Shri Venkateshvara Sahasranama Stotram — Telugu Script

Meaning —

శ్రీవసిష్ఠ ఉవాచ ।

Verse 1

భగవన్ కేన విధినా నామభిర్వేఙ్కటేశ్వరమ్ ।
పూజయామాస తం దేవం బ్రహ్మా తు కమలైః శుభైః ॥ 1 ॥

bhagavan kena vidhinā nāmabhirveṅkaṭeśvaram |
pūjayāmāsa taṃ devaṃ brahmā tu kamalaiḥ śubhaiḥ || 1 ||

Verse 2

పృచ్ఛామి తాని నామాని గుణయోగపరాణి కిమ్ ।
ముఖ్యవృత్తీని కిం బ్రూహి లక్షకాణ్యథవా హరేః ॥ 2 ॥

pṛcchāmi tāni nāmāni guṇayogaparāṇi kim |
mukhyavṛttīni kiṃ brūhi lakṣakāṇyathavā hareḥ || 2 ||

నారద ఉవాచ ।

Verse 3

నామాన్యనన్తాని హరేః గుణయోగాని కాని చిత్ ।
ముఖ్యవృత్తీని చాన్యాని లక్షకాణ్యపరాణి చ ॥ 3 ॥

nāmānyanantāni hareḥ guṇayogāni kāni cit |
mukhyavṛttīni cānyāni lakṣakāṇyaparāṇi ca || 3 ||

Verse 4

పరమార్థైః సర్వశబ్దైరేకో జ్ఞేయః పరః పుమాన్ ।
ఆదిమధ్యాన్తరహితస్త్వవ్యక్తోఽనన్తరూపభృత్ ॥ 4 ॥

paramārthaiḥ sarvaśabdaireko jñeyaḥ paraḥ pumān |
ādimadhyāntarahitastvavyakto'nantarūpabhṛt || 4 ||

Verse 5

చన్ద్రార్కవహ్నివాయ్వాద్యా గ్రహర్క్షాణి నభో దిశః ।
అన్వయవ్యతిరేకాభ్యాం సన్తి నో సన్తి యన్మతేః ॥ 5 ॥

candrārkavahnivāyvādyā graharkṣāṇi nabho diśaḥ |
anvayavyatirekābhyāṃ santi no santi yanmateḥ || 5 ||

Verse 6

తస్య దేవస్య నామ్నాం హి పారం గన్తుం హి కః క్షమః ।
తథాఽపి చాభిధానాని వేఙ్కటేశస్య కానిచిత్ ॥ 6 ॥

tasya devasya nāmnāṃ hi pāraṃ gantuṃ hi kaḥ kṣamaḥ |
tathā'pi cābhidhānāni veṅkaṭeśasya kānicit || 6 ||

Verse 7

బ్రహ్మగీతాని పుణ్యాని తాని వక్ష్యామి సువ్రత ।
యదుచ్చారణమాత్రేణ విముక్తాఘః పరం వ్రజేత్ ॥ 7 ॥

brahmagītāni puṇyāni tāni vakṣyāmi suvrata |
yaduccāraṇamātreṇa vimuktāghaḥ paraṃ vrajet || 7 ||

Verse 8

వేఙ్కటేశస్య నామ్నాం హి సహస్రస్య ఋషిర్విధిః ।
ఛన్దోఽనుష్టుప్తథా దేవః శ్రీవత్సాఙ్కో రమాపతిః ॥ 8 ॥

veṅkaṭeśasya nāmnāṃ hi sahasrasya ṛṣirvidhiḥ |
chando'nuṣṭuptathā devaḥ śrīvatsāṅko ramāpatiḥ || 8 ||

Verse 9

బీజభూతస్తథోఙ్కారో హ్రీం క్లీం శక్తిశ్చ కీలకమ్ ।
ఓం నమో వేఙ్కటేశాయేత్యాదిర్మన్త్రోఽత్ర కథ్యతే ॥ 9 ॥

bījabhūtastathoṅkāro hrīṃ klīṃ śaktiśca kīlakam |
oṃ namo veṅkaṭeśāyetyādirmantro'tra kathyate || 9 ||

Verse 10

బ్రహ్మాణ్డగర్భః కవచమస్త్రం చక్రగదాధరః ।
వినియోగోఽభీష్టసిద్ధౌ హృదయం సామగాయనః ॥ 10 ॥

brahmāṇḍagarbhaḥ kavacamastraṃ cakragadādharaḥ |
viniyogo'bhīṣṭasiddhau hṛdayaṃ sāmagāyanaḥ || 10 ||

అస్య శ్రీ వేఙ్కటేశ సహస్రనామ స్తోత్ర మహామన్త్రస్య బ్రహ్మా ఋషిః అనుష్టుప్ ఛన్దః శ్రీవత్సాఙ్కో రమాపతిర్దేవతా ఓం బీజం హ్రీం శక్తిః క్లీం కీలకం బ్రహ్మాణ్డగర్భ ఇతి కవచం చక్రగదాధర ఇత్యస్త్రం సామగానమితి హృదయం ఓం నమో వేఙ్కటేశాయేత్యాదిర్మన్త్రః శ్రీ వేఙ్కటేశ ప్రీత్యర్థే జపే వినియోగః ॥
ధ్యానమ్
భాస్వచ్చన్ద్రమసౌ యదీయనయనే భార్యా యదీయా రమా
యస్మాద్విశ్వసృడప్యభూద్యమికులం యద్ధ్యానయుక్తం సదా
నాథో యో జగతాం నగేన్ద్రదుహితుర్నాథోఽపి యద్భక్తిమాన్
తాతో యో మదనస్య యో దురితహా తం వేఙ్కటేశం భజే ॥
ఊర్ధ్వౌ హస్తౌ యదీయౌ సురరిపుదలనే బిభ్రతౌ శఙ్ఖచక్రే
సేవ్యావఙ్ఘ్రీ స్వకీయావభిదధదధరో దక్షిణో యస్య పాణిః ।
తావన్మాత్రం భవాబ్ధిం గమయతి భజతామూరుగో వామపాణిః
శ్రీవత్సాఙ్కశ్చ లక్ష్మీర్యదురసి లసతస్తం భజే వేఙ్కటేశమ్ ॥

asya śrī veṅkaṭeśa sahasranāma stotra mahāmantrasya brahmā ṛṣiḥ anuṣṭup chandaḥ śrīvatsāṅko ramāpatirdevatā oṃ bījaṃ hrīṃ śaktiḥ klīṃ kīlakaṃ brahmāṇḍagarbha iti kavacaṃ cakragadādhara ityastraṃ sāmagānamiti hṛdayaṃ oṃ namo veṅkaṭeśāyetyādirmantraḥ śrī veṅkaṭeśa prītyarthe jape viniyogaḥ ||
dhyānam
bhāsvaccandramasau yadīyanayane bhāryā yadīyā ramā
yasmādviśvasṛḍapyabhūdyamikulaṃ yaddhyānayuktaṃ sadā
nātho yo jagatāṃ nagendraduhiturnātho'pi yadbhaktimān
tāto yo madanasya yo duritahā taṃ veṅkaṭeśaṃ bhaje ||
ūrdhvau hastau yadīyau suraripudalane bibhratau śaṅkhacakre
sevyāvaṅghrī svakīyāvabhidadhadadharo dakṣiṇo yasya pāṇiḥ |
tāvanmātraṃ bhavābdhiṃ gamayati bhajatāmūrugo vāmapāṇiḥ
śrīvatsāṅkaśca lakṣmīryadurasi lasatastaṃ bhaje veṅkaṭeśam ||

ఇతి ధ్యాయన్ వేఙ్కటేశం శ్రీవత్సాఙ్కం రమాపతిమ్ ।
వేఙ్కటేశో విరూపాక్ష ఇత్యారభ్య జపేత్క్రమాత్ ॥

Verse 1

స్తోత్రం
ఓం వేఙ్కటేశో విరూపాక్షో విశ్వేశో విశ్వభావనః ।
విశ్వసృడ్విశ్వసంహర్తా విశ్వప్రాణో విరాడ్వపుః ॥ 1 ॥

stotraṃ
oṃ veṅkaṭeśo virūpākṣo viśveśo viśvabhāvanaḥ |
viśvasṛḍviśvasaṃhartā viśvaprāṇo virāḍvapuḥ || 1 ||

Verse 2

శేషాద్రినిలయోఽశేషభక్తదుఃఖప్రణాశనః ।
శేషస్తుత్యః శేషశాయీ విశేషజ్ఞో విభుః స్వభూః ॥ 2 ॥

śeṣādrinilayo'śeṣabhaktaduḥkhapraṇāśanaḥ |
śeṣastutyaḥ śeṣaśāyī viśeṣajño vibhuḥ svabhūḥ || 2 ||

Verse 3

విష్ణుర్జిష్ణుశ్చ వర్ధిష్ణురుత్సహిష్ణుః సహిష్ణుకః ।
భ్రాజిష్ణుశ్చ గ్రసిష్ణుశ్చ వర్తిష్ణుశ్చ భరిష్ణుకః ॥ 3 ॥

viṣṇurjiṣṇuśca vardhiṣṇurutsahiṣṇuḥ sahiṣṇukaḥ |
bhrājiṣṇuśca grasiṣṇuśca vartiṣṇuśca bhariṣṇukaḥ || 3 ||

Verse 4

కాలయన్తా కాలగోప్తా కాలః కాలాన్తకోఽఖిలః ।
కాలగమ్యః కాలకణ్ఠవన్ద్యః కాలకలేశ్వరః ॥ 4 ॥

kālayantā kālagoptā kālaḥ kālāntako'khilaḥ |
kālagamyaḥ kālakaṇṭhavandyaḥ kālakaleśvaraḥ || 4 ||

Verse 5

శమ్భుః స్వయమ్భూరమ్భోజనాభిః స్తమ్భితవారిధిః ।
అమ్భోధినన్దినీజానిః శోణామ్భోజపదప్రభః ॥ 5 ॥

śambhuḥ svayambhūrambhojanābhiḥ stambhitavāridhiḥ |
ambhodhinandinījāniḥ śoṇāmbhojapadaprabhaḥ || 5 ||

Verse 6

కమ్బుగ్రీవః శమ్బరారిరూపః శమ్బరజేక్షణః ।
బిమ్బాధరో బిమ్బరూపీ ప్రతిబిమ్బక్రియాతిగః ॥ 6 ॥

kambugrīvaḥ śambarārirūpaḥ śambarajekṣaṇaḥ |
bimbādharo bimbarūpī pratibimbakriyātigaḥ || 6 ||

Verse 7

గుణవాన్ గుణగమ్యశ్చ గుణాతీతో గుణప్రియః ।
దుర్గుణధ్వంసకృత్సర్వసుగుణో గుణభాసకః ॥ 7 ॥

guṇavān guṇagamyaśca guṇātīto guṇapriyaḥ |
durguṇadhvaṃsakṛtsarvasuguṇo guṇabhāsakaḥ || 7 ||

Verse 8

పరేశః పరమాత్మా చ పరఞ్జ్యోతిః పరా గతిః ।
పరం పదం వియద్వాసాః పారమ్పర్యశుభప్రదః ॥ 8 ॥

pareśaḥ paramātmā ca parañjyotiḥ parā gatiḥ |
paraṃ padaṃ viyadvāsāḥ pāramparyaśubhapradaḥ || 8 ||

Verse 9

బ్రహ్మాణ్డగర్భో బ్రహ్మణ్యో బ్రహ్మసృడ్బ్రహ్మబోధితః ।
బ్రహ్మస్తుత్యో బ్రహ్మవాదీ బ్రహ్మచర్యపరాయణః ॥ 9 ॥

brahmāṇḍagarbho brahmaṇyo brahmasṛḍbrahmabodhitaḥ |
brahmastutyo brahmavādī brahmacaryaparāyaṇaḥ || 9 ||

Verse 10

సత్యవ్రతార్థసన్తుష్టః సత్యరూపీ ఝషాఙ్గవాన్ ।
సోమకప్రాణహారీ చాఽఽనీతామ్నాయోఽబ్ధిసఞ్చరః ॥ 10 ॥

satyavratārthasantuṣṭaḥ satyarūpī jhaṣāṅgavān |
somakaprāṇahārī cā''nītāmnāyo'bdhisañcaraḥ || 10 ||

Verse 11

దేవాసురవరస్తుత్యః పతన్మన్దరధారకః ।
ధన్వన్తరిః కచ్ఛపాఙ్గః పయోనిధివిమన్థకః ॥ 11 ॥

devāsuravarastutyaḥ patanmandaradhārakaḥ |
dhanvantariḥ kacchapāṅgaḥ payonidhivimanthakaḥ || 11 ||

Verse 12

అమరామృతసన్ధాతా ధృతసం‍మోహినీవపుః ।
హరమోహకమాయావీ రక్షస్సన్దోహభఞ్జనః ॥ 12 ॥

amarāmṛtasandhātā dhṛtasaṃ‍mohinīvapuḥ |
haramohakamāyāvī rakṣassandohabhañjanaḥ || 12 ||

Verse 13

హిరణ్యాక్షవిదారీ చ యజ్ఞో యజ్ఞవిభావనః ।
యజ్ఞీయోర్వీసముద్ధర్తా లీలాక్రోడః ప్రతాపవాన్ ॥ 13 ॥

hiraṇyākṣavidārī ca yajño yajñavibhāvanaḥ |
yajñīyorvīsamuddhartā līlākroḍaḥ pratāpavān || 13 ||

Verse 14

దణ్డకాసురవిధ్వంసీ వక్రదంష్ట్రః క్షమాధరః ।
గన్ధర్వశాపహరణః పుణ్యగన్ధో విచక్షణః ॥ 14 ॥

daṇḍakāsuravidhvaṃsī vakradaṃṣṭraḥ kṣamādharaḥ |
gandharvaśāpaharaṇaḥ puṇyagandho vicakṣaṇaḥ || 14 ||

Verse 15

కరాలవక్త్రః సోమార్కనేత్రః షడ్గుణవైభవః ।
శ్వేతఘోణీ ఘూర్ణితభ్రూర్ఘుర్ఘురధ్వనివిభ్రమః ॥ 15 ॥

karālavaktraḥ somārkanetraḥ ṣaḍguṇavaibhavaḥ |
śvetaghoṇī ghūrṇitabhrūrghurghuradhvanivibhramaḥ || 15 ||

Verse 16

ద్రాఘీయాన్ నీలకేశీ చ జాగ్రదమ్బుజలోచనః ।
ఘృణావాన్ ఘృణిసమ్మోహో మహాకాలాగ్నిదీధితిః ॥ 16 ॥

drāghīyān nīlakeśī ca jāgradambujalocanaḥ |
ghṛṇāvān ghṛṇisammoho mahākālāgnidīdhitiḥ || 16 ||

Verse 17

జ్వాలాకరాలవదనో మహోల్కాకులవీక్షణః ।
సటానిర్భిన్నమేఘౌఘో దంష్ట్రారుగ్వ్యాప్తదిక్తటః ॥ 17 ॥

jvālākarālavadano maholkākulavīkṣaṇaḥ |
saṭānirbhinnameghaugho daṃṣṭrārugvyāptadiktaṭaḥ || 17 ||

Verse 18

ఉచ్ఛ్వాసాకృష్టభూతేశో నిశ్శ్వాసత్యక్తవిశ్వసృట్ ।
అన్తర్భ్రమజ్జగద్గర్భోఽనన్తో బ్రహ్మకపాలహృత్ ॥ 18 ॥

ucchvāsākṛṣṭabhūteśo niśśvāsatyaktaviśvasṛṭ |
antarbhramajjagadgarbho'nanto brahmakapālahṛt || 18 ||

Verse 19

ఉగ్రో వీరో మహావిష్ణుర్జ్వలనః సర్వతోముఖః ।
నృసింహో భీషణో భద్రో మృత్యుమృత్యుః సనాతనః ॥ 19 ॥

ugro vīro mahāviṣṇurjvalanaḥ sarvatomukhaḥ |
nṛsiṃho bhīṣaṇo bhadro mṛtyumṛtyuḥ sanātanaḥ || 19 ||

Verse 20

సభాస్తమ్భోద్భవో భీమః శీరోమాలీ మహేశ్వరః ।
ద్వాదశాదిత్యచూడాలః కల్పధూమసటాచ్ఛవిః ॥ 20 ॥

sabhāstambhodbhavo bhīmaḥ śīromālī maheśvaraḥ |
dvādaśādityacūḍālaḥ kalpadhūmasaṭācchaviḥ || 20 ||

Verse 21

హిరణ్యకోరఃస్థలభిన్నఖః సింహముఖోఽనఘః ।
ప్రహ్లాదవరదో ధీమాన్ భక్తసఙ్ఘప్రతిష్ఠితః ॥ 21 ॥

hiraṇyakoraḥsthalabhinnakhaḥ siṃhamukho'naghaḥ |
prahlādavarado dhīmān bhaktasaṅghapratiṣṭhitaḥ || 21 ||

Verse 22

బ్రహ్మరుద్రాదిసంసేవ్యః సిద్ధసాధ్యప్రపూజితః ।
లక్ష్మీనృసింహో దేవేశో జ్వాలాజిహ్వాన్త్రమాలికః ॥ 22 ॥

brahmarudrādisaṃsevyaḥ siddhasādhyaprapūjitaḥ |
lakṣmīnṛsiṃho deveśo jvālājihvāntramālikaḥ || 22 ||

Verse 23

ఖడ్గీ ఖేటీ మహేష్వాసీ కపాలీ ముసలీ హలీ ।
పాశీ శూలీ మహాబాహుర్జ్వరఘ్నో రోగలుణ్ఠకః ॥ 23 ॥

khaḍgī kheṭī maheṣvāsī kapālī musalī halī |
pāśī śūlī mahābāhurjvaraghno rogaluṇṭhakaḥ || 23 ||

Verse 24

మౌఞ్జీయుక్ ఛాత్రకో దణ్డీ కృష్ణాజినధరో వటుః ।
అధీతవేదో వేదాన్తోద్ధారకో బ్రహ్మనైష్ఠికః ॥ 24 ॥

mauñjīyuk chātrako daṇḍī kṛṣṇājinadharo vaṭuḥ |
adhītavedo vedāntoddhārako brahmanaiṣṭhikaḥ || 24 ||

Verse 25

అహీనశయనప్రీతః ఆదితేయోఽనఘో హరిః ।
సంవిత్ప్రియః సామవేద్యో బలివేశ్మప్రతిష్ఠితః ॥ 25 ॥

ahīnaśayanaprītaḥ āditeyo'nagho hariḥ |
saṃvitpriyaḥ sāmavedyo baliveśmapratiṣṭhitaḥ || 25 ||

Verse 26

బలిక్షాలితపాదాబ్జో విన్ధ్యావలివిమానితః ।
త్రిపాదభూమిస్వీకర్తా విశ్వరూపప్రదర్శకః ॥ 26 ॥

balikṣālitapādābjo vindhyāvalivimānitaḥ |
tripādabhūmisvīkartā viśvarūpapradarśakaḥ || 26 ||

Verse 27

ధృతత్రివిక్రమః స్వాఙ్ఘ్రినఖభిన్నాణ్డఖర్పరః ।
పజ్జాతవాహినీధారాపవిత్రితజగత్త్రయః ॥ 27 ॥

dhṛtatrivikramaḥ svāṅghrinakhabhinnāṇḍakharparaḥ |
pajjātavāhinīdhārāpavitritajagattrayaḥ || 27 ||

Verse 28

విధిసమ్మానితః పుణ్యో దైత్యయోద్ధా జయోర్జితః ।
సురరాజ్యప్రదః శుక్రమదహృత్సుగతీశ్వరః ॥ 28 ॥

vidhisammānitaḥ puṇyo daityayoddhā jayorjitaḥ |
surarājyapradaḥ śukramadahṛtsugatīśvaraḥ || 28 ||

Verse 29

జామదగ్న్యః కుఠారీ చ కార్తవీర్యవిదారణః ।
రేణుకాయాః శిరోహారీ దుష్టక్షత్రియమర్దనః ॥ 29 ॥

jāmadagnyaḥ kuṭhārī ca kārtavīryavidāraṇaḥ |
reṇukāyāḥ śirohārī duṣṭakṣatriyamardanaḥ || 29 ||

Verse 30

వర్చస్వీ దానశీలశ్చ ధనుష్మాన్ బ్రహ్మవిత్తమః ।
అత్యుదగ్రః సమగ్రశ్చ న్యగ్రోధో దుష్టనిగ్రహః ॥ 30 ॥

varcasvī dānaśīlaśca dhanuṣmān brahmavittamaḥ |
atyudagraḥ samagraśca nyagrodho duṣṭanigrahaḥ || 30 ||

Verse 31

రవివంశసముద్భూతో రాఘవో భరతాగ్రజః ।
కౌసల్యాతనయో రామో విశ్వామిత్రప్రియఙ్కరః ॥ 31 ॥

ravivaṃśasamudbhūto rāghavo bharatāgrajaḥ |
kausalyātanayo rāmo viśvāmitrapriyaṅkaraḥ || 31 ||

Verse 32

తాటకారిః సుబాహుఘ్నో బలాతిబలమన్త్రవాన్ ।
అహల్యాశాపవిచ్ఛేదీ ప్రవిష్టజనకాలయః ॥ 32 ॥

tāṭakāriḥ subāhughno balātibalamantravān |
ahalyāśāpavicchedī praviṣṭajanakālayaḥ || 32 ||

Verse 33

స్వయంవరసభాసంస్థ ఈశచాపప్రభఞ్జనః ।
జానకీపరిణేతా చ జనకాధీశసంస్తుతః ॥ 33 ॥

svayaṃvarasabhāsaṃstha īśacāpaprabhañjanaḥ |
jānakīpariṇetā ca janakādhīśasaṃstutaḥ || 33 ||

Verse 34

జమదగ్నితనూజాతయోద్ధాఽయోధ్యాధిపాగ్రణీః ।
పితృవాక్యప్రతీపాలస్త్యక్తరాజ్యః సలక్ష్మణః ॥ 34 ॥

jamadagnitanūjātayoddhā'yodhyādhipāgraṇīḥ |
pitṛvākyapratīpālastyaktarājyaḥ salakṣmaṇaḥ || 34 ||

Verse 35

ససీతశ్చిత్రకూటస్థో భరతాహితరాజ్యకః ।
కాకదర్పప్రహర్తా చ దణ్డకారణ్యవాసకః ॥ 35 ॥

sasītaścitrakūṭastho bharatāhitarājyakaḥ |
kākadarpaprahartā ca daṇḍakāraṇyavāsakaḥ || 35 ||

Verse 36

పఞ్చవట్యాం విహారీ చ స్వధర్మపరిపోషకః ।
విరాధహాఽగస్త్యముఖ్యమునిసమ్మానితః పుమాన్ ॥ 36 ॥

pañcavaṭyāṃ vihārī ca svadharmaparipoṣakaḥ |
virādhahā'gastyamukhyamunisammānitaḥ pumān || 36 ||

Verse 37

ఇన్ద్రచాపధరః ఖడ్గధరశ్చాక్షయసాయకః ।
ఖరాన్తకో దూషణారిస్త్రిశిరస్కరిపుర్వృషః ॥ 37 ॥

indracāpadharaḥ khaḍgadharaścākṣayasāyakaḥ |
kharāntako dūṣaṇāristriśiraskaripurvṛṣaḥ || 37 ||

Verse 38

తతః శూర్పణఖానాసాచ్ఛేత్తా వల్కలధారకః ।
జటావాన్ పర్ణశాలాస్థో మారీచబలమర్దకః ॥ 38 ॥

tataḥ śūrpaṇakhānāsācchettā valkaladhārakaḥ |
jaṭāvān parṇaśālāstho mārīcabalamardakaḥ || 38 ||

Verse 39

పక్షిరాట్కృతసంవాదో రవితేజా మహాబలః ।
శబర్యానీతఫలభుక్ హనూమత్పరితోషితః ॥ 39 ॥

pakṣirāṭkṛtasaṃvādo ravitejā mahābalaḥ |
śabaryānītaphalabhuk hanūmatparitoṣitaḥ || 39 ||

Verse 40

సుగ్రీవాఽభయదో దైత్యకాయక్షేపణభాసురః ।
సప్తతాలసముచ్ఛేత్తా వాలిహృత్కపిసంవృతః ॥ 40 ॥

sugrīvā'bhayado daityakāyakṣepaṇabhāsuraḥ |
saptatālasamucchettā vālihṛtkapisaṃvṛtaḥ || 40 ||

Verse 41

వాయుసూనుకృతాసేవస్త్యక్తపమ్పః కుశాసనః ।
ఉదన్వత్తీరగః శూరో విభీషణవరప్రదః ॥ 41 ॥

vāyusūnukṛtāsevastyaktapampaḥ kuśāsanaḥ |
udanvattīragaḥ śūro vibhīṣaṇavarapradaḥ || 41 ||

Verse 42

సేతుకృద్దైత్యహా ప్రాప్తలఙ్కోఽలఙ్కారవాన్ స్వయమ్ ।
అతికాయశిరశ్ఛేత్తా కుమ్భకర్ణవిభేదనః ॥ 42 ॥

setukṛddaityahā prāptalaṅko'laṅkāravān svayam |
atikāyaśiraśchettā kumbhakarṇavibhedanaḥ || 42 ||

Verse 43

దశకణ్ఠశిరోధ్వంసీ జామ్బవత్ప్రముఖావృతః ।
జానకీశః సురాధ్యక్షః సాకేతేశః పురాతనః ॥ 43 ॥

daśakaṇṭhaśirodhvaṃsī jāmbavatpramukhāvṛtaḥ |
jānakīśaḥ surādhyakṣaḥ sāketeśaḥ purātanaḥ || 43 ||

Verse 44

పుణ్యశ్లోకో వేదవేద్యః స్వామితీర్థనివాసకః ।
లక్ష్మీసరఃకేలిలోలో లక్ష్మీశో లోకరక్షకః ॥ 44 ॥

puṇyaśloko vedavedyaḥ svāmitīrthanivāsakaḥ |
lakṣmīsaraḥkelilolo lakṣmīśo lokarakṣakaḥ || 44 ||

Verse 45

దేవకీగర్భసమ్భూతో యశోదేక్షణలాలితః ।
వసుదేవకృతస్తోత్రో నన్దగోపమనోహరః ॥ 45 ॥

devakīgarbhasambhūto yaśodekṣaṇalālitaḥ |
vasudevakṛtastotro nandagopamanoharaḥ || 45 ||

Verse 46

చతుర్భుజః కోమలాఙ్గో గదావాన్నీలకున్తలః ।
పూతనాప్రాణసంహర్తా తృణావర్తవినాశనః ॥ 46 ॥

caturbhujaḥ komalāṅgo gadāvānnīlakuntalaḥ |
pūtanāprāṇasaṃhartā tṛṇāvartavināśanaḥ || 46 ||

Verse 47

గర్గారోపితనామాఙ్కో వాసుదేవో హ్యధోక్షజః ।
గోపికాస్తన్యపాయీ చ బలభద్రానుజోఽచ్యుతః ॥ 47 ॥

gargāropitanāmāṅko vāsudevo hyadhokṣajaḥ |
gopikāstanyapāyī ca balabhadrānujo'cyutaḥ || 47 ||

Verse 48

వైయాఘ్రనఖభూషశ్చ వత్సజిద్వత్సవర్ధనః ।
క్షీరసారాశనరతో దధిభాణ్డప్రమర్దనః ॥ 48 ॥

vaiyāghranakhabhūṣaśca vatsajidvatsavardhanaḥ |
kṣīrasārāśanarato dadhibhāṇḍapramardanaḥ || 48 ||

Verse 49

నవనీతాపహర్తా చ నీలనీరదభాసురః ।
ఆభీరదృష్టదౌర్జన్యో నీలపద్మనిభాననః ॥ 49 ॥

navanītāpahartā ca nīlanīradabhāsuraḥ |
ābhīradṛṣṭadaurjanyo nīlapadmanibhānanaḥ || 49 ||

Verse 50

మాతృదర్శితవిశ్వాఽఽస్య ఉలూఖలనిబన్ధనః ।
నలకూబరశాపాన్తో గోధూలిచ్ఛురితాఙ్గకః ॥ 50 ॥

mātṛdarśitaviśvā''sya ulūkhalanibandhanaḥ |
nalakūbaraśāpānto godhūlicchuritāṅgakaḥ || 50 ||

Verse 51

గోసఙ్ఘరక్షకః శ్రీశో బృన్దారణ్యనివాసకః ।
వత్సాన్తకో బకద్వేషీ దైత్యామ్బుదమహానిలః ॥ 51 ॥

gosaṅgharakṣakaḥ śrīśo bṛndāraṇyanivāsakaḥ |
vatsāntako bakadveṣī daityāmbudamahānilaḥ || 51 ||

Verse 52

మహాజగరచణ్డాగ్నిః శకటప్రాణకణ్టకః ।
ఇన్ద్రసేవ్యః పుణ్యగాత్రః ఖరజిచ్చణ్డదీధితిః ॥ 52 ॥

mahājagaracaṇḍāgniḥ śakaṭaprāṇakaṇṭakaḥ |
indrasevyaḥ puṇyagātraḥ kharajiccaṇḍadīdhitiḥ || 52 ||

Verse 53

తాలపక్వఫలాశీ చ కాలీయఫణిదర్పహా ।
నాగపత్నీస్తుతిప్రీతః ప్రలమ్బాసురఖణ్డనః ॥ 53 ॥

tālapakvaphalāśī ca kālīyaphaṇidarpahā |
nāgapatnīstutiprītaḥ pralambāsurakhaṇḍanaḥ || 53 ||

Verse 54

దావాగ్నిబలసంహారీ ఫలాహారీ గదాగ్రజః ।
గోపాఙ్గనాచేలచోరః పాథోలీలావిశారదః ॥ 54 ॥

dāvāgnibalasaṃhārī phalāhārī gadāgrajaḥ |
gopāṅganācelacoraḥ pātholīlāviśāradaḥ || 54 ||

Verse 55

వంశగానప్రవీణశ్చ గోపీహస్తామ్బుజార్చితః ।
మునిపత్న్యాహృతాహారో మునిశ్రేష్ఠో మునిప్రియః ॥ 55 ॥

vaṃśagānapravīṇaśca gopīhastāmbujārcitaḥ |
munipatnyāhṛtāhāro muniśreṣṭho munipriyaḥ || 55 ||

Verse 56

గోవర్ధనాద్రిసన్ధర్తా సఙ్క్రన్దనతమోఽపహః ।
సదుద్యానవిలాసీ చ రాసక్రీడాపరాయణః ॥ 56 ॥

govardhanādrisandhartā saṅkrandanatamo'pahaḥ |
sadudyānavilāsī ca rāsakrīḍāparāyaṇaḥ || 56 ||

Verse 57

వరుణాభ్యర్చితో గోపీప్రార్థితః పురుషోత్తమః ।
అక్రూరస్తుతిసమ్ప్రీతః కుబ్జాయౌవనదాయకః ॥ 57 ॥

varuṇābhyarcito gopīprārthitaḥ puruṣottamaḥ |
akrūrastutisamprītaḥ kubjāyauvanadāyakaḥ || 57 ||

Verse 58

ముష్టికోరఃప్రహారీ చ చాణూరోదరదారణః ।
మల్లయుద్ధాగ్రగణ్యశ్చ పితృబన్ధనమోచకః ॥ 58 ॥

muṣṭikoraḥprahārī ca cāṇūrodaradāraṇaḥ |
mallayuddhāgragaṇyaśca pitṛbandhanamocakaḥ || 58 ||

Verse 59

మత్తమాతఙ్గపఞ్చాస్యః కంసగ్రీవానికృన్తనః ।
ఉగ్రసేనప్రతిష్ఠాతా రత్నసింహాసనస్థితః ॥ 59 ॥

mattamātaṅgapañcāsyaḥ kaṃsagrīvānikṛntanaḥ |
ugrasenapratiṣṭhātā ratnasiṃhāsanasthitaḥ || 59 ||

Verse 60

కాలనేమిఖలద్వేషీ ముచుకున్దవరప్రదః ।
సాల్వసేవితదుర్ధర్షరాజస్మయనివారణః ॥ 60 ॥

kālanemikhaladveṣī mucukundavarapradaḥ |
sālvasevitadurdharṣarājasmayanivāraṇaḥ || 60 ||

Verse 61

రుక్మిగర్వాపహారీ చ రుక్మిణీనయనోత్సవః ।
ప్రద్యుమ్నజనకః కామీ ప్రద్యుమ్నో ద్వారకాధిపః ॥ 61 ॥

rukmigarvāpahārī ca rukmiṇīnayanotsavaḥ |
pradyumnajanakaḥ kāmī pradyumno dvārakādhipaḥ || 61 ||

Verse 62

మణ్యాహర్తా మహామాయో జామ్బవత్కృతసఙ్గరః ।
జామ్బూనదామ్బరధరో గమ్యో జామ్బవతీవిభుః ॥ 62 ॥

maṇyāhartā mahāmāyo jāmbavatkṛtasaṅgaraḥ |
jāmbūnadāmbaradharo gamyo jāmbavatīvibhuḥ || 62 ||

Verse 63

కాలిన్దీప్రథితారామకేలిర్గుఞ్జావతంసకః ।
మన్దారసుమనోభాస్వాన్ శచీశాభీష్టదాయకః ॥ 63 ॥

kālindīprathitārāmakelirguñjāvataṃsakaḥ |
mandārasumanobhāsvān śacīśābhīṣṭadāyakaḥ || 63 ||

Verse 64

సత్రాజిన్మానసోల్లాసీ సత్యాజానిః శుభావహః ।
శతధన్వహరః సిద్ధః పాణ్డవప్రియకోత్సవః ॥ 64 ॥

satrājinmānasollāsī satyājāniḥ śubhāvahaḥ |
śatadhanvaharaḥ siddhaḥ pāṇḍavapriyakotsavaḥ || 64 ||

Verse 65

భద్రప్రియః సుభద్రాయా భ్రాతా నాగ్నాజితీవిభుః ।
కిరీటకుణ్డలధరః కల్పపల్లవలాలితః ॥ 65 ॥

bhadrapriyaḥ subhadrāyā bhrātā nāgnājitīvibhuḥ |
kirīṭakuṇḍaladharaḥ kalpapallavalālitaḥ || 65 ||

Verse 66

భైష్మీప్రణయభాషావాన్ మిత్రవిన్దాధిపోఽభయః ।
స్వమూర్తికేలిసమ్ప్రీతో లక్ష్మణోదారమానసః ॥ 66 ॥

bhaiṣmīpraṇayabhāṣāvān mitravindādhipo'bhayaḥ |
svamūrtikelisamprīto lakṣmaṇodāramānasaḥ || 66 ||

Verse 67

ప్రాగ్జ్యోతిషాధిపధ్వంసీ తత్సైన్యాన్తకరోఽమృతః ।
భూమిస్తుతో భూరిభోగో భూషణామ్బరసంయుతః ॥ 67 ॥

prāgjyotiṣādhipadhvaṃsī tatsainyāntakaro'mṛtaḥ |
bhūmistuto bhūribhogo bhūṣaṇāmbarasaṃyutaḥ || 67 ||

Verse 68

బహురామాకృతాహ్లాదో గన్ధమాల్యానులేపనః ।
నారదాదృష్టచరితో దేవేశో విశ్వరాడ్గురుః ॥ 68 ॥

bahurāmākṛtāhlādo gandhamālyānulepanaḥ |
nāradādṛṣṭacarito deveśo viśvarāḍguruḥ || 68 ||

Verse 69

బాణబాహువిదారశ్చ తాపజ్వరవినాశకః ।
ఉషోద్ధర్షయితాఽవ్యక్తః శివవాక్తుష్టమానసః ॥ 69 ॥

bāṇabāhuvidāraśca tāpajvaravināśakaḥ |
uṣoddharṣayitā'vyaktaḥ śivavāktuṣṭamānasaḥ || 69 ||

Verse 70

మహేశజ్వరసంస్తుత్యః శీతజ్వరభయాన్తకః ।
నృగరాజోద్ధారకశ్చ పౌణ్డ్రకాదివధోద్యతః ॥ 70 ॥

maheśajvarasaṃstutyaḥ śītajvarabhayāntakaḥ |
nṛgarājoddhārakaśca pauṇḍrakādivadhodyataḥ || 70 ||

Verse 71

వివిధారిచ్ఛలోద్విగ్నబ్రాహ్మణేషు దయాపరః ।
జరాసన్ధబలద్వేషీ కేశిదైత్యభయఙ్కరః ॥ 71 ॥

vividhāricchalodvignabrāhmaṇeṣu dayāparaḥ |
jarāsandhabaladveṣī keśidaityabhayaṅkaraḥ || 71 ||

Verse 72

చక్రీ చైద్యాన్తకః సభ్యో రాజబన్ధవిమోచకః ।
రాజసూయహవిర్భోక్తా స్నిగ్ధాఙ్గః శుభలక్షణః ॥ 72 ॥

cakrī caidyāntakaḥ sabhyo rājabandhavimocakaḥ |
rājasūyahavirbhoktā snigdhāṅgaḥ śubhalakṣaṇaḥ || 72 ||

Verse 73

ధానాభక్షణసమ్ప్రీతః కుచేలాభీష్టదాయకః ।
సత్త్వాదిగుణగమ్భీరో ద్రౌపదీమానరక్షకః ॥ 73 ॥

dhānābhakṣaṇasamprītaḥ kucelābhīṣṭadāyakaḥ |
sattvādiguṇagambhīro draupadīmānarakṣakaḥ || 73 ||

Verse 74

భీష్మధ్యేయో భక్తవశ్యో భీమపూజ్యో దయానిధిః ।
దన్తవక్త్రశిరశ్ఛేత్తా కృష్ణః కృష్ణాసఖః స్వరాట్ ॥ 74 ॥

bhīṣmadhyeyo bhaktavaśyo bhīmapūjyo dayānidhiḥ |
dantavaktraśiraśchettā kṛṣṇaḥ kṛṣṇāsakhaḥ svarāṭ || 74 ||

Verse 75

వైజయన్తీప్రమోదీ చ బర్హిబర్హవిభూషణః ।
పార్థకౌరవసన్ధానకారీ దుశ్శాసనాన్తకః ॥ 75 ॥

vaijayantīpramodī ca barhibarhavibhūṣaṇaḥ |
pārthakauravasandhānakārī duśśāsanāntakaḥ || 75 ||

Verse 76

బుద్ధో విశుద్ధః సర్వజ్ఞః క్రతుహింసావినిన్దకః ।
త్రిపురస్త్రీమానభఙ్గః సర్వశాస్త్రవిశారదః ॥ 76 ॥

buddho viśuddhaḥ sarvajñaḥ kratuhiṃsāvinindakaḥ |
tripurastrīmānabhaṅgaḥ sarvaśāstraviśāradaḥ || 76 ||

Verse 77

నిర్వికారో నిర్మమశ్చ నిరాభాసో నిరామయః ।
జగన్మోహకధర్మీ చ దిగ్వస్త్రో దిక్పతీశ్వరః ॥ 77 ॥

nirvikāro nirmamaśca nirābhāso nirāmayaḥ |
jaganmohakadharmī ca digvastro dikpatīśvaraḥ || 77 ||

Verse 78

కల్కీ మ్లేచ్ఛప్రహర్తా చ దుష్టనిగ్రహకారకః ।
ధర్మప్రతిష్టాకారీ చ చాతుర్వర్ణ్యవిభాగకృత్ ॥ 78 ॥

kalkī mlecchaprahartā ca duṣṭanigrahakārakaḥ |
dharmapratiṣṭākārī ca cāturvarṇyavibhāgakṛt || 78 ||

Verse 79

యుగాన్తకో యుగాక్రాన్తో యుగకృద్యుగభాసకః ।
కామారిః కామకారీ చ నిష్కామః కామితార్థదః ॥ 79 ॥

yugāntako yugākrānto yugakṛdyugabhāsakaḥ |
kāmāriḥ kāmakārī ca niṣkāmaḥ kāmitārthadaḥ || 79 ||

Verse 80

భర్గో వరేణ్యః సవితుః శార్ఙ్గీ వైకుణ్ఠమన్దిరః ।
హయగ్రీవః కైటభారిః గ్రాహఘ్నో గజరక్షకః ॥ 80 ॥

bhargo vareṇyaḥ savituḥ śārṅgī vaikuṇṭhamandiraḥ |
hayagrīvaḥ kaiṭabhāriḥ grāhaghno gajarakṣakaḥ || 80 ||

Verse 81

సర్వసంశయవిచ్ఛేత్తా సర్వభక్తసముత్సుకః ।
కపర్దీ కామహారీ చ కలా కాష్ఠా స్మృతిర్ధృతిః ॥ 81 ॥

sarvasaṃśayavicchettā sarvabhaktasamutsukaḥ |
kapardī kāmahārī ca kalā kāṣṭhā smṛtirdhṛtiḥ || 81 ||

Verse 82

అనాదిరప్రమేయౌజాః ప్రధానః సన్నిరూపకః ।
నిర్లేపో నిఃస్పృహోఽసఙ్గో నిర్భయో నీతిపారగః ॥ 82 ॥

anādiraprameyaujāḥ pradhānaḥ sannirūpakaḥ |
nirlepo niḥspṛho'saṅgo nirbhayo nītipāragaḥ || 82 ||

Verse 83

నిష్ప్రేష్యో నిష్క్రియః శాన్తో నిష్ప్రపఞ్చో నిధిర్నయః
కర్మ్యకర్మీ వికర్మీ చ కర్మేప్సుః కర్మభావనః ॥ 83 ॥

niṣpreṣyo niṣkriyaḥ śānto niṣprapañco nidhirnayaḥ
karmyakarmī vikarmī ca karmepsuḥ karmabhāvanaḥ || 83 ||

Verse 84

కర్మాఙ్గః కర్మవిన్యాసో మహాకర్మీ మహావ్రతీ ।
కర్మభుక్కర్మఫలదః కర్మేశః కర్మనిగ్రహః ॥ 84 ॥

karmāṅgaḥ karmavinyāso mahākarmī mahāvratī |
karmabhukkarmaphaladaḥ karmeśaḥ karmanigrahaḥ || 84 ||

Verse 85

నరో నారాయణో దాన్తః కపిలః కామదః శుచిః ।
తప్తా జప్తాఽక్షమాలావాన్ గన్తా నేతా లయో గతిః ॥ 85 ॥

naro nārāyaṇo dāntaḥ kapilaḥ kāmadaḥ śuciḥ |
taptā japtā'kṣamālāvān gantā netā layo gatiḥ || 85 ||

Verse 86

శిష్టో ద్రష్టా రిపుద్వేష్టా రోష్టా వేష్టా మహానటః ।
రోద్ధా బోద్ధా మహాయోద్ధా శ్రద్ధావాన్ సత్యధీః శుభః ॥ 86 ॥

śiṣṭo draṣṭā ripudveṣṭā roṣṭā veṣṭā mahānaṭaḥ |
roddhā boddhā mahāyoddhā śraddhāvān satyadhīḥ śubhaḥ || 86 ||

Verse 87

మన్త్రీ మన్త్రో మన్త్రగమ్యో మన్త్రకృత్పరమన్త్రహృత్ ।
మన్త్రభృన్మన్త్రఫలదో మన్త్రేశో మన్త్రవిగ్రహః ॥ 87 ॥

mantrī mantro mantragamyo mantrakṛtparamantrahṛt |
mantrabhṛnmantraphalado mantreśo mantravigrahaḥ || 87 ||

Verse 88

మన్త్రాఙ్గో మన్త్రవిన్యాసో మహామన్త్రో మహాక్రమః ।
స్థిరధీః స్థిరవిజ్ఞానః స్థిరప్రజ్ఞః స్థిరాసనః ॥ 88 ॥

mantrāṅgo mantravinyāso mahāmantro mahākramaḥ |
sthiradhīḥ sthiravijñānaḥ sthiraprajñaḥ sthirāsanaḥ || 88 ||

Verse 89

స్థిరయోగః స్థిరాధారః స్థిరమార్గః స్థిరాగమః ।
నిశ్శ్రేయసో నిరీహోఽగ్నిర్నిరవద్యో నిరఞ్జనః ॥ 89 ॥

sthirayogaḥ sthirādhāraḥ sthiramārgaḥ sthirāgamaḥ |
niśśreyaso nirīho'gnirniravadyo nirañjanaḥ || 89 ||

Verse 90

నిర్వైరో నిరహఙ్కారో నిర్దమ్భో నిరసూయకః ।
అనన్తోఽనన్తబాహూరురనన్తాఙ్ఘ్రిరనన్తదృక్ ॥ 90 ॥

nirvairo nirahaṅkāro nirdambho nirasūyakaḥ |
ananto'nantabāhūruranantāṅghriranantadṛk || 90 ||

Verse 91

అనన్తవక్త్రోఽనన్తాఙ్గోఽనన్తరూపో హ్యనన్తకృత్ ।
ఊర్ధ్వరేతా ఊర్ధ్వలిఙ్గో హ్యూర్ధ్వమూర్ధోర్ధ్వశాఖకః ॥ 91 ॥

anantavaktro'nantāṅgo'nantarūpo hyanantakṛt |
ūrdhvaretā ūrdhvaliṅgo hyūrdhvamūrdhordhvaśākhakaḥ || 91 ||

Verse 92

ఊర్ధ్వ ఊర్ధ్వాధ్వరక్షీ చ హ్యూర్ధ్వజ్వాలో నిరాకులః ।
బీజం బీజప్రదో నిత్యో నిదానం నిష్కృతిః కృతీ ॥ 92 ॥

ūrdhva ūrdhvādhvarakṣī ca hyūrdhvajvālo nirākulaḥ |
bījaṃ bījaprado nityo nidānaṃ niṣkṛtiḥ kṛtī || 92 ||

Verse 93

మహానణీయన్ గరిమా సుషమా చిత్రమాలికః ।
నభః స్పృఙ్నభసో జ్యోతిర్నభస్వాన్నిర్నభా నభః ॥ 93 ॥

mahānaṇīyan garimā suṣamā citramālikaḥ |
nabhaḥ spṛṅnabhaso jyotirnabhasvānnirnabhā nabhaḥ || 93 ||

Verse 94

అభుర్విభుః ప్రభుః శమ్భుర్మహీయాన్ భూర్భువాకృతిః ।
మహానన్దో మహాశూరో మహోరాశిర్మహోత్సవః ॥ 94 ॥

abhurvibhuḥ prabhuḥ śambhurmahīyān bhūrbhuvākṛtiḥ |
mahānando mahāśūro mahorāśirmahotsavaḥ || 94 ||

Verse 95

మహాక్రోధో మహాజ్వాలో మహాశాన్తో మహాగుణః ।
సత్యవ్రతః సత్యపరః సత్యసన్ధః సతాం గతిః ॥ 95 ॥

mahākrodho mahājvālo mahāśānto mahāguṇaḥ |
satyavrataḥ satyaparaḥ satyasandhaḥ satāṃ gatiḥ || 95 ||

Verse 96

సత్యేశః సత్యసఙ్కల్పః సత్యచారిత్రలక్షణః ।
అన్తశ్చరో హ్యన్తరాత్మా పరమాత్మా చిదాత్మకః ॥ 96 ॥

satyeśaḥ satyasaṅkalpaḥ satyacāritralakṣaṇaḥ |
antaścaro hyantarātmā paramātmā cidātmakaḥ || 96 ||

Verse 97

రోచనో రోచమానశ్చ సాక్షీ శౌరిర్జనార్దనః ।
ముకున్దో నన్దనిష్పన్దః స్వర్ణబిన్దుః పురన్దరః ॥ 97 ॥

rocano rocamānaśca sākṣī śaurirjanārdanaḥ |
mukundo nandaniṣpandaḥ svarṇabinduḥ purandaraḥ || 97 ||

Verse 98

అరిన్దమః సుమన్దశ్చ కున్దమన్దారహాసవాన్ ।
స్యన్దనారూఢచణ్డాఙ్గో హ్యానన్దీ నన్దనన్దనః ॥ 98 ॥

arindamaḥ sumandaśca kundamandārahāsavān |
syandanārūḍhacaṇḍāṅgo hyānandī nandanandanaḥ || 98 ||

Verse 99

అనసూయానన్దనోఽత్రినేత్రానన్దః సునన్దవాన్ ।
శఙ్ఖవాన్పఙ్కజకరః కుఙ్కుమాఙ్కో జయాఙ్కుశః ॥ 99 ॥

anasūyānandano'trinetrānandaḥ sunandavān |
śaṅkhavānpaṅkajakaraḥ kuṅkumāṅko jayāṅkuśaḥ || 99 ||

Verse 100

అమ్భోజమకరన్దాఢ్యో నిష్పఙ్కోఽగరుపఙ్కిలః ।
ఇన్ద్రశ్చన్ద్రరథశ్చన్ద్రోఽతిచన్ద్రశ్చన్ద్రభాసకః ॥ 100 ॥

ambhojamakarandāḍhyo niṣpaṅko'garupaṅkilaḥ |
indraścandrarathaścandro'ticandraścandrabhāsakaḥ || 100 ||

Verse 101

ఉపేన్ద్ర ఇన్ద్రరాజశ్చ వాగిన్ద్రశ్చన్ద్రలోచనః ।
ప్రత్యక్ పరాక్ పరన్ధామ పరమార్థః పరాత్పరః ॥ 101 ॥

upendra indrarājaśca vāgindraścandralocanaḥ |
pratyak parāk parandhāma paramārthaḥ parātparaḥ || 101 ||

Verse 102

అపారవాక్ పారగామీ పారావారః పరావరః ।
సహస్వానర్థదాతా చ సహనః సాహసీ జయీ ॥ 102 ॥

apāravāk pāragāmī pārāvāraḥ parāvaraḥ |
sahasvānarthadātā ca sahanaḥ sāhasī jayī || 102 ||

Verse 103

తేజస్వీ వాయువిశిఖీ తపస్వీ తాపసోత్తమః ।
ఐశ్వర్యోద్భూతికృద్భూతిరైశ్వర్యాఙ్గకలాపవాన్ ॥ 103 ॥

tejasvī vāyuviśikhī tapasvī tāpasottamaḥ |
aiśvaryodbhūtikṛdbhūtiraiśvaryāṅgakalāpavān || 103 ||

Verse 104

అమ్భోధిశాయీ భగవాన్ సర్వజ్ఞః సామపారగః ।
మహాయోగీ మహాధీరో మహాభోగీ మహాప్రభుః ॥ 104 ॥

ambhodhiśāyī bhagavān sarvajñaḥ sāmapāragaḥ |
mahāyogī mahādhīro mahābhogī mahāprabhuḥ || 104 ||

Verse 105

మహావీరో మహాతుష్టిర్మహాపుష్టిర్మహాగుణః ।
మహాదేవో మహాబాహుర్మహాధర్మో మహేశ్వరః ॥ 105 ॥

mahāvīro mahātuṣṭirmahāpuṣṭirmahāguṇaḥ |
mahādevo mahābāhurmahādharmo maheśvaraḥ || 105 ||

Verse 106

సమీపగో దూరగామీ స్వర్గమార్గనిరర్గలః ।
నగో నగధరో నాగో నాగేశో నాగపాలకః ॥ 106 ॥

samīpago dūragāmī svargamārganirargalaḥ |
nago nagadharo nāgo nāgeśo nāgapālakaḥ || 106 ||

Verse 107

హిరణ్మయః స్వర్ణరేతా హిరణ్యార్చిర్హిరణ్యదః ।
గుణగణ్యః శరణ్యశ్చ పుణ్యకీర్తిః పురాణగః ॥ 107 ॥

hiraṇmayaḥ svarṇaretā hiraṇyārcirhiraṇyadaḥ |
guṇagaṇyaḥ śaraṇyaśca puṇyakīrtiḥ purāṇagaḥ || 107 ||

Verse 108

జన్యభృజ్జన్యసన్నద్ధో దివ్యపఞ్చాయుధో వశీ ।
దౌర్జన్యభఙ్గః పర్జన్యః సౌజన్యనిలయోఽలయః ॥ 108 ॥

janyabhṛjjanyasannaddho divyapañcāyudho vaśī |
daurjanyabhaṅgaḥ parjanyaḥ saujanyanilayo'layaḥ || 108 ||

Verse 109

జలన్ధరాన్తకో భస్మదైత్యనాశీ మహామనాః ।
శ్రేష్ఠః శ్రవిష్ఠో ద్రాఘిష్ఠో గరిష్ఠో గరుడధ్వజః ॥ 109 ॥

jalandharāntako bhasmadaityanāśī mahāmanāḥ |
śreṣṭhaḥ śraviṣṭho drāghiṣṭho gariṣṭho garuḍadhvajaḥ || 109 ||

Verse 110

జ్యేష్ఠో ద్రఢిష్ఠో వర్షిష్ఠో ద్రాఘీయాన్ ప్రణవః ఫణీ ।
సమ్ప్రదాయకరః స్వామీ సురేశో మాధవో మధుః ॥ 110 ॥

jyeṣṭho draḍhiṣṭho varṣiṣṭho drāghīyān praṇavaḥ phaṇī |
sampradāyakaraḥ svāmī sureśo mādhavo madhuḥ || 110 ||

Verse 111

నిర్నిమేషో విధిర్వేధా బలవాన్ జీవనం బలీ ।
స్మర్తా శ్రోతా వికర్తా చ ధ్యాతా నేతా సమోఽసమః ॥ 111 ॥

nirnimeṣo vidhirvedhā balavān jīvanaṃ balī |
smartā śrotā vikartā ca dhyātā netā samo'samaḥ || 111 ||

Verse 112

హోతా పోతా మహావక్తా రన్తా మన్తా ఖలాన్తకః ।
దాతా గ్రాహయితా మాతా నియన్తాఽనన్తవైభవః ॥ 112 ॥

hotā potā mahāvaktā rantā mantā khalāntakaḥ |
dātā grāhayitā mātā niyantā'nantavaibhavaḥ || 112 ||

Verse 113

గోప్తా గోపయితా హన్తా ధర్మజాగరితా ధవః ।
కర్తా క్షేత్రకరః క్షేత్రప్రదః క్షేత్రజ్ఞ ఆత్మవిత్ ॥ 113 ॥

goptā gopayitā hantā dharmajāgaritā dhavaḥ |
kartā kṣetrakaraḥ kṣetrapradaḥ kṣetrajña ātmavit || 113 ||

Verse 114

క్షేత్రీ క్షేత్రహరః క్షేత్రప్రియః క్షేమకరో మరుత్ ।
భక్తిప్రదో ముక్తిదాయీ శక్తిదో యుక్తిదాయకః ॥ 114 ॥

kṣetrī kṣetraharaḥ kṣetrapriyaḥ kṣemakaro marut |
bhaktiprado muktidāyī śaktido yuktidāyakaḥ || 114 ||

Verse 115

శక్తియుఙ్మౌక్తికస్రగ్వీ సూక్తిరామ్నాయసూక్తిగః ।
ధనఞ్జయో ధనాధ్యక్షో ధనికో ధనదాధిపః ॥ 115 ॥

śaktiyuṅmauktikasragvī sūktirāmnāyasūktigaḥ |
dhanañjayo dhanādhyakṣo dhaniko dhanadādhipaḥ || 115 ||

Verse 116

మహాధనో మహామానీ దుర్యోధనవిమానితః ।
రత్నాకరో రత్నరోచీ రత్నగర్భాశ్రయః శుచిః ॥ 116 ॥

mahādhano mahāmānī duryodhanavimānitaḥ |
ratnākaro ratnarocī ratnagarbhāśrayaḥ śuciḥ || 116 ||

Verse 117

రత్నసానునిధిర్మౌలిరత్నభా రత్నకఙ్కణః ।
అన్తర్లక్ష్యోఽన్తరభ్యాసీ చాన్తర్ధ్యేయో జితాసనః ॥ 117 ॥

ratnasānunidhirmauliratnabhā ratnakaṅkaṇaḥ |
antarlakṣyo'ntarabhyāsī cāntardhyeyo jitāsanaḥ || 117 ||

Verse 118

అన్తరఙ్గో దయావాంశ్చ హ్యన్తర్మాయో మహార్ణవః ।
సరసః సిద్ధరసికః సిద్ధిః సాధ్యః సదాగతిః ॥ 118 ॥

antaraṅgo dayāvāṃśca hyantarmāyo mahārṇavaḥ |
sarasaḥ siddharasikaḥ siddhiḥ sādhyaḥ sadāgatiḥ || 118 ||

Verse 119

ఆయుఃప్రదో మహాయుష్మానర్చిష్మానోషధీపతిః ।
అష్టశ్రీరష్టభాగోఽష్టకకుబ్వ్యాప్తయశో వ్రతీ ॥ 119 ॥

āyuḥprado mahāyuṣmānarciṣmānoṣadhīpatiḥ |
aṣṭaśrīraṣṭabhāgo'ṣṭakakubvyāptayaśo vratī || 119 ||

Verse 120

అష్టాపదః సువర్ణాభో హ్యష్టమూర్తిస్త్రిమూర్తిమాన్ ।
అస్వప్నః స్వప్నగః స్వప్నః సుస్వప్నఫలదాయకః ॥ 120 ॥

aṣṭāpadaḥ suvarṇābho hyaṣṭamūrtistrimūrtimān |
asvapnaḥ svapnagaḥ svapnaḥ susvapnaphaladāyakaḥ || 120 ||

Verse 121

దుఃస్వప్నధ్వంసకో ధ్వస్తదుర్నిమిత్తః శివఙ్కరః ।
సువర్ణవర్ణః సమ్భావ్యో వర్ణితో వర్ణసమ్ముఖః ॥ 121 ॥

duḥsvapnadhvaṃsako dhvastadurnimittaḥ śivaṅkaraḥ |
suvarṇavarṇaḥ sambhāvyo varṇito varṇasammukhaḥ || 121 ||

Verse 122

సువర్ణముఖరీతీరశివధ్యాతపదామ్బుజః ।
దాక్షాయణీవచస్తుష్టో దూర్వాసోదృష్టిగోచరః ॥ 122 ॥

suvarṇamukharītīraśivadhyātapadāmbujaḥ |
dākṣāyaṇīvacastuṣṭo dūrvāsodṛṣṭigocaraḥ || 122 ||

Verse 123

అమ్బరీషవ్రతప్రీతో మహాకృత్తివిభఞ్జనః ।
మహాభిచారకధ్వంసీ కాలసర్పభయాన్తకః ॥ 123 ॥

ambarīṣavrataprīto mahākṛttivibhañjanaḥ |
mahābhicārakadhvaṃsī kālasarpabhayāntakaḥ || 123 ||

Verse 124

సుదర్శనః కాలమేఘశ్యామః శ్రీమన్త్రభావితః ।
హేమామ్బుజసరఃస్నాయీ శ్రీమనోభావితాకృతిః ॥ 124 ॥

sudarśanaḥ kālameghaśyāmaḥ śrīmantrabhāvitaḥ |
hemāmbujasaraḥsnāyī śrīmanobhāvitākṛtiḥ || 124 ||

Verse 125

శ్రీప్రదత్తామ్బుజస్రగ్వీ శ్రీకేలిః శ్రీనిధిర్భవః ।
శ్రీప్రదో వామనో లక్ష్మీనాయకశ్చ చతుర్భుజః ॥ 125 ॥

śrīpradattāmbujasragvī śrīkeliḥ śrīnidhirbhavaḥ |
śrīprado vāmano lakṣmīnāyakaśca caturbhujaḥ || 125 ||

Verse 126

సన్తృప్తస్తర్పితస్తీర్థస్నాతృసౌఖ్యప్రదర్శకః ।
అగస్త్యస్తుతిసంహృష్టో దర్శితావ్యక్తభావనః ॥ 126 ॥

santṛptastarpitastīrthasnātṛsaukhyapradarśakaḥ |
agastyastutisaṃhṛṣṭo darśitāvyaktabhāvanaḥ || 126 ||

Verse 127

కపిలార్చిః కపిలవాన్ సుస్నాతాఘవిపాటనః ।
వృషాకపిః కపిస్వామిమనోఽన్తఃస్థితవిగ్రహః ॥ 127 ॥

kapilārciḥ kapilavān susnātāghavipāṭanaḥ |
vṛṣākapiḥ kapisvāmimano'ntaḥsthitavigrahaḥ || 127 ||

Verse 128

వహ్నిప్రియోఽర్థసమ్భావ్యో జనలోకవిధాయకః ।
వహ్నిప్రభో వహ్నితేజాః శుభాభీష్టప్రదో యమీ ॥ 128 ॥

vahnipriyo'rthasambhāvyo janalokavidhāyakaḥ |
vahniprabho vahnitejāḥ śubhābhīṣṭaprado yamī || 128 ||

Verse 129

వారుణక్షేత్రనిలయో వరుణో వారణార్చితః ।
వాయుస్థానకృతావాసో వాయుగో వాయుసమ్భృతః ॥ 129 ॥

vāruṇakṣetranilayo varuṇo vāraṇārcitaḥ |
vāyusthānakṛtāvāso vāyugo vāyusambhṛtaḥ || 129 ||

Verse 130

యమాన్తకోఽభిజననో యమలోకనివారణః ।
యమినామగ్రగణ్యశ్చ సంయమీ యమభావితః ॥ 130 ॥

yamāntako'bhijanano yamalokanivāraṇaḥ |
yamināmagragaṇyaśca saṃyamī yamabhāvitaḥ || 130 ||

Verse 131

ఇన్ద్రోద్యానసమీపస్థః ఇన్ద్రదృగ్విషయః ప్రభుః ।
యక్షరాట్ సరసీవాసో హ్యక్షయ్యనిధికోశకృత్ ॥ 131 ॥

indrodyānasamīpasthaḥ indradṛgviṣayaḥ prabhuḥ |
yakṣarāṭ sarasīvāso hyakṣayyanidhikośakṛt || 131 ||

Verse 132

స్వామితీర్థకృతావాసః స్వామిధ్యేయో హ్యధోక్షజః ।
వరాహాద్యష్టతీర్థాభిసేవితాఙ్ఘ్రిసరోరుహః ॥ 132 ॥

svāmitīrthakṛtāvāsaḥ svāmidhyeyo hyadhokṣajaḥ |
varāhādyaṣṭatīrthābhisevitāṅghrisaroruhaḥ || 132 ||

Verse 133

పాణ్డుతీర్థాభిషిక్తాఙ్గో యుధిష్ఠిరవరప్రదః ।
భీమాన్తఃకరణారూఢః శ్వేతవాహనసఖ్యవాన్ ॥ 133 ॥

pāṇḍutīrthābhiṣiktāṅgo yudhiṣṭhiravarapradaḥ |
bhīmāntaḥkaraṇārūḍhaḥ śvetavāhanasakhyavān || 133 ||

Verse 134

నకులాభయదో మాద్రీసహదేవాభివన్దితః ।
కృష్ణాశపథసన్ధాతా కున్తీస్తుతిరతో దమీ ॥ 134 ॥

nakulābhayado mādrīsahadevābhivanditaḥ |
kṛṣṇāśapathasandhātā kuntīstutirato damī || 134 ||

Verse 135

నారదాదిమునిస్తుత్యో నిత్యకర్మపరాయణః ।
దర్శితావ్యక్తరూపశ్చ వీణానాదప్రమోదితః ॥ 135 ॥

nāradādimunistutyo nityakarmaparāyaṇaḥ |
darśitāvyaktarūpaśca vīṇānādapramoditaḥ || 135 ||

Verse 136

షట్కోటితీర్థచర్యావాన్ దేవతీర్థకృతాశ్రమః ।
బిల్వామలజలస్నాయీ సరస్వత్యమ్బుసేవితః ॥ 136 ॥

ṣaṭkoṭitīrthacaryāvān devatīrthakṛtāśramaḥ |
bilvāmalajalasnāyī sarasvatyambusevitaḥ || 136 ||

Verse 137

తుమ్బురూదకసంస్పర్శజనచిత్తతమోఽపహః ।
మత్స్యవామనకూర్మాదితీర్థరాజః పురాణభృత్ ॥ 137 ॥

tumburūdakasaṃsparśajanacittatamo'pahaḥ |
matsyavāmanakūrmāditīrtharājaḥ purāṇabhṛt || 137 ||

Verse 138

చక్రధ్యేయపదామ్భోజః శఙ్ఖపూజితపాదుకః ।
రామతీర్థవిహారీ చ బలభద్రప్రతిష్ఠితః ॥ 138 ॥

cakradhyeyapadāmbhojaḥ śaṅkhapūjitapādukaḥ |
rāmatīrthavihārī ca balabhadrapratiṣṭhitaḥ || 138 ||

Verse 139

జామదగ్న్యసరస్తీర్థజలసేచనతర్పితః ।
పాపాపహారికీలాలసుస్నాతాఘవినాశనః ॥ 139 ॥

jāmadagnyasarastīrthajalasecanatarpitaḥ |
pāpāpahārikīlālasusnātāghavināśanaḥ || 139 ||

Verse 140

నభోగఙ్గాభిషిక్తశ్చ నాగతీర్థాభిషేకవాన్ ।
కుమారధారాతీర్థస్థో వటువేషః సుమేఖలః ॥ 140 ॥

nabhogaṅgābhiṣiktaśca nāgatīrthābhiṣekavān |
kumāradhārātīrthastho vaṭuveṣaḥ sumekhalaḥ || 140 ||

Verse 141

వృద్ధస్య సుకుమారత్వప్రదః సౌన్దర్యవాన్ సుఖీ ।
ప్రియంవదో మహాకుక్షిరిక్ష్వాకుకులనన్దనః ॥ 141 ॥

vṛddhasya sukumāratvapradaḥ saundaryavān sukhī |
priyaṃvado mahākukṣirikṣvākukulanandanaḥ || 141 ||

Verse 142

నీలగోక్షీరధారాభూర్వరాహాచలనాయకః ।
భరద్వాజప్రతిష్ఠావాన్ బృహస్పతివిభావితః ॥ 142 ॥

nīlagokṣīradhārābhūrvarāhācalanāyakaḥ |
bharadvājapratiṣṭhāvān bṛhaspativibhāvitaḥ || 142 ||

Verse 143

అఞ్జనాకృతపూజావాన్ ఆఞ్జనేయకరార్చితః ।
అఞ్జనాద్రినివాసశ్చ ముఞ్జకేశః పురన్దరః ॥ 143 ॥

añjanākṛtapūjāvān āñjaneyakarārcitaḥ |
añjanādrinivāsaśca muñjakeśaḥ purandaraḥ || 143 ||

Verse 144

కిన్నరద్వయసమ్బన్ధిబన్ధమోక్షప్రదాయకః ।
వైఖానసమఖారమ్భో వృషజ్ఞేయో వృషాచలః ॥ 144 ॥

kinnaradvayasambandhibandhamokṣapradāyakaḥ |
vaikhānasamakhārambho vṛṣajñeyo vṛṣācalaḥ || 144 ||

Verse 145

వృషకాయప్రభేత్తా చ క్రీడనాచారసమ్భ్రమః ।
సౌవర్చలేయవిన్యస్తరాజ్యో నారాయణః ప్రియః ॥ 145 ॥

vṛṣakāyaprabhettā ca krīḍanācārasambhramaḥ |
sauvarcaleyavinyastarājyo nārāyaṇaḥ priyaḥ || 145 ||

Verse 146

దుర్మేధోభఞ్జకః ప్రాజ్ఞో బ్రహ్మోత్సవమహోత్సుకః ।
భద్రాసురశిరశ్ఛేత్తా భద్రక్షేత్రీ సుభద్రవాన్ ॥ 146 ॥

durmedhobhañjakaḥ prājño brahmotsavamahotsukaḥ |
bhadrāsuraśiraśchettā bhadrakṣetrī subhadravān || 146 ||

Verse 147

మృగయాఽక్షీణసన్నాహః శఙ్ఖరాజన్యతుష్టిదః ।
స్థాణుస్థో వైనతేయాఙ్గభావితో హ్యశరీరవాన్ ॥ 147 ॥

mṛgayā'kṣīṇasannāhaḥ śaṅkharājanyatuṣṭidaḥ |
sthāṇustho vainateyāṅgabhāvito hyaśarīravān || 147 ||

Verse 148

భోగీన్ద్రభోగసంస్థానో బ్రహ్మాదిగణసేవితః ।
సహస్రార్కచ్ఛటాభాస్వద్విమానాన్తఃస్థితో గుణీ ॥ 148 ॥

bhogīndrabhogasaṃsthāno brahmādigaṇasevitaḥ |
sahasrārkacchaṭābhāsvadvimānāntaḥsthito guṇī || 148 ||

Verse 149

విష్వక్సేనకృతస్తోత్రః సనన్దనవరీవృతః ।
జాహ్నవ్యాదినదీసేవ్యః సురేశాద్యభివన్దితః ॥ 149 ॥

viṣvaksenakṛtastotraḥ sanandanavarīvṛtaḥ |
jāhnavyādinadīsevyaḥ sureśādyabhivanditaḥ || 149 ||

Verse 150

సురాఙ్గనానృత్యపరో గన్ధర్వోద్గాయనప్రియః ।
రాకేన్దుసఙ్కాశనఖః కోమలాఙ్ఘ్రిసరోరుహః ॥ 150 ॥

surāṅganānṛtyaparo gandharvodgāyanapriyaḥ |
rākendusaṅkāśanakhaḥ komalāṅghrisaroruhaḥ || 150 ||

Verse 151

కచ్ఛపప్రపదః కున్దగుల్ఫకః స్వచ్ఛకూర్పరః ।
మేదురస్వర్ణవస్త్రాఢ్యకటిదేశస్థమేఖలః ॥ 151 ॥

kacchapaprapadaḥ kundagulphakaḥ svacchakūrparaḥ |
medurasvarṇavastrāḍhyakaṭideśasthamekhalaḥ || 151 ||

Verse 152

ప్రోల్లసచ్ఛురికాభాస్వత్కటిదేశః శుభఙ్కరః ।
అనన్తపద్మజస్థాననాభిర్మౌక్తికమాలికః ॥ 152 ॥

prollasacchurikābhāsvatkaṭideśaḥ śubhaṅkaraḥ |
anantapadmajasthānanābhirmauktikamālikaḥ || 152 ||

Verse 153

మన్దారచామ్పేయమాలీ రత్నాభరణసమ్భృతః ।
లమ్బయజ్ఞోపవీతీ చ చన్ద్రశ్రీఖణ్డలేపవాన్ ॥ 153 ॥

mandāracāmpeyamālī ratnābharaṇasambhṛtaḥ |
lambayajñopavītī ca candraśrīkhaṇḍalepavān || 153 ||

Verse 154

వరదోఽభయదశ్చక్రీ శఙ్ఖీ కౌస్తుభదీప్తిమాన్ ।
శ్రీవత్సాఙ్కితవక్షస్కో లక్ష్మీసంశ్రితహృత్తటః ॥ 154 ॥

varado'bhayadaścakrī śaṅkhī kaustubhadīptimān |
śrīvatsāṅkitavakṣasko lakṣmīsaṃśritahṛttaṭaḥ || 154 ||

Verse 155

నీలోత్పలనిభాకారః శోణామ్భోజసమాననః ।
కోటిమన్మథలావణ్యశ్చన్ద్రికాస్మితపూరితః ॥ 155 ॥

nīlotpalanibhākāraḥ śoṇāmbhojasamānanaḥ |
koṭimanmathalāvaṇyaścandrikāsmitapūritaḥ || 155 ||

Verse 156

సుధాస్వచ్ఛోర్ధ్వపుణ్డ్రశ్చ కస్తూరీతిలకాఞ్చితః ।
పుణ్డరీకేక్షణః స్వచ్ఛో మౌలిశోభావిరాజితః ॥ 156 ॥

sudhāsvacchordhvapuṇḍraśca kastūrītilakāñcitaḥ |
puṇḍarīkekṣaṇaḥ svaccho mauliśobhāvirājitaḥ || 156 ||

Verse 157

పద్మస్థః పద్మనాభశ్చ సోమమణ్డలగో బుధః ।
వహ్నిమణ్డలగః సూర్యః సూర్యమణ్డలసంస్థితః ॥ 157 ॥

padmasthaḥ padmanābhaśca somamaṇḍalago budhaḥ |
vahnimaṇḍalagaḥ sūryaḥ sūryamaṇḍalasaṃsthitaḥ || 157 ||

Verse 158

శ్రీపతిర్భూమిజానిశ్చ విమలాద్యభిసంవృతః ।
జగత్కుటుమ్బజనితా రక్షకః కామితప్రదః ॥ 158 ॥

śrīpatirbhūmijāniśca vimalādyabhisaṃvṛtaḥ |
jagatkuṭumbajanitā rakṣakaḥ kāmitapradaḥ || 158 ||

Verse 159

అవస్థాత్రయయన్తా చ విశ్వతేజస్స్వరూపవాన్ ।
జ్ఞప్తిర్జ్ఞేయో జ్ఞానగమ్యో జ్ఞానాతీతః సురాతిగః ॥ 159 ॥

avasthātrayayantā ca viśvatejassvarūpavān |
jñaptirjñeyo jñānagamyo jñānātītaḥ surātigaḥ || 159 ||

Verse 160

బ్రహ్మాణ్డాన్తర్బహిర్వ్యాప్తో వేఙ్కటాద్రిగదాధరః ।
వేఙ్కటాద్రిగదాధర ఓం నమః ఇతి ॥
ఏవం శ్రీవేఙ్కటేశస్య కీర్తితం పరమాద్భుతమ్ ॥ 160 ॥

brahmāṇḍāntarbahirvyāpto veṅkaṭādrigadādharaḥ |
veṅkaṭādrigadādhara oṃ namaḥ iti ||
evaṃ śrīveṅkaṭeśasya kīrtitaṃ paramādbhutam || 160 ||

Verse 1

నామ్నాం సహస్రం సంశ్రావ్యం పవిత్రం పుణ్యవర్ధనమ్ ।
శ్రవణాత్సర్వదోషఘ్నం రోగఘ్నం మృత్యునాశనమ్ ॥ 1 ॥

nāmnāṃ sahasraṃ saṃśrāvyaṃ pavitraṃ puṇyavardhanam |
śravaṇātsarvadoṣaghnaṃ rogaghnaṃ mṛtyunāśanam || 1 ||

Verse 2

దారిద్ర్యభేదనం ధర్మ్యం సర్వైశ్వర్యఫలప్రదమ్ ।
కాలాహివిషవిచ్ఛేది జ్వరాపస్మారభఞ్జనమ్ ॥ 2 ॥

dāridryabhedanaṃ dharmyaṃ sarvaiśvaryaphalapradam |
kālāhiviṣavicchedi jvarāpasmārabhañjanam || 2 ||

Verse 3

[శత్రుక్షయకరం రాజగ్రహపీడానివారణమ్ ।
బ్రహ్మరాక్షసకూష్మాణ్డభేతాలభయభఞ్జనమ్ ॥]
విద్యాభిలాషీ విద్యావాన్ ధనార్థీ ధనవాన్ భవేత్ ।
అనన్తకల్పజీవీ స్యాదాయుష్కామో మహాయశాః ॥ 3 ॥

[śatrukṣayakaraṃ rājagrahapīḍānivāraṇam |
brahmarākṣasakūṣmāṇḍabhetālabhayabhañjanam ||]
vidyābhilāṣī vidyāvān dhanārthī dhanavān bhavet |
anantakalpajīvī syādāyuṣkāmo mahāyaśāḥ || 3 ||

Verse 4

పుత్రార్థీ సుగుణాన్పుత్రాన్ లభేతాఽఽయుష్మతస్తతః ।
సఙ్గ్రామే శత్రువిజయీ సభాయాం ప్రతివాదిజిత్ ॥ 4 ॥

putrārthī suguṇānputrān labhetā''yuṣmatastataḥ |
saṅgrāme śatruvijayī sabhāyāṃ prativādijit || 4 ||

Verse 5

దివ్యైర్నామభిరేభిస్తు తులసీపూజనాత్సకృత్ ।
వైకుణ్ఠవాసీ భగవత్సదృశో విష్ణుసన్నిధౌ ॥ 5 ॥

divyairnāmabhirebhistu tulasīpūjanātsakṛt |
vaikuṇṭhavāsī bhagavatsadṛśo viṣṇusannidhau || 5 ||

Verse 6

కల్హారపూజనాన్మాసాత్ ద్వితీయ ఇవ యక్షరాట్ ।
నీలోత్పలార్చనాత్సర్వరాజపూజ్యః సదా భవేత్ ॥ 6 ॥

kalhārapūjanānmāsāt dvitīya iva yakṣarāṭ |
nīlotpalārcanātsarvarājapūjyaḥ sadā bhavet || 6 ||

Verse 7

హృత్సంస్థితైర్నామభిస్తు భూయాద్దృగ్విషయో హరిః ।
వాఞ్ఛితార్థం తదా దత్వా వైకుణ్ఠం చ ప్రయచ్ఛతి ॥ 7 ॥

hṛtsaṃsthitairnāmabhistu bhūyāddṛgviṣayo hariḥ |
vāñchitārthaṃ tadā datvā vaikuṇṭhaṃ ca prayacchati || 7 ||

Verse 8

త్రిసన్ధ్యం యో జపేన్నిత్యం సమ్పూజ్య విధినా విభుమ్ ।
త్రివారం పఞ్చవారం వా ప్రత్యహం క్రమశో యమీ ॥ 8 ॥

trisandhyaṃ yo japennityaṃ sampūjya vidhinā vibhum |
trivāraṃ pañcavāraṃ vā pratyahaṃ kramaśo yamī || 8 ||

Verse 9

మాసాదలక్ష్మీనాశః స్యాత్ ద్విమాసాత్ స్యాన్నరేన్ద్రతా ।
త్రిమాసాన్మహదైశ్వర్యం తతః సమ్భాషణం భవేత్ ॥ 9 ॥

māsādalakṣmīnāśaḥ syāt dvimāsāt syānnarendratā |
trimāsānmahadaiśvaryaṃ tataḥ sambhāṣaṇaṃ bhavet || 9 ||

Verse 10

మాసం పఠన్న్యూనకర్మపూర్తిం చ సమవాప్నుయాత్ ।
మార్గభ్రష్టశ్చ సన్మార్గం గతస్వః స్వం స్వకీయకమ్ ॥ 10 ॥

māsaṃ paṭhannyūnakarmapūrtiṃ ca samavāpnuyāt |
mārgabhraṣṭaśca sanmārgaṃ gatasvaḥ svaṃ svakīyakam || 10 ||

Verse 11

చాఞ్చల్యచిత్తోఽచాఞ్చల్యం మనస్స్వాస్థ్యం చ గచ్ఛతి ।
ఆయురారోగ్యమైశ్వర్యం జ్ఞానం మోక్షం చ విన్దతి ॥ 11 ॥

cāñcalyacitto'cāñcalyaṃ manassvāsthyaṃ ca gacchati |
āyurārogyamaiśvaryaṃ jñānaṃ mokṣaṃ ca vindati || 11 ||

Verse 12

సర్వాన్కామానవాప్నోతి శాశ్వతం చ పదం తథా ।
సత్యం సత్యం పునస్సత్యం సత్యం సత్యం న సంశయః ॥ 12 ॥

sarvānkāmānavāpnoti śāśvataṃ ca padaṃ tathā |
satyaṃ satyaṃ punassatyaṃ satyaṃ satyaṃ na saṃśayaḥ || 12 ||

ఇతి శ్రీ బ్రహ్మాణ్డపురాణే వసిష్ఠనారదసంవాదే శ్రీవేఙ్కటాచలమాహాత్మ్యే శ్రీ వేఙ్కటేశ సహస్రనామ స్తోత్రం సమాప్తమ్ ।

Sanskrit — Devanagari (original)

श्रीवसिष्ठ उवाच ।

भगवन् केन विधिना नामभिर्वेङ्कटेश्वरम् ।

पूजयामास तं देवं ब्रह्मा तु कमलैः शुभैः ॥ 1 ॥

पृच्छामि तानि नामानि गुणयोगपराणि किम् ।

मुख्यवृत्तीनि किं ब्रूहि लक्षकाण्यथवा हरेः ॥ 2 ॥

नारद उवाच ।

नामान्यनन्तानि हरेः गुणयोगानि कानि चित् ।

मुख्यवृत्तीनि चान्यानि लक्षकाण्यपराणि च ॥ 3 ॥

परमार्थैः सर्वशब्दैरेको ज्ञेयः परः पुमान् ।

आदिमध्यान्तरहितस्त्वव्यक्तोऽनन्तरूपभृत् ॥ 4 ॥

चन्द्रार्कवह्निवाय्वाद्या ग्रहर्क्षाणि नभो दिशः ।

अन्वयव्यतिरेकाभ्यां सन्ति नो सन्ति यन्मतेः ॥ 5 ॥

तस्य देवस्य नाम्नां हि पारं गन्तुं हि कः क्षमः ।

तथाऽपि चाभिधानानि वेङ्कटेशस्य कानिचित् ॥ 6 ॥

ब्रह्मगीतानि पुण्यानि तानि वक्ष्यामि सुव्रत ।

यदुच्चारणमात्रेण विमुक्ताघः परं व्रजेत् ॥ 7 ॥

वेङ्कटेशस्य नाम्नां हि सहस्रस्य ऋषिर्विधिः ।

छन्दोऽनुष्टुप्तथा देवः श्रीवत्साङ्को रमापतिः ॥ 8 ॥

बीजभूतस्तथोङ्कारो ह्रीं क्लीं शक्तिश्च कीलकम् ।

ॐ नमो वेङ्कटेशायेत्यादिर्मन्त्रोऽत्र कथ्यते ॥ 9 ॥

ब्रह्माण्डगर्भः कवचमस्त्रं चक्रगदाधरः ।

विनियोगोऽभीष्टसिद्धौ हृदयं सामगायनः ॥ 10 ॥

अस्य श्री वेङ्कटेश सहस्रनाम स्तोत्र महामन्त्रस्य ब्रह्मा ऋषिः अनुष्टुप् छन्दः श्रीवत्साङ्को रमापतिर्देवता ॐ बीजं ह्रीं शक्तिः क्लीं कीलकं ब्रह्माण्डगर्भ इति कवचं चक्रगदाधर इत्यस्त्रं सामगानमिति हृदयं ॐ नमो वेङ्कटेशायेत्यादिर्मन्त्रः श्री वेङ्कटेश प्रीत्यर्थे जपे विनियोगः ॥

ध्यानम्

भास्वच्चन्द्रमसौ यदीयनयने भार्या यदीया रमा

यस्माद्विश्वसृडप्यभूद्यमिकुलं यद्ध्यानयुक्तं सदा

नाथो यो जगतां नगेन्द्रदुहितुर्नाथोऽपि यद्भक्तिमान्

तातो यो मदनस्य यो दुरितहा तं वेङ्कटेशं भजे ॥

ऊर्ध्वौ हस्तौ यदीयौ सुररिपुदलने बिभ्रतौ शङ्खचक्रे

सेव्यावङ्घ्री स्वकीयावभिदधदधरो दक्षिणो यस्य पाणिः ।

तावन्मात्रं भवाब्धिं गमयति भजतामूरुगो वामपाणिः

श्रीवत्साङ्कश्च लक्ष्मीर्यदुरसि लसतस्तं भजे वेङ्कटेशम् ॥

इति ध्यायन् वेङ्कटेशं श्रीवत्साङ्कं रमापतिम् ।

वेङ्कटेशो विरूपाक्ष इत्यारभ्य जपेत्क्रमात् ॥

स्तोत्रं

ॐ वेङ्कटेशो विरूपाक्षो विश्वेशो विश्वभावनः ।

विश्वसृड्विश्वसंहर्ता विश्वप्राणो विराड्वपुः ॥ 1 ॥

शेषाद्रिनिलयोऽशेषभक्तदुःखप्रणाशनः ।

शेषस्तुत्यः शेषशायी विशेषज्ञो विभुः स्वभूः ॥ 2 ॥

विष्णुर्जिष्णुश्च वर्धिष्णुरुत्सहिष्णुः सहिष्णुकः ।

भ्राजिष्णुश्च ग्रसिष्णुश्च वर्तिष्णुश्च भरिष्णुकः ॥ 3 ॥

कालयन्ता कालगोप्ता कालः कालान्तकोऽखिलः ।

कालगम्यः कालकण्ठवन्द्यः कालकलेश्वरः ॥ 4 ॥

शम्भुः स्वयम्भूरम्भोजनाभिः स्तम्भितवारिधिः ।

अम्भोधिनन्दिनीजानिः शोणाम्भोजपदप्रभः ॥ 5 ॥

कम्बुग्रीवः शम्बरारिरूपः शम्बरजेक्षणः ।

बिम्बाधरो बिम्बरूपी प्रतिबिम्बक्रियातिगः ॥ 6 ॥

गुणवान् गुणगम्यश्च गुणातीतो गुणप्रियः ।

दुर्गुणध्वंसकृत्सर्वसुगुणो गुणभासकः ॥ 7 ॥

परेशः परमात्मा च परञ्ज्योतिः परा गतिः ।

परं पदं वियद्वासाः पारम्पर्यशुभप्रदः ॥ 8 ॥

ब्रह्माण्डगर्भो ब्रह्मण्यो ब्रह्मसृड्ब्रह्मबोधितः ।

ब्रह्मस्तुत्यो ब्रह्मवादी ब्रह्मचर्यपरायणः ॥ 9 ॥

सत्यव्रतार्थसन्तुष्टः सत्यरूपी झषाङ्गवान् ।

सोमकप्राणहारी चाऽऽनीताम्नायोऽब्धिसञ्चरः ॥ 10 ॥

देवासुरवरस्तुत्यः पतन्मन्दरधारकः ।

धन्वन्तरिः कच्छपाङ्गः पयोनिधिविमन्थकः ॥ 11 ॥

अमरामृतसन्धाता धृतसं‍मोहिनीवपुः ।

हरमोहकमायावी रक्षस्सन्दोहभञ्जनः ॥ 12 ॥

हिरण्याक्षविदारी च यज्ञो यज्ञविभावनः ।

यज्ञीयोर्वीसमुद्धर्ता लीलाक्रोडः प्रतापवान् ॥ 13 ॥

दण्डकासुरविध्वंसी वक्रदंष्ट्रः क्षमाधरः ।

गन्धर्वशापहरणः पुण्यगन्धो विचक्षणः ॥ 14 ॥

करालवक्त्रः सोमार्कनेत्रः षड्गुणवैभवः ।

श्वेतघोणी घूर्णितभ्रूर्घुर्घुरध्वनिविभ्रमः ॥ 15 ॥

द्राघीयान् नीलकेशी च जाग्रदम्बुजलोचनः ।

घृणावान् घृणिसम्मोहो महाकालाग्निदीधितिः ॥ 16 ॥

ज्वालाकरालवदनो महोल्काकुलवीक्षणः ।

सटानिर्भिन्नमेघौघो दंष्ट्रारुग्व्याप्तदिक्तटः ॥ 17 ॥

उच्छ्वासाकृष्टभूतेशो निश्श्वासत्यक्तविश्वसृट् ।

अन्तर्भ्रमज्जगद्गर्भोऽनन्तो ब्रह्मकपालहृत् ॥ 18 ॥

उग्रो वीरो महाविष्णुर्ज्वलनः सर्वतोमुखः ।

नृसिंहो भीषणो भद्रो मृत्युमृत्युः सनातनः ॥ 19 ॥

सभास्तम्भोद्भवो भीमः शीरोमाली महेश्वरः ।

द्वादशादित्यचूडालः कल्पधूमसटाच्छविः ॥ 20 ॥

हिरण्यकोरःस्थलभिन्नखः सिंहमुखोऽनघः ।

प्रह्लादवरदो धीमान् भक्तसङ्घप्रतिष्ठितः ॥ 21 ॥

ब्रह्मरुद्रादिसंसेव्यः सिद्धसाध्यप्रपूजितः ।

लक्ष्मीनृसिंहो देवेशो ज्वालाजिह्वान्त्रमालिकः ॥ 22 ॥

खड्गी खेटी महेष्वासी कपाली मुसली हली ।

पाशी शूली महाबाहुर्ज्वरघ्नो रोगलुण्ठकः ॥ 23 ॥

मौञ्जीयुक् छात्रको दण्डी कृष्णाजिनधरो वटुः ।

अधीतवेदो वेदान्तोद्धारको ब्रह्मनैष्ठिकः ॥ 24 ॥

अहीनशयनप्रीतः आदितेयोऽनघो हरिः ।

संवित्प्रियः सामवेद्यो बलिवेश्मप्रतिष्ठितः ॥ 25 ॥

बलिक्षालितपादाब्जो विन्ध्यावलिविमानितः ।

त्रिपादभूमिस्वीकर्ता विश्वरूपप्रदर्शकः ॥ 26 ॥

धृतत्रिविक्रमः स्वाङ्घ्रिनखभिन्नाण्डखर्परः ।

पज्जातवाहिनीधारापवित्रितजगत्त्रयः ॥ 27 ॥

विधिसम्मानितः पुण्यो दैत्ययोद्धा जयोर्जितः ।

सुरराज्यप्रदः शुक्रमदहृत्सुगतीश्वरः ॥ 28 ॥

जामदग्न्यः कुठारी च कार्तवीर्यविदारणः ।

रेणुकायाः शिरोहारी दुष्टक्षत्रियमर्दनः ॥ 29 ॥

वर्चस्वी दानशीलश्च धनुष्मान् ब्रह्मवित्तमः ।

अत्युदग्रः समग्रश्च न्यग्रोधो दुष्टनिग्रहः ॥ 30 ॥

रविवंशसमुद्भूतो राघवो भरताग्रजः ।

कौसल्यातनयो रामो विश्वामित्रप्रियङ्करः ॥ 31 ॥

ताटकारिः सुबाहुघ्नो बलातिबलमन्त्रवान् ।

अहल्याशापविच्छेदी प्रविष्टजनकालयः ॥ 32 ॥

स्वयंवरसभासंस्थ ईशचापप्रभञ्जनः ।

जानकीपरिणेता च जनकाधीशसंस्तुतः ॥ 33 ॥

जमदग्नितनूजातयोद्धाऽयोध्याधिपाग्रणीः ।

पितृवाक्यप्रतीपालस्त्यक्तराज्यः सलक्ष्मणः ॥ 34 ॥

ससीतश्चित्रकूटस्थो भरताहितराज्यकः ।

काकदर्पप्रहर्ता च दण्डकारण्यवासकः ॥ 35 ॥

पञ्चवट्यां विहारी च स्वधर्मपरिपोषकः ।

विराधहाऽगस्त्यमुख्यमुनिसम्मानितः पुमान् ॥ 36 ॥

इन्द्रचापधरः खड्गधरश्चाक्षयसायकः ।

खरान्तको दूषणारिस्त्रिशिरस्करिपुर्वृषः ॥ 37 ॥

ततः शूर्पणखानासाच्छेत्ता वल्कलधारकः ।

जटावान् पर्णशालास्थो मारीचबलमर्दकः ॥ 38 ॥

पक्षिराट्कृतसंवादो रवितेजा महाबलः ।

शबर्यानीतफलभुक् हनूमत्परितोषितः ॥ 39 ॥

सुग्रीवाऽभयदो दैत्यकायक्षेपणभासुरः ।

सप्ततालसमुच्छेत्ता वालिहृत्कपिसंवृतः ॥ 40 ॥

वायुसूनुकृतासेवस्त्यक्तपम्पः कुशासनः ।

उदन्वत्तीरगः शूरो विभीषणवरप्रदः ॥ 41 ॥

सेतुकृद्दैत्यहा प्राप्तलङ्कोऽलङ्कारवान् स्वयम् ।

अतिकायशिरश्छेत्ता कुम्भकर्णविभेदनः ॥ 42 ॥

दशकण्ठशिरोध्वंसी जाम्बवत्प्रमुखावृतः ।

जानकीशः सुराध्यक्षः साकेतेशः पुरातनः ॥ 43 ॥

पुण्यश्लोको वेदवेद्यः स्वामितीर्थनिवासकः ।

लक्ष्मीसरःकेलिलोलो लक्ष्मीशो लोकरक्षकः ॥ 44 ॥

देवकीगर्भसम्भूतो यशोदेक्षणलालितः ।

वसुदेवकृतस्तोत्रो नन्दगोपमनोहरः ॥ 45 ॥

चतुर्भुजः कोमलाङ्गो गदावान्नीलकुन्तलः ।

पूतनाप्राणसंहर्ता तृणावर्तविनाशनः ॥ 46 ॥

गर्गारोपितनामाङ्को वासुदेवो ह्यधोक्षजः ।

गोपिकास्तन्यपायी च बलभद्रानुजोऽच्युतः ॥ 47 ॥

वैयाघ्रनखभूषश्च वत्सजिद्वत्सवर्धनः ।

क्षीरसाराशनरतो दधिभाण्डप्रमर्दनः ॥ 48 ॥

नवनीतापहर्ता च नीलनीरदभासुरः ।

आभीरदृष्टदौर्जन्यो नीलपद्मनिभाननः ॥ 49 ॥

मातृदर्शितविश्वाऽऽस्य उलूखलनिबन्धनः ।

नलकूबरशापान्तो गोधूलिच्छुरिताङ्गकः ॥ 50 ॥

गोसङ्घरक्षकः श्रीशो बृन्दारण्यनिवासकः ।

वत्सान्तको बकद्वेषी दैत्याम्बुदमहानिलः ॥ 51 ॥

महाजगरचण्डाग्निः शकटप्राणकण्टकः ।

इन्द्रसेव्यः पुण्यगात्रः खरजिच्चण्डदीधितिः ॥ 52 ॥

तालपक्वफलाशी च कालीयफणिदर्पहा ।

नागपत्नीस्तुतिप्रीतः प्रलम्बासुरखण्डनः ॥ 53 ॥

दावाग्निबलसंहारी फलाहारी गदाग्रजः ।

गोपाङ्गनाचेलचोरः पाथोलीलाविशारदः ॥ 54 ॥

वंशगानप्रवीणश्च गोपीहस्ताम्बुजार्चितः ।

मुनिपत्न्याहृताहारो मुनिश्रेष्ठो मुनिप्रियः ॥ 55 ॥

गोवर्धनाद्रिसन्धर्ता सङ्क्रन्दनतमोऽपहः ।

सदुद्यानविलासी च रासक्रीडापरायणः ॥ 56 ॥

वरुणाभ्यर्चितो गोपीप्रार्थितः पुरुषोत्तमः ।

अक्रूरस्तुतिसम्प्रीतः कुब्जायौवनदायकः ॥ 57 ॥

मुष्टिकोरःप्रहारी च चाणूरोदरदारणः ।

मल्लयुद्धाग्रगण्यश्च पितृबन्धनमोचकः ॥ 58 ॥

मत्तमातङ्गपञ्चास्यः कंसग्रीवानिकृन्तनः ।

उग्रसेनप्रतिष्ठाता रत्नसिंहासनस्थितः ॥ 59 ॥

कालनेमिखलद्वेषी मुचुकुन्दवरप्रदः ।

साल्वसेवितदुर्धर्षराजस्मयनिवारणः ॥ 60 ॥

रुक्मिगर्वापहारी च रुक्मिणीनयनोत्सवः ।

प्रद्युम्नजनकः कामी प्रद्युम्नो द्वारकाधिपः ॥ 61 ॥

मण्याहर्ता महामायो जाम्बवत्कृतसङ्गरः ।

जाम्बूनदाम्बरधरो गम्यो जाम्बवतीविभुः ॥ 62 ॥

कालिन्दीप्रथितारामकेलिर्गुञ्जावतंसकः ।

मन्दारसुमनोभास्वान् शचीशाभीष्टदायकः ॥ 63 ॥

सत्राजिन्मानसोल्लासी सत्याजानिः शुभावहः ।

शतधन्वहरः सिद्धः पाण्डवप्रियकोत्सवः ॥ 64 ॥

भद्रप्रियः सुभद्राया भ्राता नाग्नाजितीविभुः ।

किरीटकुण्डलधरः कल्पपल्लवलालितः ॥ 65 ॥

भैष्मीप्रणयभाषावान् मित्रविन्दाधिपोऽभयः ।

स्वमूर्तिकेलिसम्प्रीतो लक्ष्मणोदारमानसः ॥ 66 ॥

प्राग्ज्योतिषाधिपध्वंसी तत्सैन्यान्तकरोऽमृतः ।

भूमिस्तुतो भूरिभोगो भूषणाम्बरसंयुतः ॥ 67 ॥

बहुरामाकृताह्लादो गन्धमाल्यानुलेपनः ।

नारदादृष्टचरितो देवेशो विश्वराड्गुरुः ॥ 68 ॥

बाणबाहुविदारश्च तापज्वरविनाशकः ।

उषोद्धर्षयिताऽव्यक्तः शिववाक्तुष्टमानसः ॥ 69 ॥

महेशज्वरसंस्तुत्यः शीतज्वरभयान्तकः ।

नृगराजोद्धारकश्च पौण्ड्रकादिवधोद्यतः ॥ 70 ॥

विविधारिच्छलोद्विग्नब्राह्मणेषु दयापरः ।

जरासन्धबलद्वेषी केशिदैत्यभयङ्करः ॥ 71 ॥

चक्री चैद्यान्तकः सभ्यो राजबन्धविमोचकः ।

राजसूयहविर्भोक्ता स्निग्धाङ्गः शुभलक्षणः ॥ 72 ॥

धानाभक्षणसम्प्रीतः कुचेलाभीष्टदायकः ।

सत्त्वादिगुणगम्भीरो द्रौपदीमानरक्षकः ॥ 73 ॥

भीष्मध्येयो भक्तवश्यो भीमपूज्यो दयानिधिः ।

दन्तवक्त्रशिरश्छेत्ता कृष्णः कृष्णासखः स्वराट् ॥ 74 ॥

वैजयन्तीप्रमोदी च बर्हिबर्हविभूषणः ।

पार्थकौरवसन्धानकारी दुश्शासनान्तकः ॥ 75 ॥

बुद्धो विशुद्धः सर्वज्ञः क्रतुहिंसाविनिन्दकः ।

त्रिपुरस्त्रीमानभङ्गः सर्वशास्त्रविशारदः ॥ 76 ॥

निर्विकारो निर्ममश्च निराभासो निरामयः ।

जगन्मोहकधर्मी च दिग्वस्त्रो दिक्पतीश्वरः ॥ 77 ॥

कल्की म्लेच्छप्रहर्ता च दुष्टनिग्रहकारकः ।

धर्मप्रतिष्टाकारी च चातुर्वर्ण्यविभागकृत् ॥ 78 ॥

युगान्तको युगाक्रान्तो युगकृद्युगभासकः ।

कामारिः कामकारी च निष्कामः कामितार्थदः ॥ 79 ॥

भर्गो वरेण्यः सवितुः शार्ङ्गी वैकुण्ठमन्दिरः ।

हयग्रीवः कैटभारिः ग्राहघ्नो गजरक्षकः ॥ 80 ॥

सर्वसंशयविच्छेत्ता सर्वभक्तसमुत्सुकः ।

कपर्दी कामहारी च कला काष्ठा स्मृतिर्धृतिः ॥ 81 ॥

अनादिरप्रमेयौजाः प्रधानः सन्निरूपकः ।

निर्लेपो निःस्पृहोऽसङ्गो निर्भयो नीतिपारगः ॥ 82 ॥

निष्प्रेष्यो निष्क्रियः शान्तो निष्प्रपञ्चो निधिर्नयः

कर्म्यकर्मी विकर्मी च कर्मेप्सुः कर्मभावनः ॥ 83 ॥

कर्माङ्गः कर्मविन्यासो महाकर्मी महाव्रती ।

कर्मभुक्कर्मफलदः कर्मेशः कर्मनिग्रहः ॥ 84 ॥

नरो नारायणो दान्तः कपिलः कामदः शुचिः ।

तप्ता जप्ताऽक्षमालावान् गन्ता नेता लयो गतिः ॥ 85 ॥

शिष्टो द्रष्टा रिपुद्वेष्टा रोष्टा वेष्टा महानटः ।

रोद्धा बोद्धा महायोद्धा श्रद्धावान् सत्यधीः शुभः ॥ 86 ॥

मन्त्री मन्त्रो मन्त्रगम्यो मन्त्रकृत्परमन्त्रहृत् ।

मन्त्रभृन्मन्त्रफलदो मन्त्रेशो मन्त्रविग्रहः ॥ 87 ॥

मन्त्राङ्गो मन्त्रविन्यासो महामन्त्रो महाक्रमः ।

स्थिरधीः स्थिरविज्ञानः स्थिरप्रज्ञः स्थिरासनः ॥ 88 ॥

स्थिरयोगः स्थिराधारः स्थिरमार्गः स्थिरागमः ।

निश्श्रेयसो निरीहोऽग्निर्निरवद्यो निरञ्जनः ॥ 89 ॥

निर्वैरो निरहङ्कारो निर्दम्भो निरसूयकः ।

अनन्तोऽनन्तबाहूरुरनन्ताङ्घ्रिरनन्तदृक् ॥ 90 ॥

अनन्तवक्त्रोऽनन्ताङ्गोऽनन्तरूपो ह्यनन्तकृत् ।

ऊर्ध्वरेता ऊर्ध्वलिङ्गो ह्यूर्ध्वमूर्धोर्ध्वशाखकः ॥ 91 ॥

ऊर्ध्व ऊर्ध्वाध्वरक्षी च ह्यूर्ध्वज्वालो निराकुलः ।

बीजं बीजप्रदो नित्यो निदानं निष्कृतिः कृती ॥ 92 ॥

महानणीयन् गरिमा सुषमा चित्रमालिकः ।

नभः स्पृङ्नभसो ज्योतिर्नभस्वान्निर्नभा नभः ॥ 93 ॥

अभुर्विभुः प्रभुः शम्भुर्महीयान् भूर्भुवाकृतिः ।

महानन्दो महाशूरो महोराशिर्महोत्सवः ॥ 94 ॥

महाक्रोधो महाज्वालो महाशान्तो महागुणः ।

सत्यव्रतः सत्यपरः सत्यसन्धः सतां गतिः ॥ 95 ॥

सत्येशः सत्यसङ्कल्पः सत्यचारित्रलक्षणः ।

अन्तश्चरो ह्यन्तरात्मा परमात्मा चिदात्मकः ॥ 96 ॥

रोचनो रोचमानश्च साक्षी शौरिर्जनार्दनः ।

मुकुन्दो नन्दनिष्पन्दः स्वर्णबिन्दुः पुरन्दरः ॥ 97 ॥

अरिन्दमः सुमन्दश्च कुन्दमन्दारहासवान् ।

स्यन्दनारूढचण्डाङ्गो ह्यानन्दी नन्दनन्दनः ॥ 98 ॥

अनसूयानन्दनोऽत्रिनेत्रानन्दः सुनन्दवान् ।

शङ्खवान्पङ्कजकरः कुङ्कुमाङ्को जयाङ्कुशः ॥ 99 ॥

अम्भोजमकरन्दाढ्यो निष्पङ्कोऽगरुपङ्किलः ।

इन्द्रश्चन्द्ररथश्चन्द्रोऽतिचन्द्रश्चन्द्रभासकः ॥ 100 ॥

उपेन्द्र इन्द्रराजश्च वागिन्द्रश्चन्द्रलोचनः ।

प्रत्यक् पराक् परन्धाम परमार्थः परात्परः ॥ 101 ॥

अपारवाक् पारगामी पारावारः परावरः ।

सहस्वानर्थदाता च सहनः साहसी जयी ॥ 102 ॥

तेजस्वी वायुविशिखी तपस्वी तापसोत्तमः ।

ऐश्वर्योद्भूतिकृद्भूतिरैश्वर्याङ्गकलापवान् ॥ 103 ॥

अम्भोधिशायी भगवान् सर्वज्ञः सामपारगः ।

महायोगी महाधीरो महाभोगी महाप्रभुः ॥ 104 ॥

महावीरो महातुष्टिर्महापुष्टिर्महागुणः ।

महादेवो महाबाहुर्महाधर्मो महेश्वरः ॥ 105 ॥

समीपगो दूरगामी स्वर्गमार्गनिरर्गलः ।

नगो नगधरो नागो नागेशो नागपालकः ॥ 106 ॥

हिरण्मयः स्वर्णरेता हिरण्यार्चिर्हिरण्यदः ।

गुणगण्यः शरण्यश्च पुण्यकीर्तिः पुराणगः ॥ 107 ॥

जन्यभृज्जन्यसन्नद्धो दिव्यपञ्चायुधो वशी ।

दौर्जन्यभङ्गः पर्जन्यः सौजन्यनिलयोऽलयः ॥ 108 ॥

जलन्धरान्तको भस्मदैत्यनाशी महामनाः ।

श्रेष्ठः श्रविष्ठो द्राघिष्ठो गरिष्ठो गरुडध्वजः ॥ 109 ॥

ज्येष्ठो द्रढिष्ठो वर्षिष्ठो द्राघीयान् प्रणवः फणी ।

सम्प्रदायकरः स्वामी सुरेशो माधवो मधुः ॥ 110 ॥

निर्निमेषो विधिर्वेधा बलवान् जीवनं बली ।

स्मर्ता श्रोता विकर्ता च ध्याता नेता समोऽसमः ॥ 111 ॥

होता पोता महावक्ता रन्ता मन्ता खलान्तकः ।

दाता ग्राहयिता माता नियन्ताऽनन्तवैभवः ॥ 112 ॥

गोप्ता गोपयिता हन्ता धर्मजागरिता धवः ।

कर्ता क्षेत्रकरः क्षेत्रप्रदः क्षेत्रज्ञ आत्मवित् ॥ 113 ॥

क्षेत्री क्षेत्रहरः क्षेत्रप्रियः क्षेमकरो मरुत् ।

भक्तिप्रदो मुक्तिदायी शक्तिदो युक्तिदायकः ॥ 114 ॥

शक्तियुङ्मौक्तिकस्रग्वी सूक्तिराम्नायसूक्तिगः ।

धनञ्जयो धनाध्यक्षो धनिको धनदाधिपः ॥ 115 ॥

महाधनो महामानी दुर्योधनविमानितः ।

रत्नाकरो रत्नरोची रत्नगर्भाश्रयः शुचिः ॥ 116 ॥

रत्नसानुनिधिर्मौलिरत्नभा रत्नकङ्कणः ।

अन्तर्लक्ष्योऽन्तरभ्यासी चान्तर्ध्येयो जितासनः ॥ 117 ॥

अन्तरङ्गो दयावांश्च ह्यन्तर्मायो महार्णवः ।

सरसः सिद्धरसिकः सिद्धिः साध्यः सदागतिः ॥ 118 ॥

आयुःप्रदो महायुष्मानर्चिष्मानोषधीपतिः ।

अष्टश्रीरष्टभागोऽष्टककुब्व्याप्तयशो व्रती ॥ 119 ॥

अष्टापदः सुवर्णाभो ह्यष्टमूर्तिस्त्रिमूर्तिमान् ।

अस्वप्नः स्वप्नगः स्वप्नः सुस्वप्नफलदायकः ॥ 120 ॥

दुःस्वप्नध्वंसको ध्वस्तदुर्निमित्तः शिवङ्करः ।

सुवर्णवर्णः सम्भाव्यो वर्णितो वर्णसम्मुखः ॥ 121 ॥

सुवर्णमुखरीतीरशिवध्यातपदाम्बुजः ।

दाक्षायणीवचस्तुष्टो दूर्वासोदृष्टिगोचरः ॥ 122 ॥

अम्बरीषव्रतप्रीतो महाकृत्तिविभञ्जनः ।

महाभिचारकध्वंसी कालसर्पभयान्तकः ॥ 123 ॥

सुदर्शनः कालमेघश्यामः श्रीमन्त्रभावितः ।

हेमाम्बुजसरःस्नायी श्रीमनोभाविताकृतिः ॥ 124 ॥

श्रीप्रदत्ताम्बुजस्रग्वी श्रीकेलिः श्रीनिधिर्भवः ।

श्रीप्रदो वामनो लक्ष्मीनायकश्च चतुर्भुजः ॥ 125 ॥

सन्तृप्तस्तर्पितस्तीर्थस्नातृसौख्यप्रदर्शकः ।

अगस्त्यस्तुतिसंहृष्टो दर्शिताव्यक्तभावनः ॥ 126 ॥

कपिलार्चिः कपिलवान् सुस्नाताघविपाटनः ।

वृषाकपिः कपिस्वामिमनोऽन्तःस्थितविग्रहः ॥ 127 ॥

वह्निप्रियोऽर्थसम्भाव्यो जनलोकविधायकः ।

वह्निप्रभो वह्नितेजाः शुभाभीष्टप्रदो यमी ॥ 128 ॥

वारुणक्षेत्रनिलयो वरुणो वारणार्चितः ।

वायुस्थानकृतावासो वायुगो वायुसम्भृतः ॥ 129 ॥

यमान्तकोऽभिजननो यमलोकनिवारणः ।

यमिनामग्रगण्यश्च संयमी यमभावितः ॥ 130 ॥

इन्द्रोद्यानसमीपस्थः इन्द्रदृग्विषयः प्रभुः ।

यक्षराट् सरसीवासो ह्यक्षय्यनिधिकोशकृत् ॥ 131 ॥

स्वामितीर्थकृतावासः स्वामिध्येयो ह्यधोक्षजः ।

वराहाद्यष्टतीर्थाभिसेविताङ्घ्रिसरोरुहः ॥ 132 ॥

पाण्डुतीर्थाभिषिक्ताङ्गो युधिष्ठिरवरप्रदः ।

भीमान्तःकरणारूढः श्वेतवाहनसख्यवान् ॥ 133 ॥

नकुलाभयदो माद्रीसहदेवाभिवन्दितः ।

कृष्णाशपथसन्धाता कुन्तीस्तुतिरतो दमी ॥ 134 ॥

नारदादिमुनिस्तुत्यो नित्यकर्मपरायणः ।

दर्शिताव्यक्तरूपश्च वीणानादप्रमोदितः ॥ 135 ॥

षट्कोटितीर्थचर्यावान् देवतीर्थकृताश्रमः ।

बिल्वामलजलस्नायी सरस्वत्यम्बुसेवितः ॥ 136 ॥

तुम्बुरूदकसंस्पर्शजनचित्ततमोऽपहः ।

मत्स्यवामनकूर्मादितीर्थराजः पुराणभृत् ॥ 137 ॥

चक्रध्येयपदाम्भोजः शङ्खपूजितपादुकः ।

रामतीर्थविहारी च बलभद्रप्रतिष्ठितः ॥ 138 ॥

जामदग्न्यसरस्तीर्थजलसेचनतर्पितः ।

पापापहारिकीलालसुस्नाताघविनाशनः ॥ 139 ॥

नभोगङ्गाभिषिक्तश्च नागतीर्थाभिषेकवान् ।

कुमारधारातीर्थस्थो वटुवेषः सुमेखलः ॥ 140 ॥

वृद्धस्य सुकुमारत्वप्रदः सौन्दर्यवान् सुखी ।

प्रियंवदो महाकुक्षिरिक्ष्वाकुकुलनन्दनः ॥ 141 ॥

नीलगोक्षीरधाराभूर्वराहाचलनायकः ।

भरद्वाजप्रतिष्ठावान् बृहस्पतिविभावितः ॥ 142 ॥

अञ्जनाकृतपूजावान् आञ्जनेयकरार्चितः ।

अञ्जनाद्रिनिवासश्च मुञ्जकेशः पुरन्दरः ॥ 143 ॥

किन्नरद्वयसम्बन्धिबन्धमोक्षप्रदायकः ।

वैखानसमखारम्भो वृषज्ञेयो वृषाचलः ॥ 144 ॥

वृषकायप्रभेत्ता च क्रीडनाचारसम्भ्रमः ।

सौवर्चलेयविन्यस्तराज्यो नारायणः प्रियः ॥ 145 ॥

दुर्मेधोभञ्जकः प्राज्ञो ब्रह्मोत्सवमहोत्सुकः ।

भद्रासुरशिरश्छेत्ता भद्रक्षेत्री सुभद्रवान् ॥ 146 ॥

मृगयाऽक्षीणसन्नाहः शङ्खराजन्यतुष्टिदः ।

स्थाणुस्थो वैनतेयाङ्गभावितो ह्यशरीरवान् ॥ 147 ॥

भोगीन्द्रभोगसंस्थानो ब्रह्मादिगणसेवितः ।

सहस्रार्कच्छटाभास्वद्विमानान्तःस्थितो गुणी ॥ 148 ॥

विष्वक्सेनकृतस्तोत्रः सनन्दनवरीवृतः ।

जाह्नव्यादिनदीसेव्यः सुरेशाद्यभिवन्दितः ॥ 149 ॥

सुराङ्गनानृत्यपरो गन्धर्वोद्गायनप्रियः ।

राकेन्दुसङ्काशनखः कोमलाङ्घ्रिसरोरुहः ॥ 150 ॥

कच्छपप्रपदः कुन्दगुल्फकः स्वच्छकूर्परः ।

मेदुरस्वर्णवस्त्राढ्यकटिदेशस्थमेखलः ॥ 151 ॥

प्रोल्लसच्छुरिकाभास्वत्कटिदेशः शुभङ्करः ।

अनन्तपद्मजस्थाननाभिर्मौक्तिकमालिकः ॥ 152 ॥

मन्दारचाम्पेयमाली रत्नाभरणसम्भृतः ।

लम्बयज्ञोपवीती च चन्द्रश्रीखण्डलेपवान् ॥ 153 ॥

वरदोऽभयदश्चक्री शङ्खी कौस्तुभदीप्तिमान् ।

श्रीवत्साङ्कितवक्षस्को लक्ष्मीसंश्रितहृत्तटः ॥ 154 ॥

नीलोत्पलनिभाकारः शोणाम्भोजसमाननः ।

कोटिमन्मथलावण्यश्चन्द्रिकास्मितपूरितः ॥ 155 ॥

सुधास्वच्छोर्ध्वपुण्ड्रश्च कस्तूरीतिलकाञ्चितः ।

पुण्डरीकेक्षणः स्वच्छो मौलिशोभाविराजितः ॥ 156 ॥

पद्मस्थः पद्मनाभश्च सोममण्डलगो बुधः ।

वह्निमण्डलगः सूर्यः सूर्यमण्डलसंस्थितः ॥ 157 ॥

श्रीपतिर्भूमिजानिश्च विमलाद्यभिसंवृतः ।

जगत्कुटुम्बजनिता रक्षकः कामितप्रदः ॥ 158 ॥

अवस्थात्रययन्ता च विश्वतेजस्स्वरूपवान् ।

ज्ञप्तिर्ज्ञेयो ज्ञानगम्यो ज्ञानातीतः सुरातिगः ॥ 159 ॥

ब्रह्माण्डान्तर्बहिर्व्याप्तो वेङ्कटाद्रिगदाधरः ।

वेङ्कटाद्रिगदाधर ॐ नमः इति ॥

एवं श्रीवेङ्कटेशस्य कीर्तितं परमाद्भुतम् ॥ 160 ॥

नाम्नां सहस्रं संश्राव्यं पवित्रं पुण्यवर्धनम् ।

श्रवणात्सर्वदोषघ्नं रोगघ्नं मृत्युनाशनम् ॥ 1 ॥

दारिद्र्यभेदनं धर्म्यं सर्वैश्वर्यफलप्रदम् ।

कालाहिविषविच्छेदि ज्वरापस्मारभञ्जनम् ॥ 2 ॥

[शत्रुक्षयकरं राजग्रहपीडानिवारणम् ।

ब्रह्मराक्षसकूष्माण्डभेतालभयभञ्जनम् ॥]

विद्याभिलाषी विद्यावान् धनार्थी धनवान् भवेत् ।

अनन्तकल्पजीवी स्यादायुष्कामो महायशाः ॥ 3 ॥

पुत्रार्थी सुगुणान्पुत्रान् लभेताऽऽयुष्मतस्ततः ।

सङ्ग्रामे शत्रुविजयी सभायां प्रतिवादिजित् ॥ 4 ॥

दिव्यैर्नामभिरेभिस्तु तुलसीपूजनात्सकृत् ।

वैकुण्ठवासी भगवत्सदृशो विष्णुसन्निधौ ॥ 5 ॥

कल्हारपूजनान्मासात् द्वितीय इव यक्षराट् ।

नीलोत्पलार्चनात्सर्वराजपूज्यः सदा भवेत् ॥ 6 ॥

हृत्संस्थितैर्नामभिस्तु भूयाद्दृग्विषयो हरिः ।

वाञ्छितार्थं तदा दत्वा वैकुण्ठं च प्रयच्छति ॥ 7 ॥

त्रिसन्ध्यं यो जपेन्नित्यं सम्पूज्य विधिना विभुम् ।

त्रिवारं पञ्चवारं वा प्रत्यहं क्रमशो यमी ॥ 8 ॥

मासादलक्ष्मीनाशः स्यात् द्विमासात् स्यान्नरेन्द्रता ।

त्रिमासान्महदैश्वर्यं ततः सम्भाषणं भवेत् ॥ 9 ॥

मासं पठन्न्यूनकर्मपूर्तिं च समवाप्नुयात् ।

मार्गभ्रष्टश्च सन्मार्गं गतस्वः स्वं स्वकीयकम् ॥ 10 ॥

चाञ्चल्यचित्तोऽचाञ्चल्यं मनस्स्वास्थ्यं च गच्छति ।

आयुरारोग्यमैश्वर्यं ज्ञानं मोक्षं च विन्दति ॥ 11 ॥

सर्वान्कामानवाप्नोति शाश्वतं च पदं तथा ।

सत्यं सत्यं पुनस्सत्यं सत्यं सत्यं न संशयः ॥ 12 ॥

इति श्री ब्रह्माण्डपुराणे वसिष्ठनारदसंवादे श्रीवेङ्कटाचलमाहात्म्ये श्री वेङ्कटेश सहस्रनाम स्तोत्रं समाप्तम् ।

🕉️ This is the original Sanskrit rendered in Telugu script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

శ్రీ వేఙ్కటేశ్వర సహస్రనామ స్తోత్రమ్