Narayaniyam Dashakam 73 — Tamil Script

Meaning —

நிஶமய்ய தவாத யாநவார்தாம் ப்ரு'ஶமார்தாஃ பஶுபாலபாலிகாஸ்தாஃ ।
கிமிதம் கிமிதம் கதம் ந்விதீமாஃ ஸமவேதாஃ பரிதேவிதாந்யகுர்வந் ॥1॥

niśamayya tavātha yānavārtāṃ bhṛśamārtāḥ paśupālabālikāstāḥ |
kimidaṃ kimidaṃ kathaṃ nvitīmāḥ samavetāḥ paridevitānyakurvan ||1||

Verse 2

கருணாநிதிரேஷ நந்தஸூநுஃ கதமஸ்மாந் விஸ்ரு'ஜேதநந்யநாதாஃ ।
பத நஃ கிமு தைவமேவமாஸீதிதி தாஸ்த்வத்கதமாநஸா விலேபுஃ ॥2॥

karuṇānidhireṣa nandasūnuḥ kathamasmān visṛjedananyanāthāḥ |
bata naḥ kimu daivamevamāsīditi tāstvadgatamānasā vilepuḥ ||2||

Verse 3

சரமப்ரஹரே ப்ரதிஷ்டமாநஃ ஸஹ பித்ரா நிஜமித்ரமண்டலைஶ்ச ।
பரிதாபபரம் நிதம்பிநீநாம் ஶமயிஷ்யந் வ்யமுசஃ ஸகாயமேகம் ॥3॥

caramaprahare pratiṣṭhamānaḥ saha pitrā nijamitramaṇḍalaiśca |
paritāpabharaṃ nitambinīnāṃ śamayiṣyan vyamucaḥ sakhāyamekam ||3||

Verse 4

அசிராதுபயாமி ஸந்நிதிம் வோ பவிதா ஸாது மயைவ ஸங்கமஶ்ரீஃ ।
அம்ரு'தாம்புநிதௌ நிமஜ்ஜயிஷ்யே த்ருதமித்யாஶ்வஸிதா வதூரகார்ஷீஃ ॥4॥

acirādupayāmi sannidhiṃ vo bhavitā sādhu mayaiva saṅgamaśrīḥ |
amṛtāmbunidhau nimajjayiṣye drutamityāśvasitā vadhūrakārṣīḥ ||4||

Verse 5

ஸவிஷாதபரம் ஸயாச்ஞமுச்சைஃ அதிதூரம் வநிதாபிரீக்ஷ்யமாணஃ ।
ம்ரு'து தத்திஶி பாதயந்நபாங்காந் ஸபலோऽக்ரூரரதேந நிர்கதோऽபூஃ ॥5॥

saviṣādabharaṃ sayācñamuccaiḥ atidūraṃ vanitābhirīkṣyamāṇaḥ |
mṛdu taddiśi pātayannapāṅgān sabalo'krūrarathena nirgato'bhūḥ ||5||

Verse 6

அநஸா பஹுலேந வல்லவாநாம் மநஸா சாநுகதோऽத வல்லபாநாம் ।
வநமார்தம்ரு'கம் விஷண்ணவ்ரு'க்ஷம் ஸமதீதோ யமுநாதடீமயாஸீஃ ॥6॥

anasā bahulena vallavānāṃ manasā cānugato'tha vallabhānām |
vanamārtamṛgaṃ viṣaṇṇavṛkṣaṃ samatīto yamunātaṭīmayāsīḥ ||6||

Verse 7

நியமாய நிமஜ்ய வாரிணி த்வாமபிவீக்ஷ்யாத ரதேऽபி காந்திநேயஃ ।
விவஶோऽஜநி கிம் ந்விதம் விபோஸ்தே நநு சித்ரம் த்வவலோகநம் ஸமந்தாத் ॥7॥

niyamāya nimajya vāriṇi tvāmabhivīkṣyātha rathe'pi gāndineyaḥ |
vivaśo'jani kiṃ nvidaṃ vibhoste nanu citraṃ tvavalokanaṃ samantāt ||7||

Verse 8

புநரேஷ நிமஜ்ய புண்யஶாலீ புருஷம் த்வாம் பரமம் புஜங்கபோகே ।
அரிகம்புகதாம்புஜைஃ ஸ்புரந்தம் ஸுரஸித்தௌகபரீதமாலுலோகே ॥8॥

punareṣa nimajya puṇyaśālī puruṣaṃ tvāṃ paramaṃ bhujaṅgabhoge |
arikambugadāmbujaiḥ sphurantaṃ surasiddhaughaparītamāluloke ||8||

Verse 9

ஸ ததா பரமாத்மஸௌக்யஸிந்தௌ விநிமக்நஃ ப்ரணுவந் ப்ரகாரபேதைஃ ।
அவிலோக்ய புநஶ்ச ஹர்ஷஸிந்தோரநுவ்ரு'த்த்யா புலகாவ்ரு'தோ யயௌ த்வாம் ॥9॥

sa tadā paramātmasaukhyasindhau vinimagnaḥ praṇuvan prakārabhedaiḥ |
avilokya punaśca harṣasindhoranuvṛttyā pulakāvṛto yayau tvām ||9||

Verse 10

கிமு ஶீதலிமா மஹாந் ஜலே யத் புலகோऽஸாவிதி சோதிதேந தேந ।
அதிஹர்ஷநிருத்தரேண ஸார்தம் ரதவாஸீ பவநேஶ பாஹி மாம் த்வம் ॥10॥

kimu śītalimā mahān jale yat pulako'sāviti coditena tena |
atiharṣaniruttareṇa sārdhaṃ rathavāsī pavaneśa pāhi māṃ tvam ||10||

Sanskrit — Devanagari (original)

निशमय्य तवाथ यानवार्तां भृशमार्ताः पशुपालबालिकास्ताः ।

किमिदं किमिदं कथं न्वितीमाः समवेताः परिदेवितान्यकुर्वन् ॥1॥

करुणानिधिरेष नन्दसूनुः कथमस्मान् विसृजेदनन्यनाथाः ।

बत नः किमु दैवमेवमासीदिति तास्त्वद्गतमानसा विलेपुः ॥2॥

चरमप्रहरे प्रतिष्ठमानः सह पित्रा निजमित्रमण्डलैश्च ।

परितापभरं नितम्बिनीनां शमयिष्यन् व्यमुचः सखायमेकम् ॥3॥

अचिरादुपयामि सन्निधिं वो भविता साधु मयैव सङ्गमश्रीः ।

अमृताम्बुनिधौ निमज्जयिष्ये द्रुतमित्याश्वसिता वधूरकार्षीः ॥4॥

सविषादभरं सयाच्ञमुच्चैः अतिदूरं वनिताभिरीक्ष्यमाणः ।

मृदु तद्दिशि पातयन्नपाङ्गान् सबलोऽक्रूररथेन निर्गतोऽभूः ॥5॥

अनसा बहुलेन वल्लवानां मनसा चानुगतोऽथ वल्लभानाम् ।

वनमार्तमृगं विषण्णवृक्षं समतीतो यमुनातटीमयासीः ॥6॥

नियमाय निमज्य वारिणि त्वामभिवीक्ष्याथ रथेऽपि गान्दिनेयः ।

विवशोऽजनि किं न्विदं विभोस्ते ननु चित्रं त्ववलोकनं समन्तात् ॥7॥

पुनरेष निमज्य पुण्यशाली पुरुषं त्वां परमं भुजङ्गभोगे ।

अरिकम्बुगदाम्बुजैः स्फुरन्तं सुरसिद्धौघपरीतमालुलोके ॥8॥

स तदा परमात्मसौख्यसिन्धौ विनिमग्नः प्रणुवन् प्रकारभेदैः ।

अविलोक्य पुनश्च हर्षसिन्धोरनुवृत्त्या पुलकावृतो ययौ त्वाम् ॥9॥

किमु शीतलिमा महान् जले यत् पुलकोऽसाविति चोदितेन तेन ।

अतिहर्षनिरुत्तरेण सार्धं रथवासी पवनेश पाहि मां त्वम् ॥10॥

🕉️ This is the original Sanskrit rendered in Tamil script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

நாராயணீயம் தஶக 73 - ஶ்ரீக்ரு'ஷ்ணஸ்ய மதுராயாத்ரா