Shri Raghuvira Gadyam (shri Mahavira Vaibhavam) — Bengali Script

Meaning —

শ্রীমান্বেঙ্কটনাথার্য কবিতার্কিক কেসরি ।

śrīmānveṅkaṭanāthārya kavitārkika kesari |

বেদান্তাচার্যবর্যোমে সন্নিধত্তাং সদাহৃদি ॥

vedāntācāryavaryome sannidhattāṃ sadāhṛdi ||

জযত্যাশ্রিত সন্ত্রাস ধ্বান্ত বিধ্বংসনোদযঃ ।

jayatyāśrita santrāsa dhvānta vidhvaṃsanodayaḥ |

প্রভাবান্ সীতযা দেব্যা পরমব্যোম ভাস্করঃ ॥

prabhāvān sītayā devyā paramavyoma bhāskaraḥ ||

জয জয মহাবীর মহাধীর ধৌরেয,

jaya jaya mahāvīra mahādhīra dhaureya,

দেবাসুর সমর সময সমুদিত নিখিল নির্জর নির্ধারিত নিরবধিক মাহাত্ম্য,

devāsura samara samaya samudita nikhila nirjara nirdhārita niravadhika māhātmya,

দশবদন দমিত দৈবত পরিষদভ্যর্থিত দাশরথি ভাব,

daśavadana damita daivata pariṣadabhyarthita dāśarathi bhāva,

দিনকর কুল কমল দিবাকর,

dinakara kula kamala divākara,

দিবিষদধিপতি রণ সহচরণ চতুর দশরথ চরম ঋণবিমॊচন,

diviṣadadhipati raṇa sahacaraṇa catura daśaratha carama ṛṇavimòcana,

কোসল সুতা কুমার ভাব কঞ্চুকিত কারণাকার,

kosala sutā kumāra bhāva kañcukita kāraṇākāra,

কৌমার কেলি গোপাযিত কৌশিকাধ্বর,

kaumāra keli gopāyita kauśikādhvara,

রণাধ্বর ধুর্য ভব্য দিব্যাস্ত্র বৃন্দ বন্দিত,

raṇādhvara dhurya bhavya divyāstra bṛnda vandita,

প্রণত জন বিমত বিমথন দুর্ললিত দোর্ললিত,

praṇata jana vimata vimathana durlalita dorlalita,

তনুতর বিশিখ বিতাডন বিঘটিত বিশরারু শরারু তাটকা তাটকেয,

tanutara viśikha vitāḍana vighaṭita viśarāru śarāru tāṭakā tāṭakeya,

জডকিরণ শকলধর জটিল নটপতি মকুট তট নটনপটু বিবুধসরিদতিবহুল মধুগলন ললিতপদ

jaḍakiraṇa śakaladhara jaṭila naṭapati makuṭa taṭa naṭanapaṭu vibudhasaridatibahula madhugalana lalitapada

নলিনরজ উপমৃদিত নিজবৃজিন জহদুপল তনুরুচির পরম মুনিবর যুবতি নুত,

nalinaraja upamṛdita nijavṛjina jahadupala tanurucira parama munivara yuvati nuta,

কুশিক সুত কথিত বিদিত নব বিবিধ কথ,

kuśika suta kathita vidita nava vividha katha,

মৈথিল নগর সুলোচনা লোচন চকোর চন্দ্র,

maithila nagara sulocanā locana cakora candra,

খণ্ডপরশু কোদণ্ড প্রকাণ্ড খণ্ডন শৌণ্ড ভুজদণ্ড,

khaṇḍaparaśu kodaṇḍa prakāṇḍa khaṇḍana śauṇḍa bhujadaṇḍa,

চণ্ডকর কিরণ মণ্ডল বোধিত পুণ্ডরীক বন রুচি লুণ্টাক লোচন,

caṇḍakara kiraṇa maṇḍala bodhita puṇḍarīka vana ruci luṇṭāka locana,

মোচিত জনক হৃদয শঙ্কাতঙ্ক,

mocita janaka hṛdaya śaṅkātaṅka,

পরিহৃত নিখিল নরপতি বরণ জনক দুহিতৃ কুচতট বিহরণ সমুচিত করতল,

parihṛta nikhila narapati varaṇa janaka duhitṛ kucataṭa viharaṇa samucita karatala,

শতকোটি শতগুণ কঠিন পরশুধর মুনিবর করধৃত দুরবনমতম নিজ ধনুরাকর্ষণ প্রকাশিত পারমেষ্ঠ্য,

śatakoṭi śataguṇa kaṭhina paraśudhara munivara karadhṛta duravanamatama nija dhanurākarṣaṇa prakāśita pārameṣṭhya,

ক্রতুহর শিখরি কন্তুক বিহৃত্যুন্মুখ জগদরুন্তুদ জিতহরি দন্তি দন্ত দন্তুর দশবদন দমন কুশল দশশতভুজ মুখ নৃপতিকুল রুধির ঝর ভরিত পৃথুতর তটাক তর্পিত পিতৃক ভৃগুপতি সুগতি বিহতিকর নত পরুডিষু পরিঘ,

kratuhara śikhari kantuka vihṛtyunmukha jagadaruntuda jitahari danti danta dantura daśavadana damana kuśala daśaśatabhuja mukha nṛpatikula rudhira jhara bharita pṛthutara taṭāka tarpita pitṛka bhṛgupati sugati vihatikara nata paruḍiṣu parigha,

অনৃত ভয মুষিত হৃদয পিতৃ বচন পালন প্রতিজ্ঞাবজ্ঞাত যৌবরাজ্য,

anṛta bhaya muṣita hṛdaya pitṛ vacana pālana pratijñāvajñāta yauvarājya,

নিষাদ রাজ সৌহৃদ সূচিত সৌশীল্য সাগর,

niṣāda rāja sauhṛda sūcita sauśīlya sāgara,

ভরদ্বাজ শাসন পরিগৃহীত বিচিত্র চিত্রকূট গিরি কটক তট রম্যাবসথ,

bharadvāja śāsana parigṛhīta vicitra citrakūṭa giri kaṭaka taṭa ramyāvasatha,

অনন্যশাসনীয,

ananyaśāsanīya,

প্রণত ভরত মকুটতট সুঘটিত পাদুকাগ্র্যাভিষেক, নির্বর্তিত সর্বলোক যোগ ক্ষেম,

praṇata bharata makuṭataṭa sughaṭita pādukāgryābhiṣeka, nirvartita sarvaloka yoga kṣema,

পিশিত রুচি বিহিত দুরিত বলমথন তনয বলিভুগনুগতি সরভস শযন তৃণ শকল পরিপতন ভয চকিত সকল সুর মুনিবর বহুমত মহাস্ত্র সামর্থ্য,

piśita ruci vihita durita valamathana tanaya balibhuganugati sarabhasa śayana tṛṇa śakala paripatana bhaya cakita sakala sura munivara bahumata mahāstra sāmarthya,

দ্রুহিণ হর বলমথন দুরালক্ষ শরলক্ষ,

druhiṇa hara valamathana durālakṣa śaralakṣa,

দণ্ডকা তপোবন জঙ্গম পারিজাত,

daṇḍakā tapovana jaṅgama pārijāta,

বিরাধ হরিণ শার্দূল,

virādha hariṇa śārdūla,

বিলুলিত বহুফল মখ কলম রজনিচর মৃগ মৃগযারম্ভ সম্ভৃত চীরভৃদনুরোধ,

vilulita bahuphala makha kalama rajanicara mṛga mṛgayārambha sambhṛta cīrabhṛdanurodha,

ত্রিশিরঃ শিরস্ত্রিতয তিমির নিরাস বাসরকর,

triśiraḥ śirastritaya timira nirāsa vāsarakara,

দূষণ জলনিধি শোষণ তোষিত ঋষিগণ ঘোষিত বিজয ঘোষণ,

dūṣaṇa jalanidhi śoṣaṇa toṣita ṛṣigaṇa ghoṣita vijaya ghoṣaṇa,

খরতর খর তরু খণ্ডন চণ্ড পবন,

kharatara khara taru khaṇḍana caṇḍa pavana,

দ্বিসপ্ত রক্ষঃ সহস্র নলবন বিলোলন মহাকলভ,

dvisapta rakṣaḥ sahasra nalavana vilolana mahākalabha,

অসহায শূর,

asahāya śūra,

অনপায সাহস,

anapāya sāhasa,

মহিত মহামৃথ দর্শন মুদিত মৈথিলী দৃঢতর পরিরম্ভণ বিভব বিরোপিত বিকট বীরব্রণ,

mahita mahāmṛtha darśana mudita maithilī dṛḍhatara parirambhaṇa vibhava viropita vikaṭa vīravraṇa,

মারীচ মাযা মৃগ চর্ম পরিকর্মিত নির্ভর দর্ভাস্তরণ,

mārīca māyā mṛga carma parikarmita nirbhara darbhāstaraṇa,

বিক্রম যশো লাভ বিক্রীত জীবিত গৃধ্ররাজ দেহ দিধক্ষা লক্ষিত ভক্তজন দাক্ষিণ্য,

vikrama yaśo lābha vikrīta jīvita gṛdhrarāja deha didhakṣā lakṣita bhaktajana dākṣiṇya,

কল্পিত বিবুধভাব কবন্ধাভিনন্দিত,

kalpita vibudhabhāva kabandhābhinandita,

অবন্ধ্য মহিম মুনিজন ভজন মুষিত হৃদয কলুষ শবরী মোক্ষ সাক্ষিভূত,

avandhya mahima munijana bhajana muṣita hṛdaya kaluṣa śabarī mokṣa sākṣibhūta,

প্রভঞ্জনতনয ভাবুক ভাষিত রঞ্জিত হৃদয,

prabhañjanatanaya bhāvuka bhāṣita rañjita hṛdaya,

তরণিসুত শরণাগতি পরতন্ত্রীকৃত স্বাতন্ত্র্য,

taraṇisuta śaraṇāgati paratantrīkṛta svātantrya,

দৃঢঘটিত কৈলাস কোটি বিকট দুন্দুভি কঙ্কাল কূট দূর বিক্ষেপ দক্ষ দক্ষিণেতর পাদাঙ্গুষ্ঠ দরচলন বিশ্বস্ত সুহৃদাশয,

dṛḍhaghaṭita kailāsa koṭi vikaṭa dundubhi kaṅkāla kūṭa dūra vikṣepa dakṣa dakṣiṇetara pādāṅguṣṭha daracalana viśvasta suhṛdāśaya,

অতিপৃথুল বহু বিটপি গিরি ধরণি বিবর যুগপদুদয বিবৃত চিত্রপুঙ্খ বৈচিত্র্য,

atipṛthula bahu viṭapi giri dharaṇi vivara yugapadudaya vivṛta citrapuṅkha vaicitrya,

বিপুল ভুজ শৈলমূল নিবিড নিপীডিত রাবণ রণরণক জনক চতুরুদধি বিহরণ চতুর কপিকুলপতি হৃদয বিশাল শিলাতল দারণ দারুণ শিলীমুখ,

vipula bhuja śailamūla nibiḍa nipīḍita rāvaṇa raṇaraṇaka janaka caturudadhi viharaṇa catura kapikulapati hṛdaya viśāla śilātala dāraṇa dāruṇa śilīmukha,

অপার পারাবার পরিখা পরিবৃত পরপুর পরিসৃত দব দহন জবন পবনভব কপিবর পরিষ্বঙ্গ ভাবিত সর্বস্ব দান,

apāra pārāvāra parikhā parivṛta parapura parisṛta dava dahana javana pavanabhava kapivara pariṣvaṅga bhāvita sarvasva dāna,

অহিত সহোদর রক্ষঃ পরিগ্রহ বিসংবাদি বিবিধ সচিব বিপ্রলম্ভ (বিস্রম্ভণ) সময সংরম্ভ সমুজ্জৃম্ভিত সর্বেশ্বর ভাব,

ahita sahodara rakṣaḥ parigraha visaṃvādi vividha saciva vipralambha (visrambhaṇa) samaya saṃrambha samujjṛmbhita sarveśvara bhāva,

সকৃত্প্রপন্ন জন সংরক্ষণ দীক্ষিত বীর, সত্যব্রত,

sakṛtprapanna jana saṃrakṣaṇa dīkṣita vīra, satyavrata,

প্রতিশযন ভূমিকা ভূষিত পযোধি পুলিন,

pratiśayana bhūmikā bhūṣita payodhi pulina,

প্রলয শিখি পরুষ বিশিখ শিখা শোষিতাকূপার বারিপূর,

pralaya śikhi paruṣa viśikha śikhā śoṣitākūpāra vāripūra,

প্রবল রিপু কলহ কুতুক চটুল কপিকুল করতল তূলিত হৃত গিরি নিকর সাধিত সেতুপথ সীমা সীমন্তিত সমুদ্র,

prabala ripu kalaha kutuka caṭula kapikula karatala tūlita hṛta giri nikara sādhita setupatha sīmā sīmantita samudra,

দ্রুতগতি তরুমৃগ বরূথিনী নিরুদ্ধ লঙ্কাবরোধ বেপথু লাস্য লীলোপদেশ দেশিক ধনুর্জ্যাঘোষ,

drutagati tarumṛga varūthinī niruddha laṅkāvarodha vepathu lāsya līlopadeśa deśika dhanurjyāghoṣa,

গগন চর কনক গিরি গরিম ধর নিগমময নিজ গরুড গরুদনিল লব গলিত বিষ বদন শর কদন,

gagana cara kanaka giri garima dhara nigamamaya nija garuḍa garudanila lava galita viṣa vadana śara kadana,

অকৃতচর বনচর রণকরণ বৈলক্ষ্য কূণিতাক্ষ বহুবিধ রক্ষো বলাধ্যক্ষ বক্ষঃ কবাট পাটন পটিম সাটোপ কোপাবলেপ,

akṛtacara vanacara raṇakaraṇa vailakṣya kūṇitākṣa bahuvidha rakṣo balādhyakṣa vakṣaḥ kavāṭa pāṭana paṭima sāṭopa kopāvalepa,

কটুরটদটনি টঙ্কৃতি চটুল কঠোর কার্মুখ বিনির্গত বিশঙ্কট বিশিখ বিতাডন বিঘটিত মকুট বিহ্বল বিশ্রবস্তনয বিশ্রম সময বিশ্রাণন বিখ্যাত বিক্রম,

kaṭuraṭadaṭani ṭaṅkṛti caṭula kaṭhora kārmukha vinirgata viśaṅkaṭa viśikha vitāḍana vighaṭita makuṭa vihvala viśravastanaya viśrama samaya viśrāṇana vikhyāta vikrama,

কুম্ভকর্ণ কুলগিরি বিদলন দম্ভোলি ভূত নিশ্শঙ্ক কঙ্কপত্র,

kumbhakarṇa kulagiri vidalana dambholi bhūta niśśaṅka kaṅkapatra,

অভিচরণ হুতবহ পরিচরণ বিঘটন সরভস পরিপতদপরিমিত কপিবল জলধি লহরি কলকলরব কুপিত মঘবজি দভিহননকৃদনুজ সাক্ষিক রাক্ষস দ্বন্দ্বযুদ্ধ,

abhicaraṇa hutavaha paricaraṇa vighaṭana sarabhasa paripatadaparimita kapibala jaladhi lahari kalakalarava kupita maghavaji dabhihananakṛdanuja sākṣika rākṣasa dvandvayuddha,

অপ্রতিদ্বন্দ্ব পৌরুষ,

apratidvandva pauruṣa,

ত্র্যম্বক সমধিক ঘোরাস্ত্রাডম্বর,

tryambaka samadhika ghorāstrāḍambara,

সারথি হৃত রথ সত্রপ শাত্রব সত্যাপিত প্রতাপ,

sārathi hṛta ratha satrapa śātrava satyāpita pratāpa,

শিত শর কৃত লবণ দশমুখ মুখ দশক নিপতন পুনরুদয দর গলিত জনিত দর তরল হরিহয নযন নলিনবন রুচি খচিত খতল নিপতিত সুরতরু কুসুম বিততি সুরভিত রথ পথ,

śita śara kṛta lavaṇa daśamukha mukha daśaka nipatana punarudaya dara galita janita dara tarala harihaya nayana nalinavana ruci khacita khatala nipatita surataru kusuma vitati surabhita ratha patha,

অখিল জগদধিক ভুজ বল দশ লপন দশক লবন জনিত কদন পরবশ রজনিচর যুবতি বিলপন বচন সমবিষয নিগম শিখর নিকর মুখর মুখ মুনি বর পরিপণিত,

akhila jagadadhika bhuja bala daśa lapana daśaka lavana janita kadana paravaśa rajanicara yuvati vilapana vacana samaviṣaya nigama śikhara nikara mukhara mukha muni vara paripaṇita,

অভিগত শতমখ হুতবহ পিতৃপতি নিরৃতি বরুণ পবন ধনদ গিরিশ মুখ সুরপতি নুত মুদিত,

abhigata śatamakha hutavaha pitṛpati nirṛti varuṇa pavana dhanada giriśa mukha surapati nuta mudita,

অমিত মতি বিধি বিদিত কথিত নিজ বিভব জলধি পৃষত লব,

amita mati vidhi vidita kathita nija vibhava jaladhi pṛṣata lava,

বিগত ভয বিবুধ পরিবৃঢ বিবোধিত বীরশযন শাযিত বানর পৃতনৌঘ,

vigata bhaya vibudha paribṛḍha vibodhita vīraśayana śāyita vānara pṛtanaugha,

স্ব সময বিঘটিত সুঘটিত সহৃদয সহধর্মচারিণীক,

sva samaya vighaṭita sughaṭita sahṛdaya sahadharmacāriṇīka,

বিভীষণ বশংবদীকৃত লঙ্কৈশ্বর্য,

vibhīṣaṇa vaśaṃvadīkṛta laṅkaiśvarya,

নিষ্পন্ন কৃত্য,

niṣpanna kṛtya,

খ পুষ্পিত রিপু পক্ষ,

kha puṣpita ripu pakṣa,

পুষ্পক রভস গতি গোষ্পদীকৃত গগনার্ণব,

puṣpaka rabhasa gati goṣpadīkṛta gaganārṇava,

প্রতিজ্ঞার্ণব তরণ কৃত ক্ষণ ভরত মনোরথ সংহিত সিংহাসনাধিরূঢ,

pratijñārṇava taraṇa kṛta kṣaṇa bharata manoratha saṃhita siṃhāsanādhirūḍha,

স্বামিন্, রাঘব সিংহ,

svāmin, rāghava siṃha,

হাটক গিরি কটক সদৃশ পাদ পীঠ নিকট তট পরিলুঠিত নিখিল নৃপতি কিরীট কোটি বিবিধ মণি গণ কিরণ নিকর নীরাজিত চরণ রাজীব,

hāṭaka giri kaṭaka sadṛśa pāda pīṭha nikaṭa taṭa pariluṭhita nikhila nṛpati kirīṭa koṭi vividha maṇi gaṇa kiraṇa nikara nīrājita caraṇa rājīva,

দিব্য ভৌমাযোধ্যাধিদৈবত,

divya bhaumāyodhyādhidaivata,

পিতৃ বধ কুপিত পরশু ধর মুনি বিহিত নৃপ হনন কদন পূর্ব কাল প্রভব শত গুণ প্রতিষ্ঠাপিত ধার্মিক রাজ বংশ,

pitṛ vadha kupita paraśu dhara muni vihita nṛpa hanana kadana pūrva kāla prabhava śata guṇa pratiṣṭhāpita dhārmika rāja vaṃśa,

শুভ চরিত রত ভরত খর্বিত গর্ব গন্ধর্ব যূথ গীত বিজয গাথা শত,

śubha carita rata bharata kharvita garva gandharva yūtha gīta vijaya gāthā śata,

শাসিত মধুসুত শত্রুঘ্ন সেবিত,

śāsita madhusuta śatrughna sevita,

কুশ লব পরিগৃহীত কুল গাথা বিশেষ,

kuśa lava parigṛhīta kula gāthā viśeṣa,

বিধিবশ পরিণমদমর ভণিতি কবিবর রচিত নিজ চরিত নিবন্ধন নিশমন নির্বৃত,

vidhivaśa pariṇamadamara bhaṇiti kavivara racita nija carita nibandhana niśamana nirvṛta,

সর্ব জন সম্মানিত,

sarva jana sammānita,

পুনরুপস্থাপিত বিমান বর বিশ্রাণন প্রীণিত বৈশ্রবণ বিশ্রাবিত যশঃ প্রপঞ্চ,

punarupasthāpita vimāna vara viśrāṇana prīṇita vaiśravaṇa viśrāvita yaśaḥ prapañca,

পঞ্চতাপন্ন মুনিকুমার সঞ্জীবনামৃত,

pañcatāpanna munikumāra sañjīvanāmṛta,

ত্রেতাযুগ প্রবর্তিত কার্তযুগ বৃত্তান্ত,

tretāyuga pravartita kārtayuga vṛttānta,

অবিকল বহুসুবর্ণ হযমখ সহস্র নির্বহণ নির্বর্তিত নিজ বর্ণাশ্রম ধর্ম,

avikala bahusuvarṇa hayamakha sahasra nirvahaṇa nirvartita nija varṇāśrama dharma,

সর্ব কর্ম সমারাধ্য,

sarva karma samārādhya,

সনাতন ধর্ম,

sanātana dharma,

সাকেত জনপদ জনি ধনিক জঙ্গম তদিতর জন্তু জাত দিব্য গতি দান দর্শিত নিত্য নিস্সীম বৈভব,

sāketa janapada jani dhanika jaṅgama taditara jantu jāta divya gati dāna darśita nitya nissīma vaibhava,

ভব তপন তাপিত ভক্তজন ভদ্রারাম,

bhava tapana tāpita bhaktajana bhadrārāma,

শ্রী রামভদ্র, নমস্তে পুনস্তে নমঃ ॥

śrī rāmabhadra, namaste punaste namaḥ ||

চতুর্মুখেশ্বরমুখৈঃ পুত্রপৌত্রাদিশালিনে ।

caturmukheśvaramukhaiḥ putrapautrādiśāline |

নমঃ সীতাসমেতায রামায গৃহমেধিনে ॥

namaḥ sītāsametāya rāmāya gṛhamedhine ||

কবিকথকসিংহকথিতং

kavikathakasiṃhakathitaṃ

কঠোরসুকুমারগুম্ভগম্ভীরম্ ।

kaṭhorasukumāragumbhagambhīram |

ভবভযভেষজমেতত্

bhavabhayabheṣajametat

পঠত মহাবীরবৈভবং সুধিযঃ ॥

paṭhata mahāvīravaibhavaṃ sudhiyaḥ ||

ইতি শ্রীমহাবীরবৈভবম্ ॥

Sanskrit — Devanagari (original)

श्रीमान्वेङ्कटनाथार्य कवितार्किक केसरि ।

वेदान्ताचार्यवर्योमे सन्निधत्तां सदाहृदि ॥

जयत्याश्रित सन्त्रास ध्वान्त विध्वंसनोदयः ।

प्रभावान् सीतया देव्या परमव्योम भास्करः ॥

जय जय महावीर महाधीर धौरेय,

देवासुर समर समय समुदित निखिल निर्जर निर्धारित निरवधिक माहात्म्य,

दशवदन दमित दैवत परिषदभ्यर्थित दाशरथि भाव,

दिनकर कुल कमल दिवाकर,

दिविषदधिपति रण सहचरण चतुर दशरथ चरम ऋणविमॊचन,

कोसल सुता कुमार भाव कञ्चुकित कारणाकार,

कौमार केलि गोपायित कौशिकाध्वर,

रणाध्वर धुर्य भव्य दिव्यास्त्र बृन्द वन्दित,

प्रणत जन विमत विमथन दुर्ललित दोर्ललित,

तनुतर विशिख विताडन विघटित विशरारु शरारु ताटका ताटकेय,

जडकिरण शकलधर जटिल नटपति मकुट तट नटनपटु विबुधसरिदतिबहुल मधुगलन ललितपद

नलिनरज उपमृदित निजवृजिन जहदुपल तनुरुचिर परम मुनिवर युवति नुत,

कुशिक सुत कथित विदित नव विविध कथ,

मैथिल नगर सुलोचना लोचन चकोर चन्द्र,

खण्डपरशु कोदण्ड प्रकाण्ड खण्डन शौण्ड भुजदण्ड,

चण्डकर किरण मण्डल बोधित पुण्डरीक वन रुचि लुण्टाक लोचन,

मोचित जनक हृदय शङ्कातङ्क,

परिहृत निखिल नरपति वरण जनक दुहितृ कुचतट विहरण समुचित करतल,

शतकोटि शतगुण कठिन परशुधर मुनिवर करधृत दुरवनमतम निज धनुराकर्षण प्रकाशित पारमेष्ठ्य,

क्रतुहर शिखरि कन्तुक विहृत्युन्मुख जगदरुन्तुद जितहरि दन्ति दन्त दन्तुर दशवदन दमन कुशल दशशतभुज मुख नृपतिकुल रुधिर झर भरित पृथुतर तटाक तर्पित पितृक भृगुपति सुगति विहतिकर नत परुडिषु परिघ,

अनृत भय मुषित हृदय पितृ वचन पालन प्रतिज्ञावज्ञात यौवराज्य,

निषाद राज सौहृद सूचित सौशील्य सागर,

भरद्वाज शासन परिगृहीत विचित्र चित्रकूट गिरि कटक तट रम्यावसथ,

अनन्यशासनीय,

प्रणत भरत मकुटतट सुघटित पादुकाग्र्याभिषेक, निर्वर्तित सर्वलोक योग क्षेम,

पिशित रुचि विहित दुरित वलमथन तनय बलिभुगनुगति सरभस शयन तृण शकल परिपतन भय चकित सकल सुर मुनिवर बहुमत महास्त्र सामर्थ्य,

द्रुहिण हर वलमथन दुरालक्ष शरलक्ष,

दण्डका तपोवन जङ्गम पारिजात,

विराध हरिण शार्दूल,

विलुलित बहुफल मख कलम रजनिचर मृग मृगयारम्भ सम्भृत चीरभृदनुरोध,

त्रिशिरः शिरस्त्रितय तिमिर निरास वासरकर,

दूषण जलनिधि शोषण तोषित ऋषिगण घोषित विजय घोषण,

खरतर खर तरु खण्डन चण्ड पवन,

द्विसप्त रक्षः सहस्र नलवन विलोलन महाकलभ,

असहाय शूर,

अनपाय साहस,

महित महामृथ दर्शन मुदित मैथिली दृढतर परिरम्भण विभव विरोपित विकट वीरव्रण,

मारीच माया मृग चर्म परिकर्मित निर्भर दर्भास्तरण,

विक्रम यशो लाभ विक्रीत जीवित गृध्रराज देह दिधक्षा लक्षित भक्तजन दाक्षिण्य,

कल्पित विबुधभाव कबन्धाभिनन्दित,

अवन्ध्य महिम मुनिजन भजन मुषित हृदय कलुष शबरी मोक्ष साक्षिभूत,

प्रभञ्जनतनय भावुक भाषित रञ्जित हृदय,

तरणिसुत शरणागति परतन्त्रीकृत स्वातन्त्र्य,

दृढघटित कैलास कोटि विकट दुन्दुभि कङ्काल कूट दूर विक्षेप दक्ष दक्षिणेतर पादाङ्गुष्ठ दरचलन विश्वस्त सुहृदाशय,

अतिपृथुल बहु विटपि गिरि धरणि विवर युगपदुदय विवृत चित्रपुङ्ख वैचित्र्य,

विपुल भुज शैलमूल निबिड निपीडित रावण रणरणक जनक चतुरुदधि विहरण चतुर कपिकुलपति हृदय विशाल शिलातल दारण दारुण शिलीमुख,

अपार पारावार परिखा परिवृत परपुर परिसृत दव दहन जवन पवनभव कपिवर परिष्वङ्ग भावित सर्वस्व दान,

अहित सहोदर रक्षः परिग्रह विसंवादि विविध सचिव विप्रलम्भ (विस्रम्भण) समय संरम्भ समुज्जृम्भित सर्वेश्वर भाव,

सकृत्प्रपन्न जन संरक्षण दीक्षित वीर, सत्यव्रत,

प्रतिशयन भूमिका भूषित पयोधि पुलिन,

प्रलय शिखि परुष विशिख शिखा शोषिताकूपार वारिपूर,

प्रबल रिपु कलह कुतुक चटुल कपिकुल करतल तूलित हृत गिरि निकर साधित सेतुपथ सीमा सीमन्तित समुद्र,

द्रुतगति तरुमृग वरूथिनी निरुद्ध लङ्कावरोध वेपथु लास्य लीलोपदेश देशिक धनुर्ज्याघोष,

गगन चर कनक गिरि गरिम धर निगममय निज गरुड गरुदनिल लव गलित विष वदन शर कदन,

अकृतचर वनचर रणकरण वैलक्ष्य कूणिताक्ष बहुविध रक्षो बलाध्यक्ष वक्षः कवाट पाटन पटिम साटोप कोपावलेप,

कटुरटदटनि टङ्कृति चटुल कठोर कार्मुख विनिर्गत विशङ्कट विशिख विताडन विघटित मकुट विह्वल विश्रवस्तनय विश्रम समय विश्राणन विख्यात विक्रम,

कुम्भकर्ण कुलगिरि विदलन दम्भोलि भूत निश्शङ्क कङ्कपत्र,

अभिचरण हुतवह परिचरण विघटन सरभस परिपतदपरिमित कपिबल जलधि लहरि कलकलरव कुपित मघवजि दभिहननकृदनुज साक्षिक राक्षस द्वन्द्वयुद्ध,

अप्रतिद्वन्द्व पौरुष,

त्र्यम्बक समधिक घोरास्त्राडम्बर,

सारथि हृत रथ सत्रप शात्रव सत्यापित प्रताप,

शित शर कृत लवण दशमुख मुख दशक निपतन पुनरुदय दर गलित जनित दर तरल हरिहय नयन नलिनवन रुचि खचित खतल निपतित सुरतरु कुसुम वितति सुरभित रथ पथ,

अखिल जगदधिक भुज बल दश लपन दशक लवन जनित कदन परवश रजनिचर युवति विलपन वचन समविषय निगम शिखर निकर मुखर मुख मुनि वर परिपणित,

अभिगत शतमख हुतवह पितृपति निरृति वरुण पवन धनद गिरिश मुख सुरपति नुत मुदित,

अमित मति विधि विदित कथित निज विभव जलधि पृषत लव,

विगत भय विबुध परिबृढ विबोधित वीरशयन शायित वानर पृतनौघ,

स्व समय विघटित सुघटित सहृदय सहधर्मचारिणीक,

विभीषण वशंवदीकृत लङ्कैश्वर्य,

निष्पन्न कृत्य,

ख पुष्पित रिपु पक्ष,

पुष्पक रभस गति गोष्पदीकृत गगनार्णव,

प्रतिज्ञार्णव तरण कृत क्षण भरत मनोरथ संहित सिंहासनाधिरूढ,

स्वामिन्, राघव सिंह,

हाटक गिरि कटक सदृश पाद पीठ निकट तट परिलुठित निखिल नृपति किरीट कोटि विविध मणि गण किरण निकर नीराजित चरण राजीव,

दिव्य भौमायोध्याधिदैवत,

पितृ वध कुपित परशु धर मुनि विहित नृप हनन कदन पूर्व काल प्रभव शत गुण प्रतिष्ठापित धार्मिक राज वंश,

शुभ चरित रत भरत खर्वित गर्व गन्धर्व यूथ गीत विजय गाथा शत,

शासित मधुसुत शत्रुघ्न सेवित,

कुश लव परिगृहीत कुल गाथा विशेष,

विधिवश परिणमदमर भणिति कविवर रचित निज चरित निबन्धन निशमन निर्वृत,

सर्व जन सम्मानित,

पुनरुपस्थापित विमान वर विश्राणन प्रीणित वैश्रवण विश्रावित यशः प्रपञ्च,

पञ्चतापन्न मुनिकुमार सञ्जीवनामृत,

त्रेतायुग प्रवर्तित कार्तयुग वृत्तान्त,

अविकल बहुसुवर्ण हयमख सहस्र निर्वहण निर्वर्तित निज वर्णाश्रम धर्म,

सर्व कर्म समाराध्य,

सनातन धर्म,

साकेत जनपद जनि धनिक जङ्गम तदितर जन्तु जात दिव्य गति दान दर्शित नित्य निस्सीम वैभव,

भव तपन तापित भक्तजन भद्राराम,

श्री रामभद्र, नमस्ते पुनस्ते नमः ॥

चतुर्मुखेश्वरमुखैः पुत्रपौत्रादिशालिने ।

नमः सीतासमेताय रामाय गृहमेधिने ॥

कविकथकसिंहकथितं

कठोरसुकुमारगुम्भगम्भीरम् ।

भवभयभेषजमेतत्

पठत महावीरवैभवं सुधियः ॥

इति श्रीमहावीरवैभवम् ॥

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

শ্রী রঘুবীর গদ্যম্ (শ্রী মহাবীর বৈভবম্)