Shri Venkateshvara Sahasranama Stotram — Kannada Script

Meaning —

ಶ್ರೀವಸಿಷ್ಠ ಉವಾಚ ।

Verse 1

ಭಗವನ್ ಕೇನ ವಿಧಿನಾ ನಾಮಭಿರ್ವೇಙ್ಕಟೇಶ್ವರಮ್ ।
ಪೂಜಯಾಮಾಸ ತಂ ದೇವಂ ಬ್ರಹ್ಮಾ ತು ಕಮಲೈಃ ಶುಭೈಃ ॥ 1 ॥

bhagavan kena vidhinā nāmabhirveṅkaṭeśvaram |
pūjayāmāsa taṃ devaṃ brahmā tu kamalaiḥ śubhaiḥ || 1 ||

Verse 2

ಪೃಚ್ಛಾಮಿ ತಾನಿ ನಾಮಾನಿ ಗುಣಯೋಗಪರಾಣಿ ಕಿಮ್ ।
ಮುಖ್ಯವೃತ್ತೀನಿ ಕಿಂ ಬ್ರೂಹಿ ಲಕ್ಷಕಾಣ್ಯಥವಾ ಹರೇಃ ॥ 2 ॥

pṛcchāmi tāni nāmāni guṇayogaparāṇi kim |
mukhyavṛttīni kiṃ brūhi lakṣakāṇyathavā hareḥ || 2 ||

ನಾರದ ಉವಾಚ ।

Verse 3

ನಾಮಾನ್ಯನನ್ತಾನಿ ಹರೇಃ ಗುಣಯೋಗಾನಿ ಕಾನಿ ಚಿತ್ ।
ಮುಖ್ಯವೃತ್ತೀನಿ ಚಾನ್ಯಾನಿ ಲಕ್ಷಕಾಣ್ಯಪರಾಣಿ ಚ ॥ 3 ॥

nāmānyanantāni hareḥ guṇayogāni kāni cit |
mukhyavṛttīni cānyāni lakṣakāṇyaparāṇi ca || 3 ||

Verse 4

ಪರಮಾರ್ಥೈಃ ಸರ್ವಶಬ್ದೈರೇಕೋ ಜ್ಞೇಯಃ ಪರಃ ಪುಮಾನ್ ।
ಆದಿಮಧ್ಯಾನ್ತರಹಿತಸ್ತ್ವವ್ಯಕ್ತೋಽನನ್ತರೂಪಭೃತ್ ॥ 4 ॥

paramārthaiḥ sarvaśabdaireko jñeyaḥ paraḥ pumān |
ādimadhyāntarahitastvavyakto'nantarūpabhṛt || 4 ||

Verse 5

ಚನ್ದ್ರಾರ್ಕವಹ್ನಿವಾಯ್ವಾದ್ಯಾ ಗ್ರಹರ್ಕ್ಷಾಣಿ ನಭೋ ದಿಶಃ ।
ಅನ್ವಯವ್ಯತಿರೇಕಾಭ್ಯಾಂ ಸನ್ತಿ ನೋ ಸನ್ತಿ ಯನ್ಮತೇಃ ॥ 5 ॥

candrārkavahnivāyvādyā graharkṣāṇi nabho diśaḥ |
anvayavyatirekābhyāṃ santi no santi yanmateḥ || 5 ||

Verse 6

ತಸ್ಯ ದೇವಸ್ಯ ನಾಮ್ನಾಂ ಹಿ ಪಾರಂ ಗನ್ತುಂ ಹಿ ಕಃ ಕ್ಷಮಃ ।
ತಥಾಽಪಿ ಚಾಭಿಧಾನಾನಿ ವೇಙ್ಕಟೇಶಸ್ಯ ಕಾನಿಚಿತ್ ॥ 6 ॥

tasya devasya nāmnāṃ hi pāraṃ gantuṃ hi kaḥ kṣamaḥ |
tathā'pi cābhidhānāni veṅkaṭeśasya kānicit || 6 ||

Verse 7

ಬ್ರಹ್ಮಗೀತಾನಿ ಪುಣ್ಯಾನಿ ತಾನಿ ವಕ್ಷ್ಯಾಮಿ ಸುವ್ರತ ।
ಯದುಚ್ಚಾರಣಮಾತ್ರೇಣ ವಿಮುಕ್ತಾಘಃ ಪರಂ ವ್ರಜೇತ್ ॥ 7 ॥

brahmagītāni puṇyāni tāni vakṣyāmi suvrata |
yaduccāraṇamātreṇa vimuktāghaḥ paraṃ vrajet || 7 ||

Verse 8

ವೇಙ್ಕಟೇಶಸ್ಯ ನಾಮ್ನಾಂ ಹಿ ಸಹಸ್ರಸ್ಯ ಋಷಿರ್ವಿಧಿಃ ।
ಛನ್ದೋಽನುಷ್ಟುಪ್ತಥಾ ದೇವಃ ಶ್ರೀವತ್ಸಾಙ್ಕೋ ರಮಾಪತಿಃ ॥ 8 ॥

veṅkaṭeśasya nāmnāṃ hi sahasrasya ṛṣirvidhiḥ |
chando'nuṣṭuptathā devaḥ śrīvatsāṅko ramāpatiḥ || 8 ||

Verse 9

ಬೀಜಭೂತಸ್ತಥೋಙ್ಕಾರೋ ಹ್ರೀಂ ಕ್ಲೀಂ ಶಕ್ತಿಶ್ಚ ಕೀಲಕಮ್ ।
ಓಂ ನಮೋ ವೇಙ್ಕಟೇಶಾಯೇತ್ಯಾದಿರ್ಮನ್ತ್ರೋಽತ್ರ ಕಥ್ಯತೇ ॥ 9 ॥

bījabhūtastathoṅkāro hrīṃ klīṃ śaktiśca kīlakam |
oṃ namo veṅkaṭeśāyetyādirmantro'tra kathyate || 9 ||

Verse 10

ಬ್ರಹ್ಮಾಣ್ಡಗರ್ಭಃ ಕವಚಮಸ್ತ್ರಂ ಚಕ್ರಗದಾಧರಃ ।
ವಿನಿಯೋಗೋಽಭೀಷ್ಟಸಿದ್ಧೌ ಹೃದಯಂ ಸಾಮಗಾಯನಃ ॥ 10 ॥

brahmāṇḍagarbhaḥ kavacamastraṃ cakragadādharaḥ |
viniyogo'bhīṣṭasiddhau hṛdayaṃ sāmagāyanaḥ || 10 ||

ಅಸ್ಯ ಶ್ರೀ ವೇಙ್ಕಟೇಶ ಸಹಸ್ರನಾಮ ಸ್ತೋತ್ರ ಮಹಾಮನ್ತ್ರಸ್ಯ ಬ್ರಹ್ಮಾ ಋಷಿಃ ಅನುಷ್ಟುಪ್ ಛನ್ದಃ ಶ್ರೀವತ್ಸಾಙ್ಕೋ ರಮಾಪತಿರ್ದೇವತಾ ಓಂ ಬೀಜಂ ಹ್ರೀಂ ಶಕ್ತಿಃ ಕ್ಲೀಂ ಕೀಲಕಂ ಬ್ರಹ್ಮಾಣ್ಡಗರ್ಭ ಇತಿ ಕವಚಂ ಚಕ್ರಗದಾಧರ ಇತ್ಯಸ್ತ್ರಂ ಸಾಮಗಾನಮಿತಿ ಹೃದಯಂ ಓಂ ನಮೋ ವೇಙ್ಕಟೇಶಾಯೇತ್ಯಾದಿರ್ಮನ್ತ್ರಃ ಶ್ರೀ ವೇಙ್ಕಟೇಶ ಪ್ರೀತ್ಯರ್ಥೇ ಜಪೇ ವಿನಿಯೋಗಃ ॥
ಧ್ಯಾನಮ್
ಭಾಸ್ವಚ್ಚನ್ದ್ರಮಸೌ ಯದೀಯನಯನೇ ಭಾರ್ಯಾ ಯದೀಯಾ ರಮಾ
ಯಸ್ಮಾದ್ವಿಶ್ವಸೃಡಪ್ಯಭೂದ್ಯಮಿಕುಲಂ ಯದ್ಧ್ಯಾನಯುಕ್ತಂ ಸದಾ
ನಾಥೋ ಯೋ ಜಗತಾಂ ನಗೇನ್ದ್ರದುಹಿತುರ್ನಾಥೋಽಪಿ ಯದ್ಭಕ್ತಿಮಾನ್
ತಾತೋ ಯೋ ಮದನಸ್ಯ ಯೋ ದುರಿತಹಾ ತಂ ವೇಙ್ಕಟೇಶಂ ಭಜೇ ॥
ಊರ್ಧ್ವೌ ಹಸ್ತೌ ಯದೀಯೌ ಸುರರಿಪುದಲನೇ ಬಿಭ್ರತೌ ಶಙ್ಖಚಕ್ರೇ
ಸೇವ್ಯಾವಙ್ಘ್ರೀ ಸ್ವಕೀಯಾವಭಿದಧದಧರೋ ದಕ್ಷಿಣೋ ಯಸ್ಯ ಪಾಣಿಃ ।
ತಾವನ್ಮಾತ್ರಂ ಭವಾಬ್ಧಿಂ ಗಮಯತಿ ಭಜತಾಮೂರುಗೋ ವಾಮಪಾಣಿಃ
ಶ್ರೀವತ್ಸಾಙ್ಕಶ್ಚ ಲಕ್ಷ್ಮೀರ್ಯದುರಸಿ ಲಸತಸ್ತಂ ಭಜೇ ವೇಙ್ಕಟೇಶಮ್ ॥

asya śrī veṅkaṭeśa sahasranāma stotra mahāmantrasya brahmā ṛṣiḥ anuṣṭup chandaḥ śrīvatsāṅko ramāpatirdevatā oṃ bījaṃ hrīṃ śaktiḥ klīṃ kīlakaṃ brahmāṇḍagarbha iti kavacaṃ cakragadādhara ityastraṃ sāmagānamiti hṛdayaṃ oṃ namo veṅkaṭeśāyetyādirmantraḥ śrī veṅkaṭeśa prītyarthe jape viniyogaḥ ||
dhyānam
bhāsvaccandramasau yadīyanayane bhāryā yadīyā ramā
yasmādviśvasṛḍapyabhūdyamikulaṃ yaddhyānayuktaṃ sadā
nātho yo jagatāṃ nagendraduhiturnātho'pi yadbhaktimān
tāto yo madanasya yo duritahā taṃ veṅkaṭeśaṃ bhaje ||
ūrdhvau hastau yadīyau suraripudalane bibhratau śaṅkhacakre
sevyāvaṅghrī svakīyāvabhidadhadadharo dakṣiṇo yasya pāṇiḥ |
tāvanmātraṃ bhavābdhiṃ gamayati bhajatāmūrugo vāmapāṇiḥ
śrīvatsāṅkaśca lakṣmīryadurasi lasatastaṃ bhaje veṅkaṭeśam ||

ಇತಿ ಧ್ಯಾಯನ್ ವೇಙ್ಕಟೇಶಂ ಶ್ರೀವತ್ಸಾಙ್ಕಂ ರಮಾಪತಿಮ್ ।
ವೇಙ್ಕಟೇಶೋ ವಿರೂಪಾಕ್ಷ ಇತ್ಯಾರಭ್ಯ ಜಪೇತ್ಕ್ರಮಾತ್ ॥

Verse 1

ಸ್ತೋತ್ರಂ
ಓಂ ವೇಙ್ಕಟೇಶೋ ವಿರೂಪಾಕ್ಷೋ ವಿಶ್ವೇಶೋ ವಿಶ್ವಭಾವನಃ ।
ವಿಶ್ವಸೃಡ್ವಿಶ್ವಸಂಹರ್ತಾ ವಿಶ್ವಪ್ರಾಣೋ ವಿರಾಡ್ವಪುಃ ॥ 1 ॥

stotraṃ
oṃ veṅkaṭeśo virūpākṣo viśveśo viśvabhāvanaḥ |
viśvasṛḍviśvasaṃhartā viśvaprāṇo virāḍvapuḥ || 1 ||

Verse 2

ಶೇಷಾದ್ರಿನಿಲಯೋಽಶೇಷಭಕ್ತದುಃಖಪ್ರಣಾಶನಃ ।
ಶೇಷಸ್ತುತ್ಯಃ ಶೇಷಶಾಯೀ ವಿಶೇಷಜ್ಞೋ ವಿಭುಃ ಸ್ವಭೂಃ ॥ 2 ॥

śeṣādrinilayo'śeṣabhaktaduḥkhapraṇāśanaḥ |
śeṣastutyaḥ śeṣaśāyī viśeṣajño vibhuḥ svabhūḥ || 2 ||

Verse 3

ವಿಷ್ಣುರ್ಜಿಷ್ಣುಶ್ಚ ವರ್ಧಿಷ್ಣುರುತ್ಸಹಿಷ್ಣುಃ ಸಹಿಷ್ಣುಕಃ ।
ಭ್ರಾಜಿಷ್ಣುಶ್ಚ ಗ್ರಸಿಷ್ಣುಶ್ಚ ವರ್ತಿಷ್ಣುಶ್ಚ ಭರಿಷ್ಣುಕಃ ॥ 3 ॥

viṣṇurjiṣṇuśca vardhiṣṇurutsahiṣṇuḥ sahiṣṇukaḥ |
bhrājiṣṇuśca grasiṣṇuśca vartiṣṇuśca bhariṣṇukaḥ || 3 ||

Verse 4

ಕಾಲಯನ್ತಾ ಕಾಲಗೋಪ್ತಾ ಕಾಲಃ ಕಾಲಾನ್ತಕೋಽಖಿಲಃ ।
ಕಾಲಗಮ್ಯಃ ಕಾಲಕಣ್ಠವನ್ದ್ಯಃ ಕಾಲಕಲೇಶ್ವರಃ ॥ 4 ॥

kālayantā kālagoptā kālaḥ kālāntako'khilaḥ |
kālagamyaḥ kālakaṇṭhavandyaḥ kālakaleśvaraḥ || 4 ||

Verse 5

ಶಮ್ಭುಃ ಸ್ವಯಮ್ಭೂರಮ್ಭೋಜನಾಭಿಃ ಸ್ತಮ್ಭಿತವಾರಿಧಿಃ ।
ಅಮ್ಭೋಧಿನನ್ದಿನೀಜಾನಿಃ ಶೋಣಾಮ್ಭೋಜಪದಪ್ರಭಃ ॥ 5 ॥

śambhuḥ svayambhūrambhojanābhiḥ stambhitavāridhiḥ |
ambhodhinandinījāniḥ śoṇāmbhojapadaprabhaḥ || 5 ||

Verse 6

ಕಮ್ಬುಗ್ರೀವಃ ಶಮ್ಬರಾರಿರೂಪಃ ಶಮ್ಬರಜೇಕ್ಷಣಃ ।
ಬಿಮ್ಬಾಧರೋ ಬಿಮ್ಬರೂಪೀ ಪ್ರತಿಬಿಮ್ಬಕ್ರಿಯಾತಿಗಃ ॥ 6 ॥

kambugrīvaḥ śambarārirūpaḥ śambarajekṣaṇaḥ |
bimbādharo bimbarūpī pratibimbakriyātigaḥ || 6 ||

Verse 7

ಗುಣವಾನ್ ಗುಣಗಮ್ಯಶ್ಚ ಗುಣಾತೀತೋ ಗುಣಪ್ರಿಯಃ ।
ದುರ್ಗುಣಧ್ವಂಸಕೃತ್ಸರ್ವಸುಗುಣೋ ಗುಣಭಾಸಕಃ ॥ 7 ॥

guṇavān guṇagamyaśca guṇātīto guṇapriyaḥ |
durguṇadhvaṃsakṛtsarvasuguṇo guṇabhāsakaḥ || 7 ||

Verse 8

ಪರೇಶಃ ಪರಮಾತ್ಮಾ ಚ ಪರಞ್ಜ್ಯೋತಿಃ ಪರಾ ಗತಿಃ ।
ಪರಂ ಪದಂ ವಿಯದ್ವಾಸಾಃ ಪಾರಮ್ಪರ್ಯಶುಭಪ್ರದಃ ॥ 8 ॥

pareśaḥ paramātmā ca parañjyotiḥ parā gatiḥ |
paraṃ padaṃ viyadvāsāḥ pāramparyaśubhapradaḥ || 8 ||

Verse 9

ಬ್ರಹ್ಮಾಣ್ಡಗರ್ಭೋ ಬ್ರಹ್ಮಣ್ಯೋ ಬ್ರಹ್ಮಸೃಡ್ಬ್ರಹ್ಮಬೋಧಿತಃ ।
ಬ್ರಹ್ಮಸ್ತುತ್ಯೋ ಬ್ರಹ್ಮವಾದೀ ಬ್ರಹ್ಮಚರ್ಯಪರಾಯಣಃ ॥ 9 ॥

brahmāṇḍagarbho brahmaṇyo brahmasṛḍbrahmabodhitaḥ |
brahmastutyo brahmavādī brahmacaryaparāyaṇaḥ || 9 ||

Verse 10

ಸತ್ಯವ್ರತಾರ್ಥಸನ್ತುಷ್ಟಃ ಸತ್ಯರೂಪೀ ಝಷಾಙ್ಗವಾನ್ ।
ಸೋಮಕಪ್ರಾಣಹಾರೀ ಚಾಽಽನೀತಾಮ್ನಾಯೋಽಬ್ಧಿಸಞ್ಚರಃ ॥ 10 ॥

satyavratārthasantuṣṭaḥ satyarūpī jhaṣāṅgavān |
somakaprāṇahārī cā''nītāmnāyo'bdhisañcaraḥ || 10 ||

Verse 11

ದೇವಾಸುರವರಸ್ತುತ್ಯಃ ಪತನ್ಮನ್ದರಧಾರಕಃ ।
ಧನ್ವನ್ತರಿಃ ಕಚ್ಛಪಾಙ್ಗಃ ಪಯೋನಿಧಿವಿಮನ್ಥಕಃ ॥ 11 ॥

devāsuravarastutyaḥ patanmandaradhārakaḥ |
dhanvantariḥ kacchapāṅgaḥ payonidhivimanthakaḥ || 11 ||

Verse 12

ಅಮರಾಮೃತಸನ್ಧಾತಾ ಧೃತಸಂ‍ಮೋಹಿನೀವಪುಃ ।
ಹರಮೋಹಕಮಾಯಾವೀ ರಕ್ಷಸ್ಸನ್ದೋಹಭಞ್ಜನಃ ॥ 12 ॥

amarāmṛtasandhātā dhṛtasaṃ‍mohinīvapuḥ |
haramohakamāyāvī rakṣassandohabhañjanaḥ || 12 ||

Verse 13

ಹಿರಣ್ಯಾಕ್ಷವಿದಾರೀ ಚ ಯಜ್ಞೋ ಯಜ್ಞವಿಭಾವನಃ ।
ಯಜ್ಞೀಯೋರ್ವೀಸಮುದ್ಧರ್ತಾ ಲೀಲಾಕ್ರೋಡಃ ಪ್ರತಾಪವಾನ್ ॥ 13 ॥

hiraṇyākṣavidārī ca yajño yajñavibhāvanaḥ |
yajñīyorvīsamuddhartā līlākroḍaḥ pratāpavān || 13 ||

Verse 14

ದಣ್ಡಕಾಸುರವಿಧ್ವಂಸೀ ವಕ್ರದಂಷ್ಟ್ರಃ ಕ್ಷಮಾಧರಃ ।
ಗನ್ಧರ್ವಶಾಪಹರಣಃ ಪುಣ್ಯಗನ್ಧೋ ವಿಚಕ್ಷಣಃ ॥ 14 ॥

daṇḍakāsuravidhvaṃsī vakradaṃṣṭraḥ kṣamādharaḥ |
gandharvaśāpaharaṇaḥ puṇyagandho vicakṣaṇaḥ || 14 ||

Verse 15

ಕರಾಲವಕ್ತ್ರಃ ಸೋಮಾರ್ಕನೇತ್ರಃ ಷಡ್ಗುಣವೈಭವಃ ।
ಶ್ವೇತಘೋಣೀ ಘೂರ್ಣಿತಭ್ರೂರ್ಘುರ್ಘುರಧ್ವನಿವಿಭ್ರಮಃ ॥ 15 ॥

karālavaktraḥ somārkanetraḥ ṣaḍguṇavaibhavaḥ |
śvetaghoṇī ghūrṇitabhrūrghurghuradhvanivibhramaḥ || 15 ||

Verse 16

ದ್ರಾಘೀಯಾನ್ ನೀಲಕೇಶೀ ಚ ಜಾಗ್ರದಮ್ಬುಜಲೋಚನಃ ।
ಘೃಣಾವಾನ್ ಘೃಣಿಸಮ್ಮೋಹೋ ಮಹಾಕಾಲಾಗ್ನಿದೀಧಿತಿಃ ॥ 16 ॥

drāghīyān nīlakeśī ca jāgradambujalocanaḥ |
ghṛṇāvān ghṛṇisammoho mahākālāgnidīdhitiḥ || 16 ||

Verse 17

ಜ್ವಾಲಾಕರಾಲವದನೋ ಮಹೋಲ್ಕಾಕುಲವೀಕ್ಷಣಃ ।
ಸಟಾನಿರ್ಭಿನ್ನಮೇಘೌಘೋ ದಂಷ್ಟ್ರಾರುಗ್ವ್ಯಾಪ್ತದಿಕ್ತಟಃ ॥ 17 ॥

jvālākarālavadano maholkākulavīkṣaṇaḥ |
saṭānirbhinnameghaugho daṃṣṭrārugvyāptadiktaṭaḥ || 17 ||

Verse 18

ಉಚ್ಛ್ವಾಸಾಕೃಷ್ಟಭೂತೇಶೋ ನಿಶ್ಶ್ವಾಸತ್ಯಕ್ತವಿಶ್ವಸೃಟ್ ।
ಅನ್ತರ್ಭ್ರಮಜ್ಜಗದ್ಗರ್ಭೋಽನನ್ತೋ ಬ್ರಹ್ಮಕಪಾಲಹೃತ್ ॥ 18 ॥

ucchvāsākṛṣṭabhūteśo niśśvāsatyaktaviśvasṛṭ |
antarbhramajjagadgarbho'nanto brahmakapālahṛt || 18 ||

Verse 19

ಉಗ್ರೋ ವೀರೋ ಮಹಾವಿಷ್ಣುರ್ಜ್ವಲನಃ ಸರ್ವತೋಮುಖಃ ।
ನೃಸಿಂಹೋ ಭೀಷಣೋ ಭದ್ರೋ ಮೃತ್ಯುಮೃತ್ಯುಃ ಸನಾತನಃ ॥ 19 ॥

ugro vīro mahāviṣṇurjvalanaḥ sarvatomukhaḥ |
nṛsiṃho bhīṣaṇo bhadro mṛtyumṛtyuḥ sanātanaḥ || 19 ||

Verse 20

ಸಭಾಸ್ತಮ್ಭೋದ್ಭವೋ ಭೀಮಃ ಶೀರೋಮಾಲೀ ಮಹೇಶ್ವರಃ ।
ದ್ವಾದಶಾದಿತ್ಯಚೂಡಾಲಃ ಕಲ್ಪಧೂಮಸಟಾಚ್ಛವಿಃ ॥ 20 ॥

sabhāstambhodbhavo bhīmaḥ śīromālī maheśvaraḥ |
dvādaśādityacūḍālaḥ kalpadhūmasaṭācchaviḥ || 20 ||

Verse 21

ಹಿರಣ್ಯಕೋರಃಸ್ಥಲಭಿನ್ನಖಃ ಸಿಂಹಮುಖೋಽನಘಃ ।
ಪ್ರಹ್ಲಾದವರದೋ ಧೀಮಾನ್ ಭಕ್ತಸಙ್ಘಪ್ರತಿಷ್ಠಿತಃ ॥ 21 ॥

hiraṇyakoraḥsthalabhinnakhaḥ siṃhamukho'naghaḥ |
prahlādavarado dhīmān bhaktasaṅghapratiṣṭhitaḥ || 21 ||

Verse 22

ಬ್ರಹ್ಮರುದ್ರಾದಿಸಂಸೇವ್ಯಃ ಸಿದ್ಧಸಾಧ್ಯಪ್ರಪೂಜಿತಃ ।
ಲಕ್ಷ್ಮೀನೃಸಿಂಹೋ ದೇವೇಶೋ ಜ್ವಾಲಾಜಿಹ್ವಾನ್ತ್ರಮಾಲಿಕಃ ॥ 22 ॥

brahmarudrādisaṃsevyaḥ siddhasādhyaprapūjitaḥ |
lakṣmīnṛsiṃho deveśo jvālājihvāntramālikaḥ || 22 ||

Verse 23

ಖಡ್ಗೀ ಖೇಟೀ ಮಹೇಷ್ವಾಸೀ ಕಪಾಲೀ ಮುಸಲೀ ಹಲೀ ।
ಪಾಶೀ ಶೂಲೀ ಮಹಾಬಾಹುರ್ಜ್ವರಘ್ನೋ ರೋಗಲುಣ್ಠಕಃ ॥ 23 ॥

khaḍgī kheṭī maheṣvāsī kapālī musalī halī |
pāśī śūlī mahābāhurjvaraghno rogaluṇṭhakaḥ || 23 ||

Verse 24

ಮೌಞ್ಜೀಯುಕ್ ಛಾತ್ರಕೋ ದಣ್ಡೀ ಕೃಷ್ಣಾಜಿನಧರೋ ವಟುಃ ।
ಅಧೀತವೇದೋ ವೇದಾನ್ತೋದ್ಧಾರಕೋ ಬ್ರಹ್ಮನೈಷ್ಠಿಕಃ ॥ 24 ॥

mauñjīyuk chātrako daṇḍī kṛṣṇājinadharo vaṭuḥ |
adhītavedo vedāntoddhārako brahmanaiṣṭhikaḥ || 24 ||

Verse 25

ಅಹೀನಶಯನಪ್ರೀತಃ ಆದಿತೇಯೋಽನಘೋ ಹರಿಃ ।
ಸಂವಿತ್ಪ್ರಿಯಃ ಸಾಮವೇದ್ಯೋ ಬಲಿವೇಶ್ಮಪ್ರತಿಷ್ಠಿತಃ ॥ 25 ॥

ahīnaśayanaprītaḥ āditeyo'nagho hariḥ |
saṃvitpriyaḥ sāmavedyo baliveśmapratiṣṭhitaḥ || 25 ||

Verse 26

ಬಲಿಕ್ಷಾಲಿತಪಾದಾಬ್ಜೋ ವಿನ್ಧ್ಯಾವಲಿವಿಮಾನಿತಃ ।
ತ್ರಿಪಾದಭೂಮಿಸ್ವೀಕರ್ತಾ ವಿಶ್ವರೂಪಪ್ರದರ್ಶಕಃ ॥ 26 ॥

balikṣālitapādābjo vindhyāvalivimānitaḥ |
tripādabhūmisvīkartā viśvarūpapradarśakaḥ || 26 ||

Verse 27

ಧೃತತ್ರಿವಿಕ್ರಮಃ ಸ್ವಾಙ್ಘ್ರಿನಖಭಿನ್ನಾಣ್ಡಖರ್ಪರಃ ।
ಪಜ್ಜಾತವಾಹಿನೀಧಾರಾಪವಿತ್ರಿತಜಗತ್ತ್ರಯಃ ॥ 27 ॥

dhṛtatrivikramaḥ svāṅghrinakhabhinnāṇḍakharparaḥ |
pajjātavāhinīdhārāpavitritajagattrayaḥ || 27 ||

Verse 28

ವಿಧಿಸಮ್ಮಾನಿತಃ ಪುಣ್ಯೋ ದೈತ್ಯಯೋದ್ಧಾ ಜಯೋರ್ಜಿತಃ ।
ಸುರರಾಜ್ಯಪ್ರದಃ ಶುಕ್ರಮದಹೃತ್ಸುಗತೀಶ್ವರಃ ॥ 28 ॥

vidhisammānitaḥ puṇyo daityayoddhā jayorjitaḥ |
surarājyapradaḥ śukramadahṛtsugatīśvaraḥ || 28 ||

Verse 29

ಜಾಮದಗ್ನ್ಯಃ ಕುಠಾರೀ ಚ ಕಾರ್ತವೀರ್ಯವಿದಾರಣಃ ।
ರೇಣುಕಾಯಾಃ ಶಿರೋಹಾರೀ ದುಷ್ಟಕ್ಷತ್ರಿಯಮರ್ದನಃ ॥ 29 ॥

jāmadagnyaḥ kuṭhārī ca kārtavīryavidāraṇaḥ |
reṇukāyāḥ śirohārī duṣṭakṣatriyamardanaḥ || 29 ||

Verse 30

ವರ್ಚಸ್ವೀ ದಾನಶೀಲಶ್ಚ ಧನುಷ್ಮಾನ್ ಬ್ರಹ್ಮವಿತ್ತಮಃ ।
ಅತ್ಯುದಗ್ರಃ ಸಮಗ್ರಶ್ಚ ನ್ಯಗ್ರೋಧೋ ದುಷ್ಟನಿಗ್ರಹಃ ॥ 30 ॥

varcasvī dānaśīlaśca dhanuṣmān brahmavittamaḥ |
atyudagraḥ samagraśca nyagrodho duṣṭanigrahaḥ || 30 ||

Verse 31

ರವಿವಂಶಸಮುದ್ಭೂತೋ ರಾಘವೋ ಭರತಾಗ್ರಜಃ ।
ಕೌಸಲ್ಯಾತನಯೋ ರಾಮೋ ವಿಶ್ವಾಮಿತ್ರಪ್ರಿಯಙ್ಕರಃ ॥ 31 ॥

ravivaṃśasamudbhūto rāghavo bharatāgrajaḥ |
kausalyātanayo rāmo viśvāmitrapriyaṅkaraḥ || 31 ||

Verse 32

ತಾಟಕಾರಿಃ ಸುಬಾಹುಘ್ನೋ ಬಲಾತಿಬಲಮನ್ತ್ರವಾನ್ ।
ಅಹಲ್ಯಾಶಾಪವಿಚ್ಛೇದೀ ಪ್ರವಿಷ್ಟಜನಕಾಲಯಃ ॥ 32 ॥

tāṭakāriḥ subāhughno balātibalamantravān |
ahalyāśāpavicchedī praviṣṭajanakālayaḥ || 32 ||

Verse 33

ಸ್ವಯಂವರಸಭಾಸಂಸ್ಥ ಈಶಚಾಪಪ್ರಭಞ್ಜನಃ ।
ಜಾನಕೀಪರಿಣೇತಾ ಚ ಜನಕಾಧೀಶಸಂಸ್ತುತಃ ॥ 33 ॥

svayaṃvarasabhāsaṃstha īśacāpaprabhañjanaḥ |
jānakīpariṇetā ca janakādhīśasaṃstutaḥ || 33 ||

Verse 34

ಜಮದಗ್ನಿತನೂಜಾತಯೋದ್ಧಾಽಯೋಧ್ಯಾಧಿಪಾಗ್ರಣೀಃ ।
ಪಿತೃವಾಕ್ಯಪ್ರತೀಪಾಲಸ್ತ್ಯಕ್ತರಾಜ್ಯಃ ಸಲಕ್ಷ್ಮಣಃ ॥ 34 ॥

jamadagnitanūjātayoddhā'yodhyādhipāgraṇīḥ |
pitṛvākyapratīpālastyaktarājyaḥ salakṣmaṇaḥ || 34 ||

Verse 35

ಸಸೀತಶ್ಚಿತ್ರಕೂಟಸ್ಥೋ ಭರತಾಹಿತರಾಜ್ಯಕಃ ।
ಕಾಕದರ್ಪಪ್ರಹರ್ತಾ ಚ ದಣ್ಡಕಾರಣ್ಯವಾಸಕಃ ॥ 35 ॥

sasītaścitrakūṭastho bharatāhitarājyakaḥ |
kākadarpaprahartā ca daṇḍakāraṇyavāsakaḥ || 35 ||

Verse 36

ಪಞ್ಚವಟ್ಯಾಂ ವಿಹಾರೀ ಚ ಸ್ವಧರ್ಮಪರಿಪೋಷಕಃ ।
ವಿರಾಧಹಾಽಗಸ್ತ್ಯಮುಖ್ಯಮುನಿಸಮ್ಮಾನಿತಃ ಪುಮಾನ್ ॥ 36 ॥

pañcavaṭyāṃ vihārī ca svadharmaparipoṣakaḥ |
virādhahā'gastyamukhyamunisammānitaḥ pumān || 36 ||

Verse 37

ಇನ್ದ್ರಚಾಪಧರಃ ಖಡ್ಗಧರಶ್ಚಾಕ್ಷಯಸಾಯಕಃ ।
ಖರಾನ್ತಕೋ ದೂಷಣಾರಿಸ್ತ್ರಿಶಿರಸ್ಕರಿಪುರ್ವೃಷಃ ॥ 37 ॥

indracāpadharaḥ khaḍgadharaścākṣayasāyakaḥ |
kharāntako dūṣaṇāristriśiraskaripurvṛṣaḥ || 37 ||

Verse 38

ತತಃ ಶೂರ್ಪಣಖಾನಾಸಾಚ್ಛೇತ್ತಾ ವಲ್ಕಲಧಾರಕಃ ।
ಜಟಾವಾನ್ ಪರ್ಣಶಾಲಾಸ್ಥೋ ಮಾರೀಚಬಲಮರ್ದಕಃ ॥ 38 ॥

tataḥ śūrpaṇakhānāsācchettā valkaladhārakaḥ |
jaṭāvān parṇaśālāstho mārīcabalamardakaḥ || 38 ||

Verse 39

ಪಕ್ಷಿರಾಟ್ಕೃತಸಂವಾದೋ ರವಿತೇಜಾ ಮಹಾಬಲಃ ।
ಶಬರ್ಯಾನೀತಫಲಭುಕ್ ಹನೂಮತ್ಪರಿತೋಷಿತಃ ॥ 39 ॥

pakṣirāṭkṛtasaṃvādo ravitejā mahābalaḥ |
śabaryānītaphalabhuk hanūmatparitoṣitaḥ || 39 ||

Verse 40

ಸುಗ್ರೀವಾಽಭಯದೋ ದೈತ್ಯಕಾಯಕ್ಷೇಪಣಭಾಸುರಃ ।
ಸಪ್ತತಾಲಸಮುಚ್ಛೇತ್ತಾ ವಾಲಿಹೃತ್ಕಪಿಸಂವೃತಃ ॥ 40 ॥

sugrīvā'bhayado daityakāyakṣepaṇabhāsuraḥ |
saptatālasamucchettā vālihṛtkapisaṃvṛtaḥ || 40 ||

Verse 41

ವಾಯುಸೂನುಕೃತಾಸೇವಸ್ತ್ಯಕ್ತಪಮ್ಪಃ ಕುಶಾಸನಃ ।
ಉದನ್ವತ್ತೀರಗಃ ಶೂರೋ ವಿಭೀಷಣವರಪ್ರದಃ ॥ 41 ॥

vāyusūnukṛtāsevastyaktapampaḥ kuśāsanaḥ |
udanvattīragaḥ śūro vibhīṣaṇavarapradaḥ || 41 ||

Verse 42

ಸೇತುಕೃದ್ದೈತ್ಯಹಾ ಪ್ರಾಪ್ತಲಙ್ಕೋಽಲಙ್ಕಾರವಾನ್ ಸ್ವಯಮ್ ।
ಅತಿಕಾಯಶಿರಶ್ಛೇತ್ತಾ ಕುಮ್ಭಕರ್ಣವಿಭೇದನಃ ॥ 42 ॥

setukṛddaityahā prāptalaṅko'laṅkāravān svayam |
atikāyaśiraśchettā kumbhakarṇavibhedanaḥ || 42 ||

Verse 43

ದಶಕಣ್ಠಶಿರೋಧ್ವಂಸೀ ಜಾಮ್ಬವತ್ಪ್ರಮುಖಾವೃತಃ ।
ಜಾನಕೀಶಃ ಸುರಾಧ್ಯಕ್ಷಃ ಸಾಕೇತೇಶಃ ಪುರಾತನಃ ॥ 43 ॥

daśakaṇṭhaśirodhvaṃsī jāmbavatpramukhāvṛtaḥ |
jānakīśaḥ surādhyakṣaḥ sāketeśaḥ purātanaḥ || 43 ||

Verse 44

ಪುಣ್ಯಶ್ಲೋಕೋ ವೇದವೇದ್ಯಃ ಸ್ವಾಮಿತೀರ್ಥನಿವಾಸಕಃ ।
ಲಕ್ಷ್ಮೀಸರಃಕೇಲಿಲೋಲೋ ಲಕ್ಷ್ಮೀಶೋ ಲೋಕರಕ್ಷಕಃ ॥ 44 ॥

puṇyaśloko vedavedyaḥ svāmitīrthanivāsakaḥ |
lakṣmīsaraḥkelilolo lakṣmīśo lokarakṣakaḥ || 44 ||

Verse 45

ದೇವಕೀಗರ್ಭಸಮ್ಭೂತೋ ಯಶೋದೇಕ್ಷಣಲಾಲಿತಃ ।
ವಸುದೇವಕೃತಸ್ತೋತ್ರೋ ನನ್ದಗೋಪಮನೋಹರಃ ॥ 45 ॥

devakīgarbhasambhūto yaśodekṣaṇalālitaḥ |
vasudevakṛtastotro nandagopamanoharaḥ || 45 ||

Verse 46

ಚತುರ್ಭುಜಃ ಕೋಮಲಾಙ್ಗೋ ಗದಾವಾನ್ನೀಲಕುನ್ತಲಃ ।
ಪೂತನಾಪ್ರಾಣಸಂಹರ್ತಾ ತೃಣಾವರ್ತವಿನಾಶನಃ ॥ 46 ॥

caturbhujaḥ komalāṅgo gadāvānnīlakuntalaḥ |
pūtanāprāṇasaṃhartā tṛṇāvartavināśanaḥ || 46 ||

Verse 47

ಗರ್ಗಾರೋಪಿತನಾಮಾಙ್ಕೋ ವಾಸುದೇವೋ ಹ್ಯಧೋಕ್ಷಜಃ ।
ಗೋಪಿಕಾಸ್ತನ್ಯಪಾಯೀ ಚ ಬಲಭದ್ರಾನುಜೋಽಚ್ಯುತಃ ॥ 47 ॥

gargāropitanāmāṅko vāsudevo hyadhokṣajaḥ |
gopikāstanyapāyī ca balabhadrānujo'cyutaḥ || 47 ||

Verse 48

ವೈಯಾಘ್ರನಖಭೂಷಶ್ಚ ವತ್ಸಜಿದ್ವತ್ಸವರ್ಧನಃ ।
ಕ್ಷೀರಸಾರಾಶನರತೋ ದಧಿಭಾಣ್ಡಪ್ರಮರ್ದನಃ ॥ 48 ॥

vaiyāghranakhabhūṣaśca vatsajidvatsavardhanaḥ |
kṣīrasārāśanarato dadhibhāṇḍapramardanaḥ || 48 ||

Verse 49

ನವನೀತಾಪಹರ್ತಾ ಚ ನೀಲನೀರದಭಾಸುರಃ ।
ಆಭೀರದೃಷ್ಟದೌರ್ಜನ್ಯೋ ನೀಲಪದ್ಮನಿಭಾನನಃ ॥ 49 ॥

navanītāpahartā ca nīlanīradabhāsuraḥ |
ābhīradṛṣṭadaurjanyo nīlapadmanibhānanaḥ || 49 ||

Verse 50

ಮಾತೃದರ್ಶಿತವಿಶ್ವಾಽಽಸ್ಯ ಉಲೂಖಲನಿಬನ್ಧನಃ ।
ನಲಕೂಬರಶಾಪಾನ್ತೋ ಗೋಧೂಲಿಚ್ಛುರಿತಾಙ್ಗಕಃ ॥ 50 ॥

mātṛdarśitaviśvā''sya ulūkhalanibandhanaḥ |
nalakūbaraśāpānto godhūlicchuritāṅgakaḥ || 50 ||

Verse 51

ಗೋಸಙ್ಘರಕ್ಷಕಃ ಶ್ರೀಶೋ ಬೃನ್ದಾರಣ್ಯನಿವಾಸಕಃ ।
ವತ್ಸಾನ್ತಕೋ ಬಕದ್ವೇಷೀ ದೈತ್ಯಾಮ್ಬುದಮಹಾನಿಲಃ ॥ 51 ॥

gosaṅgharakṣakaḥ śrīśo bṛndāraṇyanivāsakaḥ |
vatsāntako bakadveṣī daityāmbudamahānilaḥ || 51 ||

Verse 52

ಮಹಾಜಗರಚಣ್ಡಾಗ್ನಿಃ ಶಕಟಪ್ರಾಣಕಣ್ಟಕಃ ।
ಇನ್ದ್ರಸೇವ್ಯಃ ಪುಣ್ಯಗಾತ್ರಃ ಖರಜಿಚ್ಚಣ್ಡದೀಧಿತಿಃ ॥ 52 ॥

mahājagaracaṇḍāgniḥ śakaṭaprāṇakaṇṭakaḥ |
indrasevyaḥ puṇyagātraḥ kharajiccaṇḍadīdhitiḥ || 52 ||

Verse 53

ತಾಲಪಕ್ವಫಲಾಶೀ ಚ ಕಾಲೀಯಫಣಿದರ್ಪಹಾ ।
ನಾಗಪತ್ನೀಸ್ತುತಿಪ್ರೀತಃ ಪ್ರಲಮ್ಬಾಸುರಖಣ್ಡನಃ ॥ 53 ॥

tālapakvaphalāśī ca kālīyaphaṇidarpahā |
nāgapatnīstutiprītaḥ pralambāsurakhaṇḍanaḥ || 53 ||

Verse 54

ದಾವಾಗ್ನಿಬಲಸಂಹಾರೀ ಫಲಾಹಾರೀ ಗದಾಗ್ರಜಃ ।
ಗೋಪಾಙ್ಗನಾಚೇಲಚೋರಃ ಪಾಥೋಲೀಲಾವಿಶಾರದಃ ॥ 54 ॥

dāvāgnibalasaṃhārī phalāhārī gadāgrajaḥ |
gopāṅganācelacoraḥ pātholīlāviśāradaḥ || 54 ||

Verse 55

ವಂಶಗಾನಪ್ರವೀಣಶ್ಚ ಗೋಪೀಹಸ್ತಾಮ್ಬುಜಾರ್ಚಿತಃ ।
ಮುನಿಪತ್ನ್ಯಾಹೃತಾಹಾರೋ ಮುನಿಶ್ರೇಷ್ಠೋ ಮುನಿಪ್ರಿಯಃ ॥ 55 ॥

vaṃśagānapravīṇaśca gopīhastāmbujārcitaḥ |
munipatnyāhṛtāhāro muniśreṣṭho munipriyaḥ || 55 ||

Verse 56

ಗೋವರ್ಧನಾದ್ರಿಸನ್ಧರ್ತಾ ಸಙ್ಕ್ರನ್ದನತಮೋಽಪಹಃ ।
ಸದುದ್ಯಾನವಿಲಾಸೀ ಚ ರಾಸಕ್ರೀಡಾಪರಾಯಣಃ ॥ 56 ॥

govardhanādrisandhartā saṅkrandanatamo'pahaḥ |
sadudyānavilāsī ca rāsakrīḍāparāyaṇaḥ || 56 ||

Verse 57

ವರುಣಾಭ್ಯರ್ಚಿತೋ ಗೋಪೀಪ್ರಾರ್ಥಿತಃ ಪುರುಷೋತ್ತಮಃ ।
ಅಕ್ರೂರಸ್ತುತಿಸಮ್ಪ್ರೀತಃ ಕುಬ್ಜಾಯೌವನದಾಯಕಃ ॥ 57 ॥

varuṇābhyarcito gopīprārthitaḥ puruṣottamaḥ |
akrūrastutisamprītaḥ kubjāyauvanadāyakaḥ || 57 ||

Verse 58

ಮುಷ್ಟಿಕೋರಃಪ್ರಹಾರೀ ಚ ಚಾಣೂರೋದರದಾರಣಃ ।
ಮಲ್ಲಯುದ್ಧಾಗ್ರಗಣ್ಯಶ್ಚ ಪಿತೃಬನ್ಧನಮೋಚಕಃ ॥ 58 ॥

muṣṭikoraḥprahārī ca cāṇūrodaradāraṇaḥ |
mallayuddhāgragaṇyaśca pitṛbandhanamocakaḥ || 58 ||

Verse 59

ಮತ್ತಮಾತಙ್ಗಪಞ್ಚಾಸ್ಯಃ ಕಂಸಗ್ರೀವಾನಿಕೃನ್ತನಃ ।
ಉಗ್ರಸೇನಪ್ರತಿಷ್ಠಾತಾ ರತ್ನಸಿಂಹಾಸನಸ್ಥಿತಃ ॥ 59 ॥

mattamātaṅgapañcāsyaḥ kaṃsagrīvānikṛntanaḥ |
ugrasenapratiṣṭhātā ratnasiṃhāsanasthitaḥ || 59 ||

Verse 60

ಕಾಲನೇಮಿಖಲದ್ವೇಷೀ ಮುಚುಕುನ್ದವರಪ್ರದಃ ।
ಸಾಲ್ವಸೇವಿತದುರ್ಧರ್ಷರಾಜಸ್ಮಯನಿವಾರಣಃ ॥ 60 ॥

kālanemikhaladveṣī mucukundavarapradaḥ |
sālvasevitadurdharṣarājasmayanivāraṇaḥ || 60 ||

Verse 61

ರುಕ್ಮಿಗರ್ವಾಪಹಾರೀ ಚ ರುಕ್ಮಿಣೀನಯನೋತ್ಸವಃ ।
ಪ್ರದ್ಯುಮ್ನಜನಕಃ ಕಾಮೀ ಪ್ರದ್ಯುಮ್ನೋ ದ್ವಾರಕಾಧಿಪಃ ॥ 61 ॥

rukmigarvāpahārī ca rukmiṇīnayanotsavaḥ |
pradyumnajanakaḥ kāmī pradyumno dvārakādhipaḥ || 61 ||

Verse 62

ಮಣ್ಯಾಹರ್ತಾ ಮಹಾಮಾಯೋ ಜಾಮ್ಬವತ್ಕೃತಸಙ್ಗರಃ ।
ಜಾಮ್ಬೂನದಾಮ್ಬರಧರೋ ಗಮ್ಯೋ ಜಾಮ್ಬವತೀವಿಭುಃ ॥ 62 ॥

maṇyāhartā mahāmāyo jāmbavatkṛtasaṅgaraḥ |
jāmbūnadāmbaradharo gamyo jāmbavatīvibhuḥ || 62 ||

Verse 63

ಕಾಲಿನ್ದೀಪ್ರಥಿತಾರಾಮಕೇಲಿರ್ಗುಞ್ಜಾವತಂಸಕಃ ।
ಮನ್ದಾರಸುಮನೋಭಾಸ್ವಾನ್ ಶಚೀಶಾಭೀಷ್ಟದಾಯಕಃ ॥ 63 ॥

kālindīprathitārāmakelirguñjāvataṃsakaḥ |
mandārasumanobhāsvān śacīśābhīṣṭadāyakaḥ || 63 ||

Verse 64

ಸತ್ರಾಜಿನ್ಮಾನಸೋಲ್ಲಾಸೀ ಸತ್ಯಾಜಾನಿಃ ಶುಭಾವಹಃ ।
ಶತಧನ್ವಹರಃ ಸಿದ್ಧಃ ಪಾಣ್ಡವಪ್ರಿಯಕೋತ್ಸವಃ ॥ 64 ॥

satrājinmānasollāsī satyājāniḥ śubhāvahaḥ |
śatadhanvaharaḥ siddhaḥ pāṇḍavapriyakotsavaḥ || 64 ||

Verse 65

ಭದ್ರಪ್ರಿಯಃ ಸುಭದ್ರಾಯಾ ಭ್ರಾತಾ ನಾಗ್ನಾಜಿತೀವಿಭುಃ ।
ಕಿರೀಟಕುಣ್ಡಲಧರಃ ಕಲ್ಪಪಲ್ಲವಲಾಲಿತಃ ॥ 65 ॥

bhadrapriyaḥ subhadrāyā bhrātā nāgnājitīvibhuḥ |
kirīṭakuṇḍaladharaḥ kalpapallavalālitaḥ || 65 ||

Verse 66

ಭೈಷ್ಮೀಪ್ರಣಯಭಾಷಾವಾನ್ ಮಿತ್ರವಿನ್ದಾಧಿಪೋಽಭಯಃ ।
ಸ್ವಮೂರ್ತಿಕೇಲಿಸಮ್ಪ್ರೀತೋ ಲಕ್ಷ್ಮಣೋದಾರಮಾನಸಃ ॥ 66 ॥

bhaiṣmīpraṇayabhāṣāvān mitravindādhipo'bhayaḥ |
svamūrtikelisamprīto lakṣmaṇodāramānasaḥ || 66 ||

Verse 67

ಪ್ರಾಗ್ಜ್ಯೋತಿಷಾಧಿಪಧ್ವಂಸೀ ತತ್ಸೈನ್ಯಾನ್ತಕರೋಽಮೃತಃ ।
ಭೂಮಿಸ್ತುತೋ ಭೂರಿಭೋಗೋ ಭೂಷಣಾಮ್ಬರಸಂಯುತಃ ॥ 67 ॥

prāgjyotiṣādhipadhvaṃsī tatsainyāntakaro'mṛtaḥ |
bhūmistuto bhūribhogo bhūṣaṇāmbarasaṃyutaḥ || 67 ||

Verse 68

ಬಹುರಾಮಾಕೃತಾಹ್ಲಾದೋ ಗನ್ಧಮಾಲ್ಯಾನುಲೇಪನಃ ।
ನಾರದಾದೃಷ್ಟಚರಿತೋ ದೇವೇಶೋ ವಿಶ್ವರಾಡ್ಗುರುಃ ॥ 68 ॥

bahurāmākṛtāhlādo gandhamālyānulepanaḥ |
nāradādṛṣṭacarito deveśo viśvarāḍguruḥ || 68 ||

Verse 69

ಬಾಣಬಾಹುವಿದಾರಶ್ಚ ತಾಪಜ್ವರವಿನಾಶಕಃ ।
ಉಷೋದ್ಧರ್ಷಯಿತಾಽವ್ಯಕ್ತಃ ಶಿವವಾಕ್ತುಷ್ಟಮಾನಸಃ ॥ 69 ॥

bāṇabāhuvidāraśca tāpajvaravināśakaḥ |
uṣoddharṣayitā'vyaktaḥ śivavāktuṣṭamānasaḥ || 69 ||

Verse 70

ಮಹೇಶಜ್ವರಸಂಸ್ತುತ್ಯಃ ಶೀತಜ್ವರಭಯಾನ್ತಕಃ ।
ನೃಗರಾಜೋದ್ಧಾರಕಶ್ಚ ಪೌಣ್ಡ್ರಕಾದಿವಧೋದ್ಯತಃ ॥ 70 ॥

maheśajvarasaṃstutyaḥ śītajvarabhayāntakaḥ |
nṛgarājoddhārakaśca pauṇḍrakādivadhodyataḥ || 70 ||

Verse 71

ವಿವಿಧಾರಿಚ್ಛಲೋದ್ವಿಗ್ನಬ್ರಾಹ್ಮಣೇಷು ದಯಾಪರಃ ।
ಜರಾಸನ್ಧಬಲದ್ವೇಷೀ ಕೇಶಿದೈತ್ಯಭಯಙ್ಕರಃ ॥ 71 ॥

vividhāricchalodvignabrāhmaṇeṣu dayāparaḥ |
jarāsandhabaladveṣī keśidaityabhayaṅkaraḥ || 71 ||

Verse 72

ಚಕ್ರೀ ಚೈದ್ಯಾನ್ತಕಃ ಸಭ್ಯೋ ರಾಜಬನ್ಧವಿಮೋಚಕಃ ।
ರಾಜಸೂಯಹವಿರ್ಭೋಕ್ತಾ ಸ್ನಿಗ್ಧಾಙ್ಗಃ ಶುಭಲಕ್ಷಣಃ ॥ 72 ॥

cakrī caidyāntakaḥ sabhyo rājabandhavimocakaḥ |
rājasūyahavirbhoktā snigdhāṅgaḥ śubhalakṣaṇaḥ || 72 ||

Verse 73

ಧಾನಾಭಕ್ಷಣಸಮ್ಪ್ರೀತಃ ಕುಚೇಲಾಭೀಷ್ಟದಾಯಕಃ ।
ಸತ್ತ್ವಾದಿಗುಣಗಮ್ಭೀರೋ ದ್ರೌಪದೀಮಾನರಕ್ಷಕಃ ॥ 73 ॥

dhānābhakṣaṇasamprītaḥ kucelābhīṣṭadāyakaḥ |
sattvādiguṇagambhīro draupadīmānarakṣakaḥ || 73 ||

Verse 74

ಭೀಷ್ಮಧ್ಯೇಯೋ ಭಕ್ತವಶ್ಯೋ ಭೀಮಪೂಜ್ಯೋ ದಯಾನಿಧಿಃ ।
ದನ್ತವಕ್ತ್ರಶಿರಶ್ಛೇತ್ತಾ ಕೃಷ್ಣಃ ಕೃಷ್ಣಾಸಖಃ ಸ್ವರಾಟ್ ॥ 74 ॥

bhīṣmadhyeyo bhaktavaśyo bhīmapūjyo dayānidhiḥ |
dantavaktraśiraśchettā kṛṣṇaḥ kṛṣṇāsakhaḥ svarāṭ || 74 ||

Verse 75

ವೈಜಯನ್ತೀಪ್ರಮೋದೀ ಚ ಬರ್ಹಿಬರ್ಹವಿಭೂಷಣಃ ।
ಪಾರ್ಥಕೌರವಸನ್ಧಾನಕಾರೀ ದುಶ್ಶಾಸನಾನ್ತಕಃ ॥ 75 ॥

vaijayantīpramodī ca barhibarhavibhūṣaṇaḥ |
pārthakauravasandhānakārī duśśāsanāntakaḥ || 75 ||

Verse 76

ಬುದ್ಧೋ ವಿಶುದ್ಧಃ ಸರ್ವಜ್ಞಃ ಕ್ರತುಹಿಂಸಾವಿನಿನ್ದಕಃ ।
ತ್ರಿಪುರಸ್ತ್ರೀಮಾನಭಙ್ಗಃ ಸರ್ವಶಾಸ್ತ್ರವಿಶಾರದಃ ॥ 76 ॥

buddho viśuddhaḥ sarvajñaḥ kratuhiṃsāvinindakaḥ |
tripurastrīmānabhaṅgaḥ sarvaśāstraviśāradaḥ || 76 ||

Verse 77

ನಿರ್ವಿಕಾರೋ ನಿರ್ಮಮಶ್ಚ ನಿರಾಭಾಸೋ ನಿರಾಮಯಃ ।
ಜಗನ್ಮೋಹಕಧರ್ಮೀ ಚ ದಿಗ್ವಸ್ತ್ರೋ ದಿಕ್ಪತೀಶ್ವರಃ ॥ 77 ॥

nirvikāro nirmamaśca nirābhāso nirāmayaḥ |
jaganmohakadharmī ca digvastro dikpatīśvaraḥ || 77 ||

Verse 78

ಕಲ್ಕೀ ಮ್ಲೇಚ್ಛಪ್ರಹರ್ತಾ ಚ ದುಷ್ಟನಿಗ್ರಹಕಾರಕಃ ।
ಧರ್ಮಪ್ರತಿಷ್ಟಾಕಾರೀ ಚ ಚಾತುರ್ವರ್ಣ್ಯವಿಭಾಗಕೃತ್ ॥ 78 ॥

kalkī mlecchaprahartā ca duṣṭanigrahakārakaḥ |
dharmapratiṣṭākārī ca cāturvarṇyavibhāgakṛt || 78 ||

Verse 79

ಯುಗಾನ್ತಕೋ ಯುಗಾಕ್ರಾನ್ತೋ ಯುಗಕೃದ್ಯುಗಭಾಸಕಃ ।
ಕಾಮಾರಿಃ ಕಾಮಕಾರೀ ಚ ನಿಷ್ಕಾಮಃ ಕಾಮಿತಾರ್ಥದಃ ॥ 79 ॥

yugāntako yugākrānto yugakṛdyugabhāsakaḥ |
kāmāriḥ kāmakārī ca niṣkāmaḥ kāmitārthadaḥ || 79 ||

Verse 80

ಭರ್ಗೋ ವರೇಣ್ಯಃ ಸವಿತುಃ ಶಾರ್ಙ್ಗೀ ವೈಕುಣ್ಠಮನ್ದಿರಃ ।
ಹಯಗ್ರೀವಃ ಕೈಟಭಾರಿಃ ಗ್ರಾಹಘ್ನೋ ಗಜರಕ್ಷಕಃ ॥ 80 ॥

bhargo vareṇyaḥ savituḥ śārṅgī vaikuṇṭhamandiraḥ |
hayagrīvaḥ kaiṭabhāriḥ grāhaghno gajarakṣakaḥ || 80 ||

Verse 81

ಸರ್ವಸಂಶಯವಿಚ್ಛೇತ್ತಾ ಸರ್ವಭಕ್ತಸಮುತ್ಸುಕಃ ।
ಕಪರ್ದೀ ಕಾಮಹಾರೀ ಚ ಕಲಾ ಕಾಷ್ಠಾ ಸ್ಮೃತಿರ್ಧೃತಿಃ ॥ 81 ॥

sarvasaṃśayavicchettā sarvabhaktasamutsukaḥ |
kapardī kāmahārī ca kalā kāṣṭhā smṛtirdhṛtiḥ || 81 ||

Verse 82

ಅನಾದಿರಪ್ರಮೇಯೌಜಾಃ ಪ್ರಧಾನಃ ಸನ್ನಿರೂಪಕಃ ।
ನಿರ್ಲೇಪೋ ನಿಃಸ್ಪೃಹೋಽಸಙ್ಗೋ ನಿರ್ಭಯೋ ನೀತಿಪಾರಗಃ ॥ 82 ॥

anādiraprameyaujāḥ pradhānaḥ sannirūpakaḥ |
nirlepo niḥspṛho'saṅgo nirbhayo nītipāragaḥ || 82 ||

Verse 83

ನಿಷ್ಪ್ರೇಷ್ಯೋ ನಿಷ್ಕ್ರಿಯಃ ಶಾನ್ತೋ ನಿಷ್ಪ್ರಪಞ್ಚೋ ನಿಧಿರ್ನಯಃ
ಕರ್ಮ್ಯಕರ್ಮೀ ವಿಕರ್ಮೀ ಚ ಕರ್ಮೇಪ್ಸುಃ ಕರ್ಮಭಾವನಃ ॥ 83 ॥

niṣpreṣyo niṣkriyaḥ śānto niṣprapañco nidhirnayaḥ
karmyakarmī vikarmī ca karmepsuḥ karmabhāvanaḥ || 83 ||

Verse 84

ಕರ್ಮಾಙ್ಗಃ ಕರ್ಮವಿನ್ಯಾಸೋ ಮಹಾಕರ್ಮೀ ಮಹಾವ್ರತೀ ।
ಕರ್ಮಭುಕ್ಕರ್ಮಫಲದಃ ಕರ್ಮೇಶಃ ಕರ್ಮನಿಗ್ರಹಃ ॥ 84 ॥

karmāṅgaḥ karmavinyāso mahākarmī mahāvratī |
karmabhukkarmaphaladaḥ karmeśaḥ karmanigrahaḥ || 84 ||

Verse 85

ನರೋ ನಾರಾಯಣೋ ದಾನ್ತಃ ಕಪಿಲಃ ಕಾಮದಃ ಶುಚಿಃ ।
ತಪ್ತಾ ಜಪ್ತಾಽಕ್ಷಮಾಲಾವಾನ್ ಗನ್ತಾ ನೇತಾ ಲಯೋ ಗತಿಃ ॥ 85 ॥

naro nārāyaṇo dāntaḥ kapilaḥ kāmadaḥ śuciḥ |
taptā japtā'kṣamālāvān gantā netā layo gatiḥ || 85 ||

Verse 86

ಶಿಷ್ಟೋ ದ್ರಷ್ಟಾ ರಿಪುದ್ವೇಷ್ಟಾ ರೋಷ್ಟಾ ವೇಷ್ಟಾ ಮಹಾನಟಃ ।
ರೋದ್ಧಾ ಬೋದ್ಧಾ ಮಹಾಯೋದ್ಧಾ ಶ್ರದ್ಧಾವಾನ್ ಸತ್ಯಧೀಃ ಶುಭಃ ॥ 86 ॥

śiṣṭo draṣṭā ripudveṣṭā roṣṭā veṣṭā mahānaṭaḥ |
roddhā boddhā mahāyoddhā śraddhāvān satyadhīḥ śubhaḥ || 86 ||

Verse 87

ಮನ್ತ್ರೀ ಮನ್ತ್ರೋ ಮನ್ತ್ರಗಮ್ಯೋ ಮನ್ತ್ರಕೃತ್ಪರಮನ್ತ್ರಹೃತ್ ।
ಮನ್ತ್ರಭೃನ್ಮನ್ತ್ರಫಲದೋ ಮನ್ತ್ರೇಶೋ ಮನ್ತ್ರವಿಗ್ರಹಃ ॥ 87 ॥

mantrī mantro mantragamyo mantrakṛtparamantrahṛt |
mantrabhṛnmantraphalado mantreśo mantravigrahaḥ || 87 ||

Verse 88

ಮನ್ತ್ರಾಙ್ಗೋ ಮನ್ತ್ರವಿನ್ಯಾಸೋ ಮಹಾಮನ್ತ್ರೋ ಮಹಾಕ್ರಮಃ ।
ಸ್ಥಿರಧೀಃ ಸ್ಥಿರವಿಜ್ಞಾನಃ ಸ್ಥಿರಪ್ರಜ್ಞಃ ಸ್ಥಿರಾಸನಃ ॥ 88 ॥

mantrāṅgo mantravinyāso mahāmantro mahākramaḥ |
sthiradhīḥ sthiravijñānaḥ sthiraprajñaḥ sthirāsanaḥ || 88 ||

Verse 89

ಸ್ಥಿರಯೋಗಃ ಸ್ಥಿರಾಧಾರಃ ಸ್ಥಿರಮಾರ್ಗಃ ಸ್ಥಿರಾಗಮಃ ।
ನಿಶ್ಶ್ರೇಯಸೋ ನಿರೀಹೋಽಗ್ನಿರ್ನಿರವದ್ಯೋ ನಿರಞ್ಜನಃ ॥ 89 ॥

sthirayogaḥ sthirādhāraḥ sthiramārgaḥ sthirāgamaḥ |
niśśreyaso nirīho'gnirniravadyo nirañjanaḥ || 89 ||

Verse 90

ನಿರ್ವೈರೋ ನಿರಹಙ್ಕಾರೋ ನಿರ್ದಮ್ಭೋ ನಿರಸೂಯಕಃ ।
ಅನನ್ತೋಽನನ್ತಬಾಹೂರುರನನ್ತಾಙ್ಘ್ರಿರನನ್ತದೃಕ್ ॥ 90 ॥

nirvairo nirahaṅkāro nirdambho nirasūyakaḥ |
ananto'nantabāhūruranantāṅghriranantadṛk || 90 ||

Verse 91

ಅನನ್ತವಕ್ತ್ರೋಽನನ್ತಾಙ್ಗೋಽನನ್ತರೂಪೋ ಹ್ಯನನ್ತಕೃತ್ ।
ಊರ್ಧ್ವರೇತಾ ಊರ್ಧ್ವಲಿಙ್ಗೋ ಹ್ಯೂರ್ಧ್ವಮೂರ್ಧೋರ್ಧ್ವಶಾಖಕಃ ॥ 91 ॥

anantavaktro'nantāṅgo'nantarūpo hyanantakṛt |
ūrdhvaretā ūrdhvaliṅgo hyūrdhvamūrdhordhvaśākhakaḥ || 91 ||

Verse 92

ಊರ್ಧ್ವ ಊರ್ಧ್ವಾಧ್ವರಕ್ಷೀ ಚ ಹ್ಯೂರ್ಧ್ವಜ್ವಾಲೋ ನಿರಾಕುಲಃ ।
ಬೀಜಂ ಬೀಜಪ್ರದೋ ನಿತ್ಯೋ ನಿದಾನಂ ನಿಷ್ಕೃತಿಃ ಕೃತೀ ॥ 92 ॥

ūrdhva ūrdhvādhvarakṣī ca hyūrdhvajvālo nirākulaḥ |
bījaṃ bījaprado nityo nidānaṃ niṣkṛtiḥ kṛtī || 92 ||

Verse 93

ಮಹಾನಣೀಯನ್ ಗರಿಮಾ ಸುಷಮಾ ಚಿತ್ರಮಾಲಿಕಃ ।
ನಭಃ ಸ್ಪೃಙ್ನಭಸೋ ಜ್ಯೋತಿರ್ನಭಸ್ವಾನ್ನಿರ್ನಭಾ ನಭಃ ॥ 93 ॥

mahānaṇīyan garimā suṣamā citramālikaḥ |
nabhaḥ spṛṅnabhaso jyotirnabhasvānnirnabhā nabhaḥ || 93 ||

Verse 94

ಅಭುರ್ವಿಭುಃ ಪ್ರಭುಃ ಶಮ್ಭುರ್ಮಹೀಯಾನ್ ಭೂರ್ಭುವಾಕೃತಿಃ ।
ಮಹಾನನ್ದೋ ಮಹಾಶೂರೋ ಮಹೋರಾಶಿರ್ಮಹೋತ್ಸವಃ ॥ 94 ॥

abhurvibhuḥ prabhuḥ śambhurmahīyān bhūrbhuvākṛtiḥ |
mahānando mahāśūro mahorāśirmahotsavaḥ || 94 ||

Verse 95

ಮಹಾಕ್ರೋಧೋ ಮಹಾಜ್ವಾಲೋ ಮಹಾಶಾನ್ತೋ ಮಹಾಗುಣಃ ।
ಸತ್ಯವ್ರತಃ ಸತ್ಯಪರಃ ಸತ್ಯಸನ್ಧಃ ಸತಾಂ ಗತಿಃ ॥ 95 ॥

mahākrodho mahājvālo mahāśānto mahāguṇaḥ |
satyavrataḥ satyaparaḥ satyasandhaḥ satāṃ gatiḥ || 95 ||

Verse 96

ಸತ್ಯೇಶಃ ಸತ್ಯಸಙ್ಕಲ್ಪಃ ಸತ್ಯಚಾರಿತ್ರಲಕ್ಷಣಃ ।
ಅನ್ತಶ್ಚರೋ ಹ್ಯನ್ತರಾತ್ಮಾ ಪರಮಾತ್ಮಾ ಚಿದಾತ್ಮಕಃ ॥ 96 ॥

satyeśaḥ satyasaṅkalpaḥ satyacāritralakṣaṇaḥ |
antaścaro hyantarātmā paramātmā cidātmakaḥ || 96 ||

Verse 97

ರೋಚನೋ ರೋಚಮಾನಶ್ಚ ಸಾಕ್ಷೀ ಶೌರಿರ್ಜನಾರ್ದನಃ ।
ಮುಕುನ್ದೋ ನನ್ದನಿಷ್ಪನ್ದಃ ಸ್ವರ್ಣಬಿನ್ದುಃ ಪುರನ್ದರಃ ॥ 97 ॥

rocano rocamānaśca sākṣī śaurirjanārdanaḥ |
mukundo nandaniṣpandaḥ svarṇabinduḥ purandaraḥ || 97 ||

Verse 98

ಅರಿನ್ದಮಃ ಸುಮನ್ದಶ್ಚ ಕುನ್ದಮನ್ದಾರಹಾಸವಾನ್ ।
ಸ್ಯನ್ದನಾರೂಢಚಣ್ಡಾಙ್ಗೋ ಹ್ಯಾನನ್ದೀ ನನ್ದನನ್ದನಃ ॥ 98 ॥

arindamaḥ sumandaśca kundamandārahāsavān |
syandanārūḍhacaṇḍāṅgo hyānandī nandanandanaḥ || 98 ||

Verse 99

ಅನಸೂಯಾನನ್ದನೋಽತ್ರಿನೇತ್ರಾನನ್ದಃ ಸುನನ್ದವಾನ್ ।
ಶಙ್ಖವಾನ್ಪಙ್ಕಜಕರಃ ಕುಙ್ಕುಮಾಙ್ಕೋ ಜಯಾಙ್ಕುಶಃ ॥ 99 ॥

anasūyānandano'trinetrānandaḥ sunandavān |
śaṅkhavānpaṅkajakaraḥ kuṅkumāṅko jayāṅkuśaḥ || 99 ||

Verse 100

ಅಮ್ಭೋಜಮಕರನ್ದಾಢ್ಯೋ ನಿಷ್ಪಙ್ಕೋಽಗರುಪಙ್ಕಿಲಃ ।
ಇನ್ದ್ರಶ್ಚನ್ದ್ರರಥಶ್ಚನ್ದ್ರೋಽತಿಚನ್ದ್ರಶ್ಚನ್ದ್ರಭಾಸಕಃ ॥ 100 ॥

ambhojamakarandāḍhyo niṣpaṅko'garupaṅkilaḥ |
indraścandrarathaścandro'ticandraścandrabhāsakaḥ || 100 ||

Verse 101

ಉಪೇನ್ದ್ರ ಇನ್ದ್ರರಾಜಶ್ಚ ವಾಗಿನ್ದ್ರಶ್ಚನ್ದ್ರಲೋಚನಃ ।
ಪ್ರತ್ಯಕ್ ಪರಾಕ್ ಪರನ್ಧಾಮ ಪರಮಾರ್ಥಃ ಪರಾತ್ಪರಃ ॥ 101 ॥

upendra indrarājaśca vāgindraścandralocanaḥ |
pratyak parāk parandhāma paramārthaḥ parātparaḥ || 101 ||

Verse 102

ಅಪಾರವಾಕ್ ಪಾರಗಾಮೀ ಪಾರಾವಾರಃ ಪರಾವರಃ ।
ಸಹಸ್ವಾನರ್ಥದಾತಾ ಚ ಸಹನಃ ಸಾಹಸೀ ಜಯೀ ॥ 102 ॥

apāravāk pāragāmī pārāvāraḥ parāvaraḥ |
sahasvānarthadātā ca sahanaḥ sāhasī jayī || 102 ||

Verse 103

ತೇಜಸ್ವೀ ವಾಯುವಿಶಿಖೀ ತಪಸ್ವೀ ತಾಪಸೋತ್ತಮಃ ।
ಐಶ್ವರ್ಯೋದ್ಭೂತಿಕೃದ್ಭೂತಿರೈಶ್ವರ್ಯಾಙ್ಗಕಲಾಪವಾನ್ ॥ 103 ॥

tejasvī vāyuviśikhī tapasvī tāpasottamaḥ |
aiśvaryodbhūtikṛdbhūtiraiśvaryāṅgakalāpavān || 103 ||

Verse 104

ಅಮ್ಭೋಧಿಶಾಯೀ ಭಗವಾನ್ ಸರ್ವಜ್ಞಃ ಸಾಮಪಾರಗಃ ।
ಮಹಾಯೋಗೀ ಮಹಾಧೀರೋ ಮಹಾಭೋಗೀ ಮಹಾಪ್ರಭುಃ ॥ 104 ॥

ambhodhiśāyī bhagavān sarvajñaḥ sāmapāragaḥ |
mahāyogī mahādhīro mahābhogī mahāprabhuḥ || 104 ||

Verse 105

ಮಹಾವೀರೋ ಮಹಾತುಷ್ಟಿರ್ಮಹಾಪುಷ್ಟಿರ್ಮಹಾಗುಣಃ ।
ಮಹಾದೇವೋ ಮಹಾಬಾಹುರ್ಮಹಾಧರ್ಮೋ ಮಹೇಶ್ವರಃ ॥ 105 ॥

mahāvīro mahātuṣṭirmahāpuṣṭirmahāguṇaḥ |
mahādevo mahābāhurmahādharmo maheśvaraḥ || 105 ||

Verse 106

ಸಮೀಪಗೋ ದೂರಗಾಮೀ ಸ್ವರ್ಗಮಾರ್ಗನಿರರ್ಗಲಃ ।
ನಗೋ ನಗಧರೋ ನಾಗೋ ನಾಗೇಶೋ ನಾಗಪಾಲಕಃ ॥ 106 ॥

samīpago dūragāmī svargamārganirargalaḥ |
nago nagadharo nāgo nāgeśo nāgapālakaḥ || 106 ||

Verse 107

ಹಿರಣ್ಮಯಃ ಸ್ವರ್ಣರೇತಾ ಹಿರಣ್ಯಾರ್ಚಿರ್ಹಿರಣ್ಯದಃ ।
ಗುಣಗಣ್ಯಃ ಶರಣ್ಯಶ್ಚ ಪುಣ್ಯಕೀರ್ತಿಃ ಪುರಾಣಗಃ ॥ 107 ॥

hiraṇmayaḥ svarṇaretā hiraṇyārcirhiraṇyadaḥ |
guṇagaṇyaḥ śaraṇyaśca puṇyakīrtiḥ purāṇagaḥ || 107 ||

Verse 108

ಜನ್ಯಭೃಜ್ಜನ್ಯಸನ್ನದ್ಧೋ ದಿವ್ಯಪಞ್ಚಾಯುಧೋ ವಶೀ ।
ದೌರ್ಜನ್ಯಭಙ್ಗಃ ಪರ್ಜನ್ಯಃ ಸೌಜನ್ಯನಿಲಯೋಽಲಯಃ ॥ 108 ॥

janyabhṛjjanyasannaddho divyapañcāyudho vaśī |
daurjanyabhaṅgaḥ parjanyaḥ saujanyanilayo'layaḥ || 108 ||

Verse 109

ಜಲನ್ಧರಾನ್ತಕೋ ಭಸ್ಮದೈತ್ಯನಾಶೀ ಮಹಾಮನಾಃ ।
ಶ್ರೇಷ್ಠಃ ಶ್ರವಿಷ್ಠೋ ದ್ರಾಘಿಷ್ಠೋ ಗರಿಷ್ಠೋ ಗರುಡಧ್ವಜಃ ॥ 109 ॥

jalandharāntako bhasmadaityanāśī mahāmanāḥ |
śreṣṭhaḥ śraviṣṭho drāghiṣṭho gariṣṭho garuḍadhvajaḥ || 109 ||

Verse 110

ಜ್ಯೇಷ್ಠೋ ದ್ರಢಿಷ್ಠೋ ವರ್ಷಿಷ್ಠೋ ದ್ರಾಘೀಯಾನ್ ಪ್ರಣವಃ ಫಣೀ ।
ಸಮ್ಪ್ರದಾಯಕರಃ ಸ್ವಾಮೀ ಸುರೇಶೋ ಮಾಧವೋ ಮಧುಃ ॥ 110 ॥

jyeṣṭho draḍhiṣṭho varṣiṣṭho drāghīyān praṇavaḥ phaṇī |
sampradāyakaraḥ svāmī sureśo mādhavo madhuḥ || 110 ||

Verse 111

ನಿರ್ನಿಮೇಷೋ ವಿಧಿರ್ವೇಧಾ ಬಲವಾನ್ ಜೀವನಂ ಬಲೀ ।
ಸ್ಮರ್ತಾ ಶ್ರೋತಾ ವಿಕರ್ತಾ ಚ ಧ್ಯಾತಾ ನೇತಾ ಸಮೋಽಸಮಃ ॥ 111 ॥

nirnimeṣo vidhirvedhā balavān jīvanaṃ balī |
smartā śrotā vikartā ca dhyātā netā samo'samaḥ || 111 ||

Verse 112

ಹೋತಾ ಪೋತಾ ಮಹಾವಕ್ತಾ ರನ್ತಾ ಮನ್ತಾ ಖಲಾನ್ತಕಃ ।
ದಾತಾ ಗ್ರಾಹಯಿತಾ ಮಾತಾ ನಿಯನ್ತಾಽನನ್ತವೈಭವಃ ॥ 112 ॥

hotā potā mahāvaktā rantā mantā khalāntakaḥ |
dātā grāhayitā mātā niyantā'nantavaibhavaḥ || 112 ||

Verse 113

ಗೋಪ್ತಾ ಗೋಪಯಿತಾ ಹನ್ತಾ ಧರ್ಮಜಾಗರಿತಾ ಧವಃ ।
ಕರ್ತಾ ಕ್ಷೇತ್ರಕರಃ ಕ್ಷೇತ್ರಪ್ರದಃ ಕ್ಷೇತ್ರಜ್ಞ ಆತ್ಮವಿತ್ ॥ 113 ॥

goptā gopayitā hantā dharmajāgaritā dhavaḥ |
kartā kṣetrakaraḥ kṣetrapradaḥ kṣetrajña ātmavit || 113 ||

Verse 114

ಕ್ಷೇತ್ರೀ ಕ್ಷೇತ್ರಹರಃ ಕ್ಷೇತ್ರಪ್ರಿಯಃ ಕ್ಷೇಮಕರೋ ಮರುತ್ ।
ಭಕ್ತಿಪ್ರದೋ ಮುಕ್ತಿದಾಯೀ ಶಕ್ತಿದೋ ಯುಕ್ತಿದಾಯಕಃ ॥ 114 ॥

kṣetrī kṣetraharaḥ kṣetrapriyaḥ kṣemakaro marut |
bhaktiprado muktidāyī śaktido yuktidāyakaḥ || 114 ||

Verse 115

ಶಕ್ತಿಯುಙ್ಮೌಕ್ತಿಕಸ್ರಗ್ವೀ ಸೂಕ್ತಿರಾಮ್ನಾಯಸೂಕ್ತಿಗಃ ।
ಧನಞ್ಜಯೋ ಧನಾಧ್ಯಕ್ಷೋ ಧನಿಕೋ ಧನದಾಧಿಪಃ ॥ 115 ॥

śaktiyuṅmauktikasragvī sūktirāmnāyasūktigaḥ |
dhanañjayo dhanādhyakṣo dhaniko dhanadādhipaḥ || 115 ||

Verse 116

ಮಹಾಧನೋ ಮಹಾಮಾನೀ ದುರ್ಯೋಧನವಿಮಾನಿತಃ ।
ರತ್ನಾಕರೋ ರತ್ನರೋಚೀ ರತ್ನಗರ್ಭಾಶ್ರಯಃ ಶುಚಿಃ ॥ 116 ॥

mahādhano mahāmānī duryodhanavimānitaḥ |
ratnākaro ratnarocī ratnagarbhāśrayaḥ śuciḥ || 116 ||

Verse 117

ರತ್ನಸಾನುನಿಧಿರ್ಮೌಲಿರತ್ನಭಾ ರತ್ನಕಙ್ಕಣಃ ।
ಅನ್ತರ್ಲಕ್ಷ್ಯೋಽನ್ತರಭ್ಯಾಸೀ ಚಾನ್ತರ್ಧ್ಯೇಯೋ ಜಿತಾಸನಃ ॥ 117 ॥

ratnasānunidhirmauliratnabhā ratnakaṅkaṇaḥ |
antarlakṣyo'ntarabhyāsī cāntardhyeyo jitāsanaḥ || 117 ||

Verse 118

ಅನ್ತರಙ್ಗೋ ದಯಾವಾಂಶ್ಚ ಹ್ಯನ್ತರ್ಮಾಯೋ ಮಹಾರ್ಣವಃ ।
ಸರಸಃ ಸಿದ್ಧರಸಿಕಃ ಸಿದ್ಧಿಃ ಸಾಧ್ಯಃ ಸದಾಗತಿಃ ॥ 118 ॥

antaraṅgo dayāvāṃśca hyantarmāyo mahārṇavaḥ |
sarasaḥ siddharasikaḥ siddhiḥ sādhyaḥ sadāgatiḥ || 118 ||

Verse 119

ಆಯುಃಪ್ರದೋ ಮಹಾಯುಷ್ಮಾನರ್ಚಿಷ್ಮಾನೋಷಧೀಪತಿಃ ।
ಅಷ್ಟಶ್ರೀರಷ್ಟಭಾಗೋಽಷ್ಟಕಕುಬ್ವ್ಯಾಪ್ತಯಶೋ ವ್ರತೀ ॥ 119 ॥

āyuḥprado mahāyuṣmānarciṣmānoṣadhīpatiḥ |
aṣṭaśrīraṣṭabhāgo'ṣṭakakubvyāptayaśo vratī || 119 ||

Verse 120

ಅಷ್ಟಾಪದಃ ಸುವರ್ಣಾಭೋ ಹ್ಯಷ್ಟಮೂರ್ತಿಸ್ತ್ರಿಮೂರ್ತಿಮಾನ್ ।
ಅಸ್ವಪ್ನಃ ಸ್ವಪ್ನಗಃ ಸ್ವಪ್ನಃ ಸುಸ್ವಪ್ನಫಲದಾಯಕಃ ॥ 120 ॥

aṣṭāpadaḥ suvarṇābho hyaṣṭamūrtistrimūrtimān |
asvapnaḥ svapnagaḥ svapnaḥ susvapnaphaladāyakaḥ || 120 ||

Verse 121

ದುಃಸ್ವಪ್ನಧ್ವಂಸಕೋ ಧ್ವಸ್ತದುರ್ನಿಮಿತ್ತಃ ಶಿವಙ್ಕರಃ ।
ಸುವರ್ಣವರ್ಣಃ ಸಮ್ಭಾವ್ಯೋ ವರ್ಣಿತೋ ವರ್ಣಸಮ್ಮುಖಃ ॥ 121 ॥

duḥsvapnadhvaṃsako dhvastadurnimittaḥ śivaṅkaraḥ |
suvarṇavarṇaḥ sambhāvyo varṇito varṇasammukhaḥ || 121 ||

Verse 122

ಸುವರ್ಣಮುಖರೀತೀರಶಿವಧ್ಯಾತಪದಾಮ್ಬುಜಃ ।
ದಾಕ್ಷಾಯಣೀವಚಸ್ತುಷ್ಟೋ ದೂರ್ವಾಸೋದೃಷ್ಟಿಗೋಚರಃ ॥ 122 ॥

suvarṇamukharītīraśivadhyātapadāmbujaḥ |
dākṣāyaṇīvacastuṣṭo dūrvāsodṛṣṭigocaraḥ || 122 ||

Verse 123

ಅಮ್ಬರೀಷವ್ರತಪ್ರೀತೋ ಮಹಾಕೃತ್ತಿವಿಭಞ್ಜನಃ ।
ಮಹಾಭಿಚಾರಕಧ್ವಂಸೀ ಕಾಲಸರ್ಪಭಯಾನ್ತಕಃ ॥ 123 ॥

ambarīṣavrataprīto mahākṛttivibhañjanaḥ |
mahābhicārakadhvaṃsī kālasarpabhayāntakaḥ || 123 ||

Verse 124

ಸುದರ್ಶನಃ ಕಾಲಮೇಘಶ್ಯಾಮಃ ಶ್ರೀಮನ್ತ್ರಭಾವಿತಃ ।
ಹೇಮಾಮ್ಬುಜಸರಃಸ್ನಾಯೀ ಶ್ರೀಮನೋಭಾವಿತಾಕೃತಿಃ ॥ 124 ॥

sudarśanaḥ kālameghaśyāmaḥ śrīmantrabhāvitaḥ |
hemāmbujasaraḥsnāyī śrīmanobhāvitākṛtiḥ || 124 ||

Verse 125

ಶ್ರೀಪ್ರದತ್ತಾಮ್ಬುಜಸ್ರಗ್ವೀ ಶ್ರೀಕೇಲಿಃ ಶ್ರೀನಿಧಿರ್ಭವಃ ।
ಶ್ರೀಪ್ರದೋ ವಾಮನೋ ಲಕ್ಷ್ಮೀನಾಯಕಶ್ಚ ಚತುರ್ಭುಜಃ ॥ 125 ॥

śrīpradattāmbujasragvī śrīkeliḥ śrīnidhirbhavaḥ |
śrīprado vāmano lakṣmīnāyakaśca caturbhujaḥ || 125 ||

Verse 126

ಸನ್ತೃಪ್ತಸ್ತರ್ಪಿತಸ್ತೀರ್ಥಸ್ನಾತೃಸೌಖ್ಯಪ್ರದರ್ಶಕಃ ।
ಅಗಸ್ತ್ಯಸ್ತುತಿಸಂಹೃಷ್ಟೋ ದರ್ಶಿತಾವ್ಯಕ್ತಭಾವನಃ ॥ 126 ॥

santṛptastarpitastīrthasnātṛsaukhyapradarśakaḥ |
agastyastutisaṃhṛṣṭo darśitāvyaktabhāvanaḥ || 126 ||

Verse 127

ಕಪಿಲಾರ್ಚಿಃ ಕಪಿಲವಾನ್ ಸುಸ್ನಾತಾಘವಿಪಾಟನಃ ।
ವೃಷಾಕಪಿಃ ಕಪಿಸ್ವಾಮಿಮನೋಽನ್ತಃಸ್ಥಿತವಿಗ್ರಹಃ ॥ 127 ॥

kapilārciḥ kapilavān susnātāghavipāṭanaḥ |
vṛṣākapiḥ kapisvāmimano'ntaḥsthitavigrahaḥ || 127 ||

Verse 128

ವಹ್ನಿಪ್ರಿಯೋಽರ್ಥಸಮ್ಭಾವ್ಯೋ ಜನಲೋಕವಿಧಾಯಕಃ ।
ವಹ್ನಿಪ್ರಭೋ ವಹ್ನಿತೇಜಾಃ ಶುಭಾಭೀಷ್ಟಪ್ರದೋ ಯಮೀ ॥ 128 ॥

vahnipriyo'rthasambhāvyo janalokavidhāyakaḥ |
vahniprabho vahnitejāḥ śubhābhīṣṭaprado yamī || 128 ||

Verse 129

ವಾರುಣಕ್ಷೇತ್ರನಿಲಯೋ ವರುಣೋ ವಾರಣಾರ್ಚಿತಃ ।
ವಾಯುಸ್ಥಾನಕೃತಾವಾಸೋ ವಾಯುಗೋ ವಾಯುಸಮ್ಭೃತಃ ॥ 129 ॥

vāruṇakṣetranilayo varuṇo vāraṇārcitaḥ |
vāyusthānakṛtāvāso vāyugo vāyusambhṛtaḥ || 129 ||

Verse 130

ಯಮಾನ್ತಕೋಽಭಿಜನನೋ ಯಮಲೋಕನಿವಾರಣಃ ।
ಯಮಿನಾಮಗ್ರಗಣ್ಯಶ್ಚ ಸಂಯಮೀ ಯಮಭಾವಿತಃ ॥ 130 ॥

yamāntako'bhijanano yamalokanivāraṇaḥ |
yamināmagragaṇyaśca saṃyamī yamabhāvitaḥ || 130 ||

Verse 131

ಇನ್ದ್ರೋದ್ಯಾನಸಮೀಪಸ್ಥಃ ಇನ್ದ್ರದೃಗ್ವಿಷಯಃ ಪ್ರಭುಃ ।
ಯಕ್ಷರಾಟ್ ಸರಸೀವಾಸೋ ಹ್ಯಕ್ಷಯ್ಯನಿಧಿಕೋಶಕೃತ್ ॥ 131 ॥

indrodyānasamīpasthaḥ indradṛgviṣayaḥ prabhuḥ |
yakṣarāṭ sarasīvāso hyakṣayyanidhikośakṛt || 131 ||

Verse 132

ಸ್ವಾಮಿತೀರ್ಥಕೃತಾವಾಸಃ ಸ್ವಾಮಿಧ್ಯೇಯೋ ಹ್ಯಧೋಕ್ಷಜಃ ।
ವರಾಹಾದ್ಯಷ್ಟತೀರ್ಥಾಭಿಸೇವಿತಾಙ್ಘ್ರಿಸರೋರುಹಃ ॥ 132 ॥

svāmitīrthakṛtāvāsaḥ svāmidhyeyo hyadhokṣajaḥ |
varāhādyaṣṭatīrthābhisevitāṅghrisaroruhaḥ || 132 ||

Verse 133

ಪಾಣ್ಡುತೀರ್ಥಾಭಿಷಿಕ್ತಾಙ್ಗೋ ಯುಧಿಷ್ಠಿರವರಪ್ರದಃ ।
ಭೀಮಾನ್ತಃಕರಣಾರೂಢಃ ಶ್ವೇತವಾಹನಸಖ್ಯವಾನ್ ॥ 133 ॥

pāṇḍutīrthābhiṣiktāṅgo yudhiṣṭhiravarapradaḥ |
bhīmāntaḥkaraṇārūḍhaḥ śvetavāhanasakhyavān || 133 ||

Verse 134

ನಕುಲಾಭಯದೋ ಮಾದ್ರೀಸಹದೇವಾಭಿವನ್ದಿತಃ ।
ಕೃಷ್ಣಾಶಪಥಸನ್ಧಾತಾ ಕುನ್ತೀಸ್ತುತಿರತೋ ದಮೀ ॥ 134 ॥

nakulābhayado mādrīsahadevābhivanditaḥ |
kṛṣṇāśapathasandhātā kuntīstutirato damī || 134 ||

Verse 135

ನಾರದಾದಿಮುನಿಸ್ತುತ್ಯೋ ನಿತ್ಯಕರ್ಮಪರಾಯಣಃ ।
ದರ್ಶಿತಾವ್ಯಕ್ತರೂಪಶ್ಚ ವೀಣಾನಾದಪ್ರಮೋದಿತಃ ॥ 135 ॥

nāradādimunistutyo nityakarmaparāyaṇaḥ |
darśitāvyaktarūpaśca vīṇānādapramoditaḥ || 135 ||

Verse 136

ಷಟ್ಕೋಟಿತೀರ್ಥಚರ್ಯಾವಾನ್ ದೇವತೀರ್ಥಕೃತಾಶ್ರಮಃ ।
ಬಿಲ್ವಾಮಲಜಲಸ್ನಾಯೀ ಸರಸ್ವತ್ಯಮ್ಬುಸೇವಿತಃ ॥ 136 ॥

ṣaṭkoṭitīrthacaryāvān devatīrthakṛtāśramaḥ |
bilvāmalajalasnāyī sarasvatyambusevitaḥ || 136 ||

Verse 137

ತುಮ್ಬುರೂದಕಸಂಸ್ಪರ್ಶಜನಚಿತ್ತತಮೋಽಪಹಃ ।
ಮತ್ಸ್ಯವಾಮನಕೂರ್ಮಾದಿತೀರ್ಥರಾಜಃ ಪುರಾಣಭೃತ್ ॥ 137 ॥

tumburūdakasaṃsparśajanacittatamo'pahaḥ |
matsyavāmanakūrmāditīrtharājaḥ purāṇabhṛt || 137 ||

Verse 138

ಚಕ್ರಧ್ಯೇಯಪದಾಮ್ಭೋಜಃ ಶಙ್ಖಪೂಜಿತಪಾದುಕಃ ।
ರಾಮತೀರ್ಥವಿಹಾರೀ ಚ ಬಲಭದ್ರಪ್ರತಿಷ್ಠಿತಃ ॥ 138 ॥

cakradhyeyapadāmbhojaḥ śaṅkhapūjitapādukaḥ |
rāmatīrthavihārī ca balabhadrapratiṣṭhitaḥ || 138 ||

Verse 139

ಜಾಮದಗ್ನ್ಯಸರಸ್ತೀರ್ಥಜಲಸೇಚನತರ್ಪಿತಃ ।
ಪಾಪಾಪಹಾರಿಕೀಲಾಲಸುಸ್ನಾತಾಘವಿನಾಶನಃ ॥ 139 ॥

jāmadagnyasarastīrthajalasecanatarpitaḥ |
pāpāpahārikīlālasusnātāghavināśanaḥ || 139 ||

Verse 140

ನಭೋಗಙ್ಗಾಭಿಷಿಕ್ತಶ್ಚ ನಾಗತೀರ್ಥಾಭಿಷೇಕವಾನ್ ।
ಕುಮಾರಧಾರಾತೀರ್ಥಸ್ಥೋ ವಟುವೇಷಃ ಸುಮೇಖಲಃ ॥ 140 ॥

nabhogaṅgābhiṣiktaśca nāgatīrthābhiṣekavān |
kumāradhārātīrthastho vaṭuveṣaḥ sumekhalaḥ || 140 ||

Verse 141

ವೃದ್ಧಸ್ಯ ಸುಕುಮಾರತ್ವಪ್ರದಃ ಸೌನ್ದರ್ಯವಾನ್ ಸುಖೀ ।
ಪ್ರಿಯಂವದೋ ಮಹಾಕುಕ್ಷಿರಿಕ್ಷ್ವಾಕುಕುಲನನ್ದನಃ ॥ 141 ॥

vṛddhasya sukumāratvapradaḥ saundaryavān sukhī |
priyaṃvado mahākukṣirikṣvākukulanandanaḥ || 141 ||

Verse 142

ನೀಲಗೋಕ್ಷೀರಧಾರಾಭೂರ್ವರಾಹಾಚಲನಾಯಕಃ ।
ಭರದ್ವಾಜಪ್ರತಿಷ್ಠಾವಾನ್ ಬೃಹಸ್ಪತಿವಿಭಾವಿತಃ ॥ 142 ॥

nīlagokṣīradhārābhūrvarāhācalanāyakaḥ |
bharadvājapratiṣṭhāvān bṛhaspativibhāvitaḥ || 142 ||

Verse 143

ಅಞ್ಜನಾಕೃತಪೂಜಾವಾನ್ ಆಞ್ಜನೇಯಕರಾರ್ಚಿತಃ ।
ಅಞ್ಜನಾದ್ರಿನಿವಾಸಶ್ಚ ಮುಞ್ಜಕೇಶಃ ಪುರನ್ದರಃ ॥ 143 ॥

añjanākṛtapūjāvān āñjaneyakarārcitaḥ |
añjanādrinivāsaśca muñjakeśaḥ purandaraḥ || 143 ||

Verse 144

ಕಿನ್ನರದ್ವಯಸಮ್ಬನ್ಧಿಬನ್ಧಮೋಕ್ಷಪ್ರದಾಯಕಃ ।
ವೈಖಾನಸಮಖಾರಮ್ಭೋ ವೃಷಜ್ಞೇಯೋ ವೃಷಾಚಲಃ ॥ 144 ॥

kinnaradvayasambandhibandhamokṣapradāyakaḥ |
vaikhānasamakhārambho vṛṣajñeyo vṛṣācalaḥ || 144 ||

Verse 145

ವೃಷಕಾಯಪ್ರಭೇತ್ತಾ ಚ ಕ್ರೀಡನಾಚಾರಸಮ್ಭ್ರಮಃ ।
ಸೌವರ್ಚಲೇಯವಿನ್ಯಸ್ತರಾಜ್ಯೋ ನಾರಾಯಣಃ ಪ್ರಿಯಃ ॥ 145 ॥

vṛṣakāyaprabhettā ca krīḍanācārasambhramaḥ |
sauvarcaleyavinyastarājyo nārāyaṇaḥ priyaḥ || 145 ||

Verse 146

ದುರ್ಮೇಧೋಭಞ್ಜಕಃ ಪ್ರಾಜ್ಞೋ ಬ್ರಹ್ಮೋತ್ಸವಮಹೋತ್ಸುಕಃ ।
ಭದ್ರಾಸುರಶಿರಶ್ಛೇತ್ತಾ ಭದ್ರಕ್ಷೇತ್ರೀ ಸುಭದ್ರವಾನ್ ॥ 146 ॥

durmedhobhañjakaḥ prājño brahmotsavamahotsukaḥ |
bhadrāsuraśiraśchettā bhadrakṣetrī subhadravān || 146 ||

Verse 147

ಮೃಗಯಾಽಕ್ಷೀಣಸನ್ನಾಹಃ ಶಙ್ಖರಾಜನ್ಯತುಷ್ಟಿದಃ ।
ಸ್ಥಾಣುಸ್ಥೋ ವೈನತೇಯಾಙ್ಗಭಾವಿತೋ ಹ್ಯಶರೀರವಾನ್ ॥ 147 ॥

mṛgayā'kṣīṇasannāhaḥ śaṅkharājanyatuṣṭidaḥ |
sthāṇustho vainateyāṅgabhāvito hyaśarīravān || 147 ||

Verse 148

ಭೋಗೀನ್ದ್ರಭೋಗಸಂಸ್ಥಾನೋ ಬ್ರಹ್ಮಾದಿಗಣಸೇವಿತಃ ।
ಸಹಸ್ರಾರ್ಕಚ್ಛಟಾಭಾಸ್ವದ್ವಿಮಾನಾನ್ತಃಸ್ಥಿತೋ ಗುಣೀ ॥ 148 ॥

bhogīndrabhogasaṃsthāno brahmādigaṇasevitaḥ |
sahasrārkacchaṭābhāsvadvimānāntaḥsthito guṇī || 148 ||

Verse 149

ವಿಷ್ವಕ್ಸೇನಕೃತಸ್ತೋತ್ರಃ ಸನನ್ದನವರೀವೃತಃ ।
ಜಾಹ್ನವ್ಯಾದಿನದೀಸೇವ್ಯಃ ಸುರೇಶಾದ್ಯಭಿವನ್ದಿತಃ ॥ 149 ॥

viṣvaksenakṛtastotraḥ sanandanavarīvṛtaḥ |
jāhnavyādinadīsevyaḥ sureśādyabhivanditaḥ || 149 ||

Verse 150

ಸುರಾಙ್ಗನಾನೃತ್ಯಪರೋ ಗನ್ಧರ್ವೋದ್ಗಾಯನಪ್ರಿಯಃ ।
ರಾಕೇನ್ದುಸಙ್ಕಾಶನಖಃ ಕೋಮಲಾಙ್ಘ್ರಿಸರೋರುಹಃ ॥ 150 ॥

surāṅganānṛtyaparo gandharvodgāyanapriyaḥ |
rākendusaṅkāśanakhaḥ komalāṅghrisaroruhaḥ || 150 ||

Verse 151

ಕಚ್ಛಪಪ್ರಪದಃ ಕುನ್ದಗುಲ್ಫಕಃ ಸ್ವಚ್ಛಕೂರ್ಪರಃ ।
ಮೇದುರಸ್ವರ್ಣವಸ್ತ್ರಾಢ್ಯಕಟಿದೇಶಸ್ಥಮೇಖಲಃ ॥ 151 ॥

kacchapaprapadaḥ kundagulphakaḥ svacchakūrparaḥ |
medurasvarṇavastrāḍhyakaṭideśasthamekhalaḥ || 151 ||

Verse 152

ಪ್ರೋಲ್ಲಸಚ್ಛುರಿಕಾಭಾಸ್ವತ್ಕಟಿದೇಶಃ ಶುಭಙ್ಕರಃ ।
ಅನನ್ತಪದ್ಮಜಸ್ಥಾನನಾಭಿರ್ಮೌಕ್ತಿಕಮಾಲಿಕಃ ॥ 152 ॥

prollasacchurikābhāsvatkaṭideśaḥ śubhaṅkaraḥ |
anantapadmajasthānanābhirmauktikamālikaḥ || 152 ||

Verse 153

ಮನ್ದಾರಚಾಮ್ಪೇಯಮಾಲೀ ರತ್ನಾಭರಣಸಮ್ಭೃತಃ ।
ಲಮ್ಬಯಜ್ಞೋಪವೀತೀ ಚ ಚನ್ದ್ರಶ್ರೀಖಣ್ಡಲೇಪವಾನ್ ॥ 153 ॥

mandāracāmpeyamālī ratnābharaṇasambhṛtaḥ |
lambayajñopavītī ca candraśrīkhaṇḍalepavān || 153 ||

Verse 154

ವರದೋಽಭಯದಶ್ಚಕ್ರೀ ಶಙ್ಖೀ ಕೌಸ್ತುಭದೀಪ್ತಿಮಾನ್ ।
ಶ್ರೀವತ್ಸಾಙ್ಕಿತವಕ್ಷಸ್ಕೋ ಲಕ್ಷ್ಮೀಸಂಶ್ರಿತಹೃತ್ತಟಃ ॥ 154 ॥

varado'bhayadaścakrī śaṅkhī kaustubhadīptimān |
śrīvatsāṅkitavakṣasko lakṣmīsaṃśritahṛttaṭaḥ || 154 ||

Verse 155

ನೀಲೋತ್ಪಲನಿಭಾಕಾರಃ ಶೋಣಾಮ್ಭೋಜಸಮಾನನಃ ।
ಕೋಟಿಮನ್ಮಥಲಾವಣ್ಯಶ್ಚನ್ದ್ರಿಕಾಸ್ಮಿತಪೂರಿತಃ ॥ 155 ॥

nīlotpalanibhākāraḥ śoṇāmbhojasamānanaḥ |
koṭimanmathalāvaṇyaścandrikāsmitapūritaḥ || 155 ||

Verse 156

ಸುಧಾಸ್ವಚ್ಛೋರ್ಧ್ವಪುಣ್ಡ್ರಶ್ಚ ಕಸ್ತೂರೀತಿಲಕಾಞ್ಚಿತಃ ।
ಪುಣ್ಡರೀಕೇಕ್ಷಣಃ ಸ್ವಚ್ಛೋ ಮೌಲಿಶೋಭಾವಿರಾಜಿತಃ ॥ 156 ॥

sudhāsvacchordhvapuṇḍraśca kastūrītilakāñcitaḥ |
puṇḍarīkekṣaṇaḥ svaccho mauliśobhāvirājitaḥ || 156 ||

Verse 157

ಪದ್ಮಸ್ಥಃ ಪದ್ಮನಾಭಶ್ಚ ಸೋಮಮಣ್ಡಲಗೋ ಬುಧಃ ।
ವಹ್ನಿಮಣ್ಡಲಗಃ ಸೂರ್ಯಃ ಸೂರ್ಯಮಣ್ಡಲಸಂಸ್ಥಿತಃ ॥ 157 ॥

padmasthaḥ padmanābhaśca somamaṇḍalago budhaḥ |
vahnimaṇḍalagaḥ sūryaḥ sūryamaṇḍalasaṃsthitaḥ || 157 ||

Verse 158

ಶ್ರೀಪತಿರ್ಭೂಮಿಜಾನಿಶ್ಚ ವಿಮಲಾದ್ಯಭಿಸಂವೃತಃ ।
ಜಗತ್ಕುಟುಮ್ಬಜನಿತಾ ರಕ್ಷಕಃ ಕಾಮಿತಪ್ರದಃ ॥ 158 ॥

śrīpatirbhūmijāniśca vimalādyabhisaṃvṛtaḥ |
jagatkuṭumbajanitā rakṣakaḥ kāmitapradaḥ || 158 ||

Verse 159

ಅವಸ್ಥಾತ್ರಯಯನ್ತಾ ಚ ವಿಶ್ವತೇಜಸ್ಸ್ವರೂಪವಾನ್ ।
ಜ್ಞಪ್ತಿರ್ಜ್ಞೇಯೋ ಜ್ಞಾನಗಮ್ಯೋ ಜ್ಞಾನಾತೀತಃ ಸುರಾತಿಗಃ ॥ 159 ॥

avasthātrayayantā ca viśvatejassvarūpavān |
jñaptirjñeyo jñānagamyo jñānātītaḥ surātigaḥ || 159 ||

Verse 160

ಬ್ರಹ್ಮಾಣ್ಡಾನ್ತರ್ಬಹಿರ್ವ್ಯಾಪ್ತೋ ವೇಙ್ಕಟಾದ್ರಿಗದಾಧರಃ ।
ವೇಙ್ಕಟಾದ್ರಿಗದಾಧರ ಓಂ ನಮಃ ಇತಿ ॥
ಏವಂ ಶ್ರೀವೇಙ್ಕಟೇಶಸ್ಯ ಕೀರ್ತಿತಂ ಪರಮಾದ್ಭುತಮ್ ॥ 160 ॥

brahmāṇḍāntarbahirvyāpto veṅkaṭādrigadādharaḥ |
veṅkaṭādrigadādhara oṃ namaḥ iti ||
evaṃ śrīveṅkaṭeśasya kīrtitaṃ paramādbhutam || 160 ||

Verse 1

ನಾಮ್ನಾಂ ಸಹಸ್ರಂ ಸಂಶ್ರಾವ್ಯಂ ಪವಿತ್ರಂ ಪುಣ್ಯವರ್ಧನಮ್ ।
ಶ್ರವಣಾತ್ಸರ್ವದೋಷಘ್ನಂ ರೋಗಘ್ನಂ ಮೃತ್ಯುನಾಶನಮ್ ॥ 1 ॥

nāmnāṃ sahasraṃ saṃśrāvyaṃ pavitraṃ puṇyavardhanam |
śravaṇātsarvadoṣaghnaṃ rogaghnaṃ mṛtyunāśanam || 1 ||

Verse 2

ದಾರಿದ್ರ್ಯಭೇದನಂ ಧರ್ಮ್ಯಂ ಸರ್ವೈಶ್ವರ್ಯಫಲಪ್ರದಮ್ ।
ಕಾಲಾಹಿವಿಷವಿಚ್ಛೇದಿ ಜ್ವರಾಪಸ್ಮಾರಭಞ್ಜನಮ್ ॥ 2 ॥

dāridryabhedanaṃ dharmyaṃ sarvaiśvaryaphalapradam |
kālāhiviṣavicchedi jvarāpasmārabhañjanam || 2 ||

Verse 3

[ಶತ್ರುಕ್ಷಯಕರಂ ರಾಜಗ್ರಹಪೀಡಾನಿವಾರಣಮ್ ।
ಬ್ರಹ್ಮರಾಕ್ಷಸಕೂಷ್ಮಾಣ್ಡಭೇತಾಲಭಯಭಞ್ಜನಮ್ ॥]
ವಿದ್ಯಾಭಿಲಾಷೀ ವಿದ್ಯಾವಾನ್ ಧನಾರ್ಥೀ ಧನವಾನ್ ಭವೇತ್ ।
ಅನನ್ತಕಲ್ಪಜೀವೀ ಸ್ಯಾದಾಯುಷ್ಕಾಮೋ ಮಹಾಯಶಾಃ ॥ 3 ॥

[śatrukṣayakaraṃ rājagrahapīḍānivāraṇam |
brahmarākṣasakūṣmāṇḍabhetālabhayabhañjanam ||]
vidyābhilāṣī vidyāvān dhanārthī dhanavān bhavet |
anantakalpajīvī syādāyuṣkāmo mahāyaśāḥ || 3 ||

Verse 4

ಪುತ್ರಾರ್ಥೀ ಸುಗುಣಾನ್ಪುತ್ರಾನ್ ಲಭೇತಾಽಽಯುಷ್ಮತಸ್ತತಃ ।
ಸಙ್ಗ್ರಾಮೇ ಶತ್ರುವಿಜಯೀ ಸಭಾಯಾಂ ಪ್ರತಿವಾದಿಜಿತ್ ॥ 4 ॥

putrārthī suguṇānputrān labhetā''yuṣmatastataḥ |
saṅgrāme śatruvijayī sabhāyāṃ prativādijit || 4 ||

Verse 5

ದಿವ್ಯೈರ್ನಾಮಭಿರೇಭಿಸ್ತು ತುಲಸೀಪೂಜನಾತ್ಸಕೃತ್ ।
ವೈಕುಣ್ಠವಾಸೀ ಭಗವತ್ಸದೃಶೋ ವಿಷ್ಣುಸನ್ನಿಧೌ ॥ 5 ॥

divyairnāmabhirebhistu tulasīpūjanātsakṛt |
vaikuṇṭhavāsī bhagavatsadṛśo viṣṇusannidhau || 5 ||

Verse 6

ಕಲ್ಹಾರಪೂಜನಾನ್ಮಾಸಾತ್ ದ್ವಿತೀಯ ಇವ ಯಕ್ಷರಾಟ್ ।
ನೀಲೋತ್ಪಲಾರ್ಚನಾತ್ಸರ್ವರಾಜಪೂಜ್ಯಃ ಸದಾ ಭವೇತ್ ॥ 6 ॥

kalhārapūjanānmāsāt dvitīya iva yakṣarāṭ |
nīlotpalārcanātsarvarājapūjyaḥ sadā bhavet || 6 ||

Verse 7

ಹೃತ್ಸಂಸ್ಥಿತೈರ್ನಾಮಭಿಸ್ತು ಭೂಯಾದ್ದೃಗ್ವಿಷಯೋ ಹರಿಃ ।
ವಾಞ್ಛಿತಾರ್ಥಂ ತದಾ ದತ್ವಾ ವೈಕುಣ್ಠಂ ಚ ಪ್ರಯಚ್ಛತಿ ॥ 7 ॥

hṛtsaṃsthitairnāmabhistu bhūyāddṛgviṣayo hariḥ |
vāñchitārthaṃ tadā datvā vaikuṇṭhaṃ ca prayacchati || 7 ||

Verse 8

ತ್ರಿಸನ್ಧ್ಯಂ ಯೋ ಜಪೇನ್ನಿತ್ಯಂ ಸಮ್ಪೂಜ್ಯ ವಿಧಿನಾ ವಿಭುಮ್ ।
ತ್ರಿವಾರಂ ಪಞ್ಚವಾರಂ ವಾ ಪ್ರತ್ಯಹಂ ಕ್ರಮಶೋ ಯಮೀ ॥ 8 ॥

trisandhyaṃ yo japennityaṃ sampūjya vidhinā vibhum |
trivāraṃ pañcavāraṃ vā pratyahaṃ kramaśo yamī || 8 ||

Verse 9

ಮಾಸಾದಲಕ್ಷ್ಮೀನಾಶಃ ಸ್ಯಾತ್ ದ್ವಿಮಾಸಾತ್ ಸ್ಯಾನ್ನರೇನ್ದ್ರತಾ ।
ತ್ರಿಮಾಸಾನ್ಮಹದೈಶ್ವರ್ಯಂ ತತಃ ಸಮ್ಭಾಷಣಂ ಭವೇತ್ ॥ 9 ॥

māsādalakṣmīnāśaḥ syāt dvimāsāt syānnarendratā |
trimāsānmahadaiśvaryaṃ tataḥ sambhāṣaṇaṃ bhavet || 9 ||

Verse 10

ಮಾಸಂ ಪಠನ್ನ್ಯೂನಕರ್ಮಪೂರ್ತಿಂ ಚ ಸಮವಾಪ್ನುಯಾತ್ ।
ಮಾರ್ಗಭ್ರಷ್ಟಶ್ಚ ಸನ್ಮಾರ್ಗಂ ಗತಸ್ವಃ ಸ್ವಂ ಸ್ವಕೀಯಕಮ್ ॥ 10 ॥

māsaṃ paṭhannyūnakarmapūrtiṃ ca samavāpnuyāt |
mārgabhraṣṭaśca sanmārgaṃ gatasvaḥ svaṃ svakīyakam || 10 ||

Verse 11

ಚಾಞ್ಚಲ್ಯಚಿತ್ತೋಽಚಾಞ್ಚಲ್ಯಂ ಮನಸ್ಸ್ವಾಸ್ಥ್ಯಂ ಚ ಗಚ್ಛತಿ ।
ಆಯುರಾರೋಗ್ಯಮೈಶ್ವರ್ಯಂ ಜ್ಞಾನಂ ಮೋಕ್ಷಂ ಚ ವಿನ್ದತಿ ॥ 11 ॥

cāñcalyacitto'cāñcalyaṃ manassvāsthyaṃ ca gacchati |
āyurārogyamaiśvaryaṃ jñānaṃ mokṣaṃ ca vindati || 11 ||

Verse 12

ಸರ್ವಾನ್ಕಾಮಾನವಾಪ್ನೋತಿ ಶಾಶ್ವತಂ ಚ ಪದಂ ತಥಾ ।
ಸತ್ಯಂ ಸತ್ಯಂ ಪುನಸ್ಸತ್ಯಂ ಸತ್ಯಂ ಸತ್ಯಂ ನ ಸಂಶಯಃ ॥ 12 ॥

sarvānkāmānavāpnoti śāśvataṃ ca padaṃ tathā |
satyaṃ satyaṃ punassatyaṃ satyaṃ satyaṃ na saṃśayaḥ || 12 ||

ಇತಿ ಶ್ರೀ ಬ್ರಹ್ಮಾಣ್ಡಪುರಾಣೇ ವಸಿಷ್ಠನಾರದಸಂವಾದೇ ಶ್ರೀವೇಙ್ಕಟಾಚಲಮಾಹಾತ್ಮ್ಯೇ ಶ್ರೀ ವೇಙ್ಕಟೇಶ ಸಹಸ್ರನಾಮ ಸ್ತೋತ್ರಂ ಸಮಾಪ್ತಮ್ ।

Sanskrit — Devanagari (original)

श्रीवसिष्ठ उवाच ।

भगवन् केन विधिना नामभिर्वेङ्कटेश्वरम् ।

पूजयामास तं देवं ब्रह्मा तु कमलैः शुभैः ॥ 1 ॥

पृच्छामि तानि नामानि गुणयोगपराणि किम् ।

मुख्यवृत्तीनि किं ब्रूहि लक्षकाण्यथवा हरेः ॥ 2 ॥

नारद उवाच ।

नामान्यनन्तानि हरेः गुणयोगानि कानि चित् ।

मुख्यवृत्तीनि चान्यानि लक्षकाण्यपराणि च ॥ 3 ॥

परमार्थैः सर्वशब्दैरेको ज्ञेयः परः पुमान् ।

आदिमध्यान्तरहितस्त्वव्यक्तोऽनन्तरूपभृत् ॥ 4 ॥

चन्द्रार्कवह्निवाय्वाद्या ग्रहर्क्षाणि नभो दिशः ।

अन्वयव्यतिरेकाभ्यां सन्ति नो सन्ति यन्मतेः ॥ 5 ॥

तस्य देवस्य नाम्नां हि पारं गन्तुं हि कः क्षमः ।

तथाऽपि चाभिधानानि वेङ्कटेशस्य कानिचित् ॥ 6 ॥

ब्रह्मगीतानि पुण्यानि तानि वक्ष्यामि सुव्रत ।

यदुच्चारणमात्रेण विमुक्ताघः परं व्रजेत् ॥ 7 ॥

वेङ्कटेशस्य नाम्नां हि सहस्रस्य ऋषिर्विधिः ।

छन्दोऽनुष्टुप्तथा देवः श्रीवत्साङ्को रमापतिः ॥ 8 ॥

बीजभूतस्तथोङ्कारो ह्रीं क्लीं शक्तिश्च कीलकम् ।

ॐ नमो वेङ्कटेशायेत्यादिर्मन्त्रोऽत्र कथ्यते ॥ 9 ॥

ब्रह्माण्डगर्भः कवचमस्त्रं चक्रगदाधरः ।

विनियोगोऽभीष्टसिद्धौ हृदयं सामगायनः ॥ 10 ॥

अस्य श्री वेङ्कटेश सहस्रनाम स्तोत्र महामन्त्रस्य ब्रह्मा ऋषिः अनुष्टुप् छन्दः श्रीवत्साङ्को रमापतिर्देवता ॐ बीजं ह्रीं शक्तिः क्लीं कीलकं ब्रह्माण्डगर्भ इति कवचं चक्रगदाधर इत्यस्त्रं सामगानमिति हृदयं ॐ नमो वेङ्कटेशायेत्यादिर्मन्त्रः श्री वेङ्कटेश प्रीत्यर्थे जपे विनियोगः ॥

ध्यानम्

भास्वच्चन्द्रमसौ यदीयनयने भार्या यदीया रमा

यस्माद्विश्वसृडप्यभूद्यमिकुलं यद्ध्यानयुक्तं सदा

नाथो यो जगतां नगेन्द्रदुहितुर्नाथोऽपि यद्भक्तिमान्

तातो यो मदनस्य यो दुरितहा तं वेङ्कटेशं भजे ॥

ऊर्ध्वौ हस्तौ यदीयौ सुररिपुदलने बिभ्रतौ शङ्खचक्रे

सेव्यावङ्घ्री स्वकीयावभिदधदधरो दक्षिणो यस्य पाणिः ।

तावन्मात्रं भवाब्धिं गमयति भजतामूरुगो वामपाणिः

श्रीवत्साङ्कश्च लक्ष्मीर्यदुरसि लसतस्तं भजे वेङ्कटेशम् ॥

इति ध्यायन् वेङ्कटेशं श्रीवत्साङ्कं रमापतिम् ।

वेङ्कटेशो विरूपाक्ष इत्यारभ्य जपेत्क्रमात् ॥

स्तोत्रं

ॐ वेङ्कटेशो विरूपाक्षो विश्वेशो विश्वभावनः ।

विश्वसृड्विश्वसंहर्ता विश्वप्राणो विराड्वपुः ॥ 1 ॥

शेषाद्रिनिलयोऽशेषभक्तदुःखप्रणाशनः ।

शेषस्तुत्यः शेषशायी विशेषज्ञो विभुः स्वभूः ॥ 2 ॥

विष्णुर्जिष्णुश्च वर्धिष्णुरुत्सहिष्णुः सहिष्णुकः ।

भ्राजिष्णुश्च ग्रसिष्णुश्च वर्तिष्णुश्च भरिष्णुकः ॥ 3 ॥

कालयन्ता कालगोप्ता कालः कालान्तकोऽखिलः ।

कालगम्यः कालकण्ठवन्द्यः कालकलेश्वरः ॥ 4 ॥

शम्भुः स्वयम्भूरम्भोजनाभिः स्तम्भितवारिधिः ।

अम्भोधिनन्दिनीजानिः शोणाम्भोजपदप्रभः ॥ 5 ॥

कम्बुग्रीवः शम्बरारिरूपः शम्बरजेक्षणः ।

बिम्बाधरो बिम्बरूपी प्रतिबिम्बक्रियातिगः ॥ 6 ॥

गुणवान् गुणगम्यश्च गुणातीतो गुणप्रियः ।

दुर्गुणध्वंसकृत्सर्वसुगुणो गुणभासकः ॥ 7 ॥

परेशः परमात्मा च परञ्ज्योतिः परा गतिः ।

परं पदं वियद्वासाः पारम्पर्यशुभप्रदः ॥ 8 ॥

ब्रह्माण्डगर्भो ब्रह्मण्यो ब्रह्मसृड्ब्रह्मबोधितः ।

ब्रह्मस्तुत्यो ब्रह्मवादी ब्रह्मचर्यपरायणः ॥ 9 ॥

सत्यव्रतार्थसन्तुष्टः सत्यरूपी झषाङ्गवान् ।

सोमकप्राणहारी चाऽऽनीताम्नायोऽब्धिसञ्चरः ॥ 10 ॥

देवासुरवरस्तुत्यः पतन्मन्दरधारकः ।

धन्वन्तरिः कच्छपाङ्गः पयोनिधिविमन्थकः ॥ 11 ॥

अमरामृतसन्धाता धृतसं‍मोहिनीवपुः ।

हरमोहकमायावी रक्षस्सन्दोहभञ्जनः ॥ 12 ॥

हिरण्याक्षविदारी च यज्ञो यज्ञविभावनः ।

यज्ञीयोर्वीसमुद्धर्ता लीलाक्रोडः प्रतापवान् ॥ 13 ॥

दण्डकासुरविध्वंसी वक्रदंष्ट्रः क्षमाधरः ।

गन्धर्वशापहरणः पुण्यगन्धो विचक्षणः ॥ 14 ॥

करालवक्त्रः सोमार्कनेत्रः षड्गुणवैभवः ।

श्वेतघोणी घूर्णितभ्रूर्घुर्घुरध्वनिविभ्रमः ॥ 15 ॥

द्राघीयान् नीलकेशी च जाग्रदम्बुजलोचनः ।

घृणावान् घृणिसम्मोहो महाकालाग्निदीधितिः ॥ 16 ॥

ज्वालाकरालवदनो महोल्काकुलवीक्षणः ।

सटानिर्भिन्नमेघौघो दंष्ट्रारुग्व्याप्तदिक्तटः ॥ 17 ॥

उच्छ्वासाकृष्टभूतेशो निश्श्वासत्यक्तविश्वसृट् ।

अन्तर्भ्रमज्जगद्गर्भोऽनन्तो ब्रह्मकपालहृत् ॥ 18 ॥

उग्रो वीरो महाविष्णुर्ज्वलनः सर्वतोमुखः ।

नृसिंहो भीषणो भद्रो मृत्युमृत्युः सनातनः ॥ 19 ॥

सभास्तम्भोद्भवो भीमः शीरोमाली महेश्वरः ।

द्वादशादित्यचूडालः कल्पधूमसटाच्छविः ॥ 20 ॥

हिरण्यकोरःस्थलभिन्नखः सिंहमुखोऽनघः ।

प्रह्लादवरदो धीमान् भक्तसङ्घप्रतिष्ठितः ॥ 21 ॥

ब्रह्मरुद्रादिसंसेव्यः सिद्धसाध्यप्रपूजितः ।

लक्ष्मीनृसिंहो देवेशो ज्वालाजिह्वान्त्रमालिकः ॥ 22 ॥

खड्गी खेटी महेष्वासी कपाली मुसली हली ।

पाशी शूली महाबाहुर्ज्वरघ्नो रोगलुण्ठकः ॥ 23 ॥

मौञ्जीयुक् छात्रको दण्डी कृष्णाजिनधरो वटुः ।

अधीतवेदो वेदान्तोद्धारको ब्रह्मनैष्ठिकः ॥ 24 ॥

अहीनशयनप्रीतः आदितेयोऽनघो हरिः ।

संवित्प्रियः सामवेद्यो बलिवेश्मप्रतिष्ठितः ॥ 25 ॥

बलिक्षालितपादाब्जो विन्ध्यावलिविमानितः ।

त्रिपादभूमिस्वीकर्ता विश्वरूपप्रदर्शकः ॥ 26 ॥

धृतत्रिविक्रमः स्वाङ्घ्रिनखभिन्नाण्डखर्परः ।

पज्जातवाहिनीधारापवित्रितजगत्त्रयः ॥ 27 ॥

विधिसम्मानितः पुण्यो दैत्ययोद्धा जयोर्जितः ।

सुरराज्यप्रदः शुक्रमदहृत्सुगतीश्वरः ॥ 28 ॥

जामदग्न्यः कुठारी च कार्तवीर्यविदारणः ।

रेणुकायाः शिरोहारी दुष्टक्षत्रियमर्दनः ॥ 29 ॥

वर्चस्वी दानशीलश्च धनुष्मान् ब्रह्मवित्तमः ।

अत्युदग्रः समग्रश्च न्यग्रोधो दुष्टनिग्रहः ॥ 30 ॥

रविवंशसमुद्भूतो राघवो भरताग्रजः ।

कौसल्यातनयो रामो विश्वामित्रप्रियङ्करः ॥ 31 ॥

ताटकारिः सुबाहुघ्नो बलातिबलमन्त्रवान् ।

अहल्याशापविच्छेदी प्रविष्टजनकालयः ॥ 32 ॥

स्वयंवरसभासंस्थ ईशचापप्रभञ्जनः ।

जानकीपरिणेता च जनकाधीशसंस्तुतः ॥ 33 ॥

जमदग्नितनूजातयोद्धाऽयोध्याधिपाग्रणीः ।

पितृवाक्यप्रतीपालस्त्यक्तराज्यः सलक्ष्मणः ॥ 34 ॥

ससीतश्चित्रकूटस्थो भरताहितराज्यकः ।

काकदर्पप्रहर्ता च दण्डकारण्यवासकः ॥ 35 ॥

पञ्चवट्यां विहारी च स्वधर्मपरिपोषकः ।

विराधहाऽगस्त्यमुख्यमुनिसम्मानितः पुमान् ॥ 36 ॥

इन्द्रचापधरः खड्गधरश्चाक्षयसायकः ।

खरान्तको दूषणारिस्त्रिशिरस्करिपुर्वृषः ॥ 37 ॥

ततः शूर्पणखानासाच्छेत्ता वल्कलधारकः ।

जटावान् पर्णशालास्थो मारीचबलमर्दकः ॥ 38 ॥

पक्षिराट्कृतसंवादो रवितेजा महाबलः ।

शबर्यानीतफलभुक् हनूमत्परितोषितः ॥ 39 ॥

सुग्रीवाऽभयदो दैत्यकायक्षेपणभासुरः ।

सप्ततालसमुच्छेत्ता वालिहृत्कपिसंवृतः ॥ 40 ॥

वायुसूनुकृतासेवस्त्यक्तपम्पः कुशासनः ।

उदन्वत्तीरगः शूरो विभीषणवरप्रदः ॥ 41 ॥

सेतुकृद्दैत्यहा प्राप्तलङ्कोऽलङ्कारवान् स्वयम् ।

अतिकायशिरश्छेत्ता कुम्भकर्णविभेदनः ॥ 42 ॥

दशकण्ठशिरोध्वंसी जाम्बवत्प्रमुखावृतः ।

जानकीशः सुराध्यक्षः साकेतेशः पुरातनः ॥ 43 ॥

पुण्यश्लोको वेदवेद्यः स्वामितीर्थनिवासकः ।

लक्ष्मीसरःकेलिलोलो लक्ष्मीशो लोकरक्षकः ॥ 44 ॥

देवकीगर्भसम्भूतो यशोदेक्षणलालितः ।

वसुदेवकृतस्तोत्रो नन्दगोपमनोहरः ॥ 45 ॥

चतुर्भुजः कोमलाङ्गो गदावान्नीलकुन्तलः ।

पूतनाप्राणसंहर्ता तृणावर्तविनाशनः ॥ 46 ॥

गर्गारोपितनामाङ्को वासुदेवो ह्यधोक्षजः ।

गोपिकास्तन्यपायी च बलभद्रानुजोऽच्युतः ॥ 47 ॥

वैयाघ्रनखभूषश्च वत्सजिद्वत्सवर्धनः ।

क्षीरसाराशनरतो दधिभाण्डप्रमर्दनः ॥ 48 ॥

नवनीतापहर्ता च नीलनीरदभासुरः ।

आभीरदृष्टदौर्जन्यो नीलपद्मनिभाननः ॥ 49 ॥

मातृदर्शितविश्वाऽऽस्य उलूखलनिबन्धनः ।

नलकूबरशापान्तो गोधूलिच्छुरिताङ्गकः ॥ 50 ॥

गोसङ्घरक्षकः श्रीशो बृन्दारण्यनिवासकः ।

वत्सान्तको बकद्वेषी दैत्याम्बुदमहानिलः ॥ 51 ॥

महाजगरचण्डाग्निः शकटप्राणकण्टकः ।

इन्द्रसेव्यः पुण्यगात्रः खरजिच्चण्डदीधितिः ॥ 52 ॥

तालपक्वफलाशी च कालीयफणिदर्पहा ।

नागपत्नीस्तुतिप्रीतः प्रलम्बासुरखण्डनः ॥ 53 ॥

दावाग्निबलसंहारी फलाहारी गदाग्रजः ।

गोपाङ्गनाचेलचोरः पाथोलीलाविशारदः ॥ 54 ॥

वंशगानप्रवीणश्च गोपीहस्ताम्बुजार्चितः ।

मुनिपत्न्याहृताहारो मुनिश्रेष्ठो मुनिप्रियः ॥ 55 ॥

गोवर्धनाद्रिसन्धर्ता सङ्क्रन्दनतमोऽपहः ।

सदुद्यानविलासी च रासक्रीडापरायणः ॥ 56 ॥

वरुणाभ्यर्चितो गोपीप्रार्थितः पुरुषोत्तमः ।

अक्रूरस्तुतिसम्प्रीतः कुब्जायौवनदायकः ॥ 57 ॥

मुष्टिकोरःप्रहारी च चाणूरोदरदारणः ।

मल्लयुद्धाग्रगण्यश्च पितृबन्धनमोचकः ॥ 58 ॥

मत्तमातङ्गपञ्चास्यः कंसग्रीवानिकृन्तनः ।

उग्रसेनप्रतिष्ठाता रत्नसिंहासनस्थितः ॥ 59 ॥

कालनेमिखलद्वेषी मुचुकुन्दवरप्रदः ।

साल्वसेवितदुर्धर्षराजस्मयनिवारणः ॥ 60 ॥

रुक्मिगर्वापहारी च रुक्मिणीनयनोत्सवः ।

प्रद्युम्नजनकः कामी प्रद्युम्नो द्वारकाधिपः ॥ 61 ॥

मण्याहर्ता महामायो जाम्बवत्कृतसङ्गरः ।

जाम्बूनदाम्बरधरो गम्यो जाम्बवतीविभुः ॥ 62 ॥

कालिन्दीप्रथितारामकेलिर्गुञ्जावतंसकः ।

मन्दारसुमनोभास्वान् शचीशाभीष्टदायकः ॥ 63 ॥

सत्राजिन्मानसोल्लासी सत्याजानिः शुभावहः ।

शतधन्वहरः सिद्धः पाण्डवप्रियकोत्सवः ॥ 64 ॥

भद्रप्रियः सुभद्राया भ्राता नाग्नाजितीविभुः ।

किरीटकुण्डलधरः कल्पपल्लवलालितः ॥ 65 ॥

भैष्मीप्रणयभाषावान् मित्रविन्दाधिपोऽभयः ।

स्वमूर्तिकेलिसम्प्रीतो लक्ष्मणोदारमानसः ॥ 66 ॥

प्राग्ज्योतिषाधिपध्वंसी तत्सैन्यान्तकरोऽमृतः ।

भूमिस्तुतो भूरिभोगो भूषणाम्बरसंयुतः ॥ 67 ॥

बहुरामाकृताह्लादो गन्धमाल्यानुलेपनः ।

नारदादृष्टचरितो देवेशो विश्वराड्गुरुः ॥ 68 ॥

बाणबाहुविदारश्च तापज्वरविनाशकः ।

उषोद्धर्षयिताऽव्यक्तः शिववाक्तुष्टमानसः ॥ 69 ॥

महेशज्वरसंस्तुत्यः शीतज्वरभयान्तकः ।

नृगराजोद्धारकश्च पौण्ड्रकादिवधोद्यतः ॥ 70 ॥

विविधारिच्छलोद्विग्नब्राह्मणेषु दयापरः ।

जरासन्धबलद्वेषी केशिदैत्यभयङ्करः ॥ 71 ॥

चक्री चैद्यान्तकः सभ्यो राजबन्धविमोचकः ।

राजसूयहविर्भोक्ता स्निग्धाङ्गः शुभलक्षणः ॥ 72 ॥

धानाभक्षणसम्प्रीतः कुचेलाभीष्टदायकः ।

सत्त्वादिगुणगम्भीरो द्रौपदीमानरक्षकः ॥ 73 ॥

भीष्मध्येयो भक्तवश्यो भीमपूज्यो दयानिधिः ।

दन्तवक्त्रशिरश्छेत्ता कृष्णः कृष्णासखः स्वराट् ॥ 74 ॥

वैजयन्तीप्रमोदी च बर्हिबर्हविभूषणः ।

पार्थकौरवसन्धानकारी दुश्शासनान्तकः ॥ 75 ॥

बुद्धो विशुद्धः सर्वज्ञः क्रतुहिंसाविनिन्दकः ।

त्रिपुरस्त्रीमानभङ्गः सर्वशास्त्रविशारदः ॥ 76 ॥

निर्विकारो निर्ममश्च निराभासो निरामयः ।

जगन्मोहकधर्मी च दिग्वस्त्रो दिक्पतीश्वरः ॥ 77 ॥

कल्की म्लेच्छप्रहर्ता च दुष्टनिग्रहकारकः ।

धर्मप्रतिष्टाकारी च चातुर्वर्ण्यविभागकृत् ॥ 78 ॥

युगान्तको युगाक्रान्तो युगकृद्युगभासकः ।

कामारिः कामकारी च निष्कामः कामितार्थदः ॥ 79 ॥

भर्गो वरेण्यः सवितुः शार्ङ्गी वैकुण्ठमन्दिरः ।

हयग्रीवः कैटभारिः ग्राहघ्नो गजरक्षकः ॥ 80 ॥

सर्वसंशयविच्छेत्ता सर्वभक्तसमुत्सुकः ।

कपर्दी कामहारी च कला काष्ठा स्मृतिर्धृतिः ॥ 81 ॥

अनादिरप्रमेयौजाः प्रधानः सन्निरूपकः ।

निर्लेपो निःस्पृहोऽसङ्गो निर्भयो नीतिपारगः ॥ 82 ॥

निष्प्रेष्यो निष्क्रियः शान्तो निष्प्रपञ्चो निधिर्नयः

कर्म्यकर्मी विकर्मी च कर्मेप्सुः कर्मभावनः ॥ 83 ॥

कर्माङ्गः कर्मविन्यासो महाकर्मी महाव्रती ।

कर्मभुक्कर्मफलदः कर्मेशः कर्मनिग्रहः ॥ 84 ॥

नरो नारायणो दान्तः कपिलः कामदः शुचिः ।

तप्ता जप्ताऽक्षमालावान् गन्ता नेता लयो गतिः ॥ 85 ॥

शिष्टो द्रष्टा रिपुद्वेष्टा रोष्टा वेष्टा महानटः ।

रोद्धा बोद्धा महायोद्धा श्रद्धावान् सत्यधीः शुभः ॥ 86 ॥

मन्त्री मन्त्रो मन्त्रगम्यो मन्त्रकृत्परमन्त्रहृत् ।

मन्त्रभृन्मन्त्रफलदो मन्त्रेशो मन्त्रविग्रहः ॥ 87 ॥

मन्त्राङ्गो मन्त्रविन्यासो महामन्त्रो महाक्रमः ।

स्थिरधीः स्थिरविज्ञानः स्थिरप्रज्ञः स्थिरासनः ॥ 88 ॥

स्थिरयोगः स्थिराधारः स्थिरमार्गः स्थिरागमः ।

निश्श्रेयसो निरीहोऽग्निर्निरवद्यो निरञ्जनः ॥ 89 ॥

निर्वैरो निरहङ्कारो निर्दम्भो निरसूयकः ।

अनन्तोऽनन्तबाहूरुरनन्ताङ्घ्रिरनन्तदृक् ॥ 90 ॥

अनन्तवक्त्रोऽनन्ताङ्गोऽनन्तरूपो ह्यनन्तकृत् ।

ऊर्ध्वरेता ऊर्ध्वलिङ्गो ह्यूर्ध्वमूर्धोर्ध्वशाखकः ॥ 91 ॥

ऊर्ध्व ऊर्ध्वाध्वरक्षी च ह्यूर्ध्वज्वालो निराकुलः ।

बीजं बीजप्रदो नित्यो निदानं निष्कृतिः कृती ॥ 92 ॥

महानणीयन् गरिमा सुषमा चित्रमालिकः ।

नभः स्पृङ्नभसो ज्योतिर्नभस्वान्निर्नभा नभः ॥ 93 ॥

अभुर्विभुः प्रभुः शम्भुर्महीयान् भूर्भुवाकृतिः ।

महानन्दो महाशूरो महोराशिर्महोत्सवः ॥ 94 ॥

महाक्रोधो महाज्वालो महाशान्तो महागुणः ।

सत्यव्रतः सत्यपरः सत्यसन्धः सतां गतिः ॥ 95 ॥

सत्येशः सत्यसङ्कल्पः सत्यचारित्रलक्षणः ।

अन्तश्चरो ह्यन्तरात्मा परमात्मा चिदात्मकः ॥ 96 ॥

रोचनो रोचमानश्च साक्षी शौरिर्जनार्दनः ।

मुकुन्दो नन्दनिष्पन्दः स्वर्णबिन्दुः पुरन्दरः ॥ 97 ॥

अरिन्दमः सुमन्दश्च कुन्दमन्दारहासवान् ।

स्यन्दनारूढचण्डाङ्गो ह्यानन्दी नन्दनन्दनः ॥ 98 ॥

अनसूयानन्दनोऽत्रिनेत्रानन्दः सुनन्दवान् ।

शङ्खवान्पङ्कजकरः कुङ्कुमाङ्को जयाङ्कुशः ॥ 99 ॥

अम्भोजमकरन्दाढ्यो निष्पङ्कोऽगरुपङ्किलः ।

इन्द्रश्चन्द्ररथश्चन्द्रोऽतिचन्द्रश्चन्द्रभासकः ॥ 100 ॥

उपेन्द्र इन्द्रराजश्च वागिन्द्रश्चन्द्रलोचनः ।

प्रत्यक् पराक् परन्धाम परमार्थः परात्परः ॥ 101 ॥

अपारवाक् पारगामी पारावारः परावरः ।

सहस्वानर्थदाता च सहनः साहसी जयी ॥ 102 ॥

तेजस्वी वायुविशिखी तपस्वी तापसोत्तमः ।

ऐश्वर्योद्भूतिकृद्भूतिरैश्वर्याङ्गकलापवान् ॥ 103 ॥

अम्भोधिशायी भगवान् सर्वज्ञः सामपारगः ।

महायोगी महाधीरो महाभोगी महाप्रभुः ॥ 104 ॥

महावीरो महातुष्टिर्महापुष्टिर्महागुणः ।

महादेवो महाबाहुर्महाधर्मो महेश्वरः ॥ 105 ॥

समीपगो दूरगामी स्वर्गमार्गनिरर्गलः ।

नगो नगधरो नागो नागेशो नागपालकः ॥ 106 ॥

हिरण्मयः स्वर्णरेता हिरण्यार्चिर्हिरण्यदः ।

गुणगण्यः शरण्यश्च पुण्यकीर्तिः पुराणगः ॥ 107 ॥

जन्यभृज्जन्यसन्नद्धो दिव्यपञ्चायुधो वशी ।

दौर्जन्यभङ्गः पर्जन्यः सौजन्यनिलयोऽलयः ॥ 108 ॥

जलन्धरान्तको भस्मदैत्यनाशी महामनाः ।

श्रेष्ठः श्रविष्ठो द्राघिष्ठो गरिष्ठो गरुडध्वजः ॥ 109 ॥

ज्येष्ठो द्रढिष्ठो वर्षिष्ठो द्राघीयान् प्रणवः फणी ।

सम्प्रदायकरः स्वामी सुरेशो माधवो मधुः ॥ 110 ॥

निर्निमेषो विधिर्वेधा बलवान् जीवनं बली ।

स्मर्ता श्रोता विकर्ता च ध्याता नेता समोऽसमः ॥ 111 ॥

होता पोता महावक्ता रन्ता मन्ता खलान्तकः ।

दाता ग्राहयिता माता नियन्ताऽनन्तवैभवः ॥ 112 ॥

गोप्ता गोपयिता हन्ता धर्मजागरिता धवः ।

कर्ता क्षेत्रकरः क्षेत्रप्रदः क्षेत्रज्ञ आत्मवित् ॥ 113 ॥

क्षेत्री क्षेत्रहरः क्षेत्रप्रियः क्षेमकरो मरुत् ।

भक्तिप्रदो मुक्तिदायी शक्तिदो युक्तिदायकः ॥ 114 ॥

शक्तियुङ्मौक्तिकस्रग्वी सूक्तिराम्नायसूक्तिगः ।

धनञ्जयो धनाध्यक्षो धनिको धनदाधिपः ॥ 115 ॥

महाधनो महामानी दुर्योधनविमानितः ।

रत्नाकरो रत्नरोची रत्नगर्भाश्रयः शुचिः ॥ 116 ॥

रत्नसानुनिधिर्मौलिरत्नभा रत्नकङ्कणः ।

अन्तर्लक्ष्योऽन्तरभ्यासी चान्तर्ध्येयो जितासनः ॥ 117 ॥

अन्तरङ्गो दयावांश्च ह्यन्तर्मायो महार्णवः ।

सरसः सिद्धरसिकः सिद्धिः साध्यः सदागतिः ॥ 118 ॥

आयुःप्रदो महायुष्मानर्चिष्मानोषधीपतिः ।

अष्टश्रीरष्टभागोऽष्टककुब्व्याप्तयशो व्रती ॥ 119 ॥

अष्टापदः सुवर्णाभो ह्यष्टमूर्तिस्त्रिमूर्तिमान् ।

अस्वप्नः स्वप्नगः स्वप्नः सुस्वप्नफलदायकः ॥ 120 ॥

दुःस्वप्नध्वंसको ध्वस्तदुर्निमित्तः शिवङ्करः ।

सुवर्णवर्णः सम्भाव्यो वर्णितो वर्णसम्मुखः ॥ 121 ॥

सुवर्णमुखरीतीरशिवध्यातपदाम्बुजः ।

दाक्षायणीवचस्तुष्टो दूर्वासोदृष्टिगोचरः ॥ 122 ॥

अम्बरीषव्रतप्रीतो महाकृत्तिविभञ्जनः ।

महाभिचारकध्वंसी कालसर्पभयान्तकः ॥ 123 ॥

सुदर्शनः कालमेघश्यामः श्रीमन्त्रभावितः ।

हेमाम्बुजसरःस्नायी श्रीमनोभाविताकृतिः ॥ 124 ॥

श्रीप्रदत्ताम्बुजस्रग्वी श्रीकेलिः श्रीनिधिर्भवः ।

श्रीप्रदो वामनो लक्ष्मीनायकश्च चतुर्भुजः ॥ 125 ॥

सन्तृप्तस्तर्पितस्तीर्थस्नातृसौख्यप्रदर्शकः ।

अगस्त्यस्तुतिसंहृष्टो दर्शिताव्यक्तभावनः ॥ 126 ॥

कपिलार्चिः कपिलवान् सुस्नाताघविपाटनः ।

वृषाकपिः कपिस्वामिमनोऽन्तःस्थितविग्रहः ॥ 127 ॥

वह्निप्रियोऽर्थसम्भाव्यो जनलोकविधायकः ।

वह्निप्रभो वह्नितेजाः शुभाभीष्टप्रदो यमी ॥ 128 ॥

वारुणक्षेत्रनिलयो वरुणो वारणार्चितः ।

वायुस्थानकृतावासो वायुगो वायुसम्भृतः ॥ 129 ॥

यमान्तकोऽभिजननो यमलोकनिवारणः ।

यमिनामग्रगण्यश्च संयमी यमभावितः ॥ 130 ॥

इन्द्रोद्यानसमीपस्थः इन्द्रदृग्विषयः प्रभुः ।

यक्षराट् सरसीवासो ह्यक्षय्यनिधिकोशकृत् ॥ 131 ॥

स्वामितीर्थकृतावासः स्वामिध्येयो ह्यधोक्षजः ।

वराहाद्यष्टतीर्थाभिसेविताङ्घ्रिसरोरुहः ॥ 132 ॥

पाण्डुतीर्थाभिषिक्ताङ्गो युधिष्ठिरवरप्रदः ।

भीमान्तःकरणारूढः श्वेतवाहनसख्यवान् ॥ 133 ॥

नकुलाभयदो माद्रीसहदेवाभिवन्दितः ।

कृष्णाशपथसन्धाता कुन्तीस्तुतिरतो दमी ॥ 134 ॥

नारदादिमुनिस्तुत्यो नित्यकर्मपरायणः ।

दर्शिताव्यक्तरूपश्च वीणानादप्रमोदितः ॥ 135 ॥

षट्कोटितीर्थचर्यावान् देवतीर्थकृताश्रमः ।

बिल्वामलजलस्नायी सरस्वत्यम्बुसेवितः ॥ 136 ॥

तुम्बुरूदकसंस्पर्शजनचित्ततमोऽपहः ।

मत्स्यवामनकूर्मादितीर्थराजः पुराणभृत् ॥ 137 ॥

चक्रध्येयपदाम्भोजः शङ्खपूजितपादुकः ।

रामतीर्थविहारी च बलभद्रप्रतिष्ठितः ॥ 138 ॥

जामदग्न्यसरस्तीर्थजलसेचनतर्पितः ।

पापापहारिकीलालसुस्नाताघविनाशनः ॥ 139 ॥

नभोगङ्गाभिषिक्तश्च नागतीर्थाभिषेकवान् ।

कुमारधारातीर्थस्थो वटुवेषः सुमेखलः ॥ 140 ॥

वृद्धस्य सुकुमारत्वप्रदः सौन्दर्यवान् सुखी ।

प्रियंवदो महाकुक्षिरिक्ष्वाकुकुलनन्दनः ॥ 141 ॥

नीलगोक्षीरधाराभूर्वराहाचलनायकः ।

भरद्वाजप्रतिष्ठावान् बृहस्पतिविभावितः ॥ 142 ॥

अञ्जनाकृतपूजावान् आञ्जनेयकरार्चितः ।

अञ्जनाद्रिनिवासश्च मुञ्जकेशः पुरन्दरः ॥ 143 ॥

किन्नरद्वयसम्बन्धिबन्धमोक्षप्रदायकः ।

वैखानसमखारम्भो वृषज्ञेयो वृषाचलः ॥ 144 ॥

वृषकायप्रभेत्ता च क्रीडनाचारसम्भ्रमः ।

सौवर्चलेयविन्यस्तराज्यो नारायणः प्रियः ॥ 145 ॥

दुर्मेधोभञ्जकः प्राज्ञो ब्रह्मोत्सवमहोत्सुकः ।

भद्रासुरशिरश्छेत्ता भद्रक्षेत्री सुभद्रवान् ॥ 146 ॥

मृगयाऽक्षीणसन्नाहः शङ्खराजन्यतुष्टिदः ।

स्थाणुस्थो वैनतेयाङ्गभावितो ह्यशरीरवान् ॥ 147 ॥

भोगीन्द्रभोगसंस्थानो ब्रह्मादिगणसेवितः ।

सहस्रार्कच्छटाभास्वद्विमानान्तःस्थितो गुणी ॥ 148 ॥

विष्वक्सेनकृतस्तोत्रः सनन्दनवरीवृतः ।

जाह्नव्यादिनदीसेव्यः सुरेशाद्यभिवन्दितः ॥ 149 ॥

सुराङ्गनानृत्यपरो गन्धर्वोद्गायनप्रियः ।

राकेन्दुसङ्काशनखः कोमलाङ्घ्रिसरोरुहः ॥ 150 ॥

कच्छपप्रपदः कुन्दगुल्फकः स्वच्छकूर्परः ।

मेदुरस्वर्णवस्त्राढ्यकटिदेशस्थमेखलः ॥ 151 ॥

प्रोल्लसच्छुरिकाभास्वत्कटिदेशः शुभङ्करः ।

अनन्तपद्मजस्थाननाभिर्मौक्तिकमालिकः ॥ 152 ॥

मन्दारचाम्पेयमाली रत्नाभरणसम्भृतः ।

लम्बयज्ञोपवीती च चन्द्रश्रीखण्डलेपवान् ॥ 153 ॥

वरदोऽभयदश्चक्री शङ्खी कौस्तुभदीप्तिमान् ।

श्रीवत्साङ्कितवक्षस्को लक्ष्मीसंश्रितहृत्तटः ॥ 154 ॥

नीलोत्पलनिभाकारः शोणाम्भोजसमाननः ।

कोटिमन्मथलावण्यश्चन्द्रिकास्मितपूरितः ॥ 155 ॥

सुधास्वच्छोर्ध्वपुण्ड्रश्च कस्तूरीतिलकाञ्चितः ।

पुण्डरीकेक्षणः स्वच्छो मौलिशोभाविराजितः ॥ 156 ॥

पद्मस्थः पद्मनाभश्च सोममण्डलगो बुधः ।

वह्निमण्डलगः सूर्यः सूर्यमण्डलसंस्थितः ॥ 157 ॥

श्रीपतिर्भूमिजानिश्च विमलाद्यभिसंवृतः ।

जगत्कुटुम्बजनिता रक्षकः कामितप्रदः ॥ 158 ॥

अवस्थात्रययन्ता च विश्वतेजस्स्वरूपवान् ।

ज्ञप्तिर्ज्ञेयो ज्ञानगम्यो ज्ञानातीतः सुरातिगः ॥ 159 ॥

ब्रह्माण्डान्तर्बहिर्व्याप्तो वेङ्कटाद्रिगदाधरः ।

वेङ्कटाद्रिगदाधर ॐ नमः इति ॥

एवं श्रीवेङ्कटेशस्य कीर्तितं परमाद्भुतम् ॥ 160 ॥

नाम्नां सहस्रं संश्राव्यं पवित्रं पुण्यवर्धनम् ।

श्रवणात्सर्वदोषघ्नं रोगघ्नं मृत्युनाशनम् ॥ 1 ॥

दारिद्र्यभेदनं धर्म्यं सर्वैश्वर्यफलप्रदम् ।

कालाहिविषविच्छेदि ज्वरापस्मारभञ्जनम् ॥ 2 ॥

[शत्रुक्षयकरं राजग्रहपीडानिवारणम् ।

ब्रह्मराक्षसकूष्माण्डभेतालभयभञ्जनम् ॥]

विद्याभिलाषी विद्यावान् धनार्थी धनवान् भवेत् ।

अनन्तकल्पजीवी स्यादायुष्कामो महायशाः ॥ 3 ॥

पुत्रार्थी सुगुणान्पुत्रान् लभेताऽऽयुष्मतस्ततः ।

सङ्ग्रामे शत्रुविजयी सभायां प्रतिवादिजित् ॥ 4 ॥

दिव्यैर्नामभिरेभिस्तु तुलसीपूजनात्सकृत् ।

वैकुण्ठवासी भगवत्सदृशो विष्णुसन्निधौ ॥ 5 ॥

कल्हारपूजनान्मासात् द्वितीय इव यक्षराट् ।

नीलोत्पलार्चनात्सर्वराजपूज्यः सदा भवेत् ॥ 6 ॥

हृत्संस्थितैर्नामभिस्तु भूयाद्दृग्विषयो हरिः ।

वाञ्छितार्थं तदा दत्वा वैकुण्ठं च प्रयच्छति ॥ 7 ॥

त्रिसन्ध्यं यो जपेन्नित्यं सम्पूज्य विधिना विभुम् ।

त्रिवारं पञ्चवारं वा प्रत्यहं क्रमशो यमी ॥ 8 ॥

मासादलक्ष्मीनाशः स्यात् द्विमासात् स्यान्नरेन्द्रता ।

त्रिमासान्महदैश्वर्यं ततः सम्भाषणं भवेत् ॥ 9 ॥

मासं पठन्न्यूनकर्मपूर्तिं च समवाप्नुयात् ।

मार्गभ्रष्टश्च सन्मार्गं गतस्वः स्वं स्वकीयकम् ॥ 10 ॥

चाञ्चल्यचित्तोऽचाञ्चल्यं मनस्स्वास्थ्यं च गच्छति ।

आयुरारोग्यमैश्वर्यं ज्ञानं मोक्षं च विन्दति ॥ 11 ॥

सर्वान्कामानवाप्नोति शाश्वतं च पदं तथा ।

सत्यं सत्यं पुनस्सत्यं सत्यं सत्यं न संशयः ॥ 12 ॥

इति श्री ब्रह्माण्डपुराणे वसिष्ठनारदसंवादे श्रीवेङ्कटाचलमाहात्म्ये श्री वेङ्कटेश सहस्रनाम स्तोत्रं समाप्तम् ।

🕉️ This is the original Sanskrit rendered in Kannada script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ಶ್ರೀ ವೇಙ್ಕಟೇಶ್ವರ ಸಹಸ್ರನಾಮ ಸ್ತೋತ್ರಮ್