Shri Dattatreya Stotram — Kannada Script

Meaning —

ಜಟಾಧರಂ ಪಾಣ್ಡುರಾಙ್ಗಂ ಶೂಲಹಸ್ತಂ ಕೃಪಾನಿಧಿಮ್ ।
ಸರ್ವರೋಗಹರಂ ದೇವಂ ದತ್ತಾತ್ರೇಯಮಹಂ ಭಜೇ ॥ 1 ॥

jaṭādharaṃ pāṇḍurāṅgaṃ śūlahastaṃ kṛpānidhim |
sarvarogaharaṃ devaṃ dattātreyamahaṃ bhaje || 1 ||

ಅಸ್ಯ ಶ್ರೀದತ್ತಾತ್ರೇಯಸ್ತೋತ್ರಮನ್ತ್ರಸ್ಯ ಭಗವಾನ್ನಾರದೃಷಿಃ । ಅನುಷ್ಟುಪ್ ಛನ್ದಃ । ಶ್ರೀದತ್ತಃ ಪರಮಾತ್ಮಾ ದೇವತಾ । ಶ್ರೀದತ್ತಾತ್ರೇಯ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥

asya śrīdattātreyastotramantrasya bhagavānnāradṛṣiḥ | anuṣṭup chandaḥ | śrīdattaḥ paramātmā devatā | śrīdattātreya prītyarthe jape viniyogaḥ ||

ನಾರದ ಉವಾಚ ।

Verse 1

ಜಗದುತ್ಪತ್ತಿಕರ್ತ್ರೇ ಚ ಸ್ಥಿತಿಸಂಹಾರಹೇತವೇ ।
ಭವಪಾಶವಿಮುಕ್ತಾಯ ದತ್ತಾತ್ರೇಯ ನಮೋಽಸ್ತು ತೇ ॥ 1 ॥

jagadutpattikartre ca sthitisaṃhārahetave |
bhavapāśavimuktāya dattātreya namo'stu te || 1 ||

Verse 2

ಜರಾಜನ್ಮವಿನಾಶಾಯ ದೇಹಶುದ್ಧಿಕರಾಯ ಚ ।
ದಿಗಮ್ಬರ ದಯಾಮೂರ್ತೇ ದತ್ತಾತ್ರೇಯ ನಮೋಽಸ್ತು ತೇ ॥ 2 ॥

jarājanmavināśāya dehaśuddhikarāya ca |
digambara dayāmūrte dattātreya namo'stu te || 2 ||

Verse 3

ಕರ್ಪೂರಕಾನ್ತಿದೇಹಾಯ ಬ್ರಹ್ಮಮೂರ್ತಿಧರಾಯ ಚ ।
ವೇದಶಾಸ್ತ್ರಪರಿಜ್ಞಾಯ ದತ್ತಾತ್ರೇಯ ನಮೋಽಸ್ತು ತೇ ॥ 3 ॥

karpūrakāntidehāya brahmamūrtidharāya ca |
vedaśāstraparijñāya dattātreya namo'stu te || 3 ||

Verse 4

ಹ್ರಸ್ವದೀರ್ಘಕೃಶಸ್ಥೂಲನಾಮಗೋತ್ರವಿವರ್ಜಿತ ।
ಪಞ್ಚಭೂತೈಕದೀಪ್ತಾಯ ದತ್ತಾತ್ರೇಯ ನಮೋಽಸ್ತು ತೇ ॥ 4 ॥

hrasvadīrghakṛśasthūlanāmagotravivarjita |
pañcabhūtaikadīptāya dattātreya namo'stu te || 4 ||

Verse 5

ಯಜ್ಞಭೋಕ್ತೇ ಚ ಯಜ್ಞಾಯ ಯಜ್ಞರೂಪಧರಾಯ ಚ ।
ಯಜ್ಞಪ್ರಿಯಾಯ ಸಿದ್ಧಾಯ ದತ್ತಾತ್ರೇಯ ನಮೋಽಸ್ತು ತೇ ॥ 5 ॥

yajñabhokte ca yajñāya yajñarūpadharāya ca |
yajñapriyāya siddhāya dattātreya namo'stu te || 5 ||

Verse 6

ಆದೌ ಬ್ರಹ್ಮಾ ಹರಿರ್ಮಧ್ಯೇ ಹ್ಯನ್ತೇ ದೇವಸ್ಸದಾಶಿವಃ ।
ಮೂರ್ತಿತ್ರಯಸ್ವರೂಪಾಯ ದತ್ತಾತ್ರೇಯ ನಮೋಽಸ್ತು ತೇ ॥ 6 ॥

ādau brahmā harirmadhye hyante devassadāśivaḥ |
mūrtitrayasvarūpāya dattātreya namo'stu te || 6 ||

Verse 7

ಭೋಗಾಲಯಾಯ ಭೋಗಾಯ ಯೋಗಯೋಗ್ಯಾಯ ಧಾರಿಣೇ ।
ಜಿತೇನ್ದ್ರಿಯ ಜಿತಜ್ಞಾಯ ದತ್ತಾತ್ರೇಯ ನಮೋಽಸ್ತು ತೇ ॥ 7 ॥

bhogālayāya bhogāya yogayogyāya dhāriṇe |
jitendriya jitajñāya dattātreya namo'stu te || 7 ||

Verse 8

ದಿಗಮ್ಬರಾಯ ದಿವ್ಯಾಯ ದಿವ್ಯರೂಪಧರಾಯ ಚ ।
ಸದೋದಿತಪರಬ್ರಹ್ಮ ದತ್ತಾತ್ರೇಯ ನಮೋಽಸ್ತು ತೇ ॥ 8 ॥

digambarāya divyāya divyarūpadharāya ca |
sadoditaparabrahma dattātreya namo'stu te || 8 ||

Verse 9

ಜಮ್ಬೂದ್ವೀಪೇ ಮಹಾಕ್ಷೇತ್ರೇ ಮಾತಾಪುರನಿವಾಸಿನೇ ।
ಜಯಮಾನ ಸತಾಂ ದೇವ ದತ್ತಾತ್ರೇಯ ನಮೋಽಸ್ತು ತೇ ॥ 9 ॥

jambūdvīpe mahākṣetre mātāpuranivāsine |
jayamāna satāṃ deva dattātreya namo'stu te || 9 ||

Verse 10

ಭಿಕ್ಷಾಟನಂ ಗೃಹೇ ಗ್ರಾಮೇ ಪಾತ್ರಂ ಹೇಮಮಯಂ ಕರೇ ।
ನಾನಾಸ್ವಾದಮಯೀ ಭಿಕ್ಷಾ ದತ್ತಾತ್ರೇಯ ನಮೋಽಸ್ತು ತೇ ॥ 10 ॥

bhikṣāṭanaṃ gṛhe grāme pātraṃ hemamayaṃ kare |
nānāsvādamayī bhikṣā dattātreya namo'stu te || 10 ||

Verse 11

ಬ್ರಹ್ಮಜ್ಞಾನಮಯೀ ಮುದ್ರಾ ವಸ್ತ್ರೇ ಚಾಕಾಶಭೂತಲೇ ।
ಪ್ರಜ್ಞಾನಘನಬೋಧಾಯ ದತ್ತಾತ್ರೇಯ ನಮೋಽಸ್ತು ತೇ ॥ 11 ॥

brahmajñānamayī mudrā vastre cākāśabhūtale |
prajñānaghanabodhāya dattātreya namo'stu te || 11 ||

Verse 12

ಅವಧೂತ ಸದಾನನ್ದ ಪರಬ್ರಹ್ಮಸ್ವರೂಪಿಣೇ ।
ವಿದೇಹದೇಹರೂಪಾಯ ದತ್ತಾತ್ರೇಯ ನಮೋಽಸ್ತು ತೇ ॥ 12 ॥

avadhūta sadānanda parabrahmasvarūpiṇe |
videhadeharūpāya dattātreya namo'stu te || 12 ||

Verse 13

ಸತ್ಯರೂಪ ಸದಾಚಾರ ಸತ್ಯಧರ್ಮಪರಾಯಣ ।
ಸತ್ಯಾಶ್ರಯಪರೋಕ್ಷಾಯ ದತ್ತಾತ್ರೇಯ ನಮೋಽಸ್ತು ತೇ ॥ 13 ॥

satyarūpa sadācāra satyadharmaparāyaṇa |
satyāśrayaparokṣāya dattātreya namo'stu te || 13 ||

Verse 14

ಶೂಲಹಸ್ತಗದಾಪಾಣೇ ವನಮಾಲಾಸುಕನ್ಧರ ।
ಯಜ್ಞಸೂತ್ರಧರ ಬ್ರಹ್ಮನ್ ದತ್ತಾತ್ರೇಯ ನಮೋಽಸ್ತು ತೇ ॥ 14 ॥

śūlahastagadāpāṇe vanamālāsukandhara |
yajñasūtradhara brahman dattātreya namo'stu te || 14 ||

Verse 15

ಕ್ಷರಾಕ್ಷರಸ್ವರೂಪಾಯ ಪರಾತ್ಪರತರಾಯ ಚ ।
ದತ್ತಮುಕ್ತಿಪರಸ್ತೋತ್ರ ದತ್ತಾತ್ರೇಯ ನಮೋಽಸ್ತು ತೇ ॥ 15 ॥

kṣarākṣarasvarūpāya parātparatarāya ca |
dattamuktiparastotra dattātreya namo'stu te || 15 ||

Verse 16

ದತ್ತ ವಿದ್ಯಾಢ್ಯ ಲಕ್ಷ್ಮೀಶ ದತ್ತ ಸ್ವಾತ್ಮಸ್ವರೂಪಿಣೇ ।
ಗುಣನಿರ್ಗುಣರೂಪಾಯ ದತ್ತಾತ್ರೇಯ ನಮೋಽಸ್ತು ತೇ ॥ 16 ॥

datta vidyāḍhya lakṣmīśa datta svātmasvarūpiṇe |
guṇanirguṇarūpāya dattātreya namo'stu te || 16 ||

Verse 17

ಶತ್ರುನಾಶಕರಂ ಸ್ತೋತ್ರಂ ಜ್ಞಾನವಿಜ್ಞಾನದಾಯಕಮ್ ।
ಸರ್ವಪಾಪಂ ಶಮಂ ಯಾತಿ ದತ್ತಾತ್ರೇಯ ನಮೋಽಸ್ತು ತೇ ॥ 17 ॥

śatrunāśakaraṃ stotraṃ jñānavijñānadāyakam |
sarvapāpaṃ śamaṃ yāti dattātreya namo'stu te || 17 ||

Verse 18

ಇದಂ ಸ್ತೋತ್ರಂ ಮಹದ್ದಿವ್ಯಂ ದತ್ತಪ್ರತ್ಯಕ್ಷಕಾರಕಮ್ ।
ದತ್ತಾತ್ರೇಯಪ್ರಸಾದಾಚ್ಚ ನಾರದೇನ ಪ್ರಕೀರ್ತಿತಮ್ ॥ 18 ॥

idaṃ stotraṃ mahaddivyaṃ dattapratyakṣakārakam |
dattātreyaprasādācca nāradena prakīrtitam || 18 ||

ಇತಿ ಶ್ರೀನಾರದಪುರಾಣೇ ನಾರದವಿರಚಿತಂ ಶ್ರೀ ದತ್ತಾತ್ರೇಯ ಸ್ತೋತ್ರಮ್ ।

Sanskrit — Devanagari (original)

जटाधरं पाण्डुराङ्गं शूलहस्तं कृपानिधिम् ।

सर्वरोगहरं देवं दत्तात्रेयमहं भजे ॥ 1 ॥

अस्य श्रीदत्तात्रेयस्तोत्रमन्त्रस्य भगवान्नारदृषिः । अनुष्टुप् छन्दः । श्रीदत्तः परमात्मा देवता । श्रीदत्तात्रेय प्रीत्यर्थे जपे विनियोगः ॥

नारद उवाच ।

जगदुत्पत्तिकर्त्रे च स्थितिसंहारहेतवे ।

भवपाशविमुक्ताय दत्तात्रेय नमोऽस्तु ते ॥ 1 ॥

जराजन्मविनाशाय देहशुद्धिकराय च ।

दिगम्बर दयामूर्ते दत्तात्रेय नमोऽस्तु ते ॥ 2 ॥

कर्पूरकान्तिदेहाय ब्रह्ममूर्तिधराय च ।

वेदशास्त्रपरिज्ञाय दत्तात्रेय नमोऽस्तु ते ॥ 3 ॥

ह्रस्वदीर्घकृशस्थूलनामगोत्रविवर्जित ।

पञ्चभूतैकदीप्ताय दत्तात्रेय नमोऽस्तु ते ॥ 4 ॥

यज्ञभोक्ते च यज्ञाय यज्ञरूपधराय च ।

यज्ञप्रियाय सिद्धाय दत्तात्रेय नमोऽस्तु ते ॥ 5 ॥

आदौ ब्रह्मा हरिर्मध्ये ह्यन्ते देवस्सदाशिवः ।

मूर्तित्रयस्वरूपाय दत्तात्रेय नमोऽस्तु ते ॥ 6 ॥

भोगालयाय भोगाय योगयोग्याय धारिणे ।

जितेन्द्रिय जितज्ञाय दत्तात्रेय नमोऽस्तु ते ॥ 7 ॥

दिगम्बराय दिव्याय दिव्यरूपधराय च ।

सदोदितपरब्रह्म दत्तात्रेय नमोऽस्तु ते ॥ 8 ॥

जम्बूद्वीपे महाक्षेत्रे मातापुरनिवासिने ।

जयमान सतां देव दत्तात्रेय नमोऽस्तु ते ॥ 9 ॥

भिक्षाटनं गृहे ग्रामे पात्रं हेममयं करे ।

नानास्वादमयी भिक्षा दत्तात्रेय नमोऽस्तु ते ॥ 10 ॥

ब्रह्मज्ञानमयी मुद्रा वस्त्रे चाकाशभूतले ।

प्रज्ञानघनबोधाय दत्तात्रेय नमोऽस्तु ते ॥ 11 ॥

अवधूत सदानन्द परब्रह्मस्वरूपिणे ।

विदेहदेहरूपाय दत्तात्रेय नमोऽस्तु ते ॥ 12 ॥

सत्यरूप सदाचार सत्यधर्मपरायण ।

सत्याश्रयपरोक्षाय दत्तात्रेय नमोऽस्तु ते ॥ 13 ॥

शूलहस्तगदापाणे वनमालासुकन्धर ।

यज्ञसूत्रधर ब्रह्मन् दत्तात्रेय नमोऽस्तु ते ॥ 14 ॥

क्षराक्षरस्वरूपाय परात्परतराय च ।

दत्तमुक्तिपरस्तोत्र दत्तात्रेय नमोऽस्तु ते ॥ 15 ॥

दत्त विद्याढ्य लक्ष्मीश दत्त स्वात्मस्वरूपिणे ।

गुणनिर्गुणरूपाय दत्तात्रेय नमोऽस्तु ते ॥ 16 ॥

शत्रुनाशकरं स्तोत्रं ज्ञानविज्ञानदायकम् ।

सर्वपापं शमं याति दत्तात्रेय नमोऽस्तु ते ॥ 17 ॥

इदं स्तोत्रं महद्दिव्यं दत्तप्रत्यक्षकारकम् ।

दत्तात्रेयप्रसादाच्च नारदेन प्रकीर्तितम् ॥ 18 ॥

इति श्रीनारदपुराणे नारदविरचितं श्री दत्तात्रेय स्तोत्रम् ।

🕉️ This is the original Sanskrit rendered in Kannada script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ಶ್ರಿ ದತ್ತಾತ್ರೇಯ ಸ್ತೋತ್ರಮ್