2.3 - Adityebhyo Bhuvadvadbhyashcharum - Krishna Yajurveda Taittiriya Samhita Pathah — Grantha Script

𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨𑌃 - 𑌇𑌷𑍍𑌟𑌿𑌵𑌿𑌧𑌾𑌨𑌂

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,

𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌆॒𑌦𑌿॒𑌤𑍍𑌯𑍇𑌭𑍍𑌯𑍋॒ 𑌭𑍁𑌵॑𑌦𑍍𑌵𑌦𑍍𑌭𑍍𑌯𑌶𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌭𑍂𑌤𑌿॑𑌕𑌾𑌮 𑌆𑌦𑌿॒𑌤𑍍𑌯𑌾 𑌵𑌾 𑌏॒𑌤-𑌮𑍍𑌭𑍂𑌤𑍍𑌯𑍈॒ 𑌪𑍍𑌰𑌤𑌿॑ 𑌨𑍁𑌦𑌨𑍍𑌤𑍇॒ 𑌯𑍋-𑌽𑌲॒-𑌮𑍍𑌭𑍂𑌤𑍍𑌯𑍈॒ 𑌸-𑌨𑍍𑌭𑍂𑌤𑌿॒-𑌨𑍍𑌨 𑌪𑍍𑌰𑌾॒𑌪𑍍𑌨𑍋𑌤𑍍𑌯𑌾॑𑌦𑌿॒𑌤𑍍𑌯𑌾𑌨𑍇॒𑌵 𑌭𑍁𑌵॑𑌦𑍍𑌵𑌤॒-𑌸𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑍈𑌨॒-𑌮𑍍𑌭𑍂𑌤𑌿॑-𑌙𑍍𑌗𑌮𑌯𑌨𑍍𑌤𑌿॒ 𑌭𑌵॑𑌤𑍍𑌯𑍇॒𑌵𑌾 𑌽𑌽𑌦𑌿॒𑌤𑍍𑌯𑍇𑌭𑍍𑌯𑍋॑ 𑌧𑌾॒𑌰𑌯॑𑌦𑍍𑌵-𑌦𑍍𑌭𑍍𑌯𑌶𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌦𑌪॑𑌰𑍁𑌦𑍍𑌧𑍋 𑌵𑌾-𑌽𑌪𑌰𑍁॒𑌦𑍍𑌧𑍍𑌯𑌮𑌾॑𑌨𑍋 𑌵𑌾-𑌽𑌽𑌦𑌿॒𑌤𑍍𑌯𑌾 𑌵𑌾 𑌅॑𑌪𑌰𑍋॒𑌦𑍍𑌧𑌾𑌰॑ 𑌆𑌦𑌿॒𑌤𑍍𑌯𑌾 𑌅॑𑌵𑌗𑌮𑌯𑌿॒𑌤𑌾𑌰॑ 𑌆𑌦𑌿॒𑌤𑍍𑌯𑌾𑌨𑍇॒𑌵 𑌧𑌾॒𑌰𑌯॑𑌦𑍍𑌵𑌤॒- [𑌧𑌾॒𑌰𑌯॑𑌦𑍍𑌵𑌤𑌃, 𑌸𑍍𑌵𑍇𑌨॑] 1

-𑌸𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑍈𑌨𑌂॑-𑌵𑌿𑌁॒𑌶𑌿 𑌦𑌾᳚𑌦𑍍𑌧𑍍𑌰𑌤𑍍𑌯𑌨𑌪𑌰𑍁॒𑌦𑍍𑌧𑍍𑌯𑍋 𑌭॑𑌵॒𑌤𑍍𑌯𑌦𑌿॒𑌤𑍇-𑌽𑌨𑍁॑ 𑌮𑌨𑍍𑌯॒𑌸𑍍𑌵𑍇-𑌤𑍍𑌯॑𑌪𑌰𑍁॒𑌦𑍍𑌧𑍍𑌯𑌮𑌾॑𑌨𑍋-𑌽𑌸𑍍𑌯 𑌪॒𑌦𑌮𑌾 𑌦॑𑌦𑍀𑌤𑍇॒𑌯𑌂-𑌵𑌾𑌁 𑌅𑌦𑌿॑𑌤𑌿𑌰𑌿॒𑌯𑌮𑍇॒𑌵𑌾𑌸𑍍𑌮𑍈॑ 𑌰𑌾॒𑌜𑍍𑌯𑌮𑌨𑍁॑ 𑌮𑌨𑍍𑌯𑌤𑍇 𑌸॒𑌤𑍍𑌯𑌾-𑌽𑌽𑌶𑍀𑌰𑌿𑌤𑍍𑌯𑌾॑𑌹 𑌸॒𑌤𑍍𑌯𑌾𑌮𑍇॒𑌵𑌾-𑌽𑌽𑌶𑌿𑌷॑-𑌙𑍍𑌕𑍁𑌰𑍁𑌤 𑌇॒𑌹 𑌮𑌨॒ 𑌇𑌤𑍍𑌯𑌾॑𑌹 𑌪𑍍𑌰॒𑌜𑌾 𑌏॒𑌵𑌾𑌸𑍍𑌮𑍈॒ 𑌸𑌮॑𑌨𑌸𑌃 𑌕𑌰𑍋॒𑌤𑍍𑌯𑍁𑌪॒ 𑌪𑍍𑌰𑍇𑌤॑ 𑌮𑌰𑍁𑌤- [𑌪𑍍𑌰𑍇𑌤॑ 𑌮𑌰𑍁𑌤𑌃, 𑌸𑍁॒𑌦𑌾॒𑌨॒𑌵॒ 𑌏॒𑌨𑌾] 2

-𑌸𑍍𑌸𑍁𑌦𑌾𑌨𑌵 𑌏॒𑌨𑌾 𑌵𑌿॒𑌶𑍍𑌪𑌤𑌿॑𑌨𑌾॒-𑌽𑌭𑍍𑌯॑𑌮𑍁𑌗𑍍𑌂 𑌰𑌾𑌜𑌾॑𑌨॒𑌮𑌿𑌤𑍍𑌯𑌾॑𑌹 𑌮𑌾𑌰𑍁॒𑌤𑍀 𑌵𑍈 𑌵𑌿-𑌡𑍍𑌜𑍍𑌯𑍇॒𑌷𑍍𑌠𑍋 𑌵𑌿॒𑌶𑍍𑌪𑌤𑌿॑-𑌰𑍍𑌵𑌿॒𑌶𑍈𑌵𑍈𑌨𑌗𑍍𑌂॑ 𑌰𑌾॒𑌷𑍍𑌟𑍍𑌰𑍇𑌣॒ 𑌸𑌮॑𑌰𑍍𑌧𑌯𑌤𑌿॒ 𑌯𑌃 𑌪॒𑌰𑌸𑍍𑌤𑌾᳚-𑌦𑍍𑌗𑍍𑌰𑌾𑌮𑍍𑌯𑌵𑌾॒𑌦𑍀 𑌸𑍍𑌯𑌾-𑌤𑍍𑌤𑌸𑍍𑌯॑ 𑌗𑍃॒𑌹𑌾-𑌦𑍍𑌵𑍍𑌰𑍀॒𑌹𑍀𑌨𑌾 𑌹॑𑌰𑍇𑌚𑍍𑌛𑍁॒𑌕𑍍𑌲𑌾𑌗𑍍𑌶𑍍𑌚॑ 𑌕𑍃॒𑌷𑍍𑌣𑌾𑌗𑍍𑌶𑍍𑌚॒ 𑌵𑌿 𑌚𑌿॑𑌨𑍁𑌯𑌾॒𑌦𑍍𑌯𑍇 𑌶𑍁॒𑌕𑍍𑌲𑌾-𑌸𑍍𑌸𑍍𑌯𑍁𑌸𑍍𑌤𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌦𑌿॒𑌤𑍍𑌯𑌾 𑌵𑍈 𑌦𑍇॒𑌵𑌤॑𑌯𑌾॒ 𑌵𑌿𑌡𑍍𑌵𑌿𑌶॑𑌮𑍇॒𑌵𑌾-𑌽𑌵॑ 𑌗𑌚𑍍𑌛॒- [𑌗𑌚𑍍𑌛𑌤𑌿, 𑌅𑌵॑𑌗𑌤𑌾-𑌽𑌸𑍍𑌯॒] 3

-𑌤𑍍𑌯𑌵॑𑌗𑌤𑌾-𑌽𑌸𑍍𑌯॒ 𑌵𑌿𑌡𑌨॑𑌵𑌗𑌤𑌗𑍍𑌂 𑌰𑌾॒𑌷𑍍𑌟𑍍𑌰-𑌮𑌿𑌤𑍍𑌯𑌾॑𑌹𑍁॒𑌰𑍍𑌯𑍇 𑌕𑍃॒𑌷𑍍𑌣𑌾-𑌸𑍍𑌸𑍍𑌯𑍁𑌸𑍍𑌤𑌂-𑌵𑌾𑌁॑𑌰𑍁॒𑌣-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌵𑌾𑌰𑍁॒𑌣𑌂-𑌵𑍈𑌁 𑌰𑌾॒𑌷𑍍𑌟𑍍𑌰𑌮𑍁॒𑌭𑍇 𑌏॒𑌵 𑌵𑌿𑌶॑-𑌞𑍍𑌚 𑌰𑌾॒𑌷𑍍𑌟𑍍𑌰-𑌞𑍍𑌚𑌾𑌵॑ 𑌗𑌚𑍍𑌛𑌤𑌿॒ 𑌯𑌦𑌿॒ 𑌨𑌾𑌵॒𑌗𑌚𑍍𑌛𑍇॑𑌦𑌿॒𑌮-𑌮॒𑌹𑌮𑌾॑𑌦𑌿॒𑌤𑍍𑌯𑍇𑌭𑍍𑌯𑍋॑ 𑌭𑌾॒𑌗-𑌨𑍍𑌨𑌿𑌰𑍍𑌵॑𑌪𑌾॒𑌮𑍍𑌯𑌾 𑌽𑌮𑍁𑌷𑍍𑌮𑌾॑-𑌦॒𑌮𑍁𑌷𑍍𑌯𑍈॑ 𑌵𑌿॒𑌶𑍋-𑌽𑌵॑𑌗𑌨𑍍𑌤𑍋॒-𑌰𑌿𑌤𑌿॒ 𑌨𑌿𑌰𑍍𑌵॑𑌪𑍇-𑌦𑌾𑌦𑌿॒𑌤𑍍𑌯𑌾 𑌏॒𑌵𑍈𑌨॑-𑌮𑍍𑌭𑌾𑌗॒𑌧𑍇𑌯॑-𑌮𑍍𑌪𑍍𑌰𑍇॒𑌫𑍍𑌸𑌨𑍍𑌤𑍋॒ 𑌵𑌿𑌶॒𑌮𑌵॑ [𑌵𑌿𑌶॒𑌮𑌵॑, 𑌗॒𑌮॒𑌯॒𑌨𑍍𑌤𑌿॒ 𑌯𑌦𑌿॒] 4

𑌗𑌮𑌯𑌨𑍍𑌤𑌿॒ 𑌯𑌦𑌿॒ 𑌨𑌾𑌵॒𑌗𑌚𑍍𑌛𑍇॒𑌦𑌾𑌶𑍍𑌵॑𑌤𑍍𑌥𑌾-𑌨𑍍𑌮॒𑌯𑍂𑌖𑌾᳚𑌨𑍍-𑌥𑍍𑌸॒𑌪𑍍𑌤 𑌮॑𑌦𑍍𑌧𑍍𑌯𑌮𑍇॒𑌷𑌾𑌯𑌾॒𑌮𑍁𑌪॑- 𑌹𑌨𑍍𑌯𑌾𑌦𑌿॒𑌦𑌮॒𑌹-𑌮𑌾॑𑌦𑌿॒𑌤𑍍𑌯𑌾-𑌨𑍍𑌬॑𑌧𑍍𑌨𑌾॒𑌮𑍍𑌯𑌾 𑌽𑌮𑍁𑌷𑍍𑌮𑌾॑𑌦॒𑌮𑍁𑌷𑍍𑌯𑍈॑ 𑌵𑌿॒𑌶𑍋-𑌽𑌵॑𑌗𑌨𑍍𑌤𑍋॒𑌰𑌿𑌤𑍍𑌯𑌾॑𑌦𑌿॒𑌤𑍍𑌯𑌾 𑌏॒𑌵𑍈𑌨॑-𑌮𑍍𑌬॒𑌦𑍍𑌧𑌵𑍀॑𑌰𑌾॒ 𑌵𑌿𑌶॒𑌮𑌵॑ 𑌗𑌮𑌯𑌨𑍍𑌤𑌿॒ 𑌯𑌦𑌿॒ 𑌨𑌾-𑌽𑌵॒𑌗𑌚𑍍𑌛𑍇॑-𑌦𑍇॒𑌤-𑌮𑍇॒𑌵𑌾-𑌽𑌽𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌦𑌿॒𑌦𑍍𑌧𑍍𑌮𑍇-𑌽𑌪𑌿॑ 𑌮॒𑌯𑍂𑌖𑌾॒𑌨𑍍-𑌥𑍍𑌸-𑌨𑍍𑌨॑𑌹𑍍𑌯𑍇-𑌦𑌨𑌪𑌰𑍁॒𑌦𑍍𑌧𑍍𑌯-𑌮𑍇॒𑌵𑌾𑌵॑ 𑌗𑌚𑍍𑌛॒𑌤𑍍𑌯𑌾𑌶𑍍𑌵॑𑌤𑍍𑌥𑌾 𑌭𑌵𑌨𑍍𑌤𑌿𑌮॒𑌰𑍁𑌤𑌾𑌂॒-𑌵𑌾𑌁 𑌏॒𑌤 -𑌦𑍋𑌜𑍋॒ 𑌯𑌦॑𑌶𑍍𑌵॒𑌤𑍍𑌥 𑌓𑌜॑𑌸𑍈॒𑌵 𑌵𑌿𑌶॒𑌮𑌵॑ 𑌗𑌚𑍍𑌛𑌤𑌿 𑌸॒𑌪𑍍𑌤 𑌭॑𑌵𑌨𑍍𑌤𑌿 𑌸॒𑌪𑍍𑌤 𑌗॑𑌣𑌾॒ 𑌵𑍈 𑌮॒𑌰𑍁𑌤𑍋॑ 𑌗𑌣॒𑌶 𑌏॒𑌵 𑌵𑌿𑌶॒𑌮𑌵॑ 𑌗𑌚𑍍𑌛𑌤𑌿 । 5

(𑌧𑌾॒𑌰𑌯॑𑌦𑍍𑌵𑌤𑍋 - 𑌮𑌰𑍁𑌤𑍋 - 𑌗𑌚𑍍𑌛𑌤𑌿॒ - 𑌵𑌿𑌶॒𑌮𑌵𑍈॒ - 𑌤 - 𑌦॒𑌷𑍍𑌟𑌾𑌦॑𑌶 𑌚) (𑌅. 1)

𑌦𑍇॒𑌵𑌾 𑌵𑍈 𑌮𑍃॒𑌤𑍍𑌯𑍋-𑌰॑𑌬𑌿𑌭𑌯𑍁॒𑌸𑍍𑌤𑍇 𑌪𑍍𑌰॒𑌜𑌾𑌪॑𑌤𑌿॒-𑌮𑍁𑌪𑌾॑𑌧𑌾𑌵॒-𑌨𑍍𑌤𑍇𑌭𑍍𑌯॑ 𑌏॒𑌤𑌾-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑌾𑌗𑍍𑌂 𑌶॒𑌤𑌕𑍃॑𑌷𑍍𑌣𑌲𑌾॒-𑌨𑍍𑌨𑌿𑌰॑𑌵𑌪॒-𑌤𑍍𑌤𑌯𑍈॒𑌵𑍈𑌷𑍍𑌵॒𑌮𑍃𑌤॑-𑌮𑌦𑌧𑌾॒𑌦𑍍𑌯𑍋 𑌮𑍃॒𑌤𑍍𑌯𑍋-𑌰𑍍𑌬𑌿॑𑌭𑍀॒𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾-𑌮𑍍𑌪𑍍𑌰𑌾॑𑌜𑌾𑌪॒𑌤𑍍𑌯𑌾𑌗𑍍𑌂 𑌶॒𑌤𑌕𑍃॑𑌷𑍍𑌣𑌲𑌾॒-𑌨𑍍𑌨𑌿𑌰𑍍𑌵॑𑌪𑍇-𑌤𑍍𑌪𑍍𑌰॒𑌜𑌾𑌪॑𑌤𑌿-𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾-𑌽𑌸𑍍𑌮𑌿॒-𑌨𑍍𑌨𑌾𑌯𑍁॑-𑌰𑍍𑌦𑌧𑌾𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 𑌶॒𑌤𑌕𑍃॑𑌷𑍍𑌣𑌲𑌾 𑌭𑌵𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷॒-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 [ ] 6

𑌪𑍍𑌰𑌤𑌿॑ 𑌤𑌿𑌷𑍍𑌠𑌤𑌿 𑌘𑍃॒𑌤𑍇 𑌭॑𑌵॒𑌤𑍍𑌯𑌾𑌯𑍁॒𑌰𑍍𑌵𑍈 𑌘𑍃॒𑌤-𑌮॒𑌮𑍃𑌤॒𑌗𑍍𑌂॒ 𑌹𑌿𑌰॑𑌣𑍍𑌯॒-𑌮𑌾𑌯𑍁॑𑌶𑍍𑌚𑍈॒𑌵𑌾𑌸𑍍𑌮𑌾॑ 𑌅॒𑌮𑍃𑌤॑-𑌞𑍍𑌚 𑌸॒𑌮𑍀𑌚𑍀॑ 𑌦𑌧𑌾𑌤𑌿 𑌚॒𑌤𑍍𑌵𑌾𑌰𑌿॑ 𑌚𑌤𑍍𑌵𑌾𑌰𑌿 𑌕𑍃॒𑌷𑍍𑌣𑌲𑌾॒𑌨𑍍𑌯𑌵॑ 𑌦𑍍𑌯𑌤𑌿 𑌚𑌤𑍁𑌰𑌵॒-𑌤𑍍𑌤𑌸𑍍𑌯𑌾-𑌽𑌽𑌪𑍍𑌤𑍍𑌯𑌾॑ 𑌏𑌕॒𑌧𑌾 𑌬𑍍𑌰॒𑌹𑍍𑌮𑌣॒ 𑌉𑌪॑ 𑌹𑌰𑌤𑍍𑌯𑍇𑌕॒𑌧𑍈𑌵 𑌯𑌜॑𑌮𑌾𑌨॒ 𑌆𑌯𑍁॑𑌰𑍍𑌦𑌧𑌾𑌤𑍍𑌯॒- 𑌸𑌾𑌵𑌾॑𑌦𑌿॒𑌤𑍍𑌯𑍋 𑌨 𑌵𑍍𑌯॑𑌰𑍋𑌚𑌤॒ 𑌤𑌸𑍍𑌮𑍈॑ 𑌦𑍇॒𑌵𑌾𑌃 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿-𑌮𑍈𑌚𑍍𑌛॒-𑌨𑍍𑌤𑌸𑍍𑌮𑌾॑ 𑌏॒𑌤𑌗𑍍𑌂 𑌸𑍗॒𑌰𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪॒-𑌨𑍍𑌤𑍇𑌨𑍈॒𑌵𑌾-𑌽𑌸𑍍𑌮𑌿॒- [-𑌤𑍇𑌨𑍈॒𑌵𑌾-𑌽𑌸𑍍𑌮𑌿𑌨𑍍𑌨𑍍॑, 𑌰𑍁𑌚॑-𑌮𑌦𑌧𑍁॒𑌰𑍍𑌯𑍋] 7

-𑌨𑍍𑌰𑍁𑌚॑-𑌮𑌦𑌧𑍁॒𑌰𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸𑌕𑌾॑𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌗𑍍𑌂 𑌸𑍗॒𑌰𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇-𑌦॒𑌮𑍁-𑌮𑍇॒𑌵𑌾-𑌽𑌽𑌦𑌿॒𑌤𑍍𑌯𑌗𑍍𑌗𑍍 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌦॑𑌧𑌾𑌤𑌿 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 𑌭॑𑌵𑌤𑍍𑌯𑍁𑌭॒𑌯𑌤𑍋॑ 𑌰𑍁॒𑌕𑍍𑌮𑍗 𑌭॑𑌵𑌤 𑌉𑌭॒𑌯𑌤॑ 𑌏॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑-𑌨𑍍𑌦𑌧𑌾𑌤𑌿 𑌪𑍍𑌰𑌯𑌾॒𑌜𑍇 𑌪𑍍𑌰॑𑌯𑌾𑌜𑍇 𑌕𑍃॒𑌷𑍍𑌣𑌲॑-𑌞𑍍𑌜𑍁𑌹𑍋𑌤𑌿 𑌦𑌿॒𑌗𑍍𑌭𑍍𑌯 𑌏॒𑌵𑌾𑌸𑍍𑌮𑍈᳚ 𑌬𑍍𑌰𑌹𑍍𑌮𑌵𑌰𑍍𑌚॒𑌸𑌮𑌵॑ 𑌰𑍁𑌨𑍍𑌧 𑌆𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌥𑍍𑌸𑌾𑌵𑌿॒𑌤𑍍𑌰-𑌨𑍍𑌦𑍍𑌵𑌾𑌦॑𑌶𑌕𑌪𑌾𑌲॒-𑌮𑍍𑌭𑍂𑌮𑍍𑌯𑍈॑ [-𑌭𑍂𑌮𑍍𑌯𑍈᳚, 𑌚॒𑌰𑍁𑌂-𑌯𑌃 𑌁𑌕𑌾॒𑌮𑌯𑍇॑𑌤॒] 8

𑌚॒𑌰𑍁𑌂-𑌯𑌃 𑌁𑌕𑌾॒𑌮𑌯𑍇॑𑌤॒ 𑌹𑌿𑌰॑𑌣𑍍𑌯𑌂-𑌵𑌿𑌁𑌨𑍍𑌦𑍇𑌯॒ 𑌹𑌿𑌰॑𑌣𑍍𑌯॒-𑌮𑍍𑌮𑍋𑌪॑ 𑌨𑌮𑍇॒𑌦𑌿𑌤𑌿॒ 𑌯𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑍍𑌯𑌾𑌗𑍍𑌨𑍇॒𑌯𑌂-𑌵𑍈𑌁 𑌹𑌿𑌰॑𑌣𑍍𑌯𑌂॒-𑌯𑌁𑌸𑍍𑌯𑍈॒𑌵 𑌹𑌿𑌰॑𑌣𑍍𑌯॒-𑌨𑍍𑌤𑍇𑌨𑍈॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑍇 𑌸𑌾𑌵𑌿॒𑌤𑍍𑌰𑍋 𑌭॑𑌵𑌤𑌿 𑌸𑌵𑌿॒𑌤𑍃𑌪𑍍𑌰॑𑌸𑍂𑌤 𑌏॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑍇॒ 𑌭𑍂𑌮𑍍𑌯𑍈॑ 𑌚॒𑌰𑍁𑌰𑍍𑌭॑𑌵𑌤𑍍𑌯॒𑌸𑍍𑌯𑌾𑌮𑍇॒𑌵𑍈𑌨॑-𑌦𑍍𑌵𑌿𑌨𑍍𑌦𑌤॒ 𑌉𑌪𑍈॑𑌨॒𑌗𑍍𑌂॒ 𑌹𑌿𑌰॑𑌣𑍍𑌯-𑌨𑍍𑌨𑌮𑌤𑌿॒ 𑌵𑌿 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣𑌰𑍍𑌧𑍍𑌯𑌤𑍇॒ 𑌯𑍋 𑌹𑌿𑌰॑𑌣𑍍𑌯𑌂-𑌵𑌿𑌁॒𑌨𑍍𑌦𑌤॑ 𑌏॒𑌤𑌾- [𑌏॒𑌤𑌾𑌮𑍍, 𑌏॒𑌵] 9

-𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌧𑌿𑌰॑𑌣𑍍𑌯𑌂-𑌵𑌿𑌁॒𑌤𑍍𑌤𑍍𑌵𑌾 𑌨𑍇𑌨𑍍𑌦𑍍𑌰𑌿॒𑌯𑍇𑌣॑ 𑌵𑍀॒𑌰𑍍𑌯𑍇॑𑌣॒ 𑌵𑍍𑌯𑍃॑𑌦𑍍𑌧𑍍𑌯𑌤 𑌏॒𑌤𑌾𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌯𑌸𑍍𑌯॒ 𑌹𑌿𑌰॑𑌣𑍍𑌯॒-𑌨𑍍𑌨𑌶𑍍𑌯𑍇॒𑌦𑍍𑌯𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑍍𑌯𑌾𑌗𑍍𑌨𑍇॒𑌯𑌂-𑌵𑍈𑌁 𑌹𑌿𑌰॑𑌣𑍍𑌯𑌂॒-𑌯𑌁𑌸𑍍𑌯𑍈॒ 𑌵 𑌹𑌿𑌰॑𑌣𑍍𑌯॒-𑌨𑍍𑌤𑍇𑌨𑍈॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑌿 𑌸𑌾𑌵𑌿॒𑌤𑍍𑌰𑍋 𑌭॑𑌵𑌤𑌿 𑌸𑌵𑌿॒𑌤𑍃-𑌪𑍍𑌰॑𑌸𑍂𑌤 𑌏॒𑌵𑍈𑌨॑-𑌦𑍍𑌵𑌿𑌨𑍍𑌦𑌤𑌿॒ 𑌭𑍂𑌮𑍍𑌯𑍈॑ 𑌚॒𑌰𑍁𑌰𑍍𑌭॑𑌵𑌤𑍍𑌯॒𑌸𑍍𑌯𑌾𑌂-𑌵𑌾𑌁 𑌏॒𑌤𑌨𑍍𑌨॑𑌶𑍍𑌯𑌤𑌿॒ 𑌯𑌨𑍍𑌨𑌶𑍍𑌯॑𑌤𑍍𑌯॒𑌸𑍍𑌯𑌾𑌮𑍇॒𑌵𑍈𑌨॑-𑌦𑍍𑌵𑌿𑌨𑍍𑌦॒𑌤𑍀𑌨𑍍𑌦𑍍𑌰॒- [𑌦𑍍𑌵𑌿𑌨𑍍𑌦॒𑌤𑍀𑌨𑍍𑌦𑍍𑌰𑌃॑, 𑌤𑍍𑌵𑌷𑍍𑌟𑍁॒-𑌸𑍍𑌸𑍋𑌮॑] 10

-𑌸𑍍𑌤𑍍𑌵𑌷𑍍𑌟𑍁॒-𑌸𑍍𑌸𑍋𑌮॑-𑌮𑌭𑍀॒𑌷𑌹𑌾॑-𑌽 𑌪𑌿𑌬॒-𑌥𑍍𑌸 𑌵𑌿𑌷𑍍𑌵𑌂॒-𑌵𑍍𑌯𑌾𑌁᳚𑌰𑍍𑌚𑍍𑌛॒-𑌥𑍍𑌸 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌸𑍋𑌮𑌪𑍀॒𑌥𑍇𑌨॒ 𑌵𑍍𑌯𑌾᳚𑌰𑍍𑌧𑍍𑌯𑌤॒ 𑌸 𑌯𑌦𑍂॒𑌰𑍍𑌧𑍍𑌵𑌮𑍁॒𑌦𑌵॑𑌮𑍀॒-𑌤𑍍𑌤𑍇 𑌶𑍍𑌯𑌾॒𑌮𑌾𑌕𑌾॑ 𑌅𑌭𑌵॒𑌨𑍍𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑𑌧𑌾𑌵॒-𑌤𑍍𑌤𑌸𑍍𑌮𑌾॑ 𑌏॒𑌤𑌗𑍍𑌂 𑌸𑍋॑𑌮𑍇॒𑌨𑍍𑌦𑍍𑌰𑌗𑍍𑌗𑍍 𑌶𑍍𑌯𑌾॑𑌮𑌾॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪॒-𑌤𑍍𑌤𑍇𑌨𑍈॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯𑌗𑍍𑌂 𑌸𑍋॑𑌮𑌪𑍀॒𑌥𑌮॑𑌦𑌧𑌾॒𑌦𑍍𑌵𑌿 𑌵𑌾 𑌏॒𑌷 𑌇॑𑌨𑍍𑌦𑍍𑌰𑌿॒𑌯𑍇𑌣॑ 𑌸𑍋𑌮॒𑌪𑍀𑌥𑍇𑌨॑𑌰𑍍𑌧𑍍𑌯𑌤𑍇॒ 𑌯-𑌸𑍍𑌸𑍋𑌮𑌂॒-𑌵𑌁𑌮𑌿॑𑌤𑌿॒ 𑌯-𑌸𑍍𑌸𑍋॑𑌮𑌵𑌾॒𑌮𑍀 𑌸𑍍𑌯𑌾-𑌤𑍍𑌤𑌸𑍍𑌮𑌾॑ [𑌸𑍍𑌯𑌾-𑌤𑍍𑌤𑌸𑍍𑌮𑍈᳚, 𑌏॒𑌤𑌗𑍍𑌂] 11

𑌏॒𑌤𑌗𑍍𑌂 𑌸𑍋॑𑌮𑍇॒𑌨𑍍𑌦𑍍𑌰𑌗𑍍𑌗𑍍 𑌶𑍍𑌯𑌾॑𑌮𑌾॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌥𑍍𑌸𑍋𑌮॑-𑌞𑍍𑌚𑍈॒𑌵𑍇𑌨𑍍𑌦𑍍𑌰॑-𑌞𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑𑌨𑍍𑌨𑌿𑌨𑍍𑌦𑍍𑌰𑌿॒𑌯𑌗𑍍𑌂 𑌸𑍋॑𑌮𑌪𑍀॒𑌥-𑌨𑍍𑌧॑𑌤𑍍𑌤𑍋॒ 𑌨𑍇𑌨𑍍𑌦𑍍𑌰𑌿॒𑌯𑍇𑌣॑ 𑌸𑍋𑌮𑌪𑍀॒𑌥𑍇𑌨॒ 𑌵𑍍𑌯𑍃॑𑌦𑍍𑌧𑍍𑌯𑌤𑍇॒ 𑌯-𑌥𑍍𑌸𑍗॒𑌮𑍍𑌯𑍋 𑌭𑌵॑𑌤𑌿 𑌸𑍋𑌮𑌪𑍀॒𑌥𑌮𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑍈॒𑌨𑍍𑌦𑍍𑌰𑍋 𑌭𑌵॑𑌤𑍀𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌸𑍋॑𑌮𑌪𑍀॒𑌥 𑌇॑𑌨𑍍𑌦𑍍𑌰𑌿॒𑌯𑌮𑍇॒𑌵 𑌸𑍋॑𑌮𑌪𑍀॒𑌥𑌮𑌵॑ 𑌰𑍁𑌨𑍍𑌧𑍇 𑌶𑍍𑌯𑌾𑌮𑌾॒𑌕𑍋 𑌭॑𑌵𑌤𑍍𑌯𑍇॒𑌷 𑌵𑌾𑌵 𑌸 𑌸𑍋𑌮॑- [𑌸 𑌸𑍋𑌮𑌃॑, 𑌸𑌾॒𑌕𑍍𑌷𑌾𑌦𑍇॒𑌵] 12

-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌸𑍋॑𑌮𑌪𑍀॒𑌥𑌮𑌵॑ 𑌰𑍁𑌨𑍍𑌧𑍇॒ 𑌽𑌗𑍍𑌨𑌯𑍇॑ 𑌦𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑌿𑌨𑍍𑌦𑍍𑌰𑌾॑𑌯 𑌪𑍍𑌰𑌦𑌾॒𑌤𑍍𑌰𑍇 𑌪𑍁॑𑌰𑍋॒𑌡𑌾𑌶॒𑌮𑍇𑌕𑌾॑𑌦𑌶𑌕𑌪𑌾𑌲-𑌮𑍍𑌪॒𑌶𑍁𑌕𑌾॑𑌮𑍋॒-𑌽𑌗𑍍𑌨𑌿𑌰𑍇॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰॑𑌜॒𑌨𑌯॑𑌤𑌿 𑌵𑍃॒𑌦𑍍𑌧𑌾𑌨𑌿𑌨𑍍𑌦𑍍𑌰𑌃॒ 𑌪𑍍𑌰 𑌯॑𑌚𑍍𑌛𑌤𑌿॒ 𑌦𑌧𑌿॒ 𑌮𑌧𑍁॑ 𑌘𑍃॒𑌤𑌮𑌾𑌪𑍋॑ 𑌧𑌾॒𑌨𑌾 𑌭॑𑌵𑌨𑍍𑌤𑍍𑌯𑍇॒𑌤𑌦𑍍𑌵𑍈 𑌪॑𑌶𑍂॒𑌨𑌾𑌗𑍍𑌂 𑌰𑍂॒𑌪𑌗𑍍𑌂 𑌰𑍂॒𑌪𑍇𑌣𑍈॒𑌵 𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 𑌪𑌞𑍍𑌚-𑌗𑍃𑌹𑍀॒𑌤-𑌮𑍍𑌭॑𑌵𑌤𑌿॒ 𑌪𑌾𑌙𑍍𑌕𑍍𑌤𑌾॒ 𑌹𑌿 𑌪॒𑌶𑌵𑍋॑ 𑌬𑌹𑍁 𑌰𑍂॒𑌪-𑌮𑍍𑌭॑𑌵𑌤𑌿 𑌬𑌹𑍁 𑌰𑍂॒𑌪𑌾 𑌹𑌿 𑌪॒𑌶𑌵॒- [𑌪॒𑌶𑌵𑌃॑, 𑌸𑌮𑍃॑𑌦𑍍𑌧𑍍𑌯𑍈] 13

-𑌸𑍍𑌸𑌮𑍃॑𑌦𑍍𑌧𑍍𑌯𑍈 𑌪𑍍𑌰𑌾𑌜𑌾𑌪॒𑌤𑍍𑌯-𑌮𑍍𑌭॑𑌵𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌵𑍈 𑌪॒𑌶𑌵𑌃॑ 𑌪𑍍𑌰॒𑌜𑌾𑌪॑𑌤𑌿𑌰𑍇॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤𑍍𑌯𑌾॒𑌤𑍍𑌮𑌾 𑌵𑍈 𑌪𑍁𑌰𑍁॑𑌷𑌸𑍍𑌯॒ 𑌮𑌧𑍁॒ 𑌯𑌨𑍍𑌮𑌦𑍍𑌧𑍍𑌵॒𑌗𑍍𑌨𑍗 𑌜𑍁॒𑌹𑍋𑌤𑍍𑌯𑌾॒𑌤𑍍𑌮𑌾𑌨॑𑌮𑍇॒𑌵 𑌤-𑌦𑍍𑌯𑌜॑𑌮𑌾𑌨𑍋॒-𑌽𑌗𑍍𑌨𑍗 𑌪𑍍𑌰𑌦॑𑌧𑌾𑌤𑌿 𑌪॒𑌙𑍍𑌕𑍍𑌤𑍍𑌯𑍗॑ 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑌃॒ 𑌪𑌾𑌙𑍍𑌕𑍍𑌤𑌃॒ 𑌪𑍁𑌰𑍁॑𑌷𑌃॒ 𑌪𑌾𑌙𑍍𑌕𑍍𑌤𑌾𑌃᳚ 𑌪॒𑌶𑌵॑ 𑌆॒𑌤𑍍𑌮𑌾𑌨॑𑌮𑍇॒𑌵 𑌮𑍃॒𑌤𑍍𑌯𑍋𑌰𑍍𑌨𑌿॒𑌷𑍍𑌕𑍍𑌰𑍀𑌯॑𑌪॒𑌶𑍂𑌨𑌵॑ 𑌰𑍁𑌨𑍍𑌧𑍇 ॥ 14 ॥

(𑌇॒𑌨𑍍𑌦𑍍𑌰𑌿॒𑌯𑍇᳚ - 𑌽𑌸𑍍𑌮𑌿॒𑌨𑍍 - 𑌭𑍂𑌮𑍍𑌯𑌾॑ - 𑌏॒𑌤𑌾 - 𑌮𑌿𑌨𑍍𑌦𑍍𑌰𑌃॒ - 𑌸𑍍𑌯𑌾-𑌤𑍍𑌤𑌸𑍍𑌮𑍈॒ - 𑌸𑍋𑌮𑍋॑ - 𑌬𑌹𑍁 𑌰𑍂॒𑌪𑌾 𑌹𑌿 𑌪॒𑌶𑌵॒ - 𑌏𑌕॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚 ) (𑌅. 2)

𑌦𑍇॒𑌵𑌾 𑌵𑍈 𑌸॒𑌤𑍍𑌰𑌮𑌾॑𑌸॒𑌤-𑌰𑍍𑌧𑌿॑𑌪𑌰𑌿𑌮𑌿𑌤𑌂॒-𑌯𑌁𑌶॑𑌸𑍍𑌕𑌾𑌮𑌾॒𑌸𑍍𑌤𑍇𑌷𑌾॒𑌗𑍍𑌂॒ 𑌸𑍋𑌮॒𑌗𑍍𑌂॒ 𑌰𑌾𑌜𑌾॑𑌨𑌂॒-𑌯𑌁𑌶॑ 𑌆𑌰𑍍𑌚𑍍𑌛॒-𑌥𑍍𑌸 𑌗𑌿॒𑌰𑌿𑌮𑍁𑌦𑍈॒-𑌤𑍍𑌤𑌮॒𑌗𑍍𑌨𑌿𑌰𑌨𑍂𑌦𑍈॒-𑌤𑍍𑌤𑌾𑌵॒𑌗𑍍𑌨𑍀𑌷𑍋𑌮𑍗॒ 𑌸𑌮॑𑌭𑌵𑌤𑌾॒-𑌨𑍍𑌤𑌾𑌵𑌿𑌨𑍍𑌦𑍍𑌰𑍋॑ 𑌯॒𑌜𑍍𑌞𑌵𑌿॑𑌭𑍍𑌰॒𑌷𑍍𑌟𑍋-𑌽𑌨𑍁॒ 𑌪𑌰𑍈॒-𑌤𑍍𑌤𑌾𑌵॑𑌬𑍍𑌰𑌵𑍀𑌦𑍍𑌯𑌾॒𑌜𑌯॑𑌤॒-𑌮𑍍𑌮𑍇𑌤𑌿॒ 𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰॑𑌵𑌪𑌤𑌾𑌮𑌾𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲𑌮𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲𑌗𑍍𑌂 𑌸𑍗॒𑌮𑍍𑌯-𑌞𑍍𑌚॒𑌰𑍁-𑌨𑍍𑌤𑌯𑍈॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌜॑ [𑌤𑌯𑍈॒𑌵𑌾-𑌽𑌸𑍍𑌮𑌿॒-𑌨𑍍𑌤𑍇𑌜𑌃॑, 𑌇॒𑌨𑍍𑌦𑍍𑌰𑌿॒𑌯-𑌮𑍍𑌬𑍍𑌰॑𑌹𑍍𑌮𑌵𑌰𑍍𑌚॒𑌸-] 15

𑌇𑌨𑍍𑌦𑍍𑌰𑌿॒𑌯-𑌮𑍍𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌮॑𑌧𑌤𑍍𑌤𑌾𑌂॒-𑌯𑍋𑌁 𑌯॒𑌜𑍍𑌞𑌵𑌿॑𑌭𑍍𑌰𑌷𑍍𑌟॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲𑌮𑍈॒𑌨𑍍𑌦𑍍𑌰-𑌮𑍇𑌕𑌾॑𑌦𑌶𑌕𑌪𑌾𑌲𑌗𑍍𑌂 𑌸𑍗॒𑌮𑍍𑌯-𑌞𑍍𑌚॒𑌰𑍁𑌂-𑌯𑌁𑌦𑌾᳚𑌗𑍍𑌨𑍇॒𑌯𑍋 𑌭𑌵॑𑌤𑌿॒ 𑌤𑍇𑌜॑ 𑌏॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯𑌦𑍈॒𑌨𑍍𑌦𑍍𑌰𑍋 𑌭𑌵॑𑌤𑍀𑌨𑍍𑌦𑍍𑌰𑌿॒𑌯𑌮𑍇॒𑌵𑌾𑌸𑍍𑌮𑌿॒-𑌨𑍍𑌤𑍇𑌨॑ 𑌦𑌧𑌾𑌤𑌿॒ 𑌯-𑌥𑍍𑌸𑍗॒𑌮𑍍𑌯𑍋 𑌬𑍍𑌰॑𑌹𑍍𑌮𑌵𑌰𑍍𑌚॒𑌸-𑌨𑍍𑌤𑍇𑌨𑌾᳚ 𑌽𑌽𑌗𑍍𑌨𑍇॒𑌯𑌸𑍍𑌯॑ 𑌚 𑌸𑍗॒𑌮𑍍𑌯𑌸𑍍𑌯॑ 𑌚𑍈॒𑌨𑍍𑌦𑍍𑌰𑍇 𑌸॒𑌮𑌾𑌶𑍍𑌲𑍇॑𑌷𑌯𑍇॒-𑌤𑍍𑌤𑍇𑌜॑𑌶𑍍𑌚𑍈॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌞𑍍𑌚॑ 𑌸॒𑌮𑍀𑌚𑍀॑ [𑌸॒𑌮𑍀𑌚𑍀᳚, 𑌦॒𑌧𑌾॒𑌤𑍍𑌯॒𑌗𑍍𑌨𑍀॒𑌷𑍋॒𑌮𑍀𑌯॒-] 16

𑌦𑌧𑌾𑌤𑍍𑌯𑌗𑍍𑌨𑍀𑌷𑍋॒𑌮𑍀𑌯॒-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯-𑌙𑍍𑌕𑌾𑌮𑍋॒ 𑌨𑍋𑌪॒𑌨𑌮𑍇॑𑌦𑌾𑌗𑍍𑌨𑍇॒𑌯𑍋 𑌵𑍈 𑌬𑍍𑌰𑌾᳚𑌹𑍍𑌮॒𑌣-𑌸𑍍𑌸 𑌸𑍋𑌮॑-𑌮𑍍𑌪𑌿𑌬𑌤𑌿॒ 𑌸𑍍𑌵𑌾𑌮𑍇॒𑌵 𑌦𑍇॒𑌵𑌤𑌾॒𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸𑍈𑌵𑍈𑌨॒-𑌙𑍍𑌕𑌾𑌮𑍇॑𑌨॒ 𑌸𑌮॑𑌰𑍍𑌧𑌯॒𑌤𑍍𑌯𑍁𑌪𑍈॑𑌨॒-𑌙𑍍𑌕𑌾𑌮𑍋॑ 𑌨𑌮𑌤𑍍𑌯𑌗𑍍𑌨𑍀𑌷𑍋॒𑌮𑍀𑌯॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇-𑌦𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸𑌕𑌾॑𑌮𑍋॒-𑌽𑌗𑍍𑌨𑍀𑌷𑍋𑌮𑌾॑ 𑌵𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॑-𑌨𑍍𑌬𑍍𑌰𑌹𑍍𑌮𑌵𑌰𑍍𑌚॒𑌸-𑌨𑍍𑌧॑𑌤𑍍𑌤𑍋 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 [𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵, 𑌭॒𑌵॒𑌤𑌿॒ 𑌯𑌦॒𑌷𑍍𑌟𑌾𑌕॑𑌪𑌾𑌲॒-] 17

𑌭॑𑌵𑌤𑌿॒ 𑌯𑌦॒𑌷𑍍𑌟𑌾𑌕॑𑌪𑌾𑌲॒-𑌸𑍍𑌤𑍇𑌨𑌾᳚-𑌽𑌽𑌗𑍍𑌨𑍇॒𑌯𑍋 𑌯𑌚𑍍𑌛𑍍𑌯𑌾॑𑌮𑌾॒𑌕𑌸𑍍𑌤𑍇𑌨॑ 𑌸𑍗॒𑌮𑍍𑌯-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌸𑍋𑌮𑌾॑𑌯 𑌵𑌾॒𑌜𑌿𑌨𑍇᳚ 𑌶𑍍𑌯𑌾𑌮𑌾॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑍍𑌲𑍈𑌬𑍍𑌯𑌾᳚𑌦𑍍𑌬𑌿𑌭𑍀॒𑌯𑌾-𑌦𑍍𑌰𑍇𑌤𑍋॒ 𑌹𑌿 𑌵𑌾 𑌏॒𑌤𑌸𑍍𑌮𑌾॒-𑌦𑍍𑌵𑌾𑌜𑌿॑𑌨𑌮𑌪॒𑌕𑍍𑌰𑌾𑌮॒𑌤𑍍𑌯𑌥𑍈॒𑌷 𑌕𑍍𑌲𑍈𑌬𑍍𑌯𑌾᳚𑌦𑍍𑌬𑌿𑌭𑌾𑌯॒ 𑌸𑍋𑌮॑𑌮𑍇॒𑌵 𑌵𑌾॒𑌜𑌿𑌨॒𑌗𑍍𑌗𑍍॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑌿॒-𑌨𑍍𑌰𑍇𑌤𑍋॒ 𑌵𑌾𑌜𑌿॑𑌨-𑌨𑍍𑌦𑌧𑌾𑌤𑌿॒ 𑌨 𑌕𑍍𑌲𑍀॒𑌬𑍋 𑌭॑𑌵𑌤𑌿𑌬𑍍𑌰𑌾𑌹𑍍𑌮𑌣𑌸𑍍𑌪॒𑌤𑍍𑌯-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌗𑍍𑌰𑌾𑌮॑𑌕𑌾𑌮𑍋॒ [-𑌨𑌿𑌰𑍍𑌵॑𑌪𑍇॒-𑌦𑍍𑌗𑍍𑌰𑌾𑌮॑𑌕𑌾𑌮𑌃, 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॑𑌮𑍇॒𑌵] 18

𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰 𑌯॑𑌚𑍍𑌛𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌗॒𑌣𑌵॑𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤-𑌸𑍍𑌸𑌜𑌾॒𑌤𑍈𑌰𑍇॒𑌵𑍈𑌨॑-𑌙𑍍𑌗॒𑌣𑌵॑𑌨𑍍𑌤-𑌙𑍍𑌕𑌰𑍋𑌤𑍍𑌯𑍇॒𑌤𑌾𑌮𑍇॒𑌵 𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌬𑍍𑌰𑌹𑍍𑌮॒𑌨𑍍 𑌵𑌿𑌶𑌂॒-𑌵𑌿𑌁 𑌨𑌾॑𑌶𑌯𑍇𑌯॒𑌮𑌿𑌤𑌿॑ 𑌮𑌾𑌰𑍁॒𑌤𑍀 𑌯𑌾᳚𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌕𑍁𑌰𑍍𑌯𑌾॒-𑌦𑍍𑌬𑍍𑌰𑌹𑍍𑌮॑𑌨𑍍𑌨𑍇॒𑌵 𑌵𑌿𑌶𑌂॒-𑌵𑌿𑌁 𑌨𑌾॑𑌶𑌯𑌤𑌿 ॥ 19

(𑌤𑍇𑌜𑌃॑ - 𑌸॒𑌮𑍀𑌚𑍀᳚ - 𑌬𑍍𑌰𑌹𑍍𑌮𑌵𑌰𑍍𑌚॒𑌸𑍍𑌯𑍇॑𑌵 - 𑌗𑍍𑌰𑌾𑌮॑𑌕𑌾𑌮॒ - 𑌸𑍍𑌤𑍍𑌰𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚 ) (𑌅. 3)

𑌅॒𑌰𑍍𑌯॒𑌮𑍍𑌣𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪-𑌥𑍍𑌸𑍁𑌵॒𑌰𑍍𑌗𑌕𑌾॑𑌮𑍋॒-𑌽𑌸𑍗 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌰𑍍𑌯॒𑌮𑌾-𑌽𑌰𑍍𑌯॒𑌮𑌣॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨𑌗𑍍𑌂॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑍍𑌯𑌰𑍍𑌯॒𑌮𑍍𑌣𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤॒ 𑌦𑌾𑌨॑𑌕𑌾𑌮𑌾 𑌮𑍇 𑌪𑍍𑌰॒𑌜𑌾-𑌸𑍍𑌸𑍍𑌯𑍁॒𑌰𑌿𑌤𑍍𑌯॒𑌸𑍗 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌰𑍍𑌯॒𑌮𑌾 𑌯𑌃 𑌖𑌲𑍁॒ 𑌵𑍈 𑌦𑌦𑌾॑𑌤𑌿॒ 𑌸𑍋᳚-𑌽𑌰𑍍𑌯॒𑌮𑌾-𑌽𑌰𑍍𑌯॒𑌮𑌣॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑌾- [𑌸 𑌏॒𑌵, 𑌅॒𑌸𑍍𑌮𑍈॒ 𑌦𑌾𑌨॑𑌕𑌾𑌮𑌾𑌃] 20

-𑌽𑌸𑍍𑌮𑍈॒ 𑌦𑌾𑌨॑𑌕𑌾𑌮𑌾𑌃 𑌪𑍍𑌰॒𑌜𑌾𑌃 𑌕॑𑌰𑍋𑌤𑌿॒ 𑌦𑌾𑌨॑𑌕𑌾𑌮𑌾 𑌅𑌸𑍍𑌮𑍈 𑌪𑍍𑌰॒𑌜𑌾 𑌭॑𑌵𑌨𑍍𑌤𑍍𑌯𑌰𑍍𑌯॒𑌮𑍍𑌣𑍇 𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌯𑌃 𑌕𑌾॒𑌮𑌯𑍇॑𑌤 𑌸𑍍𑌵॒𑌸𑍍𑌤𑌿 𑌜॒𑌨𑌤𑌾॑𑌮𑌿𑌯𑌾॒𑌮𑌿𑌤𑍍𑌯॒𑌸𑍗 𑌵𑌾 𑌆॑𑌦𑌿॒𑌤𑍍𑌯𑍋᳚-𑌽𑌰𑍍𑌯॒𑌮𑌾- 𑌽𑌰𑍍𑌯॒𑌮𑌣॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌨𑍍𑌤-𑌦𑍍𑌗॑𑌮𑌯𑌤𑌿॒ 𑌯𑌤𑍍𑌰॒ 𑌜𑌿𑌗॑𑌮𑌿𑌷॒𑌤𑍀𑌨𑍍𑌦𑍍𑌰𑍋॒ 𑌵𑍈 𑌦𑍇॒𑌵𑌾𑌨𑌾॑𑌮𑌾𑌨𑍁𑌜𑌾𑌵॒𑌰 𑌆॑𑌸𑍀॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒ -𑌮𑍁𑌪𑌾॑𑌧𑌾𑌵॒-𑌤𑍍𑌤𑌸𑍍𑌮𑌾॑ 𑌏॒𑌤𑌮𑍈॒𑌨𑍍𑌦𑍍𑌰𑌮𑌾॑𑌨𑍁𑌷𑍂॒𑌕-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿- [-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌃, 𑌅॒𑌵॒𑌪॒-𑌤𑍍𑌤𑍇𑌨𑍈॒𑌵𑍈𑌨॒𑌮𑌗𑍍𑌰𑌂॑-] 21

-𑌰॑𑌵𑌪॒-𑌤𑍍𑌤𑍇𑌨𑍈॒𑌵𑍈𑌨॒-𑌮𑌗𑍍𑌰॑-𑌨𑍍𑌦𑍇॒𑌵𑌤𑌾॑𑌨𑌾॒-𑌮𑍍𑌪𑌰𑍍𑌯॑𑌣𑌯-𑌦𑍍𑌬𑍁॒𑌦𑍍𑌧𑍍𑌨𑌵॑𑌤𑍀॒ 𑌅𑌗𑍍𑌰॑𑌵𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌅𑌕𑌰𑍋-𑌦𑍍𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒𑌮𑌗𑍍𑌰॒-𑌮𑍍𑌪𑌰𑍍𑌯॑𑌣𑌯॒𑌦𑍍𑌯𑍋 𑌰𑌾॑𑌜॒𑌨𑍍𑌯॑ 𑌆𑌨𑍁𑌜𑌾𑌵॒𑌰-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌮𑍈॒𑌨𑍍𑌦𑍍𑌰-𑌮𑌾॑𑌨𑍁𑌷𑍂॒𑌕-𑌮𑍇𑌕𑌾॑𑌦𑌶𑌕𑌪𑌾𑌲॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑌿𑌨𑍍𑌦𑍍𑌰॑𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌮𑌗𑍍𑌰𑌗𑍍𑌂॑ 𑌸𑌮𑌾॒𑌨𑌾𑌨𑌾॒-𑌮𑍍𑌪𑌰𑌿॑𑌣𑌯𑌤𑌿 𑌬𑍁॒𑌦𑍍𑌧𑍍𑌨𑌵॑𑌤𑍀॒ 𑌅𑌗𑍍𑌰॑𑌵𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑍋 𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒-𑌮𑌗𑍍𑌰॒𑌮𑍍- [𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒-𑌮𑌗𑍍𑌰᳚𑌮𑍍, 𑌪𑌰𑌿॑] 22

-𑌪𑌰𑌿॑ 𑌣𑌯𑌤𑍍𑌯𑌾𑌨𑍁𑌷𑍂॒𑌕𑍋 𑌭॑𑌵𑌤𑍍𑌯𑍇॒𑌷𑌾 𑌹𑍍𑌯𑍇॑𑌤𑌸𑍍𑌯॑ 𑌦𑍇॒𑌵𑌤𑌾॒ 𑌯 𑌆॑𑌨𑍁𑌜𑌾𑌵॒𑌰-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌯𑍋 𑌬𑍍𑌰𑌾᳚𑌹𑍍𑌮॒𑌣 𑌆॑𑌨𑍁𑌜𑌾𑌵॒𑌰-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤-𑌮𑍍𑌬𑌾॑𑌰𑍍𑌹𑌸𑍍𑌪॒𑌤𑍍𑌯-𑌮𑌾॑𑌨𑍁𑌷𑍂॒𑌕-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌬𑍃𑌹॒𑌸𑍍𑌪𑌤𑌿॑-𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒𑌮𑌗𑍍𑌰𑌗𑍍𑌂॑ 𑌸𑌮𑌾॒𑌨𑌾𑌨𑌾॒-𑌮𑍍𑌪𑌰𑌿॑𑌣𑌯𑌤𑌿 𑌬𑍁॒𑌦𑍍𑌧𑍍𑌨𑌵॑𑌤𑍀॒ 𑌅𑌗𑍍𑌰॑𑌵𑌤𑍀 𑌯𑌾𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤𑍋 𑌬𑍁॒𑌦𑍍𑌧𑍍𑌨𑌾-𑌦𑍇॒𑌵𑍈𑌨॒-𑌮𑌗𑍍𑌰॒-𑌮𑍍𑌪𑌰𑌿॑ 𑌣𑌯𑌤𑍍𑌯𑌾𑌨𑍁𑌷𑍂॒𑌕𑍋 𑌭॑𑌵𑌤𑍍𑌯𑍇॒𑌷𑌾 𑌹𑍍𑌯𑍇॑𑌤𑌸𑍍𑌯॑ 𑌦𑍇॒𑌵𑌤𑌾॒ 𑌯 𑌆॑𑌨𑍁𑌜𑌾𑌵॒𑌰-𑌸𑍍𑌸𑌮𑍃॑𑌦𑍍𑌧𑍍𑌯𑍈 ॥ 23 ॥

(𑌏॒𑌵 - 𑌨𑌿𑌰 - 𑌗𑍍𑌰॑-𑌮𑍇॒𑌤𑌸𑍍𑌯॑ - 𑌚॒𑌤𑍍𑌵𑌾𑌰𑌿॑ 𑌚) (𑌅. 4)

𑌪𑍍𑌰॒𑌜𑌾𑌪॑𑌤𑍇॒-𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶-𑌦𑍍𑌦𑍁𑌹𑌿॒𑌤𑌰॑ 𑌆𑌸॒-𑌨𑍍𑌤𑌾-𑌸𑍍𑌸𑍋𑌮𑌾॑𑌯॒ 𑌰𑌾𑌜𑍍𑌞𑍇॑-𑌽𑌦𑌦𑌾॒-𑌤𑍍𑌤𑌾𑌸𑌾𑌗𑍍𑌂॑ 𑌰𑍋𑌹𑌿॒𑌣𑍀𑌮𑍁𑌪𑍈॒-𑌤𑍍𑌤𑌾 𑌈𑌰𑍍𑌷𑍍𑌯॑𑌨𑍍𑌤𑍀𑌃॒ 𑌪𑍁𑌨॑𑌰𑌗𑌚𑍍𑌛॒-𑌨𑍍𑌤𑌾 𑌅𑌨𑍍𑌵𑍈॒-𑌤𑍍𑌤𑌾𑌃 𑌪𑍁𑌨॑𑌰𑌯𑌾𑌚𑌤॒ 𑌤𑌾 𑌅॑𑌸𑍍𑌮𑍈॒ 𑌨 𑌪𑍁𑌨॑𑌰𑌦𑌦𑌾॒-𑌥𑍍𑌸𑍋᳚-𑌽𑌬𑍍𑌰𑌵𑍀-𑌦𑍃॒𑌤-𑌮॑𑌮𑍀𑌷𑍍𑌵॒ 𑌯𑌥𑌾॑ 𑌸𑌮𑌾𑌵॒𑌚𑍍𑌛 𑌉॑𑌪𑍈॒𑌷𑍍𑌯𑌾𑌮𑍍𑌯𑌥॑ 𑌤𑍇॒ 𑌪𑍁𑌨॑-𑌰𑍍𑌦𑌾𑌸𑍍𑌯𑌾॒𑌮𑍀𑌤𑌿॒ 𑌸 𑌋॒𑌤𑌮𑌾॑𑌮𑍀॒-𑌤𑍍𑌤𑌾 𑌅॑𑌸𑍍𑌮𑍈॒ 𑌪𑍁𑌨॑𑌰𑌦𑌦𑌾॒-𑌤𑍍𑌤𑌾𑌸𑌾𑌗𑍍𑌂॑ 𑌰𑍋𑌹𑌿॒𑌣𑍀𑌮𑍇॒𑌵𑍋𑌪॒- [𑌰𑍋𑌹𑌿॒𑌣𑍀𑌮𑍇॒𑌵𑍋𑌪॑, 𑌐॒𑌤𑍍𑌤𑌂-𑌯𑌁𑌕𑍍𑌷𑍍𑌮॑] 24

-𑌤𑍍𑌤𑌂-𑌯𑌁𑌕𑍍𑌷𑍍𑌮॑ 𑌆𑌰𑍍𑌚𑍍𑌛॒-𑌦𑍍𑌰𑌾𑌜𑌾॑𑌨𑌂॒-𑌯𑌁𑌕𑍍𑌷𑍍𑌮॑ 𑌆𑌰॒𑌦𑌿𑌤𑌿॒ 𑌤𑌦𑍍𑌰𑌾॑𑌜𑌯॒𑌕𑍍𑌷𑍍𑌮𑌸𑍍𑌯॒ 𑌜𑌨𑍍𑌮॒ 𑌯-𑌤𑍍𑌪𑌾𑌪𑍀॑𑌯𑌾॒𑌨𑌭॑𑌵॒-𑌤𑍍𑌤-𑌤𑍍𑌪𑌾॑𑌪𑌯॒𑌕𑍍𑌷𑍍𑌮𑌸𑍍𑌯॒ 𑌯𑌜𑍍𑌜𑌾॒𑌯𑌾𑌭𑍍𑌯𑍋-𑌽𑌵𑌿॑𑌨𑍍𑌦॒-𑌤𑍍𑌤𑌜𑍍𑌜𑌾॒𑌯𑍇𑌨𑍍𑌯॑𑌸𑍍𑌯॒𑌯 𑌏॒𑌵𑌮𑍇॒𑌤𑍇𑌷𑌾𑌂॒-𑌯𑌁𑌕𑍍𑌷𑍍𑌮𑌾॑𑌣𑌾॒-𑌞𑍍𑌜𑌨𑍍𑌮॒ 𑌵𑍇𑌦॒ 𑌨𑍈𑌨॑𑌮𑍇॒𑌤𑍇 𑌯𑌕𑍍𑌷𑍍𑌮𑌾॑ 𑌵𑌿𑌨𑍍𑌦𑌨𑍍𑌤𑌿॒𑌸 𑌏॒𑌤𑌾 𑌏॒𑌵 𑌨॑𑌮॒𑌸𑍍𑌯-𑌨𑍍𑌨𑍁𑌪𑌾॑-𑌽𑌧𑌾𑌵॒-𑌤𑍍𑌤𑌾 𑌅॑𑌬𑍍𑌰𑍁𑌵॒𑌨𑍍. 𑌵𑌰𑌂॑-𑌵𑍃𑌁𑌣𑌾𑌮𑌹𑍈 𑌸𑌮𑌾𑌵॒𑌚𑍍𑌛 𑌏॒𑌵 𑌨॒ 𑌉𑌪𑌾॑𑌯॒ 𑌇𑌤𑌿॒ 𑌤𑌸𑍍𑌮𑌾॑ 𑌏॒𑌤- [𑌤𑌸𑍍𑌮𑌾॑ 𑌏॒𑌤𑌮𑍍, 𑌆॑𑌦𑌿॒𑌤𑍍𑌯-𑌞𑍍𑌚॒𑌰𑍁𑌂] 25

-𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰॑𑌵𑌪॒-𑌨𑍍𑌤𑍇𑌨𑍈॒𑌵𑍈𑌨॑-𑌮𑍍𑌪𑌾॒𑌪𑌾-𑌥𑍍𑌸𑍍𑌰𑌾𑌮𑌾॑𑌦𑌮𑍁𑌞𑍍𑌚॒𑌨𑍍. 𑌯𑌃 𑌪𑌾॑𑌪𑌯॒𑌕𑍍𑌷𑍍𑌮𑌗𑍃॑𑌹𑍀𑌤॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌮𑌾॑𑌦𑌿॒𑌤𑍍𑌯-𑌞𑍍𑌚॒𑌰𑍁-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌦𑌿॒𑌤𑍍𑌯𑌾𑌨𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑍈𑌨॑-𑌮𑍍𑌪𑌾॒𑌪𑌾-𑌥𑍍𑌸𑍍𑌰𑌾𑌮𑌾᳚𑌨𑍍𑌮𑍁𑌞𑍍𑌚𑌨𑍍𑌤𑍍𑌯-𑌮𑌾𑌵𑌾॒𑌸𑍍𑌯𑌾॑𑌯𑌾॒-𑌨𑍍𑌨𑌿𑌰𑍍𑌵॑𑌪𑍇-𑌦॒𑌮𑍁𑌮𑍇॒𑌵𑍈𑌨-॑𑌮𑌾॒𑌪𑍍𑌯𑌾𑌯॑𑌮𑌾𑌨॒-𑌮𑌨𑍍𑌵𑌾 𑌪𑍍𑌯𑌾॑𑌯𑌯𑌤𑌿॒ 𑌨𑌵𑍋॑𑌨𑌵𑍋 𑌭𑌵𑌤𑌿॒ 𑌜𑌾𑌯॑𑌮𑌾𑌨॒ 𑌇𑌤𑌿॑ 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾॑ 𑌭𑌵॒𑌤𑍍𑌯𑌾𑌯𑍁॑𑌰𑍇॒𑌵𑌾𑌸𑍍𑌮𑌿॒-𑌨𑍍𑌤𑌯𑌾॑ 𑌦𑌧𑌾𑌤𑌿॒ 𑌯𑌮𑌾॑𑌦𑌿॒𑌤𑍍𑌯𑌾 𑌅॒𑌗𑍍𑌂॒𑌶𑍁𑌮𑌾᳚𑌪𑍍𑌯𑌾॒𑌯𑌯॒𑌨𑍍𑌤𑍀𑌤𑌿॑ 𑌯𑌾॒𑌜𑍍𑌯𑍈𑌵𑍈𑌨॑𑌮𑍇॒𑌤𑌯𑌾᳚ 𑌪𑍍𑌯𑌾𑌯𑌯𑌤𑌿 ॥ 26 ॥

(𑌏॒𑌵𑍋𑌪𑍈॒ -𑌤- 𑌮॑𑌸𑍍𑌮𑌿॒𑌨𑍍 - 𑌤𑍍𑌰𑌯𑍋॑𑌦𑌶𑌚) (𑌅. 5)

𑌪𑍍𑌰॒𑌜𑌾𑌪॑𑌤𑌿 𑌰𑍍𑌦𑍇॒𑌵𑍇𑌭𑍍𑌯𑍋॒-𑌽𑌨𑍍𑌨𑌾𑌦𑍍𑌯𑌂॒-𑌵𑍍𑌯𑌾𑌁𑌦𑌿॑𑌶॒-𑌥𑍍𑌸𑍋᳚-𑌽𑌬𑍍𑌰𑌵𑍀॒𑌦𑍍𑌯𑌦𑌿॒𑌮𑌾𑌨𑍍 𑌁𑌲𑍋॒𑌕𑌾-𑌨॒𑌭𑍍𑌯॑𑌤𑌿॒𑌰𑌿𑌚𑍍𑌯𑌾॑𑌤𑍈॒ 𑌤𑌨𑍍𑌮𑌮𑌾॑𑌸॒𑌦𑌿𑌤𑌿॒ 𑌤𑌦𑌿॒𑌮𑌾𑌨𑍍 𑌁𑌲𑍋॒𑌕𑌾-𑌨॒𑌭𑍍𑌯𑌤𑍍𑌯॑𑌰𑌿𑌚𑍍𑌯॒𑌤𑍇𑌨𑍍𑌦𑍍𑌰॒𑌗𑍍𑌂॒ 𑌰𑌾𑌜𑌾॑𑌨॒-𑌮𑌿𑌨𑍍𑌦𑍍𑌰॑-𑌮𑌧𑌿𑌰𑌾॒𑌜-𑌮𑌿𑌨𑍍𑌦𑍍𑌰𑌗𑍍𑌗𑍍॑ 𑌸𑍍𑌵॒𑌰𑌾𑌜𑌾॑𑌨॒-𑌨𑍍𑌤𑌤𑍋॒ 𑌵𑍈 𑌸 𑌇॒𑌮𑌾𑌨𑍍 𑌁𑌲𑍋॒𑌕𑌾𑌗𑍍 𑌸𑍍𑌤𑍍𑌰𑍇॒𑌧𑌾-𑌽𑌦𑍁॑𑌹॒-𑌤𑍍𑌤-𑌤𑍍𑌤𑍍𑌰𑌿॒𑌧𑌾𑌤𑍋᳚-𑌸𑍍𑌤𑍍𑌰𑌿𑌧𑌾𑌤𑍁॒𑌤𑍍𑌵𑌂-𑌯𑌁-𑌙𑍍𑌕𑌾॒𑌮𑌯𑍇॑𑌤𑌾𑌨𑍍𑌨𑌾॒𑌦-𑌸𑍍𑌸𑍍𑌯𑌾॒𑌦𑌿𑌤𑌿॒ 𑌤𑌸𑍍𑌮𑌾॑ 𑌏॒𑌤-𑌨𑍍𑌤𑍍𑌰𑌿॒𑌧𑌾𑌤𑍁॒-𑌨𑍍𑌨𑌿𑌰𑍍𑌵॑𑌪𑍇॒𑌦𑌿𑌨𑍍𑌦𑍍𑌰𑌾॑𑌯॒ 𑌰𑌾𑌜𑍍𑌞𑍇॑ 𑌪𑍁𑌰𑍋॒𑌡𑌾𑌶॒- [𑌪𑍁𑌰𑍋॒𑌡𑌾𑌶᳚𑌮𑍍, 𑌏𑌕𑌾॑𑌦𑌶𑌕𑌪𑌾𑌲॒-] 27

-𑌮𑍇𑌕𑌾॑𑌦𑌶𑌕𑌪𑌾𑌲॒-𑌮𑌿𑌨𑍍𑌦𑍍𑌰𑌾॑𑌯𑌾-𑌧𑌿𑌰𑌾॒𑌜𑌾𑌯𑍇𑌨𑍍𑌦𑍍𑌰𑌾॑𑌯 𑌸𑍍𑌵॒𑌰𑌾𑌜𑍍𑌞𑍇॒-𑌽𑌯𑌂-𑌵𑌾𑌁 𑌇𑌨𑍍𑌦𑍍𑌰𑍋॒ 𑌰𑌾𑌜𑌾॒-𑌽𑌯𑌮𑌿𑌨𑍍𑌦𑍍𑌰𑍋॑-𑌽𑌧𑌿𑌰𑌾॒𑌜𑍋॑-𑌽𑌸𑌾𑌵𑌿𑌨𑍍𑌦𑍍𑌰𑌃॑ 𑌸𑍍𑌵॒𑌰𑌾𑌡𑌿॒𑌮𑌾𑌨𑍇॒𑌵 𑌲𑍋॒𑌕𑌾𑌨𑍍-𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑌾॒ 𑌅𑌨𑍍𑌨॒-𑌮𑍍𑌪𑍍𑌰𑌯॑𑌚𑍍𑌛𑌨𑍍𑌤𑍍𑌯𑌨𑍍𑌨𑌾॒𑌦 𑌏॒𑌵 𑌭॑𑌵𑌤𑌿॒ 𑌯𑌥𑌾॑ 𑌵॒𑌥𑍍𑌸𑍇𑌨॒ 𑌪𑍍𑌰𑌤𑍍𑌤𑌾॒-𑌙𑍍𑌗𑌾-𑌨𑍍𑌦𑍁॒𑌹 𑌏॒𑌵𑌮𑍇॒𑌵𑍇𑌮𑌾𑌨𑍍 𑌁𑌲𑍋॒𑌕𑌾-𑌨𑍍𑌪𑍍𑌰𑌤𑍍𑌤𑌾॒𑌨𑍍 𑌕𑌾𑌮॑𑌮॒𑌨𑍍𑌨𑌾𑌦𑍍𑌯॑-𑌨𑍍𑌦𑍁𑌹 𑌉𑌤𑍍𑌤𑌾॒𑌨𑍇𑌷𑍁॑ 𑌕॒𑌪𑌾𑌲𑍇॒𑌷𑍍𑌵𑌧𑌿॑ 𑌶𑍍𑌰𑌯॒𑌤𑍍𑌯𑌯𑌾॑𑌤𑌯𑌾𑌮𑌤𑍍𑌵𑌾𑌯॒ 𑌤𑍍𑌰𑌯𑌃॑ 𑌪𑍁𑌰𑍋॒𑌡𑌾𑌶𑌾॑ 𑌭𑌵𑌨𑍍𑌤𑌿॒ 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾 𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒𑌮𑌾𑌪𑍍𑌤𑍍𑌯𑌾॒ 𑌉𑌤𑍍𑌤॑𑌰𑌉𑌤𑍍𑌤𑌰𑍋॒ 𑌜𑍍𑌯𑌾𑌯𑌾᳚-𑌨𑍍𑌭𑌵𑌤𑍍𑌯𑍇॒𑌵𑌮𑌿॑𑌵॒ 𑌹𑍀𑌮𑍇 𑌲𑍋॒𑌕𑌾-𑌸𑍍𑌸𑌮𑍃॑𑌦𑍍𑌧𑍍𑌯𑍈॒ 𑌸𑌰𑍍𑌵𑍇॑𑌷𑌾𑌮𑌭𑌿-𑌗॒𑌮𑌯॒𑌨𑍍𑌨𑌵॑ 𑌦𑍍𑌯॒𑌤𑍍𑌯𑌛॑𑌮𑍍𑌬𑌟𑍍𑌕𑌾𑌰𑌂-𑌵𑍍𑌯𑌁॒𑌤𑍍𑌯𑌾𑌸॒𑌮𑌨𑍍𑌵𑌾॒𑌹𑌾𑌨𑌿॑𑌰𑍍𑌦𑌾𑌹𑌾𑌯 ॥ 28 ॥

(𑌪𑍁॒𑌰𑍋॒𑌡𑌾𑌶𑌂॒ - 𑌤𑍍𑌰𑌯𑌃॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 6)

𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒-𑌨𑍍𑌤𑌾-𑌨𑍍𑌦𑍇॒𑌵𑌾𑌨𑌸𑍁॑𑌰𑌾 𑌅𑌜𑌯॒-𑌨𑍍𑌤𑍇 𑌦𑍇॒𑌵𑌾𑌃 𑌪॑𑌰𑌾𑌜𑌿𑌗𑍍𑌯𑌾॒𑌨𑌾 𑌅𑌸𑍁॑𑌰𑌾𑌣𑌾𑌂॒-𑌵𑍈𑌁𑌶𑍍𑌯॒𑌮𑍁𑌪𑌾॑-𑌽𑌽𑌯॒-𑌨𑍍𑌤𑍇𑌭𑍍𑌯॑ 𑌇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑𑌮𑌪𑌾᳚𑌕𑍍𑌰𑌾𑌮॒-𑌤𑍍𑌤𑌦𑌿𑌨𑍍𑌦𑍍𑌰𑍋॑-𑌽𑌚𑌾𑌯॒-𑌤𑍍𑌤𑌦𑌨𑍍𑌵𑌪𑌾᳚𑌕𑍍𑌰𑌾𑌮॒-𑌤𑍍𑌤𑌦॑𑌵॒𑌰𑍁𑌧॒-𑌨𑍍𑌨𑌾𑌶॑𑌕𑍍𑌨𑍋॒-𑌤𑍍𑌤𑌦॑𑌸𑍍𑌮𑌾𑌦𑌭𑍍𑌯॒𑌰𑍍𑌧𑍋॑ 𑌽𑌚𑌰॒-𑌥𑍍𑌸 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑𑌧𑌾𑌵॒-𑌤𑍍𑌤𑌮𑍇॒𑌤𑌯𑌾॒ 𑌸𑌰𑍍𑌵॑𑌪𑍃𑌷𑍍𑌠𑌯𑌾-𑌽𑌯𑌾𑌜𑌯॒-𑌤𑍍𑌤𑌯𑍈॒𑌵𑌾-𑌽𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌮𑌦𑌧𑌾॒𑌦𑍍𑌯 𑌇॑𑌨𑍍𑌦𑍍𑌰𑌿॒𑌯𑌕𑌾॑𑌮𑍋 [𑌇॑𑌨𑍍𑌦𑍍𑌰𑌿॒𑌯𑌕𑌾॑𑌮𑌃, 𑌵𑍀॒𑌰𑍍𑌯॑𑌕𑌾𑌮॒-𑌸𑍍𑌸𑍍𑌯𑌾𑌤𑍍-] 29

𑌵𑍀॒𑌰𑍍𑌯॑𑌕𑌾𑌮॒-𑌸𑍍𑌸𑍍𑌯𑌾-𑌤𑍍𑌤𑌮𑍇॒𑌤𑌯𑌾॒ 𑌸𑌰𑍍𑌵॑𑌪𑍃𑌷𑍍𑌠𑌯𑌾 𑌯𑌾𑌜𑌯𑍇𑌦𑍇॒𑌤𑌾 𑌏॒𑌵 𑌦𑍇॒𑌵𑌤𑌾॒-𑌸𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾 𑌏॒𑌵𑌾𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯॑-𑌨𑍍𑌦𑌧𑌤𑌿॒𑌯𑌦𑌿𑌨𑍍𑌦𑍍𑌰𑌾॑𑌯॒ 𑌰𑌾𑌥॑𑌨𑍍𑌤𑌰𑌾𑌯 𑌨𑌿॒𑌰𑍍𑌵𑌪॑𑌤𑌿॒ 𑌯𑌦𑍇॒𑌵𑌾𑌗𑍍𑌨𑍇-𑌸𑍍𑌤𑍇𑌜॒𑌸𑍍𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒𑌯𑌦𑌿𑌨𑍍𑌦𑍍𑌰𑌾॑𑌯॒ 𑌬𑌾𑌰𑍍𑌹॑𑌤𑌾𑌯॒ 𑌯𑌦𑍇॒𑌵𑍇𑌨𑍍𑌦𑍍𑌰॑𑌸𑍍𑌯॒ 𑌤𑍇𑌜॒𑌸𑍍𑌤𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌵𑍈𑌰𑍂॒𑌪𑌾𑌯॒ 𑌯𑌦𑍇॒𑌵 𑌸॑𑌵𑌿॒𑌤𑍁-𑌸𑍍𑌤𑍇𑌜॒𑌸𑍍𑌤- [𑌸॑𑌵𑌿॒𑌤𑍁-𑌸𑍍𑌤𑍇𑌜॒𑌸𑍍𑌤𑌤𑍍, 𑌏॒𑌵𑌾𑌵॑ 𑌰𑍁𑌨𑍍𑌧𑍇॒] 30

-𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌵𑍈𑌰𑌾॒𑌜𑌾𑌯॒ 𑌯𑌦𑍇॒𑌵 𑌧𑌾॒𑌤𑍁-𑌸𑍍𑌤𑍇𑌜॒𑌸𑍍𑌤-𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌶𑌾𑌕𑍍𑌵॒𑌰𑌾𑌯॒ 𑌯𑌦𑍇॒𑌵 𑌮॒𑌰𑍁𑌤𑌾॒-𑌨𑍍𑌤𑍇𑌜॒𑌸𑍍𑌤-𑌦𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌯𑌦𑌿𑌨𑍍𑌦𑍍𑌰𑌾॑𑌯 𑌰𑍈𑌵॒𑌤𑌾𑌯॒ 𑌯𑌦𑍇॒𑌵 𑌬𑍃𑌹॒𑌸𑍍𑌪𑌤𑍇॒-𑌸𑍍𑌤𑍇𑌜॒𑌸𑍍𑌤-𑌦𑍇॒𑌵𑌾-𑌽𑌵॑ 𑌰𑍁𑌨𑍍𑌧 𑌏॒𑌤𑌾𑌵॑𑌨𑍍𑌤𑌿॒ 𑌵𑍈 𑌤𑍇𑌜𑌾𑌗𑍍𑌂॑𑌸𑌿॒ 𑌤𑌾𑌨𑍍𑌯𑍇॒𑌵𑌾𑌵॑ 𑌰𑍁𑌨𑍍𑌧 𑌉𑌤𑍍𑌤𑌾॒𑌨𑍇𑌷𑍁॑ 𑌕॒𑌪𑌾𑌲𑍇॒𑌷𑍍𑌵𑌧𑌿॑ 𑌶𑍍𑌰𑌯॒𑌤𑍍𑌯𑌯𑌾॑𑌤𑌯𑌾𑌮𑌤𑍍𑌵𑌾𑌯॒ 𑌦𑍍𑌵𑌾𑌦॑𑌶𑌕𑌪𑌾𑌲𑌃 𑌪𑍁𑌰𑍋॒𑌡𑌾𑌶𑍋॑ [𑌪𑍁𑌰𑍋॒𑌡𑌾𑌶𑌃॑, 𑌭॒𑌵॒𑌤𑌿॒ 𑌵𑍈॒𑌶𑍍𑌵॒𑌦𑍇॒𑌵॒𑌤𑍍𑌵𑌾𑌯॑] 31

𑌭𑌵𑌤𑌿 𑌵𑍈𑌶𑍍𑌵𑌦𑍇𑌵॒𑌤𑍍𑌵𑌾𑌯॑ 𑌸𑌮॒𑌨𑍍𑌤-𑌮𑍍𑌪॒𑌰𑍍𑌯𑌵॑𑌦𑍍𑌯𑌤𑌿 𑌸𑌮॒𑌨𑍍𑌤-𑌮𑍇॒𑌵𑍇𑌨𑍍𑌦𑍍𑌰𑌿॒𑌯𑌂-𑌵𑍀𑌁॒𑌰𑍍𑌯𑌂॑-𑌯𑌁𑌜॑𑌮𑌾𑌨𑍇 𑌦𑌧𑌾𑌤𑌿 𑌵𑍍𑌯॒𑌤𑍍𑌯𑌾𑌸॒-𑌮𑌨𑍍𑌵𑌾॒𑌹𑌾𑌨𑌿॑𑌰𑍍𑌦𑌾𑌹𑌾॒𑌯𑌾𑌶𑍍𑌵॑ 𑌋𑌷॒𑌭𑍋 𑌵𑍃॒𑌷𑍍𑌣𑌿𑌰𑍍𑌬॒𑌸𑍍𑌤-𑌸𑍍𑌸𑌾-𑌦𑌕𑍍𑌷𑌿॑𑌣𑌾-𑌵𑍃𑌷॒𑌤𑍍𑌵𑌾𑌯𑍈॒𑌤𑌯𑍈॒𑌵 𑌯॑𑌜𑍇𑌤𑌾-𑌽𑌭𑌿𑌶॒𑌸𑍍𑌯𑌮𑌾॑𑌨 𑌏॒𑌤𑌾𑌶𑍍𑌚𑍇𑌦𑍍𑌵𑌾 𑌅॑𑌸𑍍𑌯𑌦𑍇॒𑌵𑌤𑌾॒ 𑌅𑌨𑍍𑌨॑-𑌮॒𑌦𑌨𑍍𑌤𑍍𑌯॒𑌦𑌨𑍍𑌤𑍍𑌯𑍁॑-𑌵𑍇॒𑌵𑌾-𑌽𑌸𑍍𑌯॑ 𑌮𑌨𑍁॒𑌷𑍍𑌯𑌾𑌃᳚ ॥ 32 ॥

(𑌇॒𑌨𑍍𑌦𑍍𑌰𑌿॒𑌯॒𑌕𑌾॑𑌮𑌃-𑌸𑌵𑌿॒𑌤𑍁𑌸𑍍𑌤𑍇𑌜॒𑌸𑍍𑌤𑌤𑍍 - 𑌪𑍁॑𑌰𑍋॒𑌡𑌾𑌶𑍋॒ -𑌽𑌷𑍍𑌟𑌾𑌤𑍍𑌰𑌿𑌗𑍍𑌂॑𑌶𑌚𑍍𑌚) (𑌅. 7)

𑌰𑌜॑𑌨𑍋॒ 𑌵𑍈 𑌕𑍗॑𑌣𑍇॒𑌯𑌃 𑌕𑍍𑌰॑𑌤𑍁॒𑌜𑌿𑌤॒-𑌞𑍍𑌜𑌾𑌨॑𑌕𑌿-𑌞𑍍𑌚𑌕𑍍𑌷𑍁॒𑌰𑍍𑌵𑌨𑍍𑌯॑𑌮𑌯𑌾॒-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰॑𑌵𑌪-𑌦॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲𑌗𑍍𑌂 𑌸𑍗॒𑌰𑍍𑌯-𑌞𑍍𑌚॒𑌰𑍁𑌮॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲॒-𑌨𑍍𑌤𑌯𑍈॒𑌵𑌾𑌸𑍍𑌮𑌿॒𑌨𑍍 𑌚𑌕𑍍𑌷𑍁॑𑌰𑌦𑌧𑌾॒-𑌦𑍍𑌯-𑌶𑍍𑌚𑌕𑍍𑌷𑍁॑𑌕𑌾𑌮॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰𑍍𑌵॑𑌪𑍇-𑌦॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑𑌮॒𑌷𑍍𑌟𑌾𑌕॑𑌪𑌾𑌲𑌗𑍍𑌂 𑌸𑍗॒𑌰𑍍𑌯-𑌞𑍍𑌚॒𑌰𑍁𑌮॒𑌗𑍍𑌨𑌯𑍇॒ 𑌭𑍍𑌰𑌾𑌜॑𑌸𑍍𑌵𑌤𑍇 𑌪𑍁𑌰𑍋॒𑌡𑌾𑌶॑-𑌮॒𑌷𑍍𑌟𑌾𑌕॑𑌪𑌾𑌲𑌮॒𑌗𑍍𑌨𑍇 𑌰𑍍𑌵𑍈 𑌚𑌕𑍍𑌷𑍁॑𑌷𑌾 𑌮𑌨𑍁॒𑌷𑍍𑌯𑌾॑ 𑌵𑌿- [𑌚𑌕𑍍𑌷𑍁॑𑌷𑌾 𑌮𑌨𑍁॒𑌷𑍍𑌯𑌾॑ 𑌵𑌿, 𑌪॒𑌶𑍍𑌯॒𑌨𑍍𑌤𑌿॒ 𑌸𑍂𑌰𑍍𑌯॑𑌸𑍍𑌯] 33

𑌪॑𑌶𑍍𑌯𑌨𑍍𑌤𑌿॒ 𑌸𑍂𑌰𑍍𑌯॑𑌸𑍍𑌯 𑌦𑍇॒𑌵𑌾 𑌅॒𑌗𑍍𑌨𑌿-𑌞𑍍𑌚𑍈॒𑌵 𑌸𑍂𑌰𑍍𑌯॑-𑌞𑍍𑌚॒ 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤𑌾𑌵𑍇॒𑌵𑌾𑌸𑍍𑌮𑌿॒𑌨𑍍 𑌚𑌕𑍍𑌷𑍁॑-𑌰𑍍𑌧𑌤𑍍𑌤॒-𑌶𑍍𑌚𑌕𑍍𑌷𑍁॑𑌷𑍍𑌮𑌾-𑌨𑍇॒𑌵 𑌭॑𑌵𑌤𑌿॒ 𑌯𑌦𑌾᳚𑌗𑍍𑌨𑍇॒𑌯𑍗 𑌭𑌵॑𑌤॒-𑌶𑍍𑌚𑌕𑍍𑌷𑍁॑𑌷𑍀 𑌏॒𑌵𑌾𑌸𑍍𑌮𑌿॒-𑌨𑍍𑌤-𑌤𑍍𑌪𑍍𑌰𑌤𑌿॑ 𑌦𑌧𑌾𑌤𑌿॒ 𑌯-𑌥𑍍𑌸𑍗॒𑌰𑍍𑌯𑍋 𑌨𑌾𑌸𑌿॑𑌕𑌾॒-𑌨𑍍𑌤𑍇𑌨𑌾॒𑌭𑌿𑌤𑌃॑ 𑌸𑍗॒𑌰𑍍𑌯𑌮𑌾᳚𑌗𑍍𑌨𑍇॒𑌯𑍗 𑌭॑𑌵𑌤॒-𑌸𑍍𑌤𑌸𑍍𑌮𑌾॑-𑌦॒𑌭𑌿𑌤𑍋॒ 𑌨𑌾𑌸𑌿॑𑌕𑌾॒-𑌞𑍍𑌚𑌕𑍍𑌷𑍁॑𑌷𑍀॒ 𑌤𑌸𑍍𑌮𑌾॒-𑌨𑍍𑌨𑌾𑌸𑌿॑𑌕𑌯𑌾॒ 𑌚𑌕𑍍𑌷𑍁॑𑌷𑍀॒ 𑌵𑌿𑌧𑍃॑𑌤𑍇 𑌸𑌮𑌾॒𑌨𑍀 𑌯𑌾᳚𑌜𑍍𑌯𑌾𑌨𑍁𑌵𑌾॒𑌕𑍍𑌯𑍇॑ 𑌭𑌵𑌤-𑌸𑍍𑌸𑌮𑌾॒𑌨𑌗𑍍𑌂 𑌹𑌿 𑌚𑌕𑍍𑌷𑍁॒-𑌸𑍍𑌸𑌮𑍃॑𑌦𑍍𑌧𑍍𑌯𑌾॒ 𑌉𑌦𑍁॒𑌤𑍍𑌯-𑌞𑍍𑌜𑌾॒𑌤𑌵𑍇॑𑌦𑌸𑌗𑍍𑌂 𑌸॒𑌪𑍍𑌤 𑌤𑍍𑌵𑌾॑ 𑌹॒𑌰𑌿𑌤𑍋॒ 𑌰𑌥𑍇॑ 𑌚𑌿॒𑌤𑍍𑌰-𑌨𑍍𑌦𑍇॒𑌵𑌾𑌨𑌾॒𑌮𑍁𑌦॑𑌗𑌾॒𑌦𑌨𑍀॑𑌕॒𑌮𑌿𑌤𑌿॒ 𑌪𑌿𑌣𑍍𑌡𑌾॒-𑌨𑍍𑌪𑍍𑌰𑌯॑𑌚𑍍𑌛𑌤𑌿॒ 𑌚𑌕𑍍𑌷𑍁॑-𑌰𑍇॒𑌵𑌾𑌸𑍍𑌮𑍈॒ 𑌪𑍍𑌰𑌯॑𑌚𑍍𑌛𑌤𑌿॒ 𑌯𑌦𑍇॒𑌵 𑌤𑌸𑍍𑌯॒ 𑌤𑌤𑍍 ॥ 34 ॥

(𑌵𑌿 - 𑌹𑍍𑌯॑ - 𑌷𑍍𑌟𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 8)

𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒-𑌨𑍍𑌧𑍀𑌰॒𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿-𑌦𑍍𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸-𑌮𑍁॒𑌗𑍍𑌰𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿-𑌦𑍍𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸-𑌮𑌭𑌿॒𑌭𑍂𑌶𑍍𑌚𑍇𑌤𑍍𑌤𑌾॑ 𑌵𑌸𑍁॒𑌵𑌿-𑌦𑌾𑌮॑𑌨-𑌮॒𑌸𑍍𑌯𑌾𑌮॑𑌨𑌸𑍍𑌯 𑌦𑍇𑌵𑌾॒ 𑌯𑍇 𑌸॑𑌜𑌾॒𑌤𑌾𑌃 𑌕𑍁॑𑌮𑌾॒𑌰𑌾-𑌸𑍍𑌸𑌮॑𑌨𑌸॒𑌸𑍍𑌤𑌾𑌨॒𑌹-𑌙𑍍𑌕𑌾॑𑌮𑌯𑍇 𑌹𑍃॒𑌦𑌾 𑌤𑍇 𑌮𑌾-𑌙𑍍𑌕𑌾॑𑌮𑌯𑌨𑍍𑌤𑌾𑌗𑍍𑌂 𑌹𑍃॒𑌦𑌾 𑌤𑌾-𑌨𑍍𑌮॒ 𑌆𑌮॑𑌨𑌸𑌃 𑌕𑍃𑌧𑌿॒ 𑌸𑍍𑌵𑌾𑌹𑌾 𑌽𑌽𑌮॑𑌨𑌮॒- [𑌸𑍍𑌵𑌾𑌹𑌾 𑌽𑌽𑌮॑𑌨𑌮॒𑌸𑌿, 𑌆𑌮॑𑌨𑌸𑍍𑌯] 35

-𑌸𑍍𑌯𑌾𑌮॑𑌨𑌸𑍍𑌯 𑌦𑍇𑌵𑌾॒ 𑌯𑌾-𑌸𑍍𑌸𑍍𑌤𑍍𑌰𑌿𑌯॒-𑌸𑍍𑌸𑌮॑𑌨𑌸॒𑌸𑍍𑌤𑌾 𑌅॒𑌹-𑌙𑍍𑌕𑌾॑𑌮𑌯𑍇 𑌹𑍃॒𑌦𑌾 𑌤𑌾 𑌮𑌾-𑌙𑍍𑌕𑌾॑𑌮𑌯𑌨𑍍𑌤𑌾𑌗𑍍𑌂 𑌹𑍃॒𑌦𑌾 𑌤𑌾 𑌮॒ 𑌆𑌮॑𑌨𑌸𑌃 𑌕𑍃𑌧𑌿॒ 𑌸𑍍𑌵𑌾𑌹𑌾॑ 𑌵𑍈𑌶𑍍𑌵𑌦𑍇॒𑌵𑍀𑌗𑍍𑌂-𑌸𑌾᳚𑌙𑍍𑌗𑍍𑌰𑌹॒𑌣𑍀-𑌨𑍍𑌨𑌿𑌰𑍍𑌵॑𑌪𑍇॒𑌦𑍍𑌗𑍍𑌰𑌾𑌮॑𑌕𑌾𑌮𑍋 𑌵𑍈𑌶𑍍𑌵𑌦𑍇॒𑌵𑌾 𑌵𑍈 𑌸॑𑌜𑌾॒𑌤𑌾 𑌵𑌿𑌶𑍍𑌵𑌾॑𑌨𑍇॒𑌵 𑌦𑍇॒𑌵𑌾𑌨𑍍𑌥𑍍𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌤 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾-𑌨𑍍𑌪𑍍𑌰 𑌯॑𑌚𑍍𑌛𑌨𑍍𑌤𑌿 𑌗𑍍𑌰𑌾॒𑌮𑍍𑌯𑍇॑𑌵 𑌭॑𑌵𑌤𑌿 𑌸𑌾𑌙𑍍𑌗𑍍𑌰𑌹॒𑌣𑍀 𑌭॑𑌵𑌤𑌿 𑌮𑌨𑍋॒𑌗𑍍𑌰𑌹॑𑌣𑌂॒-𑌵𑍈𑌁𑌸॒𑌗𑍍𑌰𑌂𑌹॑𑌣॒-𑌮𑍍𑌮𑌨॑ 𑌏॒𑌵 𑌸॑𑌜𑌾॒𑌤𑌾𑌨𑌾𑌂᳚- [𑌏॒𑌵 𑌸॑𑌜𑌾॒𑌤𑌾𑌨𑌾᳚𑌮𑍍, 𑌗𑍃॒𑌹𑍍𑌣𑌾॒𑌤𑌿॒ 𑌧𑍍𑌰𑍁॒𑌵𑍋॑-𑌽𑌸𑌿] 36

-𑌗𑍃𑌹𑍍𑌣𑌾𑌤𑌿 𑌧𑍍𑌰𑍁॒𑌵𑍋॑-𑌽𑌸𑌿 𑌧𑍍𑌰𑍁॒𑌵𑍋॑-𑌽𑌹𑌗𑍍𑌂 𑌸॑𑌜𑌾॒𑌤𑍇𑌷𑍁॑ 𑌭𑍂𑌯𑌾𑌸॒𑌮𑌿𑌤𑌿॑ 𑌪𑌰𑌿॒𑌧𑍀-𑌨𑍍𑌪𑌰𑌿॑ 𑌦𑌧𑌾𑌤𑍍𑌯𑌾॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾॒𑌸𑍍𑌤𑍇-𑌽𑌥𑍋॑ 𑌏॒𑌤𑌦𑍇॒𑌵 𑌸𑌰𑍍𑌵𑌗𑍍𑌂॑ 𑌸𑌜𑌾॒𑌤𑍇𑌷𑍍𑌵𑌧𑌿॑ 𑌭𑌵𑌤𑌿॒ 𑌯𑌸𑍍𑌯𑍈॒𑌵𑌂-𑌵𑌿𑌁॒𑌦𑍁𑌷॑ 𑌏॒𑌤𑍇 𑌪॑𑌰𑌿॒𑌧𑌯𑌃॑ 𑌪𑌰𑌿𑌧𑍀॒𑌯𑌨𑍍𑌤॒ 𑌆𑌮॑ 𑌨𑌮॒𑌸𑍍𑌯𑌾𑌮॑𑌨𑌸𑍍𑌯 𑌦𑍇𑌵𑌾॒ 𑌇𑌤𑌿॑ 𑌤𑌿॒𑌸𑍍𑌰 𑌆𑌹𑍁॑𑌤𑍀 𑌰𑍍𑌜𑍁𑌹𑍋𑌤𑍍𑌯𑍇॒𑌤𑌾𑌵॑𑌨𑍍𑌤𑍋॒ 𑌵𑍈 𑌸॑𑌜𑌾॒𑌤𑌾 𑌯𑍇 𑌮॒𑌹𑌾𑌨𑍍𑌤𑍋॒ 𑌯𑍇 𑌕𑍍𑌷𑍁॑𑌲𑍍𑌲॒𑌕𑌾 𑌯𑌾-𑌸𑍍𑌸𑍍𑌤𑍍𑌰𑌿𑌯॒𑌸𑍍𑌤𑌾𑌨𑍇॒𑌵𑌾𑌵॑ 𑌰𑍁𑌨𑍍𑌧𑍇॒ 𑌤 𑌏॑𑌨॒𑌮𑌵॑𑌰𑍁𑌦𑍍𑌧𑌾॒ 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 ॥ 37 ॥

(𑌸𑍍𑌵𑌾𑌹𑌾 𑌽𑌽𑌮॑𑌨𑌮𑌸𑌿 - 𑌸𑌜𑌾॒𑌤𑌾𑌨𑌾𑌗𑍍𑌂॑ - 𑌰𑍁𑌨𑍍𑌧𑍇॒ - 𑌪𑌞𑍍𑌚॑ 𑌚 ) (𑌅. 9)

𑌯𑌨𑍍𑌨𑌵॒-𑌮𑍈𑌤𑍍𑌤-𑌨𑍍𑌨𑌵॑𑌨𑍀𑌤-𑌮𑌭𑌵॒𑌦𑍍𑌯-𑌦𑌸॑𑌰𑍍𑌪॒-𑌤𑍍𑌤-𑌥𑍍𑌸॒𑌰𑍍𑌪𑌿𑌰॑𑌭𑌵॒-𑌦𑍍𑌯𑌦𑌦𑍍𑌧𑌿॑𑌯𑌤॒ 𑌤-𑌦𑍍𑌘𑍃॒𑌤𑌮॑𑌭𑌵𑌦॒𑌶𑍍𑌵𑌿𑌨𑍋𑌃᳚ 𑌪𑍍𑌰𑌾॒𑌣𑍋॑-𑌽𑌸𑌿॒ 𑌤𑌸𑍍𑌯॑ 𑌤𑍇 𑌦𑌤𑍍𑌤𑌾𑌂॒-𑌯𑌁𑌯𑍋𑌃᳚ 𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑍇𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌾॒𑌣𑍋॑-𑌽𑌸𑌿॒ 𑌤𑌸𑍍𑌯॑ 𑌤𑍇 𑌦𑌦𑌾𑌤𑍁॒ 𑌯𑌸𑍍𑌯॑ 𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑌾॑ 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌃 𑌪𑍍𑌰𑌾॒𑌣𑍋॑-𑌽𑌸𑌿॒ 𑌤𑌸𑍍𑌯॑ 𑌤𑍇 𑌦𑌤𑍍𑌤𑌾𑌂॒-𑌯𑌁𑌯𑍋𑌃᳚ 𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑌾॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑌿॒ [𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑌿॒, 𑌤𑌸𑍍𑌯॑ 𑌤𑍇] 38

𑌤𑌸𑍍𑌯॑ 𑌤𑍇 𑌦𑌦𑌤𑍁॒ 𑌯𑍇𑌷𑌾᳚-𑌮𑍍𑌪𑍍𑌰𑌾॒𑌣𑍋-𑌽𑌸𑌿॒ 𑌸𑍍𑌵𑌾𑌹𑌾॑ 𑌘𑍃॒𑌤𑌸𑍍𑌯॒ 𑌧𑌾𑌰𑌾॑𑌮॒𑌮𑍃𑌤॑𑌸𑍍𑌯॒ 𑌪𑌨𑍍𑌥𑌾॒𑌮𑌿𑌨𑍍𑌦𑍍𑌰𑍇॑𑌣 𑌦॒𑌤𑍍𑌤𑌾-𑌮𑍍𑌪𑍍𑌰𑌯॑𑌤𑌾-𑌮𑍍𑌮॒𑌰𑍁𑌦𑍍𑌭𑌿𑌃॑ । 𑌤-𑌤𑍍𑌤𑍍𑌵𑌾॒ 𑌵𑌿𑌷𑍍𑌣𑍁𑌃॒ 𑌪𑌰𑍍𑌯॑𑌪𑌶𑍍𑌯॒-𑌤𑍍𑌤-𑌤𑍍𑌤𑍍𑌵𑍇𑌡𑌾॒ 𑌗𑌵𑍍𑌯𑍈𑌰॑𑌯𑌤𑍍 ॥ 𑌪𑌾॒𑌵॒𑌮𑌾॒𑌨𑍇𑌨॑ 𑌤𑍍𑌵𑌾॒ 𑌸𑍍𑌤𑍋𑌮𑍇॑𑌨 𑌗𑌾𑌯॒𑌤𑍍𑌰𑌸𑍍𑌯॑ 𑌵𑌰𑍍𑌤॒𑌨𑍍𑌯𑍋𑌪𑌾॒𑌗𑍍𑌂॒𑌶𑍋 𑌰𑍍𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋-𑌥𑍍𑌸𑍃॑𑌜𑌤𑍁 𑌜𑍀॒𑌵𑌾𑌤॑𑌵𑍇 𑌜𑍀𑌵𑌨॒𑌸𑍍𑌯𑌾𑌯𑍈॑ 𑌬𑍃𑌹-𑌦𑍍𑌰𑌥𑌨𑍍𑌤॒𑌰𑌯𑍋᳚𑌸𑍍𑌤𑍍𑌵𑌾॒ 𑌸𑍍𑌤𑍋𑌮𑍇॑𑌨 𑌤𑍍𑌰𑌿॒𑌷𑍍𑌟𑍁𑌭𑍋॑ 𑌵𑌰𑍍𑌤॒𑌨𑍍𑌯𑌾 𑌶𑍁॒𑌕𑍍𑌰𑌸𑍍𑌯॑ 𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋- [𑌸𑌵𑌿॒𑌤𑍋𑌤𑍍, 𑌸𑍃॒𑌜॒𑌤𑍁॒ 𑌜𑍀॒𑌵𑌾𑌤॑𑌵𑍇] 39

-𑌥𑍍𑌸𑍃॑𑌜𑌤𑍁 𑌜𑍀॒𑌵𑌾𑌤॑𑌵𑍇 𑌜𑍀𑌵𑌨॒𑌸𑍍𑌯𑌾𑌯𑌾॑ 𑌅॒𑌗𑍍𑌨𑍇𑌸𑍍𑌤𑍍𑌵𑌾॒ 𑌮𑌾𑌤𑍍𑌰॑𑌯𑌾॒ 𑌜𑌗॑𑌤𑍍𑌯𑍈 𑌵𑌰𑍍𑌤॒𑌨𑍍𑌯𑌾-𑌽𑌽𑌗𑍍𑌰॑𑌯॒𑌣𑌸𑍍𑌯॑ 𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋-𑌥𑍍𑌸𑍃॑𑌜𑌤𑍁 𑌜𑍀॒𑌵𑌾𑌤॑𑌵𑍇 𑌜𑍀𑌵𑌨॒𑌸𑍍𑌯𑌾𑌯𑌾॑ 𑌇॒𑌮𑌮॑𑌗𑍍𑌨॒ 𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 𑌕𑍃𑌧𑌿 𑌪𑍍𑌰𑌿॒𑌯𑌗𑍍𑌂 𑌰𑍇𑌤𑍋॑ 𑌵𑌰𑍁𑌣 𑌸𑍋𑌮 𑌰𑌾𑌜𑌨𑍍𑌨𑍍 । 𑌮𑌾॒ 𑌤𑍇𑌵𑌾᳚𑌸𑍍𑌮𑌾 𑌅𑌦𑌿𑌤𑍇॒ 𑌶𑌰𑍍𑌮॑ 𑌯𑌚𑍍𑌛॒ 𑌵𑌿𑌶𑍍𑌵𑍇॑ 𑌦𑍇𑌵𑌾॒ 𑌜𑌰॑𑌦𑌷𑍍𑌟𑌿॒𑌰𑍍𑌯𑌥𑌾-𑌽𑌸॑𑌤𑍍 ॥ 𑌅॒𑌗𑍍𑌨𑌿𑌰𑌾𑌯𑍁॑𑌷𑍍𑌮𑌾॒𑌨𑍍-𑌥𑍍𑌸 𑌵𑌨॒𑌸𑍍𑌪𑌤𑌿॑𑌭𑌿॒-𑌰𑌾𑌯𑍁॑𑌷𑍍𑌮𑌾॒-𑌨𑍍𑌤𑍇𑌨॒ 𑌤𑍍𑌵𑌾-𑌽𑌽𑌯𑍁॒𑌷𑌾-𑌽𑌽𑌯𑍁॑𑌷𑍍𑌮𑌨𑍍𑌤-𑌙𑍍𑌕𑌰𑍋𑌮𑌿॒ 𑌸𑍋𑌮॒ 𑌆𑌯𑍁॑𑌷𑍍𑌮𑌾॒𑌨𑍍-𑌥𑍍𑌸 𑌓𑌷॑𑌧𑍀𑌭𑌿 𑌰𑍍𑌯॒𑌜𑍍𑌞 𑌆𑌯𑍁॑𑌷𑍍𑌮𑌾॒𑌨𑍍-𑌥𑍍𑌸 𑌦𑌕𑍍𑌷𑌿॑𑌣𑌾𑌭𑌿॒ 𑌰𑍍𑌬𑍍𑌰𑌹𑍍𑌮𑌾-𑌽𑌽𑌯𑍁॑𑌷𑍍𑌮॒-𑌤𑍍𑌤-𑌦𑍍𑌬𑍍𑌰𑌾᳚𑌹𑍍𑌮॒𑌣𑍈𑌰𑌾𑌯𑍁॑𑌷𑍍𑌮-𑌦𑍍𑌦𑍇॒𑌵𑌾 𑌆𑌯𑍁॑𑌷𑍍𑌮𑌨𑍍𑌤॒𑌸𑍍𑌤𑍇॑-𑌽𑌮𑍃𑌤𑍇॑𑌨 𑌪𑌿॒𑌤𑌰॒ 𑌆𑌯𑍁॑𑌷𑍍𑌮𑌨𑍍𑌤॒𑌸𑍍𑌤𑍇 𑌸𑍍𑌵॒𑌧𑌯𑌾-𑌽𑌽𑌯𑍁॑𑌷𑍍𑌮𑌨𑍍𑌤॒𑌸𑍍𑌤𑍇𑌨॒ 𑌤𑍍𑌵𑌾 𑌽𑌽𑌯𑍁॒𑌷𑌾-𑌽𑌽 𑌯𑍁॑𑌷𑍍𑌮𑌨𑍍𑌤-𑌙𑍍𑌕𑌰𑍋𑌮𑌿 ॥ 40 ॥

(𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑌿 - 𑌤𑍍𑌰𑌿॒𑌷𑍍𑌟𑍁𑌭𑍋॑ 𑌵𑌰𑍍𑌤॒𑌨𑍍𑌯𑌾 𑌶𑍁॒𑌕𑍍𑌰𑌸𑍍𑌯॑ 𑌵𑍀॒𑌰𑍍𑌯𑍇॑𑌣 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑍋𑌥𑍍 - 𑌸𑍋𑌮॒ 𑌆𑌯𑍁॑𑌷𑍍𑌮𑌾॒𑌨𑍍 - 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 10)

𑌅॒𑌗𑍍𑌨𑌿𑌂-𑌵𑌾𑌁 𑌏॒𑌤𑌸𑍍𑌯॒ 𑌶𑌰𑍀॑𑌰-𑌙𑍍𑌗𑌚𑍍𑌛𑌤𑌿॒ 𑌸𑍋𑌮॒𑌗𑍍𑌂॒ 𑌰𑌸𑍋॒ 𑌵𑌰𑍁॑𑌣 𑌏𑌨𑌂-𑌵𑌁𑌰𑍁𑌣𑌪𑌾॒𑌶𑍇𑌨॑ 𑌗𑍃𑌹𑍍𑌣𑌾𑌤𑌿॒ 𑌸𑌰॑𑌸𑍍𑌵𑌤𑍀𑌂॒-𑌵𑌾𑌁𑌗॒𑌗𑍍𑌨𑌾𑌵𑌿𑌷𑍍𑌣𑍂॑ 𑌆॒𑌤𑍍𑌮𑌾 𑌯𑌸𑍍𑌯॒ 𑌜𑍍𑌯𑍋𑌗𑌾॒𑌮𑌯॑𑌤𑌿॒ 𑌯𑍋 𑌜𑍍𑌯𑍋𑌗𑌾॑𑌮𑌯𑌾𑌵𑍀॒ 𑌸𑍍𑌯𑌾𑌦𑍍𑌯𑍋 𑌵𑌾॑ 𑌕𑌾॒𑌮𑌯𑍇॑𑌤॒ 𑌸𑌰𑍍𑌵॒𑌮𑌾𑌯𑍁॑𑌰𑌿𑌯𑌾॒𑌮𑌿𑌤𑌿॒ 𑌤𑌸𑍍𑌮𑌾॑ 𑌏॒𑌤𑌾𑌮𑌿𑌷𑍍𑌟𑌿॒-𑌨𑍍𑌨𑌿𑌰𑍍𑌵॑𑌪𑍇𑌦𑌾𑌗𑍍𑌨𑍇॒𑌯 -𑌮॒𑌷𑍍𑌟𑌾𑌕॑𑌪𑌾𑌲𑌗𑍍𑌂 𑌸𑍗॒𑌮𑍍𑌯-𑌞𑍍𑌚॒𑌰𑍁𑌂-𑌵𑌾𑌁॑𑌰𑍁॒𑌣-𑌨𑍍𑌦𑌶॑𑌕𑌪𑌾𑌲𑌗𑍍𑌂 𑌸𑌾𑌰𑌸𑍍𑌵॒𑌤-𑌞𑍍𑌚॒𑌰𑍁𑌮𑌾᳚𑌗𑍍𑌨𑌾𑌵𑍈𑌷𑍍𑌣॒𑌵-𑌮𑍇𑌕𑌾॑𑌦𑌶𑌕𑌪𑌾𑌲-𑌮॒𑌗𑍍𑌨𑍇𑌰𑍇॒𑌵𑌾𑌸𑍍𑌯॒ 𑌶𑌰𑍀॑𑌰-𑌨𑍍𑌨𑌿𑌷𑍍𑌕𑍍𑌰𑍀॒𑌣𑌾𑌤𑌿॒ 𑌸𑍋𑌮𑌾॒𑌦𑍍𑌰𑌸𑌂॑- [𑌸𑍋𑌮𑌾॒𑌦𑍍𑌰𑌸᳚𑌮𑍍, 𑌵𑌾॒𑌰𑍁॒𑌣𑍇𑌨𑍈॒𑌵𑍈𑌨𑌂॑-] 41

-𑌁𑌵𑌾𑌰𑍁॒𑌣𑍇𑌨𑍈॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌸𑌾𑌰𑌸𑍍𑌵॒𑌤𑍇𑌨॒ 𑌵𑌾𑌚॑-𑌨𑍍𑌦𑌧𑌾𑌤𑍍𑌯॒𑌗𑍍𑌨𑌿-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॒ 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑍋 𑌦𑍇॒𑌵𑌤𑌾॑𑌭𑌿𑌶𑍍𑌚𑍈॒𑌵𑍈𑌨𑌂॑-𑌯𑌁॒𑌜𑍍𑌞𑍇𑌨॑ 𑌚 𑌭𑌿𑌷𑌜𑍍𑌯𑌤𑍍𑌯𑍁॒𑌤 𑌯𑌦𑍀॒𑌤𑌾𑌸𑍁॒ 𑌰𑍍𑌭𑌵॑𑌤𑌿॒ 𑌜𑍀𑌵॑𑌤𑍍𑌯𑍇॒𑌵 𑌯𑌨𑍍𑌨𑌵॒-𑌮𑍈𑌤𑍍𑌤-𑌨𑍍𑌨𑌵॑𑌨𑍀𑌤-𑌮𑌭𑌵॒-𑌦𑌿𑌤𑍍𑌯𑌾𑌜𑍍𑌯॒- 𑌮𑌵𑍇᳚𑌕𑍍𑌷𑌤𑍇-𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒-𑌤𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇॒-𑌽𑌶𑍍𑌵𑌿𑌨𑍋𑌃᳚ 𑌪𑍍𑌰𑌾॒𑌣𑍋॑-𑌽𑌸𑍀𑌤𑍍𑌯𑌾॑𑌹𑌾॒𑌶𑍍𑌵𑌿𑌨𑍗॒ 𑌵𑍈 𑌦𑍇॒𑌵𑌾𑌨𑌾𑌂᳚- [𑌦𑍇॒𑌵𑌾𑌨𑌾᳚𑌮𑍍, 𑌭𑌿॒𑌷𑌜𑍗॒] 42

-𑌭𑌿॒𑌷𑌜𑍗॒ 𑌤𑌾𑌭𑍍𑌯𑌾॑𑌮𑍇॒𑌵𑌾𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋॒𑌤𑍀𑌨𑍍𑌦𑍍𑌰॑𑌸𑍍𑌯 𑌪𑍍𑌰𑌾॒𑌣𑍋॑ 𑌽𑌸𑍀𑌤𑍍𑌯𑌾॑𑌹𑍇𑌨𑍍𑌦𑍍𑌰𑌿॒𑌯- 𑌮𑍇॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿 𑌮𑌿॒𑌤𑍍𑌰𑌾𑌵𑌰𑍁॑𑌣𑌯𑍋𑌃 𑌪𑍍𑌰𑌾॒𑌣𑍋॑-𑌽𑌸𑍀𑌤𑍍𑌯𑌾॑𑌹 𑌪𑍍𑌰𑌾𑌣𑌾𑌪𑌾॒𑌨𑌾𑌵𑍇॒- 𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿॒ 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌮𑍍𑌪𑍍𑌰𑌾॒𑌣𑍋॑-𑌽𑌸𑍀𑌤𑍍𑌯𑌾॑𑌹 𑌵𑍀॒𑌰𑍍𑌯॑𑌮𑍇॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿 𑌘𑍃॒𑌤𑌸𑍍𑌯॒ 𑌧𑌾𑌰𑌾॑𑌮॒𑌮𑍃𑌤॑𑌸𑍍𑌯॒ 𑌪𑌨𑍍𑌥𑌾॒𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤-𑌤𑍍𑌪𑌾॑𑌵𑌮𑌾॒𑌨𑍇𑌨॑ 𑌤𑍍𑌵𑌾॒ 𑌸𑍍𑌤𑍋𑌮𑍇॒𑌨𑍇- [𑌸𑍍𑌤𑍋𑌮𑍇॒𑌨𑍇𑌤𑌿, 𑌆॒𑌹॒ 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌮𑌿॑-] 43

-𑌤𑍍𑌯𑌾॑𑌹 𑌪𑍍𑌰𑌾॒𑌣𑌮𑍇॒𑌵𑌾𑌸𑍍𑌮𑌿॑-𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑌿 𑌬𑍃𑌹-𑌦𑍍𑌰𑌥𑌨𑍍𑌤॒𑌰𑌯𑍋᳚𑌸𑍍𑌤𑍍𑌵𑌾॒ 𑌸𑍍𑌤𑍋𑌮𑍇॒𑌨𑍇𑌤𑍍𑌯𑌾॒𑌹𑍗𑌜॑ 𑌏॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑍍𑌯॒𑌗𑍍𑌨𑍇𑌸𑍍𑌤𑍍𑌵𑌾॒ 𑌮𑌾𑌤𑍍𑌰॒𑌯𑍇𑌤𑍍𑌯𑌾॑𑌹𑌾॒-𑌽𑌽𑌤𑍍𑌮𑌾𑌨॑-𑌮𑍇॒𑌵𑌾𑌸𑍍𑌮𑌿॑𑌨𑍍𑌨𑍇॒𑌤𑍇𑌨॑ 𑌦𑌧𑌾𑌤𑍍𑌯𑍃॒𑌤𑍍𑌵𑌿𑌜𑌃॒ 𑌪𑌰𑍍𑌯𑌾॑𑌹𑍁॒𑌰𑍍𑌯𑌾𑌵॑𑌨𑍍𑌤 𑌏॒𑌵𑌰𑍍𑌤𑍍𑌵𑌿𑌜॒𑌸𑍍𑌤 𑌏॑𑌨-𑌮𑍍𑌭𑌿𑌷𑌜𑍍𑌯𑌨𑍍𑌤𑌿 𑌬𑍍𑌰॒𑌹𑍍𑌮𑌣𑍋॒ 𑌹𑌸𑍍𑌤॑𑌮𑌨𑍍𑌵𑌾॒𑌰𑌭𑍍𑌯॒ 𑌪𑌰𑍍𑌯𑌾॑𑌹𑍁𑌰𑍇𑌕॒𑌧𑍈𑌵 𑌯𑌜॑𑌮𑌾𑌨॒ 𑌆𑌯𑍁॑𑌰𑍍𑌦𑌧𑌤𑌿॒ 𑌯𑌦𑍇॒𑌵 𑌤𑌸𑍍𑌯॒ 𑌤𑌦𑍍𑌧𑌿𑌰॑𑌣𑍍𑌯𑌾- [𑌤𑌦𑍍𑌧𑌿𑌰॑𑌣𑍍𑌯𑌾𑌤𑍍, 𑌘𑍃॒𑌤-𑌨𑍍𑌨𑌿𑌷𑍍𑌪𑌿॑𑌬॒𑌤𑍍𑌯𑌾𑌯𑍁॒𑌰𑍍𑌵𑍈] 44

-𑌦𑍍𑌘𑍃॒𑌤-𑌨𑍍𑌨𑌿𑌷𑍍𑌪𑌿॑𑌬॒𑌤𑍍𑌯𑌾𑌯𑍁॒𑌰𑍍𑌵𑍈 𑌘𑍃॒𑌤𑌮॒𑌮𑍃𑌤॒𑌗𑍍𑌂॒ 𑌹𑌿𑌰॑𑌣𑍍𑌯𑌮॒𑌮𑍃𑌤𑌾॑𑌦𑍇॒𑌵𑌾 𑌽𑌽𑌯𑍁॒𑌰𑍍𑌨𑌿𑌷𑍍𑌪𑌿॑𑌬𑌤𑌿 𑌶॒𑌤𑌮𑌾॑𑌨-𑌮𑍍𑌭𑌵𑌤𑌿 𑌶॒𑌤𑌾𑌯𑍁𑌃॒ 𑌪𑍁𑌰𑍁॑𑌷-𑌶𑍍𑌶॒𑌤𑍇𑌨𑍍𑌦𑍍𑌰𑌿॑𑌯॒ 𑌆𑌯𑍁॑𑌷𑍍𑌯𑍇॒𑌵𑍇𑌨𑍍𑌦𑍍𑌰𑌿॒𑌯𑍇 𑌪𑍍𑌰𑌤𑌿॑𑌤𑌿𑌷𑍍𑌠॒𑌤𑍍𑌯𑌥𑍋॒ 𑌖𑌲𑍁॒ 𑌯𑌾𑌵॑𑌤𑍀॒-𑌸𑍍𑌸𑌮𑌾॑ 𑌏॒𑌷𑍍𑌯-𑌨𑍍𑌮𑌨𑍍𑌯𑍇॑𑌤॒ 𑌤𑌾𑌵॑𑌨𑍍𑌮𑌾𑌨𑌗𑍍𑌗𑍍 𑌸𑍍𑌯𑌾॒-𑌥𑍍𑌸𑌮𑍃॑𑌦𑍍𑌧𑍍𑌯𑌾 𑌇॒𑌮𑌮॑𑌗𑍍𑌨॒ 𑌆𑌯𑍁॑𑌷𑍇॒ 𑌵𑌰𑍍𑌚॑𑌸𑍇 𑌕𑍃॒𑌧𑍀𑌤𑍍𑌯𑌾॒𑌹𑌾 𑌽𑌽𑌯𑍁॑𑌰𑍇॒𑌵𑌾𑌸𑍍𑌮𑌿॒𑌨𑍍. 𑌵𑌰𑍍𑌚𑍋॑ 𑌦𑌧𑌾𑌤𑌿॒ 𑌵𑌿𑌶𑍍𑌵𑍇॑ 𑌦𑍇𑌵𑌾॒ 𑌜𑌰॑𑌦𑌷𑍍𑌟𑌿॒𑌰𑍍𑌯𑌥𑌾 𑌽𑌸॒𑌦𑌿𑌤𑍍𑌯𑌾॑ -𑌹॒ 𑌜𑌰॑𑌦𑌷𑍍𑌟𑌿𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑍍𑌯॒𑌗𑍍𑌨𑌿-𑌰𑌾𑌯𑍁॑𑌷𑍍𑌮𑌾॒𑌨𑌿𑌤𑌿॒ 𑌹𑌸𑍍𑌤॑-𑌙𑍍𑌗𑍃𑌹𑍍𑌣𑌾𑌤𑍍𑌯𑍇॒𑌤𑍇 𑌵𑍈 𑌦𑍇॒𑌵𑌾 𑌆𑌯𑍁॑𑌷𑍍𑌮𑌨𑍍𑌤॒𑌸𑍍𑌤 𑌏॒𑌵𑌾𑌸𑍍𑌮𑌿॒𑌨𑍍𑌨𑌾𑌯𑍁॑𑌰𑍍𑌦𑌧𑌤𑌿॒ 𑌸𑌰𑍍𑌵॒𑌮𑌾𑌯𑍁॑𑌰𑍇𑌤𑌿 ॥ 45 ॥

(𑌰𑌸𑌂॑-𑌦𑍇॒𑌵𑌾𑌨𑌾॒𑌗𑍍॒-𑌸𑍍𑌤𑍋𑌮𑍇॒𑌨𑍇𑌤𑌿॒-𑌹𑌿𑌰॑𑌣𑍍𑌯𑌾॒-𑌦𑌸॒𑌦𑌿𑌤𑌿॒-𑌦𑍍𑌵𑌾𑌵𑌿𑌗𑍍𑌂॑𑌶𑌤𑌿𑌶𑍍𑌚) (𑌅. 11)

𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌵𑌰𑍁॑𑌣𑌾॒𑌯𑌾𑌶𑍍𑌵॑𑌮𑌨𑌯॒-𑌥𑍍𑌸 𑌸𑍍𑌵𑌾-𑌨𑍍𑌦𑍇॒𑌵𑌤𑌾॑𑌮𑌾𑌰𑍍𑌚𑍍𑌛॒-𑌥𑍍𑌸 𑌪𑌰𑍍𑌯॑𑌦𑍀𑌰𑍍𑌯𑌤॒ 𑌸 𑌏॒𑌤𑌂-𑌵𑌾𑌁॑𑌰𑍁॒𑌣-𑌞𑍍𑌚𑌤𑍁॑𑌷𑍍-𑌕𑌪𑌾𑌲𑌮𑌪𑌶𑍍𑌯॒-𑌤𑍍𑌤-𑌨𑍍𑌨𑌿𑌰॑𑌵𑌪॒-𑌤𑍍𑌤𑌤𑍋॒ 𑌵𑍈 𑌸 𑌵॑𑌰𑍁𑌣- 𑌪𑌾॒𑌶𑌾𑌦॑𑌮𑍁𑌚𑍍𑌯𑌤॒ 𑌵𑌰𑍁॑𑌣𑍋॒ 𑌵𑌾 𑌏॒𑌤-𑌙𑍍𑌗𑍃॑𑌹𑍍𑌣𑌾𑌤𑌿॒ 𑌯𑍋-𑌽𑌶𑍍𑌵॑-𑌮𑍍𑌪𑍍𑌰𑌤𑌿𑌗𑍃॒𑌹𑍍𑌣𑌾𑌤𑌿॒ 𑌯𑌾𑌵॒𑌤𑍋-𑌽𑌶𑍍𑌵𑌾᳚-𑌨𑍍𑌪𑍍𑌰𑌤𑌿𑌗𑍃𑌹𑍍𑌣𑍀॒𑌯𑌾-𑌤𑍍𑌤𑌾𑌵॑𑌤𑍋 𑌵𑌾𑌰𑍁॒𑌣𑌾𑌨𑍍 𑌚𑌤𑍁॑𑌷𑍍𑌕𑌪𑌾𑌲𑌾॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌵𑌰𑍁॑𑌣𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨𑌂॑-𑌵𑌁𑌰𑍁𑌣𑌪𑌾॒𑌶𑌾𑌨𑍍 -𑌮𑍁॑𑌞𑍍𑌚𑌤𑌿॒ [𑌵𑌰𑍁𑌣𑌪𑌾॒𑌶𑌾𑌨𑍍 -𑌮𑍁॑𑌞𑍍𑌚𑌤𑌿, 𑌚𑌤𑍁॑𑌷𑍍𑌕𑌪𑌾𑌲𑌾] 46

𑌚𑌤𑍁॑𑌷𑍍𑌕𑌪𑌾𑌲𑌾 𑌭𑌵𑌨𑍍𑌤𑌿॒ 𑌚𑌤𑍁॑𑌷𑍍𑌪𑌾॒𑌦𑍍𑌧𑍍𑌯𑌶𑍍𑌵॒-𑌸𑍍𑌸𑌮𑍃॑𑌦𑍍𑌧𑍍𑌯𑌾॒ 𑌏𑌕॒𑌮𑌤𑌿॑𑌰𑌿𑌕𑍍𑌤॒-𑌨𑍍𑌨𑌿𑌰𑍍𑌵॑𑌪𑍇॒-𑌦𑍍𑌯𑌮𑍇॒𑌵 𑌪𑍍𑌰॑𑌤𑌿𑌗𑍍𑌰𑌾॒𑌹𑍀 𑌭𑌵॑𑌤𑌿॒ 𑌯𑌂-𑌵𑌾𑌁॒ 𑌨𑌾𑌦𑍍𑌧𑍍𑌯𑍇𑌤𑌿॒ 𑌤𑌸𑍍𑌮𑌾॑𑌦𑍇॒𑌵 𑌵॑𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌚𑍍𑌯𑌤𑍇॒ 𑌯𑌦𑍍𑌯𑌪॑𑌰-𑌮𑍍𑌪𑍍𑌰𑌤𑌿𑌗𑍍𑌰𑌾॒𑌹𑍀 𑌸𑍍𑌯𑌾-𑌥𑍍𑌸𑍗॒𑌰𑍍𑌯𑌮𑍇𑌕॑𑌕𑌪𑌾𑌲॒𑌮𑌨𑍁॒ 𑌨𑌿𑌰𑍍𑌵॑𑌪𑍇𑌦॒𑌮𑍁𑌮𑍇॒𑌵𑌾 𑌽𑌽𑌦𑌿॒𑌤𑍍𑌯𑌮𑍁॑𑌚𑍍𑌚𑌾॒𑌰-𑌙𑍍𑌕𑍁॑𑌰𑍁𑌤𑍇॒ 𑌽𑌪𑍋॑-𑌽𑌵𑌭𑍃॒𑌥𑌮𑌵𑍈᳚𑌤𑍍𑌯॒𑌫𑍍𑌸𑍁 𑌵𑍈 𑌵𑌰𑍁॑𑌣-𑌸𑍍𑌸𑌾॒𑌕𑍍𑌷𑌾𑌦𑍇॒𑌵 𑌵𑌰𑍁॑𑌣॒𑌮𑌵॑ 𑌯𑌜𑌤𑍇 𑌽𑌪𑍋𑌨॒𑌪𑍍𑌤𑍍𑌰𑍀𑌯॑-𑌞𑍍𑌚॒𑌰𑍁-𑌮𑍍𑌪𑍁𑌨॒𑌰𑍇𑌤𑍍𑌯॒ 𑌨𑌿𑌰𑍍𑌵॑𑌪𑍇𑌦॒𑌫𑍍𑌸𑍁 𑌯𑍋॑𑌨𑌿॒𑌰𑍍𑌵𑌾 𑌅𑌶𑍍𑌵॒-𑌸𑍍𑌸𑍍𑌵𑌾𑌮𑍇॒𑌵𑍈𑌨𑌂॒-𑌯𑍋𑌁𑌨𑌿॑-𑌙𑍍𑌗𑌮𑌯𑌤𑌿॒ 𑌸 𑌏॑𑌨𑌗𑍍𑌂 𑌶𑌾॒𑌨𑍍𑌤 𑌉𑌪॑ 𑌤𑌿𑌷𑍍𑌠𑌤𑍇 ॥ 47 ॥

(𑌮𑍁॒𑌞𑍍𑌚॒𑌤𑌿॒ - 𑌚॒𑌰𑍁𑌗𑍍𑌂 - 𑌸॒𑌪𑍍𑌤𑌦॑𑌶 𑌚) (𑌅. 12)

𑌯𑌾 𑌵𑌾॑𑌮𑌿𑌨𑍍𑌦𑍍𑌰𑌾𑌵𑌰𑍁𑌣𑌾 𑌯𑌤॒𑌵𑍍𑌯𑌾॑ 𑌤॒𑌨𑍂𑌸𑍍𑌤𑌯𑍇॒𑌮𑌮𑌗𑍍𑌂 𑌹॑𑌸𑍋 𑌮𑍁𑌞𑍍𑌚𑌤𑌂॒-𑌯𑌾𑌁 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌸𑌹॒𑌸𑍍𑌯𑌾॑ 𑌰𑌕𑍍𑌷॒𑌸𑍍𑌯𑌾॑ 𑌤𑍇𑌜॒𑌸𑍍𑌯𑌾॑ 𑌤॒𑌨𑍂𑌸𑍍𑌤𑌯𑍇॒ 𑌮𑌮𑌗𑍍𑌂 𑌹॑𑌸𑍋 𑌮𑍁𑌞𑍍𑌚𑌤𑌂॒-𑌯𑍋𑌁 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌵॒𑌗𑍍𑌨𑍗 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑ 𑌮𑍇॒ 𑌤𑍇𑌨𑌾 𑌵॑𑌯𑌜𑍇॒𑌯𑍋 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌦𑍍𑌵𑌿॒𑌪𑌾𑌥𑍍𑌸𑍁॑ 𑌪॒𑌶𑍁𑌷𑍁॒ 𑌚𑌤𑍁॑𑌷𑍍𑌪𑌾𑌥𑍍𑌸𑍁 𑌗𑍋॒𑌷𑍍𑌠𑍇 𑌗𑍃॒𑌹𑍇𑌷𑍍𑌵॒𑌫𑍍𑌸𑍍𑌵𑍋𑌷॑𑌧𑍀𑌷𑍁॒ 𑌵𑌨॒𑌸𑍍𑌪𑌤𑌿॑𑌷𑍁॒ 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑ 𑌮𑍇॒ 𑌤𑍇𑌨𑌾𑌵॑ 𑌯𑌜॒ 𑌇𑌨𑍍𑌦𑍍𑌰𑍋॒ 𑌵𑌾 𑌏॒𑌤𑌸𑍍𑌯𑍇᳚- [𑌏॒𑌤𑌸𑍍𑌯॑, 𑌇॒𑌨𑍍𑌦𑍍𑌰𑌿॒𑌯𑍇𑌣𑌾𑌪॑ 𑌕𑍍𑌰𑌾𑌮𑌤𑌿॒] 48

-𑌨𑍍𑌦𑍍𑌰𑌿॒𑌯𑍇𑌣𑌾𑌪॑ 𑌕𑍍𑌰𑌾𑌮𑌤𑌿॒ 𑌵𑌰𑍁॑𑌣 𑌏𑌨𑌂-𑌵𑌁𑌰𑍁𑌣𑌪𑌾॒𑌶𑍇𑌨॑ 𑌗𑍃𑌹𑍍𑌣𑌾𑌤𑌿॒ 𑌯𑌃 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤𑍋 𑌭𑌵॑𑌤𑌿॒ 𑌯𑌃 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌮𑍈᳚𑌨𑍍𑌦𑍍𑌰𑌾𑌵𑌰𑍁॒𑌣𑍀-𑌮𑍍𑌪॑𑌯॒𑌸𑍍𑌯𑌾᳚-𑌨𑍍𑌨𑌿𑌰𑍍𑌵॑𑌪𑍇॒𑌦𑌿𑌨𑍍𑌦𑍍𑌰॑ 𑌏॒𑌵𑌾𑌸𑍍𑌮𑌿॑-𑌨𑍍𑌨𑌿𑌨𑍍𑌦𑍍𑌰𑌿॒𑌯-𑌨𑍍𑌦॑𑌧𑌾𑌤𑌿॒ 𑌵𑌰𑍁॑𑌣 𑌏𑌨𑌂 𑌁𑌵𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 𑌪𑌯॒𑌸𑍍𑌯𑌾॑ 𑌭𑌵𑌤𑌿॒ 𑌪𑌯𑍋॒ 𑌹𑌿 𑌵𑌾 𑌏॒𑌤𑌸𑍍𑌮𑌾॑-𑌦𑌪॒𑌕𑍍𑌰𑌾𑌮॒𑌤𑍍𑌯𑌥𑍈॒𑌷 𑌪𑌾॒𑌪𑍍𑌮𑌨𑌾॑ 𑌗𑍃𑌹𑍀॒𑌤𑍋 𑌯-𑌤𑍍𑌪॑𑌯॒𑌸𑍍𑌯𑌾॑ 𑌭𑌵॑𑌤𑌿॒ 𑌪𑌯॑ 𑌏॒𑌵𑌾𑌸𑍍𑌮𑌿॒-𑌨𑍍𑌤𑌯𑌾॑ 𑌦𑌧𑌾𑌤𑌿 𑌪𑌯॒𑌸𑍍𑌯𑌾॑𑌯𑌾- [𑌪𑌯॒𑌸𑍍𑌯𑌾॑𑌯𑌾𑌮𑍍, 𑌪𑍁𑌰𑍋॒𑌡𑌾𑌶॒𑌮𑌵॑] 49

-𑌮𑍍𑌪𑍁𑌰𑍋॒𑌡𑌾𑌶॒𑌮𑌵॑ 𑌦𑌧𑌾𑌤𑍍𑌯𑌾𑌤𑍍𑌮॒𑌨𑍍𑌵𑌨𑍍𑌤॑-𑌮𑍇॒𑌵𑍈𑌨॑-𑌙𑍍𑌕𑌰𑍋॒𑌤𑍍𑌯𑌥𑍋॑ 𑌆॒𑌯𑌤॑𑌨𑌵𑌨𑍍𑌤-𑌮𑍇॒𑌵 𑌚॑𑌤𑍁॒𑌰𑍍𑌧𑌾 𑌵𑍍𑌯𑍂॑𑌹𑌤𑌿 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿॒ 𑌪𑍁𑌨॒-𑌸𑍍𑌸𑌮𑍂॑𑌹𑌤𑌿 𑌦𑌿॒𑌗𑍍𑌭𑍍𑌯 𑌏॒𑌵𑌾𑌸𑍍𑌮𑍈॑ 𑌭𑍇𑌷॒𑌜-𑌙𑍍𑌕॑𑌰𑍋𑌤𑌿 𑌸॒𑌮𑍂𑌹𑍍𑌯𑌾𑌵॑ 𑌦𑍍𑌯𑌤𑌿॒ 𑌯𑌥𑌾-𑌽𑌽𑌵𑌿॑𑌦𑍍𑌧-𑌨𑍍𑌨𑌿𑌷𑍍𑌕𑍃॒𑌨𑍍𑌤𑌤𑌿॑ 𑌤𑌾॒𑌦𑍃𑌗𑍇॒𑌵 𑌤𑌦𑍍𑌯𑍋 𑌵𑌾॑𑌮𑌿𑌨𑍍𑌦𑍍𑌰𑌾-𑌵𑌰𑍁𑌣𑌾𑌵॒𑌗𑍍𑌨𑍗 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑𑌮𑍇॒𑌤𑍇𑌨𑌾𑌵॑ 𑌯𑌜॒ 𑌇𑌤𑍍𑌯𑌾॑𑌹॒ 𑌦𑍁𑌰𑌿॑𑌷𑍍𑌟𑍍𑌯𑌾 𑌏॒𑌵𑍈𑌨॑-𑌮𑍍𑌪𑌾𑌤𑌿॒ 𑌯𑍋 𑌵𑌾॑ 𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾 𑌦𑍍𑌵𑌿॒𑌪𑌾𑌥𑍍𑌸𑍁॑ 𑌪॒𑌶𑍁𑌷𑍁॒ 𑌸𑍍𑌰𑌾𑌮॒𑌸𑍍𑌤𑌂-𑌵𑌾𑌁॑ 𑌮𑍇॒ 𑌤𑍇𑌨𑌾𑌵॑ 𑌯𑌜॒ 𑌇𑌤𑍍𑌯𑌾॑𑌹𑍈॒𑌤𑌾𑌵॑𑌤𑍀॒𑌰𑍍𑌵𑌾 𑌆𑌪॒ 𑌓𑌷॑𑌧𑌯𑍋॒ 𑌵𑌨॒𑌸𑍍𑌪𑌤॑𑌯𑌃 𑌪𑍍𑌰॒𑌜𑌾𑌃 𑌪॒𑌶𑌵॑ 𑌉𑌪𑌜𑍀𑌵॒𑌨𑍀𑌯𑌾॒𑌸𑍍𑌤𑌾 𑌏॒𑌵𑌾𑌸𑍍𑌮𑍈॑ 𑌵𑌰𑍁𑌣𑌪𑌾॒𑌶𑌾-𑌨𑍍𑌮𑍁॑𑌞𑍍𑌚𑌤𑌿 ॥ 50 ॥

(𑌏॒𑌤𑌸𑍍𑌯॑ - 𑌪𑌯॒𑌸𑍍𑌯𑌾॑𑌯𑌾𑌂 - 𑌪𑌾𑌤𑌿॒ - 𑌷𑌡𑍍𑌵𑌿𑌗𑍍𑌂॑𑌶𑌤𑌿𑌶𑍍𑌚 ) (𑌅. 13)

𑌸 𑌪𑍍𑌰॑𑌤𑍍𑌨॒𑌵𑌨𑍍𑌨𑌿 𑌕𑌾𑌵𑍍𑌯𑍇𑌨𑍍𑌦𑍍𑌰𑌂॑-𑌵𑍋𑌁 𑌵𑌿॒𑌶𑍍𑌵𑌤॒-𑌸𑍍𑌪𑌰𑍀𑌨𑍍𑌦𑍍𑌰॒-𑌨𑍍𑌨𑌰𑌃॑ ॥ 𑌤𑍍𑌵-𑌨𑍍𑌨𑌃॑ 𑌸𑍋𑌮 𑌵𑌿॒𑌶𑍍𑌵𑌤𑍋॒ 𑌰𑌕𑍍𑌷𑌾॑ 𑌰𑌾𑌜𑌨𑍍𑌨𑌘𑌾𑌯॒𑌤𑌃 । 𑌨 𑌰𑌿॑𑌷𑍍𑌯𑍇॒-𑌤𑍍𑌤𑍍𑌵𑌾𑌵॑𑌤॒-𑌸𑍍𑌸𑌖𑌾𑌃᳚ ॥ 𑌯𑌾 𑌤𑍇॒ 𑌧𑌾𑌮𑌾॑𑌨𑌿 𑌦𑌿॒𑌵𑌿 𑌯𑌾 𑌪𑍃॑𑌥𑌿॒𑌵𑍍𑌯𑌾𑌂-𑌯𑌾𑌁 𑌪𑌰𑍍𑌵॑𑌤𑍇॒𑌷𑍍𑌵𑍋𑌷॑𑌧𑍀𑌷𑍍𑌵॒𑌫𑍍𑌸𑍁 ॥ 𑌤𑍇𑌭𑌿॑𑌰𑍍𑌨𑍋॒ 𑌵𑌿𑌶𑍍𑌵𑍈᳚-𑌸𑍍𑌸𑍁॒𑌮𑌨𑌾॒ 𑌅𑌹𑍇॑𑌡॒-𑌨𑍍𑌰𑌾𑌜𑌨𑍍᳚-𑌥𑍍𑌸𑍋𑌮॒ 𑌪𑍍𑌰𑌤𑌿॑ 𑌹॒𑌵𑍍𑌯𑌾 𑌗𑍃॑𑌭𑌾𑌯 ॥ 𑌅𑌗𑍍𑌨𑍀॑𑌷𑍋𑌮𑌾॒ 𑌸𑌵𑍇॑𑌦𑌸𑌾॒ 𑌸𑌹𑍂॑𑌤𑍀 𑌵𑌨𑌤॒-𑌙𑍍𑌗𑌿𑌰𑌃॑ । 𑌸-𑌨𑍍𑌦𑍇॑𑌵॒𑌤𑍍𑌰𑌾 𑌬॑𑌭𑍂𑌵𑌥𑍁𑌃 ॥ 𑌯𑍁॒𑌵- [𑌯𑍁॒𑌵𑌮𑍍, 𑌏॒𑌤𑌾𑌨𑌿॑ 𑌦𑌿॒𑌵𑌿 𑌰𑍋॑𑌚॒𑌨𑌾𑌨𑍍𑌯॒𑌗𑍍𑌨𑌿𑌶𑍍𑌚॑] 51

-𑌮𑍇॒𑌤𑌾𑌨𑌿॑ 𑌦𑌿॒𑌵𑌿 𑌰𑍋॑𑌚॒𑌨𑌾𑌨𑍍𑌯॒𑌗𑍍𑌨𑌿𑌶𑍍𑌚॑ 𑌸𑍋𑌮॒ 𑌸𑌕𑍍𑌰॑𑌤𑍂 𑌅𑌧𑌤𑍍𑌤𑌮𑍍 ॥ 𑌯𑍁॒𑌵𑌗𑍍𑌂 𑌸𑌿𑌨𑍍𑌧𑍂𑌗𑍍𑌂॑ 𑌰॒𑌭𑌿𑌶॑𑌸𑍍𑌤𑍇𑌰𑌵॒𑌦𑍍𑌯𑌾-𑌦𑌗𑍍𑌨𑍀॑𑌷𑍋𑌮𑌾॒-𑌵𑌮𑍁॑𑌞𑍍𑌚𑌤-𑌙𑍍𑌗𑍃𑌭𑍀॒𑌤𑌾𑌨𑍍 ॥ 𑌅𑌗𑍍𑌨𑍀॑𑌷𑍋𑌮𑌾𑌵𑌿॒𑌮𑌗𑍍𑌂 𑌸𑍁 𑌮𑍇॑ 𑌶𑍃𑌣𑍁॒𑌤𑌂-𑌵𑍃𑌁॑𑌷𑌣𑌾॒ 𑌹𑌵᳚𑌮𑍍 । 𑌪𑍍𑌰𑌤𑌿॑ 𑌸𑍂॒𑌕𑍍𑌤𑌾𑌨𑌿॑ 𑌹𑌰𑍍𑌯𑌤॒-𑌮𑍍𑌭𑌵॑𑌤-𑌨𑍍𑌦𑌾॒𑌶𑍁𑌷𑍇॒ 𑌮𑌯𑌃॑ ॥ 𑌆-𑌽𑌨𑍍𑌯-𑌨𑍍𑌦𑌿॒𑌵𑍋 𑌮𑌾॑𑌤॒𑌰𑌿𑌶𑍍𑌵𑌾॑ 𑌜𑌭𑌾॒𑌰𑌾-𑌽𑌮॑𑌥𑍍𑌨𑌾𑌦॒𑌨𑍍𑌯-𑌮𑍍𑌪𑌰𑌿॑ 𑌶𑍍𑌯𑍇॒𑌨𑍋 𑌅𑌦𑍍𑌰𑍇𑌃᳚ । 𑌅𑌗𑍍𑌨𑍀॑𑌷𑍋𑌮𑌾॒ 𑌬𑍍𑌰𑌹𑍍𑌮॑𑌣𑌾 𑌵𑌾𑌵𑍃𑌧𑌾॒𑌨𑍋𑌰𑍁𑌂-𑌯𑌁॒𑌜𑍍𑌞𑌾𑌯॑ 𑌚𑌕𑍍𑌰𑌥𑍁𑌰𑍁 𑌲𑍋॒𑌕𑌮𑍍 ॥ 𑌅𑌗𑍍𑌨𑍀॑𑌷𑍋𑌮𑌾 𑌹॒𑌵𑌿𑌷𑌃॒ 𑌪𑍍𑌰𑌸𑍍𑌥𑌿॑𑌤𑌸𑍍𑌯 𑌵𑍀॒𑌤𑌗𑍍𑌂 [𑌵𑍀॒𑌤𑌮𑍍, 𑌹𑌰𑍍𑌯॑𑌤𑌂-𑌵𑍃𑌁𑌷𑌣𑌾 𑌜𑍁॒𑌷𑍇𑌥𑌾᳚𑌮𑍍 ।] 52

𑌹𑌰𑍍𑌯॑𑌤𑌂-𑌵𑍃𑌁𑌷𑌣𑌾 𑌜𑍁॒𑌷𑍇𑌥𑌾᳚𑌮𑍍 । 𑌸𑍁॒𑌶𑌰𑍍𑌮𑌾॑𑌣𑌾॒ 𑌸𑍍𑌵𑌵॑𑌸𑌾॒ 𑌹𑌿 𑌭𑍂॒𑌤𑌮𑌥𑌾॑ 𑌧𑌤𑍍𑌤𑌂॒-𑌯𑌁𑌜॑𑌮𑌾𑌨𑌾𑌯॒ 𑌶𑌂-𑌯𑍋𑌃 𑌁॥ 𑌆𑌪𑍍𑌯𑌾॑𑌯𑌸𑍍𑌵॒, 𑌸-𑌨𑍍𑌤𑍇᳚ ॥ 𑌗॒𑌣𑌾𑌨𑌾᳚-𑌨𑍍𑌤𑍍𑌵𑌾 𑌗॒𑌣𑌪॑𑌤𑌿𑌗𑍍𑌂 𑌹𑌵𑌾𑌮𑌹𑍇 𑌕॒𑌵𑌿-𑌙𑍍𑌕॑𑌵𑍀॒𑌨𑌾-𑌮𑍁॑𑌪॒𑌮𑌶𑍍𑌰॑𑌵𑌸𑍍𑌤𑌮𑌮𑍍 । 𑌜𑍍𑌯𑍇॒𑌷𑍍𑌠॒𑌰𑌾𑌜॒-𑌮𑍍𑌬𑍍𑌰𑌹𑍍𑌮॑𑌣𑌾-𑌮𑍍𑌬𑍍𑌰𑌹𑍍𑌮𑌣𑌸𑍍𑌪𑌤॒ 𑌆 𑌨𑌃॑ 𑌶𑍃॒𑌣𑍍𑌵𑌨𑍍𑌨𑍂॒𑌤𑌿𑌭𑌿𑌃॑ 𑌸𑍀𑌦॒ 𑌸𑌾𑌦॑𑌨𑌮𑍍 । 𑌸 𑌇𑌜𑍍𑌜𑌨𑍇॑𑌨॒ 𑌸 𑌵𑌿॒𑌶𑌾 𑌸 𑌜𑌨𑍍𑌮॑𑌨𑌾॒ 𑌸 𑌪𑍁॒𑌤𑍍𑌰𑍈𑌰𑍍𑌵𑌾𑌜॑-𑌮𑍍𑌭𑌰𑌤𑍇॒ 𑌧𑌨𑌾॒ 𑌨𑍃𑌭𑌿𑌃॑ । 𑌦𑍇॒𑌵𑌾𑌨𑌾𑌂॒-𑌯𑌃 𑌁𑌪𑌿॒𑌤𑌰॑-𑌮𑌾॒𑌵𑌿𑌵𑌾॑𑌸𑌤𑌿 [ ] 53

𑌶𑍍𑌰॒𑌦𑍍𑌧𑌾𑌮॑𑌨𑌾 𑌹॒𑌵𑌿𑌷𑌾॒ 𑌬𑍍𑌰𑌹𑍍𑌮॑𑌣॒𑌸𑍍𑌪𑌤𑌿᳚𑌮𑍍 ॥ 𑌸 𑌸𑍁॒𑌷𑍍𑌟𑍁𑌭𑌾॒ 𑌸 𑌋𑌕𑍍𑌵॑𑌤𑌾 𑌗॒𑌣𑍇𑌨॑ 𑌵॒𑌲𑌗𑍍𑌂 𑌰𑍁॑𑌰𑍋𑌜 𑌫𑌲𑌿॒𑌗𑌗𑍍𑌂 𑌰𑌵𑍇॑𑌣 । 𑌬𑍃𑌹॒𑌸𑍍𑌪𑌤𑌿॑-𑌰𑍁॒𑌸𑍍𑌤𑍍𑌰𑌿𑌯𑌾॑ 𑌹𑌵𑍍𑌯॒𑌸𑍂𑌦𑌃॒ 𑌕𑌨𑌿॑𑌕𑍍𑌰𑌦॒𑌦𑍍- 𑌵𑌾𑌵॑𑌶𑌤𑍀॒𑌰𑍁𑌦𑌾॑𑌜𑌤𑍍 ॥ 𑌮𑌰𑍁॑𑌤𑍋॒ 𑌯𑌦𑍍𑌧॑ 𑌵𑍋 𑌦𑌿॒𑌵𑍋, 𑌯𑌾 𑌵॒-𑌶𑍍𑌶𑌰𑍍𑌮॑ ॥ 𑌅॒𑌰𑍍𑌯॒𑌮𑌾 𑌽𑌽𑌯𑌾॑𑌤𑌿 𑌵𑍃𑌷॒𑌭𑌸𑍍𑌤𑍁𑌵𑌿॑𑌷𑍍𑌮𑌾-𑌨𑍍𑌦𑌾॒𑌤𑌾 𑌵𑌸𑍂॑𑌨𑌾-𑌮𑍍𑌪𑍁𑌰𑍁𑌹𑍂॒𑌤𑍋 𑌅𑌰𑍍𑌹𑌨𑍍𑌨𑍍॑ । 𑌸॒𑌹॒𑌸𑍍𑌰𑌾॒𑌕𑍍𑌷𑍋 𑌗𑍋᳚𑌤𑍍𑌰॒𑌭𑌿-𑌦𑍍𑌵𑌜𑍍𑌰॑𑌬𑌾𑌹𑍁𑌰॒𑌸𑍍𑌮𑌾𑌸𑍁॑ 𑌦𑍇॒𑌵𑍋 𑌦𑍍𑌰𑌵𑌿॑𑌣-𑌨𑍍𑌦𑌧𑌾𑌤𑍁 ॥ 𑌯𑍇 𑌤𑍇᳚-𑌽𑌰𑍍𑌯𑌮-𑌨𑍍𑌬॒𑌹𑌵𑍋॑ 𑌦𑍇𑌵॒𑌯𑌾𑌨𑌾𑌃॒ 𑌪𑌨𑍍𑌥𑌾॑𑌨𑍋 [𑌪𑌨𑍍𑌥𑌾॑𑌨𑌃, 𑌰𑌾॒𑌜॒-𑌨𑍍𑌦𑌿॒𑌵 𑌆॒𑌚𑌰॑𑌨𑍍𑌤𑌿 ।] 54

𑌰𑌾𑌜-𑌨𑍍𑌦𑌿॒𑌵 𑌆॒𑌚𑌰॑𑌨𑍍𑌤𑌿 । 𑌤𑍇𑌭𑌿॑𑌰𑍍𑌨𑍋 𑌦𑍇𑌵॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛॒ 𑌶-𑌨𑍍𑌨॑ 𑌏𑌧𑌿 𑌦𑍍𑌵𑌿॒𑌪𑌦𑍇॒ 𑌶-𑌞𑍍𑌚𑌤𑍁॑𑌷𑍍𑌪𑌦𑍇 ॥ 𑌬𑍁॒𑌦𑍍𑌧𑍍𑌨𑌾𑌦𑌗𑍍𑌰॒-𑌮𑌙𑍍𑌗𑌿॑𑌰𑍋𑌭𑌿-𑌰𑍍𑌗𑍃𑌣𑌾॒𑌨𑍋 𑌵𑌿 𑌪𑌰𑍍𑌵॑𑌤𑌸𑍍𑌯 𑌦𑍃𑌗𑍍𑌂𑌹𑌿॒𑌤𑌾𑌨𑍍𑌯𑍈॑𑌰𑌤𑍍 । 𑌰𑍁॒𑌜-𑌦𑍍𑌰𑍋𑌧𑌾𑌗𑍍𑌂॑𑌸𑌿-𑌕𑍃॒𑌤𑍍𑌰𑌿𑌮𑌾᳚𑌣𑍍𑌯𑍇𑌷𑌾॒𑌗𑍍𑌂॒-𑌸𑍋𑌮॑𑌸𑍍𑌯॒ 𑌤𑌾-𑌮𑌦॒ 𑌇𑌨𑍍𑌦𑍍𑌰॑-𑌶𑍍𑌚𑌕𑌾𑌰 ॥ 𑌬𑍁॒𑌦𑍍𑌧𑍍𑌨𑌾-𑌦𑌗𑍍𑌰𑍇॑𑌣॒ 𑌵𑌿 𑌮𑌿॑𑌮𑌾𑌯॒ 𑌮𑌾𑌨𑍈॒-𑌰𑍍𑌵𑌜𑍍𑌰𑍇॑𑌣॒ 𑌖𑌾𑌨𑍍𑌯॑𑌤𑍃𑌣-𑌨𑍍𑌨॒𑌦𑍀𑌨𑌾᳚𑌮𑍍 । 𑌵𑍃𑌥𑌾॑ 𑌽𑌸𑍃𑌜-𑌤𑍍𑌪॒𑌥𑌿𑌭𑌿॑ 𑌰𑍍𑌦𑍀𑌰𑍍𑌘𑌯𑌾॒𑌥𑍈-𑌸𑍍𑌸𑍋𑌮॑𑌸𑍍𑌯॒ 𑌤𑌾 𑌮𑌦॒ 𑌇𑌨𑍍𑌦𑍍𑌰॑𑌶𑍍𑌚𑌕𑌾𑌰 । ॥ 55 ॥

𑌪𑍍𑌰 𑌯𑍋 𑌜॒𑌜𑍍𑌞𑍇 𑌵𑌿॒𑌦𑍍𑌵𑌾𑌗𑍍𑌂 𑌅॒𑌸𑍍𑌯 𑌬𑌨𑍍𑌧𑍁𑌂॒-𑌵𑌿𑌁𑌶𑍍𑌵𑌾॑𑌨𑌿 𑌦𑍇॒𑌵𑍋 𑌜𑌨𑌿॑𑌮𑌾 𑌵𑌿𑌵𑌕𑍍𑌤𑌿 । 𑌬𑍍𑌰𑌹𑍍𑌮॒ 𑌬𑍍𑌰𑌹𑍍𑌮॑𑌣॒ 𑌉𑌜𑍍𑌜॑𑌭𑌾𑌰॒ 𑌮𑌦𑍍𑌧𑍍𑌯𑌾᳚𑌨𑍍𑌨𑍀॒𑌚𑌾𑌦𑍁॒𑌚𑍍𑌚𑌾 𑌸𑍍𑌵॒𑌧𑌯𑌾॒-𑌽𑌭𑌿 𑌪𑍍𑌰𑌤॑𑌸𑍍𑌥𑍗 ॥ 𑌮॒𑌹𑌾-𑌨𑍍𑌮॒𑌹𑍀 𑌅॑𑌸𑍍𑌤𑌭𑌾𑌯॒𑌦𑍍𑌵𑌿 𑌜𑌾॒𑌤𑍋 𑌦𑍍𑌯𑌾𑌗𑍍𑌂 𑌸𑌦𑍍𑌮॒ 𑌪𑌾𑌰𑍍𑌥𑌿॑𑌵-𑌞𑍍𑌚॒ 𑌰𑌜𑌃॑ । 𑌸 𑌬𑍁॒𑌦𑍍𑌧𑍍𑌨𑌾𑌦𑌾᳚𑌷𑍍𑌟 𑌜॒𑌨𑍁𑌷𑌾॒-𑌽𑌭𑍍𑌯𑌗𑍍𑌰॒-𑌮𑍍𑌬𑍃𑌹॒𑌸𑍍𑌪𑌤𑌿॑ 𑌰𑍍𑌦𑍇॒𑌵𑌤𑌾॒𑌯𑌸𑍍𑌯॑ 𑌸॒𑌮𑍍𑌰𑌾𑌟𑍍 ॥ 𑌬𑍁॒𑌦𑍍𑌧𑍍𑌨𑌾𑌦𑍍𑌯𑍋 𑌅𑌗𑍍𑌰॑𑌮॒𑌭𑍍𑌯𑌰𑍍𑌤𑍍𑌯𑍋𑌜॑𑌸𑌾॒ 𑌬𑍃𑌹॒𑌸𑍍𑌪𑌤𑌿॒𑌮𑌾 𑌵𑌿॑𑌵𑌾𑌸𑌨𑍍𑌤𑌿 𑌦𑍇॒𑌵𑌾𑌃 । 𑌭𑌿॒𑌨𑌦𑍍𑌵॒𑌲𑌂-𑌵𑌿𑌁 𑌪𑍁𑌰𑍋॑ 𑌦𑌰𑍍𑌦𑌰𑍀𑌤𑌿॒ 𑌕𑌨𑌿॑𑌕𑍍𑌰𑌦॒-𑌥𑍍𑌸𑍁𑌵॑𑌰॒𑌪𑍋 𑌜𑌿॑𑌗𑌾𑌯 ॥ 56 ॥

(𑌯𑍁॒𑌵𑌂 - 𑌁𑌵𑍀॒𑌤𑌮𑌾॒ - 𑌵𑌿𑌵𑌾॑𑌸𑌤𑌿॒ - 𑌪𑌨𑍍𑌥𑌾॑𑌨𑍋 - 𑌦𑍀𑌰𑍍𑌘𑌯𑌾॒𑌥𑍈-𑌸𑍍𑌸𑍋𑌮॑𑌸𑍍𑌯॒ 𑌤𑌾 𑌮𑌦॒ 𑌇𑌨𑍍𑌦𑍍𑌰॑𑌶𑍍𑌚𑌕𑌾𑌰 - 𑌦𑍇॒𑌵𑌾 - 𑌨𑌵॑ 𑌚) (𑌅. 14)

(𑌆॒𑌦𑌿॒𑌤𑍍𑌯𑍇𑌭𑍍𑌯𑍋॑ - 𑌦𑍇॒𑌵𑌾 𑌵𑍈 𑌮𑍃॒𑌤𑍍𑌯𑍋 - 𑌰𑍍𑌦𑍇॒𑌵𑌾 𑌵𑍈 - 𑌸॒𑌤𑍍𑌰𑌮॑ - 𑌰𑍍𑌯॒𑌮𑍍𑌣𑍇 -𑌪𑍍𑌰॒𑌜𑌾𑌪॑𑌤𑍇॒𑌸𑍍𑌤𑍍𑌰𑌯॑𑌸𑍍𑌤𑍍𑌰𑌿𑌗𑍍𑌂𑌶𑌤𑍍 - 𑌪𑍍𑌰॒𑌜𑌾𑌪॑𑌤𑌿 𑌰𑍍𑌦𑍇॒𑌵𑍇𑌭𑍍𑌯𑍋॒-𑌽𑌨𑍍𑌨𑌾𑌦𑍍𑌯𑌂॑ -𑌦𑍇𑌵𑌾𑌸𑍁॒𑌰𑌾𑌸𑍍𑌤𑌾𑌨𑍍 - 𑌰𑌜॑𑌨𑍋 - 𑌧𑍍𑌰𑍁॒𑌵𑍋॑-𑌽𑌸𑌿॒ - 𑌯𑌨𑍍𑌨𑌵॑ - 𑌮॒𑌗𑍍𑌨𑌿𑌂-𑌵𑍈𑌁 - 𑌪𑍍𑌰॒𑌜𑌾𑌪॑𑌤𑌿॒ 𑌰𑍍𑌵𑌰𑍁॑𑌣𑌾𑌯॒ - 𑌯𑌾 𑌵𑌾॑𑌮𑌿𑌨𑍍𑌦𑍍𑌰𑌾 𑌵𑌰𑍁𑌣𑌾॒ - 𑌸 𑌪𑍍𑌰॑𑌤𑍍𑌨॒𑌵 -𑌚𑍍𑌚𑌤𑍁॑𑌰𑍍𑌦𑌶)

(𑌆॒𑌦𑌿॒𑌤𑍍𑌯𑍇𑌭𑍍𑌯॒ - 𑌸𑍍𑌤𑍍𑌵𑌷𑍍𑌟𑍁॑ - 𑌰𑌸𑍍𑌮𑍈॒ 𑌦𑌾𑌨॑𑌕𑌾𑌮𑌾 - 𑌏॒𑌵𑌾𑌵॑ 𑌰𑍁𑌨𑍍𑌧𑍇॒ - 𑌽𑌗𑍍𑌨𑌿𑌂-𑌵𑍈𑌁 - 𑌸 𑌪𑍍𑌰॑𑌤𑍍𑌨॒𑌵𑌥𑍍 - 𑌷𑌟𑍍𑌪॑𑌞𑍍𑌚𑌾॒𑌶𑌤𑍍 )

(𑌆॒𑌦𑌿॒𑌤𑍍𑌯𑍇𑌭𑍍𑌯𑌃॒ - 𑌸𑍁𑌵॑𑌰॒𑌪𑍋 𑌜𑌿॑𑌗𑌾𑌯 )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌦𑍍𑌵𑌿𑌤𑍀𑌯𑌕𑌾𑌣𑍍𑌡𑍇 𑌤𑍃𑌤𑍀𑌯𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥

Roman (IAST) Transliteration

kṛṣṇa yajurvedīya taittirīya saṃhitāyā-ndvitīyakāṇḍe tṛtīyaḥ praśnaḥ - iṣṭividhānaṃ

o-nnamaḥ paramātmane, śrī mahāgaṇapataye namaḥ,

śrī gurubhyo namaḥ | ha॒riḥ॒ om ||

ā॒di॒tyebhyo॒ bhuva̭dvadbhyaśca॒ru-nnirva̭pe॒-dbhūti̭kāma ādi॒tyā vā e॒ta-mbhūtyai॒ prati̭ nudante॒ yo-'la॒-mbhūtyai॒ sa-nbhūti॒-nna prā॒pnotyā̭di॒tyāne॒va bhuva̭dvata॒-ssvena̭ bhāga॒dheye॒nopa̭ dhāvati॒ ta e॒vaina॒-mbhūti̭-ṅgamayanti॒ bhava̭tye॒vā ''di॒tyebhyo̭ dhā॒raya̭dva-dbhyaśca॒ru-nnirva̭pe॒-dapa̭ruddho vā-'paru॒ddhyamā̭no vā-''di॒tyā vā a̭paro॒ddhāra̭ ādi॒tyā a̭vagamayi॒tāra̭ ādi॒tyāne॒va dhā॒raya̭dvata॒- [dhā॒raya̭dvataḥ, svena̭] 1

-ssvena̭ bhāga॒dheye॒nopa̭ dhāvati॒ ta e॒vainaṃ̭-vi~॒śi dā᳚ddhratyanaparu॒ddhyo bha̭va॒tyadi॒te-'nṷ manya॒sve-tya̭paru॒ddhyamā̭no-'sya pa॒damā da̭dīte॒yaṃ-vā~ adi̭tiri॒yame॒vāsmai̭ rā॒jyamanṷ manyate sa॒tyā-''śīrityā̭ha sa॒tyāme॒vā-''śiṣa̭-ṅkuruta i॒ha mana॒ ityā̭ha pra॒jā e॒vāsmai॒ sama̭nasaḥ karo॒tyupa॒ preta̭ maruta- [preta̭ marutaḥ, su॒dā॒na॒va॒ e॒nā] 2

-ssudānava e॒nā vi॒śpati̭nā॒-'bhya̭mugṃ rājā̭na॒mityā̭ha māru॒tī vai vi-ḍjye॒ṣṭho vi॒śpati̭-rvi॒śaivainagṃ̭ rā॒ṣṭreṇa॒ sama̭rdhayati॒ yaḥ pa॒rastā᳚-dgrāmyavā॒dī syā-ttasya̭ gṛ॒hā-dvrī॒hīnā ha̭recchu॒klāgśca̭ kṛ॒ṣṇāgśca॒ vi ci̭nuyā॒dye śu॒klā-ssyustamā̭di॒tya-ñca॒ru-nnirva̭pedādi॒tyā vai de॒vata̭yā॒ viḍviśa̭me॒vā-'va̭ gaccha॒- [gacchati, ava̭gatā-'sya॒] 3

-tyava̭gatā-'sya॒ viḍana̭vagatagṃ rā॒ṣṭra-mityā̭hu॒rye kṛ॒ṣṇā-ssyustaṃ-vā~̭ru॒ṇa-ñca॒ru-nnirva̭pe-dvāru॒ṇaṃ-vai~ rā॒ṣṭramu॒bhe e॒va viśa̭-ñca rā॒ṣṭra-ñcāva̭ gacchati॒ yadi॒ nāva॒gacchḙdi॒ma-ma॒hamā̭di॒tyebhyo̭ bhā॒ga-nnirva̭pā॒myā 'muṣmā̭-da॒muṣyai̭ vi॒śo-'va̭ganto॒-riti॒ nirva̭pe-dādi॒tyā e॒vaina̭-mbhāga॒dheya̭-mpre॒phsanto॒ viśa॒mava̭ [viśa॒mava̭, ga॒ma॒ya॒nti॒ yadi॒] 4

gamayanti॒ yadi॒ nāva॒gacche॒dāśva̭tthā-nma॒yūkhā᳚n-thsa॒pta ma̭ddhyame॒ṣāyā॒mupa̭- hanyādi॒dama॒ha-mā̭di॒tyā-nba̭dhnā॒myā 'muṣmā̭da॒muṣyai̭ vi॒śo-'va̭ganto॒rityā̭di॒tyā e॒vaina̭-mba॒ddhavī̭rā॒ viśa॒mava̭ gamayanti॒ yadi॒ nā-'va॒gacchḙ-de॒ta-me॒vā-''di॒tya-ñca॒ru-nnirva̭pe-di॒ddhme-'pi̭ ma॒yūkhā॒n-thsa-nna̭hye-danaparu॒ddhya-me॒vāva̭ gaccha॒tyāśva̭tthā bhavantima॒rutāṃ॒-vā~ e॒ta -dojo॒ yada̭śva॒ttha oja̭sai॒va viśa॒mava̭ gacchati sa॒pta bha̭vanti sa॒pta ga̭ṇā॒ vai ma॒ruto̭ gaṇa॒śa e॒va viśa॒mava̭ gacchati | 5

(dhā॒raya̭dvato - maruto - gacchati॒ - viśa॒mavai॒ - ta - da॒ṣṭāda̭śa ca) (a. 1)

de॒vā vai mṛ॒tyo-ra̭bibhayu॒ste pra॒jāpa̭ti॒-mupā̭dhāva॒-ntebhya̭ e॒tā-mprā̭jāpa॒tyāgṃ śa॒takṛ̭ṣṇalā॒-nnira̭vapa॒-ttayai॒vaiṣva॒mṛta̭-madadhā॒dyo mṛ॒tyo-rbi̭bhī॒yā-ttasmā̭ e॒tā-mprā̭jāpa॒tyāgṃ śa॒takṛ̭ṣṇalā॒-nnirva̭pe-tpra॒jāpa̭ti-me॒va svena̭ bhāga॒dheye॒nopa̭ dhāvati॒ sa e॒vā-'smi॒-nnāyṷ-rdadhāti॒ sarva॒māyṷreti śa॒takṛ̭ṣṇalā bhavati śa॒tāyuḥ॒ purṷṣa॒-śśa॒tendri̭ya॒ āyṷṣye॒vendri॒ye [ ] 6

prati̭ tiṣṭhati ghṛ॒te bha̭va॒tyāyu॒rvai ghṛ॒ta-ma॒mṛta॒gṃ॒ hira̭ṇya॒-māyṷścai॒vāsmā̭ a॒mṛta̭-ñca sa॒mīcī̭ dadhāti ca॒tvāri̭ catvāri kṛ॒ṣṇalā॒nyava̭ dyati caturava॒-ttasyā-''ptyā̭ eka॒dhā bra॒hmaṇa॒ upa̭ haratyeka॒dhaiva yaja̭māna॒ āyṷrdadhātya॒- sāvā̭di॒tyo na vya̭rocata॒ tasmai̭ de॒vāḥ prāya̭ścitti-maiccha॒-ntasmā̭ e॒tagṃ sau॒rya-ñca॒ru-nnira̭vapa॒-ntenai॒vā-'smi॒- [-tenai॒vā-'sminṋ, ruca̭-madadhu॒ryo] 7

-nruca̭-madadhu॒ryo bra̭hmavarca॒sakā̭ma॒-ssyā-ttasmā̭ e॒tagṃ sau॒rya-ñca॒ru-nnirva̭pe-da॒mu-me॒vā-''di॒tyagg svena̭ bhāga॒dheye॒nopa̭ dhāvati॒ sa e॒vāsmi̭-nbrahmavarca॒sa-nda̭dhāti brahmavarca॒syḙva bha̭vatyubha॒yato̭ ru॒kmau bha̭vata ubha॒yata̭ e॒vāsmi॒-nruca̭-ndadhāti prayā॒je pra̭yāje kṛ॒ṣṇala̭-ñjuhoti di॒gbhya e॒vāsmai᳚ brahmavarca॒samava̭ rundha āgne॒ya-ma॒ṣṭāka̭pāla॒-nnirva̭pe-thsāvi॒tra-ndvāda̭śakapāla॒-mbhūmyai̭ [-bhūmyai᳚, ca॒ruṃ-yaḥ ~kā॒mayḙta॒] 8

ca॒ruṃ-yaḥ ~kā॒mayḙta॒ hira̭ṇyaṃ-vi~ndeya॒ hira̭ṇya॒-mmopa̭ name॒diti॒ yadā᳚gne॒yo bhava̭tyāgne॒yaṃ-vai~ hira̭ṇyaṃ॒-ya~syai॒va hira̭ṇya॒-ntenai॒vaina̭-dvindate sāvi॒tro bha̭vati savi॒tṛpra̭sūta e॒vaina̭-dvindate॒ bhūmyai̭ ca॒rurbha̭vatya॒syāme॒vaina̭-dvindata॒ upai̭na॒gṃ॒ hira̭ṇya-nnamati॒ vi vā e॒ṣa i̭ndri॒yeṇa̭ vī॒ryḙṇardhyate॒ yo hira̭ṇyaṃ-vi~॒ndata̭ e॒tā- [e॒tām, e॒va] 9

-me॒va nirva̭pe॒ddhira̭ṇyaṃ-vi~॒ttvā nendri॒yeṇa̭ vī॒ryḙṇa॒ vyṛ̭ddhyata e॒tāme॒va nirva̭pe॒dyasya॒ hira̭ṇya॒-nnaśye॒dyadā᳚gne॒yo bhava̭tyāgne॒yaṃ-vai~ hira̭ṇyaṃ॒-ya~syai॒ va hira̭ṇya॒-ntenai॒vaina̭-dvindati sāvi॒tro bha̭vati savi॒tṛ-pra̭sūta e॒vaina̭-dvindati॒ bhūmyai̭ ca॒rurbha̭vatya॒syāṃ-vā~ e॒tanna̭śyati॒ yannaśya̭tya॒syāme॒vaina̭-dvinda॒tīndra॒- [dvinda॒tīndraḥ̭, tvaṣṭu॒-ssoma̭] 10

-stvaṣṭu॒-ssoma̭-mabhī॒ṣahā̭-' piba॒-thsa viṣvaṃ॒-vyā~᳚rccha॒-thsa i̭ndri॒yeṇa̭ somapī॒thena॒ vyā᳚rdhyata॒ sa yadū॒rdhvamu॒dava̭mī॒-tte śyā॒mākā̭ abhava॒nthsa pra॒jāpa̭ti॒mupā̭dhāva॒-ttasmā̭ e॒tagṃ so̭me॒ndragg śyā̭mā॒ka-ñca॒ru-nnira̭vapa॒-ttenai॒vāsmi̭nnindri॒yagṃ so̭mapī॒thama̭dadhā॒dvi vā e॒ṣa i̭ndri॒yeṇa̭ soma॒pīthena̭rdhyate॒ ya-ssomaṃ॒-va~mi̭ti॒ ya-sso̭mavā॒mī syā-ttasmā̭ [syā-ttasmai᳚, e॒tagṃ] 11

e॒tagṃ so̭me॒ndragg śyā̭mā॒ka-ñca॒ru-nnirva̭pe॒-thsoma̭-ñcai॒vendra̭-ñca॒ svena̭ bhāga॒dheye॒nopa̭ dhāvati॒ tāve॒vāsmi̭nnindri॒yagṃ so̭mapī॒tha-ndha̭tto॒ nendri॒yeṇa̭ somapī॒thena॒ vyṛ̭ddhyate॒ ya-thsau॒myo bhava̭ti somapī॒thame॒vāva̭ rundhe॒ yadai॒ndro bhava̭tīndri॒yaṃ-vai~ so̭mapī॒tha i̭ndri॒yame॒va so̭mapī॒thamava̭ rundhe śyāmā॒ko bha̭vatye॒ṣa vāva sa soma̭- [sa somaḥ̭, sā॒kṣāde॒va] 12

-ssā॒kṣāde॒va so̭mapī॒thamava̭ rundhe॒ 'gnayḙ dā॒tre pṷro॒ḍāśa̭ma॒ṣṭāka̭pāla॒-nnirva̭pe॒dindrā̭ya pradā॒tre pṷro॒ḍāśa॒mekā̭daśakapāla-mpa॒śukā̭mo॒-'gnire॒vāsmai̭ pa॒śū-npra̭ja॒naya̭ti vṛ॒ddhānindraḥ॒ pra ya̭cchati॒ dadhi॒ madhṷ ghṛ॒tamāpo̭ dhā॒nā bha̭vantye॒tadvai pa̭śū॒nāgṃ rū॒pagṃ rū॒peṇai॒va pa॒śūnava̭ rundhe pañca-gṛhī॒ta-mbha̭vati॒ pāṅktā॒ hi pa॒śavo̭ bahu rū॒pa-mbha̭vati bahu rū॒pā hi pa॒śava॒- [pa॒śavaḥ̭, samṛ̭ddhyai] 13

-ssamṛ̭ddhyai prājāpa॒tya-mbha̭vati prājāpa॒tyā vai pa॒śavaḥ̭ pra॒jāpa̭tire॒vāsmai̭ pa॒śū-npraja̭nayatyā॒tmā vai purṷṣasya॒ madhu॒ yanmaddhva॒gnau ju॒hotyā॒tmāna̭me॒va ta-dyaja̭māno॒-'gnau prada̭dhāti pa॒ṅktyaṷ yājyānuvā॒kyḙ bhavataḥ॒ pāṅktaḥ॒ purṷṣaḥ॒ pāṅktāḥ᳚ pa॒śava̭ ā॒tmāna̭me॒va mṛ॒tyorni॒ṣkrīya̭pa॒śūnava̭ rundhe || 14 ||

(i॒ndri॒ye᳚ - 'smi॒n - bhūmyā̭ - e॒tā - mindraḥ॒ - syā-ttasmai॒ - somo̭ - bahu rū॒pā hi pa॒śava॒ - eka̭catvārigṃśacca ) (a. 2)

de॒vā vai sa॒tramā̭sa॒ta-rdhi̭parimitaṃ॒-ya~śa̭skāmā॒steṣā॒gṃ॒ soma॒gṃ॒ rājā̭naṃ॒-ya~śa̭ ārccha॒-thsa gi॒rimudai॒-ttama॒gniranūdai॒-ttāva॒gnīṣomau॒ sama̭bhavatā॒-ntāvindro̭ ya॒jñavi̭bhra॒ṣṭo-'nu॒ parai॒-ttāva̭bravīdyā॒jaya̭ta॒-mmeti॒ tasmā̭ e॒tāmiṣṭi॒-nnira̭vapatāmāgne॒ya-ma॒ṣṭāka̭pālamai॒ndra-mekā̭daśakapālagṃ sau॒mya-ñca॒ru-ntayai॒vā-'smi॒-nteja̭ [tayai॒vā-'smi॒-ntejaḥ̭, i॒ndri॒ya-mbra̭hmavarca॒sa-] 15

indri॒ya-mbra̭hmavarca॒sa-ma̭dhattāṃ॒-yo~ ya॒jñavi̭bhraṣṭa॒-ssyā-ttasmā̭ e॒tāmiṣṭi॒-nnirva̭pedāgne॒ya-ma॒ṣṭāka̭pālamai॒ndra-mekā̭daśakapālagṃ sau॒mya-ñca॒ruṃ-ya~dā᳚gne॒yo bhava̭ti॒ teja̭ e॒vāsmi॒-ntena̭ dadhāti॒ yadai॒ndro bhava̭tīndri॒yame॒vāsmi॒-ntena̭ dadhāti॒ ya-thsau॒myo bra̭hmavarca॒sa-ntenā᳚ ''gne॒yasya̭ ca sau॒myasya̭ cai॒ndre sa॒māślḙṣaye॒-tteja̭ścai॒vāsmi̭-nbrahmavarca॒sa-ñca̭ sa॒mīcī̭ [sa॒mīcī᳚, da॒dhā॒tya॒gnī॒ṣo॒mīya॒-] 16

dadhātyagnīṣo॒mīya॒-mekā̭daśakapāla॒-nnirva̭pe॒dya-ṅkāmo॒ nopa॒namḙdāgne॒yo vai brā᳚hma॒ṇa-ssa soma̭-mpibati॒ svāme॒va de॒vatā॒g॒ svena̭ bhāga॒dheye॒nopa̭ dhāvati॒ saivaina॒-ṅkāmḙna॒ sama̭rdhaya॒tyupai̭na॒-ṅkāmo̭ namatyagnīṣo॒mīya̭-ma॒ṣṭāka̭pāla॒-nnirva̭pe-dbrahmavarca॒sakā̭mo॒-'gnīṣomā̭ ve॒va svena̭ bhāga॒dheye॒nopa̭ dhāvati॒ tāve॒vāsmi̭-nbrahmavarca॒sa-ndha̭tto brahmavarca॒syḙva [brahmavarca॒syḙva, bha॒va॒ti॒ yada॒ṣṭāka̭pāla॒-] 17

bha̭vati॒ yada॒ṣṭāka̭pāla॒-stenā᳚-''gne॒yo yacchyā̭mā॒kastena̭ sau॒mya-ssamṛ̭ddhyai॒ somā̭ya vā॒jine᳚ śyāmā॒ka-ñca॒ru-nnirva̭pe॒dyaḥ klaibyā᳚dbibhī॒yā-dreto॒ hi vā e॒tasmā॒-dvāji̭namapa॒krāma॒tyathai॒ṣa klaibyā᳚dbibhāya॒ soma̭me॒va vā॒jina॒gg॒ svena̭ bhāga॒dheye॒nopa̭ dhāvati॒ sa e॒vāsmi॒-nreto॒ vāji̭na-ndadhāti॒ na klī॒bo bha̭vatibrāhmaṇaspa॒tya-mekā̭daśakapāla॒-nnirva̭pe॒-dgrāma̭kāmo॒ [-nirva̭pe॒-dgrāma̭kāmaḥ, brahma̭ṇa॒spati̭me॒va] 18

brahma̭ṇa॒spati̭me॒va svena̭ bhāga॒dheye॒nopa̭ dhāvati॒ sa e॒vāsmai̭ sajā॒tā-npra ya̭cchati grā॒myḙva bha̭vati ga॒ṇava̭tī yājyānuvā॒kyḙ bhavata-ssajā॒taire॒vaina̭-ṅga॒ṇava̭nta-ṅkarotye॒tāme॒va nirva̭pe॒dyaḥ kā॒mayḙta॒ brahma॒n viśaṃ॒-vi~ nā̭śayeya॒miti̭ māru॒tī yā᳚jyānuvā॒kyḙ kuryā॒-dbrahma̭nne॒va viśaṃ॒-vi~ nā̭śayati || 19

(tejaḥ̭ - sa॒mīcī᳚ - brahmavarca॒syḙva - grāma̭kāma॒ - strica̭tvārigṃśacca ) (a. 3)

a॒rya॒mṇe ca॒ru-nnirva̭pa-thsuva॒rgakā̭mo॒-'sau vā ā̭di॒tyo᳚-'rya॒mā-'rya॒maṇa̭me॒va svena̭ bhāga॒dheye॒nopa̭ dhāvati॒ sa e॒vainagṃ̭ suva॒rgaṃ-lo~॒ka-ṅga̭mayatyarya॒mṇe ca॒ru-nnirva̭pe॒dyaḥ kā॒mayḙta॒ dāna̭kāmā me pra॒jā-ssyu॒ritya॒sau vā ā̭di॒tyo᳚-'rya॒mā yaḥ khalu॒ vai dadā̭ti॒ so᳚-'rya॒mā-'rya॒maṇa̭me॒va svena̭ bhāga॒dheye॒nopa̭ dhāvati॒ sa e॒vā- [sa e॒va, a॒smai॒ dāna̭kāmāḥ] 20

-'smai॒ dāna̭kāmāḥ pra॒jāḥ ka̭roti॒ dāna̭kāmā asmai pra॒jā bha̭vantyarya॒mṇe ca॒ru-nnirva̭pe॒dyaḥ kā॒mayḙta sva॒sti ja॒natā̭miyā॒mitya॒sau vā ā̭di॒tyo᳚-'rya॒mā- 'rya॒maṇa̭me॒va svena̭ bhāga॒dheye॒nopa̭ dhāvati॒ sa e॒vaina॒-nta-dga̭mayati॒ yatra॒ jiga̭miṣa॒tīndro॒ vai de॒vānā̭mānujāva॒ra ā̭sī॒-thsa pra॒jāpa̭ti॒ -mupā̭dhāva॒-ttasmā̭ e॒tamai॒ndramā̭nuṣū॒ka-mekā̭daśakapāla॒-nni- [-mekā̭daśakapāla॒-nniḥ, a॒va॒pa॒-ttenai॒vaina॒magraṃ̭-] 21

-ra̭vapa॒-ttenai॒vaina॒-magra̭-nde॒vatā̭nā॒-mparya̭ṇaya-dbu॒ddhnava̭tī॒ agra̭vatī yājyānuvā॒kyḙ akaro-dbu॒ddhnā-de॒vaina॒magra॒-mparya̭ṇaya॒dyo rā̭ja॒nya̭ ānujāva॒ra-ssyā-ttasmā̭ e॒tamai॒ndra-mā̭nuṣū॒ka-mekā̭daśakapāla॒-nnirva̭pe॒-dindra̭me॒va svena̭ bhāga॒dheye॒nopa̭ dhāvati॒ sa e॒vaina॒-magragṃ̭ samā॒nānā॒-mpari̭ṇayati bu॒ddhnava̭tī॒ agra̭vatī yājyānuvā॒kyḙ bhavato bu॒ddhnā-de॒vaina॒-magra॒m- [bu॒ddhnā-de॒vaina॒-magra᳚m, pari̭] 22

-pari̭ ṇayatyānuṣū॒ko bha̭vatye॒ṣā hyḙtasya̭ de॒vatā॒ ya ā̭nujāva॒ra-ssamṛ̭ddhyai॒ yo brā᳚hma॒ṇa ā̭nujāva॒ra-ssyā-ttasmā̭ e॒ta-mbā̭rhaspa॒tya-mā̭nuṣū॒ka-ñca॒ru-nnirva̭pe॒-dbṛha॒spati̭-me॒va svena̭ bhāga॒dheye॒nopa̭ dhāvati॒ sa e॒vaina॒magragṃ̭ samā॒nānā॒-mpari̭ṇayati bu॒ddhnava̭tī॒ agra̭vatī yājyānuvā॒kyḙ bhavato bu॒ddhnā-de॒vaina॒-magra॒-mpari̭ ṇayatyānuṣū॒ko bha̭vatye॒ṣā hyḙtasya̭ de॒vatā॒ ya ā̭nujāva॒ra-ssamṛ̭ddhyai || 23 ||

(e॒va - nira - gra̭-me॒tasya̭ - ca॒tvāri̭ ca) (a. 4)

pra॒jāpa̭te॒-straya̭strigṃśa-dduhi॒tara̭ āsa॒-ntā-ssomā̭ya॒ rājñḙ-'dadā॒-ttāsāgṃ̭ rohi॒ṇīmupai॒-ttā īrṣya̭ntīḥ॒ puna̭ragaccha॒-ntā anvai॒-ttāḥ puna̭rayācata॒ tā a̭smai॒ na puna̭radadā॒-thso᳚-'bravī-dṛ॒ta-ma̭mīṣva॒ yathā̭ samāva॒ccha ṷpai॒ṣyāmyatha̭ te॒ puna̭-rdāsyā॒mīti॒ sa ṛ॒tamā̭mī॒-ttā a̭smai॒ puna̭radadā॒-ttāsāgṃ̭ rohi॒ṇīme॒vopa॒- [rohi॒ṇīme॒vopa̭, ai॒ttaṃ-ya~kṣma̭] 24

-ttaṃ-ya~kṣma̭ ārccha॒-drājā̭naṃ॒-ya~kṣma̭ āra॒diti॒ tadrā̭jaya॒kṣmasya॒ janma॒ ya-tpāpī̭yā॒nabha̭va॒-tta-tpā̭paya॒kṣmasya॒ yajjā॒yābhyo-'vi̭nda॒-ttajjā॒yenya̭sya॒ya e॒vame॒teṣāṃ॒-ya~kṣmā̭ṇā॒-ñjanma॒ veda॒ naina̭me॒te yakṣmā̭ vindanti॒sa e॒tā e॒va na̭ma॒sya-nnupā̭-'dhāva॒-ttā a̭bruva॒n. varaṃ̭-vṛ~ṇāmahai samāva॒ccha e॒va na॒ upā̭ya॒ iti॒ tasmā̭ e॒ta- [tasmā̭ e॒tam, ā̭di॒tya-ñca॒ruṃ] 25

-mā̭di॒tya-ñca॒ru-nnira̭vapa॒-ntenai॒vaina̭-mpā॒pā-thsrāmā̭damuñca॒n. yaḥ pā̭paya॒kṣmagṛ̭hīta॒-ssyā-ttasmā̭ e॒tamā̭di॒tya-ñca॒ru-nnirva̭pedādi॒tyāne॒va svena̭ bhāga॒dheye॒nopa̭ dhāvati॒ ta e॒vaina̭-mpā॒pā-thsrāmā᳚nmuñcantya-māvā॒syā̭yā॒-nnirva̭pe-da॒mume॒vaina-̭mā॒pyāya̭māna॒-manvā pyā̭yayati॒ navo̭navo bhavati॒ jāya̭māna॒ iti̭ puro-'nuvā॒kyā̭ bhava॒tyāyṷre॒vāsmi॒-ntayā̭ dadhāti॒ yamā̭di॒tyā a॒gṃ॒śumā᳚pyā॒yaya॒ntīti̭ yā॒jyaivaina̭me॒tayā᳚ pyāyayati || 26 ||

(e॒vopai॒ -ta- ma̭smi॒n - trayo̭daśaca) (a. 5)

pra॒jāpa̭ti rde॒vebhyo॒-'nnādyaṃ॒-vyā~di̭śa॒-thso᳚-'bravī॒dyadi॒mān ~lo॒kā-na॒bhya̭ti॒ricyā̭tai॒ tanmamā̭sa॒diti॒ tadi॒mān ~lo॒kā-na॒bhyatya̭ricya॒tendra॒gṃ॒ rājā̭na॒-mindra̭-madhirā॒ja-mindragg̭ sva॒rājā̭na॒-ntato॒ vai sa i॒mān ~lo॒kāg stre॒dhā-'dṷha॒-tta-ttri॒dhāto᳚-stridhātu॒tvaṃ-ya~-ṅkā॒mayḙtānnā॒da-ssyā॒diti॒ tasmā̭ e॒ta-ntri॒dhātu॒-nnirva̭pe॒dindrā̭ya॒ rājñḙ puro॒ḍāśa॒- [puro॒ḍāśa᳚m, ekā̭daśakapāla॒-] 27

-mekā̭daśakapāla॒-mindrā̭yā-dhirā॒jāyendrā̭ya sva॒rājñe॒-'yaṃ-vā~ indro॒ rājā॒-'yamindro̭-'dhirā॒jo̭-'sāvindraḥ̭ sva॒rāḍi॒māne॒va lo॒kān-thsvena̭ bhāga॒dheye॒nopa̭ dhāvati॒ ta e॒vāsmā॒ anna॒-mpraya̭cchantyannā॒da e॒va bha̭vati॒ yathā̭ va॒thsena॒ prattā॒-ṅgā-ndu॒ha e॒vame॒vemān ~lo॒kā-nprattā॒n kāma̭ma॒nnādya̭-nduha uttā॒neṣṷ ka॒pāle॒ṣvadhi̭ śraya॒tyayā̭tayāmatvāya॒ trayaḥ̭ puro॒ḍāśā̭ bhavanti॒ traya̭ i॒me lo॒kā e॒ṣāṃ-lo~॒kānā॒māptyā॒ utta̭rauttaro॒ jyāyā᳚-nbhavatye॒vami̭va॒ hīme lo॒kā-ssamṛ̭ddhyai॒ sarvḙṣāmabhi-ga॒maya॒nnava̭ dya॒tyacha̭mbaṭkāraṃ-vya~॒tyāsa॒manvā॒hāni̭rdāhāya || 28 ||

(pu॒ro॒ḍāśaṃ॒ - trayaḥ॒ - ṣaḍvigṃ̭śatiśca) (a. 6)

de॒vā॒su॒rā-ssaṃya~̭ttā āsa॒-ntā-nde॒vānasṷrā ajaya॒-nte de॒vāḥ pa̭rājigyā॒nā asṷrāṇāṃ॒-vai~śya॒mupā̭-''ya॒-ntebhya̭ indri॒yaṃ-vī~॒rya̭mapā᳚krāma॒-ttadindro̭-'cāya॒-ttadanvapā᳚krāma॒-ttada̭va॒rudha॒-nnāśa̭kno॒-ttada̭smādabhya॒rdho̭ 'cara॒-thsa pra॒jāpa̭ti॒mupā̭dhāva॒-ttame॒tayā॒ sarva̭pṛṣṭhayā-'yājaya॒-ttayai॒vā-'smi̭-nnindri॒yaṃ-vī~॒rya̭-madadhā॒dya i̭ndri॒yakā̭mo [i̭ndri॒yakā̭maḥ, vī॒rya̭kāma॒-ssyāt-] 29

vī॒rya̭kāma॒-ssyā-ttame॒tayā॒ sarva̭pṛṣṭhayā yājayede॒tā e॒va de॒vatā॒-ssvena̭ bhāga॒dheye॒nopa̭ dhāvati॒ tā e॒vāsmi̭-nnindri॒yaṃ-vī~॒rya̭-ndadhati॒yadindrā̭ya॒ rātha̭ntarāya ni॒rvapa̭ti॒ yade॒vāgne-steja॒stade॒vāva̭ rundhe॒yadindrā̭ya॒ bārha̭tāya॒ yade॒vendra̭sya॒ teja॒stade॒vāva̭ rundhe॒ yadindrā̭ya vairū॒pāya॒ yade॒va sa̭vi॒tu-steja॒sta- [sa̭vi॒tu-steja॒stat, e॒vāva̭ rundhe॒] 30

-de॒vāva̭ rundhe॒ yadindrā̭ya vairā॒jāya॒ yade॒va dhā॒tu-steja॒sta-de॒vāva̭ rundhe॒ yadindrā̭ya śākva॒rāya॒ yade॒va ma॒rutā॒-nteja॒sta-de॒vāva̭ rundhe॒ yadindrā̭ya raiva॒tāya॒ yade॒va bṛha॒spate॒-steja॒sta-de॒vā-'va̭ rundha e॒tāva̭nti॒ vai tejāgṃ̭si॒ tānye॒vāva̭ rundha uttā॒neṣṷ ka॒pāle॒ṣvadhi̭ śraya॒tyayā̭tayāmatvāya॒ dvāda̭śakapālaḥ puro॒ḍāśo̭ [puro॒ḍāśaḥ̭, bha॒va॒ti॒ vai॒śva॒de॒va॒tvāya̭] 31

bhavati vaiśvadeva॒tvāya̭ sama॒nta-mpa॒ryava̭dyati sama॒nta-me॒vendri॒yaṃ-vī~॒ryaṃ̭-ya~ja̭māne dadhāti vya॒tyāsa॒-manvā॒hāni̭rdāhā॒yāśva̭ ṛṣa॒bho vṛ॒ṣṇirba॒sta-ssā-dakṣi̭ṇā-vṛṣa॒tvāyai॒tayai॒va ya̭jetā-'bhiśa॒syamā̭na e॒tāścedvā a̭syade॒vatā॒ anna̭-ma॒dantya॒dantyṷ-ve॒vā-'sya̭ manu॒ṣyāḥ᳚ || 32 ||

(i॒ndri॒ya॒kā̭maḥ-savi॒tusteja॒stat - pṷro॒ḍāśo॒ -'ṣṭātrigṃ̭śacca) (a. 7)

raja̭no॒ vai kaṷṇe॒yaḥ kra̭tu॒jita॒-ñjāna̭ki-ñcakṣu॒rvanya̭mayā॒-ttasmā̭ e॒tāmiṣṭi॒-nnira̭vapa-da॒gnaye॒ bhrāja̭svate puro॒ḍāśa̭-ma॒ṣṭāka̭pālagṃ sau॒rya-ñca॒ruma॒gnaye॒ bhrāja̭svate puro॒ḍāśa̭-ma॒ṣṭāka̭pāla॒-ntayai॒vāsmi॒n cakṣṷradadhā॒-dya-ścakṣṷkāma॒-ssyā-ttasmā̭ e॒tāmiṣṭi॒-nnirva̭pe-da॒gnaye॒ bhrāja̭svate puro॒ḍāśa̭ma॒ṣṭāka̭pālagṃ sau॒rya-ñca॒ruma॒gnaye॒ bhrāja̭svate puro॒ḍāśa̭-ma॒ṣṭāka̭pālama॒gne rvai cakṣṷṣā manu॒ṣyā̭ vi- [cakṣṷṣā manu॒ṣyā̭ vi, pa॒śya॒nti॒ sūrya̭sya] 33

pa̭śyanti॒ sūrya̭sya de॒vā a॒gni-ñcai॒va sūrya̭-ñca॒ svena̭ bhāga॒dheye॒nopa̭ dhāvati॒ tāve॒vāsmi॒n cakṣṷ-rdhatta॒-ścakṣṷṣmā-ne॒va bha̭vati॒ yadā᳚gne॒yau bhava̭ta॒-ścakṣṷṣī e॒vāsmi॒-nta-tprati̭ dadhāti॒ ya-thsau॒ryo nāsi̭kā॒-ntenā॒bhitaḥ̭ sau॒ryamā᳚gne॒yau bha̭vata॒-stasmā̭-da॒bhito॒ nāsi̭kā॒-ñcakṣṷṣī॒ tasmā॒-nnāsi̭kayā॒ cakṣṷṣī॒ vidhṛ̭te samā॒nī yā᳚jyānuvā॒kyḙ bhavata-ssamā॒nagṃ hi cakṣu॒-ssamṛ̭ddhyā॒ udu॒tya-ñjā॒tavḙdasagṃ sa॒pta tvā̭ ha॒rito॒ rathḙ ci॒tra-nde॒vānā॒muda̭gā॒danī̭ka॒miti॒ piṇḍā॒-npraya̭cchati॒ cakṣṷ-re॒vāsmai॒ praya̭cchati॒ yade॒va tasya॒ tat || 34 ||

(vi - hya̭ - ṣṭāvigṃ̭śatiśca) (a. 8)

dhru॒vo̭-'si dhru॒vo̭-'hagṃ sa̭jā॒teṣṷ bhūyāsa॒-ndhīra॒ścettā̭ vasu॒vi-ddhru॒vo̭-'si dhru॒vo̭-'hagṃ sa̭jā॒teṣṷ bhūyāsa-mu॒graścettā̭ vasu॒vi-ddhru॒vo̭-'si dhru॒vo̭-'hagṃ sa̭jā॒teṣṷ bhūyāsa-mabhi॒bhūścettā̭ vasu॒vi-dāma̭na-ma॒syāma̭nasya devā॒ ye sa̭jā॒tāḥ kṷmā॒rā-ssama̭nasa॒stāna॒ha-ṅkā̭maye hṛ॒dā te mā-ṅkā̭mayantāgṃ hṛ॒dā tā-nma॒ āma̭nasaḥ kṛdhi॒ svāhā ''ma̭nama॒- [svāhā ''ma̭nama॒si, āma̭nasya] 35

-syāma̭nasya devā॒ yā-sstriya॒-ssama̭nasa॒stā a॒ha-ṅkā̭maye hṛ॒dā tā mā-ṅkā̭mayantāgṃ hṛ॒dā tā ma॒ āma̭nasaḥ kṛdhi॒ svāhā̭ vaiśvade॒vīgṃ-sā᳚ṅgraha॒ṇī-nnirva̭pe॒dgrāma̭kāmo vaiśvade॒vā vai sa̭jā॒tā viśvā̭ne॒va de॒vānthsvena̭ bhāga॒dheye॒nopa̭ dhāvati॒ ta e॒vāsmai̭ sajā॒tā-npra ya̭cchanti grā॒myḙva bha̭vati sāṅgraha॒ṇī bha̭vati mano॒graha̭ṇaṃ॒-vai~sa॒graṃha̭ṇa॒-mmana̭ e॒va sa̭jā॒tānāṃ᳚- [e॒va sa̭jā॒tānā᳚m, gṛ॒hṇā॒ti॒ dhru॒vo̭-'si] 36

-gṛhṇāti dhru॒vo̭-'si dhru॒vo̭-'hagṃ sa̭jā॒teṣṷ bhūyāsa॒miti̭ pari॒dhī-npari̭ dadhātyā॒śiṣa̭me॒vaitāmā śā॒ste-'tho̭ e॒tade॒va sarvagṃ̭ sajā॒teṣvadhi̭ bhavati॒ yasyai॒vaṃ-vi~॒duṣa̭ e॒te pa̭ri॒dhayaḥ̭ paridhī॒yanta॒ āma̭ nama॒syāma̭nasya devā॒ iti̭ ti॒sra āhṷtī rjuhotye॒tāva̭nto॒ vai sa̭jā॒tā ye ma॒hānto॒ ye kṣṷlla॒kā yā-sstriya॒stāne॒vāva̭ rundhe॒ ta ḙna॒mava̭ruddhā॒ upa̭ tiṣṭhante || 37 ||

(svāhā ''ma̭namasi - sajā॒tānāgṃ̭ - rundhe॒ - pañca̭ ca ) (a. 9)

yannava॒-maitta-nnava̭nīta-mabhava॒dya-dasa̭rpa॒-tta-thsa॒rpira̭bhava॒-dyadaddhi̭yata॒ ta-dghṛ॒tama̭bhavada॒śvinoḥ᳚ prā॒ṇo̭-'si॒ tasya̭ te dattāṃ॒-ya~yoḥ᳚ prā॒ṇo-'si॒ svāhendra̭sya prā॒ṇo̭-'si॒ tasya̭ te dadātu॒ yasya̭ prā॒ṇo-'si॒ svāhā̭ mi॒trāvarṷṇayoḥ prā॒ṇo̭-'si॒ tasya̭ te dattāṃ॒-ya~yoḥ᳚ prā॒ṇo-'si॒ svāhā॒ viśvḙṣā-nde॒vānā᳚-mprā॒ṇo̭-'si॒ [viśvḙṣā-nde॒vānā᳚-mprā॒ṇo̭-'si॒, tasya̭ te] 38

tasya̭ te dadatu॒ yeṣā᳚-mprā॒ṇo-'si॒ svāhā̭ ghṛ॒tasya॒ dhārā̭ma॒mṛta̭sya॒ panthā॒mindrḙṇa da॒ttā-mpraya̭tā-mma॒rudbhiḥ̭ | ta-ttvā॒ viṣṇuḥ॒ parya̭paśya॒-tta-ttveḍā॒ gavyaira̭yat || pā॒va॒mā॒nena̭ tvā॒ stomḙna gāya॒trasya̭ varta॒nyopā॒gṃ॒śo rvī॒ryḙṇa de॒vastvā̭ savi॒to-thsṛ̭jatu jī॒vāta̭ve jīvana॒syāyai̭ bṛha-drathanta॒rayo᳚stvā॒ stomḙna tri॒ṣṭubho̭ varta॒nyā śu॒krasya̭ vī॒ryḙṇa de॒vastvā̭ savi॒to- [savi॒tot, sṛ॒ja॒tu॒ jī॒vāta̭ve] 39

-thsṛ̭jatu jī॒vāta̭ve jīvana॒syāyā̭ a॒gnestvā॒ mātra̭yā॒ jaga̭tyai varta॒nyā-''gra̭ya॒ṇasya̭ vī॒ryḙṇa de॒vastvā̭ savi॒to-thsṛ̭jatu jī॒vāta̭ve jīvana॒syāyā̭ i॒mama̭gna॒ āyṷṣe॒ varca̭se kṛdhi pri॒yagṃ reto̭ varuṇa soma rājann | mā॒ tevā᳚smā adite॒ śarma̭ yaccha॒ viśvḙ devā॒ jara̭daṣṭi॒ryathā-'sa̭t || a॒gnirāyṷṣmā॒n-thsa vana॒spati̭bhi॒-rāyṷṣmā॒-ntena॒ tvā-''yu॒ṣā-''yṷṣmanta-ṅkaromi॒ soma॒ āyṷṣmā॒n-thsa oṣa̭dhībhi rya॒jña āyṷṣmā॒n-thsa dakṣi̭ṇābhi॒ rbrahmā-''yṷṣma॒-tta-dbrā᳚hma॒ṇairāyṷṣma-dde॒vā āyṷṣmanta॒stḙ-'mṛtḙna pi॒tara॒ āyṷṣmanta॒ste sva॒dhayā-''yṷṣmanta॒stena॒ tvā ''yu॒ṣā-'' yṷṣmanta-ṅkaromi || 40 ||

(viśvḙṣā-nde॒vānā᳚-mprā॒ṇo̭-'si - tri॒ṣṭubho̭ varta॒nyā śu॒krasya̭ vī॒ryḙṇa de॒vastvā̭ savi॒toth - soma॒ āyṷṣmā॒n - pañca̭vigṃśatiśca) (a. 10)

a॒gniṃ-vā~ e॒tasya॒ śarī̭ra-ṅgacchati॒ soma॒gṃ॒ raso॒ varṷṇa enaṃ-va~ruṇapā॒śena̭ gṛhṇāti॒ sara̭svatīṃ॒-vā~ga॒gnāviṣṇṷ̄ ā॒tmā yasya॒ jyogā॒maya̭ti॒ yo jyogā̭mayāvī॒ syādyo vā̭ kā॒mayḙta॒ sarva॒māyṷriyā॒miti॒ tasmā̭ e॒tāmiṣṭi॒-nnirva̭pedāgne॒ya -ma॒ṣṭāka̭pālagṃ sau॒mya-ñca॒ruṃ-vā~̭ru॒ṇa-ndaśa̭kapālagṃ sārasva॒ta-ñca॒rumā᳚gnāvaiṣṇa॒va-mekā̭daśakapāla-ma॒gnere॒vāsya॒ śarī̭ra-nniṣkrī॒ṇāti॒ somā॒drasaṃ̭- [somā॒drasa᳚m, vā॒ru॒ṇenai॒vainaṃ̭-] 41

-~vāru॒ṇenai॒vainaṃ̭-va~ruṇapā॒śā-nmṷñcati sārasva॒tena॒ vāca̭-ndadhātya॒gni-ssarvā̭ de॒vatā॒ viṣṇṷrya॒jño de॒vatā̭bhiścai॒vainaṃ̭-ya~॒jñena̭ ca bhiṣajyatyu॒ta yadī॒tāsu॒ rbhava̭ti॒ jīva̭tye॒va yannava॒-maitta-nnava̭nīta-mabhava॒-dityājya॒- mave᳚kṣate-rū॒pame॒vāsyai॒-tanma̭hi॒mānaṃ॒-vyā~ca̭ṣṭe॒-'śvinoḥ᳚ prā॒ṇo̭-'sītyā̭hā॒śvinau॒ vai de॒vānāṃ᳚- [de॒vānā᳚m, bhi॒ṣajau॒] 42

-bhi॒ṣajau॒ tābhyā̭me॒vāsmai̭ bheṣa॒ja-ṅka̭ro॒tīndra̭sya prā॒ṇo̭ 'sītyā̭hendri॒ya- me॒vāsmi̭nne॒tena̭ dadhāti mi॒trāvarṷṇayoḥ prā॒ṇo̭-'sītyā̭ha prāṇāpā॒nāve॒- vāsmi̭nne॒tena̭ dadhāti॒ viśvḙṣā-nde॒vānā᳚-mprā॒ṇo̭-'sītyā̭ha vī॒rya̭me॒vāsmi̭nne॒tena̭ dadhāti ghṛ॒tasya॒ dhārā̭ma॒mṛta̭sya॒ panthā॒mityā̭ha yathāya॒jure॒vaita-tpā̭vamā॒nena̭ tvā॒ stome॒ne- [stome॒neti, ā॒ha॒ prā॒ṇame॒vāsmi̭-] 43

-tyā̭ha prā॒ṇame॒vāsmi̭-nne॒tena̭ dadhāti bṛha-drathanta॒rayo᳚stvā॒ stome॒netyā॒hauja̭ e॒vāsmi̭nne॒tena̭ dadhātya॒gnestvā॒ mātra॒yetyā̭hā॒-''tmāna̭-me॒vāsmi̭nne॒tena̭ dadhātyṛ॒tvijaḥ॒ paryā̭hu॒ryāva̭nta e॒vartvija॒sta ḙna-mbhiṣajyanti bra॒hmaṇo॒ hasta̭manvā॒rabhya॒ paryā̭hureka॒dhaiva yaja̭māna॒ āyṷrdadhati॒ yade॒va tasya॒ taddhira̭ṇyā- [taddhira̭ṇyāt, ghṛ॒ta-nniṣpi̭ba॒tyāyu॒rvai] 44

-dghṛ॒ta-nniṣpi̭ba॒tyāyu॒rvai ghṛ॒tama॒mṛta॒gṃ॒ hira̭ṇyama॒mṛtā̭de॒vā ''yu॒rniṣpi̭bati śa॒tamā̭na-mbhavati śa॒tāyuḥ॒ purṷṣa-śśa॒tendri̭ya॒ āyṷṣye॒vendri॒ye prati̭tiṣṭha॒tyatho॒ khalu॒ yāva̭tī॒-ssamā̭ e॒ṣya-nmanyḙta॒ tāva̭nmānagg syā॒-thsamṛ̭ddhyā i॒mama̭gna॒ āyṷṣe॒ varca̭se kṛ॒dhītyā॒hā ''yṷre॒vāsmi॒n. varco̭ dadhāti॒ viśvḙ devā॒ jara̭daṣṭi॒ryathā 'sa॒dityā̭ -ha॒ jara̭daṣṭime॒vaina̭-ṅkarotya॒gni-rāyṷṣmā॒niti॒ hasta̭-ṅgṛhṇātye॒te vai de॒vā āyṷṣmanta॒sta e॒vāsmi॒nnāyṷrdadhati॒ sarva॒māyṷreti || 45 ||

(rasaṃ̭-de॒vānā॒g॒-stome॒neti॒-hira̭ṇyā॒-dasa॒diti॒-dvāvigṃ̭śatiśca) (a. 11)

pra॒jāpa̭ti॒ rvarṷṇā॒yāśva̭manaya॒-thsa svā-nde॒vatā̭mārccha॒-thsa parya̭dīryata॒ sa e॒taṃ-vā~̭ru॒ṇa-ñcatṷṣ-kapālamapaśya॒-tta-nnira̭vapa॒-ttato॒ vai sa va̭ruṇa- pā॒śāda̭mucyata॒ varṷṇo॒ vā e॒ta-ṅgṛ̭hṇāti॒ yo-'śva̭-mpratigṛ॒hṇāti॒ yāva॒to-'śvā᳚-npratigṛhṇī॒yā-ttāva̭to vāru॒ṇān catṷṣkapālā॒-nnirva̭pe॒-dvarṷṇame॒va svena̭ bhāga॒dheye॒nopa̭ dhāvati॒ sa e॒vainaṃ̭-va~ruṇapā॒śān -mṷñcati॒ [varuṇapā॒śān -mṷñcati, catṷṣkapālā] 46

catṷṣkapālā bhavanti॒ catṷṣpā॒ddhyaśva॒-ssamṛ̭ddhyā॒ eka॒mati̭rikta॒-nnirva̭pe॒-dyame॒va pra̭tigrā॒hī bhava̭ti॒ yaṃ-vā~॒ nāddhyeti॒ tasmā̭de॒va va̭ruṇapā॒śā-nmṷcyate॒ yadyapa̭ra-mpratigrā॒hī syā-thsau॒ryameka̭kapāla॒manu॒ nirva̭peda॒mume॒vā ''di॒tyamṷccā॒ra-ṅkṷrute॒ 'po̭-'vabhṛ॒thamavai᳚tya॒phsu vai varṷṇa-ssā॒kṣāde॒va varṷṇa॒mava̭ yajate 'pona॒ptrīya̭-ñca॒ru-mpuna॒retya॒ nirva̭peda॒phsu yo̭ni॒rvā aśva॒-ssvāme॒vainaṃ॒-yo~ni̭-ṅgamayati॒ sa ḙnagṃ śā॒nta upa̭ tiṣṭhate || 47 ||

(mu॒ñca॒ti॒ - ca॒rugṃ - sa॒ptada̭śa ca) (a. 12)

yā vā̭mindrāvaruṇā yata॒vyā̭ ta॒nūstaye॒mamagṃ ha̭so muñcataṃ॒-yā~ vā̭mindrā varuṇā saha॒syā̭ rakṣa॒syā̭ teja॒syā̭ ta॒nūstaye॒ mamagṃ ha̭so muñcataṃ॒-yo~ vā̭mindrā varuṇā va॒gnau srāma॒staṃ-vā~̭ me॒ tenā va̭yaje॒yo vā̭mindrā varuṇā dvi॒pāthsṷ pa॒śuṣu॒ catṷṣpāthsu go॒ṣṭhe gṛ॒heṣva॒phsvoṣa̭dhīṣu॒ vana॒spati̭ṣu॒ srāma॒staṃ-vā~̭ me॒ tenāva̭ yaja॒ indro॒ vā e॒tasye᳚- [e॒tasya̭, i॒ndri॒yeṇāpa̭ krāmati॒] 48

-ndri॒yeṇāpa̭ krāmati॒ varṷṇa enaṃ-va~ruṇapā॒śena̭ gṛhṇāti॒ yaḥ pā॒pmanā̭ gṛhī॒to bhava̭ti॒ yaḥ pā॒pmanā̭ gṛhī॒ta-ssyā-ttasmā̭ e॒tāmai᳚ndrāvaru॒ṇī-mpa̭ya॒syā᳚-nnirva̭pe॒dindra̭ e॒vāsmi̭-nnindri॒ya-nda̭dhāti॒ varṷṇa enaṃ ~varuṇapā॒śā-nmṷñcati paya॒syā̭ bhavati॒ payo॒ hi vā e॒tasmā̭-dapa॒krāma॒tyathai॒ṣa pā॒pmanā̭ gṛhī॒to ya-tpa̭ya॒syā̭ bhava̭ti॒ paya̭ e॒vāsmi॒-ntayā̭ dadhāti paya॒syā̭yā- [paya॒syā̭yām, puro॒ḍāśa॒mava̭] 49

-mpuro॒ḍāśa॒mava̭ dadhātyātma॒nvanta̭-me॒vaina̭-ṅkaro॒tyatho̭ ā॒yata̭navanta-me॒va ca̭tu॒rdhā vyṷ̄hati di॒kṣvḙva prati̭tiṣṭhati॒ puna॒-ssamṷ̄hati di॒gbhya e॒vāsmai̭ bheṣa॒ja-ṅka̭roti sa॒mūhyāva̭ dyati॒ yathā-''vi̭ddha-nniṣkṛ॒ntati̭ tā॒dṛge॒va tadyo vā̭mindrā-varuṇāva॒gnau srāma॒staṃ-vā~̭me॒tenāva̭ yaja॒ ityā̭ha॒ duri̭ṣṭyā e॒vaina̭-mpāti॒ yo vā̭ mindrā varuṇā dvi॒pāthsṷ pa॒śuṣu॒ srāma॒staṃ-vā~̭ me॒ tenāva̭ yaja॒ ityā̭hai॒tāva̭tī॒rvā āpa॒ oṣa̭dhayo॒ vana॒spata̭yaḥ pra॒jāḥ pa॒śava̭ upajīva॒nīyā॒stā e॒vāsmai̭ varuṇapā॒śā-nmṷñcati || 50 ||

(e॒tasya̭ - paya॒syā̭yāṃ - pāti॒ - ṣaḍvigṃ̭śatiśca ) (a. 13)

sa pra̭tna॒vanni kāvyendraṃ̭-vo~ vi॒śvata॒-sparīndra॒-nnaraḥ̭ || tva-nnaḥ̭ soma vi॒śvato॒ rakṣā̭ rājannaghāya॒taḥ | na ri̭ṣye॒-ttvāva̭ta॒-ssakhāḥ᳚ || yā te॒ dhāmā̭ni di॒vi yā pṛ̭thi॒vyāṃ-yā~ parva̭te॒ṣvoṣa̭dhīṣva॒phsu || tebhi̭rno॒ viśvai᳚-ssu॒manā॒ ahḙḍa॒-nrājan᳚-thsoma॒ prati̭ ha॒vyā gṛ̭bhāya || agnī̭ṣomā॒ savḙdasā॒ sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ || yu॒va- [yu॒vam, e॒tāni̭ di॒vi ro̭ca॒nānya॒gniśca̭] 51

-me॒tāni̭ di॒vi ro̭ca॒nānya॒gniśca̭ soma॒ sakra̭tū adhattam || yu॒vagṃ sindhūgṃ̭ ra॒bhiśa̭sterava॒dyā-dagnī̭ṣomā॒-vamṷñcata-ṅgṛbhī॒tān || agnī̭ṣomāvi॒magṃ su mḙ śṛṇu॒taṃ-vṛ~̭ṣaṇā॒ hava᳚m | prati̭ sū॒ktāni̭ haryata॒-mbhava̭ta-ndā॒śuṣe॒ mayaḥ̭ || ā-'nya-ndi॒vo mā̭ta॒riśvā̭ jabhā॒rā-'ma̭thnāda॒nya-mpari̭ śye॒no adreḥ᳚ | agnī̭ṣomā॒ brahma̭ṇā vāvṛdhā॒noruṃ-ya~॒jñāya̭ cakrathuru lo॒kam || agnī̭ṣomā ha॒viṣaḥ॒ prasthi̭tasya vī॒tagṃ [vī॒tam, harya̭taṃ-vṛ~ṣaṇā ju॒ṣethā᳚m |] 52

harya̭taṃ-vṛ~ṣaṇā ju॒ṣethā᳚m | su॒śarmā̭ṇā॒ svava̭sā॒ hi bhū॒tamathā̭ dhattaṃ॒-ya~ja̭mānāya॒ śaṃ-yoḥ ~|| āpyā̭yasva॒, sa-nte᳚ || ga॒ṇānā᳚-ntvā ga॒ṇapa̭tigṃ havāmahe ka॒vi-ṅka̭vī॒nā-mṷpa॒maśra̭vastamam | jye॒ṣṭha॒rāja॒-mbrahma̭ṇā-mbrahmaṇaspata॒ ā naḥ̭ śṛ॒ṇvannū॒tibhiḥ̭ sīda॒ sāda̭nam | sa ijjanḙna॒ sa vi॒śā sa janma̭nā॒ sa pu॒trairvāja̭-mbharate॒ dhanā॒ nṛbhiḥ̭ | de॒vānāṃ॒-yaḥ ~pi॒tara̭-mā॒vivā̭sati [ ] 53

śra॒ddhāma̭nā ha॒viṣā॒ brahma̭ṇa॒spati᳚m || sa su॒ṣṭubhā॒ sa ṛkva̭tā ga॒ṇena̭ va॒lagṃ rṷroja phali॒gagṃ ravḙṇa | bṛha॒spati̭-ru॒striyā̭ havya॒sūdaḥ॒ kani̭krada॒d- vāva̭śatī॒rudā̭jat || marṷto॒ yaddha̭ vo di॒vo, yā va॒-śśarma̭ || a॒rya॒mā ''yā̭ti vṛṣa॒bhastuvi̭ṣmā-ndā॒tā vasṷ̄nā-mpuruhū॒to arhanṋ | sa॒ha॒srā॒kṣo go᳚tra॒bhi-dvajra̭bāhura॒smāsṷ de॒vo dravi̭ṇa-ndadhātu || ye te᳚-'ryama-nba॒havo̭ deva॒yānāḥ॒ panthā̭no [panthā̭naḥ, rā॒ja॒-ndi॒va ā॒cara̭nti |] 54

rāja-ndi॒va ā॒cara̭nti | tebhi̭rno deva॒ mahi॒ śarma̭ yaccha॒ śa-nna̭ edhi dvi॒pade॒ śa-ñcatṷṣpade || bu॒ddhnādagra॒-maṅgi̭robhi-rgṛṇā॒no vi parva̭tasya dṛgṃhi॒tānyai̭rat | ru॒ja-drodhāgṃ̭si-kṛ॒trimā᳚ṇyeṣā॒gṃ॒-soma̭sya॒ tā-mada॒ indra̭-ścakāra || bu॒ddhnā-dagrḙṇa॒ vi mi̭māya॒ mānai॒-rvajrḙṇa॒ khānya̭tṛṇa-nna॒dīnā᳚m | vṛthā̭ 'sṛja-tpa॒thibhi̭ rdīrghayā॒thai-ssoma̭sya॒ tā mada॒ indra̭ścakāra | || 55 ||

pra yo ja॒jñe vi॒dvāgṃ a॒sya bandhuṃ॒-vi~śvā̭ni de॒vo jani̭mā vivakti | brahma॒ brahma̭ṇa॒ ujja̭bhāra॒ maddhyā᳚nnī॒cādu॒ccā sva॒dhayā॒-'bhi prata̭sthau || ma॒hā-nma॒hī a̭stabhāya॒dvi jā॒to dyāgṃ sadma॒ pārthi̭va-ñca॒ rajaḥ̭ | sa bu॒ddhnādā᳚ṣṭa ja॒nuṣā॒-'bhyagra॒-mbṛha॒spati̭ rde॒vatā॒yasya̭ sa॒mrāṭ || bu॒ddhnādyo agra̭ma॒bhyartyoja̭sā॒ bṛha॒spati॒mā vi̭vāsanti de॒vāḥ | bhi॒nadva॒laṃ-vi~ puro̭ dardarīti॒ kani̭krada॒-thsuva̭ra॒po ji̭gāya || 56 ||

(yu॒vaṃ - ~vī॒tamā॒ - vivā̭sati॒ - panthā̭no - dīrghayā॒thai-ssoma̭sya॒ tā mada॒ indra̭ścakāra - de॒vā - nava̭ ca) (a. 14)

(ā॒di॒tyebhyo̭ - de॒vā vai mṛ॒tyo - rde॒vā vai - sa॒trama̭ - rya॒mṇe -pra॒jāpa̭te॒straya̭strigṃśat - pra॒jāpa̭ti rde॒vebhyo॒-'nnādyaṃ̭ -devāsu॒rāstān - raja̭no - dhru॒vo̭-'si॒ - yannava̭ - ma॒gniṃ-vai~ - pra॒jāpa̭ti॒ rvarṷṇāya॒ - yā vā̭mindrā varuṇā॒ - sa pra̭tna॒va -ccatṷrdaśa)

(ā॒di॒tyebhya॒ - stvaṣṭṷ - rasmai॒ dāna̭kāmā - e॒vāva̭ rundhe॒ - 'gniṃ-vai~ - sa pra̭tna॒vath - ṣaṭpa̭ñcā॒śat )

(ā॒di॒tyebhyaḥ॒ - suva̭ra॒po ji̭gāya )

|| hariḥ̭ om ||

|| kṛṣṇa yajurvedīya taittirīya saṃhitāyā-ndvitīyakāṇḍe tṛtīyaḥ praśna-ssamāptaḥ ||

Sanskrit — Devanagari (original)

कृष्ण यजुर्वेदीय तैत्तिरीय संहिताया-न्द्वितीयकाण्डे तृतीयः प्रश्नः - इष्टिविधानं

ओ-न्नमः परमात्मने, श्री महागणपतये नमः,

श्री गुरुभ्यो नमः । ह॒रिः॒ ओम् ॥

आ॒दि॒त्येभ्यो॒ भुव॑द्वद्भ्यश्च॒रु-न्निर्व॑पे॒-द्भूति॑काम आदि॒त्या वा ए॒त-म्भूत्यै॒ प्रति॑ नुदन्ते॒ यो-ऽल॒-म्भूत्यै॒ स-न्भूति॒-न्न प्रा॒प्नोत्या॑दि॒त्याने॒व भुव॑द्वत॒-स्स्वेन॑ भाग॒धेये॒नोप॑ धावति॒ त ए॒वैन॒-म्भूति॑-ङ्गमयन्ति॒ भव॑त्ये॒वा ऽऽदि॒त्येभ्यो॑ धा॒रय॑द्व-द्भ्यश्च॒रु-न्निर्व॑पे॒-दप॑रुद्धो वा-ऽपरु॒द्ध्यमा॑नो वा-ऽऽदि॒त्या वा अ॑परो॒द्धार॑ आदि॒त्या अ॑वगमयि॒तार॑ आदि॒त्याने॒व धा॒रय॑द्वत॒- [धा॒रय॑द्वतः, स्वेन॑] 1

-स्स्वेन॑ भाग॒धेये॒नोप॑ धावति॒ त ए॒वैनं॑-विँ॒शि दा᳚द्ध्रत्यनपरु॒द्ध्यो भ॑व॒त्यदि॒ते-ऽनु॑ मन्य॒स्वे-त्य॑परु॒द्ध्यमा॑नो-ऽस्य प॒दमा द॑दीते॒यं-वाँ अदि॑तिरि॒यमे॒वास्मै॑ रा॒ज्यमनु॑ मन्यते स॒त्या-ऽऽशीरित्या॑ह स॒त्यामे॒वा-ऽऽशिष॑-ङ्कुरुत इ॒ह मन॒ इत्या॑ह प्र॒जा ए॒वास्मै॒ सम॑नसः करो॒त्युप॒ प्रेत॑ मरुत- [प्रेत॑ मरुतः, सु॒दा॒न॒व॒ ए॒ना] 2

-स्सुदानव ए॒ना वि॒श्पति॑ना॒-ऽभ्य॑मुग्ं राजा॑न॒मित्या॑ह मारु॒ती वै वि-ड्ज्ये॒ष्ठो वि॒श्पति॑-र्वि॒शैवैनग्ं॑ रा॒ष्ट्रेण॒ सम॑र्धयति॒ यः प॒रस्ता᳚-द्ग्राम्यवा॒दी स्या-त्तस्य॑ गृ॒हा-द्व्री॒हीना ह॑रेच्छु॒क्लाग्श्च॑ कृ॒ष्णाग्श्च॒ वि चि॑नुया॒द्ये शु॒क्ला-स्स्युस्तमा॑दि॒त्य-ञ्च॒रु-न्निर्व॑पेदादि॒त्या वै दे॒वत॑या॒ विड्विश॑मे॒वा-ऽव॑ गच्छ॒- [गच्छति, अव॑गता-ऽस्य॒] 3

-त्यव॑गता-ऽस्य॒ विडन॑वगतग्ं रा॒ष्ट्र-मित्या॑हु॒र्ये कृ॒ष्णा-स्स्युस्तं-वाँ॑रु॒ण-ञ्च॒रु-न्निर्व॑पे-द्वारु॒णं-वैँ रा॒ष्ट्रमु॒भे ए॒व विश॑-ञ्च रा॒ष्ट्र-ञ्चाव॑ गच्छति॒ यदि॒ नाव॒गच्छे॑दि॒म-म॒हमा॑दि॒त्येभ्यो॑ भा॒ग-न्निर्व॑पा॒म्या ऽमुष्मा॑-द॒मुष्यै॑ वि॒शो-ऽव॑गन्तो॒-रिति॒ निर्व॑पे-दादि॒त्या ए॒वैन॑-म्भाग॒धेय॑-म्प्रे॒फ्सन्तो॒ विश॒मव॑ [विश॒मव॑, ग॒म॒य॒न्ति॒ यदि॒] 4

गमयन्ति॒ यदि॒ नाव॒गच्छे॒दाश्व॑त्था-न्म॒यूखा᳚न्-थ्स॒प्त म॑द्ध्यमे॒षाया॒मुप॑- हन्यादि॒दम॒ह-मा॑दि॒त्या-न्ब॑ध्ना॒म्या ऽमुष्मा॑द॒मुष्यै॑ वि॒शो-ऽव॑गन्तो॒रित्या॑दि॒त्या ए॒वैन॑-म्ब॒द्धवी॑रा॒ विश॒मव॑ गमयन्ति॒ यदि॒ ना-ऽव॒गच्छे॑-दे॒त-मे॒वा-ऽऽदि॒त्य-ञ्च॒रु-न्निर्व॑पे-दि॒द्ध्मे-ऽपि॑ म॒यूखा॒न्-थ्स-न्न॑ह्ये-दनपरु॒द्ध्य-मे॒वाव॑ गच्छ॒त्याश्व॑त्था भवन्तिम॒रुतां॒-वाँ ए॒त -दोजो॒ यद॑श्व॒त्थ ओज॑सै॒व विश॒मव॑ गच्छति स॒प्त भ॑वन्ति स॒प्त ग॑णा॒ वै म॒रुतो॑ गण॒श ए॒व विश॒मव॑ गच्छति । 5

(धा॒रय॑द्वतो - मरुतो - गच्छति॒ - विश॒मवै॒ - त - द॒ष्टाद॑श च) (अ. 1)

दे॒वा वै मृ॒त्यो-र॑बिभयु॒स्ते प्र॒जाप॑ति॒-मुपा॑धाव॒-न्तेभ्य॑ ए॒ता-म्प्रा॑जाप॒त्याग्ं श॒तकृ॑ष्णला॒-न्निर॑वप॒-त्तयै॒वैष्व॒मृत॑-मदधा॒द्यो मृ॒त्यो-र्बि॑भी॒या-त्तस्मा॑ ए॒ता-म्प्रा॑जाप॒त्याग्ं श॒तकृ॑ष्णला॒-न्निर्व॑पे-त्प्र॒जाप॑ति-मे॒व स्वेन॑ भाग॒धेये॒नोप॑ धावति॒ स ए॒वा-ऽस्मि॒-न्नायु॑-र्दधाति॒ सर्व॒मायु॑रेति श॒तकृ॑ष्णला भवति श॒तायुः॒ पुरु॑ष॒-श्श॒तेन्द्रि॑य॒ आयु॑ष्ये॒वेन्द्रि॒ये [ ] 6

प्रति॑ तिष्ठति घृ॒ते भ॑व॒त्यायु॒र्वै घृ॒त-म॒मृत॒ग्ं॒ हिर॑ण्य॒-मायु॑श्चै॒वास्मा॑ अ॒मृत॑-ञ्च स॒मीची॑ दधाति च॒त्वारि॑ चत्वारि कृ॒ष्णला॒न्यव॑ द्यति चतुरव॒-त्तस्या-ऽऽप्त्या॑ एक॒धा ब्र॒ह्मण॒ उप॑ हरत्येक॒धैव यज॑मान॒ आयु॑र्दधात्य॒- सावा॑दि॒त्यो न व्य॑रोचत॒ तस्मै॑ दे॒वाः प्राय॑श्चित्ति-मैच्छ॒-न्तस्मा॑ ए॒तग्ं सौ॒र्य-ञ्च॒रु-न्निर॑वप॒-न्तेनै॒वा-ऽस्मि॒- [-तेनै॒वा-ऽस्मिन्न्॑, रुच॑-मदधु॒र्यो] 7

-न्रुच॑-मदधु॒र्यो ब्र॑ह्मवर्च॒सका॑म॒-स्स्या-त्तस्मा॑ ए॒तग्ं सौ॒र्य-ञ्च॒रु-न्निर्व॑पे-द॒मु-मे॒वा-ऽऽदि॒त्यग्ग् स्वेन॑ भाग॒धेये॒नोप॑ धावति॒ स ए॒वास्मि॑-न्ब्रह्मवर्च॒स-न्द॑धाति ब्रह्मवर्च॒स्ये॑व भ॑वत्युभ॒यतो॑ रु॒क्मौ भ॑वत उभ॒यत॑ ए॒वास्मि॒-न्रुच॑-न्दधाति प्रया॒जे प्र॑याजे कृ॒ष्णल॑-ञ्जुहोति दि॒ग्भ्य ए॒वास्मै᳚ ब्रह्मवर्च॒समव॑ रुन्ध आग्ने॒य-म॒ष्टाक॑पाल॒-न्निर्व॑पे-थ्सावि॒त्र-न्द्वाद॑शकपाल॒-म्भूम्यै॑ [-भूम्यै᳚, च॒रुं-यः ँका॒मये॑त॒] 8

च॒रुं-यः ँका॒मये॑त॒ हिर॑ण्यं-विँन्देय॒ हिर॑ण्य॒-म्मोप॑ नमे॒दिति॒ यदा᳚ग्ने॒यो भव॑त्याग्ने॒यं-वैँ हिर॑ण्यं॒-यँस्यै॒व हिर॑ण्य॒-न्तेनै॒वैन॑-द्विन्दते सावि॒त्रो भ॑वति सवि॒तृप्र॑सूत ए॒वैन॑-द्विन्दते॒ भूम्यै॑ च॒रुर्भ॑वत्य॒स्यामे॒वैन॑-द्विन्दत॒ उपै॑न॒ग्ं॒ हिर॑ण्य-न्नमति॒ वि वा ए॒ष इ॑न्द्रि॒येण॑ वी॒र्ये॑णर्ध्यते॒ यो हिर॑ण्यं-विँ॒न्दत॑ ए॒ता- [ए॒ताम्, ए॒व] 9

-मे॒व निर्व॑पे॒द्धिर॑ण्यं-विँ॒त्त्वा नेन्द्रि॒येण॑ वी॒र्ये॑ण॒ व्यृ॑द्ध्यत ए॒तामे॒व निर्व॑पे॒द्यस्य॒ हिर॑ण्य॒-न्नश्ये॒द्यदा᳚ग्ने॒यो भव॑त्याग्ने॒यं-वैँ हिर॑ण्यं॒-यँस्यै॒ व हिर॑ण्य॒-न्तेनै॒वैन॑-द्विन्दति सावि॒त्रो भ॑वति सवि॒तृ-प्र॑सूत ए॒वैन॑-द्विन्दति॒ भूम्यै॑ च॒रुर्भ॑वत्य॒स्यां-वाँ ए॒तन्न॑श्यति॒ यन्नश्य॑त्य॒स्यामे॒वैन॑-द्विन्द॒तीन्द्र॒- [द्विन्द॒तीन्द्रः॑, त्वष्टु॒-स्सोम॑] 10

-स्त्वष्टु॒-स्सोम॑-मभी॒षहा॑-ऽ पिब॒-थ्स विष्वं॒-व्याँ᳚र्च्छ॒-थ्स इ॑न्द्रि॒येण॑ सोमपी॒थेन॒ व्या᳚र्ध्यत॒ स यदू॒र्ध्वमु॒दव॑मी॒-त्ते श्या॒माका॑ अभव॒न्थ्स प्र॒जाप॑ति॒मुपा॑धाव॒-त्तस्मा॑ ए॒तग्ं सो॑मे॒न्द्रग्ग् श्या॑मा॒क-ञ्च॒रु-न्निर॑वप॒-त्तेनै॒वास्मि॑न्निन्द्रि॒यग्ं सो॑मपी॒थम॑दधा॒द्वि वा ए॒ष इ॑न्द्रि॒येण॑ सोम॒पीथेन॑र्ध्यते॒ य-स्सोमं॒-वँमि॑ति॒ य-स्सो॑मवा॒मी स्या-त्तस्मा॑ [स्या-त्तस्मै᳚, ए॒तग्ं] 11

ए॒तग्ं सो॑मे॒न्द्रग्ग् श्या॑मा॒क-ञ्च॒रु-न्निर्व॑पे॒-थ्सोम॑-ञ्चै॒वेन्द्र॑-ञ्च॒ स्वेन॑ भाग॒धेये॒नोप॑ धावति॒ तावे॒वास्मि॑न्निन्द्रि॒यग्ं सो॑मपी॒थ-न्ध॑त्तो॒ नेन्द्रि॒येण॑ सोमपी॒थेन॒ व्यृ॑द्ध्यते॒ य-थ्सौ॒म्यो भव॑ति सोमपी॒थमे॒वाव॑ रुन्धे॒ यदै॒न्द्रो भव॑तीन्द्रि॒यं-वैँ सो॑मपी॒थ इ॑न्द्रि॒यमे॒व सो॑मपी॒थमव॑ रुन्धे श्यामा॒को भ॑वत्ये॒ष वाव स सोम॑- [स सोमः॑, सा॒क्षादे॒व] 12

-स्सा॒क्षादे॒व सो॑मपी॒थमव॑ रुन्धे॒ ऽग्नये॑ दा॒त्रे पु॑रो॒डाश॑म॒ष्टाक॑पाल॒-न्निर्व॑पे॒दिन्द्रा॑य प्रदा॒त्रे पु॑रो॒डाश॒मेका॑दशकपाल-म्प॒शुका॑मो॒-ऽग्निरे॒वास्मै॑ प॒शू-न्प्र॑ज॒नय॑ति वृ॒द्धानिन्द्रः॒ प्र य॑च्छति॒ दधि॒ मधु॑ घृ॒तमापो॑ धा॒ना भ॑वन्त्ये॒तद्वै प॑शू॒नाग्ं रू॒पग्ं रू॒पेणै॒व प॒शूनव॑ रुन्धे पञ्च-गृही॒त-म्भ॑वति॒ पाङ्क्ता॒ हि प॒शवो॑ बहु रू॒प-म्भ॑वति बहु रू॒पा हि प॒शव॒- [प॒शवः॑, समृ॑द्ध्यै] 13

-स्समृ॑द्ध्यै प्राजाप॒त्य-म्भ॑वति प्राजाप॒त्या वै प॒शवः॑ प्र॒जाप॑तिरे॒वास्मै॑ प॒शू-न्प्रज॑नयत्या॒त्मा वै पुरु॑षस्य॒ मधु॒ यन्मद्ध्व॒ग्नौ जु॒होत्या॒त्मान॑मे॒व त-द्यज॑मानो॒-ऽग्नौ प्रद॑धाति प॒ङ्क्त्यौ॑ याज्यानुवा॒क्ये॑ भवतः॒ पाङ्क्तः॒ पुरु॑षः॒ पाङ्क्ताः᳚ प॒शव॑ आ॒त्मान॑मे॒व मृ॒त्योर्नि॒ष्क्रीय॑प॒शूनव॑ रुन्धे ॥ 14 ॥

(इ॒न्द्रि॒ये᳚ - ऽस्मि॒न् - भूम्या॑ - ए॒ता - मिन्द्रः॒ - स्या-त्तस्मै॒ - सोमो॑ - बहु रू॒पा हि प॒शव॒ - एक॑चत्वारिग्ंशच्च ) (अ. 2)

दे॒वा वै स॒त्रमा॑स॒त-र्धि॑परिमितं॒-यँश॑स्कामा॒स्तेषा॒ग्ं॒ सोम॒ग्ं॒ राजा॑नं॒-यँश॑ आर्च्छ॒-थ्स गि॒रिमुदै॒-त्तम॒ग्निरनूदै॒-त्ताव॒ग्नीषोमौ॒ सम॑भवता॒-न्ताविन्द्रो॑ य॒ज्ञवि॑भ्र॒ष्टो-ऽनु॒ परै॒-त्ताव॑ब्रवीद्या॒जय॑त॒-म्मेति॒ तस्मा॑ ए॒तामिष्टि॒-न्निर॑वपतामाग्ने॒य-म॒ष्टाक॑पालमै॒न्द्र-मेका॑दशकपालग्ं सौ॒म्य-ञ्च॒रु-न्तयै॒वा-ऽस्मि॒-न्तेज॑ [तयै॒वा-ऽस्मि॒-न्तेजः॑, इ॒न्द्रि॒य-म्ब्र॑ह्मवर्च॒स-] 15

इन्द्रि॒य-म्ब्र॑ह्मवर्च॒स-म॑धत्तां॒-योँ य॒ज्ञवि॑भ्रष्ट॒-स्स्या-त्तस्मा॑ ए॒तामिष्टि॒-न्निर्व॑पेदाग्ने॒य-म॒ष्टाक॑पालमै॒न्द्र-मेका॑दशकपालग्ं सौ॒म्य-ञ्च॒रुं-यँदा᳚ग्ने॒यो भव॑ति॒ तेज॑ ए॒वास्मि॒-न्तेन॑ दधाति॒ यदै॒न्द्रो भव॑तीन्द्रि॒यमे॒वास्मि॒-न्तेन॑ दधाति॒ य-थ्सौ॒म्यो ब्र॑ह्मवर्च॒स-न्तेना᳚ ऽऽग्ने॒यस्य॑ च सौ॒म्यस्य॑ चै॒न्द्रे स॒माश्ले॑षये॒-त्तेज॑श्चै॒वास्मि॑-न्ब्रह्मवर्च॒स-ञ्च॑ स॒मीची॑ [स॒मीची᳚, द॒धा॒त्य॒ग्नी॒षो॒मीय॒-] 16

दधात्यग्नीषो॒मीय॒-मेका॑दशकपाल॒-न्निर्व॑पे॒द्य-ङ्कामो॒ नोप॒नमे॑दाग्ने॒यो वै ब्रा᳚ह्म॒ण-स्स सोम॑-म्पिबति॒ स्वामे॒व दे॒वता॒ग्॒ स्वेन॑ भाग॒धेये॒नोप॑ धावति॒ सैवैन॒-ङ्कामे॑न॒ सम॑र्धय॒त्युपै॑न॒-ङ्कामो॑ नमत्यग्नीषो॒मीय॑-म॒ष्टाक॑पाल॒-न्निर्व॑पे-द्ब्रह्मवर्च॒सका॑मो॒-ऽग्नीषोमा॑ वे॒व स्वेन॑ भाग॒धेये॒नोप॑ धावति॒ तावे॒वास्मि॑-न्ब्रह्मवर्च॒स-न्ध॑त्तो ब्रह्मवर्च॒स्ये॑व [ब्रह्मवर्च॒स्ये॑व, भ॒व॒ति॒ यद॒ष्टाक॑पाल॒-] 17

भ॑वति॒ यद॒ष्टाक॑पाल॒-स्तेना᳚-ऽऽग्ने॒यो यच्छ्या॑मा॒कस्तेन॑ सौ॒म्य-स्समृ॑द्ध्यै॒ सोमा॑य वा॒जिने᳚ श्यामा॒क-ञ्च॒रु-न्निर्व॑पे॒द्यः क्लैब्या᳚द्बिभी॒या-द्रेतो॒ हि वा ए॒तस्मा॒-द्वाजि॑नमप॒क्राम॒त्यथै॒ष क्लैब्या᳚द्बिभाय॒ सोम॑मे॒व वा॒जिन॒ग्ग्॒ स्वेन॑ भाग॒धेये॒नोप॑ धावति॒ स ए॒वास्मि॒-न्रेतो॒ वाजि॑न-न्दधाति॒ न क्ली॒बो भ॑वतिब्राह्मणस्प॒त्य-मेका॑दशकपाल॒-न्निर्व॑पे॒-द्ग्राम॑कामो॒ [-निर्व॑पे॒-द्ग्राम॑कामः, ब्रह्म॑ण॒स्पति॑मे॒व] 18

ब्रह्म॑ण॒स्पति॑मे॒व स्वेन॑ भाग॒धेये॒नोप॑ धावति॒ स ए॒वास्मै॑ सजा॒ता-न्प्र य॑च्छति ग्रा॒म्ये॑व भ॑वति ग॒णव॑ती याज्यानुवा॒क्ये॑ भवत-स्सजा॒तैरे॒वैन॑-ङ्ग॒णव॑न्त-ङ्करोत्ये॒तामे॒व निर्व॑पे॒द्यः का॒मये॑त॒ ब्रह्म॒न् विशं॒-विँ ना॑शयेय॒मिति॑ मारु॒ती या᳚ज्यानुवा॒क्ये॑ कुर्या॒-द्ब्रह्म॑न्ने॒व विशं॒-विँ ना॑शयति ॥ 19

(तेजः॑ - स॒मीची᳚ - ब्रह्मवर्च॒स्ये॑व - ग्राम॑काम॒ - स्त्रिच॑त्वारिग्ंशच्च ) (अ. 3)

अ॒र्य॒म्णे च॒रु-न्निर्व॑प-थ्सुव॒र्गका॑मो॒-ऽसौ वा आ॑दि॒त्यो᳚-ऽर्य॒मा-ऽर्य॒मण॑मे॒व स्वेन॑ भाग॒धेये॒नोप॑ धावति॒ स ए॒वैनग्ं॑ सुव॒र्गं-लोँ॒क-ङ्ग॑मयत्यर्य॒म्णे च॒रु-न्निर्व॑पे॒द्यः का॒मये॑त॒ दान॑कामा मे प्र॒जा-स्स्यु॒रित्य॒सौ वा आ॑दि॒त्यो᳚-ऽर्य॒मा यः खलु॒ वै ददा॑ति॒ सो᳚-ऽर्य॒मा-ऽर्य॒मण॑मे॒व स्वेन॑ भाग॒धेये॒नोप॑ धावति॒ स ए॒वा- [स ए॒व, अ॒स्मै॒ दान॑कामाः] 20

-ऽस्मै॒ दान॑कामाः प्र॒जाः क॑रोति॒ दान॑कामा अस्मै प्र॒जा भ॑वन्त्यर्य॒म्णे च॒रु-न्निर्व॑पे॒द्यः का॒मये॑त स्व॒स्ति ज॒नता॑मिया॒मित्य॒सौ वा आ॑दि॒त्यो᳚-ऽर्य॒मा- ऽर्य॒मण॑मे॒व स्वेन॑ भाग॒धेये॒नोप॑ धावति॒ स ए॒वैन॒-न्त-द्ग॑मयति॒ यत्र॒ जिग॑मिष॒तीन्द्रो॒ वै दे॒वाना॑मानुजाव॒र आ॑सी॒-थ्स प्र॒जाप॑ति॒ -मुपा॑धाव॒-त्तस्मा॑ ए॒तमै॒न्द्रमा॑नुषू॒क-मेका॑दशकपाल॒-न्नि- [-मेका॑दशकपाल॒-न्निः, अ॒व॒प॒-त्तेनै॒वैन॒मग्रं॑-] 21

-र॑वप॒-त्तेनै॒वैन॒-मग्र॑-न्दे॒वता॑ना॒-म्पर्य॑णय-द्बु॒द्ध्नव॑ती॒ अग्र॑वती याज्यानुवा॒क्ये॑ अकरो-द्बु॒द्ध्ना-दे॒वैन॒मग्र॒-म्पर्य॑णय॒द्यो रा॑ज॒न्य॑ आनुजाव॒र-स्स्या-त्तस्मा॑ ए॒तमै॒न्द्र-मा॑नुषू॒क-मेका॑दशकपाल॒-न्निर्व॑पे॒-दिन्द्र॑मे॒व स्वेन॑ भाग॒धेये॒नोप॑ धावति॒ स ए॒वैन॒-मग्रग्ं॑ समा॒नाना॒-म्परि॑णयति बु॒द्ध्नव॑ती॒ अग्र॑वती याज्यानुवा॒क्ये॑ भवतो बु॒द्ध्ना-दे॒वैन॒-मग्र॒म्- [बु॒द्ध्ना-दे॒वैन॒-मग्र᳚म्, परि॑] 22

-परि॑ णयत्यानुषू॒को भ॑वत्ये॒षा ह्ये॑तस्य॑ दे॒वता॒ य आ॑नुजाव॒र-स्समृ॑द्ध्यै॒ यो ब्रा᳚ह्म॒ण आ॑नुजाव॒र-स्स्या-त्तस्मा॑ ए॒त-म्बा॑र्हस्प॒त्य-मा॑नुषू॒क-ञ्च॒रु-न्निर्व॑पे॒-द्बृह॒स्पति॑-मे॒व स्वेन॑ भाग॒धेये॒नोप॑ धावति॒ स ए॒वैन॒मग्रग्ं॑ समा॒नाना॒-म्परि॑णयति बु॒द्ध्नव॑ती॒ अग्र॑वती याज्यानुवा॒क्ये॑ भवतो बु॒द्ध्ना-दे॒वैन॒-मग्र॒-म्परि॑ णयत्यानुषू॒को भ॑वत्ये॒षा ह्ये॑तस्य॑ दे॒वता॒ य आ॑नुजाव॒र-स्समृ॑द्ध्यै ॥ 23 ॥

(ए॒व - निर - ग्र॑-मे॒तस्य॑ - च॒त्वारि॑ च) (अ. 4)

प्र॒जाप॑ते॒-स्त्रय॑स्त्रिग्ंश-द्दुहि॒तर॑ आस॒-न्ता-स्सोमा॑य॒ राज्ञे॑-ऽददा॒-त्तासाग्ं॑ रोहि॒णीमुपै॒-त्ता ईर्ष्य॑न्तीः॒ पुन॑रगच्छ॒-न्ता अन्वै॒-त्ताः पुन॑रयाचत॒ ता अ॑स्मै॒ न पुन॑रददा॒-थ्सो᳚-ऽब्रवी-दृ॒त-म॑मीष्व॒ यथा॑ समाव॒च्छ उ॑पै॒ष्याम्यथ॑ ते॒ पुन॑-र्दास्या॒मीति॒ स ऋ॒तमा॑मी॒-त्ता अ॑स्मै॒ पुन॑रददा॒-त्तासाग्ं॑ रोहि॒णीमे॒वोप॒- [रोहि॒णीमे॒वोप॑, ऐ॒त्तं-यँक्ष्म॑] 24

-त्तं-यँक्ष्म॑ आर्च्छ॒-द्राजा॑नं॒-यँक्ष्म॑ आर॒दिति॒ तद्रा॑जय॒क्ष्मस्य॒ जन्म॒ य-त्पापी॑या॒नभ॑व॒-त्त-त्पा॑पय॒क्ष्मस्य॒ यज्जा॒याभ्यो-ऽवि॑न्द॒-त्तज्जा॒येन्य॑स्य॒य ए॒वमे॒तेषां॒-यँक्ष्मा॑णा॒-ञ्जन्म॒ वेद॒ नैन॑मे॒ते यक्ष्मा॑ विन्दन्ति॒स ए॒ता ए॒व न॑म॒स्य-न्नुपा॑-ऽधाव॒-त्ता अ॑ब्रुव॒न्. वरं॑-वृँणामहै समाव॒च्छ ए॒व न॒ उपा॑य॒ इति॒ तस्मा॑ ए॒त- [तस्मा॑ ए॒तम्, आ॑दि॒त्य-ञ्च॒रुं] 25

-मा॑दि॒त्य-ञ्च॒रु-न्निर॑वप॒-न्तेनै॒वैन॑-म्पा॒पा-थ्स्रामा॑दमुञ्च॒न्. यः पा॑पय॒क्ष्मगृ॑हीत॒-स्स्या-त्तस्मा॑ ए॒तमा॑दि॒त्य-ञ्च॒रु-न्निर्व॑पेदादि॒त्याने॒व स्वेन॑ भाग॒धेये॒नोप॑ धावति॒ त ए॒वैन॑-म्पा॒पा-थ्स्रामा᳚न्मुञ्चन्त्य-मावा॒स्या॑या॒-न्निर्व॑पे-द॒मुमे॒वैन-॑मा॒प्याय॑मान॒-मन्वा प्या॑ययति॒ नवो॑नवो भवति॒ जाय॑मान॒ इति॑ पुरो-ऽनुवा॒क्या॑ भव॒त्यायु॑रे॒वास्मि॒-न्तया॑ दधाति॒ यमा॑दि॒त्या अ॒ग्ं॒शुमा᳚प्या॒यय॒न्तीति॑ या॒ज्यैवैन॑मे॒तया᳚ प्याययति ॥ 26 ॥

(ए॒वोपै॒ -त- म॑स्मि॒न् - त्रयो॑दशच) (अ. 5)

प्र॒जाप॑ति र्दे॒वेभ्यो॒-ऽन्नाद्यं॒-व्याँदि॑श॒-थ्सो᳚-ऽब्रवी॒द्यदि॒मान् ँलो॒का-न॒भ्य॑ति॒रिच्या॑तै॒ तन्ममा॑स॒दिति॒ तदि॒मान् ँलो॒का-न॒भ्यत्य॑रिच्य॒तेन्द्र॒ग्ं॒ राजा॑न॒-मिन्द्र॑-मधिरा॒ज-मिन्द्रग्ग्॑ स्व॒राजा॑न॒-न्ततो॒ वै स इ॒मान् ँलो॒काग् स्त्रे॒धा-ऽदु॑ह॒-त्त-त्त्रि॒धातो᳚-स्त्रिधातु॒त्वं-यँ-ङ्का॒मये॑तान्ना॒द-स्स्या॒दिति॒ तस्मा॑ ए॒त-न्त्रि॒धातु॒-न्निर्व॑पे॒दिन्द्रा॑य॒ राज्ञे॑ पुरो॒डाश॒- [पुरो॒डाश᳚म्, एका॑दशकपाल॒-] 27

-मेका॑दशकपाल॒-मिन्द्रा॑या-धिरा॒जायेन्द्रा॑य स्व॒राज्ञे॒-ऽयं-वाँ इन्द्रो॒ राजा॒-ऽयमिन्द्रो॑-ऽधिरा॒जो॑-ऽसाविन्द्रः॑ स्व॒राडि॒माने॒व लो॒कान्-थ्स्वेन॑ भाग॒धेये॒नोप॑ धावति॒ त ए॒वास्मा॒ अन्न॒-म्प्रय॑च्छन्त्यन्ना॒द ए॒व भ॑वति॒ यथा॑ व॒थ्सेन॒ प्रत्ता॒-ङ्गा-न्दु॒ह ए॒वमे॒वेमान् ँलो॒का-न्प्रत्ता॒न् काम॑म॒न्नाद्य॑-न्दुह उत्ता॒नेषु॑ क॒पाले॒ष्वधि॑ श्रय॒त्यया॑तयामत्वाय॒ त्रयः॑ पुरो॒डाशा॑ भवन्ति॒ त्रय॑ इ॒मे लो॒का ए॒षां-लोँ॒काना॒माप्त्या॒ उत्त॑रउत्तरो॒ ज्याया᳚-न्भवत्ये॒वमि॑व॒ हीमे लो॒का-स्समृ॑द्ध्यै॒ सर्वे॑षामभि-ग॒मय॒न्नव॑ द्य॒त्यछ॑म्बट्कारं-व्यँ॒त्यास॒मन्वा॒हानि॑र्दाहाय ॥ 28 ॥

(पु॒रो॒डाशं॒ - त्रयः॒ - षड्विग्ं॑शतिश्च) (अ. 6)

दे॒वा॒सु॒रा-स्संयँ॑त्ता आस॒-न्ता-न्दे॒वानसु॑रा अजय॒-न्ते दे॒वाः प॑राजिग्या॒ना असु॑राणां॒-वैँश्य॒मुपा॑-ऽऽय॒-न्तेभ्य॑ इन्द्रि॒यं-वीँ॒र्य॑मपा᳚क्राम॒-त्तदिन्द्रो॑-ऽचाय॒-त्तदन्वपा᳚क्राम॒-त्तद॑व॒रुध॒-न्नाश॑क्नो॒-त्तद॑स्मादभ्य॒र्धो॑ ऽचर॒-थ्स प्र॒जाप॑ति॒मुपा॑धाव॒-त्तमे॒तया॒ सर्व॑पृष्ठया-ऽयाजय॒-त्तयै॒वा-ऽस्मि॑-न्निन्द्रि॒यं-वीँ॒र्य॑-मदधा॒द्य इ॑न्द्रि॒यका॑मो [इ॑न्द्रि॒यका॑मः, वी॒र्य॑काम॒-स्स्यात्-] 29

वी॒र्य॑काम॒-स्स्या-त्तमे॒तया॒ सर्व॑पृष्ठया याजयेदे॒ता ए॒व दे॒वता॒-स्स्वेन॑ भाग॒धेये॒नोप॑ धावति॒ ता ए॒वास्मि॑-न्निन्द्रि॒यं-वीँ॒र्य॑-न्दधति॒यदिन्द्रा॑य॒ राथ॑न्तराय नि॒र्वप॑ति॒ यदे॒वाग्ने-स्तेज॒स्तदे॒वाव॑ रुन्धे॒यदिन्द्रा॑य॒ बार्ह॑ताय॒ यदे॒वेन्द्र॑स्य॒ तेज॒स्तदे॒वाव॑ रुन्धे॒ यदिन्द्रा॑य वैरू॒पाय॒ यदे॒व स॑वि॒तु-स्तेज॒स्त- [स॑वि॒तु-स्तेज॒स्तत्, ए॒वाव॑ रुन्धे॒] 30

-दे॒वाव॑ रुन्धे॒ यदिन्द्रा॑य वैरा॒जाय॒ यदे॒व धा॒तु-स्तेज॒स्त-दे॒वाव॑ रुन्धे॒ यदिन्द्रा॑य शाक्व॒राय॒ यदे॒व म॒रुता॒-न्तेज॒स्त-दे॒वाव॑ रुन्धे॒ यदिन्द्रा॑य रैव॒ताय॒ यदे॒व बृह॒स्पते॒-स्तेज॒स्त-दे॒वा-ऽव॑ रुन्ध ए॒ताव॑न्ति॒ वै तेजाग्ं॑सि॒ तान्ये॒वाव॑ रुन्ध उत्ता॒नेषु॑ क॒पाले॒ष्वधि॑ श्रय॒त्यया॑तयामत्वाय॒ द्वाद॑शकपालः पुरो॒डाशो॑ [पुरो॒डाशः॑, भ॒व॒ति॒ वै॒श्व॒दे॒व॒त्वाय॑] 31

भवति वैश्वदेव॒त्वाय॑ सम॒न्त-म्प॒र्यव॑द्यति सम॒न्त-मे॒वेन्द्रि॒यं-वीँ॒र्यं॑-यँज॑माने दधाति व्य॒त्यास॒-मन्वा॒हानि॑र्दाहा॒याश्व॑ ऋष॒भो वृ॒ष्णिर्ब॒स्त-स्सा-दक्षि॑णा-वृष॒त्वायै॒तयै॒व य॑जेता-ऽभिश॒स्यमा॑न ए॒ताश्चेद्वा अ॑स्यदे॒वता॒ अन्न॑-म॒दन्त्य॒दन्त्यु॑-वे॒वा-ऽस्य॑ मनु॒ष्याः᳚ ॥ 32 ॥

(इ॒न्द्रि॒य॒का॑मः-सवि॒तुस्तेज॒स्तत् - पु॑रो॒डाशो॒ -ऽष्टात्रिग्ं॑शच्च) (अ. 7)

रज॑नो॒ वै कौ॑णे॒यः क्र॑तु॒जित॒-ञ्जान॑कि-ञ्चक्षु॒र्वन्य॑मया॒-त्तस्मा॑ ए॒तामिष्टि॒-न्निर॑वप-द॒ग्नये॒ भ्राज॑स्वते पुरो॒डाश॑-म॒ष्टाक॑पालग्ं सौ॒र्य-ञ्च॒रुम॒ग्नये॒ भ्राज॑स्वते पुरो॒डाश॑-म॒ष्टाक॑पाल॒-न्तयै॒वास्मि॒न् चक्षु॑रदधा॒-द्य-श्चक्षु॑काम॒-स्स्या-त्तस्मा॑ ए॒तामिष्टि॒-न्निर्व॑पे-द॒ग्नये॒ भ्राज॑स्वते पुरो॒डाश॑म॒ष्टाक॑पालग्ं सौ॒र्य-ञ्च॒रुम॒ग्नये॒ भ्राज॑स्वते पुरो॒डाश॑-म॒ष्टाक॑पालम॒ग्ने र्वै चक्षु॑षा मनु॒ष्या॑ वि- [चक्षु॑षा मनु॒ष्या॑ वि, प॒श्य॒न्ति॒ सूर्य॑स्य] 33

प॑श्यन्ति॒ सूर्य॑स्य दे॒वा अ॒ग्नि-ञ्चै॒व सूर्य॑-ञ्च॒ स्वेन॑ भाग॒धेये॒नोप॑ धावति॒ तावे॒वास्मि॒न् चक्षु॑-र्धत्त॒-श्चक्षु॑ष्मा-ने॒व भ॑वति॒ यदा᳚ग्ने॒यौ भव॑त॒-श्चक्षु॑षी ए॒वास्मि॒-न्त-त्प्रति॑ दधाति॒ य-थ्सौ॒र्यो नासि॑का॒-न्तेना॒भितः॑ सौ॒र्यमा᳚ग्ने॒यौ भ॑वत॒-स्तस्मा॑-द॒भितो॒ नासि॑का॒-ञ्चक्षु॑षी॒ तस्मा॒-न्नासि॑कया॒ चक्षु॑षी॒ विधृ॑ते समा॒नी या᳚ज्यानुवा॒क्ये॑ भवत-स्समा॒नग्ं हि चक्षु॒-स्समृ॑द्ध्या॒ उदु॒त्य-ञ्जा॒तवे॑दसग्ं स॒प्त त्वा॑ ह॒रितो॒ रथे॑ चि॒त्र-न्दे॒वाना॒मुद॑गा॒दनी॑क॒मिति॒ पिण्डा॒-न्प्रय॑च्छति॒ चक्षु॑-रे॒वास्मै॒ प्रय॑च्छति॒ यदे॒व तस्य॒ तत् ॥ 34 ॥

(वि - ह्य॑ - ष्टाविग्ं॑शतिश्च) (अ. 8)

ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास॒-न्धीर॒श्चेत्ता॑ वसु॒वि-द्ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास-मु॒ग्रश्चेत्ता॑ वसु॒वि-द्ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास-मभि॒भूश्चेत्ता॑ वसु॒वि-दाम॑न-म॒स्याम॑नस्य देवा॒ ये स॑जा॒ताः कु॑मा॒रा-स्सम॑नस॒स्तान॒ह-ङ्का॑मये हृ॒दा ते मा-ङ्का॑मयन्ताग्ं हृ॒दा ता-न्म॒ आम॑नसः कृधि॒ स्वाहा ऽऽम॑नम॒- [स्वाहा ऽऽम॑नम॒सि, आम॑नस्य] 35

-स्याम॑नस्य देवा॒ या-स्स्त्रिय॒-स्सम॑नस॒स्ता अ॒ह-ङ्का॑मये हृ॒दा ता मा-ङ्का॑मयन्ताग्ं हृ॒दा ता म॒ आम॑नसः कृधि॒ स्वाहा॑ वैश्वदे॒वीग्ं-सा᳚ङ्ग्रह॒णी-न्निर्व॑पे॒द्ग्राम॑कामो वैश्वदे॒वा वै स॑जा॒ता विश्वा॑ने॒व दे॒वान्थ्स्वेन॑ भाग॒धेये॒नोप॑ धावति॒ त ए॒वास्मै॑ सजा॒ता-न्प्र य॑च्छन्ति ग्रा॒म्ये॑व भ॑वति साङ्ग्रह॒णी भ॑वति मनो॒ग्रह॑णं॒-वैँस॒ग्रंह॑ण॒-म्मन॑ ए॒व स॑जा॒तानां᳚- [ए॒व स॑जा॒ताना᳚म्, गृ॒ह्णा॒ति॒ ध्रु॒वो॑-ऽसि] 36

-गृह्णाति ध्रु॒वो॑-ऽसि ध्रु॒वो॑-ऽहग्ं स॑जा॒तेषु॑ भूयास॒मिति॑ परि॒धी-न्परि॑ दधात्या॒शिष॑मे॒वैतामा शा॒स्ते-ऽथो॑ ए॒तदे॒व सर्वग्ं॑ सजा॒तेष्वधि॑ भवति॒ यस्यै॒वं-विँ॒दुष॑ ए॒ते प॑रि॒धयः॑ परिधी॒यन्त॒ आम॑ नम॒स्याम॑नस्य देवा॒ इति॑ ति॒स्र आहु॑ती र्जुहोत्ये॒ताव॑न्तो॒ वै स॑जा॒ता ये म॒हान्तो॒ ये क्षु॑ल्ल॒का या-स्स्त्रिय॒स्ताने॒वाव॑ रुन्धे॒ त ए॑न॒मव॑रुद्धा॒ उप॑ तिष्ठन्ते ॥ 37 ॥

(स्वाहा ऽऽम॑नमसि - सजा॒तानाग्ं॑ - रुन्धे॒ - पञ्च॑ च ) (अ. 9)

यन्नव॒-मैत्त-न्नव॑नीत-मभव॒द्य-दस॑र्प॒-त्त-थ्स॒र्पिर॑भव॒-द्यदद्धि॑यत॒ त-द्घृ॒तम॑भवद॒श्विनोः᳚ प्रा॒णो॑-ऽसि॒ तस्य॑ ते दत्तां॒-यँयोः᳚ प्रा॒णो-ऽसि॒ स्वाहेन्द्र॑स्य प्रा॒णो॑-ऽसि॒ तस्य॑ ते ददातु॒ यस्य॑ प्रा॒णो-ऽसि॒ स्वाहा॑ मि॒त्रावरु॑णयोः प्रा॒णो॑-ऽसि॒ तस्य॑ ते दत्तां॒-यँयोः᳚ प्रा॒णो-ऽसि॒ स्वाहा॒ विश्वे॑षा-न्दे॒वाना᳚-म्प्रा॒णो॑-ऽसि॒ [विश्वे॑षा-न्दे॒वाना᳚-म्प्रा॒णो॑-ऽसि॒, तस्य॑ ते] 38

तस्य॑ ते ददतु॒ येषा᳚-म्प्रा॒णो-ऽसि॒ स्वाहा॑ घृ॒तस्य॒ धारा॑म॒मृत॑स्य॒ पन्था॒मिन्द्रे॑ण द॒त्ता-म्प्रय॑ता-म्म॒रुद्भिः॑ । त-त्त्वा॒ विष्णुः॒ पर्य॑पश्य॒-त्त-त्त्वेडा॒ गव्यैर॑यत् ॥ पा॒व॒मा॒नेन॑ त्वा॒ स्तोमे॑न गाय॒त्रस्य॑ वर्त॒न्योपा॒ग्ं॒शो र्वी॒र्ये॑ण दे॒वस्त्वा॑ सवि॒तो-थ्सृ॑जतु जी॒वात॑वे जीवन॒स्यायै॑ बृह-द्रथन्त॒रयो᳚स्त्वा॒ स्तोमे॑न त्रि॒ष्टुभो॑ वर्त॒न्या शु॒क्रस्य॑ वी॒र्ये॑ण दे॒वस्त्वा॑ सवि॒तो- [सवि॒तोत्, सृ॒ज॒तु॒ जी॒वात॑वे] 39

-थ्सृ॑जतु जी॒वात॑वे जीवन॒स्याया॑ अ॒ग्नेस्त्वा॒ मात्र॑या॒ जग॑त्यै वर्त॒न्या-ऽऽग्र॑य॒णस्य॑ वी॒र्ये॑ण दे॒वस्त्वा॑ सवि॒तो-थ्सृ॑जतु जी॒वात॑वे जीवन॒स्याया॑ इ॒मम॑ग्न॒ आयु॑षे॒ वर्च॑से कृधि प्रि॒यग्ं रेतो॑ वरुण सोम राजन्न् । मा॒ तेवा᳚स्मा अदिते॒ शर्म॑ यच्छ॒ विश्वे॑ देवा॒ जर॑दष्टि॒र्यथा-ऽस॑त् ॥ अ॒ग्निरायु॑ष्मा॒न्-थ्स वन॒स्पति॑भि॒-रायु॑ष्मा॒-न्तेन॒ त्वा-ऽऽयु॒षा-ऽऽयु॑ष्मन्त-ङ्करोमि॒ सोम॒ आयु॑ष्मा॒न्-थ्स ओष॑धीभि र्य॒ज्ञ आयु॑ष्मा॒न्-थ्स दक्षि॑णाभि॒ र्ब्रह्मा-ऽऽयु॑ष्म॒-त्त-द्ब्रा᳚ह्म॒णैरायु॑ष्म-द्दे॒वा आयु॑ष्मन्त॒स्ते॑-ऽमृते॑न पि॒तर॒ आयु॑ष्मन्त॒स्ते स्व॒धया-ऽऽयु॑ष्मन्त॒स्तेन॒ त्वा ऽऽयु॒षा-ऽऽ यु॑ष्मन्त-ङ्करोमि ॥ 40 ॥

(विश्वे॑षा-न्दे॒वाना᳚-म्प्रा॒णो॑-ऽसि - त्रि॒ष्टुभो॑ वर्त॒न्या शु॒क्रस्य॑ वी॒र्ये॑ण दे॒वस्त्वा॑ सवि॒तोथ् - सोम॒ आयु॑ष्मा॒न् - पञ्च॑विग्ंशतिश्च) (अ. 10)

अ॒ग्निं-वाँ ए॒तस्य॒ शरी॑र-ङ्गच्छति॒ सोम॒ग्ं॒ रसो॒ वरु॑ण एनं-वँरुणपा॒शेन॑ गृह्णाति॒ सर॑स्वतीं॒-वाँग॒ग्नाविष्णू॑ आ॒त्मा यस्य॒ ज्योगा॒मय॑ति॒ यो ज्योगा॑मयावी॒ स्याद्यो वा॑ का॒मये॑त॒ सर्व॒मायु॑रिया॒मिति॒ तस्मा॑ ए॒तामिष्टि॒-न्निर्व॑पेदाग्ने॒य -म॒ष्टाक॑पालग्ं सौ॒म्य-ञ्च॒रुं-वाँ॑रु॒ण-न्दश॑कपालग्ं सारस्व॒त-ञ्च॒रुमा᳚ग्नावैष्ण॒व-मेका॑दशकपाल-म॒ग्नेरे॒वास्य॒ शरी॑र-न्निष्क्री॒णाति॒ सोमा॒द्रसं॑- [सोमा॒द्रस᳚म्, वा॒रु॒णेनै॒वैनं॑-] 41

-ँवारु॒णेनै॒वैनं॑-वँरुणपा॒शा-न्मु॑ञ्चति सारस्व॒तेन॒ वाच॑-न्दधात्य॒ग्नि-स्सर्वा॑ दे॒वता॒ विष्णु॑र्य॒ज्ञो दे॒वता॑भिश्चै॒वैनं॑-यँ॒ज्ञेन॑ च भिषज्यत्यु॒त यदी॒तासु॒ र्भव॑ति॒ जीव॑त्ये॒व यन्नव॒-मैत्त-न्नव॑नीत-मभव॒-दित्याज्य॒- मवे᳚क्षते-रू॒पमे॒वास्यै॒-तन्म॑हि॒मानं॒-व्याँच॑ष्टे॒-ऽश्विनोः᳚ प्रा॒णो॑-ऽसीत्या॑हा॒श्विनौ॒ वै दे॒वानां᳚- [दे॒वाना᳚म्, भि॒षजौ॒] 42

-भि॒षजौ॒ ताभ्या॑मे॒वास्मै॑ भेष॒ज-ङ्क॑रो॒तीन्द्र॑स्य प्रा॒णो॑ ऽसीत्या॑हेन्द्रि॒य- मे॒वास्मि॑न्ने॒तेन॑ दधाति मि॒त्रावरु॑णयोः प्रा॒णो॑-ऽसीत्या॑ह प्राणापा॒नावे॒- वास्मि॑न्ने॒तेन॑ दधाति॒ विश्वे॑षा-न्दे॒वाना᳚-म्प्रा॒णो॑-ऽसीत्या॑ह वी॒र्य॑मे॒वास्मि॑न्ने॒तेन॑ दधाति घृ॒तस्य॒ धारा॑म॒मृत॑स्य॒ पन्था॒मित्या॑ह यथाय॒जुरे॒वैत-त्पा॑वमा॒नेन॑ त्वा॒ स्तोमे॒ने- [स्तोमे॒नेति, आ॒ह॒ प्रा॒णमे॒वास्मि॑-] 43

-त्या॑ह प्रा॒णमे॒वास्मि॑-न्ने॒तेन॑ दधाति बृह-द्रथन्त॒रयो᳚स्त्वा॒ स्तोमे॒नेत्या॒हौज॑ ए॒वास्मि॑न्ने॒तेन॑ दधात्य॒ग्नेस्त्वा॒ मात्र॒येत्या॑हा॒-ऽऽत्मान॑-मे॒वास्मि॑न्ने॒तेन॑ दधात्यृ॒त्विजः॒ पर्या॑हु॒र्याव॑न्त ए॒वर्त्विज॒स्त ए॑न-म्भिषज्यन्ति ब्र॒ह्मणो॒ हस्त॑मन्वा॒रभ्य॒ पर्या॑हुरेक॒धैव यज॑मान॒ आयु॑र्दधति॒ यदे॒व तस्य॒ तद्धिर॑ण्या- [तद्धिर॑ण्यात्, घृ॒त-न्निष्पि॑ब॒त्यायु॒र्वै] 44

-द्घृ॒त-न्निष्पि॑ब॒त्यायु॒र्वै घृ॒तम॒मृत॒ग्ं॒ हिर॑ण्यम॒मृता॑दे॒वा ऽऽयु॒र्निष्पि॑बति श॒तमा॑न-म्भवति श॒तायुः॒ पुरु॑ष-श्श॒तेन्द्रि॑य॒ आयु॑ष्ये॒वेन्द्रि॒ये प्रति॑तिष्ठ॒त्यथो॒ खलु॒ याव॑ती॒-स्समा॑ ए॒ष्य-न्मन्ये॑त॒ ताव॑न्मानग्ग् स्या॒-थ्समृ॑द्ध्या इ॒मम॑ग्न॒ आयु॑षे॒ वर्च॑से कृ॒धीत्या॒हा ऽऽयु॑रे॒वास्मि॒न्. वर्चो॑ दधाति॒ विश्वे॑ देवा॒ जर॑दष्टि॒र्यथा ऽस॒दित्या॑ -ह॒ जर॑दष्टिमे॒वैन॑-ङ्करोत्य॒ग्नि-रायु॑ष्मा॒निति॒ हस्त॑-ङ्गृह्णात्ये॒ते वै दे॒वा आयु॑ष्मन्त॒स्त ए॒वास्मि॒न्नायु॑र्दधति॒ सर्व॒मायु॑रेति ॥ 45 ॥

(रसं॑-दे॒वाना॒ग्॒-स्तोमे॒नेति॒-हिर॑ण्या॒-दस॒दिति॒-द्वाविग्ं॑शतिश्च) (अ. 11)

प्र॒जाप॑ति॒ र्वरु॑णा॒याश्व॑मनय॒-थ्स स्वा-न्दे॒वता॑मार्च्छ॒-थ्स पर्य॑दीर्यत॒ स ए॒तं-वाँ॑रु॒ण-ञ्चतु॑ष्-कपालमपश्य॒-त्त-न्निर॑वप॒-त्ततो॒ वै स व॑रुण- पा॒शाद॑मुच्यत॒ वरु॑णो॒ वा ए॒त-ङ्गृ॑ह्णाति॒ यो-ऽश्व॑-म्प्रतिगृ॒ह्णाति॒ याव॒तो-ऽश्वा᳚-न्प्रतिगृह्णी॒या-त्ताव॑तो वारु॒णान् चतु॑ष्कपाला॒-न्निर्व॑पे॒-द्वरु॑णमे॒व स्वेन॑ भाग॒धेये॒नोप॑ धावति॒ स ए॒वैनं॑-वँरुणपा॒शान् -मु॑ञ्चति॒ [वरुणपा॒शान् -मु॑ञ्चति, चतु॑ष्कपाला] 46

चतु॑ष्कपाला भवन्ति॒ चतु॑ष्पा॒द्ध्यश्व॒-स्समृ॑द्ध्या॒ एक॒मति॑रिक्त॒-न्निर्व॑पे॒-द्यमे॒व प्र॑तिग्रा॒ही भव॑ति॒ यं-वाँ॒ नाद्ध्येति॒ तस्मा॑दे॒व व॑रुणपा॒शा-न्मु॑च्यते॒ यद्यप॑र-म्प्रतिग्रा॒ही स्या-थ्सौ॒र्यमेक॑कपाल॒मनु॒ निर्व॑पेद॒मुमे॒वा ऽऽदि॒त्यमु॑च्चा॒र-ङ्कु॑रुते॒ ऽपो॑-ऽवभृ॒थमवै᳚त्य॒फ्सु वै वरु॑ण-स्सा॒क्षादे॒व वरु॑ण॒मव॑ यजते ऽपोन॒प्त्रीय॑-ञ्च॒रु-म्पुन॒रेत्य॒ निर्व॑पेद॒फ्सु यो॑नि॒र्वा अश्व॒-स्स्वामे॒वैनं॒-योँनि॑-ङ्गमयति॒ स ए॑नग्ं शा॒न्त उप॑ तिष्ठते ॥ 47 ॥

(मु॒ञ्च॒ति॒ - च॒रुग्ं - स॒प्तद॑श च) (अ. 12)

या वा॑मिन्द्रावरुणा यत॒व्या॑ त॒नूस्तये॒ममग्ं ह॑सो मुञ्चतं॒-याँ वा॑मिन्द्रा वरुणा सह॒स्या॑ रक्ष॒स्या॑ तेज॒स्या॑ त॒नूस्तये॒ ममग्ं ह॑सो मुञ्चतं॒-योँ वा॑मिन्द्रा वरुणा व॒ग्नौ स्राम॒स्तं-वाँ॑ मे॒ तेना व॑यजे॒यो वा॑मिन्द्रा वरुणा द्वि॒पाथ्सु॑ प॒शुषु॒ चतु॑ष्पाथ्सु गो॒ष्ठे गृ॒हेष्व॒फ्स्वोष॑धीषु॒ वन॒स्पति॑षु॒ स्राम॒स्तं-वाँ॑ मे॒ तेनाव॑ यज॒ इन्द्रो॒ वा ए॒तस्ये᳚- [ए॒तस्य॑, इ॒न्द्रि॒येणाप॑ क्रामति॒] 48

-न्द्रि॒येणाप॑ क्रामति॒ वरु॑ण एनं-वँरुणपा॒शेन॑ गृह्णाति॒ यः पा॒प्मना॑ गृही॒तो भव॑ति॒ यः पा॒प्मना॑ गृही॒त-स्स्या-त्तस्मा॑ ए॒तामै᳚न्द्रावरु॒णी-म्प॑य॒स्या᳚-न्निर्व॑पे॒दिन्द्र॑ ए॒वास्मि॑-न्निन्द्रि॒य-न्द॑धाति॒ वरु॑ण एनं ँवरुणपा॒शा-न्मु॑ञ्चति पय॒स्या॑ भवति॒ पयो॒ हि वा ए॒तस्मा॑-दप॒क्राम॒त्यथै॒ष पा॒प्मना॑ गृही॒तो य-त्प॑य॒स्या॑ भव॑ति॒ पय॑ ए॒वास्मि॒-न्तया॑ दधाति पय॒स्या॑या- [पय॒स्या॑याम्, पुरो॒डाश॒मव॑] 49

-म्पुरो॒डाश॒मव॑ दधात्यात्म॒न्वन्त॑-मे॒वैन॑-ङ्करो॒त्यथो॑ आ॒यत॑नवन्त-मे॒व च॑तु॒र्धा व्यू॑हति दि॒क्ष्वे॑व प्रति॑तिष्ठति॒ पुन॒-स्समू॑हति दि॒ग्भ्य ए॒वास्मै॑ भेष॒ज-ङ्क॑रोति स॒मूह्याव॑ द्यति॒ यथा-ऽऽवि॑द्ध-न्निष्कृ॒न्तति॑ ता॒दृगे॒व तद्यो वा॑मिन्द्रा-वरुणाव॒ग्नौ स्राम॒स्तं-वाँ॑मे॒तेनाव॑ यज॒ इत्या॑ह॒ दुरि॑ष्ट्या ए॒वैन॑-म्पाति॒ यो वा॑ मिन्द्रा वरुणा द्वि॒पाथ्सु॑ प॒शुषु॒ स्राम॒स्तं-वाँ॑ मे॒ तेनाव॑ यज॒ इत्या॑है॒ताव॑ती॒र्वा आप॒ ओष॑धयो॒ वन॒स्पत॑यः प्र॒जाः प॒शव॑ उपजीव॒नीया॒स्ता ए॒वास्मै॑ वरुणपा॒शा-न्मु॑ञ्चति ॥ 50 ॥

(ए॒तस्य॑ - पय॒स्या॑यां - पाति॒ - षड्विग्ं॑शतिश्च ) (अ. 13)

स प्र॑त्न॒वन्नि काव्येन्द्रं॑-वोँ वि॒श्वत॒-स्परीन्द्र॒-न्नरः॑ ॥ त्व-न्नः॑ सोम वि॒श्वतो॒ रक्षा॑ राजन्नघाय॒तः । न रि॑ष्ये॒-त्त्वाव॑त॒-स्सखाः᳚ ॥ या ते॒ धामा॑नि दि॒वि या पृ॑थि॒व्यां-याँ पर्व॑ते॒ष्वोष॑धीष्व॒फ्सु ॥ तेभि॑र्नो॒ विश्वै᳚-स्सु॒मना॒ अहे॑ड॒-न्राजन्᳚-थ्सोम॒ प्रति॑ ह॒व्या गृ॑भाय ॥ अग्नी॑षोमा॒ सवे॑दसा॒ सहू॑ती वनत॒-ङ्गिरः॑ । स-न्दे॑व॒त्रा ब॑भूवथुः ॥ यु॒व- [यु॒वम्, ए॒तानि॑ दि॒वि रो॑च॒नान्य॒ग्निश्च॑] 51

-मे॒तानि॑ दि॒वि रो॑च॒नान्य॒ग्निश्च॑ सोम॒ सक्र॑तू अधत्तम् ॥ यु॒वग्ं सिन्धूग्ं॑ र॒भिश॑स्तेरव॒द्या-दग्नी॑षोमा॒-वमु॑ञ्चत-ङ्गृभी॒तान् ॥ अग्नी॑षोमावि॒मग्ं सु मे॑ शृणु॒तं-वृँ॑षणा॒ हव᳚म् । प्रति॑ सू॒क्तानि॑ हर्यत॒-म्भव॑त-न्दा॒शुषे॒ मयः॑ ॥ आ-ऽन्य-न्दि॒वो मा॑त॒रिश्वा॑ जभा॒रा-ऽम॑थ्नाद॒न्य-म्परि॑ श्ये॒नो अद्रेः᳚ । अग्नी॑षोमा॒ ब्रह्म॑णा वावृधा॒नोरुं-यँ॒ज्ञाय॑ चक्रथुरु लो॒कम् ॥ अग्नी॑षोमा ह॒विषः॒ प्रस्थि॑तस्य वी॒तग्ं [वी॒तम्, हर्य॑तं-वृँषणा जु॒षेथा᳚म् ।] 52

हर्य॑तं-वृँषणा जु॒षेथा᳚म् । सु॒शर्मा॑णा॒ स्वव॑सा॒ हि भू॒तमथा॑ धत्तं॒-यँज॑मानाय॒ शं-योः ँ॥ आप्या॑यस्व॒, स-न्ते᳚ ॥ ग॒णाना᳚-न्त्वा ग॒णप॑तिग्ं हवामहे क॒वि-ङ्क॑वी॒ना-मु॑प॒मश्र॑वस्तमम् । ज्ये॒ष्ठ॒राज॒-म्ब्रह्म॑णा-म्ब्रह्मणस्पत॒ आ नः॑ शृ॒ण्वन्नू॒तिभिः॑ सीद॒ साद॑नम् । स इज्जने॑न॒ स वि॒शा स जन्म॑ना॒ स पु॒त्रैर्वाज॑-म्भरते॒ धना॒ नृभिः॑ । दे॒वानां॒-यः ँपि॒तर॑-मा॒विवा॑सति [ ] 53

श्र॒द्धाम॑ना ह॒विषा॒ ब्रह्म॑ण॒स्पति᳚म् ॥ स सु॒ष्टुभा॒ स ऋक्व॑ता ग॒णेन॑ व॒लग्ं रु॑रोज फलि॒गग्ं रवे॑ण । बृह॒स्पति॑-रु॒स्त्रिया॑ हव्य॒सूदः॒ कनि॑क्रद॒द्- वाव॑शती॒रुदा॑जत् ॥ मरु॑तो॒ यद्ध॑ वो दि॒वो, या व॒-श्शर्म॑ ॥ अ॒र्य॒मा ऽऽया॑ति वृष॒भस्तुवि॑ष्मा-न्दा॒ता वसू॑ना-म्पुरुहू॒तो अर्हन्न्॑ । स॒ह॒स्रा॒क्षो गो᳚त्र॒भि-द्वज्र॑बाहुर॒स्मासु॑ दे॒वो द्रवि॑ण-न्दधातु ॥ ये ते᳚-ऽर्यम-न्ब॒हवो॑ देव॒यानाः॒ पन्था॑नो [पन्था॑नः, रा॒ज॒-न्दि॒व आ॒चर॑न्ति ।] 54

राज-न्दि॒व आ॒चर॑न्ति । तेभि॑र्नो देव॒ महि॒ शर्म॑ यच्छ॒ श-न्न॑ एधि द्वि॒पदे॒ श-ञ्चतु॑ष्पदे ॥ बु॒द्ध्नादग्र॒-मङ्गि॑रोभि-र्गृणा॒नो वि पर्व॑तस्य दृग्ंहि॒तान्यै॑रत् । रु॒ज-द्रोधाग्ं॑सि-कृ॒त्रिमा᳚ण्येषा॒ग्ं॒-सोम॑स्य॒ ता-मद॒ इन्द्र॑-श्चकार ॥ बु॒द्ध्ना-दग्रे॑ण॒ वि मि॑माय॒ मानै॒-र्वज्रे॑ण॒ खान्य॑तृण-न्न॒दीना᳚म् । वृथा॑ ऽसृज-त्प॒थिभि॑ र्दीर्घया॒थै-स्सोम॑स्य॒ ता मद॒ इन्द्र॑श्चकार । ॥ 55 ॥

प्र यो ज॒ज्ञे वि॒द्वाग्ं अ॒स्य बन्धुं॒-विँश्वा॑नि दे॒वो जनि॑मा विवक्ति । ब्रह्म॒ ब्रह्म॑ण॒ उज्ज॑भार॒ मद्ध्या᳚न्नी॒चादु॒च्चा स्व॒धया॒-ऽभि प्रत॑स्थौ ॥ म॒हा-न्म॒ही अ॑स्तभाय॒द्वि जा॒तो द्याग्ं सद्म॒ पार्थि॑व-ञ्च॒ रजः॑ । स बु॒द्ध्नादा᳚ष्ट ज॒नुषा॒-ऽभ्यग्र॒-म्बृह॒स्पति॑ र्दे॒वता॒यस्य॑ स॒म्राट् ॥ बु॒द्ध्नाद्यो अग्र॑म॒भ्यर्त्योज॑सा॒ बृह॒स्पति॒मा वि॑वासन्ति दे॒वाः । भि॒नद्व॒लं-विँ पुरो॑ दर्दरीति॒ कनि॑क्रद॒-थ्सुव॑र॒पो जि॑गाय ॥ 56 ॥

(यु॒वं - ँवी॒तमा॒ - विवा॑सति॒ - पन्था॑नो - दीर्घया॒थै-स्सोम॑स्य॒ ता मद॒ इन्द्र॑श्चकार - दे॒वा - नव॑ च) (अ. 14)

(आ॒दि॒त्येभ्यो॑ - दे॒वा वै मृ॒त्यो - र्दे॒वा वै - स॒त्रम॑ - र्य॒म्णे -प्र॒जाप॑ते॒स्त्रय॑स्त्रिग्ंशत् - प्र॒जाप॑ति र्दे॒वेभ्यो॒-ऽन्नाद्यं॑ -देवासु॒रास्तान् - रज॑नो - ध्रु॒वो॑-ऽसि॒ - यन्नव॑ - म॒ग्निं-वैँ - प्र॒जाप॑ति॒ र्वरु॑णाय॒ - या वा॑मिन्द्रा वरुणा॒ - स प्र॑त्न॒व -च्चतु॑र्दश)

(आ॒दि॒त्येभ्य॒ - स्त्वष्टु॑ - रस्मै॒ दान॑कामा - ए॒वाव॑ रुन्धे॒ - ऽग्निं-वैँ - स प्र॑त्न॒वथ् - षट्प॑ञ्चा॒शत् )

(आ॒दि॒त्येभ्यः॒ - सुव॑र॒पो जि॑गाय )

॥ हरिः॑ ओम् ॥

॥ कृष्ण यजुर्वेदीय तैत्तिरीय संहिताया-न्द्वितीयकाण्डे तृतीयः प्रश्न-स्समाप्तः ॥