Shri Dattatreya Stotram — Telugu Script

Meaning —

జటాధరం పాణ్డురాఙ్గం శూలహస్తం కృపానిధిమ్ ।
సర్వరోగహరం దేవం దత్తాత్రేయమహం భజే ॥ 1 ॥

jaṭādharaṃ pāṇḍurāṅgaṃ śūlahastaṃ kṛpānidhim |
sarvarogaharaṃ devaṃ dattātreyamahaṃ bhaje || 1 ||

అస్య శ్రీదత్తాత్రేయస్తోత్రమన్త్రస్య భగవాన్నారదృషిః । అనుష్టుప్ ఛన్దః । శ్రీదత్తః పరమాత్మా దేవతా । శ్రీదత్తాత్రేయ ప్రీత్యర్థే జపే వినియోగః ॥

asya śrīdattātreyastotramantrasya bhagavānnāradṛṣiḥ | anuṣṭup chandaḥ | śrīdattaḥ paramātmā devatā | śrīdattātreya prītyarthe jape viniyogaḥ ||

నారద ఉవాచ ।

Verse 1

జగదుత్పత్తికర్త్రే చ స్థితిసంహారహేతవే ।
భవపాశవిముక్తాయ దత్తాత్రేయ నమోఽస్తు తే ॥ 1 ॥

jagadutpattikartre ca sthitisaṃhārahetave |
bhavapāśavimuktāya dattātreya namo'stu te || 1 ||

Verse 2

జరాజన్మవినాశాయ దేహశుద్ధికరాయ చ ।
దిగమ్బర దయామూర్తే దత్తాత్రేయ నమోఽస్తు తే ॥ 2 ॥

jarājanmavināśāya dehaśuddhikarāya ca |
digambara dayāmūrte dattātreya namo'stu te || 2 ||

Verse 3

కర్పూరకాన్తిదేహాయ బ్రహ్మమూర్తిధరాయ చ ।
వేదశాస్త్రపరిజ్ఞాయ దత్తాత్రేయ నమోఽస్తు తే ॥ 3 ॥

karpūrakāntidehāya brahmamūrtidharāya ca |
vedaśāstraparijñāya dattātreya namo'stu te || 3 ||

Verse 4

హ్రస్వదీర్ఘకృశస్థూలనామగోత్రవివర్జిత ।
పఞ్చభూతైకదీప్తాయ దత్తాత్రేయ నమోఽస్తు తే ॥ 4 ॥

hrasvadīrghakṛśasthūlanāmagotravivarjita |
pañcabhūtaikadīptāya dattātreya namo'stu te || 4 ||

Verse 5

యజ్ఞభోక్తే చ యజ్ఞాయ యజ్ఞరూపధరాయ చ ।
యజ్ఞప్రియాయ సిద్ధాయ దత్తాత్రేయ నమోఽస్తు తే ॥ 5 ॥

yajñabhokte ca yajñāya yajñarūpadharāya ca |
yajñapriyāya siddhāya dattātreya namo'stu te || 5 ||

Verse 6

ఆదౌ బ్రహ్మా హరిర్మధ్యే హ్యన్తే దేవస్సదాశివః ।
మూర్తిత్రయస్వరూపాయ దత్తాత్రేయ నమోఽస్తు తే ॥ 6 ॥

ādau brahmā harirmadhye hyante devassadāśivaḥ |
mūrtitrayasvarūpāya dattātreya namo'stu te || 6 ||

Verse 7

భోగాలయాయ భోగాయ యోగయోగ్యాయ ధారిణే ।
జితేన్ద్రియ జితజ్ఞాయ దత్తాత్రేయ నమోఽస్తు తే ॥ 7 ॥

bhogālayāya bhogāya yogayogyāya dhāriṇe |
jitendriya jitajñāya dattātreya namo'stu te || 7 ||

Verse 8

దిగమ్బరాయ దివ్యాయ దివ్యరూపధరాయ చ ।
సదోదితపరబ్రహ్మ దత్తాత్రేయ నమోఽస్తు తే ॥ 8 ॥

digambarāya divyāya divyarūpadharāya ca |
sadoditaparabrahma dattātreya namo'stu te || 8 ||

Verse 9

జమ్బూద్వీపే మహాక్షేత్రే మాతాపురనివాసినే ।
జయమాన సతాం దేవ దత్తాత్రేయ నమోఽస్తు తే ॥ 9 ॥

jambūdvīpe mahākṣetre mātāpuranivāsine |
jayamāna satāṃ deva dattātreya namo'stu te || 9 ||

Verse 10

భిక్షాటనం గృహే గ్రామే పాత్రం హేమమయం కరే ।
నానాస్వాదమయీ భిక్షా దత్తాత్రేయ నమోఽస్తు తే ॥ 10 ॥

bhikṣāṭanaṃ gṛhe grāme pātraṃ hemamayaṃ kare |
nānāsvādamayī bhikṣā dattātreya namo'stu te || 10 ||

Verse 11

బ్రహ్మజ్ఞానమయీ ముద్రా వస్త్రే చాకాశభూతలే ।
ప్రజ్ఞానఘనబోధాయ దత్తాత్రేయ నమోఽస్తు తే ॥ 11 ॥

brahmajñānamayī mudrā vastre cākāśabhūtale |
prajñānaghanabodhāya dattātreya namo'stu te || 11 ||

Verse 12

అవధూత సదానన్ద పరబ్రహ్మస్వరూపిణే ।
విదేహదేహరూపాయ దత్తాత్రేయ నమోఽస్తు తే ॥ 12 ॥

avadhūta sadānanda parabrahmasvarūpiṇe |
videhadeharūpāya dattātreya namo'stu te || 12 ||

Verse 13

సత్యరూప సదాచార సత్యధర్మపరాయణ ।
సత్యాశ్రయపరోక్షాయ దత్తాత్రేయ నమోఽస్తు తే ॥ 13 ॥

satyarūpa sadācāra satyadharmaparāyaṇa |
satyāśrayaparokṣāya dattātreya namo'stu te || 13 ||

Verse 14

శూలహస్తగదాపాణే వనమాలాసుకన్ధర ।
యజ్ఞసూత్రధర బ్రహ్మన్ దత్తాత్రేయ నమోఽస్తు తే ॥ 14 ॥

śūlahastagadāpāṇe vanamālāsukandhara |
yajñasūtradhara brahman dattātreya namo'stu te || 14 ||

Verse 15

క్షరాక్షరస్వరూపాయ పరాత్పరతరాయ చ ।
దత్తముక్తిపరస్తోత్ర దత్తాత్రేయ నమోఽస్తు తే ॥ 15 ॥

kṣarākṣarasvarūpāya parātparatarāya ca |
dattamuktiparastotra dattātreya namo'stu te || 15 ||

Verse 16

దత్త విద్యాఢ్య లక్ష్మీశ దత్త స్వాత్మస్వరూపిణే ।
గుణనిర్గుణరూపాయ దత్తాత్రేయ నమోఽస్తు తే ॥ 16 ॥

datta vidyāḍhya lakṣmīśa datta svātmasvarūpiṇe |
guṇanirguṇarūpāya dattātreya namo'stu te || 16 ||

Verse 17

శత్రునాశకరం స్తోత్రం జ్ఞానవిజ్ఞానదాయకమ్ ।
సర్వపాపం శమం యాతి దత్తాత్రేయ నమోఽస్తు తే ॥ 17 ॥

śatrunāśakaraṃ stotraṃ jñānavijñānadāyakam |
sarvapāpaṃ śamaṃ yāti dattātreya namo'stu te || 17 ||

Verse 18

ఇదం స్తోత్రం మహద్దివ్యం దత్తప్రత్యక్షకారకమ్ ।
దత్తాత్రేయప్రసాదాచ్చ నారదేన ప్రకీర్తితమ్ ॥ 18 ॥

idaṃ stotraṃ mahaddivyaṃ dattapratyakṣakārakam |
dattātreyaprasādācca nāradena prakīrtitam || 18 ||

ఇతి శ్రీనారదపురాణే నారదవిరచితం శ్రీ దత్తాత్రేయ స్తోత్రమ్ ।

Sanskrit — Devanagari (original)

जटाधरं पाण्डुराङ्गं शूलहस्तं कृपानिधिम् ।

सर्वरोगहरं देवं दत्तात्रेयमहं भजे ॥ 1 ॥

अस्य श्रीदत्तात्रेयस्तोत्रमन्त्रस्य भगवान्नारदृषिः । अनुष्टुप् छन्दः । श्रीदत्तः परमात्मा देवता । श्रीदत्तात्रेय प्रीत्यर्थे जपे विनियोगः ॥

नारद उवाच ।

जगदुत्पत्तिकर्त्रे च स्थितिसंहारहेतवे ।

भवपाशविमुक्ताय दत्तात्रेय नमोऽस्तु ते ॥ 1 ॥

जराजन्मविनाशाय देहशुद्धिकराय च ।

दिगम्बर दयामूर्ते दत्तात्रेय नमोऽस्तु ते ॥ 2 ॥

कर्पूरकान्तिदेहाय ब्रह्ममूर्तिधराय च ।

वेदशास्त्रपरिज्ञाय दत्तात्रेय नमोऽस्तु ते ॥ 3 ॥

ह्रस्वदीर्घकृशस्थूलनामगोत्रविवर्जित ।

पञ्चभूतैकदीप्ताय दत्तात्रेय नमोऽस्तु ते ॥ 4 ॥

यज्ञभोक्ते च यज्ञाय यज्ञरूपधराय च ।

यज्ञप्रियाय सिद्धाय दत्तात्रेय नमोऽस्तु ते ॥ 5 ॥

आदौ ब्रह्मा हरिर्मध्ये ह्यन्ते देवस्सदाशिवः ।

मूर्तित्रयस्वरूपाय दत्तात्रेय नमोऽस्तु ते ॥ 6 ॥

भोगालयाय भोगाय योगयोग्याय धारिणे ।

जितेन्द्रिय जितज्ञाय दत्तात्रेय नमोऽस्तु ते ॥ 7 ॥

दिगम्बराय दिव्याय दिव्यरूपधराय च ।

सदोदितपरब्रह्म दत्तात्रेय नमोऽस्तु ते ॥ 8 ॥

जम्बूद्वीपे महाक्षेत्रे मातापुरनिवासिने ।

जयमान सतां देव दत्तात्रेय नमोऽस्तु ते ॥ 9 ॥

भिक्षाटनं गृहे ग्रामे पात्रं हेममयं करे ।

नानास्वादमयी भिक्षा दत्तात्रेय नमोऽस्तु ते ॥ 10 ॥

ब्रह्मज्ञानमयी मुद्रा वस्त्रे चाकाशभूतले ।

प्रज्ञानघनबोधाय दत्तात्रेय नमोऽस्तु ते ॥ 11 ॥

अवधूत सदानन्द परब्रह्मस्वरूपिणे ।

विदेहदेहरूपाय दत्तात्रेय नमोऽस्तु ते ॥ 12 ॥

सत्यरूप सदाचार सत्यधर्मपरायण ।

सत्याश्रयपरोक्षाय दत्तात्रेय नमोऽस्तु ते ॥ 13 ॥

शूलहस्तगदापाणे वनमालासुकन्धर ।

यज्ञसूत्रधर ब्रह्मन् दत्तात्रेय नमोऽस्तु ते ॥ 14 ॥

क्षराक्षरस्वरूपाय परात्परतराय च ।

दत्तमुक्तिपरस्तोत्र दत्तात्रेय नमोऽस्तु ते ॥ 15 ॥

दत्त विद्याढ्य लक्ष्मीश दत्त स्वात्मस्वरूपिणे ।

गुणनिर्गुणरूपाय दत्तात्रेय नमोऽस्तु ते ॥ 16 ॥

शत्रुनाशकरं स्तोत्रं ज्ञानविज्ञानदायकम् ।

सर्वपापं शमं याति दत्तात्रेय नमोऽस्तु ते ॥ 17 ॥

इदं स्तोत्रं महद्दिव्यं दत्तप्रत्यक्षकारकम् ।

दत्तात्रेयप्रसादाच्च नारदेन प्रकीर्तितम् ॥ 18 ॥

इति श्रीनारदपुराणे नारदविरचितं श्री दत्तात्रेय स्तोत्रम् ।

🕉️ This is the original Sanskrit rendered in Telugu script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

శ్రి దత్తాత్రేయ స్తోత్రమ్