𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌰𑌣𑍍𑌯𑌕𑌾𑌣𑍍𑌡𑌮𑍍 ।
𑌅𑌥 𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ।
𑌭𑍃𑌶𑌮𑌾𑌵𑍍𑌰𑌜𑌮𑌾𑌨𑌸𑍍𑌯 𑌤𑌸𑍍𑌯𑌾𑌧𑍋 𑌵𑌾𑌮𑌲𑍋𑌚𑌨𑌮𑍍 ।
𑌪𑍍𑌰𑌾𑌸𑍍𑌫𑍁𑌰𑌚𑍍𑌚𑌾𑌸𑍍𑌖𑌲𑌦𑍍𑌰𑌾𑌮𑍋 𑌵𑍇𑌪𑌥𑍁𑌶𑍍𑌚𑌾𑌪𑍍𑌯 𑌜𑌾𑌯𑌤 ॥ 1 ॥
𑌉𑌪𑌾𑌲𑌕𑍍𑌷𑍍𑌯 𑌨𑌿𑌮𑌿𑌤𑍍𑌤𑌾𑌨𑌿 𑌸𑍋𑌽𑌶𑍁𑌭𑌾𑌨𑌿 𑌮𑍁𑌹𑍁𑌰𑍍𑌮𑍁𑌹𑍁𑌃 ।
𑌅𑌪𑌿 𑌕𑍍𑌷𑍇𑌮𑌂 𑌨𑍁 𑌸𑍀𑌤𑌾𑌯𑌾 𑌇𑌤𑌿 𑌵𑍈 𑌵𑍍𑌯𑌾𑌜𑌹𑌾𑌰 𑌚 ॥ 2 ॥
𑌤𑍍𑌵𑌰𑌮𑌾𑌣𑍋 𑌜𑌗𑌾𑌮𑌾𑌥 𑌸𑍀𑌤𑌾𑌦𑌰𑍍𑌶𑌨𑌲𑌾𑌲𑌸𑌃 ।
𑌶𑍂𑌨𑍍𑌯𑌮𑌾𑌵𑌸𑌥𑌂 𑌦𑍃𑌷𑍍𑌟𑍍𑌵𑌾 𑌬𑌭𑍂𑌵𑍋𑌦𑍍𑌵𑌿𑌗𑍍𑌨𑌮𑌾𑌨𑌸𑌃 ॥ 3 ॥
𑌉𑌦𑍍𑌭𑍍𑌰𑌮𑌨𑍍𑌨𑌿𑌵 𑌵𑍇𑌗𑍇𑌨 𑌵𑌿𑌕𑍍𑌷𑌿𑌪𑌨𑍍𑌰𑌘𑍁𑌨𑌨𑍍𑌦𑌨𑌃 ।
𑌤𑌤𑍍𑌰 𑌤𑌤𑍍𑌰𑍋𑌟𑌜𑌸𑍍𑌥𑌾𑌨𑌮𑌭𑌿𑌵𑍀𑌕𑍍𑌷𑌯 𑌸𑌮𑌨𑍍𑌤𑌤𑌃 ॥ 4 ॥
𑌦𑌦𑌰𑍍𑌶 𑌪𑌰𑍍𑌣𑌶𑌾𑌲𑌾𑌂 𑌚 𑌰𑌹𑌿𑌤𑌾𑌂 𑌸𑍀𑌤𑌯𑌾 𑌤𑌦𑌾 ।
𑌶𑍍𑌰𑌿𑌯𑌾 𑌵𑌿𑌰𑌹𑌿𑌤𑌾𑌂 𑌧𑍍𑌵𑌸𑍍𑌤𑌾𑌂 𑌹𑍇𑌮𑌨𑍍𑌤𑍇 𑌪𑌦𑍍𑌮𑌿𑌨𑍀𑌮𑌿𑌵 ॥ 5 ॥
𑌰𑍁𑌦𑌨𑍍𑌤𑌮𑌿𑌵 𑌵𑍃𑌕𑍍𑌷𑍈𑌶𑍍𑌚 𑌮𑍍𑌲𑌾𑌨𑌪𑍁𑌷𑍍𑌪𑌮𑍃𑌗𑌦𑍍𑌵𑌿𑌜𑌮𑍍 ।
𑌶𑍍𑌰𑌿𑌯𑌾 𑌵𑌿𑌹𑍀𑌨𑌂 𑌵𑌿𑌧𑍍𑌵𑌸𑍍𑌤𑌂 𑌸𑌨𑍍𑌤𑍍𑌯𑌕𑍍𑌤𑌵𑌨𑌦𑍇𑌵𑌤𑌮𑍍 ॥ 6 ॥
𑌵𑌿𑌪𑍍𑌰𑌕𑍀𑌰𑍍𑌣𑌾𑌜𑌿𑌨𑌕𑍁𑌶𑌂 𑌵𑌿𑌪𑍍𑌰𑌵𑌿𑌦𑍍𑌧𑌬𑍍𑌰𑍁𑌸𑍀𑌕𑌟𑌮𑍍 ।
𑌦𑍃𑌷𑍍𑌟𑍍𑌵𑌾 𑌶𑍂𑌨𑍍𑌯𑌂 𑌨𑌿𑌜𑌸𑍍𑌥𑌾𑌨𑌂 𑌵𑌿𑌲𑌲𑌾𑌪 𑌪𑍁𑌨𑌃 𑌪𑍁𑌨𑌃 ॥ 7 ॥
𑌹𑍃𑌤𑌾 𑌮𑍃𑌤𑌾 𑌵𑌾 𑌨𑌷𑍍𑌟𑌾 𑌵𑌾 𑌭𑌕𑍍𑌷𑌿𑌤𑌾 𑌵𑌾 𑌭𑌵𑌿𑌷𑍍𑌯𑌤𑌿 ।
𑌨𑌿𑌲𑍀𑌨𑌾𑌪𑍍𑌯𑌥𑌵𑌾 𑌭𑍀𑌰𑍁𑌰𑌥𑌵𑌾 𑌵𑌨𑌮𑌾𑌶𑍍𑌰𑌿𑌤𑌾 ॥ 8 ॥
𑌗𑌤𑌾 𑌵𑌿𑌚𑍇𑌤𑍁𑌂 𑌪𑍁𑌷𑍍𑌪𑌾𑌣𑌿 𑌫𑌲𑌾𑌨𑍍𑌯𑌪𑌿 𑌚 𑌵𑌾 𑌪𑍁𑌨𑌃 ।
𑌅𑌥𑌵𑌾 𑌪𑌦𑍍𑌮𑌿𑌨𑍀𑌂 𑌯𑌾𑌤𑌾 𑌜𑌲𑌾𑌰𑍍𑌥𑌂 𑌵𑌾 𑌨𑌦𑍀𑌂 𑌗𑌤𑌾 ॥ 9 ॥
𑌯𑌤𑍍𑌨𑌾𑌨𑍍𑌮𑍃𑌗𑌯𑌮𑌾𑌣𑌸𑍍𑌤𑍁 𑌨𑌾𑌸𑌸𑌾𑌦 𑌵𑌨𑍇 𑌪𑍍𑌰𑌿𑌯𑌾𑌮𑍍 ।
𑌶𑍋𑌕𑌰𑌕𑍍𑌤𑍇𑌕𑍍𑌷𑌣𑌶𑍍𑌶𑍋𑌕𑌾𑌦𑍁𑌨𑍍𑌮𑌤𑍍𑌤 𑌇𑌵 𑌲𑌕𑍍𑌷𑍍𑌯𑌤𑍇 ॥ 10 ॥
𑌵𑍃𑌕𑍍𑌷𑌾𑌦𑍍𑌵𑍃𑌕𑍍𑌷𑌂 𑌪𑍍𑌰𑌧𑌾𑌵𑌨𑍍𑌸𑌗𑌿𑌰𑍇𑌶𑍍𑌚𑌾𑌦𑍍𑌰𑌿𑌂 𑌨𑌦𑌾𑌨𑍍𑌨𑌦𑍀𑌮𑍍 ।
𑌬𑌭𑍂𑌵 𑌵𑌿𑌲𑌪𑌨𑍍𑌰𑌾𑌮𑌶𑍍𑌶𑍋𑌕𑌾𑌰𑍍𑌣𑌵𑌪𑌰𑌿𑌪𑍍𑌲𑍁𑌤𑌃 ॥ 11 ॥
𑌅𑌪𑌿 𑌕𑌾𑌚𑌿𑌤𑍍𑌤𑍍𑌵𑌯𑌾 𑌦𑍃𑌷𑍍𑌟𑌾 𑌸𑌾 𑌕𑌦𑌮𑍍𑌬𑌪𑍍𑌰𑌿𑌯𑌾 𑌪𑍍𑌰𑌿𑌯𑌾 ।
𑌕𑌦𑌮𑍍𑌬 𑌯𑌦𑌿 𑌜𑌾𑌨𑍀𑌷𑍇 𑌶𑌂𑌸 𑌸𑍀𑌤𑌾𑌂 𑌶𑍁𑌭𑌾𑌨𑌨𑌾𑌮𑍍 ॥ 12 ॥
𑌸𑍍𑌨𑌿𑌗𑍍𑌧𑌪𑌲𑍍𑌲𑌵𑌸𑌙𑍍𑌕𑌾𑌶𑌾 𑌪𑍀𑌤𑌕𑍗𑌶𑍇𑌯𑌵𑌾𑌸𑌿𑌨𑍀 ।
𑌶𑌂𑌸𑌸𑍍𑌵 𑌯𑌦𑌿 𑌵𑌾 𑌦𑍃𑌷𑍍𑌟𑌾 𑌬𑌿𑌲𑍍𑌵 𑌬𑌿𑌲𑍍𑌵𑍋𑌪𑌮𑌸𑍍𑌤𑌨𑍀 ॥ 13 ॥
𑌅𑌥𑌵𑌾𑌽𑌰𑍍𑌜𑍁𑌨 𑌶𑌂𑌸 𑌤𑍍𑌵𑌂 𑌪𑍍𑌰𑌿𑌯𑌾𑌂 𑌤𑌾𑌮𑌰𑍍𑌜𑍁𑌨𑌪𑍍𑌰𑌿𑌯𑌾𑌮𑍍 ।
𑌜𑌨𑌕𑌸𑍍𑌯 𑌸𑍁𑌤𑌾 𑌭𑍀𑌰𑍁𑌰𑍍𑌯𑌦𑌿 𑌜𑍀𑌵𑌤𑌿 𑌵𑌾 𑌨 𑌵𑌾 ॥ 14 ॥
𑌕𑌕𑍁𑌭𑌃 𑌕𑌕𑍁𑌭𑍋𑌰𑍂𑌂 𑌤𑌾𑌂 𑌵𑍍𑌯𑌕𑍍𑌤𑌂 𑌜𑌾𑌨𑌾𑌤𑌿 𑌮𑍈𑌥𑌿𑌲𑍀𑌮𑍍 ।
𑌯𑌥𑌾 𑌪𑌲𑍍𑌲𑌵𑌪𑍁𑌷𑍍𑌪𑌾𑌢𑍍𑌯𑍋 𑌭𑌾𑌤𑌿 𑌹𑍍𑌯𑍇𑌷 𑌵𑌨𑌸𑍍𑌪𑌤𑌿𑌃 ॥ 15 ॥
𑌭𑍍𑌰𑌮𑌰𑍈𑌰𑍁𑌪𑌗𑍀𑌤𑌶𑍍𑌚 𑌯𑌥𑌾 𑌦𑍍𑌰𑍁𑌮𑌵𑌰𑍋 𑌹𑍍𑌯𑌯𑌮𑍍 ।
𑌏𑌷 𑌵𑍍𑌯𑌕𑍍𑌤𑌂 𑌵𑌿𑌜𑌾𑌨𑌾𑌤𑌿 𑌤𑌿𑌲𑌕𑌸𑍍𑌤𑌿𑌲𑌕𑌪𑍍𑌰𑌿𑌯𑌾𑌮𑍍 ॥ 16 ॥
𑌅𑌶𑍋𑌕 𑌶𑍋𑌕𑌾𑌪𑌨𑍁𑌦 𑌶𑍋𑌕𑍋𑌪𑌹𑌤𑌚𑍇𑌤𑌸𑌮𑍍 ।
𑌤𑍍𑌵𑌨𑍍𑌨𑌾𑌮𑌾𑌨𑌂 𑌕𑍁𑌰𑍁 𑌕𑍍𑌷𑌿𑌪𑍍𑌰𑌂 𑌪𑍍𑌰𑌿𑌯𑌾𑌸𑌨𑍍𑌦𑌰𑍍𑌶𑌨𑍇𑌨 𑌮𑌾𑌮𑍍 ॥ 17 ॥
𑌯𑌦𑌿 𑌤𑌾𑌲 𑌤𑍍𑌵𑌯𑌾 𑌦𑍃𑌷𑍍𑌟𑌾 𑌪𑌕𑍍𑌵𑌤𑌾𑌲𑌫𑌲𑌸𑍍𑌤𑌨𑍀 ।
𑌕𑌥𑌯𑌸𑍍𑌵 𑌵𑌰𑌾𑌰𑍋𑌹𑌾𑌂 𑌕𑌾𑌰𑍁𑌣𑍍𑌯𑌂 𑌯𑌦𑌿 𑌤𑍇 𑌮𑌯𑌿 ॥ 18 ॥
𑌯𑌦𑌿 𑌦𑍃𑌷𑍍𑌟𑌾 𑌤𑍍𑌵𑌯𑌾 𑌸𑍀𑌤𑌾 𑌜𑌮𑍍𑌬𑍁 𑌜𑌮𑍍𑌬𑍂𑌫𑌲𑍋𑌪𑌮𑌾 ।
𑌪𑍍𑌰𑌿𑌯𑌾𑌂 𑌯𑌦𑌿 𑌵𑌿𑌜𑌾𑌨𑍀𑌷𑍇 𑌨𑌿𑌃𑌶𑌙𑍍𑌕𑌂 𑌕𑌥𑌯𑌸𑍍𑌵 𑌮𑍇 ॥ 19 ॥
𑌅𑌹𑍋 𑌤𑍍𑌵𑌂 𑌕𑌰𑍍𑌣𑌿𑌕𑌾𑌰𑌾𑌦𑍍𑌯 𑌸𑍁𑌪𑍁𑌷𑍍𑌪𑍈𑌶𑍍𑌶𑍋𑌭𑌸𑍇 𑌭𑍃𑌶𑌮𑍍 ।
𑌕𑌰𑍍𑌣𑌿𑌕𑌾𑌰𑌪𑍍𑌰𑌿𑌯𑌾 𑌸𑌾𑌧𑍍𑌵𑍀 𑌶𑌂𑌸 𑌦𑍃𑌷𑍍𑌟𑌾 𑌪𑍍𑌰𑌿𑌯𑌾 𑌯𑌦𑌿 ॥ 20 ॥
𑌚𑍂𑌤𑌨𑍀𑌪𑌮𑌹𑌾𑌸𑌾𑌲𑌾𑌨𑍍𑌪𑌨𑌸𑌾𑌨𑍍𑌕𑍁𑌰𑌵𑌾𑌨𑍍𑌧𑌵𑌾𑌨𑍍 ।
𑌦𑌾𑌡𑌿𑌮𑌾𑌨𑌨𑌸𑌾𑌨𑍍𑌗𑌤𑍍𑌵𑌾 𑌦𑍃𑌷𑍍𑌟𑍍𑌵𑌾 𑌰𑌾𑌮𑍋 𑌮𑌹𑌾𑌯𑌶𑌾𑌃 ॥ 21 ॥
𑌮𑌲𑍍𑌲𑌿𑌕𑌾 𑌮𑌾𑌧𑌵𑍀𑌶𑍍𑌚𑍈𑌵 𑌚𑌮𑍍𑌪𑌕𑌾𑌨𑍍𑌕𑍇𑌤𑌕𑍀𑌸𑍍𑌤𑌥𑌾 ।
𑌪𑍃𑌚𑍍𑌛𑌨𑍍𑌰𑌾𑌮𑍋 𑌵𑌨𑍇 𑌭𑌾𑌨𑍍𑌤𑌃 𑌉𑌨𑍍𑌮𑌤𑍍𑌤 𑌇𑌵 𑌲𑌕𑍍𑌷𑍍𑌯𑌤𑍇 ॥ 22 ॥
𑌅𑌥𑌵𑌾 𑌮𑍃𑌗𑌶𑌾𑌬𑌾𑌕𑍍𑌷𑍀𑌂 𑌮𑍃𑌗 𑌜𑌾𑌨𑌾𑌸𑌿 𑌮𑍈𑌥𑌿𑌲𑍀𑌮𑍍 ।
𑌮𑍃𑌗𑌵𑌿𑌪𑍍𑌰𑍇𑌕𑍍𑌷𑌣𑍀 𑌕𑌾𑌨𑍍𑌤𑌾 𑌮𑍃𑌗𑍀𑌭𑌿𑌸𑍍𑌸𑌹𑌿𑌤𑌾 𑌭𑌵𑍇𑌤𑍍 ॥ 23 ॥
𑌗𑌜 𑌸𑌾 𑌗𑌜𑌨𑌾𑌸𑍋𑌰𑍂𑌰𑍍𑌯𑌦𑌿 𑌦𑍃𑌷𑍍𑌟𑌾 𑌤𑍍𑌵𑌯𑌾 𑌭𑌵𑍇𑌤𑍍 ।
𑌤𑌾𑌂 𑌮𑌨𑍍𑌯𑍇 𑌵𑌿𑌦𑌿𑌤𑌾𑌂 𑌤𑍁𑌭𑍍𑌯𑌮𑌾𑌖𑍍𑌯𑌾𑌹𑌿 𑌵𑌰𑌵𑌾𑌰𑌣 ॥ 24 ॥
𑌶𑌾𑌰𑍍𑌦𑍂𑌲 𑌯𑌦𑌿 𑌸𑌾 𑌦𑍃𑌷𑍍𑌟𑌾 𑌪𑍍𑌰𑌿𑌯𑌾 𑌚𑌨𑍍𑌦𑍍𑌰𑌨𑌿𑌭𑌾𑌨𑌨𑌾 ।
𑌮𑍈𑌥𑌿𑌲𑍀 𑌮𑌮 𑌵𑌿𑌸𑍍𑌰𑌬𑍍𑌧𑌂 𑌕𑌥𑌯𑌸𑍍𑌵 𑌨 𑌤𑍇 𑌭𑌯𑌮𑍍 ॥ 25 ॥
𑌕𑌿𑌂 𑌧𑌾𑌵𑌸𑌿 𑌪𑍍𑌰𑌿𑌯𑍇 𑌦𑍂𑌰𑍇 𑌦𑍃𑌷𑍍𑌟𑌾𑌸𑌿 𑌕𑌮𑌲𑍇𑌕𑍍𑌷𑌣𑍇 ।
𑌵𑍃𑌕𑍍𑌷𑍈𑌰𑌾𑌚𑍍𑌛𑌾𑌦𑍍𑌯 𑌚𑌾𑌤𑍍𑌮𑌾𑌨𑌂 𑌕𑌿𑌂 𑌮𑌾𑌂 𑌨 𑌪𑍍𑌰𑌤𑌿𑌭𑌾𑌷𑌸𑍇 ॥ 26 ॥
𑌤𑌿𑌷𑍍𑌠 𑌤𑌿𑌷𑍍𑌠 𑌵𑌰𑌾𑌰𑍋𑌹𑍇 𑌨 𑌤𑍇𑌽𑌸𑍍𑌤𑌿 𑌕𑌰𑍁𑌣𑌾 𑌮𑌯𑌿 ।
𑌨𑌾𑌤𑍍𑌯𑌰𑍍𑌥𑌂 𑌹𑌾𑌸𑍍𑌯𑌶𑍀𑌲𑌾𑌸𑌿 𑌕𑌿𑌮𑌰𑍍𑌥𑌂 𑌮𑌾𑌮𑍁𑌪𑍇𑌕𑍍𑌷𑌸𑍇 ॥ 27 ॥
𑌪𑍀𑌤𑌕𑍗𑌶𑍇𑌯𑌕𑍇𑌨𑌾𑌸𑌿 𑌸𑍂𑌚𑌿𑌤𑌾 𑌵𑌰𑌵𑌰𑍍𑌣𑌿𑌨𑌿 ।
𑌧𑌾𑌵𑌨𑍍𑌤𑍍𑌯𑌪𑌿 𑌮𑌯𑌾 𑌦𑍃𑌷𑍍𑌟𑌾 𑌤𑌿𑌷𑍍𑌠 𑌯𑌦𑍍𑌯𑌸𑍍𑌤𑌿 𑌸𑍗𑌹𑍃𑌦𑌮𑍍 ॥ 28 ॥
𑌨𑍈𑌵 𑌸𑌾 𑌨𑍂𑌨𑌮𑌥𑌵𑌾 𑌹𑌿𑌂𑌸𑌿𑌤𑌾 𑌚𑌾𑌰𑍁𑌹𑌾𑌸𑌿𑌨𑍀 ।
𑌕𑍃𑌚𑍍𑌛𑍍𑌰𑌪𑍍𑌰𑌾𑌪𑍍𑌤𑌂 𑌨 𑌮𑌾𑌂 𑌨𑍂𑌨𑌂 𑌯𑌥𑍋𑌪𑍇𑌕𑍍𑌷𑌿𑌤𑍁𑌮𑌰𑍍𑌹𑌤𑌿 ॥ 29 ॥
𑌵𑍍𑌯𑌕𑍍𑌤𑌂 𑌸𑌾 𑌭𑌕𑍍𑌷𑌿𑌤𑌾 𑌬𑌾𑌲𑌾 𑌰𑌾𑌕𑍍𑌷𑌸𑍈𑌃 𑌪𑌿𑌶𑌿𑌤𑌾𑌶𑌨𑍈𑌃 ।
𑌵𑌿𑌭𑌜𑍍𑌯𑌾𑌙𑍍𑌕𑌾𑌨𑌿 𑌸𑌰𑍍𑌵𑌾𑌣𑌿 𑌮𑌯𑌾 𑌵𑌿𑌰𑌹𑌿𑌤𑌾 𑌪𑍍𑌰𑌿𑌯𑌾 ॥ 30 ॥
𑌨𑍂𑌨𑌂 𑌤𑌚𑍍𑌛𑍁𑌭𑌦𑌨𑍍𑌤𑍋𑌷𑍍𑌠𑌂 𑌸𑍁𑌨𑌾𑌸𑌂 𑌚𑌾𑌰𑍁𑌕𑍁𑌣𑍍𑌡𑌲𑌮𑍍 ।
𑌪𑍂𑌰𑍍𑌣𑌚𑌨𑍍𑌦𑍍𑌰𑌨𑌿𑌭𑌂 𑌗𑍍𑌰𑌸𑍍𑌤𑌂 𑌮𑍁𑌖𑌨𑍍𑌨𑌿𑌷𑍍𑌪𑍍𑌰𑌭𑌤𑌾𑌂 𑌗𑌤𑌮𑍍 ॥ 31 ॥
𑌸𑌾 𑌹𑌿 𑌚𑌮𑍍𑌪𑌕𑌵𑌰𑍍𑌣𑌾𑌭𑌾 𑌗𑍍𑌰𑍀𑌵𑌾 𑌗𑍍𑌰𑍈𑌵𑍇𑌯𑌶𑍋𑌭𑌿𑌤𑌾 ।
𑌕𑍋𑌮𑌲𑌾 𑌵𑌿𑌲𑌪𑌨𑍍𑌤𑍍𑌯𑌾𑌸𑍍𑌤𑍁 𑌕𑌾𑌨𑍍𑌤𑌾𑌯𑌾 𑌭𑌕𑍍𑌷𑌿𑌤𑌾 𑌶𑍁𑌭𑌾 ॥ 32 ॥
𑌨𑍂𑌨𑌂 𑌵𑌿𑌕𑍍𑌷𑌿𑌪𑍍𑌯𑌮𑌾𑌣𑍗 𑌤𑍗 𑌬𑌾𑌹𑍂 𑌪𑌲𑍍𑌲𑌵𑌕𑍋𑌮𑌲𑍗 ।
𑌭𑌕𑍍𑌷𑌿𑌤𑍗 𑌵𑍇𑌪𑌮𑌾𑌨𑌾𑌗𑍍𑌰𑍗 𑌸𑌹𑌸𑍍𑌤𑌾𑌭𑌰𑌣𑌾𑌙𑍍𑌗𑌦𑍗 ॥ 33 ॥
𑌮𑌯𑌾 𑌵𑌿𑌰𑌹𑌿𑌤𑌾 𑌬𑌾𑌲𑌾 𑌰𑌕𑍍𑌷𑌸𑌾𑌂 𑌭𑌕𑍍𑌷𑌣𑌾𑌯 𑌵𑍈 ।
𑌸𑌾𑌰𑍍𑌧𑍇𑌨𑍇𑌵 𑌪𑌰𑌿𑌤𑍍𑌯𑌕𑍍𑌤𑌾 𑌭𑌕𑍍𑌷𑌿𑌤𑌾 𑌬𑌹𑍁𑌬𑌾𑌨𑍍𑌧𑌵𑌾 ॥ 34 ॥
𑌹𑌾 𑌲𑌕𑍍𑌷𑍍𑌮𑌣 𑌮𑌹𑌾𑌬𑌾𑌹𑍋 𑌪𑌶𑍍𑌯𑌸𑌿 𑌤𑍍𑌵𑌂 𑌪𑍍𑌰𑌿𑌯𑌾𑌂 𑌕𑍍𑌵𑌚𑌿𑌤𑍍 ।
𑌹𑌾 𑌪𑍍𑌰𑌿𑌯𑍇 𑌕𑍍𑌵 𑌗𑌤𑌾 𑌭𑌦𑍍𑌰𑍇 𑌹𑌾 𑌸𑍀𑌤𑍇𑌤𑌿 𑌪𑍁𑌨𑌃 𑌪𑍁𑌨𑌃 ॥ 35 ॥
𑌇𑌤𑍍𑌯𑍇𑌵𑌂 𑌵𑌿𑌲𑌪𑌨𑍍𑌰𑌾𑌮𑌃 𑌪𑌰𑌿𑌧𑌾𑌵𑌨𑍍𑌵𑌨𑌾𑌦𑍍𑌵𑌨𑌮𑍍 ।
𑌕𑍍𑌵𑌚𑌿𑌦𑍁𑌦𑍍𑌭𑍍𑌰𑌮𑌤𑍇 𑌵𑍇𑌗𑌾𑌤𑍍𑌕𑍍𑌵𑌚𑌿𑌦𑍍𑌵𑌿𑌭𑍍𑌰𑌮𑌤𑍇 𑌬𑌲𑌾𑌤𑍍 ॥ 36 ॥
𑌕𑍍𑌵𑌚𑌿𑌨𑍍𑌮𑌤𑍍𑌤 𑌇𑌵𑌾𑌭𑌾𑌤𑌿 𑌕𑌾𑌨𑍍𑌤𑌾𑌨𑍍𑌵𑍇𑌷𑌣𑌤𑌤𑍍𑌪𑌰𑌃 ।
𑌸 𑌵𑌨𑌾𑌨𑌿 𑌨𑌦𑍀𑌶𑍍𑌶𑍈𑌲𑌾𑌨𑍍 𑌗𑌿𑌰𑌿𑌪𑍍𑌰𑌸𑍍𑌰𑌵𑌣𑌾𑌨𑌿 𑌚 ॥ 37 ॥
𑌕𑌾𑌨𑌨𑌾𑌨𑌿 𑌚 𑌵𑍇𑌗𑍇𑌨 𑌭𑍍𑌰𑌮𑌤𑍍𑌯𑌪𑌰𑌿𑌸𑌂𑌸𑍍𑌥𑌿𑌤𑌃 ।
𑌤𑌥𑌾 𑌸 𑌗𑌤𑍍𑌵𑌾 𑌵𑌿𑌪𑍁𑌲𑌂 𑌮𑌹𑌦𑍍𑌵𑌨𑌂 𑌪𑌰𑍀𑌤𑍍𑌯 𑌸𑌰𑍍𑌵𑌂 𑌤𑍍𑌵𑌥 𑌮𑍈𑌥𑌿𑌲𑍀𑌂 𑌪𑍍𑌰𑌤𑌿 ।
𑌅𑌨𑌿𑌷𑍍𑌠𑌿𑌤𑌾𑌶𑌸𑍍𑌸𑌚𑌕𑌾𑌰 𑌮𑌾𑌰𑍍𑌗𑌣𑍇 𑌪𑍁𑌨𑌃 𑌪𑍍𑌰𑌿𑌯𑌾𑌯𑌾𑌃 𑌪𑌰𑌮𑌂 𑌪𑌰𑌿𑌶𑍍𑌰𑌮𑌮𑍍 ॥ 38 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌰𑌣𑍍𑌯𑌕𑌾𑌣𑍍𑌡𑍇 𑌷𑌷𑍍𑌟𑌿𑌤𑌮𑌸𑍍𑌸𑌰𑍍𑌗𑌃 ॥
Roman (IAST) Transliteration
śrīmadvālmīkīya rāmāyaṇe araṇyakāṇḍam |
atha ṣaṣṭitamassargaḥ |
bhṛśamāvrajamānasya tasyādho vāmalocanam |
prāsphuraccāskhaladrāmo vepathuścāpya jāyata || 1 ||
upālakṣya nimittāni so'śubhāni muhurmuhuḥ |
api kṣemaṃ nu sītāyā iti vai vyājahāra ca || 2 ||
tvaramāṇo jagāmātha sītādarśanalālasaḥ |
śūnyamāvasathaṃ dṛṣṭvā babhūvodvignamānasaḥ || 3 ||
udbhramanniva vegena vikṣipanraghunandanaḥ |
tatra tatroṭajasthānamabhivīkṣaya samantataḥ || 4 ||
dadarśa parṇaśālāṃ ca rahitāṃ sītayā tadā |
śriyā virahitāṃ dhvastāṃ hemante padminīmiva || 5 ||
rudantamiva vṛkṣaiśca mlānapuṣpamṛgadvijam |
śriyā vihīnaṃ vidhvastaṃ santyaktavanadevatam || 6 ||
viprakīrṇājinakuśaṃ vipraviddhabrusīkaṭam |
dṛṣṭvā śūnyaṃ nijasthānaṃ vilalāpa punaḥ punaḥ || 7 ||
hṛtā mṛtā vā naṣṭā vā bhakṣitā vā bhaviṣyati |
nilīnāpyathavā bhīrurathavā vanamāśritā || 8 ||
gatā vicetuṃ puṣpāṇi phalānyapi ca vā punaḥ |
athavā padminīṃ yātā jalārthaṃ vā nadīṃ gatā || 9 ||
yatnānmṛgayamāṇastu nāsasāda vane priyām |
śokaraktekṣaṇaśśokādunmatta iva lakṣyate || 10 ||
vṛkṣādvṛkṣaṃ pradhāvansagireścādriṃ nadānnadīm |
babhūva vilapanrāmaśśokārṇavapariplutaḥ || 11 ||
api kācittvayā dṛṣṭā sā kadambapriyā priyā |
kadamba yadi jānīṣe śaṃsa sītāṃ śubhānanām || 12 ||
snigdhapallavasaṅkāśā pītakauśeyavāsinī |
śaṃsasva yadi vā dṛṣṭā bilva bilvopamastanī || 13 ||
athavā'rjuna śaṃsa tvaṃ priyāṃ tāmarjunapriyām |
janakasya sutā bhīruryadi jīvati vā na vā || 14 ||
kakubhaḥ kakubhorūṃ tāṃ vyaktaṃ jānāti maithilīm |
yathā pallavapuṣpāḍhyo bhāti hyeṣa vanaspatiḥ || 15 ||
bhramarairupagītaśca yathā drumavaro hyayam |
eṣa vyaktaṃ vijānāti tilakastilakapriyām || 16 ||
aśoka śokāpanuda śokopahatacetasam |
tvannāmānaṃ kuru kṣipraṃ priyāsandarśanena mām || 17 ||
yadi tāla tvayā dṛṣṭā pakvatālaphalastanī |
kathayasva varārohāṃ kāruṇyaṃ yadi te mayi || 18 ||
yadi dṛṣṭā tvayā sītā jambu jambūphalopamā |
priyāṃ yadi vijānīṣe niḥśaṅkaṃ kathayasva me || 19 ||
aho tvaṃ karṇikārādya supuṣpaiśśobhase bhṛśam |
karṇikārapriyā sādhvī śaṃsa dṛṣṭā priyā yadi || 20 ||
cūtanīpamahāsālānpanasānkuravāndhavān |
dāḍimānanasāngatvā dṛṣṭvā rāmo mahāyaśāḥ || 21 ||
mallikā mādhavīścaiva campakānketakīstathā |
pṛcchanrāmo vane bhāntaḥ unmatta iva lakṣyate || 22 ||
athavā mṛgaśābākṣīṃ mṛga jānāsi maithilīm |
mṛgaviprekṣaṇī kāntā mṛgībhissahitā bhavet || 23 ||
gaja sā gajanāsorūryadi dṛṣṭā tvayā bhavet |
tāṃ manye viditāṃ tubhyamākhyāhi varavāraṇa || 24 ||
śārdūla yadi sā dṛṣṭā priyā candranibhānanā |
maithilī mama visrabdhaṃ kathayasva na te bhayam || 25 ||
kiṃ dhāvasi priye dūre dṛṣṭāsi kamalekṣaṇe |
vṛkṣairācchādya cātmānaṃ kiṃ māṃ na pratibhāṣase || 26 ||
tiṣṭha tiṣṭha varārohe na te'sti karuṇā mayi |
nātyarthaṃ hāsyaśīlāsi kimarthaṃ māmupekṣase || 27 ||
pītakauśeyakenāsi sūcitā varavarṇini |
dhāvantyapi mayā dṛṣṭā tiṣṭha yadyasti sauhṛdam || 28 ||
naiva sā nūnamathavā hiṃsitā cāruhāsinī |
kṛcchraprāptaṃ na māṃ nūnaṃ yathopekṣitumarhati || 29 ||
vyaktaṃ sā bhakṣitā bālā rākṣasaiḥ piśitāśanaiḥ |
vibhajyāṅkāni sarvāṇi mayā virahitā priyā || 30 ||
nūnaṃ tacchubhadantoṣṭhaṃ sunāsaṃ cārukuṇḍalam |
pūrṇacandranibhaṃ grastaṃ mukhanniṣprabhatāṃ gatam || 31 ||
sā hi campakavarṇābhā grīvā graiveyaśobhitā |
komalā vilapantyāstu kāntāyā bhakṣitā śubhā || 32 ||
nūnaṃ vikṣipyamāṇau tau bāhū pallavakomalau |
bhakṣitau vepamānāgrau sahastābharaṇāṅgadau || 33 ||
mayā virahitā bālā rakṣasāṃ bhakṣaṇāya vai |
sārdheneva parityaktā bhakṣitā bahubāndhavā || 34 ||
hā lakṣmaṇa mahābāho paśyasi tvaṃ priyāṃ kvacit |
hā priye kva gatā bhadre hā sīteti punaḥ punaḥ || 35 ||
ityevaṃ vilapanrāmaḥ paridhāvanvanādvanam |
kvacidudbhramate vegātkvacidvibhramate balāt || 36 ||
kvacinmatta ivābhāti kāntānveṣaṇatatparaḥ |
sa vanāni nadīśśailān giriprasravaṇāni ca || 37 ||
kānanāni ca vegena bhramatyaparisaṃsthitaḥ |
tathā sa gatvā vipulaṃ mahadvanaṃ parītya sarvaṃ tvatha maithilīṃ prati |
aniṣṭhitāśassacakāra mārgaṇe punaḥ priyāyāḥ paramaṃ pariśramam || 38 ||
ityārṣe śrīmadrāmāyaṇe vālmīkīya ādikāvye araṇyakāṇḍe ṣaṣṭitamassargaḥ ||
Sanskrit — Devanagari (original)
श्रीमद्वाल्मीकीय रामायणे अरण्यकाण्डम् ।
अथ षष्टितमस्सर्गः ।
भृशमाव्रजमानस्य तस्याधो वामलोचनम् ।
प्रास्फुरच्चास्खलद्रामो वेपथुश्चाप्य जायत ॥ 1 ॥
उपालक्ष्य निमित्तानि सोऽशुभानि मुहुर्मुहुः ।
अपि क्षेमं नु सीताया इति वै व्याजहार च ॥ 2 ॥
त्वरमाणो जगामाथ सीतादर्शनलालसः ।
शून्यमावसथं दृष्ट्वा बभूवोद्विग्नमानसः ॥ 3 ॥
उद्भ्रमन्निव वेगेन विक्षिपन्रघुनन्दनः ।
तत्र तत्रोटजस्थानमभिवीक्षय समन्ततः ॥ 4 ॥
ददर्श पर्णशालां च रहितां सीतया तदा ।
श्रिया विरहितां ध्वस्तां हेमन्ते पद्मिनीमिव ॥ 5 ॥
रुदन्तमिव वृक्षैश्च म्लानपुष्पमृगद्विजम् ।
श्रिया विहीनं विध्वस्तं सन्त्यक्तवनदेवतम् ॥ 6 ॥
विप्रकीर्णाजिनकुशं विप्रविद्धब्रुसीकटम् ।
दृष्ट्वा शून्यं निजस्थानं विललाप पुनः पुनः ॥ 7 ॥
हृता मृता वा नष्टा वा भक्षिता वा भविष्यति ।
निलीनाप्यथवा भीरुरथवा वनमाश्रिता ॥ 8 ॥
गता विचेतुं पुष्पाणि फलान्यपि च वा पुनः ।
अथवा पद्मिनीं याता जलार्थं वा नदीं गता ॥ 9 ॥
यत्नान्मृगयमाणस्तु नाससाद वने प्रियाम् ।
शोकरक्तेक्षणश्शोकादुन्मत्त इव लक्ष्यते ॥ 10 ॥
वृक्षाद्वृक्षं प्रधावन्सगिरेश्चाद्रिं नदान्नदीम् ।
बभूव विलपन्रामश्शोकार्णवपरिप्लुतः ॥ 11 ॥
अपि काचित्त्वया दृष्टा सा कदम्बप्रिया प्रिया ।
कदम्ब यदि जानीषे शंस सीतां शुभाननाम् ॥ 12 ॥
स्निग्धपल्लवसङ्काशा पीतकौशेयवासिनी ।
शंसस्व यदि वा दृष्टा बिल्व बिल्वोपमस्तनी ॥ 13 ॥
अथवाऽर्जुन शंस त्वं प्रियां तामर्जुनप्रियाम् ।
जनकस्य सुता भीरुर्यदि जीवति वा न वा ॥ 14 ॥
ककुभः ककुभोरूं तां व्यक्तं जानाति मैथिलीम् ।
यथा पल्लवपुष्पाढ्यो भाति ह्येष वनस्पतिः ॥ 15 ॥
भ्रमरैरुपगीतश्च यथा द्रुमवरो ह्ययम् ।
एष व्यक्तं विजानाति तिलकस्तिलकप्रियाम् ॥ 16 ॥
अशोक शोकापनुद शोकोपहतचेतसम् ।
त्वन्नामानं कुरु क्षिप्रं प्रियासन्दर्शनेन माम् ॥ 17 ॥
यदि ताल त्वया दृष्टा पक्वतालफलस्तनी ।
कथयस्व वरारोहां कारुण्यं यदि ते मयि ॥ 18 ॥
यदि दृष्टा त्वया सीता जम्बु जम्बूफलोपमा ।
प्रियां यदि विजानीषे निःशङ्कं कथयस्व मे ॥ 19 ॥
अहो त्वं कर्णिकाराद्य सुपुष्पैश्शोभसे भृशम् ।
कर्णिकारप्रिया साध्वी शंस दृष्टा प्रिया यदि ॥ 20 ॥
चूतनीपमहासालान्पनसान्कुरवान्धवान् ।
दाडिमाननसान्गत्वा दृष्ट्वा रामो महायशाः ॥ 21 ॥
मल्लिका माधवीश्चैव चम्पकान्केतकीस्तथा ।
पृच्छन्रामो वने भान्तः उन्मत्त इव लक्ष्यते ॥ 22 ॥
अथवा मृगशाबाक्षीं मृग जानासि मैथिलीम् ।
मृगविप्रेक्षणी कान्ता मृगीभिस्सहिता भवेत् ॥ 23 ॥
गज सा गजनासोरूर्यदि दृष्टा त्वया भवेत् ।
तां मन्ये विदितां तुभ्यमाख्याहि वरवारण ॥ 24 ॥
शार्दूल यदि सा दृष्टा प्रिया चन्द्रनिभानना ।
मैथिली मम विस्रब्धं कथयस्व न ते भयम् ॥ 25 ॥
किं धावसि प्रिये दूरे दृष्टासि कमलेक्षणे ।
वृक्षैराच्छाद्य चात्मानं किं मां न प्रतिभाषसे ॥ 26 ॥
तिष्ठ तिष्ठ वरारोहे न तेऽस्ति करुणा मयि ।
नात्यर्थं हास्यशीलासि किमर्थं मामुपेक्षसे ॥ 27 ॥
पीतकौशेयकेनासि सूचिता वरवर्णिनि ।
धावन्त्यपि मया दृष्टा तिष्ठ यद्यस्ति सौहृदम् ॥ 28 ॥
नैव सा नूनमथवा हिंसिता चारुहासिनी ।
कृच्छ्रप्राप्तं न मां नूनं यथोपेक्षितुमर्हति ॥ 29 ॥
व्यक्तं सा भक्षिता बाला राक्षसैः पिशिताशनैः ।
विभज्याङ्कानि सर्वाणि मया विरहिता प्रिया ॥ 30 ॥
नूनं तच्छुभदन्तोष्ठं सुनासं चारुकुण्डलम् ।
पूर्णचन्द्रनिभं ग्रस्तं मुखन्निष्प्रभतां गतम् ॥ 31 ॥
सा हि चम्पकवर्णाभा ग्रीवा ग्रैवेयशोभिता ।
कोमला विलपन्त्यास्तु कान्ताया भक्षिता शुभा ॥ 32 ॥
नूनं विक्षिप्यमाणौ तौ बाहू पल्लवकोमलौ ।
भक्षितौ वेपमानाग्रौ सहस्ताभरणाङ्गदौ ॥ 33 ॥
मया विरहिता बाला रक्षसां भक्षणाय वै ।
सार्धेनेव परित्यक्ता भक्षिता बहुबान्धवा ॥ 34 ॥
हा लक्ष्मण महाबाहो पश्यसि त्वं प्रियां क्वचित् ।
हा प्रिये क्व गता भद्रे हा सीतेति पुनः पुनः ॥ 35 ॥
इत्येवं विलपन्रामः परिधावन्वनाद्वनम् ।
क्वचिदुद्भ्रमते वेगात्क्वचिद्विभ्रमते बलात् ॥ 36 ॥
क्वचिन्मत्त इवाभाति कान्तान्वेषणतत्परः ।
स वनानि नदीश्शैलान् गिरिप्रस्रवणानि च ॥ 37 ॥
काननानि च वेगेन भ्रमत्यपरिसंस्थितः ।
तथा स गत्वा विपुलं महद्वनं परीत्य सर्वं त्वथ मैथिलीं प्रति ।
अनिष्ठिताशस्सचकार मार्गणे पुनः प्रियायाः परमं परिश्रमम् ॥ 38 ॥
इत्यार्षे श्रीमद्रामायणे वाल्मीकीय आदिकाव्ये अरण्यकाण्डे षष्टितमस्सर्गः ॥
śrīmadvālmīkīya rāmāyaṇe araṇyakāṇḍam |
atha ṣaṣṭitamassargaḥ |
bhṛśamāvrajamānasya tasyādho vāmalocanam |
prāsphuraccāskhaladrāmo vepathuścāpya jāyata || 1 ||
upālakṣya nimittāni so'śubhāni muhurmuhuḥ |
api kṣemaṃ nu sītāyā iti vai vyājahāra ca || 2 ||
tvaramāṇo jagāmātha sītādarśanalālasaḥ |
śūnyamāvasathaṃ dṛṣṭvā babhūvodvignamānasaḥ || 3 ||
udbhramanniva vegena vikṣipanraghunandanaḥ |
tatra tatroṭajasthānamabhivīkṣaya samantataḥ || 4 ||
dadarśa parṇaśālāṃ ca rahitāṃ sītayā tadā |
śriyā virahitāṃ dhvastāṃ hemante padminīmiva || 5 ||
rudantamiva vṛkṣaiśca mlānapuṣpamṛgadvijam |
śriyā vihīnaṃ vidhvastaṃ santyaktavanadevatam || 6 ||
viprakīrṇājinakuśaṃ vipraviddhabrusīkaṭam |
dṛṣṭvā śūnyaṃ nijasthānaṃ vilalāpa punaḥ punaḥ || 7 ||
hṛtā mṛtā vā naṣṭā vā bhakṣitā vā bhaviṣyati |
nilīnāpyathavā bhīrurathavā vanamāśritā || 8 ||
gatā vicetuṃ puṣpāṇi phalānyapi ca vā punaḥ |
athavā padminīṃ yātā jalārthaṃ vā nadīṃ gatā || 9 ||
yatnānmṛgayamāṇastu nāsasāda vane priyām |
śokaraktekṣaṇaśśokādunmatta iva lakṣyate || 10 ||
vṛkṣādvṛkṣaṃ pradhāvansagireścādriṃ nadānnadīm |
babhūva vilapanrāmaśśokārṇavapariplutaḥ || 11 ||
api kācittvayā dṛṣṭā sā kadambapriyā priyā |
kadamba yadi jānīṣe śaṃsa sītāṃ śubhānanām || 12 ||
snigdhapallavasaṅkāśā pītakauśeyavāsinī |
śaṃsasva yadi vā dṛṣṭā bilva bilvopamastanī || 13 ||
athavā'rjuna śaṃsa tvaṃ priyāṃ tāmarjunapriyām |
janakasya sutā bhīruryadi jīvati vā na vā || 14 ||
kakubhaḥ kakubhorūṃ tāṃ vyaktaṃ jānāti maithilīm |
yathā pallavapuṣpāḍhyo bhāti hyeṣa vanaspatiḥ || 15 ||
bhramarairupagītaśca yathā drumavaro hyayam |
eṣa vyaktaṃ vijānāti tilakastilakapriyām || 16 ||
aśoka śokāpanuda śokopahatacetasam |
tvannāmānaṃ kuru kṣipraṃ priyāsandarśanena mām || 17 ||
yadi tāla tvayā dṛṣṭā pakvatālaphalastanī |
kathayasva varārohāṃ kāruṇyaṃ yadi te mayi || 18 ||
yadi dṛṣṭā tvayā sītā jambu jambūphalopamā |
priyāṃ yadi vijānīṣe niḥśaṅkaṃ kathayasva me || 19 ||
aho tvaṃ karṇikārādya supuṣpaiśśobhase bhṛśam |
karṇikārapriyā sādhvī śaṃsa dṛṣṭā priyā yadi || 20 ||
cūtanīpamahāsālānpanasānkuravāndhavān |
dāḍimānanasāngatvā dṛṣṭvā rāmo mahāyaśāḥ || 21 ||
mallikā mādhavīścaiva campakānketakīstathā |
pṛcchanrāmo vane bhāntaḥ unmatta iva lakṣyate || 22 ||
athavā mṛgaśābākṣīṃ mṛga jānāsi maithilīm |
mṛgaviprekṣaṇī kāntā mṛgībhissahitā bhavet || 23 ||
gaja sā gajanāsorūryadi dṛṣṭā tvayā bhavet |
tāṃ manye viditāṃ tubhyamākhyāhi varavāraṇa || 24 ||
śārdūla yadi sā dṛṣṭā priyā candranibhānanā |
maithilī mama visrabdhaṃ kathayasva na te bhayam || 25 ||
kiṃ dhāvasi priye dūre dṛṣṭāsi kamalekṣaṇe |
vṛkṣairācchādya cātmānaṃ kiṃ māṃ na pratibhāṣase || 26 ||
tiṣṭha tiṣṭha varārohe na te'sti karuṇā mayi |
nātyarthaṃ hāsyaśīlāsi kimarthaṃ māmupekṣase || 27 ||
pītakauśeyakenāsi sūcitā varavarṇini |
dhāvantyapi mayā dṛṣṭā tiṣṭha yadyasti sauhṛdam || 28 ||
naiva sā nūnamathavā hiṃsitā cāruhāsinī |
kṛcchraprāptaṃ na māṃ nūnaṃ yathopekṣitumarhati || 29 ||
vyaktaṃ sā bhakṣitā bālā rākṣasaiḥ piśitāśanaiḥ |
vibhajyāṅkāni sarvāṇi mayā virahitā priyā || 30 ||
nūnaṃ tacchubhadantoṣṭhaṃ sunāsaṃ cārukuṇḍalam |
pūrṇacandranibhaṃ grastaṃ mukhanniṣprabhatāṃ gatam || 31 ||
sā hi campakavarṇābhā grīvā graiveyaśobhitā |
komalā vilapantyāstu kāntāyā bhakṣitā śubhā || 32 ||
nūnaṃ vikṣipyamāṇau tau bāhū pallavakomalau |
bhakṣitau vepamānāgrau sahastābharaṇāṅgadau || 33 ||
mayā virahitā bālā rakṣasāṃ bhakṣaṇāya vai |
sārdheneva parityaktā bhakṣitā bahubāndhavā || 34 ||
hā lakṣmaṇa mahābāho paśyasi tvaṃ priyāṃ kvacit |
hā priye kva gatā bhadre hā sīteti punaḥ punaḥ || 35 ||
ityevaṃ vilapanrāmaḥ paridhāvanvanādvanam |
kvacidudbhramate vegātkvacidvibhramate balāt || 36 ||
kvacinmatta ivābhāti kāntānveṣaṇatatparaḥ |
sa vanāni nadīśśailān giriprasravaṇāni ca || 37 ||
kānanāni ca vegena bhramatyaparisaṃsthitaḥ |
tathā sa gatvā vipulaṃ mahadvanaṃ parītya sarvaṃ tvatha maithilīṃ prati |
aniṣṭhitāśassacakāra mārgaṇe punaḥ priyāyāḥ paramaṃ pariśramam || 38 ||
ityārṣe śrīmadrāmāyaṇe vālmīkīya ādikāvye araṇyakāṇḍe ṣaṣṭitamassargaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.