Narayaniyam Dashakam 53 — Tamil Script

Meaning —

அதீத்ய பால்யம் ஜகதாம் பதே த்வமுபேத்ய பௌகண்டவயோ மநோஜ்ஞம் ।
உபேக்ஷ்ய வத்ஸாவநமுத்ஸவேந ப்ராவர்ததா கோகணபாலநாயாம் ॥1॥

atītya bālyaṃ jagatāṃ pate tvamupetya paugaṇḍavayo manojñam |
upekṣya vatsāvanamutsavena prāvartathā gogaṇapālanāyām ||1||

Verse 2

உபக்ரமஸ்யாநுகுணைவ ஸேயம் மருத்புராதீஶ தவ ப்ரவ்ரு'த்திஃ ।
கோத்ராபரித்ராணக்ரு'தேऽவதீர்ணஸ்ததேவ தேவாऽऽரபதாஸ்ததா யத் ॥2॥

upakramasyānuguṇaiva seyaṃ marutpurādhīśa tava pravṛttiḥ |
gotrāparitrāṇakṛte'vatīrṇastadeva devā''rabhathāstadā yat ||2||

Verse 3

கதாபி ராமேண ஸமம் வநாந்தே வநஶ்ரியம் வீக்ஷ்ய சரந் ஸுகேந ।
ஶ்ரீதாமநாம்நஃ ஸ்வஸகஸ்ய வாசா மோதாதகா தேநுககாநநம் த்வம் ॥3॥

kadāpi rāmeṇa samaṃ vanānte vanaśriyaṃ vīkṣya caran sukhena |
śrīdāmanāmnaḥ svasakhasya vācā modādagā dhenukakānanaṃ tvam ||3||

Verse 4

உத்தாலதாலீநிவஹே த்வதுக்த்யா பலேந தூதேऽத பலேந தோர்ப்யாம் ।
ம்ரு'துஃ கரஶ்சாப்யபதத்புரஸ்தாத் பலோத்கரோ தேநுகதாநவோऽபி ॥4॥

uttālatālīnivahe tvaduktyā balena dhūte'tha balena dorbhyām |
mṛduḥ kharaścābhyapatatpurastāt phalotkaro dhenukadānavo'pi ||4||

Verse 5

ஸமுத்யதோ தைநுகபாலநேऽஹம் கதம் வதம் தைநுகமத்ய குர்வே ।
இதீவ மத்வா த்ருவமக்ரஜேந ஸுரௌகயோத்தாரமஜீகநஸ்த்வம் ॥5॥

samudyato dhainukapālane'haṃ kathaṃ vadhaṃ dhainukamadya kurve |
itīva matvā dhruvamagrajena suraughayoddhāramajīghanastvam ||5||

Verse 6

ததீயப்ரு'த்யாநபி ஜம்புகத்வேநோபாகதாநக்ரஜஸம்யுதஸ்த்வம் ।
ஜம்பூபலாநீவ ததா நிராஸ்தஸ்தாலேஷு கேலந் பகவந் நிராஸ்தஃ ॥6॥

tadīyabhṛtyānapi jambukatvenopāgatānagrajasaṃyutastvam |
jambūphalānīva tadā nirāsthastāleṣu khelan bhagavan nirāsthaḥ ||6||

Verse 7

விநிக்நதி த்வய்யத ஜம்புகௌகம் ஸநாமகத்வாத்வருணஸ்ததாநீம் ।
பயாகுலோ ஜம்புகநாமதேயம் ஶ்ருதிப்ரஸித்தம் வ்யதிதேதி மந்யே ॥7॥

vinighnati tvayyatha jambukaughaṃ sanāmakatvādvaruṇastadānīm |
bhayākulo jambukanāmadheyaṃ śrutiprasiddhaṃ vyadhiteti manye ||7||

Verse 8

தவாவதாரஸ்ய பலம் முராரே ஸஞ்ஜாதமத்யேதி ஸுரைர்நுதஸ்த்வம் ।
ஸத்யம் பலம் ஜாதமிஹேதி ஹாஸீ பாலைஃ ஸமம் தாலபலாந்யபுங்க்தாஃ ॥8॥

tavāvatārasya phalaṃ murāre sañjātamadyeti surairnutastvam |
satyaṃ phalaṃ jātamiheti hāsī bālaiḥ samaṃ tālaphalānyabhuṅkthāḥ ||8||

Verse 9

மதுத்ரவஸ்ருந்தி ப்ரு'ஹந்தி தாநி பலாநி மேதோபரப்ரு'ந்தி புக்த்வா ।
த்ரு'ப்தைஶ்ச த்ரு'ப்தைர்பவநம் பலௌகம் வஹத்பிராகாஃ கலு பாலகைஸ்த்வம் ॥9॥

madhudravasrunti bṛhanti tāni phalāni medobharabhṛnti bhuktvā |
tṛptaiśca dṛptairbhavanaṃ phalaughaṃ vahadbhirāgāḥ khalu bālakaistvam ||9||

Verse 10

ஹதோ ஹதோ தேநுக இத்யுபேத்ய பலாந்யதத்பிர்மதுராணி லோகைஃ ।
ஜயேதி ஜீவேதி நுதோ விபோ த்வம் மருத்புராதீஶ்வர பாஹி ரோகாத் ॥10॥

hato hato dhenuka ityupetya phalānyadadbhirmadhurāṇi lokaiḥ |
jayeti jīveti nuto vibho tvaṃ marutpurādhīśvara pāhi rogāt ||10||

Sanskrit — Devanagari (original)

अतीत्य बाल्यं जगतां पते त्वमुपेत्य पौगण्डवयो मनोज्ञम् ।

उपेक्ष्य वत्सावनमुत्सवेन प्रावर्तथा गोगणपालनायाम् ॥1॥

उपक्रमस्यानुगुणैव सेयं मरुत्पुराधीश तव प्रवृत्तिः ।

गोत्रापरित्राणकृतेऽवतीर्णस्तदेव देवाऽऽरभथास्तदा यत् ॥2॥

कदापि रामेण समं वनान्ते वनश्रियं वीक्ष्य चरन् सुखेन ।

श्रीदामनाम्नः स्वसखस्य वाचा मोदादगा धेनुककाननं त्वम् ॥3॥

उत्तालतालीनिवहे त्वदुक्त्या बलेन धूतेऽथ बलेन दोर्भ्याम् ।

मृदुः खरश्चाभ्यपतत्पुरस्तात् फलोत्करो धेनुकदानवोऽपि ॥4॥

समुद्यतो धैनुकपालनेऽहं कथं वधं धैनुकमद्य कुर्वे ।

इतीव मत्वा ध्रुवमग्रजेन सुरौघयोद्धारमजीघनस्त्वम् ॥5॥

तदीयभृत्यानपि जम्बुकत्वेनोपागतानग्रजसंयुतस्त्वम् ।

जम्बूफलानीव तदा निरास्थस्तालेषु खेलन् भगवन् निरास्थः ॥6॥

विनिघ्नति त्वय्यथ जम्बुकौघं सनामकत्वाद्वरुणस्तदानीम् ।

भयाकुलो जम्बुकनामधेयं श्रुतिप्रसिद्धं व्यधितेति मन्ये ॥7॥

तवावतारस्य फलं मुरारे सञ्जातमद्येति सुरैर्नुतस्त्वम् ।

सत्यं फलं जातमिहेति हासी बालैः समं तालफलान्यभुङ्क्थाः ॥8॥

मधुद्रवस्रुन्ति बृहन्ति तानि फलानि मेदोभरभृन्ति भुक्त्वा ।

तृप्तैश्च दृप्तैर्भवनं फलौघं वहद्भिरागाः खलु बालकैस्त्वम् ॥9॥

हतो हतो धेनुक इत्युपेत्य फलान्यदद्भिर्मधुराणि लोकैः ।

जयेति जीवेति नुतो विभो त्वं मरुत्पुराधीश्वर पाहि रोगात् ॥10॥

🕉️ This is the original Sanskrit rendered in Tamil script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

நாராயணீயம் தஶக 53 - தேநுகாஸுரவதம்