Shri Dattatreya Stotram — Tamil Script

ஜடாதரம் பாண்டுராங்கம் ஶூலஹஸ்தம் க்ரு'பாநிதிம் ।

ஸர்வரோகஹரம் தேவம் தத்தாத்ரேயமஹம் பஜே ॥ 1 ॥

அஸ்ய ஶ்ரீதத்தாத்ரேயஸ்தோத்ரமந்த்ரஸ்ய பகவாந்நாரத்ரு'ஷிஃ । அநுஷ்டுப் சந்தஃ । ஶ்ரீதத்தஃ பரமாத்மா தேவதா । ஶ்ரீதத்தாத்ரேய ப்ரீத்யர்தே ஜபே விநியோகஃ ॥

நாரத உவாச ।

ஜகதுத்பத்திகர்த்ரே ச ஸ்திதிஸம்ஹாரஹேதவே ।

பவபாஶவிமுக்தாய தத்தாத்ரேய நமோऽஸ்து தே ॥ 1 ॥

ஜராஜந்மவிநாஶாய தேஹஶுத்திகராய ச ।

திகம்பர தயாமூர்தே தத்தாத்ரேய நமோऽஸ்து தே ॥ 2 ॥

கர்பூரகாந்திதேஹாய ப்ரஹ்மமூர்திதராய ச ।

வேதஶாஸ்த்ரபரிஜ்ஞாய தத்தாத்ரேய நமோऽஸ்து தே ॥ 3 ॥

ஹ்ரஸ்வதீர்கக்ரு'ஶஸ்தூலநாமகோத்ரவிவர்ஜித ।

பஞ்சபூதைகதீப்தாய தத்தாத்ரேய நமோऽஸ்து தே ॥ 4 ॥

யஜ்ஞபோக்தே ச யஜ்ஞாய யஜ்ஞரூபதராய ச ।

யஜ்ஞப்ரியாய ஸித்தாய தத்தாத்ரேய நமோऽஸ்து தே ॥ 5 ॥

ஆதௌ ப்ரஹ்மா ஹரிர்மத்யே ஹ்யந்தே தேவஸ்ஸதாஶிவஃ ।

மூர்தித்ரயஸ்வரூபாய தத்தாத்ரேய நமோऽஸ்து தே ॥ 6 ॥

போகாலயாய போகாய யோகயோக்யாய தாரிணே ।

ஜிதேந்த்ரிய ஜிதஜ்ஞாய தத்தாத்ரேய நமோऽஸ்து தே ॥ 7 ॥

திகம்பராய திவ்யாய திவ்யரூபதராய ச ।

ஸதோதிதபரப்ரஹ்ம தத்தாத்ரேய நமோऽஸ்து தே ॥ 8 ॥

ஜம்பூத்வீபே மஹாக்ஷேத்ரே மாதாபுரநிவாஸிநே ।

ஜயமாந ஸதாம் தேவ தத்தாத்ரேய நமோऽஸ்து தே ॥ 9 ॥

பிக்ஷாடநம் க்ரு'ஹே க்ராமே பாத்ரம் ஹேமமயம் கரே ।

நாநாஸ்வாதமயீ பிக்ஷா தத்தாத்ரேய நமோऽஸ்து தே ॥ 10 ॥

ப்ரஹ்மஜ்ஞாநமயீ முத்ரா வஸ்த்ரே சாகாஶபூதலே ।

ப்ரஜ்ஞாநகநபோதாய தத்தாத்ரேய நமோऽஸ்து தே ॥ 11 ॥

அவதூத ஸதாநந்த பரப்ரஹ்மஸ்வரூபிணே ।

விதேஹதேஹரூபாய தத்தாத்ரேய நமோऽஸ்து தே ॥ 12 ॥

ஸத்யரூப ஸதாசார ஸத்யதர்மபராயண ।

ஸத்யாஶ்ரயபரோக்ஷாய தத்தாத்ரேய நமோऽஸ்து தே ॥ 13 ॥

ஶூலஹஸ்தகதாபாணே வநமாலாஸுகந்தர ।

யஜ்ஞஸூத்ரதர ப்ரஹ்மந் தத்தாத்ரேய நமோऽஸ்து தே ॥ 14 ॥

க்ஷராக்ஷரஸ்வரூபாய பராத்பரதராய ச ।

தத்தமுக்திபரஸ்தோத்ர தத்தாத்ரேய நமோऽஸ்து தே ॥ 15 ॥

தத்த வித்யாட்ய லக்ஷ்மீஶ தத்த ஸ்வாத்மஸ்வரூபிணே ।

குணநிர்குணரூபாய தத்தாத்ரேய நமோऽஸ்து தே ॥ 16 ॥

ஶத்ருநாஶகரம் ஸ்தோத்ரம் ஜ்ஞாநவிஜ்ஞாநதாயகம் ।

ஸர்வபாபம் ஶமம் யாதி தத்தாத்ரேய நமோऽஸ்து தே ॥ 17 ॥

இதம் ஸ்தோத்ரம் மஹத்திவ்யம் தத்தப்ரத்யக்ஷகாரகம் ।

தத்தாத்ரேயப்ரஸாதாச்ச நாரதேந ப்ரகீர்திதம் ॥ 18 ॥

இதி ஶ்ரீநாரதபுராணே நாரதவிரசிதம் ஶ்ரீ தத்தாத்ரேய ஸ்தோத்ரம் ।

Roman (IAST) Transliteration

jaṭādharaṃ pāṇḍurāṅgaṃ śūlahastaṃ kṛpānidhim |

sarvarogaharaṃ devaṃ dattātreyamahaṃ bhaje || 1 ||

asya śrīdattātreyastotramantrasya bhagavānnāradṛṣiḥ | anuṣṭup chandaḥ | śrīdattaḥ paramātmā devatā | śrīdattātreya prītyarthe jape viniyogaḥ ||

nārada uvāca |

jagadutpattikartre ca sthitisaṃhārahetave |

bhavapāśavimuktāya dattātreya namo'stu te || 1 ||

jarājanmavināśāya dehaśuddhikarāya ca |

digambara dayāmūrte dattātreya namo'stu te || 2 ||

karpūrakāntidehāya brahmamūrtidharāya ca |

vedaśāstraparijñāya dattātreya namo'stu te || 3 ||

hrasvadīrghakṛśasthūlanāmagotravivarjita |

pañcabhūtaikadīptāya dattātreya namo'stu te || 4 ||

yajñabhokte ca yajñāya yajñarūpadharāya ca |

yajñapriyāya siddhāya dattātreya namo'stu te || 5 ||

ādau brahmā harirmadhye hyante devassadāśivaḥ |

mūrtitrayasvarūpāya dattātreya namo'stu te || 6 ||

bhogālayāya bhogāya yogayogyāya dhāriṇe |

jitendriya jitajñāya dattātreya namo'stu te || 7 ||

digambarāya divyāya divyarūpadharāya ca |

sadoditaparabrahma dattātreya namo'stu te || 8 ||

jambūdvīpe mahākṣetre mātāpuranivāsine |

jayamāna satāṃ deva dattātreya namo'stu te || 9 ||

bhikṣāṭanaṃ gṛhe grāme pātraṃ hemamayaṃ kare |

nānāsvādamayī bhikṣā dattātreya namo'stu te || 10 ||

brahmajñānamayī mudrā vastre cākāśabhūtale |

prajñānaghanabodhāya dattātreya namo'stu te || 11 ||

avadhūta sadānanda parabrahmasvarūpiṇe |

videhadeharūpāya dattātreya namo'stu te || 12 ||

satyarūpa sadācāra satyadharmaparāyaṇa |

satyāśrayaparokṣāya dattātreya namo'stu te || 13 ||

śūlahastagadāpāṇe vanamālāsukandhara |

yajñasūtradhara brahman dattātreya namo'stu te || 14 ||

kṣarākṣarasvarūpāya parātparatarāya ca |

dattamuktiparastotra dattātreya namo'stu te || 15 ||

datta vidyāḍhya lakṣmīśa datta svātmasvarūpiṇe |

guṇanirguṇarūpāya dattātreya namo'stu te || 16 ||

śatrunāśakaraṃ stotraṃ jñānavijñānadāyakam |

sarvapāpaṃ śamaṃ yāti dattātreya namo'stu te || 17 ||

idaṃ stotraṃ mahaddivyaṃ dattapratyakṣakārakam |

dattātreyaprasādācca nāradena prakīrtitam || 18 ||

iti śrīnāradapurāṇe nāradaviracitaṃ śrī dattātreya stotram |

Sanskrit — Devanagari (original)

जटाधरं पाण्डुराङ्गं शूलहस्तं कृपानिधिम् ।

सर्वरोगहरं देवं दत्तात्रेयमहं भजे ॥ 1 ॥

अस्य श्रीदत्तात्रेयस्तोत्रमन्त्रस्य भगवान्नारदृषिः । अनुष्टुप् छन्दः । श्रीदत्तः परमात्मा देवता । श्रीदत्तात्रेय प्रीत्यर्थे जपे विनियोगः ॥

नारद उवाच ।

जगदुत्पत्तिकर्त्रे च स्थितिसंहारहेतवे ।

भवपाशविमुक्ताय दत्तात्रेय नमोऽस्तु ते ॥ 1 ॥

जराजन्मविनाशाय देहशुद्धिकराय च ।

दिगम्बर दयामूर्ते दत्तात्रेय नमोऽस्तु ते ॥ 2 ॥

कर्पूरकान्तिदेहाय ब्रह्ममूर्तिधराय च ।

वेदशास्त्रपरिज्ञाय दत्तात्रेय नमोऽस्तु ते ॥ 3 ॥

ह्रस्वदीर्घकृशस्थूलनामगोत्रविवर्जित ।

पञ्चभूतैकदीप्ताय दत्तात्रेय नमोऽस्तु ते ॥ 4 ॥

यज्ञभोक्ते च यज्ञाय यज्ञरूपधराय च ।

यज्ञप्रियाय सिद्धाय दत्तात्रेय नमोऽस्तु ते ॥ 5 ॥

आदौ ब्रह्मा हरिर्मध्ये ह्यन्ते देवस्सदाशिवः ।

मूर्तित्रयस्वरूपाय दत्तात्रेय नमोऽस्तु ते ॥ 6 ॥

भोगालयाय भोगाय योगयोग्याय धारिणे ।

जितेन्द्रिय जितज्ञाय दत्तात्रेय नमोऽस्तु ते ॥ 7 ॥

दिगम्बराय दिव्याय दिव्यरूपधराय च ।

सदोदितपरब्रह्म दत्तात्रेय नमोऽस्तु ते ॥ 8 ॥

जम्बूद्वीपे महाक्षेत्रे मातापुरनिवासिने ।

जयमान सतां देव दत्तात्रेय नमोऽस्तु ते ॥ 9 ॥

भिक्षाटनं गृहे ग्रामे पात्रं हेममयं करे ।

नानास्वादमयी भिक्षा दत्तात्रेय नमोऽस्तु ते ॥ 10 ॥

ब्रह्मज्ञानमयी मुद्रा वस्त्रे चाकाशभूतले ।

प्रज्ञानघनबोधाय दत्तात्रेय नमोऽस्तु ते ॥ 11 ॥

अवधूत सदानन्द परब्रह्मस्वरूपिणे ।

विदेहदेहरूपाय दत्तात्रेय नमोऽस्तु ते ॥ 12 ॥

सत्यरूप सदाचार सत्यधर्मपरायण ।

सत्याश्रयपरोक्षाय दत्तात्रेय नमोऽस्तु ते ॥ 13 ॥

शूलहस्तगदापाणे वनमालासुकन्धर ।

यज्ञसूत्रधर ब्रह्मन् दत्तात्रेय नमोऽस्तु ते ॥ 14 ॥

क्षराक्षरस्वरूपाय परात्परतराय च ।

दत्तमुक्तिपरस्तोत्र दत्तात्रेय नमोऽस्तु ते ॥ 15 ॥

दत्त विद्याढ्य लक्ष्मीश दत्त स्वात्मस्वरूपिणे ।

गुणनिर्गुणरूपाय दत्तात्रेय नमोऽस्तु ते ॥ 16 ॥

शत्रुनाशकरं स्तोत्रं ज्ञानविज्ञानदायकम् ।

सर्वपापं शमं याति दत्तात्रेय नमोऽस्तु ते ॥ 17 ॥

इदं स्तोत्रं महद्दिव्यं दत्तप्रत्यक्षकारकम् ।

दत्तात्रेयप्रसादाच्च नारदेन प्रकीर्तितम् ॥ 18 ॥

इति श्रीनारदपुराणे नारदविरचितं श्री दत्तात्रेय स्तोत्रम् ।