Shri Dattatreya Stotram

ॐ

ಶ್ರಿ ದತ್ತಾತ್ರೇಯ ಸ್ತೋತ್ರಮ್

Dattatreya Stotram Kannada

ಜಟಾಧರಂ ಪಾಣ್ಡುರಾಙ್ಗಂ ಶೂಲಹಸ್ತಂ ಕೃಪಾನಿಧಿಮ್ ।

ಸರ್ವರೋಗಹರಂ ದೇವಂ ದತ್ತಾತ್ರೇಯಮಹಂ ಭಜೇ ॥ 1 ॥

ಅಸ್ಯ ಶ್ರೀದತ್ತಾತ್ರೇಯಸ್ತೋತ್ರಮನ್ತ್ರಸ್ಯ ಭಗವಾನ್ನಾರದೃಷಿಃ । ಅನುಷ್ಟುಪ್ ಛನ್ದಃ । ಶ್ರೀದತ್ತಃ ಪರಮಾತ್ಮಾ ದೇವತಾ । ಶ್ರೀದತ್ತಾತ್ರೇಯ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥

ನಾರದ ಉವಾಚ ।

ಜಗದುತ್ಪತ್ತಿಕರ್ತ್ರೇ ಚ ಸ್ಥಿತಿಸಂಹಾರಹೇತವೇ ।

ಭವಪಾಶವಿಮುಕ್ತಾಯ ದತ್ತಾತ್ರೇಯ ನಮೋಽಸ್ತು ತೇ ॥ 1 ॥

ಜರಾಜನ್ಮವಿನಾಶಾಯ ದೇಹಶುದ್ಧಿಕರಾಯ ಚ ।

ದಿಗಮ್ಬರ ದಯಾಮೂರ್ತೇ ದತ್ತಾತ್ರೇಯ ನಮೋಽಸ್ತು ತೇ ॥ 2 ॥

ಕರ್ಪೂರಕಾನ್ತಿದೇಹಾಯ ಬ್ರಹ್ಮಮೂರ್ತಿಧರಾಯ ಚ ।

ವೇದಶಾಸ್ತ್ರಪರಿಜ್ಞಾಯ ದತ್ತಾತ್ರೇಯ ನಮೋಽಸ್ತು ತೇ ॥ 3 ॥

ಹ್ರಸ್ವದೀರ್ಘಕೃಶಸ್ಥೂಲನಾಮಗೋತ್ರವಿವರ್ಜಿತ ।

ಪಞ್ಚಭೂತೈಕದೀಪ್ತಾಯ ದತ್ತಾತ್ರೇಯ ನಮೋಽಸ್ತು ತೇ ॥ 4 ॥

ಯಜ್ಞಭೋಕ್ತೇ ಚ ಯಜ್ಞಾಯ ಯಜ್ಞರೂಪಧರಾಯ ಚ ।

ಯಜ್ಞಪ್ರಿಯಾಯ ಸಿದ್ಧಾಯ ದತ್ತಾತ್ರೇಯ ನಮೋಽಸ್ತು ತೇ ॥ 5 ॥

ಆದೌ ಬ್ರಹ್ಮಾ ಹರಿರ್ಮಧ್ಯೇ ಹ್ಯನ್ತೇ ದೇವಸ್ಸದಾಶಿವಃ ।

ಮೂರ್ತಿತ್ರಯಸ್ವರೂಪಾಯ ದತ್ತಾತ್ರೇಯ ನಮೋಽಸ್ತು ತೇ ॥ 6 ॥

ಭೋಗಾಲಯಾಯ ಭೋಗಾಯ ಯೋಗಯೋಗ್ಯಾಯ ಧಾರಿಣೇ ।

ಜಿತೇನ್ದ್ರಿಯ ಜಿತಜ್ಞಾಯ ದತ್ತಾತ್ರೇಯ ನಮೋಽಸ್ತು ತೇ ॥ 7 ॥

ದಿಗಮ್ಬರಾಯ ದಿವ್ಯಾಯ ದಿವ್ಯರೂಪಧರಾಯ ಚ ।

ಸದೋದಿತಪರಬ್ರಹ್ಮ ದತ್ತಾತ್ರೇಯ ನಮೋಽಸ್ತು ತೇ ॥ 8 ॥

ಜಮ್ಬೂದ್ವೀಪೇ ಮಹಾಕ್ಷೇತ್ರೇ ಮಾತಾಪುರನಿವಾಸಿನೇ ।

ಜಯಮಾನ ಸತಾಂ ದೇವ ದತ್ತಾತ್ರೇಯ ನಮೋಽಸ್ತು ತೇ ॥ 9 ॥

ಭಿಕ್ಷಾಟನಂ ಗೃಹೇ ಗ್ರಾಮೇ ಪಾತ್ರಂ ಹೇಮಮಯಂ ಕರೇ ।

ನಾನಾಸ್ವಾದಮಯೀ ಭಿಕ್ಷಾ ದತ್ತಾತ್ರೇಯ ನಮೋಽಸ್ತು ತೇ ॥ 10 ॥

ಬ್ರಹ್ಮಜ್ಞಾನಮಯೀ ಮುದ್ರಾ ವಸ್ತ್ರೇ ಚಾಕಾಶಭೂತಲೇ ।

ಪ್ರಜ್ಞಾನಘನಬೋಧಾಯ ದತ್ತಾತ್ರೇಯ ನಮೋಽಸ್ತು ತೇ ॥ 11 ॥

ಅವಧೂತ ಸದಾನನ್ದ ಪರಬ್ರಹ್ಮಸ್ವರೂಪಿಣೇ ।

ವಿದೇಹದೇಹರೂಪಾಯ ದತ್ತಾತ್ರೇಯ ನಮೋಽಸ್ತು ತೇ ॥ 12 ॥

ಸತ್ಯರೂಪ ಸದಾಚಾರ ಸತ್ಯಧರ್ಮಪರಾಯಣ ।

ಸತ್ಯಾಶ್ರಯಪರೋಕ್ಷಾಯ ದತ್ತಾತ್ರೇಯ ನಮೋಽಸ್ತು ತೇ ॥ 13 ॥

ಶೂಲಹಸ್ತಗದಾಪಾಣೇ ವನಮಾಲಾಸುಕನ್ಧರ ।

ಯಜ್ಞಸೂತ್ರಧರ ಬ್ರಹ್ಮನ್ ದತ್ತಾತ್ರೇಯ ನಮೋಽಸ್ತು ತೇ ॥ 14 ॥

ಕ್ಷರಾಕ್ಷರಸ್ವರೂಪಾಯ ಪರಾತ್ಪರತರಾಯ ಚ ।

ದತ್ತಮುಕ್ತಿಪರಸ್ತೋತ್ರ ದತ್ತಾತ್ರೇಯ ನಮೋಽಸ್ತು ತೇ ॥ 15 ॥

ದತ್ತ ವಿದ್ಯಾಢ್ಯ ಲಕ್ಷ್ಮೀಶ ದತ್ತ ಸ್ವಾತ್ಮಸ್ವರೂಪಿಣೇ ।

ಗುಣನಿರ್ಗುಣರೂಪಾಯ ದತ್ತಾತ್ರೇಯ ನಮೋಽಸ್ತು ತೇ ॥ 16 ॥

ಶತ್ರುನಾಶಕರಂ ಸ್ತೋತ್ರಂ ಜ್ಞಾನವಿಜ್ಞಾನದಾಯಕಮ್ ।

ಸರ್ವಪಾಪಂ ಶಮಂ ಯಾತಿ ದತ್ತಾತ್ರೇಯ ನಮೋಽಸ್ತು ತೇ ॥ 17 ॥

ಇದಂ ಸ್ತೋತ್ರಂ ಮಹದ್ದಿವ್ಯಂ ದತ್ತಪ್ರತ್ಯಕ್ಷಕಾರಕಮ್ ।

ದತ್ತಾತ್ರೇಯಪ್ರಸಾದಾಚ್ಚ ನಾರದೇನ ಪ್ರಕೀರ್ತಿತಮ್ ॥ 18 ॥

ಇತಿ ಶ್ರೀನಾರದಪುರಾಣೇ ನಾರದವಿರಚಿತಂ ಶ್ರೀ ದತ್ತಾತ್ರೇಯ ಸ್ತೋತ್ರಮ್ ।

Roman (IAST) Transliteration

jaṭādharaṃ pāṇḍurāṅgaṃ śūlahastaṃ kṛpānidhim |

sarvarogaharaṃ devaṃ dattātreyamahaṃ bhaje || 1 ||

asya śrīdattātreyastotramantrasya bhagavānnāradṛṣiḥ | anuṣṭup chandaḥ | śrīdattaḥ paramātmā devatā | śrīdattātreya prītyarthe jape viniyogaḥ ||

nārada uvāca |

jagadutpattikartre ca sthitisaṃhārahetave |

bhavapāśavimuktāya dattātreya namo'stu te || 1 ||

jarājanmavināśāya dehaśuddhikarāya ca |

digambara dayāmūrte dattātreya namo'stu te || 2 ||

karpūrakāntidehāya brahmamūrtidharāya ca |

vedaśāstraparijñāya dattātreya namo'stu te || 3 ||

hrasvadīrghakṛśasthūlanāmagotravivarjita |

pañcabhūtaikadīptāya dattātreya namo'stu te || 4 ||

yajñabhokte ca yajñāya yajñarūpadharāya ca |

yajñapriyāya siddhāya dattātreya namo'stu te || 5 ||

ādau brahmā harirmadhye hyante devassadāśivaḥ |

mūrtitrayasvarūpāya dattātreya namo'stu te || 6 ||

bhogālayāya bhogāya yogayogyāya dhāriṇe |

jitendriya jitajñāya dattātreya namo'stu te || 7 ||

digambarāya divyāya divyarūpadharāya ca |

sadoditaparabrahma dattātreya namo'stu te || 8 ||

jambūdvīpe mahākṣetre mātāpuranivāsine |

jayamāna satāṃ deva dattātreya namo'stu te || 9 ||

bhikṣāṭanaṃ gṛhe grāme pātraṃ hemamayaṃ kare |

nānāsvādamayī bhikṣā dattātreya namo'stu te || 10 ||

brahmajñānamayī mudrā vastre cākāśabhūtale |

prajñānaghanabodhāya dattātreya namo'stu te || 11 ||

avadhūta sadānanda parabrahmasvarūpiṇe |

videhadeharūpāya dattātreya namo'stu te || 12 ||

satyarūpa sadācāra satyadharmaparāyaṇa |

satyāśrayaparokṣāya dattātreya namo'stu te || 13 ||

śūlahastagadāpāṇe vanamālāsukandhara |

yajñasūtradhara brahman dattātreya namo'stu te || 14 ||

kṣarākṣarasvarūpāya parātparatarāya ca |

dattamuktiparastotra dattātreya namo'stu te || 15 ||

datta vidyāḍhya lakṣmīśa datta svātmasvarūpiṇe |

guṇanirguṇarūpāya dattātreya namo'stu te || 16 ||

śatrunāśakaraṃ stotraṃ jñānavijñānadāyakam |

sarvapāpaṃ śamaṃ yāti dattātreya namo'stu te || 17 ||

idaṃ stotraṃ mahaddivyaṃ dattapratyakṣakārakam |

dattātreyaprasādācca nāradena prakīrtitam || 18 ||

iti śrīnāradapurāṇe nāradaviracitaṃ śrī dattātreya stotram |