Shri Venkateshvara Sahasranama Stotram — Malayalam Script

Meaning —

ശ്രീവസിഷ്ഠ ഉവാച ।

Verse 1

ഭഗവന് കേന വിധിനാ നാമഭിര്വേങ്കടേശ്വരമ് ।
പൂജയാമാസ തം ദേവം ബ്രഹ്മാ തു കമലൈഃ ശുഭൈഃ ॥ 1 ॥

bhagavan kena vidhinā nāmabhirveṅkaṭeśvaram |
pūjayāmāsa taṃ devaṃ brahmā tu kamalaiḥ śubhaiḥ || 1 ||

Verse 2

പൃച്ഛാമി താനി നാമാനി ഗുണയോഗപരാണി കിമ് ।
മുഖ്യവൃത്തീനി കിം ബ്രൂഹി ലക്ഷകാണ്യഥവാ ഹരേഃ ॥ 2 ॥

pṛcchāmi tāni nāmāni guṇayogaparāṇi kim |
mukhyavṛttīni kiṃ brūhi lakṣakāṇyathavā hareḥ || 2 ||

നാരദ ഉവാച ।

Verse 3

നാമാന്യനന്താനി ഹരേഃ ഗുണയോഗാനി കാനി ചിത് ।
മുഖ്യവൃത്തീനി ചാന്യാനി ലക്ഷകാണ്യപരാണി ച ॥ 3 ॥

nāmānyanantāni hareḥ guṇayogāni kāni cit |
mukhyavṛttīni cānyāni lakṣakāṇyaparāṇi ca || 3 ||

Verse 4

പരമാര്ഥൈഃ സര്വശബ്ദൈരേകോ ജ്ഞേയഃ പരഃ പുമാന് ।
ആദിമധ്യാന്തരഹിതസ്ത്വവ്യക്തോഽനന്തരൂപഭൃത് ॥ 4 ॥

paramārthaiḥ sarvaśabdaireko jñeyaḥ paraḥ pumān |
ādimadhyāntarahitastvavyakto'nantarūpabhṛt || 4 ||

Verse 5

ചന്ദ്രാര്കവഹ്നിവായ്വാദ്യാ ഗ്രഹര്ക്ഷാണി നഭോ ദിശഃ ।
അന്വയവ്യതിരേകാഭ്യാം സന്തി നോ സന്തി യന്മതേഃ ॥ 5 ॥

candrārkavahnivāyvādyā graharkṣāṇi nabho diśaḥ |
anvayavyatirekābhyāṃ santi no santi yanmateḥ || 5 ||

Verse 6

തസ്യ ദേവസ്യ നാമ്നാം ഹി പാരം ഗന്തും ഹി കഃ ക്ഷമഃ ।
തഥാഽപി ചാഭിധാനാനി വേങ്കടേശസ്യ കാനിചിത് ॥ 6 ॥

tasya devasya nāmnāṃ hi pāraṃ gantuṃ hi kaḥ kṣamaḥ |
tathā'pi cābhidhānāni veṅkaṭeśasya kānicit || 6 ||

Verse 7

ബ്രഹ്മഗീതാനി പുണ്യാനി താനി വക്ഷ്യാമി സുവ്രത ।
യദുച്ചാരണമാത്രേണ വിമുക്താഘഃ പരം വ്രജേത് ॥ 7 ॥

brahmagītāni puṇyāni tāni vakṣyāmi suvrata |
yaduccāraṇamātreṇa vimuktāghaḥ paraṃ vrajet || 7 ||

Verse 8

വേങ്കടേശസ്യ നാമ്നാം ഹി സഹസ്രസ്യ ഋഷിര്വിധിഃ ।
ഛന്ദോഽനുഷ്ടുപ്തഥാ ദേവഃ ശ്രീവത്സാങ്കോ രമാപതിഃ ॥ 8 ॥

veṅkaṭeśasya nāmnāṃ hi sahasrasya ṛṣirvidhiḥ |
chando'nuṣṭuptathā devaḥ śrīvatsāṅko ramāpatiḥ || 8 ||

Verse 9

ബീജഭൂതസ്തഥോങ്കാരോ ഹ്രീം ക്ലീം ശക്തിശ്ച കീലകമ് ।
ഓം നമോ വേങ്കടേശായേത്യാദിര്മന്ത്രോഽത്ര കഥ്യതേ ॥ 9 ॥

bījabhūtastathoṅkāro hrīṃ klīṃ śaktiśca kīlakam |
oṃ namo veṅkaṭeśāyetyādirmantro'tra kathyate || 9 ||

Verse 10

ബ്രഹ്മാണ്ഡഗര്ഭഃ കവചമസ്ത്രം ചക്രഗദാധരഃ ।
വിനിയോഗോഽഭീഷ്ടസിദ്ധൌ ഹൃദയം സാമഗായനഃ ॥ 10 ॥

brahmāṇḍagarbhaḥ kavacamastraṃ cakragadādharaḥ |
viniyogo'bhīṣṭasiddhau hṛdayaṃ sāmagāyanaḥ || 10 ||

അസ്യ ശ്രീ വേങ്കടേശ സഹസ്രനാമ സ്തോത്ര മഹാമന്ത്രസ്യ ബ്രഹ്മാ ഋഷിഃ അനുഷ്ടുപ് ഛന്ദഃ ശ്രീവത്സാങ്കോ രമാപതിര്ദേവതാ ഓം ബീജം ഹ്രീം ശക്തിഃ ക്ലീം കീലകം ബ്രഹ്മാണ്ഡഗര്ഭ ഇതി കവചം ചക്രഗദാധര ഇത്യസ്ത്രം സാമഗാനമിതി ഹൃദയം ഓം നമോ വേങ്കടേശായേത്യാദിര്മന്ത്രഃ ശ്രീ വേങ്കടേശ പ്രീത്യര്ഥേ ജപേ വിനിയോഗഃ ॥
ധ്യാനമ്
ഭാസ്വച്ചന്ദ്രമസൌ യദീയനയനേ ഭാര്യാ യദീയാ രമാ
യസ്മാദ്വിശ്വസൃഡപ്യഭൂദ്യമികുലം യദ്ധ്യാനയുക്തം സദാ
നാഥോ യോ ജഗതാം നഗേന്ദ്രദുഹിതുര്നാഥോഽപി യദ്ഭക്തിമാന്
താതോ യോ മദനസ്യ യോ ദുരിതഹാ തം വേങ്കടേശം ഭജേ ॥
ഊര്ധ്വൌ ഹസ്തൌ യദീയൌ സുരരിപുദലനേ ബിഭ്രതൌ ശങ്ഖചക്രേ
സേവ്യാവങ്ഘ്രീ സ്വകീയാവഭിദധദധരോ ദക്ഷിണോ യസ്യ പാണിഃ ।
താവന്മാത്രം ഭവാബ്ധിം ഗമയതി ഭജതാമൂരുഗോ വാമപാണിഃ
ശ്രീവത്സാങ്കശ്ച ലക്ഷ്മീര്യദുരസി ലസതസ്തം ഭജേ വേങ്കടേശമ് ॥

asya śrī veṅkaṭeśa sahasranāma stotra mahāmantrasya brahmā ṛṣiḥ anuṣṭup chandaḥ śrīvatsāṅko ramāpatirdevatā oṃ bījaṃ hrīṃ śaktiḥ klīṃ kīlakaṃ brahmāṇḍagarbha iti kavacaṃ cakragadādhara ityastraṃ sāmagānamiti hṛdayaṃ oṃ namo veṅkaṭeśāyetyādirmantraḥ śrī veṅkaṭeśa prītyarthe jape viniyogaḥ ||
dhyānam
bhāsvaccandramasau yadīyanayane bhāryā yadīyā ramā
yasmādviśvasṛḍapyabhūdyamikulaṃ yaddhyānayuktaṃ sadā
nātho yo jagatāṃ nagendraduhiturnātho'pi yadbhaktimān
tāto yo madanasya yo duritahā taṃ veṅkaṭeśaṃ bhaje ||
ūrdhvau hastau yadīyau suraripudalane bibhratau śaṅkhacakre
sevyāvaṅghrī svakīyāvabhidadhadadharo dakṣiṇo yasya pāṇiḥ |
tāvanmātraṃ bhavābdhiṃ gamayati bhajatāmūrugo vāmapāṇiḥ
śrīvatsāṅkaśca lakṣmīryadurasi lasatastaṃ bhaje veṅkaṭeśam ||

ഇതി ധ്യായന് വേങ്കടേശം ശ്രീവത്സാങ്കം രമാപതിമ് ।
വേങ്കടേശോ വിരൂപാക്ഷ ഇത്യാരഭ്യ ജപേത്ക്രമാത് ॥

Verse 1

സ്തോത്രം
ഓം വേങ്കടേശോ വിരൂപാക്ഷോ വിശ്വേശോ വിശ്വഭാവനഃ ।
വിശ്വസൃഡ്വിശ്വസംഹര്താ വിശ്വപ്രാണോ വിരാഡ്വപുഃ ॥ 1 ॥

stotraṃ
oṃ veṅkaṭeśo virūpākṣo viśveśo viśvabhāvanaḥ |
viśvasṛḍviśvasaṃhartā viśvaprāṇo virāḍvapuḥ || 1 ||

Verse 2

ശേഷാദ്രിനിലയോഽശേഷഭക്തദുഃഖപ്രണാശനഃ ।
ശേഷസ്തുത്യഃ ശേഷശായീ വിശേഷജ്ഞോ വിഭുഃ സ്വഭൂഃ ॥ 2 ॥

śeṣādrinilayo'śeṣabhaktaduḥkhapraṇāśanaḥ |
śeṣastutyaḥ śeṣaśāyī viśeṣajño vibhuḥ svabhūḥ || 2 ||

Verse 3

വിഷ്ണുര്ജിഷ്ണുശ്ച വര്ധിഷ്ണുരുത്സഹിഷ്ണുഃ സഹിഷ്ണുകഃ ।
ഭ്രാജിഷ്ണുശ്ച ഗ്രസിഷ്ണുശ്ച വര്തിഷ്ണുശ്ച ഭരിഷ്ണുകഃ ॥ 3 ॥

viṣṇurjiṣṇuśca vardhiṣṇurutsahiṣṇuḥ sahiṣṇukaḥ |
bhrājiṣṇuśca grasiṣṇuśca vartiṣṇuśca bhariṣṇukaḥ || 3 ||

Verse 4

കാലയന്താ കാലഗോപ്താ കാലഃ കാലാന്തകോഽഖിലഃ ।
കാലഗമ്യഃ കാലകണ്ഠവന്ദ്യഃ കാലകലേശ്വരഃ ॥ 4 ॥

kālayantā kālagoptā kālaḥ kālāntako'khilaḥ |
kālagamyaḥ kālakaṇṭhavandyaḥ kālakaleśvaraḥ || 4 ||

Verse 5

ശമ്ഭുഃ സ്വയമ്ഭൂരമ്ഭോജനാഭിഃ സ്തമ്ഭിതവാരിധിഃ ।
അമ്ഭോധിനന്ദിനീജാനിഃ ശോണാമ്ഭോജപദപ്രഭഃ ॥ 5 ॥

śambhuḥ svayambhūrambhojanābhiḥ stambhitavāridhiḥ |
ambhodhinandinījāniḥ śoṇāmbhojapadaprabhaḥ || 5 ||

Verse 6

കമ്ബുഗ്രീവഃ ശമ്ബരാരിരൂപഃ ശമ്ബരജേക്ഷണഃ ।
ബിമ്ബാധരോ ബിമ്ബരൂപീ പ്രതിബിമ്ബക്രിയാതിഗഃ ॥ 6 ॥

kambugrīvaḥ śambarārirūpaḥ śambarajekṣaṇaḥ |
bimbādharo bimbarūpī pratibimbakriyātigaḥ || 6 ||

Verse 7

ഗുണവാന് ഗുണഗമ്യശ്ച ഗുണാതീതോ ഗുണപ്രിയഃ ।
ദുര്ഗുണധ്വംസകൃത്സര്വസുഗുണോ ഗുണഭാസകഃ ॥ 7 ॥

guṇavān guṇagamyaśca guṇātīto guṇapriyaḥ |
durguṇadhvaṃsakṛtsarvasuguṇo guṇabhāsakaḥ || 7 ||

Verse 8

പരേശഃ പരമാത്മാ ച പരഞ്ജ്യോതിഃ പരാ ഗതിഃ ।
പരം പദം വിയദ്വാസാഃ പാരമ്പര്യശുഭപ്രദഃ ॥ 8 ॥

pareśaḥ paramātmā ca parañjyotiḥ parā gatiḥ |
paraṃ padaṃ viyadvāsāḥ pāramparyaśubhapradaḥ || 8 ||

Verse 9

ബ്രഹ്മാണ്ഡഗര്ഭോ ബ്രഹ്മണ്യോ ബ്രഹ്മസൃഡ്ബ്രഹ്മബോധിതഃ ।
ബ്രഹ്മസ്തുത്യോ ബ്രഹ്മവാദീ ബ്രഹ്മചര്യപരായണഃ ॥ 9 ॥

brahmāṇḍagarbho brahmaṇyo brahmasṛḍbrahmabodhitaḥ |
brahmastutyo brahmavādī brahmacaryaparāyaṇaḥ || 9 ||

Verse 10

സത്യവ്രതാര്ഥസന്തുഷ്ടഃ സത്യരൂപീ ഝഷാങ്ഗവാന് ।
സോമകപ്രാണഹാരീ ചാഽഽനീതാമ്നായോഽബ്ധിസഞ്ചരഃ ॥ 10 ॥

satyavratārthasantuṣṭaḥ satyarūpī jhaṣāṅgavān |
somakaprāṇahārī cā''nītāmnāyo'bdhisañcaraḥ || 10 ||

Verse 11

ദേവാസുരവരസ്തുത്യഃ പതന്മന്ദരധാരകഃ ।
ധന്വന്തരിഃ കച്ഛപാങ്ഗഃ പയോനിധിവിമന്ഥകഃ ॥ 11 ॥

devāsuravarastutyaḥ patanmandaradhārakaḥ |
dhanvantariḥ kacchapāṅgaḥ payonidhivimanthakaḥ || 11 ||

Verse 12

അമരാമൃതസന്ധാതാ ധൃതസം‍മോഹിനീവപുഃ ।
ഹരമോഹകമായാവീ രക്ഷസ്സന്ദോഹഭഞ്ജനഃ ॥ 12 ॥

amarāmṛtasandhātā dhṛtasaṃ‍mohinīvapuḥ |
haramohakamāyāvī rakṣassandohabhañjanaḥ || 12 ||

Verse 13

ഹിരണ്യാക്ഷവിദാരീ ച യജ്ഞോ യജ്ഞവിഭാവനഃ ।
യജ്ഞീയോര്വീസമുദ്ധര്താ ലീലാക്രോഡഃ പ്രതാപവാന് ॥ 13 ॥

hiraṇyākṣavidārī ca yajño yajñavibhāvanaḥ |
yajñīyorvīsamuddhartā līlākroḍaḥ pratāpavān || 13 ||

Verse 14

ദണ്ഡകാസുരവിധ്വംസീ വക്രദംഷ്ട്രഃ ക്ഷമാധരഃ ।
ഗന്ധര്വശാപഹരണഃ പുണ്യഗന്ധോ വിചക്ഷണഃ ॥ 14 ॥

daṇḍakāsuravidhvaṃsī vakradaṃṣṭraḥ kṣamādharaḥ |
gandharvaśāpaharaṇaḥ puṇyagandho vicakṣaṇaḥ || 14 ||

Verse 15

കരാലവക്ത്രഃ സോമാര്കനേത്രഃ ഷഡ്ഗുണവൈഭവഃ ।
ശ്വേതഘോണീ ഘൂര്ണിതഭ്രൂര്ഘുര്ഘുരധ്വനിവിഭ്രമഃ ॥ 15 ॥

karālavaktraḥ somārkanetraḥ ṣaḍguṇavaibhavaḥ |
śvetaghoṇī ghūrṇitabhrūrghurghuradhvanivibhramaḥ || 15 ||

Verse 16

ദ്രാഘീയാന് നീലകേശീ ച ജാഗ്രദമ്ബുജലോചനഃ ।
ഘൃണാവാന് ഘൃണിസമ്മോഹോ മഹാകാലാഗ്നിദീധിതിഃ ॥ 16 ॥

drāghīyān nīlakeśī ca jāgradambujalocanaḥ |
ghṛṇāvān ghṛṇisammoho mahākālāgnidīdhitiḥ || 16 ||

Verse 17

ജ്വാലാകരാലവദനോ മഹോല്കാകുലവീക്ഷണഃ ।
സടാനിര്ഭിന്നമേഘൌഘോ ദംഷ്ട്രാരുഗ്വ്യാപ്തദിക്തടഃ ॥ 17 ॥

jvālākarālavadano maholkākulavīkṣaṇaḥ |
saṭānirbhinnameghaugho daṃṣṭrārugvyāptadiktaṭaḥ || 17 ||

Verse 18

ഉച്ഛ്വാസാകൃഷ്ടഭൂതേശോ നിശ്ശ്വാസത്യക്തവിശ്വസൃട് ।
അന്തര്ഭ്രമജ്ജഗദ്ഗര്ഭോഽനന്തോ ബ്രഹ്മകപാലഹൃത് ॥ 18 ॥

ucchvāsākṛṣṭabhūteśo niśśvāsatyaktaviśvasṛṭ |
antarbhramajjagadgarbho'nanto brahmakapālahṛt || 18 ||

Verse 19

ഉഗ്രോ വീരോ മഹാവിഷ്ണുര്ജ്വലനഃ സര്വതോമുഖഃ ।
നൃസിംഹോ ഭീഷണോ ഭദ്രോ മൃത്യുമൃത്യുഃ സനാതനഃ ॥ 19 ॥

ugro vīro mahāviṣṇurjvalanaḥ sarvatomukhaḥ |
nṛsiṃho bhīṣaṇo bhadro mṛtyumṛtyuḥ sanātanaḥ || 19 ||

Verse 20

സഭാസ്തമ്ഭോദ്ഭവോ ഭീമഃ ശീരോമാലീ മഹേശ്വരഃ ।
ദ്വാദശാദിത്യചൂഡാലഃ കല്പധൂമസടാച്ഛവിഃ ॥ 20 ॥

sabhāstambhodbhavo bhīmaḥ śīromālī maheśvaraḥ |
dvādaśādityacūḍālaḥ kalpadhūmasaṭācchaviḥ || 20 ||

Verse 21

ഹിരണ്യകോരഃസ്ഥലഭിന്നഖഃ സിംഹമുഖോഽനഘഃ ।
പ്രഹ്ലാദവരദോ ധീമാന് ഭക്തസങ്ഘപ്രതിഷ്ഠിതഃ ॥ 21 ॥

hiraṇyakoraḥsthalabhinnakhaḥ siṃhamukho'naghaḥ |
prahlādavarado dhīmān bhaktasaṅghapratiṣṭhitaḥ || 21 ||

Verse 22

ബ്രഹ്മരുദ്രാദിസംസേവ്യഃ സിദ്ധസാധ്യപ്രപൂജിതഃ ।
ലക്ഷ്മീനൃസിംഹോ ദേവേശോ ജ്വാലാജിഹ്വാന്ത്രമാലികഃ ॥ 22 ॥

brahmarudrādisaṃsevyaḥ siddhasādhyaprapūjitaḥ |
lakṣmīnṛsiṃho deveśo jvālājihvāntramālikaḥ || 22 ||

Verse 23

ഖഡ്ഗീ ഖേടീ മഹേഷ്വാസീ കപാലീ മുസലീ ഹലീ ।
പാശീ ശൂലീ മഹാബാഹുര്ജ്വരഘ്നോ രോഗലുണ്ഠകഃ ॥ 23 ॥

khaḍgī kheṭī maheṣvāsī kapālī musalī halī |
pāśī śūlī mahābāhurjvaraghno rogaluṇṭhakaḥ || 23 ||

Verse 24

മൌഞ്ജീയുക് ഛാത്രകോ ദണ്ഡീ കൃഷ്ണാജിനധരോ വടുഃ ।
അധീതവേദോ വേദാന്തോദ്ധാരകോ ബ്രഹ്മനൈഷ്ഠികഃ ॥ 24 ॥

mauñjīyuk chātrako daṇḍī kṛṣṇājinadharo vaṭuḥ |
adhītavedo vedāntoddhārako brahmanaiṣṭhikaḥ || 24 ||

Verse 25

അഹീനശയനപ്രീതഃ ആദിതേയോഽനഘോ ഹരിഃ ।
സംവിത്പ്രിയഃ സാമവേദ്യോ ബലിവേശ്മപ്രതിഷ്ഠിതഃ ॥ 25 ॥

ahīnaśayanaprītaḥ āditeyo'nagho hariḥ |
saṃvitpriyaḥ sāmavedyo baliveśmapratiṣṭhitaḥ || 25 ||

Verse 26

ബലിക്ഷാലിതപാദാബ്ജോ വിന്ധ്യാവലിവിമാനിതഃ ।
ത്രിപാദഭൂമിസ്വീകര്താ വിശ്വരൂപപ്രദര്ശകഃ ॥ 26 ॥

balikṣālitapādābjo vindhyāvalivimānitaḥ |
tripādabhūmisvīkartā viśvarūpapradarśakaḥ || 26 ||

Verse 27

ധൃതത്രിവിക്രമഃ സ്വാങ്ഘ്രിനഖഭിന്നാണ്ഡഖര്പരഃ ।
പജ്ജാതവാഹിനീധാരാപവിത്രിതജഗത്ത്രയഃ ॥ 27 ॥

dhṛtatrivikramaḥ svāṅghrinakhabhinnāṇḍakharparaḥ |
pajjātavāhinīdhārāpavitritajagattrayaḥ || 27 ||

Verse 28

വിധിസമ്മാനിതഃ പുണ്യോ ദൈത്യയോദ്ധാ ജയോര്ജിതഃ ।
സുരരാജ്യപ്രദഃ ശുക്രമദഹൃത്സുഗതീശ്വരഃ ॥ 28 ॥

vidhisammānitaḥ puṇyo daityayoddhā jayorjitaḥ |
surarājyapradaḥ śukramadahṛtsugatīśvaraḥ || 28 ||

Verse 29

ജാമദഗ്ന്യഃ കുഠാരീ ച കാര്തവീര്യവിദാരണഃ ।
രേണുകായാഃ ശിരോഹാരീ ദുഷ്ടക്ഷത്രിയമര്ദനഃ ॥ 29 ॥

jāmadagnyaḥ kuṭhārī ca kārtavīryavidāraṇaḥ |
reṇukāyāḥ śirohārī duṣṭakṣatriyamardanaḥ || 29 ||

Verse 30

വര്ചസ്വീ ദാനശീലശ്ച ധനുഷ്മാന് ബ്രഹ്മവിത്തമഃ ।
അത്യുദഗ്രഃ സമഗ്രശ്ച ന്യഗ്രോധോ ദുഷ്ടനിഗ്രഹഃ ॥ 30 ॥

varcasvī dānaśīlaśca dhanuṣmān brahmavittamaḥ |
atyudagraḥ samagraśca nyagrodho duṣṭanigrahaḥ || 30 ||

Verse 31

രവിവംശസമുദ്ഭൂതോ രാഘവോ ഭരതാഗ്രജഃ ।
കൌസല്യാതനയോ രാമോ വിശ്വാമിത്രപ്രിയങ്കരഃ ॥ 31 ॥

ravivaṃśasamudbhūto rāghavo bharatāgrajaḥ |
kausalyātanayo rāmo viśvāmitrapriyaṅkaraḥ || 31 ||

Verse 32

താടകാരിഃ സുബാഹുഘ്നോ ബലാതിബലമന്ത്രവാന് ।
അഹല്യാശാപവിച്ഛേദീ പ്രവിഷ്ടജനകാലയഃ ॥ 32 ॥

tāṭakāriḥ subāhughno balātibalamantravān |
ahalyāśāpavicchedī praviṣṭajanakālayaḥ || 32 ||

Verse 33

സ്വയംവരസഭാസംസ്ഥ ഈശചാപപ്രഭഞ്ജനഃ ।
ജാനകീപരിണേതാ ച ജനകാധീശസംസ്തുതഃ ॥ 33 ॥

svayaṃvarasabhāsaṃstha īśacāpaprabhañjanaḥ |
jānakīpariṇetā ca janakādhīśasaṃstutaḥ || 33 ||

Verse 34

ജമദഗ്നിതനൂജാതയോദ്ധാഽയോധ്യാധിപാഗ്രണീഃ ।
പിതൃവാക്യപ്രതീപാലസ്ത്യക്തരാജ്യഃ സലക്ഷ്മണഃ ॥ 34 ॥

jamadagnitanūjātayoddhā'yodhyādhipāgraṇīḥ |
pitṛvākyapratīpālastyaktarājyaḥ salakṣmaṇaḥ || 34 ||

Verse 35

സസീതശ്ചിത്രകൂടസ്ഥോ ഭരതാഹിതരാജ്യകഃ ।
കാകദര്പപ്രഹര്താ ച ദണ്ഡകാരണ്യവാസകഃ ॥ 35 ॥

sasītaścitrakūṭastho bharatāhitarājyakaḥ |
kākadarpaprahartā ca daṇḍakāraṇyavāsakaḥ || 35 ||

Verse 36

പഞ്ചവട്യാം വിഹാരീ ച സ്വധര്മപരിപോഷകഃ ।
വിരാധഹാഽഗസ്ത്യമുഖ്യമുനിസമ്മാനിതഃ പുമാന് ॥ 36 ॥

pañcavaṭyāṃ vihārī ca svadharmaparipoṣakaḥ |
virādhahā'gastyamukhyamunisammānitaḥ pumān || 36 ||

Verse 37

ഇന്ദ്രചാപധരഃ ഖഡ്ഗധരശ്ചാക്ഷയസായകഃ ।
ഖരാന്തകോ ദൂഷണാരിസ്ത്രിശിരസ്കരിപുര്വൃഷഃ ॥ 37 ॥

indracāpadharaḥ khaḍgadharaścākṣayasāyakaḥ |
kharāntako dūṣaṇāristriśiraskaripurvṛṣaḥ || 37 ||

Verse 38

തതഃ ശൂര്പണഖാനാസാച്ഛേത്താ വല്കലധാരകഃ ।
ജടാവാന് പര്ണശാലാസ്ഥോ മാരീചബലമര്ദകഃ ॥ 38 ॥

tataḥ śūrpaṇakhānāsācchettā valkaladhārakaḥ |
jaṭāvān parṇaśālāstho mārīcabalamardakaḥ || 38 ||

Verse 39

പക്ഷിരാട്കൃതസംവാദോ രവിതേജാ മഹാബലഃ ।
ശബര്യാനീതഫലഭുക് ഹനൂമത്പരിതോഷിതഃ ॥ 39 ॥

pakṣirāṭkṛtasaṃvādo ravitejā mahābalaḥ |
śabaryānītaphalabhuk hanūmatparitoṣitaḥ || 39 ||

Verse 40

സുഗ്രീവാഽഭയദോ ദൈത്യകായക്ഷേപണഭാസുരഃ ।
സപ്തതാലസമുച്ഛേത്താ വാലിഹൃത്കപിസംവൃതഃ ॥ 40 ॥

sugrīvā'bhayado daityakāyakṣepaṇabhāsuraḥ |
saptatālasamucchettā vālihṛtkapisaṃvṛtaḥ || 40 ||

Verse 41

വായുസൂനുകൃതാസേവസ്ത്യക്തപമ്പഃ കുശാസനഃ ।
ഉദന്വത്തീരഗഃ ശൂരോ വിഭീഷണവരപ്രദഃ ॥ 41 ॥

vāyusūnukṛtāsevastyaktapampaḥ kuśāsanaḥ |
udanvattīragaḥ śūro vibhīṣaṇavarapradaḥ || 41 ||

Verse 42

സേതുകൃദ്ദൈത്യഹാ പ്രാപ്തലങ്കോഽലങ്കാരവാന് സ്വയമ് ।
അതികായശിരശ്ഛേത്താ കുമ്ഭകര്ണവിഭേദനഃ ॥ 42 ॥

setukṛddaityahā prāptalaṅko'laṅkāravān svayam |
atikāyaśiraśchettā kumbhakarṇavibhedanaḥ || 42 ||

Verse 43

ദശകണ്ഠശിരോധ്വംസീ ജാമ്ബവത്പ്രമുഖാവൃതഃ ।
ജാനകീശഃ സുരാധ്യക്ഷഃ സാകേതേശഃ പുരാതനഃ ॥ 43 ॥

daśakaṇṭhaśirodhvaṃsī jāmbavatpramukhāvṛtaḥ |
jānakīśaḥ surādhyakṣaḥ sāketeśaḥ purātanaḥ || 43 ||

Verse 44

പുണ്യശ്ലോകോ വേദവേദ്യഃ സ്വാമിതീര്ഥനിവാസകഃ ।
ലക്ഷ്മീസരഃകേലിലോലോ ലക്ഷ്മീശോ ലോകരക്ഷകഃ ॥ 44 ॥

puṇyaśloko vedavedyaḥ svāmitīrthanivāsakaḥ |
lakṣmīsaraḥkelilolo lakṣmīśo lokarakṣakaḥ || 44 ||

Verse 45

ദേവകീഗര്ഭസമ്ഭൂതോ യശോദേക്ഷണലാലിതഃ ।
വസുദേവകൃതസ്തോത്രോ നന്ദഗോപമനോഹരഃ ॥ 45 ॥

devakīgarbhasambhūto yaśodekṣaṇalālitaḥ |
vasudevakṛtastotro nandagopamanoharaḥ || 45 ||

Verse 46

ചതുര്ഭുജഃ കോമലാങ്ഗോ ഗദാവാന്നീലകുന്തലഃ ।
പൂതനാപ്രാണസംഹര്താ തൃണാവര്തവിനാശനഃ ॥ 46 ॥

caturbhujaḥ komalāṅgo gadāvānnīlakuntalaḥ |
pūtanāprāṇasaṃhartā tṛṇāvartavināśanaḥ || 46 ||

Verse 47

ഗര്ഗാരോപിതനാമാങ്കോ വാസുദേവോ ഹ്യധോക്ഷജഃ ।
ഗോപികാസ്തന്യപായീ ച ബലഭദ്രാനുജോഽച്യുതഃ ॥ 47 ॥

gargāropitanāmāṅko vāsudevo hyadhokṣajaḥ |
gopikāstanyapāyī ca balabhadrānujo'cyutaḥ || 47 ||

Verse 48

വൈയാഘ്രനഖഭൂഷശ്ച വത്സജിദ്വത്സവര്ധനഃ ।
ക്ഷീരസാരാശനരതോ ദധിഭാണ്ഡപ്രമര്ദനഃ ॥ 48 ॥

vaiyāghranakhabhūṣaśca vatsajidvatsavardhanaḥ |
kṣīrasārāśanarato dadhibhāṇḍapramardanaḥ || 48 ||

Verse 49

നവനീതാപഹര്താ ച നീലനീരദഭാസുരഃ ।
ആഭീരദൃഷ്ടദൌര്ജന്യോ നീലപദ്മനിഭാനനഃ ॥ 49 ॥

navanītāpahartā ca nīlanīradabhāsuraḥ |
ābhīradṛṣṭadaurjanyo nīlapadmanibhānanaḥ || 49 ||

Verse 50

മാതൃദര്ശിതവിശ്വാഽഽസ്യ ഉലൂഖലനിബന്ധനഃ ।
നലകൂബരശാപാന്തോ ഗോധൂലിച്ഛുരിതാങ്ഗകഃ ॥ 50 ॥

mātṛdarśitaviśvā''sya ulūkhalanibandhanaḥ |
nalakūbaraśāpānto godhūlicchuritāṅgakaḥ || 50 ||

Verse 51

ഗോസങ്ഘരക്ഷകഃ ശ്രീശോ ബൃന്ദാരണ്യനിവാസകഃ ।
വത്സാന്തകോ ബകദ്വേഷീ ദൈത്യാമ്ബുദമഹാനിലഃ ॥ 51 ॥

gosaṅgharakṣakaḥ śrīśo bṛndāraṇyanivāsakaḥ |
vatsāntako bakadveṣī daityāmbudamahānilaḥ || 51 ||

Verse 52

മഹാജഗരചണ്ഡാഗ്നിഃ ശകടപ്രാണകണ്ടകഃ ।
ഇന്ദ്രസേവ്യഃ പുണ്യഗാത്രഃ ഖരജിച്ചണ്ഡദീധിതിഃ ॥ 52 ॥

mahājagaracaṇḍāgniḥ śakaṭaprāṇakaṇṭakaḥ |
indrasevyaḥ puṇyagātraḥ kharajiccaṇḍadīdhitiḥ || 52 ||

Verse 53

താലപക്വഫലാശീ ച കാലീയഫണിദര്പഹാ ।
നാഗപത്നീസ്തുതിപ്രീതഃ പ്രലമ്ബാസുരഖണ്ഡനഃ ॥ 53 ॥

tālapakvaphalāśī ca kālīyaphaṇidarpahā |
nāgapatnīstutiprītaḥ pralambāsurakhaṇḍanaḥ || 53 ||

Verse 54

ദാവാഗ്നിബലസംഹാരീ ഫലാഹാരീ ഗദാഗ്രജഃ ।
ഗോപാങ്ഗനാചേലചോരഃ പാഥോലീലാവിശാരദഃ ॥ 54 ॥

dāvāgnibalasaṃhārī phalāhārī gadāgrajaḥ |
gopāṅganācelacoraḥ pātholīlāviśāradaḥ || 54 ||

Verse 55

വംശഗാനപ്രവീണശ്ച ഗോപീഹസ്താമ്ബുജാര്ചിതഃ ।
മുനിപത്ന്യാഹൃതാഹാരോ മുനിശ്രേഷ്ഠോ മുനിപ്രിയഃ ॥ 55 ॥

vaṃśagānapravīṇaśca gopīhastāmbujārcitaḥ |
munipatnyāhṛtāhāro muniśreṣṭho munipriyaḥ || 55 ||

Verse 56

ഗോവര്ധനാദ്രിസന്ധര്താ സങ്ക്രന്ദനതമോഽപഹഃ ।
സദുദ്യാനവിലാസീ ച രാസക്രീഡാപരായണഃ ॥ 56 ॥

govardhanādrisandhartā saṅkrandanatamo'pahaḥ |
sadudyānavilāsī ca rāsakrīḍāparāyaṇaḥ || 56 ||

Verse 57

വരുണാഭ്യര്ചിതോ ഗോപീപ്രാര്ഥിതഃ പുരുഷോത്തമഃ ।
അക്രൂരസ്തുതിസമ്പ്രീതഃ കുബ്ജായൌവനദായകഃ ॥ 57 ॥

varuṇābhyarcito gopīprārthitaḥ puruṣottamaḥ |
akrūrastutisamprītaḥ kubjāyauvanadāyakaḥ || 57 ||

Verse 58

മുഷ്ടികോരഃപ്രഹാരീ ച ചാണൂരോദരദാരണഃ ।
മല്ലയുദ്ധാഗ്രഗണ്യശ്ച പിതൃബന്ധനമോചകഃ ॥ 58 ॥

muṣṭikoraḥprahārī ca cāṇūrodaradāraṇaḥ |
mallayuddhāgragaṇyaśca pitṛbandhanamocakaḥ || 58 ||

Verse 59

മത്തമാതങ്ഗപഞ്ചാസ്യഃ കംസഗ്രീവാനികൃന്തനഃ ।
ഉഗ്രസേനപ്രതിഷ്ഠാതാ രത്നസിംഹാസനസ്ഥിതഃ ॥ 59 ॥

mattamātaṅgapañcāsyaḥ kaṃsagrīvānikṛntanaḥ |
ugrasenapratiṣṭhātā ratnasiṃhāsanasthitaḥ || 59 ||

Verse 60

കാലനേമിഖലദ്വേഷീ മുചുകുന്ദവരപ്രദഃ ।
സാല്വസേവിതദുര്ധര്ഷരാജസ്മയനിവാരണഃ ॥ 60 ॥

kālanemikhaladveṣī mucukundavarapradaḥ |
sālvasevitadurdharṣarājasmayanivāraṇaḥ || 60 ||

Verse 61

രുക്മിഗര്വാപഹാരീ ച രുക്മിണീനയനോത്സവഃ ।
പ്രദ്യുമ്നജനകഃ കാമീ പ്രദ്യുമ്നോ ദ്വാരകാധിപഃ ॥ 61 ॥

rukmigarvāpahārī ca rukmiṇīnayanotsavaḥ |
pradyumnajanakaḥ kāmī pradyumno dvārakādhipaḥ || 61 ||

Verse 62

മണ്യാഹര്താ മഹാമായോ ജാമ്ബവത്കൃതസങ്ഗരഃ ।
ജാമ്ബൂനദാമ്ബരധരോ ഗമ്യോ ജാമ്ബവതീവിഭുഃ ॥ 62 ॥

maṇyāhartā mahāmāyo jāmbavatkṛtasaṅgaraḥ |
jāmbūnadāmbaradharo gamyo jāmbavatīvibhuḥ || 62 ||

Verse 63

കാലിന്ദീപ്രഥിതാരാമകേലിര്ഗുഞ്ജാവതംസകഃ ।
മന്ദാരസുമനോഭാസ്വാന് ശചീശാഭീഷ്ടദായകഃ ॥ 63 ॥

kālindīprathitārāmakelirguñjāvataṃsakaḥ |
mandārasumanobhāsvān śacīśābhīṣṭadāyakaḥ || 63 ||

Verse 64

സത്രാജിന്മാനസോല്ലാസീ സത്യാജാനിഃ ശുഭാവഹഃ ।
ശതധന്വഹരഃ സിദ്ധഃ പാണ്ഡവപ്രിയകോത്സവഃ ॥ 64 ॥

satrājinmānasollāsī satyājāniḥ śubhāvahaḥ |
śatadhanvaharaḥ siddhaḥ pāṇḍavapriyakotsavaḥ || 64 ||

Verse 65

ഭദ്രപ്രിയഃ സുഭദ്രായാ ഭ്രാതാ നാഗ്നാജിതീവിഭുഃ ।
കിരീടകുണ്ഡലധരഃ കല്പപല്ലവലാലിതഃ ॥ 65 ॥

bhadrapriyaḥ subhadrāyā bhrātā nāgnājitīvibhuḥ |
kirīṭakuṇḍaladharaḥ kalpapallavalālitaḥ || 65 ||

Verse 66

ഭൈഷ്മീപ്രണയഭാഷാവാന് മിത്രവിന്ദാധിപോഽഭയഃ ।
സ്വമൂര്തികേലിസമ്പ്രീതോ ലക്ഷ്മണോദാരമാനസഃ ॥ 66 ॥

bhaiṣmīpraṇayabhāṣāvān mitravindādhipo'bhayaḥ |
svamūrtikelisamprīto lakṣmaṇodāramānasaḥ || 66 ||

Verse 67

പ്രാഗ്ജ്യോതിഷാധിപധ്വംസീ തത്സൈന്യാന്തകരോഽമൃതഃ ।
ഭൂമിസ്തുതോ ഭൂരിഭോഗോ ഭൂഷണാമ്ബരസംയുതഃ ॥ 67 ॥

prāgjyotiṣādhipadhvaṃsī tatsainyāntakaro'mṛtaḥ |
bhūmistuto bhūribhogo bhūṣaṇāmbarasaṃyutaḥ || 67 ||

Verse 68

ബഹുരാമാകൃതാഹ്ലാദോ ഗന്ധമാല്യാനുലേപനഃ ।
നാരദാദൃഷ്ടചരിതോ ദേവേശോ വിശ്വരാഡ്ഗുരുഃ ॥ 68 ॥

bahurāmākṛtāhlādo gandhamālyānulepanaḥ |
nāradādṛṣṭacarito deveśo viśvarāḍguruḥ || 68 ||

Verse 69

ബാണബാഹുവിദാരശ്ച താപജ്വരവിനാശകഃ ।
ഉഷോദ്ധര്ഷയിതാഽവ്യക്തഃ ശിവവാക്തുഷ്ടമാനസഃ ॥ 69 ॥

bāṇabāhuvidāraśca tāpajvaravināśakaḥ |
uṣoddharṣayitā'vyaktaḥ śivavāktuṣṭamānasaḥ || 69 ||

Verse 70

മഹേശജ്വരസംസ്തുത്യഃ ശീതജ്വരഭയാന്തകഃ ।
നൃഗരാജോദ്ധാരകശ്ച പൌണ്ഡ്രകാദിവധോദ്യതഃ ॥ 70 ॥

maheśajvarasaṃstutyaḥ śītajvarabhayāntakaḥ |
nṛgarājoddhārakaśca pauṇḍrakādivadhodyataḥ || 70 ||

Verse 71

വിവിധാരിച്ഛലോദ്വിഗ്നബ്രാഹ്മണേഷു ദയാപരഃ ।
ജരാസന്ധബലദ്വേഷീ കേശിദൈത്യഭയങ്കരഃ ॥ 71 ॥

vividhāricchalodvignabrāhmaṇeṣu dayāparaḥ |
jarāsandhabaladveṣī keśidaityabhayaṅkaraḥ || 71 ||

Verse 72

ചക്രീ ചൈദ്യാന്തകഃ സഭ്യോ രാജബന്ധവിമോചകഃ ।
രാജസൂയഹവിര്ഭോക്താ സ്നിഗ്ധാങ്ഗഃ ശുഭലക്ഷണഃ ॥ 72 ॥

cakrī caidyāntakaḥ sabhyo rājabandhavimocakaḥ |
rājasūyahavirbhoktā snigdhāṅgaḥ śubhalakṣaṇaḥ || 72 ||

Verse 73

ധാനാഭക്ഷണസമ്പ്രീതഃ കുചേലാഭീഷ്ടദായകഃ ।
സത്ത്വാദിഗുണഗമ്ഭീരോ ദ്രൌപദീമാനരക്ഷകഃ ॥ 73 ॥

dhānābhakṣaṇasamprītaḥ kucelābhīṣṭadāyakaḥ |
sattvādiguṇagambhīro draupadīmānarakṣakaḥ || 73 ||

Verse 74

ഭീഷ്മധ്യേയോ ഭക്തവശ്യോ ഭീമപൂജ്യോ ദയാനിധിഃ ।
ദന്തവക്ത്രശിരശ്ഛേത്താ കൃഷ്ണഃ കൃഷ്ണാസഖഃ സ്വരാട് ॥ 74 ॥

bhīṣmadhyeyo bhaktavaśyo bhīmapūjyo dayānidhiḥ |
dantavaktraśiraśchettā kṛṣṇaḥ kṛṣṇāsakhaḥ svarāṭ || 74 ||

Verse 75

വൈജയന്തീപ്രമോദീ ച ബര്ഹിബര്ഹവിഭൂഷണഃ ।
പാര്ഥകൌരവസന്ധാനകാരീ ദുശ്ശാസനാന്തകഃ ॥ 75 ॥

vaijayantīpramodī ca barhibarhavibhūṣaṇaḥ |
pārthakauravasandhānakārī duśśāsanāntakaḥ || 75 ||

Verse 76

ബുദ്ധോ വിശുദ്ധഃ സര്വജ്ഞഃ ക്രതുഹിംസാവിനിന്ദകഃ ।
ത്രിപുരസ്ത്രീമാനഭങ്ഗഃ സര്വശാസ്ത്രവിശാരദഃ ॥ 76 ॥

buddho viśuddhaḥ sarvajñaḥ kratuhiṃsāvinindakaḥ |
tripurastrīmānabhaṅgaḥ sarvaśāstraviśāradaḥ || 76 ||

Verse 77

നിര്വികാരോ നിര്മമശ്ച നിരാഭാസോ നിരാമയഃ ।
ജഗന്മോഹകധര്മീ ച ദിഗ്വസ്ത്രോ ദിക്പതീശ്വരഃ ॥ 77 ॥

nirvikāro nirmamaśca nirābhāso nirāmayaḥ |
jaganmohakadharmī ca digvastro dikpatīśvaraḥ || 77 ||

Verse 78

കല്കീ മ്ലേച്ഛപ്രഹര്താ ച ദുഷ്ടനിഗ്രഹകാരകഃ ।
ധര്മപ്രതിഷ്ടാകാരീ ച ചാതുര്വര്ണ്യവിഭാഗകൃത് ॥ 78 ॥

kalkī mlecchaprahartā ca duṣṭanigrahakārakaḥ |
dharmapratiṣṭākārī ca cāturvarṇyavibhāgakṛt || 78 ||

Verse 79

യുഗാന്തകോ യുഗാക്രാന്തോ യുഗകൃദ്യുഗഭാസകഃ ।
കാമാരിഃ കാമകാരീ ച നിഷ്കാമഃ കാമിതാര്ഥദഃ ॥ 79 ॥

yugāntako yugākrānto yugakṛdyugabhāsakaḥ |
kāmāriḥ kāmakārī ca niṣkāmaḥ kāmitārthadaḥ || 79 ||

Verse 80

ഭര്ഗോ വരേണ്യഃ സവിതുഃ ശാര്ങ്ഗീ വൈകുണ്ഠമന്ദിരഃ ।
ഹയഗ്രീവഃ കൈടഭാരിഃ ഗ്രാഹഘ്നോ ഗജരക്ഷകഃ ॥ 80 ॥

bhargo vareṇyaḥ savituḥ śārṅgī vaikuṇṭhamandiraḥ |
hayagrīvaḥ kaiṭabhāriḥ grāhaghno gajarakṣakaḥ || 80 ||

Verse 81

സര്വസംശയവിച്ഛേത്താ സര്വഭക്തസമുത്സുകഃ ।
കപര്ദീ കാമഹാരീ ച കലാ കാഷ്ഠാ സ്മൃതിര്ധൃതിഃ ॥ 81 ॥

sarvasaṃśayavicchettā sarvabhaktasamutsukaḥ |
kapardī kāmahārī ca kalā kāṣṭhā smṛtirdhṛtiḥ || 81 ||

Verse 82

അനാദിരപ്രമേയൌജാഃ പ്രധാനഃ സന്നിരൂപകഃ ।
നിര്ലേപോ നിഃസ്പൃഹോഽസങ്ഗോ നിര്ഭയോ നീതിപാരഗഃ ॥ 82 ॥

anādiraprameyaujāḥ pradhānaḥ sannirūpakaḥ |
nirlepo niḥspṛho'saṅgo nirbhayo nītipāragaḥ || 82 ||

Verse 83

നിഷ്പ്രേഷ്യോ നിഷ്ക്രിയഃ ശാന്തോ നിഷ്പ്രപഞ്ചോ നിധിര്നയഃ
കര്മ്യകര്മീ വികര്മീ ച കര്മേപ്സുഃ കര്മഭാവനഃ ॥ 83 ॥

niṣpreṣyo niṣkriyaḥ śānto niṣprapañco nidhirnayaḥ
karmyakarmī vikarmī ca karmepsuḥ karmabhāvanaḥ || 83 ||

Verse 84

കര്മാങ്ഗഃ കര്മവിന്യാസോ മഹാകര്മീ മഹാവ്രതീ ।
കര്മഭുക്കര്മഫലദഃ കര്മേശഃ കര്മനിഗ്രഹഃ ॥ 84 ॥

karmāṅgaḥ karmavinyāso mahākarmī mahāvratī |
karmabhukkarmaphaladaḥ karmeśaḥ karmanigrahaḥ || 84 ||

Verse 85

നരോ നാരായണോ ദാന്തഃ കപിലഃ കാമദഃ ശുചിഃ ।
തപ്താ ജപ്താഽക്ഷമാലാവാന് ഗന്താ നേതാ ലയോ ഗതിഃ ॥ 85 ॥

naro nārāyaṇo dāntaḥ kapilaḥ kāmadaḥ śuciḥ |
taptā japtā'kṣamālāvān gantā netā layo gatiḥ || 85 ||

Verse 86

ശിഷ്ടോ ദ്രഷ്ടാ രിപുദ്വേഷ്ടാ രോഷ്ടാ വേഷ്ടാ മഹാനടഃ ।
രോദ്ധാ ബോദ്ധാ മഹായോദ്ധാ ശ്രദ്ധാവാന് സത്യധീഃ ശുഭഃ ॥ 86 ॥

śiṣṭo draṣṭā ripudveṣṭā roṣṭā veṣṭā mahānaṭaḥ |
roddhā boddhā mahāyoddhā śraddhāvān satyadhīḥ śubhaḥ || 86 ||

Verse 87

മന്ത്രീ മന്ത്രോ മന്ത്രഗമ്യോ മന്ത്രകൃത്പരമന്ത്രഹൃത് ।
മന്ത്രഭൃന്മന്ത്രഫലദോ മന്ത്രേശോ മന്ത്രവിഗ്രഹഃ ॥ 87 ॥

mantrī mantro mantragamyo mantrakṛtparamantrahṛt |
mantrabhṛnmantraphalado mantreśo mantravigrahaḥ || 87 ||

Verse 88

മന്ത്രാങ്ഗോ മന്ത്രവിന്യാസോ മഹാമന്ത്രോ മഹാക്രമഃ ।
സ്ഥിരധീഃ സ്ഥിരവിജ്ഞാനഃ സ്ഥിരപ്രജ്ഞഃ സ്ഥിരാസനഃ ॥ 88 ॥

mantrāṅgo mantravinyāso mahāmantro mahākramaḥ |
sthiradhīḥ sthiravijñānaḥ sthiraprajñaḥ sthirāsanaḥ || 88 ||

Verse 89

സ്ഥിരയോഗഃ സ്ഥിരാധാരഃ സ്ഥിരമാര്ഗഃ സ്ഥിരാഗമഃ ।
നിശ്ശ്രേയസോ നിരീഹോഽഗ്നിര്നിരവദ്യോ നിരഞ്ജനഃ ॥ 89 ॥

sthirayogaḥ sthirādhāraḥ sthiramārgaḥ sthirāgamaḥ |
niśśreyaso nirīho'gnirniravadyo nirañjanaḥ || 89 ||

Verse 90

നിര്വൈരോ നിരഹങ്കാരോ നിര്ദമ്ഭോ നിരസൂയകഃ ।
അനന്തോഽനന്തബാഹൂരുരനന്താങ്ഘ്രിരനന്തദൃക് ॥ 90 ॥

nirvairo nirahaṅkāro nirdambho nirasūyakaḥ |
ananto'nantabāhūruranantāṅghriranantadṛk || 90 ||

Verse 91

അനന്തവക്ത്രോഽനന്താങ്ഗോഽനന്തരൂപോ ഹ്യനന്തകൃത് ।
ഊര്ധ്വരേതാ ഊര്ധ്വലിങ്ഗോ ഹ്യൂര്ധ്വമൂര്ധോര്ധ്വശാഖകഃ ॥ 91 ॥

anantavaktro'nantāṅgo'nantarūpo hyanantakṛt |
ūrdhvaretā ūrdhvaliṅgo hyūrdhvamūrdhordhvaśākhakaḥ || 91 ||

Verse 92

ഊര്ധ്വ ഊര്ധ്വാധ്വരക്ഷീ ച ഹ്യൂര്ധ്വജ്വാലോ നിരാകുലഃ ।
ബീജം ബീജപ്രദോ നിത്യോ നിദാനം നിഷ്കൃതിഃ കൃതീ ॥ 92 ॥

ūrdhva ūrdhvādhvarakṣī ca hyūrdhvajvālo nirākulaḥ |
bījaṃ bījaprado nityo nidānaṃ niṣkṛtiḥ kṛtī || 92 ||

Verse 93

മഹാനണീയന് ഗരിമാ സുഷമാ ചിത്രമാലികഃ ।
നഭഃ സ്പൃങ്നഭസോ ജ്യോതിര്നഭസ്വാന്നിര്നഭാ നഭഃ ॥ 93 ॥

mahānaṇīyan garimā suṣamā citramālikaḥ |
nabhaḥ spṛṅnabhaso jyotirnabhasvānnirnabhā nabhaḥ || 93 ||

Verse 94

അഭുര്വിഭുഃ പ്രഭുഃ ശമ്ഭുര്മഹീയാന് ഭൂര്ഭുവാകൃതിഃ ।
മഹാനന്ദോ മഹാശൂരോ മഹോരാശിര്മഹോത്സവഃ ॥ 94 ॥

abhurvibhuḥ prabhuḥ śambhurmahīyān bhūrbhuvākṛtiḥ |
mahānando mahāśūro mahorāśirmahotsavaḥ || 94 ||

Verse 95

മഹാക്രോധോ മഹാജ്വാലോ മഹാശാന്തോ മഹാഗുണഃ ।
സത്യവ്രതഃ സത്യപരഃ സത്യസന്ധഃ സതാം ഗതിഃ ॥ 95 ॥

mahākrodho mahājvālo mahāśānto mahāguṇaḥ |
satyavrataḥ satyaparaḥ satyasandhaḥ satāṃ gatiḥ || 95 ||

Verse 96

സത്യേശഃ സത്യസങ്കല്പഃ സത്യചാരിത്രലക്ഷണഃ ।
അന്തശ്ചരോ ഹ്യന്തരാത്മാ പരമാത്മാ ചിദാത്മകഃ ॥ 96 ॥

satyeśaḥ satyasaṅkalpaḥ satyacāritralakṣaṇaḥ |
antaścaro hyantarātmā paramātmā cidātmakaḥ || 96 ||

Verse 97

രോചനോ രോചമാനശ്ച സാക്ഷീ ശൌരിര്ജനാര്ദനഃ ।
മുകുന്ദോ നന്ദനിഷ്പന്ദഃ സ്വര്ണബിന്ദുഃ പുരന്ദരഃ ॥ 97 ॥

rocano rocamānaśca sākṣī śaurirjanārdanaḥ |
mukundo nandaniṣpandaḥ svarṇabinduḥ purandaraḥ || 97 ||

Verse 98

അരിന്ദമഃ സുമന്ദശ്ച കുന്ദമന്ദാരഹാസവാന് ।
സ്യന്ദനാരൂഢചണ്ഡാങ്ഗോ ഹ്യാനന്ദീ നന്ദനന്ദനഃ ॥ 98 ॥

arindamaḥ sumandaśca kundamandārahāsavān |
syandanārūḍhacaṇḍāṅgo hyānandī nandanandanaḥ || 98 ||

Verse 99

അനസൂയാനന്ദനോഽത്രിനേത്രാനന്ദഃ സുനന്ദവാന് ।
ശങ്ഖവാന്പങ്കജകരഃ കുങ്കുമാങ്കോ ജയാങ്കുശഃ ॥ 99 ॥

anasūyānandano'trinetrānandaḥ sunandavān |
śaṅkhavānpaṅkajakaraḥ kuṅkumāṅko jayāṅkuśaḥ || 99 ||

Verse 100

അമ്ഭോജമകരന്ദാഢ്യോ നിഷ്പങ്കോഽഗരുപങ്കിലഃ ।
ഇന്ദ്രശ്ചന്ദ്രരഥശ്ചന്ദ്രോഽതിചന്ദ്രശ്ചന്ദ്രഭാസകഃ ॥ 100 ॥

ambhojamakarandāḍhyo niṣpaṅko'garupaṅkilaḥ |
indraścandrarathaścandro'ticandraścandrabhāsakaḥ || 100 ||

Verse 101

ഉപേന്ദ്ര ഇന്ദ്രരാജശ്ച വാഗിന്ദ്രശ്ചന്ദ്രലോചനഃ ।
പ്രത്യക് പരാക് പരന്ധാമ പരമാര്ഥഃ പരാത്പരഃ ॥ 101 ॥

upendra indrarājaśca vāgindraścandralocanaḥ |
pratyak parāk parandhāma paramārthaḥ parātparaḥ || 101 ||

Verse 102

അപാരവാക് പാരഗാമീ പാരാവാരഃ പരാവരഃ ।
സഹസ്വാനര്ഥദാതാ ച സഹനഃ സാഹസീ ജയീ ॥ 102 ॥

apāravāk pāragāmī pārāvāraḥ parāvaraḥ |
sahasvānarthadātā ca sahanaḥ sāhasī jayī || 102 ||

Verse 103

തേജസ്വീ വായുവിശിഖീ തപസ്വീ താപസോത്തമഃ ।
ഐശ്വര്യോദ്ഭൂതികൃദ്ഭൂതിരൈശ്വര്യാങ്ഗകലാപവാന് ॥ 103 ॥

tejasvī vāyuviśikhī tapasvī tāpasottamaḥ |
aiśvaryodbhūtikṛdbhūtiraiśvaryāṅgakalāpavān || 103 ||

Verse 104

അമ്ഭോധിശായീ ഭഗവാന് സര്വജ്ഞഃ സാമപാരഗഃ ।
മഹായോഗീ മഹാധീരോ മഹാഭോഗീ മഹാപ്രഭുഃ ॥ 104 ॥

ambhodhiśāyī bhagavān sarvajñaḥ sāmapāragaḥ |
mahāyogī mahādhīro mahābhogī mahāprabhuḥ || 104 ||

Verse 105

മഹാവീരോ മഹാതുഷ്ടിര്മഹാപുഷ്ടിര്മഹാഗുണഃ ।
മഹാദേവോ മഹാബാഹുര്മഹാധര്മോ മഹേശ്വരഃ ॥ 105 ॥

mahāvīro mahātuṣṭirmahāpuṣṭirmahāguṇaḥ |
mahādevo mahābāhurmahādharmo maheśvaraḥ || 105 ||

Verse 106

സമീപഗോ ദൂരഗാമീ സ്വര്ഗമാര്ഗനിരര്ഗലഃ ।
നഗോ നഗധരോ നാഗോ നാഗേശോ നാഗപാലകഃ ॥ 106 ॥

samīpago dūragāmī svargamārganirargalaḥ |
nago nagadharo nāgo nāgeśo nāgapālakaḥ || 106 ||

Verse 107

ഹിരണ്മയഃ സ്വര്ണരേതാ ഹിരണ്യാര്ചിര്ഹിരണ്യദഃ ।
ഗുണഗണ്യഃ ശരണ്യശ്ച പുണ്യകീര്തിഃ പുരാണഗഃ ॥ 107 ॥

hiraṇmayaḥ svarṇaretā hiraṇyārcirhiraṇyadaḥ |
guṇagaṇyaḥ śaraṇyaśca puṇyakīrtiḥ purāṇagaḥ || 107 ||

Verse 108

ജന്യഭൃജ്ജന്യസന്നദ്ധോ ദിവ്യപഞ്ചായുധോ വശീ ।
ദൌര്ജന്യഭങ്ഗഃ പര്ജന്യഃ സൌജന്യനിലയോഽലയഃ ॥ 108 ॥

janyabhṛjjanyasannaddho divyapañcāyudho vaśī |
daurjanyabhaṅgaḥ parjanyaḥ saujanyanilayo'layaḥ || 108 ||

Verse 109

ജലന്ധരാന്തകോ ഭസ്മദൈത്യനാശീ മഹാമനാഃ ।
ശ്രേഷ്ഠഃ ശ്രവിഷ്ഠോ ദ്രാഘിഷ്ഠോ ഗരിഷ്ഠോ ഗരുഡധ്വജഃ ॥ 109 ॥

jalandharāntako bhasmadaityanāśī mahāmanāḥ |
śreṣṭhaḥ śraviṣṭho drāghiṣṭho gariṣṭho garuḍadhvajaḥ || 109 ||

Verse 110

ജ്യേഷ്ഠോ ദ്രഢിഷ്ഠോ വര്ഷിഷ്ഠോ ദ്രാഘീയാന് പ്രണവഃ ഫണീ ।
സമ്പ്രദായകരഃ സ്വാമീ സുരേശോ മാധവോ മധുഃ ॥ 110 ॥

jyeṣṭho draḍhiṣṭho varṣiṣṭho drāghīyān praṇavaḥ phaṇī |
sampradāyakaraḥ svāmī sureśo mādhavo madhuḥ || 110 ||

Verse 111

നിര്നിമേഷോ വിധിര്വേധാ ബലവാന് ജീവനം ബലീ ।
സ്മര്താ ശ്രോതാ വികര്താ ച ധ്യാതാ നേതാ സമോഽസമഃ ॥ 111 ॥

nirnimeṣo vidhirvedhā balavān jīvanaṃ balī |
smartā śrotā vikartā ca dhyātā netā samo'samaḥ || 111 ||

Verse 112

ഹോതാ പോതാ മഹാവക്താ രന്താ മന്താ ഖലാന്തകഃ ।
ദാതാ ഗ്രാഹയിതാ മാതാ നിയന്താഽനന്തവൈഭവഃ ॥ 112 ॥

hotā potā mahāvaktā rantā mantā khalāntakaḥ |
dātā grāhayitā mātā niyantā'nantavaibhavaḥ || 112 ||

Verse 113

ഗോപ്താ ഗോപയിതാ ഹന്താ ധര്മജാഗരിതാ ധവഃ ।
കര്താ ക്ഷേത്രകരഃ ക്ഷേത്രപ്രദഃ ക്ഷേത്രജ്ഞ ആത്മവിത് ॥ 113 ॥

goptā gopayitā hantā dharmajāgaritā dhavaḥ |
kartā kṣetrakaraḥ kṣetrapradaḥ kṣetrajña ātmavit || 113 ||

Verse 114

ക്ഷേത്രീ ക്ഷേത്രഹരഃ ക്ഷേത്രപ്രിയഃ ക്ഷേമകരോ മരുത് ।
ഭക്തിപ്രദോ മുക്തിദായീ ശക്തിദോ യുക്തിദായകഃ ॥ 114 ॥

kṣetrī kṣetraharaḥ kṣetrapriyaḥ kṣemakaro marut |
bhaktiprado muktidāyī śaktido yuktidāyakaḥ || 114 ||

Verse 115

ശക്തിയുങ്മൌക്തികസ്രഗ്വീ സൂക്തിരാമ്നായസൂക്തിഗഃ ।
ധനഞ്ജയോ ധനാധ്യക്ഷോ ധനികോ ധനദാധിപഃ ॥ 115 ॥

śaktiyuṅmauktikasragvī sūktirāmnāyasūktigaḥ |
dhanañjayo dhanādhyakṣo dhaniko dhanadādhipaḥ || 115 ||

Verse 116

മഹാധനോ മഹാമാനീ ദുര്യോധനവിമാനിതഃ ।
രത്നാകരോ രത്നരോചീ രത്നഗര്ഭാശ്രയഃ ശുചിഃ ॥ 116 ॥

mahādhano mahāmānī duryodhanavimānitaḥ |
ratnākaro ratnarocī ratnagarbhāśrayaḥ śuciḥ || 116 ||

Verse 117

രത്നസാനുനിധിര്മൌലിരത്നഭാ രത്നകങ്കണഃ ।
അന്തര്ലക്ഷ്യോഽന്തരഭ്യാസീ ചാന്തര്ധ്യേയോ ജിതാസനഃ ॥ 117 ॥

ratnasānunidhirmauliratnabhā ratnakaṅkaṇaḥ |
antarlakṣyo'ntarabhyāsī cāntardhyeyo jitāsanaḥ || 117 ||

Verse 118

അന്തരങ്ഗോ ദയാവാംശ്ച ഹ്യന്തര്മായോ മഹാര്ണവഃ ।
സരസഃ സിദ്ധരസികഃ സിദ്ധിഃ സാധ്യഃ സദാഗതിഃ ॥ 118 ॥

antaraṅgo dayāvāṃśca hyantarmāyo mahārṇavaḥ |
sarasaḥ siddharasikaḥ siddhiḥ sādhyaḥ sadāgatiḥ || 118 ||

Verse 119

ആയുഃപ്രദോ മഹായുഷ്മാനര്ചിഷ്മാനോഷധീപതിഃ ।
അഷ്ടശ്രീരഷ്ടഭാഗോഽഷ്ടകകുബ്വ്യാപ്തയശോ വ്രതീ ॥ 119 ॥

āyuḥprado mahāyuṣmānarciṣmānoṣadhīpatiḥ |
aṣṭaśrīraṣṭabhāgo'ṣṭakakubvyāptayaśo vratī || 119 ||

Verse 120

അഷ്ടാപദഃ സുവര്ണാഭോ ഹ്യഷ്ടമൂര്തിസ്ത്രിമൂര്തിമാന് ।
അസ്വപ്നഃ സ്വപ്നഗഃ സ്വപ്നഃ സുസ്വപ്നഫലദായകഃ ॥ 120 ॥

aṣṭāpadaḥ suvarṇābho hyaṣṭamūrtistrimūrtimān |
asvapnaḥ svapnagaḥ svapnaḥ susvapnaphaladāyakaḥ || 120 ||

Verse 121

ദുഃസ്വപ്നധ്വംസകോ ധ്വസ്തദുര്നിമിത്തഃ ശിവങ്കരഃ ।
സുവര്ണവര്ണഃ സമ്ഭാവ്യോ വര്ണിതോ വര്ണസമ്മുഖഃ ॥ 121 ॥

duḥsvapnadhvaṃsako dhvastadurnimittaḥ śivaṅkaraḥ |
suvarṇavarṇaḥ sambhāvyo varṇito varṇasammukhaḥ || 121 ||

Verse 122

സുവര്ണമുഖരീതീരശിവധ്യാതപദാമ്ബുജഃ ।
ദാക്ഷായണീവചസ്തുഷ്ടോ ദൂര്വാസോദൃഷ്ടിഗോചരഃ ॥ 122 ॥

suvarṇamukharītīraśivadhyātapadāmbujaḥ |
dākṣāyaṇīvacastuṣṭo dūrvāsodṛṣṭigocaraḥ || 122 ||

Verse 123

അമ്ബരീഷവ്രതപ്രീതോ മഹാകൃത്തിവിഭഞ്ജനഃ ।
മഹാഭിചാരകധ്വംസീ കാലസര്പഭയാന്തകഃ ॥ 123 ॥

ambarīṣavrataprīto mahākṛttivibhañjanaḥ |
mahābhicārakadhvaṃsī kālasarpabhayāntakaḥ || 123 ||

Verse 124

സുദര്ശനഃ കാലമേഘശ്യാമഃ ശ്രീമന്ത്രഭാവിതഃ ।
ഹേമാമ്ബുജസരഃസ്നായീ ശ്രീമനോഭാവിതാകൃതിഃ ॥ 124 ॥

sudarśanaḥ kālameghaśyāmaḥ śrīmantrabhāvitaḥ |
hemāmbujasaraḥsnāyī śrīmanobhāvitākṛtiḥ || 124 ||

Verse 125

ശ്രീപ്രദത്താമ്ബുജസ്രഗ്വീ ശ്രീകേലിഃ ശ്രീനിധിര്ഭവഃ ।
ശ്രീപ്രദോ വാമനോ ലക്ഷ്മീനായകശ്ച ചതുര്ഭുജഃ ॥ 125 ॥

śrīpradattāmbujasragvī śrīkeliḥ śrīnidhirbhavaḥ |
śrīprado vāmano lakṣmīnāyakaśca caturbhujaḥ || 125 ||

Verse 126

സന്തൃപ്തസ്തര്പിതസ്തീര്ഥസ്നാതൃസൌഖ്യപ്രദര്ശകഃ ।
അഗസ്ത്യസ്തുതിസംഹൃഷ്ടോ ദര്ശിതാവ്യക്തഭാവനഃ ॥ 126 ॥

santṛptastarpitastīrthasnātṛsaukhyapradarśakaḥ |
agastyastutisaṃhṛṣṭo darśitāvyaktabhāvanaḥ || 126 ||

Verse 127

കപിലാര്ചിഃ കപിലവാന് സുസ്നാതാഘവിപാടനഃ ।
വൃഷാകപിഃ കപിസ്വാമിമനോഽന്തഃസ്ഥിതവിഗ്രഹഃ ॥ 127 ॥

kapilārciḥ kapilavān susnātāghavipāṭanaḥ |
vṛṣākapiḥ kapisvāmimano'ntaḥsthitavigrahaḥ || 127 ||

Verse 128

വഹ്നിപ്രിയോഽര്ഥസമ്ഭാവ്യോ ജനലോകവിധായകഃ ।
വഹ്നിപ്രഭോ വഹ്നിതേജാഃ ശുഭാഭീഷ്ടപ്രദോ യമീ ॥ 128 ॥

vahnipriyo'rthasambhāvyo janalokavidhāyakaḥ |
vahniprabho vahnitejāḥ śubhābhīṣṭaprado yamī || 128 ||

Verse 129

വാരുണക്ഷേത്രനിലയോ വരുണോ വാരണാര്ചിതഃ ।
വായുസ്ഥാനകൃതാവാസോ വായുഗോ വായുസമ്ഭൃതഃ ॥ 129 ॥

vāruṇakṣetranilayo varuṇo vāraṇārcitaḥ |
vāyusthānakṛtāvāso vāyugo vāyusambhṛtaḥ || 129 ||

Verse 130

യമാന്തകോഽഭിജനനോ യമലോകനിവാരണഃ ।
യമിനാമഗ്രഗണ്യശ്ച സംയമീ യമഭാവിതഃ ॥ 130 ॥

yamāntako'bhijanano yamalokanivāraṇaḥ |
yamināmagragaṇyaśca saṃyamī yamabhāvitaḥ || 130 ||

Verse 131

ഇന്ദ്രോദ്യാനസമീപസ്ഥഃ ഇന്ദ്രദൃഗ്വിഷയഃ പ്രഭുഃ ।
യക്ഷരാട് സരസീവാസോ ഹ്യക്ഷയ്യനിധികോശകൃത് ॥ 131 ॥

indrodyānasamīpasthaḥ indradṛgviṣayaḥ prabhuḥ |
yakṣarāṭ sarasīvāso hyakṣayyanidhikośakṛt || 131 ||

Verse 132

സ്വാമിതീര്ഥകൃതാവാസഃ സ്വാമിധ്യേയോ ഹ്യധോക്ഷജഃ ।
വരാഹാദ്യഷ്ടതീര്ഥാഭിസേവിതാങ്ഘ്രിസരോരുഹഃ ॥ 132 ॥

svāmitīrthakṛtāvāsaḥ svāmidhyeyo hyadhokṣajaḥ |
varāhādyaṣṭatīrthābhisevitāṅghrisaroruhaḥ || 132 ||

Verse 133

പാണ്ഡുതീര്ഥാഭിഷിക്താങ്ഗോ യുധിഷ്ഠിരവരപ്രദഃ ।
ഭീമാന്തഃകരണാരൂഢഃ ശ്വേതവാഹനസഖ്യവാന് ॥ 133 ॥

pāṇḍutīrthābhiṣiktāṅgo yudhiṣṭhiravarapradaḥ |
bhīmāntaḥkaraṇārūḍhaḥ śvetavāhanasakhyavān || 133 ||

Verse 134

നകുലാഭയദോ മാദ്രീസഹദേവാഭിവന്ദിതഃ ।
കൃഷ്ണാശപഥസന്ധാതാ കുന്തീസ്തുതിരതോ ദമീ ॥ 134 ॥

nakulābhayado mādrīsahadevābhivanditaḥ |
kṛṣṇāśapathasandhātā kuntīstutirato damī || 134 ||

Verse 135

നാരദാദിമുനിസ്തുത്യോ നിത്യകര്മപരായണഃ ।
ദര്ശിതാവ്യക്തരൂപശ്ച വീണാനാദപ്രമോദിതഃ ॥ 135 ॥

nāradādimunistutyo nityakarmaparāyaṇaḥ |
darśitāvyaktarūpaśca vīṇānādapramoditaḥ || 135 ||

Verse 136

ഷട്കോടിതീര്ഥചര്യാവാന് ദേവതീര്ഥകൃതാശ്രമഃ ।
ബില്വാമലജലസ്നായീ സരസ്വത്യമ്ബുസേവിതഃ ॥ 136 ॥

ṣaṭkoṭitīrthacaryāvān devatīrthakṛtāśramaḥ |
bilvāmalajalasnāyī sarasvatyambusevitaḥ || 136 ||

Verse 137

തുമ്ബുരൂദകസംസ്പര്ശജനചിത്തതമോഽപഹഃ ।
മത്സ്യവാമനകൂര്മാദിതീര്ഥരാജഃ പുരാണഭൃത് ॥ 137 ॥

tumburūdakasaṃsparśajanacittatamo'pahaḥ |
matsyavāmanakūrmāditīrtharājaḥ purāṇabhṛt || 137 ||

Verse 138

ചക്രധ്യേയപദാമ്ഭോജഃ ശങ്ഖപൂജിതപാദുകഃ ।
രാമതീര്ഥവിഹാരീ ച ബലഭദ്രപ്രതിഷ്ഠിതഃ ॥ 138 ॥

cakradhyeyapadāmbhojaḥ śaṅkhapūjitapādukaḥ |
rāmatīrthavihārī ca balabhadrapratiṣṭhitaḥ || 138 ||

Verse 139

ജാമദഗ്ന്യസരസ്തീര്ഥജലസേചനതര്പിതഃ ।
പാപാപഹാരികീലാലസുസ്നാതാഘവിനാശനഃ ॥ 139 ॥

jāmadagnyasarastīrthajalasecanatarpitaḥ |
pāpāpahārikīlālasusnātāghavināśanaḥ || 139 ||

Verse 140

നഭോഗങ്ഗാഭിഷിക്തശ്ച നാഗതീര്ഥാഭിഷേകവാന് ।
കുമാരധാരാതീര്ഥസ്ഥോ വടുവേഷഃ സുമേഖലഃ ॥ 140 ॥

nabhogaṅgābhiṣiktaśca nāgatīrthābhiṣekavān |
kumāradhārātīrthastho vaṭuveṣaḥ sumekhalaḥ || 140 ||

Verse 141

വൃദ്ധസ്യ സുകുമാരത്വപ്രദഃ സൌന്ദര്യവാന് സുഖീ ।
പ്രിയംവദോ മഹാകുക്ഷിരിക്ഷ്വാകുകുലനന്ദനഃ ॥ 141 ॥

vṛddhasya sukumāratvapradaḥ saundaryavān sukhī |
priyaṃvado mahākukṣirikṣvākukulanandanaḥ || 141 ||

Verse 142

നീലഗോക്ഷീരധാരാഭൂര്വരാഹാചലനായകഃ ।
ഭരദ്വാജപ്രതിഷ്ഠാവാന് ബൃഹസ്പതിവിഭാവിതഃ ॥ 142 ॥

nīlagokṣīradhārābhūrvarāhācalanāyakaḥ |
bharadvājapratiṣṭhāvān bṛhaspativibhāvitaḥ || 142 ||

Verse 143

അഞ്ജനാകൃതപൂജാവാന് ആഞ്ജനേയകരാര്ചിതഃ ।
അഞ്ജനാദ്രിനിവാസശ്ച മുഞ്ജകേശഃ പുരന്ദരഃ ॥ 143 ॥

añjanākṛtapūjāvān āñjaneyakarārcitaḥ |
añjanādrinivāsaśca muñjakeśaḥ purandaraḥ || 143 ||

Verse 144

കിന്നരദ്വയസമ്ബന്ധിബന്ധമോക്ഷപ്രദായകഃ ।
വൈഖാനസമഖാരമ്ഭോ വൃഷജ്ഞേയോ വൃഷാചലഃ ॥ 144 ॥

kinnaradvayasambandhibandhamokṣapradāyakaḥ |
vaikhānasamakhārambho vṛṣajñeyo vṛṣācalaḥ || 144 ||

Verse 145

വൃഷകായപ്രഭേത്താ ച ക്രീഡനാചാരസമ്ഭ്രമഃ ।
സൌവര്ചലേയവിന്യസ്തരാജ്യോ നാരായണഃ പ്രിയഃ ॥ 145 ॥

vṛṣakāyaprabhettā ca krīḍanācārasambhramaḥ |
sauvarcaleyavinyastarājyo nārāyaṇaḥ priyaḥ || 145 ||

Verse 146

ദുര്മേധോഭഞ്ജകഃ പ്രാജ്ഞോ ബ്രഹ്മോത്സവമഹോത്സുകഃ ।
ഭദ്രാസുരശിരശ്ഛേത്താ ഭദ്രക്ഷേത്രീ സുഭദ്രവാന് ॥ 146 ॥

durmedhobhañjakaḥ prājño brahmotsavamahotsukaḥ |
bhadrāsuraśiraśchettā bhadrakṣetrī subhadravān || 146 ||

Verse 147

മൃഗയാഽക്ഷീണസന്നാഹഃ ശങ്ഖരാജന്യതുഷ്ടിദഃ ।
സ്ഥാണുസ്ഥോ വൈനതേയാങ്ഗഭാവിതോ ഹ്യശരീരവാന് ॥ 147 ॥

mṛgayā'kṣīṇasannāhaḥ śaṅkharājanyatuṣṭidaḥ |
sthāṇustho vainateyāṅgabhāvito hyaśarīravān || 147 ||

Verse 148

ഭോഗീന്ദ്രഭോഗസംസ്ഥാനോ ബ്രഹ്മാദിഗണസേവിതഃ ।
സഹസ്രാര്കച്ഛടാഭാസ്വദ്വിമാനാന്തഃസ്ഥിതോ ഗുണീ ॥ 148 ॥

bhogīndrabhogasaṃsthāno brahmādigaṇasevitaḥ |
sahasrārkacchaṭābhāsvadvimānāntaḥsthito guṇī || 148 ||

Verse 149

വിഷ്വക്സേനകൃതസ്തോത്രഃ സനന്ദനവരീവൃതഃ ।
ജാഹ്നവ്യാദിനദീസേവ്യഃ സുരേശാദ്യഭിവന്ദിതഃ ॥ 149 ॥

viṣvaksenakṛtastotraḥ sanandanavarīvṛtaḥ |
jāhnavyādinadīsevyaḥ sureśādyabhivanditaḥ || 149 ||

Verse 150

സുരാങ്ഗനാനൃത്യപരോ ഗന്ധര്വോദ്ഗായനപ്രിയഃ ।
രാകേന്ദുസങ്കാശനഖഃ കോമലാങ്ഘ്രിസരോരുഹഃ ॥ 150 ॥

surāṅganānṛtyaparo gandharvodgāyanapriyaḥ |
rākendusaṅkāśanakhaḥ komalāṅghrisaroruhaḥ || 150 ||

Verse 151

കച്ഛപപ്രപദഃ കുന്ദഗുല്ഫകഃ സ്വച്ഛകൂര്പരഃ ।
മേദുരസ്വര്ണവസ്ത്രാഢ്യകടിദേശസ്ഥമേഖലഃ ॥ 151 ॥

kacchapaprapadaḥ kundagulphakaḥ svacchakūrparaḥ |
medurasvarṇavastrāḍhyakaṭideśasthamekhalaḥ || 151 ||

Verse 152

പ്രോല്ലസച്ഛുരികാഭാസ്വത്കടിദേശഃ ശുഭങ്കരഃ ।
അനന്തപദ്മജസ്ഥാനനാഭിര്മൌക്തികമാലികഃ ॥ 152 ॥

prollasacchurikābhāsvatkaṭideśaḥ śubhaṅkaraḥ |
anantapadmajasthānanābhirmauktikamālikaḥ || 152 ||

Verse 153

മന്ദാരചാമ്പേയമാലീ രത്നാഭരണസമ്ഭൃതഃ ।
ലമ്ബയജ്ഞോപവീതീ ച ചന്ദ്രശ്രീഖണ്ഡലേപവാന് ॥ 153 ॥

mandāracāmpeyamālī ratnābharaṇasambhṛtaḥ |
lambayajñopavītī ca candraśrīkhaṇḍalepavān || 153 ||

Verse 154

വരദോഽഭയദശ്ചക്രീ ശങ്ഖീ കൌസ്തുഭദീപ്തിമാന് ।
ശ്രീവത്സാങ്കിതവക്ഷസ്കോ ലക്ഷ്മീസംശ്രിതഹൃത്തടഃ ॥ 154 ॥

varado'bhayadaścakrī śaṅkhī kaustubhadīptimān |
śrīvatsāṅkitavakṣasko lakṣmīsaṃśritahṛttaṭaḥ || 154 ||

Verse 155

നീലോത്പലനിഭാകാരഃ ശോണാമ്ഭോജസമാനനഃ ।
കോടിമന്മഥലാവണ്യശ്ചന്ദ്രികാസ്മിതപൂരിതഃ ॥ 155 ॥

nīlotpalanibhākāraḥ śoṇāmbhojasamānanaḥ |
koṭimanmathalāvaṇyaścandrikāsmitapūritaḥ || 155 ||

Verse 156

സുധാസ്വച്ഛോര്ധ്വപുണ്ഡ്രശ്ച കസ്തൂരീതിലകാഞ്ചിതഃ ।
പുണ്ഡരീകേക്ഷണഃ സ്വച്ഛോ മൌലിശോഭാവിരാജിതഃ ॥ 156 ॥

sudhāsvacchordhvapuṇḍraśca kastūrītilakāñcitaḥ |
puṇḍarīkekṣaṇaḥ svaccho mauliśobhāvirājitaḥ || 156 ||

Verse 157

പദ്മസ്ഥഃ പദ്മനാഭശ്ച സോമമണ്ഡലഗോ ബുധഃ ।
വഹ്നിമണ്ഡലഗഃ സൂര്യഃ സൂര്യമണ്ഡലസംസ്ഥിതഃ ॥ 157 ॥

padmasthaḥ padmanābhaśca somamaṇḍalago budhaḥ |
vahnimaṇḍalagaḥ sūryaḥ sūryamaṇḍalasaṃsthitaḥ || 157 ||

Verse 158

ശ്രീപതിര്ഭൂമിജാനിശ്ച വിമലാദ്യഭിസംവൃതഃ ।
ജഗത്കുടുമ്ബജനിതാ രക്ഷകഃ കാമിതപ്രദഃ ॥ 158 ॥

śrīpatirbhūmijāniśca vimalādyabhisaṃvṛtaḥ |
jagatkuṭumbajanitā rakṣakaḥ kāmitapradaḥ || 158 ||

Verse 159

അവസ്ഥാത്രയയന്താ ച വിശ്വതേജസ്സ്വരൂപവാന് ।
ജ്ഞപ്തിര്ജ്ഞേയോ ജ്ഞാനഗമ്യോ ജ്ഞാനാതീതഃ സുരാതിഗഃ ॥ 159 ॥

avasthātrayayantā ca viśvatejassvarūpavān |
jñaptirjñeyo jñānagamyo jñānātītaḥ surātigaḥ || 159 ||

Verse 160

ബ്രഹ്മാണ്ഡാന്തര്ബഹിര്വ്യാപ്തോ വേങ്കടാദ്രിഗദാധരഃ ।
വേങ്കടാദ്രിഗദാധര ഓം നമഃ ഇതി ॥
ഏവം ശ്രീവേങ്കടേശസ്യ കീര്തിതം പരമാദ്ഭുതമ് ॥ 160 ॥

brahmāṇḍāntarbahirvyāpto veṅkaṭādrigadādharaḥ |
veṅkaṭādrigadādhara oṃ namaḥ iti ||
evaṃ śrīveṅkaṭeśasya kīrtitaṃ paramādbhutam || 160 ||

Verse 1

നാമ്നാം സഹസ്രം സംശ്രാവ്യം പവിത്രം പുണ്യവര്ധനമ് ।
ശ്രവണാത്സര്വദോഷഘ്നം രോഗഘ്നം മൃത്യുനാശനമ് ॥ 1 ॥

nāmnāṃ sahasraṃ saṃśrāvyaṃ pavitraṃ puṇyavardhanam |
śravaṇātsarvadoṣaghnaṃ rogaghnaṃ mṛtyunāśanam || 1 ||

Verse 2

ദാരിദ്ര്യഭേദനം ധര്മ്യം സര്വൈശ്വര്യഫലപ്രദമ് ।
കാലാഹിവിഷവിച്ഛേദി ജ്വരാപസ്മാരഭഞ്ജനമ് ॥ 2 ॥

dāridryabhedanaṃ dharmyaṃ sarvaiśvaryaphalapradam |
kālāhiviṣavicchedi jvarāpasmārabhañjanam || 2 ||

Verse 3

[ശത്രുക്ഷയകരം രാജഗ്രഹപീഡാനിവാരണമ് ।
ബ്രഹ്മരാക്ഷസകൂഷ്മാണ്ഡഭേതാലഭയഭഞ്ജനമ് ॥]
വിദ്യാഭിലാഷീ വിദ്യാവാന് ധനാര്ഥീ ധനവാന് ഭവേത് ।
അനന്തകല്പജീവീ സ്യാദായുഷ്കാമോ മഹായശാഃ ॥ 3 ॥

[śatrukṣayakaraṃ rājagrahapīḍānivāraṇam |
brahmarākṣasakūṣmāṇḍabhetālabhayabhañjanam ||]
vidyābhilāṣī vidyāvān dhanārthī dhanavān bhavet |
anantakalpajīvī syādāyuṣkāmo mahāyaśāḥ || 3 ||

Verse 4

പുത്രാര്ഥീ സുഗുണാന്പുത്രാന് ലഭേതാഽഽയുഷ്മതസ്തതഃ ।
സങ്ഗ്രാമേ ശത്രുവിജയീ സഭായാം പ്രതിവാദിജിത് ॥ 4 ॥

putrārthī suguṇānputrān labhetā''yuṣmatastataḥ |
saṅgrāme śatruvijayī sabhāyāṃ prativādijit || 4 ||

Verse 5

ദിവ്യൈര്നാമഭിരേഭിസ്തു തുലസീപൂജനാത്സകൃത് ।
വൈകുണ്ഠവാസീ ഭഗവത്സദൃശോ വിഷ്ണുസന്നിധൌ ॥ 5 ॥

divyairnāmabhirebhistu tulasīpūjanātsakṛt |
vaikuṇṭhavāsī bhagavatsadṛśo viṣṇusannidhau || 5 ||

Verse 6

കല്ഹാരപൂജനാന്മാസാത് ദ്വിതീയ ഇവ യക്ഷരാട് ।
നീലോത്പലാര്ചനാത്സര്വരാജപൂജ്യഃ സദാ ഭവേത് ॥ 6 ॥

kalhārapūjanānmāsāt dvitīya iva yakṣarāṭ |
nīlotpalārcanātsarvarājapūjyaḥ sadā bhavet || 6 ||

Verse 7

ഹൃത്സംസ്ഥിതൈര്നാമഭിസ്തു ഭൂയാദ്ദൃഗ്വിഷയോ ഹരിഃ ।
വാഞ്ഛിതാര്ഥം തദാ ദത്വാ വൈകുണ്ഠം ച പ്രയച്ഛതി ॥ 7 ॥

hṛtsaṃsthitairnāmabhistu bhūyāddṛgviṣayo hariḥ |
vāñchitārthaṃ tadā datvā vaikuṇṭhaṃ ca prayacchati || 7 ||

Verse 8

ത്രിസന്ധ്യം യോ ജപേന്നിത്യം സമ്പൂജ്യ വിധിനാ വിഭുമ് ।
ത്രിവാരം പഞ്ചവാരം വാ പ്രത്യഹം ക്രമശോ യമീ ॥ 8 ॥

trisandhyaṃ yo japennityaṃ sampūjya vidhinā vibhum |
trivāraṃ pañcavāraṃ vā pratyahaṃ kramaśo yamī || 8 ||

Verse 9

മാസാദലക്ഷ്മീനാശഃ സ്യാത് ദ്വിമാസാത് സ്യാന്നരേന്ദ്രതാ ।
ത്രിമാസാന്മഹദൈശ്വര്യം തതഃ സമ്ഭാഷണം ഭവേത് ॥ 9 ॥

māsādalakṣmīnāśaḥ syāt dvimāsāt syānnarendratā |
trimāsānmahadaiśvaryaṃ tataḥ sambhāṣaṇaṃ bhavet || 9 ||

Verse 10

മാസം പഠന്ന്യൂനകര്മപൂര്തിം ച സമവാപ്നുയാത് ।
മാര്ഗഭ്രഷ്ടശ്ച സന്മാര്ഗം ഗതസ്വഃ സ്വം സ്വകീയകമ് ॥ 10 ॥

māsaṃ paṭhannyūnakarmapūrtiṃ ca samavāpnuyāt |
mārgabhraṣṭaśca sanmārgaṃ gatasvaḥ svaṃ svakīyakam || 10 ||

Verse 11

ചാഞ്ചല്യചിത്തോഽചാഞ്ചല്യം മനസ്സ്വാസ്ഥ്യം ച ഗച്ഛതി ।
ആയുരാരോഗ്യമൈശ്വര്യം ജ്ഞാനം മോക്ഷം ച വിന്ദതി ॥ 11 ॥

cāñcalyacitto'cāñcalyaṃ manassvāsthyaṃ ca gacchati |
āyurārogyamaiśvaryaṃ jñānaṃ mokṣaṃ ca vindati || 11 ||

Verse 12

സര്വാന്കാമാനവാപ്നോതി ശാശ്വതം ച പദം തഥാ ।
സത്യം സത്യം പുനസ്സത്യം സത്യം സത്യം ന സംശയഃ ॥ 12 ॥

sarvānkāmānavāpnoti śāśvataṃ ca padaṃ tathā |
satyaṃ satyaṃ punassatyaṃ satyaṃ satyaṃ na saṃśayaḥ || 12 ||

ഇതി ശ്രീ ബ്രഹ്മാണ്ഡപുരാണേ വസിഷ്ഠനാരദസംവാദേ ശ്രീവേങ്കടാചലമാഹാത്മ്യേ ശ്രീ വേങ്കടേശ സഹസ്രനാമ സ്തോത്രം സമാപ്തമ് ।

Sanskrit — Devanagari (original)

श्रीवसिष्ठ उवाच ।

भगवन् केन विधिना नामभिर्वेङ्कटेश्वरम् ।

पूजयामास तं देवं ब्रह्मा तु कमलैः शुभैः ॥ 1 ॥

पृच्छामि तानि नामानि गुणयोगपराणि किम् ।

मुख्यवृत्तीनि किं ब्रूहि लक्षकाण्यथवा हरेः ॥ 2 ॥

नारद उवाच ।

नामान्यनन्तानि हरेः गुणयोगानि कानि चित् ।

मुख्यवृत्तीनि चान्यानि लक्षकाण्यपराणि च ॥ 3 ॥

परमार्थैः सर्वशब्दैरेको ज्ञेयः परः पुमान् ।

आदिमध्यान्तरहितस्त्वव्यक्तोऽनन्तरूपभृत् ॥ 4 ॥

चन्द्रार्कवह्निवाय्वाद्या ग्रहर्क्षाणि नभो दिशः ।

अन्वयव्यतिरेकाभ्यां सन्ति नो सन्ति यन्मतेः ॥ 5 ॥

तस्य देवस्य नाम्नां हि पारं गन्तुं हि कः क्षमः ।

तथाऽपि चाभिधानानि वेङ्कटेशस्य कानिचित् ॥ 6 ॥

ब्रह्मगीतानि पुण्यानि तानि वक्ष्यामि सुव्रत ।

यदुच्चारणमात्रेण विमुक्ताघः परं व्रजेत् ॥ 7 ॥

वेङ्कटेशस्य नाम्नां हि सहस्रस्य ऋषिर्विधिः ।

छन्दोऽनुष्टुप्तथा देवः श्रीवत्साङ्को रमापतिः ॥ 8 ॥

बीजभूतस्तथोङ्कारो ह्रीं क्लीं शक्तिश्च कीलकम् ।

ॐ नमो वेङ्कटेशायेत्यादिर्मन्त्रोऽत्र कथ्यते ॥ 9 ॥

ब्रह्माण्डगर्भः कवचमस्त्रं चक्रगदाधरः ।

विनियोगोऽभीष्टसिद्धौ हृदयं सामगायनः ॥ 10 ॥

अस्य श्री वेङ्कटेश सहस्रनाम स्तोत्र महामन्त्रस्य ब्रह्मा ऋषिः अनुष्टुप् छन्दः श्रीवत्साङ्को रमापतिर्देवता ॐ बीजं ह्रीं शक्तिः क्लीं कीलकं ब्रह्माण्डगर्भ इति कवचं चक्रगदाधर इत्यस्त्रं सामगानमिति हृदयं ॐ नमो वेङ्कटेशायेत्यादिर्मन्त्रः श्री वेङ्कटेश प्रीत्यर्थे जपे विनियोगः ॥

ध्यानम्

भास्वच्चन्द्रमसौ यदीयनयने भार्या यदीया रमा

यस्माद्विश्वसृडप्यभूद्यमिकुलं यद्ध्यानयुक्तं सदा

नाथो यो जगतां नगेन्द्रदुहितुर्नाथोऽपि यद्भक्तिमान्

तातो यो मदनस्य यो दुरितहा तं वेङ्कटेशं भजे ॥

ऊर्ध्वौ हस्तौ यदीयौ सुररिपुदलने बिभ्रतौ शङ्खचक्रे

सेव्यावङ्घ्री स्वकीयावभिदधदधरो दक्षिणो यस्य पाणिः ।

तावन्मात्रं भवाब्धिं गमयति भजतामूरुगो वामपाणिः

श्रीवत्साङ्कश्च लक्ष्मीर्यदुरसि लसतस्तं भजे वेङ्कटेशम् ॥

इति ध्यायन् वेङ्कटेशं श्रीवत्साङ्कं रमापतिम् ।

वेङ्कटेशो विरूपाक्ष इत्यारभ्य जपेत्क्रमात् ॥

स्तोत्रं

ॐ वेङ्कटेशो विरूपाक्षो विश्वेशो विश्वभावनः ।

विश्वसृड्विश्वसंहर्ता विश्वप्राणो विराड्वपुः ॥ 1 ॥

शेषाद्रिनिलयोऽशेषभक्तदुःखप्रणाशनः ।

शेषस्तुत्यः शेषशायी विशेषज्ञो विभुः स्वभूः ॥ 2 ॥

विष्णुर्जिष्णुश्च वर्धिष्णुरुत्सहिष्णुः सहिष्णुकः ।

भ्राजिष्णुश्च ग्रसिष्णुश्च वर्तिष्णुश्च भरिष्णुकः ॥ 3 ॥

कालयन्ता कालगोप्ता कालः कालान्तकोऽखिलः ।

कालगम्यः कालकण्ठवन्द्यः कालकलेश्वरः ॥ 4 ॥

शम्भुः स्वयम्भूरम्भोजनाभिः स्तम्भितवारिधिः ।

अम्भोधिनन्दिनीजानिः शोणाम्भोजपदप्रभः ॥ 5 ॥

कम्बुग्रीवः शम्बरारिरूपः शम्बरजेक्षणः ।

बिम्बाधरो बिम्बरूपी प्रतिबिम्बक्रियातिगः ॥ 6 ॥

गुणवान् गुणगम्यश्च गुणातीतो गुणप्रियः ।

दुर्गुणध्वंसकृत्सर्वसुगुणो गुणभासकः ॥ 7 ॥

परेशः परमात्मा च परञ्ज्योतिः परा गतिः ।

परं पदं वियद्वासाः पारम्पर्यशुभप्रदः ॥ 8 ॥

ब्रह्माण्डगर्भो ब्रह्मण्यो ब्रह्मसृड्ब्रह्मबोधितः ।

ब्रह्मस्तुत्यो ब्रह्मवादी ब्रह्मचर्यपरायणः ॥ 9 ॥

सत्यव्रतार्थसन्तुष्टः सत्यरूपी झषाङ्गवान् ।

सोमकप्राणहारी चाऽऽनीताम्नायोऽब्धिसञ्चरः ॥ 10 ॥

देवासुरवरस्तुत्यः पतन्मन्दरधारकः ।

धन्वन्तरिः कच्छपाङ्गः पयोनिधिविमन्थकः ॥ 11 ॥

अमरामृतसन्धाता धृतसं‍मोहिनीवपुः ।

हरमोहकमायावी रक्षस्सन्दोहभञ्जनः ॥ 12 ॥

हिरण्याक्षविदारी च यज्ञो यज्ञविभावनः ।

यज्ञीयोर्वीसमुद्धर्ता लीलाक्रोडः प्रतापवान् ॥ 13 ॥

दण्डकासुरविध्वंसी वक्रदंष्ट्रः क्षमाधरः ।

गन्धर्वशापहरणः पुण्यगन्धो विचक्षणः ॥ 14 ॥

करालवक्त्रः सोमार्कनेत्रः षड्गुणवैभवः ।

श्वेतघोणी घूर्णितभ्रूर्घुर्घुरध्वनिविभ्रमः ॥ 15 ॥

द्राघीयान् नीलकेशी च जाग्रदम्बुजलोचनः ।

घृणावान् घृणिसम्मोहो महाकालाग्निदीधितिः ॥ 16 ॥

ज्वालाकरालवदनो महोल्काकुलवीक्षणः ।

सटानिर्भिन्नमेघौघो दंष्ट्रारुग्व्याप्तदिक्तटः ॥ 17 ॥

उच्छ्वासाकृष्टभूतेशो निश्श्वासत्यक्तविश्वसृट् ।

अन्तर्भ्रमज्जगद्गर्भोऽनन्तो ब्रह्मकपालहृत् ॥ 18 ॥

उग्रो वीरो महाविष्णुर्ज्वलनः सर्वतोमुखः ।

नृसिंहो भीषणो भद्रो मृत्युमृत्युः सनातनः ॥ 19 ॥

सभास्तम्भोद्भवो भीमः शीरोमाली महेश्वरः ।

द्वादशादित्यचूडालः कल्पधूमसटाच्छविः ॥ 20 ॥

हिरण्यकोरःस्थलभिन्नखः सिंहमुखोऽनघः ।

प्रह्लादवरदो धीमान् भक्तसङ्घप्रतिष्ठितः ॥ 21 ॥

ब्रह्मरुद्रादिसंसेव्यः सिद्धसाध्यप्रपूजितः ।

लक्ष्मीनृसिंहो देवेशो ज्वालाजिह्वान्त्रमालिकः ॥ 22 ॥

खड्गी खेटी महेष्वासी कपाली मुसली हली ।

पाशी शूली महाबाहुर्ज्वरघ्नो रोगलुण्ठकः ॥ 23 ॥

मौञ्जीयुक् छात्रको दण्डी कृष्णाजिनधरो वटुः ।

अधीतवेदो वेदान्तोद्धारको ब्रह्मनैष्ठिकः ॥ 24 ॥

अहीनशयनप्रीतः आदितेयोऽनघो हरिः ।

संवित्प्रियः सामवेद्यो बलिवेश्मप्रतिष्ठितः ॥ 25 ॥

बलिक्षालितपादाब्जो विन्ध्यावलिविमानितः ।

त्रिपादभूमिस्वीकर्ता विश्वरूपप्रदर्शकः ॥ 26 ॥

धृतत्रिविक्रमः स्वाङ्घ्रिनखभिन्नाण्डखर्परः ।

पज्जातवाहिनीधारापवित्रितजगत्त्रयः ॥ 27 ॥

विधिसम्मानितः पुण्यो दैत्ययोद्धा जयोर्जितः ।

सुरराज्यप्रदः शुक्रमदहृत्सुगतीश्वरः ॥ 28 ॥

जामदग्न्यः कुठारी च कार्तवीर्यविदारणः ।

रेणुकायाः शिरोहारी दुष्टक्षत्रियमर्दनः ॥ 29 ॥

वर्चस्वी दानशीलश्च धनुष्मान् ब्रह्मवित्तमः ।

अत्युदग्रः समग्रश्च न्यग्रोधो दुष्टनिग्रहः ॥ 30 ॥

रविवंशसमुद्भूतो राघवो भरताग्रजः ।

कौसल्यातनयो रामो विश्वामित्रप्रियङ्करः ॥ 31 ॥

ताटकारिः सुबाहुघ्नो बलातिबलमन्त्रवान् ।

अहल्याशापविच्छेदी प्रविष्टजनकालयः ॥ 32 ॥

स्वयंवरसभासंस्थ ईशचापप्रभञ्जनः ।

जानकीपरिणेता च जनकाधीशसंस्तुतः ॥ 33 ॥

जमदग्नितनूजातयोद्धाऽयोध्याधिपाग्रणीः ।

पितृवाक्यप्रतीपालस्त्यक्तराज्यः सलक्ष्मणः ॥ 34 ॥

ससीतश्चित्रकूटस्थो भरताहितराज्यकः ।

काकदर्पप्रहर्ता च दण्डकारण्यवासकः ॥ 35 ॥

पञ्चवट्यां विहारी च स्वधर्मपरिपोषकः ।

विराधहाऽगस्त्यमुख्यमुनिसम्मानितः पुमान् ॥ 36 ॥

इन्द्रचापधरः खड्गधरश्चाक्षयसायकः ।

खरान्तको दूषणारिस्त्रिशिरस्करिपुर्वृषः ॥ 37 ॥

ततः शूर्पणखानासाच्छेत्ता वल्कलधारकः ।

जटावान् पर्णशालास्थो मारीचबलमर्दकः ॥ 38 ॥

पक्षिराट्कृतसंवादो रवितेजा महाबलः ।

शबर्यानीतफलभुक् हनूमत्परितोषितः ॥ 39 ॥

सुग्रीवाऽभयदो दैत्यकायक्षेपणभासुरः ।

सप्ततालसमुच्छेत्ता वालिहृत्कपिसंवृतः ॥ 40 ॥

वायुसूनुकृतासेवस्त्यक्तपम्पः कुशासनः ।

उदन्वत्तीरगः शूरो विभीषणवरप्रदः ॥ 41 ॥

सेतुकृद्दैत्यहा प्राप्तलङ्कोऽलङ्कारवान् स्वयम् ।

अतिकायशिरश्छेत्ता कुम्भकर्णविभेदनः ॥ 42 ॥

दशकण्ठशिरोध्वंसी जाम्बवत्प्रमुखावृतः ।

जानकीशः सुराध्यक्षः साकेतेशः पुरातनः ॥ 43 ॥

पुण्यश्लोको वेदवेद्यः स्वामितीर्थनिवासकः ।

लक्ष्मीसरःकेलिलोलो लक्ष्मीशो लोकरक्षकः ॥ 44 ॥

देवकीगर्भसम्भूतो यशोदेक्षणलालितः ।

वसुदेवकृतस्तोत्रो नन्दगोपमनोहरः ॥ 45 ॥

चतुर्भुजः कोमलाङ्गो गदावान्नीलकुन्तलः ।

पूतनाप्राणसंहर्ता तृणावर्तविनाशनः ॥ 46 ॥

गर्गारोपितनामाङ्को वासुदेवो ह्यधोक्षजः ।

गोपिकास्तन्यपायी च बलभद्रानुजोऽच्युतः ॥ 47 ॥

वैयाघ्रनखभूषश्च वत्सजिद्वत्सवर्धनः ।

क्षीरसाराशनरतो दधिभाण्डप्रमर्दनः ॥ 48 ॥

नवनीतापहर्ता च नीलनीरदभासुरः ।

आभीरदृष्टदौर्जन्यो नीलपद्मनिभाननः ॥ 49 ॥

मातृदर्शितविश्वाऽऽस्य उलूखलनिबन्धनः ।

नलकूबरशापान्तो गोधूलिच्छुरिताङ्गकः ॥ 50 ॥

गोसङ्घरक्षकः श्रीशो बृन्दारण्यनिवासकः ।

वत्सान्तको बकद्वेषी दैत्याम्बुदमहानिलः ॥ 51 ॥

महाजगरचण्डाग्निः शकटप्राणकण्टकः ।

इन्द्रसेव्यः पुण्यगात्रः खरजिच्चण्डदीधितिः ॥ 52 ॥

तालपक्वफलाशी च कालीयफणिदर्पहा ।

नागपत्नीस्तुतिप्रीतः प्रलम्बासुरखण्डनः ॥ 53 ॥

दावाग्निबलसंहारी फलाहारी गदाग्रजः ।

गोपाङ्गनाचेलचोरः पाथोलीलाविशारदः ॥ 54 ॥

वंशगानप्रवीणश्च गोपीहस्ताम्बुजार्चितः ।

मुनिपत्न्याहृताहारो मुनिश्रेष्ठो मुनिप्रियः ॥ 55 ॥

गोवर्धनाद्रिसन्धर्ता सङ्क्रन्दनतमोऽपहः ।

सदुद्यानविलासी च रासक्रीडापरायणः ॥ 56 ॥

वरुणाभ्यर्चितो गोपीप्रार्थितः पुरुषोत्तमः ।

अक्रूरस्तुतिसम्प्रीतः कुब्जायौवनदायकः ॥ 57 ॥

मुष्टिकोरःप्रहारी च चाणूरोदरदारणः ।

मल्लयुद्धाग्रगण्यश्च पितृबन्धनमोचकः ॥ 58 ॥

मत्तमातङ्गपञ्चास्यः कंसग्रीवानिकृन्तनः ।

उग्रसेनप्रतिष्ठाता रत्नसिंहासनस्थितः ॥ 59 ॥

कालनेमिखलद्वेषी मुचुकुन्दवरप्रदः ।

साल्वसेवितदुर्धर्षराजस्मयनिवारणः ॥ 60 ॥

रुक्मिगर्वापहारी च रुक्मिणीनयनोत्सवः ।

प्रद्युम्नजनकः कामी प्रद्युम्नो द्वारकाधिपः ॥ 61 ॥

मण्याहर्ता महामायो जाम्बवत्कृतसङ्गरः ।

जाम्बूनदाम्बरधरो गम्यो जाम्बवतीविभुः ॥ 62 ॥

कालिन्दीप्रथितारामकेलिर्गुञ्जावतंसकः ।

मन्दारसुमनोभास्वान् शचीशाभीष्टदायकः ॥ 63 ॥

सत्राजिन्मानसोल्लासी सत्याजानिः शुभावहः ।

शतधन्वहरः सिद्धः पाण्डवप्रियकोत्सवः ॥ 64 ॥

भद्रप्रियः सुभद्राया भ्राता नाग्नाजितीविभुः ।

किरीटकुण्डलधरः कल्पपल्लवलालितः ॥ 65 ॥

भैष्मीप्रणयभाषावान् मित्रविन्दाधिपोऽभयः ।

स्वमूर्तिकेलिसम्प्रीतो लक्ष्मणोदारमानसः ॥ 66 ॥

प्राग्ज्योतिषाधिपध्वंसी तत्सैन्यान्तकरोऽमृतः ।

भूमिस्तुतो भूरिभोगो भूषणाम्बरसंयुतः ॥ 67 ॥

बहुरामाकृताह्लादो गन्धमाल्यानुलेपनः ।

नारदादृष्टचरितो देवेशो विश्वराड्गुरुः ॥ 68 ॥

बाणबाहुविदारश्च तापज्वरविनाशकः ।

उषोद्धर्षयिताऽव्यक्तः शिववाक्तुष्टमानसः ॥ 69 ॥

महेशज्वरसंस्तुत्यः शीतज्वरभयान्तकः ।

नृगराजोद्धारकश्च पौण्ड्रकादिवधोद्यतः ॥ 70 ॥

विविधारिच्छलोद्विग्नब्राह्मणेषु दयापरः ।

जरासन्धबलद्वेषी केशिदैत्यभयङ्करः ॥ 71 ॥

चक्री चैद्यान्तकः सभ्यो राजबन्धविमोचकः ।

राजसूयहविर्भोक्ता स्निग्धाङ्गः शुभलक्षणः ॥ 72 ॥

धानाभक्षणसम्प्रीतः कुचेलाभीष्टदायकः ।

सत्त्वादिगुणगम्भीरो द्रौपदीमानरक्षकः ॥ 73 ॥

भीष्मध्येयो भक्तवश्यो भीमपूज्यो दयानिधिः ।

दन्तवक्त्रशिरश्छेत्ता कृष्णः कृष्णासखः स्वराट् ॥ 74 ॥

वैजयन्तीप्रमोदी च बर्हिबर्हविभूषणः ।

पार्थकौरवसन्धानकारी दुश्शासनान्तकः ॥ 75 ॥

बुद्धो विशुद्धः सर्वज्ञः क्रतुहिंसाविनिन्दकः ।

त्रिपुरस्त्रीमानभङ्गः सर्वशास्त्रविशारदः ॥ 76 ॥

निर्विकारो निर्ममश्च निराभासो निरामयः ।

जगन्मोहकधर्मी च दिग्वस्त्रो दिक्पतीश्वरः ॥ 77 ॥

कल्की म्लेच्छप्रहर्ता च दुष्टनिग्रहकारकः ।

धर्मप्रतिष्टाकारी च चातुर्वर्ण्यविभागकृत् ॥ 78 ॥

युगान्तको युगाक्रान्तो युगकृद्युगभासकः ।

कामारिः कामकारी च निष्कामः कामितार्थदः ॥ 79 ॥

भर्गो वरेण्यः सवितुः शार्ङ्गी वैकुण्ठमन्दिरः ।

हयग्रीवः कैटभारिः ग्राहघ्नो गजरक्षकः ॥ 80 ॥

सर्वसंशयविच्छेत्ता सर्वभक्तसमुत्सुकः ।

कपर्दी कामहारी च कला काष्ठा स्मृतिर्धृतिः ॥ 81 ॥

अनादिरप्रमेयौजाः प्रधानः सन्निरूपकः ।

निर्लेपो निःस्पृहोऽसङ्गो निर्भयो नीतिपारगः ॥ 82 ॥

निष्प्रेष्यो निष्क्रियः शान्तो निष्प्रपञ्चो निधिर्नयः

कर्म्यकर्मी विकर्मी च कर्मेप्सुः कर्मभावनः ॥ 83 ॥

कर्माङ्गः कर्मविन्यासो महाकर्मी महाव्रती ।

कर्मभुक्कर्मफलदः कर्मेशः कर्मनिग्रहः ॥ 84 ॥

नरो नारायणो दान्तः कपिलः कामदः शुचिः ।

तप्ता जप्ताऽक्षमालावान् गन्ता नेता लयो गतिः ॥ 85 ॥

शिष्टो द्रष्टा रिपुद्वेष्टा रोष्टा वेष्टा महानटः ।

रोद्धा बोद्धा महायोद्धा श्रद्धावान् सत्यधीः शुभः ॥ 86 ॥

मन्त्री मन्त्रो मन्त्रगम्यो मन्त्रकृत्परमन्त्रहृत् ।

मन्त्रभृन्मन्त्रफलदो मन्त्रेशो मन्त्रविग्रहः ॥ 87 ॥

मन्त्राङ्गो मन्त्रविन्यासो महामन्त्रो महाक्रमः ।

स्थिरधीः स्थिरविज्ञानः स्थिरप्रज्ञः स्थिरासनः ॥ 88 ॥

स्थिरयोगः स्थिराधारः स्थिरमार्गः स्थिरागमः ।

निश्श्रेयसो निरीहोऽग्निर्निरवद्यो निरञ्जनः ॥ 89 ॥

निर्वैरो निरहङ्कारो निर्दम्भो निरसूयकः ।

अनन्तोऽनन्तबाहूरुरनन्ताङ्घ्रिरनन्तदृक् ॥ 90 ॥

अनन्तवक्त्रोऽनन्ताङ्गोऽनन्तरूपो ह्यनन्तकृत् ।

ऊर्ध्वरेता ऊर्ध्वलिङ्गो ह्यूर्ध्वमूर्धोर्ध्वशाखकः ॥ 91 ॥

ऊर्ध्व ऊर्ध्वाध्वरक्षी च ह्यूर्ध्वज्वालो निराकुलः ।

बीजं बीजप्रदो नित्यो निदानं निष्कृतिः कृती ॥ 92 ॥

महानणीयन् गरिमा सुषमा चित्रमालिकः ।

नभः स्पृङ्नभसो ज्योतिर्नभस्वान्निर्नभा नभः ॥ 93 ॥

अभुर्विभुः प्रभुः शम्भुर्महीयान् भूर्भुवाकृतिः ।

महानन्दो महाशूरो महोराशिर्महोत्सवः ॥ 94 ॥

महाक्रोधो महाज्वालो महाशान्तो महागुणः ।

सत्यव्रतः सत्यपरः सत्यसन्धः सतां गतिः ॥ 95 ॥

सत्येशः सत्यसङ्कल्पः सत्यचारित्रलक्षणः ।

अन्तश्चरो ह्यन्तरात्मा परमात्मा चिदात्मकः ॥ 96 ॥

रोचनो रोचमानश्च साक्षी शौरिर्जनार्दनः ।

मुकुन्दो नन्दनिष्पन्दः स्वर्णबिन्दुः पुरन्दरः ॥ 97 ॥

अरिन्दमः सुमन्दश्च कुन्दमन्दारहासवान् ।

स्यन्दनारूढचण्डाङ्गो ह्यानन्दी नन्दनन्दनः ॥ 98 ॥

अनसूयानन्दनोऽत्रिनेत्रानन्दः सुनन्दवान् ।

शङ्खवान्पङ्कजकरः कुङ्कुमाङ्को जयाङ्कुशः ॥ 99 ॥

अम्भोजमकरन्दाढ्यो निष्पङ्कोऽगरुपङ्किलः ।

इन्द्रश्चन्द्ररथश्चन्द्रोऽतिचन्द्रश्चन्द्रभासकः ॥ 100 ॥

उपेन्द्र इन्द्रराजश्च वागिन्द्रश्चन्द्रलोचनः ।

प्रत्यक् पराक् परन्धाम परमार्थः परात्परः ॥ 101 ॥

अपारवाक् पारगामी पारावारः परावरः ।

सहस्वानर्थदाता च सहनः साहसी जयी ॥ 102 ॥

तेजस्वी वायुविशिखी तपस्वी तापसोत्तमः ।

ऐश्वर्योद्भूतिकृद्भूतिरैश्वर्याङ्गकलापवान् ॥ 103 ॥

अम्भोधिशायी भगवान् सर्वज्ञः सामपारगः ।

महायोगी महाधीरो महाभोगी महाप्रभुः ॥ 104 ॥

महावीरो महातुष्टिर्महापुष्टिर्महागुणः ।

महादेवो महाबाहुर्महाधर्मो महेश्वरः ॥ 105 ॥

समीपगो दूरगामी स्वर्गमार्गनिरर्गलः ।

नगो नगधरो नागो नागेशो नागपालकः ॥ 106 ॥

हिरण्मयः स्वर्णरेता हिरण्यार्चिर्हिरण्यदः ।

गुणगण्यः शरण्यश्च पुण्यकीर्तिः पुराणगः ॥ 107 ॥

जन्यभृज्जन्यसन्नद्धो दिव्यपञ्चायुधो वशी ।

दौर्जन्यभङ्गः पर्जन्यः सौजन्यनिलयोऽलयः ॥ 108 ॥

जलन्धरान्तको भस्मदैत्यनाशी महामनाः ।

श्रेष्ठः श्रविष्ठो द्राघिष्ठो गरिष्ठो गरुडध्वजः ॥ 109 ॥

ज्येष्ठो द्रढिष्ठो वर्षिष्ठो द्राघीयान् प्रणवः फणी ।

सम्प्रदायकरः स्वामी सुरेशो माधवो मधुः ॥ 110 ॥

निर्निमेषो विधिर्वेधा बलवान् जीवनं बली ।

स्मर्ता श्रोता विकर्ता च ध्याता नेता समोऽसमः ॥ 111 ॥

होता पोता महावक्ता रन्ता मन्ता खलान्तकः ।

दाता ग्राहयिता माता नियन्ताऽनन्तवैभवः ॥ 112 ॥

गोप्ता गोपयिता हन्ता धर्मजागरिता धवः ।

कर्ता क्षेत्रकरः क्षेत्रप्रदः क्षेत्रज्ञ आत्मवित् ॥ 113 ॥

क्षेत्री क्षेत्रहरः क्षेत्रप्रियः क्षेमकरो मरुत् ।

भक्तिप्रदो मुक्तिदायी शक्तिदो युक्तिदायकः ॥ 114 ॥

शक्तियुङ्मौक्तिकस्रग्वी सूक्तिराम्नायसूक्तिगः ।

धनञ्जयो धनाध्यक्षो धनिको धनदाधिपः ॥ 115 ॥

महाधनो महामानी दुर्योधनविमानितः ।

रत्नाकरो रत्नरोची रत्नगर्भाश्रयः शुचिः ॥ 116 ॥

रत्नसानुनिधिर्मौलिरत्नभा रत्नकङ्कणः ।

अन्तर्लक्ष्योऽन्तरभ्यासी चान्तर्ध्येयो जितासनः ॥ 117 ॥

अन्तरङ्गो दयावांश्च ह्यन्तर्मायो महार्णवः ।

सरसः सिद्धरसिकः सिद्धिः साध्यः सदागतिः ॥ 118 ॥

आयुःप्रदो महायुष्मानर्चिष्मानोषधीपतिः ।

अष्टश्रीरष्टभागोऽष्टककुब्व्याप्तयशो व्रती ॥ 119 ॥

अष्टापदः सुवर्णाभो ह्यष्टमूर्तिस्त्रिमूर्तिमान् ।

अस्वप्नः स्वप्नगः स्वप्नः सुस्वप्नफलदायकः ॥ 120 ॥

दुःस्वप्नध्वंसको ध्वस्तदुर्निमित्तः शिवङ्करः ।

सुवर्णवर्णः सम्भाव्यो वर्णितो वर्णसम्मुखः ॥ 121 ॥

सुवर्णमुखरीतीरशिवध्यातपदाम्बुजः ।

दाक्षायणीवचस्तुष्टो दूर्वासोदृष्टिगोचरः ॥ 122 ॥

अम्बरीषव्रतप्रीतो महाकृत्तिविभञ्जनः ।

महाभिचारकध्वंसी कालसर्पभयान्तकः ॥ 123 ॥

सुदर्शनः कालमेघश्यामः श्रीमन्त्रभावितः ।

हेमाम्बुजसरःस्नायी श्रीमनोभाविताकृतिः ॥ 124 ॥

श्रीप्रदत्ताम्बुजस्रग्वी श्रीकेलिः श्रीनिधिर्भवः ।

श्रीप्रदो वामनो लक्ष्मीनायकश्च चतुर्भुजः ॥ 125 ॥

सन्तृप्तस्तर्पितस्तीर्थस्नातृसौख्यप्रदर्शकः ।

अगस्त्यस्तुतिसंहृष्टो दर्शिताव्यक्तभावनः ॥ 126 ॥

कपिलार्चिः कपिलवान् सुस्नाताघविपाटनः ।

वृषाकपिः कपिस्वामिमनोऽन्तःस्थितविग्रहः ॥ 127 ॥

वह्निप्रियोऽर्थसम्भाव्यो जनलोकविधायकः ।

वह्निप्रभो वह्नितेजाः शुभाभीष्टप्रदो यमी ॥ 128 ॥

वारुणक्षेत्रनिलयो वरुणो वारणार्चितः ।

वायुस्थानकृतावासो वायुगो वायुसम्भृतः ॥ 129 ॥

यमान्तकोऽभिजननो यमलोकनिवारणः ।

यमिनामग्रगण्यश्च संयमी यमभावितः ॥ 130 ॥

इन्द्रोद्यानसमीपस्थः इन्द्रदृग्विषयः प्रभुः ।

यक्षराट् सरसीवासो ह्यक्षय्यनिधिकोशकृत् ॥ 131 ॥

स्वामितीर्थकृतावासः स्वामिध्येयो ह्यधोक्षजः ।

वराहाद्यष्टतीर्थाभिसेविताङ्घ्रिसरोरुहः ॥ 132 ॥

पाण्डुतीर्थाभिषिक्ताङ्गो युधिष्ठिरवरप्रदः ।

भीमान्तःकरणारूढः श्वेतवाहनसख्यवान् ॥ 133 ॥

नकुलाभयदो माद्रीसहदेवाभिवन्दितः ।

कृष्णाशपथसन्धाता कुन्तीस्तुतिरतो दमी ॥ 134 ॥

नारदादिमुनिस्तुत्यो नित्यकर्मपरायणः ।

दर्शिताव्यक्तरूपश्च वीणानादप्रमोदितः ॥ 135 ॥

षट्कोटितीर्थचर्यावान् देवतीर्थकृताश्रमः ।

बिल्वामलजलस्नायी सरस्वत्यम्बुसेवितः ॥ 136 ॥

तुम्बुरूदकसंस्पर्शजनचित्ततमोऽपहः ।

मत्स्यवामनकूर्मादितीर्थराजः पुराणभृत् ॥ 137 ॥

चक्रध्येयपदाम्भोजः शङ्खपूजितपादुकः ।

रामतीर्थविहारी च बलभद्रप्रतिष्ठितः ॥ 138 ॥

जामदग्न्यसरस्तीर्थजलसेचनतर्पितः ।

पापापहारिकीलालसुस्नाताघविनाशनः ॥ 139 ॥

नभोगङ्गाभिषिक्तश्च नागतीर्थाभिषेकवान् ।

कुमारधारातीर्थस्थो वटुवेषः सुमेखलः ॥ 140 ॥

वृद्धस्य सुकुमारत्वप्रदः सौन्दर्यवान् सुखी ।

प्रियंवदो महाकुक्षिरिक्ष्वाकुकुलनन्दनः ॥ 141 ॥

नीलगोक्षीरधाराभूर्वराहाचलनायकः ।

भरद्वाजप्रतिष्ठावान् बृहस्पतिविभावितः ॥ 142 ॥

अञ्जनाकृतपूजावान् आञ्जनेयकरार्चितः ।

अञ्जनाद्रिनिवासश्च मुञ्जकेशः पुरन्दरः ॥ 143 ॥

किन्नरद्वयसम्बन्धिबन्धमोक्षप्रदायकः ।

वैखानसमखारम्भो वृषज्ञेयो वृषाचलः ॥ 144 ॥

वृषकायप्रभेत्ता च क्रीडनाचारसम्भ्रमः ।

सौवर्चलेयविन्यस्तराज्यो नारायणः प्रियः ॥ 145 ॥

दुर्मेधोभञ्जकः प्राज्ञो ब्रह्मोत्सवमहोत्सुकः ।

भद्रासुरशिरश्छेत्ता भद्रक्षेत्री सुभद्रवान् ॥ 146 ॥

मृगयाऽक्षीणसन्नाहः शङ्खराजन्यतुष्टिदः ।

स्थाणुस्थो वैनतेयाङ्गभावितो ह्यशरीरवान् ॥ 147 ॥

भोगीन्द्रभोगसंस्थानो ब्रह्मादिगणसेवितः ।

सहस्रार्कच्छटाभास्वद्विमानान्तःस्थितो गुणी ॥ 148 ॥

विष्वक्सेनकृतस्तोत्रः सनन्दनवरीवृतः ।

जाह्नव्यादिनदीसेव्यः सुरेशाद्यभिवन्दितः ॥ 149 ॥

सुराङ्गनानृत्यपरो गन्धर्वोद्गायनप्रियः ।

राकेन्दुसङ्काशनखः कोमलाङ्घ्रिसरोरुहः ॥ 150 ॥

कच्छपप्रपदः कुन्दगुल्फकः स्वच्छकूर्परः ।

मेदुरस्वर्णवस्त्राढ्यकटिदेशस्थमेखलः ॥ 151 ॥

प्रोल्लसच्छुरिकाभास्वत्कटिदेशः शुभङ्करः ।

अनन्तपद्मजस्थाननाभिर्मौक्तिकमालिकः ॥ 152 ॥

मन्दारचाम्पेयमाली रत्नाभरणसम्भृतः ।

लम्बयज्ञोपवीती च चन्द्रश्रीखण्डलेपवान् ॥ 153 ॥

वरदोऽभयदश्चक्री शङ्खी कौस्तुभदीप्तिमान् ।

श्रीवत्साङ्कितवक्षस्को लक्ष्मीसंश्रितहृत्तटः ॥ 154 ॥

नीलोत्पलनिभाकारः शोणाम्भोजसमाननः ।

कोटिमन्मथलावण्यश्चन्द्रिकास्मितपूरितः ॥ 155 ॥

सुधास्वच्छोर्ध्वपुण्ड्रश्च कस्तूरीतिलकाञ्चितः ।

पुण्डरीकेक्षणः स्वच्छो मौलिशोभाविराजितः ॥ 156 ॥

पद्मस्थः पद्मनाभश्च सोममण्डलगो बुधः ।

वह्निमण्डलगः सूर्यः सूर्यमण्डलसंस्थितः ॥ 157 ॥

श्रीपतिर्भूमिजानिश्च विमलाद्यभिसंवृतः ।

जगत्कुटुम्बजनिता रक्षकः कामितप्रदः ॥ 158 ॥

अवस्थात्रययन्ता च विश्वतेजस्स्वरूपवान् ।

ज्ञप्तिर्ज्ञेयो ज्ञानगम्यो ज्ञानातीतः सुरातिगः ॥ 159 ॥

ब्रह्माण्डान्तर्बहिर्व्याप्तो वेङ्कटाद्रिगदाधरः ।

वेङ्कटाद्रिगदाधर ॐ नमः इति ॥

एवं श्रीवेङ्कटेशस्य कीर्तितं परमाद्भुतम् ॥ 160 ॥

नाम्नां सहस्रं संश्राव्यं पवित्रं पुण्यवर्धनम् ।

श्रवणात्सर्वदोषघ्नं रोगघ्नं मृत्युनाशनम् ॥ 1 ॥

दारिद्र्यभेदनं धर्म्यं सर्वैश्वर्यफलप्रदम् ।

कालाहिविषविच्छेदि ज्वरापस्मारभञ्जनम् ॥ 2 ॥

[शत्रुक्षयकरं राजग्रहपीडानिवारणम् ।

ब्रह्मराक्षसकूष्माण्डभेतालभयभञ्जनम् ॥]

विद्याभिलाषी विद्यावान् धनार्थी धनवान् भवेत् ।

अनन्तकल्पजीवी स्यादायुष्कामो महायशाः ॥ 3 ॥

पुत्रार्थी सुगुणान्पुत्रान् लभेताऽऽयुष्मतस्ततः ।

सङ्ग्रामे शत्रुविजयी सभायां प्रतिवादिजित् ॥ 4 ॥

दिव्यैर्नामभिरेभिस्तु तुलसीपूजनात्सकृत् ।

वैकुण्ठवासी भगवत्सदृशो विष्णुसन्निधौ ॥ 5 ॥

कल्हारपूजनान्मासात् द्वितीय इव यक्षराट् ।

नीलोत्पलार्चनात्सर्वराजपूज्यः सदा भवेत् ॥ 6 ॥

हृत्संस्थितैर्नामभिस्तु भूयाद्दृग्विषयो हरिः ।

वाञ्छितार्थं तदा दत्वा वैकुण्ठं च प्रयच्छति ॥ 7 ॥

त्रिसन्ध्यं यो जपेन्नित्यं सम्पूज्य विधिना विभुम् ।

त्रिवारं पञ्चवारं वा प्रत्यहं क्रमशो यमी ॥ 8 ॥

मासादलक्ष्मीनाशः स्यात् द्विमासात् स्यान्नरेन्द्रता ।

त्रिमासान्महदैश्वर्यं ततः सम्भाषणं भवेत् ॥ 9 ॥

मासं पठन्न्यूनकर्मपूर्तिं च समवाप्नुयात् ।

मार्गभ्रष्टश्च सन्मार्गं गतस्वः स्वं स्वकीयकम् ॥ 10 ॥

चाञ्चल्यचित्तोऽचाञ्चल्यं मनस्स्वास्थ्यं च गच्छति ।

आयुरारोग्यमैश्वर्यं ज्ञानं मोक्षं च विन्दति ॥ 11 ॥

सर्वान्कामानवाप्नोति शाश्वतं च पदं तथा ।

सत्यं सत्यं पुनस्सत्यं सत्यं सत्यं न संशयः ॥ 12 ॥

इति श्री ब्रह्माण्डपुराणे वसिष्ठनारदसंवादे श्रीवेङ्कटाचलमाहात्म्ये श्री वेङ्कटेश सहस्रनाम स्तोत्रं समाप्तम् ।

🕉️ This is the original Sanskrit rendered in Malayalam script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ശ്രീ വേങ്കടേശ്വര സഹസ്രനാമ സ്തോത്രമ്