮𑍍 ॥ 22 ॥
𑌯𑌦𑌿 𑌸𑍍𑌯𑌾𑌦𑌾𑌗𑌮𑌃 𑌕𑌶𑍍𑌚𑌿𑌦𑌾𑌰𑍍𑌯𑌾 𑌵𑌾 𑌸𑌾𑌽𑌥 𑌲𑌕𑍍𑌷𑍍𑌯𑌤𑍇 ।
𑌬𑌾𑌢𑌮𑌿𑌤𑍍𑌯𑍇𑌵 𑌕𑌾𑌕𑍁𑌤𑍍𑌸𑍍𑌥𑌃 𑌪𑍍𑌰𑌸𑍍𑌥𑌿𑌤𑍋 𑌦𑌕𑍍𑌷𑌿𑌣𑌾𑌂 𑌦𑌿𑌶𑌮𑍍 ॥ 23 ॥
𑌲𑌕𑍍𑌷𑍍𑌮𑌣𑌾𑌨𑍁𑌗𑌤𑌶𑍍𑌶𑍀𑌮𑌨𑍍𑌵𑍀𑌕𑍍𑌷𑌮𑌾𑌣𑍋 𑌵𑌸𑍁𑌨𑍍𑌧𑌰𑌾𑌮𑍍 ।
𑌏𑌵𑌂 𑌸𑌮𑍍𑌭𑌾𑌷𑌮𑌾𑌣𑍗 𑌤𑌾𑌵𑌨𑍍𑌯𑍋𑌨𑍍𑌯𑌂 𑌭𑍍𑌰𑌾𑌤𑌰𑌾𑌵𑍁𑌭𑍗 ॥ 24 ॥
𑌵𑌸𑍁𑌨𑍍𑌧𑌰𑌾𑌯𑌾𑌂 𑌪𑌤𑌿𑌤𑌂 𑌪𑍁𑌷𑍍𑌪𑌮𑌾𑌰𑍍𑌗𑌮𑌪𑌶𑍍𑌯𑌤𑌾𑌮𑍍 ।
𑌤𑌾𑌂 𑌪𑍁𑌷𑍍𑌪𑌵𑍃𑌷𑍍𑌟𑌿𑌂 𑌪𑌤𑌿𑌤𑌾𑌂 𑌦𑍃𑌷𑍍𑌟𑍍𑌵𑌾 𑌰𑌾𑌮𑍋 𑌮𑌹𑍀𑌤𑌲𑍇 ॥ 25 ॥
𑌉𑌵𑌾𑌚 𑌲𑌕𑍍𑌷𑍍𑌮𑌣𑌂 𑌵𑍀𑌰𑍋 𑌦𑍁𑌃𑌖𑌿𑌤𑍋 𑌦𑍁𑌃𑌖𑌿𑌤𑌂 𑌵𑌚𑌃 ।
𑌅𑌭𑌿𑌜𑌾𑌨𑌾𑌮𑌿 𑌪𑍁𑌷𑍍𑌪𑌾𑌣𑌿 𑌤𑌾𑌨𑍀𑌮𑌾𑌨𑍀𑌹 𑌲𑌕𑍍𑌷𑍍𑌮𑌣 ॥ 26 ॥
𑌪𑌿𑌨𑌦𑍍𑌧𑌾𑌨𑌿 𑌹𑌿 𑌵𑍈𑌦𑍇𑌹𑍍𑌯𑌾 𑌮𑌯𑌾 𑌦𑌤𑍍𑌤𑌾𑌨𑌿 𑌕𑌾𑌨𑌨𑍇 ।
𑌮𑌨𑍍𑌯𑍇 𑌸𑍂𑌰𑍍𑌯𑌶𑍍𑌚 𑌵𑌾𑌯𑍁𑌶𑍍𑌚 𑌮𑍇𑌦𑌿𑌨𑍀 𑌚 𑌯𑌶𑌸𑍍𑌵𑌿𑌨𑍀 ॥ 27 ॥
𑌅𑌭𑌿𑌰𑌕𑍍𑌷𑌨𑍍𑌤𑌿 𑌪𑍁𑌷𑍍𑌪𑌾𑌣𑌿 𑌪𑍍𑌰𑌕𑍁𑌰𑍍𑌵𑌨𑍍𑌤𑍋 𑌮𑌮 𑌪𑍍𑌰𑌿𑌯𑌮𑍍 ।
𑌏𑌵𑌮𑍁𑌕𑍍𑌤𑍍𑌵𑌾 𑌮𑌹𑌾𑌬𑌾𑌹𑍁𑌂 𑌲𑌕𑍍𑌷𑍍𑌮𑌣𑌂 𑌪𑍁𑌰𑍁𑌷𑌰𑍍𑌷𑌭𑌃 ॥ 28 ॥
𑌉𑌵𑌾𑌚 𑌰𑌾𑌮𑍋 𑌧𑌰𑍍𑌮𑌾𑌤𑍍𑌮𑌾 𑌗𑌿𑌰𑌿𑌂 𑌪𑍍𑌰𑌸𑍍𑌰𑌵𑌣𑌾𑌕𑍁𑌲𑌮𑍍 ।
𑌕𑌚𑍍𑌚𑌿𑌤𑍍 𑌕𑍍𑌷𑌿𑌤𑌿𑌭𑍃𑌤𑌾𑌂 𑌨𑌾𑌥 𑌦𑍃𑌷𑍍𑌟𑌾 𑌸𑌰𑍍𑌵𑌾𑌙𑍍𑌗𑌸𑍁𑌨𑍍𑌦𑌰𑍀 ॥ 29 ॥
𑌰𑌾𑌮𑌾 𑌰𑌮𑍍𑌯𑍇 𑌵𑌨𑍋𑌦𑍍𑌦𑍇𑌶𑍇 𑌮𑌯𑌾 𑌵𑌿𑌰𑌹𑌿𑌤𑌾 𑌤𑍍𑌵𑌯𑌾 ।
𑌕𑍍𑌰𑍁𑌦𑍍𑌧𑍋𑌽𑌬𑍍𑌰𑌵𑍀𑌦𑍍𑌗𑌿𑌰𑌿𑌂 𑌤𑌤𑍍𑌰 𑌸𑌿𑌂𑌹𑌃 𑌕𑍍𑌷𑍁𑌦𑍍𑌰𑌮𑍃𑌗𑌂 𑌯𑌥𑌾 ॥ 30 ॥
𑌤𑌾𑌂 𑌹𑍇𑌮𑌵𑌰𑍍𑌣𑌾𑌂 𑌹𑍇𑌮𑌾𑌭𑌾𑌂 𑌸𑍀𑌤𑌾𑌂 𑌦𑌰𑍍𑌶𑌯 𑌪𑌰𑍍𑌵𑌤 ।
𑌯𑌾𑌵𑌤𑍍𑌸𑌾𑌨𑍂𑌨𑌿 𑌸𑌰𑍍𑌵𑌾𑌣𑌿 𑌨 𑌤𑍇 𑌵𑌿𑌧𑍍𑌵𑌂𑌸𑌯𑌾𑌮𑍍𑌯𑌹𑌮𑍍 ॥ 31 ॥
𑌏𑌵𑌮𑍁𑌕𑍍𑌤𑌸𑍍𑌤𑍁 𑌰𑌾𑌮𑍇𑌣 𑌪𑌰𑍍𑌵𑌤𑍋 𑌮𑍈𑌥𑌿𑌲𑍀𑌂 𑌪𑍍𑌰𑌤𑌿 ।
𑌶𑌂𑌸𑌨𑍍𑌨𑌿𑌵 𑌤𑌤𑌸𑍍𑌸𑍀𑌤𑌾𑌂 𑌨𑌾𑌦𑌰𑍍𑌶𑌯𑌤 𑌰𑌾𑌘𑌵𑍇 ॥ 32 ॥
𑌤𑌤𑍋 𑌦𑌾𑌶𑌰𑌥𑍀 𑌰𑌾𑌮 𑌉𑌵𑌾𑌚 𑌚 𑌶𑌿𑌲𑍋𑌚𑍍𑌚𑌯𑌮𑍍 ।
𑌮𑌮 𑌬𑌾𑌣𑌾𑌗𑍍𑌨𑌿𑌨𑌿𑌰𑍍𑌦𑌗𑍍𑌧𑍋 𑌭𑌸𑍍𑌮𑍀𑌭𑍂𑌤𑍋 𑌭𑌵𑌿𑌷𑍍𑌯𑌸𑌿 ॥ 33 ॥
𑌅𑌸𑍇𑌵𑍍𑌯𑌃 𑌸𑌤𑌤𑌂 𑌚𑍈𑌵 𑌨𑌿𑌸𑍍𑌤𑍃𑌣𑌦𑍍𑌰𑍁𑌮𑌪𑌲𑍍𑌲𑌵𑌃 ।
𑌇𑌮𑌾𑌂 𑌵𑌾 𑌸𑌰𑌿𑌤𑌂 𑌚𑌾𑌦𑍍𑌯 𑌶𑍋𑌷𑌯𑌿𑌷𑍍𑌯𑌾𑌮𑌿 𑌲𑌕𑍍𑌷𑍍𑌮𑌣 ॥ 34 ॥
𑌯𑌦𑌿 𑌨𑌾𑌖𑍍𑌯𑌾𑌤𑌿 𑌮𑍇 𑌸𑍀𑌤𑌾𑌮𑌾𑌰𑍍𑌯𑌾𑌂 𑌚𑌨𑍍𑌦𑍍𑌰𑌨𑌿𑌭𑌾𑌨𑌨𑌾𑌮𑍍 ।
𑌏𑌵𑌂 𑌸 𑌰𑍁𑌷𑌿𑌤𑍋 𑌰𑌾𑌮𑍋 𑌦𑌿𑌧𑌕𑍍𑌷𑌨𑍍𑌨𑌿𑌵 𑌚𑌕𑍍𑌷𑍁𑌷𑌾 ॥ 35 ॥
𑌦𑌦𑌰𑍍𑌶 𑌭𑍂𑌮𑍗 𑌨𑌿𑌷𑍍𑌕𑍍𑌰𑌾𑌨𑍍𑌤𑌂 𑌰𑌾𑌕𑍍𑌷𑌸𑌸𑍍𑌯 𑌪𑌦𑌂 𑌮𑌹𑌤𑍍 ।
𑌤𑍍𑌰𑌸𑍍𑌤𑌾𑌯𑌾 𑌰𑌾𑌮𑌕𑌾𑌙𑍍𑌕𑍍𑌷𑌿𑌣𑍍𑌯𑌾𑌃 𑌪𑍍𑌰𑌧𑌾𑌵𑌨𑍍𑌤𑍍𑌯𑌾 𑌇𑌤𑌸𑍍𑌤𑌤𑌃 ॥ 36 ॥
𑌰𑌾𑌕𑍍𑌷𑌸𑍇𑌨𑌾𑌨𑍁𑌵𑍃𑌤𑍍𑌤𑌾𑌯𑌾 𑌮𑍈𑌥𑌿𑌲𑍍𑌯𑌾𑌶𑍍𑌚 𑌪𑌦𑌾𑌨𑍍𑌯𑌥 ।
𑌸 𑌸𑌮𑍀𑌕𑍍𑌷𑍍𑌯 𑌪𑌰𑌿𑌕𑍍𑌰𑌾𑌨𑍍𑌤𑌂 𑌸𑍀𑌤𑌾𑌯𑌾 𑌰𑌾𑌕𑍍𑌷𑌸𑌸𑍍𑌯 𑌚 ॥ 37 ॥
𑌭𑌗𑍍𑌨𑌂 𑌧𑌨𑍁𑌶𑍍𑌚 𑌤𑍂𑌣𑍀 𑌚 𑌵𑌿𑌕𑍀𑌰𑍍𑌣𑌂 𑌬𑌹𑍁𑌧𑌾 𑌰𑌥𑌮𑍍 ।
𑌸𑌮𑍍𑌭𑍍𑌰𑌾𑌨𑍍𑌤𑌹𑍃𑌦𑌯𑍋 𑌰𑌾𑌮𑌶𑍍𑌶𑌶𑌂𑌸 𑌭𑍍𑌰𑌾𑌤𑌰𑌮𑍍𑌪𑍍𑌰𑌿𑌯𑌮𑍍 ॥ 38 ॥
𑌪𑌶𑍍𑌯 𑌲𑌕𑍍𑌷𑍍𑌮𑌣 𑌵𑍈𑌦𑍇𑌹𑍍𑌯𑌾𑌶𑌶𑍀𑌰𑍍𑌣𑌾𑌃 𑌕𑌨𑌕𑌬𑌿𑌨𑍍𑌦𑌵𑌃 ।
𑌭𑍂𑌷𑌣𑌾𑌨𑌾𑌂 𑌹𑌿 𑌸𑍗𑌮𑌿𑌤𑍍𑌰𑍇 𑌮𑌾𑌲𑍍𑌯𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 39 ॥
𑌤𑌪𑍍𑌤𑌬𑌿𑌨𑍍𑌦𑍁𑌨𑌿𑌕𑌾𑌶𑍈𑌶𑍍𑌚 𑌚𑌿𑌤𑍍𑌰𑍈𑌃 𑌕𑍍𑌷𑌤𑌜𑌬𑌿𑌨𑍍𑌦𑍁𑌭𑌿𑌃 ।
𑌆𑌵𑍃𑌤𑌂 𑌪𑌶𑍍𑌯 𑌸𑍗𑌮𑌿𑌤𑍍𑌰𑍇 𑌸𑌰𑍍𑌵𑌤𑍋 𑌧𑌰𑌣𑍀𑌤𑌲𑌮𑍍 ॥ 40 ॥
𑌮𑌨𑍍𑌯𑍇 𑌲𑌕𑍍𑌷𑍍𑌮𑌣 𑌵𑍈𑌦𑍇𑌹𑍀 𑌰𑌾𑌕𑍍𑌷𑌸𑍈𑌃 𑌕𑌾𑌮𑌰𑍂𑌪𑌿𑌭𑌿𑌃 ।
𑌭𑌿𑌤𑍍𑌵𑌾𑌭𑌿𑌤𑍍𑌵𑌾 𑌵𑌿𑌭𑌕𑍍𑌤𑌾 𑌵𑌾 𑌭𑌕𑍍𑌷𑌿𑌤𑌾 𑌵𑌾 𑌭𑌵𑌿𑌷𑍍𑌯𑌤𑌿 ॥ 41 ॥
𑌤𑌸𑍍𑌯𑌾 𑌨𑌿𑌮𑌿𑌤𑍍𑌤𑌂 𑌵𑍈𑌦𑍇𑌹𑍍𑌯𑌾 𑌦𑍍𑌵𑌯𑍋𑌰𑍍𑌵𑌿𑌵𑌦𑌮𑌾𑌨𑌯𑍋𑌃 ।
𑌬𑌭𑍂𑌵 𑌯𑍁𑌦𑍍𑌧𑌂 𑌸𑍗𑌮𑌿𑌤𑍍𑌰𑍇 𑌘𑍋𑌰𑌂 𑌰𑌾𑌕𑍍𑌷𑌸𑌯𑍋𑌰𑌿𑌹 ॥ 42 ॥
𑌮𑍁𑌕𑍍𑌤𑌾𑌮𑌣𑌿𑌮𑌯𑌂 𑌚𑍇𑌦𑌂 𑌤𑌪𑌨𑍀𑌯𑌵𑌿𑌭𑍂𑌷𑌿𑌤𑌮𑍍 ।
𑌧𑌰𑌣𑍍𑌯𑌾𑌂 𑌪𑌤𑌿𑌤𑌂 𑌸𑍗𑌮𑍍𑌯 𑌕𑌸𑍍𑌯 𑌭𑌗𑍍𑌨𑌂 𑌮𑌹𑌦𑍍𑌧𑌨𑍁𑌃 ॥ 43 ॥
𑌤𑌰𑍁𑌣𑌾𑌦𑌿𑌤𑍍𑌯𑌸𑌙𑍍𑌕𑌾𑌶𑌂 𑌵𑍈𑌡𑍂𑌰𑍍𑌯𑌗𑍁𑌲𑌿𑌕𑌾𑌚𑌿𑌤𑌮𑍍 ।
𑌵𑌿𑌶𑍀𑌰𑍍𑌣𑌂 𑌪𑌤𑌿𑌤𑌂 𑌭𑍂𑌮𑍗 𑌕𑌵𑌚𑌂 𑌕𑌸𑍍𑌯 𑌕𑌾𑌞𑍍𑌚𑌨𑌮𑍍 ॥ 44 ॥
𑌛𑌤𑍍𑌰𑌂 𑌶𑌤𑌶𑌲𑌾𑌕𑌂 𑌚 𑌦𑌿𑌵𑍍𑌯𑌮𑌾𑌲𑍍𑌯𑍋𑌪𑌶𑍋𑌭𑌿𑌤𑌮𑍍 ।
𑌭𑌗𑍍𑌨𑌦𑌣𑍍𑌡𑌮𑌿𑌦𑌂 𑌕𑌸𑍍𑌯 𑌭𑍂𑌮𑍗 𑌸𑌮𑍍𑌯𑌙𑍍𑌨𑌿𑌪𑌾𑌤𑌿𑌤𑌮𑍍 ॥ 45 ॥
𑌕𑌾𑌞𑍍𑌚𑌨𑍋𑌰𑌶𑍍𑌛𑌦𑌾 𑌶𑍍𑌚𑍇𑌮𑍇 𑌪𑌿𑌶𑌾𑌚𑌵𑌦𑌨𑌾𑌃 𑌖𑌰𑌾𑌃 ।
𑌭𑍀𑌮𑌰𑍂𑌪𑌾 𑌮𑌹𑌾𑌕𑌾𑌯𑌾𑌃 𑌕𑌸𑍍𑌯 𑌵𑌾 𑌨𑌿𑌹𑌤𑌾 𑌰𑌣𑍇 ॥ 46 ॥
𑌦𑍀𑌪𑍍𑌤𑌪𑌾𑌵𑌕𑌸𑌙𑍍𑌕𑌾𑌶𑍋 𑌦𑍍𑌯𑍁𑌤𑌿𑌮𑌾𑌨𑍍𑌸𑌮𑌰𑌧𑍍𑌵𑌜𑌃 ।
𑌅𑌪𑌵𑌿𑌦𑍍𑌧𑌶𑍍𑌚 𑌭𑌗𑍍𑌨𑌶𑍍𑌚 𑌕𑌸𑍍𑌯 𑌸𑌾𑌙𑍍𑌗𑍍𑌰𑌾𑌮𑌿𑌕𑍋 𑌰𑌥𑌃 ॥ 47 ॥
𑌰𑌥𑌾𑌕𑍍𑌷𑌮𑌾𑌤𑍍𑌰𑌾 𑌵𑌿𑌶𑌿𑌖𑌾𑌸𑍍𑌤𑌪𑌨𑍀𑌯𑌵𑌿𑌭𑍂𑌷𑌣𑌾𑌃 ।
𑌕𑌸𑍍𑌯𑍇𑌮𑍇𑌽𑌭𑌿𑌹𑌤𑌾 𑌬𑌾𑌣𑌾𑌃 𑌪𑍍𑌰𑌕𑍀𑌰𑍍𑌣𑌾 𑌘𑍋𑌰𑌕𑌰𑍍𑌮𑌣𑌃 ॥ 48 ॥
𑌶𑌰𑌾𑌵𑌰𑍗 𑌶𑌰𑍈𑌃 𑌪𑍂𑌰𑍍𑌣𑍗 𑌵𑌿𑌧𑍍𑌵𑌸𑍍𑌤𑍗 𑌪𑌶𑍍𑌯 𑌲𑌕𑍍𑌷𑍍𑌮𑌣 ।
𑌪𑍍𑌰𑌤𑍋𑌦𑌾𑌭𑍀𑌶𑍁𑌹𑌸𑍍𑌤𑍋 𑌵𑍈 𑌕𑌸𑍍𑌯𑌾𑌯𑌂 𑌸𑌾𑌰𑌥𑌿𑌰𑍍𑌹𑌤𑌃 ॥ 49 ॥
𑌕𑌸𑍍𑌯𑍇𑌮𑍗 𑌪𑍁𑌰𑍁𑌷𑌵𑍍𑌯𑌾𑌘𑍍𑌰 𑌶𑌯𑌾𑌤𑍇 𑌨𑌿𑌹𑌤𑍗 𑌯𑍁𑌧𑌿 ।
𑌚𑌾𑌮𑌰𑌗𑍍𑌰𑌾𑌹𑌿𑌣𑍗 𑌸𑍗𑌮𑍍𑌯 𑌸𑍋𑌷𑍍𑌣𑍀𑌷𑌮𑌣𑌿𑌕𑍁𑌣𑍍𑌡𑌲𑍗 ॥ 50 ॥
𑌪𑌦𑌵𑍀𑌪𑍁𑌰𑍁𑌷𑌸𑍍𑌯𑍈𑌷𑌾 𑌵𑍍𑌯𑌕𑍍𑌤𑌂 𑌕𑌸𑍍𑌯𑌾𑌪𑌿 𑌰𑌕𑍍𑌷𑌸𑌃 ।
𑌵𑍈𑌰𑌂 𑌶𑌤𑌗𑍁𑌣𑌂 𑌪𑌶𑍍𑌯 𑌮𑌮𑍇𑌦𑌂 𑌜𑍀𑌵𑌿𑌤𑌾𑌨𑍍𑌤𑌕𑌮𑍍 ॥ 51 ॥
𑌸𑍁𑌘𑍋𑌰𑌹𑍃𑌦𑌯𑍈𑌸𑍍𑌸𑍗𑌮𑍍𑌯 𑌰𑌾𑌕𑍍𑌷𑌸𑍈𑌃 𑌕𑌾𑌮𑌰𑍂𑌪𑌿𑌭𑌿𑌃 ।
𑌹𑍃𑌤𑌾 𑌮𑍃𑌤𑌾 𑌵𑌾 𑌸𑍀𑌤𑌾 𑌸𑌾 𑌭𑌕𑍍𑌷𑌿𑌤𑌾 𑌵𑌾 𑌤𑌪𑌸𑍍𑌵𑌿𑌨𑍀 ॥ 52 ॥
𑌨𑌧𑌰𑍍𑌮𑌸𑍍𑌤𑍍𑌰𑌾𑌯𑌤𑍇 𑌸𑍀𑌤𑌾𑌂 𑌹𑍍𑌰𑌿𑌯𑌮𑌾𑌣𑌾𑌂 𑌮𑌹𑌾𑌵𑌨𑍇 ।
𑌭𑌕𑍍𑌷𑌿𑌤𑌾𑌯𑌾𑌂 𑌹𑌿 𑌵𑍈𑌦𑍇𑌹𑍍𑌯𑌾𑌂 𑌹𑍃𑌤𑌾𑌯𑌾𑌮𑌪𑌿 𑌲𑌕𑍍𑌷𑍍𑌮𑌣 ॥ 53 ॥
𑌕𑍇 𑌹𑌿 𑌲𑍋𑌕𑍇 𑌪𑍍𑌰𑌿𑌯𑌂 𑌕𑌰𑍍𑌤𑍁𑌂 𑌶𑌕𑍍𑌤𑌾𑌸𑍍𑌸𑍗𑌮𑍍𑌯 𑌮𑌮𑍇𑌶𑍍𑌵𑌰𑌾𑌃 ।
𑌕𑌰𑍍𑌤𑌾𑌰𑌮𑌪𑌿 𑌲𑍋𑌕𑌾𑌨𑌾𑌂 𑌶𑍂𑌰𑌂 𑌕𑌰𑍁𑌣𑌵𑍇𑌦𑌿𑌨𑌮𑍍 ॥ 54 ॥
𑌅𑌜𑍍𑌞𑌾𑌨𑌾𑌦𑌵𑌮𑌨𑍍𑌯𑍇𑌰𑌤𑍍𑌸𑌰𑍍𑌵𑌭𑍂𑌤𑌾𑌨𑌿 𑌲𑌕𑍍𑌷𑍍𑌮𑌣 ।
𑌮𑍃𑌦𑍁𑌂 𑌲𑍋𑌕𑌹𑌿𑌤𑍇 𑌯𑍁𑌕𑍍𑌤𑌂 𑌦𑌾𑌨𑍍𑌤𑌂 𑌕𑌰𑍁𑌣𑌵𑍇𑌦𑌿𑌨𑌮𑍍 ॥ 55 ॥
𑌨𑌿𑌰𑍍𑌵𑍀𑌰𑍍𑌯 𑌇𑌤𑌿 𑌮𑌨𑍍𑌯𑌨𑍍𑌤𑍇 𑌨𑍂𑌨𑌂 𑌮𑌾𑌂 𑌤𑍍𑌰𑌿𑌦𑌶𑍇𑌶𑍍𑌵𑌰𑌾𑌃 ।
𑌮𑌾𑌂 𑌪𑍍𑌰𑌾𑌪𑍍𑌯 𑌹𑌿 𑌗𑍁𑌣𑍋 𑌦𑍋𑌷𑌸𑍍𑌸𑌂𑌵𑍃𑌤𑍍𑌤𑌃 𑌪𑌶𑍍𑌯 𑌲𑌕𑍍𑌷𑍍𑌮𑌣 ॥ 56 ॥
𑌅𑌦𑍍𑌯𑍈𑌵 𑌸𑌰𑍍𑌵𑌭𑍂𑌤𑌾𑌨𑌾𑌂 𑌰𑌕𑍍𑌷𑌸𑌾𑌮𑌭𑌵𑌾𑌯 𑌚 ।
𑌸𑌂𑌹𑍃𑌤𑍍𑌯𑍈𑌵 𑌶𑌶𑌿𑌜𑍍𑌯𑍋𑌤𑍍𑌸𑍍𑌨𑌾𑌂 𑌮𑌹𑌾𑌨𑍍𑌸𑍂𑌰𑍍𑌯 𑌇𑌵𑍋𑌦𑌿𑌤𑌃 ॥ 57 ॥
𑌸𑌂𑌹𑍃𑌤𑍍𑌯𑍈𑌵 𑌗𑍁𑌣𑌾𑌨𑍍𑌸𑌰𑍍𑌵𑌾𑌨𑍍𑌮𑌮 𑌤𑍇𑌜𑌃 𑌪𑍍𑌰𑌕𑌾𑌶𑌤𑍇 ।
𑌨𑍈𑌵 𑌯𑌕𑍍𑌷𑌾 𑌨 𑌗𑌨𑍍𑌧𑌰𑍍𑌵𑌾 𑌨 𑌪𑌿𑌶𑌾𑌚𑌾 𑌨 𑌰𑌾𑌕𑍍𑌷𑌸𑌾𑌃 ॥ 58 ॥
𑌕𑌿𑌨𑍍𑌨𑌰𑌾 𑌵𑌾 𑌮𑌨𑍁𑌷𑍍𑌯𑌾 𑌵𑌾 𑌸𑍁𑌖𑌂 𑌪𑍍𑌰𑌾𑌪𑍍𑌸𑍍𑌯𑌨𑍍𑌤𑌿 𑌲𑌿𑌕𑍍𑌷𑍍𑌮𑌣 ।
𑌮𑌮𑌾𑌸𑍍𑌤𑍍𑌰𑌬𑌾𑌣𑌸𑌮𑍍𑌪𑍂𑌰𑍍𑌣𑌮𑌾𑌕𑌾𑌶𑌂 𑌪𑌶𑍍𑌯 𑌲𑌕𑍍𑌷𑍍𑌮𑌣 ॥ 59 ॥
𑌨𑌿𑌸𑍍𑌸𑌮𑍍𑌪𑌾𑌤𑌂 𑌕𑌰𑌿𑌷𑍍𑌯𑌾𑌮𑌿 𑌹𑍍𑌯𑌦𑍍𑌯 𑌤𑍍𑌰𑍈𑌲𑍋𑌕𑍍𑌯𑌚𑌾𑌰𑌿𑌣𑌾𑌮𑍍 ।
𑌸𑌨𑍍𑌨𑌿𑌰𑍁𑌦𑍍𑌧𑌗𑍍𑌰𑌹𑌗𑌣𑌮𑌾𑌵𑌾𑌰𑌿𑌤𑌨𑌿𑌶𑌾𑌕𑌰𑌮𑍍 ॥ 60 ॥
𑌵𑌿𑌪𑍍𑌰𑌣𑌷𑍍𑌟𑌾𑌨𑌲𑌮𑌰𑍁𑌦𑍍𑌭𑌾𑌸𑍍𑌕𑌰𑌦𑍍𑌯𑍁𑌤𑌿𑌸𑌂𑌵𑍃𑌤𑌮𑍍 ।
𑌵𑌿𑌨𑌿𑌰𑍍𑌮𑌥𑌿𑌤𑌶𑍈𑌲𑌾𑌗𑍍𑌰𑌂 𑌶𑍁𑌷𑍍𑌯𑌮𑌾𑌣𑌜𑌲𑌾𑌶𑌯𑌮𑍍 ॥ 61 ॥
𑌧𑍍𑌵𑌸𑍍𑌤𑌦𑍍𑌰𑍁𑌮𑌲𑌤𑌾𑌗𑍁𑌲𑍍𑌮𑌂 𑌵𑌿𑌪𑍍𑌰𑌣𑌾𑌶𑌿𑌤𑌸𑌾𑌗𑌰𑌮𑍍 ।
𑌤𑍍𑌰𑍈𑌲𑍋𑌕𑍍𑌯𑌂 𑌤𑍁 𑌕𑌰𑌿𑌷𑍍𑌯𑌾𑌮𑌿 𑌸𑌂𑌯𑍁𑌕𑍍𑌤𑌂 𑌕𑌾𑌲𑌕𑌰𑍍𑌮𑌣𑌾 ॥ 62 ॥
𑌨 𑌤𑌾𑌂 𑌕𑍁𑌶𑌲𑌿𑌨𑍀𑌂 𑌸𑍀𑌤𑌾𑌂 𑌪𑍍𑌰𑌦𑌾𑌸𑍍𑌯𑌨𑍍𑌤𑌿 𑌮𑌮𑍇𑌶𑍍𑌵𑌰𑌾𑌃 ।
𑌅𑌸𑍍𑌮𑌿𑌨𑍍𑌮𑍁𑌹𑍂𑌰𑍍𑌤𑍇 𑌸𑍗𑌮𑌿𑌤𑍍𑌰𑍇 𑌮𑌮 𑌦𑍍𑌰𑌕𑍍𑌷𑍍𑌯𑌨𑍍𑌤𑌿 𑌵𑌿𑌕𑍍𑌰𑌮𑌮𑍍 ॥ 63 ॥
𑌨𑌾𑌕𑌾𑌶𑌮𑍁𑌤𑍍𑌪𑌤𑌿𑌷𑍍𑌯𑌨𑍍𑌤𑌿 𑌸𑌰𑍍𑌵𑌭𑍂𑌤𑌾𑌨𑌿 𑌲𑌕𑍍𑌷𑍍𑌮𑌣 ।
𑌮𑌮 𑌚𑌾𑌪𑌗𑍁𑌣𑍋𑌨𑍍𑌮𑍁𑌕𑍍𑌤𑍈𑌰𑍍𑌬𑌾𑌣𑌜𑌾𑌲𑍈𑌰𑍍𑌨𑌿𑌰𑌨𑍍𑌤𑌰𑌮𑍍 ॥ 64 ॥
𑌅𑌰𑍍𑌦𑌿𑌤𑌂 𑌮𑌮 𑌨𑌾𑌰𑌾𑌚𑍈𑌰𑍍𑌧𑍍𑌵𑌸𑍍𑌤𑌭𑍍𑌰𑌾𑌨𑍍𑌤𑌮𑍃𑌗𑌦𑍍𑌵𑌿𑌜𑌮𑍍 ।
𑌸𑌮𑌾𑌕𑍁𑌲𑌮𑌮𑌰𑍍𑌯𑌾𑌦𑌂 𑌜𑌗𑌤𑍍𑌪𑌶𑍍𑌯𑌾𑌦𑍍𑌯 𑌲𑌕𑍍𑌷𑍍𑌮𑌣 ॥ 65 ॥
𑌆𑌕𑌰𑍍𑌣𑌪𑍂𑌰𑍍𑌣𑍈𑌰𑌿𑌷𑍁𑌭𑌿𑌰𑍍𑌜𑍀𑌵𑌲𑍋𑌕𑌂 𑌦𑍁𑌰𑌾𑌵𑌰𑍈𑌃 ।
𑌕𑌰𑌿𑌷𑍍𑌯𑍇 𑌮𑍈𑌥𑌿𑌲𑍀𑌹𑍇𑌤𑍋𑌰𑌪𑌿𑌶𑌾𑌚𑌮𑌰𑌾𑌕𑍍𑌷𑌸𑌮𑍍 ॥ 66 ॥
𑌮𑌮 𑌰𑍋𑌷𑌪𑍍𑌰𑌯𑍁𑌕𑍍𑌤𑌾𑌨𑌾𑌂 𑌸𑌾𑌯𑌕𑌾𑌨𑌾𑌂 𑌬𑌲𑌂 𑌸𑍁𑌰𑌾𑌃 ।
𑌦𑍍𑌰𑌕𑍍𑌷𑍍𑌯𑌨𑍍𑌤𑍍𑌯𑌦𑍍𑌯 𑌵𑌿𑌮𑍁𑌕𑍍𑌤𑌾𑌨𑌾𑌮𑌤𑌿𑌦𑍂𑌰𑌾𑌤𑌿𑌗𑌾𑌮𑌿𑌨𑌾𑌮𑍍 ॥ 67 ॥
𑌨𑍈𑌵 𑌦𑍇𑌵𑌾 𑌨 𑌦𑍈𑌤𑍇𑌯𑌾 𑌨 𑌪𑌿𑌶𑌾𑌚𑌾 𑌨 𑌰𑌾𑌕𑍍𑌷𑌸𑌾𑌃 ।
𑌭𑌵𑌿𑌷𑍍𑌯𑌨𑍍𑌤𑌿 𑌮𑌮 𑌕𑍍𑌰𑍋𑌧𑌾𑌤𑍍𑌤𑍍𑌰𑍈𑌲𑍋𑌕𑍍𑌯𑍇 𑌵𑌿𑌪𑍍𑌰𑌣𑌾𑌶𑌿𑌤𑍇 ॥ 68 ॥
𑌦𑍇𑌵𑌦𑌾𑌨𑌵𑌯𑌕𑍍𑌷𑌾𑌣𑌾𑌂 𑌲𑍋𑌕𑌾 𑌯𑍇 𑌰𑌕𑍍𑌷𑌸𑌾𑌮𑌪𑌿 ।
𑌬𑌹𑍁𑌧𑌾 𑌨 𑌭𑌵𑌿𑌷𑍍𑌯𑌨𑍍𑌤𑌿 𑌬𑌾𑌣𑍗𑌘𑍈𑌶𑍍𑌶𑌕𑌲𑍀𑌕𑍃𑌤𑌾𑌃 ॥ 69 ॥
𑌨𑌿𑌰𑍍𑌮𑌰𑍍𑌯𑌾𑌦𑌾𑌨𑌿𑌮𑌾𑌨𑍍𑌲𑍋𑌕𑌾𑌨𑍍𑌕𑌰𑌿𑌷𑍍𑌯𑌾𑌮𑍍𑌯𑌦𑍍𑌯 𑌸𑌾𑌯𑌕𑍈𑌃 ।
𑌹𑍃𑌤𑌾𑌂 𑌮𑍃𑌤𑌾𑌂 𑌵𑌾 𑌸𑍗𑌮𑌿𑌤𑍍𑌰𑍇 𑌨 𑌦𑌾𑌸𑍍𑌯𑌨𑍍𑌤𑌿 𑌮𑌮𑍇𑌶𑍍𑌵𑌰𑌾𑌃 ॥ 70 ॥
𑌤𑌥𑌾𑌰𑍁𑌪𑌾𑌂 𑌹𑌿 𑌵𑍈𑌦𑍇𑌹𑍀𑌂 𑌨 𑌦𑌾𑌸𑍍𑌯𑌨𑍍𑌤𑌿 𑌯𑌦𑌿 𑌪𑍍𑌰𑌿𑌯𑌾𑌮𑍍 ।
𑌨𑌾𑌶𑌯𑌾𑌮𑌿 𑌜𑌗𑌤𑍍𑌸𑌰𑍍𑌵𑌂 𑌤𑍍𑌰𑍈𑌲𑍋𑌕𑍍𑌯𑌂 𑌸𑌚𑌰𑌾𑌚𑌰𑌮𑍍 ॥ 71 ॥
𑌇𑌤𑍍𑌯𑍁𑌕𑍍𑌤𑍍𑌵𑌾 𑌰𑍋𑌷𑌤𑌾𑌮𑍍𑌰𑌾𑌕𑍍𑌷𑍋 𑌰𑌾𑌮𑍋 𑌨𑌿𑌷𑍍𑌪𑍀𑌡𑍍𑌯 𑌕𑌾𑌰𑍍𑌮𑍁𑌕𑌮𑍍 ।
𑌶𑌰𑌮𑌾𑌦𑌾𑌯 𑌸𑌨𑍍𑌦𑍀𑌪𑍍𑌤𑌂 𑌘𑍋𑌰𑌮𑌾𑌶𑍀𑌵𑌿𑌷𑍋𑌪𑌮𑌮𑍍 ॥ 72 ॥
𑌸𑌨𑍍𑌧𑌾𑌯 𑌧𑌨𑍁𑌷𑌿 𑌶𑍍𑌰𑍀𑌮𑌾𑌨𑍍𑌰𑌾𑌮𑌃 𑌪𑌰𑌪𑍁𑌰𑌞𑍍𑌜𑌯𑌃 ।
𑌯𑍁𑌗𑌾𑌨𑍍𑌤𑌾𑌗𑍍𑌨𑌿𑌰𑌿𑌵 𑌕𑍍𑌰𑍁𑌦𑍍𑌧 𑌇𑌦𑌂 𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 73 ॥
𑌯𑌥𑌾 𑌜𑌰𑌾 𑌯𑌥𑌾 𑌮𑍃𑌤𑍍𑌯𑍁𑌰𑍍𑌯𑌥𑌾 𑌕𑌾𑌲𑍋 𑌯𑌥𑌾 𑌵𑌿𑌧𑌿𑌃 ।
𑌨𑌿𑌤𑍍𑌯𑌂 𑌨 𑌪𑍍𑌰𑌤𑌿𑌹𑌨𑍍𑌯𑌨𑍍𑌤𑍇 𑌸𑌰𑍍𑌵𑌭𑍂𑌤𑍇𑌷𑍁 𑌲𑌕𑍍𑌷𑍍𑌮𑌣 ॥ 74 ॥
𑌤𑌥𑌾𑌹𑌂 𑌕𑍍𑌰𑍋𑌧𑌸𑌂𑌯𑍁𑌕𑍍𑌤𑍋 𑌨 𑌨𑌿𑌵𑌾𑌰𑍍𑌯𑍋𑌽𑌸𑍍𑌮𑌿 𑌸𑌰𑍍𑌵𑌥𑌾 ।
𑌪𑍁𑌰𑍇𑌵 𑌮𑍇 𑌚𑌾𑌰𑍁𑌦𑌨𑍍𑌤𑍀𑌮𑌨𑌿𑌨𑍍𑌦𑌿𑌤𑌾𑌂 𑌦𑌿𑌶𑌨𑍍𑌤𑌿 𑌸𑍀𑌤𑌾𑌂 𑌯𑌦𑌿 𑌨𑌾𑌦𑍍𑌯 𑌮𑍈𑌥𑌿𑌲𑍀𑌮𑍍 ।
𑌸𑌦𑍇𑌵𑌗𑌨𑍍𑌧𑌰𑍍𑌵𑌮𑌨𑍁𑌷𑍍𑌯𑌪𑌨𑍍𑌨𑌗𑌂 𑌜𑌗𑌤𑍍𑌸𑌶𑍈𑌲𑌂 𑌪𑌰𑌿𑌵𑌰𑍍𑌤𑌯𑌾𑌮𑍍𑌯𑌹𑌮𑍍 ॥ 75 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌣𑍍𑌡𑍇 𑌚𑌤𑍁𑌃𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha catuḥṣaṣṭitamassargaḥ |
sa dīno dīnayā vācā lakṣmaṇaṃ vākyamabravīt |
śīghraṃ lakṣmaṇa jānīhi gatvā godāvarīṃ nadīm || 1 ||
api godāvarīṃ sītā padmānyānayituṃ gatā |
evamuktastu rāmeṇa lakṣmaṇaḥ paravīrahā || 2 ||
nadīṃ godāvarīṃ ramyāṃ jagāma laghuvikramaḥ |
tāṃ lakṣmaṇastīrthavatī vicitvā rāmamabravīt || 3 ||
naināṃ paśyāmi tīrtheṣu krośato na śṛṇoti me |
kaṃ nu vā deśamāpannā vaidehī kleśanāśinī || 4 ||
na hyahaṃ veda taṃ deśaṃ yatra sā janakātmajā |
lakṣmaṇasya vacaśśrutvā dīnassantāpamohitaḥ || 5 ||
rāmassamabhicakrāma svayaṃ godāvarīṃ nadīm |
sa tāmupasthito rāmaḥ kva sītetyevamabravīt || 6 ||
bhūtāni rākṣasendreṇa vadhārheṇa hṛtāmiti |
na tāṃ śaśaṃsū rāmāya tathā godāvarī nadi || 7 ||
tataḥ pracoditā bhūtaiśśaṃsāsmaitāṃ priyāmiti |
na tu sābhyavadatasitāṃ pṛṣṭā rāmeṇa śocatā || 8 ||
rāvaṇasya tu tadrūpaṃ karmāṇi ca durātmanaḥ |
dhyātvā bhayāttu vaidehīṃ sā nadī na śaśaṃsa tām || 9 ||
nirāśastu tayā nadyā sītāyā darśane kṛtaḥ |
uvāca rāmassaumitriṃ sītādarśanakarśitaḥ || 10 ||
eṣā godāvarī saumya kiñcinna prati bhāṣate |
kiṃ nu lakṣmaṇa vakṣyāmi sametya janakaṃ vacaḥ || 11 ||
mātaraṃ caiva vaidehyā vinā tāmahamapriyam |
yā me rājyavihīnasya vane vanyena jīvataḥ || 12 ||
sarvaṃ vyapanayecchokaṃ vaidehī kva nu sā gatā |
jñātipakṣavihīnasya rājaputrīmapaśyataḥ || 13 ||
manye dīrghā bhaviṣyanti rātrayo mama jāgrataḥ |
godāvarīṃ janasthānamimaṃ prasravaṇaṃ girim || 14 ||
sarvāṇyanugamiṣyāmi yadi sītā hi dṛśyate |
ete mṛgā mahāvīrya māmīkṣante muhurmuhuḥ || 15 ||
vaktukāmā iva hi me iṅgitānyupalakṣaye |
tāṃstu dṛṣṭvā naravyāghro rāghavaḥ pratyuvāca ha || 16 ||
kva sīteti nirīkṣanvai bāṣpasaṃruddhayā dṛśā |
evamuktā narendreṇa te mṛgāssahasotthitāḥ || 17 ||
dakṣiṇābhimukhāssarve darśayanto nabhasthalam |
maithilī hriyamāṇā sā diśaṃ yāmanvapadyata || 18 ||
tena mārgeṇa dhāvanto nirīkṣante narādhipam |
yena mārgaṃ ca bhūmiṃ ca nirīkṣante sma te mṛgāḥ || 19 ||
punaśca mārgamicchanti lakṣmaṇenopalakṣitāḥ |
teṣāṃ vacanasarvasvaṃ lakṣayāmāsa ceṅgitam || 20 ||
uvāca lakṣmaṇo jyeṣṭhaṃ dhīmānbhrātaramārtavat |
kva siteti tvayā pṛṣṭā yatheme sahasotthitāḥ || 21 ||
darśayanti kṣitiṃ caiva dakṣiṇāṃ ca diśaṃ mṛgāḥ |
sādhu gacchāvahe deva diśametāṃ hi naiṛtim || 22 ||
yadi syādāgamaḥ kaścidāryā vā sā'tha lakṣyate |
bāḍhamityeva kākutsthaḥ prasthito dakṣiṇāṃ diśam || 23 ||
lakṣmaṇānugataśśīmanvīkṣamāṇo vasundharām |
evaṃ sambhāṣamāṇau tāvanyonyaṃ bhrātarāvubhau || 24 ||
vasundharāyāṃ patitaṃ puṣpamārgamapaśyatām |
tāṃ puṣpavṛṣṭiṃ patitāṃ dṛṣṭvā rāmo mahītale || 25 ||
uvāca lakṣmaṇaṃ vīro duḥkhito duḥkhitaṃ vacaḥ |
abhijānāmi puṣpāṇi tānīmānīha lakṣmaṇa || 26 ||
pinaddhāni hi vaidehyā mayā dattāni kānane |
manye sūryaśca vāyuśca medinī ca yaśasvinī || 27 ||
abhirakṣanti puṣpāṇi prakurvanto mama priyam |
evamuktvā mahābāhuṃ lakṣmaṇaṃ puruṣarṣabhaḥ || 28 ||
uvāca rāmo dharmātmā giriṃ prasravaṇākulam |
kaccit kṣitibhṛtāṃ nātha dṛṣṭā sarvāṅgasundarī || 29 ||
rāmā ramye vanoddeśe mayā virahitā tvayā |
kruddho'bravīdgiriṃ tatra siṃhaḥ kṣudramṛgaṃ yathā || 30 ||
tāṃ hemavarṇāṃ hemābhāṃ sītāṃ darśaya parvata |
yāvatsānūni sarvāṇi na te vidhvaṃsayāmyaham || 31 ||
evamuktastu rāmeṇa parvato maithilīṃ prati |
śaṃsanniva tatassītāṃ nādarśayata rāghave || 32 ||
tato dāśarathī rāma uvāca ca śiloccayam |
mama bāṇāgninirdagdho bhasmībhūto bhaviṣyasi || 33 ||
asevyaḥ satataṃ caiva nistṛṇadrumapallavaḥ |
imāṃ vā saritaṃ cādya śoṣayiṣyāmi lakṣmaṇa || 34 ||
yadi nākhyāti me sītāmāryāṃ candranibhānanām |
evaṃ sa ruṣito rāmo didhakṣanniva cakṣuṣā || 35 ||
dadarśa bhūmau niṣkrāntaṃ rākṣasasya padaṃ mahat |
trastāyā rāmakāṅkṣiṇyāḥ pradhāvantyā itastataḥ || 36 ||
rākṣasenānuvṛttāyā maithilyāśca padānyatha |
sa samīkṣya parikrāntaṃ sītāyā rākṣasasya ca || 37 ||
bhagnaṃ dhanuśca tūṇī ca vikīrṇaṃ bahudhā ratham |
sambhrāntahṛdayo rāmaśśaśaṃsa bhrātarampriyam || 38 ||
paśya lakṣmaṇa vaidehyāśaśīrṇāḥ kanakabindavaḥ |
bhūṣaṇānāṃ hi saumitre mālyāni vividhāni ca || 39 ||
taptabindunikāśaiśca citraiḥ kṣatajabindubhiḥ |
āvṛtaṃ paśya saumitre sarvato dharaṇītalam || 40 ||
manye lakṣmaṇa vaidehī rākṣasaiḥ kāmarūpibhiḥ |
bhitvābhitvā vibhaktā vā bhakṣitā vā bhaviṣyati || 41 ||
tasyā nimittaṃ vaidehyā dvayorvivadamānayoḥ |
babhūva yuddhaṃ saumitre ghoraṃ rākṣasayoriha || 42 ||
muktāmaṇimayaṃ cedaṃ tapanīyavibhūṣitam |
dharaṇyāṃ patitaṃ saumya kasya bhagnaṃ mahaddhanuḥ || 43 ||
taruṇādityasaṅkāśaṃ vaiḍūryagulikācitam |
viśīrṇaṃ patitaṃ bhūmau kavacaṃ kasya kāñcanam || 44 ||
chatraṃ śataśalākaṃ ca divyamālyopaśobhitam |
bhagnadaṇḍamidaṃ kasya bhūmau samyaṅnipātitam || 45 ||
kāñcanoraśchadā śceme piśācavadanāḥ kharāḥ |
bhīmarūpā mahākāyāḥ kasya vā nihatā raṇe || 46 ||
dīptapāvakasaṅkāśo dyutimānsamaradhvajaḥ |
apaviddhaśca bhagnaśca kasya sāṅgrāmiko rathaḥ || 47 ||
rathākṣamātrā viśikhāstapanīyavibhūṣaṇāḥ |
kasyeme'bhihatā bāṇāḥ prakīrṇā ghorakarmaṇaḥ || 48 ||
śarāvarau śaraiḥ pūrṇau vidhvastau paśya lakṣmaṇa |
pratodābhīśuhasto vai kasyāyaṃ sārathirhataḥ || 49 ||
kasyemau puruṣavyāghra śayāte nihatau yudhi |
cāmaragrāhiṇau saumya soṣṇīṣamaṇikuṇḍalau || 50 ||
padavīpuruṣasyaiṣā vyaktaṃ kasyāpi rakṣasaḥ |
vairaṃ śataguṇaṃ paśya mamedaṃ jīvitāntakam || 51 ||
sughorahṛdayaissaumya rākṣasaiḥ kāmarūpibhiḥ |
hṛtā mṛtā vā sītā sā bhakṣitā vā tapasvinī || 52 ||
nadharmastrāyate sītāṃ hriyamāṇāṃ mahāvane |
bhakṣitāyāṃ hi vaidehyāṃ hṛtāyāmapi lakṣmaṇa || 53 ||
ke hi loke priyaṃ kartuṃ śaktāssaumya mameśvarāḥ |
kartāramapi lokānāṃ śūraṃ karuṇavedinam || 54 ||
ajñānādavamanyeratsarvabhūtāni lakṣmaṇa |
mṛduṃ lokahite yuktaṃ dāntaṃ karuṇavedinam || 55 ||
nirvīrya iti manyante nūnaṃ māṃ tridaśeśvarāḥ |
māṃ prāpya hi guṇo doṣassaṃvṛttaḥ paśya lakṣmaṇa || 56 ||
adyaiva sarvabhūtānāṃ rakṣasāmabhavāya ca |
saṃhṛtyaiva śaśijyotsnāṃ mahānsūrya ivoditaḥ || 57 ||
saṃhṛtyaiva guṇānsarvānmama tejaḥ prakāśate |
naiva yakṣā na gandharvā na piśācā na rākṣasāḥ || 58 ||
kinnarā vā manuṣyā vā sukhaṃ prāpsyanti likṣmaṇa |
mamāstrabāṇasampūrṇamākāśaṃ paśya lakṣmaṇa || 59 ||
nissampātaṃ kariṣyāmi hyadya trailokyacāriṇām |
sanniruddhagrahagaṇamāvāritaniśākaram || 60 ||
vipraṇaṣṭānalamarudbhāskaradyutisaṃvṛtam |
vinirmathitaśailāgraṃ śuṣyamāṇajalāśayam || 61 ||
dhvastadrumalatāgulmaṃ vipraṇāśitasāgaram |
trailokyaṃ tu kariṣyāmi saṃyuktaṃ kālakarmaṇā || 62 ||
na tāṃ kuśalinīṃ sītāṃ pradāsyanti mameśvarāḥ |
asminmuhūrte saumitre mama drakṣyanti vikramam || 63 ||
nākāśamutpatiṣyanti sarvabhūtāni lakṣmaṇa |
mama cāpaguṇonmuktairbāṇajālairnirantaram || 64 ||
arditaṃ mama nārācairdhvastabhrāntamṛgadvijam |
samākulamamaryādaṃ jagatpaśyādya lakṣmaṇa || 65 ||
ākarṇapūrṇairiṣubhirjīvalokaṃ durāvaraiḥ |
kariṣye maithilīhetorapiśācamarākṣasam || 66 ||
mama roṣaprayuktānāṃ sāyakānāṃ balaṃ surāḥ |
drakṣyantyadya vimuktānāmatidūrātigāminām || 67 ||
naiva devā na daiteyā na piśācā na rākṣasāḥ |
bhaviṣyanti mama krodhāttrailokye vipraṇāśite || 68 ||
devadānavayakṣāṇāṃ lokā ye rakṣasāmapi |
bahudhā na bhaviṣyanti bāṇaughaiśśakalīkṛtāḥ || 69 ||
nirmaryādānimānlokānkariṣyāmyadya sāyakaiḥ |
hṛtāṃ mṛtāṃ vā saumitre na dāsyanti mameśvarāḥ || 70 ||
tathārupāṃ hi vaidehīṃ na dāsyanti yadi priyām |
nāśayāmi jagatsarvaṃ trailokyaṃ sacarācaram || 71 ||
ityuktvā roṣatāmrākṣo rāmo niṣpīḍya kārmukam |
śaramādāya sandīptaṃ ghoramāśīviṣopamam || 72 ||
sandhāya dhanuṣi śrīmānrāmaḥ parapurañjayaḥ |
yugāntāgniriva kruddha idaṃ vacanamabravīt || 73 ||
yathā jarā yathā mṛtyuryathā kālo yathā vidhiḥ |
nityaṃ na pratihanyante sarvabhūteṣu lakṣmaṇa || 74 ||
tathāhaṃ krodhasaṃyukto na nivāryo'smi sarvathā |
pureva me cārudantīmaninditāṃ diśanti sītāṃ yadi nādya maithilīm |
sadevagandharvamanuṣyapannagaṃ jagatsaśailaṃ parivartayāmyaham || 75 ||
ityārṣe śrīmadrāmāyaṇe vālmīkīya ādikāvye araṇyakāṇḍe catuḥṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ चतुःषष्टितमस्सर्गः ।
स दीनो दीनया वाचा लक्ष्मणं वाक्यमब्रवीत् ।
शीघ्रं लक्ष्मण जानीहि गत्वा गोदावरीं नदीम् ॥ 1 ॥
अपि गोदावरीं सीता पद्मान्यानयितुं गता ।
एवमुक्तस्तु रामेण लक्ष्मणः परवीरहा ॥ 2 ॥
नदीं गोदावरीं रम्यां जगाम लघुविक्रमः ।
तां लक्ष्मणस्तीर्थवती विचित्वा राममब्रवीत् ॥ 3 ॥
नैनां पश्यामि तीर्थेषु क्रोशतो न शृणोति मे ।
कं नु वा देशमापन्ना वैदेही क्लेशनाशिनी ॥ 4 ॥
न ह्यहं वेद तं देशं यत्र सा जनकात्मजा ।
लक्ष्मणस्य वचश्श्रुत्वा दीनस्सन्तापमोहितः ॥ 5 ॥
रामस्समभिचक्राम स्वयं गोदावरीं नदीम् ।
स तामुपस्थितो रामः क्व सीतेत्येवमब्रवीत् ॥ 6 ॥
भूतानि राक्षसेन्द्रेण वधार्हेण हृतामिति ।
न तां शशंसू रामाय तथा गोदावरी नदि ॥ 7 ॥
ततः प्रचोदिता भूतैश्शंसास्मैतां प्रियामिति ।
न तु साभ्यवदतसितां पृष्टा रामेण शोचता ॥ 8 ॥
रावणस्य तु तद्रूपं कर्माणि च दुरात्मनः ।
ध्यात्वा भयात्तु वैदेहीं सा नदी न शशंस ताम् ॥ 9 ॥
निराशस्तु तया नद्या सीताया दर्शने कृतः ।
उवाच रामस्सौमित्रिं सीतादर्शनकर्शितः ॥ 10 ॥
एषा गोदावरी सौम्य किञ्चिन्न प्रति भाषते ।
किं नु लक्ष्मण वक्ष्यामि समेत्य जनकं वचः ॥ 11 ॥
मातरं चैव वैदेह्या विना तामहमप्रियम् ।
या मे राज्यविहीनस्य वने वन्येन जीवतः ॥ 12 ॥
सर्वं व्यपनयेच्छोकं वैदेही क्व नु सा गता ।
ज्ञातिपक्षविहीनस्य राजपुत्रीमपश्यतः ॥ 13 ॥
मन्ये दीर्घा भविष्यन्ति रात्रयो मम जाग्रतः ।
गोदावरीं जनस्थानमिमं प्रस्रवणं गिरिम् ॥ 14 ॥
सर्वाण्यनुगमिष्यामि यदि सीता हि दृश्यते ।
एते मृगा महावीर्य मामीक्षन्ते मुहुर्मुहुः ॥ 15 ॥
वक्तुकामा इव हि मे इङ्गितान्युपलक्षये ।
तांस्तु दृष्ट्वा नरव्याघ्रो राघवः प्रत्युवाच ह ॥ 16 ॥
क्व सीतेति निरीक्षन्वै बाष्पसंरुद्धया दृशा ।
एवमुक्ता नरेन्द्रेण ते मृगास्सहसोत्थिताः ॥ 17 ॥
दक्षिणाभिमुखास्सर्वे दर्शयन्तो नभस्थलम् ।
मैथिली ह्रियमाणा सा दिशं यामन्वपद्यत ॥ 18 ॥
तेन मार्गेण धावन्तो निरीक्षन्ते नराधिपम् ।
येन मार्गं च भूमिं च निरीक्षन्ते स्म ते मृगाः ॥ 19 ॥
पुनश्च मार्गमिच्छन्ति लक्ष्मणेनोपलक्षिताः ।
तेषां वचनसर्वस्वं लक्षयामास चेङ्गितम् ॥ 20 ॥
उवाच लक्ष्मणो ज्येष्ठं धीमान्भ्रातरमार्तवत् ।
क्व सितेति त्वया पृष्टा यथेमे सहसोत्थिताः ॥ 21 ॥
दर्शयन्ति क्षितिं चैव दक्षिणां च दिशं मृगाः ।
साधु गच्छावहे देव दिशमेतां हि नैऋतिम् ॥ 22 ॥
यदि स्यादागमः कश्चिदार्या वा साऽथ लक्ष्यते ।
बाढमित्येव काकुत्स्थः प्रस्थितो दक्षिणां दिशम् ॥ 23 ॥
लक्ष्मणानुगतश्शीमन्वीक्षमाणो वसुन्धराम् ।
एवं सम्भाषमाणौ तावन्योन्यं भ्रातरावुभौ ॥ 24 ॥
वसुन्धरायां पतितं पुष्पमार्गमपश्यताम् ।
तां पुष्पवृष्टिं पतितां दृष्ट्वा रामो महीतले ॥ 25 ॥
उवाच लक्ष्मणं वीरो दुःखितो दुःखितं वचः ।
अभिजानामि पुष्पाणि तानीमानीह लक्ष्मण ॥ 26 ॥
पिनद्धानि हि वैदेह्या मया दत्तानि कानने ।
मन्ये सूर्यश्च वायुश्च मेदिनी च यशस्विनी ॥ 27 ॥
अभिरक्षन्ति पुष्पाणि प्रकुर्वन्तो मम प्रियम् ।
एवमुक्त्वा महाबाहुं लक्ष्मणं पुरुषर्षभः ॥ 28 ॥
उवाच रामो धर्मात्मा गिरिं प्रस्रवणाकुलम् ।
कच्चित् क्षितिभृतां नाथ दृष्टा सर्वाङ्गसुन्दरी ॥ 29 ॥
रामा रम्ये वनोद्देशे मया विरहिता त्वया ।
क्रुद्धोऽब्रवीद्गिरिं तत्र सिंहः क्षुद्रमृगं यथा ॥ 30 ॥
तां हेमवर्णां हेमाभां सीतां दर्शय पर्वत ।
यावत्सानूनि सर्वाणि न ते विध्वंसयाम्यहम् ॥ 31 ॥
एवमुक्तस्तु रामेण पर्वतो मैथिलीं प्रति ।
शंसन्निव ततस्सीतां नादर्शयत राघवे ॥ 32 ॥
ततो दाशरथी राम उवाच च शिलोच्चयम् ।
मम बाणाग्निनिर्दग्धो भस्मीभूतो भविष्यसि ॥ 33 ॥
असेव्यः सततं चैव निस्तृणद्रुमपल्लवः ।
इमां वा सरितं चाद्य शोषयिष्यामि लक्ष्मण ॥ 34 ॥
यदि नाख्याति मे सीतामार्यां चन्द्रनिभाननाम् ।
एवं स रुषितो रामो दिधक्षन्निव चक्षुषा ॥ 35 ॥
ददर्श भूमौ निष्क्रान्तं राक्षसस्य पदं महत् ।
त्रस्ताया रामकाङ्क्षिण्याः प्रधावन्त्या इतस्ततः ॥ 36 ॥
राक्षसेनानुवृत्ताया मैथिल्याश्च पदान्यथ ।
स समीक्ष्य परिक्रान्तं सीताया राक्षसस्य च ॥ 37 ॥
भग्नं धनुश्च तूणी च विकीर्णं बहुधा रथम् ।
सम्भ्रान्तहृदयो रामश्शशंस भ्रातरम्प्रियम् ॥ 38 ॥
पश्य लक्ष्मण वैदेह्याशशीर्णाः कनकबिन्दवः ।
भूषणानां हि सौमित्रे माल्यानि विविधानि च ॥ 39 ॥
तप्तबिन्दुनिकाशैश्च चित्रैः क्षतजबिन्दुभिः ।
आवृतं पश्य सौमित्रे सर्वतो धरणीतलम् ॥ 40 ॥
मन्ये लक्ष्मण वैदेही राक्षसैः कामरूपिभिः ।
भित्वाभित्वा विभक्ता वा भक्षिता वा भविष्यति ॥ 41 ॥
तस्या निमित्तं वैदेह्या द्वयोर्विवदमानयोः ।
बभूव युद्धं सौमित्रे घोरं राक्षसयोरिह ॥ 42 ॥
मुक्तामणिमयं चेदं तपनीयविभूषितम् ।
धरण्यां पतितं सौम्य कस्य भग्नं महद्धनुः ॥ 43 ॥
तरुणादित्यसङ्काशं वैडूर्यगुलिकाचितम् ।
विशीर्णं पतितं भूमौ कवचं कस्य काञ्चनम् ॥ 44 ॥
छत्रं शतशलाकं च दिव्यमाल्योपशोभितम् ।
भग्नदण्डमिदं कस्य भूमौ सम्यङ्निपातितम् ॥ 45 ॥
काञ्चनोरश्छदा श्चेमे पिशाचवदनाः खराः ।
भीमरूपा महाकायाः कस्य वा निहता रणे ॥ 46 ॥
दीप्तपावकसङ्काशो द्युतिमान्समरध्वजः ।
अपविद्धश्च भग्नश्च कस्य साङ्ग्रामिको रथः ॥ 47 ॥
रथाक्षमात्रा विशिखास्तपनीयविभूषणाः ।
कस्येमेऽभिहता बाणाः प्रकीर्णा घोरकर्मणः ॥ 48 ॥
शरावरौ शरैः पूर्णौ विध्वस्तौ पश्य लक्ष्मण ।
प्रतोदाभीशुहस्तो वै कस्यायं सारथिर्हतः ॥ 49 ॥
कस्येमौ पुरुषव्याघ्र शयाते निहतौ युधि ।
चामरग्राहिणौ सौम्य सोष्णीषमणिकुण्डलौ ॥ 50 ॥
पदवीपुरुषस्यैषा व्यक्तं कस्यापि रक्षसः ।
वैरं शतगुणं पश्य ममेदं जीवितान्तकम् ॥ 51 ॥
सुघोरहृदयैस्सौम्य राक्षसैः कामरूपिभिः ।
हृता मृता वा सीता सा भक्षिता वा तपस्विनी ॥ 52 ॥
नधर्मस्त्रायते सीतां ह्रियमाणां महावने ।
भक्षितायां हि वैदेह्यां हृतायामपि लक्ष्मण ॥ 53 ॥
के हि लोके प्रियं कर्तुं शक्तास्सौम्य ममेश्वराः ।
कर्तारमपि लोकानां शूरं करुणवेदिनम् ॥ 54 ॥
अज्ञानादवमन्येरत्सर्वभूतानि लक्ष्मण ।
मृदुं लोकहिते युक्तं दान्तं करुणवेदिनम् ॥ 55 ॥
निर्वीर्य इति मन्यन्ते नूनं मां त्रिदशेश्वराः ।
मां प्राप्य हि गुणो दोषस्संवृत्तः पश्य लक्ष्मण ॥ 56 ॥
अद्यैव सर्वभूतानां रक्षसामभवाय च ।
संहृत्यैव शशिज्योत्स्नां महान्सूर्य इवोदितः ॥ 57 ॥
संहृत्यैव गुणान्सर्वान्मम तेजः प्रकाशते ।
नैव यक्षा न गन्धर्वा न पिशाचा न राक्षसाः ॥ 58 ॥
किन्नरा वा मनुष्या वा सुखं प्राप्स्यन्ति लिक्ष्मण ।
ममास्त्रबाणसम्पूर्णमाकाशं पश्य लक्ष्मण ॥ 59 ॥
निस्सम्पातं करिष्यामि ह्यद्य त्रैलोक्यचारिणाम् ।
सन्निरुद्धग्रहगणमावारितनिशाकरम् ॥ 60 ॥
विप्रणष्टानलमरुद्भास्करद्युतिसंवृतम् ।
विनिर्मथितशैलाग्रं शुष्यमाणजलाशयम् ॥ 61 ॥
ध्वस्तद्रुमलतागुल्मं विप्रणाशितसागरम् ।
त्रैलोक्यं तु करिष्यामि संयुक्तं कालकर्मणा ॥ 62 ॥
न तां कुशलिनीं सीतां प्रदास्यन्ति ममेश्वराः ।
अस्मिन्मुहूर्ते सौमित्रे मम द्रक्ष्यन्ति विक्रमम् ॥ 63 ॥
नाकाशमुत्पतिष्यन्ति सर्वभूतानि लक्ष्मण ।
मम चापगुणोन्मुक्तैर्बाणजालैर्निरन्तरम् ॥ 64 ॥
अर्दितं मम नाराचैर्ध्वस्तभ्रान्तमृगद्विजम् ।
समाकुलममर्यादं जगत्पश्याद्य लक्ष्मण ॥ 65 ॥
आकर्णपूर्णैरिषुभिर्जीवलोकं दुरावरैः ।
करिष्ये मैथिलीहेतोरपिशाचमराक्षसम् ॥ 66 ॥
मम रोषप्रयुक्तानां सायकानां बलं सुराः ।
द्रक्ष्यन्त्यद्य विमुक्तानामतिदूरातिगामिनाम् ॥ 67 ॥
नैव देवा न दैतेया न पिशाचा न राक्षसाः ।
भविष्यन्ति मम क्रोधात्त्रैलोक्ये विप्रणाशिते ॥ 68 ॥
देवदानवयक्षाणां लोका ये रक्षसामपि ।
बहुधा न भविष्यन्ति बाणौघैश्शकलीकृताः ॥ 69 ॥
निर्मर्यादानिमान्लोकान्करिष्याम्यद्य सायकैः ।
हृतां मृतां वा सौमित्रे न दास्यन्ति ममेश्वराः ॥ 70 ॥
तथारुपां हि वैदेहीं न दास्यन्ति यदि प्रियाम् ।
नाशयामि जगत्सर्वं त्रैलोक्यं सचराचरम् ॥ 71 ॥
इत्युक्त्वा रोषताम्राक्षो रामो निष्पीड्य कार्मुकम् ।
शरमादाय सन्दीप्तं घोरमाशीविषोपमम् ॥ 72 ॥
सन्धाय धनुषि श्रीमान्रामः परपुरञ्जयः ।
युगान्ताग्निरिव क्रुद्ध इदं वचनमब्रवीत् ॥ 73 ॥
यथा जरा यथा मृत्युर्यथा कालो यथा विधिः ।
नित्यं न प्रतिहन्यन्ते सर्वभूतेषु लक्ष्मण ॥ 74 ॥
तथाहं क्रोधसंयुक्तो न निवार्योऽस्मि सर्वथा ।
पुरेव मे चारुदन्तीमनिन्दितां दिशन्ति सीतां यदि नाद्य मैथिलीम् ।
सदेवगन्धर्वमनुष्यपन्नगं जगत्सशैलं परिवर्तयाम्यहम् ॥ 75 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे चतुःषष्टितमस्सर्गः ॥
śrīmadvālmīkīya rāmāyaṇe araṇyakāṇḍam |
atha catuḥṣaṣṭitamassargaḥ |
sa dīno dīnayā vācā lakṣmaṇaṃ vākyamabravīt |
śīghraṃ lakṣmaṇa jānīhi gatvā godāvarīṃ nadīm || 1 ||
api godāvarīṃ sītā padmānyānayituṃ gatā |
evamuktastu rāmeṇa lakṣmaṇaḥ paravīrahā || 2 ||
nadīṃ godāvarīṃ ramyāṃ jagāma laghuvikramaḥ |
tāṃ lakṣmaṇastīrthavatī vicitvā rāmamabravīt || 3 ||
naināṃ paśyāmi tīrtheṣu krośato na śṛṇoti me |
kaṃ nu vā deśamāpannā vaidehī kleśanāśinī || 4 ||
na hyahaṃ veda taṃ deśaṃ yatra sā janakātmajā |
lakṣmaṇasya vacaśśrutvā dīnassantāpamohitaḥ || 5 ||
rāmassamabhicakrāma svayaṃ godāvarīṃ nadīm |
sa tāmupasthito rāmaḥ kva sītetyevamabravīt || 6 ||
bhūtāni rākṣasendreṇa vadhārheṇa hṛtāmiti |
na tāṃ śaśaṃsū rāmāya tathā godāvarī nadi || 7 ||
tataḥ pracoditā bhūtaiśśaṃsāsmaitāṃ priyāmiti |
na tu sābhyavadatasitāṃ pṛṣṭā rāmeṇa śocatā || 8 ||
rāvaṇasya tu tadrūpaṃ karmāṇi ca durātmanaḥ |
dhyātvā bhayāttu vaidehīṃ sā nadī na śaśaṃsa tām || 9 ||
nirāśastu tayā nadyā sītāyā darśane kṛtaḥ |
uvāca rāmassaumitriṃ sītādarśanakarśitaḥ || 10 ||
eṣā godāvarī saumya kiñcinna prati bhāṣate |
kiṃ nu lakṣmaṇa vakṣyāmi sametya janakaṃ vacaḥ || 11 ||
mātaraṃ caiva vaidehyā vinā tāmahamapriyam |
yā me rājyavihīnasya vane vanyena jīvataḥ || 12 ||
sarvaṃ vyapanayecchokaṃ vaidehī kva nu sā gatā |
jñātipakṣavihīnasya rājaputrīmapaśyataḥ || 13 ||
manye dīrghā bhaviṣyanti rātrayo mama jāgrataḥ |
godāvarīṃ janasthānamimaṃ prasravaṇaṃ girim || 14 ||
sarvāṇyanugamiṣyāmi yadi sītā hi dṛśyate |
ete mṛgā mahāvīrya māmīkṣante muhurmuhuḥ || 15 ||
vaktukāmā iva hi me iṅgitānyupalakṣaye |
tāṃstu dṛṣṭvā naravyāghro rāghavaḥ pratyuvāca ha || 16 ||
kva sīteti nirīkṣanvai bāṣpasaṃruddhayā dṛśā |
evamuktā narendreṇa te mṛgāssahasotthitāḥ || 17 ||
dakṣiṇābhimukhāssarve darśayanto nabhasthalam |
maithilī hriyamāṇā sā diśaṃ yāmanvapadyata || 18 ||
tena mārgeṇa dhāvanto nirīkṣante narādhipam |
yena mārgaṃ ca bhūmiṃ ca nirīkṣante sma te mṛgāḥ || 19 ||
punaśca mārgamicchanti lakṣmaṇenopalakṣitāḥ |
teṣāṃ vacanasarvasvaṃ lakṣayāmāsa ceṅgitam || 20 ||
uvāca lakṣmaṇo jyeṣṭhaṃ dhīmānbhrātaramārtavat |
kva siteti tvayā pṛṣṭā yatheme sahasotthitāḥ || 21 ||
darśayanti kṣitiṃ caiva dakṣiṇāṃ ca diśaṃ mṛgāḥ |
sādhu gacchāvahe deva diśametāṃ hi naiṛtim || 22 ||
yadi syādāgamaḥ kaścidāryā vā sā'tha lakṣyate |
bāḍhamityeva kākutsthaḥ prasthito dakṣiṇāṃ diśam || 23 ||
lakṣmaṇānugataśśīmanvīkṣamāṇo vasundharām |
evaṃ sambhāṣamāṇau tāvanyonyaṃ bhrātarāvubhau || 24 ||
vasundharāyāṃ patitaṃ puṣpamārgamapaśyatām |
tāṃ puṣpavṛṣṭiṃ patitāṃ dṛṣṭvā rāmo mahītale || 25 ||
uvāca lakṣmaṇaṃ vīro duḥkhito duḥkhitaṃ vacaḥ |
abhijānāmi puṣpāṇi tānīmānīha lakṣmaṇa || 26 ||
pinaddhāni hi vaidehyā mayā dattāni kānane |
manye sūryaśca vāyuśca medinī ca yaśasvinī || 27 ||
abhirakṣanti puṣpāṇi prakurvanto mama priyam |
evamuktvā mahābāhuṃ lakṣmaṇaṃ puruṣarṣabhaḥ || 28 ||
uvāca rāmo dharmātmā giriṃ prasravaṇākulam |
kaccit kṣitibhṛtāṃ nātha dṛṣṭā sarvāṅgasundarī || 29 ||
rāmā ramye vanoddeśe mayā virahitā tvayā |
kruddho'bravīdgiriṃ tatra siṃhaḥ kṣudramṛgaṃ yathā || 30 ||
tāṃ hemavarṇāṃ hemābhāṃ sītāṃ darśaya parvata |
yāvatsānūni sarvāṇi na te vidhvaṃsayāmyaham || 31 ||
evamuktastu rāmeṇa parvato maithilīṃ prati |
śaṃsanniva tatassītāṃ nādarśayata rāghave || 32 ||
tato dāśarathī rāma uvāca ca śiloccayam |
mama bāṇāgninirdagdho bhasmībhūto bhaviṣyasi || 33 ||
asevyaḥ satataṃ caiva nistṛṇadrumapallavaḥ |
imāṃ vā saritaṃ cādya śoṣayiṣyāmi lakṣmaṇa || 34 ||
yadi nākhyāti me sītāmāryāṃ candranibhānanām |
evaṃ sa ruṣito rāmo didhakṣanniva cakṣuṣā || 35 ||
dadarśa bhūmau niṣkrāntaṃ rākṣasasya padaṃ mahat |
trastāyā rāmakāṅkṣiṇyāḥ pradhāvantyā itastataḥ || 36 ||
rākṣasenānuvṛttāyā maithilyāśca padānyatha |
sa samīkṣya parikrāntaṃ sītāyā rākṣasasya ca || 37 ||
bhagnaṃ dhanuśca tūṇī ca vikīrṇaṃ bahudhā ratham |
sambhrāntahṛdayo rāmaśśaśaṃsa bhrātarampriyam || 38 ||
paśya lakṣmaṇa vaidehyāśaśīrṇāḥ kanakabindavaḥ |
bhūṣaṇānāṃ hi saumitre mālyāni vividhāni ca || 39 ||
taptabindunikāśaiśca citraiḥ kṣatajabindubhiḥ |
āvṛtaṃ paśya saumitre sarvato dharaṇītalam || 40 ||
manye lakṣmaṇa vaidehī rākṣasaiḥ kāmarūpibhiḥ |
bhitvābhitvā vibhaktā vā bhakṣitā vā bhaviṣyati || 41 ||
tasyā nimittaṃ vaidehyā dvayorvivadamānayoḥ |
babhūva yuddhaṃ saumitre ghoraṃ rākṣasayoriha || 42 ||
muktāmaṇimayaṃ cedaṃ tapanīyavibhūṣitam |
dharaṇyāṃ patitaṃ saumya kasya bhagnaṃ mahaddhanuḥ || 43 ||
taruṇādityasaṅkāśaṃ vaiḍūryagulikācitam |
viśīrṇaṃ patitaṃ bhūmau kavacaṃ kasya kāñcanam || 44 ||
chatraṃ śataśalākaṃ ca divyamālyopaśobhitam |
bhagnadaṇḍamidaṃ kasya bhūmau samyaṅnipātitam || 45 ||
kāñcanoraśchadā śceme piśācavadanāḥ kharāḥ |
bhīmarūpā mahākāyāḥ kasya vā nihatā raṇe || 46 ||
dīptapāvakasaṅkāśo dyutimānsamaradhvajaḥ |
apaviddhaśca bhagnaśca kasya sāṅgrāmiko rathaḥ || 47 ||
rathākṣamātrā viśikhāstapanīyavibhūṣaṇāḥ |
kasyeme'bhihatā bāṇāḥ prakīrṇā ghorakarmaṇaḥ || 48 ||
śarāvarau śaraiḥ pūrṇau vidhvastau paśya lakṣmaṇa |
pratodābhīśuhasto vai kasyāyaṃ sārathirhataḥ || 49 ||
kasyemau puruṣavyāghra śayāte nihatau yudhi |
cāmaragrāhiṇau saumya soṣṇīṣamaṇikuṇḍalau || 50 ||
padavīpuruṣasyaiṣā vyaktaṃ kasyāpi rakṣasaḥ |
vairaṃ śataguṇaṃ paśya mamedaṃ jīvitāntakam || 51 ||
sughorahṛdayaissaumya rākṣasaiḥ kāmarūpibhiḥ |
hṛtā mṛtā vā sītā sā bhakṣitā vā tapasvinī || 52 ||
nadharmastrāyate sītāṃ hriyamāṇāṃ mahāvane |
bhakṣitāyāṃ hi vaidehyāṃ hṛtāyāmapi lakṣmaṇa || 53 ||
ke hi loke priyaṃ kartuṃ śaktāssaumya mameśvarāḥ |
kartāramapi lokānāṃ śūraṃ karuṇavedinam || 54 ||
ajñānādavamanyeratsarvabhūtāni lakṣmaṇa |
mṛduṃ lokahite yuktaṃ dāntaṃ karuṇavedinam || 55 ||
nirvīrya iti manyante nūnaṃ māṃ tridaśeśvarāḥ |
māṃ prāpya hi guṇo doṣassaṃvṛttaḥ paśya lakṣmaṇa || 56 ||
adyaiva sarvabhūtānāṃ rakṣasāmabhavāya ca |
saṃhṛtyaiva śaśijyotsnāṃ mahānsūrya ivoditaḥ || 57 ||
saṃhṛtyaiva guṇānsarvānmama tejaḥ prakāśate |
naiva yakṣā na gandharvā na piśācā na rākṣasāḥ || 58 ||
kinnarā vā manuṣyā vā sukhaṃ prāpsyanti likṣmaṇa |
mamāstrabāṇasampūrṇamākāśaṃ paśya lakṣmaṇa || 59 ||
nissampātaṃ kariṣyāmi hyadya trailokyacāriṇām |
sanniruddhagrahagaṇamāvāritaniśākaram || 60 ||
vipraṇaṣṭānalamarudbhāskaradyutisaṃvṛtam |
vinirmathitaśailāgraṃ śuṣyamāṇajalāśayam || 61 ||
dhvastadrumalatāgulmaṃ vipraṇāśitasāgaram |
trailokyaṃ tu kariṣyāmi saṃyuktaṃ kālakarmaṇā || 62 ||
na tāṃ kuśalinīṃ sītāṃ pradāsyanti mameśvarāḥ |
asminmuhūrte saumitre mama drakṣyanti vikramam || 63 ||
nākāśamutpatiṣyanti sarvabhūtāni lakṣmaṇa |
mama cāpaguṇonmuktairbāṇajālairnirantaram || 64 ||
arditaṃ mama nārācairdhvastabhrāntamṛgadvijam |
samākulamamaryādaṃ jagatpaśyādya lakṣmaṇa || 65 ||
ākarṇapūrṇairiṣubhirjīvalokaṃ durāvaraiḥ |
kariṣye maithilīhetorapiśācamarākṣasam || 66 ||
mama roṣaprayuktānāṃ sāyakānāṃ balaṃ surāḥ |
drakṣyantyadya vimuktānāmatidūrātigāminām || 67 ||
naiva devā na daiteyā na piśācā na rākṣasāḥ |
bhaviṣyanti mama krodhāttrailokye vipraṇāśite || 68 ||
devadānavayakṣāṇāṃ lokā ye rakṣasāmapi |
bahudhā na bhaviṣyanti bāṇaughaiśśakalīkṛtāḥ || 69 ||
nirmaryādānimānlokānkariṣyāmyadya sāyakaiḥ |
hṛtāṃ mṛtāṃ vā saumitre na dāsyanti mameśvarāḥ || 70 ||
tathārupāṃ hi vaidehīṃ na dāsyanti yadi priyām |
nāśayāmi jagatsarvaṃ trailokyaṃ sacarācaram || 71 ||
ityuktvā roṣatāmrākṣo rāmo niṣpīḍya kārmukam |
śaramādāya sandīptaṃ ghoramāśīviṣopamam || 72 ||
sandhāya dhanuṣi śrīmānrāmaḥ parapurañjayaḥ |
yugāntāgniriva kruddha idaṃ vacanamabravīt || 73 ||
yathā jarā yathā mṛtyuryathā kālo yathā vidhiḥ |
nityaṃ na pratihanyante sarvabhūteṣu lakṣmaṇa || 74 ||
tathāhaṃ krodhasaṃyukto na nivāryo'smi sarvathā |
pureva me cārudantīmaninditāṃ diśanti sītāṃ yadi nādya maithilīm |
sadevagandharvamanuṣyapannagaṃ jagatsaśailaṃ parivartayāmyaham || 75 ||
ityārṣe śrīmadrāmāyaṇe vālmīkīya ādikāvye araṇyakāṇḍe catuḥṣaṣṭitamassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.