ഓം ശ്രീ പരമാത്മനേ നമഃ
അഥ ഗീതാ ധ്യാന ശ്ലോകാഃ
ഓം പാര്ഥായ പ്രതിബോധിതാം ഭഗവതാ നാരായണേന സ്വയം
വ്യാസേന ഗ്രഥിതാം പുരാണമുനിനാ മധ്യേ മഹാഭാരതമ് ।
അദ്വൈതാമൃതവര്ഷിണീം ഭഗവതീം അഷ്ടാദശാധ്യായിനീം
അമ്ബ ത്വാം അനുസന്ദധാമി ഭഗവദ്ഗീതേ ഭവദ്വേഷിണീമ് ॥
നമോഽസ്തുതേ വ്യാസ വിശാലബുദ്ധേ ഫുല്ലാരവിന്ദായതപത്രനേത്ര ।
യേന ത്വയാ ഭാരത തൈലപൂര്ണഃ പ്രജ്വാലിതോ ജ്ഞാനമയഃ പ്രദീപഃ॥
പ്രപന്നപാരിജാതായ തോത്രവേത്രൈകപാണയേ ।
ജ്ഞാനമുദ്രായ കൃഷ്ണായ ഗീതാമൃതദുഹേ നമഃ ॥
വസുദേവസുതം ദേവം കംസചാണൂരമര്ദനമ് ।
ദേവകീപരമാനന്ദം കൃഷ്ണം വന്ദേ ജഗദ്ഗുരുമ് ॥
ഭീഷ്മദ്രോണതടാ ജയദ്രഥജലാ ഗാന്ധാരനീലോത്പലാ
ശല്യഗ്രാഹവതീ കൃപേണ വഹനീ കര്ണേന വേലാകുലാ ।
അശ്വത്ഥാമവികര്ണഘോരമകരാ ദുര്യോധനാവര്തിനീ
സോത്തീര്ണാ ഖലു പാണ്ഡവൈ രണനദീ കൈവര്തകഃ കേശവഃ ॥
പാരാശര്യവചഃ സരോജമമലം ഗീതാര്ഥഗന്ധോത്കടം
നാനാഖ്യാനകകേസരം ഹരികഥാ സമ്ബോധനാബോധിതമ് ।
ലോകേ സജ്ജനഷട്പദൈരഹരഹഃ പേപീയമാനം മുദാ
ഭൂയാദ്ഭാരതപങ്കജം കലിമലം പ്രധ്വംസിനഃ ശ്രേയസേ ॥
മൂകം കരോതി വാചാലം പങ്ഗും ലങ്ഘയതേ ഗിരിമ് ।
യത്കൃപാ തമഹം വന്ദേ പരമാനന്ദമാധവമ് ॥
ശാന്താകാരം ഭുജഗശയനം പദ്മനാഭം സുരേശം
വിശ്വാധാരം ഗഗനസദൃശം മേഘവര്ണം ശുഭാങ്ഗമ് ।
ലക്ഷ്മീകാന്തം കമലനയനം യോഗിഹൃദ്ധ്യാനഗമ്യം
വന്ദേ വിഷ്ണും ഭവഭയഹരം സര്വ ലോകൈകനാഥമ് ॥
യം ബ്രഹ്മാവരുണേന്ദ്രരുദ്രമരുതഃ സ്തുന്വന്തി ദിവ്യൈഃ സ്തവൈഃ
വേദൈഃ സാങ്ഗപദക്രമോപനിഷദൈഃ ഗായന്തി യം സാമഗാഃ ।
ധ്യാനാവസ്ഥിത തദ്ഗതേന മനസാ പശ്യന്തി യം യോഗിനഃ
യസ്യാന്തം ന വിദുസ്സുരാസുരഗണാഃ ദേവായ തസ്മൈ നമഃ ॥
നാരായണം നമസ്കൃത്യ നരഞ്ചൈവ നരോത്തമമ് ।
ദേവീം സരസ്വതീം വ്യാസം തതോ ജയമുദീരയേത് ॥
സച്ചിദാനന്ദരൂപായ കൃഷ്ണായാക്ലിഷ്ടകാരിണേ ।
നമോ വേദാന്തവേദ്യായ ഗുരവേ ബുദ്ധിസാക്ഷിണേ॥
സര്വോപനിഷദോ ഗാവഃ ദോഗ്ധാ ഗോപാലനന്ദനഃ ।
പാര്ഥോ വത്സഃ സുധീര്ഭോക്താ ദുഗ്ധം ഗീതാമൃതം മഹത് ॥
ഗീതാശാസ്ത്രമിദം പുണ്യം യഃ പഠേത് പ്രയതഃ പുമാന് ।
വിഷ്ണോഃ പദമവാപ്നോതി ഭയശോകാദി വര്ജിതഃ ॥
ഏകം ശാസ്ത്രം ദേവകീപുത്രഗീതം ഏകോ ദേവോ ദേവകീപുത്ര ഏവ ।
ഏകോ മന്ത്രസ്തസ്യ നാമാനി യാനി കര്മാപ്യേകം തസ്യ ദേവസ്യ സേവാ ॥
॥ ഓം ശ്രീ കൃഷ്ണായ പരമാത്മനേ നമഃ ॥
Roman (IAST) Transliteration
oṃ śrī paramātmane namaḥ
atha gītā dhyāna ślokāḥ
oṃ pārthāya pratibodhitāṃ bhagavatā nārāyaṇena svayaṃ
vyāsena grathitāṃ purāṇamuninā madhye mahābhāratam |
advaitāmṛtavarṣiṇīṃ bhagavatīṃ aṣṭādaśādhyāyinīṃ
amba tvāṃ anusandadhāmi bhagavadgīte bhavadveṣiṇīm ||
namo'stute vyāsa viśālabuddhe phullāravindāyatapatranetra |
yena tvayā bhārata tailapūrṇaḥ prajvālito jñānamayaḥ pradīpaḥ||
prapannapārijātāya totravetraikapāṇaye |
jñānamudrāya kṛṣṇāya gītāmṛtaduhe namaḥ ||
vasudevasutaṃ devaṃ kaṃsacāṇūramardanam |
devakīparamānandaṃ kṛṣṇaṃ vande jagadgurum ||
bhīṣmadroṇataṭā jayadrathajalā gāndhāranīlotpalā
śalyagrāhavatī kṛpeṇa vahanī karṇena velākulā |
aśvatthāmavikarṇaghoramakarā duryodhanāvartinī
sottīrṇā khalu pāṇḍavai raṇanadī kaivartakaḥ keśavaḥ ||
pārāśaryavacaḥ sarojamamalaṃ gītārthagandhotkaṭaṃ
nānākhyānakakesaraṃ harikathā sambodhanābodhitam |
loke sajjanaṣaṭpadairaharahaḥ pepīyamānaṃ mudā
bhūyādbhāratapaṅkajaṃ kalimalaṃ pradhvaṃsinaḥ śreyase ||
mūkaṃ karoti vācālaṃ paṅguṃ laṅghayate girim |
yatkṛpā tamahaṃ vande paramānandamādhavam ||
śāntākāraṃ bhujagaśayanaṃ padmanābhaṃ sureśaṃ
viśvādhāraṃ gaganasadṛśaṃ meghavarṇaṃ śubhāṅgam |
lakṣmīkāntaṃ kamalanayanaṃ yogihṛddhyānagamyaṃ
vande viṣṇuṃ bhavabhayaharaṃ sarva lokaikanātham ||
yaṃ brahmāvaruṇendrarudramarutaḥ stunvanti divyaiḥ stavaiḥ
vedaiḥ sāṅgapadakramopaniṣadaiḥ gāyanti yaṃ sāmagāḥ |
dhyānāvasthita tadgatena manasā paśyanti yaṃ yoginaḥ
yasyāntaṃ na vidussurāsuragaṇāḥ devāya tasmai namaḥ ||
nārāyaṇaṃ namaskṛtya narañcaiva narottamam |
devīṃ sarasvatīṃ vyāsaṃ tato jayamudīrayet ||
saccidānandarūpāya kṛṣṇāyākliṣṭakāriṇe |
namo vedāntavedyāya gurave buddhisākṣiṇe||
sarvopaniṣado gāvaḥ dogdhā gopālanandanaḥ |
pārtho vatsaḥ sudhīrbhoktā dugdhaṃ gītāmṛtaṃ mahat ||
gītāśāstramidaṃ puṇyaṃ yaḥ paṭhet prayataḥ pumān |
viṣṇoḥ padamavāpnoti bhayaśokādi varjitaḥ ||
ekaṃ śāstraṃ devakīputragītaṃ eko devo devakīputra eva |
eko mantrastasya nāmāni yāni karmāpyekaṃ tasya devasya sevā ||
|| oṃ śrī kṛṣṇāya paramātmane namaḥ ||
Sanskrit — Devanagari (original)
ॐ श्री परमात्मने नमः
अथ गीता ध्यान श्लोकाः
ॐ पार्थाय प्रतिबोधितां भगवता नारायणेन स्वयं
व्यासेन ग्रथितां पुराणमुनिना मध्ये महाभारतम् ।
अद्वैतामृतवर्षिणीं भगवतीं अष्टादशाध्यायिनीं
अम्ब त्वां अनुसन्दधामि भगवद्गीते भवद्वेषिणीम् ॥
नमोऽस्तुते व्यास विशालबुद्धे फुल्लारविन्दायतपत्रनेत्र ।
येन त्वया भारत तैलपूर्णः प्रज्वालितो ज्ञानमयः प्रदीपः॥
प्रपन्नपारिजाताय तोत्रवेत्रैकपाणये ।
ज्ञानमुद्राय कृष्णाय गीतामृतदुहे नमः ॥
वसुदेवसुतं देवं कंसचाणूरमर्दनम् ।
देवकीपरमानन्दं कृष्णं वन्दे जगद्गुरुम् ॥
भीष्मद्रोणतटा जयद्रथजला गान्धारनीलोत्पला
शल्यग्राहवती कृपेण वहनी कर्णेन वेलाकुला ।
अश्वत्थामविकर्णघोरमकरा दुर्योधनावर्तिनी
सोत्तीर्णा खलु पाण्डवै रणनदी कैवर्तकः केशवः ॥
पाराशर्यवचः सरोजममलं गीतार्थगन्धोत्कटं
नानाख्यानककेसरं हरिकथा सम्बोधनाबोधितम् ।
लोके सज्जनषट्पदैरहरहः पेपीयमानं मुदा
भूयाद्भारतपङ्कजं कलिमलं प्रध्वंसिनः श्रेयसे ॥
मूकं करोति वाचालं पङ्गुं लङ्घयते गिरिम् ।
यत्कृपा तमहं वन्दे परमानन्दमाधवम् ॥
शान्ताकारं भुजगशयनं पद्मनाभं सुरेशं
विश्वाधारं गगनसदृशं मेघवर्णं शुभाङ्गम् ।
लक्ष्मीकान्तं कमलनयनं योगिहृद्ध्यानगम्यं
वन्दे विष्णुं भवभयहरं सर्व लोकैकनाथम् ॥
यं ब्रह्मावरुणेन्द्ररुद्रमरुतः स्तुन्वन्ति दिव्यैः स्तवैः
वेदैः साङ्गपदक्रमोपनिषदैः गायन्ति यं सामगाः ।
ध्यानावस्थित तद्गतेन मनसा पश्यन्ति यं योगिनः
यस्यान्तं न विदुस्सुरासुरगणाः देवाय तस्मै नमः ॥
नारायणं नमस्कृत्य नरञ्चैव नरोत्तमम् ।
देवीं सरस्वतीं व्यासं ततो जयमुदीरयेत् ॥
सच्चिदानन्दरूपाय कृष्णायाक्लिष्टकारिणे ।
नमो वेदान्तवेद्याय गुरवे बुद्धिसाक्षिणे॥
सर्वोपनिषदो गावः दोग्धा गोपालनन्दनः ।
पार्थो वत्सः सुधीर्भोक्ता दुग्धं गीतामृतं महत् ॥
गीताशास्त्रमिदं पुण्यं यः पठेत् प्रयतः पुमान् ।
विष्णोः पदमवाप्नोति भयशोकादि वर्जितः ॥
एकं शास्त्रं देवकीपुत्रगीतं एको देवो देवकीपुत्र एव ।
एको मन्त्रस्तस्य नामानि यानि कर्माप्येकं तस्य देवस्य सेवा ॥
॥ ॐ श्री कृष्णाय परमात्मने नमः ॥
oṃ śrī paramātmane namaḥ
atha gītā dhyāna ślokāḥ
oṃ pārthāya pratibodhitāṃ bhagavatā nārāyaṇena svayaṃ
vyāsena grathitāṃ purāṇamuninā madhye mahābhāratam |
advaitāmṛtavarṣiṇīṃ bhagavatīṃ aṣṭādaśādhyāyinīṃ
amba tvāṃ anusandadhāmi bhagavadgīte bhavadveṣiṇīm ||
namo'stute vyāsa viśālabuddhe phullāravindāyatapatranetra |
yena tvayā bhārata tailapūrṇaḥ prajvālito jñānamayaḥ pradīpaḥ||
prapannapārijātāya totravetraikapāṇaye |
jñānamudrāya kṛṣṇāya gītāmṛtaduhe namaḥ ||
vasudevasutaṃ devaṃ kaṃsacāṇūramardanam |
devakīparamānandaṃ kṛṣṇaṃ vande jagadgurum ||
bhīṣmadroṇataṭā jayadrathajalā gāndhāranīlotpalā
śalyagrāhavatī kṛpeṇa vahanī karṇena velākulā |
aśvatthāmavikarṇaghoramakarā duryodhanāvartinī
sottīrṇā khalu pāṇḍavai raṇanadī kaivartakaḥ keśavaḥ ||
pārāśaryavacaḥ sarojamamalaṃ gītārthagandhotkaṭaṃ
nānākhyānakakesaraṃ harikathā sambodhanābodhitam |
loke sajjanaṣaṭpadairaharahaḥ pepīyamānaṃ mudā
bhūyādbhāratapaṅkajaṃ kalimalaṃ pradhvaṃsinaḥ śreyase ||
mūkaṃ karoti vācālaṃ paṅguṃ laṅghayate girim |
yatkṛpā tamahaṃ vande paramānandamādhavam ||
śāntākāraṃ bhujagaśayanaṃ padmanābhaṃ sureśaṃ
viśvādhāraṃ gaganasadṛśaṃ meghavarṇaṃ śubhāṅgam |
lakṣmīkāntaṃ kamalanayanaṃ yogihṛddhyānagamyaṃ
vande viṣṇuṃ bhavabhayaharaṃ sarva lokaikanātham ||
yaṃ brahmāvaruṇendrarudramarutaḥ stunvanti divyaiḥ stavaiḥ
vedaiḥ sāṅgapadakramopaniṣadaiḥ gāyanti yaṃ sāmagāḥ |
dhyānāvasthita tadgatena manasā paśyanti yaṃ yoginaḥ
yasyāntaṃ na vidussurāsuragaṇāḥ devāya tasmai namaḥ ||
nārāyaṇaṃ namaskṛtya narañcaiva narottamam |
devīṃ sarasvatīṃ vyāsaṃ tato jayamudīrayet ||
saccidānandarūpāya kṛṣṇāyākliṣṭakāriṇe |
namo vedāntavedyāya gurave buddhisākṣiṇe||
sarvopaniṣado gāvaḥ dogdhā gopālanandanaḥ |
pārtho vatsaḥ sudhīrbhoktā dugdhaṃ gītāmṛtaṃ mahat ||
gītāśāstramidaṃ puṇyaṃ yaḥ paṭhet prayataḥ pumān |
viṣṇoḥ padamavāpnoti bhayaśokādi varjitaḥ ||
ekaṃ śāstraṃ devakīputragītaṃ eko devo devakīputra eva |
eko mantrastasya nāmāni yāni karmāpyekaṃ tasya devasya sevā ||
|| oṃ śrī kṛṣṇāya paramātmane namaḥ ||
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.