Meaning —
⏳ The meaning of this text is being prepared (AI translation with an accuracy check). This usually takes a few minutes — this page will refresh when it is ready.
The meaning is ready. Show it.
The meaning could not be prepared right now.
A translation in is not yet available for this text.
The original text and transliteration are shown below.
श्रीकृष्ण प्रार्थना
śrīkṛṣṇa prārthanā
मूकं करोति वाचालं पङ्गु लङ्घयते गिरिम्।
mūkaṃ karoti vācālaṃ paṅgu laṅghayate girim|
यत्कृपा तमहं वन्दे परमानन्द माधवम्॥
yatkṛpā tamahaṃ vande paramānanda mādhavam||
नाहं वसामि वैकुण्ठे योगिनां हृदये न च।
nāhaṃ vasāmi vaikuṇṭhe yogināṃ hṛdaye na ca|
मद्भक्ता यत्र गायन्ति तत्र तिष्ठामि नारद॥
madbhaktā yatra gāyanti tatra tiṣṭhāmi nārada||
अथ श्री कृष्ण कृपा कटाक्ष स्तोत्र ॥
atha śrī kṛṣṇa kṛpā kaṭākṣa stotra ||
भजे व्रजैकमण्डनं समस्तपापखण्डनं
bhaje vrajaikamaṇḍanaṃ samastapāpakhaṇḍanaṃ
स्वभक्तचित्तरञ्जनं सदैव नन्दनन्दनम् ।
svabhaktacittarañjanaṃ sadaiva nandanandanam |
सुपिच्छगुच्छमस्तकं सुनादवेणुहस्तकं
supicchagucchamastakaṃ sunādaveṇuhastakaṃ
अनङ्गरङ्गसागरं नमामि कृष्णनागरम् ॥
anaṅgaraṅgasāgaraṃ namāmi kṛṣṇanāgaram ||
मनोजगर्वमोचनं विशाललोललोचनं
manojagarvamocanaṃ viśālalolalocanaṃ
विधूतगोपशोचनं नमामि पद्मलोचनम् ।
vidhūtagopaśocanaṃ namāmi padmalocanam |
करारविन्दभूधरं स्मितावलोकसुन्दरं
karāravindabhūdharaṃ smitāvalokasundaraṃ
महेन्द्रमानदारणं नमामि कृष्ण वारणम् ॥
mahendramānadāraṇaṃ namāmi kṛṣṇa vāraṇam ||
कदम्बसूनकुण्डलं सुचारुगण्डमण्डलं
kadambasūnakuṇḍalaṃ sucārugaṇḍamaṇḍalaṃ
व्रजाङ्गनैकवल्लभं नमामि कृष्णदुर्लभम् ।
vrajāṅganaikavallabhaṃ namāmi kṛṣṇadurlabham |
यशोदया समोदया सगोपया सनन्दया
yaśodayā samodayā sagopayā sanandayā
युतं सुखैकदायकं नमामि गोपनायकम् ॥
yutaṃ sukhaikadāyakaṃ namāmi gopanāyakam ||
सदैव पादपङ्कजं मदीय मानसे निजं
sadaiva pādapaṅkajaṃ madīya mānase nijaṃ
दधानमुक्तमालकं नमामि नन्दबालकम् ।
dadhānamuktamālakaṃ namāmi nandabālakam |
समस्तदोषशोषणं समस्तलोकपोषणं
samastadoṣaśoṣaṇaṃ samastalokapoṣaṇaṃ
समस्तगोपमानसं नमामि नन्दलालसम् ॥
samastagopamānasaṃ namāmi nandalālasam ||
भुवो भरावतारकं भवाब्धिकर्णधारकं
bhuvo bharāvatārakaṃ bhavābdhikarṇadhārakaṃ
यशोमतीकिशोरकं नमामि चित्तचोरकम् ।
yaśomatīkiśorakaṃ namāmi cittacorakam |
दृगन्तकान्तभङ्गिनं सदा सदालिसङ्गिनं
dṛgantakāntabhaṅginaṃ sadā sadālisaṅginaṃ
दिने-दिने नवं-नवं नमामि नन्दसम्भवम् ॥
dine-dine navaṃ-navaṃ namāmi nandasambhavam ||
गुणाकरं सुखाकरं कृपाकरं कृपापरं
guṇākaraṃ sukhākaraṃ kṛpākaraṃ kṛpāparaṃ
सुरद्विषन्निकन्दनं नमामि गोपनन्दनम् ।
suradviṣannikandanaṃ namāmi gopanandanam |
नवीन गोपनागरं नवीनकेलि-लम्पटं
navīna gopanāgaraṃ navīnakeli-lampaṭaṃ
नमामि मेघसुन्दरं तडित्प्रभालसत्पटम् ॥
namāmi meghasundaraṃ taḍitprabhālasatpaṭam ||
समस्त गोप मोहनं, हृदम्बुजैक मोदनं
samasta gopa mohanaṃ, hṛdambujaika modanaṃ
नमामिकुञ्जमध्यगं प्रसन्न भानुशोभनम् ।
namāmikuñjamadhyagaṃ prasanna bhānuśobhanam |
निकामकामदायकं दृगन्तचारुसायकं
nikāmakāmadāyakaṃ dṛgantacārusāyakaṃ
रसालवेणुगायकं नमामिकुञ्जनायकम् ॥
rasālaveṇugāyakaṃ namāmikuñjanāyakam ||
विदग्ध गोपिकामनो मनोज्ञतल्पशायिनं
vidagdha gopikāmano manojñatalpaśāyinaṃ
नमामि कुञ्जकानने प्रवृद्धवह्निपायिनम् ।
namāmi kuñjakānane pravṛddhavahnipāyinam |
किशोरकान्ति रञ्जितं दृगञ्जनं सुशोभितं
kiśorakānti rañjitaṃ dṛgañjanaṃ suśobhitaṃ
गजेन्द्रमोक्षकारिणं नमामि श्रीविहारिणम् ॥
gajendramokṣakāriṇaṃ namāmi śrīvihāriṇam ||
फलशृति
phalaśṛti
यदा तदा यथा तथा तथैव कृष्णसत्कथा
yadā tadā yathā tathā tathaiva kṛṣṇasatkathā
मया सदैव गीयतां तथा कृपा विधीयताम् ।
mayā sadaiva gīyatāṃ tathā kṛpā vidhīyatām |
प्रमाणिकाष्टकद्वयं जपत्यधीत्य यः पुमान्
pramāṇikāṣṭakadvayaṃ japatyadhītya yaḥ pumān
भवेत्स नन्दनन्दने भवे भवे सुभक्तिमान ॥
bhavetsa nandanandane bhave bhave subhaktimāna ||