Narayaniyam Dashakam 83 — Tamil Script

Meaning —

ராமேऽத கோகுலகதே ப்ரமதாப்ரஸக்தே
ஹூதாநுபேதயமுநாதமநே மதாந்தே ।
ஸ்வைரம் ஸமாரமதி ஸேவகவாதமூடோ
தூதம் ந்யயுங்க்த தவ பௌண்ட்ரகவாஸுதேவஃ ॥1॥

rāme'tha gokulagate pramadāprasakte
hūtānupetayamunādamane madāndhe |
svairaṃ samāramati sevakavādamūḍho
dūtaṃ nyayuṅkta tava pauṇḍrakavāsudevaḥ ||1||

Verse 2

நாராயணோऽஹமவதீர்ண இஹாஸ்மி பூமௌ
தத்ஸே கில த்வமபி மாமகலக்ஷணாநி ।
உத்ஸ்ரு'ஜ்ய தாநி ஶரணம் வ்ரஜ மாமிதி த்வாம்
தூதோ ஜகாத ஸகலைர்ஹஸிதஃ ஸபாயாம் ॥2॥

nārāyaṇo'hamavatīrṇa ihāsmi bhūmau
dhatse kila tvamapi māmakalakṣaṇāni |
utsṛjya tāni śaraṇaṃ vraja māmiti tvāṃ
dūto jagāda sakalairhasitaḥ sabhāyām ||2||

Verse 3

தூதேऽத யாதவதி யாதவஸைநிகைஸ்த்வம்
யாதோ ததர்ஶித வபுஃ கில பௌண்ட்ரகீயம் ।
தாபேந வக்ஷஸி க்ரு'தாங்கமநல்பமூல்ய-
ஶ்ரீகௌஸ்துபம் மகரகுண்டலபீதசேலம் ॥3॥

dūte'tha yātavati yādavasainikaistvaṃ
yāto dadarśitha vapuḥ kila pauṇḍrakīyam |
tāpena vakṣasi kṛtāṅkamanalpamūlya-
śrīkaustubhaṃ makarakuṇḍalapītacelam ||3||

Verse 4

காலாயஸம் நிஜஸுதர்ஶநமஸ்யதோऽஸ்ய
காலாநலோத்கரகிரேண ஸுதர்ஶநேந ।
ஶீர்ஷம் சகர்தித மமர்தித சாஸ்ய ஸேநாம்
தந்மித்ரகாஶிபஶிரோऽபி சகர்த காஶ்யாம் ॥4॥

kālāyasaṃ nijasudarśanamasyato'sya
kālānalotkarakireṇa sudarśanena |
śīrṣaṃ cakartitha mamarditha cāsya senāṃ
tanmitrakāśipaśiro'pi cakartha kāśyām ||4||

Verse 5

ஜால்யேந பாலககிராऽபி கிலாஹமேவ
ஶ்ரீவாஸுதேவ இதி ரூடமதிஶ்சிரம் ஸஃ ।
ஸாயுஜ்யமேவ பவதைக்யதியா கதோऽபூத்
கோ நாம கஸ்ய ஸுக்ரு'தம் கதமித்யவேயாத் ॥5॥

jālyena bālakagirā'pi kilāhameva
śrīvāsudeva iti rūḍhamatiściraṃ saḥ |
sāyujyameva bhavadaikyadhiyā gato'bhūt
ko nāma kasya sukṛtaṃ kathamityaveyāt ||5||

Verse 6

காஶீஶ்வரஸ்ய தநயோऽத ஸுதக்ஷிணாக்யஃ
ஶர்வம் ப்ரபூஜ்ய பவதே விஹிதாபிசாரஃ ।
க்ரு'த்யாநலம் கமபி பாண்ரரணாதிபீதை-
ர்பூதைஃ கதஞ்சந வ்ரு'தைஃ ஸமமப்யமுஞ்சத் ॥6॥

kāśīśvarasya tanayo'tha sudakṣiṇākhyaḥ
śarvaṃ prapūjya bhavate vihitābhicāraḥ |
kṛtyānalaṃ kamapi bāṇraraṇātibhītai-
rbhūtaiḥ kathañcana vṛtaiḥ samamabhyamuñcat ||6||

Verse 7

தாலப்ரமாணசரணாமகிலம் தஹந்தீம்
க்ரு'த்யாம் விலோக்ய சகிதைஃ கதிதோऽபி பௌரைஃ ।
த்யூதோத்ஸவே கிமபி நோ சலிதோ விபோ த்வம்
பார்ஶ்வஸ்தமாஶு விஸஸர்ஜித காலசக்ரம் ॥7॥

tālapramāṇacaraṇāmakhilaṃ dahantīṃ
kṛtyāṃ vilokya cakitaiḥ kathito'pi pauraiḥ |
dyūtotsave kimapi no calito vibho tvaṃ
pārśvasthamāśu visasarjitha kālacakram ||7||

Verse 8

அப்யாபதத்யமிததாம்நி பவந்மஹாஸ்த்ரே
ஹா ஹேதி வித்ருதவதீ கலு கோரக்ரு'த்யா।
ரோஷாத் ஸுதக்ஷிணமதக்ஷிணசேஷ்டிதம் தம்
புப்லோஷ சக்ரமபி காஶிபுரீமதாக்ஷீத் ॥8॥

abhyāpatatyamitadhāmni bhavanmahāstre
hā heti vidrutavatī khalu ghorakṛtyā|
roṣāt sudakṣiṇamadakṣiṇaceṣṭitaṃ taṃ
puploṣa cakramapi kāśipurīmadhākṣīt ||8||

Verse 9

ஸ கலு விவிதோ ரக்ஷோகாதே க்ரு'தோபக்ரு'திஃ புரா
தவ து கலயா ம்ரு'த்யும் ப்ராப்தும் ததா கலதாம் கதஃ ।
நரகஸசிவோ தேஶக்லேஶம் ஸ்ரு'ஜந் நகராந்திகே
சடிதி ஹலிநா யுத்யந்நத்தா பபாத தலாஹதஃ ॥9॥

sa khalu vivido rakṣoghāte kṛtopakṛtiḥ purā
tava tu kalayā mṛtyuṃ prāptuṃ tadā khalatāṃ gataḥ |
narakasacivo deśakleśaṃ sṛjan nagarāntike
jhaṭiti halinā yudhyannaddhā papāta talāhataḥ ||9||

Verse 10

ஸாம்பம் கௌரவ்யபுத்ரீஹரணநியமிதம் ஸாந்த்வநார்தீ குரூணாம்
யாதஸ்தத்வாக்யரோஷோத்த்ரு'தகரிநகரோ மோசயாமாஸ ராமஃ ।
தே காத்யாஃ பாண்டவேயைரிதி யதுப்ரு'தநாம் நாமுசஸ்த்வம் ததாநீம்
தம் த்வாம் துர்போதலீலம் பவநபுரபதே தாபஶாந்த்யை நிஷேவே ॥10॥

sāmbaṃ kauravyaputrīharaṇaniyamitaṃ sāntvanārthī kurūṇāṃ
yātastadvākyaroṣoddhṛtakarinagaro mocayāmāsa rāmaḥ |
te ghātyāḥ pāṇḍaveyairiti yadupṛtanāṃ nāmucastvaṃ tadānīṃ
taṃ tvāṃ durbodhalīlaṃ pavanapurapate tāpaśāntyai niṣeve ||10||

Sanskrit — Devanagari (original)

रामेऽथ गोकुलगते प्रमदाप्रसक्ते

हूतानुपेतयमुनादमने मदान्धे ।

स्वैरं समारमति सेवकवादमूढो

दूतं न्ययुङ्क्त तव पौण्ड्रकवासुदेवः ॥1॥

नारायणोऽहमवतीर्ण इहास्मि भूमौ

धत्से किल त्वमपि मामकलक्षणानि ।

उत्सृज्य तानि शरणं व्रज मामिति त्वां

दूतो जगाद सकलैर्हसितः सभायाम् ॥2॥

दूतेऽथ यातवति यादवसैनिकैस्त्वं

यातो ददर्शिथ वपुः किल पौण्ड्रकीयम् ।

तापेन वक्षसि कृताङ्कमनल्पमूल्य-

श्रीकौस्तुभं मकरकुण्डलपीतचेलम् ॥3॥

कालायसं निजसुदर्शनमस्यतोऽस्य

कालानलोत्करकिरेण सुदर्शनेन ।

शीर्षं चकर्तिथ ममर्दिथ चास्य सेनां

तन्मित्रकाशिपशिरोऽपि चकर्थ काश्याम् ॥4॥

जाल्येन बालकगिराऽपि किलाहमेव

श्रीवासुदेव इति रूढमतिश्चिरं सः ।

सायुज्यमेव भवदैक्यधिया गतोऽभूत्

को नाम कस्य सुकृतं कथमित्यवेयात् ॥5॥

काशीश्वरस्य तनयोऽथ सुदक्षिणाख्यः

शर्वं प्रपूज्य भवते विहिताभिचारः ।

कृत्यानलं कमपि बाण्ररणातिभीतै-

र्भूतैः कथञ्चन वृतैः सममभ्यमुञ्चत् ॥6॥

तालप्रमाणचरणामखिलं दहन्तीं

कृत्यां विलोक्य चकितैः कथितोऽपि पौरैः ।

द्यूतोत्सवे किमपि नो चलितो विभो त्वं

पार्श्वस्थमाशु विससर्जिथ कालचक्रम् ॥7॥

अभ्यापतत्यमितधाम्नि भवन्महास्त्रे

हा हेति विद्रुतवती खलु घोरकृत्या।

रोषात् सुदक्षिणमदक्षिणचेष्टितं तं

पुप्लोष चक्रमपि काशिपुरीमधाक्षीत् ॥8॥

स खलु विविदो रक्षोघाते कृतोपकृतिः पुरा

तव तु कलया मृत्युं प्राप्तुं तदा खलतां गतः ।

नरकसचिवो देशक्लेशं सृजन् नगरान्तिके

झटिति हलिना युध्यन्नद्धा पपात तलाहतः ॥9॥

साम्बं कौरव्यपुत्रीहरणनियमितं सान्त्वनार्थी कुरूणां

यातस्तद्वाक्यरोषोद्धृतकरिनगरो मोचयामास रामः ।

ते घात्याः पाण्डवेयैरिति यदुपृतनां नामुचस्त्वं तदानीं

तं त्वां दुर्बोधलीलं पवनपुरपते तापशान्त्यै निषेवे ॥10॥

🕉️ This is the original Sanskrit rendered in Tamil script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

நாராயணீயம் தஶக 83 - பௌண்ட்ரகவதம் - த்நிநிதவதம்