5.1 - Savitrani Juhoti Prasutyai - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨𑌃 - 𑌉𑌖𑍍𑌯𑌾𑌗𑍍𑌨𑌿𑌕𑌥𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌸𑌾॒𑌵𑌿॒𑌤𑍍𑌰𑌾𑌣𑌿॑ 𑌜𑍁𑌹𑍋𑌤𑌿॒ 𑌪𑍍𑌰𑌸𑍂᳚𑌤𑍍𑌯𑍈 𑌚𑌤𑍁𑌰𑍍𑌗𑍃𑌹𑍀॒𑌤𑍇𑌨॑ 𑌜𑍁𑌹𑍋𑌤𑌿॒ 𑌚𑌤𑍁॑𑌷𑍍𑌪𑌾𑌦𑌃 𑌪॒𑌶𑌵𑌃॑ 𑌪॒𑌶𑍂𑌨𑍇॒𑌵𑌾-𑌽𑌵॑ 𑌰𑍁𑌨𑍍𑌧𑍇॒ 𑌚𑌤॑𑌸𑍍𑌰𑍋॒ 𑌦𑌿𑌶𑍋॑ 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌦𑍇॒𑌵𑍇𑌭𑍍𑌯𑍋 𑌽𑌪𑌾᳚-𑌽𑌕𑍍𑌰𑌾𑌮॒-𑌨𑍍𑌨 𑌵𑍋॑ 𑌭𑌾॒𑌗𑌾𑌨𑌿॑ 𑌹॒𑌵𑍍𑌯𑌂-𑌵𑌁॑𑌕𑍍𑌷𑍍𑌯𑌾𑌮॒ 𑌇𑌤𑌿॒ 𑌤𑍇𑌭𑍍𑌯॑ 𑌏॒𑌤𑌚𑍍𑌚॑𑌤𑍁-𑌰𑍍𑌗𑍃𑌹𑍀॒𑌤𑌮॑-𑌧𑌾𑌰𑌯-𑌨𑍍𑌪𑍁𑌰𑍋-𑌽𑌨𑍁 𑌵𑌾॒𑌕𑍍𑌯𑌾॑𑌯𑍈 𑌯𑌾॒𑌜𑍍𑌯𑌾॑𑌯𑍈 𑌦𑍇॒𑌵𑌤𑌾॑𑌯𑍈 𑌵𑌷𑌟𑍍𑌕𑌾॒𑌰𑌾𑌯॒ 𑌯𑌚𑍍𑌚॑𑌤𑍁𑌰𑍍𑌗𑍃𑌹𑍀॒𑌤-𑌞𑍍𑌜𑍁॒𑌹𑍋𑌤𑌿॒ 𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌤-𑌤𑍍𑌪𑍍𑌰𑍀॑𑌣𑌾𑌤𑌿॒ 𑌤𑌾𑌨𑍍𑌯॑𑌸𑍍𑌯 𑌪𑍍𑌰𑍀॒𑌤𑌾𑌨𑌿॑ 𑌦𑍇॒𑌵𑍇𑌭𑍍𑌯𑍋॑ 𑌹॒𑌵𑍍𑌯𑌂-𑌵𑌁॑𑌹𑌨𑍍𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ [𑌯-𑌙𑍍𑌕𑌾॒𑌮𑌯𑍇॑𑌤, 𑌪𑌾𑌪𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑍇𑌕𑍈॑𑌕॒-] 1

𑌪𑌾𑌪𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑍇𑌕𑍈॑𑌕॒-𑌨𑍍𑌤𑌸𑍍𑌯॑ 𑌜𑍁𑌹𑍁𑌯𑌾॒-𑌦𑌾𑌹𑍁॑𑌤𑍀𑌭𑌿𑌰𑍇॒𑌵𑍈𑌨॒𑌮𑌪॑ 𑌗𑍃𑌹𑍍𑌣𑌾𑌤𑌿॒ 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿॒ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌵𑌸𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑌿॒ 𑌸𑌰𑍍𑌵𑌾॑𑌣𑌿॒ 𑌤𑌸𑍍𑌯𑌾॑-𑌽𑌨𑍁॒𑌦𑍍𑌰𑍁𑌤𑍍𑌯॑ 𑌜𑍁𑌹𑍁𑌯𑌾॒𑌦𑌾𑌹𑍁॑𑌤𑍍𑌯𑍈॒𑌵𑍈𑌨॑𑌮॒𑌭𑌿 𑌕𑍍𑌰॑𑌮𑌯𑌤𑌿॒ 𑌵𑌸𑍀॑𑌯𑌾-𑌨𑍍𑌭𑌵॒𑌤𑍍𑌯𑌥𑍋॑ 𑌯॒𑌜𑍍𑌞𑌸𑍍𑌯𑍈॒𑌵𑍈𑌷𑌾-𑌽𑌭𑌿𑌕𑍍𑌰𑌾᳚𑌨𑍍𑌤𑌿॒𑌰𑍇𑌤𑌿॒ 𑌵𑌾 𑌏॒𑌷 𑌯॑𑌜𑍍𑌞𑌮𑍁॒𑌖𑌾-𑌦𑍃𑌦𑍍𑌧𑍍𑌯𑌾॒ 𑌯𑍋᳚-𑌽𑌗𑍍𑌨𑍇𑌰𑍍𑌦𑍇॒𑌵𑌤𑌾॑𑌯𑌾॒ 𑌏𑌤𑍍𑌯॒𑌷𑍍𑌟𑌾𑌵𑍇॒𑌤𑌾𑌨𑌿॑ 𑌸𑌾𑌵𑌿॒𑌤𑍍𑌰𑌾𑌣𑌿॑ 𑌭𑌵𑌨𑍍𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚- [𑌗𑌾॑𑌯॒𑌤𑍍𑌰𑌃, 𑌅॒𑌗𑍍𑌨𑌿𑌸𑍍𑌤𑍇𑌨𑍈॒𑌵] 2

-𑌽𑌗𑍍𑌨𑌿𑌸𑍍𑌤𑍇𑌨𑍈॒𑌵 𑌯॑𑌜𑍍𑌞𑌮𑍁॒𑌖𑌾𑌦𑍃𑌦𑍍𑌧𑍍𑌯𑌾॑ 𑌅॒𑌗𑍍𑌨𑍇𑌰𑍍𑌦𑍇॒𑌵𑌤𑌾॑𑌯𑍈॒ 𑌨𑍈𑌤𑍍𑌯॒𑌷𑍍𑌟𑍗 𑌸𑌾॑𑌵𑌿॒𑌤𑍍𑌰𑌾𑌣𑌿॑ 𑌭𑌵॒𑌨𑍍𑌤𑍍𑌯𑌾𑌹𑍁॑𑌤𑌿𑌰𑍍𑌨𑌵॒𑌮𑍀 𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌯॑𑌜𑍍𑌞𑌮𑍁॒𑌖𑍇 𑌵𑌿𑌯𑌾॑𑌤𑌯𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌯𑌜𑍍𑌞𑌯𑌶॒𑌸𑍇𑌨𑌾᳚ 𑌽𑌰𑍍𑌪𑌯𑍇𑌯॒𑌮𑌿𑌤𑍍𑌯𑍃𑌚॑𑌮𑌨𑍍𑌤॒𑌮𑌾-𑌙𑍍𑌕𑍁॑𑌰𑍍𑌯𑌾॒𑌚𑍍𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌯॑𑌜𑍍𑌞𑌯𑌶॒𑌸𑍇𑌨𑌾᳚ 𑌽𑌰𑍍𑌪𑌯𑌤𑌿॒ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌯𑌜॑𑌮𑌾𑌨𑌂-𑌯𑌁𑌜𑍍𑌞𑌯𑌶॒𑌸𑍇𑌨𑌾᳚-𑌽𑌰𑍍𑌪𑌯𑍇𑌯॒𑌮𑌿𑌤𑌿॒ 𑌯𑌜𑍁॑𑌰𑌨𑍍𑌤॒𑌮-𑌙𑍍𑌕𑍁॑𑌰𑍍𑌯𑌾॒-𑌦𑍍𑌯𑌜॑𑌮𑌾𑌨𑌮𑍇॒𑌵 𑌯॑𑌜𑍍𑌞𑌯𑌶॒𑌸𑍇𑌨𑌾᳚-𑌽𑌰𑍍𑌪𑌯𑌤𑍍𑌯𑍃॒𑌚𑌾 𑌸𑍍𑌤𑍋𑌮॒𑌗𑍍𑌂॒ 𑌸𑌮॑𑌰𑍍𑌧॒𑌯𑍇- [𑌸𑌮॑𑌰𑍍𑌧॒𑌯𑍇𑌤𑌿॑, 𑌆॒𑌹॒ 𑌸𑌮𑍃॑𑌦𑍍𑌧𑍍𑌯𑍈] 3

-𑌤𑍍𑌯𑌾॑𑌹॒ 𑌸𑌮𑍃॑𑌦𑍍𑌧𑍍𑌯𑍈 𑌚॒𑌤𑍁𑌰𑍍𑌭𑌿॒𑌰𑌭𑍍𑌰𑌿॒𑌮𑌾 𑌦॑𑌤𑍍𑌤𑍇 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑍍𑌯𑌾॑𑌹॒ 𑌪𑍍𑌰𑌸𑍂᳚𑌤𑍍𑌯𑌾 𑌅॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌸 𑌵𑍇𑌣𑍁॒-𑌮𑍍𑌪𑍍𑌰𑌾-𑌽𑌵𑌿॑𑌶॒-𑌥𑍍𑌸 𑌏॒𑌤𑌾𑌮𑍂॒𑌤𑌿𑌮𑌨𑍁॒ 𑌸𑌮॑𑌚𑌰॒-𑌦𑍍𑌯-𑌦𑍍𑌵𑍇𑌣𑍋᳚-𑌸𑍍𑌸𑍁𑌷𑌿॒𑌰𑌗𑍍𑌂 𑌸𑍁॑𑌷𑌿॒𑌰𑌾-𑌽𑌭𑍍𑌰𑌿॑𑌰𑍍𑌭𑌵𑌤𑌿 𑌸𑌯𑍋𑌨𑌿॒𑌤𑍍𑌵𑌾𑌯॒ 𑌸 𑌯𑌤𑍍𑌰॑𑌯॒𑌤𑍍𑌰𑌾-𑌽𑌵॑𑌸॒-𑌤𑍍𑌤-𑌤𑍍𑌕𑍃॒𑌷𑍍𑌣𑌮॑𑌭𑌵-𑌤𑍍𑌕𑌲𑍍𑌮𑌾॒𑌷𑍀 𑌭॑𑌵𑌤𑌿 𑌰𑍂॒𑌪𑌸॑𑌮𑍃𑌦𑍍𑌧𑍍𑌯𑌾 𑌉𑌭𑌯𑌤𑌃॒, 𑌕𑍍𑌷𑍍𑌣𑍂𑌰𑍍𑌭॑𑌵𑌤𑍀॒𑌤𑌶𑍍𑌚𑌾॒-𑌽-𑌮𑍁𑌤॑𑌶𑍍𑌚𑌾॒-𑌽𑌰𑍍𑌕𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 𑌵𑍍𑌯𑌾𑌮𑌮𑌾॒𑌤𑍍𑌰𑍀 𑌭॑𑌵𑌤𑍍𑌯𑍇॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯𑌂॑-𑌵𑍀𑌁॒𑌰𑍍𑌯॑𑌸𑌮𑍍𑌮𑌿॒𑌤𑌾 𑌽𑌪॑𑌰𑌿𑌮𑌿𑌤𑌾 𑌭𑌵॒𑌤𑍍𑌯-𑌪॑𑌰𑌿𑌮𑌿𑌤॒𑌸𑍍𑌯𑌾-𑌽 𑌵॑𑌰𑍁𑌦𑍍𑌧𑍍𑌯𑍈॒ 𑌯𑍋 𑌵𑌨॒𑌸𑍍𑌪𑌤𑍀॑𑌨𑌾-𑌮𑍍𑌫𑌲॒𑌗𑍍𑌰𑌹𑌿॒-𑌸𑍍𑌸 𑌏॑𑌷𑌾𑌂-𑌵𑍀𑌁॒𑌰𑍍𑌯𑌾॑𑌵𑌾-𑌨𑍍𑌫𑌲॒𑌗𑍍𑌰𑌹𑌿॒𑌰𑍍𑌵𑍇𑌣𑍁॑-𑌰𑍍𑌵𑍈𑌣॒𑌵𑍀 𑌭॑𑌵𑌤𑌿 𑌵𑍀॒𑌰𑍍𑌯॑𑌸𑍍𑌯𑌾 𑌵॑𑌰𑍁𑌦𑍍𑌧𑍍𑌯𑍈 ॥ 4 ॥

(𑌕𑌾॒𑌮𑌯𑍇॑𑌤 - 𑌗𑌾𑌯॒𑌤𑍍𑌰𑍋᳚ - 𑌽𑌰𑍍𑌧॒𑌯𑍇𑌤𑌿॑ - 𑌚 - 𑌸॒𑌪𑍍𑌤𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 1)

𑌵𑍍𑌯𑍃॑𑌦𑍍𑌧𑌂॒-𑌵𑌾𑌁 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦॑𑌯॒𑌜𑍁𑌷𑍍𑌕𑍇॑𑌣 𑌕𑍍𑌰𑌿॒𑌯𑌤॑ 𑌇॒𑌮𑌾𑌮॑𑌗𑍃𑌭𑍍𑌣-𑌨𑍍𑌰𑌶॒𑌨𑌾-𑌮𑍃॒𑌤𑌸𑍍𑌯𑍇𑌤𑍍𑌯॑𑌶𑍍𑌵𑌾𑌭𑌿॒𑌧𑌾𑌨𑍀॒𑌮𑌾 𑌦॑𑌤𑍍𑌤𑍇॒ 𑌯𑌜𑍁॑𑌷𑍍𑌕𑍃𑌤𑍍𑌯𑍈 𑌯॒𑌜𑍍𑌞𑌸𑍍𑌯॒ 𑌸𑌮𑍃॑𑌦𑍍𑌧𑍍𑌯𑍈॒ 𑌪𑍍𑌰𑌤𑍂᳚𑌰𑍍𑌤𑌂-𑌵𑌾𑌁𑌜𑌿॒𑌨𑍍𑌨𑌾 𑌦𑍍𑌰॒𑌵𑍇𑌤𑍍𑌯𑌶𑍍𑌵॑-𑌮॒𑌭𑌿 𑌦॑𑌧𑌾𑌤𑌿 𑌰𑍂॒𑌪𑌮𑍇॒𑌵𑌾-𑌽𑌸𑍍𑌯𑍈॒𑌤-𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 𑌯𑍁॒𑌞𑍍𑌜𑌾𑌥𑌾॒𑌗𑍍𑌂॒ 𑌰𑌾𑌸॑𑌭𑌂-𑌯𑍁𑌁॒𑌵𑌮𑌿𑌤𑌿॑ 𑌗𑌰𑍍𑌦॒𑌭-𑌮𑌸॑𑌤𑍍𑌯𑍇॒𑌵 𑌗॑𑌰𑍍𑌦॒𑌭-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑌿॒ 𑌤𑌸𑍍𑌮𑌾॒𑌦𑌶𑍍𑌵𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌸॑𑌤𑍍𑌤𑌰𑍋॒ 𑌯𑍋𑌗𑍇॑𑌯𑍋𑌗𑍇 𑌤॒𑌵𑌸𑍍𑌤॑𑌰॒𑌮𑌿𑌤𑍍𑌯𑌾॑𑌹॒ [𑌤॒𑌵𑌸𑍍𑌤॑𑌰॒𑌮𑌿𑌤𑍍𑌯𑌾॑𑌹, 𑌯𑍋𑌗𑍇॑𑌯𑍋𑌗] 5

𑌯𑍋𑌗𑍇॑𑌯𑍋𑌗 𑌏॒𑌵𑍈𑌨𑌂॑-𑌯𑍁𑌁𑌙𑍍𑌕𑍍𑌤𑍇॒ 𑌵𑌾𑌜𑍇॑𑌵𑌾𑌜𑍇 𑌹𑌵𑌾𑌮𑌹॒ 𑌇𑌤𑍍𑌯𑌾॒𑌹𑌾𑌨𑍍𑌨𑌂॒-𑌵𑍈𑌁 𑌵𑌾𑌜𑍋-𑌽𑌨𑍍𑌨॑𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌸𑌖𑌾॑𑌯॒ 𑌇𑌨𑍍𑌦𑍍𑌰॑𑌮𑍂॒𑌤𑌯॒ 𑌇𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌤-𑌮𑍍𑌪𑍍𑌰॒𑌜𑌾𑌪॑𑌤𑌿॒𑌰𑌨𑍍𑌵॑𑌵𑌿𑌨𑍍𑌦-𑌤𑍍𑌪𑍍𑌰𑌾𑌜𑌾𑌪॒𑌤𑍍𑌯𑍋-𑌽𑌶𑍍𑌵𑍋 𑌽𑌶𑍍𑌵𑍇॑𑌨॒ 𑌸-𑌮𑍍𑌭॑𑌰॒𑌤𑍍𑌯𑌨𑍁॑𑌵𑌿𑌤𑍍𑌤𑍍𑌯𑍈 𑌪𑌾𑌪𑌵𑌸𑍍𑌯॒𑌸𑌂-𑌵𑌾𑌁 𑌏॒𑌤-𑌤𑍍𑌕𑍍𑌰𑌿॑𑌯𑌤𑍇॒ 𑌯𑌚𑍍𑌛𑍍𑌰𑍇𑌯॑𑌸𑌾 𑌚॒ 𑌪𑌾𑌪𑍀॑𑌯𑌸𑌾 𑌚 𑌸𑌮𑌾॒𑌨-𑌙𑍍𑌕𑌰𑍍𑌮॑ 𑌕𑍁॒𑌰𑍍𑌵𑌨𑍍𑌤𑌿॒ 𑌪𑌾𑌪𑍀॑𑌯𑌾॒𑌨𑍍॒.- [𑌪𑌾𑌪𑍀॑𑌯𑌾𑌨𑍍, 𑌹𑍍𑌯𑌶𑍍𑌵𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌶𑍍𑌵॒-] 6

-𑌹𑍍𑌯𑌶𑍍𑌵𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌶𑍍𑌵॒-𑌮𑍍𑌪𑍂𑌰𑍍𑌵॑-𑌨𑍍𑌨𑌯𑌨𑍍𑌤𑌿 𑌪𑌾𑌪𑌵𑌸𑍍𑌯॒-𑌸𑌸𑍍𑌯॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ 𑌤𑌸𑍍𑌮𑌾॒𑌚𑍍𑌛𑍍𑌰𑍇𑌯𑌾𑌗𑍍𑌂॑𑌸॒-𑌮𑍍𑌪𑌾𑌪𑍀॑𑌯𑌾-𑌨𑍍𑌪॒𑌶𑍍𑌚𑌾𑌦𑌨𑍍𑌵𑍇॑𑌤𑌿 𑌬॒𑌹𑍁𑌰𑍍𑌵𑍈 𑌭𑌵॑𑌤𑍋॒ 𑌭𑍍𑌰𑌾𑌤𑍃॑𑌵𑍍𑌯𑍋॒ 𑌭𑌵॑𑌤𑍀𑌵॒ 𑌖𑌲𑍁॒ 𑌵𑌾 𑌏॒𑌷 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌵॒𑌜𑍍𑌰𑍍𑌯𑌶𑍍𑌵𑌃॑ 𑌪𑍍𑌰॒𑌤𑍂𑌰𑍍𑌵॒𑌨𑍍𑌨𑍇𑌹𑍍𑌯॑𑌵॒-𑌕𑍍𑌰𑌾𑌮॒𑌨𑍍𑌨-𑌶॑𑌸𑍍𑌤𑍀॒𑌰𑌿𑌤𑍍𑌯𑌾॑𑌹॒ 𑌵𑌜𑍍𑌰𑍇॑𑌣𑍈॒𑌵 𑌪𑌾॒𑌪𑍍𑌮𑌾𑌨॒-𑌮𑍍𑌭𑍍𑌰𑌾𑌤𑍃॑𑌵𑍍𑌯॒𑌮𑌵॑ 𑌕𑍍𑌰𑌾𑌮𑌤𑌿 𑌰𑍁॒𑌦𑍍𑌰𑌸𑍍𑌯॒ 𑌗𑌾𑌣॑𑌪𑌤𑍍𑌯𑌾॒𑌦𑌿𑌤𑍍𑌯𑌾॑𑌹 𑌰𑍗॒𑌦𑍍𑌰𑌾 𑌵𑍈 𑌪॒𑌶𑌵𑍋॑ 𑌰𑍁॒𑌦𑍍𑌰𑌾𑌦𑍇॒𑌵 [ ] 7

𑌪॒𑌶𑍂-𑌨𑍍𑌨𑌿॒𑌰𑍍𑌯𑌾𑌚𑍍𑌯𑌾॒-𑌽𑌽𑌤𑍍𑌮𑌨𑍇॒ 𑌕𑌰𑍍𑌮॑ 𑌕𑍁𑌰𑍁𑌤𑍇 𑌪𑍂॒𑌷𑍍𑌣𑌾 𑌸॒𑌯𑍁𑌜𑌾॑ 𑌸॒𑌹𑍇𑌤𑍍𑌯𑌾॑𑌹 𑌪𑍂॒𑌷𑌾 𑌵𑌾 𑌅𑌦𑍍𑌧𑍍𑌵॑𑌨𑌾𑌗𑍍𑌂 𑌸𑌨𑍍𑌨𑍇॒𑌤𑌾 𑌸𑌮॑𑌷𑍍𑌟𑍍𑌯𑍈॒ 𑌪𑍁𑌰𑍀॑𑌷𑌾𑌯𑌤𑌨𑍋॒ 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰𑌙𑍍𑌗𑌿॑𑌰𑌸𑍋॒ 𑌵𑌾 𑌏॒𑌤𑌮𑌗𑍍𑌰𑍇॑ 𑌦𑍇॒𑌵𑌤𑌾॑𑌨𑌾॒𑌗𑍍𑌂॒ 𑌸𑌮॑𑌭𑌰-𑌨𑍍𑌪𑍃𑌥𑌿॒𑌵𑍍𑌯𑌾-𑌸𑍍𑌸॒𑌧𑌸𑍍𑌥𑌾॑𑌦॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑌚𑍍𑌛𑍇॒𑌹𑍀𑌤𑍍𑌯𑌾॑𑌹॒ 𑌸𑌾𑌯॑𑌤𑌨𑌮𑍇॒𑌵𑍈𑌨॑-𑌨𑍍𑌦𑍇॒𑌵𑌤𑌾॑𑌭𑌿॒-𑌸𑍍𑌸-𑌮𑍍𑌭॑𑌰𑌤𑍍𑌯॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵- 𑌦𑌚𑍍𑌛𑍇॑𑌮॒ 𑌇𑌤𑍍𑌯𑌾॑𑌹॒ 𑌯𑍇𑌨॑ [ ] 8

𑌸॒𑌙𑍍𑌗𑌚𑍍𑌛॑𑌤𑍇॒ 𑌵𑌾𑌜॑𑌮𑍇॒𑌵𑌾𑌸𑍍𑌯॑ 𑌵𑍃𑌙𑍍𑌕𑍍𑌤𑍇 𑌪𑍍𑌰॒𑌜𑌾𑌪॑𑌤𑌯𑍇 𑌪𑍍𑌰𑌤𑌿॒𑌪𑍍𑌰𑍋𑌚𑍍𑌯𑌾॒𑌗𑍍𑌨𑌿-𑌸𑍍𑌸॒𑌮𑍍𑌭𑍃𑌤𑍍𑌯॒ 𑌇𑌤𑍍𑌯𑌾॑𑌹𑍁𑌰𑌿॒𑌯𑌂-𑌵𑍈𑌁 𑌪𑍍𑌰॒𑌜𑌾𑌪॑𑌤𑌿॒𑌸𑍍𑌤𑌸𑍍𑌯𑌾॑ 𑌏॒𑌤𑌚𑍍𑌛𑍍𑌰𑍋𑌤𑍍𑌰𑌂॒-𑌯𑌁𑌦𑍍𑌵॒𑌲𑍍𑌮𑍀𑌕𑍋॒-𑌽𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌿𑌷𑍍𑌯𑌾𑌮॒ 𑌇𑌤𑌿॑ 𑌵𑌲𑍍𑌮𑍀𑌕𑌵॒𑌪𑌾𑌮𑍁𑌪॑ 𑌤𑌿𑌷𑍍𑌠𑌤𑍇 𑌸𑌾॒𑌕𑍍𑌷𑌾𑌦𑍇॒𑌵 𑌪𑍍𑌰॒𑌜𑌾𑌪॑𑌤𑌯𑍇 𑌪𑍍𑌰𑌤𑌿॒𑌪𑍍𑌰𑍋𑌚𑍍𑌯𑌾॒-𑌽𑌗𑍍𑌨𑌿𑌗𑍍𑌂 𑌸-𑌮𑍍𑌭॑𑌰𑌤𑍍𑌯॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑-𑌮𑌙𑍍𑌗𑌿𑌰॒𑌸𑍍𑌵-𑌦𑍍𑌭॑𑌰𑌾𑌮॒ 𑌇𑌤𑍍𑌯𑌾॑𑌹॒ 𑌯𑍇𑌨॑ 𑌸॒𑌗𑌞𑍍𑌚𑍍𑌛॑𑌤𑍇॒ 𑌵𑌾𑌜॑𑌮𑍇॒𑌵𑌾𑌸𑍍𑌯॑ 𑌵𑍃॒𑌙𑍍𑌕𑍍𑌤𑍇 𑌽𑌨𑍍𑌵॒𑌗𑍍𑌨𑌿𑌰𑍁॒𑌷𑌸𑌾॒𑌮𑌗𑍍𑌰॑- [-𑌽𑌨𑍍𑌵॒𑌗𑍍𑌨𑌿𑌰𑍁॒𑌷𑌸𑌾॒𑌮𑌗𑍍𑌰᳚𑌮𑍍, 𑌅॒𑌖𑍍𑌯॒𑌦𑌿𑌤𑍍𑌯𑌾॒𑌹𑌾-] 9

-𑌮𑌖𑍍𑌯॒𑌦𑌿𑌤𑍍𑌯𑌾॒𑌹𑌾-𑌨𑍁॑𑌖𑍍𑌯𑌾𑌤𑍍𑌯𑌾 𑌆॒𑌗𑌤𑍍𑌯॑ 𑌵𑌾॒𑌜𑍍𑌯𑌦𑍍𑌧𑍍𑌵॑𑌨 𑌆॒𑌕𑍍𑌰𑌮𑍍𑌯॑ 𑌵𑌾𑌜𑌿-𑌨𑍍𑌪𑍃𑌥𑌿॒𑌵𑍀𑌮𑌿𑌤𑍍𑌯𑌾॑𑌹𑍇॒𑌚𑍍𑌛𑌤𑍍𑌯𑍇॒𑌵𑍈𑌨॒-𑌮𑍍𑌪𑍂𑌰𑍍𑌵॑𑌯𑌾 𑌵𑌿॒𑌨𑍍𑌦𑌤𑍍𑌯𑍁𑌤𑍍𑌤॑𑌰𑌯𑌾॒ 𑌦𑍍𑌵𑌾𑌭𑍍𑌯𑌾॒𑌮𑌾 𑌕𑍍𑌰॑𑌮𑌯𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌅𑌨𑍁॑𑌰𑍂𑌪𑌾𑌭𑍍𑌯𑌾॒-𑌨𑍍𑌤𑌸𑍍𑌮𑌾॒𑌦𑌨𑍁॑𑌰𑍂𑌪𑌾𑌃 𑌪॒𑌶𑌵𑌃॒ 𑌪𑍍𑌰𑌜𑌾॑𑌯𑌨𑍍𑌤𑍇॒ 𑌦𑍍𑌯𑍗𑌸𑍍𑌤𑍇॑ 𑌪𑍃॒𑌷𑍍𑌠-𑌮𑍍𑌪𑍃॑𑌥𑌿॒𑌵𑍀 𑌸॒𑌧𑌸𑍍𑌥॒𑌮𑌿𑌤𑍍𑌯𑌾॑𑌹𑍈॒𑌭𑍍𑌯𑍋 𑌵𑌾 𑌏॒𑌤𑌂-𑌲𑍋𑌁॒𑌕𑍇𑌭𑍍𑌯𑌃॑ 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌮𑍈॑𑌰𑌯-𑌦𑍍𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒-𑌤𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 𑌵॒𑌜𑍍𑌰𑍀 𑌵𑌾 𑌏॒𑌷 𑌯𑌦𑌶𑍍𑌵𑍋॑ 𑌦॒-𑌦𑍍𑌭𑌿𑌰॒𑌨𑍍𑌯𑌤𑍋॑𑌦𑌦𑍍𑌭𑍍𑌯𑍋॒ 𑌭𑍂𑌯𑌾𑌂॒-𑌲𑍋𑌁𑌮॑𑌭𑌿𑌰𑍁𑌭॒𑌯𑌾𑌦॑𑌦𑍍𑌭𑍍𑌯𑍋॒ 𑌯-𑌨𑍍𑌦𑍍𑌵𑌿॒𑌷𑍍𑌯𑌾-𑌤𑍍𑌤𑌮॑𑌧𑌸𑍍𑌪॒𑌦-𑌨𑍍𑌧𑍍𑌯𑌾॑𑌯𑍇॒-𑌦𑍍𑌵𑌜𑍍𑌰𑍇॑𑌣𑍈॒𑌵𑍈𑌨𑌗𑍍𑌗𑍍॑ 𑌸𑍍𑌤𑍃𑌣𑍁𑌤𑍇 ॥ 10 ॥

(𑌆॒𑌹॒ - 𑌪𑌾𑌪𑍀॑𑌯𑌾𑌨𑍍 - 𑌰𑍁॒𑌦𑍍𑌰𑌾𑌦𑍇॒𑌵 - 𑌯𑍇𑌨𑌾 - 𑌽𑌗𑍍𑌰𑌂॑ - 𑌁𑌵॒𑌜𑍍𑌰𑍀 𑌵𑍈 - 𑌸॒𑌪𑍍𑌤𑌦॑𑌶 𑌚) (𑌅. 2)

𑌉𑌤𑍍𑌕𑍍𑌰𑌾॒𑌮𑍋-𑌦॑𑌕𑍍𑌰𑌮𑍀॒𑌦𑌿𑌤𑌿॒ 𑌦𑍍𑌵𑌾𑌭𑍍𑌯𑌾॒𑌮𑍁𑌤𑍍𑌕𑍍𑌰॑𑌮𑌯𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌅𑌨𑍁॑𑌰𑍂𑌪𑌾𑌭𑍍𑌯𑌾॒-𑌨𑍍𑌤𑌸𑍍𑌮𑌾॒𑌦𑌨𑍁॑𑌰𑍂𑌪𑌾𑌃 𑌪॒𑌶𑌵𑌃॒ 𑌪𑍍𑌰𑌜𑌾॑𑌯𑌨𑍍𑌤𑍇॒ 𑌽𑌪 𑌉𑌪॑ 𑌸𑍃𑌜𑌤𑌿॒ 𑌯𑌤𑍍𑌰॒ 𑌵𑌾 𑌆𑌪॑ 𑌉𑌪॒ 𑌗𑌚𑍍𑌛॑𑌨𑍍𑌤𑌿॒ 𑌤𑌦𑍋𑌷॑𑌧𑌯𑌃॒ 𑌪𑍍𑌰𑌤𑌿॑ 𑌤𑌿𑌷𑍍𑌠॒𑌨𑍍𑌤𑍍𑌯𑍋𑌷॑𑌧𑍀𑌃 𑌪𑍍𑌰𑌤𑌿॒𑌤𑌿𑌷𑍍𑌠॑𑌨𑍍𑌤𑍀𑌃 𑌪॒𑌶𑌵𑍋-𑌽𑌨𑍁॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌨𑍍𑌤𑌿 𑌪॒𑌶𑍂𑌨𑍍. 𑌯॒𑌜𑍍𑌞𑍋 𑌯॒𑌜𑍍𑌞𑌂-𑌯𑌁𑌜॑𑌮𑌾𑌨𑍋॒ 𑌯𑌜॑𑌮𑌾𑌨-𑌮𑍍𑌪𑍍𑌰॒𑌜𑌾𑌸𑍍𑌤𑌸𑍍𑌮𑌾॑𑌦॒𑌪 𑌉𑌪॑ 𑌸𑍃𑌜𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌯𑌦॑𑌦𑍍𑌧𑍍𑌵॒𑌰𑍍𑌯𑍁-𑌰॑𑌨॒𑌗𑍍𑌨𑌾𑌵𑌾𑌹𑍁॑𑌤𑌿-𑌞𑍍𑌜𑍁𑌹𑍁॒𑌯𑌾𑌦॒𑌨𑍍𑌧𑍋᳚ 𑌽𑌦𑍍𑌧𑍍𑌵॒𑌰𑍍𑌯𑍁- [-𑌽𑌦𑍍𑌧𑍍𑌵॒𑌰𑍍𑌯𑍁𑌃, 𑌸𑍍𑌯𑌾॒-𑌦𑍍𑌰𑌕𑍍𑌷𑌾𑌗𑍍𑌂॑𑌸𑌿] 11

-𑌸𑍍𑌸𑍍𑌯𑌾॒-𑌦𑍍𑌰𑌕𑍍𑌷𑌾𑌗𑍍𑌂॑𑌸𑌿 𑌯॒𑌜𑍍𑌞𑌗𑍍𑌂 𑌹॑𑌨𑍍𑌯𑍁॒𑌰𑍍॒𑌹𑌿𑌰॑𑌣𑍍𑌯𑌮𑍁॒𑌪𑌾𑌸𑍍𑌯॑ 𑌜𑍁𑌹𑍋𑌤𑍍𑌯𑌗𑍍𑌨𑌿॒𑌵𑌤𑍍𑌯𑍇॒𑌵 𑌜𑍁॑𑌹𑍋𑌤𑌿॒ 𑌨𑌾𑌨𑍍𑌧𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁𑌰𑍍𑌭𑌵॑𑌤𑌿॒ 𑌨 𑌯॒𑌜𑍍𑌞𑌗𑍍𑌂 𑌰𑌕𑍍𑌷𑌾𑌗𑍍𑌂॑𑌸𑌿 𑌘𑍍𑌨𑌨𑍍𑌤𑌿॒ 𑌜𑌿𑌘॑𑌰𑍍𑌮𑍍𑌯॒𑌗𑍍𑌨𑌿-𑌮𑍍𑌮𑌨॑𑌸𑌾 𑌘𑍃॒𑌤𑍇𑌨𑍇𑌤𑍍𑌯𑌾॑𑌹॒ 𑌮𑌨॑𑌸𑌾॒ 𑌹𑌿 𑌪𑍁𑌰𑍁॑𑌷𑍋 𑌯॒𑌜𑍍𑌞𑌮॑𑌭𑌿॒𑌗𑌚𑍍𑌛॑𑌤𑌿 𑌪𑍍𑌰𑌤𑌿॒𑌕𑍍𑌷𑍍𑌯𑌨𑍍𑌤॒-𑌮𑍍𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑍇𑌤𑍍𑌯𑌾॑𑌹॒ 𑌸𑌰𑍍𑌵॒𑌗𑍍𑌗𑍍॒ 𑌹𑍍𑌯𑍇॑𑌷 𑌪𑍍𑌰॒𑌤𑍍𑌯-𑌙𑍍𑌕𑍍𑌷𑍇𑌤𑌿॑ 𑌪𑍃॒𑌥𑍁-𑌨𑍍𑌤𑌿॑𑌰॒𑌶𑍍𑌚𑌾 𑌵𑌯॑𑌸𑌾 𑌬𑍃॒𑌹𑌨𑍍𑌤॒𑌮𑌿𑌤𑍍𑌯𑌾॒𑌹𑌾-𑌽𑌲𑍍𑌪𑍋॒ 𑌹𑍍𑌯𑍇॑𑌷 𑌜𑌾॒𑌤𑍋 𑌮॒𑌹𑌾- [𑌮॒𑌹𑌾𑌨𑍍, 𑌭𑌵॑𑌤𑌿॒] 12

-𑌨𑍍𑌭𑌵॑𑌤𑌿॒ 𑌵𑍍𑌯𑌚𑌿॑𑌷𑍍𑌠॒𑌮𑌨𑍍𑌨𑌗𑍍𑌂॑ 𑌰𑌭॒𑌸𑌂-𑌵𑌿𑌁𑌦𑌾॑𑌨॒𑌮𑌿𑌤𑍍𑌯𑌾॒𑌹𑌾 𑌽𑌨𑍍𑌨॑𑌮𑍇॒𑌵𑌾-𑌽𑌸𑍍𑌮𑍈᳚ 𑌸𑍍𑌵𑌦𑌯𑌤𑌿॒ 𑌸𑌰𑍍𑌵॑𑌮𑌸𑍍𑌮𑍈 𑌸𑍍𑌵𑌦𑌤𑍇॒ 𑌯 𑌏॒𑌵𑌂-𑌵𑍇𑌁𑌦𑌾 𑌽𑌽𑌤𑍍𑌵𑌾॑ 𑌜𑌿𑌘𑌰𑍍𑌮𑌿॒ 𑌵𑌚॑𑌸𑌾 𑌘𑍃॒𑌤𑍇𑌨𑍇𑌤𑍍𑌯𑌾॑𑌹॒ 𑌤𑌸𑍍𑌮𑌾॒-𑌦𑍍𑌯-𑌤𑍍𑌪𑍁𑌰𑍁॑𑌷𑍋॒ 𑌮𑌨॑𑌸𑌾-𑌽𑌭𑌿॒𑌗𑌚𑍍𑌛॑𑌤𑌿॒ 𑌤-𑌦𑍍𑌵𑌾॒𑌚𑌾 𑌵॑𑌦𑌤𑍍𑌯 𑌰॒𑌕𑍍𑌷𑌸𑍇𑌤𑍍𑌯𑌾॑𑌹॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈॒ 𑌮𑌰𑍍𑌯॑𑌶𑍍𑌰𑍀-𑌸𑍍𑌸𑍍𑌪𑍃𑌹॒𑌯-𑌦𑍍𑌵॑𑌰𑍍𑌣𑍋 𑌅॒𑌗𑍍𑌨𑌿𑌰𑌿𑌤𑍍𑌯𑌾॒𑌹𑌾-𑌪॑𑌚𑌿𑌤𑌿𑌮𑍇॒𑌵𑌾-𑌽𑌸𑍍𑌮𑌿॑-𑌨𑍍𑌦𑌧𑌾॒𑌤𑍍𑌯-𑌪॑𑌚𑌿𑌤𑌿𑌮𑌾-𑌨𑍍𑌭𑌵𑌤𑌿॒ 𑌯 𑌏॒𑌵𑌂- [𑌯 𑌏॒𑌵𑌮𑍍, 𑌵𑍇𑌦॒ 𑌮𑌨॑𑌸𑌾॒ 𑌤𑍍𑌵𑍈] 13

-𑌁𑌵𑍇𑌦॒ 𑌮𑌨॑𑌸𑌾॒ 𑌤𑍍𑌵𑍈 𑌤𑌾𑌮𑌾𑌪𑍍𑌤𑍁॑𑌮𑌰𑍍𑌹𑌤𑌿॒ 𑌯𑌾𑌮॑𑌦𑍍𑌧𑍍𑌵॒𑌰𑍍𑌯𑍁𑌰॑-𑌨॒𑌗𑍍𑌨𑌾𑌵𑌾𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑌿॒ 𑌮𑌨॑𑌸𑍍𑌵𑌤𑍀𑌭𑍍𑌯𑌾-𑌞𑍍𑌜𑍁𑌹𑍋॒𑌤𑍍𑌯𑌾𑌹𑍁॑𑌤𑍍𑌯𑍋॒𑌰𑌾𑌪𑍍𑌤𑍍𑌯𑍈॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 𑌯𑌜𑍍𑌞𑌮𑍁॒𑌖𑍇 𑌯॑𑌜𑍍𑌞𑌮𑍁𑌖𑍇॒ 𑌵𑍈 𑌕𑍍𑌰𑌿॒𑌯𑌮𑌾॑𑌣𑍇 𑌯॒𑌜𑍍𑌞𑌗𑍍𑌂 𑌰𑌕𑍍𑌷𑌾𑌗𑍍𑌂॑𑌸𑌿 𑌜𑌿𑌘𑌾𑌗𑍍𑌂 𑌸𑌨𑍍𑌤𑍍𑌯𑍇॒𑌤𑌰𑍍𑌹𑌿॒ 𑌖𑌲𑍁॒ 𑌵𑌾 𑌏॒𑌤-𑌦𑍍𑌯॑𑌜𑍍𑌞𑌮𑍁॒𑌖𑌂-𑌯𑌁𑌰𑍍𑌹𑍍𑌯𑍇॑𑌨॒-𑌦𑌾𑌹𑍁॑𑌤𑌿-𑌰𑌶𑍍𑌞𑍁॒𑌤𑍇 𑌪𑌰𑌿॑ 𑌲𑌿𑌖𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌤𑌿॒𑌸𑍃𑌭𑌿𑌃॒ 𑌪𑌰𑌿॑ 𑌲𑌿𑌖𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤𑌸𑍍𑌮𑌾॒-𑌦𑍍𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹𑌨𑍍𑌤𑌿 [𑌹𑌨𑍍𑌤𑌿, 𑌗𑌾॒𑌯॒𑌤𑍍𑌰𑌿॒𑌯𑌾 𑌪𑌰𑌿॑] 14

𑌗𑌾𑌯𑌤𑍍𑌰𑌿॒𑌯𑌾 𑌪𑌰𑌿॑ 𑌲𑌿𑌖𑌤𑌿॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 𑌤𑍇𑌜॑𑌸𑍈॒𑌵𑍈𑌨॒-𑌮𑍍𑌪𑌰𑌿॑𑌗𑍃𑌹𑍍𑌣𑌾𑌤𑌿 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌪𑌰𑌿॑ 𑌲𑌿𑌖𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌤𑍍𑌰𑌿॒𑌷𑍍𑌟𑍁-𑌗𑌿॑𑌨𑍍𑌦𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌮𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑍍𑌯𑌨𑍁॒𑌷𑍍𑌟𑍁𑌭𑌾॒ 𑌪𑌰𑌿॑ 𑌲𑌿𑌖𑌤𑍍𑌯𑌨𑍁॒𑌷𑍍𑌟𑍁-𑌫𑍍𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌪𑌰𑌿॒𑌭𑍂𑌃 𑌪𑌰𑍍𑌯𑌾᳚𑌪𑍍𑌤𑍍𑌯𑍈 𑌮𑌦𑍍𑌧𑍍𑌯॒𑌤𑍋॑-𑌽𑌨𑍁॒𑌷𑍍𑌟𑍁𑌭𑌾॒ 𑌵𑌾𑌗𑍍𑌵𑌾 𑌅॑𑌨𑍁॒𑌷𑍍𑌟𑍁-𑌪𑍍𑌤𑌸𑍍𑌮𑌾᳚-𑌨𑍍𑌮𑌦𑍍𑌧𑍍𑌯॒𑌤𑍋 𑌵𑌾॒𑌚𑌾 𑌵॑𑌦𑌾𑌮𑍋 𑌗𑌾𑌯𑌤𑍍𑌰𑌿॒𑌯𑌾 𑌪𑍍𑌰॑𑌥॒𑌮𑌯𑌾॒ 𑌪𑌰𑌿॑ 𑌲𑌿𑌖॒𑌤𑍍𑌯𑌥𑌾॑-𑌽𑌨𑍁॒𑌷𑍍𑌟𑍁𑌭𑌾-𑌽𑌥॑ 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 𑌯॒𑌜𑍍𑌞𑍋॑ 𑌽𑌨𑍁॒𑌷𑍍𑌟𑍁𑌗𑌿॑𑌨𑍍𑌦𑍍𑌰𑌿॒𑌯-𑌨𑍍𑌤𑍍𑌰𑌿॒𑌷𑍍𑌟𑍁-𑌪𑍍𑌤𑍇𑌜॑𑌸𑌾 𑌚𑍈॒𑌵𑍇𑌨𑍍𑌦𑍍𑌰𑌿॒𑌯𑍇𑌣॑ 𑌚𑍋𑌭॒𑌯𑌤𑍋॑ 𑌯॒𑌜𑍍𑌞-𑌮𑍍𑌪𑌰𑌿॑ 𑌗𑍃𑌹𑍍𑌣𑌾𑌤𑌿 ॥ 15 ॥

(𑌅॒𑌨𑍍𑌧𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁 - 𑌰𑍍𑌮॒𑌹𑌾𑌨𑍍 - 𑌭॑𑌵𑌤𑌿॒ 𑌯 𑌏॒𑌵𑌗𑍍𑌂 - 𑌹॑𑌨𑍍𑌤𑌿 - 𑌤𑍍𑌰𑌿॒𑌷𑍍𑌟𑍁𑌭𑌾॒ 𑌤𑍇𑌜𑍋॒ 𑌵𑍈 𑌗𑌾॑𑌯॒𑌤𑍍𑌰𑍀 - 𑌤𑍍𑌰𑌯𑍋॑𑌦𑌶 𑌚) (𑌅. 3)

𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑌿॑ 𑌖𑌨𑌤𑌿॒ 𑌪𑍍𑌰𑌸𑍂᳚𑌤𑍍𑌯𑌾॒ 𑌅𑌥𑍋॑ 𑌧𑍂॒𑌮-𑌮𑍇॒𑌵𑍈𑌤𑍇𑌨॑ 𑌜𑌨𑌯𑌤𑌿॒ 𑌜𑍍𑌯𑍋𑌤𑌿॑𑌷𑍍𑌮𑌨𑍍𑌤-𑌨𑍍𑌤𑍍𑌵𑌾-𑌽𑌗𑍍𑌨𑍇 𑌸𑍁॒𑌪𑍍𑌰𑌤𑍀॑𑌕॒-𑌮𑌿𑌤𑍍𑌯𑌾॑𑌹॒ 𑌜𑍍𑌯𑍋𑌤𑌿॑𑌰𑍇॒𑌵𑍈𑌤𑍇𑌨॑ 𑌜𑌨𑌯𑌤𑌿॒ 𑌸𑍋᳚-𑌽𑌗𑍍𑌨𑌿𑌰𑍍𑌜𑌾॒𑌤𑌃 𑌪𑍍𑌰॒𑌜𑌾-𑌶𑍍𑌶𑍁॒𑌚𑌾-𑌽𑌽𑌰𑍍𑌪॑𑌯॒-𑌤𑍍𑌤-𑌨𑍍𑌦𑍇॒𑌵𑌾 𑌅॑𑌰𑍍𑌧॒𑌰𑍍𑌚𑍇𑌨𑌾॑-𑌶𑌮𑌯𑌞𑍍𑌛𑌿॒𑌵-𑌮𑍍𑌪𑍍𑌰॒𑌜𑌾𑌭𑍍𑌯𑍋-𑌽𑌹𑌿𑌗𑍍𑌂॑ 𑌸𑌨𑍍𑌤॒𑌮𑌿𑌤𑍍𑌯𑌾॑𑌹 𑌪𑍍𑌰॒𑌜𑌾𑌭𑍍𑌯॑ 𑌏॒𑌵𑍈𑌨𑌗𑍍𑌂॑ 𑌶𑌮𑌯𑌤𑌿॒ 𑌦𑍍𑌵𑌾𑌭𑍍𑌯𑌾᳚-𑌙𑍍𑌖𑌨𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅॒𑌪𑌾-𑌮𑍍𑌪𑍃॒𑌷𑍍𑌠𑌮॒𑌸𑍀𑌤𑌿॑ 𑌪𑍁𑌷𑍍𑌕𑌰𑌪॒𑌰𑍍𑌣𑌮𑌾 [𑌪𑍁𑌷𑍍𑌕𑌰𑌪॒𑌰𑍍𑌣𑌮𑌾, 𑌹॒𑌰॒𑌤𑍍𑌯॒𑌪𑌾𑌂-𑌵𑌾𑌁] 16

𑌹॑𑌰𑌤𑍍𑌯॒𑌪𑌾𑌂-𑌵𑌾𑌁 𑌏॒𑌤-𑌤𑍍𑌪𑍃॒𑌷𑍍𑌠𑌂-𑌯𑌁-𑌤𑍍𑌪𑍁॑𑌷𑍍𑌕𑌰𑌪॒𑌰𑍍𑌣𑌗𑍍𑌂 𑌰𑍂॒𑌪𑍇𑌣𑍈॒𑌵𑍈𑌨॒𑌦𑌾 𑌹॑𑌰𑌤𑌿 𑌪𑍁𑌷𑍍𑌕𑌰𑌪॒𑌰𑍍𑌣𑍇𑌨॒ 𑌸-𑌮𑍍𑌭॑𑌰𑌤𑌿॒ 𑌯𑍋𑌨𑌿॒𑌰𑍍𑌵𑌾 𑌅॒𑌗𑍍𑌨𑍇𑌃 𑌪𑍁॑𑌷𑍍𑌕𑌰𑌪॒𑌰𑍍𑌣𑌗𑍍𑌂 𑌸𑌯𑍋॑𑌨𑌿𑌮𑍇॒𑌵𑌾𑌗𑍍𑌨𑌿𑌗𑍍𑌂 𑌸𑌮𑍍𑌭॑𑌰𑌤𑌿 𑌕𑍃𑌷𑍍𑌣𑌾𑌜𑌿॒𑌨𑍇𑌨॒ 𑌸𑌮𑍍𑌭॑𑌰𑌤𑌿 𑌯॒𑌜𑍍𑌞𑍋 𑌵𑍈 𑌕𑍃॑𑌷𑍍𑌣𑌾𑌜𑌿॒𑌨𑌂-𑌯𑌁॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞𑌗𑍍𑌂 𑌸𑌮𑍍𑌭॑𑌰𑌤𑌿॒ 𑌯-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾-𑌞𑍍𑌚𑌰𑍍𑌮॑𑌣𑌾 𑌸॒𑌮𑍍𑌭𑌰𑍇᳚-𑌦𑍍𑌗𑍍𑌰𑌾॒𑌮𑍍𑌯𑌾-𑌨𑍍𑌪॒𑌶𑍂𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑍇-𑌤𑍍𑌕𑍃𑌷𑍍𑌣𑌾𑌜𑌿॒𑌨𑍇𑌨॒ 𑌸𑌮𑍍𑌭॑𑌰𑌤𑍍𑌯𑌾𑌰॒𑌣𑍍𑌯𑌾𑌨𑍇॒𑌵 𑌪॒𑌶𑍂- [𑌪॒𑌶𑍂𑌨𑍍, 𑌶𑍁॒𑌚𑌾-𑌽𑌰𑍍𑌪॑𑌯𑌤𑌿॒] 17

-𑌞𑍍𑌛𑍁॒𑌚𑌾-𑌽𑌰𑍍𑌪॑𑌯𑌤𑌿॒ 𑌤𑌸𑍍𑌮𑌾᳚-𑌥𑍍𑌸॒𑌮𑌾𑌵॑-𑌤𑍍𑌪𑌶𑍂॒𑌨𑌾-𑌮𑍍𑌪𑍍𑌰॒𑌜𑌾𑌯॑𑌮𑌾𑌨𑌾𑌨𑌾-𑌮𑌾𑌰॒𑌣𑍍𑌯𑌾𑌃 𑌪॒𑌶𑌵𑌃॒ 𑌕𑌨𑍀॑𑌯𑌾𑌗𑍍𑌂𑌸-𑌶𑍍𑌶𑍁॒𑌚𑌾 𑌹𑍍𑌯𑍃॑𑌤𑌾 𑌲𑍋॑𑌮॒𑌤-𑌸𑍍𑌸𑌮𑍍𑌭॑𑌰॒𑌤𑍍𑌯𑌤𑍋॒ 𑌹𑍍𑌯॑𑌸𑍍𑌯॒ 𑌮𑍇𑌦𑍍𑌧𑍍𑌯॑-𑌙𑍍𑌕𑍃𑌷𑍍𑌣𑌾𑌜𑌿॒𑌨-𑌞𑍍𑌚॑ 𑌪𑍁𑌷𑍍𑌕𑌰𑌪॒𑌰𑍍𑌣-𑌞𑍍𑌚॒ 𑌸𑌗𑍍𑌗𑍍 𑌸𑍍𑌤𑍃॑𑌣𑌾𑌤𑍀॒𑌯𑌂-𑌵𑍈𑌁 𑌕𑍃॑𑌷𑍍𑌣𑌾𑌜𑌿॒𑌨𑌮॒𑌸𑍗 𑌪𑍁॑𑌷𑍍𑌕𑌰𑌪॒𑌰𑍍𑌣-𑌮𑌾॒𑌭𑍍𑌯𑌾-𑌮𑍇॒𑌵𑍈𑌨॑-𑌮𑍁𑌭॒𑌯𑌤𑌃॒ 𑌪𑌰𑌿॑𑌗𑍃𑌹𑍍𑌣𑌾𑌤𑍍𑌯॒-𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌤𑌮𑌥॒𑌰𑍍𑌵𑌾-𑌽𑌨𑍍𑌵॑𑌪𑌶𑍍𑌯॒𑌦𑌥॑𑌰𑍍𑌵𑌾 𑌤𑍍𑌵𑌾 𑌪𑍍𑌰𑌥॒𑌮𑍋 𑌨𑌿𑌰॑𑌮𑌨𑍍𑌥𑌦𑌗𑍍𑌨॒ 𑌇- [𑌨𑌿𑌰॑𑌮𑌨𑍍𑌥𑌦𑌗𑍍𑌨॒ 𑌇𑌤𑌿॑, 𑌆॒𑌹॒ 𑌯 𑌏॒𑌵𑍈𑌨॑-] 18

-𑌤𑍍𑌯𑌾॑𑌹॒ 𑌯 𑌏॒𑌵𑍈𑌨॑-𑌮॒𑌨𑍍𑌵𑌪॑𑌶𑍍𑌯॒-𑌤𑍍𑌤𑍇𑌨𑍈॒𑌵𑍈𑌨॒𑌗𑍍𑌂॒ 𑌸𑌮𑍍𑌭॑𑌰𑌤𑌿॒ 𑌤𑍍𑌵𑌾𑌮॑𑌗𑍍𑌨𑍇॒ 𑌪𑍁𑌷𑍍𑌕॑𑌰𑌾॒𑌦𑌧𑍀𑌤𑍍𑌯𑌾॑𑌹 𑌪𑍁𑌷𑍍𑌕𑌰𑌪॒𑌰𑍍𑌣𑍇 𑌹𑍍𑌯𑍇॑𑌨॒𑌮𑍁𑌪॑𑌶𑍍𑌰𑌿𑌤॒-𑌮𑌵𑌿॑𑌨𑍍𑌦॒-𑌤𑍍𑌤𑌮𑍁॑ 𑌤𑍍𑌵𑌾 𑌦॒𑌦𑍍𑌧𑍍𑌯𑌙𑍍𑌙𑍃𑌷𑌿॒𑌰𑌿𑌤𑍍𑌯𑌾॑𑌹 𑌦॒𑌦𑍍𑌧𑍍𑌯𑌙𑍍 𑌵𑌾 𑌆॑𑌥𑌰𑍍𑌵॒𑌣-𑌸𑍍𑌤𑍇॑𑌜॒𑌸𑍍𑌵𑍍𑌯𑌾॑𑌸𑍀॒-𑌤𑍍𑌤𑍇𑌜॑ 𑌏॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿॒ 𑌤𑌮𑍁॑ 𑌤𑍍𑌵𑌾 𑌪𑌾॒𑌥𑍍𑌯𑍋 𑌵𑍃𑌷𑍇𑌤𑍍𑌯𑌾॑𑌹॒ 𑌪𑍂𑌰𑍍𑌵॑𑌮𑍇॒𑌵𑍋𑌦𑌿॒𑌤-𑌮𑍁𑌤𑍍𑌤॑𑌰𑍇𑌣𑌾॒𑌭𑌿 𑌗𑍃॑𑌣𑌾𑌤𑌿 [𑌗𑍃॑𑌣𑌾𑌤𑌿, 𑌚॒𑌤॒𑌸𑍃𑌭𑌿॒-𑌸𑍍𑌸𑌮𑍍𑌭॑𑌰𑌤𑌿] 19

𑌚𑌤॒𑌸𑍃𑌭𑌿॒-𑌸𑍍𑌸𑌮𑍍𑌭॑𑌰𑌤𑌿 𑌚॒𑌤𑍍𑌵𑌾𑌰𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵 𑌗𑌾॑𑌯॒𑌤𑍍𑌰𑍀𑌭𑌿॑𑌰𑍍𑌬𑍍𑌰𑌾𑌹𑍍𑌮॒𑌣𑌸𑍍𑌯॑ 𑌗𑌾𑌯॒𑌤𑍍𑌰𑍋 𑌹𑌿 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌤𑍍𑌰𑌿॒𑌷𑍍𑌟𑍁𑌗𑍍𑌭𑍀॑ 𑌰𑌾𑌜॒𑌨𑍍𑌯॑𑌸𑍍𑌯॒ 𑌤𑍍𑌰𑍈𑌷𑍍𑌟𑍁॑𑌭𑍋॒ 𑌹𑌿 𑌰𑌾॑𑌜॒𑌨𑍍𑌯𑍋॑ 𑌯-𑌙𑍍𑌕𑌾॒𑌮𑌯𑍇॑𑌤॒ 𑌵𑌸𑍀॑𑌯𑌾𑌨𑍍-𑌥𑍍𑌸𑍍𑌯𑌾॒𑌦𑌿𑌤𑍍𑌯𑍁॒𑌭𑌯𑍀॑𑌭𑌿॒𑌸𑍍𑌤𑌸𑍍𑌯॒ 𑌸𑌮𑍍𑌭॑𑌰𑍇॒-𑌤𑍍𑌤𑍇𑌜॑𑌶𑍍𑌚𑍈॒𑌵𑌾-𑌽𑌸𑍍𑌮𑌾॑ 𑌇𑌨𑍍𑌦𑍍𑌰𑌿॒𑌯-𑌞𑍍𑌚॑ 𑌸॒𑌮𑍀𑌚𑍀॑ 𑌦𑌧𑌾𑌤𑍍𑌯𑌷𑍍𑌟𑌾॒𑌭𑌿-𑌸𑍍𑌸𑌮𑍍𑌭॑𑌰𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 𑌗𑌾॑𑌯॒𑌤𑍍𑌰𑍋᳚ 𑌽𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌽𑌗𑍍𑌨𑌿𑌸𑍍𑌤𑌗𑍍𑌂 𑌸𑌮𑍍𑌭॑𑌰𑌤𑌿॒ 𑌸𑍀𑌦॑ 𑌹𑍋𑌤॒𑌰𑌿𑌤𑍍𑌯𑌾॑- -𑌹 𑌦𑍇॒𑌵𑌤𑌾॑ 𑌏॒𑌵𑌾𑌸𑍍𑌮𑍈॒ 𑌸𑌗𑍍𑌂 𑌸𑌾॑𑌦𑌯𑌤𑌿॒ 𑌨𑌿 𑌹𑍋𑌤𑍇𑌤𑌿॑ 𑌮𑌨𑍁॒𑌷𑍍𑌯𑌾᳚𑌨𑍍-𑌥𑍍𑌸𑌗𑍍𑌂 𑌸𑍀॑𑌦॒𑌸𑍍𑌵𑍇𑌤𑌿॒ 𑌵𑌯𑌾𑌗𑍍𑌂॑𑌸𑌿॒ 𑌜𑌨𑌿॑𑌷𑍍𑌵𑌾॒ 𑌹𑌿 𑌜𑍇𑌨𑍍𑌯𑍋॒ 𑌅𑌗𑍍𑌰𑍇॒ 𑌅𑌹𑍍𑌨𑌾॒𑌮𑌿𑌤𑍍𑌯𑌾॑𑌹 𑌦𑍇𑌵 𑌮𑌨𑍁॒𑌷𑍍𑌯𑌾𑌨𑍇॒𑌵𑌾-𑌽𑌸𑍍𑌮𑍈॒ 𑌸𑌗𑍍𑌂𑌸॑𑌨𑍍𑌨𑌾॒-𑌨𑍍𑌪𑍍𑌰𑌜॑𑌨𑌯𑌤𑌿 ॥ 20

(𑌐 - 𑌵 𑌪॒𑌶𑍂 - 𑌨𑌿𑌤𑌿॑ - 𑌗𑍃𑌣𑌾𑌤𑌿 - 𑌹𑍋𑌤॒𑌰𑌿𑌤𑌿॑ - 𑌸॒𑌪𑍍𑌤𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 4)

𑌕𑍍𑌰𑍂॒𑌰𑌮𑌿॑𑌵॒ 𑌵𑌾 𑌅॑𑌸𑍍𑌯𑌾 𑌏॒𑌤-𑌤𑍍𑌕॑𑌰𑍋𑌤𑌿॒ 𑌯-𑌤𑍍𑌖𑌨॑𑌤𑍍𑌯॒𑌪 𑌉𑌪॑ 𑌸𑍃𑌜॒𑌤𑍍𑌯𑌾𑌪𑍋॒ 𑌵𑍈 𑌶𑌾॒𑌨𑍍𑌤𑌾-𑌶𑍍𑌶𑌾॒𑌨𑍍𑌤𑌾𑌭𑌿॑𑌰𑍇॒𑌵𑌾-𑌽𑌸𑍍𑌯𑍈॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿॒ 𑌸-𑌨𑍍𑌤𑍇॑ 𑌵𑌾॒𑌯𑍁𑌰𑍍𑌮𑌾॑𑌤॒𑌰𑌿𑌶𑍍𑌵𑌾॑ 𑌦𑌧𑌾॒𑌤𑍍𑌵𑌿𑌤𑍍𑌯𑌾॑𑌹 𑌪𑍍𑌰𑌾॒𑌣𑍋 𑌵𑍈 𑌵𑌾॒𑌯𑍁𑌃 𑌪𑍍𑌰𑌾॒𑌣𑍇𑌨𑍈॒𑌵𑌾𑌸𑍍𑌯𑍈᳚ 𑌪𑍍𑌰𑌾॒𑌣𑌗𑍍𑌂 𑌸-𑌨𑍍𑌦॑𑌧𑌾𑌤𑌿॒ 𑌸-𑌨𑍍𑌤𑍇॑ 𑌵𑌾॒𑌯𑍁𑌰𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾᳚-𑌦𑍍𑌵𑌾॒𑌯𑍁𑌪𑍍𑌰॑𑌚𑍍𑌯𑍁𑌤𑌾 𑌦𑌿॒𑌵𑍋 𑌵𑍃𑌷𑍍𑌟𑌿॑𑌰𑍀𑌰𑍍𑌤𑍇॒ 𑌤𑌸𑍍𑌮𑍈॑ 𑌚 𑌦𑍇𑌵𑌿॒ 𑌵𑌷॑𑌡𑌸𑍍𑌤𑍁॒ [𑌵𑌷॑𑌡𑌸𑍍𑌤𑍁, 𑌤𑍁𑌭𑍍𑌯॒𑌮𑌿𑌤𑍍𑌯𑌾॑𑌹॒] 21

𑌤𑍁𑌭𑍍𑌯॒𑌮𑌿𑌤𑍍𑌯𑌾॑𑌹॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌷𑍍𑌵𑍇॒𑌵 𑌵𑍃𑌷𑍍𑌟𑌿॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾॒-𑌥𑍍𑌸𑌰𑍍𑌵𑌾॑𑌨𑍃॒𑌤𑍂𑌨𑍍. 𑌵॑𑌰𑍍𑌷𑌤𑌿॒ 𑌯-𑌦𑍍𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌯𑌾॒𑌤𑌯𑌾॑𑌮𑌾-𑌽𑌸𑍍𑌯 𑌵𑌷𑌟𑍍𑌕𑌾॒𑌰-𑌸𑍍𑌸𑍍𑌯𑌾॒𑌦𑍍𑌯𑌨𑍍𑌨 𑌵॑𑌷𑌟𑍍𑌕𑍁॒𑌰𑍍𑌯𑌾-𑌦𑍍𑌰𑌕𑍍𑌷𑌾𑌗𑍍𑌂॑𑌸𑌿 𑌯॒𑌜𑍍𑌞𑌗𑍍𑌂 𑌹॑𑌨𑍍𑌯𑍁॒𑌰𑍍𑌵𑌡𑌿𑌤𑍍𑌯𑌾॑𑌹 𑌪॒𑌰𑍋𑌕𑍍𑌷॑𑌮𑍇॒𑌵 𑌵𑌷॑-𑌟𑍍𑌕𑌰𑍋𑌤𑌿॒ 𑌨𑌾𑌸𑍍𑌯॑ 𑌯𑌾॒𑌤𑌯𑌾॑𑌮𑌾 𑌵𑌷𑌟𑍍𑌕𑌾॒𑌰𑍋 𑌭𑌵॑𑌤𑌿॒ 𑌨 𑌯॒𑌜𑍍𑌞𑌗𑍍𑌂 𑌰𑌕𑍍𑌷𑌾𑌗𑍍𑌂॑𑌸𑌿 𑌘𑍍𑌨𑌨𑍍𑌤𑌿॒ 𑌸𑍁𑌜𑌾॑𑌤𑍋॒ 𑌜𑍍𑌯𑍋𑌤𑌿॑𑌷𑌾 𑌸॒𑌹𑍇𑌤𑍍𑌯॑𑌨𑍁॒𑌷𑍍𑌟𑍁𑌭𑍋𑌪॑ 𑌨𑌹𑍍𑌯𑌤𑍍𑌯𑌨𑍁॒𑌷𑍍𑌟𑍁- [𑌨𑌹𑍍𑌯𑌤𑍍𑌯𑌨𑍁॒𑌷𑍍𑌟𑍁𑌪𑍍, 𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿॒] 22

-𑌫𑍍𑌸𑌰𑍍𑌵𑌾॑𑌣𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌖𑌲𑍁॒ 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌃 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾॒ 𑌪𑌰𑌿॑ 𑌦𑌧𑌾𑌤𑌿॒ 𑌵𑍇𑌦𑍁॑𑌕𑍋॒ 𑌵𑌾𑌸𑍋॑ 𑌭𑌵𑌤𑌿॒𑌯 𑌏॒𑌵𑌂-𑌵𑍇𑌁𑌦॑ 𑌵𑌾𑌰𑍁॒𑌣𑍋 𑌵𑌾 𑌅॒𑌗𑍍𑌨𑌿𑌰𑍁𑌪॑𑌨𑌦𑍍𑌧॒ 𑌉𑌦𑍁॑ 𑌤𑌿𑌷𑍍𑌠 𑌸𑍍𑌵𑌦𑍍𑌧𑍍𑌵𑌰𑍋॒𑌰𑍍𑌧𑍍𑌵 𑌊॒ 𑌷𑍁𑌣॑ 𑌊॒𑌤𑌯॒ 𑌇𑌤𑌿॑ 𑌸𑌾𑌵𑌿॒𑌤𑍍𑌰𑍀𑌭𑍍𑌯𑌾॒𑌮𑍁-𑌤𑍍𑌤𑌿॑𑌷𑍍𑌠𑌤𑌿 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑌾𑌸𑍍𑌯𑍋॒𑌰𑍍𑌧𑍍𑌵𑌾𑌂-𑌵𑌁॑𑌰𑍁𑌣𑌮𑍇॒𑌨𑌿𑌮𑍁-𑌥𑍍𑌸𑍃॑𑌜𑌤𑌿॒ 𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌸 𑌜𑌾॒𑌤𑍋 𑌗𑌰𑍍𑌭𑍋॑ 𑌅𑌸𑌿॒ [𑌗𑌰𑍍𑌭𑍋॑ 𑌅𑌸𑌿, 𑌰𑍋𑌦॑𑌸𑍍𑌯𑍋॒𑌰𑌿𑌤𑍍𑌯𑌾॑𑌹𑍇॒𑌮𑍇] 23

𑌰𑍋𑌦॑𑌸𑍍𑌯𑍋॒𑌰𑌿𑌤𑍍𑌯𑌾॑𑌹𑍇॒𑌮𑍇 𑌵𑍈 𑌰𑍋𑌦॑𑌸𑍀॒ 𑌤𑌯𑍋॑𑌰𑍇॒𑌷 𑌗𑌰𑍍𑌭𑍋॒ 𑌯𑌦॒𑌗𑍍𑌨𑌿-𑌸𑍍𑌤𑌸𑍍𑌮𑌾॑-𑌦𑍇॒𑌵𑌮𑌾॒𑌹𑌾𑌗𑍍𑌨𑍇॒ 𑌚𑌾𑌰𑍁॒𑌰𑍍𑌵𑌿𑌭𑍃॑𑌤॒ 𑌓𑌷॑𑌧𑍀॒𑌷𑍍𑌵𑌿𑌤𑍍𑌯𑌾॑𑌹 𑌯॒𑌦𑌾 𑌹𑍍𑌯𑍇॑𑌤𑌂-𑌵𑌿𑌁॒𑌭𑌰॒𑌨𑍍𑌤𑍍𑌯𑌥॒ 𑌚𑌾𑌰𑍁॑𑌤𑌰𑍋॒ 𑌭𑌵॑𑌤𑌿॒ 𑌪𑍍𑌰 𑌮𑌾॒𑌤𑍃𑌭𑍍𑌯𑍋॒ 𑌅𑌧𑌿॒ 𑌕𑌨𑌿॑𑌕𑍍𑌰𑌦-𑌦𑍍𑌗𑌾॒ 𑌇𑌤𑍍𑌯𑌾॒𑌹𑍗𑌷॑𑌧𑌯𑍋॒ 𑌵𑌾 𑌅॑𑌸𑍍𑌯 𑌮𑌾॒𑌤𑌰॒𑌸𑍍𑌤𑌾𑌭𑍍𑌯॑ 𑌏॒𑌵𑍈𑌨॒-𑌮𑍍𑌪𑍍𑌰𑌚𑍍𑌯𑌾॑𑌵𑌯𑌤𑌿 𑌸𑍍𑌥𑌿॒𑌰𑍋 𑌭॑𑌵 𑌵𑍀॒𑌡𑍍𑌵॑𑌙𑍍𑌗॒ 𑌇𑌤𑌿॑ 𑌗𑌰𑍍𑌦॒𑌭 𑌆 𑌸𑌾॑𑌦𑌯𑌤𑌿॒ [𑌆 𑌸𑌾॑𑌦𑌯𑌤𑌿, 𑌸-𑌨𑍍𑌨॑𑌹𑍍𑌯𑌤𑍍𑌯𑍇॒𑌵𑍈𑌨॑-] 24

𑌸-𑌨𑍍𑌨॑𑌹𑍍𑌯𑌤𑍍𑌯𑍇॒𑌵𑍈𑌨॑-𑌮𑍇॒𑌤𑌯𑌾᳚ 𑌸𑍍𑌥𑍇॒𑌮𑍍𑌨𑍇 𑌗॑𑌰𑍍𑌦॒𑌭𑍇𑌨॒ 𑌸𑌮𑍍𑌭॑𑌰𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑌃 𑌪॑𑌶𑍂॒𑌨𑌾-𑌮𑍍𑌭𑌾॑𑌰𑌭𑌾॒𑌰𑌿𑌤॑𑌮𑍋 𑌗𑌰𑍍𑌦॒𑌭𑍇𑌨॒ 𑌸-𑌮𑍍𑌭॑𑌰𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑍋-𑌽𑌪𑍍𑌯॑𑌨𑌾𑌲𑍇॒𑌶𑍇-𑌽𑌤𑍍𑌯॒𑌨𑍍𑌯𑌾-𑌨𑍍𑌪॒𑌶𑍂-𑌨𑍍𑌮𑍇᳚𑌦𑍍𑌯॒𑌤𑍍𑌯𑌨𑍍𑌨॒𑌗𑍍𑌗𑍍॒ 𑌹𑍍𑌯𑍇॑𑌨𑍇𑌨𑌾॒-𑌽𑌰𑍍𑌕𑌗𑍍𑌂 𑌸॒𑌮𑍍𑌭𑌰॑𑌨𑍍𑌤𑌿 𑌗𑌰𑍍𑌦॒𑌭𑍇𑌨॒ 𑌸𑌮𑍍𑌭॑𑌰𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑍋 𑌦𑍍𑌵𑌿॒𑌰𑍇𑌤𑌾॒-𑌸𑍍𑌸𑌨𑍍 𑌕𑌨𑌿॑𑌷𑍍𑌠-𑌮𑍍𑌪𑌶𑍂॒𑌨𑌾-𑌮𑍍𑌪𑍍𑌰𑌜𑌾॑𑌯𑌤𑍇॒-𑌽𑌗𑍍𑌨𑌿𑌰𑍍𑌹𑍍𑌯॑𑌸𑍍𑌯॒ 𑌯𑍋𑌨𑌿॑-𑌨𑍍𑌨𑌿॒𑌰𑍍𑌦𑌹॑𑌤𑌿 𑌪𑍍𑌰॒𑌜𑌾𑌸𑍁॒ 𑌵𑌾 𑌏॒𑌷 𑌏॒𑌤𑌰𑍍𑌹𑍍𑌯𑌾𑌰𑍂॑𑌢॒- [𑌏॒𑌤𑌰𑍍𑌹𑍍𑌯𑌾𑌰𑍂॑𑌢𑌃, 𑌸 𑌈᳚𑌶𑍍𑌵॒𑌰𑌃 𑌪𑍍𑌰॒𑌜𑌾-𑌶𑍍𑌶𑍁॒𑌚𑌾] 25

-𑌸𑍍𑌸 𑌈᳚𑌶𑍍𑌵॒𑌰𑌃 𑌪𑍍𑌰॒𑌜𑌾-𑌶𑍍𑌶𑍁॒𑌚𑌾 𑌪𑍍𑌰॒𑌦𑌹𑌃॑ 𑌶𑌿॒𑌵𑍋 𑌭॑𑌵 𑌪𑍍𑌰॒𑌜𑌾𑌭𑍍𑌯॒ 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾𑌭𑍍𑌯॑ 𑌏॒𑌵𑍈𑌨𑌗𑍍𑌂॑ 𑌶𑌮𑌯𑌤𑌿॒ 𑌮𑌾𑌨𑍁॑𑌷𑍀𑌭𑍍𑌯॒𑌸𑍍𑌤𑍍𑌵𑌮॑𑌙𑍍𑌗𑌿𑌰॒ 𑌇𑌤𑍍𑌯𑌾॑𑌹 𑌮𑌾𑌨॒𑌵𑍍𑌯𑍋॑ 𑌹𑌿 𑌪𑍍𑌰॒𑌜𑌾 𑌮𑌾 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀 𑌅॒𑌭𑌿 𑌶𑍂॑𑌶𑍁𑌚𑍋॒ 𑌮𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌮𑌾 𑌵𑌨॒𑌸𑍍𑌪𑌤𑍀॒𑌨𑌿𑌤𑍍𑌯𑌾॑𑌹𑍈॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯𑌃॑ 𑌶𑌮𑌯𑌤𑌿॒ 𑌪𑍍𑌰𑍈𑌤𑍁॑ 𑌵𑌾॒𑌜𑍀 𑌕𑌨𑌿॑𑌕𑍍𑌰𑌦॒𑌦𑌿𑌤𑍍𑌯𑌾॑𑌹 𑌵𑌾॒𑌜𑍀 𑌹𑍍𑌯𑍇॑𑌷 𑌨𑌾𑌨॑𑌦॒-𑌦𑍍𑌰𑌾𑌸॑𑌭𑌃॒ 𑌪𑌤𑍍𑌵𑍇- [𑌪𑌤𑍍𑌵𑍇𑌤𑌿, 𑌆॒𑌹॒ 𑌰𑌾𑌸॑𑌭॒ 𑌇𑌤𑌿॒] 26

-𑌤𑍍𑌯𑌾॑𑌹॒ 𑌰𑌾𑌸॑𑌭॒ 𑌇𑌤𑌿॒ 𑌹𑍍𑌯𑍇॑𑌤𑌮𑍃𑌷॒𑌯𑍋-𑌽𑌵॑𑌦॒-𑌨𑍍𑌭𑌰॑𑌨𑍍𑌨॒𑌗𑍍𑌨𑌿-𑌮𑍍𑌪𑍁॑𑌰𑍀॒𑌷𑍍𑌯॑𑌮𑌿𑌤𑍍𑌯𑌾॑𑌹𑌾॒-𑌽𑌗𑍍𑌨𑌿𑌗𑍍𑌗𑍍 𑌹𑍍𑌯𑍇॑𑌷 𑌭𑌰॑𑌤𑌿॒ 𑌮𑌾 𑌪𑌾॒𑌦𑍍𑌯𑌾𑌯𑍁॑𑌷𑌃 𑌪𑍁॒𑌰𑍇𑌤𑍍𑌯𑌾॒𑌹𑌾-𑌽𑌽𑌯𑍁॑𑌰𑍇॒𑌵𑌾-𑌽𑌸𑍍𑌮𑌿॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭-𑌸𑍍𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌤𑌸𑍍𑌮𑌾᳚-𑌦𑍍𑌗𑌰𑍍𑌦॒𑌭𑍇 𑌪𑍁॒𑌰𑌾-𑌽𑌽𑌯𑍁॑𑌷𑌃॒ 𑌪𑍍𑌰𑌮𑍀॑𑌤𑍇 𑌬𑌿𑌭𑍍𑌯𑌤𑌿॒ 𑌵𑍃𑌷𑌾॒-𑌽𑌗𑍍𑌨𑌿𑌂-𑌵𑍃𑌁𑌷॑𑌣॒-𑌮𑍍𑌭𑌰॒𑌨𑍍𑌨𑌿𑌤𑍍𑌯𑌾॑𑌹॒ 𑌵𑍃𑌷𑌾॒ 𑌹𑍍𑌯𑍇॑𑌷 𑌵𑍃𑌷𑌾॒-𑌽𑌗𑍍𑌨𑌿𑌰॒𑌪𑌾-𑌙𑍍𑌗𑌰𑍍𑌭𑌗𑍍𑌂॑ - [𑌵𑍃𑌷𑌾॒-𑌽𑌗𑍍𑌨𑌿𑌰॒𑌪𑌾-𑌙𑍍𑌗𑌰𑍍𑌭᳚𑌮𑍍, 𑌸॒𑌮𑍁॒𑌦𑍍𑌰𑌿𑌯॒-] 27

𑌸𑌮𑍁॒𑌦𑍍𑌰𑌿𑌯॒-𑌮𑌿𑌤𑍍𑌯𑌾॑𑌹𑌾॒-𑌽𑌪𑌾𑌗𑍍 𑌹𑍍𑌯𑍇॑𑌷 𑌗𑌰𑍍𑌭𑍋॒ 𑌯𑌦॒𑌗𑍍𑌨𑌿𑌰𑌗𑍍𑌨॒ 𑌆 𑌯𑌾॑𑌹𑌿 𑌵𑍀॒𑌤𑌯॒ 𑌇𑌤𑌿॒ 𑌵𑌾 𑌇॒𑌮𑍗 𑌲𑍋॒𑌕𑍗 𑌵𑍍𑌯𑍈॑𑌤𑌾॒𑌮𑌗𑍍𑌨॒ 𑌆 𑌯𑌾॑𑌹𑌿 𑌵𑍀॒𑌤𑌯॒ 𑌇𑌤𑌿॒ 𑌯𑌦𑌾𑌹𑌾॒ 𑌽𑌨𑌯𑍋᳚𑌰𑍍𑌲𑍋॒𑌕𑌯𑍋॒-𑌰𑍍𑌵𑍀𑌤𑍍𑌯𑍈॒ 𑌪𑍍𑌰𑌚𑍍𑌯𑍁॑𑌤𑍋॒ 𑌵𑌾 𑌏॒𑌷 𑌆॒𑌯𑌤॑𑌨𑌾॒𑌦𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾𑌗𑍍𑌂 𑌸 𑌏॒𑌤𑌰𑍍𑌹𑍍𑌯॑𑌦𑍍𑌧𑍍𑌵॒𑌰𑍍𑌯𑍁-𑌞𑍍𑌚॒ 𑌯𑌜॑𑌮𑌾𑌨-𑌞𑍍𑌚 𑌦𑍍𑌧𑍍𑌯𑌾𑌯𑌤𑍍𑌯𑍃॒𑌤𑌗𑍍𑌂 𑌸॒𑌤𑍍𑌯𑌮𑌿𑌤𑍍𑌯𑌾॑𑌹𑍇॒𑌯𑌂-𑌵𑌾𑌁 𑌋॒𑌤𑌮॒𑌸𑍗 [ ] 28

𑌸॒𑌤𑍍𑌯𑌮॒𑌨𑌯𑍋॑𑌰𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑ 𑌷𑍍𑌠𑌾𑌪𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨𑍋॒ 𑌵𑌰𑍁॑𑌣𑍋॒ 𑌵𑌾 𑌏॒𑌷 𑌯𑌜॑𑌮𑌾𑌨𑌮॒𑌭𑍍𑌯𑍈𑌤𑌿॒ 𑌯𑌦॒𑌗𑍍𑌨𑌿𑌰𑍁𑌪॑𑌨𑌦𑍍𑌧॒ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑ 𑌗𑍃𑌹𑍍𑌣𑍀𑌤𑌾॒𑌗𑍍𑌨𑌿𑌮𑍇॒𑌤-𑌮𑌿𑌤𑍍𑌯𑌾॑𑌹॒ 𑌶𑌾𑌨𑍍𑌤𑍍𑌯𑍈॒ 𑌵𑍍𑌯𑌸𑍍𑌯॒𑌨𑍍 𑌵𑌿𑌶𑍍𑌵𑌾॒ 𑌅𑌮॑𑌤𑍀॒𑌰𑌰𑌾॑𑌤𑍀॒-𑌰𑌿𑌤𑍍𑌯𑌾॑𑌹॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 𑌨𑌿॒𑌷𑍀𑌦॑-𑌨𑍍𑌨𑍋॒ 𑌅𑌪॑ 𑌦𑍁𑌰𑍍𑌮॒𑌤𑌿𑌗𑍍𑌂 𑌹॑𑌨॒𑌦𑌿𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾॒ 𑌓𑌷॑𑌧𑌯𑌃॒ 𑌪𑍍𑌰𑌤𑌿॑𑌮𑍋𑌦𑌦𑍍𑌧𑍍𑌵- [𑌪𑍍𑌰𑌤𑌿॑𑌮𑍋𑌦𑌦𑍍𑌧𑍍𑌵𑌮𑍍, 𑌏॒𑌨॒𑌮𑌿𑌤𑍍𑌯𑌾॒𑌹𑍗𑌷॑𑌧𑌯𑍋॒] 29

-𑌮𑍇𑌨॒𑌮𑌿𑌤𑍍𑌯𑌾॒𑌹𑍗𑌷॑𑌧𑌯𑍋॒ 𑌵𑌾 𑌅॒𑌗𑍍𑌨𑍇𑌰𑍍𑌭𑌾॑𑌗॒𑌧𑍇𑌯॒-𑌨𑍍𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌂॒ 𑌸𑌮॑𑌰𑍍𑌧𑌯𑌤𑌿॒ 𑌪𑍁𑌷𑍍𑌪𑌾॑𑌵𑌤𑍀-𑌸𑍍𑌸𑍁𑌪𑌿𑌪𑍍𑌪॒𑌲𑌾 𑌇𑌤𑍍𑌯𑌾॑𑌹॒ 𑌤𑌸𑍍𑌮𑌾॒𑌦𑍋𑌷॑𑌧𑌯𑌃॒ 𑌫𑌲॑-𑌙𑍍𑌗𑍃𑌹𑍍𑌣𑌨𑍍𑌤𑍍𑌯॒ 𑌯𑌂-𑌵𑍋𑌁॒ 𑌗𑌰𑍍𑌭॑ 𑌋॒𑌤𑍍𑌵𑌿𑌯𑌃॑ 𑌪𑍍𑌰॒𑌤𑍍𑌨𑌗𑍍𑌂 𑌸॒𑌧𑌸𑍍𑌥॒𑌮𑌾-𑌽𑌸॑𑌦॒𑌦𑌿𑌤𑍍𑌯𑌾॑𑌹॒ 𑌯𑌾𑌭𑍍𑌯॑ 𑌏॒𑌵𑍈𑌨॑-𑌮𑍍𑌪𑍍𑌰𑌚𑍍𑌯𑌾॒𑌵𑌯॑𑌤𑌿॒ 𑌤𑌾𑌸𑍍𑌵𑍇॒𑌵𑍈𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌦𑍍𑌵𑌾𑌭𑍍𑌯𑌾॑𑌮𑍁॒𑌪𑌾𑌵॑𑌹𑌰𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥ 30 ॥

(𑌅॒𑌸𑍍𑌤𑍍𑌵॒ - 𑌨𑍁॒𑌷𑍍𑌟𑍁 - 𑌬॑𑌸𑌿 - 𑌸𑌾𑌦𑌯॒𑌤𑍍𑌯𑌾 - 𑌰𑍂॑𑌢𑌃॒-𑌪𑌤𑍍𑌵𑍇𑌤𑌿॒-𑌗𑌰𑍍𑌭॑-𑌮॒𑌸𑍗 - 𑌮𑍋॑𑌦𑌦𑍍𑌧𑍍𑌵𑌂॒ - 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 5)

𑌵𑌾॒𑌰𑍁॒𑌣𑍋 𑌵𑌾 𑌅॒𑌗𑍍𑌨𑌿𑌰𑍁𑌪॑𑌨𑌦𑍍𑌧𑍋॒ 𑌵𑌿 𑌪𑌾𑌜॒𑌸𑍇𑌤𑌿॒ 𑌵𑌿𑌸𑍍𑌰𑌗𑍍𑌂॑𑌸𑌯𑌤𑌿 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑌾𑌸𑍍𑌯॒ 𑌵𑌿𑌷𑍂॑𑌚𑍀𑌂-𑌵𑌁𑌰𑍁𑌣𑌮𑍇॒𑌨𑌿𑌂-𑌵𑌿𑌁𑌸𑍃॑𑌜𑌤𑍍𑌯॒𑌪 𑌉𑌪॑ 𑌸𑍃𑌜॒𑌤𑍍𑌯𑌾𑌪𑍋॒ 𑌵𑍈 𑌶𑌾॒𑌨𑍍𑌤𑌾-𑌶𑍍𑌶𑌾॒𑌨𑍍𑌤𑌾𑌭𑌿॑𑌰𑍇॒𑌵𑌾𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿 𑌤𑌿॒𑌸𑍃𑌭𑌿॒𑌰𑍁𑌪॑ 𑌸𑍃𑌜𑌤𑌿 𑌤𑍍𑌰𑌿॒𑌵𑍃𑌦𑍍𑌵𑌾 𑌅॒𑌗𑍍𑌨𑌿𑌰𑍍𑌯𑌾𑌵𑌾॑𑌨𑍇॒𑌵𑌾-𑌗𑍍𑌨𑌿𑌸𑍍𑌤𑌸𑍍𑌯॒ 𑌶𑍁𑌚𑌗𑍍𑌂॑ 𑌶𑌮𑌯𑌤𑌿 𑌮𑌿॒𑌤𑍍𑌰-𑌸𑍍𑌸॒𑌗𑍍𑌂॒𑌸𑍃𑌜𑍍𑌯॑ 𑌪𑍃𑌥𑌿॒𑌵𑍀𑌮𑌿𑌤𑍍𑌯𑌾॑𑌹 𑌮𑌿॒𑌤𑍍𑌰𑍋 𑌵𑍈 𑌶𑌿॒𑌵𑍋 𑌦𑍇॒𑌵𑌾𑌨𑌾॒-𑌨𑍍𑌤𑍇𑌨𑍈॒𑌵𑍈- [𑌦𑍇॒𑌵𑌾𑌨𑌾॒-𑌨𑍍𑌤𑍇𑌨𑍈॒𑌵, 𑌏॒𑌨॒𑌗𑍍𑌂॒ 𑌸𑌗𑍍𑌂 𑌸𑍃॑𑌜𑌤𑌿॒] 31

-𑌨॒𑌗𑍍𑌂॒ 𑌸𑌗𑍍𑌂 𑌸𑍃॑𑌜𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌯𑌦𑍍𑌗𑍍𑌰𑌾॒𑌮𑍍𑌯𑌾𑌣𑌾॒-𑌮𑍍𑌪𑌾𑌤𑍍𑌰𑌾॑𑌣𑌾-𑌙𑍍𑌕॒𑌪𑌾𑌲𑍈᳚-𑌸𑍍𑌸𑌗𑍍𑌂𑌸𑍃॒𑌜𑍇-𑌦𑍍𑌗𑍍𑌰𑌾॒𑌮𑍍𑌯𑌾𑌣𑌿॒ 𑌪𑌾𑌤𑍍𑌰𑌾॑𑌣𑌿 𑌶𑍁॒𑌚𑌾-𑌽𑌰𑍍𑌪॑𑌯𑍇𑌦𑌰𑍍𑌮𑌕𑌪𑌾॒𑌲𑍈-𑌸𑍍𑌸𑌗𑍍𑌂 𑌸𑍃॑𑌜𑌤𑍍𑌯𑍇॒𑌤𑌾𑌨𑌿॒ 𑌵𑌾 𑌅॑𑌨𑍁𑌪𑌜𑍀𑌵𑌨𑍀॒𑌯𑌾𑌨𑌿॒ 𑌤𑌾𑌨𑍍𑌯𑍇॒𑌵 𑌶𑍁॒𑌚𑌾-𑌽𑌰𑍍𑌪॑𑌯𑌤𑌿॒ 𑌶𑌰𑍍𑌕॑𑌰𑌾𑌭𑌿॒-𑌸𑍍𑌸𑌗𑍍𑌂 𑌸𑍃॑𑌜𑌤𑌿॒ 𑌧𑍃𑌤𑍍𑌯𑌾॒ 𑌅𑌥𑍋॑ 𑌶॒𑌨𑍍𑌤𑍍𑌵𑌾𑌯𑌾॑ 𑌜𑌲𑍋॒𑌮𑍈-𑌸𑍍𑌸𑌗𑍍𑌂 𑌸𑍃॑𑌜𑌤𑍍𑌯𑍇॒𑌷𑌾 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌰𑍍𑌯𑌦॒𑌜𑌾 𑌪𑍍𑌰𑌿॒𑌯𑌯𑍈॒𑌵𑍈𑌨॑-𑌨𑍍𑌤॒𑌨𑍁𑌵𑌾॒ 𑌸𑌗𑍍𑌂 𑌸𑍃॑𑌜॒𑌤𑍍𑌯𑌥𑍋॒ 𑌤𑍇𑌜॑𑌸𑌾 𑌕𑍃𑌷𑍍𑌣𑌾𑌜𑌿॒𑌨𑌸𑍍𑌯॒ 𑌲𑍋𑌮॑𑌭𑌿॒-𑌸𑍍𑌸𑌗𑍍𑌂 - [𑌲𑍋𑌮॑𑌭𑌿॒-𑌸𑍍𑌸𑌮𑍍, 𑌸𑍃॒𑌜॒𑌤𑌿॒ 𑌯॒𑌜𑍍𑌞𑍋 𑌵𑍈] 32

𑌸𑍃॑𑌜𑌤𑌿 𑌯॒𑌜𑍍𑌞𑍋 𑌵𑍈 𑌕𑍃॑𑌷𑍍𑌣𑌾𑌜𑌿॒𑌨𑌂-𑌯𑌁॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞𑌗𑍍𑌂 𑌸𑌗𑍍𑌂 𑌸𑍃॑𑌜𑌤𑌿 𑌰𑍁॒𑌦𑍍𑌰𑌾-𑌸𑍍𑌸॒𑌭𑍃𑌤𑍍𑌯॑ 𑌪𑍃𑌥𑌿॒𑌵𑍀𑌮𑌿𑌤𑍍𑌯𑌾॑𑌹𑍈॒𑌤𑌾 𑌵𑌾 𑌏॒𑌤-𑌨𑍍𑌦𑍇॒𑌵𑌤𑌾॒ 𑌅𑌗𑍍𑌰𑍇॒ 𑌸𑌮॑𑌭𑌰॒-𑌨𑍍𑌤𑌾𑌭𑌿॑𑌰𑍇॒𑌵𑍈𑌨॒𑌗𑍍𑌂॒ 𑌸𑌮𑍍𑌭॑𑌰𑌤𑌿 𑌮॒𑌖𑌸𑍍𑌯॒ 𑌶𑌿𑌰𑍋॒-𑌽𑌸𑍀𑌤𑍍𑌯𑌾॑𑌹 𑌯॒𑌜𑍍𑌞𑍋 𑌵𑍈 𑌮॒𑌖𑌸𑍍𑌤𑌸𑍍𑌯𑍈॒𑌤-𑌚𑍍𑌛𑌿𑌰𑍋॒ 𑌯𑌦𑍁॒𑌖𑌾 𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹 𑌯॒𑌜𑍍𑌞𑌸𑍍𑌯॑ 𑌪॒𑌦𑍇 𑌸𑍍𑌥॒ 𑌇𑌤𑍍𑌯𑌾॑𑌹 𑌯॒𑌜𑍍𑌞𑌸𑍍𑌯॒ 𑌹𑍍𑌯𑍇॑𑌤𑍇 [ ] 33

𑌪॒𑌦𑍇 𑌅𑌥𑍋॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌪𑍍𑌰𑌾-𑌽𑌨𑍍𑌯𑌾𑌭𑌿॒-𑌰𑍍𑌯𑌚𑍍𑌛॒𑌤𑍍𑌯𑌨𑍍𑌵॒𑌨𑍍𑌯𑍈-𑌰𑍍𑌮॑𑌨𑍍𑌤𑍍𑌰𑌯𑌤𑍇 𑌮𑌿𑌥𑍁𑌨॒𑌤𑍍𑌵𑌾𑌯॒ 𑌤𑍍𑌰𑍍𑌯𑍁॑𑌦𑍍𑌧𑌿-𑌙𑍍𑌕𑌰𑍋𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒𑌮𑌾𑌪𑍍𑌤𑍍𑌯𑍈॒ 𑌛𑌨𑍍𑌦𑍋॑𑌭𑌿𑌃 𑌕𑌰𑍋𑌤𑌿 𑌵𑍀॒𑌰𑍍𑌯𑌂॑-𑌵𑍈𑌁 𑌛𑌨𑍍𑌦𑌾𑌗𑍍𑌂॑𑌸𑌿 𑌵𑍀॒𑌰𑍍𑌯𑍇॑𑌣𑍈॒𑌵𑍈𑌨𑌾᳚-𑌙𑍍𑌕𑌰𑍋𑌤𑌿॒ 𑌯𑌜𑍁॑𑌷𑌾॒ 𑌬𑌿𑌲॑-𑌙𑍍𑌕𑌰𑍋𑌤𑌿॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑌾॒ 𑌇𑌯॑𑌤𑍀-𑌙𑍍𑌕𑌰𑍋𑌤𑌿 𑌪𑍍𑌰॒𑌜𑌾𑌪॑𑌤𑌿𑌨𑌾 𑌯𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤𑌾-𑌨𑍍𑌦𑍍𑌵𑌿𑌸𑍍𑌤॒𑌨𑌾-𑌙𑍍𑌕॑𑌰𑍋𑌤𑌿॒ 𑌯𑌾𑌵𑌾॑𑌪𑍃𑌥𑌿॒𑌵𑍍𑌯𑍋𑌰𑍍𑌦𑍋𑌹𑌾॑𑌯॒ 𑌚𑌤𑍁𑌃॑𑌸𑍍𑌤𑌨𑌾-𑌙𑍍𑌕𑌰𑍋𑌤𑌿 𑌪𑌶𑍂॒𑌨𑌾-𑌨𑍍𑌦𑍋𑌹𑌾॑𑌯𑌾॒𑌷𑍍𑌟𑌾𑌸𑍍𑌤॑𑌨𑌾-𑌙𑍍𑌕𑌰𑍋𑌤𑌿॒ 𑌛𑌨𑍍𑌦॑𑌸𑌾॒-𑌨𑍍𑌦𑍋𑌹𑌾॑𑌯॒ 𑌨𑌵𑌾᳚𑌶𑍍𑌰𑌿-𑌮𑌭𑌿॒𑌚𑌰॑𑌤𑌃 𑌕𑍁𑌰𑍍𑌯𑌾-𑌤𑍍𑌤𑍍𑌰𑌿॒𑌵𑍃𑌤॑𑌮𑍇॒𑌵 𑌵𑌜𑍍𑌰𑌗𑍍𑌂॑ 𑌸॒𑌮𑍍𑌭𑍃𑌤𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑌾𑌯॒ 𑌪𑍍𑌰𑌹॑𑌰𑌤𑌿॒ 𑌸𑍍𑌤𑍃𑌤𑍍𑌯𑍈॑ 𑌕𑍃॒𑌤𑍍𑌵𑌾𑌯॒ 𑌸𑌾 𑌮॒𑌹𑍀𑌮𑍁॒𑌖𑌾𑌮𑌿𑌤𑌿॒ 𑌨𑌿 𑌦॑𑌧𑌾𑌤𑌿 𑌦𑍇॒𑌵𑌤𑌾᳚𑌸𑍍𑌵𑍇॒𑌵𑍈𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 34 ॥

(𑌤𑍇𑌨𑍈॒𑌵 - 𑌲𑍋𑌮॑𑌭𑌿॒-𑌸𑍍𑌸 - 𑌮𑍇॒𑌤𑍇 - 𑌅॑𑌭𑌿॒𑌚𑌰॑𑌤॒ - 𑌏𑌕॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 6)

𑌸॒𑌪𑍍𑌤𑌭𑌿॑𑌰𑍍𑌧𑍂𑌪𑌯𑌤𑌿 𑌸॒𑌪𑍍𑌤 𑌵𑍈 𑌶𑍀॑𑌰𑍍𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾-𑌶𑍍𑌶𑌿𑌰॑ 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॒ 𑌯𑌦𑍁॒𑌖𑌾 𑌶𑍀॒𑌰𑍍॒𑌷𑌨𑍍𑌨𑍇॒𑌵 𑌯॒𑌜𑍍𑌞𑌸𑍍𑌯॑ 𑌪𑍍𑌰𑌾॒𑌣𑌾-𑌨𑍍𑌦॑𑌧𑌾𑌤𑌿॒ 𑌤𑌸𑍍𑌮𑌾᳚-𑌥𑍍𑌸॒𑌪𑍍𑌤 𑌶𑍀॒𑌰𑍍॒𑌷-𑌨𑍍𑌪𑍍𑌰𑌾॒𑌣𑌾 𑌅॑𑌶𑍍𑌵𑌶॒𑌕𑍇𑌨॑ 𑌧𑍂𑌪𑌯𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑍋 𑌵𑌾 𑌅𑌶𑍍𑌵𑌃॑ 𑌸𑌯𑍋𑌨𑌿॒𑌤𑍍𑌵𑌾𑌯𑌾-𑌦𑌿॑𑌤𑌿॒𑌸𑍍𑌤𑍍𑌵𑍇𑌤𑍍𑌯𑌾॑𑌹𑍇॒𑌯𑌂-𑌵𑌾𑌁 𑌅𑌦𑌿॑𑌤𑌿॒𑌰𑌦𑌿॑𑌤𑍍𑌯𑍈॒𑌵𑌾𑌦𑌿॑𑌤𑍍𑌯𑌾-𑌙𑍍𑌖𑌨𑌤𑍍𑌯॒𑌸𑍍𑌯𑌾 𑌅𑌕𑍍𑌰𑍂॑𑌰𑌙𑍍𑌕𑌾𑌰𑌾𑌯॒ 𑌨 𑌹𑌿 𑌸𑍍𑌵-𑌸𑍍𑌸𑍍𑌵𑌗𑍍𑌂 𑌹𑌿॒𑌨𑌸𑍍𑌤𑌿॑ 𑌦𑍇॒𑌵𑌾𑌨𑌾᳚-𑌨𑍍𑌤𑍍𑌵𑌾॒ 𑌪𑌤𑍍𑌨𑍀॒𑌰𑌿𑌤𑍍𑌯𑌾॑𑌹 𑌦𑍇॒𑌵𑌾𑌨𑌾𑌂॒- [𑌦𑍇॒𑌵𑌾𑌨𑌾᳚𑌮𑍍, 𑌵𑌾 𑌏॒𑌤𑌾-𑌮𑍍𑌪𑌤𑍍𑌨॒𑌯𑍋-𑌽𑌗𑍍𑌰𑍇॑-𑌽] 35

-𑌁𑌵𑌾 𑌏॒𑌤𑌾-𑌮𑍍𑌪𑌤𑍍𑌨॒𑌯𑍋-𑌽𑌗𑍍𑌰𑍇॑-𑌽-𑌕𑍁𑌰𑍍𑌵॒-𑌨𑍍𑌤𑌾𑌭𑌿॑𑌰𑍇॒𑌵𑍈𑌨𑌾᳚-𑌨𑍍𑌦𑌧𑌾𑌤𑌿 𑌧𑌿॒𑌷𑌣𑌾॒𑌸𑍍𑌤𑍍𑌵𑍇𑌤𑍍𑌯𑌾॑𑌹 𑌵𑌿॒𑌦𑍍𑌯𑌾 𑌵𑍈 𑌧𑌿॒𑌷𑌣𑌾॑ 𑌵𑌿॒𑌦𑍍𑌯𑌾𑌭𑌿॑-𑌰𑍇॒𑌵𑍈𑌨𑌾॑-𑌮॒𑌭𑍀𑌨𑍍𑌧𑍇॒ 𑌗𑍍𑌨𑌾𑌸𑍍𑌤𑍍𑌵𑍇𑌤𑍍𑌯𑌾॑𑌹॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌗𑍍𑌨𑌾 𑌶𑍍𑌛𑌨𑍍𑌦𑍋॑𑌭𑌿-𑌰𑍇॒𑌵𑍈𑌨𑌾𑌗𑍍॑ 𑌶𑍍𑌰𑌪𑌯𑌤𑌿॒ 𑌵𑌰𑍂᳚𑌤𑍍𑌰𑌯॒𑌸𑍍𑌤𑍍𑌵𑍇𑌤𑍍𑌯𑌾॑𑌹॒ 𑌹𑍋𑌤𑍍𑌰𑌾॒ 𑌵𑍈 𑌵𑌰𑍂᳚𑌤𑍍𑌰𑌯𑍋॒ 𑌹𑍋𑌤𑍍𑌰𑌾॑𑌭𑌿𑌰𑍇॒𑌵𑍈𑌨𑌾᳚-𑌮𑍍𑌪𑌚𑌤𑌿॒ 𑌜𑌨॑𑌯॒𑌸𑍍𑌤𑍍𑌵𑍇𑌤𑍍𑌯𑌾॑𑌹 𑌦𑍇॒𑌵𑌾𑌨𑌾𑌂॒-𑌵𑍈𑌁 𑌪𑌤𑍍𑌨𑍀॒- [𑌪𑌤𑍍𑌨𑍀𑌃᳚, 𑌜𑌨॑𑌯॒𑌸𑍍𑌤𑌾𑌭𑌿॑-] 36

-𑌰𑍍𑌜𑌨॑𑌯॒𑌸𑍍𑌤𑌾𑌭𑌿॑-𑌰𑍇॒𑌵𑍈𑌨𑌾᳚-𑌮𑍍𑌪𑌚𑌤𑌿 𑌷॒𑌡𑍍𑌭𑌿𑌃 𑌪॑𑌚𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨𑌾᳚-𑌮𑍍𑌪𑌚𑌤𑌿॒ 𑌦𑍍𑌵𑌿𑌃 𑌪𑌚॒𑌨𑍍𑌤𑍍𑌵𑌿𑌤𑍍𑌯𑌾॑𑌹॒ 𑌤𑌸𑍍𑌮𑌾॒-𑌦𑍍𑌦𑍍𑌵𑌿-𑌸𑍍𑌸𑌂॑𑌵𑌁𑌥𑍍𑌸॒𑌰𑌸𑍍𑌯॑ 𑌸॒𑌸𑍍𑌯-𑌮𑍍𑌪॑𑌚𑍍𑌯𑌤𑍇 𑌵𑌾𑌰𑍁॒𑌣𑍍𑌯𑍁॑𑌖𑌾-𑌽𑌭𑍀𑌦𑍍𑌧𑌾॑ 𑌮𑍈॒𑌤𑍍𑌰𑌿𑌯𑍋𑌪𑍈॑𑌤𑌿॒ 𑌶𑌾𑌨𑍍𑌤𑍍𑌯𑍈॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋-𑌦𑍍𑌵॑𑌪॒𑌤𑍍𑌵𑌿𑌤𑍍𑌯𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨𑌾॒-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌤𑌾॑𑌭𑌿॒𑌰𑍁-𑌦𑍍𑌵॑𑌪॒𑌤𑍍𑌯𑌪॑𑌦𑍍𑌯𑌮𑌾𑌨𑌾 𑌪𑍃𑌥𑌿॒𑌵𑍍𑌯𑌾𑌶𑌾॒ 𑌦𑌿𑌶॒ 𑌆 𑌪𑍃॒𑌣𑍇- [𑌆 𑌪𑍃॒𑌣, 𑌇𑌤𑍍𑌯𑌾॑𑌹॒] 37

-𑌤𑍍𑌯𑌾॑𑌹॒ 𑌤𑌸𑍍𑌮𑌾॑𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌵𑌿𑌭𑌾॒𑌤𑍍𑌯𑍁𑌤𑍍𑌤𑌿॑𑌷𑍍𑌠 𑌬𑍃𑌹॒𑌤𑍀 𑌭॑𑌵𑍋॒𑌰𑍍𑌧𑍍𑌵𑌾 𑌤𑌿॑𑌷𑍍𑌠 𑌧𑍍𑌰𑍁॒𑌵𑌾 𑌤𑍍𑌵𑌮𑌿𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑌾 𑌅𑌸𑍁॒𑌰𑍍𑌯॑-𑌮𑍍𑌪𑌾𑌤𑍍𑌰॒𑌮𑌨𑌾᳚𑌚𑍍𑌛𑍃𑌣𑍍𑌣॒𑌮𑌾-𑌚𑍍𑌛𑍃॑𑌣𑌤𑍍𑌤𑌿 𑌦𑍇𑌵॒𑌤𑍍𑌰𑌾-𑌽𑌕॑𑌰𑌜𑌕𑍍𑌷𑍀॒𑌰𑍇𑌣𑌾-𑌽𑌽𑌚𑍍𑌛𑍃॑𑌣𑌤𑍍𑌤𑌿 𑌪𑌰॒𑌮𑌂-𑌵𑌾𑌁 𑌏॒𑌤-𑌤𑍍𑌪𑌯𑍋॒ 𑌯𑌦॑𑌜𑌕𑍍𑌷𑍀॒𑌰-𑌮𑍍𑌪॑𑌰॒𑌮𑍇𑌣𑍈॒𑌵𑍈𑌨𑌾॒-𑌮𑍍𑌪𑌯॒𑌸𑌾-𑌽𑌽𑌚𑍍𑌛𑍃॑𑌣𑌤𑍍𑌤𑌿॒ 𑌯𑌜𑍁॑𑌷𑌾॒ 𑌵𑍍𑌯𑌾𑌵𑍃॑𑌤𑍍𑌤𑍍𑌯𑍈॒ 𑌛𑌨𑍍𑌦𑍋॑𑌭𑌿॒𑌰𑌾 𑌚𑍍𑌛𑍃॑𑌣𑌤𑍍𑌤𑌿॒ 𑌛𑌨𑍍𑌦𑍋॑𑌭𑌿॒𑌰𑍍𑌵𑌾 𑌏॒𑌷𑌾 𑌕𑍍𑌰𑌿॑𑌯𑌤𑍇॒ 𑌛𑌨𑍍𑌦𑍋॑𑌭𑌿𑌰𑍇॒𑌵 𑌛𑌨𑍍𑌦𑌾॒𑌗𑍍॒𑌸𑍍𑌯𑌾 𑌚𑍍𑌛𑍃॑𑌣𑌤𑍍𑌤𑌿 ॥ 38 ॥

(𑌆॒𑌹॒ 𑌦𑍇॒𑌵𑌾𑌨𑌾𑌂॒ - 𑌁𑌵𑍈 𑌪𑌤𑍍𑌨𑍀𑌃᳚ - 𑌪𑍃𑌣𑍈॒ - 𑌷𑌾 - 𑌷𑌟𑍍 𑌚॑) (𑌅. 7)

𑌏𑌕॑𑌵𑌿𑌗𑍍𑌂𑌶𑌤𑍍𑌯𑌾॒ 𑌮𑌾𑌷𑍈𑌃᳚ 𑌪𑍁𑌰𑍁𑌷𑌶𑍀॒𑌰𑍍॒𑌷-𑌮𑌚𑍍𑌛𑍈᳚𑌤𑍍𑌯𑌮𑍇॒𑌦𑍍𑌧𑍍𑌯𑌾 𑌵𑍈 𑌮𑌾𑌷𑌾॑ 𑌅𑌮𑍇॒𑌦𑍍𑌧𑍍𑌯-𑌮𑍍𑌪𑍁॑𑌰𑍁𑌷𑌶𑍀॒𑌰𑍍॒𑌷-𑌮॑𑌮𑍇॒𑌦𑍍𑌧𑍍𑌯𑍈𑌰𑍇॒𑌵𑌾-𑌸𑍍𑌯𑌾॑-𑌮𑍇॒𑌦𑍍𑌧𑍍𑌯-𑌨𑍍𑌨𑌿॑𑌰𑌵॒𑌦𑌾𑌯॒ 𑌮𑍇𑌦𑍍𑌧𑍍𑌯॑-𑌙𑍍𑌕𑍃॒𑌤𑍍𑌵𑌾 𑌽𑌽𑌹॑𑌰॒𑌤𑍍𑌯𑍇𑌕॑𑌵𑌿𑌗𑍍𑌂𑌶𑌤𑌿-𑌰𑍍𑌭𑌵𑌨𑍍𑌤𑍍𑌯𑍇𑌕𑌵𑌿॒𑌗𑍍𑌂॒𑌶𑍋 𑌵𑍈 𑌪𑍁𑌰𑍁॑𑌷𑌃॒ 𑌪𑍁𑌰𑍁॑𑌷॒𑌸𑍍𑌯𑌾-𑌽𑌽𑌪𑍍𑌤𑍍𑌯𑍈॒ 𑌵𑍍𑌯𑍃॑𑌦𑍍𑌧𑌂॒-𑌵𑌾𑌁 𑌏॒𑌤-𑌤𑍍𑌪𑍍𑌰𑌾॒𑌣𑍈𑌰॑𑌮𑍇॒𑌦𑍍𑌧𑍍𑌯𑌂-𑌯𑌁-𑌤𑍍𑌪𑍁॑𑌰𑍁𑌷𑌶𑍀॒𑌰𑍍॒𑌷𑌗𑍍𑌂 𑌸॑𑌪𑍍𑌤॒𑌧𑌾 𑌵𑌿𑌤𑍃॑𑌣𑍍𑌣𑌾𑌂-𑌵𑌁𑌲𑍍𑌮𑍀𑌕𑌵॒𑌪𑌾-𑌮𑍍𑌪𑍍𑌰𑌤𑌿॒ 𑌨𑌿 𑌦॑𑌧𑌾𑌤𑌿 𑌸॒𑌪𑍍𑌤 𑌵𑍈 𑌶𑍀॑𑌰𑍍𑌷॒𑌣𑍍𑌯𑌾𑌃᳚ 𑌪𑍍𑌰𑌾॒𑌣𑌾𑌃 𑌪𑍍𑌰𑌾॒𑌣𑍈𑌰𑍇॒𑌵𑍈𑌨॒-𑌥𑍍𑌸𑌮॑𑌰𑍍𑌧𑌯𑌤𑌿 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॒ 𑌯𑌾𑌵॑𑌨𑍍𑌤𑍋॒ [𑌯𑌾𑌵॑𑌨𑍍𑌤𑌃, 𑌵𑍈 𑌮𑍃॒𑌤𑍍𑌯𑍁𑌬॑𑌨𑍍𑌧𑌵॒-] 39

𑌵𑍈 𑌮𑍃॒𑌤𑍍𑌯𑍁𑌬॑𑌨𑍍𑌧𑌵॒-𑌸𑍍𑌤𑍇𑌷𑌾𑌂᳚-𑌯𑌁॒𑌮 𑌆𑌧𑌿॑𑌪𑌤𑍍𑌯॒-𑌮𑍍𑌪𑌰𑍀॑𑌯𑌾𑌯 𑌯𑌮𑌗𑌾॒𑌥𑌾𑌭𑌿𑌃॒ 𑌪𑌰𑌿॑𑌗𑌾𑌯𑌤𑌿 𑌯॒𑌮𑌾𑌦𑍇॒𑌵𑍈𑌨॑-𑌦𑍍𑌵𑍃𑌙𑍍𑌕𑍍𑌤𑍇 𑌤𑌿॒𑌸𑍃𑌭𑌿𑌃॒ 𑌪𑌰𑌿॑𑌗𑌾𑌯𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌭𑍍𑌯 𑌏॒𑌵𑍈𑌨॑𑌲𑍍𑌲𑍋॒𑌕𑍇𑌭𑍍𑌯𑍋॑ 𑌵𑍃𑌙𑍍𑌕𑍍𑌤𑍇॒ 𑌤𑌸𑍍𑌮𑌾॒-𑌦𑍍𑌗𑌾𑌯॑𑌤𑍇॒ 𑌨 𑌦𑍇𑌯॒-𑌙𑍍𑌗𑌾𑌥𑌾॒ 𑌹𑌿 𑌤-𑌦𑍍𑌵𑍃॒𑌙𑍍𑌕𑍍𑌤𑍇᳚ 𑌽𑌗𑍍𑌨𑌿𑌭𑍍𑌯𑌃॑ 𑌪॒𑌶𑍂𑌨𑌾 𑌲॑𑌭𑌤𑍇॒ 𑌕𑌾𑌮𑌾॒ 𑌵𑌾 𑌅॒𑌗𑍍𑌨𑌯𑌃॒ 𑌕𑌾𑌮𑌾॑𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯-𑌤𑍍𑌪॒𑌶𑍂-𑌨𑍍𑌨𑌾-𑌽𑌽𑌲𑌭𑍇॒𑌤𑌾-𑌽𑌨॑𑌵𑌰𑍁𑌦𑍍𑌧𑌾 𑌅𑌸𑍍𑌯 [ ] 40

𑌪॒𑌶𑌵𑌃॑ 𑌸𑍍𑌯𑍁॒𑌰𑍍𑌯-𑌤𑍍𑌪𑌰𑍍𑌯॑𑌗𑍍𑌨𑌿𑌕𑍃𑌤𑌾𑌨𑍁-𑌥𑍍𑌸𑍃॒𑌜𑍇-𑌦𑍍𑌯॑𑌜𑍍𑌞𑌵𑍇𑌶॒𑌸-𑌙𑍍𑌕𑍁॑𑌰𑍍𑌯𑌾॒-𑌦𑍍𑌯-𑌥𑍍𑌸𑌗𑍍𑌗𑍍॑𑌸𑍍𑌥𑌾॒𑌪𑌯𑍇᳚-𑌦𑍍𑌯𑌾॒𑌤𑌯𑌾॑𑌮𑌾𑌨𑌿 𑌶𑍀॒𑌰𑍍॒𑌷𑌾𑌣𑌿॑ 𑌸𑍍𑌯𑍁॒𑌰𑍍𑌯-𑌤𑍍𑌪॒𑌶𑍂𑌨𑌾॒𑌲𑌭॑𑌤𑍇॒ 𑌤𑍇𑌨𑍈॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇॒ 𑌯-𑌤𑍍𑌪𑌰𑍍𑌯॑𑌗𑍍𑌨𑌿𑌕𑍃𑌤𑌾𑌨𑍁-𑌥𑍍𑌸𑍃॒𑌜𑌤𑌿॑ 𑌶𑍀॒𑌰𑍍𑌷𑍍𑌣𑌾-𑌮𑌯𑌾॑𑌤𑌯𑌾𑌮𑌤𑍍𑌵𑌾𑌯 𑌪𑍍𑌰𑌾𑌜𑌾𑌪॒𑌤𑍍𑌯𑍇𑌨॒ 𑌸𑌗𑍍𑌗𑍍 𑌸𑍍𑌥𑌾॑𑌪𑌯𑌤𑌿 𑌯॒𑌜𑍍𑌞𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿𑌰𑍍𑌯॒𑌜𑍍𑌞 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅॑𑌸𑍃𑌜𑌤॒ 𑌸 𑌰𑌿॑𑌰𑌿𑌚𑌾॒𑌨𑍋॑-𑌽𑌮𑌨𑍍𑌯𑌤॒ 𑌸 𑌏॒𑌤𑌾 𑌆॒𑌪𑍍𑌰𑍀𑌰॑𑌪𑌶𑍍𑌯॒-𑌤𑍍𑌤𑌾𑌭𑌿॒𑌰𑍍𑌵𑍈 𑌸 𑌮𑍁॑𑌖॒𑌤 [𑌸 𑌮𑍁॑𑌖॒𑌤𑌃, 𑌆॒𑌤𑍍𑌮𑌾𑌨॒𑌮𑌾 𑌽𑌪𑍍𑌰𑍀॑𑌣𑍀𑌤॒] 41

𑌆॒𑌤𑍍𑌮𑌾𑌨॒𑌮𑌾 𑌽𑌪𑍍𑌰𑍀॑𑌣𑍀𑌤॒ 𑌯𑌦𑍇॒𑌤𑌾 𑌆॒𑌪𑍍𑌰𑌿𑌯𑍋॒ 𑌭𑌵॑𑌨𑍍𑌤𑌿 𑌯॒𑌜𑍍𑌞𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿-𑌰𑍍𑌯॒𑌜𑍍𑌞𑌮𑍇॒𑌵𑍈𑌤𑌾𑌭𑌿॑𑌰𑍍𑌮𑍁𑌖॒𑌤 𑌆 𑌪𑍍𑌰𑍀॑𑌣𑌾॒𑌤𑍍𑌯-𑌪॑𑌰𑌿𑌮𑌿𑌤𑌛𑌨𑍍𑌦𑌸𑍋 𑌭𑌵॒𑌨𑍍𑌤𑍍𑌯𑌪॑𑌰𑌿𑌮𑌿𑌤𑌃 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑌾॑ 𑌊𑌨𑌾𑌤𑌿𑌰𑌿॒𑌕𑍍𑌤𑌾 𑌮𑌿॑𑌥𑍁॒𑌨𑌾𑌃 𑌪𑍍𑌰𑌜𑌾᳚𑌤𑍍𑌯𑍈 𑌲𑍋𑌮॒𑌶𑌂-𑌵𑍈𑌁 𑌨𑌾𑌮𑍈॒𑌤𑌚𑍍𑌛𑌨𑍍𑌦𑌃॑ 𑌪𑍍𑌰॒𑌜𑌾𑌪॑𑌤𑍇𑌃 𑌪॒𑌶𑌵𑍋॑ 𑌲𑍋𑌮॒𑌶𑌾𑌃 𑌪॒𑌶𑍂𑌨𑍇॒𑌵𑌾-𑌽𑌵॑ 𑌰𑍁𑌨𑍍𑌧𑍇॒ 𑌸𑌰𑍍𑌵𑌾॑𑌣𑌿॒ 𑌵𑌾 𑌏॒𑌤𑌾 𑌰𑍂॒𑌪𑌾𑌣𑌿॒ 𑌸𑌰𑍍𑌵𑌾॑𑌣𑌿 𑌰𑍂॒𑌪𑌾𑌣𑍍𑌯॒𑌗𑍍𑌨𑍗 𑌚𑌿𑌤𑍍𑌯𑍇᳚ 𑌕𑍍𑌰𑌿𑌯𑌨𑍍𑌤𑍇॒ 𑌤𑌸𑍍𑌮𑌾॑𑌦𑍇॒𑌤𑌾 𑌅॒𑌗𑍍𑌨𑍇𑌶𑍍𑌚𑌿𑌤𑍍𑌯॑𑌸𑍍𑌯 [𑌅॒𑌗𑍍𑌨𑍇𑌶𑍍𑌚𑌿𑌤𑍍𑌯॑𑌸𑍍𑌯, 𑌭॒𑌵॒𑌨𑍍𑌤𑍍𑌯𑍇𑌕॑𑌵𑌿𑌗𑍍𑌂 𑌶𑌤𑌿𑌗𑍍𑌂] 42

𑌭𑌵॒𑌨𑍍𑌤𑍍𑌯𑍇𑌕॑𑌵𑌿𑌗𑍍𑌂 𑌶𑌤𑌿𑌗𑍍𑌂 𑌸𑌾𑌮𑌿𑌧𑍇॒𑌨𑍀𑌰𑌨𑍍𑌵𑌾॑𑌹॒ 𑌰𑍁𑌗𑍍𑌵𑌾 𑌏॑𑌕𑌵𑌿॒𑌗𑍍𑌂॒𑌶𑍋 𑌰𑍁𑌚॑𑌮𑍇॒𑌵 𑌗॑𑌚𑍍𑌛॒𑌤𑍍𑌯𑌥𑍋᳚ 𑌪𑍍𑌰𑌤𑌿॒𑌷𑍍𑌠𑌾𑌮𑍇॒𑌵 𑌪𑍍𑌰॑𑌤𑌿॒𑌷𑍍𑌠𑌾 𑌹𑍍𑌯𑍇॑𑌕𑌵𑌿॒𑌗𑍍𑌂॒𑌶-𑌶𑍍𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿॒𑌮𑌨𑍍𑌵𑌾॑𑌹॒ 𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿𑌰𑌰𑍍𑌧𑌮𑌾॒𑌸𑌾-𑌸𑍍𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋᳚-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌵𑍈᳚𑌶𑍍𑌵𑌾𑌨॒𑌰𑌮𑌵॑ 𑌰𑍁𑌨𑍍𑌧𑍇॒ 𑌪𑌰𑌾॑𑌚𑍀॒𑌰𑌨𑍍𑌵𑌾॑𑌹॒ 𑌪𑌰𑌾॑𑌙𑌿𑌵॒ 𑌹𑌿 𑌸𑍁॑𑌵॒𑌰𑍍𑌗𑍋 𑌲𑍋॒𑌕-𑌸𑍍𑌸𑌮𑌾᳚𑌸𑍍𑌤𑍍𑌵𑌾-𑌽𑌗𑍍𑌨 𑌋॒𑌤𑌵𑍋॑ 𑌵𑌰𑍍𑌧𑌯॒𑌨𑍍𑌤𑍍𑌵𑌿𑌤𑍍𑌯𑌾॑𑌹॒ 𑌸𑌮𑌾॑𑌭𑌿𑌰𑍇॒𑌵𑌾-𑌽𑌗𑍍𑌨𑌿𑌂-𑌵𑌁॑𑌰𑍍𑌧𑌯- [-𑌽𑌗𑍍𑌨𑌿𑌂-𑌵𑌁॑𑌰𑍍𑌧𑌯𑌤𑌿, 𑌋॒𑌤𑍁𑌭𑌿𑌃॑ 𑌸𑌂𑌵𑌁𑌥𑍍𑌸॒𑌰𑌂-𑌵𑌿𑌁𑌶𑍍𑌵𑌾॒] 43

-𑌤𑍍𑌯𑍃॒𑌤𑍁𑌭𑌿𑌃॑ 𑌸𑌂𑌵𑌁𑌥𑍍𑌸॒𑌰𑌂-𑌵𑌿𑌁𑌶𑍍𑌵𑌾॒ 𑌆 𑌭𑌾॑𑌹𑌿 𑌪𑍍𑌰॒𑌦𑌿𑌶𑌃॑ 𑌪𑍃𑌥𑌿॒𑌵𑍍𑌯𑌾 𑌇𑌤𑍍𑌯𑌾॑𑌹॒ 𑌤𑌸𑍍𑌮𑌾॑𑌦॒𑌗𑍍𑌨𑌿-𑌸𑍍𑌸𑌰𑍍𑌵𑌾॒ 𑌦𑌿𑌶𑍋-𑌽𑌨𑍁॒ 𑌵𑌿𑌭𑌾॑𑌤𑌿॒ 𑌪𑍍𑌰𑌤𑍍𑌯𑍗॑𑌹𑌤𑌾𑌮॒𑌶𑍍𑌵𑌿𑌨𑌾॑ 𑌮𑍃॒𑌤𑍍𑌯𑍁𑌮॑𑌸𑍍𑌮𑌾॒𑌦𑌿𑌤𑍍𑌯𑌾॑𑌹 𑌮𑍃॒𑌤𑍍𑌯𑍁𑌮𑍇॒𑌵𑌾-𑌽𑌸𑍍𑌮𑌾॒𑌦𑌪॑ 𑌨𑍁𑌦॒𑌤𑍍𑌯𑍁𑌦𑍍𑌵॒𑌯-𑌨𑍍𑌤𑌮॑𑌸॒𑌸𑍍𑌪𑌰𑍀𑌤𑍍𑌯𑌾॑𑌹 𑌪𑌾॒𑌪𑍍𑌮𑌾 𑌵𑍈 𑌤𑌮𑌃॑ 𑌪𑌾॒𑌪𑍍𑌮𑌾𑌨॑𑌮𑍇॒𑌵𑌾𑌸𑍍𑌮𑌾॒𑌦𑌪॑ 𑌹॒𑌨𑍍𑌤𑍍𑌯𑌗॑𑌨𑍍𑌮॒ 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮-𑌮𑌿𑌤𑍍𑌯𑌾॑𑌹𑌾॒-𑌽𑌸𑍗 𑌵𑌾 𑌆॑𑌦𑌿॒𑌤𑍍𑌯𑍋 𑌜𑍍𑌯𑍋𑌤𑌿॑𑌰𑍁𑌤𑍍𑌤॒𑌮-𑌮𑌾॑𑌦𑌿॒𑌤𑍍𑌯𑌸𑍍𑌯𑍈॒𑌵 𑌸𑌾𑌯𑍁॑𑌜𑍍𑌯-𑌙𑍍𑌗𑌚𑍍𑌛𑌤𑌿॒ 𑌨 𑌸𑌂॑𑌵𑌁𑌥𑍍𑌸॒𑌰𑌸𑍍𑌤𑌿॑𑌷𑍍𑌠𑌤𑌿॒ 𑌨𑌾𑌸𑍍𑌯॒ 𑌶𑍍𑌰𑍀𑌸𑍍𑌤𑌿॑𑌷𑍍𑌠𑌤𑌿॒ 𑌯𑌸𑍍𑌯𑍈॒𑌤𑌾𑌃 𑌕𑍍𑌰𑌿॒𑌯𑌨𑍍𑌤𑍇॒ 𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌮𑍁𑌤𑍍𑌤॒𑌮𑌾𑌮𑌨𑍍𑌵𑌾॑𑌹॒ 𑌜𑍍𑌯𑍋𑌤𑌿॑𑌰𑍇॒𑌵𑌾𑌸𑍍𑌮𑌾॑ 𑌉॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑍈 ॥ 44 ॥

(𑌯𑌾𑌵॑𑌨𑍍𑌤𑍋 - 𑌽𑌸𑍍𑌯 - 𑌮𑍁𑌖॒𑌤 - 𑌶𑍍𑌚𑌿𑌤𑍍𑌯॑𑌸𑍍𑌯 - 𑌵𑌰𑍍𑌧𑌯 - 𑌤𑍍𑌯𑌾𑌦𑌿॒𑌤𑍍𑌯𑍋᳚ - 𑌽𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 8)

𑌷॒𑌡𑍍𑌭𑌿𑌰𑍍𑌦𑍀᳚𑌕𑍍𑌷𑌯𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨॑-𑌨𑍍𑌦𑍀𑌕𑍍𑌷𑌯𑌤𑌿 𑌸॒𑌪𑍍𑌤𑌭𑌿॑𑌰𑍍𑌦𑍀𑌕𑍍𑌷𑌯𑌤𑌿 𑌸॒𑌪𑍍𑌤 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॑-𑌨𑍍𑌦𑍀𑌕𑍍𑌷𑌯𑌤𑌿॒ 𑌵𑌿𑌶𑍍𑌵𑍇॑ 𑌦𑍇॒𑌵𑌸𑍍𑌯॑ 𑌨𑍇॒𑌤𑍁𑌰𑌿𑌤𑍍𑌯॑-𑌨𑍁॒𑌷𑍍𑌟𑍁𑌭𑍋᳚𑌤𑍍𑌤॒𑌮𑌯𑌾॑ 𑌜𑍁𑌹𑍋𑌤𑌿॒ 𑌵𑌾𑌗𑍍𑌵𑌾 𑌅॑𑌨𑍁॒𑌷𑍍𑌟𑍁-𑌪𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌣𑌾𑌨𑌾𑌂॒-𑌵𑌾𑌁𑌗𑍁॑𑌤𑍍𑌤॒𑌮𑍈- 𑌕॑𑌸𑍍𑌮𑌾𑌦॒𑌕𑍍𑌷𑌰𑌾॒𑌦𑌨𑌾᳚𑌪𑍍𑌤-𑌮𑍍𑌪𑍍𑌰𑌥॒𑌮-𑌮𑍍𑌪॒𑌦-𑌨𑍍𑌤𑌸𑍍𑌮𑌾॒-𑌦𑍍𑌯-𑌦𑍍𑌵𑌾॒𑌚𑍋-𑌽𑌨𑌾᳚𑌪𑍍𑌤॒-𑌨𑍍𑌤𑌨𑍍𑌮॑𑌨𑍁॒𑌷𑍍𑌯𑌾॑ 𑌉𑌪॑ 𑌜𑍀𑌵𑌨𑍍𑌤𑌿 𑌪𑍂॒𑌰𑍍𑌣𑌯𑌾॑ 𑌜𑍁𑌹𑍋𑌤𑌿 𑌪𑍂॒𑌰𑍍𑌣 𑌇॑𑌵॒ 𑌹𑌿 𑌪𑍍𑌰॒𑌜𑌾𑌪॑𑌤𑌿𑌃 [𑌪𑍍𑌰॒𑌜𑌾𑌪॑𑌤𑌿𑌃, 𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑌤𑍍𑌯𑍈॒] 45

𑌪𑍍𑌰॒𑌜𑌾𑌪॑𑌤𑍇॒𑌰𑌾𑌪𑍍𑌤𑍍𑌯𑍈॒ 𑌨𑍍𑌯𑍂॑𑌨𑌯𑌾 𑌜𑍁𑌹𑍋𑌤𑌿॒ 𑌨𑍍𑌯𑍂॑𑌨𑌾॒𑌦𑍍𑌧𑌿 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌾 𑌅𑌸𑍃॑𑌜𑌤 𑌪𑍍𑌰॒𑌜𑌾𑌨𑌾॒𑌗𑍍𑌂॒ 𑌸𑍃𑌷𑍍𑌟𑍍𑌯𑍈॒ 𑌯𑌦॒𑌰𑍍𑌚𑌿𑌷𑌿॑ 𑌪𑍍𑌰𑌵𑍃॒𑌞𑍍𑌜𑍍𑌯𑌾-𑌦𑍍𑌭𑍂॒𑌤𑌮𑌵॑ 𑌰𑍁𑌨𑍍𑌧𑍀𑌤॒ 𑌯𑌦𑌙𑍍𑌗𑌾॑𑌰𑍇𑌷𑍁 𑌭𑌵𑌿॒𑌷𑍍𑌯𑌦𑌙𑍍𑌗𑌾॑𑌰𑍇𑌷𑍁॒ 𑌪𑍍𑌰𑌵𑍃॑𑌣𑌕𑍍𑌤𑌿 𑌭𑌵𑌿॒𑌷𑍍𑌯 𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇 𑌭𑌵𑌿॒𑌷𑍍𑌯𑌦𑍍𑌧𑌿 𑌭𑍂𑌯𑍋॑ 𑌭𑍂॒𑌤𑌾-𑌦𑍍𑌦𑍍𑌵𑌾𑌭𑍍𑌯𑌾॒-𑌮𑍍𑌪𑍍𑌰𑌵𑍃॑𑌣𑌕𑍍𑌤𑌿 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌬𑍍𑌰𑌹𑍍𑌮॑𑌣𑌾॒ 𑌵𑌾 𑌏॒𑌷𑌾 𑌯𑌜𑍁॑𑌷𑌾॒ 𑌸𑌮𑍍𑌭𑍃॑𑌤𑌾॒ 𑌯𑌦𑍁॒𑌖𑌾 𑌸𑌾 𑌯𑌦𑍍𑌭𑌿𑌦𑍍𑌯𑍇॒𑌤𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇॒- [-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇᳚𑌤𑍍, 𑌯𑌜॑𑌮𑌾𑌨𑍋] 46

-𑌦𑍍𑌯𑌜॑𑌮𑌾𑌨𑍋 𑌹॒𑌨𑍍𑌯𑍇𑌤𑌾᳚-𑌽𑌸𑍍𑌯 𑌯॒𑌜𑍍𑌞𑍋 𑌮𑌿𑌤𑍍𑌰𑍈॒𑌤𑌾𑌮𑍁॒𑌖𑌾-𑌨𑍍𑌤॒𑌪𑍇𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॒ 𑌵𑍈 𑌮𑌿॒𑌤𑍍𑌰𑍋 𑌬𑍍𑌰𑌹𑍍𑌮॑𑌨𑍍𑌨𑍇॒𑌵𑍈𑌨𑌾॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑍋॒ 𑌨𑌾𑌸𑍍𑌯॑ 𑌯॒𑌜𑍍𑌞𑍋 𑌹॑𑌨𑍍𑌯𑌤𑍇॒ 𑌯𑌦𑌿॒ 𑌭𑌿𑌦𑍍𑌯𑍇॑𑌤॒ 𑌤𑍈𑌰𑍇॒𑌵 𑌕॒𑌪𑌾𑌲𑍈॒-𑌸𑍍𑌸𑌗𑍍𑌂 𑌸𑍃॑𑌜𑍇॒-𑌥𑍍𑌸𑍈𑌵 𑌤𑌤𑌃॒ 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿॒𑌰𑍍𑌯𑍋 𑌗॒𑌤𑌶𑍍𑌰𑍀॒-𑌸𑍍𑌸𑍍𑌯𑌾𑌨𑍍𑌮॑𑌥𑌿॒𑌤𑍍𑌵𑌾 𑌤𑌸𑍍𑌯𑌾𑌵॑ 𑌦𑌦𑍍𑌧𑍍𑌯𑌾-𑌦𑍍𑌭𑍂॒𑌤𑍋 𑌵𑌾 𑌏॒𑌷 𑌸 𑌸𑍍𑌵𑌾- [𑌏॒𑌷 𑌸 𑌸𑍍𑌵𑌾𑌮𑍍, 𑌦𑍇॒𑌵𑌤𑌾॒𑌮𑍁𑌪𑍈॑𑌤𑌿॒] 47

-𑌨𑍍𑌦𑍇॒𑌵𑌤𑌾॒𑌮𑍁𑌪𑍈॑𑌤𑌿॒ 𑌯𑍋 𑌭𑍂𑌤𑌿॑𑌕𑌾𑌮॒-𑌸𑍍𑌸𑍍𑌯𑌾𑌦𑍍𑌯 𑌉॒𑌖𑌾𑌯𑍈॑ 𑌸॒𑌮𑍍𑌭𑌵𑍇॒-𑌥𑍍𑌸 𑌏॒𑌵 𑌤𑌸𑍍𑌯॑ 𑌸𑍍𑌯𑌾॒𑌦𑌤𑍋॒ 𑌹𑍍𑌯𑍇॑𑌷 𑌸॒𑌮𑍍𑌭𑌵॑𑌤𑍍𑌯𑍇॒𑌷 𑌵𑍈 𑌸𑍍𑌵॑𑌯॒𑌮𑍍𑌭𑍂𑌰𑍍𑌨𑌾𑌮॒ 𑌭𑌵॑𑌤𑍍𑌯𑍇॒𑌵 𑌯-𑌙𑍍𑌕𑌾॒𑌮𑌯𑍇॑𑌤॒ 𑌭𑍍𑌰𑌾𑌤𑍃॑𑌵𑍍𑌯𑌮𑌸𑍍𑌮𑍈 𑌜𑌨𑌯𑍇𑌯॒𑌮𑌿𑌤𑍍𑌯॒-𑌨𑍍𑌯𑌤॒𑌸𑍍𑌤𑌸𑍍𑌯𑌾॒-𑌽𑌽𑌹𑍃𑌤𑍍𑌯𑌾-𑌽𑌵॑ 𑌦𑌦𑍍𑌧𑍍𑌯𑌾-𑌥𑍍𑌸𑌾॒𑌕𑍍𑌷𑌾𑌦𑍇॒𑌵𑌾𑌸𑍍𑌮𑍈॒ 𑌭𑍍𑌰𑌾𑌤𑍃॑𑌵𑍍𑌯-𑌞𑍍𑌜𑌨𑌯𑌤𑍍𑌯𑌮𑍍𑌬॒𑌰𑍀𑌷𑌾॒𑌦𑌨𑍍𑌨॑ 𑌕𑌾𑌮॒𑌸𑍍𑌯𑌾𑌵॑ 𑌦𑌦𑍍𑌧𑍍𑌯𑌾𑌦𑌮𑍍𑌬॒𑌰𑍀𑌷𑍇॒ 𑌵𑌾 𑌅𑌨𑍍𑌨॑-𑌮𑍍𑌭𑍍𑌰𑌿𑌯𑌤𑍇॒ 𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒- [𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨᳚𑌮𑍍, 𑌅𑌵॑ 𑌰𑍁𑌨𑍍𑌧𑍇॒] 48

-𑌮𑌵॑ 𑌰𑍁𑌨𑍍𑌧𑍇॒ 𑌮𑍁𑌞𑍍𑌜𑌾॒𑌨𑌵॑ 𑌦𑌧𑌾॒𑌤𑍍𑌯𑍂𑌰𑍍𑌗𑍍𑌵𑍈 𑌮𑍁𑌞𑍍𑌜𑌾॒ 𑌊𑌰𑍍𑌜॑𑌮𑍇॒𑌵𑌾𑌸𑍍𑌮𑌾॒ 𑌅𑌪𑌿॑ 𑌦𑌧𑌾𑌤𑍍𑌯॒𑌗𑍍𑌨𑌿𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤॒ 𑌸 𑌕𑍍𑌰𑍁॑𑌮𑍁॒𑌕-𑌮𑍍𑌪𑍍𑌰𑌾-𑌽𑌵𑌿॑𑌶-𑌤𑍍𑌕𑍍𑌰𑍁𑌮𑍁॒𑌕𑌮𑌵॑ 𑌦𑌧𑌾𑌤𑌿॒ 𑌯𑌦𑍇॒𑌵𑌾𑌸𑍍𑌯॒ 𑌤𑌤𑍍𑌰॒ 𑌨𑍍𑌯॑𑌕𑍍𑌤॒-𑌨𑍍𑌤 𑌦𑍇॒𑌵𑌾𑌵॑ 𑌰𑍁𑌨𑍍𑌧॒ 𑌆𑌜𑍍𑌯𑍇॑𑌨॒ 𑌸𑌂-𑌯𑍗𑌁᳚𑌤𑍍𑌯𑍇॒𑌤𑌦𑍍𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯-𑌨𑍍𑌧𑌾𑌮॒ 𑌯𑌦𑌾𑌜𑍍𑌯॑-𑌮𑍍𑌪𑍍𑌰𑌿॒𑌯𑍇𑌣𑍈॒𑌵𑍈𑌨॒-𑌨𑍍𑌧𑌾𑌮𑍍𑌨𑌾॒ 𑌸𑌮॑𑌰𑍍𑌧𑌯॒𑌤𑍍𑌯𑌥𑍋॒ 𑌤𑍇𑌜॑𑌸𑌾॒ [𑌤𑍇𑌜॑𑌸𑌾, 𑌵𑍈 𑌕॑𑌕𑌨𑍍𑌤𑍀॒𑌮𑌾 𑌦॑𑌧𑌾𑌤𑌿॒] 49

𑌵𑍈 𑌕॑𑌙𑍍𑌕𑌤𑍀॒𑌮𑌾 𑌦॑𑌧𑌾𑌤𑌿॒ 𑌭𑌾 𑌏॒𑌵𑌾𑌵॑ 𑌰𑍁𑌨𑍍𑌧𑍇 𑌶𑌮𑍀॒𑌮𑌯𑍀॒𑌮𑌾 𑌦॑𑌧𑌾𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌸𑍀𑌦॒ 𑌤𑍍𑌵-𑌮𑍍𑌮𑌾॒𑌤𑍁𑌰॒𑌸𑍍𑌯𑌾 𑌉॒𑌪𑌸𑍍𑌥॒ 𑌇𑌤𑌿॑ 𑌤𑌿॒𑌸𑍃𑌭𑌿॑𑌰𑍍𑌜𑌾॒𑌤𑌮𑍁𑌪॑ 𑌤𑌿𑌷𑍍𑌠𑌤𑍇॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑍍𑌵𑍇॑𑌵 𑌲𑍋॒𑌕𑍇𑌷𑍍𑌵𑌾॒𑌵𑌿𑌦॑-𑌙𑍍𑌗𑌚𑍍𑌛॒𑌤𑍍𑌯𑌥𑍋᳚ 𑌪𑍍𑌰𑌾॒𑌣𑌾𑌨𑍇॒𑌵𑌾-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇 ॥ 50 ॥

( 𑌪𑍍𑌰॒𑌜𑌾𑌪॑𑌤𑌿--𑌰𑍍 𑌋𑌚𑍍𑌛𑍇॒𑌥𑍍 - 𑌸𑍍𑌵𑌾 - 𑌮𑍇॒𑌵𑌾𑌨𑍍𑌨𑌂॒ - 𑌤𑍇𑌜॑𑌸𑌾॒ - 𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌚𑍍𑌚) (𑌅. 9)

𑌨 𑌹॑ 𑌸𑍍𑌮॒ 𑌵𑍈 𑌪𑍁॒𑌰𑌾-𑌽𑌗𑍍𑌨𑌿𑌰𑌪॑𑌰𑌶𑍁𑌵𑍃𑌕𑍍𑌣-𑌨𑍍𑌦𑌹𑌤𑌿॒ 𑌤𑌦॑𑌸𑍍𑌮𑍈 𑌪𑍍𑌰𑌯𑍋॒𑌗 𑌏॒𑌵𑌰𑍍𑌷𑌿॑𑌰𑌸𑍍𑌵𑌦𑌯॒-𑌦𑍍𑌯𑌦॑𑌗𑍍𑌨𑍇॒ 𑌯𑌾𑌨𑌿॒ 𑌕𑌾𑌨𑌿॒ 𑌚𑍇𑌤𑌿॑ 𑌸॒𑌮𑌿𑌧॒𑌮𑌾 𑌦॑𑌧𑌾॒𑌤𑍍𑌯𑌪॑𑌰𑌶𑍁𑌵𑍃𑌕𑍍𑌣-𑌮𑍇॒𑌵𑌾𑌸𑍍𑌮𑍈᳚ 𑌸𑍍𑌵𑌦𑌯𑌤𑌿॒ 𑌸𑌰𑍍𑌵॑𑌮𑌸𑍍𑌮𑍈 𑌸𑍍𑌵𑌦𑌤𑍇॒ 𑌯 𑌏॒𑌵𑌂-𑌵𑍇𑌁𑌦𑍗𑌦𑍁॑𑌮𑍍𑌬𑌰𑍀॒𑌮𑌾 𑌦॑𑌧𑌾॒𑌤𑍍𑌯𑍂𑌰𑍍𑌗𑍍𑌵𑌾 𑌉॑𑌦𑍁॒𑌮𑍍𑌬𑌰॒ 𑌊𑌰𑍍𑌜॑𑌮𑍇॒𑌵𑌾𑌸𑍍𑌮𑌾॒ 𑌅𑌪𑌿॑ 𑌦𑌧𑌾𑌤𑌿 𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿-𑌮॑𑌸𑍃𑌜𑌤॒ 𑌤𑌗𑍍𑌂 𑌸𑍃॒𑌷𑍍𑌟𑌗𑍍𑌂 𑌰𑌕𑍍𑌷𑌾𑌗𑍍॑- [𑌸𑍃॒𑌷𑍍𑌟𑌗𑍍𑌂 𑌰𑌕𑍍𑌷𑌾𑌗𑍍𑌂॑𑌸𑌿, 𑌅॒𑌜𑌿॒𑌘𑌾॒𑌗𑍍𑌂॒𑌸॒𑌨𑍍𑌥𑍍𑌸 𑌏॒𑌤-] 51

-𑌸𑍍𑌯𑌜𑌿𑌘𑌾𑌗𑍍𑌂𑌸॒𑌨𑍍𑌥𑍍𑌸 𑌏॒𑌤-𑌦𑍍𑌰𑌾᳚𑌕𑍍𑌷𑍋॒𑌘𑍍𑌨𑌮॑𑌪𑌶𑍍𑌯॒-𑌤𑍍𑌤𑍇𑌨॒ 𑌵𑍈 𑌸𑌰𑌕𑍍𑌷𑌾॒𑌗𑍍॒𑌸𑍍𑌯𑌪𑌾॑-𑌽𑌹𑌤॒ 𑌯-𑌦𑍍𑌰𑌾᳚𑌕𑍍𑌷𑍋॒𑌘𑍍𑌨-𑌮𑍍𑌭𑌵॑𑌤𑍍𑌯॒𑌗𑍍𑌨𑍇𑌰𑍇॒𑌵 𑌤𑍇𑌨॑ 𑌜𑌾॒𑌤𑌾-𑌦𑍍𑌰𑌕𑍍𑌷𑌾॒𑌗𑍍॒𑌸𑍍𑌯𑌪॑ 𑌹॒𑌨𑍍𑌤𑍍𑌯𑌾𑌶𑍍𑌵॑𑌤𑍍𑌥𑍀॒𑌮𑌾 𑌦॑𑌧𑌾𑌤𑍍𑌯𑌶𑍍𑌵॒𑌤𑍍𑌥𑍋 𑌵𑍈 𑌵𑌨॒𑌸𑍍𑌪𑌤𑍀॑𑌨𑌾𑌗𑍍𑌂 𑌸𑌪𑌤𑍍𑌨𑌸𑌾॒𑌹𑍋 𑌵𑌿𑌜𑌿॑𑌤𑍍𑌯𑍈॒ 𑌵𑍈𑌕॑𑌙𑍍𑌕𑌤𑍀॒𑌮𑌾 𑌦॑𑌧𑌾𑌤𑌿॒ 𑌭𑌾 𑌏॒𑌵𑌾𑌵॑ 𑌰𑍁𑌨𑍍𑌧𑍇 𑌶𑌮𑍀॒𑌮𑌯𑍀॒𑌮𑌾 𑌦॑𑌧𑌾𑌤𑌿॒ 𑌶𑌾𑌨𑍍𑌤𑍍𑌯𑍈॒ 𑌸𑌗𑍍𑌂𑌶𑌿॑𑌤-𑌮𑍍𑌮𑍇॒ 𑌬𑍍𑌰𑌹𑍍𑌮𑍋𑌦𑍇॑𑌷𑌾-𑌮𑍍𑌬𑌾॒𑌹𑍂 𑌅॑𑌤𑌿𑌰॒𑌮𑌿𑌤𑍍𑌯𑍁॑𑌤𑍍𑌤॒𑌮𑍇 𑌔𑌦𑍁॑𑌮𑍍𑌬𑌰𑍀 [𑌔𑌦𑍁॑𑌮𑍍𑌬𑌰𑍀, 𑌵𑌾॒𑌚॒𑌯॒𑌤𑌿॒ 𑌬𑍍𑌰𑌹𑍍𑌮॑𑌣𑍈॒𑌵] 52

𑌵𑌾𑌚𑌯𑌤𑌿॒ 𑌬𑍍𑌰𑌹𑍍𑌮॑𑌣𑍈॒𑌵 𑌕𑍍𑌷॒𑌤𑍍𑌰𑌗𑍍𑌂 𑌸𑌗𑍍𑌗𑍍 𑌶𑍍𑌯॑𑌤𑌿 𑌕𑍍𑌷॒𑌤𑍍𑌰𑍇𑌣॒ 𑌬𑍍𑌰𑌹𑍍𑌮॒ 𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑍋 𑌰𑌾॑𑌜॒𑌨𑍍𑌯॑𑌵𑌾॒𑌨𑌤𑍍𑌯॒𑌨𑍍𑌯-𑌮𑍍𑌬𑍍𑌰𑌾᳚𑌹𑍍𑌮॒𑌣-𑌨𑍍𑌤𑌸𑍍𑌮𑌾᳚-𑌦𑍍𑌰𑌾𑌜॒𑌨𑍍𑌯𑍋᳚ 𑌬𑍍𑌰𑌾𑌹𑍍𑌮॒𑌣𑌵𑌾॒𑌨𑌤𑍍𑌯॒𑌨𑍍𑌯𑌗𑍍𑌂 𑌰𑌾॑𑌜॒𑌨𑍍𑌯॑-𑌮𑍍𑌮𑍃॒𑌤𑍍𑌯𑍁𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌰॒𑌮𑍃𑌤॒𑌗𑍍𑌂॒ 𑌹𑌿𑌰॑𑌣𑍍𑌯𑌗𑍍𑌂 𑌰𑍁॒𑌕𑍍𑌮𑌮𑌨𑍍𑌤॑𑌰॒-𑌮𑍍𑌪𑍍𑌰𑌤𑌿॑𑌮𑍁𑌞𑍍𑌚𑌤𑍇॒ 𑌽𑌮𑍃𑌤॑𑌮𑍇॒𑌵 𑌮𑍃॒𑌤𑍍𑌯𑍋𑌰॒𑌨𑍍𑌤𑌰𑍍𑌧॑𑌤𑍍𑌤॒ 𑌏𑌕॑𑌵𑌿𑌗𑍍𑌂𑌶𑌤𑌿𑌨𑌿𑌰𑍍𑌬𑌾𑌧𑍋 𑌭𑌵॒𑌤𑍍𑌯𑍇𑌕॑𑌵𑌿𑌗𑍍𑌂𑌶𑌤𑌿॒𑌰𑍍𑌵𑍈 𑌦𑍇॑𑌵𑌲𑍋॒𑌕𑌾 𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵॒𑌸𑍍𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌅॒𑌸𑌾𑌵𑌾॑𑌦𑌿॒𑌤𑍍𑌯 [𑌅॒𑌸𑌾𑌵𑌾॑𑌦𑌿॒𑌤𑍍𑌯𑌃, 𑌏॒𑌕॒𑌵𑌿॒𑌗𑍍𑌂॒𑌶 𑌏॒𑌤𑌾𑌵॑𑌨𑍍𑌤𑍋॒ 𑌵𑍈] 53

𑌏॑𑌕𑌵𑌿॒𑌗𑍍𑌂॒𑌶 𑌏॒𑌤𑌾𑌵॑𑌨𑍍𑌤𑍋॒ 𑌵𑍈 𑌦𑍇॑𑌵𑌲𑍋॒𑌕𑌾𑌸𑍍𑌤𑍇𑌭𑍍𑌯॑ 𑌏॒𑌵 𑌭𑍍𑌰𑌾𑌤𑍃॑𑌵𑍍𑌯𑌮॒𑌨𑍍𑌤𑌰𑍇॑𑌤𑌿 𑌨𑌿𑌰𑍍𑌬𑌾॒𑌧𑍈𑌰𑍍𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾-𑌨𑍍𑌨𑌿𑌰𑍍𑌬𑌾॒𑌧𑍇॑-𑌽𑌕𑍁𑌰𑍍𑌵𑌤॒ 𑌤𑌨𑍍𑌨𑌿॑𑌰𑍍𑌬𑌾॒𑌧𑌾𑌨𑌾᳚-𑌨𑍍𑌨𑌿𑌰𑍍𑌬𑌾𑌧॒𑌤𑍍𑌵-𑌨𑍍𑌨𑌿॑𑌰𑍍𑌬𑌾॒𑌧𑍀 𑌭॑𑌵𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌨𑍇॒𑌵 𑌨𑌿॑𑌰𑍍𑌬𑌾॒𑌧𑍇 𑌕𑍁॑𑌰𑍁𑌤𑍇 𑌸𑌾𑌵𑌿𑌤𑍍𑌰𑌿॒𑌯𑌾 𑌪𑍍𑌰𑌤𑌿॑𑌮𑍁𑌞𑍍𑌚𑌤𑍇॒ 𑌪𑍍𑌰𑌸𑍂᳚𑌤𑍍𑌯𑍈॒ 𑌨𑌕𑍍𑌤𑍋॒𑌷𑌾𑌸𑍇𑌤𑍍𑌯𑍁𑌤𑍍𑌤॑𑌰𑌯𑌾 𑌽𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵𑍈𑌨॒-𑌮𑍁𑌦𑍍𑌯॑𑌚𑍍𑌛𑌤𑍇 𑌦𑍇॒𑌵𑌾 𑌅॒𑌗𑍍𑌨𑌿-𑌨𑍍𑌧𑌾॑𑌰𑌯-𑌨𑍍𑌦𑍍𑌰𑌵𑌿𑌣𑍋॒𑌦𑌾 𑌇𑌤𑍍𑌯𑌾॑𑌹 𑌪𑍍𑌰𑌾॒𑌣𑌾 𑌵𑍈 𑌦𑍇॒𑌵𑌾 𑌦𑍍𑌰॑𑌵𑌿𑌣𑍋॒𑌦𑌾 𑌅॑𑌹𑍋𑌰𑌾॒𑌤𑍍𑌰𑌾𑌭𑍍𑌯𑌾॑𑌮𑍇॒𑌵𑍈𑌨॑𑌮𑍁॒𑌦𑍍𑌯𑌤𑍍𑌯॑ [ ] 54

𑌪𑍍𑌰𑌾॒𑌣𑍈𑌰𑍍𑌦𑌾॑𑌧𑌾॒𑌰𑌾 𑌽𑌽𑌸𑍀॑𑌨𑌃॒ 𑌪𑍍𑌰𑌤𑌿॑𑌮𑍁𑌞𑍍𑌚𑌤𑍇॒ 𑌤𑌸𑍍𑌮𑌾॒𑌦𑌾𑌸𑍀॑𑌨𑌾𑌃 𑌪𑍍𑌰॒𑌜𑌾𑌃 𑌪𑍍𑌰𑌜𑌾॑𑌯𑌨𑍍𑌤𑍇 𑌕𑍃𑌷𑍍𑌣𑌾𑌜𑌿॒𑌨𑌮𑍁𑌤𑍍𑌤॑𑌰॒-𑌨𑍍𑌤𑍇𑌜𑍋॒ 𑌵𑍈 𑌹𑌿𑌰॑𑌣𑍍𑌯॒-𑌮𑍍𑌬𑍍𑌰𑌹𑍍𑌮॑ 𑌕𑍃𑌷𑍍𑌣𑌾𑌜𑌿॒𑌨-𑌨𑍍𑌤𑍇𑌜॑𑌸𑌾 𑌚𑍈॒𑌵𑍈𑌨॒-𑌮𑍍𑌬𑍍𑌰𑌹𑍍𑌮॑𑌣𑌾 𑌚𑍋𑌭॒𑌯𑌤𑌃॒ 𑌪𑌰𑌿॑𑌗𑍃𑌹𑍍𑌣𑌾𑌤𑌿॒ 𑌷𑌡𑍁॑𑌦𑍍𑌯𑌾𑌮𑌗𑍍𑌂 𑌶𑌿॒𑌕𑍍𑌯॑-𑌮𑍍𑌭𑌵𑌤𑌿॒ 𑌷𑌡𑍍𑌵𑌾 𑌋॒𑌤𑌵॑ 𑌋॒𑌤𑍁𑌭𑌿॑𑌰𑍇॒𑌵𑍈𑌨॒-𑌮𑍁𑌦𑍍𑌯॑𑌚𑍍𑌛𑌤𑍇॒ 𑌯-𑌦𑍍𑌦𑍍𑌵𑌾𑌦॑𑌶𑍋𑌦𑍍𑌯𑌾𑌮𑌗𑍍𑌂 𑌸𑌂𑌵𑌁𑌥𑍍𑌸॒𑌰𑍇𑌣𑍈॒𑌵 𑌮𑍗॒𑌞𑍍𑌜-𑌮𑍍𑌭॑𑌵॒𑌤𑍍𑌯𑍂𑌰𑍍𑌗𑍍𑌵𑍈 𑌮𑍁𑌞𑍍𑌜𑌾॑ 𑌊॒𑌰𑍍𑌜𑍈𑌵𑍈𑌨॒𑌗𑍍𑌂॒ 𑌸 𑌮॑𑌰𑍍𑌧𑌯𑌤𑌿 𑌸𑍁𑌪॒𑌰𑍍𑌣𑍋॑-𑌽𑌸𑌿 𑌗॒𑌰𑍁𑌤𑍍𑌮𑌾॒𑌨𑌿𑌤𑍍𑌯𑌵𑍇᳚𑌕𑍍𑌷𑌤𑍇 𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒𑌤𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇॒ 𑌦𑌿𑌵॑-𑌙𑍍𑌗𑌚𑍍𑌛॒ 𑌸𑍁𑌵𑌃॑ 𑌪॒𑌤𑍇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗𑌮𑍇॒𑌵𑍈𑌨𑌂॑-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 ॥ 55 ॥

(𑌰𑌕𑍍𑌷𑌾॒𑌗𑍍॒𑌸𑍍𑌯𑍗 - 𑌦𑍁॑𑌬𑌂𑌰𑌿 - 𑌆𑌦𑌿॒𑌤𑍍𑌯 - 𑌉॒𑌦𑍍𑌯𑌤𑍍𑌯॒ - 𑌸𑌂 - 𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 10)

𑌸𑌮𑌿॑𑌦𑍍𑌧𑍋 𑌅॒𑌞𑍍𑌜𑌨𑍍 𑌕𑍃𑌦॑𑌰-𑌮𑍍𑌮𑌤𑍀॒𑌨𑌾-𑌙𑍍𑌘𑍃॒𑌤𑌮॑𑌗𑍍𑌨𑍇॒ 𑌮𑌧𑍁॑𑌮॒-𑌤𑍍𑌪𑌿𑌨𑍍𑌵॑𑌮𑌾𑌨𑌃 । 𑌵𑌾॒𑌜𑍀 𑌵𑌹॑𑌨𑍍 𑌵𑌾॒𑌜𑌿𑌨॑-𑌞𑍍𑌜𑌾𑌤𑌵𑍇𑌦𑍋 𑌦𑍇॒𑌵𑌾𑌨𑌾𑌂᳚-𑌵𑌁𑌕𑍍𑌷𑌿 𑌪𑍍𑌰𑌿॒𑌯𑌮𑌾 𑌸॒𑌧𑌸𑍍𑌥᳚𑌮𑍍 ॥ 𑌘𑍃॒𑌤𑍇𑌨𑌾॒𑌞𑍍𑌜𑌨𑍍𑌥𑍍𑌸-𑌮𑍍𑌪॒𑌥𑍋 𑌦𑍇॑𑌵॒𑌯𑌾𑌨𑌾᳚-𑌨𑍍𑌪𑍍𑌰𑌜𑌾॒𑌨𑌨𑍍 𑌵𑌾॒𑌜𑍍𑌯𑌪𑍍𑌯𑍇॑𑌤𑍁 𑌦𑍇॒𑌵𑌾𑌨𑍍 । 𑌅𑌨𑍁॑ 𑌤𑍍𑌵𑌾 𑌸𑌪𑍍𑌤𑍇 𑌪𑍍𑌰॒𑌦𑌿𑌶𑌃॑ 𑌸𑌚𑌨𑍍𑌤𑌾𑌗𑍍 𑌸𑍍𑌵॒𑌧𑌾𑌮॒𑌸𑍍𑌮𑍈 𑌯𑌜॑𑌮𑌾𑌨𑌾𑌯 𑌧𑍇𑌹𑌿 ॥ 𑌈𑌡𑍍𑌯॒𑌶𑍍𑌚𑌾𑌸𑌿॒ 𑌵𑌨𑍍𑌦𑍍𑌯॑𑌶𑍍𑌚 𑌵𑌾𑌜𑌿𑌨𑍍𑌨𑌾॒𑌶𑍁𑌶𑍍𑌚𑌾𑌸𑌿॒ 𑌮𑍇𑌦𑍍𑌧𑍍𑌯॑𑌶𑍍𑌚 𑌸𑌪𑍍𑌤𑍇 । 𑌅॒𑌗𑍍𑌨𑌿𑌷𑍍𑌟𑍍𑌵𑌾॑ [𑌅॒𑌗𑍍𑌨𑌿𑌷𑍍𑌟𑍍𑌵𑌾᳚, 𑌦𑍇॒𑌵𑍈𑌰𑍍𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾𑌃᳚] 56

𑌦𑍇॒𑌵𑍈𑌰𑍍𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾𑌃᳚ 𑌪𑍍𑌰𑍀॒𑌤𑌂-𑌵𑌁𑌹𑍍𑌨𑌿𑌂॑-𑌵𑌁𑌹𑌤𑍁 𑌜𑌾॒𑌤𑌵𑍇॑𑌦𑌾𑌃 ॥ 𑌸𑍍𑌤𑍀॒𑌰𑍍𑌣-𑌮𑍍𑌬॒𑌰𑍍॒𑌹𑌿-𑌸𑍍𑌸𑍁॒𑌷𑍍𑌟𑌰𑍀॑𑌮𑌾 𑌜𑍁𑌷𑌾॒𑌣𑍋𑌰𑍁 𑌪𑍃॒𑌥𑍁 𑌪𑍍𑌰𑌥॑𑌮𑌾𑌨-𑌮𑍍𑌪𑍃𑌥𑌿॒𑌵𑍍𑌯𑌾𑌮𑍍 । 𑌦𑍇॒𑌵𑍇𑌭𑌿॑𑌰𑍍𑌯𑍁॒𑌕𑍍𑌤𑌮𑌦𑌿॑𑌤𑌿-𑌸𑍍𑌸॒𑌜𑍋𑌷𑌾᳚-𑌸𑍍𑌸𑍍𑌯𑍋॒𑌨-𑌙𑍍𑌕𑍃॑𑌣𑍍𑌵𑌾॒𑌨𑌾 𑌸𑍁॑𑌵𑌿॒𑌤𑍇 𑌦॑𑌧𑌾𑌤𑍁 ॥ 𑌏॒𑌤𑌾 𑌉॑ 𑌵-𑌸𑍍𑌸𑍁॒𑌭𑌗𑌾॑ 𑌵𑌿॒𑌶𑍍𑌵𑌰𑍂॑𑌪𑌾॒ 𑌵𑌿𑌪𑌕𑍍𑌷𑍋॑𑌭𑌿॒-𑌶𑍍𑌶𑍍𑌰𑌯॑𑌮𑌾𑌣𑌾॒ 𑌉𑌦𑌾𑌤𑍈𑌃᳚ । 𑌋॒𑌷𑍍𑌵𑌾-𑌸𑍍𑌸॒𑌤𑍀𑌃 𑌕॒𑌵𑌷॒-𑌶𑍍𑌶𑍁𑌮𑍍𑌭॑𑌮𑌾𑌨𑌾॒ 𑌦𑍍𑌵𑌾𑌰𑍋॑ 𑌦𑍇॒𑌵𑍀-𑌸𑍍𑌸𑍁॑𑌪𑍍𑌰𑌾𑌯॒𑌣𑌾 𑌭॑𑌵𑌨𑍍𑌤𑍁 ॥ 𑌅॒𑌨𑍍𑌤॒𑌰𑌾 𑌮𑌿॒𑌤𑍍𑌰𑌾𑌵𑌰𑍁॑𑌣𑌾॒ 𑌚𑌰॑𑌨𑍍𑌤𑍀॒ 𑌮𑍁𑌖𑌂॑-𑌯𑌁॒𑌜𑍍𑌞𑌾𑌨𑌾॑𑌮॒𑌭𑌿 𑌸𑌂॑𑌵𑌿𑌁𑌦𑌾॒𑌨𑍇 । 𑌉॒𑌷𑌾𑌸𑌾॑ 𑌵𑌾𑌗𑍍𑌂 [𑌉॒𑌷𑌾𑌸𑌾॑ 𑌵𑌾𑌮𑍍, 𑌸𑍁॒𑌹𑌿॒𑌰॒𑌣𑍍𑌯𑍇 𑌸𑍁॑𑌶𑌿॒𑌲𑍍𑌪𑍇] 57

𑌸𑍁𑌹𑌿𑌰॒𑌣𑍍𑌯𑍇 𑌸𑍁॑𑌶𑌿॒𑌲𑍍𑌪𑍇 𑌋॒𑌤𑌸𑍍𑌯॒ 𑌯𑍋𑌨𑌾॑𑌵𑌿॒𑌹 𑌸𑌾॑𑌦𑌯𑌾𑌮𑌿 ॥ 𑌪𑍍𑌰॒𑌥॒𑌮𑌾 𑌵𑌾𑌗𑍍𑌂॑ 𑌸𑌰॒𑌥𑌿𑌨𑌾॑ 𑌸𑍁॒𑌵𑌰𑍍𑌣𑌾॑ 𑌦𑍇॒𑌵𑍗 𑌪𑌶𑍍𑌯॑𑌨𑍍𑌤𑍗॒ 𑌭𑍁𑌵॑𑌨𑌾𑌨𑌿॒ 𑌵𑌿𑌶𑍍𑌵𑌾᳚ । 𑌅𑌪𑌿॑𑌪𑍍𑌰𑌯॒-𑌞𑍍𑌚𑍋𑌦॑𑌨𑌾 𑌵𑌾॒-𑌮𑍍𑌮𑌿𑌮𑌾॑𑌨𑌾॒ 𑌹𑍋𑌤𑌾॑𑌰𑌾॒ 𑌜𑍍𑌯𑍋𑌤𑌿𑌃॑ 𑌪𑍍𑌰॒𑌦𑌿𑌶𑌾॑ 𑌦𑌿॒𑌶𑌨𑍍𑌤𑌾᳚ ॥ 𑌆॒𑌦𑌿॒𑌤𑍍𑌯𑍈𑌰𑍍𑌨𑍋॒ 𑌭𑌾𑌰॑𑌤𑍀 𑌵𑌷𑍍𑌟𑍁 𑌯॒𑌜𑍍𑌞𑌗𑍍𑌂 𑌸𑌰॑𑌸𑍍𑌵𑌤𑍀 𑌸॒𑌹 𑌰𑍁॒𑌦𑍍𑌰𑍈𑌰𑍍𑌨॑ 𑌆𑌵𑍀𑌤𑍍 । 𑌇𑌡𑍋𑌪॑𑌹𑍂𑌤𑌾॒ 𑌵𑌸𑍁॑𑌭𑌿-𑌸𑍍𑌸॒𑌜𑍋𑌷𑌾॑ 𑌯॒𑌜𑍍𑌞-𑌨𑍍𑌨𑍋॑ 𑌦𑍇𑌵𑍀𑌰॒𑌮𑍃𑌤𑍇॑𑌷𑍁 𑌧𑌤𑍍𑌤 ॥ 𑌤𑍍𑌵𑌷𑍍𑌟𑌾॑ 𑌵𑍀॒𑌰-𑌨𑍍𑌦𑍇॒𑌵𑌕𑌾॑𑌮-𑌞𑍍𑌜𑌜𑌾𑌨॒ 𑌤𑍍𑌵𑌷𑍍𑌟𑍁॒𑌰𑌰𑍍𑌵𑌾॑ 𑌜𑌾𑌯𑌤 𑌆॒𑌶𑍁𑌰𑌶𑍍𑌵𑌃॑ । 58

𑌤𑍍𑌵𑌷𑍍𑌟𑍇॒𑌦𑌂-𑌵𑌿𑌁𑌶𑍍𑌵॒-𑌮𑍍𑌭𑍁𑌵॑𑌨-𑌞𑍍𑌜𑌜𑌾𑌨 𑌬॒𑌹𑍋𑌃 𑌕॒𑌰𑍍𑌤𑌾𑌰॑𑌮𑌿॒𑌹 𑌯॑𑌕𑍍𑌷𑌿 𑌹𑍋𑌤𑌃 ॥ 𑌅𑌶𑍍𑌵𑍋॑ 𑌘𑍃॒𑌤𑍇𑌨॒ 𑌤𑍍𑌮𑌨𑍍𑌯𑌾॒ 𑌸𑌮॑𑌕𑍍𑌤॒ 𑌉𑌪॑ 𑌦𑍇॒𑌵𑌾𑌗𑍍𑌂 𑌋॑𑌤𑍁॒𑌶𑌃 𑌪𑌾𑌥॑ 𑌏𑌤𑍁 । 𑌵𑌨॒𑌸𑍍𑌪𑌤𑌿॑-𑌰𑍍𑌦𑍇𑌵𑌲𑍋॒𑌕-𑌮𑍍𑌪𑍍𑌰॑𑌜𑌾॒𑌨𑌨𑍍𑌨॒𑌗𑍍𑌨𑌿𑌨𑌾॑ 𑌹॒𑌵𑍍𑌯𑌾 𑌸𑍍𑌵॑𑌦𑌿॒𑌤𑌾𑌨𑌿॑ 𑌵𑌕𑍍𑌷𑌤𑍍 ॥ 𑌪𑍍𑌰॒𑌜𑌾𑌪॑𑌤𑍇॒𑌸𑍍𑌤𑌪॑𑌸𑌾 𑌵𑌾𑌵𑍃𑌧𑌾॒𑌨-𑌸𑍍𑌸॒𑌦𑍍𑌯𑍋 𑌜𑌾॒𑌤𑍋 𑌦॑𑌧𑌿𑌷𑍇 𑌯॒𑌜𑍍𑌞𑌮॑𑌗𑍍𑌨𑍇 । 𑌸𑍍𑌵𑌾𑌹𑌾॑𑌕𑍃𑌤𑍇𑌨 𑌹॒𑌵𑌿𑌷𑌾॑ 𑌪𑍁𑌰𑍋𑌗𑌾 𑌯𑌾॒𑌹𑌿 𑌸𑌾॒𑌦𑍍𑌧𑍍𑌯𑌾 𑌹॒𑌵𑌿𑌰॑𑌦𑌨𑍍𑌤𑍁 𑌦𑍇॒𑌵𑌾𑌃 ॥ 59 ॥

(𑌅॒𑌗𑍍𑌨𑌿𑌷𑍍𑌟𑍍𑌵𑌾॑ - 𑌵𑌾॒ - 𑌮𑌶𑍍𑌵𑍋॒ - 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 11)

(𑌸𑌾॒𑌵𑌿॒𑌤𑍍𑌰𑌾𑌣𑌿॒ - 𑌵𑍍𑌯𑍃॑𑌦𑍍𑌧॒ - 𑌮𑍁𑌤𑍍𑌕𑍍𑌰𑌾॑𑌮 - 𑌦𑍇॒𑌵𑌸𑍍𑌯॑ 𑌖𑌨𑌤𑌿 - 𑌕𑍍𑌰𑍂॒𑌰𑌂 -𑌁𑌵𑌾॑𑌰𑍁॒𑌣𑌃 - 𑌸॒𑌪𑍍𑌤𑌭𑌿॒ - 𑌰𑍇𑌕॑𑌵𑌿𑌗𑍍𑌂𑌶𑌤𑍍𑌯𑌾 - 𑌷॒𑌡𑍍𑌭𑌿 - 𑌰𑍍𑌨 𑌹॑ 𑌸𑍍𑌮॒ - 𑌸𑌮𑌿॑𑌦𑍍𑌧𑍋 𑌅॒𑌞𑍍𑌜 - 𑌨𑍍𑌨𑍇𑌕𑌾॑𑌦𑌶 )

(𑌸𑌾॒𑌵𑌿॒𑌤𑍍𑌰𑌾 - 𑌣𑍍𑌯𑍁𑌤𑍍𑌕𑍍𑌰𑌾॑𑌮 - 𑌕𑍍𑌰𑍂॒𑌰𑌂 -𑌁𑌵𑌾॑𑌰𑍁॒𑌣𑌃 - 𑌪॒𑌶𑌵𑌃॑ 𑌸𑍍𑌯𑍁॒ - 𑌰𑍍𑌨 𑌹॑ 𑌸𑍍𑌮॒ - 𑌨𑌵॑𑌪𑌞𑍍𑌚𑌾॒𑌶𑌤𑍍)

(𑌸𑌾॒𑌵𑌿॒𑌤𑍍𑌰𑌾𑌣𑌿॑, 𑌹॒𑌵𑌿𑌰॑𑌦𑌨𑍍𑌤𑍁 𑌦𑍇॒𑌵𑌾𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌪𑍍𑌰𑌥𑌮𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-mpañcamakāṇḍe prathamaḥ praśnaḥ - ukhyāgnikathanaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

sā॒vi॒trāṇi̭ juhoti॒ prasū᳚tyai caturgṛhī॒tena̭ juhoti॒ catṷṣpādaḥ pa॒śavaḥ̭ pa॒śūne॒vā-'va̭ rundhe॒ cata̭sro॒ diśo̭ di॒kṣvḙva prati̭ tiṣṭhati॒ chandāgṃ̭si de॒vebhyo 'pā᳚-'krāma॒-nna vo̭ bhā॒gāni̭ ha॒vyaṃ-va~̭kṣyāma॒ iti॒ tebhya̭ e॒tacca̭tu-rgṛhī॒tama̭-dhāraya-npuro-'nu vā॒kyā̭yai yā॒jyā̭yai de॒vatā̭yai vaṣaṭkā॒rāya॒ yacca̭turgṛhī॒ta-ñju॒hoti॒ chandāg̭sye॒va ta-tprī̭ṇāti॒ tānya̭sya prī॒tāni̭ de॒vebhyo̭ ha॒vyaṃ-va~̭hanti॒ ya-ṅkā॒mayḙta॒ [ya-ṅkā॒mayḙta, pāpī̭yān-thsyā॒dityekai̭ka॒-] 1

pāpī̭yān-thsyā॒dityekai̭ka॒-ntasya̭ juhuyā॒-dāhṷtībhire॒vaina॒mapa̭ gṛhṇāti॒ pāpī̭yā-nbhavati॒ ya-ṅkā॒mayḙta॒ vasī̭yān-thsyā॒diti॒ sarvā̭ṇi॒ tasyā̭-'nu॒drutya̭ juhuyā॒dāhṷtyai॒vaina̭ma॒bhi kra̭mayati॒ vasī̭yā-nbhava॒tyatho̭ ya॒jñasyai॒vaiṣā-'bhikrā᳚nti॒reti॒ vā e॒ṣa ya̭jñamu॒khā-dṛddhyā॒ yo᳚-'gnerde॒vatā̭yā॒ etya॒ṣṭāve॒tāni̭ sāvi॒trāṇi̭ bhavantya॒ṣṭākṣa̭rā gāya॒trī gā̭ya॒tro᳚- [gā̭ya॒traḥ, a॒gnistenai॒va] 2

-'gnistenai॒va ya̭jñamu॒khādṛddhyā̭ a॒gnerde॒vatā̭yai॒ naitya॒ṣṭau sā̭vi॒trāṇi̭ bhava॒ntyāhṷtirnava॒mī tri॒vṛta̭me॒va ya̭jñamu॒khe viyā̭tayati॒ yadi̭ kā॒mayḙta॒ chandāgṃ̭si yajñayaśa॒senā᳚ 'rpayeya॒mityṛca̭manta॒mā-ṅkṷryā॒cchandāg̭sye॒va ya̭jñayaśa॒senā᳚ 'rpayati॒ yadi̭ kā॒mayḙta॒ yaja̭mānaṃ-ya~jñayaśa॒senā᳚-'rpayeya॒miti॒ yajṷranta॒ma-ṅkṷryā॒-dyaja̭māname॒va ya̭jñayaśa॒senā᳚-'rpayatyṛ॒cā stoma॒gṃ॒ sama̭rdha॒ye- [sama̭rdha॒yeti̭, ā॒ha॒ samṛ̭ddhyai] 3

-tyā̭ha॒ samṛ̭ddhyai ca॒turbhi॒rabhri॒mā da̭tte ca॒tvāri॒ chandāgṃ̭si॒ chando̭bhire॒va de॒vasya̭ tvā savi॒tuḥ pra̭sa॒va ityā̭ha॒ prasū᳚tyā a॒gnirde॒vebhyo॒ nilā̭yata॒ sa veṇu॒-mprā-'vi̭śa॒-thsa e॒tāmū॒timanu॒ sama̭cara॒-dya-dveṇo᳚-ssuṣi॒ragṃ sṷṣi॒rā-'bhri̭rbhavati sayoni॒tvāya॒ sa yatra̭ya॒trā-'va̭sa॒-tta-tkṛ॒ṣṇama̭bhava-tkalmā॒ṣī bha̭vati rū॒pasa̭mṛddhyā ubhayataḥ॒, kṣṇūrbha̭vatī॒taścā॒-'-muta̭ścā॒-'rkasyā-va̭ruddhyai vyāmamā॒trī bha̭vatye॒tāva॒dvai purṷṣe vī॒ryaṃ̭-vī~॒rya̭sammi॒tā 'pa̭rimitā bhava॒tya-pa̭rimita॒syā-' va̭ruddhyai॒ yo vana॒spatī̭nā-mphala॒grahi॒-ssa ḙṣāṃ-vī~॒ryā̭vā-nphala॒grahi॒rveṇṷ-rvaiṇa॒vī bha̭vati vī॒rya̭syā va̭ruddhyai || 4 ||

(kā॒mayḙta - gāya॒tro᳚ - 'rdha॒yeti̭ - ca - sa॒ptavigṃ̭śatiśca) (a. 1)

vyṛ̭ddhaṃ॒-vā~ e॒ta-dya॒jñasya॒ yada̭ya॒juṣkḙṇa kri॒yata̭ i॒māma̭gṛbhṇa-nraśa॒nā-mṛ॒tasyetya̭śvābhi॒dhānī॒mā da̭tte॒ yajṷṣkṛtyai ya॒jñasya॒ samṛ̭ddhyai॒ pratū᳚rtaṃ-vā~ji॒nnā dra॒vetyaśva̭-ma॒bhi da̭dhāti rū॒pame॒vā-'syai॒ta-nma̭hi॒mānaṃ॒-vyā~ca̭ṣṭe yu॒ñjāthā॒gṃ॒ rāsa̭bhaṃ-yu~॒vamiti̭ garda॒bha-masa̭tye॒va ga̭rda॒bha-mprati̭ ṣṭhāpayati॒ tasmā॒daśvā᳚-dgarda॒bho-'sa̭ttaro॒ yogḙyoge ta॒vasta̭ra॒mityā̭ha॒ [ta॒vasta̭ra॒mityā̭ha, yogḙyoga] 5

yogḙyoga e॒vainaṃ̭-yu~ṅkte॒ vājḙvāje havāmaha॒ ityā॒hānnaṃ॒-vai~ vājo-'nna̭me॒vāva̭ rundhe॒ sakhā̭ya॒ indra̭mū॒taya॒ ityā̭hendri॒yame॒vāva̭ rundhe॒ 'gnirde॒vebhyo॒ nilā̭yata॒ ta-mpra॒jāpa̭ti॒ranva̭vinda-tprājāpa॒tyo-'śvo 'śvḙna॒ sa-mbha̭ra॒tyanṷvittyai pāpavasya॒saṃ-vā~ e॒ta-tkri̭yate॒ yacchreya̭sā ca॒ pāpī̭yasā ca samā॒na-ṅkarma̭ ku॒rvanti॒ pāpī̭yā॒n॒.- [pāpī̭yān, hyaśvā᳚-dgarda॒bho-'śva॒-] 6

-hyaśvā᳚-dgarda॒bho-'śva॒-mpūrva̭-nnayanti pāpavasya॒-sasya॒ vyāvṛ̭ttyai॒ tasmā॒cchreyāgṃ̭sa॒-mpāpī̭yā-npa॒ścādanvḙti ba॒hurvai bhava̭to॒ bhrātṛ̭vyo॒ bhava̭tīva॒ khalu॒ vā e॒ṣa yo᳚-'gni-ñci̭nu॒te va॒jryaśvaḥ̭ pra॒tūrva॒nnehya̭va॒-krāma॒nna-śa̭stī॒rityā̭ha॒ vajrḙṇai॒va pā॒pmāna॒-mbhrātṛ̭vya॒mava̭ krāmati ru॒drasya॒ gāṇa̭patyā॒dityā̭ha rau॒drā vai pa॒śavo̭ ru॒drāde॒va [ ] 7

pa॒śū-nni॒ryācyā॒-''tmane॒ karma̭ kurute pū॒ṣṇā sa॒yujā̭ sa॒hetyā̭ha pū॒ṣā vā addhva̭nāgṃ sanne॒tā sama̭ṣṭyai॒ purī̭ṣāyatano॒ vā e॒ṣa yada॒gniraṅgi̭raso॒ vā e॒tamagrḙ de॒vatā̭nā॒gṃ॒ sama̭bhara-npṛthi॒vyā-ssa॒dhasthā̭da॒gni-mpṷrī॒ṣya̭-maṅgira॒sva-dacche॒hītyā̭ha॒ sāya̭taname॒vaina̭-nde॒vatā̭bhi॒-ssa-mbha̭ratya॒gni-mpṷrī॒ṣya̭-maṅgira॒sva- dacchḙma॒ ityā̭ha॒ yena̭ [ ] 8

sa॒ṅgaccha̭te॒ vāja̭me॒vāsya̭ vṛṅkte pra॒jāpa̭taye prati॒procyā॒gni-ssa॒mbhṛtya॒ ityā̭huri॒yaṃ-vai~ pra॒jāpa̭ti॒stasyā̭ e॒tacchrotraṃ॒-ya~dva॒lmīko॒-'gni-mpṷrī॒ṣya̭-maṅgira॒sva-dbha̭riṣyāma॒ iti̭ valmīkava॒pāmupa̭ tiṣṭhate sā॒kṣāde॒va pra॒jāpa̭taye prati॒procyā॒-'gnigṃ sa-mbha̭ratya॒gni-mpṷrī॒ṣya̭-maṅgira॒sva-dbha̭rāma॒ ityā̭ha॒ yena̭ sa॒gañccha̭te॒ vāja̭me॒vāsya̭ vṛ॒ṅkte 'nva॒gniru॒ṣasā॒magra̭- [-'nva॒gniru॒ṣasā॒magra᳚m, a॒khya॒dityā॒hā-] 9

-makhya॒dityā॒hā-nṷkhyātyā ā॒gatya̭ vā॒jyaddhva̭na ā॒kramya̭ vāji-npṛthi॒vīmityā̭he॒cchatye॒vaina॒-mpūrva̭yā vi॒ndatyutta̭rayā॒ dvābhyā॒mā kra̭mayati॒ prati̭ṣṭhityā॒ anṷrūpābhyā॒-ntasmā॒danṷrūpāḥ pa॒śavaḥ॒ prajā̭yante॒ dyaustḙ pṛ॒ṣṭha-mpṛ̭thi॒vī sa॒dhastha॒mityā̭hai॒bhyo vā e॒taṃ-lo~॒kebhyaḥ̭ pra॒jāpa̭ti॒-ssamai̭raya-drū॒pame॒vāsyai॒-tanma̭hi॒mānaṃ॒-vyā~ca̭ṣṭe va॒jrī vā e॒ṣa yadaśvo̭ da॒-dbhira॒nyato̭dadbhyo॒ bhūyāṃ॒-lo~ma̭bhirubha॒yāda̭dbhyo॒ ya-ndvi॒ṣyā-ttama̭dhaspa॒da-ndhyā̭ye॒-dvajrḙṇai॒vainagg̭ stṛṇute || 10 ||

(ā॒ha॒ - pāpī̭yān - ru॒drāde॒va - yenā - 'graṃ̭ - ~va॒jrī vai - sa॒ptada̭śa ca) (a. 2)

utkrā॒mo-da̭kramī॒diti॒ dvābhyā॒mutkra̭mayati॒ prati̭ṣṭhityā॒ anṷrūpābhyā॒-ntasmā॒danṷrūpāḥ pa॒śavaḥ॒ prajā̭yante॒ 'pa upa̭ sṛjati॒ yatra॒ vā āpa̭ upa॒ gaccha̭nti॒ tadoṣa̭dhayaḥ॒ prati̭ tiṣṭha॒ntyoṣa̭dhīḥ prati॒tiṣṭha̭ntīḥ pa॒śavo-'nu॒ prati̭ tiṣṭhanti pa॒śūn. ya॒jño ya॒jñaṃ-ya~ja̭māno॒ yaja̭māna-mpra॒jāstasmā̭da॒pa upa̭ sṛjati॒ prati̭ṣṭhityai॒ yada̭ddhva॒ryu-ra̭na॒gnāvāhṷti-ñjuhu॒yāda॒ndho᳚ 'ddhva॒ryu- [-'ddhva॒ryuḥ, syā॒-drakṣāgṃ̭si] 11

-ssyā॒-drakṣāgṃ̭si ya॒jñagṃ ha̭nyu॒r॒hira̭ṇyamu॒pāsya̭ juhotyagni॒vatye॒va jṷhoti॒ nāndho᳚-'ddhva॒ryurbhava̭ti॒ na ya॒jñagṃ rakṣāgṃ̭si ghnanti॒ jigha̭rmya॒gni-mmana̭sā ghṛ॒tenetyā̭ha॒ mana̭sā॒ hi purṷṣo ya॒jñama̭bhi॒gaccha̭ti prati॒kṣyanta॒-mbhuva̭nāni॒ viśvetyā̭ha॒ sarva॒gg॒ hyḙṣa pra॒tya-ṅkṣeti̭ pṛ॒thu-nti̭ra॒ścā vaya̭sā bṛ॒hanta॒mityā॒hā-'lpo॒ hyḙṣa jā॒to ma॒hā- [ma॒hān, bhava̭ti॒] 12

-nbhava̭ti॒ vyaci̭ṣṭha॒mannagṃ̭ rabha॒saṃ-vi~dā̭na॒mityā॒hā 'nna̭me॒vā-'smai᳚ svadayati॒ sarva̭masmai svadate॒ ya e॒vaṃ-ve~dā ''tvā̭ jigharmi॒ vaca̭sā ghṛ॒tenetyā̭ha॒ tasmā॒-dya-tpurṷṣo॒ mana̭sā-'bhi॒gaccha̭ti॒ ta-dvā॒cā va̭datya ra॒kṣasetyā̭ha॒ rakṣa̭sā॒mapa̭hatyai॒ marya̭śrī-sspṛha॒ya-dva̭rṇo a॒gnirityā॒hā-pa̭citime॒vā-'smi̭-ndadhā॒tya-pa̭citimā-nbhavati॒ ya e॒vaṃ- [ya e॒vam, veda॒ mana̭sā॒ tvai] 13

-~veda॒ mana̭sā॒ tvai tāmāptṷmarhati॒ yāma̭ddhva॒ryura̭-na॒gnāvāhṷti-ñju॒hoti॒ mana̭svatībhyā-ñjuho॒tyāhṷtyo॒rāptyai॒ dvābhyā॒-mprati̭ṣṭhityai yajñamu॒khe ya̭jñamukhe॒ vai kri॒yamā̭ṇe ya॒jñagṃ rakṣāgṃ̭si jighāgṃ santye॒tarhi॒ khalu॒ vā e॒ta-dya̭jñamu॒khaṃ-ya~rhyḙna॒-dāhṷti-raśñu॒te pari̭ likhati॒ rakṣa̭sā॒mapa̭hatyai ti॒sṛbhiḥ॒ pari̭ likhati tri॒vṛdvā a॒gniryāvā̭ne॒vā-'gnistasmā॒-drakṣā॒g॒syapa̭ hanti [hanti, gā॒ya॒tri॒yā pari̭] 14

gāyatri॒yā pari̭ likhati॒ tejo॒ vai gā̭ya॒trī teja̭sai॒vaina॒-mpari̭gṛhṇāti tri॒ṣṭubhā॒ pari̭ likhatīndri॒yaṃ-vai~ tri॒ṣṭu-gi̭ndri॒yeṇai॒vaina॒-mpari̭ gṛhṇātyanu॒ṣṭubhā॒ pari̭ likhatyanu॒ṣṭu-phsarvā̭ṇi॒ chandāgṃ̭si pari॒bhūḥ paryā᳚ptyai maddhya॒to̭-'nu॒ṣṭubhā॒ vāgvā a̭nu॒ṣṭu-ptasmā᳚-nmaddhya॒to vā॒cā va̭dāmo gāyatri॒yā pra̭tha॒mayā॒ pari̭ likha॒tyathā̭-'nu॒ṣṭubhā-'tha̭ tri॒ṣṭubhā॒ tejo॒ vai gā̭ya॒trī ya॒jño̭ 'nu॒ṣṭugi̭ndri॒ya-ntri॒ṣṭu-pteja̭sā cai॒vendri॒yeṇa̭ cobha॒yato̭ ya॒jña-mpari̭ gṛhṇāti || 15 ||

(a॒ndho᳚-'ddhva॒ryu - rma॒hān - bha̭vati॒ ya e॒vagṃ - ha̭nti - tri॒ṣṭubhā॒ tejo॒ vai gā̭ya॒trī - trayo̭daśa ca) (a. 3)

de॒vasya̭ tvā savi॒tuḥ pra̭sa॒va iti̭ khanati॒ prasū᳚tyā॒ atho̭ dhū॒ma-me॒vaitena̭ janayati॒ jyoti̭ṣmanta-ntvā-'gne su॒pratī̭ka॒-mityā̭ha॒ jyoti̭re॒vaitena̭ janayati॒ so᳚-'gnirjā॒taḥ pra॒jā-śśu॒cā-''rpa̭ya॒-tta-nde॒vā a̭rdha॒rcenā̭-śamayañchi॒va-mpra॒jābhyo-'higṃ̭ santa॒mityā̭ha pra॒jābhya̭ e॒vainagṃ̭ śamayati॒ dvābhyā᳚-ṅkhanati॒ prati̭ṣṭhityā a॒pā-mpṛ॒ṣṭhama॒sīti̭ puṣkarapa॒rṇamā [puṣkarapa॒rṇamā, ha॒ra॒tya॒pāṃ-vā~] 16

ha̭ratya॒pāṃ-vā~ e॒ta-tpṛ॒ṣṭhaṃ-ya~-tpṷṣkarapa॒rṇagṃ rū॒peṇai॒vaina॒dā ha̭rati puṣkarapa॒rṇena॒ sa-mbha̭rati॒ yoni॒rvā a॒gneḥ pṷṣkarapa॒rṇagṃ sayo̭nime॒vāgnigṃ sambha̭rati kṛṣṇāji॒nena॒ sambha̭rati ya॒jño vai kṛ̭ṣṇāji॒naṃ-ya~॒jñenai॒va ya॒jñagṃ sambha̭rati॒ ya-dgrā॒myāṇā᳚-mpaśū॒nā-ñcarma̭ṇā sa॒mbhare᳚-dgrā॒myā-npa॒śūñchu॒cā-'rpa̭ye-tkṛṣṇāji॒nena॒ sambha̭ratyāra॒ṇyāne॒va pa॒śū- [pa॒śūn, śu॒cā-'rpa̭yati॒] 17

-ñchu॒cā-'rpa̭yati॒ tasmā᳚-thsa॒māva̭-tpaśū॒nā-mpra॒jāya̭mānānā-māra॒ṇyāḥ pa॒śavaḥ॒ kanī̭yāgṃsa-śśu॒cā hyṛ̭tā lo̭ma॒ta-ssambha̭ra॒tyato॒ hya̭sya॒ meddhya̭-ṅkṛṣṇāji॒na-ñca̭ puṣkarapa॒rṇa-ñca॒ sagg stṛ̭ṇātī॒yaṃ-vai~ kṛ̭ṣṇāji॒nama॒sau pṷṣkarapa॒rṇa-mā॒bhyā-me॒vaina̭-mubha॒yataḥ॒ pari̭gṛhṇātya॒-gnirde॒vebhyo॒ nilā̭yata॒ tamatha॒rvā-'nva̭paśya॒datha̭rvā tvā pratha॒mo nira̭manthadagna॒ i- [nira̭manthadagna॒ iti̭, ā॒ha॒ ya e॒vaina̭-] 18

-tyā̭ha॒ ya e॒vaina̭-ma॒nvapa̭śya॒-ttenai॒vaina॒gṃ॒ sambha̭rati॒ tvāma̭gne॒ puṣka̭rā॒dadhītyā̭ha puṣkarapa॒rṇe hyḙna॒mupa̭śrita॒-mavi̭nda॒-ttamṷ tvā da॒ddhyaṅṅṛṣi॒rityā̭ha da॒ddhyaṅ vā ā̭tharva॒ṇa-stḙja॒svyā̭sī॒-tteja̭ e॒vāsmi̭-ndadhāti॒ tamṷ tvā pā॒thyo vṛṣetyā̭ha॒ pūrva̭me॒vodi॒ta-mutta̭reṇā॒bhi gṛ̭ṇāti [gṛ̭ṇāti, ca॒ta॒sṛbhi॒-ssambha̭rati] 19

cata॒sṛbhi॒-ssambha̭rati ca॒tvāri॒ chandāgṃ̭si॒ chando̭bhire॒va gā̭ya॒trībhi̭rbrāhma॒ṇasya̭ gāya॒tro hi brā᳚hma॒ṇa-stri॒ṣṭugbhī̭ rāja॒nya̭sya॒ traiṣṭṷbho॒ hi rā̭ja॒nyo̭ ya-ṅkā॒mayḙta॒ vasī̭yān-thsyā॒dityu॒bhayī̭bhi॒stasya॒ sambha̭re॒-tteja̭ścai॒vā-'smā̭ indri॒ya-ñca̭ sa॒mīcī̭ dadhātyaṣṭā॒bhi-ssambha̭ratya॒ṣṭākṣa̭rā gāya॒trī gā̭ya॒tro᳚ 'gniryāvā̭ne॒vā-'gnistagṃ sambha̭rati॒ sīda̭ hota॒rityā̭- -ha de॒vatā̭ e॒vāsmai॒ sagṃ sā̭dayati॒ ni hoteti̭ manu॒ṣyā᳚n-thsagṃ sī̭da॒sveti॒ vayāgṃ̭si॒ jani̭ṣvā॒ hi jenyo॒ agre॒ ahnā॒mityā̭ha deva manu॒ṣyāne॒vā-'smai॒ sagṃsa̭nnā॒-npraja̭nayati || 20

(ai - va pa॒śū - niti̭ - gṛṇāti - hota॒riti̭ - sa॒ptavigṃ̭śatiśca) (a. 4)

krū॒rami̭va॒ vā a̭syā e॒ta-tka̭roti॒ ya-tkhana̭tya॒pa upa̭ sṛja॒tyāpo॒ vai śā॒ntā-śśā॒ntābhi̭re॒vā-'syai॒ śucagṃ̭ śamayati॒ sa-ntḙ vā॒yurmā̭ta॒riśvā̭ dadhā॒tvityā̭ha prā॒ṇo vai vā॒yuḥ prā॒ṇenai॒vāsyai᳚ prā॒ṇagṃ sa-nda̭dhāti॒ sa-ntḙ vā॒yurityā̭ha॒ tasmā᳚-dvā॒yupra̭cyutā di॒vo vṛṣṭi̭rīrte॒ tasmai̭ ca devi॒ vaṣa̭ḍastu॒ [vaṣa̭ḍastu, tubhya॒mityā̭ha॒] 21

tubhya॒mityā̭ha॒ ṣaḍvā ṛ॒tava̭ ṛ॒tuṣve॒va vṛṣṭi̭-ndadhāti॒ tasmā॒-thsarvā̭nṛ॒tūn. va̭rṣati॒ ya-dva̭ṣaṭku॒ryā-dyā॒tayā̭mā-'sya vaṣaṭkā॒ra-ssyā॒dyanna va̭ṣaṭku॒ryā-drakṣāgṃ̭si ya॒jñagṃ ha̭nyu॒rvaḍityā̭ha pa॒rokṣa̭me॒va vaṣa̭-ṭkaroti॒ nāsya̭ yā॒tayā̭mā vaṣaṭkā॒ro bhava̭ti॒ na ya॒jñagṃ rakṣāgṃ̭si ghnanti॒ sujā̭to॒ jyoti̭ṣā sa॒hetya̭nu॒ṣṭubhopa̭ nahyatyanu॒ṣṭu- [nahyatyanu॒ṣṭup, sarvā̭ṇi॒ chandāgṃ̭si॒] 22

-phsarvā̭ṇi॒ chandāgṃ̭si॒ chandāgṃ̭si॒ khalu॒ vā a॒gneḥ pri॒yā ta॒nūḥ pri॒yayai॒vaina̭-nta॒nuvā॒ pari̭ dadhāti॒ vedṷko॒ vāso̭ bhavati॒ya e॒vaṃ-ve~da̭ vāru॒ṇo vā a॒gnirupa̭naddha॒ udṷ tiṣṭha svaddhvaro॒rdhva ū॒ ṣuṇa̭ ū॒taya॒ iti̭ sāvi॒trībhyā॒mu-tti̭ṣṭhati savi॒tṛpra̭sūta e॒vāsyo॒rdhvāṃ-va~̭ruṇame॒nimu-thsṛ̭jati॒ dvābhyā॒-mprati̭ṣṭhityai॒ sa jā॒to garbho̭ asi॒ [garbho̭ asi, roda̭syo॒rityā̭he॒me] 23

roda̭syo॒rityā̭he॒me vai roda̭sī॒ tayo̭re॒ṣa garbho॒ yada॒gni-stasmā̭-de॒vamā॒hāgne॒ cāru॒rvibhṛ̭ta॒ oṣa̭dhī॒ṣvityā̭ha ya॒dā hyḙtaṃ-vi~॒bhara॒ntyatha॒ cārṷtaro॒ bhava̭ti॒ pra mā॒tṛbhyo॒ adhi॒ kani̭krada-dgā॒ ityā॒hauṣa̭dhayo॒ vā a̭sya mā॒tara॒stābhya̭ e॒vaina॒-mpracyā̭vayati sthi॒ro bha̭va vī॒ḍva̭ṅga॒ iti̭ garda॒bha ā sā̭dayati॒ [ā sā̭dayati, sa-nna̭hyatye॒vaina̭-] 24

sa-nna̭hyatye॒vaina̭-me॒tayā᳚ sthe॒mne ga̭rda॒bhena॒ sambha̭rati॒ tasmā᳚-dgarda॒bhaḥ pa̭śū॒nā-mbhā̭rabhā॒rita̭mo garda॒bhena॒ sa-mbha̭rati॒ tasmā᳚-dgarda॒bho-'pya̭nāle॒śe-'tya॒nyā-npa॒śū-nme᳚dya॒tyanna॒gg॒ hyḙnenā॒-'rkagṃ sa॒mbhara̭nti garda॒bhena॒ sambha̭rati॒ tasmā᳚-dgarda॒bho dvi॒retā॒-ssan kani̭ṣṭha-mpaśū॒nā-mprajā̭yate॒-'gnirhya̭sya॒ yoni̭-nni॒rdaha̭ti pra॒jāsu॒ vā e॒ṣa e॒tarhyārṷ̄ḍha॒- [e॒tarhyārṷ̄ḍhaḥ, sa ī᳚śva॒raḥ pra॒jā-śśu॒cā] 25

-ssa ī᳚śva॒raḥ pra॒jā-śśu॒cā pra॒dahaḥ̭ śi॒vo bha̭va pra॒jābhya॒ ityā̭ha pra॒jābhya̭ e॒vainagṃ̭ śamayati॒ mānṷṣībhya॒stvama̭ṅgira॒ ityā̭ha māna॒vyo̭ hi pra॒jā mā dyāvā̭pṛthi॒vī a॒bhi śṷ̄śuco॒ mā-'ntari̭kṣa॒-mmā vana॒spatī॒nityā̭hai॒bhya e॒vainaṃ̭-lo~॒kebhyaḥ̭ śamayati॒ praitṷ vā॒jī kani̭krada॒dityā̭ha vā॒jī hyḙṣa nāna̭da॒-drāsa̭bhaḥ॒ patve- [patveti, ā॒ha॒ rāsa̭bha॒ iti॒] 26

-tyā̭ha॒ rāsa̭bha॒ iti॒ hyḙtamṛṣa॒yo-'va̭da॒-nbhara̭nna॒gni-mpṷrī॒ṣya̭mityā̭hā॒-'gnigg hyḙṣa bhara̭ti॒ mā pā॒dyāyṷṣaḥ pu॒retyā॒hā-''yṷre॒vā-'smi̭-ndadhāti॒ tasmā᳚-dgarda॒bha-ssarva॒māyṷreti॒ tasmā᳚-dgarda॒bhe pu॒rā-''yṷṣaḥ॒ pramī̭te bibhyati॒ vṛṣā॒-'gniṃ-vṛ~ṣa̭ṇa॒-mbhara॒nnityā̭ha॒ vṛṣā॒ hyḙṣa vṛṣā॒-'gnira॒pā-ṅgarbhagṃ̭ - [vṛṣā॒-'gnira॒pā-ṅgarbha᳚m, sa॒mu॒driya॒-] 27

samu॒driya॒-mityā̭hā॒-'pāg hyḙṣa garbho॒ yada॒gniragna॒ ā yā̭hi vī॒taya॒ iti॒ vā i॒mau lo॒kau vyai̭tā॒magna॒ ā yā̭hi vī॒taya॒ iti॒ yadāhā॒ 'nayo᳚rlo॒kayo॒-rvītyai॒ pracyṷto॒ vā e॒ṣa ā॒yata̭nā॒daga̭taḥ prati॒ṣṭhāgṃ sa e॒tarhya̭ddhva॒ryu-ñca॒ yaja̭māna-ñca ddhyāyatyṛ॒tagṃ sa॒tyamityā̭he॒yaṃ-vā~ ṛ॒tama॒sau [ ] 28

sa॒tyama॒nayo̭re॒vaina॒-mprati̭ ṣṭhāpayati॒ nā-''rti॒mārccha̭tyaddhva॒ryurna yaja̭māno॒ varṷṇo॒ vā e॒ṣa yaja̭mānama॒bhyaiti॒ yada॒gnirupa̭naddha॒ oṣa̭dhayaḥ॒ prati̭ gṛhṇītā॒gnime॒ta-mityā̭ha॒ śāntyai॒ vyasya॒n viśvā॒ ama̭tī॒rarā̭tī॒-rityā̭ha॒ rakṣa̭sā॒mapa̭hatyai ni॒ṣīda̭-nno॒ apa̭ durma॒tigṃ ha̭na॒dityā̭ha॒ prati̭ṣṭhityā॒ oṣa̭dhayaḥ॒ prati̭modaddhva- [prati̭modaddhvam, e॒na॒mityā॒hauṣa̭dhayo॒] 29

-mena॒mityā॒hauṣa̭dhayo॒ vā a॒gnerbhā̭ga॒dheya॒-ntābhi̭re॒vaina॒gṃ॒ sama̭rdhayati॒ puṣpā̭vatī-ssupippa॒lā ityā̭ha॒ tasmā॒doṣa̭dhayaḥ॒ phala̭-ṅgṛhṇantya॒ yaṃ-vo~॒ garbha̭ ṛ॒tviyaḥ̭ pra॒tnagṃ sa॒dhastha॒mā-'sa̭da॒dityā̭ha॒ yābhya̭ e॒vaina̭-mpracyā॒vaya̭ti॒ tāsve॒vaina॒-mprati̭ṣṭhāpayati॒ dvābhyā̭mu॒pāva̭harati॒ prati̭ṣṭhityai || 30 ||

(a॒stva॒ - nu॒ṣṭu - ba̭si - sādaya॒tyā - rṷ̄ḍhaḥ॒-patveti॒-garbha̭-ma॒sau - mo̭daddhvaṃ॒ - dvica̭tvārigṃśacca) (a. 5)

vā॒ru॒ṇo vā a॒gnirupa̭naddho॒ vi pāja॒seti॒ visragṃ̭sayati savi॒tṛpra̭sūta e॒vāsya॒ viṣṷ̄cīṃ-va~ruṇame॒niṃ-vi~sṛ̭jatya॒pa upa̭ sṛja॒tyāpo॒ vai śā॒ntā-śśā॒ntābhi̭re॒vāsya॒ śucagṃ̭ śamayati ti॒sṛbhi॒rupa̭ sṛjati tri॒vṛdvā a॒gniryāvā̭ne॒vā-gnistasya॒ śucagṃ̭ śamayati mi॒tra-ssa॒gṃ॒sṛjya̭ pṛthi॒vīmityā̭ha mi॒tro vai śi॒vo de॒vānā॒-ntenai॒vai- [de॒vānā॒-ntenai॒va, e॒na॒gṃ॒ sagṃ sṛ̭jati॒] 31

-na॒gṃ॒ sagṃ sṛ̭jati॒ śāntyai॒ yadgrā॒myāṇā॒-mpātrā̭ṇā-ṅka॒pālai᳚-ssagṃsṛ॒je-dgrā॒myāṇi॒ pātrā̭ṇi śu॒cā-'rpa̭yedarmakapā॒lai-ssagṃ sṛ̭jatye॒tāni॒ vā a̭nupajīvanī॒yāni॒ tānye॒va śu॒cā-'rpa̭yati॒ śarka̭rābhi॒-ssagṃ sṛ̭jati॒ dhṛtyā॒ atho̭ śa॒ntvāyā̭ jalo॒mai-ssagṃ sṛ̭jatye॒ṣā vā a॒gneḥ pri॒yā ta॒nūryada॒jā pri॒yayai॒vaina̭-nta॒nuvā॒ sagṃ sṛ̭ja॒tyatho॒ teja̭sā kṛṣṇāji॒nasya॒ loma̭bhi॒-ssagṃ - [loma̭bhi॒-ssam, sṛ॒ja॒ti॒ ya॒jño vai] 32

sṛ̭jati ya॒jño vai kṛ̭ṣṇāji॒naṃ-ya~॒jñenai॒va ya॒jñagṃ sagṃ sṛ̭jati ru॒drā-ssa॒bhṛtya̭ pṛthi॒vīmityā̭hai॒tā vā e॒ta-nde॒vatā॒ agre॒ sama̭bhara॒-ntābhi̭re॒vaina॒gṃ॒ sambha̭rati ma॒khasya॒ śiro॒-'sītyā̭ha ya॒jño vai ma॒khastasyai॒ta-cchiro॒ yadu॒khā tasmā̭de॒vamā̭ha ya॒jñasya̭ pa॒de stha॒ ityā̭ha ya॒jñasya॒ hyḙte [ ] 33

pa॒de atho॒ prati̭ṣṭhityai॒ prā-'nyābhi॒-ryaccha॒tyanva॒nyai-rma̭ntrayate mithuna॒tvāya॒ tryṷddhi-ṅkaroti॒ traya̭ i॒me lo॒kā e॒ṣāṃ-lo~॒kānā॒māptyai॒ chando̭bhiḥ karoti vī॒ryaṃ̭-vai~ chandāgṃ̭si vī॒ryḙṇai॒vainā᳚-ṅkaroti॒ yajṷṣā॒ bila̭-ṅkaroti॒ vyāvṛ̭ttyā॒ iya̭tī-ṅkaroti pra॒jāpa̭tinā yajñamu॒khena॒ sammi̭tā-ndvista॒nā-ṅka̭roti॒ yāvā̭pṛthi॒vyordohā̭ya॒ catuḥ̭stanā-ṅkaroti paśū॒nā-ndohā̭yā॒ṣṭāsta̭nā-ṅkaroti॒ chanda̭sā॒-ndohā̭ya॒ navā᳚śri-mabhi॒cara̭taḥ kuryā-ttri॒vṛta̭me॒va vajragṃ̭ sa॒mbhṛtya॒ bhrātṛ̭vyāya॒ praha̭rati॒ stṛtyai̭ kṛ॒tvāya॒ sā ma॒hīmu॒khāmiti॒ ni da̭dhāti de॒vatā᳚sve॒vainā॒-mprati̭ṣṭhāpayati || 34 ||

(tenai॒va - loma̭bhi॒-ssa - me॒te - a̭bhi॒cara̭ta॒ - eka̭vigṃśatiśca) (a. 6)

sa॒ptabhi̭rdhūpayati sa॒pta vai śī̭rṣa॒ṇyāḥ᳚ prā॒ṇā-śśira̭ e॒ta-dya॒jñasya॒ yadu॒khā śī॒r॒ṣanne॒va ya॒jñasya̭ prā॒ṇā-nda̭dhāti॒ tasmā᳚-thsa॒pta śī॒r॒ṣa-nprā॒ṇā a̭śvaśa॒kena̭ dhūpayati prājāpa॒tyo vā aśvaḥ̭ sayoni॒tvāyā-di̭ti॒stvetyā̭he॒yaṃ-vā~ adi̭ti॒radi̭tyai॒vādi̭tyā-ṅkhanatya॒syā akrṷ̄raṅkārāya॒ na hi sva-ssvagṃ hi॒nasti̭ de॒vānā᳚-ntvā॒ patnī॒rityā̭ha de॒vānāṃ॒- [de॒vānā᳚m, vā e॒tā-mpatna॒yo-'grḙ-'] 35

-~vā e॒tā-mpatna॒yo-'grḙ-'-kurva॒-ntābhi̭re॒vainā᳚-ndadhāti dhi॒ṣaṇā॒stvetyā̭ha vi॒dyā vai dhi॒ṣaṇā̭ vi॒dyābhi̭-re॒vainā̭-ma॒bhīndhe॒ gnāstvetyā̭ha॒ chandāgṃ̭si॒ vai gnā śchando̭bhi-re॒vaināg̭ śrapayati॒ varū᳚traya॒stvetyā̭ha॒ hotrā॒ vai varū᳚trayo॒ hotrā̭bhire॒vainā᳚-mpacati॒ jana̭ya॒stvetyā̭ha de॒vānāṃ॒-vai~ patnī॒- [patnīḥ᳚, jana̭ya॒stābhi̭-] 36

-rjana̭ya॒stābhi̭-re॒vainā᳚-mpacati ṣa॒ḍbhiḥ pa̭cati॒ ṣaḍvā ṛ॒tava̭ ṛ॒tubhi̭re॒vainā᳚-mpacati॒ dviḥ paca॒ntvityā̭ha॒ tasmā॒-ddvi-ssaṃ̭va~thsa॒rasya̭ sa॒sya-mpa̭cyate vāru॒ṇyṷkhā-'bhīddhā̭ mai॒triyopai̭ti॒ śāntyai̭ de॒vastvā̭ savi॒to-dva̭pa॒tvityā̭ha savi॒tṛpra̭sūta e॒vainā॒-mbrahma̭ṇā de॒vatā̭bhi॒ru-dva̭pa॒tyapa̭dyamānā pṛthi॒vyāśā॒ diśa॒ ā pṛ॒ṇe- [ā pṛ॒ṇa, ityā̭ha॒] 37

-tyā̭ha॒ tasmā̭da॒gni-ssarvā॒ diśo-'nu॒ vibhā॒tyutti̭ṣṭha bṛha॒tī bha̭vo॒rdhvā ti̭ṣṭha dhru॒vā tvamityā̭ha॒ prati̭ṣṭhityā asu॒rya̭-mpātra॒manā᳚cchṛṇṇa॒mā-cchṛ̭ṇatti deva॒trā-'ka̭rajakṣī॒reṇā-''cchṛ̭ṇatti para॒maṃ-vā~ e॒ta-tpayo॒ yada̭jakṣī॒ra-mpa̭ra॒meṇai॒vainā॒-mpaya॒sā-''cchṛ̭ṇatti॒ yajṷṣā॒ vyāvṛ̭ttyai॒ chando̭bhi॒rā cchṛ̭ṇatti॒ chando̭bhi॒rvā e॒ṣā kri̭yate॒ chando̭bhire॒va chandā॒g॒syā cchṛ̭ṇatti || 38 ||

(ā॒ha॒ de॒vānāṃ॒ - ~vai patnīḥ᳚ - pṛṇai॒ - ṣā - ṣaṭ ca̭) (a. 7)

eka̭vigṃśatyā॒ māṣaiḥ᳚ puruṣaśī॒r॒ṣa-macchai᳚tyame॒ddhyā vai māṣā̭ ame॒ddhya-mpṷruṣaśī॒r॒ṣa-ma̭me॒ddhyaire॒vā-syā̭-me॒ddhya-nni̭rava॒dāya॒ meddhya̭-ṅkṛ॒tvā ''ha̭ra॒tyeka̭vigṃśati-rbhavantyekavi॒gṃ॒śo vai purṷṣaḥ॒ purṷṣa॒syā-''ptyai॒ vyṛ̭ddhaṃ॒-vā~ e॒ta-tprā॒ṇaira̭me॒ddhyaṃ-ya~-tpṷruṣaśī॒r॒ṣagṃ sa̭pta॒dhā vitṛ̭ṇṇāṃ-va~lmīkava॒pā-mprati॒ ni da̭dhāti sa॒pta vai śī̭rṣa॒ṇyāḥ᳚ prā॒ṇāḥ prā॒ṇaire॒vaina॒-thsama̭rdhayati meddhya॒tvāya॒ yāva̭nto॒ [yāva̭ntaḥ, vai mṛ॒tyuba̭ndhava॒-] 39

vai mṛ॒tyuba̭ndhava॒-steṣāṃ᳚-ya~॒ma ādhi̭patya॒-mparī̭yāya yamagā॒thābhiḥ॒ pari̭gāyati ya॒māde॒vaina̭-dvṛṅkte ti॒sṛbhiḥ॒ pari̭gāyati॒ traya̭ i॒me lo॒kā e॒bhya e॒vaina̭llo॒kebhyo̭ vṛṅkte॒ tasmā॒-dgāya̭te॒ na deya॒-ṅgāthā॒ hi ta-dvṛ॒ṅkte᳚ 'gnibhyaḥ̭ pa॒śūnā la̭bhate॒ kāmā॒ vā a॒gnayaḥ॒ kāmā̭ne॒vāva̭ rundhe॒ ya-tpa॒śū-nnā-''labhe॒tā-'na̭varuddhā asya [ ] 40

pa॒śavaḥ̭ syu॒rya-tparya̭gnikṛtānu-thsṛ॒je-dya̭jñaveśa॒sa-ṅkṷryā॒-dya-thsagg̭sthā॒paye᳚-dyā॒tayā̭māni śī॒r॒ṣāṇi̭ syu॒rya-tpa॒śūnā॒labha̭te॒ tenai॒va pa॒śūnava̭ rundhe॒ ya-tparya̭gnikṛtānu-thsṛ॒jati̭ śī॒rṣṇā-mayā̭tayāmatvāya prājāpa॒tyena॒ sagg sthā̭payati ya॒jño vai pra॒jāpa̭tirya॒jña e॒va ya॒jña-mprati̭ṣṭhāpayati pra॒jāpa̭tiḥ pra॒jā a̭sṛjata॒ sa ri̭ricā॒no̭-'manyata॒ sa e॒tā ā॒prīra̭paśya॒-ttābhi॒rvai sa mṷkha॒ta [sa mṷkha॒taḥ, ā॒tmāna॒mā 'prī̭ṇīta॒] 41

ā॒tmāna॒mā 'prī̭ṇīta॒ yade॒tā ā॒priyo॒ bhava̭nti ya॒jño vai pra॒jāpa̭ti-rya॒jñame॒vaitābhi̭rmukha॒ta ā prī̭ṇā॒tya-pa̭rimitachandaso bhava॒ntyapa̭rimitaḥ pra॒jāpa̭tiḥ pra॒jāpa̭te॒rāptyā̭ ūnātiri॒ktā mi̭thu॒nāḥ prajā᳚tyai loma॒śaṃ-vai~ nāmai॒tacchandaḥ̭ pra॒jāpa̭teḥ pa॒śavo̭ loma॒śāḥ pa॒śūne॒vā-'va̭ rundhe॒ sarvā̭ṇi॒ vā e॒tā rū॒pāṇi॒ sarvā̭ṇi rū॒pāṇya॒gnau citye᳚ kriyante॒ tasmā̭de॒tā a॒gneścitya̭sya [a॒gneścitya̭sya, bha॒va॒ntyeka̭vigṃ śatigṃ] 42

bhava॒ntyeka̭vigṃ śatigṃ sāmidhe॒nīranvā̭ha॒ rugvā ḙkavi॒gṃ॒śo ruca̭me॒va ga̭ccha॒tyatho᳚ prati॒ṣṭhāme॒va pra̭ti॒ṣṭhā hyḙkavi॒gṃ॒śa-ścatṷrvigṃśati॒manvā̭ha॒ catṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ro᳚-'gnirvai᳚śvāna॒ra-ssā॒kṣāde॒va vai᳚śvāna॒ramava̭ rundhe॒ parā̭cī॒ranvā̭ha॒ parā̭ṅiva॒ hi sṷva॒rgo lo॒ka-ssamā᳚stvā-'gna ṛ॒tavo̭ vardhaya॒ntvityā̭ha॒ samā̭bhire॒vā-'gniṃ-va~̭rdhaya- [-'gniṃ-va~̭rdhayati, ṛ॒tubhiḥ̭ saṃva~thsa॒raṃ-vi~śvā॒] 43

-tyṛ॒tubhiḥ̭ saṃva~thsa॒raṃ-vi~śvā॒ ā bhā̭hi pra॒diśaḥ̭ pṛthi॒vyā ityā̭ha॒ tasmā̭da॒gni-ssarvā॒ diśo-'nu॒ vibhā̭ti॒ pratyaṷhatāma॒śvinā̭ mṛ॒tyuma̭smā॒dityā̭ha mṛ॒tyume॒vā-'smā॒dapa̭ nuda॒tyudva॒ya-ntama̭sa॒sparītyā̭ha pā॒pmā vai tamaḥ̭ pā॒pmāna̭me॒vāsmā॒dapa̭ ha॒ntyaga̭nma॒ jyoti̭rutta॒ma-mityā̭hā॒-'sau vā ā̭di॒tyo jyoti̭rutta॒ma-mā̭di॒tyasyai॒va sāyṷjya-ṅgacchati॒ na saṃ̭va~thsa॒rasti̭ṣṭhati॒ nāsya॒ śrīsti̭ṣṭhati॒ yasyai॒tāḥ kri॒yante॒ jyoti̭ṣmatī-mutta॒māmanvā̭ha॒ jyoti̭re॒vāsmā̭ u॒pari̭ṣṭā-ddadhāti suva॒rgasya̭ lo॒kasyānṷkhyātyai || 44 ||

(yāva̭nto - 'sya - mukha॒ta - ścitya̭sya - vardhaya - tyādi॒tyo᳚ - 'ṣṭāvigṃ̭śatiśca) (a. 8)

ṣa॒ḍbhirdī᳚kṣayati॒ ṣaḍvā ṛ॒tava̭ ṛ॒tubhi̭re॒vaina̭-ndīkṣayati sa॒ptabhi̭rdīkṣayati sa॒pta chandāgṃ̭si॒ chando̭bhire॒vaina̭-ndīkṣayati॒ viśvḙ de॒vasya̭ ne॒turitya̭-nu॒ṣṭubho᳚tta॒mayā̭ juhoti॒ vāgvā a̭nu॒ṣṭu-ptasmā᳚-tprā॒ṇānāṃ॒-vā~gṷtta॒mai- ka̭smāda॒kṣarā॒danā᳚pta-mpratha॒ma-mpa॒da-ntasmā॒-dya-dvā॒co-'nā᳚pta॒-ntanma̭nu॒ṣyā̭ upa̭ jīvanti pū॒rṇayā̭ juhoti pū॒rṇa i̭va॒ hi pra॒jāpa̭tiḥ [pra॒jāpa̭tiḥ, pra॒jāpa̭te॒rāpatyai॒] 45

pra॒jāpa̭te॒rāptyai॒ nyṷ̄nayā juhoti॒ nyṷ̄nā॒ddhi pra॒jāpa̭tiḥ pra॒jā asṛ̭jata pra॒jānā॒gṃ॒ sṛṣṭyai॒ yada॒rciṣi̭ pravṛ॒ñjyā-dbhū॒tamava̭ rundhīta॒ yadaṅgā̭reṣu bhavi॒ṣyadaṅgā̭reṣu॒ pravṛ̭ṇakti bhavi॒ṣya de॒vāva̭ rundhe bhavi॒ṣyaddhi bhūyo̭ bhū॒tā-ddvābhyā॒-mpravṛ̭ṇakti dvi॒pā-dyaja̭mānaḥ॒ prati̭ṣṭhityai॒ brahma̭ṇā॒ vā e॒ṣā yajṷṣā॒ sambhṛ̭tā॒ yadu॒khā sā yadbhidye॒tā-''rti॒mārcche॒- [-''rti॒mārcche᳚t, yaja̭māno] 46

-dyaja̭māno ha॒nyetā᳚-'sya ya॒jño mitrai॒tāmu॒khā-nta॒petyā̭ha॒ brahma॒ vai mi॒tro brahma̭nne॒vainā॒-mprati̭ṣṭhāpayati॒ nā-''rti॒mārccha̭ti॒ yaja̭māno॒ nāsya̭ ya॒jño ha̭nyate॒ yadi॒ bhidyḙta॒ taire॒va ka॒pālai॒-ssagṃ sṛ̭je॒-thsaiva tataḥ॒ prāya̭ścitti॒ryo ga॒taśrī॒-ssyānma̭thi॒tvā tasyāva̭ daddhyā-dbhū॒to vā e॒ṣa sa svā- [e॒ṣa sa svām, de॒vatā॒mupai̭ti॒] 47

-nde॒vatā॒mupai̭ti॒ yo bhūti̭kāma॒-ssyādya u॒khāyai̭ sa॒mbhave॒-thsa e॒va tasya̭ syā॒dato॒ hyḙṣa sa॒mbhava̭tye॒ṣa vai sva̭ya॒mbhūrnāma॒ bhava̭tye॒va ya-ṅkā॒mayḙta॒ bhrātṛ̭vyamasmai janayeya॒mitya॒-nyata॒stasyā॒-''hṛtyā-'va̭ daddhyā-thsā॒kṣāde॒vāsmai॒ bhrātṛ̭vya-ñjanayatyamba॒rīṣā॒danna̭ kāma॒syāva̭ daddhyādamba॒rīṣe॒ vā anna̭-mbhriyate॒ sayo᳚nye॒vānna॒- [sayo᳚nye॒vānna᳚m, ava̭ rundhe॒] 48

-mava̭ rundhe॒ muñjā॒nava̭ dadhā॒tyūrgvai muñjā॒ ūrja̭me॒vāsmā॒ api̭ dadhātya॒gnirde॒vebhyo॒ nilā̭yata॒ sa krṷmu॒ka-mprā-'vi̭śa-tkrumu॒kamava̭ dadhāti॒ yade॒vāsya॒ tatra॒ nya̭kta॒-nta de॒vāva̭ rundha॒ ājyḙna॒ saṃ-yau~᳚tye॒tadvā a॒gneḥ pri॒ya-ndhāma॒ yadājya̭-mpri॒yeṇai॒vaina॒-ndhāmnā॒ sama̭rdhaya॒tyatho॒ teja̭sā॒ [teja̭sā, vai ka̭kantī॒mā da̭dhāti॒] 49

vai ka̭ṅkatī॒mā da̭dhāti॒ bhā e॒vāva̭ rundhe śamī॒mayī॒mā da̭dhāti॒ śāntyai॒ sīda॒ tva-mmā॒tura॒syā u॒pastha॒ iti̭ ti॒sṛbhi̭rjā॒tamupa̭ tiṣṭhate॒ traya̭ i॒me lo॒kā e॒ṣvḙva lo॒keṣvā॒vida̭-ṅgaccha॒tyatho᳚ prā॒ṇāne॒vā-''tma-ndha̭tte || 50 ||

( pra॒jāpa̭ti--r ṛcche॒th - svā - me॒vānnaṃ॒ - teja̭sā॒ - catṷstrigṃśacca) (a. 9)

na ha̭ sma॒ vai pu॒rā-'gnirapa̭raśuvṛkṇa-ndahati॒ tada̭smai prayo॒ga e॒varṣi̭rasvadaya॒-dyada̭gne॒ yāni॒ kāni॒ ceti̭ sa॒midha॒mā da̭dhā॒tyapa̭raśuvṛkṇa-me॒vāsmai᳚ svadayati॒ sarva̭masmai svadate॒ ya e॒vaṃ-ve~daudṷmbarī॒mā da̭dhā॒tyūrgvā ṷdu॒mbara॒ ūrja̭me॒vāsmā॒ api̭ dadhāti pra॒jāpa̭tira॒gni-ma̭sṛjata॒ tagṃ sṛ॒ṣṭagṃ rakṣāg̭- [sṛ॒ṣṭagṃ rakṣāgṃ̭si, a॒ji॒ghā॒gṃ॒sa॒nthsa e॒ta-] 51

-syajighāgṃsa॒nthsa e॒ta-drā᳚kṣo॒ghnama̭paśya॒-ttena॒ vai sarakṣā॒g॒syapā̭-'hata॒ ya-drā᳚kṣo॒ghna-mbhava̭tya॒gnere॒va tena̭ jā॒tā-drakṣā॒g॒syapa̭ ha॒ntyāśva̭tthī॒mā da̭dhātyaśva॒ttho vai vana॒spatī̭nāgṃ sapatnasā॒ho viji̭tyai॒ vaika̭ṅkatī॒mā da̭dhāti॒ bhā e॒vāva̭ rundhe śamī॒mayī॒mā da̭dhāti॒ śāntyai॒ sagṃśi̭ta-mme॒ brahmodḙṣā-mbā॒hū a̭tira॒mityṷtta॒me audṷmbarī [audṷmbarī, vā॒ca॒ya॒ti॒ brahma̭ṇai॒va] 52

vācayati॒ brahma̭ṇai॒va kṣa॒tragṃ sagg śya̭ti kṣa॒treṇa॒ brahma॒ tasmā᳚-dbrāhma॒ṇo rā̭ja॒nya̭vā॒natya॒nya-mbrā᳚hma॒ṇa-ntasmā᳚-drāja॒nyo᳚ brāhma॒ṇavā॒natya॒nyagṃ rā̭ja॒nya̭-mmṛ॒tyurvā e॒ṣa yada॒gnira॒mṛta॒gṃ॒ hira̭ṇyagṃ ru॒kmamanta̭ra॒-mprati̭muñcate॒ 'mṛta̭me॒va mṛ॒tyora॒ntardha̭tta॒ eka̭vigṃśatinirbādho bhava॒tyeka̭vigṃśati॒rvai dḙvalo॒kā dvāda̭śa॒ māsāḥ॒ pañca॒rtava॒straya̭ i॒me lo॒kā a॒sāvā̭di॒tya [a॒sāvā̭di॒tyaḥ, e॒ka॒vi॒gṃ॒śa e॒tāva̭nto॒ vai] 53

ḙkavi॒gṃ॒śa e॒tāva̭nto॒ vai dḙvalo॒kāstebhya̭ e॒va bhrātṛ̭vyama॒ntarḙti nirbā॒dhairvai de॒vā asṷrā-nnirbā॒dhḙ-'kurvata॒ tanni̭rbā॒dhānā᳚-nnirbādha॒tva-nni̭rbā॒dhī bha̭vati॒ bhrātṛ̭vyāne॒va ni̭rbā॒dhe kṷrute sāvitri॒yā prati̭muñcate॒ prasū᳚tyai॒ nakto॒ṣāsetyutta̭rayā 'horā॒trābhyā̭me॒vaina॒-mudya̭cchate de॒vā a॒gni-ndhā̭raya-ndraviṇo॒dā ityā̭ha prā॒ṇā vai de॒vā dra̭viṇo॒dā a̭horā॒trābhyā̭me॒vaina̭mu॒dyatya̭ [ ] 54

prā॒ṇairdā̭dhā॒rā ''sī̭naḥ॒ prati̭muñcate॒ tasmā॒dāsī̭nāḥ pra॒jāḥ prajā̭yante kṛṣṇāji॒namutta̭ra॒-ntejo॒ vai hira̭ṇya॒-mbrahma̭ kṛṣṇāji॒na-nteja̭sā cai॒vaina॒-mbrahma̭ṇā cobha॒yataḥ॒ pari̭gṛhṇāti॒ ṣaḍṷdyāmagṃ śi॒kya̭-mbhavati॒ ṣaḍvā ṛ॒tava̭ ṛ॒tubhi̭re॒vaina॒-mudya̭cchate॒ ya-ddvāda̭śodyāmagṃ saṃva~thsa॒reṇai॒va mau॒ñja-mbha̭va॒tyūrgvai muñjā̭ ū॒rjaivaina॒gṃ॒ sa ma̭rdhayati supa॒rṇo̭-'si ga॒rutmā॒nityave᳚kṣate rū॒pame॒vāsyai॒tanma̭hi॒mānaṃ॒-vyā~ca̭ṣṭe॒ diva̭-ṅgaccha॒ suvaḥ̭ pa॒tetyā̭ha suva॒rgame॒vainaṃ̭-lo~॒ka-ṅga̭mayati || 55 ||

(rakṣā॒g॒syau - dṷbaṃri - ādi॒tya - u॒dyatya॒ - saṃ - catṷrvigṃśatiśca) (a. 10)

sami̭ddho a॒ñjan kṛda̭ra-mmatī॒nā-ṅghṛ॒tama̭gne॒ madhṷma॒-tpinva̭mānaḥ | vā॒jī vaha̭n vā॒jina̭-ñjātavedo de॒vānāṃ᳚-va~kṣi pri॒yamā sa॒dhastha᳚m || ghṛ॒tenā॒ñjanthsa-mpa॒tho dḙva॒yānā᳚-nprajā॒nan vā॒jyapyḙtu de॒vān | anṷ tvā sapte pra॒diśaḥ̭ sacantāg sva॒dhāma॒smai yaja̭mānāya dhehi || īḍya॒ścāsi॒ vandya̭śca vājinnā॒śuścāsi॒ meddhya̭śca sapte | a॒gniṣṭvā̭ [a॒gniṣṭvā᳚, de॒vairvasṷbhi-ssa॒joṣāḥ᳚] 56

de॒vairvasṷbhi-ssa॒joṣāḥ᳚ prī॒taṃ-va~hniṃ̭-va~hatu jā॒tavḙdāḥ || stī॒rṇa-mba॒r॒hi-ssu॒ṣṭarī̭mā juṣā॒ṇoru pṛ॒thu pratha̭māna-mpṛthi॒vyām | de॒vebhi̭ryu॒ktamadi̭ti-ssa॒joṣā᳚-ssyo॒na-ṅkṛ̭ṇvā॒nā sṷvi॒te da̭dhātu || e॒tā ṷ va-ssu॒bhagā̭ vi॒śvarṷ̄pā॒ vipakṣo̭bhi॒-śśraya̭māṇā॒ udātaiḥ᳚ | ṛ॒ṣvā-ssa॒tīḥ ka॒vaṣa॒-śśumbha̭mānā॒ dvāro̭ de॒vī-ssṷprāya॒ṇā bha̭vantu || a॒nta॒rā mi॒trāvarṷṇā॒ cara̭ntī॒ mukhaṃ̭-ya~॒jñānā̭ma॒bhi saṃ̭vi~dā॒ne | u॒ṣāsā̭ vāgṃ [u॒ṣāsā̭ vām, su॒hi॒ra॒ṇye sṷśi॒lpe] 57

suhira॒ṇye sṷśi॒lpe ṛ॒tasya॒ yonā̭vi॒ha sā̭dayāmi || pra॒tha॒mā vāgṃ̭ sara॒thinā̭ su॒varṇā̭ de॒vau paśya̭ntau॒ bhuva̭nāni॒ viśvā᳚ | api̭praya॒-ñcoda̭nā vā॒-mmimā̭nā॒ hotā̭rā॒ jyotiḥ̭ pra॒diśā̭ di॒śantā᳚ || ā॒di॒tyairno॒ bhāra̭tī vaṣṭu ya॒jñagṃ sara̭svatī sa॒ha ru॒drairna̭ āvīt | iḍopa̭hūtā॒ vasṷbhi-ssa॒joṣā̭ ya॒jña-nno̭ devīra॒mṛtḙṣu dhatta || tvaṣṭā̭ vī॒ra-nde॒vakā̭ma-ñjajāna॒ tvaṣṭu॒rarvā̭ jāyata ā॒śuraśvaḥ̭ | 58

tvaṣṭe॒daṃ-vi~śva॒-mbhuva̭na-ñjajāna ba॒hoḥ ka॒rtāra̭mi॒ha ya̭kṣi hotaḥ || aśvo̭ ghṛ॒tena॒ tmanyā॒ sama̭kta॒ upa̭ de॒vāgṃ ṛ̭tu॒śaḥ pātha̭ etu | vana॒spati̭-rdevalo॒ka-mpra̭jā॒nanna॒gninā̭ ha॒vyā sva̭di॒tāni̭ vakṣat || pra॒jāpa̭te॒stapa̭sā vāvṛdhā॒na-ssa॒dyo jā॒to da̭dhiṣe ya॒jñama̭gne | svāhā̭kṛtena ha॒viṣā̭ purogā yā॒hi sā॒ddhyā ha॒vira̭dantu de॒vāḥ || 59 ||

(a॒gniṣṭvā̭ - vā॒ - maśvo॒ - dvica̭tvārigṃśacca) (a. 11)

(sā॒vi॒trāṇi॒ - vyṛ̭ddha॒ - mutkrā̭ma - de॒vasya̭ khanati - krū॒raṃ -~vā̭ru॒ṇaḥ - sa॒ptabhi॒ - reka̭vigṃśatyā - ṣa॒ḍbhi - rna ha̭ sma॒ - sami̭ddho a॒ñja - nnekā̭daśa )

(sā॒vi॒trā - ṇyutkrā̭ma - krū॒raṃ -~vā̭ru॒ṇaḥ - pa॒śavaḥ̭ syu॒ - rna ha̭ sma॒ - nava̭pañcā॒śat)

(sā॒vi॒trāṇi̭, ha॒vira̭dantu de॒vāḥ)

|| hariḥ̭ om ||

|| kṛṣṇa yajurvedīya taittirīya saṃhitāyā-mpañcamakāṇḍe prathamaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-म्पञ्चमकाण्डे प्रथमः प्रश्नः - उख्याग्निकथनं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

सा॒वि॒त्राणि॑ जुहोति॒ प्रसू᳚त्यै चतुर्गृही॒तेन॑ जुहोति॒ चतु॑ष्पादः प॒शवः॑ प॒शूने॒वा-ऽव॑ रुन्धे॒ चत॑स्रो॒ दिशो॑ दि॒क्ष्वे॑व प्रति॑ तिष्ठति॒ छन्दाग्ं॑सि दे॒वेभ्यो ऽपा᳚-ऽक्राम॒-न्न वो॑ भा॒गानि॑ ह॒व्यं-वँ॑क्ष्याम॒ इति॒ तेभ्य॑ ए॒तच्च॑तु-र्गृही॒तम॑-धारय-न्पुरो-ऽनु वा॒क्या॑यै या॒ज्या॑यै दे॒वता॑यै वषट्का॒राय॒ यच्च॑तुर्गृही॒त-ञ्जु॒होति॒ छन्दाग्॑स्ये॒व त-त्प्री॑णाति॒ तान्य॑स्य प्री॒तानि॑ दे॒वेभ्यो॑ ह॒व्यं-वँ॑हन्ति॒ य-ङ्का॒मये॑त॒ [य-ङ्का॒मये॑त, पापी॑यान्-थ्स्या॒दित्येकै॑क॒-] 1

पापी॑यान्-थ्स्या॒दित्येकै॑क॒-न्तस्य॑ जुहुया॒-दाहु॑तीभिरे॒वैन॒मप॑ गृह्णाति॒ पापी॑या-न्भवति॒ य-ङ्का॒मये॑त॒ वसी॑यान्-थ्स्या॒दिति॒ सर्वा॑णि॒ तस्या॑-ऽनु॒द्रुत्य॑ जुहुया॒दाहु॑त्यै॒वैन॑म॒भि क्र॑मयति॒ वसी॑या-न्भव॒त्यथो॑ य॒ज्ञस्यै॒वैषा-ऽभिक्रा᳚न्ति॒रेति॒ वा ए॒ष य॑ज्ञमु॒खा-दृद्ध्या॒ यो᳚-ऽग्नेर्दे॒वता॑या॒ एत्य॒ष्टावे॒तानि॑ सावि॒त्राणि॑ भवन्त्य॒ष्टाक्ष॑रा गाय॒त्री गा॑य॒त्रो᳚- [गा॑य॒त्रः, अ॒ग्निस्तेनै॒व] 2

-ऽग्निस्तेनै॒व य॑ज्ञमु॒खादृद्ध्या॑ अ॒ग्नेर्दे॒वता॑यै॒ नैत्य॒ष्टौ सा॑वि॒त्राणि॑ भव॒न्त्याहु॑तिर्नव॒मी त्रि॒वृत॑मे॒व य॑ज्ञमु॒खे विया॑तयति॒ यदि॑ का॒मये॑त॒ छन्दाग्ं॑सि यज्ञयश॒सेना᳚ ऽर्पयेय॒मित्यृच॑मन्त॒मा-ङ्कु॑र्या॒च्छन्दाग्॑स्ये॒व य॑ज्ञयश॒सेना᳚ ऽर्पयति॒ यदि॑ का॒मये॑त॒ यज॑मानं-यँज्ञयश॒सेना᳚-ऽर्पयेय॒मिति॒ यजु॑रन्त॒म-ङ्कु॑र्या॒-द्यज॑मानमे॒व य॑ज्ञयश॒सेना᳚-ऽर्पयत्यृ॒चा स्तोम॒ग्ं॒ सम॑र्ध॒ये- [सम॑र्ध॒येति॑, आ॒ह॒ समृ॑द्ध्यै] 3

-त्या॑ह॒ समृ॑द्ध्यै च॒तुर्भि॒रभ्रि॒मा द॑त्ते च॒त्वारि॒ छन्दाग्ं॑सि॒ छन्दो॑भिरे॒व दे॒वस्य॑ त्वा सवि॒तुः प्र॑स॒व इत्या॑ह॒ प्रसू᳚त्या अ॒ग्निर्दे॒वेभ्यो॒ निला॑यत॒ स वेणु॒-म्प्रा-ऽवि॑श॒-थ्स ए॒तामू॒तिमनु॒ सम॑चर॒-द्य-द्वेणो᳚-स्सुषि॒रग्ं सु॑षि॒रा-ऽभ्रि॑र्भवति सयोनि॒त्वाय॒ स यत्र॑य॒त्रा-ऽव॑स॒-त्त-त्कृ॒ष्णम॑भव-त्कल्मा॒षी भ॑वति रू॒पस॑मृद्ध्या उभयतः॒, क्ष्णूर्भ॑वती॒तश्चा॒-ऽ-मुत॑श्चा॒-ऽर्कस्या-व॑रुद्ध्यै व्याममा॒त्री भ॑वत्ये॒ताव॒द्वै पुरु॑षे वी॒र्यं॑-वीँ॒र्य॑सम्मि॒ता ऽप॑रिमिता भव॒त्य-प॑रिमित॒स्या-ऽ व॑रुद्ध्यै॒ यो वन॒स्पती॑ना-म्फल॒ग्रहि॒-स्स ए॑षां-वीँ॒र्या॑वा-न्फल॒ग्रहि॒र्वेणु॑-र्वैण॒वी भ॑वति वी॒र्य॑स्या व॑रुद्ध्यै ॥ 4 ॥

(का॒मये॑त - गाय॒त्रो᳚ - ऽर्ध॒येति॑ - च - स॒प्तविग्ं॑शतिश्च) (अ. 1)

व्यृ॑द्धं॒-वाँ ए॒त-द्य॒ज्ञस्य॒ यद॑य॒जुष्के॑ण क्रि॒यत॑ इ॒माम॑गृभ्ण-न्रश॒ना-मृ॒तस्येत्य॑श्वाभि॒धानी॒मा द॑त्ते॒ यजु॑ष्कृत्यै य॒ज्ञस्य॒ समृ॑द्ध्यै॒ प्रतू᳚र्तं-वाँजि॒न्ना द्र॒वेत्यश्व॑-म॒भि द॑धाति रू॒पमे॒वा-ऽस्यै॒त-न्म॑हि॒मानं॒-व्याँच॑ष्टे यु॒ञ्जाथा॒ग्ं॒ रास॑भं-युँ॒वमिति॑ गर्द॒भ-मस॑त्ये॒व ग॑र्द॒भ-म्प्रति॑ ष्ठापयति॒ तस्मा॒दश्वा᳚-द्गर्द॒भो-ऽस॑त्तरो॒ योगे॑योगे त॒वस्त॑र॒मित्या॑ह॒ [त॒वस्त॑र॒मित्या॑ह, योगे॑योग] 5

योगे॑योग ए॒वैनं॑-युँङ्क्ते॒ वाजे॑वाजे हवामह॒ इत्या॒हान्नं॒-वैँ वाजो-ऽन्न॑मे॒वाव॑ रुन्धे॒ सखा॑य॒ इन्द्र॑मू॒तय॒ इत्या॑हेन्द्रि॒यमे॒वाव॑ रुन्धे॒ ऽग्निर्दे॒वेभ्यो॒ निला॑यत॒ त-म्प्र॒जाप॑ति॒रन्व॑विन्द-त्प्राजाप॒त्यो-ऽश्वो ऽश्वे॑न॒ स-म्भ॑र॒त्यनु॑वित्त्यै पापवस्य॒सं-वाँ ए॒त-त्क्रि॑यते॒ यच्छ्रेय॑सा च॒ पापी॑यसा च समा॒न-ङ्कर्म॑ कु॒र्वन्ति॒ पापी॑या॒न्॒.- [पापी॑यान्, ह्यश्वा᳚-द्गर्द॒भो-ऽश्व॒-] 6

-ह्यश्वा᳚-द्गर्द॒भो-ऽश्व॒-म्पूर्व॑-न्नयन्ति पापवस्य॒-सस्य॒ व्यावृ॑त्त्यै॒ तस्मा॒च्छ्रेयाग्ं॑स॒-म्पापी॑या-न्प॒श्चादन्वे॑ति ब॒हुर्वै भव॑तो॒ भ्रातृ॑व्यो॒ भव॑तीव॒ खलु॒ वा ए॒ष यो᳚-ऽग्नि-ञ्चि॑नु॒ते व॒ज्र्यश्वः॑ प्र॒तूर्व॒न्नेह्य॑व॒-क्राम॒न्न-श॑स्ती॒रित्या॑ह॒ वज्रे॑णै॒व पा॒प्मान॒-म्भ्रातृ॑व्य॒मव॑ क्रामति रु॒द्रस्य॒ गाण॑पत्या॒दित्या॑ह रौ॒द्रा वै प॒शवो॑ रु॒द्रादे॒व [ ] 7

प॒शू-न्नि॒र्याच्या॒-ऽऽत्मने॒ कर्म॑ कुरुते पू॒ष्णा स॒युजा॑ स॒हेत्या॑ह पू॒षा वा अद्ध्व॑नाग्ं सन्ने॒ता सम॑ष्ट्यै॒ पुरी॑षायतनो॒ वा ए॒ष यद॒ग्निरङ्गि॑रसो॒ वा ए॒तमग्रे॑ दे॒वता॑ना॒ग्ं॒ सम॑भर-न्पृथि॒व्या-स्स॒धस्था॑द॒ग्नि-म्पु॑री॒ष्य॑-मङ्गिर॒स्व-दच्छे॒हीत्या॑ह॒ साय॑तनमे॒वैन॑-न्दे॒वता॑भि॒-स्स-म्भ॑रत्य॒ग्नि-म्पु॑री॒ष्य॑-मङ्गिर॒स्व- दच्छे॑म॒ इत्या॑ह॒ येन॑ [ ] 8

स॒ङ्गच्छ॑ते॒ वाज॑मे॒वास्य॑ वृङ्क्ते प्र॒जाप॑तये प्रति॒प्रोच्या॒ग्नि-स्स॒म्भृत्य॒ इत्या॑हुरि॒यं-वैँ प्र॒जाप॑ति॒स्तस्या॑ ए॒तच्छ्रोत्रं॒-यँद्व॒ल्मीको॒-ऽग्नि-म्पु॑री॒ष्य॑-मङ्गिर॒स्व-द्भ॑रिष्याम॒ इति॑ वल्मीकव॒पामुप॑ तिष्ठते सा॒क्षादे॒व प्र॒जाप॑तये प्रति॒प्रोच्या॒-ऽग्निग्ं स-म्भ॑रत्य॒ग्नि-म्पु॑री॒ष्य॑-मङ्गिर॒स्व-द्भ॑राम॒ इत्या॑ह॒ येन॑ स॒गञ्च्छ॑ते॒ वाज॑मे॒वास्य॑ वृ॒ङ्क्ते ऽन्व॒ग्निरु॒षसा॒मग्र॑- [-ऽन्व॒ग्निरु॒षसा॒मग्र᳚म्, अ॒ख्य॒दित्या॒हा-] 9

-मख्य॒दित्या॒हा-नु॑ख्यात्या आ॒गत्य॑ वा॒ज्यद्ध्व॑न आ॒क्रम्य॑ वाजि-न्पृथि॒वीमित्या॑हे॒च्छत्ये॒वैन॒-म्पूर्व॑या वि॒न्दत्युत्त॑रया॒ द्वाभ्या॒मा क्र॑मयति॒ प्रति॑ष्ठित्या॒ अनु॑रूपाभ्या॒-न्तस्मा॒दनु॑रूपाः प॒शवः॒ प्रजा॑यन्ते॒ द्यौस्ते॑ पृ॒ष्ठ-म्पृ॑थि॒वी स॒धस्थ॒मित्या॑है॒भ्यो वा ए॒तं-लोँ॒केभ्यः॑ प्र॒जाप॑ति॒-स्समै॑रय-द्रू॒पमे॒वास्यै॒-तन्म॑हि॒मानं॒-व्याँच॑ष्टे व॒ज्री वा ए॒ष यदश्वो॑ द॒-द्भिर॒न्यतो॑दद्भ्यो॒ भूयां॒-लोँम॑भिरुभ॒याद॑द्भ्यो॒ य-न्द्वि॒ष्या-त्तम॑धस्प॒द-न्ध्या॑ये॒-द्वज्रे॑णै॒वैनग्ग्॑ स्तृणुते ॥ 10 ॥

(आ॒ह॒ - पापी॑यान् - रु॒द्रादे॒व - येना - ऽग्रं॑ - ँव॒ज्री वै - स॒प्तद॑श च) (अ. 2)

उत्क्रा॒मो-द॑क्रमी॒दिति॒ द्वाभ्या॒मुत्क्र॑मयति॒ प्रति॑ष्ठित्या॒ अनु॑रूपाभ्या॒-न्तस्मा॒दनु॑रूपाः प॒शवः॒ प्रजा॑यन्ते॒ ऽप उप॑ सृजति॒ यत्र॒ वा आप॑ उप॒ गच्छ॑न्ति॒ तदोष॑धयः॒ प्रति॑ तिष्ठ॒न्त्योष॑धीः प्रति॒तिष्ठ॑न्तीः प॒शवो-ऽनु॒ प्रति॑ तिष्ठन्ति प॒शून्. य॒ज्ञो य॒ज्ञं-यँज॑मानो॒ यज॑मान-म्प्र॒जास्तस्मा॑द॒प उप॑ सृजति॒ प्रति॑ष्ठित्यै॒ यद॑द्ध्व॒र्यु-र॑न॒ग्नावाहु॑ति-ञ्जुहु॒याद॒न्धो᳚ ऽद्ध्व॒र्यु- [-ऽद्ध्व॒र्युः, स्या॒-द्रक्षाग्ं॑सि] 11

-स्स्या॒-द्रक्षाग्ं॑सि य॒ज्ञग्ं ह॑न्यु॒र्॒हिर॑ण्यमु॒पास्य॑ जुहोत्यग्नि॒वत्ये॒व जु॑होति॒ नान्धो᳚-ऽद्ध्व॒र्युर्भव॑ति॒ न य॒ज्ञग्ं रक्षाग्ं॑सि घ्नन्ति॒ जिघ॑र्म्य॒ग्नि-म्मन॑सा घृ॒तेनेत्या॑ह॒ मन॑सा॒ हि पुरु॑षो य॒ज्ञम॑भि॒गच्छ॑ति प्रति॒क्ष्यन्त॒-म्भुव॑नानि॒ विश्वेत्या॑ह॒ सर्व॒ग्ग्॒ ह्ये॑ष प्र॒त्य-ङ्क्षेति॑ पृ॒थु-न्ति॑र॒श्चा वय॑सा बृ॒हन्त॒मित्या॒हा-ऽल्पो॒ ह्ये॑ष जा॒तो म॒हा- [म॒हान्, भव॑ति॒] 12

-न्भव॑ति॒ व्यचि॑ष्ठ॒मन्नग्ं॑ रभ॒सं-विँदा॑न॒मित्या॒हा ऽन्न॑मे॒वा-ऽस्मै᳚ स्वदयति॒ सर्व॑मस्मै स्वदते॒ य ए॒वं-वेँदा ऽऽत्वा॑ जिघर्मि॒ वच॑सा घृ॒तेनेत्या॑ह॒ तस्मा॒-द्य-त्पुरु॑षो॒ मन॑सा-ऽभि॒गच्छ॑ति॒ त-द्वा॒चा व॑दत्य र॒क्षसेत्या॑ह॒ रक्ष॑सा॒मप॑हत्यै॒ मर्य॑श्री-स्स्पृह॒य-द्व॑र्णो अ॒ग्निरित्या॒हा-प॑चितिमे॒वा-ऽस्मि॑-न्दधा॒त्य-प॑चितिमा-न्भवति॒ य ए॒वं- [य ए॒वम्, वेद॒ मन॑सा॒ त्वै] 13

-ँवेद॒ मन॑सा॒ त्वै तामाप्तु॑मर्हति॒ याम॑द्ध्व॒र्युर॑-न॒ग्नावाहु॑ति-ञ्जु॒होति॒ मन॑स्वतीभ्या-ञ्जुहो॒त्याहु॑त्यो॒राप्त्यै॒ द्वाभ्या॒-म्प्रति॑ष्ठित्यै यज्ञमु॒खे य॑ज्ञमुखे॒ वै क्रि॒यमा॑णे य॒ज्ञग्ं रक्षाग्ं॑सि जिघाग्ं सन्त्ये॒तर्हि॒ खलु॒ वा ए॒त-द्य॑ज्ञमु॒खं-यँर्ह्ये॑न॒-दाहु॑ति-रश्ञु॒ते परि॑ लिखति॒ रक्ष॑सा॒मप॑हत्यै ति॒सृभिः॒ परि॑ लिखति त्रि॒वृद्वा अ॒ग्निर्यावा॑ने॒वा-ऽग्निस्तस्मा॒-द्रक्षा॒ग्॒स्यप॑ हन्ति [हन्ति, गा॒य॒त्रि॒या परि॑] 14

गायत्रि॒या परि॑ लिखति॒ तेजो॒ वै गा॑य॒त्री तेज॑सै॒वैन॒-म्परि॑गृह्णाति त्रि॒ष्टुभा॒ परि॑ लिखतीन्द्रि॒यं-वैँ त्रि॒ष्टु-गि॑न्द्रि॒येणै॒वैन॒-म्परि॑ गृह्णात्यनु॒ष्टुभा॒ परि॑ लिखत्यनु॒ष्टु-फ्सर्वा॑णि॒ छन्दाग्ं॑सि परि॒भूः पर्या᳚प्त्यै मद्ध्य॒तो॑-ऽनु॒ष्टुभा॒ वाग्वा अ॑नु॒ष्टु-प्तस्मा᳚-न्मद्ध्य॒तो वा॒चा व॑दामो गायत्रि॒या प्र॑थ॒मया॒ परि॑ लिख॒त्यथा॑-ऽनु॒ष्टुभा-ऽथ॑ त्रि॒ष्टुभा॒ तेजो॒ वै गा॑य॒त्री य॒ज्ञो॑ ऽनु॒ष्टुगि॑न्द्रि॒य-न्त्रि॒ष्टु-प्तेज॑सा चै॒वेन्द्रि॒येण॑ चोभ॒यतो॑ य॒ज्ञ-म्परि॑ गृह्णाति ॥ 15 ॥

(अ॒न्धो᳚-ऽद्ध्व॒र्यु - र्म॒हान् - भ॑वति॒ य ए॒वग्ं - ह॑न्ति - त्रि॒ष्टुभा॒ तेजो॒ वै गा॑य॒त्री - त्रयो॑दश च) (अ. 3)

दे॒वस्य॑ त्वा सवि॒तुः प्र॑स॒व इति॑ खनति॒ प्रसू᳚त्या॒ अथो॑ धू॒म-मे॒वैतेन॑ जनयति॒ ज्योति॑ष्मन्त-न्त्वा-ऽग्ने सु॒प्रती॑क॒-मित्या॑ह॒ ज्योति॑रे॒वैतेन॑ जनयति॒ सो᳚-ऽग्निर्जा॒तः प्र॒जा-श्शु॒चा-ऽऽर्प॑य॒-त्त-न्दे॒वा अ॑र्ध॒र्चेना॑-शमयञ्छि॒व-म्प्र॒जाभ्यो-ऽहिग्ं॑ सन्त॒मित्या॑ह प्र॒जाभ्य॑ ए॒वैनग्ं॑ शमयति॒ द्वाभ्या᳚-ङ्खनति॒ प्रति॑ष्ठित्या अ॒पा-म्पृ॒ष्ठम॒सीति॑ पुष्करप॒र्णमा [पुष्करप॒र्णमा, ह॒र॒त्य॒पां-वाँ] 16

ह॑रत्य॒पां-वाँ ए॒त-त्पृ॒ष्ठं-यँ-त्पु॑ष्करप॒र्णग्ं रू॒पेणै॒वैन॒दा ह॑रति पुष्करप॒र्णेन॒ स-म्भ॑रति॒ योनि॒र्वा अ॒ग्नेः पु॑ष्करप॒र्णग्ं सयो॑निमे॒वाग्निग्ं सम्भ॑रति कृष्णाजि॒नेन॒ सम्भ॑रति य॒ज्ञो वै कृ॑ष्णाजि॒नं-यँ॒ज्ञेनै॒व य॒ज्ञग्ं सम्भ॑रति॒ य-द्ग्रा॒म्याणा᳚-म्पशू॒ना-ञ्चर्म॑णा स॒म्भरे᳚-द्ग्रा॒म्या-न्प॒शूञ्छु॒चा-ऽर्प॑ये-त्कृष्णाजि॒नेन॒ सम्भ॑रत्यार॒ण्याने॒व प॒शू- [प॒शून्, शु॒चा-ऽर्प॑यति॒] 17

-ञ्छु॒चा-ऽर्प॑यति॒ तस्मा᳚-थ्स॒माव॑-त्पशू॒ना-म्प्र॒जाय॑मानाना-मार॒ण्याः प॒शवः॒ कनी॑याग्ंस-श्शु॒चा ह्यृ॑ता लो॑म॒त-स्सम्भ॑र॒त्यतो॒ ह्य॑स्य॒ मेद्ध्य॑-ङ्कृष्णाजि॒न-ञ्च॑ पुष्करप॒र्ण-ञ्च॒ सग्ग् स्तृ॑णाती॒यं-वैँ कृ॑ष्णाजि॒नम॒सौ पु॑ष्करप॒र्ण-मा॒भ्या-मे॒वैन॑-मुभ॒यतः॒ परि॑गृह्णात्य॒-ग्निर्दे॒वेभ्यो॒ निला॑यत॒ तमथ॒र्वा-ऽन्व॑पश्य॒दथ॑र्वा त्वा प्रथ॒मो निर॑मन्थदग्न॒ इ- [निर॑मन्थदग्न॒ इति॑, आ॒ह॒ य ए॒वैन॑-] 18

-त्या॑ह॒ य ए॒वैन॑-म॒न्वप॑श्य॒-त्तेनै॒वैन॒ग्ं॒ सम्भ॑रति॒ त्वाम॑ग्ने॒ पुष्क॑रा॒दधीत्या॑ह पुष्करप॒र्णे ह्ये॑न॒मुप॑श्रित॒-मवि॑न्द॒-त्तमु॑ त्वा द॒द्ध्यङ्ङृषि॒रित्या॑ह द॒द्ध्यङ् वा आ॑थर्व॒ण-स्ते॑ज॒स्व्या॑सी॒-त्तेज॑ ए॒वास्मि॑-न्दधाति॒ तमु॑ त्वा पा॒थ्यो वृषेत्या॑ह॒ पूर्व॑मे॒वोदि॒त-मुत्त॑रेणा॒भि गृ॑णाति [गृ॑णाति, च॒त॒सृभि॒-स्सम्भ॑रति] 19

चत॒सृभि॒-स्सम्भ॑रति च॒त्वारि॒ छन्दाग्ं॑सि॒ छन्दो॑भिरे॒व गा॑य॒त्रीभि॑र्ब्राह्म॒णस्य॑ गाय॒त्रो हि ब्रा᳚ह्म॒ण-स्त्रि॒ष्टुग्भी॑ राज॒न्य॑स्य॒ त्रैष्टु॑भो॒ हि रा॑ज॒न्यो॑ य-ङ्का॒मये॑त॒ वसी॑यान्-थ्स्या॒दित्यु॒भयी॑भि॒स्तस्य॒ सम्भ॑रे॒-त्तेज॑श्चै॒वा-ऽस्मा॑ इन्द्रि॒य-ञ्च॑ स॒मीची॑ दधात्यष्टा॒भि-स्सम्भ॑रत्य॒ष्टाक्ष॑रा गाय॒त्री गा॑य॒त्रो᳚ ऽग्निर्यावा॑ने॒वा-ऽग्निस्तग्ं सम्भ॑रति॒ सीद॑ होत॒रित्या॑- -ह दे॒वता॑ ए॒वास्मै॒ सग्ं सा॑दयति॒ नि होतेति॑ मनु॒ष्या᳚न्-थ्सग्ं सी॑द॒स्वेति॒ वयाग्ं॑सि॒ जनि॑ष्वा॒ हि जेन्यो॒ अग्रे॒ अह्ना॒मित्या॑ह देव मनु॒ष्याने॒वा-ऽस्मै॒ सग्ंस॑न्ना॒-न्प्रज॑नयति ॥ 20

(ऐ - व प॒शू - निति॑ - गृणाति - होत॒रिति॑ - स॒प्तविग्ं॑शतिश्च) (अ. 4)

क्रू॒रमि॑व॒ वा अ॑स्या ए॒त-त्क॑रोति॒ य-त्खन॑त्य॒प उप॑ सृज॒त्यापो॒ वै शा॒न्ता-श्शा॒न्ताभि॑रे॒वा-ऽस्यै॒ शुचग्ं॑ शमयति॒ स-न्ते॑ वा॒युर्मा॑त॒रिश्वा॑ दधा॒त्वित्या॑ह प्रा॒णो वै वा॒युः प्रा॒णेनै॒वास्यै᳚ प्रा॒णग्ं स-न्द॑धाति॒ स-न्ते॑ वा॒युरित्या॑ह॒ तस्मा᳚-द्वा॒युप्र॑च्युता दि॒वो वृष्टि॑रीर्ते॒ तस्मै॑ च देवि॒ वष॑डस्तु॒ [वष॑डस्तु, तुभ्य॒मित्या॑ह॒] 21

तुभ्य॒मित्या॑ह॒ षड्वा ऋ॒तव॑ ऋ॒तुष्वे॒व वृष्टि॑-न्दधाति॒ तस्मा॒-थ्सर्वा॑नृ॒तून्. व॑र्षति॒ य-द्व॑षट्कु॒र्या-द्या॒तया॑मा-ऽस्य वषट्का॒र-स्स्या॒द्यन्न व॑षट्कु॒र्या-द्रक्षाग्ं॑सि य॒ज्ञग्ं ह॑न्यु॒र्वडित्या॑ह प॒रोक्ष॑मे॒व वष॑-ट्करोति॒ नास्य॑ या॒तया॑मा वषट्का॒रो भव॑ति॒ न य॒ज्ञग्ं रक्षाग्ं॑सि घ्नन्ति॒ सुजा॑तो॒ ज्योति॑षा स॒हेत्य॑नु॒ष्टुभोप॑ नह्यत्यनु॒ष्टु- [नह्यत्यनु॒ष्टुप्, सर्वा॑णि॒ छन्दाग्ं॑सि॒] 22

-फ्सर्वा॑णि॒ छन्दाग्ं॑सि॒ छन्दाग्ं॑सि॒ खलु॒ वा अ॒ग्नेः प्रि॒या त॒नूः प्रि॒ययै॒वैन॑-न्त॒नुवा॒ परि॑ दधाति॒ वेदु॑को॒ वासो॑ भवति॒य ए॒वं-वेँद॑ वारु॒णो वा अ॒ग्निरुप॑नद्ध॒ उदु॑ तिष्ठ स्वद्ध्वरो॒र्ध्व ऊ॒ षुण॑ ऊ॒तय॒ इति॑ सावि॒त्रीभ्या॒मु-त्ति॑ष्ठति सवि॒तृप्र॑सूत ए॒वास्यो॒र्ध्वां-वँ॑रुणमे॒निमु-थ्सृ॑जति॒ द्वाभ्या॒-म्प्रति॑ष्ठित्यै॒ स जा॒तो गर्भो॑ असि॒ [गर्भो॑ असि, रोद॑स्यो॒रित्या॑हे॒मे] 23

रोद॑स्यो॒रित्या॑हे॒मे वै रोद॑सी॒ तयो॑रे॒ष गर्भो॒ यद॒ग्नि-स्तस्मा॑-दे॒वमा॒हाग्ने॒ चारु॒र्विभृ॑त॒ ओष॑धी॒ष्वित्या॑ह य॒दा ह्ये॑तं-विँ॒भर॒न्त्यथ॒ चारु॑तरो॒ भव॑ति॒ प्र मा॒तृभ्यो॒ अधि॒ कनि॑क्रद-द्गा॒ इत्या॒हौष॑धयो॒ वा अ॑स्य मा॒तर॒स्ताभ्य॑ ए॒वैन॒-म्प्रच्या॑वयति स्थि॒रो भ॑व वी॒ड्व॑ङ्ग॒ इति॑ गर्द॒भ आ सा॑दयति॒ [आ सा॑दयति, स-न्न॑ह्यत्ये॒वैन॑-] 24

स-न्न॑ह्यत्ये॒वैन॑-मे॒तया᳚ स्थे॒म्ने ग॑र्द॒भेन॒ सम्भ॑रति॒ तस्मा᳚-द्गर्द॒भः प॑शू॒ना-म्भा॑रभा॒रित॑मो गर्द॒भेन॒ स-म्भ॑रति॒ तस्मा᳚-द्गर्द॒भो-ऽप्य॑नाले॒शे-ऽत्य॒न्या-न्प॒शू-न्मे᳚द्य॒त्यन्न॒ग्ग्॒ ह्ये॑नेना॒-ऽर्कग्ं स॒म्भर॑न्ति गर्द॒भेन॒ सम्भ॑रति॒ तस्मा᳚-द्गर्द॒भो द्वि॒रेता॒-स्सन् कनि॑ष्ठ-म्पशू॒ना-म्प्रजा॑यते॒-ऽग्निर्ह्य॑स्य॒ योनि॑-न्नि॒र्दह॑ति प्र॒जासु॒ वा ए॒ष ए॒तर्ह्यारू॑ढ॒- [ए॒तर्ह्यारू॑ढः, स ई᳚श्व॒रः प्र॒जा-श्शु॒चा] 25

-स्स ई᳚श्व॒रः प्र॒जा-श्शु॒चा प्र॒दहः॑ शि॒वो भ॑व प्र॒जाभ्य॒ इत्या॑ह प्र॒जाभ्य॑ ए॒वैनग्ं॑ शमयति॒ मानु॑षीभ्य॒स्त्वम॑ङ्गिर॒ इत्या॑ह मान॒व्यो॑ हि प्र॒जा मा द्यावा॑पृथि॒वी अ॒भि शू॑शुचो॒ मा-ऽन्तरि॑क्ष॒-म्मा वन॒स्पती॒नित्या॑है॒भ्य ए॒वैनं॑-लोँ॒केभ्यः॑ शमयति॒ प्रैतु॑ वा॒जी कनि॑क्रद॒दित्या॑ह वा॒जी ह्ये॑ष नान॑द॒-द्रास॑भः॒ पत्वे- [पत्वेति, आ॒ह॒ रास॑भ॒ इति॒] 26

-त्या॑ह॒ रास॑भ॒ इति॒ ह्ये॑तमृष॒यो-ऽव॑द॒-न्भर॑न्न॒ग्नि-म्पु॑री॒ष्य॑मित्या॑हा॒-ऽग्निग्ग् ह्ये॑ष भर॑ति॒ मा पा॒द्यायु॑षः पु॒रेत्या॒हा-ऽऽयु॑रे॒वा-ऽस्मि॑-न्दधाति॒ तस्मा᳚-द्गर्द॒भ-स्सर्व॒मायु॑रेति॒ तस्मा᳚-द्गर्द॒भे पु॒रा-ऽऽयु॑षः॒ प्रमी॑ते बिभ्यति॒ वृषा॒-ऽग्निं-वृँष॑ण॒-म्भर॒न्नित्या॑ह॒ वृषा॒ ह्ये॑ष वृषा॒-ऽग्निर॒पा-ङ्गर्भग्ं॑ - [वृषा॒-ऽग्निर॒पा-ङ्गर्भ᳚म्, स॒मु॒द्रिय॒-] 27

समु॒द्रिय॒-मित्या॑हा॒-ऽपाग् ह्ये॑ष गर्भो॒ यद॒ग्निरग्न॒ आ या॑हि वी॒तय॒ इति॒ वा इ॒मौ लो॒कौ व्यै॑ता॒मग्न॒ आ या॑हि वी॒तय॒ इति॒ यदाहा॒ ऽनयो᳚र्लो॒कयो॒-र्वीत्यै॒ प्रच्यु॑तो॒ वा ए॒ष आ॒यत॑ना॒दग॑तः प्रति॒ष्ठाग्ं स ए॒तर्ह्य॑द्ध्व॒र्यु-ञ्च॒ यज॑मान-ञ्च द्ध्यायत्यृ॒तग्ं स॒त्यमित्या॑हे॒यं-वाँ ऋ॒तम॒सौ [ ] 28

स॒त्यम॒नयो॑रे॒वैन॒-म्प्रति॑ ष्ठापयति॒ ना-ऽऽर्ति॒मार्च्छ॑त्यद्ध्व॒र्युर्न यज॑मानो॒ वरु॑णो॒ वा ए॒ष यज॑मानम॒भ्यैति॒ यद॒ग्निरुप॑नद्ध॒ ओष॑धयः॒ प्रति॑ गृह्णीता॒ग्निमे॒त-मित्या॑ह॒ शान्त्यै॒ व्यस्य॒न् विश्वा॒ अम॑ती॒ररा॑ती॒-रित्या॑ह॒ रक्ष॑सा॒मप॑हत्यै नि॒षीद॑-न्नो॒ अप॑ दुर्म॒तिग्ं ह॑न॒दित्या॑ह॒ प्रति॑ष्ठित्या॒ ओष॑धयः॒ प्रति॑मोदद्ध्व- [प्रति॑मोदद्ध्वम्, ए॒न॒मित्या॒हौष॑धयो॒] 29

-मेन॒मित्या॒हौष॑धयो॒ वा अ॒ग्नेर्भा॑ग॒धेय॒-न्ताभि॑रे॒वैन॒ग्ं॒ सम॑र्धयति॒ पुष्पा॑वती-स्सुपिप्प॒ला इत्या॑ह॒ तस्मा॒दोष॑धयः॒ फल॑-ङ्गृह्णन्त्य॒ यं-वोँ॒ गर्भ॑ ऋ॒त्वियः॑ प्र॒त्नग्ं स॒धस्थ॒मा-ऽस॑द॒दित्या॑ह॒ याभ्य॑ ए॒वैन॑-म्प्रच्या॒वय॑ति॒ तास्वे॒वैन॒-म्प्रति॑ष्ठापयति॒ द्वाभ्या॑मु॒पाव॑हरति॒ प्रति॑ष्ठित्यै ॥ 30 ॥

(अ॒स्त्व॒ - नु॒ष्टु - ब॑सि - सादय॒त्या - रू॑ढः॒-पत्वेति॒-गर्भ॑-म॒सौ - मो॑दद्ध्वं॒ - द्विच॑त्वारिग्ंशच्च) (अ. 5)

वा॒रु॒णो वा अ॒ग्निरुप॑नद्धो॒ वि पाज॒सेति॒ विस्रग्ं॑सयति सवि॒तृप्र॑सूत ए॒वास्य॒ विषू॑चीं-वँरुणमे॒निं-विँसृ॑जत्य॒प उप॑ सृज॒त्यापो॒ वै शा॒न्ता-श्शा॒न्ताभि॑रे॒वास्य॒ शुचग्ं॑ शमयति ति॒सृभि॒रुप॑ सृजति त्रि॒वृद्वा अ॒ग्निर्यावा॑ने॒वा-ग्निस्तस्य॒ शुचग्ं॑ शमयति मि॒त्र-स्स॒ग्ं॒सृज्य॑ पृथि॒वीमित्या॑ह मि॒त्रो वै शि॒वो दे॒वाना॒-न्तेनै॒वै- [दे॒वाना॒-न्तेनै॒व, ए॒न॒ग्ं॒ सग्ं सृ॑जति॒] 31

-न॒ग्ं॒ सग्ं सृ॑जति॒ शान्त्यै॒ यद्ग्रा॒म्याणा॒-म्पात्रा॑णा-ङ्क॒पालै᳚-स्सग्ंसृ॒जे-द्ग्रा॒म्याणि॒ पात्रा॑णि शु॒चा-ऽर्प॑येदर्मकपा॒लै-स्सग्ं सृ॑जत्ये॒तानि॒ वा अ॑नुपजीवनी॒यानि॒ तान्ये॒व शु॒चा-ऽर्प॑यति॒ शर्क॑राभि॒-स्सग्ं सृ॑जति॒ धृत्या॒ अथो॑ श॒न्त्वाया॑ जलो॒मै-स्सग्ं सृ॑जत्ये॒षा वा अ॒ग्नेः प्रि॒या त॒नूर्यद॒जा प्रि॒ययै॒वैन॑-न्त॒नुवा॒ सग्ं सृ॑ज॒त्यथो॒ तेज॑सा कृष्णाजि॒नस्य॒ लोम॑भि॒-स्सग्ं - [लोम॑भि॒-स्सम्, सृ॒ज॒ति॒ य॒ज्ञो वै] 32

सृ॑जति य॒ज्ञो वै कृ॑ष्णाजि॒नं-यँ॒ज्ञेनै॒व य॒ज्ञग्ं सग्ं सृ॑जति रु॒द्रा-स्स॒भृत्य॑ पृथि॒वीमित्या॑है॒ता वा ए॒त-न्दे॒वता॒ अग्रे॒ सम॑भर॒-न्ताभि॑रे॒वैन॒ग्ं॒ सम्भ॑रति म॒खस्य॒ शिरो॒-ऽसीत्या॑ह य॒ज्ञो वै म॒खस्तस्यै॒त-च्छिरो॒ यदु॒खा तस्मा॑दे॒वमा॑ह य॒ज्ञस्य॑ प॒दे स्थ॒ इत्या॑ह य॒ज्ञस्य॒ ह्ये॑ते [ ] 33

प॒दे अथो॒ प्रति॑ष्ठित्यै॒ प्रा-ऽन्याभि॒-र्यच्छ॒त्यन्व॒न्यै-र्म॑न्त्रयते मिथुन॒त्वाय॒ त्र्यु॑द्धि-ङ्करोति॒ त्रय॑ इ॒मे लो॒का ए॒षां-लोँ॒काना॒माप्त्यै॒ छन्दो॑भिः करोति वी॒र्यं॑-वैँ छन्दाग्ं॑सि वी॒र्ये॑णै॒वैना᳚-ङ्करोति॒ यजु॑षा॒ बिल॑-ङ्करोति॒ व्यावृ॑त्त्या॒ इय॑ती-ङ्करोति प्र॒जाप॑तिना यज्ञमु॒खेन॒ सम्मि॑ता-न्द्विस्त॒ना-ङ्क॑रोति॒ यावा॑पृथि॒व्योर्दोहा॑य॒ चतुः॑स्तना-ङ्करोति पशू॒ना-न्दोहा॑या॒ष्टास्त॑ना-ङ्करोति॒ छन्द॑सा॒-न्दोहा॑य॒ नवा᳚श्रि-मभि॒चर॑तः कुर्या-त्त्रि॒वृत॑मे॒व वज्रग्ं॑ स॒म्भृत्य॒ भ्रातृ॑व्याय॒ प्रह॑रति॒ स्तृत्यै॑ कृ॒त्वाय॒ सा म॒हीमु॒खामिति॒ नि द॑धाति दे॒वता᳚स्वे॒वैना॒-म्प्रति॑ष्ठापयति ॥ 34 ॥

(तेनै॒व - लोम॑भि॒-स्स - मे॒ते - अ॑भि॒चर॑त॒ - एक॑विग्ंशतिश्च) (अ. 6)

स॒प्तभि॑र्धूपयति स॒प्त वै शी॑र्ष॒ण्याः᳚ प्रा॒णा-श्शिर॑ ए॒त-द्य॒ज्ञस्य॒ यदु॒खा शी॒र्॒षन्ने॒व य॒ज्ञस्य॑ प्रा॒णा-न्द॑धाति॒ तस्मा᳚-थ्स॒प्त शी॒र्॒ष-न्प्रा॒णा अ॑श्वश॒केन॑ धूपयति प्राजाप॒त्यो वा अश्वः॑ सयोनि॒त्वाया-दि॑ति॒स्त्वेत्या॑हे॒यं-वाँ अदि॑ति॒रदि॑त्यै॒वादि॑त्या-ङ्खनत्य॒स्या अक्रू॑रङ्काराय॒ न हि स्व-स्स्वग्ं हि॒नस्ति॑ दे॒वाना᳚-न्त्वा॒ पत्नी॒रित्या॑ह दे॒वानां॒- [दे॒वाना᳚म्, वा ए॒ता-म्पत्न॒यो-ऽग्रे॑-ऽ] 35

-ँवा ए॒ता-म्पत्न॒यो-ऽग्रे॑-ऽ-कुर्व॒-न्ताभि॑रे॒वैना᳚-न्दधाति धि॒षणा॒स्त्वेत्या॑ह वि॒द्या वै धि॒षणा॑ वि॒द्याभि॑-रे॒वैना॑-म॒भीन्धे॒ ग्नास्त्वेत्या॑ह॒ छन्दाग्ं॑सि॒ वै ग्ना श्छन्दो॑भि-रे॒वैनाग्॑ श्रपयति॒ वरू᳚त्रय॒स्त्वेत्या॑ह॒ होत्रा॒ वै वरू᳚त्रयो॒ होत्रा॑भिरे॒वैना᳚-म्पचति॒ जन॑य॒स्त्वेत्या॑ह दे॒वानां॒-वैँ पत्नी॒- [पत्नीः᳚, जन॑य॒स्ताभि॑-] 36

-र्जन॑य॒स्ताभि॑-रे॒वैना᳚-म्पचति ष॒ड्भिः प॑चति॒ षड्वा ऋ॒तव॑ ऋ॒तुभि॑रे॒वैना᳚-म्पचति॒ द्विः पच॒न्त्वित्या॑ह॒ तस्मा॒-द्द्वि-स्सं॑वँथ्स॒रस्य॑ स॒स्य-म्प॑च्यते वारु॒ण्यु॑खा-ऽभीद्धा॑ मै॒त्रियोपै॑ति॒ शान्त्यै॑ दे॒वस्त्वा॑ सवि॒तो-द्व॑प॒त्वित्या॑ह सवि॒तृप्र॑सूत ए॒वैना॒-म्ब्रह्म॑णा दे॒वता॑भि॒रु-द्व॑प॒त्यप॑द्यमाना पृथि॒व्याशा॒ दिश॒ आ पृ॒णे- [आ पृ॒ण, इत्या॑ह॒] 37

-त्या॑ह॒ तस्मा॑द॒ग्नि-स्सर्वा॒ दिशो-ऽनु॒ विभा॒त्युत्ति॑ष्ठ बृह॒ती भ॑वो॒र्ध्वा ति॑ष्ठ ध्रु॒वा त्वमित्या॑ह॒ प्रति॑ष्ठित्या असु॒र्य॑-म्पात्र॒मना᳚च्छृण्ण॒मा-च्छृ॑णत्ति देव॒त्रा-ऽक॑रजक्षी॒रेणा-ऽऽच्छृ॑णत्ति पर॒मं-वाँ ए॒त-त्पयो॒ यद॑जक्षी॒र-म्प॑र॒मेणै॒वैना॒-म्पय॒सा-ऽऽच्छृ॑णत्ति॒ यजु॑षा॒ व्यावृ॑त्त्यै॒ छन्दो॑भि॒रा च्छृ॑णत्ति॒ छन्दो॑भि॒र्वा ए॒षा क्रि॑यते॒ छन्दो॑भिरे॒व छन्दा॒ग्॒स्या च्छृ॑णत्ति ॥ 38 ॥

(आ॒ह॒ दे॒वानां॒ - ँवै पत्नीः᳚ - पृणै॒ - षा - षट् च॑) (अ. 7)

एक॑विग्ंशत्या॒ माषैः᳚ पुरुषशी॒र्॒ष-मच्छै᳚त्यमे॒द्ध्या वै माषा॑ अमे॒द्ध्य-म्पु॑रुषशी॒र्॒ष-म॑मे॒द्ध्यैरे॒वा-स्या॑-मे॒द्ध्य-न्नि॑रव॒दाय॒ मेद्ध्य॑-ङ्कृ॒त्वा ऽऽह॑र॒त्येक॑विग्ंशति-र्भवन्त्येकवि॒ग्ं॒शो वै पुरु॑षः॒ पुरु॑ष॒स्या-ऽऽप्त्यै॒ व्यृ॑द्धं॒-वाँ ए॒त-त्प्रा॒णैर॑मे॒द्ध्यं-यँ-त्पु॑रुषशी॒र्॒षग्ं स॑प्त॒धा वितृ॑ण्णां-वँल्मीकव॒पा-म्प्रति॒ नि द॑धाति स॒प्त वै शी॑र्ष॒ण्याः᳚ प्रा॒णाः प्रा॒णैरे॒वैन॒-थ्सम॑र्धयति मेद्ध्य॒त्वाय॒ याव॑न्तो॒ [याव॑न्तः, वै मृ॒त्युब॑न्धव॒-] 39

वै मृ॒त्युब॑न्धव॒-स्तेषां᳚-यँ॒म आधि॑पत्य॒-म्परी॑याय यमगा॒थाभिः॒ परि॑गायति य॒मादे॒वैन॑-द्वृङ्क्ते ति॒सृभिः॒ परि॑गायति॒ त्रय॑ इ॒मे लो॒का ए॒भ्य ए॒वैन॑ल्लो॒केभ्यो॑ वृङ्क्ते॒ तस्मा॒-द्गाय॑ते॒ न देय॒-ङ्गाथा॒ हि त-द्वृ॒ङ्क्ते᳚ ऽग्निभ्यः॑ प॒शूना ल॑भते॒ कामा॒ वा अ॒ग्नयः॒ कामा॑ने॒वाव॑ रुन्धे॒ य-त्प॒शू-न्ना-ऽऽलभे॒ता-ऽन॑वरुद्धा अस्य [ ] 40

प॒शवः॑ स्यु॒र्य-त्पर्य॑ग्निकृतानु-थ्सृ॒जे-द्य॑ज्ञवेश॒स-ङ्कु॑र्या॒-द्य-थ्सग्ग्॑स्था॒पये᳚-द्या॒तया॑मानि शी॒र्॒षाणि॑ स्यु॒र्य-त्प॒शूना॒लभ॑ते॒ तेनै॒व प॒शूनव॑ रुन्धे॒ य-त्पर्य॑ग्निकृतानु-थ्सृ॒जति॑ शी॒र्ष्णा-मया॑तयामत्वाय प्राजाप॒त्येन॒ सग्ग् स्था॑पयति य॒ज्ञो वै प्र॒जाप॑तिर्य॒ज्ञ ए॒व य॒ज्ञ-म्प्रति॑ष्ठापयति प्र॒जाप॑तिः प्र॒जा अ॑सृजत॒ स रि॑रिचा॒नो॑-ऽमन्यत॒ स ए॒ता आ॒प्रीर॑पश्य॒-त्ताभि॒र्वै स मु॑ख॒त [स मु॑ख॒तः, आ॒त्मान॒मा ऽप्री॑णीत॒] 41

आ॒त्मान॒मा ऽप्री॑णीत॒ यदे॒ता आ॒प्रियो॒ भव॑न्ति य॒ज्ञो वै प्र॒जाप॑ति-र्य॒ज्ञमे॒वैताभि॑र्मुख॒त आ प्री॑णा॒त्य-प॑रिमितछन्दसो भव॒न्त्यप॑रिमितः प्र॒जाप॑तिः प्र॒जाप॑ते॒राप्त्या॑ ऊनातिरि॒क्ता मि॑थु॒नाः प्रजा᳚त्यै लोम॒शं-वैँ नामै॒तच्छन्दः॑ प्र॒जाप॑तेः प॒शवो॑ लोम॒शाः प॒शूने॒वा-ऽव॑ रुन्धे॒ सर्वा॑णि॒ वा ए॒ता रू॒पाणि॒ सर्वा॑णि रू॒पाण्य॒ग्नौ चित्ये᳚ क्रियन्ते॒ तस्मा॑दे॒ता अ॒ग्नेश्चित्य॑स्य [अ॒ग्नेश्चित्य॑स्य, भ॒व॒न्त्येक॑विग्ं शतिग्ं] 42

भव॒न्त्येक॑विग्ं शतिग्ं सामिधे॒नीरन्वा॑ह॒ रुग्वा ए॑कवि॒ग्ं॒शो रुच॑मे॒व ग॑च्छ॒त्यथो᳚ प्रति॒ष्ठामे॒व प्र॑ति॒ष्ठा ह्ये॑कवि॒ग्ं॒श-श्चतु॑र्विग्ंशति॒मन्वा॑ह॒ चतु॑र्विग्ंशतिरर्धमा॒सा-स्सं॑वँथ्स॒र-स्सं॑वँथ्स॒रो᳚-ऽग्निर्वै᳚श्वान॒र-स्सा॒क्षादे॒व वै᳚श्वान॒रमव॑ रुन्धे॒ परा॑ची॒रन्वा॑ह॒ परा॑ङिव॒ हि सु॑व॒र्गो लो॒क-स्समा᳚स्त्वा-ऽग्न ऋ॒तवो॑ वर्धय॒न्त्वित्या॑ह॒ समा॑भिरे॒वा-ऽग्निं-वँ॑र्धय- [-ऽग्निं-वँ॑र्धयति, ऋ॒तुभिः॑ संवँथ्स॒रं-विँश्वा॒] 43

-त्यृ॒तुभिः॑ संवँथ्स॒रं-विँश्वा॒ आ भा॑हि प्र॒दिशः॑ पृथि॒व्या इत्या॑ह॒ तस्मा॑द॒ग्नि-स्सर्वा॒ दिशो-ऽनु॒ विभा॑ति॒ प्रत्यौ॑हताम॒श्विना॑ मृ॒त्युम॑स्मा॒दित्या॑ह मृ॒त्युमे॒वा-ऽस्मा॒दप॑ नुद॒त्युद्व॒य-न्तम॑स॒स्परीत्या॑ह पा॒प्मा वै तमः॑ पा॒प्मान॑मे॒वास्मा॒दप॑ ह॒न्त्यग॑न्म॒ ज्योति॑रुत्त॒म-मित्या॑हा॒-ऽसौ वा आ॑दि॒त्यो ज्योति॑रुत्त॒म-मा॑दि॒त्यस्यै॒व सायु॑ज्य-ङ्गच्छति॒ न सं॑वँथ्स॒रस्ति॑ष्ठति॒ नास्य॒ श्रीस्ति॑ष्ठति॒ यस्यै॒ताः क्रि॒यन्ते॒ ज्योति॑ष्मती-मुत्त॒मामन्वा॑ह॒ ज्योति॑रे॒वास्मा॑ उ॒परि॑ष्टा-द्दधाति सुव॒र्गस्य॑ लो॒कस्यानु॑ख्यात्यै ॥ 44 ॥

(याव॑न्तो - ऽस्य - मुख॒त - श्चित्य॑स्य - वर्धय - त्यादि॒त्यो᳚ - ऽष्टाविग्ं॑शतिश्च) (अ. 8)

ष॒ड्भिर्दी᳚क्षयति॒ षड्वा ऋ॒तव॑ ऋ॒तुभि॑रे॒वैन॑-न्दीक्षयति स॒प्तभि॑र्दीक्षयति स॒प्त छन्दाग्ं॑सि॒ छन्दो॑भिरे॒वैन॑-न्दीक्षयति॒ विश्वे॑ दे॒वस्य॑ ने॒तुरित्य॑-नु॒ष्टुभो᳚त्त॒मया॑ जुहोति॒ वाग्वा अ॑नु॒ष्टु-प्तस्मा᳚-त्प्रा॒णानां॒-वाँगु॑त्त॒मै- क॑स्माद॒क्षरा॒दना᳚प्त-म्प्रथ॒म-म्प॒द-न्तस्मा॒-द्य-द्वा॒चो-ऽना᳚प्त॒-न्तन्म॑नु॒ष्या॑ उप॑ जीवन्ति पू॒र्णया॑ जुहोति पू॒र्ण इ॑व॒ हि प्र॒जाप॑तिः [प्र॒जाप॑तिः, प्र॒जाप॑ते॒रापत्यै॒] 45

प्र॒जाप॑ते॒राप्त्यै॒ न्यू॑नया जुहोति॒ न्यू॑ना॒द्धि प्र॒जाप॑तिः प्र॒जा असृ॑जत प्र॒जाना॒ग्ं॒ सृष्ट्यै॒ यद॒र्चिषि॑ प्रवृ॒ञ्ज्या-द्भू॒तमव॑ रुन्धीत॒ यदङ्गा॑रेषु भवि॒ष्यदङ्गा॑रेषु॒ प्रवृ॑णक्ति भवि॒ष्य दे॒वाव॑ रुन्धे भवि॒ष्यद्धि भूयो॑ भू॒ता-द्द्वाभ्या॒-म्प्रवृ॑णक्ति द्वि॒पा-द्यज॑मानः॒ प्रति॑ष्ठित्यै॒ ब्रह्म॑णा॒ वा ए॒षा यजु॑षा॒ सम्भृ॑ता॒ यदु॒खा सा यद्भिद्ये॒ता-ऽऽर्ति॒मार्च्छे॒- [-ऽऽर्ति॒मार्च्छे᳚त्, यज॑मानो] 46

-द्यज॑मानो ह॒न्येता᳚-ऽस्य य॒ज्ञो मित्रै॒तामु॒खा-न्त॒पेत्या॑ह॒ ब्रह्म॒ वै मि॒त्रो ब्रह्म॑न्ने॒वैना॒-म्प्रति॑ष्ठापयति॒ ना-ऽऽर्ति॒मार्च्छ॑ति॒ यज॑मानो॒ नास्य॑ य॒ज्ञो ह॑न्यते॒ यदि॒ भिद्ये॑त॒ तैरे॒व क॒पालै॒-स्सग्ं सृ॑जे॒-थ्सैव ततः॒ प्राय॑श्चित्ति॒र्यो ग॒तश्री॒-स्स्यान्म॑थि॒त्वा तस्याव॑ दद्ध्या-द्भू॒तो वा ए॒ष स स्वा- [ए॒ष स स्वाम्, दे॒वता॒मुपै॑ति॒] 47

-न्दे॒वता॒मुपै॑ति॒ यो भूति॑काम॒-स्स्याद्य उ॒खायै॑ स॒म्भवे॒-थ्स ए॒व तस्य॑ स्या॒दतो॒ ह्ये॑ष स॒म्भव॑त्ये॒ष वै स्व॑य॒म्भूर्नाम॒ भव॑त्ये॒व य-ङ्का॒मये॑त॒ भ्रातृ॑व्यमस्मै जनयेय॒मित्य॒-न्यत॒स्तस्या॒-ऽऽहृत्या-ऽव॑ दद्ध्या-थ्सा॒क्षादे॒वास्मै॒ भ्रातृ॑व्य-ञ्जनयत्यम्ब॒रीषा॒दन्न॑ काम॒स्याव॑ दद्ध्यादम्ब॒रीषे॒ वा अन्न॑-म्भ्रियते॒ सयो᳚न्ये॒वान्न॒- [सयो᳚न्ये॒वान्न᳚म्, अव॑ रुन्धे॒] 48

-मव॑ रुन्धे॒ मुञ्जा॒नव॑ दधा॒त्यूर्ग्वै मुञ्जा॒ ऊर्ज॑मे॒वास्मा॒ अपि॑ दधात्य॒ग्निर्दे॒वेभ्यो॒ निला॑यत॒ स क्रु॑मु॒क-म्प्रा-ऽवि॑श-त्क्रुमु॒कमव॑ दधाति॒ यदे॒वास्य॒ तत्र॒ न्य॑क्त॒-न्त दे॒वाव॑ रुन्ध॒ आज्ये॑न॒ सं-यौँ᳚त्ये॒तद्वा अ॒ग्नेः प्रि॒य-न्धाम॒ यदाज्य॑-म्प्रि॒येणै॒वैन॒-न्धाम्ना॒ सम॑र्धय॒त्यथो॒ तेज॑सा॒ [तेज॑सा, वै क॑कन्ती॒मा द॑धाति॒] 49

वै क॑ङ्कती॒मा द॑धाति॒ भा ए॒वाव॑ रुन्धे शमी॒मयी॒मा द॑धाति॒ शान्त्यै॒ सीद॒ त्व-म्मा॒तुर॒स्या उ॒पस्थ॒ इति॑ ति॒सृभि॑र्जा॒तमुप॑ तिष्ठते॒ त्रय॑ इ॒मे लो॒का ए॒ष्वे॑व लो॒केष्वा॒विद॑-ङ्गच्छ॒त्यथो᳚ प्रा॒णाने॒वा-ऽऽत्म-न्ध॑त्ते ॥ 50 ॥

( प्र॒जाप॑ति--र् ऋच्छे॒थ् - स्वा - मे॒वान्नं॒ - तेज॑सा॒ - चतु॑स्त्रिग्ंशच्च) (अ. 9)

न ह॑ स्म॒ वै पु॒रा-ऽग्निरप॑रशुवृक्ण-न्दहति॒ तद॑स्मै प्रयो॒ग ए॒वर्षि॑रस्वदय॒-द्यद॑ग्ने॒ यानि॒ कानि॒ चेति॑ स॒मिध॒मा द॑धा॒त्यप॑रशुवृक्ण-मे॒वास्मै᳚ स्वदयति॒ सर्व॑मस्मै स्वदते॒ य ए॒वं-वेँदौदु॑म्बरी॒मा द॑धा॒त्यूर्ग्वा उ॑दु॒म्बर॒ ऊर्ज॑मे॒वास्मा॒ अपि॑ दधाति प्र॒जाप॑तिर॒ग्नि-म॑सृजत॒ तग्ं सृ॒ष्टग्ं रक्षाग्॑- [सृ॒ष्टग्ं रक्षाग्ं॑सि, अ॒जि॒घा॒ग्ं॒स॒न्थ्स ए॒त-] 51

-स्यजिघाग्ंस॒न्थ्स ए॒त-द्रा᳚क्षो॒घ्नम॑पश्य॒-त्तेन॒ वै सरक्षा॒ग्॒स्यपा॑-ऽहत॒ य-द्रा᳚क्षो॒घ्न-म्भव॑त्य॒ग्नेरे॒व तेन॑ जा॒ता-द्रक्षा॒ग्॒स्यप॑ ह॒न्त्याश्व॑त्थी॒मा द॑धात्यश्व॒त्थो वै वन॒स्पती॑नाग्ं सपत्नसा॒हो विजि॑त्यै॒ वैक॑ङ्कती॒मा द॑धाति॒ भा ए॒वाव॑ रुन्धे शमी॒मयी॒मा द॑धाति॒ शान्त्यै॒ सग्ंशि॑त-म्मे॒ ब्रह्मोदे॑षा-म्बा॒हू अ॑तिर॒मित्यु॑त्त॒मे औदु॑म्बरी [औदु॑म्बरी, वा॒च॒य॒ति॒ ब्रह्म॑णै॒व] 52

वाचयति॒ ब्रह्म॑णै॒व क्ष॒त्रग्ं सग्ग् श्य॑ति क्ष॒त्रेण॒ ब्रह्म॒ तस्मा᳚-द्ब्राह्म॒णो रा॑ज॒न्य॑वा॒नत्य॒न्य-म्ब्रा᳚ह्म॒ण-न्तस्मा᳚-द्राज॒न्यो᳚ ब्राह्म॒णवा॒नत्य॒न्यग्ं रा॑ज॒न्य॑-म्मृ॒त्युर्वा ए॒ष यद॒ग्निर॒मृत॒ग्ं॒ हिर॑ण्यग्ं रु॒क्ममन्त॑र॒-म्प्रति॑मुञ्चते॒ ऽमृत॑मे॒व मृ॒त्योर॒न्तर्ध॑त्त॒ एक॑विग्ंशतिनिर्बाधो भव॒त्येक॑विग्ंशति॒र्वै दे॑वलो॒का द्वाद॑श॒ मासाः॒ पञ्च॒र्तव॒स्त्रय॑ इ॒मे लो॒का अ॒सावा॑दि॒त्य [अ॒सावा॑दि॒त्यः, ए॒क॒वि॒ग्ं॒श ए॒ताव॑न्तो॒ वै] 53

ए॑कवि॒ग्ं॒श ए॒ताव॑न्तो॒ वै दे॑वलो॒कास्तेभ्य॑ ए॒व भ्रातृ॑व्यम॒न्तरे॑ति निर्बा॒धैर्वै दे॒वा असु॑रा-न्निर्बा॒धे॑-ऽकुर्वत॒ तन्नि॑र्बा॒धाना᳚-न्निर्बाध॒त्व-न्नि॑र्बा॒धी भ॑वति॒ भ्रातृ॑व्याने॒व नि॑र्बा॒धे कु॑रुते सावित्रि॒या प्रति॑मुञ्चते॒ प्रसू᳚त्यै॒ नक्तो॒षासेत्युत्त॑रया ऽहोरा॒त्राभ्या॑मे॒वैन॒-मुद्य॑च्छते दे॒वा अ॒ग्नि-न्धा॑रय-न्द्रविणो॒दा इत्या॑ह प्रा॒णा वै दे॒वा द्र॑विणो॒दा अ॑होरा॒त्राभ्या॑मे॒वैन॑मु॒द्यत्य॑ [ ] 54

प्रा॒णैर्दा॑धा॒रा ऽऽसी॑नः॒ प्रति॑मुञ्चते॒ तस्मा॒दासी॑नाः प्र॒जाः प्रजा॑यन्ते कृष्णाजि॒नमुत्त॑र॒-न्तेजो॒ वै हिर॑ण्य॒-म्ब्रह्म॑ कृष्णाजि॒न-न्तेज॑सा चै॒वैन॒-म्ब्रह्म॑णा चोभ॒यतः॒ परि॑गृह्णाति॒ षडु॑द्यामग्ं शि॒क्य॑-म्भवति॒ षड्वा ऋ॒तव॑ ऋ॒तुभि॑रे॒वैन॒-मुद्य॑च्छते॒ य-द्द्वाद॑शोद्यामग्ं संवँथ्स॒रेणै॒व मौ॒ञ्ज-म्भ॑व॒त्यूर्ग्वै मुञ्जा॑ ऊ॒र्जैवैन॒ग्ं॒ स म॑र्धयति सुप॒र्णो॑-ऽसि ग॒रुत्मा॒नित्यवे᳚क्षते रू॒पमे॒वास्यै॒तन्म॑हि॒मानं॒-व्याँच॑ष्टे॒ दिव॑-ङ्गच्छ॒ सुवः॑ प॒तेत्या॑ह सुव॒र्गमे॒वैनं॑-लोँ॒क-ङ्ग॑मयति ॥ 55 ॥

(रक्षा॒ग्॒स्यौ - दु॑बंरि - आदि॒त्य - उ॒द्यत्य॒ - सं - चतु॑र्विग्ंशतिश्च) (अ. 10)

समि॑द्धो अ॒ञ्जन् कृद॑र-म्मती॒ना-ङ्घृ॒तम॑ग्ने॒ मधु॑म॒-त्पिन्व॑मानः । वा॒जी वह॑न् वा॒जिन॑-ञ्जातवेदो दे॒वानां᳚-वँक्षि प्रि॒यमा स॒धस्थ᳚म् ॥ घृ॒तेना॒ञ्जन्थ्स-म्प॒थो दे॑व॒याना᳚-न्प्रजा॒नन् वा॒ज्यप्ये॑तु दे॒वान् । अनु॑ त्वा सप्ते प्र॒दिशः॑ सचन्ताग् स्व॒धाम॒स्मै यज॑मानाय धेहि ॥ ईड्य॒श्चासि॒ वन्द्य॑श्च वाजिन्ना॒शुश्चासि॒ मेद्ध्य॑श्च सप्ते । अ॒ग्निष्ट्वा॑ [अ॒ग्निष्ट्वा᳚, दे॒वैर्वसु॑भि-स्स॒जोषाः᳚] 56

दे॒वैर्वसु॑भि-स्स॒जोषाः᳚ प्री॒तं-वँह्निं॑-वँहतु जा॒तवे॑दाः ॥ स्ती॒र्ण-म्ब॒र्॒हि-स्सु॒ष्टरी॑मा जुषा॒णोरु पृ॒थु प्रथ॑मान-म्पृथि॒व्याम् । दे॒वेभि॑र्यु॒क्तमदि॑ति-स्स॒जोषा᳚-स्स्यो॒न-ङ्कृ॑ण्वा॒ना सु॑वि॒ते द॑धातु ॥ ए॒ता उ॑ व-स्सु॒भगा॑ वि॒श्वरू॑पा॒ विपक्षो॑भि॒-श्श्रय॑माणा॒ उदातैः᳚ । ऋ॒ष्वा-स्स॒तीः क॒वष॒-श्शुम्भ॑माना॒ द्वारो॑ दे॒वी-स्सु॑प्राय॒णा भ॑वन्तु ॥ अ॒न्त॒रा मि॒त्रावरु॑णा॒ चर॑न्ती॒ मुखं॑-यँ॒ज्ञाना॑म॒भि सं॑विँदा॒ने । उ॒षासा॑ वाग्ं [उ॒षासा॑ वाम्, सु॒हि॒र॒ण्ये सु॑शि॒ल्पे] 57

सुहिर॒ण्ये सु॑शि॒ल्पे ऋ॒तस्य॒ योना॑वि॒ह सा॑दयामि ॥ प्र॒थ॒मा वाग्ं॑ सर॒थिना॑ सु॒वर्णा॑ दे॒वौ पश्य॑न्तौ॒ भुव॑नानि॒ विश्वा᳚ । अपि॑प्रय॒-ञ्चोद॑ना वा॒-म्मिमा॑ना॒ होता॑रा॒ ज्योतिः॑ प्र॒दिशा॑ दि॒शन्ता᳚ ॥ आ॒दि॒त्यैर्नो॒ भार॑ती वष्टु य॒ज्ञग्ं सर॑स्वती स॒ह रु॒द्रैर्न॑ आवीत् । इडोप॑हूता॒ वसु॑भि-स्स॒जोषा॑ य॒ज्ञ-न्नो॑ देवीर॒मृते॑षु धत्त ॥ त्वष्टा॑ वी॒र-न्दे॒वका॑म-ञ्जजान॒ त्वष्टु॒रर्वा॑ जायत आ॒शुरश्वः॑ । 58

त्वष्टे॒दं-विँश्व॒-म्भुव॑न-ञ्जजान ब॒होः क॒र्तार॑मि॒ह य॑क्षि होतः ॥ अश्वो॑ घृ॒तेन॒ त्मन्या॒ सम॑क्त॒ उप॑ दे॒वाग्ं ऋ॑तु॒शः पाथ॑ एतु । वन॒स्पति॑-र्देवलो॒क-म्प्र॑जा॒नन्न॒ग्निना॑ ह॒व्या स्व॑दि॒तानि॑ वक्षत् ॥ प्र॒जाप॑ते॒स्तप॑सा वावृधा॒न-स्स॒द्यो जा॒तो द॑धिषे य॒ज्ञम॑ग्ने । स्वाहा॑कृतेन ह॒विषा॑ पुरोगा या॒हि सा॒द्ध्या ह॒विर॑दन्तु दे॒वाः ॥ 59 ॥

(अ॒ग्निष्ट्वा॑ - वा॒ - मश्वो॒ - द्विच॑त्वारिग्ंशच्च) (अ. 11)

(सा॒वि॒त्राणि॒ - व्यृ॑द्ध॒ - मुत्क्रा॑म - दे॒वस्य॑ खनति - क्रू॒रं -ँवा॑रु॒णः - स॒प्तभि॒ - रेक॑विग्ंशत्या - ष॒ड्भि - र्न ह॑ स्म॒ - समि॑द्धो अ॒ञ्ज - न्नेका॑दश )

(सा॒वि॒त्रा - ण्युत्क्रा॑म - क्रू॒रं -ँवा॑रु॒णः - प॒शवः॑ स्यु॒ - र्न ह॑ स्म॒ - नव॑पञ्चा॒शत्)

(सा॒वि॒त्राणि॑, ह॒विर॑दन्तु दे॒वाः)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-म्पञ्चमकाण्डे प्रथमः प्रश्न-स्समाप्तः ॥