Shri Gayatri Hridayam — Sinhala Script

නාරද උවාච

භගවන් දේවදේවේශ භූතභව්යජගත්ප්රභෝ .

කවචං ච ශ්රුතං දිව්යං ගායත්රීමන්ත්රවිග්රහම් .. 1 ..

අධුනා ශ්රෝතුමිච්ඡාමි ගායත්රීහෘදයං පරම් .

යද්ධාරණාද්භවේත්පුණ්යං ගායත්රීජපතෝ(අ)ඛිලම් .. 2 ..

ශ්රීනාරායණ උවාච

දේව්යාශ්ච හෘදයං ප්රෝක්තං නාරදාථර්වණේ ස්ඵුටම් .

තදේවාහං ප්රවක්ෂ්යාමි රහස්යාතිරහස්යකම් .. 3 ..

විරාඩ්රූපාං මහාදේවීං ගායත්රීං වේදමාතරම් .

ධ්යාත්වා තස්යාස්ත්වථාඞ්ගේෂු ධ්යායේදේතාශ්ච දේවතාඃ .. 4 ..

පිණ්ඩබ්රහ්මණ්ඩයෝරෛක්යාද්භාවයේත්ස්වතනෞ තථා .

දේවීරූපේ නිජේ දේහේ තන්මයත්වාය සාධකඃ .. 5 ..

නාදේවෝ(අ)භ්යර්චයේද්දේවමිති වේදවිදෝ විදුඃ .

තතෝ(අ)භේදාය කායේ ස්වේ භාවයේද්දේවතා ඉමාඃ .. 6 ..

අථ තත්සම්ප්රවක්ෂ්යාමි තන්මයත්වමථෝ භවේත් .

ගායත්රීහෘදයස්යා(අ)ස්යා(අ)ප්යහමේව ඍෂිඃ ස්මෘතඃ .. 7 ..

ගායත්රීඡන්ද උද්දිෂ්ටං දේවතා පරමේශ්වරී .

පූර්වෝක්තේන ප්රකාරේණ කුර්යාදඞ්ගානි ෂට්ක්රමාත් .

ආසනේ විජනේ දේශේ ධ්යායේදේකාග්රමානසඃ .. 8 ..

අථාර්ථන්යාසඃ . ද්යෞමූර්ධ්නි දෛවතම් . දන්තපඞ්ක්තාවශ්විනෞ . උභේ සන්ධ්යේ චෞෂ්ඨෞ . මුඛමග්නිඃ . ජිහ්වා සරස්වතී . ග්රීවායාං තු බෘහස්පතිඃ . ස්තනයෝර්වසවෝ(අ)ෂ්ටෞ . බාහ්වෝර්මරුතඃ . හෘදයේ පර්ජන්යඃ . ආකාශමුදරම් . නාභාවන්තරික්ෂම් . කට්යෝරින්ද්රාග්නී . ජඝනේ විජ්ඤානඝනඃ ප්රජාපතිඃ . කෛලාසමලයේ ඌරූ . විශ්වේදේවා ජාන්වෝඃ . ජඞ්ඝායාං කෞශිකඃ . ගුහ්යමයනේ . ඌරූ පිතරඃ . පාදෞ පෘථිවී . වනස්පතයෝ(අ)ඞ්ගුලීෂු . ඍෂයෝ රෝමාණි . නඛානි මුහූර්තානි . අස්ථිෂු ග්රහාඃ . අසෘඞ්මාංසමෘතවඃ .. සංවත්සරා වෛ නිමිෂම් . අහෝරාත්රාවාදිත්යශ්චන්ද්රමාඃ . ප්රවරාං දිව්යාං ගායත්රීං සහස්රනේත්රාං ශරණමහං ප්රපද්යේ ..

ඕං තත්සවිතුර්වරේණ්යාය නමඃ . ඕං තත්පූර්වාජයාය නමඃ . තත්ප්රාතරාදිත්යාය නමඃ . තත්ප්රාතරාදිත්යප්රතිෂ්ඨායෛ නමඃ ..

ප්රාතරධීයානෝ රාත්රිකෘතං පාපං නාශයති . සායමධීයානෝ දිවසකෘතං පාපං නාශයති . සායං ප්රාතරධීයානෝ අපාපෝ භවති . සර්වතීර්ථේෂු ස්නාතෝ භවති . සර්වෛර්දේවෛර්ජ්ඤාතෝ භවති . අවාච්යවචනාත්පූතෝ භවති . අභක්ෂ්යභක්ෂණාත්පූතෝ භවති . අභෝජ්යභෝජනාත්පූතෝ භවති . අචෝෂ්යචෝෂණාත්පූතෝ භවති . අසාධ්යසාධනාත්පූතෝ භවති . දුෂ්ප්රතිග්රහශතසහස්රාත්පූතෝ භවති . සර්වප්රතිග්රහාත්පූතෝ භවති . පඞ්ක්තිදූෂණාත්පූතෝ භවති . අනෘතවචනාත්පූතෝ භවති . අථා(අ)බ්රහ්මචාරී බ්රහ්මචාරී භවතී . අනේන හෘදයේනාධීතේන ක්රතුසහස්රේණේෂ්ටං භවති . ෂෂ්ටිශතසහස්රගායත්ර්යා ජප්යානි ඵලානි භවන්ති . අෂ්ටෞ බ්රාහ්මණාන් සම්යග්ග්රාහයේත් . තස්ය සිද්ධිර්භවති . ය ඉදං නිත්යමධීයානෝ බ්රාහ්මණඃ ප්රාතඃ ශුචිඃ සර්වපාපෛඃ ප්රමුච්යත ඉති . බ්රහ්මලෝකේ මහීයතේ ..

ඉත්යාහ භගවාන් ශ්රීනාරායණඃ ..

ඉති ශ්රීදේවීභාගවතේ මහාපුරාණේ ද්වාදශස්කන්ධේ ශ්රී ගායත්රී හෘදයං නාම චතුර්ථෝ(අ)ධ්යායඃ ..

Roman (IAST) Transliteration

nārada uvāca

bhagavan devadeveśa bhūtabhavyajagatprabho |

kavacaṃ ca śrutaṃ divyaṃ gāyatrīmantravigraham || 1 ||

adhunā śrotumicchāmi gāyatrīhṛdayaṃ param |

yaddhāraṇādbhavetpuṇyaṃ gāyatrījapato'khilam || 2 ||

śrīnārāyaṇa uvāca

devyāśca hṛdayaṃ proktaṃ nāradātharvaṇe sphuṭam |

tadevāhaṃ pravakṣyāmi rahasyātirahasyakam || 3 ||

virāḍrūpāṃ mahādevīṃ gāyatrīṃ vedamātaram |

dhyātvā tasyāstvathāṅgeṣu dhyāyedetāśca devatāḥ || 4 ||

piṇḍabrahmaṇḍayoraikyādbhāvayetsvatanau tathā |

devīrūpe nije dehe tanmayatvāya sādhakaḥ || 5 ||

nādevo'bhyarcayeddevamiti vedavido viduḥ |

tato'bhedāya kāye sve bhāvayeddevatā imāḥ || 6 ||

atha tatsampravakṣyāmi tanmayatvamatho bhavet |

gāyatrīhṛdayasyā'syā'pyahameva ṛṣiḥ smṛtaḥ || 7 ||

gāyatrīchanda uddiṣṭaṃ devatā parameśvarī |

pūrvoktena prakāreṇa kuryādaṅgāni ṣaṭkramāt |

āsane vijane deśe dhyāyedekāgramānasaḥ || 8 ||

athārthanyāsaḥ | dyaumūrdhni daivatam | dantapaṅktāvaśvinau | ubhe sandhye cauṣṭhau | mukhamagniḥ | jihvā sarasvatī | grīvāyāṃ tu bṛhaspatiḥ | stanayorvasavo'ṣṭau | bāhvormarutaḥ | hṛdaye parjanyaḥ | ākāśamudaram | nābhāvantarikṣam | kaṭyorindrāgnī | jaghane vijñānaghanaḥ prajāpatiḥ | kailāsamalaye ūrū | viśvedevā jānvoḥ | jaṅghāyāṃ kauśikaḥ | guhyamayane | ūrū pitaraḥ | pādau pṛthivī | vanaspatayo'ṅgulīṣu | ṛṣayo romāṇi | nakhāni muhūrtāni | asthiṣu grahāḥ | asṛṅmāṃsamṛtavaḥ || saṃvatsarā vai nimiṣam | ahorātrāvādityaścandramāḥ | pravarāṃ divyāṃ gāyatrīṃ sahasranetrāṃ śaraṇamahaṃ prapadye ||

oṃ tatsaviturvareṇyāya namaḥ | oṃ tatpūrvājayāya namaḥ | tatprātarādityāya namaḥ | tatprātarādityapratiṣṭhāyai namaḥ ||

prātaradhīyāno rātrikṛtaṃ pāpaṃ nāśayati | sāyamadhīyāno divasakṛtaṃ pāpaṃ nāśayati | sāyaṃ prātaradhīyāno apāpo bhavati | sarvatīrtheṣu snāto bhavati | sarvairdevairjñāto bhavati | avācyavacanātpūto bhavati | abhakṣyabhakṣaṇātpūto bhavati | abhojyabhojanātpūto bhavati | acoṣyacoṣaṇātpūto bhavati | asādhyasādhanātpūto bhavati | duṣpratigrahaśatasahasrātpūto bhavati | sarvapratigrahātpūto bhavati | paṅktidūṣaṇātpūto bhavati | anṛtavacanātpūto bhavati | athā'brahmacārī brahmacārī bhavatī | anena hṛdayenādhītena kratusahasreṇeṣṭaṃ bhavati | ṣaṣṭiśatasahasragāyatryā japyāni phalāni bhavanti | aṣṭau brāhmaṇān samyaggrāhayet | tasya siddhirbhavati | ya idaṃ nityamadhīyāno brāhmaṇaḥ prātaḥ śuciḥ sarvapāpaiḥ pramucyata iti | brahmaloke mahīyate ||

ityāha bhagavān śrīnārāyaṇaḥ ||

iti śrīdevībhāgavate mahāpurāṇe dvādaśaskandhe śrī gāyatrī hṛdayaṃ nāma caturtho'dhyāyaḥ ||

Sanskrit — Devanagari (original)

नारद उवाच

भगवन् देवदेवेश भूतभव्यजगत्प्रभो ।

कवचं च श्रुतं दिव्यं गायत्रीमन्त्रविग्रहम् ॥ 1 ॥

अधुना श्रोतुमिच्छामि गायत्रीहृदयं परम् ।

यद्धारणाद्भवेत्पुण्यं गायत्रीजपतोऽखिलम् ॥ 2 ॥

श्रीनारायण उवाच

देव्याश्च हृदयं प्रोक्तं नारदाथर्वणे स्फुटम् ।

तदेवाहं प्रवक्ष्यामि रहस्यातिरहस्यकम् ॥ 3 ॥

विराड्रूपां महादेवीं गायत्रीं वेदमातरम् ।

ध्यात्वा तस्यास्त्वथाङ्गेषु ध्यायेदेताश्च देवताः ॥ 4 ॥

पिण्डब्रह्मण्डयोरैक्याद्भावयेत्स्वतनौ तथा ।

देवीरूपे निजे देहे तन्मयत्वाय साधकः ॥ 5 ॥

नादेवोऽभ्यर्चयेद्देवमिति वेदविदो विदुः ।

ततोऽभेदाय काये स्वे भावयेद्देवता इमाः ॥ 6 ॥

अथ तत्सम्प्रवक्ष्यामि तन्मयत्वमथो भवेत् ।

गायत्रीहृदयस्याऽस्याऽप्यहमेव ऋषिः स्मृतः ॥ 7 ॥

गायत्रीछन्द उद्दिष्टं देवता परमेश्वरी ।

पूर्वोक्तेन प्रकारेण कुर्यादङ्गानि षट्क्रमात् ।

आसने विजने देशे ध्यायेदेकाग्रमानसः ॥ 8 ॥

अथार्थन्यासः । द्यौमूर्ध्नि दैवतम् । दन्तपङ्क्तावश्विनौ । उभे सन्ध्ये चौष्ठौ । मुखमग्निः । जिह्वा सरस्वती । ग्रीवायां तु बृहस्पतिः । स्तनयोर्वसवोऽष्टौ । बाह्वोर्मरुतः । हृदये पर्जन्यः । आकाशमुदरम् । नाभावन्तरिक्षम् । कट्योरिन्द्राग्नी । जघने विज्ञानघनः प्रजापतिः । कैलासमलये ऊरू । विश्वेदेवा जान्वोः । जङ्घायां कौशिकः । गुह्यमयने । ऊरू पितरः । पादौ पृथिवी । वनस्पतयोऽङ्गुलीषु । ऋषयो रोमाणि । नखानि मुहूर्तानि । अस्थिषु ग्रहाः । असृङ्मांसमृतवः ॥ संवत्सरा वै निमिषम् । अहोरात्रावादित्यश्चन्द्रमाः । प्रवरां दिव्यां गायत्रीं सहस्रनेत्रां शरणमहं प्रपद्ये ॥

ॐ तत्सवितुर्वरेण्याय नमः । ॐ तत्पूर्वाजयाय नमः । तत्प्रातरादित्याय नमः । तत्प्रातरादित्यप्रतिष्ठायै नमः ॥

प्रातरधीयानो रात्रिकृतं पापं नाशयति । सायमधीयानो दिवसकृतं पापं नाशयति । सायं प्रातरधीयानो अपापो भवति । सर्वतीर्थेषु स्नातो भवति । सर्वैर्देवैर्ज्ञातो भवति । अवाच्यवचनात्पूतो भवति । अभक्ष्यभक्षणात्पूतो भवति । अभोज्यभोजनात्पूतो भवति । अचोष्यचोषणात्पूतो भवति । असाध्यसाधनात्पूतो भवति । दुष्प्रतिग्रहशतसहस्रात्पूतो भवति । सर्वप्रतिग्रहात्पूतो भवति । पङ्क्तिदूषणात्पूतो भवति । अनृतवचनात्पूतो भवति । अथाऽब्रह्मचारी ब्रह्मचारी भवती । अनेन हृदयेनाधीतेन क्रतुसहस्रेणेष्टं भवति । षष्टिशतसहस्रगायत्र्या जप्यानि फलानि भवन्ति । अष्टौ ब्राह्मणान् सम्यग्ग्राहयेत् । तस्य सिद्धिर्भवति । य इदं नित्यमधीयानो ब्राह्मणः प्रातः शुचिः सर्वपापैः प्रमुच्यत इति । ब्रह्मलोके महीयते ॥

इत्याह भगवान् श्रीनारायणः ॥

इति श्रीदेवीभागवते महापुराणे द्वादशस्कन्धे श्री गायत्री हृदयं नाम चतुर्थोऽध्यायः ॥