Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
ওঁ শ্রী পরমাত্মনে নমঃ
oṃ śrī paramātmane namaḥ
অথ গীতা ধ্যান শ্লোকাঃ
atha gītā dhyāna ślokāḥ
ওঁ পার্থায প্রতিবোধিতাং ভগবতা নারাযণেন স্বযং
oṃ pārthāya pratibodhitāṃ bhagavatā nārāyaṇena svayaṃ
ব্যাসেন গ্রথিতাং পুরাণমুনিনা মধ্যে মহাভারতম্ ।
vyāsena grathitāṃ purāṇamuninā madhye mahābhāratam |
অদ্বৈতামৃতবর্ষিণীং ভগবতীং অষ্টাদশাধ্যাযিনীং
advaitāmṛtavarṣiṇīṃ bhagavatīṃ aṣṭādaśādhyāyinīṃ
অম্ব ত্বাং অনুসন্দধামি ভগবদ্গীতে ভবদ্বেষিণীম্ ॥
amba tvāṃ anusandadhāmi bhagavadgīte bhavadveṣiṇīm ||
নমোঽস্তুতে ব্যাস বিশালবুদ্ধে ফুল্লারবিন্দাযতপত্রনেত্র ।
namo'stute vyāsa viśālabuddhe phullāravindāyatapatranetra |
যেন ত্বযা ভারত তৈলপূর্ণঃ প্রজ্বালিতো জ্ঞানমযঃ প্রদীপঃ॥
yena tvayā bhārata tailapūrṇaḥ prajvālito jñānamayaḥ pradīpaḥ||
প্রপন্নপারিজাতায তোত্রবেত্রৈকপাণযে ।
prapannapārijātāya totravetraikapāṇaye |
জ্ঞানমুদ্রায কৃষ্ণায গীতামৃতদুহে নমঃ ॥
jñānamudrāya kṛṣṇāya gītāmṛtaduhe namaḥ ||
বসুদেবসুতং দেবং কংসচাণূরমর্দনম্ ।
vasudevasutaṃ devaṃ kaṃsacāṇūramardanam |
দেবকীপরমানন্দং কৃষ্ণং বন্দে জগদ্গুরুম্ ॥
devakīparamānandaṃ kṛṣṇaṃ vande jagadgurum ||
ভীষ্মদ্রোণতটা জযদ্রথজলা গান্ধারনীলোত্পলা
bhīṣmadroṇataṭā jayadrathajalā gāndhāranīlotpalā
শল্যগ্রাহবতী কৃপেণ বহনী কর্ণেন বেলাকুলা ।
śalyagrāhavatī kṛpeṇa vahanī karṇena velākulā |
অশ্বত্থামবিকর্ণঘোরমকরা দুর্যোধনাবর্তিনী
aśvatthāmavikarṇaghoramakarā duryodhanāvartinī
সোত্তীর্ণা খলু পাণ্ডবৈ রণনদী কৈবর্তকঃ কেশবঃ ॥
sottīrṇā khalu pāṇḍavai raṇanadī kaivartakaḥ keśavaḥ ||
পারাশর্যবচঃ সরোজমমলং গীতার্থগন্ধোত্কটং
pārāśaryavacaḥ sarojamamalaṃ gītārthagandhotkaṭaṃ
নানাখ্যানককেসরং হরিকথা সম্বোধনাবোধিতম্ ।
nānākhyānakakesaraṃ harikathā sambodhanābodhitam |
লোকে সজ্জনষট্পদৈরহরহঃ পেপীযমানং মুদা
loke sajjanaṣaṭpadairaharahaḥ pepīyamānaṃ mudā
ভূযাদ্ভারতপঙ্কজং কলিমলং প্রধ্বংসিনঃ শ্রেযসে ॥
bhūyādbhāratapaṅkajaṃ kalimalaṃ pradhvaṃsinaḥ śreyase ||
মূকং করোতি বাচালং পঙ্গুং লঙ্ঘযতে গিরিম্ ।
mūkaṃ karoti vācālaṃ paṅguṃ laṅghayate girim |
যত্কৃপা তমহং বন্দে পরমানন্দমাধবম্ ॥
yatkṛpā tamahaṃ vande paramānandamādhavam ||
শান্তাকারং ভুজগশযনং পদ্মনাভং সুরেশং
śāntākāraṃ bhujagaśayanaṃ padmanābhaṃ sureśaṃ
বিশ্বাধারং গগনসদৃশং মেঘবর্ণং শুভাঙ্গম্ ।
viśvādhāraṃ gaganasadṛśaṃ meghavarṇaṃ śubhāṅgam |
লক্ষ্মীকান্তং কমলনযনং যোগিহৃদ্ধ্যানগম্যং
lakṣmīkāntaṃ kamalanayanaṃ yogihṛddhyānagamyaṃ
বন্দে বিষ্ণুং ভবভযহরং সর্ব লোকৈকনাথম্ ॥
vande viṣṇuṃ bhavabhayaharaṃ sarva lokaikanātham ||
যং ব্রহ্মাবরুণেন্দ্ররুদ্রমরুতঃ স্তুন্বন্তি দিব্যৈঃ স্তবৈঃ
yaṃ brahmāvaruṇendrarudramarutaḥ stunvanti divyaiḥ stavaiḥ
বেদৈঃ সাঙ্গপদক্রমোপনিষদৈঃ গাযন্তি যং সামগাঃ ।
vedaiḥ sāṅgapadakramopaniṣadaiḥ gāyanti yaṃ sāmagāḥ |
ধ্যানাবস্থিত তদ্গতেন মনসা পশ্যন্তি যং যোগিনঃ
dhyānāvasthita tadgatena manasā paśyanti yaṃ yoginaḥ
যস্যান্তং ন বিদুস্সুরাসুরগণাঃ দেবায তস্মৈ নমঃ ॥
yasyāntaṃ na vidussurāsuragaṇāḥ devāya tasmai namaḥ ||
নারাযণং নমস্কৃত্য নরঞ্চৈব নরোত্তমম্ ।
nārāyaṇaṃ namaskṛtya narañcaiva narottamam |
দেবীং সরস্বতীং ব্যাসং ততো জযমুদীরযেত্ ॥
devīṃ sarasvatīṃ vyāsaṃ tato jayamudīrayet ||
সচ্চিদানন্দরূপায কৃষ্ণাযাক্লিষ্টকারিণে ।
saccidānandarūpāya kṛṣṇāyākliṣṭakāriṇe |
নমো বেদান্তবেদ্যায গুরবে বুদ্ধিসাক্ষিণে॥
namo vedāntavedyāya gurave buddhisākṣiṇe||
সর্বোপনিষদো গাবঃ দোগ্ধা গোপালনন্দনঃ ।
sarvopaniṣado gāvaḥ dogdhā gopālanandanaḥ |
পার্থো বত্সঃ সুধীর্ভোক্তা দুগ্ধং গীতামৃতং মহত্ ॥
pārtho vatsaḥ sudhīrbhoktā dugdhaṃ gītāmṛtaṃ mahat ||
গীতাশাস্ত্রমিদং পুণ্যং যঃ পঠেত্ প্রযতঃ পুমান্ ।
gītāśāstramidaṃ puṇyaṃ yaḥ paṭhet prayataḥ pumān |
বিষ্ণোঃ পদমবাপ্নোতি ভযশোকাদি বর্জিতঃ ॥
viṣṇoḥ padamavāpnoti bhayaśokādi varjitaḥ ||
একং শাস্ত্রং দেবকীপুত্রগীতং একো দেবো দেবকীপুত্র এব ।
ekaṃ śāstraṃ devakīputragītaṃ eko devo devakīputra eva |
একো মন্ত্রস্তস্য নামানি যানি কর্মাপ্যেকং তস্য দেবস্য সেবা ॥
eko mantrastasya nāmāni yāni karmāpyekaṃ tasya devasya sevā ||
॥ ওঁ শ্রী কৃষ্ণায পরমাত্মনে নমঃ ॥
|| oṃ śrī kṛṣṇāya paramātmane namaḥ ||
Sanskrit — Devanagari (original)
ॐ श्री परमात्मने नमः
अथ गीता ध्यान श्लोकाः
ॐ पार्थाय प्रतिबोधितां भगवता नारायणेन स्वयं
व्यासेन ग्रथितां पुराणमुनिना मध्ये महाभारतम् ।
अद्वैतामृतवर्षिणीं भगवतीं अष्टादशाध्यायिनीं
अम्ब त्वां अनुसन्दधामि भगवद्गीते भवद्वेषिणीम् ॥
नमोऽस्तुते व्यास विशालबुद्धे फुल्लारविन्दायतपत्रनेत्र ।
येन त्वया भारत तैलपूर्णः प्रज्वालितो ज्ञानमयः प्रदीपः॥
प्रपन्नपारिजाताय तोत्रवेत्रैकपाणये ।
ज्ञानमुद्राय कृष्णाय गीतामृतदुहे नमः ॥
वसुदेवसुतं देवं कंसचाणूरमर्दनम् ।
देवकीपरमानन्दं कृष्णं वन्दे जगद्गुरुम् ॥
भीष्मद्रोणतटा जयद्रथजला गान्धारनीलोत्पला
शल्यग्राहवती कृपेण वहनी कर्णेन वेलाकुला ।
अश्वत्थामविकर्णघोरमकरा दुर्योधनावर्तिनी
सोत्तीर्णा खलु पाण्डवै रणनदी कैवर्तकः केशवः ॥
पाराशर्यवचः सरोजममलं गीतार्थगन्धोत्कटं
नानाख्यानककेसरं हरिकथा सम्बोधनाबोधितम् ।
लोके सज्जनषट्पदैरहरहः पेपीयमानं मुदा
भूयाद्भारतपङ्कजं कलिमलं प्रध्वंसिनः श्रेयसे ॥
मूकं करोति वाचालं पङ्गुं लङ्घयते गिरिम् ।
यत्कृपा तमहं वन्दे परमानन्दमाधवम् ॥
शान्ताकारं भुजगशयनं पद्मनाभं सुरेशं
विश्वाधारं गगनसदृशं मेघवर्णं शुभाङ्गम् ।
लक्ष्मीकान्तं कमलनयनं योगिहृद्ध्यानगम्यं
वन्दे विष्णुं भवभयहरं सर्व लोकैकनाथम् ॥
यं ब्रह्मावरुणेन्द्ररुद्रमरुतः स्तुन्वन्ति दिव्यैः स्तवैः
वेदैः साङ्गपदक्रमोपनिषदैः गायन्ति यं सामगाः ।
ध्यानावस्थित तद्गतेन मनसा पश्यन्ति यं योगिनः
यस्यान्तं न विदुस्सुरासुरगणाः देवाय तस्मै नमः ॥
नारायणं नमस्कृत्य नरञ्चैव नरोत्तमम् ।
देवीं सरस्वतीं व्यासं ततो जयमुदीरयेत् ॥
सच्चिदानन्दरूपाय कृष्णायाक्लिष्टकारिणे ।
नमो वेदान्तवेद्याय गुरवे बुद्धिसाक्षिणे॥
सर्वोपनिषदो गावः दोग्धा गोपालनन्दनः ।
पार्थो वत्सः सुधीर्भोक्ता दुग्धं गीतामृतं महत् ॥
गीताशास्त्रमिदं पुण्यं यः पठेत् प्रयतः पुमान् ।
विष्णोः पदमवाप्नोति भयशोकादि वर्जितः ॥
एकं शास्त्रं देवकीपुत्रगीतं एको देवो देवकीपुत्र एव ।
एको मन्त्रस्तस्य नामानि यानि कर्माप्येकं तस्य देवस्य सेवा ॥
॥ ॐ श्री कृष्णाय परमात्मने नमः ॥
🕉️ This is the original Sanskrit rendered in Bengali script. Pronunciation is identical to the Sanskrit Devanagari version.
It is a transliteration, not a translation — see “Meaning” for translations where available.