5.6 - Hiranyavarnah Shuchayah - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨𑌃 - 𑌉𑌪𑌾𑌨𑍁𑌵𑌾𑌕𑍍𑌯𑌾𑌭𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌹𑌿𑌰॑𑌣𑍍𑌯𑌵𑌰𑍍𑌣𑌾॒-𑌶𑍍𑌶𑍁𑌚॑𑌯𑌃 𑌪𑌾𑌵॒𑌕𑌾 𑌯𑌾𑌸𑍁॑ 𑌜𑌾॒𑌤𑌃 𑌕॒𑌶𑍍𑌯𑌪𑍋॒ 𑌯𑌾𑌸𑍍𑌵𑌿𑌨𑍍𑌦𑍍𑌰𑌃॑ । 𑌅॒𑌗𑍍𑌨𑌿𑌂-𑌯𑌾𑌁 𑌗𑌰𑍍𑌭॑-𑌨𑍍𑌦𑌧𑌿॒𑌰𑍇 𑌵𑌿𑌰𑍂॑𑌪𑌾॒𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ 𑌯𑌾𑌸𑌾॒𑌗𑍍𑌂॒ 𑌰𑌾𑌜𑌾॒ 𑌵𑌰𑍁॑𑌣𑍋॒ 𑌯𑌾𑌤𑌿॒ 𑌮𑌦𑍍𑌧𑍍𑌯𑍇॑ 𑌸𑌤𑍍𑌯𑌾𑌨𑍃॒𑌤𑍇 𑌅॑𑌵॒𑌪𑌶𑍍𑌯॒𑌨𑍍 𑌜𑌨𑌾॑𑌨𑌾𑌮𑍍 । 𑌮॒𑌧𑍁॒𑌶𑍍𑌚𑍁𑌤॒-𑌶𑍍𑌶𑍁𑌚॑𑌯𑍋॒ 𑌯𑌾𑌃 𑌪𑌾॑𑌵॒𑌕𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ 𑌯𑌾𑌸𑌾᳚-𑌨𑍍𑌦𑍇॒𑌵𑌾 𑌦𑌿॒𑌵𑌿 𑌕𑍃॒𑌣𑍍𑌵𑌨𑍍𑌤𑌿॑ 𑌭॒𑌕𑍍𑌷𑌂-𑌯𑌾𑌁 𑌅॒𑌨𑍍𑌤𑌰𑌿॑𑌕𑍍𑌷𑍇 𑌬𑌹𑍁॒𑌧𑌾 𑌭𑌵॑𑌨𑍍𑌤𑌿 । 𑌯𑌾𑌃 𑌪𑍃॑𑌥𑌿॒𑌵𑍀-𑌮𑍍𑌪𑌯॑𑌸𑍋॒𑌨𑍍𑌦𑌨𑍍𑌤𑌿॑ - [ ] 1

𑌶𑍁॒𑌕𑍍𑌰𑌾𑌸𑍍𑌤𑌾 𑌨॒ 𑌆𑌪॒-𑌶𑍍𑌶𑌗𑍍𑌗𑍍 𑌸𑍍𑌯𑍋॒𑌨𑌾 𑌭॑𑌵𑌨𑍍𑌤𑍁 ॥ 𑌶𑌿॒𑌵𑍇𑌨॑ 𑌮𑌾॒ 𑌚𑌕𑍍𑌷𑍁॑𑌷𑌾 𑌪𑌶𑍍𑌯𑌤𑌾-𑌽𑌽𑌪-𑌶𑍍𑌶𑌿॒𑌵𑌯𑌾॑ 𑌤॒𑌨𑍁𑌵𑍋𑌪॑ 𑌸𑍍𑌪𑍃𑌶𑌤॒ 𑌤𑍍𑌵𑌚॑-𑌮𑍍𑌮𑍇 । 𑌸𑌰𑍍𑌵𑌾𑌗𑍍𑌂॑ 𑌅॒𑌗𑍍𑌨𑍀𑌗𑍍𑌂 𑌰॑𑌫𑍍𑌸𑍁॒𑌷𑌦𑍋॑ 𑌹𑍁𑌵𑍇 𑌵𑍋॒ 𑌮𑌯𑌿॒ 𑌵𑌰𑍍𑌚𑍋॒ 𑌬𑌲॒𑌮𑍋𑌜𑍋॒ 𑌨𑌿 𑌧॑𑌤𑍍𑌤 ॥ 𑌯𑌦॒𑌦-𑌸𑍍𑌸॑-𑌮𑍍𑌪𑍍𑌰𑌯॒𑌤𑍀𑌰𑌹𑌾॒ 𑌵𑌨॑𑌦𑌤𑌾𑌹॒𑌤𑍇 । 𑌤𑌸𑍍𑌮𑌾॒𑌦𑌾 𑌨॒𑌦𑍍𑌯𑍋॑ 𑌨𑌾𑌮॑ 𑌸𑍍𑌥॒ 𑌤𑌾 𑌵𑍋॒ 𑌨𑌾𑌮𑌾॑𑌨𑌿 𑌸𑌿𑌨𑍍𑌧𑌵𑌃 ॥ 𑌯-𑌤𑍍𑌪𑍍𑌰𑍇𑌷𑌿॑𑌤𑌾॒ 𑌵𑌰𑍁॑𑌣𑍇𑌨॒ 𑌤𑌾-𑌶𑍍𑌶𑍀𑌭𑌗𑍍𑌂॑ 𑌸॒𑌮𑌵॑𑌲𑍍𑌗𑌤 । 2

𑌤𑌦𑌾᳚𑌪𑍍𑌨𑍋॒-𑌦𑌿𑌨𑍍𑌦𑍍𑌰𑍋॑ 𑌵𑍋 𑌯॒𑌤𑍀-𑌸𑍍𑌤𑌸𑍍𑌮𑌾॒-𑌦𑌾𑌪𑍋॒ 𑌅𑌨𑍁॑ 𑌸𑍍𑌥𑌨 ॥ 𑌅॒𑌪॒𑌕𑌾॒𑌮𑌗𑍍𑌗𑍍 𑌸𑍍𑌯𑌨𑍍𑌦॑𑌮𑌾𑌨𑌾॒ 𑌅𑌵𑍀॑𑌵𑌰𑌤 𑌵𑍋॒ 𑌹𑌿𑌕᳚𑌮𑍍 । 𑌇𑌨𑍍𑌦𑍍𑌰𑍋॑ 𑌵॒-𑌶𑍍𑌶𑌕𑍍𑌤𑌿॑𑌭𑌿 𑌰𑍍𑌦𑍇𑌵𑍀॒-𑌸𑍍𑌤𑌸𑍍𑌮𑌾॒-𑌦𑍍𑌵𑌾𑌰𑍍𑌣𑌾𑌮॑ 𑌵𑍋 𑌹𑌿॒𑌤𑌮𑍍 ॥ 𑌏𑌕𑍋॑ 𑌦𑍇॒𑌵𑍋 𑌅𑌪𑍍𑌯॑𑌤𑌿𑌷𑍍𑌠॒-𑌥𑍍𑌸𑍍𑌯𑌨𑍍𑌦॑𑌮𑌾𑌨𑌾 𑌯𑌥𑌾 𑌵॒𑌶𑌮𑍍 । 𑌉𑌦𑌾॑𑌨𑌿𑌷𑍁-𑌰𑍍𑌮॒𑌹𑍀𑌰𑌿𑌤𑌿॒ 𑌤𑌸𑍍𑌮𑌾॑-𑌦𑍁𑌦॒𑌕-𑌮𑍁॑𑌚𑍍𑌯𑌤𑍇 ॥ 𑌆𑌪𑍋॑ 𑌭॒𑌦𑍍𑌰𑌾 𑌘𑍃॒𑌤𑌮𑌿𑌦𑌾𑌪॑ 𑌆𑌸𑍁𑌰॒𑌗𑍍𑌨𑍀-𑌷𑍋𑌮𑍗॑ 𑌬𑌿𑌭𑍍𑌰॒𑌤𑍍𑌯𑌾𑌪॒ 𑌇-𑌤𑍍𑌤𑌾𑌃 । 𑌤𑍀॒𑌵𑍍𑌰𑍋 𑌰𑌸𑍋॑ 𑌮𑌧𑍁॒𑌪𑍃𑌚𑌾॑- [𑌮𑌧𑍁॒𑌪𑍃𑌚𑌾᳚𑌮𑍍, 𑌅॒𑌰॒𑌙𑍍𑌗॒𑌮 𑌆 𑌮𑌾᳚] 3

-𑌮𑌰𑌙𑍍𑌗॒𑌮 𑌆 𑌮𑌾᳚ 𑌪𑍍𑌰𑌾॒𑌣𑍇𑌨॑ 𑌸॒𑌹 𑌵𑌰𑍍𑌚॑𑌸𑌾 𑌗𑌨𑍍𑌨𑍍 ॥ 𑌆𑌦𑌿-𑌤𑍍𑌪॑𑌶𑍍𑌯𑌾𑌮𑍍𑌯𑍁॒𑌤 𑌵𑌾॑ 𑌶𑍃𑌣𑍋॒𑌮𑍍𑌯𑌾 𑌮𑌾॒ 𑌘𑍋𑌷𑍋॑ 𑌗𑌚𑍍𑌛𑌤𑌿॒ 𑌵𑌾𑌨𑍍𑌨॑ 𑌆𑌸𑌾𑌮𑍍 । 𑌮𑌨𑍍𑌯𑍇॑ 𑌭𑍇𑌜𑌾॒𑌨𑍋 𑌅॒𑌮𑍃𑌤॑𑌸𑍍𑌯॒ 𑌤𑌰𑍍𑌹𑌿॒ 𑌹𑌿𑌰॑𑌣𑍍𑌯𑌵𑌰𑍍𑌣𑌾॒ 𑌅𑌤𑍃॑𑌪𑌂-𑌯𑌁॒𑌦𑌾 𑌵𑌃॑ ॥ 𑌆𑌪𑍋॒ 𑌹𑌿 𑌷𑍍𑌠𑌾 𑌮॑𑌯𑍋॒ 𑌭𑍁𑌵॒𑌸𑍍𑌤𑌾 𑌨॑ 𑌊॒𑌰𑍍𑌜𑍇 𑌦॑𑌧𑌾𑌤𑌨 । 𑌮॒𑌹𑍇 𑌰𑌣𑌾॑𑌯॒ 𑌚𑌕𑍍𑌷॑𑌸𑍇 ॥ 𑌯𑍋 𑌵𑌃॑ 𑌶𑌿॒𑌵𑌤॑𑌮𑍋॒ 𑌰𑌸॒𑌸𑍍𑌤𑌸𑍍𑌯॑ 𑌭𑌾𑌜𑌯𑌤𑍇॒𑌹 𑌨𑌃॑ । 𑌉॒𑌶॒𑌤𑍀𑌰𑌿॑𑌵 𑌮𑌾॒𑌤𑌰𑌃॑ ॥ 𑌤𑌸𑍍𑌮𑌾॒ 𑌅𑌰॑-𑌙𑍍𑌗𑌮𑌾𑌮 𑌵𑍋॒ 𑌯𑌸𑍍𑌯॒ 𑌕𑍍𑌷𑌯𑌾॑𑌯॒ 𑌜𑌿𑌨𑍍𑌵॑𑌥 । 𑌆𑌪𑍋॑ 𑌜॒𑌨𑌯॑𑌥𑌾 𑌚 𑌨𑌃 ॥ 𑌦𑌿॒𑌵𑌿 𑌶𑍍𑌰॑𑌯 𑌸𑍍𑌵𑌾॒𑌨𑍍𑌤𑌰𑌿॑𑌕𑍍𑌷𑍇 𑌯𑌤𑌸𑍍𑌵 𑌪𑍃𑌥𑌿॒𑌵𑍍𑌯𑌾 𑌸-𑌮𑍍𑌭॑𑌵 𑌬𑍍𑌰𑌹𑍍𑌮𑌵𑌰𑍍𑌚॒-𑌸𑌮॑𑌸𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌾𑌯॑ 𑌤𑍍𑌵𑌾 ॥ 4

(𑌉॒𑌦𑌨𑍍𑌤𑌿॑ - 𑌸॒𑌮𑌵॑𑌲𑍍𑌗𑌤 - 𑌮𑌧𑍁॒𑌪𑍃𑌚𑌾𑌂᳚ - 𑌮𑌾॒𑌤𑌰𑍋॒ - 𑌦𑍍𑌵𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 1)

𑌅॒𑌪𑌾-𑌙𑍍𑌗𑍍𑌰𑌹𑌾᳚-𑌨𑍍𑌗𑍃𑌹𑍍𑌣𑌾𑌤𑍍𑌯𑍇॒𑌤𑌦𑍍𑌵𑌾𑌵 𑌰𑌾॑𑌜॒𑌸𑍂𑌯𑌂॒-𑌯𑌁𑌦𑍇॒𑌤𑍇 𑌗𑍍𑌰𑌹𑌾᳚-𑌸𑍍𑌸॒𑌵𑍋᳚ 𑌽𑌗𑍍𑌨𑌿𑌰𑍍𑌵॑𑌰𑍁𑌣𑌸॒𑌵𑍋 𑌰𑌾॑𑌜॒𑌸𑍂𑌯॑-𑌮𑌗𑍍𑌨𑌿𑌸॒𑌵-𑌶𑍍𑌚𑌿𑌤𑍍𑌯॒𑌸𑍍𑌤𑌾𑌭𑍍𑌯𑌾॑-𑌮𑍇॒𑌵 𑌸𑍂॑𑌯॒𑌤𑍇-𑌽𑌥𑍋॑ 𑌉॒𑌭𑌾𑌵𑍇॒𑌵 𑌲𑍋॒𑌕𑌾𑌵॒𑌭𑌿 𑌜॑𑌯𑌤𑌿॒ 𑌯𑌶𑍍𑌚॑ 𑌰𑌾𑌜॒𑌸𑍂𑌯𑍇॑𑌨𑍇𑌜𑌾॒𑌨𑌸𑍍𑌯॒ 𑌯𑌶𑍍𑌚𑌾᳚-𑌽𑌗𑍍𑌨𑌿॒𑌚𑌿𑌤॒ 𑌆𑌪𑍋॑ 𑌭𑌵॒𑌨𑍍𑌤𑍍𑌯𑌾𑌪𑍋॒ 𑌵𑌾 𑌅॒𑌗𑍍𑌨𑍇𑌰𑍍𑌭𑍍𑌰𑌾𑌤𑍃॑𑌵𑍍𑌯𑌾॒ 𑌯𑌦॒𑌪𑍋᳚ 𑌽𑌗𑍍𑌨𑍇𑌰॒𑌧𑌸𑍍𑌤𑌾॑𑌦𑍁𑌪॒ 𑌦𑌧𑌾॑𑌤𑌿॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯॒𑌮𑍃𑌤𑌂॒- [𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑍍𑌯॒𑌮𑍃𑌤᳚𑌮𑍍, 𑌵𑌾 𑌆𑌪॒𑌸𑍍𑌤𑌸𑍍𑌮𑌾॑-] 5

-𑌁𑌵𑌾 𑌆𑌪॒𑌸𑍍𑌤𑌸𑍍𑌮𑌾॑-𑌦॒𑌦𑍍𑌭𑌿𑌰𑌵॑𑌤𑌾𑌨𑍍𑌤-𑌮॒𑌭𑌿 𑌷𑌿॑𑌞𑍍𑌚𑌨𑍍𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦𑌾𑌨𑍍𑌨𑌂॒-𑌵𑌾𑌁 𑌆𑌪𑌃॑ 𑌪॒𑌶𑌵॒ 𑌆𑌪𑍋-𑌽𑌨𑍍𑌨॑-𑌮𑍍𑌪॒𑌶𑌵𑍋᳚-𑌽𑌨𑍍𑌨𑌾॒𑌦𑌃 𑌪॑𑌶𑍁॒𑌮𑌾-𑌨𑍍𑌭॑𑌵𑌤𑌿॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦॒ 𑌦𑍍𑌵𑌾𑌦॑𑌶 𑌭𑌵𑌨𑍍𑌤𑌿॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑌾॒ [-𑌸𑍍𑌸𑌂॑𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑌾᳚, 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒] 6

𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌪𑌾𑌤𑍍𑌰𑌾॑𑌣𑌿 𑌭𑌵𑌨𑍍𑌤𑌿॒ 𑌪𑌾𑌤𑍍𑌰𑍇॒ 𑌵𑌾 𑌅𑌨𑍍𑌨॑𑌮𑌦𑍍𑌯𑌤𑍇॒ 𑌸𑌯𑍋᳚𑌨𑍍𑌯𑍇॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧॒ 𑌆 𑌦𑍍𑌵𑌾॑𑌦॒𑌶𑌾-𑌤𑍍𑌪𑍁𑌰𑍁॑𑌷𑌾॒𑌦𑌨𑍍𑌨॑-𑌮॒𑌤𑍍𑌤𑍍𑌯𑌥𑍋॒ 𑌪𑌾𑌤𑍍𑌰𑌾॒𑌨𑍍𑌨 𑌛𑌿॑𑌦𑍍𑌯𑌤𑍇॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ 𑌚𑍈𑌨𑌾 𑌏॒𑌵𑌂-𑌵𑍇𑌁𑌦॑ 𑌕𑍁॒𑌮𑍍𑌭𑌾𑌶𑍍𑌚॑ 𑌕𑍁॒𑌮𑍍𑌭𑍀𑌶𑍍𑌚॑ 𑌮𑌿𑌥𑍁॒𑌨𑌾𑌨𑌿॑ 𑌭𑌵𑌨𑍍𑌤𑌿 𑌮𑌿𑌥𑍁॒𑌨𑌸𑍍𑌯॒ 𑌪𑍍𑌰𑌜𑌾᳚𑌤𑍍𑌯𑍈॒ 𑌪𑍍𑌰 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॑-𑌰𑍍𑌮𑌿𑌥𑍁॒𑌨𑍈-𑌰𑍍𑌜𑌾॑𑌯𑌤𑍇॒ 𑌯𑌸𑍍𑌯𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ [𑌯 𑌉॑, 𑌚𑍈॒𑌨𑌾॒ 𑌏॒𑌵𑌂-𑌵𑍇𑌁𑌦॒] 7

𑌚𑍈𑌨𑌾 𑌏॒𑌵𑌂-𑌵𑍇𑌁𑌦॒ 𑌶𑍁𑌗𑍍𑌵𑌾 𑌅॒𑌗𑍍𑌨𑌿-𑌸𑍍𑌸𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁𑌂-𑌯𑌁𑌜॑𑌮𑌾𑌨-𑌮𑍍𑌪𑍍𑌰॒𑌜𑌾-𑌶𑍍𑌶𑍁॒𑌚𑌾-𑌽𑌰𑍍𑌪॑𑌯𑌤𑌿॒ 𑌯𑌦॒𑌪 𑌉॑𑌪॒𑌦𑌧𑌾॑𑌤𑌿॒ 𑌶𑍁𑌚॑𑌮𑍇॒𑌵𑌾𑌸𑍍𑌯॑ 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌰𑍍𑌨 𑌯𑌜॑𑌮𑌾𑌨॒-𑌶𑍍𑌶𑌾𑌮𑍍𑌯॑𑌨𑍍𑌤𑌿 𑌪𑍍𑌰॒𑌜𑌾 𑌯𑌤𑍍𑌰𑍈॒𑌤𑌾 𑌉॑𑌪𑌧𑍀॒𑌯𑌨𑍍𑌤𑍇॒ 𑌽𑌪𑌾𑌂-𑌵𑌾𑌁 𑌏॒𑌤𑌾𑌨𑌿॒ 𑌹𑍃𑌦॑𑌯𑌾𑌨𑌿॒ 𑌯𑌦𑍇॒𑌤𑌾 𑌆𑌪𑍋॒ 𑌯𑌦𑍇॒𑌤𑌾 𑌅॒𑌪 𑌉॑𑌪॒𑌦𑌧𑌾॑𑌤𑌿 𑌦𑌿॒𑌵𑍍𑌯𑌾𑌭𑌿॑𑌰𑍇॒𑌵𑍈𑌨𑌾॒-𑌸𑍍𑌸𑌗𑍍𑌂 𑌸𑍃॑𑌜𑌤𑌿॒ 𑌵𑌰𑍍𑌷𑍁॑𑌕𑌃 𑌪॒𑌰𑍍𑌜𑌨𑍍𑌯𑍋॑ [𑌪॒𑌰𑍍𑌜𑌨𑍍𑌯𑌃॑, 𑌭॒𑌵॒𑌤𑌿॒ 𑌯𑍋 𑌵𑌾] 8

𑌭𑌵𑌤𑌿॒ 𑌯𑍋 𑌵𑌾 𑌏॒𑌤𑌾𑌸𑌾॑𑌮𑌾॒𑌯𑌤॑𑌨॒-𑌙𑍍𑌕𑍢𑌪𑍍𑌤𑌿𑌂॒-𑌵𑍇𑌁𑌦𑌾॒-𑌽𑌽𑌯𑌤॑𑌨𑌵𑌾-𑌨𑍍𑌭𑌵𑌤𑌿॒ 𑌕𑌲𑍍𑌪॑𑌤𑍇 𑌽𑌸𑍍𑌮𑌾 𑌅𑌨𑍁𑌸𑍀॒𑌤𑌮𑍁𑌪॑ 𑌦𑌧𑌾𑌤𑍍𑌯𑍇॒𑌤𑌦𑍍𑌵𑌾 𑌆॑𑌸𑌾𑌮𑌾॒𑌯𑌤॑𑌨𑌮𑍇॒𑌷𑌾 𑌕𑍢𑌪𑍍𑌤𑌿॒𑌰𑍍𑌯 𑌏॒𑌵𑌂-𑌵𑍇𑌁𑌦𑌾॒-𑌽𑌽𑌯𑌤॑𑌨𑌵𑌾-𑌨𑍍𑌭𑌵𑌤𑌿॒ 𑌕𑌲𑍍𑌪॑𑌤𑍇-𑌽𑌸𑍍𑌮𑍈 𑌦𑍍𑌵॒𑌦𑍍𑌵𑌮𑍍𑌮॒𑌨𑍍𑌯𑌾 𑌉𑌪॑ 𑌦𑌧𑌾𑌤𑌿॒ 𑌚𑌤॑𑌸𑍍𑌰𑍋॒ 𑌮𑌦𑍍𑌧𑍍𑌯𑍇॒ 𑌧𑍃𑌤𑍍𑌯𑌾॒ 𑌅𑌨𑍍𑌨𑌂॒-𑌵𑌾𑌁 𑌇𑌷𑍍𑌟॑𑌕𑌾 𑌏॒𑌤-𑌤𑍍𑌖𑌲𑍁॒ 𑌵𑍈 𑌸𑌾॒𑌕𑍍𑌷𑌾𑌦𑌨𑍍𑌨𑌂॒-𑌯𑌁𑌦𑍇॒𑌷 𑌚॒𑌰𑍁𑌰𑍍𑌯𑌦𑍇॒𑌤-𑌞𑍍𑌚॒𑌰𑍁𑌮𑍁॑𑌪॒ 𑌦𑌧𑌾॑𑌤𑌿 𑌸𑌾॒𑌕𑍍𑌷𑌾- [𑌸𑌾॒𑌕𑍍𑌷𑌾𑌤𑍍, 𑌏॒𑌵𑌾-𑌽𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇] 9

-𑌦𑍇॒𑌵𑌾-𑌽𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇 𑌮𑌦𑍍𑌧𑍍𑌯॒𑌤 𑌉𑌪॑ 𑌦𑌧𑌾𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॑-𑌨𑍍𑌦𑌧𑌾𑌤𑌿॒ 𑌤𑌸𑍍𑌮𑌾᳚-𑌨𑍍𑌮𑌦𑍍𑌧𑍍𑌯॒𑌤𑍋-𑌽𑌨𑍍𑌨॑𑌮𑌦𑍍𑌯𑌤𑍇 𑌬𑌾𑌰𑍍𑌹𑌸𑍍𑌪॒𑌤𑍍𑌯𑍋 𑌭॑𑌵𑌤𑌿॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒-𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑌾𑌸𑍍𑌮𑌾॒ 𑌅𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮॑𑌸𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌾𑌯॒ 𑌤𑍍𑌵𑍇𑌤𑍍𑌯𑌾॑𑌹 𑌤𑍇𑌜॒𑌸𑍍𑌵𑍀 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑍀 𑌭॑𑌵𑌤𑌿॒ 𑌯𑌸𑍍𑌯𑍈॒𑌷 𑌉॑𑌪𑌧𑍀॒𑌯𑌤𑍇॒ 𑌯 𑌉॑ 𑌚𑍈𑌨𑌮𑍇॒𑌵𑌂-𑌵𑍇𑌁𑌦॑ ॥ 10 ॥

(𑌅॒𑌮𑍃𑌤॑ - 𑌮𑌸𑍍𑌮𑍈 - 𑌜𑌾𑌯𑌤𑍇॒ 𑌯𑌸𑍍𑌯𑍈॒𑌤𑌾 - 𑌉॑𑌪𑌧𑍀॒𑌯𑌨𑍍𑌤𑍇॒ 𑌯 𑌉॑ - 𑌪॒𑌰𑍍𑌜𑌨𑍍𑌯॑ - 𑌉𑌪॒𑌦𑌧𑌾॑𑌤𑌿 𑌸𑌾॒𑌕𑍍𑌷𑌾𑌥𑍍 - 𑌸॒𑌪𑍍𑌤𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 2)

𑌭𑍂॒𑌤𑍇॒𑌷𑍍𑌟॒𑌕𑌾 𑌉𑌪॑ 𑌦𑌧𑌾॒𑌤𑍍𑌯𑌤𑍍𑌰𑌾᳚𑌤𑍍𑌰॒ 𑌵𑍈 𑌮𑍃॒𑌤𑍍𑌯𑍁𑌰𑍍𑌜𑌾॑𑌯𑌤𑍇॒ 𑌯𑌤𑍍𑌰॑𑌯𑌤𑍍𑌰𑍈॒𑌵 𑌮𑍃॒𑌤𑍍𑌯𑍁𑌰𑍍𑌜𑌾𑌯॑𑌤𑍇॒ 𑌤𑌤॑ 𑌏॒𑌵𑍈𑌨॒𑌮𑌵॑ 𑌯𑌜𑌤𑍇॒ 𑌤𑌸𑍍𑌮𑌾॑𑌦𑌗𑍍𑌨𑌿॒𑌚𑌿-𑌥𑍍𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿॒ 𑌸𑌰𑍍𑌵𑍇॒ 𑌹𑍍𑌯॑𑌸𑍍𑌯 𑌮𑍃॒𑌤𑍍𑌯𑌵𑍋 𑌽𑌵𑍇᳚𑌷𑍍𑌟𑌾॒𑌸𑍍𑌤𑌸𑍍𑌮𑌾॑-𑌦𑌗𑍍𑌨𑌿॒𑌚𑌿𑌨𑍍𑌨𑌾-𑌭𑌿𑌚॑𑌰𑌿𑌤॒𑌵𑍈 𑌪𑍍𑌰॒𑌤𑍍𑌯𑌗𑍇॑𑌨-𑌮𑌭𑌿𑌚𑌾॒𑌰-𑌸𑍍𑌸𑍍𑌤𑍃॑𑌣𑍁𑌤𑍇 𑌸𑍂॒𑌯𑌤𑍇॒ 𑌵𑌾 𑌏॒𑌷 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌦𑍇॑𑌵𑌸𑍁॒𑌵𑌾𑌮𑍇॒𑌤𑌾𑌨𑌿॑ 𑌹॒𑌵𑍀𑌗𑍍𑌂𑌷𑌿॑ 𑌭𑌵𑌨𑍍𑌤𑍍𑌯𑍇॒𑌤𑌾𑌵॑𑌨𑍍𑌤𑍋॒ 𑌵𑍈 𑌦𑍇॒𑌵𑌾𑌨𑌾𑌗𑍍𑌂॑ 𑌸॒𑌵𑌾𑌸𑍍𑌤 𑌏॒𑌵𑌾- [𑌸॒𑌵𑌾𑌸𑍍𑌤 𑌏॒𑌵, 𑌅॒𑌸𑍍𑌮𑍈॒ 𑌸॒𑌵𑌾-𑌨𑍍𑌪𑍍𑌰] 11

-𑌽𑌸𑍍𑌮𑍈॑ 𑌸॒𑌵𑌾-𑌨𑍍𑌪𑍍𑌰 𑌯॑𑌚𑍍𑌛𑌨𑍍𑌤𑌿॒ 𑌤 𑌏॑𑌨𑌗𑍍𑌂 𑌸𑍁𑌵𑌨𑍍𑌤𑍇 𑌸॒𑌵𑍋᳚-𑌽𑌗𑍍𑌨𑌿𑌰𑍍𑌵॑𑌰𑍁𑌣𑌸॒𑌵𑍋 𑌰𑌾॑𑌜॒𑌸𑍂𑌯॑-𑌮𑍍𑌬𑍍𑌰𑌹𑍍𑌮𑌸॒𑌵𑌶𑍍𑌚𑌿𑌤𑍍𑌯𑍋॑ 𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵 𑌇𑌤𑍍𑌯𑌾॑𑌹 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨॒-𑌮𑍍𑌬𑍍𑌰𑌹𑍍𑌮॑𑌣𑌾 𑌦𑍇॒𑌵𑌤𑌾॑𑌭𑌿𑌰॒𑌭𑌿 𑌷𑌿॑𑌞𑍍𑌚॒𑌤𑍍𑌯𑌨𑍍𑌨॑-𑌸𑍍𑌯𑌾𑌨𑍍𑌨𑌸𑍍𑌯𑌾॒𑌭𑌿 𑌷𑌿॑𑌞𑍍𑌚॒𑌤𑍍𑌯𑌨𑍍𑌨॑-𑌸𑍍𑌯𑌾𑌨𑍍𑌨॒𑌸𑍍𑌯𑌾-𑌵॑𑌰𑍁𑌦𑍍𑌧𑍍𑌯𑍈 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚॑𑌮॒𑌭𑌿 𑌷𑌿॑𑌞𑍍𑌚𑌤𑌿 𑌪𑍁॒𑌰𑌸𑍍𑌤𑌾॒𑌦𑍍𑌧𑌿 𑌪𑍍𑌰॑𑌤𑍀॒𑌚𑍀-𑌨॒𑌮𑌨𑍍𑌨॑𑌮॒𑌦𑍍𑌯𑌤𑍇॑ 𑌶𑍀𑌰𑍍𑌷॒𑌤𑍋॑-𑌽𑌭𑌿 𑌷𑌿॑𑌞𑍍𑌚𑌤𑌿 𑌶𑍀𑌰𑍍𑌷॒𑌤𑍋 𑌹𑍍𑌯𑌨𑍍𑌨॑𑌮॒𑌦𑍍𑌯𑌤॒ 𑌆 𑌮𑍁𑌖𑌾॑-𑌦॒𑌨𑍍𑌵𑌵॑𑌸𑍍𑌰𑌾𑌵𑌯𑌤𑌿 [𑌮𑍁𑌖𑌾॑-𑌦॒𑌨𑍍𑌵𑌵॑𑌸𑍍𑌰𑌾𑌵𑌯𑌤𑌿, 𑌮𑍁॒𑌖॒𑌤 𑌏॒𑌵𑌾-𑌽𑌸𑍍𑌮𑌾॑] 12

𑌮𑍁𑌖॒𑌤 𑌏॒𑌵𑌾-𑌽𑌸𑍍𑌮𑌾॑ 𑌅॒𑌨𑍍𑌨𑌾𑌦𑍍𑌯॑-𑌨𑍍𑌦𑌧𑌾𑌤𑍍𑌯॒𑌗𑍍𑌨𑍇𑌸𑍍𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿 𑌷𑌿॑𑌞𑍍𑌚𑌾॒𑌮𑍀𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇-𑌸𑍍𑌸॒𑌵𑌸𑍍𑌤𑍇𑌨𑍈॒𑌵𑍈𑌨॑𑌮॒𑌭𑌿 𑌷𑌿॑𑌞𑍍𑌚𑌤𑌿॒ 𑌬𑍃𑌹॒𑌸𑍍𑌪𑌤𑍇᳚𑌸𑍍𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿𑌷𑌿॑𑌞𑍍𑌚𑌾॒𑌮𑍀𑌤𑍍𑌯𑌾॑𑌹॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌰𑍍𑌬𑍍𑌰𑌹𑍍𑌮॑𑌣𑍈॒𑌵𑍈𑌨॑𑌮॒𑌭𑌿 𑌷𑌿॑𑌞𑍍𑌚॒𑌤𑍀𑌨𑍍𑌦𑍍𑌰॑𑌸𑍍𑌯 𑌤𑍍𑌵𑌾॒ 𑌸𑌾𑌮𑍍𑌰𑌾᳚𑌜𑍍𑌯𑍇𑌨𑌾॒𑌭𑌿 𑌷𑌿॑𑌞𑍍𑌚𑌾॒-𑌮𑍀𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍁॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑍍𑌯𑍇॒𑌤- [-𑌦𑍍𑌦𑌧𑌾𑌤𑍍𑌯𑍇॒𑌤𑌤𑍍, 𑌵𑍈 𑌰𑌾॑𑌜॒𑌸𑍂𑌯॑𑌸𑍍𑌯] 13

-𑌦𑍍𑌵𑍈 𑌰𑌾॑𑌜॒𑌸𑍂𑌯॑𑌸𑍍𑌯 𑌰𑍂॒𑌪𑌂-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤 𑌉॒𑌭𑌾𑌵𑍇॒𑌵 𑌲𑍋॒𑌕𑌾𑌵॒𑌭𑌿 𑌜॑𑌯𑌤𑌿॒ 𑌯𑌶𑍍𑌚॑ 𑌰𑌾𑌜॒𑌸𑍂𑌯𑍇॑𑌨𑍇𑌜𑌾॒𑌨𑌸𑍍𑌯॒ 𑌯𑌶𑍍𑌚𑌾᳚𑌗𑍍𑌨𑌿॒𑌚𑌿𑌤॒ 𑌇𑌨𑍍𑌦𑍍𑌰॑𑌸𑍍𑌯 𑌸𑍁𑌷𑍁𑌵𑌾॒𑌣𑌸𑍍𑌯॑ 𑌦𑌶॒𑌧𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑍍𑌪𑌰𑌾॑-𑌽𑌪𑌤॒-𑌤𑍍𑌤𑌦𑍍𑌦𑍇॒𑌵𑌾-𑌸𑍍𑌸𑍗᳚𑌤𑍍𑌰𑌾𑌮॒𑌣𑍍𑌯𑌾 𑌸𑌮॑𑌭𑌰𑌨𑍍-𑌥𑍍𑌸𑍂॒𑌯𑌤𑍇॒ 𑌵𑌾 𑌏॒𑌷 𑌯𑍋᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇᳚-𑌽𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌸𑍗᳚𑌤𑍍𑌰𑌾𑌮॒𑌣𑍍𑌯𑌾 𑌯॑𑌜𑍇𑌤𑍇𑌨𑍍𑌦𑍍𑌰𑌿॒𑌯𑌮𑍇॒𑌵 𑌵𑍀॒𑌰𑍍𑌯𑌗𑍍𑌂॑ 𑌸॒𑌭𑍃𑌨𑍍𑌤𑍍𑌯𑌾॒-𑌽𑌽𑌤𑍍𑌮-𑌨𑍍𑌧॑𑌤𑍍𑌤𑍇 ॥ 14 ॥

(𑌤 𑌏॒𑌵𑌾 - 𑌨𑍍𑌵𑌵॑𑌸𑍍𑌰𑌾𑌵𑌯𑌤𑍍𑌯𑍇॒ - 𑌤 - 𑌦॒𑌷𑍍𑌟𑌾𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 3)

𑌸॒𑌜𑍂𑌰𑌬𑍍𑌦𑍋-𑌽𑌯𑌾॑𑌵𑌭𑌿-𑌸𑍍𑌸॒𑌜𑍂𑌰𑍁॒𑌷𑌾 𑌅𑌰𑍁॑𑌣𑍀𑌭𑌿-𑌸𑍍𑌸॒𑌜𑍂-𑌸𑍍𑌸𑍂𑌰𑍍𑌯॒ 𑌏𑌤॑𑌶𑍇𑌨 𑌸॒𑌜𑍋𑌷𑌾॑𑌵॒𑌶𑍍𑌵𑌿𑌨𑌾॒ 𑌦𑌗𑍍𑌂𑌸𑍋॑𑌭𑌿-𑌸𑍍𑌸॒𑌜𑍂𑌰॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰 𑌇𑌡𑌾॑𑌭𑌿𑌰𑍍𑌘𑍃॒𑌤𑍇𑌨॒ 𑌸𑍍𑌵𑌾𑌹𑌾॑ 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌅𑌬𑍍𑌦𑍋॒ 𑌮𑌾𑌸𑌾॒ 𑌅𑌯𑌾॑𑌵𑌾 𑌉॒𑌷𑌾 𑌅𑌰𑍁॑𑌣𑍀॒ 𑌸𑍂𑌰𑍍𑌯॒ 𑌏𑌤॑𑌶 𑌇॒𑌮𑍇 𑌅॒𑌶𑍍𑌵𑌿𑌨𑌾॑ 𑌸𑌂𑌵𑌁𑌥𑍍𑌸॒𑌰𑍋᳚-𑌽𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑌃 𑌪॒𑌶𑌵॒ 𑌇𑌡𑌾॑ 𑌪॒𑌶𑌵𑍋॑ 𑌘𑍃॒𑌤𑌗𑍍𑌂 𑌸𑌂॑𑌵𑌁𑌥𑍍𑌸॒𑌰-𑌮𑍍𑌪॒𑌶𑌵𑍋-𑌽𑌨𑍁॒ 𑌪𑍍𑌰 𑌜𑌾॑𑌯𑌨𑍍𑌤𑍇 𑌸𑌂𑌵𑌁𑌥𑍍𑌸॒𑌰𑍇𑌣𑍈॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤𑌿 𑌦𑌰𑍍𑌭𑌸𑍍𑌤॒𑌮𑍍𑌬𑍇 𑌜𑍁॑𑌹𑍋𑌤𑌿॒ 𑌯 - [ ] 15

-𑌦𑍍𑌵𑌾 𑌅॒𑌸𑍍𑌯𑌾 𑌅॒𑌮𑍃𑌤𑌂॒-𑌯𑌁-𑌦𑍍𑌵𑍀॒𑌰𑍍𑌯॑-𑌨𑍍𑌤-𑌦𑍍𑌦॒𑌰𑍍𑌭𑌾𑌸𑍍𑌤𑌸𑍍𑌮𑌿॑𑌨𑍍 𑌜𑍁𑌹𑍋𑌤𑌿॒ 𑌪𑍍𑌰𑍈𑌵 𑌜𑌾॑𑌯𑌤𑍇 𑌽𑌨𑍍𑌨𑌾॒𑌦𑍋 𑌭॑𑌵𑌤𑌿॒ 𑌯𑌸𑍍𑌯𑍈॒𑌵-𑌞𑍍𑌜𑍁𑌹𑍍𑌵॑𑌤𑍍𑌯𑍇॒𑌤𑌾 𑌵𑍈 𑌦𑍇॒𑌵𑌤𑌾॑ 𑌅॒𑌗𑍍𑌨𑍇𑌃 𑌪𑍁॒𑌰𑌸𑍍𑌤𑌾᳚𑌦𑍍𑌭𑌾𑌗𑌾॒𑌸𑍍𑌤𑌾 𑌏॒𑌵 𑌪𑍍𑌰𑍀॑𑌣𑌾॒𑌤𑍍𑌯𑌥𑍋॒ 𑌚𑌕𑍍𑌷𑍁॑𑌰𑍇॒𑌵𑌾𑌗𑍍𑌨𑍇𑌃 𑌪𑍁॒𑌰𑌸𑍍𑌤𑌾॒-𑌤𑍍𑌪𑍍𑌰𑌤𑌿॑ 𑌦𑌧𑌾॒𑌤𑍍𑌯𑌨॑𑌨𑍍𑌧𑍋 𑌭𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦𑌾-𑌽𑌽𑌪𑍋॒ 𑌵𑌾 𑌇॒𑌦𑌮𑌗𑍍𑌰𑍇॑ 𑌸𑌲𑌿॒𑌲𑌮𑌾॑𑌸𑍀॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿𑌃 𑌪𑍁𑌷𑍍𑌕𑌰𑌪॒𑌰𑍍𑌣𑍇 𑌵𑌾𑌤𑍋॑ 𑌭𑍂॒𑌤𑍋॑-𑌽𑌲𑍇𑌲𑌾𑌯॒-𑌥𑍍𑌸 [𑌭𑍂॒𑌤𑍋॑-𑌽𑌲𑍇𑌲𑌾𑌯॒-𑌥𑍍𑌸𑌃, 𑌪𑍍𑌰॒𑌤𑌿॒𑌷𑍍𑌠𑌾-𑌨𑍍𑌨𑌾-𑌽𑌵𑌿॑𑌨𑍍𑌦𑌤॒] 16

𑌪𑍍𑌰॑𑌤𑌿॒𑌷𑍍𑌠𑌾-𑌨𑍍𑌨𑌾-𑌽𑌵𑌿॑𑌨𑍍𑌦𑌤॒ 𑌸 𑌏॒𑌤𑌦॒𑌪𑌾-𑌙𑍍𑌕𑍁॒𑌲𑌾𑌯॑𑌮𑌪𑌶𑍍𑌯॒-𑌤𑍍𑌤𑌸𑍍𑌮𑌿॑𑌨𑍍𑌨॒𑌗𑍍𑌨𑌿𑌮॑𑌚𑌿𑌨𑍁𑌤॒ 𑌤𑌦𑌿॒𑌯𑌮॑𑌭𑌵॒-𑌤𑍍𑌤𑌤𑍋॒ 𑌵𑍈 𑌸 𑌪𑍍𑌰𑌤𑍍𑌯॑𑌤𑌿𑌷𑍍𑌠॒𑌦𑍍𑌯𑌾-𑌮𑍍𑌪𑍁॒𑌰𑌸𑍍𑌤𑌾॑𑌦𑍁॒𑌪𑌾-𑌦॑𑌧𑌾॒-𑌤𑍍𑌤𑌚𑍍𑌛𑌿𑌰𑍋॑ 𑌽𑌭𑌵॒-𑌥𑍍𑌸𑌾 𑌪𑍍𑌰𑌾𑌚𑍀॒ 𑌦𑌿𑌗𑍍𑌯𑌾-𑌨𑍍𑌦॑𑌕𑍍𑌷𑌿𑌣॒𑌤 𑌉॒𑌪𑌾𑌦॑𑌧𑌾॒-𑌥𑍍𑌸 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑍋॑-𑌽𑌭𑌵॒-𑌥𑍍𑌸𑌾 𑌦॑𑌕𑍍𑌷𑌿॒𑌣𑌾 𑌦𑌿𑌗𑍍𑌯𑌾-𑌮𑍍𑌪॒𑌶𑍍𑌚𑌾-𑌦𑍁॒𑌪𑌾𑌦॑𑌧𑌾॒-𑌤𑍍𑌤-𑌤𑍍𑌪𑍁𑌚𑍍𑌛॑𑌮𑌭𑌵॒-𑌥𑍍𑌸𑌾 𑌪𑍍𑌰॒𑌤𑍀𑌚𑍀॒ 𑌦𑌿𑌗𑍍𑌯𑌾𑌮𑍁॑𑌤𑍍𑌤𑌰॒𑌤 𑌉॒𑌪𑌾𑌦॑𑌧𑌾॒- [𑌉॒𑌪𑌾𑌦॑𑌧𑌾𑌤𑍍, 𑌸 𑌉𑌤𑍍𑌤॑𑌰𑌃] 17

-𑌥𑍍𑌸 𑌉𑌤𑍍𑌤॑𑌰𑌃 𑌪॒𑌕𑍍𑌷𑍋॑-𑌽𑌭𑌵॒-𑌥𑍍𑌸𑍋𑌦𑍀॑𑌚𑍀॒ 𑌦𑌿𑌗𑍍𑌯𑌾𑌮𑍁॒𑌪𑌰𑌿॑𑌷𑍍𑌟𑌾-𑌦𑍁॒𑌪𑌾𑌦॑𑌧𑌾॒-𑌤𑍍𑌤-𑌤𑍍𑌪𑍃॒𑌷𑍍𑌠𑌮॑𑌭𑌵॒-𑌥𑍍𑌸𑍋𑌰𑍍𑌧𑍍𑌵𑌾 𑌦𑌿𑌗𑌿॒𑌯𑌂-𑌵𑌾𑌁 𑌅॒𑌗𑍍𑌨𑌿𑌃 𑌪𑌞𑍍𑌚𑍇᳚𑌷𑍍𑌟𑌕॒-𑌸𑍍𑌤𑌸𑍍𑌮𑌾॒-𑌦𑍍𑌯𑌦॒𑌸𑍍𑌯𑌾-𑌙𑍍𑌖𑌨॑𑌨𑍍𑌤𑍍𑌯॒𑌭𑍀𑌷𑍍𑌟॑𑌕𑌾-𑌨𑍍𑌤𑍃॒𑌨𑍍𑌦𑌨𑍍𑌤𑍍𑌯॒𑌭𑌿 𑌶𑌰𑍍𑌕॑𑌰𑌾॒𑌗𑍍𑌂॒ 𑌸𑌰𑍍𑌵𑌾॒ 𑌵𑌾 𑌇॒𑌯𑌂-𑌵𑌁𑌯𑍋᳚𑌭𑍍𑌯𑍋॒ 𑌨𑌕𑍍𑌤॑-𑌨𑍍𑌦𑍃॒𑌶𑍇 𑌦𑍀᳚𑌪𑍍𑌯𑌤𑍇॒ 𑌤𑌸𑍍𑌮𑌾॑𑌦𑌿॒𑌮𑌾𑌂-𑌵𑌁𑌯𑌾𑌗𑍍𑌂॑𑌸𑌿॒ 𑌨𑌕𑍍𑌤॒-𑌨𑍍𑌨𑌾𑌦𑍍𑌧𑍍𑌯𑌾॑𑌸𑌤𑍇॒ 𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌪𑍍𑌰𑌤𑍍𑌯𑍇॒𑌵 [𑌪𑍍𑌰𑌤𑍍𑌯𑍇॒𑌵, 𑌤𑌿॒𑌷𑍍𑌠॒𑌤𑍍𑌯॒𑌭𑌿 𑌦𑌿𑌶𑍋॑] 18

𑌤𑌿॑𑌷𑍍𑌠𑌤𑍍𑌯॒𑌭𑌿 𑌦𑌿𑌶𑍋॑ 𑌜𑌯𑌤𑍍𑌯𑌾𑌗𑍍𑌨𑍇॒𑌯𑍋 𑌵𑍈 𑌬𑍍𑌰𑌾᳚𑌹𑍍𑌮॒𑌣𑌸𑍍𑌤𑌸𑍍𑌮𑌾᳚-𑌦𑍍𑌬𑍍𑌰𑌾𑌹𑍍𑌮॒𑌣𑌾𑌯॒ 𑌸𑌰𑍍𑌵𑌾॑𑌸𑍁 𑌦𑌿॒𑌕𑍍𑌷𑍍𑌵𑌰𑍍𑌧𑍁॑𑌕॒𑌗𑍍𑌗𑍍॒ 𑌸𑍍𑌵𑌾𑌮𑍇॒𑌵 𑌤-𑌦𑍍𑌦𑌿𑌶॒𑌮𑌨𑍍𑌵𑍇᳚𑌤𑍍𑌯॒𑌪𑌾𑌂-𑌵𑌾𑌁 𑌅॒𑌗𑍍𑌨𑌿𑌃 𑌕𑍁॒𑌲𑌾𑌯॒-𑌨𑍍𑌤𑌸𑍍𑌮𑌾॒𑌦𑌾𑌪𑍋॒-𑌽𑌗𑍍𑌨𑌿𑌗𑍍𑌂 𑌹𑌾𑌰𑍁॑𑌕𑌾॒-𑌸𑍍𑌸𑍍𑌵𑌾𑌮𑍇॒𑌵 𑌤-𑌦𑍍𑌯𑍋𑌨𑌿॒-𑌮𑍍𑌪𑍍𑌰𑌵𑌿॑𑌶𑌨𑍍𑌤𑌿 ॥ 19 ॥

(𑌯𑌦॑- 𑌲𑍇𑌲𑌾𑌯॒-𑌥𑍍𑌸-𑌉॑𑌤𑍍𑌤𑌰॒𑌤 𑌉॒𑌪𑌾𑌦॑𑌧𑌾-𑌦𑍇॒𑌵 - 𑌦𑍍𑌵𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 4)

𑌸𑌂॒𑌵𑌁॒𑌥𑍍𑌸॒𑌰𑌮𑍁𑌖𑍍𑌯॑-𑌮𑍍𑌭𑍃॒𑌤𑍍𑌵𑌾 𑌦𑍍𑌵𑌿॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰 𑌆᳚𑌗𑍍𑌨𑍇॒𑌯𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇𑌦𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲𑌂-𑌵𑍈𑌁𑌶𑍍𑌵𑌦𑍇॒𑌵-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲-𑌮𑍍𑌬𑌾𑌰𑍍𑌹𑌸𑍍𑌪॒𑌤𑍍𑌯-𑌞𑍍𑌚॒𑌰𑍁𑌂-𑌵𑍈𑌁᳚𑌷𑍍𑌣॒𑌵-𑌨𑍍𑌤𑍍𑌰𑌿॑𑌕𑌪𑌾॒𑌲-𑌨𑍍𑌤𑍃॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇॑-𑌽𑌭𑌿॒𑌜𑌿𑌤𑌾॑ 𑌯𑌜𑍇𑌤॒ 𑌯𑌦॒𑌷𑍍𑌟𑌾𑌕॑𑌪𑌾𑌲𑍋॒ 𑌭𑌵॑𑌤𑍍𑌯॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍍𑌯𑌾᳚𑌗𑍍𑌨𑍇॒𑌯-𑌙𑍍𑌗𑌾॑𑌯॒𑌤𑍍𑌰-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨-𑌮𑍍𑌪𑍍𑌰𑌾॑𑌤𑌸𑍍𑌸𑌵॒𑌨𑌮𑍇॒𑌵 𑌤𑍇𑌨॑ 𑌦𑌾𑌧𑌾𑌰 𑌗𑌾𑌯॒𑌤𑍍𑌰𑍀-𑌞𑍍𑌛𑌨𑍍𑌦𑍋॒ 𑌯𑌦𑍇𑌕𑌾॑𑌦𑌶𑌕𑌪𑌾𑌲𑍋॒ 𑌭𑌵॒𑌤𑍍𑌯𑍇𑌕𑌾॑𑌦𑌶𑌾𑌕𑍍𑌷𑌰𑌾 𑌤𑍍𑌰𑌿॒𑌷𑍍𑌟𑍁𑌗𑍈॒𑌨𑍍𑌦𑍍𑌰-𑌨𑍍𑌤𑍍𑌰𑍈𑌷𑍍𑌟𑍁॑𑌭॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨॒𑌗𑍍𑌂॒ 𑌸𑌵॑𑌨॒-𑌮𑍍𑌮𑌾𑌦𑍍𑌧𑍍𑌯॑𑌨𑍍𑌦𑌿𑌨𑌮𑍇॒𑌵 𑌸𑌵॑𑌨॒-𑌨𑍍𑌤𑍇𑌨॑ 𑌦𑌾𑌧𑌾𑌰 𑌤𑍍𑌰𑌿॒𑌷𑍍𑌟𑍁𑌭॒- [𑌤𑍍𑌰𑌿॒𑌷𑍍𑌟𑍁𑌭᳚𑌮𑍍, 𑌛𑌨𑍍𑌦𑍋॒ 𑌯-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌭𑌵॑𑌤𑌿॒] 20

-𑌞𑍍𑌛𑌨𑍍𑌦𑍋॒ 𑌯-𑌦𑍍𑌦𑍍𑌵𑌾𑌦॑𑌶𑌕𑌪𑌾𑌲𑍋॒ 𑌭𑌵॑𑌤𑌿॒ 𑌦𑍍𑌵𑌾𑌦॑𑌶𑌾𑌕𑍍𑌷𑌰𑌾॒ 𑌜𑌗॑𑌤𑍀 𑌵𑍈𑌶𑍍𑌵𑌦𑍇॒𑌵-𑌞𑍍𑌜𑌾𑌗॑𑌤-𑌨𑍍𑌤𑍃𑌤𑍀𑌯𑌸𑌵॒𑌨-𑌨𑍍𑌤𑍃॑𑌤𑍀𑌯𑌸𑌵॒𑌨𑌮𑍇॒𑌵 𑌤𑍇𑌨॑ 𑌦𑌾𑌧𑌾𑌰॒ 𑌜𑌗॑𑌤𑍀॒-𑌞𑍍𑌛𑌨𑍍𑌦𑍋॒ 𑌯-𑌦𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯𑌶𑍍𑌚॒𑌰𑍁𑌰𑍍𑌭𑌵॑𑌤𑌿॒ 𑌬𑍍𑌰𑌹𑍍𑌮॒ 𑌵𑍈 𑌦𑍇॒𑌵𑌾𑌨𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌰𑍍𑌬𑍍𑌰𑌹𑍍𑌮𑍈॒𑌵 𑌤𑍇𑌨॑ 𑌦𑌾𑌧𑌾𑌰॒ 𑌯-𑌦𑍍𑌵𑍈᳚𑌷𑍍𑌣॒𑌵𑌸𑍍𑌤𑍍𑌰𑌿॑𑌕𑌪𑌾॒𑌲𑍋 𑌭𑌵॑𑌤𑌿 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑌮𑍇॒𑌵 𑌤𑍇𑌨॑ 𑌦𑌾𑌧𑌾𑌰॒ 𑌯-𑌤𑍍𑌤𑍃॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇॑-𑌽𑌭𑌿॒𑌜𑌿𑌤𑌾॒ 𑌯𑌜॑𑌤𑍇॒-𑌽𑌭𑌿𑌜𑌿॑𑌤𑍍𑌯𑍈॒ 𑌯-𑌥𑍍𑌸𑌂॑𑌵𑌁𑌥𑍍𑌸॒𑌰𑌮𑍁𑌖𑍍𑌯॑-𑌮𑍍𑌬𑌿॒𑌭𑌰𑍍𑌤𑍀॒𑌮𑌮𑍇॒𑌵 [ ] 21

𑌤𑍇𑌨॑ 𑌲𑍋॒𑌕𑌗𑍍𑌗𑍍 𑌸𑍍𑌪𑍃॑𑌣𑍋𑌤𑌿॒ 𑌯-𑌦𑍍𑌦𑍍𑌵𑌿॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇᳚-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇᳚ 𑌽𑌨𑍍𑌤𑌰𑌿॑𑌕𑍍𑌷𑌮𑍇॒𑌵 𑌤𑍇𑌨॑ 𑌸𑍍𑌪𑍃𑌣𑍋𑌤𑌿॒ 𑌯-𑌤𑍍𑌤𑍃॒𑌤𑍀𑌯𑍇॑ 𑌸𑌂𑌵𑌁𑌥𑍍𑌸॒𑌰𑍇 𑌯𑌜॑𑌤𑍇॒-𑌽𑌮𑍁𑌮𑍇॒𑌵 𑌤𑍇𑌨॑ 𑌲𑍋॒𑌕𑌗𑍍𑌗𑍍 𑌸𑍍𑌪𑍃॑𑌣𑍋𑌤𑍍𑌯𑍇॒𑌤𑌂-𑌵𑍈𑌁 𑌪𑌰॑ 𑌆𑌟𑍍𑌣𑌾॒𑌰𑌃 𑌕॒𑌕𑍍𑌷𑍀𑌵𑌾𑌗𑍍𑌂॑ 𑌔𑌶𑌿॒𑌜𑍋 𑌵𑍀॒𑌤𑌹॑𑌵𑍍𑌯-𑌶𑍍𑌶𑍍𑌰𑌾𑌯॒𑌸𑌸𑍍𑌤𑍍𑌰॒𑌸𑌦॑𑌸𑍍𑌯𑍁𑌃 𑌪𑍗𑌰𑍁𑌕𑍁॒𑌥𑍍𑌸𑍍𑌯𑌃 𑌪𑍍𑌰॒𑌜𑌾𑌕𑌾॑𑌮𑌾 𑌅𑌚𑌿𑌨𑍍𑌵𑌤॒ 𑌤𑌤𑍋॒ 𑌵𑍈 𑌤𑍇 𑌸॒𑌹𑌸𑍍𑌰𑌗𑍍𑌂॑ 𑌸𑌹𑌸𑍍𑌰-𑌮𑍍𑌪𑍁॒𑌤𑍍𑌰𑌾𑌨॑𑌵𑌿𑌨𑍍𑌦𑌨𑍍𑌤॒ 𑌪𑍍𑌰𑌥॑𑌤𑍇 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌸𑍍𑌤𑌾-𑌮𑍍𑌮𑌾𑌤𑍍𑌰𑌾॑𑌮𑌾𑌪𑍍𑌨𑍋𑌤𑌿॒ 𑌯𑌾-𑌨𑍍𑌤𑍇-𑌽𑌗॑𑌚𑍍𑌛॒𑌨𑍍॒ 𑌯 𑌏॒𑌵𑌂 𑌁𑌵𑌿॒𑌦𑍍𑌵𑌾𑌨𑍇॒𑌤𑌮॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 ॥ 22 ॥

(𑌦𑌾॒𑌧𑌾॒𑌰॒ 𑌤𑍍𑌰𑌿॒𑌷𑍍𑌟𑍁𑌭॑ - 𑌮𑌿॒𑌮𑌮𑍇॒𑌵𑍈 - 𑌵𑌂 - 𑌚॒𑌤𑍍𑌵𑌾𑌰𑌿॑ 𑌚) (𑌅. 5)

𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑌿𑌮॑𑌚𑌿𑌨𑍁𑌤॒ 𑌸 𑌕𑍍𑌷𑍁॒𑌰𑌪॑𑌵𑌿𑌰𑍍𑌭𑍂॒𑌤𑍍𑌵𑌾-𑌽𑌤𑌿॑𑌷𑍍𑌠॒-𑌤𑍍𑌤-𑌨𑍍𑌦𑍇॒𑌵𑌾 𑌬𑌿𑌭𑍍𑌯॑𑌤𑍋॒ 𑌨𑍋𑌪𑌾॑-𑌽𑌽𑌯॒-𑌨𑍍𑌤𑍇 𑌛𑌨𑍍𑌦𑍋॑𑌭𑌿𑌰𑌾॒𑌤𑍍𑌮𑌾𑌨॑-𑌞𑍍𑌛𑌾𑌦𑌯𑌿॒𑌤𑍍𑌵𑍋𑌪𑌾॑-𑌽𑌽𑌯॒-𑌨𑍍𑌤𑌚𑍍𑌛𑌨𑍍𑌦॑𑌸𑌾-𑌞𑍍𑌛𑌨𑍍𑌦॒𑌸𑍍𑌤𑍍𑌵-𑌮𑍍𑌬𑍍𑌰𑌹𑍍𑌮॒ 𑌵𑍈 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌬𑍍𑌰𑌹𑍍𑌮॑𑌣 𑌏॒𑌤-𑌦𑍍𑌰𑍂॒𑌪𑌂-𑌯𑌁-𑌤𑍍𑌕𑍃॑𑌷𑍍𑌣𑌾𑌜𑌿॒𑌨-𑌙𑍍𑌕𑌾𑌰𑍍𑌷𑍍𑌣𑍀॑ 𑌉𑌪𑌾॒𑌨𑌹𑌾॒𑌵𑍁𑌪॑ 𑌮𑍁𑌞𑍍𑌚𑌤𑍇॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑌾-𑌽𑌽𑌤𑍍𑌮𑌾𑌨॑-𑌞𑍍𑌛𑌾𑌦𑌯𑌿॒𑌤𑍍𑌵𑌾-𑌽𑌗𑍍𑌨𑌿𑌮𑍁𑌪॑ 𑌚𑌰𑌤𑍍𑌯𑌾॒𑌤𑍍𑌮𑌨𑍋-𑌽𑌹𑌿𑌗𑍍𑌂॑𑌸𑌾𑌯𑍈 𑌦𑍇𑌵𑌨𑌿॒𑌧𑌿𑌰𑍍𑌵𑌾 𑌏॒𑌷 𑌨𑌿 𑌧𑍀॑𑌯𑌤𑍇॒ 𑌯𑌦॒𑌗𑍍𑌨𑌿- [𑌯𑌦॒𑌗𑍍𑌨𑌿𑌃, 𑌅॒𑌨𑍍𑌯𑍇 𑌵𑌾॒ 𑌵𑍈] 23

-𑌰॒𑌨𑍍𑌯𑍇 𑌵𑌾॒ 𑌵𑍈 𑌨𑌿॒𑌧𑌿𑌮𑌗𑍁॑𑌪𑍍𑌤𑌂-𑌵𑌿𑌁॒𑌨𑍍𑌦𑌨𑍍𑌤𑌿॒ 𑌨 𑌵𑌾॒ 𑌪𑍍𑌰𑌤𑌿॒ 𑌪𑍍𑌰 𑌜𑌾॑𑌨𑌾𑌤𑍍𑌯𑍁॒𑌖𑌾𑌮𑌾 𑌕𑍍𑌰𑌾॑𑌮𑌤𑍍𑌯𑌾॒𑌤𑍍𑌮𑌾𑌨॑𑌮𑍇॒𑌵𑌾𑌧𑌿॒𑌪𑌾-𑌙𑍍𑌕𑍁॑𑌰𑍁𑌤𑍇॒ 𑌗𑍁𑌪𑍍𑌤𑍍𑌯𑌾॒ 𑌅𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑍍𑌨𑌾-𑌽𑌽𑌕𑍍𑌰𑌮𑍍𑌯𑍇𑌤𑌿॑ 𑌨𑍈𑌰𑍍-𑌋॒𑌤𑍍𑌯𑍁॑𑌖𑌾 𑌯𑌦𑌾॒𑌕𑍍𑌰𑌾𑌮𑍇॒𑌨𑍍𑌨𑌿𑌰𑍍-𑌋॑𑌤𑍍𑌯𑌾 𑌆॒𑌤𑍍𑌮𑌾𑌨॒𑌮𑌪𑌿॑ 𑌦𑌦𑍍𑌧𑍍𑌯𑌾॒-𑌤𑍍𑌤𑌸𑍍𑌮𑌾॒𑌨𑍍𑌨𑌾-𑌽𑌽𑌕𑍍𑌰𑌮𑍍𑌯𑌾॑ 𑌪𑍁𑌰𑍁𑌷𑌶𑍀॒𑌰𑍍॒𑌷𑌮𑍁𑌪॑ 𑌦𑌧𑌾𑌤𑌿॒ 𑌗𑍁𑌪𑍍𑌤𑍍𑌯𑌾॒ 𑌅𑌥𑍋॒ 𑌯𑌥𑌾᳚ 𑌬𑍍𑌰𑍂॒𑌯𑌾𑌦𑍇॒𑌤𑌨𑍍𑌮𑍇॑ 𑌗𑍋𑌪𑌾॒𑌯𑍇𑌤𑌿॑ 𑌤𑌾॒𑌦𑍃𑌗𑍇॒𑌵 𑌤- [𑌤𑌤𑍍, 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾] 24

-𑌤𑍍𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌅𑌥॑𑌰𑍍𑌵𑌾॒ 𑌽𑌗𑍍𑌨𑌿𑌰𑍇॒𑌵 𑌦॒𑌦𑍍𑌧𑍍𑌯𑌙𑍍𑌙𑌾॑𑌥𑌰𑍍𑌵॒𑌣𑌸𑍍𑌤𑌸𑍍𑌯𑍇𑌷𑍍𑌟॑𑌕𑌾 𑌅॒𑌸𑍍𑌥𑌾𑌨𑍍𑌯𑍇॒𑌤𑌗𑍍𑌂 𑌹॒ 𑌵𑌾𑌵 𑌤𑌦𑍍-𑌋𑌷𑌿॑𑌰॒𑌭𑍍𑌯𑌨𑍂॑𑌵𑌾॒𑌚𑍇𑌨𑍍𑌦𑍍𑌰𑍋॑ 𑌦𑌧𑍀॒𑌚𑍋 𑌅॒𑌸𑍍𑌥𑌭𑌿॒𑌰𑌿𑌤𑌿॒ 𑌯𑌦𑌿𑌷𑍍𑌟॑𑌕𑌾𑌭𑌿𑌰॒𑌗𑍍𑌨𑌿-𑌞𑍍𑌚𑌿॒𑌨𑍋𑌤𑌿॒ 𑌸𑌾𑌤𑍍𑌮𑌾॑𑌨𑌮𑍇॒𑌵𑌾𑌗𑍍𑌨𑌿-𑌞𑍍𑌚𑌿॑𑌨𑍁𑌤𑍇॒ 𑌸𑌾𑌤𑍍𑌮𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵𑌤𑌿॒ 𑌯 𑌏॒𑌵𑌂-𑌵𑍇𑌁𑌦॒ 𑌶𑌰𑍀॑𑌰𑌂॒-𑌵𑌾𑌁 𑌏॒𑌤𑌦॒𑌗𑍍𑌨𑍇𑌰𑍍𑌯𑌚𑍍𑌚𑌿𑌤𑍍𑌯॑ 𑌆॒𑌤𑍍𑌮𑌾 𑌵𑍈᳚𑌶𑍍𑌵𑌾𑌨॒𑌰𑍋 𑌯𑌚𑍍𑌚𑌿॒𑌤𑍇 𑌵𑍈᳚𑌶𑍍𑌵𑌾𑌨॒𑌰-𑌞𑍍𑌜𑍁॒𑌹𑍋𑌤𑌿॒ 𑌶𑌰𑍀॑𑌰𑌮𑍇॒𑌵 𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॒- [𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॑, 𑌅॒𑌭𑍍𑌯𑌾𑌰𑍋॑𑌹𑌤𑌿॒] 25

-𑌽𑌭𑍍𑌯𑌾𑌰𑍋॑𑌹𑌤𑌿॒ 𑌶𑌰𑍀॑𑌰𑌂॒-𑌵𑌾𑌁 𑌏॒𑌤-𑌦𑍍𑌯𑌜॑𑌮𑌾𑌨॒-𑌸𑍍𑌸𑌗𑍍𑌗𑍍 𑌸𑍍𑌕𑍁॑𑌰𑍁𑌤𑍇॒ 𑌯𑌦॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯𑌚𑍍𑌚𑌿॒𑌤𑍇 𑌵𑍈᳚𑌶𑍍𑌵𑌾𑌨॒𑌰-𑌞𑍍𑌜𑍁॒𑌹𑍋𑌤𑌿॒ 𑌶𑌰𑍀॑𑌰𑌮𑍇॒𑌵 𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॒ 𑌽𑌽𑌤𑍍𑌮𑌨𑌾॒-𑌽𑌭𑍍𑌯𑌾𑌰𑍋॑𑌹𑌤𑌿॒ 𑌤𑌸𑍍𑌮𑌾॒-𑌤𑍍𑌤𑌸𑍍𑌯॒ 𑌨𑌾𑌵॑ 𑌦𑍍𑌯𑌨𑍍𑌤𑌿॒ 𑌜𑍀𑌵॑𑌨𑍍𑌨𑍇॒𑌵 𑌦𑍇॒𑌵𑌾𑌨𑌪𑍍𑌯𑍇॑𑌤𑌿 𑌵𑍈𑌶𑍍𑌵𑌾𑌨॒𑌰𑍍𑌯𑌰𑍍𑌚𑌾 𑌪𑍁𑌰𑍀॑𑌷॒𑌮𑍁𑌪॑ 𑌦𑌧𑌾𑌤𑍀॒𑌯𑌂-𑌵𑌾𑌁 𑌅॒𑌗𑍍𑌨𑌿𑌰𑍍𑌵𑍈᳚𑌶𑍍𑌵𑌾𑌨॒𑌰𑌸𑍍𑌤𑌸𑍍𑌯𑍈॒𑌷𑌾 𑌚𑌿𑌤𑌿॒𑌰𑍍𑌯-𑌤𑍍𑌪𑍁𑌰𑍀॑𑌷𑌮॒𑌗𑍍𑌨𑌿𑌮𑍇॒𑌵 𑌵𑍈᳚𑌶𑍍𑌵𑌾𑌨॒𑌰-𑌞𑍍𑌚𑌿॑𑌨𑍁𑌤 𑌏॒𑌷𑌾 𑌵𑌾 𑌅॒𑌗𑍍𑌨𑍇𑌃 𑌪𑍍𑌰𑌿॒𑌯𑌾 𑌤॒𑌨𑍂𑌰𑍍𑌯-𑌦𑍍𑌵𑍈᳚𑌶𑍍𑌵𑌾𑌨॒𑌰𑌃 𑌪𑍍𑌰𑌿॒𑌯𑌾𑌮𑍇॒𑌵𑌾𑌸𑍍𑌯॑ 𑌤॒𑌨𑍁𑌵॒𑌮𑌵॑ 𑌰𑍁𑌨𑍍𑌧𑍇 ॥ 26 ॥

(𑌅॒𑌗𑍍𑌨𑌿 - 𑌸𑍍𑌤𑌥𑍍 - 𑌸॒𑌗𑍍𑌗𑍍॒𑌸𑍍𑌕𑍃𑌤𑍍𑌯𑌾॒ - 𑌗𑍍𑌨𑍇 - 𑌰𑍍𑌦𑌶॑ 𑌚) (𑌅. 6)

𑌅॒𑌗𑍍𑌨𑍇𑌰𑍍𑌵𑍈 𑌦𑍀॒𑌕𑍍𑌷𑌯𑌾॑ 𑌦𑍇॒𑌵𑌾 𑌵𑌿॒𑌰𑌾𑌜॑𑌮𑌾𑌪𑍍𑌨𑍁𑌵-𑌨𑍍𑌤𑌿॒𑌸𑍍𑌰𑍋 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚-𑌤𑍍𑌤𑍍𑌰𑌿॒𑌪𑌦𑌾॑ 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌷𑌡𑍍-𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌥𑍍𑌷-𑌡𑍍𑌵𑌾 𑌋॒𑌤𑌵𑌃॑ 𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌦𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌦𑍍𑌵𑌾𑌦॑𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌤𑍍𑌰𑌯𑍋॑𑌦𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌤𑍍𑌤𑍍𑌰𑌯𑍋॑𑌦𑌶॒ [𑌤𑍍𑌰𑌯𑍋॑𑌦𑌶, 𑌮𑌾𑌸𑌾᳚-] 27

𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌪𑌞𑍍𑌚॑𑌦𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌤𑍍𑌪𑌞𑍍𑌚॑𑌦𑌶॒ 𑌵𑌾 𑌅॑𑌰𑍍𑌧𑌮𑌾॒𑌸𑌸𑍍𑌯॒ 𑌰𑌾𑌤𑍍𑌰॑𑌯𑍋-𑌽𑌰𑍍𑌧𑌮𑌾𑌸॒𑌶-𑌸𑍍𑌸𑌂॑𑌵𑌁𑌥𑍍𑌸॒𑌰 𑌆᳚𑌪𑍍𑌯𑌤𑍇 𑌸𑌂𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿 𑌸॒𑌪𑍍𑌤𑌦॑𑌶॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌦𑍍𑌵𑌾𑌦॑𑌶॒ 𑌮𑌾𑌸𑌾𑌃॒ 𑌪𑌞𑍍𑌚॒𑌰𑍍𑌤𑌵॒-𑌸𑍍𑌸 𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿॒𑌗𑍍𑌂॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌚𑍍𑌚𑌤𑍁॑𑌰𑍍𑌵𑌿𑌗𑍍𑌂𑌶𑌤𑌿𑌰𑌰𑍍𑌧𑌮𑌾॒𑌸𑌾-𑌸𑍍𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿 𑌤𑍍𑌰𑌿॒𑌗𑍍𑌂॒𑌶𑌤॒𑌗𑍍𑌂॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚- [𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚𑌤𑍍, 𑌤𑍍𑌰𑌿॒𑌗𑍍𑌂॒𑌶𑌦॑𑌕𑍍𑌷𑌰𑌾] 28

-𑌤𑍍𑌤𑍍𑌰𑌿॒𑌗𑍍𑌂॒𑌶𑌦॑𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿॒ 𑌮𑌾𑌸॑-𑌨𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍𑌯𑍋 𑌮𑌾𑌸॒-𑌸𑍍𑌸 𑌸𑌂॑𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑌾𑌪𑍍𑌨𑍋𑌤𑌿 𑌚॒𑌤𑍁𑌰𑍋॑ 𑌮𑌾॒𑌸𑍋 𑌦𑍀᳚𑌕𑍍𑌷𑌿॒𑌤-𑌸𑍍𑌸𑍍𑌯𑌾᳚𑌚𑍍𑌚॒𑌤𑍁𑌰𑍋॒ 𑌵𑌾 𑌏॒𑌤-𑌮𑍍𑌮𑌾॒𑌸𑍋 𑌵𑌸॑𑌵𑍋-𑌽𑌬𑌿𑌭𑌰𑍁॒𑌸𑍍𑌤𑍇 𑌪𑍃॑𑌥𑌿॒𑌵𑍀𑌮𑌾-𑌽𑌜॑𑌯-𑌨𑍍𑌗𑌾𑌯॒𑌤𑍍𑌰𑍀-𑌞𑍍𑌛𑌨𑍍𑌦𑍋॒-𑌽𑌷𑍍𑌟𑍗 𑌰𑍁॒𑌦𑍍𑌰𑌾𑌸𑍍𑌤𑍇᳚-𑌽𑌨𑍍𑌤𑌰𑌿॑𑌕𑍍𑌷॒𑌮𑌾-𑌽𑌜॑𑌯-𑌨𑍍𑌤𑍍𑌰𑌿॒𑌷𑍍𑌟𑍁𑌭॒-𑌞𑍍𑌛𑌨𑍍𑌦𑍋॒ 𑌦𑍍𑌵𑌾𑌦॑𑌶𑌾-𑌽𑌽𑌦𑌿॒𑌤𑍍𑌯𑌾𑌸𑍍𑌤𑍇 𑌦𑌿𑌵॒𑌮𑌾-𑌽𑌜॑𑌯॒𑌨𑍍 𑌜𑌗॑𑌤𑍀॒-𑌞𑍍𑌛𑌨𑍍𑌦॒𑌸𑍍𑌤𑌤𑍋॒ 𑌵𑍈 𑌤𑍇 𑌵𑍍𑌯𑌾॒𑌵𑍃𑌤॑-𑌮𑌗𑌚𑍍𑌛॒𑌞𑍍𑌛𑍍𑌰𑍈𑌷𑍍𑌠𑍍𑌯॑-𑌨𑍍𑌦𑍇॒𑌵𑌾𑌨𑌾॒-𑌨𑍍𑌤𑌸𑍍𑌮𑌾॒-𑌦𑍍𑌦𑍍𑌵𑌾𑌦॑𑌶 𑌮𑌾॒𑌸𑍋 𑌭𑍃॒𑌤𑍍𑌵𑌾-𑌽𑌗𑍍𑌨𑌿-𑌞𑍍𑌚𑌿॑𑌨𑍍𑌵𑍀𑌤॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰𑍋᳚ -𑌽𑌗𑍍𑌨𑌿𑌶𑍍𑌚𑌿𑌤𑍍𑌯॒𑌸𑍍𑌤𑌸𑍍𑌯𑌾॑-𑌹𑍋𑌰𑌾॒𑌤𑍍𑌰𑌾𑌣𑍀𑌷𑍍𑌟॑𑌕𑌾 𑌆॒𑌪𑍍𑌤𑍇𑌷𑍍𑌟॑𑌕𑌮𑍇𑌨-𑌞𑍍𑌚𑌿𑌨𑍁॒𑌤𑍇-𑌽𑌥𑍋᳚ 𑌵𑍍𑌯𑌾॒𑌵𑍃𑌤॑𑌮𑍇॒𑌵 𑌗॑𑌚𑍍𑌛𑌤𑌿॒ 𑌶𑍍𑌰𑍈𑌷𑍍𑌠𑍍𑌯𑌗𑍍𑌂॑ 𑌸𑌮𑌾॒𑌨𑌾𑌨𑌾᳚𑌮𑍍 ॥ 29 ॥

(𑌸𑍍𑌯𑌾॒-𑌤𑍍𑌤𑍍𑌰𑌯𑍋॑𑌦𑌶 - 𑌤𑍍𑌰𑌿॒𑌗𑍍𑌂॒𑌶𑌤॒𑌗𑍍𑌂॒ 𑌰𑌾𑌤𑍍𑌰𑍀᳚𑌰𑍍𑌦𑍀𑌕𑍍𑌷𑌿॒𑌤-𑌸𑍍𑌸𑍍𑌯𑌾॒-𑌦𑍍- 𑌵𑍈 𑌤𑍇᳚ - 𑌽𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 7)

𑌸𑍁॒𑌵॒𑌰𑍍𑌗𑌾𑌯॒ 𑌵𑌾 𑌏॒𑌷 𑌲𑍋॒𑌕𑌾𑌯॑ 𑌚𑍀𑌯𑌤𑍇॒ 𑌯𑌦॒𑌗𑍍𑌨𑌿𑌸𑍍𑌤𑌂-𑌯𑌁𑌨𑍍𑌨𑌾𑌨𑍍𑌵𑌾॒𑌰𑍋𑌹𑍇᳚-𑌥𑍍𑌸𑍁𑌵॒𑌰𑍍𑌗𑌾𑌲𑍍𑌲𑍋॒𑌕𑌾-𑌦𑍍𑌯𑌜॑𑌮𑌾𑌨𑍋 𑌹𑍀𑌯𑍇𑌤 𑌪𑍃𑌥𑌿॒𑌵𑍀𑌮𑌾-𑌽𑌕𑍍𑌰॑𑌮𑌿𑌷-𑌮𑍍𑌪𑍍𑌰𑌾॒𑌣𑍋 𑌮𑌾॒ 𑌮𑌾 𑌹𑌾॑𑌸𑍀𑌦॒𑌨𑍍𑌤𑌰𑌿॑𑌕𑍍𑌷॒𑌮𑌾-𑌽𑌕𑍍𑌰॑𑌮𑌿𑌷-𑌮𑍍𑌪𑍍𑌰॒𑌜𑌾 𑌮𑌾॒ 𑌮𑌾 𑌹𑌾॑𑌸𑍀॒-𑌦𑍍𑌦𑌿𑌵॒𑌮𑌾-𑌽𑌕𑍍𑌰॑𑌮𑌿𑌷॒𑌗𑍍𑌂॒ 𑌸𑍁𑌵॑𑌰𑌗॒𑌨𑍍𑌮𑍇𑌤𑍍𑌯𑌾॑𑌹𑍈॒𑌷 𑌵𑌾 𑌅॒𑌗𑍍𑌨𑍇𑌰॑𑌨𑍍𑌵𑌾𑌰𑍋॒𑌹𑌸𑍍𑌤𑍇𑌨𑍈॒𑌵𑍈𑌨॑-𑌮॒𑌨𑍍𑌵𑌾𑌰𑍋॑𑌹𑌤𑌿 𑌸𑍁𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈॒ 𑌯-𑌤𑍍𑌪॒𑌕𑍍𑌷𑌸॑𑌮𑍍𑌮𑌿𑌤𑌾-𑌮𑍍𑌮𑌿𑌨𑍁॒𑌯𑌾- [𑌮𑌿𑌨𑍁॒𑌯𑌾𑌤𑍍, 𑌕𑌨𑍀॑𑌯𑌾𑌗𑍍𑌂𑌸-] 30

-𑌤𑍍𑌕𑌨𑍀॑𑌯𑌾𑌗𑍍𑌂𑌸𑌂-𑌯𑌁𑌜𑍍𑌞𑌕𑍍𑌰॒𑌤𑍁𑌮𑍁𑌪𑍇॑𑌯𑌾॒-𑌤𑍍𑌪𑌾𑌪𑍀॑𑌯𑌸𑍍𑌯𑌸𑍍𑌯𑌾॒ 𑌽𑌽𑌤𑍍𑌮𑌨𑌃॑ 𑌪𑍍𑌰॒𑌜𑌾 𑌸𑍍𑌯𑌾॒-𑌦𑍍𑌵𑍇𑌦𑌿॑𑌸𑌮𑍍𑌮𑌿𑌤𑌾-𑌮𑍍𑌮𑌿𑌨𑍋𑌤𑌿॒ 𑌜𑍍𑌯𑌾𑌯𑌾𑌗𑍍𑌂॑𑌸𑌮𑍇॒𑌵 𑌯॑𑌜𑍍𑌞𑌕𑍍𑌰॒𑌤𑍁𑌮𑍁𑌪𑍈॑𑌤𑌿॒ 𑌨𑌾𑌸𑍍𑌯𑌾॒-𑌽𑌽𑌤𑍍𑌮𑌨𑌃॒ 𑌪𑌾𑌪𑍀॑𑌯𑌸𑍀 𑌪𑍍𑌰॒𑌜𑌾 𑌭॑𑌵𑌤𑌿 𑌸𑌾𑌹॒𑌸𑍍𑌰-𑌞𑍍𑌚𑌿॑𑌨𑍍𑌵𑍀𑌤 𑌪𑍍𑌰𑌥॒𑌮-𑌞𑍍𑌚𑌿॑𑌨𑍍𑌵𑌾॒𑌨-𑌸𑍍𑌸॒𑌹𑌸𑍍𑌰॑𑌸𑌮𑍍𑌮𑌿𑌤𑍋॒ 𑌵𑌾 𑌅॒𑌯𑌂-𑌲𑍋𑌁॒𑌕 𑌇॒𑌮𑌮𑍇॒𑌵 𑌲𑍋॒𑌕𑌮॒𑌭𑌿 𑌜॑𑌯𑌤𑌿॒ 𑌦𑍍𑌵𑌿𑌷𑌾॑𑌹𑌸𑍍𑌰-𑌞𑍍𑌚𑌿𑌨𑍍𑌵𑍀𑌤 𑌦𑍍𑌵𑌿॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑍋 𑌦𑍍𑌵𑌿𑌷𑌾॑𑌹𑌸𑍍𑌰𑌂॒-𑌵𑌾𑌁 𑌅॒𑌨𑍍𑌤𑌰𑌿॑𑌕𑍍𑌷-𑌮॒𑌨𑍍𑌤𑌰𑌿॑𑌕𑍍𑌷𑌮𑍇॒𑌵𑌾𑌭𑌿 𑌜॑𑌯𑌤𑌿॒ 𑌤𑍍𑌰𑌿𑌷𑌾॑𑌹𑌸𑍍𑌰-𑌞𑍍𑌚𑌿𑌨𑍍𑌵𑍀𑌤 𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨- [𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑌃, 𑌤𑍍𑌰𑌿𑌷𑌾॑𑌹𑌸𑍍𑌰𑍋॒ 𑌵𑌾 𑌅॒𑌸𑍗] 31

-𑌸𑍍𑌤𑍍𑌰𑌿𑌷𑌾॑𑌹𑌸𑍍𑌰𑍋॒ 𑌵𑌾 𑌅॒𑌸𑍗 𑌲𑍋॒𑌕𑍋॑ 𑌽𑌮𑍁𑌮𑍇॒𑌵 𑌲𑍋॒𑌕𑌮॒𑌭𑌿 𑌜॑𑌯𑌤𑌿 𑌜𑌾𑌨𑍁𑌦॒𑌘𑍍𑌨-𑌞𑍍𑌚𑌿॑𑌨𑍍𑌵𑍀𑌤 𑌪𑍍𑌰𑌥॒𑌮-𑌞𑍍𑌚𑌿॑𑌨𑍍𑌵𑌾॒𑌨𑍋 𑌗𑌾॑𑌯𑌤𑍍𑌰𑌿॒𑌯𑍈𑌵𑍇𑌮𑌂-𑌲𑍋𑌁॒𑌕𑌮॒𑌭𑍍𑌯𑌾𑌰𑍋॑𑌹𑌤𑌿 𑌨𑌾𑌭𑌿𑌦॒𑌘𑍍𑌨-𑌞𑍍𑌚𑌿॑𑌨𑍍𑌵𑍀𑌤 𑌦𑍍𑌵𑌿॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑌸𑍍𑌤𑍍𑌰𑌿॒𑌷𑍍𑌟𑍁𑌭𑍈॒𑌵𑌾-𑌨𑍍𑌤𑌰𑌿॑𑌕𑍍𑌷-𑌮॒𑌭𑍍𑌯𑌾𑌰𑍋॑𑌹𑌤𑌿 𑌗𑍍𑌰𑍀𑌵𑌦॒𑌘𑍍𑌨-𑌞𑍍𑌚𑌿॑𑌨𑍍𑌵𑍀𑌤 𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑍋 𑌜𑌗॑𑌤𑍍𑌯𑍈॒𑌵𑌾𑌮𑍁𑌨𑍍 𑌁𑌲𑍋॒𑌕𑌮॒𑌭𑍍𑌯𑌾𑌰𑍋॑𑌹𑌤𑌿॒ 𑌨𑌾𑌗𑍍𑌨𑌿-𑌞𑍍𑌚𑌿॒𑌤𑍍𑌵𑌾 𑌰𑌾॒𑌮𑌾𑌮𑍁𑌪𑍇॑𑌯𑌾𑌦𑌯𑍋॒𑌨𑍗 𑌰𑍇𑌤𑍋॑ 𑌧𑌾𑌸𑍍𑌯𑌾॒𑌮𑍀𑌤𑌿॒ 𑌨 𑌦𑍍𑌵𑌿॒𑌤𑍀𑌯॑-𑌞𑍍𑌚𑌿॒𑌤𑍍𑌵𑌾-𑌽𑌨𑍍𑌯𑌸𑍍𑌯॒ 𑌸𑍍𑌤𑍍𑌰𑌿𑌯॒- [𑌸𑍍𑌤𑍍𑌰𑌿𑌯᳚𑌮𑍍, 𑌉𑌪𑍇॑𑌯𑌾॒𑌨𑍍𑌨] 32

-𑌮𑍁𑌪𑍇॑𑌯𑌾॒𑌨𑍍𑌨 𑌤𑍃॒𑌤𑍀𑌯॑-𑌞𑍍𑌚𑌿॒𑌤𑍍𑌵𑌾 𑌕𑌾-𑌞𑍍𑌚॒𑌨𑍋𑌪𑍇॑𑌯𑌾॒-𑌦𑍍𑌰𑍇𑌤𑍋॒ 𑌵𑌾 𑌏॒𑌤𑌨𑍍𑌨𑌿 𑌧॑𑌤𑍍𑌤𑍇॒ 𑌯𑌦॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤𑍇 𑌯𑌦𑍁॑𑌪𑍇॒𑌯𑌾-𑌦𑍍𑌰𑍇𑌤॑𑌸𑌾॒ 𑌵𑍍𑌯𑍃॑𑌦𑍍𑌧𑍍𑌯𑍇॒𑌤𑌾-𑌽𑌥𑍋॒ 𑌖𑌲𑍍𑌵𑌾॑𑌹𑍁𑌰 𑌪𑍍𑌰𑌜॒𑌸𑍍𑌯-𑌨𑍍𑌤-𑌦𑍍𑌯𑌨𑍍𑌨𑍋𑌪𑍇॒𑌯𑌾𑌦𑌿𑌤𑌿॒ 𑌯-𑌦𑍍𑌰𑍇॑𑌤॒𑌸𑍍𑌸𑌿𑌚𑌾॑𑌵𑍁𑌪॒𑌦𑌧𑌾॑𑌤𑌿॒ 𑌤𑍇 𑌏॒𑌵 𑌯𑌜॑𑌮𑌾𑌨𑌸𑍍𑌯॒ 𑌰𑍇𑌤𑍋॑ 𑌬𑌿𑌭𑍃𑌤॒𑌸𑍍𑌤𑌸𑍍𑌮𑌾॒-𑌦𑍁𑌪𑍇॑𑌯𑌾॒-𑌦𑍍𑌰𑍇𑌤॒𑌸𑍋-𑌽𑌸𑍍𑌕॑𑌨𑍍𑌦𑌾𑌯॒ 𑌤𑍍𑌰𑍀𑌣𑌿॒ 𑌵𑌾𑌵 𑌰𑍇𑌤𑌾𑌗𑍍𑌂॑𑌸𑌿 𑌪𑌿॒𑌤𑌾 𑌪𑍁॒𑌤𑍍𑌰𑌃 𑌪𑍗𑌤𑍍𑌰𑍋॒ [𑌪𑍗𑌤𑍍𑌰𑌃॑, 𑌯-𑌦𑍍𑌦𑍍𑌵𑍇 𑌰𑍇॑𑌤॒𑌸𑍍𑌸𑌿𑌚𑌾॑] 33

𑌯-𑌦𑍍𑌦𑍍𑌵𑍇 𑌰𑍇॑𑌤॒𑌸𑍍𑌸𑌿𑌚𑌾॑-𑌵𑍁𑌪𑌦॒𑌦𑍍𑌧𑍍𑌯𑌾-𑌦𑍍𑌰𑍇𑌤𑍋᳚-𑌽𑌸𑍍𑌯॒ 𑌵𑌿𑌚𑍍𑌛𑌿॑𑌨𑍍𑌦𑍍𑌯𑌾-𑌤𑍍𑌤𑌿॒𑌸𑍍𑌰 𑌉𑌪॑ 𑌦𑌧𑌾𑌤𑌿॒ 𑌰𑍇𑌤॑𑌸॒-𑌸𑍍𑌸𑌨𑍍𑌤॑𑌤𑍍𑌯𑌾 𑌇॒𑌯𑌂-𑌵𑌾𑌁𑌵 𑌪𑍍𑌰॑𑌥॒𑌮𑌾 𑌰𑍇॑𑌤॒𑌸𑍍𑌸𑌿𑌗𑍍 𑌵𑌾𑌗𑍍𑌵𑌾 𑌇॒𑌯-𑌨𑍍𑌤𑌸𑍍𑌮𑌾॒-𑌤𑍍𑌪𑌶𑍍𑌯॑𑌨𑍍𑌤𑍀॒𑌮𑌾-𑌮𑍍𑌪𑌶𑍍𑌯॑𑌨𑍍𑌤𑌿॒ 𑌵𑌾𑌚𑌂॒-𑌵𑌁𑌦॑𑌨𑍍𑌤𑍀𑌮॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍍𑌵𑌿॒𑌤𑍀𑌯𑌾᳚ 𑌪𑍍𑌰𑌾॒𑌣𑍋 𑌵𑌾 𑌅॒𑌨𑍍𑌤𑌰𑌿॑𑌕𑍍𑌷॒-𑌨𑍍𑌤𑌸𑍍𑌮𑌾॒𑌨𑍍𑌨𑌾-𑌽𑌨𑍍𑌤𑌰𑌿॑𑌕𑍍𑌷॒-𑌮𑍍𑌪𑌶𑍍𑌯॑𑌨𑍍𑌤𑌿॒ 𑌨 𑌪𑍍𑌰𑌾॒𑌣𑌮॒𑌸𑍗 𑌤𑍃॒𑌤𑍀𑌯𑌾॒ 𑌚𑌕𑍍𑌷𑍁॒𑌰𑍍𑌵𑌾 𑌅॒𑌸𑍗 𑌤𑌸𑍍𑌮𑌾॒-𑌤𑍍𑌪𑌶𑍍𑌯॑𑌨𑍍𑌤𑍍𑌯॒𑌮𑍂-𑌮𑍍𑌪𑌶𑍍𑌯॑𑌨𑍍𑌤𑌿॒ 𑌚𑌕𑍍𑌷𑍁॒-𑌰𑍍𑌯𑌜𑍁॑𑌷𑍇॒𑌮𑌾-𑌞𑍍𑌚𑌾॒- [𑌚𑌕𑍍𑌷𑍁॒-𑌰𑍍𑌯𑌜𑍁॑𑌷𑍇॒𑌮𑌾-𑌞𑍍𑌚𑌾॑, 𑌅॒𑌮𑍂-𑌞𑍍𑌚𑍋𑌪॑] 34

-𑌽𑌮𑍂-𑌞𑍍𑌚𑍋𑌪॑ 𑌦𑌧𑌾𑌤𑌿॒ 𑌮𑌨॑𑌸𑌾 𑌮𑌦𑍍𑌧𑍍𑌯॒𑌮𑌾𑌮𑍇॒𑌷𑌾𑌂-𑌲𑍋𑌁॒𑌕𑌾𑌨𑌾॒-𑌙𑍍𑌕𑍢𑌪𑍍𑌤𑍍𑌯𑌾॒ 𑌅𑌥𑍋᳚ 𑌪𑍍𑌰𑌾॒𑌣𑌾𑌨𑌾॑𑌮𑌿॒𑌷𑍍𑌟𑍋 𑌯॒𑌜𑍍𑌞𑍋 𑌭𑍃𑌗𑍁॑𑌭𑌿𑌰𑌾𑌶𑍀॒𑌰𑍍𑌦𑌾 𑌵𑌸𑍁॑𑌭𑌿॒𑌸𑍍𑌤𑌸𑍍𑌯॑ 𑌤 𑌇॒𑌷𑍍𑌟𑌸𑍍𑌯॑ 𑌵𑍀॒𑌤𑌸𑍍𑌯॒ 𑌦𑍍𑌰𑌵𑌿॑𑌣𑍇॒𑌹 𑌭॑𑌕𑍍𑌷𑍀॒𑌯𑍇𑌤𑍍𑌯𑌾॑𑌹 𑌸𑍍𑌤𑍁𑌤𑌶॒𑌸𑍍𑌤𑍍𑌰𑍇 𑌏॒𑌵𑍈𑌤𑍇𑌨॑ 𑌦𑍁𑌹𑍇 𑌪𑌿॒𑌤𑌾 𑌮𑌾॑𑌤॒𑌰𑌿𑌶𑍍𑌵𑌾-𑌽𑌚𑍍𑌛𑌿॑𑌦𑍍𑌰𑌾 𑌪॒𑌦𑌾 𑌧𑌾॒ 𑌅𑌚𑍍𑌛𑌿॑𑌦𑍍𑌰𑌾 𑌉॒𑌶𑌿𑌜𑌃॑ 𑌪॒𑌦𑌾-𑌽𑌨𑍁॑ 𑌤𑌕𑍍𑌷𑍁॒-𑌸𑍍𑌸𑍋𑌮𑍋॑ 𑌵𑌿𑌶𑍍𑌵॒𑌵𑌿𑌨𑍍𑌨𑍇॒𑌤𑌾 𑌨𑍇॑𑌷॒-𑌦𑍍𑌬𑍃𑌹॒𑌸𑍍𑌪𑌤𑌿॑𑌰𑍁𑌕𑍍𑌥𑌾𑌮॒𑌦𑌾𑌨𑌿॑ 𑌶𑌗𑍍𑌂𑌸𑌿𑌷॒𑌦𑌿𑌤𑍍𑌯𑌾॑𑌹𑍈॒𑌤𑌦𑍍𑌵𑌾 𑌅॒𑌗𑍍𑌨𑍇𑌰𑍁॒𑌕𑍍𑌥-𑌨𑍍𑌤𑍇𑌨𑍈॒𑌵𑍈𑌨॒𑌮𑌨𑍁॑ 𑌶𑌗𑍍𑌂𑌸𑌤𑌿 ॥ 35 ॥

(𑌮𑌿॒𑌨𑍁॒𑌯𑌾𑌤𑍍 - 𑌤𑍃॒𑌤𑍀𑌯॑-𑌞𑍍𑌚𑌿𑌨𑍍𑌵𑌾॒𑌨𑌃 - 𑌸𑍍𑌤𑍍𑌰𑌿𑌯𑌂॒ - 𑌪𑍗𑌤𑍍𑌰॑ - 𑌶𑍍𑌚॒ - 𑌵𑍈 - 𑌸॒𑌪𑍍𑌤 𑌚॑) (𑌅. 8)

𑌸𑍂॒𑌯𑌤𑍇॒ 𑌵𑌾 𑌏॒𑌷𑍋᳚-𑌽𑌗𑍍𑌨𑍀॒𑌨𑌾𑌂-𑌯𑌁 𑌉॒𑌖𑌾𑌯𑌾᳚-𑌮𑍍𑌭𑍍𑌰𑌿॒𑌯𑌤𑍇॒ 𑌯𑌦॒𑌧-𑌸𑍍𑌸𑌾॒𑌦𑌯𑍇॒-𑌦𑍍𑌗𑌰𑍍𑌭𑌾𑌃᳚ 𑌪𑍍𑌰॒𑌪𑌾𑌦𑍁॑𑌕𑌾-𑌸𑍍𑌸𑍍𑌯𑍁॒𑌰𑌥𑍋॒ 𑌯𑌥𑌾॑ 𑌸॒𑌵𑌾-𑌤𑍍𑌪𑍍𑌰॑𑌤𑍍𑌯𑌵॒𑌰𑍋𑌹॑𑌤𑌿 𑌤𑌾॒𑌦𑍃𑌗𑍇॒𑌵 𑌤𑌦𑌾॑𑌸॒𑌨𑍍𑌦𑍀 𑌸𑌾॑𑌦𑌯𑌤𑌿॒ 𑌗𑌰𑍍𑌭𑌾॑𑌣𑌾॒-𑌨𑍍𑌧𑍃𑌤𑍍𑌯𑌾॒ 𑌅𑌪𑍍𑌰॑𑌪𑌾𑌦𑌾॒𑌯𑌾𑌥𑍋॑ 𑌸॒𑌵𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑌿॒ 𑌗𑌰𑍍𑌭𑍋॒ 𑌵𑌾 𑌏॒𑌷 𑌯𑌦𑍁𑌖𑍍𑌯𑍋॒ 𑌯𑍋𑌨𑌿𑌃॑ 𑌶𑌿॒𑌕𑍍𑌯𑌂॑-𑌯𑌁𑌚𑍍𑌛𑌿॒𑌕𑍍𑌯𑌾॑𑌦𑍁॒𑌖𑌾-𑌨𑍍𑌨𑌿॒𑌰𑍂𑌹𑍇॒-𑌦𑍍𑌯𑍋𑌨𑍇॒𑌰𑍍𑌗𑌰𑍍𑌭॒-𑌨𑍍𑌨𑌿𑌰𑍍𑌹॑𑌣𑍍𑌯𑌾॒-𑌥𑍍𑌷𑌡𑍁॑𑌦𑍍𑌯𑌾𑌮𑌗𑍍𑌂 𑌶𑌿॒𑌕𑍍𑌯॑-𑌮𑍍𑌭𑌵𑌤𑌿 𑌷𑍋𑌢𑌾 𑌵𑌿𑌹𑌿॒𑌤𑍋 𑌵𑍈 [ ] 36

𑌪𑍁𑌰𑍁॑𑌷 𑌆॒𑌤𑍍𑌮𑌾 𑌚॒ 𑌶𑌿𑌰॑𑌶𑍍𑌚 𑌚॒𑌤𑍍𑌵𑌾𑌰𑍍𑌯𑌙𑍍𑌗𑌾᳚𑌨𑍍𑌯𑌾॒𑌤𑍍𑌮𑌨𑍍𑌨𑍇॒𑌵𑍈𑌨॑-𑌮𑍍𑌬𑌿𑌭𑌰𑍍𑌤𑌿 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯𑍋॒𑌖𑌾 𑌚𑍋॒𑌲𑍂𑌖॑𑌲-𑌞𑍍𑌚॒ 𑌸𑍍𑌤𑌨𑍗॒ 𑌤𑌾𑌵॑𑌸𑍍𑌯 𑌪𑍍𑌰॒𑌜𑌾 𑌉𑌪॑ 𑌜𑍀𑌵𑌨𑍍𑌤𑌿॒ 𑌯𑌦𑍁॒𑌖𑌾-𑌞𑍍𑌚𑍋॒𑌲𑍂𑌖॑𑌲-𑌞𑍍𑌚𑍋𑌪॒𑌦𑌧𑌾॑𑌤𑌿॒ 𑌤𑌾𑌭𑍍𑌯𑌾॑𑌮𑍇॒𑌵 𑌯𑌜॑𑌮𑌾𑌨𑍋॒-𑌽𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇᳚-𑌽𑌗𑍍𑌨𑌿-𑌨𑍍𑌦𑍁॑𑌹𑍇 𑌸𑌂𑌵𑌁𑌥𑍍𑌸॒𑌰𑍋 𑌵𑌾 𑌏॒𑌷 𑌯𑌦॒𑌗𑍍𑌨𑌿𑌸𑍍𑌤𑌸𑍍𑌯॑ 𑌤𑍍𑌰𑍇𑌧𑌾𑌵𑌿𑌹𑌿॒𑌤𑌾 𑌇𑌷𑍍𑌟॑𑌕𑌾𑌃 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌵𑍈᳚𑌷𑍍𑌣॒𑌵𑍀- [𑌵𑍈᳚𑌷𑍍𑌣॒𑌵𑍀𑌃, 𑌵𑍈॒𑌶𑍍𑌵॒𑌕॒𑌰𑍍𑌮॒𑌣𑍀-] 37

-𑌰𑍍𑌵𑍈᳚𑌶𑍍𑌵𑌕𑌰𑍍𑌮॒𑌣𑍀-𑌰॑𑌹𑍋𑌰𑌾॒𑌤𑍍𑌰𑌾𑌣𑍍𑌯𑍇॒𑌵𑌾-𑌽𑌸𑍍𑌯॑ 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌯𑌦𑍁𑌖𑍍𑌯॑-𑌮𑍍𑌬𑌿॒𑌭𑌰𑍍𑌤𑌿॑ 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌏॒𑌵 𑌤𑌦𑍁𑌪॑ 𑌧𑌤𑍍𑌤𑍇॒ 𑌯-𑌥𑍍𑌸॒𑌮𑌿𑌧॑ 𑌆॒𑌦𑌧𑌾॑𑌤𑌿 𑌵𑍈𑌷𑍍𑌣॒𑌵𑌾 𑌵𑍈 𑌵𑌨॒𑌸𑍍𑌪𑌤॑𑌯𑍋 𑌵𑍈𑌷𑍍𑌣॒𑌵𑍀𑌰𑍇॒𑌵 𑌤𑌦𑍁𑌪॑ 𑌧𑌤𑍍𑌤𑍇॒ 𑌯𑌦𑌿𑌷𑍍𑌟॑𑌕𑌾𑌭𑌿𑌰॒𑌗𑍍𑌨𑌿-𑌞𑍍𑌚𑌿॒𑌨𑍋𑌤𑍀॒𑌯𑌂-𑌵𑍈𑌁 𑌵𑌿॒𑌶𑍍𑌵𑌕॑𑌰𑍍𑌮𑌾 𑌵𑍈𑌶𑍍𑌵𑌕𑌰𑍍𑌮॒𑌣𑍀𑌰𑍇॒𑌵 𑌤𑌦𑍁𑌪॑ 𑌧𑌤𑍍𑌤𑍇॒ 𑌤𑌸𑍍𑌮𑌾॑-𑌦𑌾𑌹𑍁-𑌸𑍍𑌤𑍍𑌰𑌿॒𑌵𑍃𑌦॒𑌗𑍍𑌨𑌿𑌰𑌿𑌤𑌿॒ 𑌤𑌂-𑌵𑌾𑌁 𑌏॒𑌤𑌂-𑌯𑌁𑌜॑𑌮𑌾𑌨 𑌏॒𑌵 𑌚𑌿॑𑌨𑍍𑌵𑍀𑌤॒ 𑌯𑌦॑𑌸𑍍𑌯𑌾॒𑌨𑍍𑌯 𑌶𑍍𑌚𑌿॑𑌨𑍁॒𑌯𑌾𑌦𑍍𑌯-𑌤𑍍𑌤-𑌨𑍍𑌦𑌕𑍍𑌷𑌿॑𑌣𑌾𑌭𑌿॒𑌰𑍍𑌨 𑌰𑌾॒𑌧𑌯𑍇॑𑌦॒𑌗𑍍𑌨𑌿𑌮॑𑌸𑍍𑌯 𑌵𑍃𑌞𑍍𑌜𑍀𑌤॒ 𑌯𑍋᳚-𑌽𑌸𑍍𑌯𑌾॒-𑌽𑌗𑍍𑌨𑌿-𑌞𑍍𑌚𑌿॑𑌨𑍁॒𑌯𑌾-𑌤𑍍𑌤-𑌨𑍍𑌦𑌕𑍍𑌷𑌿॑𑌣𑌾𑌭𑍀 𑌰𑌾𑌧𑌯𑍇𑌦॒𑌗𑍍𑌨𑌿𑌮𑍇॒𑌵 𑌤-𑌥𑍍𑌸𑍍𑌪𑍃॑𑌣𑍋𑌤𑌿 ॥ 38 ॥

(𑌷𑍋॒𑌢𑌾॒𑌵𑌿॒𑌹𑌿॒𑌤𑍋 𑌵𑍈 - 𑌵𑍈᳚𑌷𑍍𑌣॒𑌵𑍀 - 𑌰॒𑌨𑍍𑌯𑍋 - 𑌵𑌿𑌗𑍍𑌂॑𑌶॒𑌤𑌿𑌶𑍍𑌚॑) (𑌅. 9)

𑌪𑍍𑌰॒𑌜𑌾𑌪॑𑌤𑌿-𑌰॒𑌗𑍍𑌨𑌿-𑌮॑𑌚𑌿𑌨𑍁𑌤॒𑌰𑍍𑌤𑍁𑌭𑌿𑌃॑ 𑌸𑌂𑌵𑌁𑌥𑍍𑌸॒𑌰𑌂-𑌵𑌁॑𑌸॒𑌨𑍍𑌤𑍇𑌨𑍈॒𑌵𑌾𑌸𑍍𑌯॑ 𑌪𑍂𑌰𑍍𑌵𑌾॒𑌰𑍍𑌧𑌮॑𑌚𑌿𑌨𑍁𑌤 𑌗𑍍𑌰𑍀॒𑌷𑍍𑌮𑍇𑌣॒ 𑌦𑌕𑍍𑌷𑌿॑𑌣-𑌮𑍍𑌪॒𑌕𑍍𑌷𑌂-𑌵𑌁॒𑌰𑍍॒𑌷𑌾𑌭𑌿𑌃॒ 𑌪𑍁𑌚𑍍𑌛𑌗𑍍𑌂॑ 𑌶॒𑌰𑌦𑍋𑌤𑍍𑌤॑𑌰-𑌮𑍍𑌪॒𑌕𑍍𑌷𑌗𑍍𑌂 𑌹𑍇॑𑌮॒𑌨𑍍𑌤𑍇𑌨॒ 𑌮𑌦𑍍𑌧𑍍𑌯॒-𑌮𑍍𑌬𑍍𑌰𑌹𑍍𑌮॑𑌣𑌾॒ 𑌵𑌾 𑌅॑𑌸𑍍𑌯॒ 𑌤-𑌤𑍍𑌪𑍂᳚𑌰𑍍𑌵𑌾॒𑌰𑍍𑌧𑌮॑𑌚𑌿𑌨𑍁𑌤 𑌕𑍍𑌷॒𑌤𑍍𑌰𑍇𑌣॒ 𑌦𑌕𑍍𑌷𑌿॑𑌣-𑌮𑍍𑌪॒𑌕𑍍𑌷-𑌮𑍍𑌪॒𑌶𑍁𑌭𑌿𑌃॒ 𑌪𑍁𑌚𑍍𑌛𑌂॑-𑌵𑌿𑌁॒𑌶𑍋𑌤𑍍𑌤॑𑌰-𑌮𑍍𑌪॒𑌕𑍍𑌷𑌮𑌾॒𑌶𑌯𑌾॒ 𑌮𑌦𑍍𑌧𑍍𑌯𑌂॒-𑌯𑌁 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌗𑍍𑌨𑌿-𑌞𑍍𑌚𑌿॑𑌨𑍁॒𑌤 𑌋॒𑌤𑍁𑌭𑌿॑𑌰𑍇॒𑌵𑍈𑌨॑-𑌞𑍍𑌚𑌿𑌨𑍁॒𑌤𑍇-𑌽𑌥𑍋॑ 𑌏॒𑌤𑌦𑍇॒𑌵 𑌸𑌰𑍍𑌵॒𑌮𑌵॑ - [𑌸𑌰𑍍𑌵॒𑌮𑌵॑, 𑌰𑍁॒𑌨𑍍𑌧𑍇॒ 𑌶𑍃॒𑌣𑍍𑌵𑌨𑍍𑌤𑍍𑌯𑍇॑𑌨] 39

𑌰𑍁𑌨𑍍𑌧𑍇 𑌶𑍃॒𑌣𑍍𑌵𑌨𑍍𑌤𑍍𑌯𑍇॑𑌨-𑌮॒𑌗𑍍𑌨𑌿-𑌞𑍍𑌚𑌿॑𑌕𑍍𑌯𑌾॒𑌨𑌮𑌤𑍍𑌤𑍍𑌯𑌨𑍍𑌨॒𑌗𑍍𑌂॒ 𑌰𑍋𑌚॑𑌤 𑌇॒𑌯𑌂-𑌵𑌾𑌁𑌵 𑌪𑍍𑌰॑𑌥॒𑌮𑌾 𑌚𑌿𑌤𑌿॒𑌰𑍋𑌷॑𑌧𑌯𑍋॒ 𑌵𑌨॒𑌸𑍍𑌪𑌤॑𑌯𑌃॒ 𑌪𑍁𑌰𑍀॑𑌷𑌮॒𑌨𑍍𑌤𑌰𑌿॑𑌕𑍍𑌷-𑌨𑍍𑌦𑍍𑌵𑌿॒𑌤𑍀𑌯𑌾॒ 𑌵𑌯𑌾𑌗𑍍𑌂॑𑌸𑌿॒ 𑌪𑍁𑌰𑍀॑𑌷𑌮॒𑌸𑍗 𑌤𑍃॒𑌤𑍀𑌯𑌾॒ 𑌨𑌕𑍍𑌷॑𑌤𑍍𑌰𑌾𑌣𑌿॒ 𑌪𑍁𑌰𑍀॑𑌷𑌂-𑌯𑌁॒𑌜𑍍𑌞𑌶𑍍𑌚॑𑌤𑍁॒𑌰𑍍𑌥𑍀 𑌦𑌕𑍍𑌷𑌿॑𑌣𑌾॒ 𑌪𑍁𑌰𑍀॑𑌷𑌂॒-𑌯𑌁𑌜॑𑌮𑌾𑌨𑌃 𑌪𑌞𑍍𑌚॒𑌮𑍀 𑌪𑍍𑌰॒𑌜𑌾 𑌪𑍁𑌰𑍀॑𑌷𑌂॒-𑌯𑌁-𑌤𑍍𑌤𑍍𑌰𑌿𑌚𑌿॑𑌤𑍀𑌕-𑌞𑍍𑌚𑌿𑌨𑍍𑌵𑍀॒𑌤 𑌯॒𑌜𑍍𑌞-𑌨𑍍𑌦𑌕𑍍𑌷𑌿॑𑌣𑌾𑌮𑌾॒𑌤𑍍𑌮𑌾𑌨॑-𑌮𑍍𑌪𑍍𑌰॒𑌜𑌾𑌮॒𑌨𑍍𑌤𑌰𑌿॑𑌯𑌾॒-𑌤𑍍𑌤𑌸𑍍𑌮𑌾॒-𑌤𑍍𑌪𑌞𑍍𑌚॑𑌚𑌿𑌤𑍀𑌕𑌶𑍍𑌚𑍇𑌤॒𑌵𑍍𑌯॑ 𑌏॒𑌤𑌦𑍇॒𑌵 𑌸𑌰𑍍𑌵𑌗𑍍𑌗𑍍॑ 𑌸𑍍𑌪𑍃𑌣𑍋𑌤𑌿॒ 𑌯-𑌤𑍍𑌤𑌿॒𑌸𑍍𑌰𑌶𑍍𑌚𑌿𑌤॑𑌯- [𑌯-𑌤𑍍𑌤𑌿॒𑌸𑍍𑌰𑌶𑍍𑌚𑌿𑌤॑𑌯𑌃, 𑌤𑍍𑌰𑌿॒𑌵𑍃𑌦𑍍𑌧𑍍𑌯॑𑌗𑍍𑌨𑌿𑌰𑍍𑌯-𑌦𑍍𑌦𑍍𑌵𑍇] 40

-𑌸𑍍𑌤𑍍𑌰𑌿॒𑌵𑍃𑌦𑍍𑌧𑍍𑌯॑𑌗𑍍𑌨𑌿𑌰𑍍𑌯-𑌦𑍍𑌦𑍍𑌵𑍇 𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈॒ 𑌪𑌞𑍍𑌚॒ 𑌚𑌿𑌤॑𑌯𑍋 𑌭𑌵𑌨𑍍𑌤𑌿॒ 𑌪𑌾𑌙𑍍𑌕𑍍𑌤𑌃॒ 𑌪𑍁𑌰𑍁॑𑌷 𑌆॒𑌤𑍍𑌮𑌾𑌨॑𑌮𑍇॒𑌵 𑌸𑍍𑌪𑍃॑𑌣𑍋𑌤𑌿॒ 𑌪𑌞𑍍𑌚॒ 𑌚𑌿𑌤॑𑌯𑍋 𑌭𑌵𑌨𑍍𑌤𑌿 𑌪॒𑌞𑍍𑌚𑌭𑌿𑌃॒ 𑌪𑍁𑌰𑍀॑𑌷𑍈𑌰॒𑌭𑍍𑌯𑍂॑𑌹𑌤𑌿॒ 𑌦𑌶॒ 𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑌶𑌾᳚𑌕𑍍𑌷𑌰𑍋॒ 𑌵𑍈 𑌪𑍁𑌰𑍁॑𑌷𑍋॒ 𑌯𑌾𑌵𑌾॑𑌨𑍇॒𑌵 𑌪𑍁𑌰𑍁॑𑌷॒𑌸𑍍𑌤𑌗𑍍𑌗𑍍 𑌸𑍍𑌪𑍃॑𑌣𑍋॒𑌤𑍍𑌯𑌥𑍋॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾𑌡𑌨𑍍𑌨𑌂॑-𑌵𑌿𑌁॒𑌰𑌾-𑌡𑍍𑌵𑌿॒𑌰𑌾𑌜𑍍𑌯𑍇॒𑌵𑌾𑌨𑍍𑌨𑌾𑌦𑍍𑌯𑍇॒ 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌸𑌂𑌵𑌁𑌥𑍍𑌸॒𑌰𑍋 𑌵𑍈 𑌷॒𑌷𑍍𑌠𑍀 𑌚𑌿𑌤𑌿॑𑌰𑍍-𑌋॒𑌤𑌵𑌃॒ 𑌪𑍁𑌰𑍀॑𑌷॒𑌗𑍍𑌂॒ 𑌷𑌟𑍍 𑌚𑌿𑌤॑𑌯𑍋 𑌭𑌵𑌨𑍍𑌤𑌿॒ 𑌷𑌟𑍍 𑌪𑍁𑌰𑍀॑𑌷𑌾𑌣𑌿॒ 𑌦𑍍𑌵𑌾𑌦॑𑌶॒ 𑌸-𑌮𑍍𑌪॑𑌦𑍍𑌯𑌨𑍍𑌤𑍇॒ 𑌦𑍍𑌵𑌾𑌦॑𑌶॒ 𑌮𑌾𑌸𑌾᳚-𑌸𑍍𑌸𑌂𑌵𑌁𑌥𑍍𑌸॒𑌰-𑌸𑍍𑌸𑌂॑𑌵𑌁𑌥𑍍𑌸॒𑌰 𑌏॒𑌵 𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 ॥ 41 ॥

(𑌅𑌵॒ - 𑌚𑌿𑌤॑𑌯𑌃॒ - 𑌪𑍁𑌰𑍀॑𑌷𑌂॒ - 𑌪𑌞𑍍𑌚॑𑌦𑌶 𑌚) (𑌅. 10)

𑌰𑍋𑌹𑌿॑𑌤𑍋 𑌧𑍂॒𑌮𑍍𑌰𑌰𑍋॑𑌹𑌿𑌤𑌃 𑌕॒𑌰𑍍𑌕𑌨𑍍𑌧𑍁॑𑌰𑍋𑌹𑌿𑌤॒𑌸𑍍𑌤𑍇 𑌪𑍍𑌰𑌾॑𑌜𑌾𑌪॒𑌤𑍍𑌯𑌾 𑌬॒𑌭𑍍𑌰𑍁𑌰॑𑌰𑍁॒𑌣𑌬॑𑌭𑍍𑌰𑍁॒-𑌶𑍍𑌶𑍁𑌕॑𑌬𑌭𑍍𑌰𑍁॒𑌸𑍍𑌤𑍇 𑌰𑍗॒𑌦𑍍𑌰𑌾-𑌶𑍍𑌶𑍍𑌯𑍇𑌤𑌃॑ 𑌶𑍍𑌯𑍇𑌤𑌾॒𑌕𑍍𑌷-𑌶𑍍𑌶𑍍𑌯𑍇𑌤॑𑌗𑍍𑌰𑍀𑌵॒𑌸𑍍𑌤𑍇 𑌪𑌿॑𑌤𑍃𑌦𑍇𑌵॒𑌤𑍍𑌯𑌾᳚𑌸𑍍𑌤𑌿॒𑌸𑍍𑌰𑌃 𑌕𑍃॒𑌷𑍍𑌣𑌾 𑌵॒𑌶𑌾 𑌵𑌾॑𑌰𑍁॒𑌣𑍍𑌯॑𑌸𑍍𑌤𑌿॒𑌸𑍍𑌰-𑌶𑍍𑌶𑍍𑌵𑍇॒𑌤𑌾 𑌵॒𑌶𑌾-𑌸𑍍𑌸𑍗॒𑌰𑍍𑌯𑍋॑ 𑌮𑍈𑌤𑍍𑌰𑌾𑌬𑌾𑌰𑍍𑌹𑌸𑍍𑌪॒𑌤𑍍𑌯𑌾 𑌧𑍂॒𑌮𑍍𑌰𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 42 ॥

(𑌰𑍋𑌹𑌿॑𑌤𑌃॒-𑌷𑌡𑍍𑌵𑌗𑍍𑌂॑𑌶𑌤𑌿𑌃) (𑌅. 11)

𑌪𑍃𑌶𑍍𑌞𑌿॑-𑌸𑍍𑌤𑌿𑌰॒𑌶𑍍𑌚𑍀𑌨॑-𑌪𑍃𑌶𑍍𑌞𑌿𑌰𑍂॒𑌰𑍍𑌧𑍍𑌵-𑌪𑍃॑𑌶𑍍𑌞𑌿॒𑌸𑍍𑌤𑍇 𑌮𑌾॑𑌰𑍁॒𑌤𑌾𑌃 𑌫॒𑌲𑍍𑌗𑍂𑌰𑍍𑌲𑍋॑𑌹𑌿𑌤𑍋॒𑌰𑍍𑌣𑍀 𑌬॑𑌲॒𑌕𑍍𑌷𑍀 𑌤𑌾-𑌸𑍍𑌸𑌾॑𑌰𑌸𑍍𑌵॒𑌤𑍍𑌯𑌃॑ 𑌪𑍃𑌷॑𑌤𑍀 𑌸𑍍𑌥𑍂॒𑌲𑌪𑍃॑𑌷𑌤𑍀 𑌕𑍍𑌷𑍁॒𑌦𑍍𑌰𑌪𑍃॑𑌷𑌤𑍀॒ 𑌤𑌾 𑌵𑍈᳚𑌶𑍍𑌵𑌦𑍇॒𑌵𑍍𑌯॑𑌸𑍍𑌤𑌿॒𑌸𑍍𑌰-𑌶𑍍𑌶𑍍𑌯𑌾॒𑌮𑌾 𑌵॒𑌶𑌾𑌃 𑌪𑍗॒𑌷𑍍𑌣𑌿𑌯॑𑌸𑍍𑌤𑌿॒𑌸𑍍𑌰𑍋 𑌰𑍋𑌹𑌿॑𑌣𑍀𑌰𑍍𑌵॒𑌶𑌾 𑌮𑍈॒𑌤𑍍𑌰𑌿𑌯॑ 𑌐𑌨𑍍𑌦𑍍𑌰𑌾𑌬𑌾𑌰𑍍𑌹𑌸𑍍𑌪॒𑌤𑍍𑌯𑌾 𑌅॑𑌰𑍁॒𑌣𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 43 ॥

(𑌪𑍃𑌶𑍍𑌞𑌿𑌃॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌃) (𑌅. 12)

𑌶𑌿॒𑌤𑌿॒𑌬𑌾॒𑌹𑍁-𑌰॒𑌨𑍍𑌯𑌤॑𑌶𑍍𑌶𑌿𑌤𑌿𑌬𑌾𑌹𑍁-𑌸𑍍𑌸𑌮॒𑌨𑍍𑌤 𑌶𑌿॑𑌤𑌿𑌬𑌾𑌹𑍁॒𑌸𑍍𑌤 𑌐᳚𑌨𑍍𑌦𑍍𑌰𑌵𑌾𑌯॒𑌵𑌾-𑌶𑍍𑌶𑌿॑𑌤𑌿॒𑌰𑌨𑍍𑌧𑍍𑌰𑍋॒ 𑌽𑌨𑍍𑌯𑌤॑𑌶𑍍𑌶𑌿𑌤𑌿𑌰𑌨𑍍𑌧𑍍𑌰-𑌸𑍍𑌸𑌮॒𑌨𑍍𑌤𑌶𑌿॑𑌤𑌿𑌰𑌨𑍍𑌧𑍍𑌰॒𑌸𑍍𑌤𑍇 𑌮𑍈᳚𑌤𑍍𑌰𑌾𑌵𑌰𑍁॒𑌣𑌾-𑌶𑍍𑌶𑍁॒𑌦𑍍𑌧𑌵𑌾॑𑌲-𑌸𑍍𑌸॒𑌰𑍍𑌵𑌶𑍁॑𑌦𑍍𑌧𑌵𑌾𑌲𑍋 𑌮॒𑌣𑌿𑌵𑌾॑𑌲॒𑌸𑍍𑌤 𑌆᳚𑌶𑍍𑌵𑌿॒𑌨𑌾𑌸𑍍𑌤𑌿॒𑌸𑍍𑌰-𑌶𑍍𑌶𑌿॒𑌲𑍍𑌪𑌾 𑌵॒𑌶𑌾 𑌵𑍈᳚𑌶𑍍𑌵𑌦𑍇॒𑌵𑍍𑌯॑𑌸𑍍𑌤𑌿॒𑌸𑍍𑌰-𑌶𑍍𑌶𑍍𑌯𑍇𑌨𑍀𑌃᳚ 𑌪𑌰𑌮𑍇॒𑌷𑍍𑌠𑌿𑌨𑍇॑ 𑌸𑍋𑌮𑌾𑌪𑍗॒𑌷𑍍𑌣𑌾-𑌶𑍍𑌶𑍍𑌯𑌾॒𑌮𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 44 ॥

(𑌶𑌿॒𑌤𑌿॒𑌬𑌾॒𑌹𑍁𑌃 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌃) (𑌅. 13)

𑌉॒𑌨𑍍𑌨॒𑌤 𑌋॑𑌷॒𑌭𑍋 𑌵𑌾॑𑌮॒𑌨𑌸𑍍𑌤 𑌐᳚𑌨𑍍𑌦𑍍𑌰𑌾𑌵𑌰𑍁॒𑌣𑌾-𑌶𑍍𑌶𑌿𑌤𑌿॑𑌕𑌕𑍁𑌚𑍍𑌛𑌿𑌤𑌿𑌪𑍃॒𑌷𑍍𑌠-𑌶𑍍𑌶𑌿𑌤𑌿॑𑌭𑌸॒-𑌤𑍍𑌤 𑌐᳚𑌨𑍍𑌦𑍍𑌰𑌾𑌬𑌾𑌰𑍍𑌹𑌸𑍍𑌪॒𑌤𑍍𑌯𑌾-𑌶𑍍𑌶𑌿॑𑌤𑌿॒𑌪𑌾𑌚𑍍𑌛𑌿॒𑌤𑍍𑌯𑍋𑌷𑍍𑌠𑌃॑ 𑌶𑌿𑌤𑌿॒𑌭𑍍𑌰𑍁𑌸𑍍𑌤 𑌐᳚𑌨𑍍𑌦𑍍𑌰𑌾𑌵𑍈𑌷𑍍𑌣॒𑌵𑌾𑌸𑍍𑌤𑌿॒𑌸𑍍𑌰-𑌸𑍍𑌸𑌿॒𑌦𑍍𑌧𑍍𑌮𑌾 𑌵॒𑌶𑌾 𑌵𑍈᳚𑌶𑍍𑌵𑌕𑌰𑍍𑌮॒𑌣𑍍𑌯॑𑌸𑍍𑌤𑌿॒𑌸𑍍𑌰𑍋 𑌧𑌾॒𑌤𑍍𑌰𑍇 𑌪𑍃॑𑌷𑍋𑌦॒𑌰𑌾 𑌐᳚𑌨𑍍𑌦𑍍𑌰𑌾𑌪𑍗॒𑌷𑍍𑌣𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 45 ॥

(𑌉॒𑌨𑍍𑌨॒𑌤𑌃 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌃) (𑌅. 14)

𑌕॒𑌰𑍍𑌣𑌾𑌸𑍍𑌤𑍍𑌰𑌯𑍋॑ 𑌯𑌾॒𑌮𑌾-𑌸𑍍𑌸𑍗॒𑌮𑍍𑌯𑌾𑌸𑍍𑌤𑍍𑌰𑌯𑌃॑ 𑌶𑍍𑌵𑌿𑌤𑌿॒𑌙𑍍𑌗𑌾 𑌅॒𑌗𑍍𑌨𑌯𑍇॒ 𑌯𑌵𑌿॑𑌷𑍍𑌠𑌾𑌯॒ 𑌤𑍍𑌰𑌯𑍋॑ 𑌨𑌕𑍁॒𑌲𑌾𑌸𑍍𑌤𑌿॒𑌸𑍍𑌰𑍋 𑌰𑍋𑌹𑌿॑𑌣𑍀॒𑌸𑍍𑌤𑍍𑌰𑍍𑌯𑌵𑍍𑌯॒𑌸𑍍𑌤𑌾 𑌵𑌸𑍂॑𑌨𑌾-𑌨𑍍𑌤𑌿॒𑌸𑍍𑌰𑍋॑-𑌽𑌰𑍁॒𑌣𑌾 𑌦𑌿॑𑌤𑍍𑌯𑍗॒𑌹𑍍𑌯॑𑌸𑍍𑌤𑌾 𑌰𑍁॒𑌦𑍍𑌰𑌾𑌣𑌾𑌗𑍍𑌂॑ 𑌸𑍋𑌮𑍈॒𑌨𑍍𑌦𑍍𑌰𑌾 𑌬॒𑌭𑍍𑌰𑍁𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 46 ॥

(𑌕॒𑌰𑍍𑌣𑌾𑌸𑍍𑌤𑍍𑌰𑌯𑍋॑ - 𑌵𑌿𑌗𑍍𑌂𑌶𑌤𑌿𑌃) (𑌅. 15)

𑌶𑍁॒𑌣𑍍𑌠𑌾𑌸𑍍𑌤𑍍𑌰𑌯𑍋॑ 𑌵𑍈𑌷𑍍𑌣॒𑌵𑌾 𑌅॑𑌧𑍀𑌲𑍋𑌧॒𑌕𑌰𑍍𑌣𑌾॒𑌸𑍍𑌤𑍍𑌰𑌯𑍋॒ 𑌵𑌿𑌷𑍍𑌣॑𑌵 𑌉𑌰𑍁𑌕𑍍𑌰॒𑌮𑌾𑌯॑ 𑌲𑌫𑍍𑌸𑍁॒𑌦𑌿𑌨॒𑌸𑍍𑌤𑍍𑌰𑌯𑍋॒ 𑌵𑌿𑌷𑍍𑌣॑𑌵 𑌉𑌰𑍁𑌗𑌾॒𑌯𑌾𑌯॒ 𑌪𑌞𑍍𑌚𑌾॑𑌵𑍀𑌸𑍍𑌤𑌿॒𑌸𑍍𑌰 𑌆॑𑌦𑌿॒𑌤𑍍𑌯𑌾𑌨𑌾᳚-𑌨𑍍𑌤𑍍𑌰𑌿𑌵॒𑌥𑍍𑌸𑌾-𑌸𑍍𑌤𑌿॒𑌸𑍍𑌰𑍋-𑌽𑌙𑍍𑌗𑌿॑𑌰𑌸𑌾𑌮𑍈𑌨𑍍𑌦𑍍𑌰𑌾𑌵𑍈𑌷𑍍𑌣॒𑌵𑌾 𑌗𑍗॒𑌰𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 47 ॥

(𑌶𑍁॒𑌣𑍍𑌠𑌾 - 𑌵𑌿𑌗𑍍𑌂॑𑌶॒𑌤𑌿𑌃) (𑌅. 16)

𑌇𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॒ 𑌤𑍍𑌰𑌯𑌃॑ 𑌶𑌿𑌤𑌿𑌪𑍃॒𑌷𑍍𑌠𑌾 𑌇𑌨𑍍𑌦𑍍𑌰𑌾॑𑌯𑌾-𑌧𑌿𑌰𑌾॒𑌜𑌾𑌯॒ 𑌤𑍍𑌰𑌯॒-𑌶𑍍𑌶𑌿𑌤𑌿॑𑌕𑌕𑍁𑌦॒ 𑌇𑌨𑍍𑌦𑍍𑌰𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॒ 𑌤𑍍𑌰𑌯॒-𑌶𑍍𑌶𑌿𑌤𑌿॑𑌭𑌸-𑌦𑌸𑍍𑌤𑌿॒𑌸𑍍𑌰𑌸𑍍𑌤𑍁॑𑌰𑍍𑌯𑍗॒𑌹𑍍𑌯𑌃॑ 𑌸𑌾॒𑌦𑍍𑌧𑍍𑌯𑌾𑌨𑌾᳚-𑌨𑍍𑌤𑌿॒𑌸𑍍𑌰𑌃 𑌪॑𑌷𑍍𑌠𑍗॒𑌹𑍍𑌯𑍋॑ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾॑𑌮𑌾𑌗𑍍𑌨𑍇॒𑌨𑍍𑌦𑍍𑌰𑌾𑌃 𑌕𑍃॒𑌷𑍍𑌣𑌲॑𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 48 ॥

(𑌇𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॒ - 𑌦𑍍𑌵𑌾𑌵𑌿𑌗𑍍𑌂॑𑌶𑌤𑌿𑌃) (𑌅. 17)

𑌅𑌦𑌿॑𑌤𑍍𑌯𑍈॒ 𑌤𑍍𑌰𑌯𑍋॑ 𑌰𑍋𑌹𑌿𑌤𑍈॒𑌤𑌾 𑌇॑𑌨𑍍𑌦𑍍𑌰𑌾॒𑌣𑍍𑌯𑍈 𑌤𑍍𑌰𑌯𑌃॑ 𑌕𑍃𑌷𑍍𑌣𑍈॒𑌤𑌾𑌃 𑌕𑍁॒𑌹𑍍𑌵𑍈᳚ 𑌤𑍍𑌰𑌯𑍋॑-𑌽𑌰𑍁𑌣𑍈॒𑌤𑌾𑌸𑍍𑌤𑌿॒𑌸𑍍𑌰𑍋 𑌧𑍇॒𑌨𑌵𑍋॑ 𑌰𑌾॒𑌕𑌾𑌯𑍈॒ 𑌤𑍍𑌰𑌯𑍋॑-𑌽𑌨॒𑌡𑍍𑌵𑌾𑌹𑌃॑ 𑌸𑌿𑌨𑍀𑌵𑌾॒𑌲𑍍𑌯𑌾 𑌆᳚𑌗𑍍𑌨𑌾𑌵𑍈𑌷𑍍𑌣॒𑌵𑌾 𑌰𑍋𑌹𑌿॑𑌤𑌲𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 49 ॥

(𑌅𑌦𑌿॑𑌤𑍍𑌯𑌾-𑌅॒𑌷𑍍𑌟𑌾𑌦॑𑌶) (𑌅. 18)

𑌸𑍗॒𑌮𑍍𑌯𑌾𑌸𑍍𑌤𑍍𑌰𑌯𑌃॑ 𑌪𑌿॒𑌶𑌙𑍍𑌗𑌾॒-𑌸𑍍𑌸𑍋𑌮𑌾॑𑌯॒ 𑌰𑌾𑌜𑍍𑌞𑍇॒ 𑌤𑍍𑌰𑌯𑌃॑ 𑌸𑌾॒𑌰𑌙𑍍𑌗𑌾𑌃᳚ 𑌪𑌾𑌰𑍍𑌜॒𑌨𑍍𑌯𑌾 𑌨𑌭𑍋॑𑌰𑍂𑌪𑌾𑌸𑍍𑌤𑌿॒𑌸𑍍𑌰𑍋॑-𑌽𑌜𑌾 𑌮॒𑌲𑍍॒𑌹𑌾 𑌇॑𑌨𑍍𑌦𑍍𑌰𑌾॒𑌣𑍍𑌯𑍈 𑌤𑌿॒𑌸𑍍𑌰𑍋 𑌮𑍇॒𑌷𑍍𑌯॑ 𑌆𑌦𑌿॒𑌤𑍍𑌯𑌾 𑌦𑍍𑌯𑌾॑𑌵𑌾𑌪𑍃𑌥𑌿॒𑌵𑍍𑌯𑌾॑ 𑌮𑌾॒𑌲𑌙𑍍𑌗𑌾᳚𑌸𑍍𑌤𑍂𑌪॒𑌰𑌾𑌃 ॥ 50 ॥

(𑌸𑍗॒𑌮𑍍𑌯𑌾 - 𑌏𑌕𑌾॒𑌨𑍍𑌨𑌵𑌿𑌗𑍍𑌂॑𑌶॒𑌤𑌿𑌃) (𑌅. 19)

𑌵𑌾॒𑌰𑍁॒𑌣𑌾𑌸𑍍𑌤𑍍𑌰𑌯𑌃॑ 𑌕𑍃॒𑌷𑍍𑌣𑌲॑𑌲𑌾𑌮𑌾॒ 𑌵𑌰𑍁॑𑌣𑌾𑌯॒ 𑌰𑌾𑌜𑍍𑌞𑍇॒ 𑌤𑍍𑌰𑌯𑍋॒ 𑌰𑍋𑌹𑌿॑𑌤𑌲𑌲𑌾𑌮𑌾॒ 𑌵𑌰𑍁॑𑌣𑌾𑌯 𑌰𑌿॒𑌶𑌾𑌦॑𑌸𑍇॒ 𑌤𑍍𑌰𑌯𑍋॑-𑌽𑌰𑍁॒𑌣𑌲॑𑌲𑌾𑌮𑌾-𑌶𑍍𑌶𑌿॒𑌲𑍍𑌪𑌾𑌸𑍍𑌤𑍍𑌰𑌯𑍋॑ 𑌵𑍈𑌶𑍍𑌵𑌦𑍇॒𑌵𑌾𑌸𑍍𑌤𑍍𑌰𑌯𑌃॒ 𑌪𑍃𑌶𑍍𑌞॑𑌯-𑌸𑍍𑌸𑌰𑍍𑌵𑌦𑍇𑌵॒𑌤𑍍𑌯𑌾॑ 𑌐𑌨𑍍𑌦𑍍𑌰𑌾𑌸𑍂॒𑌰𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾𑌸𑍍𑌤𑍂𑌪॒𑌰𑌾𑌃 ॥ 51 ॥

(𑌵𑌾॒𑌰𑍁॒𑌣𑌾 - 𑌵𑌿𑌗𑍍𑌂॑𑌶॒𑌤𑌿𑌃) (𑌅. 20)

𑌸𑍋𑌮𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॑-𑌽𑌨𑍋𑌵𑌾॒𑌹𑌾𑌵॑𑌨॒𑌡𑍍𑌵𑌾𑌹𑌾॑-𑌵𑌿𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾॑-𑌮𑍋𑌜𑍋॒𑌦𑌾𑌭𑍍𑌯𑌾॒𑌮𑍁𑌷𑍍𑌟𑌾॑𑌰𑌾-𑌵𑌿𑌨𑍍𑌦𑍍𑌰𑌾॒𑌗𑍍𑌨𑌿𑌭𑍍𑌯𑌾᳚-𑌮𑍍𑌬𑌲॒𑌦𑌾𑌭𑍍𑌯𑌾𑌗𑍍𑌂॑ 𑌸𑍀𑌰𑌵𑌾॒𑌹𑌾𑌵𑌵𑍀॒ 𑌦𑍍𑌵𑍇 𑌧𑍇॒𑌨𑍂 𑌭𑍗॒𑌮𑍀 𑌦𑌿॒𑌗𑍍𑌭𑍍𑌯𑍋 𑌵𑌡॑𑌬𑍇॒ 𑌦𑍍𑌵𑍇 𑌧𑍇॒𑌨𑍂 𑌭𑍗॒𑌮𑍀 𑌵𑍈॑𑌰𑌾॒𑌜𑍀 𑌪𑍁॑𑌰𑍁॒𑌷𑍀 𑌦𑍍𑌵𑍇 𑌧𑍇॒𑌨𑍂 𑌭𑍗॒𑌮𑍀 𑌵𑌾॒𑌯𑌵॑ 𑌆𑌰𑍋𑌹𑌣𑌵𑌾॒𑌹𑌾𑌵॑𑌨॒𑌡𑍍𑌵𑌾𑌹𑍗॑ 𑌵𑌾𑌰𑍁॒𑌣𑍀 𑌕𑍃॒𑌷𑍍𑌣𑍇 𑌵॒𑌶𑍇 𑌅॑𑌰𑌾॒𑌡𑍍𑌯𑍗॑ 𑌦𑌿॒𑌵𑍍𑌯𑌾𑌵𑍃॑𑌷॒𑌭𑍗 𑌪॑𑌰𑌿𑌮॒𑌰𑍗 ॥ 52 ॥

(𑌸𑍋𑌮𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॒ - 𑌚𑌤𑍁॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍) (𑌅. 21)

𑌏𑌕𑌾॑𑌦𑌶 𑌪𑍍𑌰𑌾॒𑌤𑌰𑍍𑌗॒𑌵𑍍𑌯𑌾𑌃 𑌪॒𑌶𑌵॒ 𑌆 𑌲॑𑌭𑍍𑌯𑌨𑍍𑌤𑍇 𑌛𑌗॒𑌲𑌃 𑌕॒𑌲𑍍𑌮𑌾𑌷𑌃॑ 𑌕𑌿𑌕𑌿𑌦𑍀॒𑌵𑌿𑌰𑍍𑌵𑌿॑𑌦𑍀॒𑌗𑌯॒𑌸𑍍𑌤𑍇 𑌤𑍍𑌵𑌾॒𑌷𑍍𑌟𑍍𑌰𑌾-𑌸𑍍𑌸𑍗॒𑌰𑍀𑌰𑍍𑌨𑌵॑ 𑌶𑍍𑌵𑍇॒𑌤𑌾 𑌵॒𑌶𑌾 𑌅॑𑌨𑍂𑌬॒𑌨𑍍𑌧𑍍𑌯𑌾॑ 𑌭𑌵𑌨𑍍𑌤𑍍𑌯𑌾𑌗𑍍𑌨𑍇॒𑌯 𑌐᳚𑌨𑍍𑌦𑍍𑌰𑌾॒𑌗𑍍𑌨 𑌆᳚𑌶𑍍𑌵𑌿॒𑌨𑌸𑍍𑌤𑍇 𑌵𑌿॑𑌶𑌾𑌲𑌯𑍂॒𑌪 𑌆 𑌲॑𑌭𑍍𑌯𑌨𑍍𑌤𑍇 ॥ 53 ॥

(𑌐𑌕𑌾॑𑌦𑌶 𑌪𑍍𑌰𑌾॒𑌤𑌃 - 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌃) (𑌅. 22)

𑌪𑌿॒𑌶𑌙𑍍𑌗𑌾॒𑌸𑍍𑌤𑍍𑌰𑌯𑍋॑ 𑌵𑌾𑌸॒𑌨𑍍𑌤𑌾-𑌸𑍍𑌸𑌾॒𑌰𑌙𑍍𑌗𑌾॒𑌸𑍍𑌤𑍍𑌰𑌯𑍋॒ 𑌗𑍍𑌰𑍈𑌷𑍍𑌮𑌾𑌃॒ 𑌪𑍃𑌷॑𑌨𑍍𑌤॒𑌸𑍍𑌤𑍍𑌰𑌯𑍋॒ 𑌵𑌾𑌰𑍍𑌷𑌿॑𑌕𑌾𑌃॒ 𑌪𑍃𑌶𑍍𑌞॑𑌯॒𑌸𑍍𑌤𑍍𑌰𑌯𑌃॑ 𑌶𑌾𑌰॒𑌦𑌾𑌃 𑌪𑍃॑𑌶𑍍𑌞𑌿𑌸॒𑌕𑍍𑌥𑌾-𑌸𑍍𑌤𑍍𑌰𑌯𑍋॒ 𑌹𑍈𑌮॑𑌨𑍍𑌤𑌿𑌕𑌾 𑌅𑌵𑌲𑌿॒𑌪𑍍𑌤𑌾𑌸𑍍𑌤𑍍𑌰𑌯𑌃॑ 𑌶𑍈𑌶𑌿॒𑌰𑌾-𑌸𑍍𑌸𑌂॑𑌵𑌁𑌥𑍍𑌸॒𑌰𑌾𑌯॒ 𑌨𑌿𑌵॑𑌕𑍍𑌷𑌸𑌃 ॥ 54 ॥

(𑌪𑌿॒𑌶𑌙𑍍𑌗𑌾॑ - 𑌵𑌿𑌗𑍍𑌂𑌶॒𑌤𑌿𑌃) (𑌅. 23)

(𑌰𑍋𑌹𑌿॑𑌤𑌃 𑌕𑍃॒𑌷𑍍𑌣𑌾 𑌧𑍂॒𑌮𑍍𑌰𑌲॑𑌲𑌾𑌮𑌾𑌃॒ - 𑌪𑍃𑌶𑍍𑌞𑌿𑌃॑ 𑌶𑍍𑌯𑌾॒𑌮𑌾 𑌅॑𑌰𑍁॒𑌣𑌲॑𑌲𑌾𑌮𑌾𑌃 -𑌶𑌿𑌤𑌿𑌬𑌾॒𑌹𑍁-𑌶𑍍𑌶𑌿॒𑌲𑍍𑌪𑌾-𑌶𑍍𑌶𑍍𑌯𑍇𑌨𑍀᳚-𑌶𑍍𑌶𑍍𑌯𑌾॒𑌮𑌲॑𑌲𑌾𑌮𑌾 - 𑌉𑌨𑍍𑌨॒𑌤-𑌸𑍍𑌸𑌿॒𑌦𑍍𑌧𑍍𑌮𑌾 𑌧𑌾॒𑌤𑍍𑌰𑍇 𑌪𑍗॒𑌷𑍍𑌣𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾𑌃 - 𑌕॒𑌰𑍍𑌣𑌾 𑌬॒𑌭𑍍𑌰𑍁𑌲॑𑌲𑌾𑌮𑌾𑌃 - 𑌶𑍁॒𑌣𑍍𑌠𑌾 𑌗𑍗॒𑌰𑌲॑𑌲𑌾𑌮𑌾॒ - 𑌇𑌨𑍍𑌦𑍍𑌰𑌾॑𑌯 𑌕𑍃॒𑌷𑍍𑌣𑌾𑌲॑𑌲𑌾𑌮𑌾॒ - 𑌅𑌦𑌿॑𑌤𑍍𑌯𑍈॒ 𑌰𑍋𑌹𑌿॑𑌤 𑌲𑌲𑌾𑌮𑌃 -𑌸𑍗॒𑌮𑍍𑌯𑌾 𑌮𑌾॒𑌲𑌙𑍍𑌗𑌾॑ - 𑌵𑌾𑌰𑍁॒𑌣𑌾-𑌸𑍍𑌸𑍂॒𑌰𑌾-𑌶𑍍𑌶𑍍𑌯𑍇𑌤॑𑌲𑌲𑌾𑌮𑌾॒ - 𑌦𑌶॑ ।)

(𑌹𑌿𑌰॑𑌣𑍍𑌯𑌵𑌰𑍍𑌣𑌾 - 𑌅॒𑌪𑌾-𑌙𑍍𑌗𑍍𑌰𑌹𑌾᳚𑌨𑍍 - 𑌭𑍂𑌤𑍇𑌷𑍍𑌟॒𑌕𑌾𑌃 - 𑌸॒𑌜𑍂𑌃 - 𑌸𑌂॑𑌵𑌁𑌥𑍍𑌸॒𑌰𑌂 - 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸 𑌕𑍍𑌷𑍁॒𑌰𑌪॑𑌵𑌿 - 𑌰॒𑌵𑌗𑍍𑌨𑍇𑌰𑍍𑌵𑍈 𑌦𑍀॒𑌕𑍍𑌷𑌯𑌾॑ - 𑌸𑍁𑌵॒𑌰𑍍𑌗𑌾𑌯॒ 𑌤𑌂-𑌯𑌁𑌨𑍍𑌨 - 𑌸𑍂॒𑌯𑌤𑍇᳚ - 𑌪𑍍𑌰॒𑌜𑌾𑌪॑𑌤𑌿𑌰𑍍-𑌋॒𑌤𑍁𑌭𑍀॒ - 𑌰𑍋𑌹𑌿॑𑌤𑌃॒ - 𑌪𑍃𑌞𑌿𑌃॑ - 𑌶𑌿𑌤𑌿𑌬𑌾॒𑌹𑍁 - 𑌰𑍁॑𑌨𑍍𑌨॒𑌤𑌃 - 𑌕॒𑌰𑍍𑌣𑌾𑌃 - 𑌶𑍁॒𑌣𑍍𑌠𑌾 - 𑌇𑌨𑍍𑌦𑍍𑌰𑌾॒𑌯𑌾- 𑌦𑌿॑𑌤𑍍𑌯𑍈 - 𑌸𑍗॒𑌮𑍍𑌯𑌾 - 𑌵𑌾॑𑌰𑍁॒𑌣𑌾𑌃 - 𑌸𑍋𑌮𑌾॒𑌯𑍈 - 𑌕𑌾॑𑌦𑌶 - 𑌪𑌿॒𑌶𑌙𑍍𑌗𑌾॒ - 𑌸𑍍𑌤𑍍𑌰𑌯𑍋॑𑌵𑌿𑌗𑍍𑌂𑌶𑌤𑌿𑌃)

(𑌹𑌿𑌰॑𑌣𑍍𑌯𑌵𑌰𑍍𑌣𑌾 - 𑌭𑍂𑌤𑍇𑌷𑍍𑌟॒𑌕𑌾𑌃 - 𑌛𑌨𑍍𑌦𑍋॒ 𑌯𑌤𑍍 - 𑌕𑌨𑍀॑𑌯𑌾𑌗𑍍𑌂𑌸𑌨𑍍-𑌤𑍍𑌰𑌿॒𑌵𑍃𑌦𑍍𑌧𑍍𑌯॑𑌗𑍍𑌨𑌿 - 𑌰𑍍𑌵𑌾॑𑌰𑍁॒𑌣𑌾 - 𑌶𑍍𑌚𑌤𑍁॑𑌷𑍍𑌪𑌞𑍍𑌚𑌾॒𑌶𑌤𑍍 )

(𑌹𑌿𑌰॑𑌣𑍍𑌯𑌵𑌰𑍍𑌣𑌾॒, 𑌨𑌿𑌵॑𑌕𑍍𑌷𑌸𑌃)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌮𑍍𑌪𑌞𑍍𑌚𑌮𑌕𑌾𑌣𑍍𑌡𑍇 𑌷𑌷𑍍𑌠𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-mpañcamakāṇḍe ṣaṣṭhaḥ praśnaḥ - upānuvākyābhidhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

hira̭ṇyavarṇā॒-śśuca̭yaḥ pāva॒kā yāsṷ jā॒taḥ ka॒śyapo॒ yāsvindraḥ̭ | a॒gniṃ-yā~ garbha̭-ndadhi॒re virṷ̄pā॒stā na॒ āpa॒-śśagg syo॒nā bha̭vantu || yāsā॒gṃ॒ rājā॒ varṷṇo॒ yāti॒ maddhyḙ satyānṛ॒te a̭va॒paśya॒n janā̭nām | ma॒dhu॒ścuta॒-śśuca̭yo॒ yāḥ pā̭va॒kāstā na॒ āpa॒-śśagg syo॒nā bha̭vantu || yāsā᳚-nde॒vā di॒vi kṛ॒ṇvanti̭ bha॒kṣaṃ-yā~ a॒ntari̭kṣe bahu॒dhā bhava̭nti | yāḥ pṛ̭thi॒vī-mpaya̭so॒ndanti̭ - [ ] 1

śu॒krāstā na॒ āpa॒-śśagg syo॒nā bha̭vantu || śi॒vena̭ mā॒ cakṣṷṣā paśyatā-''pa-śśi॒vayā̭ ta॒nuvopa̭ spṛśata॒ tvaca̭-mme | sarvāgṃ̭ a॒gnīgṃ ra̭phsu॒ṣado̭ huve vo॒ mayi॒ varco॒ bala॒mojo॒ ni dha̭tta || yada॒da-ssa̭-mpraya॒tīrahā॒ vana̭datāha॒te | tasmā॒dā na॒dyo̭ nāma̭ stha॒ tā vo॒ nāmā̭ni sindhavaḥ || ya-tpreṣi̭tā॒ varṷṇena॒ tā-śśībhagṃ̭ sa॒mava̭lgata | 2

tadā᳚pno॒-dindro̭ vo ya॒tī-stasmā॒-dāpo॒ anṷ sthana || a॒pa॒kā॒magg syanda̭mānā॒ avī̭varata vo॒ hika᳚m | indro̭ va॒-śśakti̭bhi rdevī॒-stasmā॒-dvārṇāma̭ vo hi॒tam || eko̭ de॒vo apya̭tiṣṭha॒-thsyanda̭mānā yathā va॒śam | udā̭niṣu-rma॒hīriti॒ tasmā̭-duda॒ka-mṷcyate || āpo̭ bha॒drā ghṛ॒tamidāpa̭ āsura॒gnī-ṣomaṷ bibhra॒tyāpa॒ i-ttāḥ | tī॒vro raso̭ madhu॒pṛcā̭- [madhu॒pṛcā᳚m, a॒ra॒ṅga॒ma ā mā᳚] 3

-maraṅga॒ma ā mā᳚ prā॒ṇena̭ sa॒ha varca̭sā gann || ādi-tpa̭śyāmyu॒ta vā̭ śṛṇo॒myā mā॒ ghoṣo̭ gacchati॒ vānna̭ āsām | manyḙ bhejā॒no a॒mṛta̭sya॒ tarhi॒ hira̭ṇyavarṇā॒ atṛ̭paṃ-ya~॒dā vaḥ̭ || āpo॒ hi ṣṭhā ma̭yo॒ bhuva॒stā na̭ ū॒rje da̭dhātana | ma॒he raṇā̭ya॒ cakṣa̭se || yo vaḥ̭ śi॒vata̭mo॒ rasa॒stasya̭ bhājayate॒ha naḥ̭ | u॒śa॒tīri̭va mā॒taraḥ̭ || tasmā॒ ara̭-ṅgamāma vo॒ yasya॒ kṣayā̭ya॒ jinva̭tha | āpo̭ ja॒naya̭thā ca naḥ || di॒vi śra̭ya svā॒ntari̭kṣe yatasva pṛthi॒vyā sa-mbha̭va brahmavarca॒-sama̭si brahmavarca॒sāya̭ tvā || 4

(u॒danti̭ - sa॒mava̭lgata - madhu॒pṛcāṃ᳚ - mā॒taro॒ - dvāvigṃ̭śatiśca) (a. 1)

a॒pā-ṅgrahā᳚-ngṛhṇātye॒tadvāva rā̭ja॒sūyaṃ॒-ya~de॒te grahā᳚-ssa॒vo᳚ 'gnirva̭ruṇasa॒vo rā̭ja॒sūya̭-magnisa॒va-ścitya॒stābhyā̭-me॒va sṷ̄ya॒te-'tho̭ u॒bhāve॒va lo॒kāva॒bhi ja̭yati॒ yaśca̭ rāja॒sūyḙnejā॒nasya॒ yaścā᳚-'gni॒cita॒ āpo̭ bhava॒ntyāpo॒ vā a॒gnerbhrātṛ̭vyā॒ yada॒po᳚ 'gnera॒dhastā̭dupa॒ dadhā̭ti॒ bhrātṛ̭vyābhibhūtyai॒ bhava̭tyā॒tmanā॒ parā᳚-'sya॒ bhrātṛ̭vyo bhavatya॒mṛtaṃ॒- [bhrātṛ̭vyo bhavatya॒mṛta᳚m, vā āpa॒stasmā̭-] 5

-~vā āpa॒stasmā̭-da॒dbhirava̭tānta-ma॒bhi ṣi̭ñcanti॒ nā-''rti॒mārccha̭ti॒ sarva॒māyṷreti॒ yasyai॒tā ṷpadhī॒yante॒ ya ṷ cainā e॒vaṃ-ve~dānnaṃ॒-vā~ āpaḥ̭ pa॒śava॒ āpo-'nna̭-mpa॒śavo᳚-'nnā॒daḥ pa̭śu॒mā-nbha̭vati॒ yasyai॒tā ṷpadhī॒yante॒ ya ṷ cainā e॒vaṃ-ve~da॒ dvāda̭śa bhavanti॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒reṇai॒vāsmā॒ [-ssaṃ̭va~thsa॒reṇai॒vāsmā᳚, anna॒mava̭ rundhe॒] 6

anna॒mava̭ rundhe॒ pātrā̭ṇi bhavanti॒ pātre॒ vā anna̭madyate॒ sayo᳚nye॒vānna॒mava̭ rundha॒ ā dvā̭da॒śā-tpurṷṣā॒danna̭-ma॒ttyatho॒ pātrā॒nna chi̭dyate॒ yasyai॒tā ṷpadhī॒yante॒ ya ṷ cainā e॒vaṃ-ve~da̭ ku॒mbhāśca̭ ku॒mbhīśca̭ mithu॒nāni̭ bhavanti mithu॒nasya॒ prajā᳚tyai॒ pra pra॒jayā̭ pa॒śubhi̭-rmithu॒nai-rjā̭yate॒ yasyai॒tā ṷpadhī॒yante॒ ya ṷ [ya ṷ, cai॒nā॒ e॒vaṃ-ve~da॒] 7

cainā e॒vaṃ-ve~da॒ śugvā a॒gni-sso᳚-'ddhva॒ryuṃ-ya~ja̭māna-mpra॒jā-śśu॒cā-'rpa̭yati॒ yada॒pa ṷpa॒dadhā̭ti॒ śuca̭me॒vāsya̭ śamayati॒ nā-''rti॒mārccha̭tyaddhva॒ryurna yaja̭māna॒-śśāmya̭nti pra॒jā yatrai॒tā ṷpadhī॒yante॒ 'pāṃ-vā~ e॒tāni॒ hṛda̭yāni॒ yade॒tā āpo॒ yade॒tā a॒pa ṷpa॒dadhā̭ti di॒vyābhi̭re॒vainā॒-ssagṃ sṛ̭jati॒ varṣṷkaḥ pa॒rjanyo̭ [pa॒rjanyaḥ̭, bha॒va॒ti॒ yo vā] 8

bhavati॒ yo vā e॒tāsā̭mā॒yata̭na॒-ṅkḷptiṃ॒-ve~dā॒-''yata̭navā-nbhavati॒ kalpa̭te 'smā anusī॒tamupa̭ dadhātye॒tadvā ā̭sāmā॒yata̭name॒ṣā kḷpti॒rya e॒vaṃ-ve~dā॒-''yata̭navā-nbhavati॒ kalpa̭te-'smai dva॒dvamma॒nyā upa̭ dadhāti॒ cata̭sro॒ maddhye॒ dhṛtyā॒ annaṃ॒-vā~ iṣṭa̭kā e॒ta-tkhalu॒ vai sā॒kṣādannaṃ॒-ya~de॒ṣa ca॒ruryade॒ta-ñca॒rumṷpa॒ dadhā̭ti sā॒kṣā- [sā॒kṣāt, e॒vā-'smā॒ anna॒mava̭ rundhe] 9

-de॒vā-'smā॒ anna॒mava̭ rundhe maddhya॒ta upa̭ dadhāti maddhya॒ta e॒vāsmā॒ anna̭-ndadhāti॒ tasmā᳚-nmaddhya॒to-'nna̭madyate bārhaspa॒tyo bha̭vati॒ brahma॒ vai de॒vānā॒-mbṛha॒spati॒-rbrahma̭ṇai॒vāsmā॒ anna॒mava̭ rundhe brahmavarca॒sama̭si brahmavarca॒sāya॒ tvetyā̭ha teja॒svī bra̭hmavarca॒sī bha̭vati॒ yasyai॒ṣa ṷpadhī॒yate॒ ya ṷ cainame॒vaṃ-ve~da̭ || 10 ||

(a॒mṛta̭ - masmai - jāyate॒ yasyai॒tā - ṷpadhī॒yante॒ ya ṷ - pa॒rjanya̭ - upa॒dadhā̭ti sā॒kṣāth - sa॒ptaca̭tvārigṃśacca) (a. 2)

bhū॒te॒ṣṭa॒kā upa̭ dadhā॒tyatrā᳚tra॒ vai mṛ॒tyurjā̭yate॒ yatra̭yatrai॒va mṛ॒tyurjāya̭te॒ tata̭ e॒vaina॒mava̭ yajate॒ tasmā̭dagni॒ci-thsarva॒māyṷreti॒ sarve॒ hya̭sya mṛ॒tyavo 've᳚ṣṭā॒stasmā̭-dagni॒cinnā-bhica̭rita॒vai pra॒tyagḙna-mabhicā॒ra-sstṛ̭ṇute sū॒yate॒ vā e॒ṣa yo᳚-'gni-ñci̭nu॒te dḙvasu॒vāme॒tāni̭ ha॒vīgṃṣi̭ bhavantye॒tāva̭nto॒ vai de॒vānāgṃ̭ sa॒vāsta e॒vā- [sa॒vāsta e॒va, a॒smai॒ sa॒vā-npra] 11

-'smai̭ sa॒vā-npra ya̭cchanti॒ ta ḙnagṃ suvante sa॒vo᳚-'gnirva̭ruṇasa॒vo rā̭ja॒sūya̭-mbrahmasa॒vaścityo̭ de॒vasya̭ tvā savi॒tuḥ pra̭sa॒va ityā̭ha savi॒tṛpra̭sūta e॒vaina॒-mbrahma̭ṇā de॒vatā̭bhira॒bhi ṣi̭ñca॒tyanna̭-syānnasyā॒bhi ṣi̭ñca॒tyanna̭-syānna॒syā-va̭ruddhyai pu॒rastā᳚-tpra॒tyañca̭ma॒bhi ṣi̭ñcati pu॒rastā॒ddhi pra̭tī॒cī-na॒manna̭ma॒dyatḙ śīrṣa॒to̭-'bhi ṣi̭ñcati śīrṣa॒to hyanna̭ma॒dyata॒ ā mukhā̭-da॒nvava̭srāvayati [mukhā̭-da॒nvava̭srāvayati, mu॒kha॒ta e॒vā-'smā̭] 12

mukha॒ta e॒vā-'smā̭ a॒nnādya̭-ndadhātya॒gnestvā॒ sāmrā᳚jyenā॒bhi ṣi̭ñcā॒mītyā̭hai॒ṣa vā a॒gne-ssa॒vastenai॒vaina̭ma॒bhi ṣi̭ñcati॒ bṛha॒spate᳚stvā॒ sāmrā᳚jyenā॒bhiṣi̭ñcā॒mītyā̭ha॒ brahma॒ vai de॒vānā॒-mbṛha॒spati॒rbrahma̭ṇai॒vaina̭ma॒bhi ṣi̭ñca॒tīndra̭sya tvā॒ sāmrā᳚jyenā॒bhi ṣi̭ñcā॒-mītyā̭hendri॒yame॒vāsmi̭-nnu॒pari̭ṣṭā-ddadhātye॒ta- [-ddadhātye॒tat, vai rā̭ja॒sūya̭sya] 13

-dvai rā̭ja॒sūya̭sya rū॒paṃ-ya~ e॒vaṃ-vi~॒dvāna॒gni-ñci̭nu॒ta u॒bhāve॒va lo॒kāva॒bhi ja̭yati॒ yaśca̭ rāja॒sūyḙnejā॒nasya॒ yaścā᳚gni॒cita॒ indra̭sya suṣuvā॒ṇasya̭ daśa॒dhendri॒yaṃ-vī~॒rya̭-mparā̭-'pata॒-ttadde॒vā-ssau᳚trāma॒ṇyā sama̭bharan-thsū॒yate॒ vā e॒ṣa yo᳚-'gni-ñci̭nu॒te᳚-'gni-ñci॒tvā sau᳚trāma॒ṇyā ya̭jetendri॒yame॒va vī॒ryagṃ̭ sa॒bhṛntyā॒-''tma-ndha̭tte || 14 ||

(ta e॒vā - nvava̭srāvayatye॒ - ta - da॒ṣṭāca̭tvārigṃśacca) (a. 3)

sa॒jūrabdo-'yā̭vabhi-ssa॒jūru॒ṣā arṷṇībhi-ssa॒jū-ssūrya॒ eta̭śena sa॒joṣā̭va॒śvinā॒ dagṃso̭bhi-ssa॒jūra॒gnirvai᳚śvāna॒ra iḍā̭bhirghṛ॒tena॒ svāhā̭ saṃva~thsa॒ro vā abdo॒ māsā॒ ayā̭vā u॒ṣā arṷṇī॒ sūrya॒ eta̭śa i॒me a॒śvinā̭ saṃva~thsa॒ro᳚-'gnirvai᳚śvāna॒raḥ pa॒śava॒ iḍā̭ pa॒śavo̭ ghṛ॒tagṃ saṃ̭va~thsa॒ra-mpa॒śavo-'nu॒ pra jā̭yante saṃva~thsa॒reṇai॒vāsmai̭ pa॒śū-npraja̭nayati darbhasta॒mbe jṷhoti॒ ya - [ ] 15

-dvā a॒syā a॒mṛtaṃ॒-ya~-dvī॒rya̭-nta-dda॒rbhāstasmi̭n juhoti॒ praiva jā̭yate 'nnā॒do bha̭vati॒ yasyai॒va-ñjuhva̭tye॒tā vai de॒vatā̭ a॒gneḥ pu॒rastā᳚dbhāgā॒stā e॒va prī̭ṇā॒tyatho॒ cakṣṷre॒vāgneḥ pu॒rastā॒-tprati̭ dadhā॒tyana̭ndho bhavati॒ ya e॒vaṃ-ve~dā-''po॒ vā i॒damagrḙ sali॒lamā̭sī॒-thsa pra॒jāpa̭tiḥ puṣkarapa॒rṇe vāto̭ bhū॒to̭-'lelāya॒-thsa [bhū॒to̭-'lelāya॒-thsaḥ, pra॒ti॒ṣṭhā-nnā-'vi̭ndata॒] 16

pra̭ti॒ṣṭhā-nnā-'vi̭ndata॒ sa e॒tada॒pā-ṅku॒lāya̭mapaśya॒-ttasmi̭nna॒gnima̭cinuta॒ tadi॒yama̭bhava॒-ttato॒ vai sa pratya̭tiṣṭha॒dyā-mpu॒rastā̭du॒pā-da̭dhā॒-ttacchiro̭ 'bhava॒-thsā prācī॒ digyā-nda̭kṣiṇa॒ta u॒pāda̭dhā॒-thsa dakṣi̭ṇaḥ pa॒kṣo̭-'bhava॒-thsā da̭kṣi॒ṇā digyā-mpa॒ścā-du॒pāda̭dhā॒-tta-tpuccha̭mabhava॒-thsā pra॒tīcī॒ digyāmṷttara॒ta u॒pāda̭dhā॒- [u॒pāda̭dhāt, sa utta̭raḥ] 17

-thsa utta̭raḥ pa॒kṣo̭-'bhava॒-thsodī̭cī॒ digyāmu॒pari̭ṣṭā-du॒pāda̭dhā॒-tta-tpṛ॒ṣṭhama̭bhava॒-thsordhvā digi॒yaṃ-vā~ a॒gniḥ pañce᳚ṣṭaka॒-stasmā॒-dyada॒syā-ṅkhana̭ntya॒bhīṣṭa̭kā-ntṛ॒ndantya॒bhi śarka̭rā॒gṃ॒ sarvā॒ vā i॒yaṃ-va~yo᳚bhyo॒ nakta̭-ndṛ॒śe dī᳚pyate॒ tasmā̭di॒māṃ-va~yāgṃ̭si॒ nakta॒-nnāddhyā̭sate॒ ya e॒vaṃ-vi~॒dvāna॒gni-ñci̭nu॒te pratye॒va [pratye॒va, ti॒ṣṭha॒tya॒bhi diśo̭] 18

ti̭ṣṭhatya॒bhi diśo̭ jayatyāgne॒yo vai brā᳚hma॒ṇastasmā᳚-dbrāhma॒ṇāya॒ sarvā̭su di॒kṣvardhṷka॒gg॒ svāme॒va ta-ddiśa॒manve᳚tya॒pāṃ-vā~ a॒gniḥ ku॒lāya॒-ntasmā॒dāpo॒-'gnigṃ hārṷkā॒-ssvāme॒va ta-dyoni॒-mpravi̭śanti || 19 ||

(yada̭- lelāya॒-thsa-ṷttara॒ta u॒pāda̭dhā-de॒va - dvātrigṃ̭śacca) (a. 4)

saṃ॒va~॒thsa॒ramukhya̭-mbhṛ॒tvā dvi॒tīyḙ saṃva~thsa॒ra ā᳚gne॒yama॒ṣṭāka̭pāla॒-nnirva̭pedai॒ndra-mekā̭daśakapālaṃ-vai~śvade॒va-ndvāda̭śakapāla-mbārhaspa॒tya-ñca॒ruṃ-vai~᳚ṣṇa॒va-ntri̭kapā॒la-ntṛ॒tīyḙ saṃva~thsa॒rḙ-'bhi॒jitā̭ yajeta॒ yada॒ṣṭāka̭pālo॒ bhava̭tya॒ṣṭākṣa̭rā gāya॒tryā᳚gne॒ya-ṅgā̭ya॒tra-mprā̭tassava॒na-mprā̭tassava॒name॒va tena̭ dādhāra gāya॒trī-ñchando॒ yadekā̭daśakapālo॒ bhava॒tyekā̭daśākṣarā tri॒ṣṭugai॒ndra-ntraiṣṭṷbha॒-mmāddhya̭ndina॒gṃ॒ sava̭na॒-mmāddhya̭ndiname॒va sava̭na॒-ntena̭ dādhāra tri॒ṣṭubha॒- [tri॒ṣṭubha᳚m, chando॒ ya-ddvāda̭śakapālo॒ bhava̭ti॒] 20

-ñchando॒ ya-ddvāda̭śakapālo॒ bhava̭ti॒ dvāda̭śākṣarā॒ jaga̭tī vaiśvade॒va-ñjāga̭ta-ntṛtīyasava॒na-ntṛ̭tīyasava॒name॒va tena̭ dādhāra॒ jaga̭tī॒-ñchando॒ ya-dbā̭rhaspa॒tyaśca॒rurbhava̭ti॒ brahma॒ vai de॒vānā॒-mbṛha॒spati॒rbrahmai॒va tena̭ dādhāra॒ ya-dvai᳚ṣṇa॒vastri̭kapā॒lo bhava̭ti ya॒jño vai viṣṇṷrya॒jñame॒va tena̭ dādhāra॒ ya-ttṛ॒tīyḙ saṃva~thsa॒rḙ-'bhi॒jitā॒ yaja̭te॒-'bhiji̭tyai॒ ya-thsaṃ̭va~thsa॒ramukhya̭-mbi॒bhartī॒mame॒va [ ] 21

tena̭ lo॒kagg spṛ̭ṇoti॒ ya-ddvi॒tīyḙ saṃva~thsa॒re᳚-'gni-ñci̭nu॒te᳚ 'ntari̭kṣame॒va tena̭ spṛṇoti॒ ya-ttṛ॒tīyḙ saṃva~thsa॒re yaja̭te॒-'mume॒va tena̭ lo॒kagg spṛ̭ṇotye॒taṃ-vai~ para̭ āṭṇā॒raḥ ka॒kṣīvāgṃ̭ auśi॒jo vī॒taha̭vya-śśrāya॒sastra॒sada̭syuḥ pauruku॒thsyaḥ pra॒jākā̭mā acinvata॒ tato॒ vai te sa॒hasragṃ̭ sahasra-mpu॒trāna̭vindanta॒ pratha̭te pra॒jayā̭ pa॒śubhi॒stā-mmātrā̭māpnoti॒ yā-nte-'ga̭ccha॒n॒ ya e॒vaṃ ~vi॒dvāne॒tama॒gni-ñci̭nu॒te || 22 ||

(dā॒dhā॒ra॒ tri॒ṣṭubha̭ - mi॒mame॒vai - vaṃ - ca॒tvāri̭ ca) (a. 5)

pra॒jāpa̭tira॒gnima̭cinuta॒ sa kṣu॒rapa̭virbhū॒tvā-'ti̭ṣṭha॒-tta-nde॒vā bibhya̭to॒ nopā̭-''ya॒-nte chando̭bhirā॒tmāna̭-ñchādayi॒tvopā̭-''ya॒-ntacchanda̭sā-ñchanda॒stva-mbrahma॒ vai chandāgṃ̭si॒ brahma̭ṇa e॒ta-drū॒paṃ-ya~-tkṛ̭ṣṇāji॒na-ṅkārṣṇī̭ upā॒nahā॒vupa̭ muñcate॒ chando̭bhire॒vā-''tmāna̭-ñchādayi॒tvā-'gnimupa̭ caratyā॒tmano-'higṃ̭sāyai devani॒dhirvā e॒ṣa ni dhī̭yate॒ yada॒gni- [yada॒gniḥ, a॒nye vā॒ vai] 23

-ra॒nye vā॒ vai ni॒dhimagṷptaṃ-vi~॒ndanti॒ na vā॒ prati॒ pra jā̭nātyu॒khāmā krā̭matyā॒tmāna̭me॒vādhi॒pā-ṅkṷrute॒ guptyā॒ atho॒ khalvā̭hu॒rnā-''kramyeti̭ nair-ṛ॒tyṷkhā yadā॒krāme॒nnir-ṛ̭tyā ā॒tmāna॒mapi̭ daddhyā॒-ttasmā॒nnā-''kramyā̭ puruṣaśī॒r॒ṣamupa̭ dadhāti॒ guptyā॒ atho॒ yathā᳚ brū॒yāde॒tanmḙ gopā॒yeti̭ tā॒dṛge॒va ta- [tat, pra॒jāpa̭ti॒rvā] 24

-tpra॒jāpa̭ti॒rvā atha̭rvā॒ 'gnire॒va da॒ddhyaṅṅā̭tharva॒ṇastasyeṣṭa̭kā a॒sthānye॒tagṃ ha॒ vāva tad-ṛṣi̭ra॒bhyanṷ̄vā॒cendro̭ dadhī॒co a॒sthabhi॒riti॒ yadiṣṭa̭kābhira॒gni-ñci॒noti॒ sātmā̭name॒vāgni-ñci̭nute॒ sātmā॒muṣmi̭n ~lo॒ke bha̭vati॒ ya e॒vaṃ-ve~da॒ śarī̭raṃ॒-vā~ e॒tada॒gneryaccitya̭ ā॒tmā vai᳚śvāna॒ro yacci॒te vai᳚śvāna॒ra-ñju॒hoti॒ śarī̭rame॒va sa॒gg॒skṛtyā॒- [sa॒gg॒skṛtyā̭, a॒bhyāro̭hati॒] 25

-'bhyāro̭hati॒ śarī̭raṃ॒-vā~ e॒ta-dyaja̭māna॒-ssagg skṷrute॒ yada॒gni-ñci̭nu॒te yacci॒te vai᳚śvāna॒ra-ñju॒hoti॒ śarī̭rame॒va sa॒gg॒skṛtyā॒ ''tmanā॒-'bhyāro̭hati॒ tasmā॒-ttasya॒ nāva̭ dyanti॒ jīva̭nne॒va de॒vānapyḙti vaiśvāna॒ryarcā purī̭ṣa॒mupa̭ dadhātī॒yaṃ-vā~ a॒gnirvai᳚śvāna॒rastasyai॒ṣā citi॒rya-tpurī̭ṣama॒gnime॒va vai᳚śvāna॒ra-ñci̭nuta e॒ṣā vā a॒gneḥ pri॒yā ta॒nūrya-dvai᳚śvāna॒raḥ pri॒yāme॒vāsya̭ ta॒nuva॒mava̭ rundhe || 26 ||

(a॒gni - stath - sa॒gg॒skṛtyā॒ - gne - rdaśa̭ ca) (a. 6)

a॒gnervai dī॒kṣayā̭ de॒vā vi॒rāja̭māpnuva-nti॒sro rātrī᳚rdīkṣi॒ta-ssyā᳚-ttri॒padā̭ vi॒rā-ḍvi॒rāja̭māpnoti॒ ṣaḍ-rātrī᳚rdīkṣi॒ta-ssyā॒-thṣa-ḍvā ṛ॒tavaḥ̭ saṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ daśa॒ rātrī᳚rdīkṣi॒ta-ssyā॒-ddaśā᳚kṣarā vi॒rā-ḍvi॒rāja̭māpnoti॒ dvāda̭śa॒ rātrī᳚rdīkṣi॒ta-ssyā॒-ddvāda̭śa॒ māsā᳚-ssaṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ trayo̭daśa॒ rātrī᳚rdīkṣi॒ta-ssyā॒-ttrayo̭daśa॒ [trayo̭daśa, māsā᳚-] 27

māsā᳚-ssaṃva~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ pañca̭daśa॒ rātrī᳚rdīkṣi॒ta-ssyā॒-tpañca̭daśa॒ vā a̭rdhamā॒sasya॒ rātra̭yo-'rdhamāsa॒śa-ssaṃ̭va~thsa॒ra ā᳚pyate saṃva~thsa॒ro vi॒rā-ḍvi॒rāja̭māpnoti sa॒ptada̭śa॒ rātrī᳚rdīkṣi॒ta-ssyā॒-ddvāda̭śa॒ māsāḥ॒ pañca॒rtava॒-ssa saṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti॒ catṷrvigṃśati॒gṃ॒ rātrī᳚rdīkṣi॒ta-ssyā॒-ccatṷrvigṃśatirardhamā॒sā-ssaṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti tri॒gṃ॒śata॒gṃ॒ rātrī᳚rdīkṣi॒ta-ssyā᳚- [rātrī᳚rdīkṣi॒ta-ssyā᳚t, tri॒gṃ॒śada̭kṣarā] 28

-ttri॒gṃ॒śada̭kṣarā vi॒rā-ḍvi॒rāja̭māpnoti॒ māsa̭-ndīkṣi॒ta-ssyā॒-dyo māsa॒-ssa saṃ̭va~thsa॒ra-ssaṃ̭va~thsa॒ro vi॒rā-ḍvi॒rāja̭māpnoti ca॒turo̭ mā॒so dī᳚kṣi॒ta-ssyā᳚cca॒turo॒ vā e॒ta-mmā॒so vasa̭vo-'bibharu॒ste pṛ̭thi॒vīmā-'ja̭ya-ngāya॒trī-ñchando॒-'ṣṭau ru॒drāste᳚-'ntari̭kṣa॒mā-'ja̭ya-ntri॒ṣṭubha॒-ñchando॒ dvāda̭śā-''di॒tyāste diva॒mā-'ja̭ya॒n jaga̭tī॒-ñchanda॒stato॒ vai te vyā॒vṛta̭-magaccha॒ñchraiṣṭhya̭-nde॒vānā॒-ntasmā॒-ddvāda̭śa mā॒so bhṛ॒tvā-'gni-ñci̭nvīta॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ro᳚ -'gniścitya॒stasyā̭-horā॒trāṇīṣṭa̭kā ā॒pteṣṭa̭kamena-ñcinu॒te-'tho᳚ vyā॒vṛta̭me॒va ga̭cchati॒ śraiṣṭhyagṃ̭ samā॒nānā᳚m || 29 ||

(syā॒-ttrayo̭daśa - tri॒gṃ॒śata॒gṃ॒ rātrī᳚rdīkṣi॒ta-ssyā॒-d- vai te᳚ - 'ṣṭāvigṃ̭śatiśca) (a. 7)

su॒va॒rgāya॒ vā e॒ṣa lo॒kāya̭ cīyate॒ yada॒gnistaṃ-ya~nnānvā॒rohe᳚-thsuva॒rgāllo॒kā-dyaja̭māno hīyeta pṛthi॒vīmā-'kra̭miṣa-mprā॒ṇo mā॒ mā hā̭sīda॒ntari̭kṣa॒mā-'kra̭miṣa-mpra॒jā mā॒ mā hā̭sī॒-ddiva॒mā-'kra̭miṣa॒gṃ॒ suva̭raga॒nmetyā̭hai॒ṣa vā a॒gnera̭nvāro॒hastenai॒vaina̭-ma॒nvāro̭hati suva॒rgasya̭ lo॒kasya॒ sama̭ṣṭyai॒ ya-tpa॒kṣasa̭mmitā-mminu॒yā- [minu॒yāt, kanī̭yāgṃsa-] 30

-tkanī̭yāgṃsaṃ-ya~jñakra॒tumupḙyā॒-tpāpī̭yasyasyā॒ ''tmanaḥ̭ pra॒jā syā॒-dvedi̭sammitā-mminoti॒ jyāyāgṃ̭same॒va ya̭jñakra॒tumupai̭ti॒ nāsyā॒-''tmanaḥ॒ pāpī̭yasī pra॒jā bha̭vati sāha॒sra-ñci̭nvīta pratha॒ma-ñci̭nvā॒na-ssa॒hasra̭sammito॒ vā a॒yaṃ-lo~॒ka i॒mame॒va lo॒kama॒bhi ja̭yati॒ dviṣā̭hasra-ñcinvīta dvi॒tīya̭-ñcinvā॒no dviṣā̭hasraṃ॒-vā~ a॒ntari̭kṣa-ma॒ntari̭kṣame॒vābhi ja̭yati॒ triṣā̭hasra-ñcinvīta tṛ॒tīya̭-ñcinvā॒na- [tṛ॒tīya̭-ñcinvā॒naḥ, triṣā̭hasro॒ vā a॒sau] 31

-striṣā̭hasro॒ vā a॒sau lo॒ko̭ 'mume॒va lo॒kama॒bhi ja̭yati jānuda॒ghna-ñci̭nvīta pratha॒ma-ñci̭nvā॒no gā̭yatri॒yaivemaṃ-lo~॒kama॒bhyāro̭hati nābhida॒ghna-ñci̭nvīta dvi॒tīya̭-ñcinvā॒nastri॒ṣṭubhai॒vā-ntari̭kṣa-ma॒bhyāro̭hati grīvada॒ghna-ñci̭nvīta tṛ॒tīya̭-ñcinvā॒no jaga̭tyai॒vāmun ~lo॒kama॒bhyāro̭hati॒ nāgni-ñci॒tvā rā॒māmupḙyādayo॒nau reto̭ dhāsyā॒mīti॒ na dvi॒tīya̭-ñci॒tvā-'nyasya॒ striya॒- [striya᳚m, upḙyā॒nna] 32

-mupḙyā॒nna tṛ॒tīya̭-ñci॒tvā kā-ñca॒nopḙyā॒-dreto॒ vā e॒tanni dha̭tte॒ yada॒gni-ñci̭nu॒te yadṷpe॒yā-dreta̭sā॒ vyṛ̭ddhye॒tā-'tho॒ khalvā̭hura praja॒sya-nta-dyannope॒yāditi॒ ya-drḙta॒ssicā̭vupa॒dadhā̭ti॒ te e॒va yaja̭mānasya॒ reto̭ bibhṛta॒stasmā॒-dupḙyā॒-dreta॒so-'ska̭ndāya॒ trīṇi॒ vāva retāgṃ̭si pi॒tā pu॒traḥ pautro॒ [pautraḥ̭, ya-ddve rḙta॒ssicā̭] 33

ya-ddve rḙta॒ssicā̭-vupada॒ddhyā-dreto᳚-'sya॒ vicchi̭ndyā-tti॒sra upa̭ dadhāti॒ reta̭sa॒-ssanta̭tyā i॒yaṃ-vā~va pra̭tha॒mā rḙta॒ssig vāgvā i॒ya-ntasmā॒-tpaśya̭ntī॒mā-mpaśya̭nti॒ vācaṃ॒-va~da̭ntīma॒ntari̭kṣa-ndvi॒tīyā᳚ prā॒ṇo vā a॒ntari̭kṣa॒-ntasmā॒nnā-'ntari̭kṣa॒-mpaśya̭nti॒ na prā॒ṇama॒sau tṛ॒tīyā॒ cakṣu॒rvā a॒sau tasmā॒-tpaśya̭ntya॒mū-mpaśya̭nti॒ cakṣu॒-ryajṷṣe॒mā-ñcā॒- [cakṣu॒-ryajṷṣe॒mā-ñcā̭, a॒mū-ñcopa̭] 34

-'mū-ñcopa̭ dadhāti॒ mana̭sā maddhya॒māme॒ṣāṃ-lo~॒kānā॒-ṅkḷptyā॒ atho᳚ prā॒ṇānā̭mi॒ṣṭo ya॒jño bhṛgṷbhirāśī॒rdā vasṷbhi॒stasya̭ ta i॒ṣṭasya̭ vī॒tasya॒ dravi̭ṇe॒ha bha̭kṣī॒yetyā̭ha stutaśa॒stre e॒vaitena̭ duhe pi॒tā mā̭ta॒riśvā-'cchi̭drā pa॒dā dhā॒ acchi̭drā u॒śijaḥ̭ pa॒dā-'nṷ takṣu॒-ssomo̭ viśva॒vinne॒tā nḙṣa॒-dbṛha॒spati̭rukthāma॒dāni̭ śagṃsiṣa॒dityā̭hai॒tadvā a॒gneru॒ktha-ntenai॒vaina॒manṷ śagṃsati || 35 ||

(mi॒nu॒yāt - tṛ॒tīya̭-ñcinvā॒naḥ - striyaṃ॒ - pautra̭ - śca॒ - vai - sa॒pta ca̭) (a. 8)

sū॒yate॒ vā e॒ṣo᳚-'gnī॒nāṃ-ya~ u॒khāyā᳚-mbhri॒yate॒ yada॒dha-ssā॒daye॒-dgarbhāḥ᳚ pra॒pādṷkā-ssyu॒ratho॒ yathā̭ sa॒vā-tpra̭tyava॒roha̭ti tā॒dṛge॒va tadā̭sa॒ndī sā̭dayati॒ garbhā̭ṇā॒-ndhṛtyā॒ apra̭pādā॒yātho̭ sa॒vame॒vaina̭-ṅkaroti॒ garbho॒ vā e॒ṣa yadukhyo॒ yoniḥ̭ śi॒kyaṃ̭-ya~cchi॒kyā̭du॒khā-nni॒rūhe॒-dyone॒rgarbha॒-nnirha̭ṇyā॒-thṣaḍṷdyāmagṃ śi॒kya̭-mbhavati ṣoḍhā vihi॒to vai [ ] 36

purṷṣa ā॒tmā ca॒ śira̭śca ca॒tvāryaṅgā᳚nyā॒tmanne॒vaina̭-mbibharti pra॒jāpa̭ti॒rvā e॒ṣa yada॒gnistasyo॒khā co॒lūkha̭la-ñca॒ stanau॒ tāva̭sya pra॒jā upa̭ jīvanti॒ yadu॒khā-ñco॒lūkha̭la-ñcopa॒dadhā̭ti॒ tābhyā̭me॒va yaja̭māno॒-'muṣmi̭n ~lo॒ke᳚-'gni-ndṷhe saṃva~thsa॒ro vā e॒ṣa yada॒gnistasya̭ tredhāvihi॒tā iṣṭa̭kāḥ prājāpa॒tyā vai᳚ṣṇa॒vī- [vai᳚ṣṇa॒vīḥ, vai॒śva॒ka॒rma॒ṇī-] 37

-rvai᳚śvakarma॒ṇī-ra̭horā॒trāṇye॒vā-'sya̭ prājāpa॒tyā yadukhya̭-mbi॒bharti̭ prājāpa॒tyā e॒va tadupa̭ dhatte॒ ya-thsa॒midha̭ ā॒dadhā̭ti vaiṣṇa॒vā vai vana॒spata̭yo vaiṣṇa॒vīre॒va tadupa̭ dhatte॒ yadiṣṭa̭kābhira॒gni-ñci॒notī॒yaṃ-vai~ vi॒śvaka̭rmā vaiśvakarma॒ṇīre॒va tadupa̭ dhatte॒ tasmā̭-dāhu-stri॒vṛda॒gniriti॒ taṃ-vā~ e॒taṃ-ya~ja̭māna e॒va ci̭nvīta॒ yada̭syā॒nya ści̭nu॒yādya-tta-ndakṣi̭ṇābhi॒rna rā॒dhayḙda॒gnima̭sya vṛñjīta॒ yo᳚-'syā॒-'gni-ñci̭nu॒yā-tta-ndakṣi̭ṇābhī rādhayeda॒gnime॒va ta-thspṛ̭ṇoti || 38 ||

(ṣo॒ḍhā॒vi॒hi॒to vai - vai᳚ṣṇa॒vī - ra॒nyo - vigṃ̭śa॒tiśca̭) (a. 9)

pra॒jāpa̭ti-ra॒gni-ma̭cinuta॒rtubhiḥ̭ saṃva~thsa॒raṃ-va~̭sa॒ntenai॒vāsya̭ pūrvā॒rdhama̭cinuta grī॒ṣmeṇa॒ dakṣi̭ṇa-mpa॒kṣaṃ-va~॒r॒ṣābhiḥ॒ pucchagṃ̭ śa॒radotta̭ra-mpa॒kṣagṃ hḙma॒ntena॒ maddhya॒-mbrahma̭ṇā॒ vā a̭sya॒ ta-tpū᳚rvā॒rdhama̭cinuta kṣa॒treṇa॒ dakṣi̭ṇa-mpa॒kṣa-mpa॒śubhiḥ॒ pucchaṃ̭-vi~॒śotta̭ra-mpa॒kṣamā॒śayā॒ maddhyaṃ॒-ya~ e॒vaṃ-vi~॒dvāna॒gni-ñci̭nu॒ta ṛ॒tubhi̭re॒vaina̭-ñcinu॒te-'tho̭ e॒tade॒va sarva॒mava̭ - [sarva॒mava̭, ru॒ndhe॒ śṛ॒ṇvantyḙna] 39

rundhe śṛ॒ṇvantyḙna-ma॒gni-ñci̭kyā॒namattyanna॒gṃ॒ roca̭ta i॒yaṃ-vā~va pra̭tha॒mā citi॒roṣa̭dhayo॒ vana॒spata̭yaḥ॒ purī̭ṣama॒ntari̭kṣa-ndvi॒tīyā॒ vayāgṃ̭si॒ purī̭ṣama॒sau tṛ॒tīyā॒ nakṣa̭trāṇi॒ purī̭ṣaṃ-ya~॒jñaśca̭tu॒rthī dakṣi̭ṇā॒ purī̭ṣaṃ॒-ya~ja̭mānaḥ pañca॒mī pra॒jā purī̭ṣaṃ॒-ya~-ttrici̭tīka-ñcinvī॒ta ya॒jña-ndakṣi̭ṇāmā॒tmāna̭-mpra॒jāma॒ntari̭yā॒-ttasmā॒-tpañca̭citīkaśceta॒vya̭ e॒tade॒va sarvagg̭ spṛṇoti॒ ya-tti॒sraścita̭ya- [ya-tti॒sraścita̭yaḥ, tri॒vṛddhya̭gnirya-ddve] 40

-stri॒vṛddhya̭gnirya-ddve dvi॒pā-dyaja̭mānaḥ॒ prati̭ṣṭhityai॒ pañca॒ cita̭yo bhavanti॒ pāṅktaḥ॒ purṷṣa ā॒tmāna̭me॒va spṛ̭ṇoti॒ pañca॒ cita̭yo bhavanti pa॒ñcabhiḥ॒ purī̭ṣaira॒bhyṷ̄hati॒ daśa॒ sa-mpa̭dyante॒ daśā᳚kṣaro॒ vai purṷṣo॒ yāvā̭ne॒va purṷṣa॒stagg spṛ̭ṇo॒tyatho॒ daśā᳚kṣarā vi॒rāḍannaṃ̭-vi~॒rā-ḍvi॒rājye॒vānnādye॒ prati̭ tiṣṭhati saṃva~thsa॒ro vai ṣa॒ṣṭhī citi̭r-ṛ॒tavaḥ॒ purī̭ṣa॒gṃ॒ ṣaṭ cita̭yo bhavanti॒ ṣaṭ purī̭ṣāṇi॒ dvāda̭śa॒ sa-mpa̭dyante॒ dvāda̭śa॒ māsā᳚-ssaṃva~thsa॒ra-ssaṃ̭va~thsa॒ra e॒va prati̭ tiṣṭhati || 41 ||

(ava॒ - cita̭yaḥ॒ - purī̭ṣaṃ॒ - pañca̭daśa ca) (a. 10)

rohi̭to dhū॒mraro̭hitaḥ ka॒rkandhṷrohita॒ste prā̭jāpa॒tyā ba॒bhrura̭ru॒ṇaba̭bhru॒-śśuka̭babhru॒ste rau॒drā-śśyetaḥ̭ śyetā॒kṣa-śśyeta̭grīva॒ste pi̭tṛdeva॒tyā᳚sti॒sraḥ kṛ॒ṣṇā va॒śā vā̭ru॒ṇya̭sti॒sra-śśve॒tā va॒śā-ssau॒ryo̭ maitrābārhaspa॒tyā dhū॒mrala̭lāmāstūpa॒rāḥ || 42 ||

(rohi̭taḥ॒-ṣaḍvagṃ̭śatiḥ) (a. 11)

pṛśñi̭-stira॒ścīna̭-pṛśñirū॒rdhva-pṛ̭śñi॒ste mā̭ru॒tāḥ pha॒lgūrlo̭hito॒rṇī ba̭la॒kṣī tā-ssā̭rasva॒tyaḥ̭ pṛṣa̭tī sthū॒lapṛ̭ṣatī kṣu॒drapṛ̭ṣatī॒ tā vai᳚śvade॒vya̭sti॒sra-śśyā॒mā va॒śāḥ pau॒ṣṇiya̭sti॒sro rohi̭ṇīrva॒śā mai॒triya̭ aindrābārhaspa॒tyā a̭ru॒ṇala̭lāmāstūpa॒rāḥ || 43 ||

(pṛśñiḥ॒ - ṣaḍvigṃ̭śatiḥ) (a. 12)

śi॒ti॒bā॒hu-ra॒nyata̭śśitibāhu-ssama॒nta śi̭tibāhu॒sta ai᳚ndravāya॒vā-śśi̭ti॒randhro॒ 'nyata̭śśitirandhra-ssama॒ntaśi̭tirandhra॒ste mai᳚trāvaru॒ṇā-śśu॒ddhavā̭la-ssa॒rvaśṷddhavālo ma॒ṇivā̭la॒sta ā᳚śvi॒nāsti॒sra-śśi॒lpā va॒śā vai᳚śvade॒vya̭sti॒sra-śśyenīḥ᳚ parame॒ṣṭhinḙ somāpau॒ṣṇā-śśyā॒mala̭lāmāstūpa॒rāḥ || 44 ||

(śi॒ti॒bā॒huḥ pañca̭vigṃśatiḥ) (a. 13)

u॒nna॒ta ṛ̭ṣa॒bho vā̭ma॒nasta ai᳚ndrāvaru॒ṇā-śśiti̭kakucchitipṛ॒ṣṭha-śśiti̭bhasa॒-tta ai᳚ndrābārhaspa॒tyā-śśi̭ti॒pācchi॒tyoṣṭhaḥ̭ śiti॒bhrusta ai᳚ndrāvaiṣṇa॒vāsti॒sra-ssi॒ddhmā va॒śā vai᳚śvakarma॒ṇya̭sti॒sro dhā॒tre pṛ̭ṣoda॒rā ai᳚ndrāpau॒ṣṇā-śśyeta̭lalāmāstūpa॒rāḥ || 45 ||

(u॒nna॒taḥ pañca̭vigṃśatiḥ) (a. 14)

ka॒rṇāstrayo̭ yā॒mā-ssau॒myāstrayaḥ̭ śviti॒ṅgā a॒gnaye॒ yavi̭ṣṭhāya॒ trayo̭ naku॒lāsti॒sro rohi̭ṇī॒stryavya॒stā vasṷ̄nā-nti॒sro̭-'ru॒ṇā di̭tyau॒hya̭stā ru॒drāṇāgṃ̭ somai॒ndrā ba॒bhrula̭lāmāstūpa॒rāḥ || 46 ||

(ka॒rṇāstrayo̭ - vigṃśatiḥ) (a. 15)

śu॒ṇṭhāstrayo̭ vaiṣṇa॒vā a̭dhīlodha॒karṇā॒strayo॒ viṣṇa̭va urukra॒māya̭ laphsu॒dina॒strayo॒ viṣṇa̭va urugā॒yāya॒ pañcā̭vīsti॒sra ā̭di॒tyānā᳚-ntriva॒thsā-sti॒sro-'ṅgi̭rasāmaindrāvaiṣṇa॒vā gau॒rala̭lāmāstūpa॒rāḥ || 47 ||

(śu॒ṇṭhā - vigṃ̭śa॒tiḥ) (a. 16)

indrā̭ya॒ rājñe॒ trayaḥ̭ śitipṛ॒ṣṭhā indrā̭yā-dhirā॒jāya॒ traya॒-śśiti̭kakuda॒ indrā̭ya sva॒rājñe॒ traya॒-śśiti̭bhasa-dasti॒srastṷryau॒hyaḥ̭ sā॒ddhyānā᳚-nti॒sraḥ pa̭ṣṭhau॒hyo̭ viśvḙṣā-nde॒vānā̭māgne॒ndrāḥ kṛ॒ṣṇala̭lāmāstūpa॒rāḥ || 48 ||

(indrā̭ya॒ rājñe॒ - dvāvigṃ̭śatiḥ) (a. 17)

adi̭tyai॒ trayo̭ rohitai॒tā i̭ndrā॒ṇyai trayaḥ̭ kṛṣṇai॒tāḥ ku॒hvai᳚ trayo̭-'ruṇai॒tāsti॒sro dhe॒navo̭ rā॒kāyai॒ trayo̭-'na॒ḍvāhaḥ̭ sinīvā॒lyā ā᳚gnāvaiṣṇa॒vā rohi̭talalāmāstūpa॒rāḥ || 49 ||

(adi̭tyā-a॒ṣṭāda̭śa) (a. 18)

sau॒myāstrayaḥ̭ pi॒śaṅgā॒-ssomā̭ya॒ rājñe॒ trayaḥ̭ sā॒raṅgāḥ᳚ pārja॒nyā nabho̭rūpāsti॒sro̭-'jā ma॒l॒hā i̭ndrā॒ṇyai ti॒sro me॒ṣya̭ ādi॒tyā dyā̭vāpṛthi॒vyā̭ mā॒laṅgā᳚stūpa॒rāḥ || 50 ||

(sau॒myā - ekā॒nnavigṃ̭śa॒tiḥ) (a. 19)

vā॒ru॒ṇāstrayaḥ̭ kṛ॒ṣṇala̭lāmā॒ varṷṇāya॒ rājñe॒ trayo॒ rohi̭talalāmā॒ varṷṇāya ri॒śāda̭se॒ trayo̭-'ru॒ṇala̭lāmā-śśi॒lpāstrayo̭ vaiśvade॒vāstrayaḥ॒ pṛśña̭ya-ssarvadeva॒tyā̭ aindrāsū॒rā-śśyeta̭lalāmāstūpa॒rāḥ || 51 ||

(vā॒ru॒ṇā - vigṃ̭śa॒tiḥ) (a. 20)

somā̭ya sva॒rājñḙ-'novā॒hāva̭na॒ḍvāhā̭-vindrā॒gnibhyā̭-mojo॒dābhyā॒muṣṭā̭rā-vindrā॒gnibhyā᳚-mbala॒dābhyāgṃ̭ sīravā॒hāvavī॒ dve dhe॒nū bhau॒mī di॒gbhyo vaḍa̭be॒ dve dhe॒nū bhau॒mī vai̭rā॒jī pṷru॒ṣī dve dhe॒nū bhau॒mī vā॒yava̭ ārohaṇavā॒hāva̭na॒ḍvāhaṷ vāru॒ṇī kṛ॒ṣṇe va॒śe a̭rā॒ḍyaṷ di॒vyāvṛ̭ṣa॒bhau pa̭rima॒rau || 52 ||

(somā̭ya sva॒rājñe॒ - catṷstrigṃśat) (a. 21)

ekā̭daśa prā॒targa॒vyāḥ pa॒śava॒ ā la̭bhyante chaga॒laḥ ka॒lmāṣaḥ̭ kikidī॒virvi̭dī॒gaya॒ste tvā॒ṣṭrā-ssau॒rīrnava̭ śve॒tā va॒śā a̭nūba॒ndhyā̭ bhavantyāgne॒ya ai᳚ndrā॒gna ā᳚śvi॒naste vi̭śālayū॒pa ā la̭bhyante || 53 ||

(aikā̭daśa prā॒taḥ - pañca̭vigṃśatiḥ) (a. 22)

pi॒śaṅgā॒strayo̭ vāsa॒ntā-ssā॒raṅgā॒strayo॒ graiṣmāḥ॒ pṛṣa̭nta॒strayo॒ vārṣi̭kāḥ॒ pṛśña̭ya॒strayaḥ̭ śāra॒dāḥ pṛ̭śñisa॒kthā-strayo॒ haima̭ntikā avali॒ptāstrayaḥ̭ śaiśi॒rā-ssaṃ̭va~thsa॒rāya॒ niva̭kṣasaḥ || 54 ||

(pi॒śaṅgā̭ - vigṃśa॒tiḥ) (a. 23)

(rohi̭taḥ kṛ॒ṣṇā dhū॒mrala̭lāmāḥ॒ - pṛśñiḥ̭ śyā॒mā a̭ru॒ṇala̭lāmāḥ -śitibā॒hu-śśi॒lpā-śśyenī᳚-śśyā॒mala̭lāmā - unna॒ta-ssi॒ddhmā dhā॒tre pau॒ṣṇā-śśyeta̭lalāmāḥ - ka॒rṇā ba॒bhrula̭lāmāḥ - śu॒ṇṭhā gau॒rala̭lāmā॒ - indrā̭ya kṛ॒ṣṇāla̭lāmā॒ - adi̭tyai॒ rohi̭ta lalāmaḥ -sau॒myā mā॒laṅgā̭ - vāru॒ṇā-ssū॒rā-śśyeta̭lalāmā॒ - daśa̭ |)

(hira̭ṇyavarṇā - a॒pā-ṅgrahā᳚n - bhūteṣṭa॒kāḥ - sa॒jūḥ - saṃ̭va~thsa॒raṃ - pra॒jāpa̭ti॒-ssa kṣu॒rapa̭vi - ra॒vagnervai dī॒kṣayā̭ - suva॒rgāya॒ taṃ-ya~nna - sū॒yate᳚ - pra॒jāpa̭tir-ṛ॒tubhī॒ - rohi̭taḥ॒ - pṛñiḥ̭ - śitibā॒hu - rṷnna॒taḥ - ka॒rṇāḥ - śu॒ṇṭhā - indrā॒yā- di̭tyai - sau॒myā - vā̭ru॒ṇāḥ - somā॒yai - kā̭daśa - pi॒śaṅgā॒ - strayo̭vigṃśatiḥ)

(hira̭ṇyavarṇā - bhūteṣṭa॒kāḥ - chando॒ yat - kanī̭yāgṃsan-tri॒vṛddhya̭gni - rvā̭ru॒ṇā - ścatṷṣpañcā॒śat )

(hira̭ṇyavarṇā॒, niva̭kṣasaḥ)

|| hariḥ̭ om ||

|| kṛṣṇa yajurvedīya taittirīya saṃhitāyā-mpañcamakāṇḍe ṣaṣṭhaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-म्पञ्चमकाण्डे षष्ठः प्रश्नः - उपानुवाक्याभिधानं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

हिर॑ण्यवर्णा॒-श्शुच॑यः पाव॒का यासु॑ जा॒तः क॒श्यपो॒ यास्विन्द्रः॑ । अ॒ग्निं-याँ गर्भ॑-न्दधि॒रे विरू॑पा॒स्ता न॒ आप॒-श्शग्ग् स्यो॒ना भ॑वन्तु ॥ यासा॒ग्ं॒ राजा॒ वरु॑णो॒ याति॒ मद्ध्ये॑ सत्यानृ॒ते अ॑व॒पश्य॒न् जना॑नाम् । म॒धु॒श्चुत॒-श्शुच॑यो॒ याः पा॑व॒कास्ता न॒ आप॒-श्शग्ग् स्यो॒ना भ॑वन्तु ॥ यासा᳚-न्दे॒वा दि॒वि कृ॒ण्वन्ति॑ भ॒क्षं-याँ अ॒न्तरि॑क्षे बहु॒धा भव॑न्ति । याः पृ॑थि॒वी-म्पय॑सो॒न्दन्ति॑ - [ ] 1

शु॒क्रास्ता न॒ आप॒-श्शग्ग् स्यो॒ना भ॑वन्तु ॥ शि॒वेन॑ मा॒ चक्षु॑षा पश्यता-ऽऽप-श्शि॒वया॑ त॒नुवोप॑ स्पृशत॒ त्वच॑-म्मे । सर्वाग्ं॑ अ॒ग्नीग्ं र॑फ्सु॒षदो॑ हुवे वो॒ मयि॒ वर्चो॒ बल॒मोजो॒ नि ध॑त्त ॥ यद॒द-स्स॑-म्प्रय॒तीरहा॒ वन॑दताह॒ते । तस्मा॒दा न॒द्यो॑ नाम॑ स्थ॒ ता वो॒ नामा॑नि सिन्धवः ॥ य-त्प्रेषि॑ता॒ वरु॑णेन॒ ता-श्शीभग्ं॑ स॒मव॑ल्गत । 2

तदा᳚प्नो॒-दिन्द्रो॑ वो य॒ती-स्तस्मा॒-दापो॒ अनु॑ स्थन ॥ अ॒प॒का॒मग्ग् स्यन्द॑माना॒ अवी॑वरत वो॒ हिक᳚म् । इन्द्रो॑ व॒-श्शक्ति॑भि र्देवी॒-स्तस्मा॒-द्वार्णाम॑ वो हि॒तम् ॥ एको॑ दे॒वो अप्य॑तिष्ठ॒-थ्स्यन्द॑माना यथा व॒शम् । उदा॑निषु-र्म॒हीरिति॒ तस्मा॑-दुद॒क-मु॑च्यते ॥ आपो॑ भ॒द्रा घृ॒तमिदाप॑ आसुर॒ग्नी-षोमौ॑ बिभ्र॒त्याप॒ इ-त्ताः । ती॒व्रो रसो॑ मधु॒पृचा॑- [मधु॒पृचा᳚म्, अ॒र॒ङ्ग॒म आ मा᳚] 3

-मरङ्ग॒म आ मा᳚ प्रा॒णेन॑ स॒ह वर्च॑सा गन्न् ॥ आदि-त्प॑श्याम्यु॒त वा॑ शृणो॒म्या मा॒ घोषो॑ गच्छति॒ वान्न॑ आसाम् । मन्ये॑ भेजा॒नो अ॒मृत॑स्य॒ तर्हि॒ हिर॑ण्यवर्णा॒ अतृ॑पं-यँ॒दा वः॑ ॥ आपो॒ हि ष्ठा म॑यो॒ भुव॒स्ता न॑ ऊ॒र्जे द॑धातन । म॒हे रणा॑य॒ चक्ष॑से ॥ यो वः॑ शि॒वत॑मो॒ रस॒स्तस्य॑ भाजयते॒ह नः॑ । उ॒श॒तीरि॑व मा॒तरः॑ ॥ तस्मा॒ अर॑-ङ्गमाम वो॒ यस्य॒ क्षया॑य॒ जिन्व॑थ । आपो॑ ज॒नय॑था च नः ॥ दि॒वि श्र॑य स्वा॒न्तरि॑क्षे यतस्व पृथि॒व्या स-म्भ॑व ब्रह्मवर्च॒-सम॑सि ब्रह्मवर्च॒साय॑ त्वा ॥ 4

(उ॒दन्ति॑ - स॒मव॑ल्गत - मधु॒पृचां᳚ - मा॒तरो॒ - द्वाविग्ं॑शतिश्च) (अ. 1)

अ॒पा-ङ्ग्रहा᳚-न्गृह्णात्ये॒तद्वाव रा॑ज॒सूयं॒-यँदे॒ते ग्रहा᳚-स्स॒वो᳚ ऽग्निर्व॑रुणस॒वो रा॑ज॒सूय॑-मग्निस॒व-श्चित्य॒स्ताभ्या॑-मे॒व सू॑य॒ते-ऽथो॑ उ॒भावे॒व लो॒काव॒भि ज॑यति॒ यश्च॑ राज॒सूये॑नेजा॒नस्य॒ यश्चा᳚-ऽग्नि॒चित॒ आपो॑ भव॒न्त्यापो॒ वा अ॒ग्नेर्भ्रातृ॑व्या॒ यद॒पो᳚ ऽग्नेर॒धस्ता॑दुप॒ दधा॑ति॒ भ्रातृ॑व्याभिभूत्यै॒ भव॑त्या॒त्मना॒ परा᳚-ऽस्य॒ भ्रातृ॑व्यो भवत्य॒मृतं॒- [भ्रातृ॑व्यो भवत्य॒मृत᳚म्, वा आप॒स्तस्मा॑-] 5

-ँवा आप॒स्तस्मा॑-द॒द्भिरव॑तान्त-म॒भि षि॑ञ्चन्ति॒ ना-ऽऽर्ति॒मार्च्छ॑ति॒ सर्व॒मायु॑रेति॒ यस्यै॒ता उ॑पधी॒यन्ते॒ य उ॑ चैना ए॒वं-वेँदान्नं॒-वाँ आपः॑ प॒शव॒ आपो-ऽन्न॑-म्प॒शवो᳚-ऽन्ना॒दः प॑शु॒मा-न्भ॑वति॒ यस्यै॒ता उ॑पधी॒यन्ते॒ य उ॑ चैना ए॒वं-वेँद॒ द्वाद॑श भवन्ति॒ द्वाद॑श॒ मासा᳚-स्संवँथ्स॒र-स्सं॑वँथ्स॒रेणै॒वास्मा॒ [-स्सं॑वँथ्स॒रेणै॒वास्मा᳚, अन्न॒मव॑ रुन्धे॒] 6

अन्न॒मव॑ रुन्धे॒ पात्रा॑णि भवन्ति॒ पात्रे॒ वा अन्न॑मद्यते॒ सयो᳚न्ये॒वान्न॒मव॑ रुन्ध॒ आ द्वा॑द॒शा-त्पुरु॑षा॒दन्न॑-म॒त्त्यथो॒ पात्रा॒न्न छि॑द्यते॒ यस्यै॒ता उ॑पधी॒यन्ते॒ य उ॑ चैना ए॒वं-वेँद॑ कु॒म्भाश्च॑ कु॒म्भीश्च॑ मिथु॒नानि॑ भवन्ति मिथु॒नस्य॒ प्रजा᳚त्यै॒ प्र प्र॒जया॑ प॒शुभि॑-र्मिथु॒नै-र्जा॑यते॒ यस्यै॒ता उ॑पधी॒यन्ते॒ य उ॑ [य उ॑, चै॒ना॒ ए॒वं-वेँद॒] 7

चैना ए॒वं-वेँद॒ शुग्वा अ॒ग्नि-स्सो᳚-ऽद्ध्व॒र्युं-यँज॑मान-म्प्र॒जा-श्शु॒चा-ऽर्प॑यति॒ यद॒प उ॑प॒दधा॑ति॒ शुच॑मे॒वास्य॑ शमयति॒ ना-ऽऽर्ति॒मार्च्छ॑त्यद्ध्व॒र्युर्न यज॑मान॒-श्शाम्य॑न्ति प्र॒जा यत्रै॒ता उ॑पधी॒यन्ते॒ ऽपां-वाँ ए॒तानि॒ हृद॑यानि॒ यदे॒ता आपो॒ यदे॒ता अ॒प उ॑प॒दधा॑ति दि॒व्याभि॑रे॒वैना॒-स्सग्ं सृ॑जति॒ वर्षु॑कः प॒र्जन्यो॑ [प॒र्जन्यः॑, भ॒व॒ति॒ यो वा] 8

भवति॒ यो वा ए॒तासा॑मा॒यत॑न॒-ङ्कॢप्तिं॒-वेँदा॒-ऽऽयत॑नवा-न्भवति॒ कल्प॑ते ऽस्मा अनुसी॒तमुप॑ दधात्ये॒तद्वा आ॑सामा॒यत॑नमे॒षा कॢप्ति॒र्य ए॒वं-वेँदा॒-ऽऽयत॑नवा-न्भवति॒ कल्प॑ते-ऽस्मै द्व॒द्वम्म॒न्या उप॑ दधाति॒ चत॑स्रो॒ मद्ध्ये॒ धृत्या॒ अन्नं॒-वाँ इष्ट॑का ए॒त-त्खलु॒ वै सा॒क्षादन्नं॒-यँदे॒ष च॒रुर्यदे॒त-ञ्च॒रुमु॑प॒ दधा॑ति सा॒क्षा- [सा॒क्षात्, ए॒वा-ऽस्मा॒ अन्न॒मव॑ रुन्धे] 9

-दे॒वा-ऽस्मा॒ अन्न॒मव॑ रुन्धे मद्ध्य॒त उप॑ दधाति मद्ध्य॒त ए॒वास्मा॒ अन्न॑-न्दधाति॒ तस्मा᳚-न्मद्ध्य॒तो-ऽन्न॑मद्यते बार्हस्प॒त्यो भ॑वति॒ ब्रह्म॒ वै दे॒वाना॒-म्बृह॒स्पति॒-र्ब्रह्म॑णै॒वास्मा॒ अन्न॒मव॑ रुन्धे ब्रह्मवर्च॒सम॑सि ब्रह्मवर्च॒साय॒ त्वेत्या॑ह तेज॒स्वी ब्र॑ह्मवर्च॒सी भ॑वति॒ यस्यै॒ष उ॑पधी॒यते॒ य उ॑ चैनमे॒वं-वेँद॑ ॥ 10 ॥

(अ॒मृत॑ - मस्मै - जायते॒ यस्यै॒ता - उ॑पधी॒यन्ते॒ य उ॑ - प॒र्जन्य॑ - उप॒दधा॑ति सा॒क्षाथ् - स॒प्तच॑त्वारिग्ंशच्च) (अ. 2)

भू॒ते॒ष्ट॒का उप॑ दधा॒त्यत्रा᳚त्र॒ वै मृ॒त्युर्जा॑यते॒ यत्र॑यत्रै॒व मृ॒त्युर्जाय॑ते॒ तत॑ ए॒वैन॒मव॑ यजते॒ तस्मा॑दग्नि॒चि-थ्सर्व॒मायु॑रेति॒ सर्वे॒ ह्य॑स्य मृ॒त्यवो ऽवे᳚ष्टा॒स्तस्मा॑-दग्नि॒चिन्ना-भिच॑रित॒वै प्र॒त्यगे॑न-मभिचा॒र-स्स्तृ॑णुते सू॒यते॒ वा ए॒ष यो᳚-ऽग्नि-ञ्चि॑नु॒ते दे॑वसु॒वामे॒तानि॑ ह॒वीग्ंषि॑ भवन्त्ये॒ताव॑न्तो॒ वै दे॒वानाग्ं॑ स॒वास्त ए॒वा- [स॒वास्त ए॒व, अ॒स्मै॒ स॒वा-न्प्र] 11

-ऽस्मै॑ स॒वा-न्प्र य॑च्छन्ति॒ त ए॑नग्ं सुवन्ते स॒वो᳚-ऽग्निर्व॑रुणस॒वो रा॑ज॒सूय॑-म्ब्रह्मस॒वश्चित्यो॑ दे॒वस्य॑ त्वा सवि॒तुः प्र॑स॒व इत्या॑ह सवि॒तृप्र॑सूत ए॒वैन॒-म्ब्रह्म॑णा दे॒वता॑भिर॒भि षि॑ञ्च॒त्यन्न॑-स्यान्नस्या॒भि षि॑ञ्च॒त्यन्न॑-स्यान्न॒स्या-व॑रुद्ध्यै पु॒रस्ता᳚-त्प्र॒त्यञ्च॑म॒भि षि॑ञ्चति पु॒रस्ता॒द्धि प्र॑ती॒ची-न॒मन्न॑म॒द्यते॑ शीर्ष॒तो॑-ऽभि षि॑ञ्चति शीर्ष॒तो ह्यन्न॑म॒द्यत॒ आ मुखा॑-द॒न्वव॑स्रावयति [मुखा॑-द॒न्वव॑स्रावयति, मु॒ख॒त ए॒वा-ऽस्मा॑] 12

मुख॒त ए॒वा-ऽस्मा॑ अ॒न्नाद्य॑-न्दधात्य॒ग्नेस्त्वा॒ साम्रा᳚ज्येना॒भि षि॑ञ्चा॒मीत्या॑है॒ष वा अ॒ग्ने-स्स॒वस्तेनै॒वैन॑म॒भि षि॑ञ्चति॒ बृह॒स्पते᳚स्त्वा॒ साम्रा᳚ज्येना॒भिषि॑ञ्चा॒मीत्या॑ह॒ ब्रह्म॒ वै दे॒वाना॒-म्बृह॒स्पति॒र्ब्रह्म॑णै॒वैन॑म॒भि षि॑ञ्च॒तीन्द्र॑स्य त्वा॒ साम्रा᳚ज्येना॒भि षि॑ञ्चा॒-मीत्या॑हेन्द्रि॒यमे॒वास्मि॑-न्नु॒परि॑ष्टा-द्दधात्ये॒त- [-द्दधात्ये॒तत्, वै रा॑ज॒सूय॑स्य] 13

-द्वै रा॑ज॒सूय॑स्य रू॒पं-यँ ए॒वं-विँ॒द्वान॒ग्नि-ञ्चि॑नु॒त उ॒भावे॒व लो॒काव॒भि ज॑यति॒ यश्च॑ राज॒सूये॑नेजा॒नस्य॒ यश्चा᳚ग्नि॒चित॒ इन्द्र॑स्य सुषुवा॒णस्य॑ दश॒धेन्द्रि॒यं-वीँ॒र्य॑-म्परा॑-ऽपत॒-त्तद्दे॒वा-स्सौ᳚त्राम॒ण्या सम॑भरन्-थ्सू॒यते॒ वा ए॒ष यो᳚-ऽग्नि-ञ्चि॑नु॒ते᳚-ऽग्नि-ञ्चि॒त्वा सौ᳚त्राम॒ण्या य॑जेतेन्द्रि॒यमे॒व वी॒र्यग्ं॑ स॒भृन्त्या॒-ऽऽत्म-न्ध॑त्ते ॥ 14 ॥

(त ए॒वा - न्वव॑स्रावयत्ये॒ - त - द॒ष्टाच॑त्वारिग्ंशच्च) (अ. 3)

स॒जूरब्दो-ऽया॑वभि-स्स॒जूरु॒षा अरु॑णीभि-स्स॒जू-स्सूर्य॒ एत॑शेन स॒जोषा॑व॒श्विना॒ दग्ंसो॑भि-स्स॒जूर॒ग्निर्वै᳚श्वान॒र इडा॑भिर्घृ॒तेन॒ स्वाहा॑ संवँथ्स॒रो वा अब्दो॒ मासा॒ अया॑वा उ॒षा अरु॑णी॒ सूर्य॒ एत॑श इ॒मे अ॒श्विना॑ संवँथ्स॒रो᳚-ऽग्निर्वै᳚श्वान॒रः प॒शव॒ इडा॑ प॒शवो॑ घृ॒तग्ं सं॑वँथ्स॒र-म्प॒शवो-ऽनु॒ प्र जा॑यन्ते संवँथ्स॒रेणै॒वास्मै॑ प॒शू-न्प्रज॑नयति दर्भस्त॒म्बे जु॑होति॒ य - [ ] 15

-द्वा अ॒स्या अ॒मृतं॒-यँ-द्वी॒र्य॑-न्त-द्द॒र्भास्तस्मि॑न् जुहोति॒ प्रैव जा॑यते ऽन्ना॒दो भ॑वति॒ यस्यै॒व-ञ्जुह्व॑त्ये॒ता वै दे॒वता॑ अ॒ग्नेः पु॒रस्ता᳚द्भागा॒स्ता ए॒व प्री॑णा॒त्यथो॒ चक्षु॑रे॒वाग्नेः पु॒रस्ता॒-त्प्रति॑ दधा॒त्यन॑न्धो भवति॒ य ए॒वं-वेँदा-ऽऽपो॒ वा इ॒दमग्रे॑ सलि॒लमा॑सी॒-थ्स प्र॒जाप॑तिः पुष्करप॒र्णे वातो॑ भू॒तो॑-ऽलेलाय॒-थ्स [भू॒तो॑-ऽलेलाय॒-थ्सः, प्र॒ति॒ष्ठा-न्ना-ऽवि॑न्दत॒] 16

प्र॑ति॒ष्ठा-न्ना-ऽवि॑न्दत॒ स ए॒तद॒पा-ङ्कु॒लाय॑मपश्य॒-त्तस्मि॑न्न॒ग्निम॑चिनुत॒ तदि॒यम॑भव॒-त्ततो॒ वै स प्रत्य॑तिष्ठ॒द्या-म्पु॒रस्ता॑दु॒पा-द॑धा॒-त्तच्छिरो॑ ऽभव॒-थ्सा प्राची॒ दिग्या-न्द॑क्षिण॒त उ॒पाद॑धा॒-थ्स दक्षि॑णः प॒क्षो॑-ऽभव॒-थ्सा द॑क्षि॒णा दिग्या-म्प॒श्चा-दु॒पाद॑धा॒-त्त-त्पुच्छ॑मभव॒-थ्सा प्र॒तीची॒ दिग्यामु॑त्तर॒त उ॒पाद॑धा॒- [उ॒पाद॑धात्, स उत्त॑रः] 17

-थ्स उत्त॑रः प॒क्षो॑-ऽभव॒-थ्सोदी॑ची॒ दिग्यामु॒परि॑ष्टा-दु॒पाद॑धा॒-त्त-त्पृ॒ष्ठम॑भव॒-थ्सोर्ध्वा दिगि॒यं-वाँ अ॒ग्निः पञ्चे᳚ष्टक॒-स्तस्मा॒-द्यद॒स्या-ङ्खन॑न्त्य॒भीष्ट॑का-न्तृ॒न्दन्त्य॒भि शर्क॑रा॒ग्ं॒ सर्वा॒ वा इ॒यं-वँयो᳚भ्यो॒ नक्त॑-न्दृ॒शे दी᳚प्यते॒ तस्मा॑दि॒मां-वँयाग्ं॑सि॒ नक्त॒-न्नाद्ध्या॑सते॒ य ए॒वं-विँ॒द्वान॒ग्नि-ञ्चि॑नु॒ते प्रत्ये॒व [प्रत्ये॒व, ति॒ष्ठ॒त्य॒भि दिशो॑] 18

ति॑ष्ठत्य॒भि दिशो॑ जयत्याग्ने॒यो वै ब्रा᳚ह्म॒णस्तस्मा᳚-द्ब्राह्म॒णाय॒ सर्वा॑सु दि॒क्ष्वर्धु॑क॒ग्ग्॒ स्वामे॒व त-द्दिश॒मन्वे᳚त्य॒पां-वाँ अ॒ग्निः कु॒लाय॒-न्तस्मा॒दापो॒-ऽग्निग्ं हारु॑का॒-स्स्वामे॒व त-द्योनि॒-म्प्रवि॑शन्ति ॥ 19 ॥

(यद॑- लेलाय॒-थ्स-उ॑त्तर॒त उ॒पाद॑धा-दे॒व - द्वात्रिग्ं॑शच्च) (अ. 4)

सं॒वँ॒थ्स॒रमुख्य॑-म्भृ॒त्वा द्वि॒तीये॑ संवँथ्स॒र आ᳚ग्ने॒यम॒ष्टाक॑पाल॒-न्निर्व॑पेदै॒न्द्र-मेका॑दशकपालं-वैँश्वदे॒व-न्द्वाद॑शकपाल-म्बार्हस्प॒त्य-ञ्च॒रुं-वैँ᳚ष्ण॒व-न्त्रि॑कपा॒ल-न्तृ॒तीये॑ संवँथ्स॒रे॑-ऽभि॒जिता॑ यजेत॒ यद॒ष्टाक॑पालो॒ भव॑त्य॒ष्टाक्ष॑रा गाय॒त्र्या᳚ग्ने॒य-ङ्गा॑य॒त्र-म्प्रा॑तस्सव॒न-म्प्रा॑तस्सव॒नमे॒व तेन॑ दाधार गाय॒त्री-ञ्छन्दो॒ यदेका॑दशकपालो॒ भव॒त्येका॑दशाक्षरा त्रि॒ष्टुगै॒न्द्र-न्त्रैष्टु॑भ॒-म्माद्ध्य॑न्दिन॒ग्ं॒ सव॑न॒-म्माद्ध्य॑न्दिनमे॒व सव॑न॒-न्तेन॑ दाधार त्रि॒ष्टुभ॒- [त्रि॒ष्टुभ᳚म्, छन्दो॒ य-द्द्वाद॑शकपालो॒ भव॑ति॒] 20

-ञ्छन्दो॒ य-द्द्वाद॑शकपालो॒ भव॑ति॒ द्वाद॑शाक्षरा॒ जग॑ती वैश्वदे॒व-ञ्जाग॑त-न्तृतीयसव॒न-न्तृ॑तीयसव॒नमे॒व तेन॑ दाधार॒ जग॑ती॒-ञ्छन्दो॒ य-द्बा॑र्हस्प॒त्यश्च॒रुर्भव॑ति॒ ब्रह्म॒ वै दे॒वाना॒-म्बृह॒स्पति॒र्ब्रह्मै॒व तेन॑ दाधार॒ य-द्वै᳚ष्ण॒वस्त्रि॑कपा॒लो भव॑ति य॒ज्ञो वै विष्णु॑र्य॒ज्ञमे॒व तेन॑ दाधार॒ य-त्तृ॒तीये॑ संवँथ्स॒रे॑-ऽभि॒जिता॒ यज॑ते॒-ऽभिजि॑त्यै॒ य-थ्सं॑वँथ्स॒रमुख्य॑-म्बि॒भर्ती॒ममे॒व [ ] 21

तेन॑ लो॒कग्ग् स्पृ॑णोति॒ य-द्द्वि॒तीये॑ संवँथ्स॒रे᳚-ऽग्नि-ञ्चि॑नु॒ते᳚ ऽन्तरि॑क्षमे॒व तेन॑ स्पृणोति॒ य-त्तृ॒तीये॑ संवँथ्स॒रे यज॑ते॒-ऽमुमे॒व तेन॑ लो॒कग्ग् स्पृ॑णोत्ये॒तं-वैँ पर॑ आट्णा॒रः क॒क्षीवाग्ं॑ औशि॒जो वी॒तह॑व्य-श्श्राय॒सस्त्र॒सद॑स्युः पौरुकु॒थ्स्यः प्र॒जाका॑मा अचिन्वत॒ ततो॒ वै ते स॒हस्रग्ं॑ सहस्र-म्पु॒त्रान॑विन्दन्त॒ प्रथ॑ते प्र॒जया॑ प॒शुभि॒स्ता-म्मात्रा॑माप्नोति॒ या-न्ते-ऽग॑च्छ॒न्॒ य ए॒वं ँवि॒द्वाने॒तम॒ग्नि-ञ्चि॑नु॒ते ॥ 22 ॥

(दा॒धा॒र॒ त्रि॒ष्टुभ॑ - मि॒ममे॒वै - वं - च॒त्वारि॑ च) (अ. 5)

प्र॒जाप॑तिर॒ग्निम॑चिनुत॒ स क्षु॒रप॑विर्भू॒त्वा-ऽति॑ष्ठ॒-त्त-न्दे॒वा बिभ्य॑तो॒ नोपा॑-ऽऽय॒-न्ते छन्दो॑भिरा॒त्मान॑-ञ्छादयि॒त्वोपा॑-ऽऽय॒-न्तच्छन्द॑सा-ञ्छन्द॒स्त्व-म्ब्रह्म॒ वै छन्दाग्ं॑सि॒ ब्रह्म॑ण ए॒त-द्रू॒पं-यँ-त्कृ॑ष्णाजि॒न-ङ्कार्ष्णी॑ उपा॒नहा॒वुप॑ मुञ्चते॒ छन्दो॑भिरे॒वा-ऽऽत्मान॑-ञ्छादयि॒त्वा-ऽग्निमुप॑ चरत्या॒त्मनो-ऽहिग्ं॑सायै देवनि॒धिर्वा ए॒ष नि धी॑यते॒ यद॒ग्नि- [यद॒ग्निः, अ॒न्ये वा॒ वै] 23

-र॒न्ये वा॒ वै नि॒धिमगु॑प्तं-विँ॒न्दन्ति॒ न वा॒ प्रति॒ प्र जा॑नात्यु॒खामा क्रा॑मत्या॒त्मान॑मे॒वाधि॒पा-ङ्कु॑रुते॒ गुप्त्या॒ अथो॒ खल्वा॑हु॒र्ना-ऽऽक्रम्येति॑ नैर्-ऋ॒त्यु॑खा यदा॒क्रामे॒न्निर्-ऋ॑त्या आ॒त्मान॒मपि॑ दद्ध्या॒-त्तस्मा॒न्ना-ऽऽक्रम्या॑ पुरुषशी॒र्॒षमुप॑ दधाति॒ गुप्त्या॒ अथो॒ यथा᳚ ब्रू॒यादे॒तन्मे॑ गोपा॒येति॑ ता॒दृगे॒व त- [तत्, प्र॒जाप॑ति॒र्वा] 24

-त्प्र॒जाप॑ति॒र्वा अथ॑र्वा॒ ऽग्निरे॒व द॒द्ध्यङ्ङा॑थर्व॒णस्तस्येष्ट॑का अ॒स्थान्ये॒तग्ं ह॒ वाव तद्-ऋषि॑र॒भ्यनू॑वा॒चेन्द्रो॑ दधी॒चो अ॒स्थभि॒रिति॒ यदिष्ट॑काभिर॒ग्नि-ञ्चि॒नोति॒ सात्मा॑नमे॒वाग्नि-ञ्चि॑नुते॒ सात्मा॒मुष्मि॑न् ँलो॒के भ॑वति॒ य ए॒वं-वेँद॒ शरी॑रं॒-वाँ ए॒तद॒ग्नेर्यच्चित्य॑ आ॒त्मा वै᳚श्वान॒रो यच्चि॒ते वै᳚श्वान॒र-ञ्जु॒होति॒ शरी॑रमे॒व स॒ग्ग्॒स्कृत्या॒- [स॒ग्ग्॒स्कृत्या॑, अ॒भ्यारो॑हति॒] 25

-ऽभ्यारो॑हति॒ शरी॑रं॒-वाँ ए॒त-द्यज॑मान॒-स्सग्ग् स्कु॑रुते॒ यद॒ग्नि-ञ्चि॑नु॒ते यच्चि॒ते वै᳚श्वान॒र-ञ्जु॒होति॒ शरी॑रमे॒व स॒ग्ग्॒स्कृत्या॒ ऽऽत्मना॒-ऽभ्यारो॑हति॒ तस्मा॒-त्तस्य॒ नाव॑ द्यन्ति॒ जीव॑न्ने॒व दे॒वानप्ये॑ति वैश्वान॒र्यर्चा पुरी॑ष॒मुप॑ दधाती॒यं-वाँ अ॒ग्निर्वै᳚श्वान॒रस्तस्यै॒षा चिति॒र्य-त्पुरी॑षम॒ग्निमे॒व वै᳚श्वान॒र-ञ्चि॑नुत ए॒षा वा अ॒ग्नेः प्रि॒या त॒नूर्य-द्वै᳚श्वान॒रः प्रि॒यामे॒वास्य॑ त॒नुव॒मव॑ रुन्धे ॥ 26 ॥

(अ॒ग्नि - स्तथ् - स॒ग्ग्॒स्कृत्या॒ - ग्ने - र्दश॑ च) (अ. 6)

अ॒ग्नेर्वै दी॒क्षया॑ दे॒वा वि॒राज॑माप्नुव-न्ति॒स्रो रात्री᳚र्दीक्षि॒त-स्स्या᳚-त्त्रि॒पदा॑ वि॒रा-ड्वि॒राज॑माप्नोति॒ षड्-रात्री᳚र्दीक्षि॒त-स्स्या॒-थ्ष-ड्वा ऋ॒तवः॑ संवँथ्स॒र-स्सं॑वँथ्स॒रो वि॒रा-ड्वि॒राज॑माप्नोति॒ दश॒ रात्री᳚र्दीक्षि॒त-स्स्या॒-द्दशा᳚क्षरा वि॒रा-ड्वि॒राज॑माप्नोति॒ द्वाद॑श॒ रात्री᳚र्दीक्षि॒त-स्स्या॒-द्द्वाद॑श॒ मासा᳚-स्संवँथ्स॒र-स्सं॑वँथ्स॒रो वि॒रा-ड्वि॒राज॑माप्नोति॒ त्रयो॑दश॒ रात्री᳚र्दीक्षि॒त-स्स्या॒-त्त्रयो॑दश॒ [त्रयो॑दश, मासा᳚-] 27

मासा᳚-स्संवँथ्स॒र-स्सं॑वँथ्स॒रो वि॒रा-ड्वि॒राज॑माप्नोति॒ पञ्च॑दश॒ रात्री᳚र्दीक्षि॒त-स्स्या॒-त्पञ्च॑दश॒ वा अ॑र्धमा॒सस्य॒ रात्र॑यो-ऽर्धमास॒श-स्सं॑वँथ्स॒र आ᳚प्यते संवँथ्स॒रो वि॒रा-ड्वि॒राज॑माप्नोति स॒प्तद॑श॒ रात्री᳚र्दीक्षि॒त-स्स्या॒-द्द्वाद॑श॒ मासाः॒ पञ्च॒र्तव॒-स्स सं॑वँथ्स॒र-स्सं॑वँथ्स॒रो वि॒रा-ड्वि॒राज॑माप्नोति॒ चतु॑र्विग्ंशति॒ग्ं॒ रात्री᳚र्दीक्षि॒त-स्स्या॒-च्चतु॑र्विग्ंशतिरर्धमा॒सा-स्सं॑वँथ्स॒र-स्सं॑वँथ्स॒रो वि॒रा-ड्वि॒राज॑माप्नोति त्रि॒ग्ं॒शत॒ग्ं॒ रात्री᳚र्दीक्षि॒त-स्स्या᳚- [रात्री᳚र्दीक्षि॒त-स्स्या᳚त्, त्रि॒ग्ं॒शद॑क्षरा] 28

-त्त्रि॒ग्ं॒शद॑क्षरा वि॒रा-ड्वि॒राज॑माप्नोति॒ मास॑-न्दीक्षि॒त-स्स्या॒-द्यो मास॒-स्स सं॑वँथ्स॒र-स्सं॑वँथ्स॒रो वि॒रा-ड्वि॒राज॑माप्नोति च॒तुरो॑ मा॒सो दी᳚क्षि॒त-स्स्या᳚च्च॒तुरो॒ वा ए॒त-म्मा॒सो वस॑वो-ऽबिभरु॒स्ते पृ॑थि॒वीमा-ऽज॑य-न्गाय॒त्री-ञ्छन्दो॒-ऽष्टौ रु॒द्रास्ते᳚-ऽन्तरि॑क्ष॒मा-ऽज॑य-न्त्रि॒ष्टुभ॒-ञ्छन्दो॒ द्वाद॑शा-ऽऽदि॒त्यास्ते दिव॒मा-ऽज॑य॒न् जग॑ती॒-ञ्छन्द॒स्ततो॒ वै ते व्या॒वृत॑-मगच्छ॒ञ्छ्रैष्ठ्य॑-न्दे॒वाना॒-न्तस्मा॒-द्द्वाद॑श मा॒सो भृ॒त्वा-ऽग्नि-ञ्चि॑न्वीत॒ द्वाद॑श॒ मासा᳚-स्संवँथ्स॒र-स्सं॑वँथ्स॒रो᳚ -ऽग्निश्चित्य॒स्तस्या॑-होरा॒त्राणीष्ट॑का आ॒प्तेष्ट॑कमेन-ञ्चिनु॒ते-ऽथो᳚ व्या॒वृत॑मे॒व ग॑च्छति॒ श्रैष्ठ्यग्ं॑ समा॒नाना᳚म् ॥ 29 ॥

(स्या॒-त्त्रयो॑दश - त्रि॒ग्ं॒शत॒ग्ं॒ रात्री᳚र्दीक्षि॒त-स्स्या॒-द्- वै ते᳚ - ऽष्टाविग्ं॑शतिश्च) (अ. 7)

सु॒व॒र्गाय॒ वा ए॒ष लो॒काय॑ चीयते॒ यद॒ग्निस्तं-यँन्नान्वा॒रोहे᳚-थ्सुव॒र्गाल्लो॒का-द्यज॑मानो हीयेत पृथि॒वीमा-ऽक्र॑मिष-म्प्रा॒णो मा॒ मा हा॑सीद॒न्तरि॑क्ष॒मा-ऽक्र॑मिष-म्प्र॒जा मा॒ मा हा॑सी॒-द्दिव॒मा-ऽक्र॑मिष॒ग्ं॒ सुव॑रग॒न्मेत्या॑है॒ष वा अ॒ग्नेर॑न्वारो॒हस्तेनै॒वैन॑-म॒न्वारो॑हति सुव॒र्गस्य॑ लो॒कस्य॒ सम॑ष्ट्यै॒ य-त्प॒क्षस॑म्मिता-म्मिनु॒या- [मिनु॒यात्, कनी॑याग्ंस-] 30

-त्कनी॑याग्ंसं-यँज्ञक्र॒तुमुपे॑या॒-त्पापी॑यस्यस्या॒ ऽऽत्मनः॑ प्र॒जा स्या॒-द्वेदि॑सम्मिता-म्मिनोति॒ ज्यायाग्ं॑समे॒व य॑ज्ञक्र॒तुमुपै॑ति॒ नास्या॒-ऽऽत्मनः॒ पापी॑यसी प्र॒जा भ॑वति साह॒स्र-ञ्चि॑न्वीत प्रथ॒म-ञ्चि॑न्वा॒न-स्स॒हस्र॑सम्मितो॒ वा अ॒यं-लोँ॒क इ॒ममे॒व लो॒कम॒भि ज॑यति॒ द्विषा॑हस्र-ञ्चिन्वीत द्वि॒तीय॑-ञ्चिन्वा॒नो द्विषा॑हस्रं॒-वाँ अ॒न्तरि॑क्ष-म॒न्तरि॑क्षमे॒वाभि ज॑यति॒ त्रिषा॑हस्र-ञ्चिन्वीत तृ॒तीय॑-ञ्चिन्वा॒न- [तृ॒तीय॑-ञ्चिन्वा॒नः, त्रिषा॑हस्रो॒ वा अ॒सौ] 31

-स्त्रिषा॑हस्रो॒ वा अ॒सौ लो॒को॑ ऽमुमे॒व लो॒कम॒भि ज॑यति जानुद॒घ्न-ञ्चि॑न्वीत प्रथ॒म-ञ्चि॑न्वा॒नो गा॑यत्रि॒यैवेमं-लोँ॒कम॒भ्यारो॑हति नाभिद॒घ्न-ञ्चि॑न्वीत द्वि॒तीय॑-ञ्चिन्वा॒नस्त्रि॒ष्टुभै॒वा-न्तरि॑क्ष-म॒भ्यारो॑हति ग्रीवद॒घ्न-ञ्चि॑न्वीत तृ॒तीय॑-ञ्चिन्वा॒नो जग॑त्यै॒वामुन् ँलो॒कम॒भ्यारो॑हति॒ नाग्नि-ञ्चि॒त्वा रा॒मामुपे॑यादयो॒नौ रेतो॑ धास्या॒मीति॒ न द्वि॒तीय॑-ञ्चि॒त्वा-ऽन्यस्य॒ स्त्रिय॒- [स्त्रिय᳚म्, उपे॑या॒न्न] 32

-मुपे॑या॒न्न तृ॒तीय॑-ञ्चि॒त्वा का-ञ्च॒नोपे॑या॒-द्रेतो॒ वा ए॒तन्नि ध॑त्ते॒ यद॒ग्नि-ञ्चि॑नु॒ते यदु॑पे॒या-द्रेत॑सा॒ व्यृ॑द्ध्ये॒ता-ऽथो॒ खल्वा॑हुर प्रज॒स्य-न्त-द्यन्नोपे॒यादिति॒ य-द्रे॑त॒स्सिचा॑वुप॒दधा॑ति॒ ते ए॒व यज॑मानस्य॒ रेतो॑ बिभृत॒स्तस्मा॒-दुपे॑या॒-द्रेत॒सो-ऽस्क॑न्दाय॒ त्रीणि॒ वाव रेताग्ं॑सि पि॒ता पु॒त्रः पौत्रो॒ [पौत्रः॑, य-द्द्वे रे॑त॒स्सिचा॑] 33

य-द्द्वे रे॑त॒स्सिचा॑-वुपद॒द्ध्या-द्रेतो᳚-ऽस्य॒ विच्छि॑न्द्या-त्ति॒स्र उप॑ दधाति॒ रेत॑स॒-स्सन्त॑त्या इ॒यं-वाँव प्र॑थ॒मा रे॑त॒स्सिग् वाग्वा इ॒य-न्तस्मा॒-त्पश्य॑न्ती॒मा-म्पश्य॑न्ति॒ वाचं॒-वँद॑न्तीम॒न्तरि॑क्ष-न्द्वि॒तीया᳚ प्रा॒णो वा अ॒न्तरि॑क्ष॒-न्तस्मा॒न्ना-ऽन्तरि॑क्ष॒-म्पश्य॑न्ति॒ न प्रा॒णम॒सौ तृ॒तीया॒ चक्षु॒र्वा अ॒सौ तस्मा॒-त्पश्य॑न्त्य॒मू-म्पश्य॑न्ति॒ चक्षु॒-र्यजु॑षे॒मा-ञ्चा॒- [चक्षु॒-र्यजु॑षे॒मा-ञ्चा॑, अ॒मू-ञ्चोप॑] 34

-ऽमू-ञ्चोप॑ दधाति॒ मन॑सा मद्ध्य॒मामे॒षां-लोँ॒काना॒-ङ्कॢप्त्या॒ अथो᳚ प्रा॒णाना॑मि॒ष्टो य॒ज्ञो भृगु॑भिराशी॒र्दा वसु॑भि॒स्तस्य॑ त इ॒ष्टस्य॑ वी॒तस्य॒ द्रवि॑णे॒ह भ॑क्षी॒येत्या॑ह स्तुतश॒स्त्रे ए॒वैतेन॑ दुहे पि॒ता मा॑त॒रिश्वा-ऽच्छि॑द्रा प॒दा धा॒ अच्छि॑द्रा उ॒शिजः॑ प॒दा-ऽनु॑ तक्षु॒-स्सोमो॑ विश्व॒विन्ने॒ता ने॑ष॒-द्बृह॒स्पति॑रुक्थाम॒दानि॑ शग्ंसिष॒दित्या॑है॒तद्वा अ॒ग्नेरु॒क्थ-न्तेनै॒वैन॒मनु॑ शग्ंसति ॥ 35 ॥

(मि॒नु॒यात् - तृ॒तीय॑-ञ्चिन्वा॒नः - स्त्रियं॒ - पौत्र॑ - श्च॒ - वै - स॒प्त च॑) (अ. 8)

सू॒यते॒ वा ए॒षो᳚-ऽग्नी॒नां-यँ उ॒खाया᳚-म्भ्रि॒यते॒ यद॒ध-स्सा॒दये॒-द्गर्भाः᳚ प्र॒पादु॑का-स्स्यु॒रथो॒ यथा॑ स॒वा-त्प्र॑त्यव॒रोह॑ति ता॒दृगे॒व तदा॑स॒न्दी सा॑दयति॒ गर्भा॑णा॒-न्धृत्या॒ अप्र॑पादा॒याथो॑ स॒वमे॒वैन॑-ङ्करोति॒ गर्भो॒ वा ए॒ष यदुख्यो॒ योनिः॑ शि॒क्यं॑-यँच्छि॒क्या॑दु॒खा-न्नि॒रूहे॒-द्योने॒र्गर्भ॒-न्निर्ह॑ण्या॒-थ्षडु॑द्यामग्ं शि॒क्य॑-म्भवति षोढा विहि॒तो वै [ ] 36

पुरु॑ष आ॒त्मा च॒ शिर॑श्च च॒त्वार्यङ्गा᳚न्या॒त्मन्ने॒वैन॑-म्बिभर्ति प्र॒जाप॑ति॒र्वा ए॒ष यद॒ग्निस्तस्यो॒खा चो॒लूख॑ल-ञ्च॒ स्तनौ॒ ताव॑स्य प्र॒जा उप॑ जीवन्ति॒ यदु॒खा-ञ्चो॒लूख॑ल-ञ्चोप॒दधा॑ति॒ ताभ्या॑मे॒व यज॑मानो॒-ऽमुष्मि॑न् ँलो॒के᳚-ऽग्नि-न्दु॑हे संवँथ्स॒रो वा ए॒ष यद॒ग्निस्तस्य॑ त्रेधाविहि॒ता इष्ट॑काः प्राजाप॒त्या वै᳚ष्ण॒वी- [वै᳚ष्ण॒वीः, वै॒श्व॒क॒र्म॒णी-] 37

-र्वै᳚श्वकर्म॒णी-र॑होरा॒त्राण्ये॒वा-ऽस्य॑ प्राजाप॒त्या यदुख्य॑-म्बि॒भर्ति॑ प्राजाप॒त्या ए॒व तदुप॑ धत्ते॒ य-थ्स॒मिध॑ आ॒दधा॑ति वैष्ण॒वा वै वन॒स्पत॑यो वैष्ण॒वीरे॒व तदुप॑ धत्ते॒ यदिष्ट॑काभिर॒ग्नि-ञ्चि॒नोती॒यं-वैँ वि॒श्वक॑र्मा वैश्वकर्म॒णीरे॒व तदुप॑ धत्ते॒ तस्मा॑-दाहु-स्त्रि॒वृद॒ग्निरिति॒ तं-वाँ ए॒तं-यँज॑मान ए॒व चि॑न्वीत॒ यद॑स्या॒न्य श्चि॑नु॒याद्य-त्त-न्दक्षि॑णाभि॒र्न रा॒धये॑द॒ग्निम॑स्य वृञ्जीत॒ यो᳚-ऽस्या॒-ऽग्नि-ञ्चि॑नु॒या-त्त-न्दक्षि॑णाभी राधयेद॒ग्निमे॒व त-थ्स्पृ॑णोति ॥ 38 ॥

(षो॒ढा॒वि॒हि॒तो वै - वै᳚ष्ण॒वी - र॒न्यो - विग्ं॑श॒तिश्च॑) (अ. 9)

प्र॒जाप॑ति-र॒ग्नि-म॑चिनुत॒र्तुभिः॑ संवँथ्स॒रं-वँ॑स॒न्तेनै॒वास्य॑ पूर्वा॒र्धम॑चिनुत ग्री॒ष्मेण॒ दक्षि॑ण-म्प॒क्षं-वँ॒र्॒षाभिः॒ पुच्छग्ं॑ श॒रदोत्त॑र-म्प॒क्षग्ं हे॑म॒न्तेन॒ मद्ध्य॒-म्ब्रह्म॑णा॒ वा अ॑स्य॒ त-त्पू᳚र्वा॒र्धम॑चिनुत क्ष॒त्रेण॒ दक्षि॑ण-म्प॒क्ष-म्प॒शुभिः॒ पुच्छं॑-विँ॒शोत्त॑र-म्प॒क्षमा॒शया॒ मद्ध्यं॒-यँ ए॒वं-विँ॒द्वान॒ग्नि-ञ्चि॑नु॒त ऋ॒तुभि॑रे॒वैन॑-ञ्चिनु॒ते-ऽथो॑ ए॒तदे॒व सर्व॒मव॑ - [सर्व॒मव॑, रु॒न्धे॒ शृ॒ण्वन्त्ये॑न] 39

रुन्धे शृ॒ण्वन्त्ये॑न-म॒ग्नि-ञ्चि॑क्या॒नमत्त्यन्न॒ग्ं॒ रोच॑त इ॒यं-वाँव प्र॑थ॒मा चिति॒रोष॑धयो॒ वन॒स्पत॑यः॒ पुरी॑षम॒न्तरि॑क्ष-न्द्वि॒तीया॒ वयाग्ं॑सि॒ पुरी॑षम॒सौ तृ॒तीया॒ नक्ष॑त्राणि॒ पुरी॑षं-यँ॒ज्ञश्च॑तु॒र्थी दक्षि॑णा॒ पुरी॑षं॒-यँज॑मानः पञ्च॒मी प्र॒जा पुरी॑षं॒-यँ-त्त्रिचि॑तीक-ञ्चिन्वी॒त य॒ज्ञ-न्दक्षि॑णामा॒त्मान॑-म्प्र॒जाम॒न्तरि॑या॒-त्तस्मा॒-त्पञ्च॑चितीकश्चेत॒व्य॑ ए॒तदे॒व सर्वग्ग्॑ स्पृणोति॒ य-त्ति॒स्रश्चित॑य- [य-त्ति॒स्रश्चित॑यः, त्रि॒वृद्ध्य॑ग्निर्य-द्द्वे] 40

-स्त्रि॒वृद्ध्य॑ग्निर्य-द्द्वे द्वि॒पा-द्यज॑मानः॒ प्रति॑ष्ठित्यै॒ पञ्च॒ चित॑यो भवन्ति॒ पाङ्क्तः॒ पुरु॑ष आ॒त्मान॑मे॒व स्पृ॑णोति॒ पञ्च॒ चित॑यो भवन्ति प॒ञ्चभिः॒ पुरी॑षैर॒भ्यू॑हति॒ दश॒ स-म्प॑द्यन्ते॒ दशा᳚क्षरो॒ वै पुरु॑षो॒ यावा॑ने॒व पुरु॑ष॒स्तग्ग् स्पृ॑णो॒त्यथो॒ दशा᳚क्षरा वि॒राडन्नं॑-विँ॒रा-ड्वि॒राज्ये॒वान्नाद्ये॒ प्रति॑ तिष्ठति संवँथ्स॒रो वै ष॒ष्ठी चिति॑र्-ऋ॒तवः॒ पुरी॑ष॒ग्ं॒ षट् चित॑यो भवन्ति॒ षट् पुरी॑षाणि॒ द्वाद॑श॒ स-म्प॑द्यन्ते॒ द्वाद॑श॒ मासा᳚-स्संवँथ्स॒र-स्सं॑वँथ्स॒र ए॒व प्रति॑ तिष्ठति ॥ 41 ॥

(अव॒ - चित॑यः॒ - पुरी॑षं॒ - पञ्च॑दश च) (अ. 10)

रोहि॑तो धू॒म्ररो॑हितः क॒र्कन्धु॑रोहित॒स्ते प्रा॑जाप॒त्या ब॒भ्रुर॑रु॒णब॑भ्रु॒-श्शुक॑बभ्रु॒स्ते रौ॒द्रा-श्श्येतः॑ श्येता॒क्ष-श्श्येत॑ग्रीव॒स्ते पि॑तृदेव॒त्या᳚स्ति॒स्रः कृ॒ष्णा व॒शा वा॑रु॒ण्य॑स्ति॒स्र-श्श्वे॒ता व॒शा-स्सौ॒र्यो॑ मैत्राबार्हस्प॒त्या धू॒म्रल॑लामास्तूप॒राः ॥ 42 ॥

(रोहि॑तः॒-षड्वग्ं॑शतिः) (अ. 11)

पृश्ञि॑-स्तिर॒श्चीन॑-पृश्ञिरू॒र्ध्व-पृ॑श्ञि॒स्ते मा॑रु॒ताः फ॒ल्गूर्लो॑हितो॒र्णी ब॑ल॒क्षी ता-स्सा॑रस्व॒त्यः॑ पृष॑ती स्थू॒लपृ॑षती क्षु॒द्रपृ॑षती॒ ता वै᳚श्वदे॒व्य॑स्ति॒स्र-श्श्या॒मा व॒शाः पौ॒ष्णिय॑स्ति॒स्रो रोहि॑णीर्व॒शा मै॒त्रिय॑ ऐन्द्राबार्हस्प॒त्या अ॑रु॒णल॑लामास्तूप॒राः ॥ 43 ॥

(पृश्ञिः॒ - षड्विग्ं॑शतिः) (अ. 12)

शि॒ति॒बा॒हु-र॒न्यत॑श्शितिबाहु-स्सम॒न्त शि॑तिबाहु॒स्त ऐ᳚न्द्रवाय॒वा-श्शि॑ति॒रन्ध्रो॒ ऽन्यत॑श्शितिरन्ध्र-स्सम॒न्तशि॑तिरन्ध्र॒स्ते मै᳚त्रावरु॒णा-श्शु॒द्धवा॑ल-स्स॒र्वशु॑द्धवालो म॒णिवा॑ल॒स्त आ᳚श्वि॒नास्ति॒स्र-श्शि॒ल्पा व॒शा वै᳚श्वदे॒व्य॑स्ति॒स्र-श्श्येनीः᳚ परमे॒ष्ठिने॑ सोमापौ॒ष्णा-श्श्या॒मल॑लामास्तूप॒राः ॥ 44 ॥

(शि॒ति॒बा॒हुः पञ्च॑विग्ंशतिः) (अ. 13)

उ॒न्न॒त ऋ॑ष॒भो वा॑म॒नस्त ऐ᳚न्द्रावरु॒णा-श्शिति॑ककुच्छितिपृ॒ष्ठ-श्शिति॑भस॒-त्त ऐ᳚न्द्राबार्हस्प॒त्या-श्शि॑ति॒पाच्छि॒त्योष्ठः॑ शिति॒भ्रुस्त ऐ᳚न्द्रावैष्ण॒वास्ति॒स्र-स्सि॒द्ध्मा व॒शा वै᳚श्वकर्म॒ण्य॑स्ति॒स्रो धा॒त्रे पृ॑षोद॒रा ऐ᳚न्द्रापौ॒ष्णा-श्श्येत॑ललामास्तूप॒राः ॥ 45 ॥

(उ॒न्न॒तः पञ्च॑विग्ंशतिः) (अ. 14)

क॒र्णास्त्रयो॑ या॒मा-स्सौ॒म्यास्त्रयः॑ श्विति॒ङ्गा अ॒ग्नये॒ यवि॑ष्ठाय॒ त्रयो॑ नकु॒लास्ति॒स्रो रोहि॑णी॒स्त्र्यव्य॒स्ता वसू॑ना-न्ति॒स्रो॑-ऽरु॒णा दि॑त्यौ॒ह्य॑स्ता रु॒द्राणाग्ं॑ सोमै॒न्द्रा ब॒भ्रुल॑लामास्तूप॒राः ॥ 46 ॥

(क॒र्णास्त्रयो॑ - विग्ंशतिः) (अ. 15)

शु॒ण्ठास्त्रयो॑ वैष्ण॒वा अ॑धीलोध॒कर्णा॒स्त्रयो॒ विष्ण॑व उरुक्र॒माय॑ लफ्सु॒दिन॒स्त्रयो॒ विष्ण॑व उरुगा॒याय॒ पञ्चा॑वीस्ति॒स्र आ॑दि॒त्याना᳚-न्त्रिव॒थ्सा-स्ति॒स्रो-ऽङ्गि॑रसामैन्द्रावैष्ण॒वा गौ॒रल॑लामास्तूप॒राः ॥ 47 ॥

(शु॒ण्ठा - विग्ं॑श॒तिः) (अ. 16)

इन्द्रा॑य॒ राज्ञे॒ त्रयः॑ शितिपृ॒ष्ठा इन्द्रा॑या-धिरा॒जाय॒ त्रय॒-श्शिति॑ककुद॒ इन्द्रा॑य स्व॒राज्ञे॒ त्रय॒-श्शिति॑भस-दस्ति॒स्रस्तु॑र्यौ॒ह्यः॑ सा॒द्ध्याना᳚-न्ति॒स्रः प॑ष्ठौ॒ह्यो॑ विश्वे॑षा-न्दे॒वाना॑माग्ने॒न्द्राः कृ॒ष्णल॑लामास्तूप॒राः ॥ 48 ॥

(इन्द्रा॑य॒ राज्ञे॒ - द्वाविग्ं॑शतिः) (अ. 17)

अदि॑त्यै॒ त्रयो॑ रोहितै॒ता इ॑न्द्रा॒ण्यै त्रयः॑ कृष्णै॒ताः कु॒ह्वै᳚ त्रयो॑-ऽरुणै॒तास्ति॒स्रो धे॒नवो॑ रा॒कायै॒ त्रयो॑-ऽन॒ड्वाहः॑ सिनीवा॒ल्या आ᳚ग्नावैष्ण॒वा रोहि॑तललामास्तूप॒राः ॥ 49 ॥

(अदि॑त्या-अ॒ष्टाद॑श) (अ. 18)

सौ॒म्यास्त्रयः॑ पि॒शङ्गा॒-स्सोमा॑य॒ राज्ञे॒ त्रयः॑ सा॒रङ्गाः᳚ पार्ज॒न्या नभो॑रूपास्ति॒स्रो॑-ऽजा म॒ल्॒हा इ॑न्द्रा॒ण्यै ति॒स्रो मे॒ष्य॑ आदि॒त्या द्या॑वापृथि॒व्या॑ मा॒लङ्गा᳚स्तूप॒राः ॥ 50 ॥

(सौ॒म्या - एका॒न्नविग्ं॑श॒तिः) (अ. 19)

वा॒रु॒णास्त्रयः॑ कृ॒ष्णल॑लामा॒ वरु॑णाय॒ राज्ञे॒ त्रयो॒ रोहि॑तललामा॒ वरु॑णाय रि॒शाद॑से॒ त्रयो॑-ऽरु॒णल॑लामा-श्शि॒ल्पास्त्रयो॑ वैश्वदे॒वास्त्रयः॒ पृश्ञ॑य-स्सर्वदेव॒त्या॑ ऐन्द्रासू॒रा-श्श्येत॑ललामास्तूप॒राः ॥ 51 ॥

(वा॒रु॒णा - विग्ं॑श॒तिः) (अ. 20)

सोमा॑य स्व॒राज्ञे॑-ऽनोवा॒हाव॑न॒ड्वाहा॑-विन्द्रा॒ग्निभ्या॑-मोजो॒दाभ्या॒मुष्टा॑रा-विन्द्रा॒ग्निभ्या᳚-म्बल॒दाभ्याग्ं॑ सीरवा॒हाववी॒ द्वे धे॒नू भौ॒मी दि॒ग्भ्यो वड॑बे॒ द्वे धे॒नू भौ॒मी वै॑रा॒जी पु॑रु॒षी द्वे धे॒नू भौ॒मी वा॒यव॑ आरोहणवा॒हाव॑न॒ड्वाहौ॑ वारु॒णी कृ॒ष्णे व॒शे अ॑रा॒ड्यौ॑ दि॒व्यावृ॑ष॒भौ प॑रिम॒रौ ॥ 52 ॥

(सोमा॑य स्व॒राज्ञे॒ - चतु॑स्त्रिग्ंशत्) (अ. 21)

एका॑दश प्रा॒तर्ग॒व्याः प॒शव॒ आ ल॑भ्यन्ते छग॒लः क॒ल्माषः॑ किकिदी॒विर्वि॑दी॒गय॒स्ते त्वा॒ष्ट्रा-स्सौ॒रीर्नव॑ श्वे॒ता व॒शा अ॑नूब॒न्ध्या॑ भवन्त्याग्ने॒य ऐ᳚न्द्रा॒ग्न आ᳚श्वि॒नस्ते वि॑शालयू॒प आ ल॑भ्यन्ते ॥ 53 ॥

(ऐका॑दश प्रा॒तः - पञ्च॑विग्ंशतिः) (अ. 22)

पि॒शङ्गा॒स्त्रयो॑ वास॒न्ता-स्सा॒रङ्गा॒स्त्रयो॒ ग्रैष्माः॒ पृष॑न्त॒स्त्रयो॒ वार्षि॑काः॒ पृश्ञ॑य॒स्त्रयः॑ शार॒दाः पृ॑श्ञिस॒क्था-स्त्रयो॒ हैम॑न्तिका अवलि॒प्तास्त्रयः॑ शैशि॒रा-स्सं॑वँथ्स॒राय॒ निव॑क्षसः ॥ 54 ॥

(पि॒शङ्गा॑ - विग्ंश॒तिः) (अ. 23)

(रोहि॑तः कृ॒ष्णा धू॒म्रल॑लामाः॒ - पृश्ञिः॑ श्या॒मा अ॑रु॒णल॑लामाः -शितिबा॒हु-श्शि॒ल्पा-श्श्येनी᳚-श्श्या॒मल॑लामा - उन्न॒त-स्सि॒द्ध्मा धा॒त्रे पौ॒ष्णा-श्श्येत॑ललामाः - क॒र्णा ब॒भ्रुल॑लामाः - शु॒ण्ठा गौ॒रल॑लामा॒ - इन्द्रा॑य कृ॒ष्णाल॑लामा॒ - अदि॑त्यै॒ रोहि॑त ललामः -सौ॒म्या मा॒लङ्गा॑ - वारु॒णा-स्सू॒रा-श्श्येत॑ललामा॒ - दश॑ ।)

(हिर॑ण्यवर्णा - अ॒पा-ङ्ग्रहा᳚न् - भूतेष्ट॒काः - स॒जूः - सं॑वँथ्स॒रं - प्र॒जाप॑ति॒-स्स क्षु॒रप॑वि - र॒वग्नेर्वै दी॒क्षया॑ - सुव॒र्गाय॒ तं-यँन्न - सू॒यते᳚ - प्र॒जाप॑तिर्-ऋ॒तुभी॒ - रोहि॑तः॒ - पृञिः॑ - शितिबा॒हु - रु॑न्न॒तः - क॒र्णाः - शु॒ण्ठा - इन्द्रा॒या- दि॑त्यै - सौ॒म्या - वा॑रु॒णाः - सोमा॒यै - का॑दश - पि॒शङ्गा॒ - स्त्रयो॑विग्ंशतिः)

(हिर॑ण्यवर्णा - भूतेष्ट॒काः - छन्दो॒ यत् - कनी॑याग्ंसन्-त्रि॒वृद्ध्य॑ग्नि - र्वा॑रु॒णा - श्चतु॑ष्पञ्चा॒शत् )

(हिर॑ण्यवर्णा॒, निव॑क्षसः)

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-म्पञ्चमकाण्डे षष्ठः प्रश्न-स्समाप्तः ॥