Shri Raghuvira Gadyam (shri Mahavira Vaibhavam) — Tamil Script

Meaning —

ஶ்ரீமாந்வேங்கடநாதார்ய கவிதார்கிக கேஸரி ।

śrīmānveṅkaṭanāthārya kavitārkika kesari |

வேதாந்தாசார்யவர்யோமே ஸந்நிதத்தாம் ஸதாஹ்ரு'தி ॥

vedāntācāryavaryome sannidhattāṃ sadāhṛdi ||

ஜயத்யாஶ்ரித ஸந்த்ராஸ த்வாந்த வித்வம்ஸநோதயஃ ।

jayatyāśrita santrāsa dhvānta vidhvaṃsanodayaḥ |

ப்ரபாவாந் ஸீதயா தேவ்யா பரமவ்யோம பாஸ்கரஃ ॥

prabhāvān sītayā devyā paramavyoma bhāskaraḥ ||

ஜய ஜய மஹாவீர மஹாதீர தௌரேய,

jaya jaya mahāvīra mahādhīra dhaureya,

தேவாஸுர ஸமர ஸமய ஸமுதித நிகில நிர்ஜர நிர்தாரித நிரவதிக மாஹாத்ம்ய,

devāsura samara samaya samudita nikhila nirjara nirdhārita niravadhika māhātmya,

தஶவதந தமித தைவத பரிஷதப்யர்தித தாஶரதி பாவ,

daśavadana damita daivata pariṣadabhyarthita dāśarathi bhāva,

திநகர குல கமல திவாகர,

dinakara kula kamala divākara,

திவிஷததிபதி ரண ஸஹசரண சதுர தஶரத சரம ரு'ணவிமொசந,

diviṣadadhipati raṇa sahacaraṇa catura daśaratha carama ṛṇavimòcana,

கோஸல ஸுதா குமார பாவ கஞ்சுகித காரணாகார,

kosala sutā kumāra bhāva kañcukita kāraṇākāra,

கௌமார கேலி கோபாயித கௌஶிகாத்வர,

kaumāra keli gopāyita kauśikādhvara,

ரணாத்வர துர்ய பவ்ய திவ்யாஸ்த்ர ப்ரு'ந்த வந்தித,

raṇādhvara dhurya bhavya divyāstra bṛnda vandita,

ப்ரணத ஜந விமத விமதந துர்லலித தோர்லலித,

praṇata jana vimata vimathana durlalita dorlalita,

தநுதர விஶிக விதாடந விகடித விஶராரு ஶராரு தாடகா தாடகேய,

tanutara viśikha vitāḍana vighaṭita viśarāru śarāru tāṭakā tāṭakeya,

ஜடகிரண ஶகலதர ஜடில நடபதி மகுட தட நடநபடு விபுதஸரிததிபஹுல மதுகலந லலிதபத

jaḍakiraṇa śakaladhara jaṭila naṭapati makuṭa taṭa naṭanapaṭu vibudhasaridatibahula madhugalana lalitapada

நலிநரஜ உபம்ரு'தித நிஜவ்ரு'ஜிந ஜஹதுபல தநுருசிர பரம முநிவர யுவதி நுத,

nalinaraja upamṛdita nijavṛjina jahadupala tanurucira parama munivara yuvati nuta,

குஶிக ஸுத கதித விதித நவ விவித கத,

kuśika suta kathita vidita nava vividha katha,

மைதில நகர ஸுலோசநா லோசந சகோர சந்த்ர,

maithila nagara sulocanā locana cakora candra,

கண்டபரஶு கோதண்ட ப்ரகாண்ட கண்டந ஶௌண்ட புஜதண்ட,

khaṇḍaparaśu kodaṇḍa prakāṇḍa khaṇḍana śauṇḍa bhujadaṇḍa,

சண்டகர கிரண மண்டல போதித புண்டரீக வந ருசி லுண்டாக லோசந,

caṇḍakara kiraṇa maṇḍala bodhita puṇḍarīka vana ruci luṇṭāka locana,

மோசித ஜநக ஹ்ரு'தய ஶங்காதங்க,

mocita janaka hṛdaya śaṅkātaṅka,

பரிஹ்ரு'த நிகில நரபதி வரண ஜநக துஹித்ரு' குசதட விஹரண ஸமுசித கரதல,

parihṛta nikhila narapati varaṇa janaka duhitṛ kucataṭa viharaṇa samucita karatala,

ஶதகோடி ஶதகுண கடிந பரஶுதர முநிவர கரத்ரு'த துரவநமதம நிஜ தநுராகர்ஷண ப்ரகாஶித பாரமேஷ்ட்ய,

śatakoṭi śataguṇa kaṭhina paraśudhara munivara karadhṛta duravanamatama nija dhanurākarṣaṇa prakāśita pārameṣṭhya,

க்ரதுஹர ஶிகரி கந்துக விஹ்ரு'த்யுந்முக ஜகதருந்துத ஜிதஹரி தந்தி தந்த தந்துர தஶவதந தமந குஶல தஶஶதபுஜ முக ந்ரு'பதிகுல ருதிர சர பரித ப்ரு'துதர தடாக தர்பித பித்ரு'க ப்ரு'குபதி ஸுகதி விஹதிகர நத பருடிஷு பரிக,

kratuhara śikhari kantuka vihṛtyunmukha jagadaruntuda jitahari danti danta dantura daśavadana damana kuśala daśaśatabhuja mukha nṛpatikula rudhira jhara bharita pṛthutara taṭāka tarpita pitṛka bhṛgupati sugati vihatikara nata paruḍiṣu parigha,

அந்ரு'த பய முஷித ஹ்ரு'தய பித்ரு' வசந பாலந ப்ரதிஜ்ஞாவஜ்ஞாத யௌவராஜ்ய,

anṛta bhaya muṣita hṛdaya pitṛ vacana pālana pratijñāvajñāta yauvarājya,

நிஷாத ராஜ ஸௌஹ்ரு'த ஸூசித ஸௌஶீல்ய ஸாகர,

niṣāda rāja sauhṛda sūcita sauśīlya sāgara,

பரத்வாஜ ஶாஸந பரிக்ரு'ஹீத விசித்ர சித்ரகூட கிரி கடக தட ரம்யாவஸத,

bharadvāja śāsana parigṛhīta vicitra citrakūṭa giri kaṭaka taṭa ramyāvasatha,

அநந்யஶாஸநீய,

ananyaśāsanīya,

ப்ரணத பரத மகுடதட ஸுகடித பாதுகாக்ர்யாபிஷேக, நிர்வர்தித ஸர்வலோக யோக க்ஷேம,

praṇata bharata makuṭataṭa sughaṭita pādukāgryābhiṣeka, nirvartita sarvaloka yoga kṣema,

பிஶித ருசி விஹித துரித வலமதந தநய பலிபுகநுகதி ஸரபஸ ஶயந த்ரு'ண ஶகல பரிபதந பய சகித ஸகல ஸுர முநிவர பஹுமத மஹாஸ்த்ர ஸாமர்த்ய,

piśita ruci vihita durita valamathana tanaya balibhuganugati sarabhasa śayana tṛṇa śakala paripatana bhaya cakita sakala sura munivara bahumata mahāstra sāmarthya,

த்ருஹிண ஹர வலமதந துராலக்ஷ ஶரலக்ஷ,

druhiṇa hara valamathana durālakṣa śaralakṣa,

தண்டகா தபோவந ஜங்கம பாரிஜாத,

daṇḍakā tapovana jaṅgama pārijāta,

விராத ஹரிண ஶார்தூல,

virādha hariṇa śārdūla,

விலுலித பஹுபல மக கலம ரஜநிசர ம்ரு'க ம்ரு'கயாரம்ப ஸம்ப்ரு'த சீரப்ரு'தநுரோத,

vilulita bahuphala makha kalama rajanicara mṛga mṛgayārambha sambhṛta cīrabhṛdanurodha,

த்ரிஶிரஃ ஶிரஸ்த்ரிதய திமிர நிராஸ வாஸரகர,

triśiraḥ śirastritaya timira nirāsa vāsarakara,

தூஷண ஜலநிதி ஶோஷண தோஷித ரு'ஷிகண கோஷித விஜய கோஷண,

dūṣaṇa jalanidhi śoṣaṇa toṣita ṛṣigaṇa ghoṣita vijaya ghoṣaṇa,

கரதர கர தரு கண்டந சண்ட பவந,

kharatara khara taru khaṇḍana caṇḍa pavana,

த்விஸப்த ரக்ஷஃ ஸஹஸ்ர நலவந விலோலந மஹாகலப,

dvisapta rakṣaḥ sahasra nalavana vilolana mahākalabha,

அஸஹாய ஶூர,

asahāya śūra,

அநபாய ஸாஹஸ,

anapāya sāhasa,

மஹித மஹாம்ரு'த தர்ஶந முதித மைதிலீ த்ரு'டதர பரிரம்பண விபவ விரோபித விகட வீரவ்ரண,

mahita mahāmṛtha darśana mudita maithilī dṛḍhatara parirambhaṇa vibhava viropita vikaṭa vīravraṇa,

மாரீச மாயா ம்ரு'க சர்ம பரிகர்மித நிர்பர தர்பாஸ்தரண,

mārīca māyā mṛga carma parikarmita nirbhara darbhāstaraṇa,

விக்ரம யஶோ லாப விக்ரீத ஜீவித க்ரு'த்ரராஜ தேஹ திதக்ஷா லக்ஷித பக்தஜந தாக்ஷிண்ய,

vikrama yaśo lābha vikrīta jīvita gṛdhrarāja deha didhakṣā lakṣita bhaktajana dākṣiṇya,

கல்பித விபுதபாவ கபந்தாபிநந்தித,

kalpita vibudhabhāva kabandhābhinandita,

அவந்த்ய மஹிம முநிஜந பஜந முஷித ஹ்ரு'தய கலுஷ ஶபரீ மோக்ஷ ஸாக்ஷிபூத,

avandhya mahima munijana bhajana muṣita hṛdaya kaluṣa śabarī mokṣa sākṣibhūta,

ப்ரபஞ்ஜநதநய பாவுக பாஷித ரஞ்ஜித ஹ்ரு'தய,

prabhañjanatanaya bhāvuka bhāṣita rañjita hṛdaya,

தரணிஸுத ஶரணாகதி பரதந்த்ரீக்ரு'த ஸ்வாதந்த்ர்ய,

taraṇisuta śaraṇāgati paratantrīkṛta svātantrya,

த்ரு'டகடித கைலாஸ கோடி விகட துந்துபி கங்கால கூட தூர விக்ஷேப தக்ஷ தக்ஷிணேதர பாதாங்குஷ்ட தரசலந விஶ்வஸ்த ஸுஹ்ரு'தாஶய,

dṛḍhaghaṭita kailāsa koṭi vikaṭa dundubhi kaṅkāla kūṭa dūra vikṣepa dakṣa dakṣiṇetara pādāṅguṣṭha daracalana viśvasta suhṛdāśaya,

அதிப்ரு'துல பஹு விடபி கிரி தரணி விவர யுகபதுதய விவ்ரு'த சித்ரபுங்க வைசித்ர்ய,

atipṛthula bahu viṭapi giri dharaṇi vivara yugapadudaya vivṛta citrapuṅkha vaicitrya,

விபுல புஜ ஶைலமூல நிபிட நிபீடித ராவண ரணரணக ஜநக சதுருததி விஹரண சதுர கபிகுலபதி ஹ்ரு'தய விஶால ஶிலாதல தாரண தாருண ஶிலீமுக,

vipula bhuja śailamūla nibiḍa nipīḍita rāvaṇa raṇaraṇaka janaka caturudadhi viharaṇa catura kapikulapati hṛdaya viśāla śilātala dāraṇa dāruṇa śilīmukha,

அபார பாராவார பரிகா பரிவ்ரு'த பரபுர பரிஸ்ரு'த தவ தஹந ஜவந பவநபவ கபிவர பரிஷ்வங்க பாவித ஸர்வஸ்வ தாந,

apāra pārāvāra parikhā parivṛta parapura parisṛta dava dahana javana pavanabhava kapivara pariṣvaṅga bhāvita sarvasva dāna,

அஹித ஸஹோதர ரக்ஷஃ பரிக்ரஹ விஸம்வாதி விவித ஸசிவ விப்ரலம்ப (விஸ்ரம்பண) ஸமய ஸம்ரம்ப ஸமுஜ்ஜ்ரு'ம்பித ஸர்வேஶ்வர பாவ,

ahita sahodara rakṣaḥ parigraha visaṃvādi vividha saciva vipralambha (visrambhaṇa) samaya saṃrambha samujjṛmbhita sarveśvara bhāva,

ஸக்ரு'த்ப்ரபந்ந ஜந ஸம்ரக்ஷண தீக்ஷித வீர, ஸத்யவ்ரத,

sakṛtprapanna jana saṃrakṣaṇa dīkṣita vīra, satyavrata,

ப்ரதிஶயந பூமிகா பூஷித பயோதி புலிந,

pratiśayana bhūmikā bhūṣita payodhi pulina,

ப்ரலய ஶிகி பருஷ விஶிக ஶிகா ஶோஷிதாகூபார வாரிபூர,

pralaya śikhi paruṣa viśikha śikhā śoṣitākūpāra vāripūra,

ப்ரபல ரிபு கலஹ குதுக சடுல கபிகுல கரதல தூலித ஹ்ரு'த கிரி நிகர ஸாதித ஸேதுபத ஸீமா ஸீமந்தித ஸமுத்ர,

prabala ripu kalaha kutuka caṭula kapikula karatala tūlita hṛta giri nikara sādhita setupatha sīmā sīmantita samudra,

த்ருதகதி தரும்ரு'க வரூதிநீ நிருத்த லங்காவரோத வேபது லாஸ்ய லீலோபதேஶ தேஶிக தநுர்ஜ்யாகோஷ,

drutagati tarumṛga varūthinī niruddha laṅkāvarodha vepathu lāsya līlopadeśa deśika dhanurjyāghoṣa,

ககந சர கநக கிரி கரிம தர நிகமமய நிஜ கருட கருதநில லவ கலித விஷ வதந ஶர கதந,

gagana cara kanaka giri garima dhara nigamamaya nija garuḍa garudanila lava galita viṣa vadana śara kadana,

அக்ரு'தசர வநசர ரணகரண வைலக்ஷ்ய கூணிதாக்ஷ பஹுவித ரக்ஷோ பலாத்யக்ஷ வக்ஷஃ கவாட பாடந படிம ஸாடோப கோபாவலேப,

akṛtacara vanacara raṇakaraṇa vailakṣya kūṇitākṣa bahuvidha rakṣo balādhyakṣa vakṣaḥ kavāṭa pāṭana paṭima sāṭopa kopāvalepa,

கடுரடதடநி டங்க்ரு'தி சடுல கடோர கார்முக விநிர்கத விஶங்கட விஶிக விதாடந விகடித மகுட விஹ்வல விஶ்ரவஸ்தநய விஶ்ரம ஸமய விஶ்ராணந விக்யாத விக்ரம,

kaṭuraṭadaṭani ṭaṅkṛti caṭula kaṭhora kārmukha vinirgata viśaṅkaṭa viśikha vitāḍana vighaṭita makuṭa vihvala viśravastanaya viśrama samaya viśrāṇana vikhyāta vikrama,

கும்பகர்ண குலகிரி விதலந தம்போலி பூத நிஶ்ஶங்க கங்கபத்ர,

kumbhakarṇa kulagiri vidalana dambholi bhūta niśśaṅka kaṅkapatra,

அபிசரண ஹுதவஹ பரிசரண விகடந ஸரபஸ பரிபததபரிமித கபிபல ஜலதி லஹரி கலகலரவ குபித மகவஜி தபிஹநநக்ரு'தநுஜ ஸாக்ஷிக ராக்ஷஸ த்வந்த்வயுத்த,

abhicaraṇa hutavaha paricaraṇa vighaṭana sarabhasa paripatadaparimita kapibala jaladhi lahari kalakalarava kupita maghavaji dabhihananakṛdanuja sākṣika rākṣasa dvandvayuddha,

அப்ரதித்வந்த்வ பௌருஷ,

apratidvandva pauruṣa,

த்ர்யம்பக ஸமதிக கோராஸ்த்ராடம்பர,

tryambaka samadhika ghorāstrāḍambara,

ஸாரதி ஹ்ரு'த ரத ஸத்ரப ஶாத்ரவ ஸத்யாபித ப்ரதாப,

sārathi hṛta ratha satrapa śātrava satyāpita pratāpa,

ஶித ஶர க்ரு'த லவண தஶமுக முக தஶக நிபதந புநருதய தர கலித ஜநித தர தரல ஹரிஹய நயந நலிநவந ருசி கசித கதல நிபதித ஸுரதரு குஸும விததி ஸுரபித ரத பத,

śita śara kṛta lavaṇa daśamukha mukha daśaka nipatana punarudaya dara galita janita dara tarala harihaya nayana nalinavana ruci khacita khatala nipatita surataru kusuma vitati surabhita ratha patha,

அகில ஜகததிக புஜ பல தஶ லபந தஶக லவந ஜநித கதந பரவஶ ரஜநிசர யுவதி விலபந வசந ஸமவிஷய நிகம ஶிகர நிகர முகர முக முநி வர பரிபணித,

akhila jagadadhika bhuja bala daśa lapana daśaka lavana janita kadana paravaśa rajanicara yuvati vilapana vacana samaviṣaya nigama śikhara nikara mukhara mukha muni vara paripaṇita,

அபிகத ஶதமக ஹுதவஹ பித்ரு'பதி நிர்ரு'தி வருண பவந தநத கிரிஶ முக ஸுரபதி நுத முதித,

abhigata śatamakha hutavaha pitṛpati nirṛti varuṇa pavana dhanada giriśa mukha surapati nuta mudita,

அமித மதி விதி விதித கதித நிஜ விபவ ஜலதி ப்ரு'ஷத லவ,

amita mati vidhi vidita kathita nija vibhava jaladhi pṛṣata lava,

விகத பய விபுத பரிப்ரு'ட விபோதித வீரஶயந ஶாயித வாநர ப்ரு'தநௌக,

vigata bhaya vibudha paribṛḍha vibodhita vīraśayana śāyita vānara pṛtanaugha,

ஸ்வ ஸமய விகடித ஸுகடித ஸஹ்ரு'தய ஸஹதர்மசாரிணீக,

sva samaya vighaṭita sughaṭita sahṛdaya sahadharmacāriṇīka,

விபீஷண வஶம்வதீக்ரு'த லங்கைஶ்வர்ய,

vibhīṣaṇa vaśaṃvadīkṛta laṅkaiśvarya,

நிஷ்பந்ந க்ரு'த்ய,

niṣpanna kṛtya,

க புஷ்பித ரிபு பக்ஷ,

kha puṣpita ripu pakṣa,

புஷ்பக ரபஸ கதி கோஷ்பதீக்ரு'த ககநார்ணவ,

puṣpaka rabhasa gati goṣpadīkṛta gaganārṇava,

ப்ரதிஜ்ஞார்ணவ தரண க்ரு'த க்ஷண பரத மநோரத ஸம்ஹித ஸிம்ஹாஸநாதிரூட,

pratijñārṇava taraṇa kṛta kṣaṇa bharata manoratha saṃhita siṃhāsanādhirūḍha,

ஸ்வாமிந், ராகவ ஸிம்ஹ,

svāmin, rāghava siṃha,

ஹாடக கிரி கடக ஸத்ரு'ஶ பாத பீட நிகட தட பரிலுடித நிகில ந்ரு'பதி கிரீட கோடி விவித மணி கண கிரண நிகர நீராஜித சரண ராஜீவ,

hāṭaka giri kaṭaka sadṛśa pāda pīṭha nikaṭa taṭa pariluṭhita nikhila nṛpati kirīṭa koṭi vividha maṇi gaṇa kiraṇa nikara nīrājita caraṇa rājīva,

திவ்ய பௌமாயோத்யாதிதைவத,

divya bhaumāyodhyādhidaivata,

பித்ரு' வத குபித பரஶு தர முநி விஹித ந்ரு'ப ஹநந கதந பூர்வ கால ப்ரபவ ஶத குண ப்ரதிஷ்டாபித தார்மிக ராஜ வம்ஶ,

pitṛ vadha kupita paraśu dhara muni vihita nṛpa hanana kadana pūrva kāla prabhava śata guṇa pratiṣṭhāpita dhārmika rāja vaṃśa,

ஶுப சரித ரத பரத கர்வித கர்வ கந்தர்வ யூத கீத விஜய காதா ஶத,

śubha carita rata bharata kharvita garva gandharva yūtha gīta vijaya gāthā śata,

ஶாஸித மதுஸுத ஶத்ருக்ந ஸேவித,

śāsita madhusuta śatrughna sevita,

குஶ லவ பரிக்ரு'ஹீத குல காதா விஶேஷ,

kuśa lava parigṛhīta kula gāthā viśeṣa,

விதிவஶ பரிணமதமர பணிதி கவிவர ரசித நிஜ சரித நிபந்தந நிஶமந நிர்வ்ரு'த,

vidhivaśa pariṇamadamara bhaṇiti kavivara racita nija carita nibandhana niśamana nirvṛta,

ஸர்வ ஜந ஸம்மாநித,

sarva jana sammānita,

புநருபஸ்தாபித விமாந வர விஶ்ராணந ப்ரீணித வைஶ்ரவண விஶ்ராவித யஶஃ ப்ரபஞ்ச,

punarupasthāpita vimāna vara viśrāṇana prīṇita vaiśravaṇa viśrāvita yaśaḥ prapañca,

பஞ்சதாபந்ந முநிகுமார ஸஞ்ஜீவநாம்ரு'த,

pañcatāpanna munikumāra sañjīvanāmṛta,

த்ரேதாயுக ப்ரவர்தித கார்தயுக வ்ரு'த்தாந்த,

tretāyuga pravartita kārtayuga vṛttānta,

அவிகல பஹுஸுவர்ண ஹயமக ஸஹஸ்ர நிர்வஹண நிர்வர்தித நிஜ வர்ணாஶ்ரம தர்ம,

avikala bahusuvarṇa hayamakha sahasra nirvahaṇa nirvartita nija varṇāśrama dharma,

ஸர்வ கர்ம ஸமாராத்ய,

sarva karma samārādhya,

ஸநாதந தர்ம,

sanātana dharma,

ஸாகேத ஜநபத ஜநி தநிக ஜங்கம ததிதர ஜந்து ஜாத திவ்ய கதி தாந தர்ஶித நித்ய நிஸ்ஸீம வைபவ,

sāketa janapada jani dhanika jaṅgama taditara jantu jāta divya gati dāna darśita nitya nissīma vaibhava,

பவ தபந தாபித பக்தஜந பத்ராராம,

bhava tapana tāpita bhaktajana bhadrārāma,

ஶ்ரீ ராமபத்ர, நமஸ்தே புநஸ்தே நமஃ ॥

śrī rāmabhadra, namaste punaste namaḥ ||

சதுர்முகேஶ்வரமுகைஃ புத்ரபௌத்ராதிஶாலிநே ।

caturmukheśvaramukhaiḥ putrapautrādiśāline |

நமஃ ஸீதாஸமேதாய ராமாய க்ரு'ஹமேதிநே ॥

namaḥ sītāsametāya rāmāya gṛhamedhine ||

கவிகதகஸிம்ஹகதிதம்

kavikathakasiṃhakathitaṃ

கடோரஸுகுமாரகும்பகம்பீரம் ।

kaṭhorasukumāragumbhagambhīram |

பவபயபேஷஜமேதத்

bhavabhayabheṣajametat

படத மஹாவீரவைபவம் ஸுதியஃ ॥

paṭhata mahāvīravaibhavaṃ sudhiyaḥ ||

இதி ஶ்ரீமஹாவீரவைபவம் ॥

Sanskrit — Devanagari (original)

श्रीमान्वेङ्कटनाथार्य कवितार्किक केसरि ।

वेदान्ताचार्यवर्योमे सन्निधत्तां सदाहृदि ॥

जयत्याश्रित सन्त्रास ध्वान्त विध्वंसनोदयः ।

प्रभावान् सीतया देव्या परमव्योम भास्करः ॥

जय जय महावीर महाधीर धौरेय,

देवासुर समर समय समुदित निखिल निर्जर निर्धारित निरवधिक माहात्म्य,

दशवदन दमित दैवत परिषदभ्यर्थित दाशरथि भाव,

दिनकर कुल कमल दिवाकर,

दिविषदधिपति रण सहचरण चतुर दशरथ चरम ऋणविमॊचन,

कोसल सुता कुमार भाव कञ्चुकित कारणाकार,

कौमार केलि गोपायित कौशिकाध्वर,

रणाध्वर धुर्य भव्य दिव्यास्त्र बृन्द वन्दित,

प्रणत जन विमत विमथन दुर्ललित दोर्ललित,

तनुतर विशिख विताडन विघटित विशरारु शरारु ताटका ताटकेय,

जडकिरण शकलधर जटिल नटपति मकुट तट नटनपटु विबुधसरिदतिबहुल मधुगलन ललितपद

नलिनरज उपमृदित निजवृजिन जहदुपल तनुरुचिर परम मुनिवर युवति नुत,

कुशिक सुत कथित विदित नव विविध कथ,

मैथिल नगर सुलोचना लोचन चकोर चन्द्र,

खण्डपरशु कोदण्ड प्रकाण्ड खण्डन शौण्ड भुजदण्ड,

चण्डकर किरण मण्डल बोधित पुण्डरीक वन रुचि लुण्टाक लोचन,

मोचित जनक हृदय शङ्कातङ्क,

परिहृत निखिल नरपति वरण जनक दुहितृ कुचतट विहरण समुचित करतल,

शतकोटि शतगुण कठिन परशुधर मुनिवर करधृत दुरवनमतम निज धनुराकर्षण प्रकाशित पारमेष्ठ्य,

क्रतुहर शिखरि कन्तुक विहृत्युन्मुख जगदरुन्तुद जितहरि दन्ति दन्त दन्तुर दशवदन दमन कुशल दशशतभुज मुख नृपतिकुल रुधिर झर भरित पृथुतर तटाक तर्पित पितृक भृगुपति सुगति विहतिकर नत परुडिषु परिघ,

अनृत भय मुषित हृदय पितृ वचन पालन प्रतिज्ञावज्ञात यौवराज्य,

निषाद राज सौहृद सूचित सौशील्य सागर,

भरद्वाज शासन परिगृहीत विचित्र चित्रकूट गिरि कटक तट रम्यावसथ,

अनन्यशासनीय,

प्रणत भरत मकुटतट सुघटित पादुकाग्र्याभिषेक, निर्वर्तित सर्वलोक योग क्षेम,

पिशित रुचि विहित दुरित वलमथन तनय बलिभुगनुगति सरभस शयन तृण शकल परिपतन भय चकित सकल सुर मुनिवर बहुमत महास्त्र सामर्थ्य,

द्रुहिण हर वलमथन दुरालक्ष शरलक्ष,

दण्डका तपोवन जङ्गम पारिजात,

विराध हरिण शार्दूल,

विलुलित बहुफल मख कलम रजनिचर मृग मृगयारम्भ सम्भृत चीरभृदनुरोध,

त्रिशिरः शिरस्त्रितय तिमिर निरास वासरकर,

दूषण जलनिधि शोषण तोषित ऋषिगण घोषित विजय घोषण,

खरतर खर तरु खण्डन चण्ड पवन,

द्विसप्त रक्षः सहस्र नलवन विलोलन महाकलभ,

असहाय शूर,

अनपाय साहस,

महित महामृथ दर्शन मुदित मैथिली दृढतर परिरम्भण विभव विरोपित विकट वीरव्रण,

मारीच माया मृग चर्म परिकर्मित निर्भर दर्भास्तरण,

विक्रम यशो लाभ विक्रीत जीवित गृध्रराज देह दिधक्षा लक्षित भक्तजन दाक्षिण्य,

कल्पित विबुधभाव कबन्धाभिनन्दित,

अवन्ध्य महिम मुनिजन भजन मुषित हृदय कलुष शबरी मोक्ष साक्षिभूत,

प्रभञ्जनतनय भावुक भाषित रञ्जित हृदय,

तरणिसुत शरणागति परतन्त्रीकृत स्वातन्त्र्य,

दृढघटित कैलास कोटि विकट दुन्दुभि कङ्काल कूट दूर विक्षेप दक्ष दक्षिणेतर पादाङ्गुष्ठ दरचलन विश्वस्त सुहृदाशय,

अतिपृथुल बहु विटपि गिरि धरणि विवर युगपदुदय विवृत चित्रपुङ्ख वैचित्र्य,

विपुल भुज शैलमूल निबिड निपीडित रावण रणरणक जनक चतुरुदधि विहरण चतुर कपिकुलपति हृदय विशाल शिलातल दारण दारुण शिलीमुख,

अपार पारावार परिखा परिवृत परपुर परिसृत दव दहन जवन पवनभव कपिवर परिष्वङ्ग भावित सर्वस्व दान,

अहित सहोदर रक्षः परिग्रह विसंवादि विविध सचिव विप्रलम्भ (विस्रम्भण) समय संरम्भ समुज्जृम्भित सर्वेश्वर भाव,

सकृत्प्रपन्न जन संरक्षण दीक्षित वीर, सत्यव्रत,

प्रतिशयन भूमिका भूषित पयोधि पुलिन,

प्रलय शिखि परुष विशिख शिखा शोषिताकूपार वारिपूर,

प्रबल रिपु कलह कुतुक चटुल कपिकुल करतल तूलित हृत गिरि निकर साधित सेतुपथ सीमा सीमन्तित समुद्र,

द्रुतगति तरुमृग वरूथिनी निरुद्ध लङ्कावरोध वेपथु लास्य लीलोपदेश देशिक धनुर्ज्याघोष,

गगन चर कनक गिरि गरिम धर निगममय निज गरुड गरुदनिल लव गलित विष वदन शर कदन,

अकृतचर वनचर रणकरण वैलक्ष्य कूणिताक्ष बहुविध रक्षो बलाध्यक्ष वक्षः कवाट पाटन पटिम साटोप कोपावलेप,

कटुरटदटनि टङ्कृति चटुल कठोर कार्मुख विनिर्गत विशङ्कट विशिख विताडन विघटित मकुट विह्वल विश्रवस्तनय विश्रम समय विश्राणन विख्यात विक्रम,

कुम्भकर्ण कुलगिरि विदलन दम्भोलि भूत निश्शङ्क कङ्कपत्र,

अभिचरण हुतवह परिचरण विघटन सरभस परिपतदपरिमित कपिबल जलधि लहरि कलकलरव कुपित मघवजि दभिहननकृदनुज साक्षिक राक्षस द्वन्द्वयुद्ध,

अप्रतिद्वन्द्व पौरुष,

त्र्यम्बक समधिक घोरास्त्राडम्बर,

सारथि हृत रथ सत्रप शात्रव सत्यापित प्रताप,

शित शर कृत लवण दशमुख मुख दशक निपतन पुनरुदय दर गलित जनित दर तरल हरिहय नयन नलिनवन रुचि खचित खतल निपतित सुरतरु कुसुम वितति सुरभित रथ पथ,

अखिल जगदधिक भुज बल दश लपन दशक लवन जनित कदन परवश रजनिचर युवति विलपन वचन समविषय निगम शिखर निकर मुखर मुख मुनि वर परिपणित,

अभिगत शतमख हुतवह पितृपति निरृति वरुण पवन धनद गिरिश मुख सुरपति नुत मुदित,

अमित मति विधि विदित कथित निज विभव जलधि पृषत लव,

विगत भय विबुध परिबृढ विबोधित वीरशयन शायित वानर पृतनौघ,

स्व समय विघटित सुघटित सहृदय सहधर्मचारिणीक,

विभीषण वशंवदीकृत लङ्कैश्वर्य,

निष्पन्न कृत्य,

ख पुष्पित रिपु पक्ष,

पुष्पक रभस गति गोष्पदीकृत गगनार्णव,

प्रतिज्ञार्णव तरण कृत क्षण भरत मनोरथ संहित सिंहासनाधिरूढ,

स्वामिन्, राघव सिंह,

हाटक गिरि कटक सदृश पाद पीठ निकट तट परिलुठित निखिल नृपति किरीट कोटि विविध मणि गण किरण निकर नीराजित चरण राजीव,

दिव्य भौमायोध्याधिदैवत,

पितृ वध कुपित परशु धर मुनि विहित नृप हनन कदन पूर्व काल प्रभव शत गुण प्रतिष्ठापित धार्मिक राज वंश,

शुभ चरित रत भरत खर्वित गर्व गन्धर्व यूथ गीत विजय गाथा शत,

शासित मधुसुत शत्रुघ्न सेवित,

कुश लव परिगृहीत कुल गाथा विशेष,

विधिवश परिणमदमर भणिति कविवर रचित निज चरित निबन्धन निशमन निर्वृत,

सर्व जन सम्मानित,

पुनरुपस्थापित विमान वर विश्राणन प्रीणित वैश्रवण विश्रावित यशः प्रपञ्च,

पञ्चतापन्न मुनिकुमार सञ्जीवनामृत,

त्रेतायुग प्रवर्तित कार्तयुग वृत्तान्त,

अविकल बहुसुवर्ण हयमख सहस्र निर्वहण निर्वर्तित निज वर्णाश्रम धर्म,

सर्व कर्म समाराध्य,

सनातन धर्म,

साकेत जनपद जनि धनिक जङ्गम तदितर जन्तु जात दिव्य गति दान दर्शित नित्य निस्सीम वैभव,

भव तपन तापित भक्तजन भद्राराम,

श्री रामभद्र, नमस्ते पुनस्ते नमः ॥

चतुर्मुखेश्वरमुखैः पुत्रपौत्रादिशालिने ।

नमः सीतासमेताय रामाय गृहमेधिने ॥

कविकथकसिंहकथितं

कठोरसुकुमारगुम्भगम्भीरम् ।

भवभयभेषजमेतत्

पठत महावीरवैभवं सुधियः ॥

इति श्रीमहावीरवैभवम् ॥

🕉️ This is the original Sanskrit rendered in Tamil script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ஶ்ரீ ரகுவீர கத்யம் (ஶ்ரீ மஹாவீர வைபவம்)