Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
ඕං ශ්රී පරමාත්මනේ නමඃ
oṃ śrī paramātmane namaḥ
අථ ගීතා ධ්යාන ශ්ලෝකාඃ
atha gītā dhyāna ślokāḥ
ඕං පාර්ථාය ප්රතිබෝධිතාං භගවතා නාරායණේන ස්වයං
oṃ pārthāya pratibodhitāṃ bhagavatā nārāyaṇena svayaṃ
ව්යාසේන ග්රථිතාං පුරාණමුනිනා මධ්යේ මහාභාරතම් .
vyāsena grathitāṃ purāṇamuninā madhye mahābhāratam |
අද්වෛතාමෘතවර්ෂිණීං භගවතීං අෂ්ටාදශාධ්යායිනීං
advaitāmṛtavarṣiṇīṃ bhagavatīṃ aṣṭādaśādhyāyinīṃ
අම්බ ත්වාං අනුසන්දධාමි භගවද්ගීතේ භවද්වේෂිණීම් ..
amba tvāṃ anusandadhāmi bhagavadgīte bhavadveṣiṇīm ||
නමෝ(අ)ස්තුතේ ව්යාස විශාලබුද්ධේ ඵුල්ලාරවින්දායතපත්රනේත්ර .
namo'stute vyāsa viśālabuddhe phullāravindāyatapatranetra |
යේන ත්වයා භාරත තෛලපූර්ණඃ ප්රජ්වාලිතෝ ජ්ඤානමයඃ ප්රදීපඃ..
yena tvayā bhārata tailapūrṇaḥ prajvālito jñānamayaḥ pradīpaḥ||
ප්රපන්නපාරිජාතාය තෝත්රවේත්රෛකපාණයේ .
prapannapārijātāya totravetraikapāṇaye |
ජ්ඤානමුද්රාය කෘෂ්ණාය ගීතාමෘතදුහේ නමඃ ..
jñānamudrāya kṛṣṇāya gītāmṛtaduhe namaḥ ||
වසුදේවසුතං දේවං කංසචාණූරමර්දනම් .
vasudevasutaṃ devaṃ kaṃsacāṇūramardanam |
දේවකීපරමානන්දං කෘෂ්ණං වන්දේ ජගද්ගුරුම් ..
devakīparamānandaṃ kṛṣṇaṃ vande jagadgurum ||
භීෂ්මද්රෝණතටා ජයද්රථජලා ගාන්ධාරනීලෝත්පලා
bhīṣmadroṇataṭā jayadrathajalā gāndhāranīlotpalā
ශල්යග්රාහවතී කෘපේණ වහනී කර්ණේන වේලාකුලා .
śalyagrāhavatī kṛpeṇa vahanī karṇena velākulā |
අශ්වත්ථාමවිකර්ණඝෝරමකරා දුර්යෝධනාවර්තිනී
aśvatthāmavikarṇaghoramakarā duryodhanāvartinī
සෝත්තීර්ණා ඛලු පාණ්ඩවෛ රණනදී කෛවර්තකඃ කේශවඃ ..
sottīrṇā khalu pāṇḍavai raṇanadī kaivartakaḥ keśavaḥ ||
පාරාශර්යවචඃ සරෝජමමලං ගීතාර්ථගන්ධෝත්කටං
pārāśaryavacaḥ sarojamamalaṃ gītārthagandhotkaṭaṃ
නානාඛ්යානකකේසරං හරිකථා සම්බෝධනාබෝධිතම් .
nānākhyānakakesaraṃ harikathā sambodhanābodhitam |
ලෝකේ සජ්ජනෂට්පදෛරහරහඃ පේපීයමානං මුදා
loke sajjanaṣaṭpadairaharahaḥ pepīyamānaṃ mudā
භූයාද්භාරතපඞ්කජං කලිමලං ප්රධ්වංසිනඃ ශ්රේයසේ ..
bhūyādbhāratapaṅkajaṃ kalimalaṃ pradhvaṃsinaḥ śreyase ||
මූකං කරෝති වාචාලං පඞ්ගුං ලඞ්ඝයතේ ගිරිම් .
mūkaṃ karoti vācālaṃ paṅguṃ laṅghayate girim |
යත්කෘපා තමහං වන්දේ පරමානන්දමාධවම් ..
yatkṛpā tamahaṃ vande paramānandamādhavam ||
ශාන්තාකාරං භුජගශයනං පද්මනාභං සුරේශං
śāntākāraṃ bhujagaśayanaṃ padmanābhaṃ sureśaṃ
විශ්වාධාරං ගගනසදෘශං මේඝවර්ණං ශුභාඞ්ගම් .
viśvādhāraṃ gaganasadṛśaṃ meghavarṇaṃ śubhāṅgam |
ලක්ෂ්මීකාන්තං කමලනයනං යෝගිහෘද්ධ්යානගම්යං
lakṣmīkāntaṃ kamalanayanaṃ yogihṛddhyānagamyaṃ
වන්දේ විෂ්ණුං භවභයහරං සර්ව ලෝකෛකනාථම් ..
vande viṣṇuṃ bhavabhayaharaṃ sarva lokaikanātham ||
යං බ්රහ්මාවරුණේන්ද්රරුද්රමරුතඃ ස්තුන්වන්ති දිව්යෛඃ ස්තවෛඃ
yaṃ brahmāvaruṇendrarudramarutaḥ stunvanti divyaiḥ stavaiḥ
වේදෛඃ සාඞ්ගපදක්රමෝපනිෂදෛඃ ගායන්ති යං සාමගාඃ .
vedaiḥ sāṅgapadakramopaniṣadaiḥ gāyanti yaṃ sāmagāḥ |
ධ්යානාවස්ථිත තද්ගතේන මනසා පශ්යන්ති යං යෝගිනඃ
dhyānāvasthita tadgatena manasā paśyanti yaṃ yoginaḥ
යස්යාන්තං න විදුස්සුරාසුරගණාඃ දේවාය තස්මෛ නමඃ ..
yasyāntaṃ na vidussurāsuragaṇāḥ devāya tasmai namaḥ ||
නාරායණං නමස්කෘත්ය නරඤ්චෛව නරෝත්තමම් .
nārāyaṇaṃ namaskṛtya narañcaiva narottamam |
දේවීං සරස්වතීං ව්යාසං තතෝ ජයමුදීරයේත් ..
devīṃ sarasvatīṃ vyāsaṃ tato jayamudīrayet ||
සච්චිදානන්දරූපාය කෘෂ්ණායාක්ලිෂ්ටකාරිණේ .
saccidānandarūpāya kṛṣṇāyākliṣṭakāriṇe |
නමෝ වේදාන්තවේද්යාය ගුරවේ බුද්ධිසාක්ෂිණේ..
namo vedāntavedyāya gurave buddhisākṣiṇe||
සර්වෝපනිෂදෝ ගාවඃ දෝග්ධා ගෝපාලනන්දනඃ .
sarvopaniṣado gāvaḥ dogdhā gopālanandanaḥ |
පාර්ථෝ වත්සඃ සුධීර්භෝක්තා දුග්ධං ගීතාමෘතං මහත් ..
pārtho vatsaḥ sudhīrbhoktā dugdhaṃ gītāmṛtaṃ mahat ||
ගීතාශාස්ත්රමිදං පුණ්යං යඃ පඨේත් ප්රයතඃ පුමාන් .
gītāśāstramidaṃ puṇyaṃ yaḥ paṭhet prayataḥ pumān |
විෂ්ණෝඃ පදමවාප්නෝති භයශෝකාදි වර්ජිතඃ ..
viṣṇoḥ padamavāpnoti bhayaśokādi varjitaḥ ||
ඒකං ශාස්ත්රං දේවකීපුත්රගීතං ඒකෝ දේවෝ දේවකීපුත්ර ඒව .
ekaṃ śāstraṃ devakīputragītaṃ eko devo devakīputra eva |
ඒකෝ මන්ත්රස්තස්ය නාමානි යානි කර්මාප්යේකං තස්ය දේවස්ය සේවා ..
eko mantrastasya nāmāni yāni karmāpyekaṃ tasya devasya sevā ||
.. ඕං ශ්රී කෘෂ්ණාය පරමාත්මනේ නමඃ ..
|| oṃ śrī kṛṣṇāya paramātmane namaḥ ||
Sanskrit — Devanagari (original)
ॐ श्री परमात्मने नमः
अथ गीता ध्यान श्लोकाः
ॐ पार्थाय प्रतिबोधितां भगवता नारायणेन स्वयं
व्यासेन ग्रथितां पुराणमुनिना मध्ये महाभारतम् ।
अद्वैतामृतवर्षिणीं भगवतीं अष्टादशाध्यायिनीं
अम्ब त्वां अनुसन्दधामि भगवद्गीते भवद्वेषिणीम् ॥
नमोऽस्तुते व्यास विशालबुद्धे फुल्लारविन्दायतपत्रनेत्र ।
येन त्वया भारत तैलपूर्णः प्रज्वालितो ज्ञानमयः प्रदीपः॥
प्रपन्नपारिजाताय तोत्रवेत्रैकपाणये ।
ज्ञानमुद्राय कृष्णाय गीतामृतदुहे नमः ॥
वसुदेवसुतं देवं कंसचाणूरमर्दनम् ।
देवकीपरमानन्दं कृष्णं वन्दे जगद्गुरुम् ॥
भीष्मद्रोणतटा जयद्रथजला गान्धारनीलोत्पला
शल्यग्राहवती कृपेण वहनी कर्णेन वेलाकुला ।
अश्वत्थामविकर्णघोरमकरा दुर्योधनावर्तिनी
सोत्तीर्णा खलु पाण्डवै रणनदी कैवर्तकः केशवः ॥
पाराशर्यवचः सरोजममलं गीतार्थगन्धोत्कटं
नानाख्यानककेसरं हरिकथा सम्बोधनाबोधितम् ।
लोके सज्जनषट्पदैरहरहः पेपीयमानं मुदा
भूयाद्भारतपङ्कजं कलिमलं प्रध्वंसिनः श्रेयसे ॥
मूकं करोति वाचालं पङ्गुं लङ्घयते गिरिम् ।
यत्कृपा तमहं वन्दे परमानन्दमाधवम् ॥
शान्ताकारं भुजगशयनं पद्मनाभं सुरेशं
विश्वाधारं गगनसदृशं मेघवर्णं शुभाङ्गम् ।
लक्ष्मीकान्तं कमलनयनं योगिहृद्ध्यानगम्यं
वन्दे विष्णुं भवभयहरं सर्व लोकैकनाथम् ॥
यं ब्रह्मावरुणेन्द्ररुद्रमरुतः स्तुन्वन्ति दिव्यैः स्तवैः
वेदैः साङ्गपदक्रमोपनिषदैः गायन्ति यं सामगाः ।
ध्यानावस्थित तद्गतेन मनसा पश्यन्ति यं योगिनः
यस्यान्तं न विदुस्सुरासुरगणाः देवाय तस्मै नमः ॥
नारायणं नमस्कृत्य नरञ्चैव नरोत्तमम् ।
देवीं सरस्वतीं व्यासं ततो जयमुदीरयेत् ॥
सच्चिदानन्दरूपाय कृष्णायाक्लिष्टकारिणे ।
नमो वेदान्तवेद्याय गुरवे बुद्धिसाक्षिणे॥
सर्वोपनिषदो गावः दोग्धा गोपालनन्दनः ।
पार्थो वत्सः सुधीर्भोक्ता दुग्धं गीतामृतं महत् ॥
गीताशास्त्रमिदं पुण्यं यः पठेत् प्रयतः पुमान् ।
विष्णोः पदमवाप्नोति भयशोकादि वर्जितः ॥
एकं शास्त्रं देवकीपुत्रगीतं एको देवो देवकीपुत्र एव ।
एको मन्त्रस्तस्य नामानि यानि कर्माप्येकं तस्य देवस्य सेवा ॥
॥ ॐ श्री कृष्णाय परमात्मने नमः ॥
🕉️ This is the original Sanskrit rendered in Sinhala script. Pronunciation is identical to the Sanskrit Devanagari version.
It is a transliteration, not a translation — see “Meaning” for translations where available.